នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

បណ្ដាប្រទេសមជ្ឈិមបូព៌ាព្រមានអ៊ីស្រាអែលពីគ្រោះមហន្តរាយមនុស្សធម៌បើឈ្លានពានក្រុងរ៉ាហ្វារបស់ហ្កាហ្សា

2024/02/12 10:04:46 am        119
Facebook Telegram Linkin
អ៊ីស្រាអែលកំពុងប្រឈមនឹងសម្ពាធក្នុងតំបន់ និងអន្តរជាតិដែលកំពុងកើនឡើងជុំវិញការវាយលុកតាមផែនការរបស់ខ្លួនប្រឆាំងក្រុមហាម៉ាសនៅក្នុងទីក្រុងរ៉ាហ្វា(Rafah)ស្ថិតនៅភាគខាងត្បូងនៃតំបន់ហ្កាហ្សាស្ទ្រីប(Gaza Strip) ដែលហែកហួរដោយសង្រ្គាម។ក្នុងរយៈពេលប៉ុន្មានថ្ងៃកន្លងមកនេះ បណ្តាប្រទេសក្នុងតំបន់បានព្រមានអ៊ីស្រាអែលប្រឆាំងនឹងការសកម្មភាពមនុស្សធម៌នៅរ៉ាហ្វា បើកងកម្លាំងអ៊ីស្រាអែលទទូចឱ្យអនុវត្តការវាយលុកដោយថ្មើជើងលើ ក្រុងរ៉ាហ្វា ដែលប្រជាជនប៉ាឡេស្ទីនជាង១,៤លាននាក់រស់នៅ រួមទាំងមនុស្ស ១,៣លាននាក់បានភៀសខ្លួនពីតំបន់ភាគខាងជើង។ នាយករដ្ឋមន្ត្រីអ៊ីស្រាអែល លោក Benjamin Netanyahu បាននិយាយកាលពីថ្ងៃសុក្រថា លោកបានដឹកនាំយោធាឱ្យរៀបចំជម្លៀសជនស៊ីវិលចេញពីទីក្រុង Rafah ដ៏ច្រើនលើសលប់ មុនពេលការវាយលុកកាន់តែខ្លាំងឡើងប្រឆាំងនឹងក្រុមហាម៉ាស។ កាតាដែលកំពុងចូលរួមក្នុងកិច្ចខិតខំប្រឹងប្រែងការទូតរួមជាមួយសហរដ្ឋអាមេរិក និងអេហ្ស៊ីបដើម្បីជំរុញឱ្យមានបទឈប់បាញ់នៅតំបន់ហ្កាហ្សារវាងក្រុមហាម៉ាស និងអ៊ីស្រាអែល ថ្កោលទោសយ៉ាងដាច់អហង្ការបំផុតចំពោះការគំរាមកំហែងរបស់អ៊ីស្រាអែលក្នុងការវាយលុកទីក្រុងរ៉ាហ្វានៅភាគខាងត្បូងហ្កាហ្សាស្ទ្រីប ។ក្រសួងការបរទេសរបស់ខ្លួនបាននិយាយនៅក្នុងសេចក្តីថ្លែងការណ៍មួយកាលពីថ្ងៃសៅរ៍ថាខ្លួនព្រមានពីមហន្តរាយមនុស្សធម៌នៅក្នុងទីក្រុងដែលបានក្លាយជាជម្រកចុងក្រោយសម្រាប់មនុស្សរាប់សែននាក់ក្រោយភៀសខ្លួនចេញពីលំនៅឋាន។ទាំងអារ៉ាប់រួម (UAE) ទាំងបារ៉ែន ដែលបានចុះហត្ថលេខាលើសន្ធិសញ្ញាសន្តិភាពជាមួយអ៊ីស្រាអែលកាលពីឆ្នាំ ២០២០ ក៏បានសម្តែងការព្រួយបារម្ភយ៉ាងខ្លាំងផងដែរ។ អារ៉ាប៊ីសាអ៊ូឌីត បានព្រមានពីផលប៉ះពាល់យ៉ាងធ្ងន់ធ្ងរ នៃការវាយលុក និងបានដាក់គោលដៅលើទីក្រុងរ៉ាហ្វាដែលរមណីយដ្ឋានចុងក្រោយ សម្រាប់ជនស៊ីវិលរាប់សែននាក់ ដែលបានភៀសខ្លួនចេញពីការវាយប្រហារដ៏ខ្លាំងក្លារបស់អ៊ីស្រាអែល ទៅលើតំបន់ហ្កាហ្សាភាគខាងជើង។ ប្រទេសអេហ្ស៊ីប ហ្ស៊កដានី និងអគ្គលេខាធិការសម្ព័ន្ធអារ៉ាប់ក៏បានព្រមាន និងរិះគន់ការប្រើកម្លាំងយោធាលើពលរដ្ឋបាឡេស្ទីនស្លូតត្រង់ដែរ៕

ព្រឹទ្ធសភាអាមេរិក ជំរុញសេចក្តីស្នើច្បាប់ជំនួយសម្រាប់អ៊ុយក្រែន ទោះបីលោក Trump ប្រឆាំងក៏ដោយ

2024/02/12 09:59:16 am        168
Facebook Telegram Linkin
ព្រឹទ្ធសភាសហរដ្ឋអាមេរិកដែលបែងចែកគ្នាយ៉ាងចង្អៀត បានខិតទៅកាន់តែជិតក្នុងការអនុម័តកញ្ចប់ជំនួយចំនួន ៩៥,៣៤ពាន់លានដុល្លារសម្រាប់ប្រទេសអ៊ុយក្រែន អ៊ីស្រាអែល និងកោះតៃវ៉ាន់ កាលពីថ្ងៃអាទិត្យ ទោះបីជាមានការប្រឆាំងខ្លាំងពីអ្នករឹងរូសមកពីគណបក្សសាធារណរដ្ឋ និងលោក Donald Trump ក៏ដោយ។ ព្រឹទ្ធសភា ដែលដឹកនាំដោយគណបក្សប្រជាធិបតេយ្យ បានជម្រះឧបសគ្គនៃនីតិវិធីចុងក្រោយ និងបានផ្លាស់ប្តូរវិធានការជំនួយបរទេសបន្ថែមទៀត ឆ្ពោះទៅរកការបោះឆ្នោតចុងក្រោយស្តីពីការអនុម័តនៅចំណុចមួយចំនួនក្នុងប៉ុន្មានថ្ងៃខាងមុខនេះ។ ថវិកា ត្រូវបានមើលឃើញថា មានសារៈសំខាន់សម្រាប់ទីក្រុងគីវ ខណៈទីក្រុងនេះកំពុងឈានទៅរកខួប២ឆ្នាំ នៃការវាយលុករបស់រុស្ស៊ីលើអ៊ុយក្រែន។ ប៉ុន្តែការអនុម័ត របស់ព្រឹទ្ធសភានឹងបញ្ជូនសេចក្តីស្នើច្បាប់នេះទៅសភា ដែលគ្រប់គ្រងដោយគណបក្សសាធារណរដ្ឋ ជាកន្លែងដែលត្រូវប្រឈមទៅនឹងអនាគតមិនច្បាស់លាស់។ ប្រធានាធិបតី គណបក្សប្រជាធិបតេយ្យ លោក Joe Biden ដែលបានស្វែងរកជំនួយរយៈពេលជាច្រើនខែមកនេះ បាននិយាយថាសភានឹងមានកំហុសចំពោះការធ្វេសប្រហែស ប្រសិនបើខ្លួនមិនបានអនុម័តវិធានការនេះ។ សេចក្តីស្នើច្បាប់នេះ រួមមាន ៦១ ពាន់លានដុល្លារសម្រាប់ប្រទេសអ៊ុយក្រែន ១៤ពាន់លានដុល្លារសម្រាប់ប្រទេសអ៊ីស្រាអែលក្នុងសង្គ្រាមប្រឆាំងក្រុមហាម៉ាស និង ៤,៨៣ពាន់លានដុល្លារសម្រាប់គាំទ្រដៃគូនៅតំបន់ឥណ្ឌូ-ប៉ាស៊ីហ្វិក រួមទាំងកោះតៃវ៉ាន់ និងទប់ស្កាត់ការឈ្លានពានរបស់ប្រទេសចិន។ សេចក្តីស្នើច្បាប់នេះ ក៏នឹងផ្តល់ជំនួយមនុស្សធម៌ចំនួន ៩,១៥ពាន់លានដុល្លារដល់ជនស៊ីវិលនៅតំបន់ហ្កាហ្សានិងតំបន់ West Bank ប្រទេសអ៊ុយក្រែន និងតំបន់ជម្លោះផ្សេងទៀតនៅជុំវិញពិភពលោក។ប្រធានសភា លោក Mike Johnson បានបង្ហាញថាលោកអាចព្យាយាមបែងចែកការផ្តល់ជំនួយទៅជាវិធានការដាច់ដោយឡែក នៅពេលដែលច្បាប់នេះមកពីព្រឹទ្ធសភា។

IMF៖ កំណើនសេដ្ឋកិច្ចមជ្ឈិមបូព៌ា នឹងធ្លាក់ចុះនៅឆ្នាំ២០២៤ ដោយសារការកាត់បន្ថយប្រេង និងបញ្ហានៅហ្កាហ្សា

2024/02/12 09:54:29 am        127
Facebook Telegram Linkin
មូលនិធិរូបិយវត្ថុអន្តរជាតិ IMF បាននិយាយកាលពីថ្ងៃអាទិត្យ (១១ កុម្ភៈ) ថាសេដ្ឋកិច្ចនៅមជ្ឈិមបូព៌ាកំពុងយឺតយ៉ាវទាបជាងការព្យាករណ៍កំណើនដោយសារតែការកាត់បន្ថយផលិតកម្មប្រេង និងជម្លោះអ៊ីស្រាអែល-ហ្កាហ្សា ទោះបីជាចក្ខុវិស័យសេដ្ឋកិច្ចពិភពលោកនៅតែមានភាពធន់ក៏ដោយ។នាយកគ្រប់គ្រងមូលនិធិ IMF លោកស្រី គ្រីស្តាលីណា ចចជីវ៉ា (Kristalina Georgieva) បានប្រាប់វេទិកាសារពើពន្ធអារ៉ាប់នៅទីក្រុងឌុយបៃ ថា «ទោះបីជាមានភាពមិនប្រាកដប្រជាក៏ដោយ ក៏សេដ្ឋកិច្ចពិភពលោកមានភាពធន់គួរឱ្យភ្ញាក់ផ្អើល» ខណៈលោកស្រីព្រមានអំពីផលប៉ះពាល់ដ៏ធំទូលាយលើសេដ្ឋកិច្ចក្នុងតំបន់នៃជម្លោះដែលកំពុងបន្តនៅក្នុងតំបន់ហ្កាហ្សា។នៅក្នុងរបាយការណ៍សេដ្ឋកិច្ចក្នុងតំបន់កាលពីខែមុន ទីភ្នាក់ងារ IMF បានកែប្រែការព្យាករណ៍កំណើនផលិតផលក្នុងស្រុកសរុប GDP របស់ខ្លួនសម្រាប់តំបន់មជ្ឈិមបូព៌ា និងអាហ្រ្វិកខាងជើង ធ្លាក់ចុះមកត្រឹម ២,៩ ភាគរយនៅឆ្នាំនេះ ដែលយឺតជាងការព្យាករណ៍នៅខែតុលា ដោយសារផ្នែកខ្លះនៃការកាត់បន្ថយផលិតកម្មប្រេងរយៈពេលខ្លី និងជម្លោះនៅហ្កាហ្សា។មូលនិធី IMF នេះកាលពីខែមុន បានបង្កើនការព្យាករណ៍របស់ខ្លួនសម្រាប់កំណើនសេដ្ឋកិច្ចពិភពលោកឱ្យកាន់តែខ្ពស់ ដោយធ្វើឱ្យប្រសើរឡើងនូវចក្ខុវិស័យរបស់សហរដ្ឋអាមេរិក និងប្រទេសចិន ហើយបានលើកឡើងពីការបន្ធូរបន្ថយអតិផរណាលឿនជាងការរំពឹងទុក៕

កូរ៉េខាងជើង និយាយថា ខ្លួនបានបង្កើតប្រព័ន្ធថ្មីសម្រាប់គ្រប់គ្រងឧបករណ៍បាញ់គ្រាប់រ៉ូកែត

2024/02/12 09:47:30 am        167
Facebook Telegram Linkin
ប្រព័ន្ធផ្សព្វផ្សាយរដ្ឋ KCNA បានរាយការណ៍នៅថ្ងៃចន្ទ (១២ កុម្ភៈ) នេះថាប្រទេសកូរ៉េខាងជើង បានបង្កើតដោយជោគជ័យនូវប្រព័ន្ធគ្រប់គ្រងមីស៊ីលបាលិស្ទិកថ្មីមួយសម្រាប់ការបាញ់រ៉ូកែតជាច្រើនគ្រាប់ រួមជាមួយនឹងគ្រាប់ផ្លោងដែលអាចគ្រប់គ្រងបាន។ប្រព័ន្ធផ្សព្វផ្សាយ KCNA បាននិយាយថា បណ្ឌិត្យសភាវិទ្យាសាស្ត្រការពារជាតិ ដែលគ្រប់គ្រងការអភិវឌ្ឍន៍មីស៊ីលរបស់ប្រទេសនេះ បានធ្វើតេស្ដសាកល្បង «ការគ្រប់គ្រងបាលិស្ទិក» ក្នុងការបាញ់គ្រាប់រ៉ូកែតជាច្រើនគ្រាប់ដែលអាចគ្រប់គ្រងបាន ទំហំ ២៤០ មីលីម៉ែត្រ កាលពីថ្ងៃអាទិត្យ (១១ កុម្ភៈ)។សារព័ត៌មាន KCNA បានបន្ថែមថា តម្លៃយុទ្ធសាស្ត្រនៃគ្រាប់រ៉ូកែតច្រើនគ្រាប់ទំហំ ២៤០ មីលីម៉ែត្រ នេះនឹងត្រូវបាន «វាយតម្លៃឡើងវិញ» ហើយតួនាទីរបស់វានៅក្នុងសមរភូមិក៏នឹងកើនឡើងផងដែរ ដោយសារ «ការកែលម្អបច្ចេកទេសយ៉ាងឆាប់រហ័ស»។ការធ្វើតេស្ដបាញ់បង្ហោះកាលពីថ្ងៃអាទិត្យ នេះបានកើតឡើងស្របពេលដែលការសាកល្បងមីស៊ីលជាច្រើនដោយប្រទេសកូរ៉េខាងជើង ក្នុងប៉ុន្មានសប្តាហ៍ថ្មីៗនេះ និងការបង្កើនទំនាក់ទំនងរវាងទីក្រុងព្យុងយ៉ាង និងទីក្រុងមូស្គូ ដោយនោះជាទង្វើមួយដែលត្រូវបានរិះគន់ដោយសហរដ្ឋអាមេរិក និងសម្ព័ន្ធមិត្តរបស់ខ្លួនថាជាការកើនឡើងភាពតានតឹងនៅក្នុងឧបទ្វីបកូរ៉េ៕

បណ្ដាញសង្គម TikTok ភាពប្រទាញប្រទង់សម្រាប់ក្រុមអ្នកបោះឆ្នោត និងក្រុមបេក្ខជនរបស់ឥណ្ឌូនេស៊ី

2024/02/12 09:35:35 am        104
Facebook Telegram Linkin
ខណៈកំពុងអូសមើលវីដេអូរាប់មិនអស់នៅលើបណ្ដាញសង្គម Tiktok របស់ខ្លួន លោកហ្វូហ្សានហាបីប (Fauzan Habib) ប្តេជ្ញាធ្វើវីដេអូក្រុមស្ត្រីវ័យកណ្តាល រាំគាំទ្របេក្ខជនប្រធានាធិបតីឥណ្ឌូនេស៊ី លោក ប្រាបូវ៉ូ ស៊ូបៀនតូ(Prabowo Subianto) ដែលកំពុងមានប្រជាប្រិយភាព។ តាមរយៈការបង្ហោះដ៏ច្រើនសន្ធឹកសន្ធាប់នៅលើវេទិកាប្រព័ន្ធផ្សព្វផ្សាយសង្គមដ៏ពេញនិយមជាមួយនឹងវីដេអូ រាំ លោក Habib មានគោលបំណងជំរុញប្រជាប្រិយភាពរបស់បេក្ខជនប្រធានាធិបតីជួរមុខលោក Prabowo ដែលបច្ចុប្បន្នបម្រើការជាអ្នកធ្វើយុទ្ធនាការប្រព័ន្ធផ្សព្វផ្សាយសង្គម។ ក្នុងអំឡុងពេលនៃយុទ្ធនាការនេះបណ្ដាញសង្គមTikTok បានក្លាយជាប្រភពព័ត៌មានដែលត្រូវបានប្រើប្រាស់ច្រើនបំផុតទី ២ របស់ឥណ្ឌូនេស៊ីទាក់ទងនឹងនយោបាយ បន្ទាប់ពីទូរទស្សន៍ នេះបើយោងតាមការស្ទង់មតិកាលពីខែមករាដោយមជ្ឈមណ្ឌលស្ទង់មតិ Indikator Politik Indonesia ។ យុទ្ធនាការរបស់លោក Prabowo ពឹងផ្អែកយ៉ាងខ្លាំងលើការប្រើប្រាស់ប្រព័ន្ធផ្សព្វផ្សាយសង្គម និងការផ្សព្វផ្សាយក្បាច់រាំយ៉ាងរស់រវើក ដែលពេលខ្លះ លោកបានបញ្ចេញក្បាច់រាំជាសាធារណៈនៅក្នុងយុទ្ធនាការមួយ ដែលអ្នករៀបចំរបស់លោកបានដាក់ឈ្មោះថា "Happy Cheery Politics" ។ប្រជាជនឥណ្ឌូនេស៊ីវ័យក្មេងជាច្រើនបានស្រលាញ់លោក Prabowo ជាពិសេសការក្បាច់រាំក្រមិចក្រមើមរបស់លោកជាសាធារណៈដែលបានរីករាលដាលនៅលើ TikTok ដែលជួយលោកឱ្យទាញយកប្រជាប្រិយភាពពីប្រជាពលរដ្ឋ ។ អ្នកបោះឆ្នោតជិត២០៥លាននាក់ត្រូវបានចុះឈ្មោះបោះឆ្នោតសម្រាប់ការបោះឆ្នោតសកលនៅថ្ងៃទី១៤ខែកុម្ភសប្ដាហ៍នេះ នៅក្នុងប្រទេសកាន់លទ្ធិប្រជាធិបេតេយ្យធំបំផុតទី៣របស់ពិភពលោកសម្រាប់អ្នកស្នងតំណែងពីលោកប្រធានាធិបតី Jokowi៕

អ៊ីរ៉ាក់ និងអាមេរិក បន្តកិច្ចពិភាក្សាលើការបញ្ចប់បេសកកម្មចម្រុះដឹកនាំដោយអាមេរិក

2024/02/12 09:31:24 am        92
Facebook Telegram Linkin
រដ្ឋាភិបាលអ៊ីរ៉ាក់ បាននិយាយថា អ៊ីរ៉ាក់ និងសហរដ្ឋអាមេរិក បានបន្តកិច្ចចរចាជុំថ្មីមួយកាលពីថ្ងៃអាទិត្យដើម្បីពិភាក្សាអំពីការបញ្ចប់បេសកកម្មរបស់សម្ព័ន្ធអន្តរជាតិដែលដឹកនាំដោយសហរដ្ឋអាមេរិក នៅក្នុងប្រទេសអ៊ីរ៉ាក់។អ្នកនាំពាក្យយោធាអ៊ីរ៉ាក់ លោក យ៉ាយ៉ា រ៉ាស៊ូល (Yahya Rasoul) បាននិយាយនៅក្នុងសេចក្តីថ្លែងការណ៍មួយថា គណៈកម្មការយោធាជាន់ខ្ពស់ (HMC) បានបន្តកិច្ចប្រជុំជាមួយភាគីចម្រុះអន្តរជាតិ ដើម្បីវាយតម្លៃស្ថានភាពយោធា កម្រិតនៃការគំរាមកំហែងដែលបង្កឡើងដោយក្រុមរដ្ឋអ៊ីស្លាម (IS) បន្ថែមពីលើសមត្ថភាពរបស់កងកម្លាំងអ៊ីរ៉ាក់។លោករ៉ាស៊ូល បានថ្លែងថា ដោយផ្អែកលើកិច្ចប្រជុំទាំងនេះ កាលវិភាគមួយ នឹងត្រូវបានកំណត់សម្រាប់ការកាត់បន្ថយបន្តិចម្តងៗនៃទីប្រឹក្សាចម្រុះអន្តរជាតិ នៅក្នុងប្រទេសអ៊ីរ៉ាក់ ដែលនាំទៅដល់ការបញ្ចប់បេសកកម្មចម្រុះ ក្នុងការប្រយុទ្ធប្រឆាំងនឹងក្រុមIS និងការផ្លាស់ប្តូរទៅកាន់ទំនាក់ទំនងទ្វេភាគីរបស់អ៊ីរ៉ាក់ជាមួយបណ្តាប្រទេសចម្រុះ។លោកបានបន្ថែមថា កិច្ចប្រជុំជាមួយក្រុមចម្រុះអន្តរជាតិ នឹងធ្វើឡើងជាទៀងទាត់ ដើម្បីបញ្ចប់ការងាររបស់គណៈកម្មការឲ្យបានលឿនតាមដែលអាចធ្វើទៅបាន ដរាបណាមិនមានអ្វីរំខានដល់កិច្ចប្រជុំនោះទេ។កាលពីថ្ងៃទី ២៥ ខែមករា ក្រសួងការបរទេសអ៊ីរ៉ាក់ បាននិយាយនៅក្នុងសេចក្តីថ្លែងការណ៍មួយថា អ៊ីរ៉ាក់បានយល់ព្រមជាមួយសហរដ្ឋអាមេរិក ដើម្បីបង្កើត គណៈកម្មការយោធាជាន់ខ្ពស់ (HMC) ដើម្បីបញ្ចប់បេសកកម្មចម្រុះអន្តរជាតិនៅអ៊ីរ៉ាក់ និងផ្លាស់ប្តូរទំនាក់ទំនងរបស់ពួកគេទៅកាន់ទំនាក់ទំនងទ្វេភាគីដ៏ទូលំទូលាយជាមួយបណ្តាប្រទេសចម្រុះទៅលើផ្នែកនយោបាយ សេដ្ឋកិច្ច វប្បធម៌ សន្តិសុខ និងយោធាច្រើនកម្រិត។

ការអត្ថាធិប្បាយរបស់លោក Trump ពីអង្គការណាតូ រងការរិះគន់យ៉ាងខ្លាំងពីបណ្ដាសមាជិកសម្ព័ន្ធយោធា

2024/02/12 09:22:33 am        149
Facebook Telegram Linkin
ប្រធានាធិបតីអាមេរិកលោក ចូ បៃដិន (Joe Biden) និងក្រុមប្រមុខមន្ត្រីលោកខាងលិច បានរិះគន់អតីតប្រធានាធិបតី ដូណាល់ ត្រាំ (Donald Trump) កាលពីថ្ងៃអាទិត្យ (១១ កុម្ភៈ) បន្ទាប់ពីលោកបានលើកឡើងថា សហរដ្ឋអាមេរិក ប្រហែលជាមិនអាចការពារសម្ព័ន្ធមិត្តណាតូ ដែលមិនបានចំណាយថវិកាគ្រប់គ្រាន់លើការការពារពីការឈ្លានពានរបស់រុស្ស៊ី ទេ។លោក បៃដិន បាននិយាយនៅក្នុងសេចក្តីថ្លែងការណ៍មួយថា «បើលោក ត្រាំ អាចកាន់អំណាចឡើងវិញ ថ្ងៃនោះហើយដែលលោកនឹងបោះបង់ចោលសម្ព័ន្ធមិត្តណាតូ ប្រសិនបើរុស្ស៊ីវាយប្រហារ ហើយអនុញ្ញាតឱ្យរុស្ស៊ី ធ្វើអ្វីតាមអំពើចិត្ត»។លោក ត្រាំ បាននិយាយក្នុងអំឡុងពេលជួបជុំនយោបាយនៅរដ្ឋ សៅ ខារ៉ូឡាញណា (South Carolina) ដោយរំលឹកពីកិច្ចប្រជុំជាមួយបណ្ដាមេដឹកនាំណាតូ និងបាននិយាយដល់ប្រធានាធិបតីនៃ «ប្រទេសធំមួយ» ដែលមិនបញ្ចេញឈ្មោះ ដោយសួរលោកថា «បើយើងមិនមានបានចំណាយគ្រប់គ្រាន់ ហើយយើងត្រូវបានវាយប្រហារដោយរុស្ស៊ី តើអ្នកនឹងការពារយើងទេ?» លោកត្រាំបានឆ្លើយថា «បើរឿងនោះកើតឡើងមែន ខ្ញុំនឹងមិនការពារអ្នកទេ»។សមាជិក ៣១ ប្រទេសរបស់អង្គការណាតូ បានយល់ព្រមលើគោលដៅនៃការចំណាយយ៉ាងហោចណាស់ ២ ភាគរយនៃផលិតផលក្នុងស្រុកសរុបលើវិស័យការពារជាតិ ប៉ុន្តែការប៉ាន់ប្រមាណរបស់ណាតូ បានបង្ហាញថាមានតែ ១១ ប្រទេសប៉ុណ្ណោះដែលចំណាយច្រើនបែបនេះ។ ការអត្ថាធិប្បាយរបស់លោក ត្រាំនេះបានទាក់ទាញការស្តីបន្ទោសយ៉ាងឆាប់រហ័សពីអង្គការណាតូ និងសម្ព័ន្ធមិត្តរបស់សហរដ្ឋអាមេរិក៕

លោក Biden ប្រាប់លោក Netanyahu ថាផែនការវាយប្រហារក្រុងរ៉ាហ្វារបស់ខ្លួនត្រូវតែគិតពីសុវត្ថិភាពជនស៊ីវិល

2024/02/12 09:17:56 am        107
Facebook Telegram Linkin
សេតវិមានបាននិយាយថា លោកប្រធានាធិបតីអាមេរិក Joe Biden បានប្រាប់ លោកនាយករដ្ឋមន្ត្រីអ៊ីស្រាអែលថា ប្រតិបត្តិការយោធានៅ ក្រុងរ៉ាហ្វា(Rafah)មិនគួរកើតឡើងដោយគ្មានវិធានការធានាសុវត្ថិភាពរបស់ជនស៊ីវិលនោះទេ។ នៅក្នុងការសន្ទនាតាមទូរស័ព្ទជាមួយលោក Benjamin Netanyahu លោក Biden បាននិយាយថា អ៊ីស្រាអែលត្រូវការ ផែនការដែលអាចទុកចិត្តបាន និងអាចប្រតិបត្តិបាន ដើម្បីការពារប្រជាជនជាងមួយលាននាក់នៅក្នុងទីក្រុងនេះ។ អ៊ីស្រាអែល កំពុងប្រឈមនឹងការព្រមានពីអន្តរជាតិកាន់តែខ្លាំងឡើង ជុំវិញការវាយលុកដែលបានគ្រោងទុក។លោក Netanyahu បានទទូចថា ដំណើរការវាយលុករបស់ខ្លួននឹងដំណើរការទៅមុខ ហើយផែនការកំពុងត្រូវបានរៀបចំ។ការជជែកតាមទូរស័ព្ទរវាងមេដឹកនាំទាំងពីរបានកើតឡើងប៉ុន្មានថ្ងៃបន្ទាប់ពីលោក Biden បានលើកឡើងថាប្រតិបត្តិការយោធារបស់អ៊ីស្រាអែលនៅហ្កាហ្សាគឺជាទង្វើជ្រុលហួសហេតុ។ ការពិភាក្សានេះក៏បានកើតឡើងផងដែរ ក្រោយសម្ព័ន្ធមិត្តរបស់អ៊ីស្រាអែល អង្គការអន្តរជាតិ និងមហាអំណាចក្នុងតំបន់បង្ហាញពីការព្រួយបារម្ភកាន់តែខ្លាំងឡើងចំពោះការលើកឡើងដែលថា ទាហានអ៊ីស្រាអែលនឹងចូលទៅក្នុងទីក្រុងរ៉ាហ្វា ដែលស្ថិតនៅជាប់ព្រំដែនជាមួយអេហ្ស៊ីប និងជាចំណុចបើកចំហតែមួយគត់សម្រាប់ជំនួយមនុស្សធម៌។ អង្គការសហប្រជាជាតិបាននិយាយថា គ្មានកន្លែងណាមានសុវត្ថិភាពត្រូវទៅសម្រាប់ប្រជាជនប៉ាឡេស្ទីន ចំនួន១,៥ លាននាក់ដែលកំពុងស្នាក់នៅក្នុងទីក្រុងឆ្ងាយភាគខាងត្បូងនៃហ្កាហ្សាស្ទ្រីបនោះទេ។ប្រជាជនជាច្រើនកំពុងរស់នៅក្នុងតង់ក្នុងជំរំជនភៀសខ្លួន ដោយត្រូវបានបង្ខំឱ្យភៀសខ្លួនចេញពីផ្ទះសម្បែងរបស់ពួកគេទៅកន្លែងផ្សេងទៀតក្នុងតំបន់ហ្កាហ្សាយ៉ាងហោចណាស់ម្តង តាមបញ្ជារបស់យោធាអ៊ីស្រាអែល៕

ហ្វាំងឡង់ រកឃើញប្រធានាធិបតីឈ្នះឆ្នោតថ្មីរបស់ខ្លួនគឺបេក្ខជនមកពីបក្សស្ដាំនិយមកណ្ដាល

2024/02/12 09:14:08 am        71
Facebook Telegram Linkin
លោក អាឡិចសាន់ឌឺ ស្ទូប (Alexander Stubb) នៃគណបក្សសម្ព័ន្ធជាតិស្តាំនិយមកណ្តាលបានឈ្នះការបោះឆ្នោតប្រធានាធិបតីហ្វាំងឡង់ កាលពីថ្ងៃអាទិត្យ (១១ កុម្ភៈ) ដោយបានផ្តួលសមាជិកគណបក្សសេរីនិយមលោក ពែកកា ហាវីស្តូ (Pekka Haavisto) ដែលបានទទួលស្គាល់បរាជ័យ។លោក ស្ទូប គឺជាគាំទ្រអឺរ៉ុប និងជាអ្នកគាំទ្រដ៏រឹងមាំចំពោះអ៊ុយក្រែន ដែលបានប្រកាន់ជំហរតានតឹងជាមួយរុស្ស៊ី។ លោកបានប្រកាសថាខ្លួនជាអ្នកឈ្នះនៅក្នុងការបោះឆ្នោត បន្ទាប់ពីទទួលបានសំឡេងគាំទ្រ ៥១,៦ ភាគរយ ខណៈសន្លឹកឆ្នោត ៩៩,៧ ភាគរយត្រូវបានរាប់ ធៀបនឹងសំឡេង ៤៨,៤ ភាគរយរបស់លោក ហាវីស្តូ នេះបើយោងតាមទិន្នន័យរបស់ក្រសួងយុត្តិធម៌។ប្រមុខរដ្ឋថ្មីរបស់ប្រទេសហ្វាំងឡង់ នឹងទទួលខុសត្រូវចំពោះសន្តិសុខ និងគោលនយោបាយការបរទេសរបស់ខ្លួន រួមទាំងជំហររបស់សមាជិកណាតូ ដែលត្រូវបានអនុម័តនាពេលថ្មីៗនេះចំពោះប្រទេសរុស្ស៊ី ដែលប្រទេសនេះមានព្រំដែនដ៏វែងឆ្ងាយជាមួយខ្លួន។ការបោះឆ្នោតនេះ គឺជាយុគសម័យថ្មីមួយនៅក្នុងប្រទេសហ្វាំងឡង់ ដែលអស់រយៈពេលជាច្រើនទស្សវត្សរ៍បានជ្រើសរើសប្រធានាធិបតីដើម្បីជំរុញទំនាក់ទំនងការទូត ជាពិសេសជាមួយប្រទេសរុស្ស៊ី ដែលនៅជិតខាង ហើយបានជ្រើសរើសមិនចូលរួមសម្ព័ន្ធយោធាដើម្បីបន្ធូរបន្ថយភាពតានតឹងរវាងទីក្រុងមូស្គូ និងអង្គការណាតូ។ប៉ុន្តែប្រជាជនហ្វាំងឡង់ បានប្ដូរចិត្តបន្ទាប់ពីរុស្ស៊ី វាយលុកអ៊ុយក្រែន ដែលធ្វើឲ្យប្រទេសនេះងាកទៅចូលរួមក្នុងសម្ព័ន្ធយោធាណាតូ កាលពីខែមេសា ឆ្នាំមុន៕

ក្រុមអ្នកគាំទ្រលោក Imran Khan ឈ្នះអាសនៈភាគច្រើនក្នុងការបោះឆ្នោតនៅប៉ាគីស្ថាន ខណៈគូប្រជែងប្រកាសជ័យជម្នះ

2024/02/12 08:49:22 am        172
Facebook Telegram Linkin
លទ្ធផលចុងក្រោយនៃការបោះឆ្នោតរបស់ប្រទេសប៉ាគីស្ថានបានធ្វើឱ្យក្រុមអ្នកឯករាជ្យដែលភាគច្រើនគាំទ្រអតីតនាយករដ្ឋមន្ត្រីលោកអ៊ីមរ៉ានខាន(Imran Khan) ដែលកំពុងជាប់ពន្ធនាគារ នាំមុខគេដោយទទួលបានអាសនៈចំនួន៩៣ ក្នុងចំណោមអាសនៈសរុបចំនួន២៦៤។គណបក្សសម្ព័ន្ធមូស្លីមប៉ាគីស្ថាន (PML) របស់លោក ណាវ៉ាស់ ហ្សារីហ្វ (Nawaz Sharif) ដែលជាអតីតនាយករដ្ឋមន្ត្រីមួយរូបផ្សេងទៀត ស្ថិតក្នុងលំដាប់ទីពីរដោយទទួលបាន៧៥ អាសនៈ បន្ទាប់ពីការបោះឆ្នោតកាលពីថ្ងៃព្រហស្បតិ៍សប្ដាហ៍មុន។ បុរសវ័យ៧៤ ឆ្នាំរូបនេះ ខ្វះសំឡេងភាគច្រើនដាច់ខាត ប៉ុន្តែគណបក្សសម្ព័ន្ធមូស្លីមប៉ាគីស្ថាន( PML)បានលេចចេញជាគណបក្សដ៏ធំបំផុតតែមួយ នៅក្នុងសភា ខណៈក្រុមឯករាជ្យរបស់លោក Khan បានឈរឈ្មោះជាលក្ខណៈបុគ្គល។ លោក Sharif និងលោក Khan ដែលជាអតីតប្រធានក្រុមកីឡា គ្រីកឃីត (cricket)និងជាប្រវត្តិសាស្ត្រនៃកីឡារបស់ប្រទេសប៉ាគីស្ថាន នោះ អ្នកទាំងពីរនាក់សុទ្ធតែបានប្រកាសពីជ័យជម្នះរៀងៗខ្លួន ខណៈលទ្ធផលនៅមិនទាន់ច្បាស់នៅឡើយថា តើអ្នកណា នឹងបង្កើតរដ្ឋាភិបាល។លោក Khan កំពុងជាប់ពន្ធនាគារសម្រាប់ការកាត់ទោសលើបទចោទប្រកាន់រាប់ចាប់ពីការលេចធ្លាយអាថ៌កំបាំងរដ្ឋរហូតដល់អំពើពុករលួយ ប៉ុន្តែក្រុមអ្នកគាំទ្ររបស់លោកទទូចថាការចោទប្រកាន់នេះគឺមានហេតុផលនយោបាយ។ មនុស្សរាប់លាននាក់បានចេញមកបោះឆ្នោតឱ្យឯករាជ្យ ទោះបីជាលោក Khan មិនអាចជាផ្នែកមួយនៃរដ្ឋាភិបាលណាមួយ ខណៈរូបលោក កំពុងជាប់ពន្ធនាគារក៏ដោយ។ បេក្ខភាពនាយករដ្ឋមន្ត្រី ត្រូវបង្ហាញអាសនៈភាគច្រើនចំនួន ១៦៩ នៅក្នុងរដ្ឋសភា ដើម្បីបង្កើតរដ្ឋាភិបាលនៅពេលដែលសភាត្រូវបានហោះហៅនៅថ្ងៃខាងមុខ។នេះនឹងត្រូវបានកំណត់ដោយការពិភាក្សាចម្រុះនិងថាតើបេក្ខជនដែលគាំទ្រលោក Khan អាចចូលរួមជាមួយគណបក្សតូចជាងខ្លួននៅក្នុងសភាក្នុងការបង្កើតប្លុកតែមួយដើម្បីទទួលបានអាសនៈបម្រុងដែរឬទេ៕

បណ្ដាញសង្គម

ព័ត៌មានថ្មីៗ

សម្តេចតេជោ ហ៊ុន សែន អញ្ជើញចូលរួមអបអរសាទរខួបលើកទី៨០ឆ្នាំ ទិវាឯករាជ្យរបស់វៀតណាម
08/21/2025 08:08 PM
Facebook Telegram Linkin
បេឡារុស៖ របៀបបំពាក់ប្រព័ន្ធមីស៊ីលជាមួយនឹងក្បាលគ្រាប់នុយក្លេអ៊ែរ កំពុងត្រូវបានស្វែងយល់
08/21/2025 08:08 PM
Facebook Telegram Linkin
រដ្ឋមន្ត្រីការបរទេស៖ ចិនសម្លឹងដល់កិច្ចសហប្រតិបត្តិការផ្នែកកសិកម្ម និងជីករ៉ែ ជាមួយប៉ាគីស្ថាន
08/21/2025 08:08 PM
Facebook Telegram Linkin
រដ្ឋាភិបាល៖ អង្គការណាតូនឹងបង្កើតមូលដ្ឋានភស្តុភារ នៅស៊ុយអែត
08/21/2025 08:08 PM
Facebook Telegram Linkin
​ការថែទាំផ្លូវមានសារៈសំខាន់ណាស់ ដើម្បីលើកកម្ពស់ជីវភាពរស់នៅរបស់ប្រជាជននៅជនបទ
08/21/2025 08:08 PM
Facebook Telegram Linkin
រុស្ស៊ីធ្វើសមយុទ្ធបាញ់មីស៊ីល នៅសមុទ្រជប៉ុន
08/21/2025 07:08 PM
Facebook Telegram Linkin
​ ផ្នែកខ្លះរបស់រុស្ស៊ី ប្រឈមនឹងកង្វះប្រេងសាំង បន្ទាប់ពីអ៊ុយក្រែនវាយប្រហាររោងចក្រចម្រាញ់ប្រេង
08/21/2025 07:08 PM
Facebook Telegram Linkin
សរទរដូវជិតមកដល់ ប៉ុន្តែកូរ៉េខាងត្បូង នៅតែស្ថិតក្នុងអាកាសធាតុក្តៅហួតហែង
08/21/2025 07:08 PM
Facebook Telegram Linkin
អតីតពលការិនីត្រឡប់មកពីប្រទេសថៃ បីនាក់បងប្អូន ទទួលបានការងារធ្វើភ្លាមៗ នៅក្នុងខេត្តស្វាយរៀង ដោយម្នាក់ៗទទួលបានប្រាក់ឈ្នួលប្រចាំខែជិត ៥០០ដុល្លាអាមេរិក
08/21/2025 06:08 PM
Facebook Telegram Linkin
ឯកឧត្តម ឃឹម ហ្វីណង់៖ទោះបីជាថ្លៃស្រូវបច្ចុប្បន្ននៅតែបន្តជាបញ្ហាប្រឈមតែការចូលរួមប្រមូលទិញស្រូវពីរោងម៉ាស៊ីនដៃគូពិតជាបានជួយកាត់បន្ថយយ៉ាងច្រើនដល់ការកកស្ទះនៅតាមទីវាល
08/21/2025 06:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.