នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

នាយករដ្ឋមន្ត្រីថ្មី របស់ប្រទេសបារាំង បង្កើតរដ្ឋាភិបាល

2024/01/12 12:44:42 pm        450
Facebook Telegram Linkin
ប្រធានាធិបតីបារាំង លោក Emmanuel Macron កាលពីថ្ងៃព្រហស្បតិ៍ បានតែងតាំងបញ្ជីរដ្ឋមន្ត្រីនៅក្នុងរដ្ឋាភិបាលថ្មី ដោយផ្អែកលើសំណើរបស់នាយករដ្ឋមន្ត្រីដែលទើបនឹងតែងតាំងថ្មី លោក Gabriel Attal ។យោងតាមសេចក្តីប្រកាសព័ត៌មានរបស់វិមានប្រធានាធិបតី Elysee បានឲ្យដឹងថា រដ្ឋាភិបាលថ្មីបច្ចុប្បន្នមានរដ្ឋមន្ត្រីចំនួន ១១រូប និងរដ្ឋមន្ត្រីប្រតិភូអមនាយករដ្ឋមន្ត្រីចំនួន ៣រូប កាត់បន្ថយពីរដ្ឋមន្ត្រីចំនួន ១៦ រូប និងរដ្ឋមន្ត្រីប្រតិភូអម ចំនួន ៣ រូប នៅក្នុងរដ្ឋាភិបាលមុន។ចំណោមរដ្ឋមន្ត្រីថ្មី ក្នុងរដ្ឋាភិបាលរបស់លោក Attal លោក Stephane Sejourne អាយុ ៣៨ ឆ្នាំ ត្រូវបានតែងតាំងជារដ្ឋមន្ត្រីទទួលបន្ទុកកិច្ចការអឺរ៉ុប និងកិច្ចការបរទេស។ក្រសួងការងារ និងក្រសួងសុខាភិបាល ពេលនេះត្រូវបានបញ្ចូលគ្នាទៅជាក្រសួងការងារ សុខាភិបាល និងសាមគ្គីភាព ដឹកនាំដោយលោកស្រី Catherine Vautrin ។ រដ្ឋមន្ត្រីក្រសួងវប្បធម៌ថ្មី គឺលោកស្រី Rachida Dati ជាអតីតយុទ្ធជននយោបាយមានបទពិសោធន៍ ជាអ្នកដែលបានបម្រើការជារដ្ឋមន្ត្រីយុត្តិធម៌ ក្រោមរបបប្រធានាធិបតី លោក Nicolas Sarkozy ។សមាជិកជាន់ខ្ពស់បំផុតពីររូប មកពីរដ្ឋាភិបាលមុនគឺ លោក Bruno Le Maire និងលោក Gerald Darmanin រក្សានៅតំណែងជារដ្ឋមន្ត្រីក្រសួងសេដ្ឋកិច្ច ហិរញ្ញវត្ថុ និងអធិបតេយ្យភាពឧស្សាហកម្ម និងឌីជីថល និងជារដ្ឋមន្ត្រីក្រសួងមហាផ្ទៃ និងកិច្ចការក្រៅប្រទេសបារាំង។លោក Eric Dupond-Moretti បន្តជារដ្ឋមន្ត្រីក្រសួងយុត្តិធម៌ និងជាអ្នករក្សាទុកត្រា ហើយលោក Sebastien Lecornu នៅតែជារដ្ឋមន្ត្រីនៃកងកម្លាំងប្រដាប់អាវុធ និង លោក Marc Fesneau បន្តជារដ្ឋមន្ត្រីក្រសួងកសិកម្ម និងអធិបតេយ្យភាពស្បៀងអាហារ។

អាហ្រ្វិកខាងត្បូង បង្កើតសំណុំរឿងប្រឆាំងអ៊ីស្រាអែល ជុំវិញការប្រល័យពូជសាសន៍នៅហ្កាហ្សា នៅតុលាការ ICJ

2024/01/12 12:41:36 pm        388
Facebook Telegram Linkin
ប្រទេសអាហ្វ្រិកខាងត្បូង បានទាមទារឱ្យតុលាការយុត្តិធម៌អន្តរជាតិ (ICJ) បង្គាប់អ៊ីស្រាអែល ឲ្យបញ្ឈប់ជាបន្ទាន់នូវប្រតិបត្តិការយោធារបស់ខ្លួនជាវិធានការបណ្តោះអាសន្ន ដើម្បីការពារប្រជាជនប៉ាឡេស្ទីន នៅតំបន់ហ្កាហ្សា។ សវនាការ បានចាប់ផ្តើមកាលពីថ្ងៃព្រហស្បតិ៍នៅទីក្រុងឡាអេ ប្រទេសហូឡង់។ ប្រទេសអាហ្រ្វិកខាងត្បូង បានដាក់ពាក្យបណ្តឹងកាលពីថ្ងៃទី ២៩ ខែធ្នូ ដោយចោទប្រកាន់អ៊ីស្រាអែលថាបានប្រព្រឹត្តអំពើប្រល័យពូជសាសន៍នៅតំបន់ហ្កាហ្សា។ តុលាការយុត្តិធម៌អន្តរជាតិ (ICJ) មានតួនាទីជាស្ថាប័នតុលាការដ៏សំខាន់របស់អង្គការសហប្រជាជាតិ។ តំណាងប្រទេសអាហ្រ្វិកខាងត្បូង បាននិយាយថា លុះត្រាតែមានចំណាត់ការដើម្បីធ្វើអន្តរាគមន៍ក្នុងស្ថានភាព នៅកន្លែងដែលអ៊ីស្រាអែល មិនគោរពកាតព្វកិច្ចអន្តរជាតិ នោះផលវិបាកនឹង «ធ្ងន់ធ្ងរ» សម្រាប់ពលរដ្ឋប៉ាឡេស្ទីននៅតំបន់ហ្កាហ្សា ជាអ្នកដែលនៅតែមានហានិភ័យនៃ «អំពើប្រល័យពូជសាសន៍បន្ថែមទៀត»។ ប្រទេសអាហ្រ្វិកខាងត្បូង អះអាងថា អ៊ីស្រាអែល បានបំពានលើអនុសញ្ញាប្រល័យពូជសាសន៍ ដែលតម្រូវឱ្យភាគីរបស់អនុសញ្ញានេះរារាំង និងដាក់ទណ្ឌកម្មលើអំពើប្រល័យពូជសាសន៍។ សន្ធិសញ្ញា កំណត់ការប្រល័យពូជសាសន៍ថាជា អំពើដែលប្រព្រឹត្តដោយចេតនា ដើម្បីបំផ្លាញប្រទេស ក្រុមជាតិសាសន៍ ជនជាតិភាគតិច ឬសាសនា។ ទាំងប្រទេសអាហ្វ្រិកខាងត្បូង និងប្រទេសអ៊ីស្រាអែល គឺជាប្រទេសហត្ថលេខីនៃអនុសញ្ញានេះ។ នាយករដ្ឋមន្ត្រីអ៊ីស្រាអែល លោក Benjamin Netanyahu បានរិះគន់ខ្លាំងចំពោះប្រទេសអាហ្វ្រិកខាងត្បូង។ លោកបាននិយាយនៅក្នុងសារតាមវីដេអូថា អ្នកទាំងឡាយដែលការពារអង្គការភេរវកម្ម ប្រព្រឹត្តឧក្រិដ្ឋកម្មរន្ធត់បំផុតទៅលើជនជាតិជ្វីហ្វ ចាប់តាំងពីការសម្លាប់រង្គាល គឺជាការព្រហើនឥតកោតក្រែន។ លោកបាននិយាយបន្ថែមថា ភាពមិនស្មោះត្រង់របស់ប្រទេសអាហ្វ្រិកខាងត្បូង បានដឹងដល់ឋានសួគ៌។ សវនាការនឹងបន្តរហូតដល់ថ្ងៃសុក្រនេះ។ ប្រព័ន្ធផ្សព្វផ្សាយមួយចំនួន កំពុងរាយការណ៍ថាតុលាការ ត្រូវបានគេរំពឹងថា នឹងធ្វើសេចក្តីសម្រេចក្នុងរយៈពេលច្រើនសប្តាហ៍ខាងមុខ ឲ្យបានឆាប់បំផុត។

ប្រធានាធិបតីអ៊ុយក្រែន៖ រុស្ស៊ីកំពុងស្វែងរកការរុលទៅមុខជាយុទ្ធសាស្ត្រ មុនបំណងបោះឆ្នោតឡើងវិញរបស់លោក Putin

2024/01/12 12:35:47 pm        374
Facebook Telegram Linkin
ប្រធានាធិបតីអ៊ុយក្រែន លោក Volodymyr Zelenskiy បាននិយាយកាលពីថ្ងៃព្រហស្បតិ៍ថា ផែនការរបស់រុស្ស៊ីនៅលើសមរភូមិប្រយុទ្ធ គឺត្រូវរុលចូលទៅមុខជាយុទ្ធសាស្ត្រ មុនពេលលោក Putin ស្វែងរកការបោះឆ្នោតឡើងវិញ នៅខែមីនា ហើយបន្ទាប់មកនឹងមានចំណាត់ការយោធាទ្រង់ទ្រាយធំ។ថ្លែងទៅកាន់អ្នកសារព័ត៌មាន នៅរដ្ឋធានី Riga ប្រទេសឡាតវី ក្នុងអំឡុងដំណើរទស្សនកិច្ចទៅកាន់តំបន់បាល់ទិក លោក Zelenskiy បាននិយាយថា ស្ថានភាពនៅសមរភូមិមុខ មានភាពស្មុគស្មាញខ្លាំង ហើយអ៊ុយក្រែនខ្វះសព្វាវុធ។នៅក្នុងដំណើរទស្សនកិច្ចរបស់លោកទៅកាន់ប្រទេសលីទុយអានី ឡាតវី និងអេស្តូនី ដែលជាអ្នកគាំទ្រដ៏រឹងមាំបំផុតរបស់ទីក្រុងគីវនៅក្នុងសហភាពអឺរ៉ុប និងសម្ព័ន្ធមិត្តយោធាណាតូ លោក Zelenskiy សង្ឃឹមថានឹងជំរុញជាថ្មីប្រឆាំងភាពនឿយណាយក្នុងចំណោមសម្ព័ន្ធមិត្តប្រទេសលោកខាងលិចរបស់អ៊ុយក្រែន ដើម្បីទទួលបានជំនួយផ្នែកហិរញ្ញវត្ថុ និងយោធាបន្ថែមទៀត ព្រមទាំងពិភាក្សាអំពីបំណងរបស់ទីក្រុងគីវ ដើម្បីចូលជាសមាជិកសម្ព័ន្ធយោធាណាតូ និងសហភាពអឺរ៉ុប។រដ្ឋតំបន់បាល់ទិកទាំងបី គឺជាប្រទេសលោកខាងលិចដំបូងគេ ដែលផ្គត់ផ្គង់ដល់អ៊ុយក្រែន នូវអាវុធដ៍មានសក្តានុពលក្នុងរយៈពេលជាច្រើនសប្តាហ៍ មុនពេលការឈ្លានពានរបស់រុស្ស៊ីកាលពីខែកុម្ភៈឆ្នាំ ២០២២។

ប្រមុខការទូតអាមេរិក Antony Blinken នឹងជួបមន្ត្រីជាន់ខ្ពស់ចិន មុនការបោះឆ្នោតនៅកោះតៃវ៉ាន់

2024/01/12 12:23:01 pm        363
Facebook Telegram Linkin
ក្រសួងការបរទេសអាមេរិកបាននិយាយនៅក្នុងកាលវិភាគផ្លូវការរបស់ខ្លួនថាប្រមុខការទូតអាមេរិក លោក Antony Blinken នឹងជួបមន្រ្តីជាន់ខ្ពស់របស់ចិនលោក លីវ ជៀនចាវ (Liu Jianchao)នៅក្នុងទីក្រុងវ៉ាស៊ីនតោន នៅថ្ងៃសុក្រនេះ ហើយជំនួបដែលនឹងកើតមានឡើងត្រឹមតែមួយថ្ងៃប៉ុណ្ណោះ មុនការបោះឆ្នោតនៅកោះតៃវ៉ាន់ នឹងសាកល្បងកិច្ចខិតខំប្រឹងប្រែងដើម្បីបន្ធូរបន្ថយភាពតានតឹងរវាងសហរដ្ឋអាមេរិក និងចិន។ ការបោះឆ្នោតជ្រើសរើសមេដឹកនាំ និងសភានឹងប្រព្រឹត្តទៅនៅថ្ងៃទី១៣ខែមករា ស្អែកនេះ នៅតៃវ៉ាន់ ដែលចិនអះអាងថាជាទឹកដីរបស់ខ្លួន តំណាងឱ្យសន្លឹកបៀក្រហមពិតប្រាកដដំបូងគេក្នុងឆ្នាំ ២០២៤សម្រាប់គោលដៅរបស់រដ្ឋបាល លោក Biden ក្នុងការរក្សាទំនាក់ទំនងស្ថិរភាពជាមួយប្រទេសចិន។ កាលវិភាគដែលត្រូវបានផ្សព្វផ្សាយជាសាធារណៈជាប្រចាំរបស់ លោកBlinken ពុំបានផ្តល់ព័ត៌មានលម្អិតបន្ថែមអំពីកិច្ចប្រជុំម៉ោង ១០ ព្រឹក ម៉ោងសកលនោះទេ។ ប៉ុន្តែជំនួបនេះនឹងក្លាយជាជំនួបចុងក្រោយក្នុងភាពតានតឹងនៃអន្តរកម្មរវាងអាមេរិក និងចិន បន្ទាប់ពីជំនួបកំពូលកាលពីខែវិច្ឆិការវាងលោកប្រធានាធិបតីអាមេរិក Joe Biden និង លោកប្រធានាធិបតីចិន Xi Jinping នៅទីក្រុង San Francisco។កម្មវិធីទាំងនោះរួមមានកិច្ចប្រជុំកាលពីថ្ងៃពុធរវាងលោកលីវ (Liu)និងទីប្រឹក្សាសន្តិសុខជាតិរងសេតវិមានលោក ចូន ហ្វីនើរ (Jon Finer) ជំនួបតាមទូរស័ព្ទកាលពីថ្ងៃព្រហស្បតិ៍រវាងរដ្ឋមន្ត្រីក្រសួងពាណិជ្ជកម្មសហរដ្ឋអាមេរិកលោកស្រីហ្គីណារៃម៉ុនដូ(Gina Raimondo) និងរដ្ឋមន្ត្រីក្រសួងពាណិជ្ជកម្មចិនលោក វ៉ាង វិនតាវ (Wang Wentao) និងការបន្តឡើងវិញនៅសប្តាហ៍នេះនៃកិច្ចចរចាយោធាដែលជាប់គាំងជាយូរមកហើយរវាងប្រទេសទាំង២។ .កិច្ចប្រជុំទាំងនោះទំនងមានគោលបំណងជាផ្នែកមួយក្នុងការពង្រឹងទំនាក់ទំនងរវាងសហរដ្ឋអាមេរិក និងចិន ដែលធ្លាក់ចុះដល់កម្រិតទាបជាប្រវត្តិសាស្ត្រកាលពីឆ្នាំមុន ពីប្រភេទនៃការប៉ះទង្គិចគ្នា ដែលជាធម្មតាកើតចេញពីការបោះឆ្នោតនៅកោះតៃវ៉ាន់៕

ក្រុមរដ្ឋមន្ត្រី នឹងរៀបចំលទ្ធភាពជំនួបរវាងលោកហ្សេឡិនស្គី និងលោកអ័របាន ជុំវិញជម្លោះជំនួយរបស់សហភាពអឺរ៉ុប

2024/01/12 12:20:13 pm        411
Facebook Telegram Linkin
ប្រធានាធិបតីអ៊ុយក្រែនលោក វ៉ូឡូមៀ ហ្សេឡិនស្គី (Volodymyr Zelensky) អាចនឹងត្រៀមជួបជាមួយនាយករដ្ឋមន្ត្រីហុងគ្រី លោក វីកទ័រ អ័របាន (Viktor Orbán) ក្នុងពេលឆាប់ៗនេះ ខណៈដែលប្រទេសហុងគ្រី បន្តរារាំងជំនួយរបស់សហភាពអឺរ៉ុបដែលបានកំណត់សម្រាប់ទីក្រុងគីវ។ភាគីទាំងពីរ បាននិយាយកាលពីថ្ងៃព្រហស្បតិ៍ថា ដើម្បីត្រួសត្រាយផ្លូវសម្រាប់ជំនួបដ៏មានសក្តានុពលរវាងមេដឹកនាំទាំងពីរ រដ្ឋមន្ត្រីការបរទេសអ៊ុយក្រែន លោក ឌ្មីត្រូ កូបេឡា ( Dmytro Kuleba) និងសមភាគីហុងគ្រី លោក ប៉េទឺ ហ្ស៊ីហ្សាតូ (Peter Szijjarto) គ្រោងនឹងជួបប្រជុំគ្នា នៅទីក្រុងអ៊ុសហូ រូដ ( Uzhhorod) ភាគខាងលិចអ៊ុយក្រែន នៅថ្ងៃទី២៩ ខែមករា។អ្នកនាំពាក្យក្រសួងការបរទេសអ៊ុយក្រែន លោក អូឡេ នីកូឡែនកូ (Oleh Nikolenko) បាននិយាយថា ប្រធានការិយាល័យប្រធានាធិបតីអ៊ុយក្រែន លោក អានឌ្រី យឺម៉ាក (Andrii Yermak) ត្រូវបានគេរំពឹងថានឹងចូលរួមផងដែរ។ប្រទេសអ៊ុយក្រែន បាននិងកំពុងប្រយុទ្ធប្រឆាំងនឹងការឈ្លានពានរបស់រុស្ស៊ី ចាប់តាំងពីខែកុម្ភៈឆ្នាំ ២០២២ ហើយកម្មវិធីជំនួយថ្មីរបស់សហភាពអឺរ៉ុបដែលមានតម្លៃ ៥០ពាន់លានអឺរ៉ូ (៥៥ពាន់លានដុល្លារ) សម្រាប់រយៈពេល ៤ឆ្នាំបន្ទាប់ ត្រូវបានគេសន្មតថា ត្រូវបានយល់ព្រម កាលពីខែធ្នូ ឆ្នាំមុន។ប៉ុន្តែលោកអ័របាន ដែលរក្សាទំនាក់ទំនងល្អជាមួយប្រធានាធិបតីរុស្ស៊ី លោក វ្ល៉ាឌីមៀ ពូទីន (Vladimir Putin) បានវេតូផែនការនេះ ដោយបានចោទសួរអំពីអត្ថប្រយោជន៍នៃមូលនិធិនេះ និងបញ្ជាក់ថា សហភាពអឺរ៉ុប បានបង្កកមូលនិធិខុសដែលបានកំណត់សម្រាប់ប្រទេសរបស់ខ្លួន។

លោកប្ល៊ីនខិន៖ ផ្លូវទៅកាន់រដ្ឋប៉ាឡេស្ទីន អាចធ្វើឲ្យផ្តាច់ខ្លួនចេញពីអ៊ីរ៉ង់

2024/01/12 11:17:49 am        370
Facebook Telegram Linkin
រដ្ឋមន្ត្រីការបរទេសអាមេរិក លោក អង់តូនី ប្ល៊ីនខិន (Antony Blinken) បាននិយាយកាលពីថ្ងៃព្រហស្បតិ៍ថា ការផ្តល់ផ្លូវទៅកាន់រដ្ឋប៉ាឡេស្ទីន គឺជាមធ្យោបាយដ៏ល្អបំផុត ដើម្បីធ្វើឲ្យមានស្ថិរភាព ក្នុងតំបន់ដ៏ធំនេះ និងផ្តាច់ខ្លួនពីអ៊ីរ៉ង់ និងក្រុមតំណាងរបស់ខ្លួន ខណៈលោកបានបញ្ចប់ដំណើរទស្សនកិច្ចក្នុងតំបន់ដ៏គួរឲ្យ ភ័យខ្លាចជុំវិញសង្រ្គាមហ្កាហ្សា នៅទីក្រុងគែរ។ការទំនាក់ទំនងរវាងអ៊ីស្រាអែល និងបណ្តារដ្ឋអារ៉ាប់ លោកប្ល៊ីនខិន បាននិងកំពុងជំរុញឲ្យមានផ្លូវមួយឆ្ពោះទៅមុខបញ្ចៀសពីការបង្ហូរឈាម នៅតំបន់ហ្កាហ្សា ទោះបីជាជម្លោះនេះ គំរាមកំហែងដល់ការរីករាលដាលបន្ថែមទៀតទៅកាន់ផ្លូវដឹកជញ្ជូនរបស់លីបង់ អ៊ីរ៉ាក់ និងសមុទ្រក្រហមក៏ដោយ។ថ្លែងទៅកាន់អ្នកសារព័ត៌មានបន្ទាប់ពីជួបជាមួយប្រធានាធិបតីអេហ្ស៊ីប លោក អាប់ឌែល ហ្វាតា អាល់ស៊ីស៊ី (Abdel Fattah al-Sisi) លោកប្ល៊ីនខិន បាននិយាយថា តំបន់ប្រឈមមុខនឹងផ្លូវពីរ ដែលទីមួយនឹងមើលឃើញថា៖«អ៊ីស្រាអែលរួមបញ្ចូលជាមួយការធានាសន្តិសុខ និងការប្តេជ្ញាចិត្តពីបណ្តាប្រទេស ក្នុងតំបន់ និងពីសហរដ្ឋអាមេរិក ហើយរដ្ឋប៉ាឡេស្ទីនយ៉ាងហោចណាស់ផ្លូវមួយទទួលបានផ្លូវមួយដែលអាចផ្តាច់ខ្លួនចេញពីអ៊ីរ៉ង់បាន។ លោកបាននិយាយថា៖«ផ្លូវផ្សេងទៀត គឺត្រូវបន្តមើលអំពើភេរវកម្ម ភាពចលាចល ការបំផ្លិចបំផ្លាញដោយក្រុមហាម៉ាស ដោយក្រុមហួទី ដោយក្រុមហេសបូឡា ដែលគាំទ្រដោយអ៊ីរ៉ង់»។ប្រសិនបើអ្នកបន្តទៅផ្លូវទីមួយ ...នោះ គឺជាវិធីល្អបំផុតតែមួយគត់ ដើម្បីដាក់ឲ្យនៅដាច់ពីគេ ដើម្បីកាត់បន្ថយអ៊ីរ៉ង់ និងក្រុមតំណាងដែលកំពុងបង្កបញ្ហាច្រើនសម្រាប់ពួកយើង និងសម្រាប់មនុស្សគ្រប់រូបផ្សេងទៀតនៅក្នុងតំបន់។

BREAKING NEWS! សម្ដេចធិបតី ហ៊ុន ម៉ាណែត សម្រេចដកតំណែង លោក ខេង យ័ន ពីអភិបាលក្រុងកែប ដែលជាការអនុវត្តអភិក្រមទី៥ គឺ "ការវះកាត់"

2024/01/12 09:32:55 am        814
Facebook Telegram Linkin
អភិក្រមទាំង៥÷ ឆ្លុះកញ្ចក់ ងូតទឹក ដុះក្អែល ព្យាបាល និង វះកាត់  នៅព្រឹកថ្ងៃទី១២ ខែមករា ឆ្នាំ២០២៤នេះ សម្ដេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានចេញអនុក្រឹត្យសម្រេចបញ្ចប់មុខតំណែងលោក ខេង យ័ន ឋានន្តរស័ក្ដិវរមន្ត្រី ថ្នាក់លេខ២ ពីអភិបាល នៃគណៈអភិបាលក្រុងកែប នៃខេត្តកែប។ ជាមួយគ្នានេះតាមរយៈបណ្ដាញសង្គមតេឡេក្រាមនៅថ្ងៃនេះសម្ដេចធិបតី ហ៊ុន ម៉ាណែត ក៏បានបញ្ជាក់ថា សម្ដេចមានការចាំបាច់ត្រូវអនុវត្តអភិក្រមទី៥ គឺ "ការវះកាត់" បញ្ចប់មុខតំណែងអភិបាលក្រុងកែបដែលប្រើប្រាស់តួនាទីរបស់ខ្លួនប្រព្រឹត្តអំពើនាំឲ្យប៉ះពាល់ផលប្រយោជន៍រដ្ឋ និងប្រជាជន។សម្ដេចធិបតីលើកឡើងយ៉ាងដូច្នេះថា «ថ្ងៃនេះ ខ្ញុំ មានការចាំបាច់ត្រូវអនុវត្តអភិក្រមទី៥ គឺ "ការវះកាត់" តាមរយៈការចុះហត្ថលេខា ដើម្បីបញ្ចប់មុខតំណែងរបស់អភិបាលក្រុងកែប ដែល​បាន​ប្រើប្រាស់អំណាចនៃតួនាទីរបស់ខ្លួនប្រព្រឹត្តអំពើដែលនាំឱ្យប៉ះពាល់ដល់ផលប្រយោជន៍រដ្ឋ និងផលប្រយោជន៍របស់ប្រជាពលរដ្ឋជាច្រើន។ ការសម្រេចចិត្តនេះគឺផ្អែកទៅលើមូលដ្ឋានច្បាស់​លាស់ នៃការស៊ើបអង្កេតរបស់អង្គភាពប្រឆាំងអំពើពុករលួយ។»សម្ដេចធិបតី ហ៊ុន ម៉ាណែត បន្តថា «ខ្ញុំសង្ឃឹមថាមន្ត្រីទាំងអស់របស់រាជរដ្ឋាភិបាលទាំងថ្នាក់ជាតិ និងក្រោមជាតិ នឹងប្រកាន់ខ្ជាប់នូវអភិក្រមទី១ រហូតដល់ទី៤ ឱ្យបានជាប់ជាប្រចាំ ជាពិសេស​ក្នុងការ​បម្រើ​ប្រជាពលរដ្ឋឱ្យបានល្អ និងដើម្បីជៀសវាងការឈានទៅដល់ការអនុវត្តអភិក្រមទី៥៕

សម្តេចតេជោ ហ៊ុន សែន កំពុងធ្វើដំណើរត្រឡប់មកកម្ពុជាវិញ បន្ទាប់ពីបាន​អញ្ជើញទៅពិនិត្យសុខភាពភ្នែកនៅប្រទេសជប៉ុន

2024/01/12 09:03:56 am        647
Facebook Telegram Linkin
សម្តេចតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ តាមរយៈ​ទំព័រ​ហ្វេសប៊ុក​ផ្លូវ​ការនៅព្រឹកថ្ងៃទី១២ ខែមករា ឆ្នាំ២០២៤ បានបញ្ជាក់ថា សម្តេចកំពុង​ធ្វើដំណើរ​ត្រឡប់​ទៅ​កម្ពុជា​វិញ​បន្ទាប់​ពីបាន​ផលិតកែវភ្នែកសិប្បនិម្មិតចំនួន៥គ្រាប់ សម្រាប់ប្រើរយៈពេល ១០​ឆ្នាំ​ខាង​មុខទៀត។ សម្តេចតេជោ បានអរគុណរដ្ឋាភិបាល និងគ្រូពេទ្យជប៉ុនដែលបានផ្តល់កែវភ្នែក និងការពិនិត្យ​ព្យាបាលរយៈពេលកន្លងមកក៏ដូចជាពេលនេះ។ សម្តេចតេជោ ក៏បាន អរគុណ​ឯកឧត្តម​នាយករដ្ឋមន្ត្រី ហ្វីមីអូ គីស៊ីដា ដែល​បានទទួលជួប សន្ទនាជា​មួយសម្តេច​កាល​ពី​ថ្ងៃម្សិលមិញ ដើម្បី​ពង្រឹងនូវចំណងមិត្តភាពរវាងកម្ពុជា-ជប៉ុន ឱ្យកាន់តែរឹងមាំថែមទៀតផងដែរ៕

មន្ត្រីសេតវិមាន គ្រោងទៅទស្សនកិច្ចនៅទីក្រុងបេរូត ដើម្បីស្វែងរកការបន្ធូរបន្ថយភាពតានតឹងរវាងអ៊ីស្រាអែល និងលីបង់

2024/01/11 02:20:44 pm        109
Facebook Telegram Linkin
ទីប្រឹក្សាជាន់ខ្ពស់សេតវិមានលោក Amos Hochstein ត្រូវបានគេរំពឹងថា នឹងធ្វើទស្សនកិច្ចនៅទីក្រុង បេរូត (Beirut) នៅថ្ងៃព្រហស្បតិ៍នេះ ដែលជាផ្នែកនៃកិច្ចខិតខំប្រឹងប្រែងរបស់សហរដ្ឋអាមេរិក ដើម្បីបន្ធូរបន្ថយភាពតានតឹង នៅតាមព្រំដែនអ៊ីស្រាអែល-លីបង់។ទីក្រុងវ៉ាស៊ីនតោន ព្រួយបារម្ភថា សង្រ្គាមរបស់អ៊ីស្រាអែល នៅតំបន់ហ្កាហ្សា អាចរីករាលដាលនូវអំពើហិង្សាពាសពេញតំបន់ ដោយក្រុមប្រដាប់អាវុធដែលគាំទ្រដោយប្រទេសអ៊ីរ៉ង់ដែលជាគូប្រជែងរបស់អ៊ីស្រាអែល បានបើកការវាយប្រហារសាមគ្គី នៅក្នុងប្រទេសលីបង់ ស៊ីរី អ៊ីរ៉ាក់ និងប្រទេសយេម៉ែន។ក្រុមប្រដាប់អាវុធលីបង់ហេសបូឡា( Hezbollah) បាននិងកំពុងវាយប្រហារជាមួយយោធាអ៊ីស្រាអែលឆ្លងកាត់ព្រំដែននៃប្រទេសលីបង់ភាគខាងត្បូង ចាប់តាំងពីក្រុមអ៊ីស្លាមប៉ាឡេស្ទីនហាម៉ាស (Hamas) បានវាយប្រហារលើអ៊ីស្រាអែលពីតំបន់ហ្កាហ្សា កាលពីបីខែមុន ដោយជំរុញឲ្យមានការវាយលុកយ៉ាងធ្ងន់ធ្ងររបស់អ៊ីស្រាអែលលើដែនដីប៉ាឡេស្ទីននេះ។អំពើហិង្សាកាន់តែធំនៅតាមព្រំដែន បានបង្ខំឲ្យមនុស្សរាប់ម៉ឺននាក់ទាំងសងខាង ត្រូវភៀសខ្លួន និងបង្កើនការភ័យខ្លាចថា ជម្លោះនៅតំបន់ហ្កាហ្សាអាចរាលដាលក្នុងតំបន់នេះទាំងមូល។នាយករដ្ឋមន្ត្រីចាំផ្ទះរបស់ប្រទេសលីបង់ លោក ណាជីប មីកាទី (Najib Mikati) បានប្រាប់មន្ត្រីជាន់ខ្ពស់អង្គការសហប្រជាជាតិកាលពីថ្ងៃអង្គារថា ប្រទេសរបស់លោក បានត្រៀមខ្លួនរួចជាស្រេចសម្រាប់កិច្ចពិភាក្សាស្តីពីស្ថិរភាពរយៈពេលវែងនៅព្រំដែនភាគខាងត្បូងរបស់ខ្លួនជាមួយប្រទេសអ៊ីស្រាអែល។លោក Hochstein ដែលជាបេសកជនថាមពលរបស់សហរដ្ឋអាមេរិកកាលពីឆ្នាំមុន បានបង្ហាញពីលទ្ធភាពនៃកិច្ចពិភាក្សាស្តីពីការគូសព្រំដែនដីរវាងអ៊ីស្រាអែល និងលីបង់ បន្ទាប់ពីបានសម្រុះសម្រួលកិច្ចព្រមព្រៀងឆ្នាំ ២០២២កំណត់ព្រំដែនសមុទ្ររវាងប្រទេសទាំងពីរ។

ក្រុមប្រឹក្សាកោត​សរសើររដ្ឋបាលរាជធានីដែលខែធ្នូកន្លងទៅសម្រេចកិច្ចការសំខាន់ៗជាច្រើន

2024/01/11 01:32:02 pm        191
Facebook Telegram Linkin
ភ្នំពេញ៖ ឯកឧត្តម ម៉ប់ សារិន ប្រធានក្រុមប្រឹក្សា​រាជធានីភ្នំពេញ​បាន​កោត​សរសើរ​ចំពោះ​មន្ត្រី​រាជការ​រដ្ឋបាលរាជធានី កម្លាំងប្រដាប់អាវុធគ្រប់លំដាប់ថ្នាក់ ព្រមទាំងប្រជាជនរាជធានីភ្នំពេញ ដែល​បានខិតខំយ៉ាងសកម្ម ប្រកបដោយ​ស្មារតី​ទទួល​ខុស​ត្រូវ​ចូល​រួម​អភិវឌ្ឍន៍​រាជ​ធានី​ភ្នំពេញ​ក្រោម​ការ​ដឹកនាំរបស់គណៈអភិបាលរាជធានីភ្នំពេញ រហូតសម្រេច​បាន​លទ្ធផល​រីក​ចម្រើន​លើ​គ្រប់​វិស័យ​ក្នុងខែធ្នូ ឆ្នាំ២០២៣កន្លងមកនេះ ដែលការ​កោត​សរសើរ​នេះ​បាន​ធ្វើ​ឡើង​ក្នុង​កិច្ច​ប្រជុំ​សាមញ្ញា​លើក​ទី៥៦ របស់ក្រុមប្រឹក្សារាជធានីភ្នំពេញ អាណត្តិទី៣ នាព្រឹកថ្ងៃទី១១ ខែមករា ឆ្នាំ​២០២៤ ក្រោមអធិបតីភាព ឯកឧត្តម ម៉ប់ សារិន ប្រធានក្រុមប្រឹក្សារាជធានី និងឯកឧត្ដម ឃួង ស្រេង អភិបាលរាជធានីភ្នំពេញ។ឯកឧត្តម ម៉ប់ សារិន មានប្រសាសន៍ថា តាមរយៈសមិទ្ធផលទាំងនេះ ពិតជា​បាន​រួម​ចំណែក​អនុវត្ត​នូវ​យុទ្ធសាស្ត្រ បញ្ចកោណ ដំណាក់កាលទី១ របស់​រាជរដ្ឋាភិបាល​ដែល​មាន​សម្តេច​មហាបវរធិបតី ហ៊ុន ម៉ាណែត ជានាយករដ្ឋមន្ត្រី​។ ជាមួយគ្នានេះ​សមត្ថកិច្ច​ពាក់ព័ន្ធ​បាន​ខិតខំ​បង្ក្រាប​បទ​ល្មើសព្រហ្មទណ្ឌបានប្រមាណ ៩៧% នៃបទល្មើសដែលបានកើតឡើងក្នុងខែធ្នូ។ បាន​បង្ក្រាបក្មេងទំនើង និងបទល្មើសគ្រឿងញៀនបានជាច្រើនករណី។ជាក់ស្ដែង​នៅ​ក្នុង​ឆ្នាំ​២០២៣នេះបទល្មើសព្រហ្មទណ្ឌមានការថយចុះ ៣២លើក បង្ក្រាប​បទ​ល្មើស​ព្រហ្ម​ទណ្ឌបាន ៨៦,៤៤% ដោយរក្សាបាននូវសុខសន្តិភាព សន្តិសុខ សណ្តាប់ធ្នាប់ និង​អនុវត្ត​បានយ៉ាងជោគជ័យនូវរាល់ព្រឹត្តិការណ៍ធំៗ ដែលធ្វើ​ឱ្យ​រាជធានីភ្នំពេញ​ទទួលបាន​នូវការ​កោត​ស្ញប់ស្ញែងទាំងជាតិ និងអន្តរជាតិ។ឯកឧត្តម ម៉ប់ សារិន ក៏បានកោតសរសើរមន្ទីរសុខាភិបាលរាជធានីភ្នំពេញ ដែល​បាន​ខិតខំ​ពិនិត្យ​ព្យាបាល​ជំងឺ ជូនប្រជាពលរដ្ឋក្រីក្រតាមរយៈគម្រោងមូលនិធិសមធម៌បានចំនួន ៤៧៨១នាក់ និង​តាម​រយៈគម្រោងបេឡាជាតិរបបសន្តិសុខសង្គមបានចំនួន ៧០៥៤១នាក់ ឆ្លើយតបកម្មវិធីទី១ នៃ​កម្ម​វិធីគោលនយោបាយអាទិភាពរបស់រាជរដ្ឋាភិបាល។ ឯកឧត្តម ឃួង ស្រេង មានប្រសាសន៍ថា ឆ្នាំថ្មី២០២៤នេះ មន្ត្រី​រដ្ឋបាល​រាជធានី​ត្រូវ​តែ​បំរើ​សេវា​សាធារណៈ​ជូន​ប្រជាពលរដ្ឋឱ្យកាន់តែល្អប្រសើរជាងមុនថែមទៀត ពិសេសគឺដាច់​ខាត​មិន​ឱ្យមាន​ការ​យក​តម្លៃ​ក្រៅ​សេវា​ដែល​បាន​កំណត់ឡើយ។ ចំពោះការសំណូមពរពីក្រុម​ប្រឹក្សា​រាជ​ធានី​ភ្នំពេញ លើការកាត់បន្ថយឯកសារមួយចំនួនពាក់ព័ន្ធការផ្តល់សេវាដីធ្លី អភិបាល​រាជ​ធានី​នឹង​ធ្វើ​ការ​ស្នើ​ទៅ​ក្រសួង​រៀបចំ​ដែនដី នគរូបនីយកម្ម និងសំណង់។ ការងារសន្តិសុខ សណ្តាប់ អាជ្ញាធរ និង​កង​កម្លាំង​ចំណុះ​ឱ្យ​គណៈបញ្ជាការ​ឯកភាព​រដ្ឋបាល​រាជ​ធានី​ភ្នំពេញ​ បេ្តជ្ញា​ចិត្ត​អនុវត្ត​ឱ្យ​បាន​ល្អ​បំ​ផុ​ត​ទៅតាមការណែនាំរបស់រាជរដ្ឋាភិបាលថ្មី ក្រោមការដឹកនាំរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដើម្បី​ឱ្យ​កម្ពុជា​សម្រេច​បាន​នូវ​ចក្ខុវិស័យ​ជាប្រទេស​ដែល​មាន​ចំណូល​មធ្យម​កម្រិត​ខ្ពស់នៅឆ្នាំ២០៣០ និងក្លាយជាប្រទេសមានចំណូលខ្ពស់នៅឆ្នាំ២០៥០៕ អត្ថបទ ៖ប្រាក់ វ៉ាន់ដា 

បណ្ដាញសង្គម

ព័ត៌មានថ្មីៗ

ប្រធានក្រុមការងារចុះជួយមូលដ្ឋាន ស្រុកប្រាសាទបល្ល័ង្ក អញ្ជើញ​បើក​ការដ្ឋាន​សាង​សង់​ផ្លូវ​លំ​ប្រវែង​ ២៧គីឡូម៉ែត្រ និងសំណេះសំណាលជាមួយសមាជិកបក្ស នៅស្រុកប្រាសាទបល្ល័ង្ក ខេត្តកំពង់ធំ
06/08/2026 01:06 PM
Facebook Telegram Linkin
[UPDATE] ចំនួនអ្នកស្លាប់ដោយសាររញ្ជួយដីនៅហ្វីលីពីន កើនឡើងដល់យ៉ាង​ហោច​ណាស់​ ១៥នាក់
06/08/2026 01:06 PM
Facebook Telegram Linkin
ឥណ្ឌូនេស៊ី​ និង​ម៉ាឡេ​ស៊ី​ លុបចោលការព្រមានអំពីរលកយក្សស៊ូណាមិ បន្ទាប់ពីមាន​រញ្ជួយដី នៅហ្វីលីពីន
06/08/2026 01:06 PM
Facebook Telegram Linkin
ទុរេន ១១០ដើម កសិករខេត្តមណ្ឌលគិរី អាចប្រមូលផលបានប្រមាណ ២០តោន ក្នុងឆ្នាំនេះ
06/08/2026 12:06 PM
Facebook Telegram Linkin
គណៈកម្មាធិការអចិន្រ្តៃយ៍រដ្ឋសភា អនុម័តទទួលយកសេចក្តីព្រាងច្បាប់ស្តីពី វិសោធនកម្មច្បាប់ស្តីពីផ្លូវថ្នល់ មកពិនិត្យសិក្សា
06/08/2026 12:06 PM
Facebook Telegram Linkin
យោធានីហ្សេរីយ៉ា ជួយសង្គ្រោះចំណាប់ខ្មាំងចំនួន ៣៦០ នាក់នៅក្នុងរដ្ឋ Borno
06/08/2026 12:06 PM
Facebook Telegram Linkin
សេចក្តីព្រាងសេចក្តីសម្រេចរបស់អាមេរិកនៅ IAEA ដាក់សម្ពាធលើអ៊ីរ៉ង់ស្តីពីទីតាំង និងអ៊ុយរ៉ានីញ៉ូម
06/08/2026 12:06 PM
Facebook Telegram Linkin
អ៊ីរ៉ង់ ទទូចឱ្យមានបទឈប់បាញ់ មុនពេលចរចានុយក្លេអ៊ែរ ខណៈសង្គ្រាមឈានដល់ថ្ងៃទី១០០
06/08/2026 12:06 PM
Facebook Telegram Linkin
ប្រជាជនអ៊ីរ៉ង់ រីករាយចំពោះការឆ្លើយតបដ៏ខ្លាំងក្លា ខណៈមីស៊ីលវាយប្រហារអ៊ីស្រាអែលក្រោយការវាយប្រហារនៅលីបង់
06/08/2026 12:06 PM
Facebook Telegram Linkin
មេដឹកនាំអឺរ៉ុប៣រូបនិយាយថា ពួកគេគាំទ្រការចរចាដោយផ្ទាល់បទឈប់បាញ់រវាងអ៊ុយក្រែន និងរុស្ស៊ី
06/08/2026 11:06 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.