BTV NEWS

កម្ពុជា-វៀតណាម បន្តពង្រឹង និងពង្រីកទំនាក់ទំនង និងកិច្ចសហប្រតិបត្តិការ រវាងប្រទេសទាំងពីរ

កម្ពុជា-វៀតណាម ឯកភាពបន្តជំរុញទំនាក់ទំនងទ្វេភាគី ក្នុងស្មារតីនៃភាពជាអ្នកជិតខាងល្អ មិត្តភាពប្រពៃណី កិច្ចសហប្រតិបត្តិការគ្រប់ជ្រុងជ្រោយ និងស្ថិរភាពយូរអង្វែង

ថ្ងៃដំបូងទស្សនកិច្ចផ្លូវការរបស់សម្ដេចធិបតីនៅវៀតណាមទទួលបានការស្វាគមន៍យ៉ាងកក់ក្ដៅ និងជំនួបទ្វេភាគី

ប្រធានក្រុមការងារចុះមូលដ្ឋាន ប្រកាសបញ្ចូលសមាជិកថ្មីគណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ

នយោបាយ និង ការអភិវឌ្ឍន៍

សហជីព និងកម្មករ បង្ហាញការដឹងគុណថ្ងៃ៧មករា និងចាត់ទុកជាថ្ងៃកំណើតទី២

មកដល់ថ្ងៃ៧ មករា ឆ្នាំ២០២៤នេះគឺជាខួបទី ៤៥ នៃថ្ងៃជ័យជម្នះ៧មករា ១៩៧៩ ជាថ្ងៃកំណើតទី២ របស់ប្រជាជនខ្មែរដែលត្រូវបានរំដោះចេញពីរបបប្រល័យពូជសាសន៍ ប៉ុលពត ដ៏ឃោឃៅយ៉ុងខ្នង។ បើទោះបីជា៧មករា ១៩៧៩ បានកន្លងផុតជាយូរឆ្នាំក៏ដោយប្រជាពលរដ្ឋខ្មែរនៅតែចងចាំនូវអតីតកាលដ៏ជូរចត់គ្រប់រូបភាព សូម្បីតែអ្នកជំនាន់ក្រោយក៏បានទទួលស្គាល់ពីសោកនាដកម្មនេះដែរ។លោកស្រី ផង់ ប៊ុនធីម អគ្គលេខាធិការិនីសហព័ន្ធសហជីពកម្មករប្រជាធិបតេយ្យជឿនលឿន ក្នុងបទសម្ភាសន៍ជាមួយ ប៊ីធីវី នៅព្រឹកថ្ងៃទី៥ ខែមករានេះ បានលើកឡើងថា ជាការរំលឹកខួបថ្ងៃរំដោះ ៧មករានេះ ខាងសហព័ន្ធលោកស្រីតែងតែចូលរួមផ្សព្វផ្សាយទៅដល់កម្មករ កម្មការិនីនៅតាមមូលដ្ឋានរៀងៗខ្លួនឲ្យបានដឹងពីគុណបំណាច់ថ្ងៃ៧មករាជាថ្ងៃជោគជ័យដែលជំនាន់មុនបានរួបរួមគ្នារំដោះប្រជាជនកម្ពុជាពីរបបប្រល័យពូជសាសន៍ប៉ុលពត ជាពិសេសការដឹកនាំដ៏ឈ្លាសវៃរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ដែលនាំមកនូវសុខសន្តិភាព និងបានអភិវឌ្ឍន៍ប្រទេសឲ្យមានការរីកចម្រើនទើបធ្វើឲ្យបងប្អូនកម្មករមានការងារធ្វើ និងអាចរកប្រាក់ចំណូលទៀតទាត់ដូចសព្វថ្ងៃនេះ។អ្នកស្រី ចាន់ សំណាង វ័យ ៥៤ឆ្នាំ ជាកម្មការិនីរោងចក្រកាត់សម្លៀកបំពាក់ ស្ថិតនៅខណ្ឌកំបូល រាជធានីភ្នំពេញ បានប្រាប់ឲ្យដឹងថា ជាង៤០ឆ្នាំកន្លងមកនេះ នៅតែចងចាំមិនភ្លេចនូវរឿងរ៉ាវដ៏អាក្រក់ៗ ជាពិសេសការរស់នៅដែលព្រាត់ប្រាស់ពីក្រុមគ្រួសារ និងសាច់ញាតិមកដល់សព្វថ្ងៃនេះ។ អ្នកស្រី និយាយទៀតថា ថ្ងៃ៧មករា ជាថ្ងៃរស់រានមានជីវិតថ្មី ថ្ងៃកំណើតនៃការអភិវឌ្ឍ និងជាប្រភពកំណើតនៃសន្តិភាពផងដែរ។ ស្រដៀងគ្នានេះកម្មការិនី សេង ប៊ុនណេ បានបង្ហាញការយល់ឃើញថា ទោះបីជាកើតមិនទាន់ថ្ងៃ៧មករា ១៩៧៩ និងមិនបានឆ្លងកាត់រឿងរ៉ាវជាក់ស្តែង ប៉ុន្តែអ្វីដែលអ្នកស្រីបានដឹង គឺតាមរយៈជីដូនជីតា និងឪពុកម្តាយ និងតាមឯកសារផ្សេងៗ ដែលចាត់ទុកថា ថ្ងៃរំដោះ ៧មករា ជាថ្ងៃចងចាំមិនអាចបំភ្លេចបានសម្រាប់មនុស្សគ្រប់ជំនាន់ពីអំពើឃោរឃៅ និងសោកនាដកម្ម ដែលបានកើតឡើងចំពោះប្រទេសជាតិ និងប្រជាជនទាំងមូលក្នុងរបបប្រល័យពូជសាសន៍នេះ។សហជីព និងកម្មការនីទាំងនេះ បានសម្តែងការអរគុណជូនចំពោះសម្តេចតេជោ ហ៊ុន សែន ដែលតែងតែបានគិតគូរពីសុខទុក្ខរបស់កម្មករនិយោជិត តាមរយៈការដាក់ចេញនូវយុទ្ធសាស្រ្ត និងនយោបាយនានា សំដៅរក្សាឲ្យបាននូវសុខដុមរមនាក្នុងទំនាក់ទំនងវិជ្ជាជីវៈ និងការទទួលបាននូវសុខមាលភាពសង្គម និងអត្ថប្រយោជន៍ផ្សេងៗ។សូមរម្លឹកថា ក្រោមការដឹកនាំដ៏ត្រឹមត្រូវរបស់រាជរដ្ឋាភិបាលដឹកនាំរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានខិតខំជំរុញសកម្មភាពនានា ទទួលបានសម្រេចនូវសមិទ្ធផលធំៗគួរឱ្យគត់សម្គាល់។ ដូច្នេះហើយបានជាប្រជាជនកម្ពុជាបានចងចាំជានិច្ចថាថ្ងៃជ័យជម្នះ៧មករា ឆ្នាំ១៩៧៩ ជាថ្ងៃកំណើតទី២របស់ខ្លួន «បើគ្មានថ្ងៃនេះទេគឺគ្មានអ្វីៗសព្វបែបយ៉ាងដូចថ្ងៃនេះដែរ»៕ អត្ថបទ៖ ឈិត បូរ៉ាវី

យោធាហ្វីលីពីន៖ នាវាចិនពីរគ្រឿងបានឃ្លាំមើលការល្បាតរួមរវាងហ្វីលីពីន និងអាមេរិក

យោធាហ្វីលីពីនបាននិយាយកាលពីថ្ងៃព្រហស្បតិ៍ (០៤ មករា) ថានាវាកងទ័ពជើងទឹកចិន ចំនួនពីរគ្រឿងបានបង្ហាញស្រមោលដើម្បីឃ្លាំមើលនាវាហ្វីលីពីន និងសហរដ្ឋអាមេរិក ដែលធ្វើការល្បាតរួមគ្នានៅសមុទ្រចិនខាងត្បូង ខណៈដែលភាពតានតឹងកំពុងផ្ទុះឡើងនៅក្នុងតំបន់ជុំវិញការទាមទារទឹកដីដែលមានជម្លោះនេះ។លោក សើសេស ទ្រីនីដាដ (Xerxes Trinidad) ប្រធានការិយាល័យកិច្ចការសាធារណៈរបស់យោធាហ្វីលីពីនបាននិយាយថា «យើងបញ្ជាក់ពីវត្តមានរបស់នាវាកងទ័ពជើងទឹករំដោះប្រជាជន (PLA-N) ពីចម្ងាយដែលបង្ហាញស្រមោលដើម្បីឃ្លាំមើលអ្នកចូលរួមក្នុងសកម្មភាពសហការណ៍ដែនសមុទ្រ»។សមយុទ្ធដែនសមុទ្ររយៈពេលពីរថ្ងៃដែលពាក់ព័ន្ធនឹងទីក្រុងម៉ានីល និងវ៉ាស៊ីនតោន និងដែលបានបញ្ចប់តាមការគ្រោងទុកកាលពីថ្ងៃព្រហស្បតិ៍នេះ គឺជាសមយុទ្ធលើកទីពីរក្នុងរយៈពេលតិចជាងពីរខែនៅក្នុងសមុទ្រហ្វីលីពីនខាងលិច ជាឈ្មោះដែលទីក្រុងម៉ានីលបានដាក់នៅក្នុងសមុទ្រចិនខាងត្បូង ដែលស្ថិតក្នុងចម្ងាយ ២០០ម៉ាយល៍ណត់នៅក្នុងតំបន់សេដ្ឋកិច្ចផ្តាច់មុខ (EEZ) របស់ខ្លួន។សកម្មភាពទាំងនេះបានកើតឡើងបន្ទាប់ពីការព្រមានរបស់ទីក្រុងប៉េកាំង ទៅកាន់ហ្វីលីពីន ថាការគណនាខុសណាមួយនៅក្នុងជម្លោះដែលកំពុងកើនឡើងរបស់ពួកគេនៅសមុទ្រចិនខាងត្បូង នឹងនាំមកនូវការឆ្លើយតបយ៉ាងម៉ឺងម៉ាត់៕

មេដឹកនាំកូរ៉េខាងជើង គីម ជុងអ៊ុន អំពាវនាវឱ្យជំរុញការផលិតយានបាញ់មីស៊ីល

ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃសុក្រ (០៥ មករា) នេះថាមេដឹកនាំកូរ៉េខាងជើង លោក គីម ជុងអ៊ុន បានអំពាវនាវឱ្យមានការជំរុញការផលិតយានបាញ់មីស៊ីលជាច្រើនគ្រឿង ដោយហៅរឿងនេះថាជាកិច្ចការសំខាន់មួយដើម្បីរៀបចំសម្រាប់ «ការប្រយុទ្ធយោធា» ជាមួយសត្រូវ។ទីភ្នាក់ងារសារព័ត៌មាន KCNA បានរាយការណ៍ថា លោក គីម បានទៅពិនិត្យរោងចក្រផលិតឧបករណ៍ដឹកជញ្ជូនជើងទម្រសម្រាប់បាញ់មីស៊ីល (TEL) និងបាននិយាយថា ការផលិតយានផ្សេងៗសម្រាប់អាវុធតាកទិច និងយុទ្ធសាស្ត្រ គឺជាកិច្ចការសំខាន់ក្នុងការជំរុញការរារាំងសង្គ្រាមនុយក្លេអ៊ែររបស់ប្រទេសកូរ៉េខាងជើង។របាយការណ៍របស់ប្រព័ន្ធផ្សព្វផ្សាយរដ្ឋនេះកើតឡើងប៉ុន្មានម៉ោងបន្ទាប់ពីសេតវិមានបាននិយាយកាលពីថ្ងៃព្រហស្បតិ៍ ថាកូរ៉េខាងជើងថ្មីៗនេះបានផ្តល់ឲ្យរុស្ស៊ីនូវមីស៊ីលផ្លោង និងមីស៊ីលសម្រាប់ប្រើប្រាស់ក្នុងសង្គ្រាមរបស់ទីក្រុងមូស្គូ ប្រឆាំងនឹងអ៊ុយក្រែន ដោយជាអាវុធខ្លះដែលរុស្ស៊ីបានបាញ់ចូលទៅក្នុងអ៊ុយក្រែន។ក្នុងអំឡុងពេលកិច្ចប្រជុំគណបក្សដ៏សំខាន់មួយកាលពីសប្តាហ៍មុន លោក គីម បានបញ្ជាឱ្យវិស័យយោធា ឧស្សាហកម្មគ្រាប់បែក និងវិស័យអាវុធនុយក្លេអ៊ែររបស់ប្រទេសខ្លួន ឱ្យពន្លឿនការរៀបធ្វើសង្រ្គាម ខណៈដែលលោកបាននិយាយថា គោលនយោបាយរបស់សហរដ្ឋអាមេរិក កំពុងធ្វើឱ្យកើតមានសង្រ្គាមដោយជៀសមិនរួច៕

ក្រុមការងារចំពោះកិច្ច ប្រជុំពិភាក្សាអំពីតម្លៃសេវាប្រើប្រាស់ផ្លូវចេញចូលអាកាសយានដ្ឋានអន្តរជាតិសៀមរាប-អង្គរ

ក្រុមការងារចំពោះកិច្ច ដែលអញ្ជើញមកពីគ្រប់ភាគីបានបើកកិច្ចប្រជុំពិភាក្សាអំពីតម្លៃសេវាប្រើប្រាស់ផ្លូវចេញចូលអាកាសយានដ្ឋានអន្តរជាតិសៀមរាប-អង្គរ បន្ទាប់ពីមានសំណូមពររបស់អ្នកប្រកបរបរដឹកភ្ញៀវទេសចរលើការយកថ្លៃសេវាចេញចូល។ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ នៃក្រុមប្រឹក្សាអភិវឌ្ឍន៍កម្ពុជា កាលពីថ្ងៃទី០៤ ខែមករា ឆ្នាំ២០២៤ បានអញ្ជើញដឹកនាំកិច្ចប្រជុំក្រុមការងារចំពោះកិច្ច ដើម្បីពិភាក្សាអំពីតម្លៃសេវាប្រើប្រាស់ផ្លូវចេញចូលអាកាសយានដ្ឋានអន្តរជាតិសៀមរាប-អង្គរ ដែលកិច្ចប្រជុំនេះធ្វើឡើងនៅទីស្តីការនៃក្រុមប្រឹក្សាអភិវឌ្ឍន៍កម្ពុជា ដោយមានការអញ្ជើញចូលរួមពីសំណាក់ ឯកឧត្តមរដ្ឋមន្ត្រី ទទួលបន្ទុករដ្ឋលេខាធិការដ្ឋានអាកាសចរស៊ីវិល តំណាងក្រសួងសេដ្ឋកិច្ច និងហិរញ្ញវត្ថុ និងឯកឧត្តមអភិបាលរង នៃគណៈអភិបាលខេត្តសៀមរាប ឯកឧត្តម លោកជំទាវ លោក លោកស្រី និងមន្ត្រីពាក់ព័ន្ធផ្សេងទៀតផងដែរ។មន្ត្រីបានឱ្យដឹងថា កិច្ចប្រជុំនេះ ត្រូវបានរៀបចំឡើងបន្ទាប់ពីទទួលបានការចង្អុលបង្ហាញដោយផ្ទាល់ពីសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ក្នុងការបង្កើតឱ្យមានក្រុមការងារចំពោះកិច្ចដោះស្រាយលើតម្លៃសេវាប្រើប្រាស់ផ្លូវចេញចូលអាកាសយានដ្ឋានអន្តរជាតិសៀមរាប-អង្គរ។ អង្គប្រជុំក្រោមកិច្ចដឹកនាំរបស់ ឯកឧត្តមឧបនាយករដ្ឋមន្ត្រី បានជជែកពិភាក្សាយ៉ាងផុលផុស និងបានសម្រេចរៀបចំបេសកកម្មចុះពិនិត្យស្ថានភាពអាកាសយានដ្ឋានអន្តរជាតិសៀមរាប-អង្គរ នាពេលឆាប់ៗខាងមុខ។មន្ត្រីបន្ថែមថា បន្ទាប់ពីការចុះពិនិត្យស្ថានភាពអាកាសយានដ្ឋានរួចរាល់ ក្រុមការងារចំពោះកិច្ចគ្រោងនឹងជួបជជែកពិភាក្សាជាមួយក្រុមហ៊ុន Angkor International Airport Investment (Cambodia) Co., Ltd. ដែលហៅកាត់ថា AIAI សំដៅរួមគ្នាស្វែងរកដំណោះស្រាយសមស្របជូនដល់បងប្អូនប្រជាពលរដ្ឋ។សូមជម្រាបថា ប៉ុន្មានថ្ងៃមកនេះ មានអ្នកប្រកបរបរដឹកភ្ញៀវទេសចរមួយចំនួន បានសម្តែងអារម្មណ៍មិនពេញចិត្ត ហើយក៏មានមួយចំនួនបានបង្ហោះរូបភាព និងខ្លឹមសារក្នុងបណ្តាញសង្គមចំពោះការបង់ថ្លៃសេវាចេញចូលអាកាសយានដ្ឋានអន្តរជាតិសៀមរាប-អង្គរ ភ្លាមៗកាលពីថ្ងៃទី០៣ ខែមករា ឆ្នាំ២០២៤ គណៈអភិបាលខេត្ដសៀមរាប បានជួបពិភាក្សាជាមួយអ្នកដឹកភ្ញៀវទេសចរ ដើម្បីស្វែងរកដំណោះស្រាយជូនពួកគាត់ ក្រោយអ្នកវិនិយោគអាកាសយានដ្ឋានអន្ដរជាតិសៀមរាប-អង្គរ ប្រកាសយកថ្លៃការធ្វើដំណើរតាមផ្លូវហាយវេនោះ ដែលការពិភាក្សានោះធ្វើឡើងនៅសាលាខេត្ដសៀមរាប។លោក លី សំរិទ្ធ អភិបាលរងខេត្ដសៀមរាប បានឱ្យដឹងនាកិច្ចប្រជុំនោះថា ការជួបពិភាក្សាគ្នានោះ គឺបានឱ្យក្រុមតំណាងអ្នកដឹកភ្ញៀវទេសចរលើកឡើងពីបញ្ហាផ្សេងៗ ដើមី្បរដ្ឋបាលខេត្តដាក់ជូនទៅរាជរដ្ឋាភិបាលធ្វើការដោះស្រាយ ព្រោះខេត្តមិនមានសិទ្ធសម្រេចនោះឡើយ។ឯកឧត្តម ប៊ុន រដ្ឋា នាយកអាកាសយានដ្ឋានអន្តរជាតិសៀមរាប-អង្គរ បានឱ្យដឹងថា ផ្លូវនេះហាយវេចេញចូលអាកាសយានដ្ឋានអន្តរជាតិសៀមរាប-អង្គរ គឺក្រុមហ៊ុនជាអ្នកវិនិយោគ ហើយសម្រាប់ប្រជាពលរដ្ឋទូទៅគឺបើកឱ្យប្រើប្រាស់ដោយមិនយកថវិកាទេ ប៉ុន្តែអ្នកដឹកភ្ញៀវចូលទៅក្នុងអាកាសយានដ្ឋានទើបត្រូវបង់ថវិកា បើមិនចូលអាកាសយានដ្ឋានពុំបានយកថវិកាទេ ដោយសារបញ្ជរបង់ប្រាក់ស្ថិតក្នុងទិសដៅចូលអាកាសយានដ្ឋាន។សូមបញ្ជាក់ថា សម្រាប់ផ្លូវចូលអាកាសយានដ្ឋានសៀមរាប-អង្គរនេះ គឺជាផ្លូវហាយវេ តភ្ជាប់ចាប់ពីផ្លូវជាតិលេខ៦ ដល់អាកាសយានដ្ឋាន គឺពុំមានបញ្ជរបង់ថវិកាទេ លុះត្រាចូលទៅដល់ចំណតអាកាសយានដ្ឋានទើបមានបញ្ជរបង់ថវិកា ហើយប្រជាពលរដ្ឋចូលមិនតម្រូវឱ្យបង់ថវិកាទេ លើកលែងតែអ្នកប្រកបរបរដឹកភ្ញៀវទើបយកថវិកា ទៅតាមប្រភេទយានយន្ត ក្នុងនោះមានប្រភេទរថយន្តត្រូវបង់ ៣ដុល្លារ ៤ដុល្លារ ៦ដុល្លារ ៨ដុល្លារ ៩ដុល្លារ ១២ដុល្លារ និង១៦ដុល្លារជាដើម៕ អត្ថបទ៖ ប្រាក់ វ៉ាន់ដា

កម្ពុជា-ឥណ្ឌូនេស៊ី ប្តេជ្ញាពង្រឹងកិច្ចសហការលើការបណ្តុះបណ្តាលវិជ្ជាជីវៈឱ្យកាន់តែល្អប្រសើរថែមទៀត

រដ្ឋាភិបាលកម្ពុជា និងភាគីឥណ្ឌូនេស៊ី បានឯកភាពគ្នាលើការពង្រឹងកិច្ចសហការបណ្តុះបណ្តាលវិជ្ជាជីវៈតាមរយៈការផ្តល់អាហារូបករណ៍ និងលទ្ធភាពនៃការផ្លាស់ប្តូរសិក្ខាកាមបច្ចេកទេសនៃប្រទេសទាំងពីរ។ក្រោយចប់ជំនួបការងារ រវាងឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងឯកឧត្តម សានតូ ដាម៉ូសុម៉ាតូ (Santo Darmosumarto) ឯអគ្គរដ្ឋទូតឥណ្ឌូនេស៊ីប្រចាំនៅកម្ពុជា នាព្រឹកថ្ងៃទី៤ ខែមករា ឆ្នាំ២០២៤នេះ ក្រសួងការងារ និងបណ្តុះបណ្តាលវិជ្ជាជីវៈ បានឲ្យដឹងថា តាមរយៈជំនួបនេះ ថ្នាក់ដឹកនាំទាំងពីរ បានលើកឡើងពីការពិនិត្យលទ្ធភាពផ្តល់អាហាររូបករណ៍ដល់ពលរដ្ឋកម្ពុជាលើជំនាញបច្ចេកទេសវិជ្ជាជីវៈ ដែលឥណ្ឌូនេស៊ីមានសក្តានុពល និងលទ្ធភាពនៃការផ្លាស់ប្តូរសិក្ខាកាមផ្នែកបច្ចេកទេសវិជ្ជាជីវៈរវាងប្រទេសទាំងពីរ។ប្រភពដដែលនេះ បានបន្តថា សម្រាប់ថ្នាក់ដឹកនាំទាំងពីរ កិច្ចការនេះ នឹងក្លាយជាចលករសំខាន់សម្រាប់ជួយជ្រោមជ្រែងទំនាក់ទំនងរវាងប្រជាជន និងប្រជាជន និងប្រទេសទាំងពីរឱ្យកាន់តែស្អិតរមួតផងដែរ។ បន្ថែមពីនេះ ភាគីទាំងពីរ ក៏បានជជែក និងចែករំលែកពីទស្សនៈវិស័យក្នុងនាមប្រទេសបញ្ជូនពលករទៅកាន់ពិភពលោកដូចគ្នា។ ក្នុងនោះ ភាគីឥណ្ឌូនេស៊ី បានថ្លែងអំណរគុណដល់ក្រសួងការងារ និងរាជរដ្ឋាភិបាលទាំងមូល ដែលបានមើលថែពលរដ្ឋខ្លួនដែលកំពុងធ្វើការ និងស្នាក់នៅក្នុងប្រទេសកម្ពុជាដោយគ្មានការរើសអើង។ ឯកឧត្តមរដ្ឋមន្ត្រី បានគូសបញ្ជាក់ទៅកាន់ភាគីឥណ្ឌូនេស៊ីថា ក្រសួងការងារក្នុងនាមជាប្រទេសទទួល និងក្នុងនាមជាមិត្តនៅក្នុងតំបន់អាស៊ាន ការផ្តល់ការគោរពសិទ្ធិដល់ពលរដ្ឋទូទៅ និងជនបរទេសជាកាតព្វកិច្ចដែលកម្ពុជាត្រូវធ្វើឱ្យល្អបំផុតជាពិសេសក្នុងអាណត្តិទី៧នេះ ដែលក្រសួងបានយកចិត្តទុកដាក់ជាអាទិភាពមិនថាពលរដ្ឋបរទេសក្នុងទឹកដីកម្ពុជា ឬពលរដ្ឋកម្ពុជាដែលចេញទៅបម្រើការនៅបរទេសនោះទេ៕អត្ថបទដោយ ឈិត បូរ៉ាវី

កម្ពុជា-ប្រ៊ុយណេប្តេជ្ញារួមគ្នា ពង្រឹង និងជំរុញកិច្ចសហប្រតិបតិ្តការលើវិស័យវប្បធម៌ ឱ្យកាន់តែមានប្រសិទ្ធភាព

លោកជំទាវបណ្ឌិតសភាចារ្យ ភឿង សកុណា រដ្ឋមន្រី្តក្រសួងវប្បធម៌ និងវិចិត្រសិល្បៈ នាព្រឹកថ្ងៃទី៤ ខែមករា ឆ្នាំ២០២៤នេះ បានទទួលជួបពិភាក្សាការងារជាមួយឯកឧត្តម Pengiran Kasmirhan Pengiran Tahir (ប៉ាន់ជីរ៉ាន់ កាស្មៀហាន ប៉ាន់ជីរ៉ាន់ តាហ៊ី) ឯកអគ្គរាជទូត នៃប្រទេសប្រ៊ុយណេដារូស្សាឡាម (Brunei Darussalam) ប្រចាំព្រះរាជាណាចក្រកម្ពុជា ស្តីពី អនុស្សរណៈយោគយល់គ្នា លើវិស័យវប្បធម៌ ដែលបានចុះកាលពីឆ្នាំ២០២១។ឯកឧត្តម ឯកអគ្គរាជទូត បានថ្លែងអបអរសាទរលោកជំទាវបណ្ឌិតសភាចារ្យរដ្ឋមន្ត្រី ក្នុងឱកាសដែលលោកជំទាវ ទទួលបានទំនុកទុកចិត្តពីរាជរដ្ឋាភិបាលអាណត្តិទី៧ តែងតាំង ជារដ្ឋមន្ត្រីក្រសួងវប្បធម៌ និងវិចិត្រសិល្បៈ និងសូមអបអរសាទរសួស្តីឆ្នាំថ្មី ២០២៤។ជាការឆ្លើយតបលោកជំទាវ បណ្ឌិតសភាចារ្យ ភឿង សកុណា បានថ្លែងអំណរគុណ និងសូមស្វាគមន៍ឯកឧត្តមឯកអគ្គរាជទូត នៃប្រទេសប្រ៊ុយណេដារូស្សាឡាម ជាពិសេសក្នុងជំនួបនាថ្ងៃនេះ ផ្តោតសំខាន់លើកិច្ចសហប្រតិបតិ្តការរវាងកម្ពុជា និងប្រ៊ុយណេ។ តាមពិតទៅក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា និងក្រសួងវប្បធម៌ នៃប្រទេសប្រ៊ុយណេ បានចុះអនុស្សរណៈយោគយល់គ្នា តាមប្រព័ន្ធពីចម្ងាយ កាលពីឆ្នាំ២០២១ នាអំឡុងពេលនោះ យើងកំពុងរងផលប៉ះពាល់ដោយសារវិបតិ្តកូវីដ-១៩។ ហើយកិច្ចពិភាក្សានាថ្ងៃនេះ ក៏ដើម្បីពង្រឹង និងជំរុញកិច្ចសហប្រតិបតិ្តការ បន្ទាប់ពីបានចុះMOU ឆ្នាំ២០២១នាពេលកន្លងមក និងអនុវត្តការងារបន្តដែលភាគីបានចុះMOU រួចមកហើយ។សូមបញ្ជាក់ផងដែរថា អនុស្សរណៈនៃការយោគយល់គ្នា រវាងកម្ពុជា និងប្រ៊ុយណេដារូស្សាឡាម ផ្តោតសំខាន់ជាច្រើនផ្នែក លើវិស័យសិល្បៈវប្បធម៌ រួមមាន៖ ពិព័រណ៍ ឧស្សាហកម្មច្នៃប្រឌិត ការអប់រំសិល្បៈ អភិរក្ស និងការជួសជុលសម្បតិ្តបេតិកភណ្ឌជាដើម ៕អត្ថបទ រដ្ឋា

កូរ៉េខាងត្បូង និងអាមេរិក ធ្វើសមយុទ្ធត្រៀមខ្លួនប្រឆាំងនឹងការឈ្លានពានរបស់សត្រូវ នៅជិតព្រំដែនកូរ៉េខាងជើង

យោធាកូរ៉េខាងត្បូង បាននិយាយនៅថ្ងៃព្រហស្បតិ៍ (០៤ មករា) នេះថាកងទ័ពកូរ៉េខាងត្បូង និងសហរដ្ឋអាមេរិក បានធ្វើសមយុទ្ធបាញ់គ្រាប់រ៉ូកែតរួមគ្នានៅទីក្រុង ផូឆុន (Pocheon) ជិតព្រំដែនជាមួយប្រទេសកូរ៉េខាងជើង «ដើម្បីសាកល្បង និងបង្កើនការត្រៀមខ្លួនប្រយុទ្ធ ដោយក្លែងធ្វើការវាយប្រហាររបស់សត្រូវ»។កងទ័ពកូរ៉េខាងត្បូងបាននិយាយនៅក្នុងសេចក្តីថ្លែងការណ៍មួយថា សមយុទ្ធដោយកងពលតូចថ្មើរជើងមេកានិចរបស់កងទ័ពកូរ៉េខាងត្បូង និងកងពលតូចទាហានរថពាសដែករបស់កងទ័ពសហរដ្ឋអាមេរិក ពាក់ព័ន្ធនឹងអាវុធធុនធ្ងន់ ហើយបានធ្វើឡើងរយៈពេលមួយសប្តាហ៍ដោយចាប់ផ្តើមនៅថ្ងៃទី២៩ ខែធ្នូ ហើយបានបញ្ចប់នៅថ្ងៃព្រហស្បតិ៍នេះ។សម្ព័ន្ធមិត្តទាំងពីរបានបង្កើនទំហំ និងកម្រិតតានតឹងនៃសមយុទ្ធរួមគ្នាកាលពីឆ្នាំមុន ស្របពេលមានភាពតានតឹងកាន់តែខ្លាំងឡើងនៅលើឧបទ្វីបកូរ៉េ ខណៈដែលទីក្រុងព្យុងយ៉ាង បានសាកល្បងទាំងមីស៊ីលផ្លោងរយៈចម្ងាយឆ្ងាយ និងអាវុធតាកទិច ដែលត្រូវបានរចនាឡើងដើម្បីវាយប្រហារគោលដៅនៅភាគខាងត្បូង និងប៉ាស៊ីហ្វិក។ទីក្រុងព្យុងយ៉ាង បានថ្កោលទោសសម្ព័ន្ធមិត្តទាំងពីរនេះ ចំពោះចំណាត់ការដ៏គ្រោះថ្នាក់ដែលជំរុញតំបន់នេះដល់គែមនៃ «សង្គ្រាមនុយក្លេអ៊ែរ»៕

មន្ត្រីអប់រំអាមេរិក លាលែងពីតំណែងជុំវិញគោលនយោបាយអ៊ីស្រាអែល-ហ្កាហ្សារបស់លោកបៃដិន

មន្ត្រីជាន់ខ្ពស់នៃក្រសួងអប់រំសហរដ្ឋអាមេរិក បានលាលែងពីតំណែងកាលពីថ្ងៃពុធ ដោយលើកឡើងពីការដោះស្រាយជម្លោះរបស់ប្រធានាធិបតីលោក ចូ បៃដិន (Joe Biden) នៅតំបន់ហ្កាហ្សា ដែលជាសញ្ញាចុងក្រោយនៃការខ្វែងគំនិតគ្នា នៅក្នុងរដ្ឋបាលនេះ ខណៈដែលការស្លាប់ នៅតែបន្តកើនឡើង នៅក្នុង សង្គ្រាម។កាលពីថ្ងៃពុធផងដែរ បុគ្គលិកយុទ្ធនាការបោះឆ្នោតឡើងវិញរបស់លោកបៃដិនចំនួន១៧នាក់ បានចេញការព្រមាន នៅក្នុងលិខិតអនាមិកថា លោកបៃដិន អាចបាត់បង់អ្នកបោះឆ្នោតជុំវិញបញ្ហានេះ។លោក Tariq Habash ជំនួយការពិសេសនៅក្នុងការិយាល័យផែនការ ការវាយតម្លៃ និងការអភិវឌ្ឍគោលនយោបាយរបស់ក្រសួងអប់រំ នៅក្នុងលិខិតមួយផ្ញើទៅកាន់រដ្ឋមន្ត្រីអប់រំលោក Miguel Cardona បាននិយាយថា៖«ខ្ញុំមិនអាចនៅស្ងៀមបានទេ ដោយសាររដ្ឋបាលនេះ បិទភ្នែកចំពោះអំពើឃោរឃៅ ដែលបានប្រព្រឹត្តលើជីវិតជនជាតិប៉ាឡេស្ទីនស្លូតត្រង់ ជាអ្វីដែលអ្នកជំនាញសិទ្ធិមនុស្សឈានមុខគេ បានហៅថា ជាយុទ្ធនាការប្រល័យពូជសាសន៍របស់រដ្ឋាភិបាលអ៊ីស្រាអែល»។លោកHabash ជាជនជាតិប៉ាឡេស្ទីន-អាមេរិកាំង និងជាអ្នកជំនាញខាងដោះស្រាយបំណុលសិស្ស ត្រូវបានតែងតាំងដំបូងក្នុងការកាន់តំណែងប្រធានាធិបតីរបស់លោកបៃដិន ជាផ្នែកមួយនៃការកសាងជំនាញប្រាក់កម្ចីសិស្សរបស់ក្រសួងអប់រំ។

ប្រទេសបង់ក្លាដែស ដាក់ពង្រាយកងទ័ព ដើម្បីរក្សាសន្តិភាព មុនការបោះឆ្នោតជាតិ នៅថ្ងៃអាទិត្យ

ប្រទេសបង់ក្លាដែស បានដាក់ពង្រាយកងកម្លាំងប្រដាប់អាវុធនៅទូទាំងប្រទេសកាលពីថ្ងៃពុធ នៅមុនពេលការបោះឆ្នោតជាតិនៅថ្ងៃចុងសប្តាហ៍នេះ ក្នុងពេលមានការព្រួយបារម្ភអំពើហិង្សា។ទាហាន បានធ្វើដំណើរតាមយានរថពាសដែកទៅកាន់ជំរំបណ្ដោះអាសន្ន ដែលត្រូវបានបង្កើតឡើងនៅទូទាំងរដ្ឋធានី Dhaka ដើម្បីជួយរដ្ឋបាលស៊ីវិលរក្សាសន្តិភាព និងសន្តិសុខ។ យោធា បាននិយាយនៅក្នុងសេចក្តីថ្លែងការណ៍ថា កងទ័ព នឹងធ្វើសកម្មភាពតាមការស្នើសុំពីមន្ត្រីបោះឆ្នោតតែប៉ុណ្ណោះ។គណបក្សជាតិនិយមបង់ក្លាដែស (BNP) ដែលជាគណបក្សប្រឆាំងធំ នឹងធ្វើពហិការ ការបោះឆ្នោត ដែលគ្រោងនឹងធ្វើឡើងនៅថ្ងៃអាទិត្យ ទី៧ ខែមករា បន្ទាប់ពីនាយករដ្ឋមន្រ្តី លោកស្រី Sheikh Hasina បានបដិសេធមិនយល់ព្រមចំពោះការទាមទាររបស់ពួកគេ ដែលឲ្យលោកស្រី លាលែងពីតំណែង និងប្រគល់អំណាចទៅឱ្យអាជ្ញាធរអព្យាក្រឹត ដើម្បីដំណើរការ ការបោះឆ្នោត។លោកស្រី Hasina បានដាក់កំហុសលើគណបក្សជាតិនិយមបង់ក្លាដែស (BNP) ម្តងហើយម្តងទៀតចំពោះការញុះញង់បង្កឱ្យមានការតវ៉ាប្រឆាំងរដ្ឋាភិបាល ដែលបានធ្វើឲ្យរង្គោះរង្គើទីក្រុង Dhaka ចាប់តាំងពីចុងខែតុលា ហើយនៅក្នុងហេតុការណ៍នោះ មនុស្សយ៉ាងហោចណាស់ ១០ នាក់បានស្លាប់។

មន្ត្រីចិនជំរុញប្រជាជនកោះតៃវ៉ាន់ ឲ្យធ្វើការជ្រើសរើសត្រឹមត្រូវនៅក្នុងការបោះឆ្នោត

មន្ត្រីជាន់ខ្ពស់ចិនមួយរូបកាលពីថ្ងៃពុធ (០៣ មករា) បានជំរុញឱ្យប្រជាជនកោះតៃវ៉ាន់រើសយក «ជម្រើសត្រឹមត្រូវ» ក្នុងការបោះឆ្នោតនាពេលខាងមុខរបស់កោះនេះ ដែលមន្រ្តីរូបនោះបានពិពណ៌នាថា ការបោះឆ្នោតនេះគ្របដណ្ដប់លើសន្តិភាព និងសង្រ្គាម វិបុលភាព និងការធ្លាក់ចុះ។ ប្រទេសចិន ដែលអះអាងសិទ្ធិលើកោះតៃវ៉ាន់ជាទឹកដីរបស់ខ្លួន បានបញ្ជាក់ម្តងហើយម្តងទៀតថាការបោះឆ្នោតមេដឹកនាំ និងសភា នៅថ្ងៃទី១៣ ខែមករា ខាងមុខនេះគឺជាជម្រើសរវាងសង្រ្គាម និងសន្តិភាព។ជាទូទៅបណ្ដាមេដឹកនាំជាន់ខ្ពស់របស់ចិន បានគេចវេសពីការបញ្ចេញមតិជាសាធារណៈលើការបោះឆ្នោតនេះ។ ប្រធានាធិបតីចិន លោក ស៊ី ជីនពីង (Xi Jinping) បាននិយាយនៅក្នុងសុន្ទរកថាឆ្នាំថ្មីរបស់ខ្លួនកាលពីថ្ងៃអាទិត្យថា «ការបង្រួបបង្រួម» របស់ចិនជាមួយកោះតៃវ៉ាន់ គឺជៀសមិនរួចនោះទេ ប៉ុន្តែមិនបាននិយាយអំពីការបោះឆ្នោតឡើយ។នៅក្នុងសារឆ្នាំថ្មី លោក ចាង ជឺជុន (Zhang Zhijun) ប្រធានសមាគមទំនាក់ទំនងរបស់ចិននៅទូទាំងច្រកសមុទ្រកោះតៃវ៉ាន់ ដែលជាស្ថាប័នពាក់កណ្តាលផ្លូវការគ្រប់គ្រងទំនាក់ទំនងជាមួយតៃវ៉ាន់ បាននិយាយថា កោះនេះកំពុងប្រឈមមុខនឹងជម្រើសដ៏សំខាន់មួយនៅក្នុងការបោះឆ្នោត។ រដ្ឋាភិបាលរបស់កោះតៃវ៉ាន់ បានច្រានចោលការទាមទារអធិបតេយ្យភាពរបស់ចិន ហើយនិយាយថា មានតែប្រជាជនកោះនេះទេដែលអាចសម្រេចលើអនាគតរបស់ពួកគេបាន៕

បណ្ដាញសង្គម

ព័ត៌មានថ្មីៗ

ភ្ញៀវទេសចរចិននៅព្រំដែនកូរ៉េខាងជើង សង្ឃឹមថានឹងមានទំនាក់ទំនងប្រកបដោយស្ថិតស្ថេរ

របាយការណ៍៖ មន្ត្រីហេសបូឡា បញ្ជាក់ថា ក្រុមមិនមានទំនាក់ទំនងផ្ទាល់ជាមួយលោក Trump ទេ

EU ដាក់ទណ្ឌកម្មលើអ្នកនាំពាក្យអង្គភាពកងទ័ពជើងទឹក IRGC និងបញ្ជាការតំបន់របស់អ៊ីរ៉ង់

រលកយក្សស៊ូណាមិទៅដល់ជប៉ុន ក្រោយមានរញ្ជួយដីកម្រិត ៧,៨រ៉ិចទ័រ នៅហ្វីលីពីន

មនុស្ស ៣២នាក់ស្លាប់ ជាង ២០នាក់បាត់ខ្លួន ក្រោយការរញ្ជួយដីកម្រិត ៧,៨រ៉ិចទ័រ អង្រួនតំបន់ភាគខាងត្បូងហ្វីលីពីន

ចិននិយាយថា គោលជំហរឧបទ្វីបកូរ៉េមិនផ្លាស់ប្តូរ ខណៈលោក Xi បំពេញទស្សនកិច្ចនៅកូរ៉េខាងជើង

អ៊ីរ៉ង់បន្ទោសសហរដ្ឋអាមេរិក អំឡុងពេលមានការវាយប្រហារទៅវិញទៅមកថ្មីៗជាមួយអ៊ីស្រាអែល

នាវា ១គ្រឿង កើតអគ្គិភ័យ នៅឯសមុទ្រអូម៉ង់ តែនាវិកជនជាតិឥណ្ឌា ២៤នាក់ «មានសុវត្ថិភាព»

សម្តេចប៉ាបជំរុញឲ្យក្រុមមេដឹកនាំបញ្ឈប់ការបែងចែក ខណៈទ្រង់ជួបជនអន្តោប្រវេសន៍ និងអ្នកគ្មានផ្ទះសម្បែងនៅអេស្ប៉ាញ

នគរបាលសូម៉ាលី បង្ហាញអាវុធរឹបអូសបាន ក្រោយការប៉ះទង្គិចគ្នានៅទីក្រុង Mogadishu

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សហជីព និងកម្មករ បង្ហាញការដឹងគុណថ្ងៃ៧មករា និងចាត់ទុកជាថ្ងៃកំណើតទី២

យោធាហ្វីលីពីន៖ នាវាចិនពីរគ្រឿងបានឃ្លាំមើលការល្បាតរួមរវាងហ្វីលីពីន និងអាមេរិក

មេដឹកនាំកូរ៉េខាងជើង គីម ជុងអ៊ុន អំពាវនាវឱ្យជំរុញការផលិតយានបាញ់មីស៊ីល

កម្ពុជា-ឥណ្ឌូនេស៊ី ប្តេជ្ញាពង្រឹងកិច្ចសហការលើការបណ្តុះបណ្តាលវិជ្ជាជីវៈឱ្យកាន់តែល្អប្រសើរថែមទៀត

កូរ៉េខាងត្បូង និងអាមេរិក ធ្វើសមយុទ្ធត្រៀមខ្លួនប្រឆាំងនឹងការឈ្លានពានរបស់សត្រូវ នៅជិតព្រំដែនកូរ៉េខាងជើង

មន្ត្រីអប់រំអាមេរិក លាលែងពីតំណែងជុំវិញគោលនយោបាយអ៊ីស្រាអែល-ហ្កាហ្សារបស់លោកបៃដិន

ប្រទេសបង់ក្លាដែស ដាក់ពង្រាយកងទ័ព ដើម្បីរក្សាសន្តិភាព មុនការបោះឆ្នោតជាតិ នៅថ្ងៃអាទិត្យ

មន្ត្រីចិនជំរុញប្រជាជនកោះតៃវ៉ាន់ ឲ្យធ្វើការជ្រើសរើសត្រឹមត្រូវនៅក្នុងការបោះឆ្នោត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សហជីព និងកម្មករ បង្ហាញការដឹងគុណថ្ងៃ៧មករា និងចាត់ទុកជាថ្ងៃកំណើតទី២

យោធាហ្វីលីពីន៖ នាវាចិនពីរគ្រឿងបានឃ្លាំមើលការល្បាតរួមរវាងហ្វីលីពីន និងអាមេរិក

មេដឹកនាំកូរ៉េខាងជើង គីម ជុងអ៊ុន អំពាវនាវឱ្យជំរុញការផលិតយានបាញ់មីស៊ីល

កម្ពុជា-ឥណ្ឌូនេស៊ី ប្តេជ្ញាពង្រឹងកិច្ចសហការលើការបណ្តុះបណ្តាលវិជ្ជាជីវៈឱ្យកាន់តែល្អប្រសើរថែមទៀត

កូរ៉េខាងត្បូង និងអាមេរិក ធ្វើសមយុទ្ធត្រៀមខ្លួនប្រឆាំងនឹងការឈ្លានពានរបស់សត្រូវ នៅជិតព្រំដែនកូរ៉េខាងជើង

មន្ត្រីអប់រំអាមេរិក លាលែងពីតំណែងជុំវិញគោលនយោបាយអ៊ីស្រាអែល-ហ្កាហ្សារបស់លោកបៃដិន

ប្រទេសបង់ក្លាដែស ដាក់ពង្រាយកងទ័ព ដើម្បីរក្សាសន្តិភាព មុនការបោះឆ្នោតជាតិ នៅថ្ងៃអាទិត្យ

មន្ត្រីចិនជំរុញប្រជាជនកោះតៃវ៉ាន់ ឲ្យធ្វើការជ្រើសរើសត្រឹមត្រូវនៅក្នុងការបោះឆ្នោត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍