BTV NEWS

ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ២០២៦តទៅ

សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បីសម្រេចលើរបៀបវារៈចំនួន៧

បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួមជីវភាពនយោបាយ ជាមួយគណបក្សប្រជាជនកម្ពុជា

ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបានសម្ពោធដាក់ឲ្យប្រើប្រាស់ជាផ្លូវការនៅថ្ងៃនេះ

នយោបាយ និង ការអភិវឌ្ឍន៍

ឯកឧត្ដម កែ គឹមយ៉ាន អញ្ជើញបិទយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥

បន្ទាយមានជ័យ៖ នាព្រឹកថ្ងៃទី២៣ ខែកុម្ភៈ ឆ្នាំ២០២៤ឯកឧត្ដម កែ គឹមយ៉ាន សមាជិក គណៈ អចិន្ត្រៃយ៍ គណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តបន្ទាយមានជ័យអមដោយក្រុមការងារគ្រប់ថ្នាក់អញ្ជើញជាអធិបតីក្នុងពិធីបិទយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ដោយមានការអញ្ជើញចូលរួមពីសមាជិកព្រឹទ្ធសភា រដ្ឋសភាសមាជិកក្រុមការងារគណបក្សចុះមូលដ្ឋានខេត្តបន្ទាយមានជ័យ។ ជាមួយនឹងការពាំនាំការសួរសុខទុក្ខពីថ្នាក់ដឹកនាំពិសេសសម្តេចតេជោហ៊ុន សែន ប្រធានគណបក្ស ក្នុងនាមគណបក្សប្រជាជនកម្ពុជា នាឱកាសនោះឯកឧត្តម កែ គឹមយ៉ាន បានថ្លែងនូវការកោតសរសើរ អរគុណ និងវាយតម្លៃខ្ពស់ចំពោះសមាជិកគណបក្សប្រជាជនកម្ពុជាក្នុងរយៈកាល ១៤ថ្ងៃ បានធ្វើសកម្មភាពឃោសនា និងផ្សព្វផ្សាយពីសមិទ្ធផល កម្មវិធី គោលនយោបាយនានារបស់គណបក្សទទួលបាននូវការគាំទ្រ និងសាទរពីសមាជិក សមាជិកាក្រុមប្រឹក្សាឃុំ សង្កាត់ ដែលជាអង្គបោះឆ្នោត ក៏ដូចជាសមាជិកគណបក្សទាំងអស់នៅទូទាំងខេត្តបន្ទាយមានជ័យហើយសង្ឃឹមជឿជាក់ថានឹងទទួលបានការគាំទ្រយ៉ាងពេញទំហឹងទទួលបានជ័យជម្នះតាមផែនការរួមឆ្ពោះទៅកាន់ការបោះឆ្នោតព្រឹទ្ធសភានីតិកាលទី៥ ។ ក្នុងឱកាសនោះដែរ ឯកឧត្តម កែ គឹមយ៉ាន ក៏បានកោតសរសើរ និងវាយតម្លៃខ្ពស់ចំពោះអាជ្ញាធរពាក់ព័ន្ធគ្រប់លំដាប់ថ្នាក់ព្រមទាំងប្រជាពលរដ្ឋទាំងអស់នៅក្នុងខេត្តបន្ទាយមានជ័យ ដែលខិតខំចូលរួមថែរក្សាសន្តិសុខ សណ្តាប់ធ្នាប់ និងបានបង្កលក្ខណៈងាយស្រួលដល់គណបក្សនយោបាយនានា នៅក្នុងរយៈពេល២សប្តាហ៍ នៃយុទ្ធនាការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ និងគោរពដឹងគុណ ស្រឡាញ់ មោទនភាព ចំពោះសមាជិក គណបក្ស និងជនរួមជាតិទាំងអស់ដែលតែងតែផ្ដល់យុត្តិធម៌ ផ្ដល់ជំនឿ និងផ្ដល់ការគាំទ្រយ៉ាងធំធេងចំពោះការដឹកនាំរបស់គណបក្សប្រជាជនកម្ពុជា នៅគ្រប់ដំណាក់កាលប្រវត្តិសាស្រ្តរបស់កម្ពុជា រួមសាមគ្គីគ្នាជាមហាគ្រួសារតែមួយ ដើម្បីសុខដុមនីយកម្មសហគមន៍ និងអភិវឌ្ឍមូលដ្ឋាននៅក្រោមម្លប់នៃសន្តិភាព។ ជាមួយគ្នានេះដែរ ឯកឧត្តម កែ គឹមយ៉ាន បានណែនាំឱ្យសមាជិកទាំងអស់ត្រូវចូលរួមធានាសន្តិសុខ និងសុវត្ថិភាព១០០ភាគរយ គ្មានអំពើហិង្សា ឬបាតុភាពនានា ដែលរារាំងឬបំផ្លាញការបោះឆ្នោតដោយសហការល្អជាមួយនឹង គ.ជ.ប របស់ខេត្ត និងអាជ្ញាធរមូលដ្ឋានពាក់ព័ន្ធឲ្យបានម៉ត់ចត់ អង្គបោះឆ្នោតត្រូវថែទាំសុខភាព ត្រៀមឯកសារ សម្រាប់ទៅបោះឆ្នោតជូនគណបក្សប្រជាជនកម្ពុជាដែលមានលេខរៀងទី១ទាំងអស់គ្នានៅថ្ងៃអាទិត្យ ទី២៥ ខែកុម្ភៈ ឆ្នាំ២០២៤ ដើម្បីបន្តបម្រើប្រជាពលរដ្ឋ និងអភិវឌ្ឍខេត្តបន្ទាយមានជ័យឲ្យបានកាន់តែរីកចម្រើនឥតឈប់ឈរថែមទៀតតាមកម្មវិធីនយោបាយ ផែនការដាក់ចេញ៕ អត្ថបទ រូបភាព រឿង ចន្ទ្រា

អាល្លឺម៉ង់ និងបណ្តាដៃគូសហភាពអឺរ៉ុប មានការខ្វែងគំនិតគ្នាលើជំនួយយោធាទ្វេភាគី ដល់អ៊ុយក្រែន

រដ្ឋាភិបាលអាល្លឺម៉ង់ បានការពារជំហររបស់ខ្លួន ក្នុងការចរចាអំពីមូលនិធិរបស់សហភាពអឺរ៉ុប ក្នុងការផ្គត់ផ្គង់សព្វាវុធ និងឧបករណ៍ដល់អ៊ុយក្រែន ដោយប្រឈមមុខនឹងការរិះគន់ពីប្រទេសជាសមាជិកសហភាពអឺរ៉ុប។រដ្ឋាភិបាលអាល្លឺម៉ង់ ចង់ធានាថា ខ្លួនមិនចំណាយច្រើនជាងចំណែកសមធម៌របស់ខ្លួន ទៅក្នុងកញ្ចប់ជំនួយរបស់សហភាពអឺរ៉ុបសម្រាប់សព្វាវុធដល់អ៊ុយក្រែន ដោយសារថា ខ្លួនក៏ធ្វើការបរិច្ចាគទ្វេភាគីយ៉ាងច្រើនដល់ក្រុងគីវផងដែរ។ទីក្រុងប៊ែរឡាំង បានបញ្ជាក់ថា ការបរិច្ចាគទ្វេភាគីបែបនេះ គួរតែត្រូវបានធ្វើឡើងដល់ការចូលរួមវិភាគទាន របស់ខ្លួនចំពោះមូលនិធិដែលកាន់តែកើនឡើងនោះ។ប្រទេសអាល្លឺម៉ង់ បានសន្យារួចហើយនូវជំនួយយោធាទ្វេភាគីជាង ៧ពាន់លានអឺរ៉ូ (៧,៦ ពាន់លានដុល្លារ) ដល់អ៊ុយក្រែនសម្រាប់ឆ្នាំនេះ។ឯកអគ្គរដ្ឋទូតអាល្លឺម៉ង់ប្រចាំនៅសហភាពអឺរ៉ុប លោក Michael Clauß បានប្រាប់សារព័ត៌មាន dpa បន្ទាប់ពីកិច្ចចរចាចុងក្រោយកាលពីថ្ងៃពុធថា៖«ការផ្តល់ឧបករណ៍យោធាយ៉ាងរហ័ស និងមិនមានភាពស្មុកស្មាញ គឺមានសារៈសំខាន់សម្រាប់ប្រទេសនេះ»។សហភាពអឺរ៉ុបសង្ឃឹមថា នឹងផ្តល់ប្រាក់បន្ថែមចំនួន ៥ពាន់លានអឺរ៉ូនៅឆ្នាំនេះ ដើម្បីឲ្យប្រទេសជាសមាជិកសហភាពអឺរ៉ុប អាចផ្គត់ផ្គង់អាវុធ និងឧបករណ៍រួមគ្នាដល់អ៊ុយក្រែន តាមរយៈអ្វីដែលហៅថា ឧបករណ៍សន្តិភាពអឺរ៉ុប(EPF)។

កិច្ចប្រជុំG20៖ ដំណោះស្រាយរដ្ឋពីរ ឆ្លើយតបទៅនឹងជម្លោះអ៊ីស្រាអែល-ប៉ាឡេស្ទីនតែប៉ុណ្ណោះ

រដ្ឋមន្ត្រីប្រេស៊ីលដែលធ្វើជាម្ចាស់ផ្ទះព្រឹត្តិការណ៍នេះ បានថ្លែងកាលពីថ្ងៃព្រហស្បតិ៍ថា ក្រុមរដ្ឋមន្ត្រីការបរទេសនៃកិច្ចប្រជុំ G20 នៅប្រទេសប្រេស៊ីល ស្ទើរតែយល់ព្រមជាឯកច្ឆន្ទ ក្នុងការគាំទ្ររបស់ពួកគេចំពោះដំណោះស្រាយរដ្ឋពីរដែលជាផ្លូវតែមួយគត់ ដើម្បីសន្តិភាពក្នុងជម្លោះអ៊ីស្រាអែល-ប៉ាឡេស្ទីន ។រដ្ឋមន្ត្រីការបរទេសប្រេស៊ីលលោក ម៉ៅរ៉ូ វីអេរ៉ា (Mauro Vieira) បាននិយាយនៅពេលបិទកិច្ចប្រជុំរយៈពេលពីរថ្ងៃនោះថា៖«មានការឯកភាពគ្នាជាក់ស្តែងទៅលើដំណោះស្រាយរដ្ឋពីរ ដែលជាដំណោះស្រាយតែមួយគត់ចំពោះជម្លោះនេះ»។លោកវីអេរ៉ា បាននិយាយថា សមាជិកទាំងអស់នៃក្រុមនៃបណ្តាប្រទេសដែលមានសេដ្ឋកិច្ចធំជាងគេលើពិភពលោក បានបង្ហាញពីការព្រួយបារម្ភអំពីសង្គ្រាមនៅតំបន់ហ្កាហ្សា និងហានិភ័យនៃជម្លោះ ដែលកំពុងរីករាលដាល នៅមជ្ឈិមបូព៌ា។លោកបានបញ្ជាក់ថា មានការអំពាវនាវឲ្យមានបទឈប់បាញ់ និងជំនួយមនុស្សធម៌ចូលទៅកាន់តំបន់ហ្កាហ្សា ខណៈដែលប្រទេស «ជាច្រើន» បានរិះគន់ការវាយលុកយោធារបស់អ៊ីស្រាអែល នៅទីក្រុងរ៉ាហ្វា( Rafah)។លោកនាយករដ្ឋមន្ត្រីអ៊ីស្រាអែល បេនចាមីន ណេតាន់យ៉ាហ៊ូ (Benjamin Netanyahu) និងរដ្ឋាភិបាលចម្រុះស្តាំនិយមរបស់លោកភាគច្រើន ច្រានចោលការបង្កើតរដ្ឋប៉ាឡេស្ទីន។ ទោះបីជាយ៉ាងណាក៏ដោយ ទីក្រុងវ៉ាស៊ីនតោន ជាសម្ព័ន្ធមិត្តដ៏សំខាន់របស់អ៊ីស្រាអែល នៅតែអះអាងថា ដំណោះស្រាយរដ្ឋពីរ គឺជាមធ្យោបាយតែមួយគត់ ដែលអាចធ្វើទៅបាន ដើម្បីនាំមកនូវសន្តិភាពយូរអង្វែងដល់តំបន់ ប៉ុន្តែបានបដិសេធការអំពាវនាវរបស់បណ្តាប្រទេសមួយចំនួន រួមទាំងប្រទេសប្រេស៊ីលឲ្យមានបទឈប់បាញ់ជាបន្ទាន់មួយនោះ។

គណបក្សប្រជាជនកម្ពុជាខេត្តបាត់ដំបង បិទយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា

បាត់ដំបង៖ ឯកឧត្តម កើត រិទ្ធ អនុប្រធានទី១ ក្រុមការងារគណបក្សប្រជាជនកម្ពុជាចុះមូលដ្ឋានខេត្តបាត់ដំបង នៅថ្ងៃទី២៣ ខែកុម្ភៈ ឆ្នាំ២០២៤នេះ បានអញ្ជើញបិទយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ភូមិភាគ៤ នៅខេត្តបាត់ដំបង។ថ្លែងក្នុងឱកាសនោះ ឯកឧត្តម កើត រិទ្ធ បានក្រើនរំលឹកដល់អង្គបោះឆ្នោតទាំងអស់ត្រូវយកចិត្តទុកដាក់ថែរក្សាសុខភាព និងត្រៀមលក្ខណៈឱ្យបានល្អ សម្រាប់ចូលរួមក្នុងដំណើរការបោះឆ្នោតឱ្យបានគ្រប់ៗគ្នា។ឯកឧត្តម អំពាវនាវដល់អង្គបោះឆ្នោតទាំងអស់នៅទូទាំងខេត្តបាត់ដំបង សូមអញ្ជើញទៅបោះឆ្នោតគាំទ្រគណបក្សប្រជាជនកម្ពុជាដែលមានលេខរៀងទី១ នៅលើសន្លឹកឆ្នោត សម្រាប់ការបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ដែលនឹងប្រព្រឹត្តទៅនៅថ្ងៃទី២៥ ខែកុម្ភៈ ឆ្នាំ២០២៤។ តាមរយៈរបាយការណ៍របស់ឯកឧត្តម សុខ លូ ប្រធានគណៈកម្មាធិការគណបក្សប្រជាជនកម្ពុជាខេត្តបាត់ដំបង បានឱ្យដឹងថា អង្គបោះឆ្នោតរបស់គណបក្សប្រជាជនកម្ពុជាក្នុងការបោះឆ្នោតជ្រើសតាំងសមាជិក ព្រឹទ្ធសភា នីតិកាលទី៥ នៅទូទាំងខេត្តបាត់ដំបង មានចំនួនសរុប៦៨៤នាក់ ក្នុងនោះអង្គបោះឆ្នោតជាតំណាងរាស្រ្តចំនួន៨នាក់ និងអង្គបោះឆ្នោតជាសមាជិកក្រុមប្រឹក្សាឃុំ សង្កាត់ ក្នុងមុខតំណែង៦៧៦នាក់។ អង្គបោះឆ្នោតទាំងអស់បានចុះឈ្មោះបោះឆ្នោតរួចរាល់ និងមានឯកសារគ្រប់គ្រាន់សម្រាប់បម្រើឱ្យការបោះឆ្នោត។ជាមួយគ្នានោះ អង្គបោះឆ្នោតរបស់គណបក្សប្រជាជនកម្ពុជា បានបញ្ជាក់ពីការត្រៀមលក្ខណៈរួចរាល់ សម្រាប់ចូលរួមបោះឆ្នោតគាំទ្រគណបក្សប្រជាជនកម្ពុជាក្នុងការបោះឆ្នោតជ្រើសតាំងសមាជិកព្រឹទ្ធសភានាពេលខាងមុខ។អង្គបោះឆ្នោតអះអាងថា គណបក្សប្រជាជនកម្ពុជា គឺជាគណបក្សនយោបាយតែមួយគត់ដែលបានស្វែងរកសុខសន្តិភាពជូនប្រជាពលរដ្ឋ និងមានសមត្ថភាពគ្រប់គ្រាន់ក្នុងការដឹកនាំនាវាកម្ពុជាឆ្ពោះទៅរកការអភិវឌ្ឍរីកចម្រើនបន្ថែមទៀត។សូមបញ្ជាក់ថា ក្នុងខេត្តបាត់ដំបងមានអង្គបោះឆ្នោត និងអ្នកបោះឆ្នោតសរុបចំនួន៨៣១នាក់ ក្នុងនោះអ្នកបោះឆ្នោតជាអ្នកតំណាងរាស្រ្តក្នុងមុខតំណែងមានចំនួន៨រូប និងអង្គបោះឆ្នោតជាសមាជិកក្រុមប្រឹក្សាឃុំ សង្កាត់ក្នុងមុខតំណែងមានចំនួន៨២៣រូប។ ចំពោះការិយាល័យបោះឆ្នោតមានចំនួន២ ការិយាល័យដែលមានទីតាំងនៅក្នុងបរិវេណវិទ្យាល័យសម្ដេចឪ ក្រុងបាត់ដំបង ខណៈការបោះឆ្នោតនឹងប្រព្រឹត្តទៅនៅថ្ងៃអាទិត្យ ទី២៥ ខែកុម្ភៈ ឆ្នាំ២០២៤ ចាប់ពីម៉ោង៧ព្រឹករហូតដល់ម៉ោង៣រសៀល៕

ថ្ងៃបញ្ចប់យុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នៅខេត្តកំពង់ឆ្នាំង មានតែគណបក្សប្រជាជនកម្ពុជាមួយគត់ចេញធ្វើយុទ្ធនាការ

កំពង់ឆ្នាំង ៖ នាថ្ងៃទី២៣ ខែកុម្ភៈ ឆ្នាំ២០២៤នេះ សមាជិក សមាជិកា គណបក្សប្រជាជនកម្ពុជាខេត្តកំពង់ឆ្នាំង ប្រមាណជាង ១ម៉ឺន៥ពាន់នាក់ បានចូលរួមដង្ហែរក្បួនបិទបញ្ចប់យុទ្ធនាការ ឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ដោយផ្តើមចេញពីសួនច្បារវិមានឯករាជ្យក្រុងកំពង់ឆ្នាំង ឆ្ពោះទៅតាមបណ្តាក្រុងស្រុកទាំង ៨នៃខេត្តកំពង់ឆ្នាំង។នៅក្នុងខេត្តកំពង់ឆ្នាំង មានតែគណបក្សប្រជាជនកម្ពុជាតែមួយគត់នៅព្រឹកនេះ បានដង្ហែរក្បួនឃោសនារបស់ខ្លួនយ៉ាងធំ ដែលឯកឧត្តមបណ្ឌិតសភាចារ្យ អ៊ុក រ៉ាប៊ុន ប្រធានក្រុមការងារគណបក្សប្រជាជនកម្ពុជាចុះមូលដ្ឋានខេត្តកំពង់ឆ្នាំង បានដឹកនាំប្រារព្ធពិធីយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ នៅសួនវិមានឯករាជ្យ ហើយក្នុងនោះមានសមាជិក សមាជិកា គណបក្សប្រជាជនកម្ពុជាប្រមាណជាង ១ម៉ឺន៥ពាន់នាក់បានចូលរួម ហើយមធ្យោបាយមានកង់ ម៉ូតូ រថយន្តរាប់រយគ្រឿង។ ក្នុងយុទ្ធនាការក្នុងថ្ងៃបញ្ចប់នេះ គណបក្សប្រជាជនកម្ពុជាខេត្តកំពង់ឆ្នាំង បានចាប់ផ្តើមដង្ហែចេញពីចំណុចជិតសួនវិមានឯករាជ្យក្រុងកំពង់ឆ្នាំង បន្តទៅតាមបណ្តាក្រុងស្រុកទាំង៨របស់ខេត្ត ដោយមានឯកឧត្តម ស៊ុន សុវណ្ណារិទ្ធិ ប្រធានគណៈកម្មាធិការគណៈបក្សខេត្តកំពង់ឆ្នាំងជាអ្នកនាំមុខ។ លោក ឈឹម ច័ន្ទធន ប្រធានលេខាធិការដ្ឋានរៀបចំការបោះឆ្នោតខេត្តកំពង់ឆ្នាំងបានបញ្ជាក់ថា នៅថ្ងៃបញ្ចប់ នៃយុទ្ធនាការឃោសនាបោះឆ្នោតជ្រើសតាំងព្រឹទ្ធសភានៅថ្ងៃទី២៣ ខែកុម្ភៈ ឆ្នាំ២០២៤នេះ នៅខេត្តកំពង់ឆ្នាំង មានតែគណបក្សប្រជាជនកម្ពុជាតែមួយគត់ ដែលបានដាក់សំណើរមកគណៈកម្មការរៀបចំការបោះឆ្នោតខេត្តកំពង់ឆ្នាំង ដើម្បីរៀបចំបិទយុទ្ធនាការឃោសនា ៕ កាំង ហុងវាស្នា

សមាជិកគណបក្សប្រជាជនកម្ពុជាស្រុកស្រែអំបិល ១៥០០នាក់ ដង្ហែក្បួនបិទយុទ្ធនាការឃោសនាបោះឆ្នោតជ្រើសតំណាងសមាជិកព្រឹទ្ធសភា

កោះកុង៖ សមាជិក សមាជិកាគណបក្សប្រជាជនកម្ពុជាស្រុកស្រែអំបិល ហែរក្បួនបិទយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤។កម្មវិធីបិទយុទ្ធនាការឃោសនាបោះឆ្នោតនេះ ធ្វើឡើងក្រោមវត្តមានឯកឧត្តម ឈិត សុខុន អនុប្រធានក្រុមបេក្ខជនឈរឈ្មោះបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ គណបក្សប្រជាជនកម្ពុជានៃភូមិភាគទី៧ ឯកឧត្តម ដុំ យុហៀន អនុប្រធានការងារគណបក្សចុះមូកដ្ឋានស្រុកស្រែអំបិល និងឯកឧត្តម សោម សិទ្ធិរម្យ តំណាងឯកឧត្តម ផន ណារ៉ា ប្រធានក្រុមការងារគណបក្សថ្នាក់កណ្តាលចុះមូលដ្ឋានស្រុកស្រែអំបិល។លោក ជា ច័ន្ទកញ្ញា ប្រធានគណបក្សប្រជាជនកម្ពុជាស្រុកស្រែអំបិល ថ្លែងនៅព្រឹកថ្ងៃទី២៣ ខែកុម្ភៈ ឆ្នាំ២០២៤ថា ស្ថានភាពនៃយុទ្ធនាការឃោសនាប៉ុន្មានមកនេះ គឺប្រព្រឹត្តដោយសន្តិសុខសណ្តាប់ធ្នាប់ល្អប្រសើរ គ្មានបាតុភាពអាក្រក់ ឬការកំរាមគំហែងពីបណ្តាគណបក្សនយោបាយណាមួយឡើយ។លោក ជា ច័ន្ទកញ្ញា បន្ថែមទៀតថា សម្រាប់ថ្ងៃបិទបញ្ចប់យុទ្ធនាការឃោសនារកសំឡេងឆ្នោត ជ្រើសតាំងសមាជិកព្រឹទ្ធសភា នីតិកាលទី៥ ឆ្នាំ២០២៤ មានសមាជិក សមាជិកាបក្សមកពីឃុំចំនួន៦ ប្រមាណ១៥០០នាក់ រថយន្តតូច១៥១គ្រឿង រថយន្តធំ២៣គ្រឿង និងម៉ូតូ២១១គ្រឿងចូលរួមដង្ហែក្បូនបិទយុទ្ធនាការថ្ងៃនេះ។ ដោយឡែកមានមធ្យោបាយទៅបោះឆ្នោត អាហារ និងកាត្រឡប់ពីមណ្ឌលបោះឆ្នោតជូនអង្គបោះឆ្នោតរួចរាល់ហើយនៅថ្ងៃទី២៥ ខែកុម្ភៈ ឆ្នាំ២០២៤ខាងមុខ។គួរជម្រាបថា មូលដ្ឋានស្រុកស្រែអំបិល ដង្ហែក្បួនបិទយុទ្ឋនាការនៅព្រឹកនេះ រីឯតាមបណ្តាក្រុងស្រុកចំនួន៦ផ្សេងទៀតនឹងបិទយុទ្ធនាការពេលរសៀល៕

សម្ដេចធិបតី៖ គ្រូពេទ្យបានធ្វើការងាររបស់ទេវតា គឺការជួយសង្គ្រោះជីវិតមនុស្ស

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានមានប្រសាសន៍ថា គ្រូពេទ្យបានធ្វើការងាររបស់ទេវតា គឺការជួយសង្គ្រោះជីវិតមនុស្ស ខណៈសម្ដេច បានមើលឃើញថា សុខភាពប្រជាពលរដ្ឋបច្ចុប្បន្នមានស្ថានភាពល្អប្រសើរ ដោយសារវិស័យសុខាភិបាលរបស់កម្ពុជា បានផ្ដល់សេវាល្អប្រសើរ។សម្ដេចធិបតី នាយករដ្ឋមន្រ្ដី មានប្រសាសន៍បែបនេះ ក្នុងឱកាសអញ្ជើញជាអធិបតី ចូលរួមប្រកាសទទួលស្គាល់ជ័យលាភីអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាលឆ្នាំ២០២៣ និងប្រកាសដាក់ឱ្យអនុវត្តសម្រាប់ឆ្នាំ២០២៤ នៅព្រឹកថ្ងៃទី២២ ខែកុម្ភៈ ឆ្នាំ ២០២៤នេះ នៅកោះពេជ្រ។ ក្នុងឱកាសនោះសម្តេចធិបតី ហ៊ុន ម៉ាណែត បានលើកទឹកចិត្តដល់គ្រូពេទ្យទាំងអស់ឱ្យបន្តប្រឹងប្រែងធ្វើការងារទេវតា ជួយអាយុជីវិតមនុស្ស ជាពិសេសពង្រឹងលើការផ្ដល់សេវាសុខាភិបាលនេះឱ្យបានល្អថែមទៀតទៅដល់ប្រជាពលរដ្ឋនៅគ្រប់មជ្ឈដ្ឋាន។សម្តេចធិបតី នាយករដ្ឋមន្រ្ដីក៏បានថ្លែងលើកទឹកចិត្តគ្រូបង្រៀន និងគ្រូពេទ្យថា ពិន្ទុពិតប្រាកដរបស់គ្រូពេទ្យ និងគ្រូបង្រៀន គឺឋិតនៅលើសិស្សបានពិន្ទុល្អក្នុងការសិក្សា អាណាព្យាបាលពេញចិត្ត និងអ្នកជំងឺពេញចិត្តក្រោយទទួលបានការព្យាបាលជាដើម។ក្នុងឱកាសនោះ សម្តេចធិបតី នាយករដ្ឋមន្រ្ដីក៏បានបញ្ជាក់ថា ក្នុងនាមជាគ្រូពេទ្យ ឬគ្រូបង្រៀន គឺគ្មានអ្វីដែលរីករាយ សប្បាយចិត្តជាងឃើញកូនសិស្ស ឬមនុស្សដែលខ្លួនបង្រៀនទទួលបានជោគជ័យ ឃើញមនុស្សដែលខ្លួនព្យាបាលបានជាសះស្បើយជួបជុំគ្រួសារនោះទេ។ សូមជម្រាបថា រាជរដ្ឋាភិបាលអាណត្តិទី៧នេះ តាមរយៈយុទ្ធសាស្រ្ដបញ្ចកោណ ដំណាក់កាលទី១ បានផ្ដោតសំខាន់លើការធ្វើកំណែទម្រង់ប្រព័ន្ធអប់រំ និងវិស័យសុខាភិបាលរបស់កម្ពុជា ដើម្បីធ្វើយ៉ាងណាអភិវឌ្ឍន៍ធនធានមនុស្សកម្ពុជាឱ្យមានភាពរីកចម្រើន និងផ្ដល់សេវាសុខាភិបាលល្អទៅដល់ប្រជាពលរដ្ឋនៅគ្រប់មជ្ឈដ្ឋានទាំងនៅទីក្រុង និងនៅមូលដ្ឋាន ឃុំ សង្កាត់តាមបណ្ដាខេត្តនានា៕ អត្ថបទ៖ វ៉ន ដារ៉ា

សម្ដេចធិបតី៖ រាជរដ្ឋាភិបាលអាណត្តិទី៧ ផ្ដោតលើការបង្កើតសមិទ្ធផលថ្មី និងកែលម្អចំណុចអវិជ្ជមាន

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានមានប្រសាសន៍ថា រាជរដ្ឋាភិបាលអាណត្តិទី៧នេះ ក៏បានផ្ដោតជាសំខាន់ទៅលើការបង្កើតសមិទ្ធផលថ្មីឱ្យបានច្រើន និងការខិតខំកែលម្អចំណុចអវិជ្ជមានជាប្រចាំ ជាពិសេសការអនុវត្តការងារនៅតាមក្រសួង ស្ថាប័នរដ្ឋ។សម្ដេចធិបតី នាយករដ្ឋមន្រ្ដី មានប្រសាសន៍បែបនេះ ក្នុងឱកាស អញ្ជើញជាអធិបតី ចូលរួមប្រកាសទទួលស្គាល់ជ័យលាភីអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាលឆ្នាំ២០២៣ និងប្រកាសដាក់ឱ្យអនុវត្តសម្រាប់ឆ្នាំ២០២៤ នៅព្រឹកថ្ងៃទី២២ ខែកុម្ភៈ ឆ្នាំ ២០២៤នេះ នៅកោះពេជ្រ។ សម្តេចធិបតីបានថ្លែងថា ដើម្បីដឹកនាំរដ្ឋឱ្យធ្វើដំណើរបានល្អប្រសើរ ត្រូវផ្តោតលើផលវិជ្ជមាន ហើយកែលម្អចំណុចអវិជ្ជមាន។ សម្តេចធិបតី បញ្ជាក់ថា រាជរដ្ឋាភិបាលគ្រប់អាណត្តិទាំងអស់ផ្តោតលើគោលដៅចំនួនពីរ គឺពង្រីកសមិទ្ធផលវិជ្ជមានជូនប្រជាពលរដ្ឋ និងខិតខំវាយតម្លៃ កែលម្អកាត់បន្ថយនូវចំណុចអវិជ្ជមាន។សូមជម្រាបថា ថ្ងៃទី២២ ខែកុម្ភៈ ឆ្នាំ ២០២៤ នេះគឺជាខួបគម្រប់៦ ខែគត់របស់រាជរដ្ឋាភិបាលនីតិកាលទី៧នៃរដ្ឋសភា ដឹកនាំដោយសម្តេចមហាបវរធិបតី ហ៊ុន ម៉ាណែត។ ក្នុងរយៈពេលនេះ រាជរដ្ឋាភិបាលថ្មីបានការដាក់ចេញគោលនយោបាយច្បាស់លាស់ ត្រឹមត្រូវ សមត្ថភាពធនធានមនុស្ស និងឆន្ទៈការងារ អាចធ្វើឱ្យសម្រេចលទ្ធផលលើសពីការរំពឹងទុកធៀបនឹងពេលវេលានេះ។ ជាក់ស្តែង ភាពស្វាហាប់ សកម្មក្លៀវក្លា របស់រាជរដ្ឋាភិបាលសម្តេចធិបតី ហ៊ុន ម៉ាណែត ក្នុងរយៈពេល ៦ខែនេះ បានសម្រេចលទ្ធផលហួសពីការស្មាន និងធ្វើឱ្យមហាជនទូទៅចាប់អារម្មណ៍យ៉ាងខ្លាំង ហើយបានផ្តល់ការទុកចិត្តយ៉ាងឆាប់រហ័សទាំងកម្រិតជាតិ និងអន្តរជាតិ៕អត្ថបទ៖វ៉ន ដារ៉ា

សម្ដេចធិបតី៖ ការកែទម្រង់របស់រដ្ឋាភិបាលមិនមែនជាការធ្វើបដិវត្តន៍ទេ តែជាការបន្តនិរន្តរភាព

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានមានប្រសាសន៍ថា ការធ្វើកំណែទម្រង់របស់រដ្ឋាភិបាលអាណត្តិទី៧នេះ មិនមែនជាការធ្វើ បដិវត្តន៍នោះទេ ប៉ុន្ដែជាការបន្តនិរន្តរភាព ស្ថិរភាពសង្គម និងផលប្រយោជន៍ជាតិ។ សម្ដេចធិបតី នាយករដ្ឋមន្រ្ដី មានប្រសាសន៍បែបនេះ ក្នុងឱកាស អញ្ជើញជាអធិបតី ចូលរួមប្រកាសទទួលស្គាល់ជ័យលាភីអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាលឆ្នាំ២០២៣ និងប្រកាសដាក់ឱ្យអនុវត្តសម្រាប់ឆ្នាំ២០២៤ នៅព្រឹកថ្ងៃទី២២ ខែកុម្ភៈ ឆ្នាំ ២០២៤នេះ នៅកោះពេជ្រ។ សម្ដេចធិបតីនាយករដ្ឋមន្រ្ដីមានប្រសាសន៍បញ្ជាក់ថា រាជរដ្ឋាភិបាលអាណត្តិទី៧នេះ បានផ្ដោតសំខាន់លើការកែទម្រង់ស្ថាប័នរបស់ខ្លួន គឺការសម្អាតផ្ទះខ្លួនឯងជាមុន។ សម្ដេចបញ្ជាក់ថា ក្នុងអាណត្តិនេះ រាជរដ្ឋាភិបាលក៏បានផ្ដោតលើការពង្រឹងប្រសិទ្ធភាព និងគុណភាពរបស់មន្រ្ដីរាជការ ជាជាងការពង្រីកបន្ថែម ពិសេសចំពោះការជ្រើសរើសមន្រ្ដីរាជការ និងការកែសម្រួលរដ្ឋបាលសាធារណៈនៅតាមក្រសួងស្ថាប័នរដ្ឋទាំងនៅថ្នាក់ជាតិ និងថ្នាក់ក្រោមជាតិ។ ក្នុងឱកាសនោះសម្ដេចមហាបវរធិបតីនាយករដ្ឋមន្ត្រី ក៏បានស្នើឱ្យកែនិយមន័យមន្ត្រីជាប់កិច្ចសន្យា (មន្ត្រី ជួលដោយរដ្ឋ, ជួលតាមកិច្ចសន្យា, មន្ត្រីមិនពេញសិទ្ធិដូចមន្ត្រីរាជការ) ពីត្រឹមតែជាមន្ត្រី ជំនួយការ ទៅ ជាមន្ត្រីបច្ចេកទេស ដែលមានសញ្ញាបត្រខ្ពស់ មានជំនាញបច្ចេកទេសច្រើន ដើម្បីចូលរួមជួយរដ្ឋាភិបាល ដោយទទួលបានប្រាក់ខែ និងអត្ថប្រយោជន៍នានា ដូចមន្ត្រីរាជការពេញសិទ្ធិដែរ៕អត្ថបទ៖វ៉ន ដារ៉ា

សម្ដេចធិបតី៖ ការទទួលស្គាល់អង្គភាពផ្តល់សេវាសាធារណៈគំរូ ដើម្បីលើកកម្ពស់ការផ្តល់សេវាល្អដល់ពលរដ្ឋ

សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា មានប្រសាសន៍បញ្ជាក់ថា ការវាយតម្លៃ និងការទទួលស្គាល់អង្គភាពផ្តល់សេវាសាធារណៈគំរូ ក្នុងវិស័យអប់រំ និងវិស័យសុខាភិបាល ក្នុងគោលបំណងបំផុសចលនាលើកកម្ពស់គុណភាព និងប្រសិទ្ធភាពនៃការផ្តល់សេវាសាធារណៈជូនដល់ប្រជាពលរដ្ឋ។ សម្ដេចធិបតី នាយករដ្ឋមន្រ្ដី មានប្រសាសន៍ក្នុងឱកាស អញ្ជើញជាអធិបតី ចូលរួមប្រកាសទទួលស្គាល់ជ័យលាភីអង្គភាពផ្តល់សេវាសាធារណៈគំរូ ក្នុងវិស័យអប់រំ និងសុខាភិបាលឆ្នាំ២០២៣ និងប្រកាសដាក់ឱ្យអនុវត្តសម្រាប់ឆ្នាំ២០២៤ នៅព្រឹកថ្ងៃទី២២ ខែកុម្ភៈ ឆ្នាំ ២០២៤នេះ នៅកោះពេជ្រ។ ក្នុងឱកាសនោះសម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា អបអរសាទរ ជ័យលាភីអង្គភាពផ្តល់សេវាសាធារណៈ គំរូក្នុងវិស័យអប់រំកម្រិតអនុវិទ្យាល័យចំនួន ១០ និងកម្រិតសាលាបឋមសិក្សាចំនួម ១០ ព្រមទាំងវិស័យសុខាភិបាល កម្រិតមណ្ឌលសុខភាព ចំនួន ១០ សម្រាប់ឆ្នាំ២០២៣។សម្ដេចធិតបី បានថ្លែងថា ការវាយតម្លៃ និងការទទួលស្គាល់អង្គភាពផ្តល់សេវាសាធារណៈគំរូ ក្នុងវិស័យអប់រំ និងវិស័យសុខាភិបាលនេះ ក៏ក្នុងគោលបំណងបំផុសចលនាលើកកម្ពស់គុណភាព និងប្រសិទ្ធភាពនៃការផ្តល់សេវាសាធារណៈ តាមរយៈផ្តល់ការលើកទឹកចិត្តដែលទទួលស្គាល់ពីរាជរដ្ឋាភិបាល និងផ្តល់រង្វាន់លើកទឹកចិត្តជាថវិកាផងដែរ។ សូមជម្រាបថា ការកសាង និងពង្រីកភាពជាគំរូនេះចាប់ផ្តើមពីវិស័យអាទិភាពគន្លឹះចំនួនពីរ គឺអប់រំ និងសុខាភិបាល ដែលត្រូវបានដាក់ឱ្យអនុវត្តនាឆ្នាំ២០១៨ ដោយសម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី ហើយត្រូវបានបន្តផ្តល់ការយកចិត្តទុកដាក់និងជំរុញបន្ថែមកាន់តែខ្លាំង។រាជរដ្ឋាភិបាលក្នុងនីតិកាលទី៧ បានកំណត់ស្នូលនៃយុទ្ធសាស្ត្របញ្ចកោណផ្តោតលើការកែលម្អអភិបាលកិច្ច និងការធ្វើទំនើបកម្មស្ថាប័នរដ្ឋ ឱ្យក្លាយជារដ្ឋបាលសាធារណៈទំនើប តាមរយៈការដាក់ចេញនូវកិច្ចការអាទិភាពមួយចំនួន រួមមាន ការពង្រឹងនិងការកែទម្រង់ស្ថាប័នដោយខិតខំកសាងរដ្ឋបាលសាធារណៈឱ្យមានសមត្ថភាពខ្ពស់ ខ្លាំង វៃឆ្លាត និងស្អាតស្អំ ដើម្បីបម្រើផលប្រយោជន៍ប្រជាជន និងការលើកកម្ពស់សមត្ថភាពធនធានមនុស្សនិងការពង្រឹងប្រសិទ្ធភាពនៃការអនុវត្តការងារ ដោយការកសាងធនធានមនុស្សប្រកបដោយសមត្ថភាពជំនាញ ឆន្ទៈម្ចាស់ការ និងក្រមសីលធម៌វិជ្ជាជីវៈ ស្របតាមតួនាទី និងការទទួលខុសត្រូវ៕អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

ប្រេស៊ីល ជាប្រទេសនៅទ្វីបអាមេរិកខាងត្បូងដំបូងគេ ចុះអនុស្សរណៈយោគយល់ សហប្រតិបត្តិការទេសចរណ៍ ជាមួយកម្ពុជា

កម្ពុជាជំរុញផលិតផលសក្តានុពលទៅកាន់ទីផ្សារប្រទេសកាណាដា និងចរចាកិច្ចព្រមព្រៀងពាណិជ្ជកម្មសេរី អាស៊ាន-កាណាដា

អ្នកវិទ្យាសាស្រ្ត៖ សត្វផេនឃ្លីន Humboldt ជិតផុតពូជនៅឈីលី ប្រឈមនឹងការធ្លាក់ចុះចំនួនបន្ថែមទៀត

ភូមិថាមពលពន្លឺព្រះអាទិត្យនៅរដ្ឋ Rajasthan ប្រទេសឥណ្ឌា ផ្តល់ក្តីសង្ឃឹមសម្រាប់អាកាសធាតុ

នីវ៉ូទឹកសមុទ្រកើនឡើង បង្ខំឲ្យសហគមន៍តំបន់ឆ្នេរប្រទេសប៉ាគីស្ថានជម្លៀសខ្លួន

កិច្ចសន្ទនាកម្រិតខ្ពស់ ពង្រឹងការប្តេជ្ញាចិត្តរួមគ្នារវាងកម្ពុជា និងសហភាពអឺរ៉ុប ចំពោះការអភិវឌ្ឍកម្ពុជា

អាជ្ញាធរមីន សោកស្តាយចំពោះសារព័ត៌មានថៃមួយចំនួន ផ្សព្វផ្សាយក្នុងចេតនាចោទប្រកាន់ និងបង្ខូចកេរ្តិ៍ឈ្មោះកម្ពុជា

ការវាយប្រហារយានដ្រូនរុស្ស៊ីបណ្តាលឲ្យខូចខាតហេដ្ឋរចនាសម្ព័ន្ធថាមពល និងដឹកជញ្ជូននៅតំបន់ Odesa ប្រទេសអ៊ុយក្រែន

កិច្ចប្រជុំកំពូល G7 របស់កាណាដា នឹងពិភាក្សាដោះស្រាយវិបត្តិ នៅអ៊ុយក្រែន និងមជ្ឈិមបូព៌ា

គណៈកម្មាធិការអ៊ឺរ៉ុបគ្រោងបង្កើតអង្គភាពស៊ើបការណ៍សម្ងាត់ ស្របពេលមានភាពតានតឹងជាសកល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ឯកឧត្ដម កែ គឹមយ៉ាន អញ្ជើញបិទយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥

អាល្លឺម៉ង់ និងបណ្តាដៃគូសហភាពអឺរ៉ុប មានការខ្វែងគំនិតគ្នាលើជំនួយយោធាទ្វេភាគី ដល់អ៊ុយក្រែន

កិច្ចប្រជុំG20៖ ដំណោះស្រាយរដ្ឋពីរ ឆ្លើយតបទៅនឹងជម្លោះអ៊ីស្រាអែល-ប៉ាឡេស្ទីនតែប៉ុណ្ណោះ

គណបក្សប្រជាជនកម្ពុជាខេត្តបាត់ដំបង បិទយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា

សម្ដេចធិបតី៖ គ្រូពេទ្យបានធ្វើការងាររបស់ទេវតា គឺការជួយសង្គ្រោះជីវិតមនុស្ស

សម្ដេចធិបតី៖ រាជរដ្ឋាភិបាលអាណត្តិទី៧ ផ្ដោតលើការបង្កើតសមិទ្ធផលថ្មី និងកែលម្អចំណុចអវិជ្ជមាន

សម្ដេចធិបតី៖ ការកែទម្រង់របស់រដ្ឋាភិបាលមិនមែនជាការធ្វើបដិវត្តន៍ទេ តែជាការបន្តនិរន្តរភាព

សម្ដេចធិបតី៖ ការទទួលស្គាល់អង្គភាពផ្តល់សេវាសាធារណៈគំរូ ដើម្បីលើកកម្ពស់ការផ្តល់សេវាល្អដល់ពលរដ្ឋ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ឯកឧត្ដម កែ គឹមយ៉ាន អញ្ជើញបិទយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា នីតិកាលទី៥

អាល្លឺម៉ង់ និងបណ្តាដៃគូសហភាពអឺរ៉ុប មានការខ្វែងគំនិតគ្នាលើជំនួយយោធាទ្វេភាគី ដល់អ៊ុយក្រែន

កិច្ចប្រជុំG20៖ ដំណោះស្រាយរដ្ឋពីរ ឆ្លើយតបទៅនឹងជម្លោះអ៊ីស្រាអែល-ប៉ាឡេស្ទីនតែប៉ុណ្ណោះ

គណបក្សប្រជាជនកម្ពុជាខេត្តបាត់ដំបង បិទយុទ្ធនាការឃោសនាបោះឆ្នោតជ្រើសតាំង​សមាជិកព្រឹទ្ធសភា

សម្ដេចធិបតី៖ គ្រូពេទ្យបានធ្វើការងាររបស់ទេវតា គឺការជួយសង្គ្រោះជីវិតមនុស្ស

សម្ដេចធិបតី៖ រាជរដ្ឋាភិបាលអាណត្តិទី៧ ផ្ដោតលើការបង្កើតសមិទ្ធផលថ្មី និងកែលម្អចំណុចអវិជ្ជមាន

សម្ដេចធិបតី៖ ការកែទម្រង់របស់រដ្ឋាភិបាលមិនមែនជាការធ្វើបដិវត្តន៍ទេ តែជាការបន្តនិរន្តរភាព

សម្ដេចធិបតី៖ ការទទួលស្គាល់អង្គភាពផ្តល់សេវាសាធារណៈគំរូ ដើម្បីលើកកម្ពស់ការផ្តល់សេវាល្អដល់ពលរដ្ឋ

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

គណបក្សប្រជាជនកម្ពុជាខេត្តបាត់ដំបង បិទយុទ្ធនាការឃោសនាបោះឆ្នោតជ្រើសតាំងសមាជិកព្រឹទ្ធសភា