នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

ករណីដកឈ្មោះពីសន្លឹកឆ្នោតរដ្ឋ Colorado ហាក់បន្ថែមឥទ្ធិពលដល់យុទ្ធនាការបោះឆ្នោតរបស់លោក Trump

2023/12/21 11:21:45 am        116
Facebook Telegram Linkin
បញ្ហាប្រឈមផ្លូវច្បាប់ចុងក្រោយបំផុតចំពោះយុទ្ធនាការបោះឆ្នោតរបស់លោក ដូណាល់ ត្រាំ (Donald Trump) សម្រាប់អាណត្តិទីពីរក្នុងនាមជាប្រធានាធិបតីអាមេរិក ហាក់ដូចជាផ្តល់ឱ្យបេក្ខជនប្រធានាធិបតីនាំមុខខាងគណបក្សសាធារណរដ្ឋឆ្នាំ២០២៤ រូបនេះនូវឥទ្ធិពលបន្ថែមទៀតនៅក្នុងដំណើររបស់ខ្លួនដើម្បីទទួលបានការតែងតាំងពីគណបក្សរបស់លោក។តុលាការកំពូលរដ្ឋ ខូឡូរ៉ាដូ (Colorado) សហរដ្ឋអាមេរិក បានសម្រេចកាលពីថ្ងៃអង្គារថា អតីតប្រធានាធិបតីរូបនេះ ត្រូវបានរារាំងពីការមានឈ្មោះក្នុងសន្លឹកឆ្នោតរដ្ឋរបស់ខ្លួនសម្រាប់ការចូលរួមក្នុង «ការបះបោរ» ដោយសារតែបទប្បញ្ញត្តិរដ្ឋធម្មនុញ្ញដែលកម្រប្រើ ជាការសម្រេចមិនធ្លាប់មានពីមុនមកដែលតុលាការកំពូលរបស់សហរដ្ឋអាមេរិកដឹកនាំដោយក្រុមអភិរក្សនិយម អាចនឹងបដិសេធ។ក្រុមម្ចាស់ជំនួយ និងអ្នកវិភាគនយោបាយមកពីគណបក្សធំៗទាំងពីរ បាននិយាយថា សេចក្តីសម្រេចនេះនឹងធ្វើជំរុញដល់មូលដ្ឋាននយោបាយរបស់លោក ត្រាំ ដែលបន្ថែមឱ្យមានអំណះអំណាងរបស់លោកថាខ្លួនជាជនរងគ្រោះនៃដំណើរការផ្លូវច្បាប់បក្សពួក និងបំពេញថវិកាយុទ្ធនាការបោះឆ្នោតរបស់ខ្លួន ដូចដែលបានកើតឡើងកាលពីដើមឆ្នាំនេះ នៅពេលដែលលោកត្រូវបានចោទប្រកាន់ពីបទឧក្រិដ្ឋសម្រាប់ការប៉ុនប៉ងបង្វែរលទ្ធផលឆ្នោតឆ្នាំ២០២០ ក្នុងចំណោមឧក្រិដ្ឋកម្ម ដែលត្រូវបានចោទប្រកាន់ផ្សេងទៀត។លោក ត្រាំ បានប្តេជ្ញាប្តឹងឧទ្ធរណ៍ទៅតុលាការកំពូលរបស់សហរដ្ឋអាមេរិក ចំពោះសេចក្តីសម្រេចរបស់រដ្ឋ ខូឡូរ៉ាដូ ដែលថាវិសោធនកម្មលើកទី១៤ នៃរដ្ឋធម្មនុញ្ញរបស់សហរដ្ឋអាមេរិក រារាំងលោកពីការទទួលបានតំណែង។ យុទ្ធនាការបោះឆ្នោតរបស់លោក ត្រាំ បានជំរុញឱ្យអ្នកគាំទ្របរិច្ចាគដើម្បីប្រឆាំងនឹងអ្វីដែលយុទ្ធនាការនេះហៅថាជាការសម្រេច «ដ៏ផ្ដាច់ការ»៕

រដ្ឋមន្ត្រីការពារជាតិអាមេរិក ទស្សនានាវាផ្ទុកយន្តហោះ ដោយថ្លែងអំណរគុណដល់ក្រុមនាវិកចំពោះការការពារតំបន់មជ្ឈិមបូព៌ា

2023/12/21 11:18:44 am        67
Facebook Telegram Linkin
រដ្ឋមន្ត្រីការពារជាតិអាមេរិក លោក Lloyd Austin បានទៅទស្សនានាវាផ្ទុកយន្តហោះ Gerald R. Ford នៅសមុទ្រមេឌីទែរ៉ាណេភាគខាងកើត កាលពីថ្ងៃពុធ ហើយបានថ្លែងអំណរគុណដល់ក្រុមនាវិកសម្រាប់ តួនាទីរបស់ពួកគេ ក្នុងការជួយទប់ស្កាត់ជម្លោះដ៏ធំ នៅមជ្ឈិមបូព៌ាក្នុងអំឡុងសង្គ្រាមអ៊ីស្រាអែល និងក្រុមហាម៉ាស។នាវាផ្ទុកយន្តហោះ Ford ដើរដោយថាមពលនុយក្លេអ៊ែរ នាវាតូចតូចមួយដែលផ្ទុកមនុស្សជាង ៤.០០០នាក់ ជាមួយនឹងយន្តហោះចំនួន ៨គ្រឿង បានក្លាយជានិមិត្តសញ្ញាដ៏មានឥទ្ធិពលនៃការតាំងចិត្តរបស់អាមេរិក ដោយប្រញាប់ប្រញាល់ទៅជិតអ៊ីស្រាអែល បន្ទាប់ពីវាត្រូវបានវាយប្រហារដោយក្រុមសកម្មប្រយុទ្ធប៉ាឡេស្ទីនហាម៉ាស កាលពីថ្ងៃទី៧ ខែតុលា។លោក Austin បានបន្តការដាក់ពង្រាយរបស់នាវា Ford បីដងហើយ ដោយសង្ឃឹមថា វត្តមានរបស់វាអាចធ្វើឲ្យអ៊ីរ៉ង់ និងក្រុមសម្ព័ន្ធមិត្តអ៊ីរ៉ង់ ជាពិសេសក្រុមហេសបូឡារបស់ប្រទេសលីបង់ គិតពីរដង មុននឹងចូលរួមក្នុងការប្រយុទ្ធជាមួយអ៊ីស្រាអែល។លោក Austin បានថ្លែងនៅក្នុងការជួបជុំជាមួយក្រុមនាវិកដែលចាក់ផ្សាយនៅលើប្រព័ន្ធ intercom របស់នាវាថា៖«នាវានេះ និងក្រុមនាវិក កំពុងបង្កើតប្រវត្តិសាស្ត្រមួយ។ ពេលខ្លះ សមិទ្ធិផលដ៏អស្ចារ្យបំផុតរបស់យើង គឺជារឿងអាក្រក់ ដែលយើងទប់ស្កាត់មិនឲ្យកើតឡើង។លើសពីនេះទៅទៀតនោះ «នៅពេលមានភាពតានតឹងដ៏ធំមួយក្នុងតំបន់ អ្នកទាំងអស់គ្នា គឺជាអ្នកការពារដែលទប់ស្កាត់ជម្លោះក្នុងតំបន់នេះ មិនឲ្យរីកកាន់តែធំឡើង»។

កាណាដា មើលឃើញការផ្លាស់ប្តូរក្នុងទំនាក់ទំនងឥណ្ឌា បន្ទាប់ពីផែនការឃាតកម្មនៅអាមេរិក បានបើកបង្ហាញ

2023/12/21 11:15:04 am        63
Facebook Telegram Linkin
សារព័ត៌មាន CBC បានរាយការណ៍កាលពីថ្ងៃពុធ (២០ ធ្នូ) ថានាយករដ្ឋមន្ត្រីកាណាដា លោក ចាស្ទីន ទ្រូដូ (Justin Trudeau) បាននិយាយថា លោកមានអារម្មណ៍ថាមានការផ្លាស់ប្តូរក្នុងទំនាក់ទំនងរបស់ប្រទេសឥណ្ឌា ជាមួយទីក្រុង អូតាវ៉ា បន្ទាប់ពីសហរដ្ឋអាមេរិក បានព្រមានទីក្រុង ញូវដេលី អំពីការជាប់ពាក់ព័ន្ធរបស់ខ្លួននៅក្នុងផែនការសម្លាប់មេដឹកនាំផ្តាច់ខ្លួន ស៊ីក នៅលើទឹកដីសហរដ្ឋអាមេរិក។លោក Trudeau បាននិយាយថា «ឥណ្ឌា ចាប់ផ្តើមយល់ដឹងថាពួកគេមិនអាចដោះស្រាយបញ្ហានេះដោយការជះកំហឹងបានទេ ហើយពួកគេមានការបើកចំហរក្នុងការសហការតាមរបៀបដែលពួកគេមិនសូវបើកចំហពីមុនមក»។ លោក Trudeau បានប្រកាសកាលពីថ្ងៃទី១៨ ខែកញ្ញា ថាទីភ្នាក់ងារស៊ើបការណ៍សម្ងាត់របស់ប្រទេសកាណាដា កំពុងបន្តការចោទប្រកាន់ដែលអាចជឿទុកចិត្តបាន ដែលភ្ជាប់ភ្នាក់ងាររដ្ឋាភិបាលឥណ្ឌាទៅនឹងការសម្លាប់មេដឹកនាំផ្តាច់ខ្លួនសាសនាស៊ីក។ក្រសួងយុត្តិធម៌សហរដ្ឋអាមេរិក កាលពីខែវិច្ឆិកា បានចោទប្រកាន់បុរសម្នាក់ពីបទរៀបចំផែនការមិនជោគជ័យក្នុងការធ្វើឃាតអ្នកផ្ដាច់ខ្លួនសាសនាស៊ីក ដែលជាពលរដ្ឋអាមេរិកមានដើមកំណើតនៅឥណ្ឌា ហើយរស់នៅក្នុងទីក្រុងញូវយ៉ក ដោយចោទប្រកាន់ថាមន្ត្រីរដ្ឋាភិបាលឥណ្ឌាជាអ្នកដឹកនាំផែនការនេះ។ ទីក្រុង ញូវដេលី បានច្រានចោលការអះអាងរបស់កាណាដា ដោយកំហឹងដែលបង្កឱ្យមានជម្លោះការទូត ដោយភាគីទាំងពីរបានបណ្តេញអ្នកការទូត និងលទ្ធភាពនៃកិច្ចចរចាពាណិជ្ជកម្មអស្ថិរភាព។ ផ្ទុយទៅវិញ ឥណ្ឌាបាននិយាយថា ខ្លួនកំពុងចាត់ទុកការចោទប្រកាន់របស់សហរដ្ឋអាមេរិក យ៉ាងយកចិត្តទុកដាក់ និងកំពុងស៊ើបអង្កេតយ៉ាងហ្មត់ចត់លើបញ្ហានេះ៕

មន្រ្តីអាមេរិក៖ លោក Xi បានប្រាប់លោក Biden ក្នុងកិច្ចប្រជុំនៅខែមុនថា ចិននឹងបង្រួបបង្រួមកោះតៃវ៉ាន់

2023/12/21 11:12:43 am        165
Facebook Telegram Linkin
ប្រធានាធិបតីចិន លោក ស៊ី ជីនពីង (Xi Jinping) បាននិយាយចំៗប្រាប់ទៅកាន់លោកប្រធានាធិបតីអាមេរិក ចូ បៃដិន (Joe Biden) ក្នុងអំឡុងពេលកិច្ចប្រជុំកំពូលនាពេលថ្មីៗនេះរបស់ពួកគេនៅទីក្រុង សាន់ហ្រ្វាន់ស៊ីស្កូ (San Francisco) ថាទីក្រុងប៉េកាំង នឹងបង្រួបបង្រួមកោះតៃវ៉ាន់ឡើងវិញជាមួយចិនដីគោក ប៉ុន្តែពេលវេលាមិនទាន់ត្រូវបានសម្រេចនៅឡើយទេ នេះបើយោងតាមក្រុមមន្ត្រីសហរដ្ឋអាមេរិក។ក្រុមមន្ត្រីទាំងនោះបាននិយាយថា លោក ស៊ី បានប្រាប់លោក បៃដិន នៅក្នុងកិច្ចប្រជុំដែលមានការចូលរួមដោយមន្ត្រីអាមេរិក និងចិនរាប់សិបនាក់ថា ចំណង់ចំណូលចិត្តរបស់ចិន គឺចង់យកកោះតៃវ៉ាន់ដោយសន្តិភាព មិនមែនដោយបង្ខំនោះទេ។មេដឹកនាំចិនរូបនេះក៏បានយោងការព្យាករណ៍ជាសាធារណៈដោយបណ្ដាមេដឹកនាំយោធាអាមេរិក ដែលនិយាយថាលោក ស៊ី គ្រោងនឹងយកកោះតៃវ៉ាន់ នៅឆ្នាំ២០២៥ ឬឆ្នាំ២០២៧ ខាងមុខនេះដោយប្រាប់លោក បៃដិន ថា ពួកគេគិតខុសហើយ ពីព្រោះលោកមិនបានកំណត់ពេលវេលាសម្រាប់ការបង្រួបបង្រួមនេះទេ នេះបើយោងតាមការលើកឡើងរបស់ក្រុមមន្ត្រីដែលដឹងពីកិច្ចប្រជុំនោះ។ពួកគេបាននិយាយថា មន្ត្រីចិនក៏បានស្នើនៅមុនកិច្ចប្រជុំកំពូលនេះថាឥឲ្យលោក បៃដិន ធ្វើសេចក្តីថ្លែងការណ៍ជាសាធារណៈបន្ទាប់ពីកិច្ចប្រជុំដោយនិយាយថា សហរដ្ឋអាមេរិកគាំទ្រគោលដៅរបស់ប្រទេសចិនក្នុងការបង្រួបបង្រួមដោយសន្តិភាពជាមួយកោះតៃវ៉ាន់ និងមិនគាំទ្រឯករាជ្យភាពរបស់កោះតៃវ៉ាន់ នោះទេប៉ុន្តែសេតវិមានបានច្រានចោលសំណើមួយនេះ៕

សម្ដេចធិបតី ហ៊ុន ម៉ាណែត ផ្ដល់អនុសាសន៍ចំនួន ៧ចំណុច ដល់​វេទិកានិពន្ធនាយកសារព័ត៌មានកម្ពុជា លើកទី២០

2023/12/21 09:30:10 am        190
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជាបានផ្ដល់អនុសាសន៍ចំនួន ៧ ចំណុច ដល់វេទិកានិពន្ធនាយកសារព័ត៌មានកម្ពុជាលើកទី២០ ដែលបានធ្វើឡើងនៅថ្ងៃទី២១ ខែធ្នូ ឆ្នាំ២០២៣នេះ ដើម្បីជា​មូល​ដ្ឋាន​ក្នុង​ការ​ពិភា​ក្សា​ដោះ​ស្រាយ​បញ្ហា​ប្រឈម​ដែល​ពាក់ព័ន្ធ​ការ​បំពាន​ក្រម​សីលធម៌វិជ្ជាជីវៈការផ្សព្វផ្សាយព័ត៌មានក្លែងក្លាយ បំភ្លៃការពិត មានចរិតបំពុលសង្គម ជេរ​ប្រមាថ និងញុះញង់ បង្កឱ្យកើតមានអរិភាពការបែកបាក់សាមគ្គីភាពជាតិជាដើម។ក្នុងឱកាសវេទិកានិពន្ធនាយកសារព័ត៌មានកម្ពុជាលើកទី២០ ថ្ងៃទី២១ ខែធ្នូ ឆ្នាំ២០២៣ សម្ដេច​ធិបតី​នាយករដ្ឋមន្រ្ដីបានបង្ហាញនូវក្តីសោមនស្សរីករាយ និងក្នុងនាម​រាជ​រដ្ឋាភិបាល​កម្ពុជា​សម្ដេច​បាន​ចូលរួមអបអរសាទរវទិកានិពន្ធនាយកសារព័ត៌មានកម្ពុជាលើកទី២០ ដែលរៀប​ចំ​ឡើង​ដោយ​ក្លិប​អ្នក​កាសែតកម្ពុជាដើម្បីផ្តល់ឱកាសដល់ថ្នាក់ដឹកនាំស្ថាប័នសារព័ត័មាន និពន្ធនាយកមក​ពី​អង្គភាព​សារព័ត៌មាននានា បានជួបជុំពិភាក្សាផ្លាស់ប្តូរយោបល់ ចែករំលែកបទពិសោធ និងដោះ​ស្រាយ​បញ្ហា​ប្រឈមនាពេលកន្លងមក ព្រមទាំងដាក់​ចេញ​នូវ​ទិស​ដៅ​សម្រាប់​អនុវត្ត​នៅ​ពេល​ខាង​មុខ ដើម្បីលើកកម្ពស់ការអនុវត្តក្រមសីលធម៌វិជ្ជាជីវៈ​សារព័ត៌មាន​ក្នុង​គោល​បំណង​រក្សា​សណ្តាប់​ធ្នាប់​វិស័យព័ត៌មាន សន្តិសុខព័ត៌មាន និងសេរីភាពខាង សារព័ត៌មាន​នៅ​ព្រះរាជាណាចក្រកម្ពុជា​។សម្ដេចធិបតីមានប្រសាសន៍ថា វេទិកានិពន្ធនាយកសារព័ត៌មានកម្ពុជា ឆ្នាំ២០២៣ ក្រោម​ប្រធាន​បទ «ក្រមសីលធម៌ និងវិជ្ជាជីវៈសារព័ត៌មាន» ពិតជាមានសារៈសំខាន់បំផុត ខណៈ​ដែល​ការ​អនុវត្ត​ក្រម​សីលធម៌ វិជ្ជាជីវៈរបស់អ្នកសារព័ត៌មានមួយចំនួននៅមានកម្រិត ជាពិសេស​អ្នក​សារព័ត៌​មាន​តាមប្រព័ន្ធអនឡាញ ដែលទាមទារ​ឱ្យ​មាន​ការ​យក​ចិត្ត​ទុក​ដាក់​ពង្រឹង​ការ​អនុវត្ត​ក្រមសីលធម៌​វិជ្ជាជីវៈ និងការបណ្តុះបណ្តាលជំនាញដើម្បីបង្កើនសមត្ថភាពរបស់អ្នកសារព័ត៌មាន និង​បង្កើនទំនុកចិត្តដល់សាធារណជន។ក្នុងឱកាស​នេះសម្ដេចធិបតីក៏បានថ្លែងអំណរគុណ និងកោតសរសើរចំពោះស្ថាប័នសារព័ត៌មាន និង​អ្នកសារព័ត៌មានទាំងអស់ ដែលបានគាំទ្រ​គោល​នយោបាយ​របស់​រាជ​រដ្ឋាភិបាល​នា​ពេល​កន្លង​មក ក៏ដូចជាគោលនយោបាយរបស់រាជរដ្ឋាភិបាលនីតិកាលទី៧នៃរដ្ឋសភាដែលនេះ ជាកម្លាំង​ចលករ​ក្នុង​ការចូលរួម ចំណែកថែរក្សាសុខសន្តិភាព និងការកសាង​ប្រទេស​ឱ្យ​មាន​ការ​រីក​ចម្រើន​ប្រកប​ដោយ​ចីរភាពដោយសម្លឹង ឆ្ពោះទៅបង្គោលចរណ៍ «ចក្ខុវិស័យកម្ពុជាឆ្នាំ២០៥០»។ ទន្ទឹ​ម​នេះសម្ដេចធិបតីនាយករដ្ឋមន្រ្ដីក៏បានកោតសរសើរចំពោះស្ថាប័ន សារព័ត៌មាន និងបង​ប្អូន​អ្នក​សារព័ត៌មាន​ដែល​បាន​ខិតខំ​ពុះពារ​ជម្នះ​រាល់​ឧបសគ្គ​ក្នុងការ​ចុះយ​ក​ព័ត៌​មាន​ការ​ចែករំលែក​ព័ត៌មាន ការផ្សព្វផ្សាយព័ត៌មានបានរហ័សទាន់សភាពការណ៍ និងទូលំទូលាយ​ទាំង​នៅ​ក្នុង​ក្រប​ខណ្ឌ​ជាតិ អន្តរជាតិ ជូនបងប្អូនប្រជាពលរដ្ឋ ដើម្បីស្វែងយល់អំពីសភាពការណ៍ពិតនៅកម្ពុជា ពិសេស​ព្រឹត្តិការណ៍ធំៗជាប្រវត្តិសាស្ត្រនាពេលកន្លងមកដូចជាកិច្ចប្រជុំកំពូលអាស៊ាន និងកិច្ច​ប្រជុំ​កំពូល​ពាក់ព័ន្ធ ព្រឹត្តិការណ៍បោះឆ្នោតសកលនីតិកាលទី៧ឆ្នាំ២០២៣ ការរៀបចំ​ព្រឹត្តិការណ៍​ប្រកួត​កីឡាស៊ីហ្គេមឆ្នាំ២០២៣ ដែលបានទទួល​ជោគ​ជ័យ​យ៉ាង​ត្រចះ​ត្រចង់​ធ្វើ​ឱ្យកិត្យានុភាព​នៃ​ព្រះរាជាណាចក្រកម្ពុជា​ល្បីរន្ទឺ នៅលើឆាកអន្តរជាតិ។ សម្ដេចក៏បានសម្តែងនូវការកោតសរសើរផងដែរចំពោះការផ្សព្វផ្សាយព្រះរាជពិធីបុណ្យអុំទូកដែលទទួលបានជោគជ័យយ៉ាងធំធេងនាពេលថ្មីៗកន្លងទៅនេះ។សម្ដេចធិបតី​នាយករដ្ឋមន្រ្ដីបញ្ជាក់ថា សមិទ្ធផលដ៏ធំធេង និងជោគជ័យយ៉ាង​ត្រចះត្រចង់​ដែល​ទទួល​បាន​នាពេលកន្លងមក គឺមានការចូលរួមយ៉ាងសកម្មពីស្ថាប័នសារព័ត៌មាន និងបង​ប្អូន​អ្នក​សារព័ត៌មាន។ នេះបង្ហាញពីភាពជាដៃគូដែលមិនអាចខ្វះបានរវាងរាជរដ្ឋាភិបាលកម្ពុជា ជា​មួយ​ស្ថាប័ន​សារព័ត៌មាន។ សម្ដេចធិបតីបញ្ជាក់ថា រាជរដ្ឋាភិបាល​តែង​តែ​យក​ចិត្ត​ទុក​ដាក់​លើក​កម្ពស់​សេរីភាព​នៃ​ការ​បញ្ចេញ​មតិ សេរីភាពសារព័ត៌មាន និងជំរុញឱ្យមានការបណ្តុះបណ្ដាលផ្នែកសារព័ត៌មាន និង​បច្ចេក​វិទ្យា​ប្រព័ន្ធ​ផ្សព្វផ្សាយ​ទំនើបក៏ដូចជាពង្រឹងការអនុវត្តក្រមសីលធម៌ វិជ្ជាជីវៈដើម្បី​ឱ្យអ្ន​ក​សារ​ព័ត៌មាន​បំពេញ​ភារ​កិច្ចប្រកបដោយវិជ្ជាជីវៈ និងការទទួលខុសត្រូវ។សូមជម្រាបជូនថា រាជរដ្ឋាភិបាល​នីតិកាលទី៧ នៃ​រដ្ឋសភា​បាន​អនុវត្ត​នូវ​ការ​សម្រេច​ដ៏​ខ្ពស់​ខ្ពស់​របស់​សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្ត្រី​នៃ​ព្រះរាជាណាចក្រកម្ពុជា​ដោយ​លើកលែង​ពន្ធប៉ាតង់​សម្រាប់​អ្នក​សារព័ត៌​មាន​តាម​ប្រព័ន្ធ​អន​ឡាញ​ប្រភេទ​ធុន​តូច​ទាំងអ​ស់​ជាបន្ទុក​របស់រដ្ឋសម្រាប់ រយៈពេល៥ឆ្នាំ (២០២៣-២០២៨) និងកាត់​បន្ថយ​កម្រៃ​អាជ្ញា​បណ្ណ​ស្នើ​សុំប​ង្កើត​អង្គភាពសារព័ត៌មានថ្មីនៅក្រសួងព័ត៌មានចំនួន៥០% (ហាសិបភាគរយ) ដើម្បីជួយ​សម្រួ​លប​ន្ទុករបស់បងប្អូនអ្នកសារព័ត៌មានដែលកំពុងរងផលប៉ះពាល់ពីវិបត្តិជំងឺកូវីដ-១៩ និងវិបត្តិ​សេដ្ឋកិច្ចសាកល។ក្នុងឱកាសនេះបានផ្ដល់អនុសាសន៍ចំនួន ៧ ចំណុចដល់អង្គវេទិកាលើកទី២០នេះ ដើម្បី​ជា​មូល​ដ្ឋាន​ក្នុង​ការពិភាក្សាដោះស្រាយបញ្ហាប្រឈមដែលពាក់ព័ន្ធការបំពានក្រមសីលធម៌ វិជ្ជាជីវៈការ​ផ្សព្វ​ផ្សាយ​ព័ត៌មានក្លែងក្លាយ បំភ្លៃការពិត មានចរិតបំពុលសង្គម ជេរប្រមាថ និងញុះញង់ បង្ក​ឱ្យ​កើត​មាន អរិភាពការបែកបាក់សាមគ្គីភាពជាតិ ក្នុងនោះរួមមាន ទី១ ត្រូវបន្តចូល​រួម​ថែ​រក្សា​សុខសន្តិភាព​ការអភិវឌ្ឍប្រទេសជាតិ និងពង្រឹងលទ្ធិប្រជាធិបតេយ្យ ផ្អែកលើ ការអនុវត្តច្បាប់ ក្រមសីលធម៌ វិជ្ជាជីវៈឱ្យបានខ្ជាប់ខ្ជួន និងត្រូវលុបបំបាត់ជនឱកាសនិយម ដែលជ្រកក្រោម​ស្លាក​សារព័ត៌មាន។ ទី២ ត្រូវផ្តល់ព័ត៌មានពិតដល់សាធារណជនជាតិ-អន្តរជាតិ អំពីសភាពការណ៍​ពិត​នៅ​កម្ពុជា និងផ្សព្វផ្សាយ គោលនយោបាយរបស់រាជរដ្ឋាភិបាលទៅកាន់ប្រជាពលរដ្ឋ និងនាំ​ព័ត៌មាន​ពី​ប្រជាពលរដ្ឋមកកាន់រាជរដ្ឋាភិបាលដើម្បីដោះស្រាយបញ្ហាបានទាន់ពេលវេលា និងមាន​ប្រសិទ្ធ​ភាពខ្ពស់។ ទី៣ ត្រូវធ្វើជាកញ្ចក់ឆ្លុះបញ្ចាំងអំពីភាពពិតជាក់ស្ដែង និងភាពអសកម្ម​នៅ​ក្នុង​សង្គម ដើម្បីរាជ​រដ្ឋាភិបាល​ដោះ​ស្រាយ​បញ្ហា​ចំគោល​ដៅ​មាន​ប្រសិទ្ធ​ភាព​ស្រប​តាម​កម្ម​វិធី​កំណែ​ទ​ម្រង់​របស់រាជរដ្ឋាភិបាល។ ទី៤ ត្រូវផ្សព្វ​ផ្សាយ​អប់រំ​ដល់​សាធារណជន​អំពី​វិធានការ​បង្ការ​គ្រោះថ្នា​ក់​ចរាចរណ៍ គ្រោះថ្នាក់នៃការប្រើប្រាស់ គ្រឿងញៀន ការជួញដូរមនុស្ស គោលនយោបាយ​ភូមិ​ឃុំ​មាន​សុវត្ថិភាព ដើម្បីកាត់បន្ថយគ្រោះថ្នាក់ចរាចរណ៍ ការប្រើប្រាស់គ្រឿងញៀន និងរក្សា​សុវត្ថិភាព​សង្គម។ ទី៥បន្តចូលរួមប្រយុទ្ធប្រឆាំងព័ត៌មានក្លែងក្លាយដែលមានចរិតបំពុលសង្គម អាចធ្វើ​ឱ្យ​ប្រទេសជាតិ អស្ថិរភាពនយោបាយ ចលាចល ភាពវឹកវរ និងបាត់បង់​សណ្តាប់​ធ្នាប់​សង្គម​។ ទី៦ ត្រូវប្រកាន់ខ្ជាប់ក្រមសីលធម៌ វិជ្ជាជីវៈផ្សាយព័ត៌មានពិត មានតុល្យភាព គ្រប់ជ្រុង​ជ្រោយ ចៀសវាង ការផ្សព្វផ្សាយព័ត៌មានដែលធ្វើឱ្យខូចផលប្រយោជន៍ជាតិ និងបាត់បង់​ទំនុក​ចិ​ត្ត​ពី​សាធារណជន។ ទី៧ ត្រូវបណ្តុះបណ្តាល​សមត្ថភាព​ជំនា​ញ​របស់​អ្នក​សារព័ត៌មាន​ទាំង​បច្ចេកទេស និងវិជ្ជាជីវៈ ដើម្បីលើកកម្ពស់គុណភាពព័ត៌មាន សណ្តាប់ធ្នាប់វិស័យព័ត៌មាន និង​កិត្យា​នុភាពស្ថាប័នសារព័ត៌មាន។ សម្ដេចធិបតី​សង្ឃឹមយ៉ាងមុតមាំថា វេទិកានិពន្ធនាយកសារព័ត៌មានកម្ពុជា ឆ្នាំ២០២៣ នឹង​ផ្ដល់នូវ​លទ្ធផល ប្រកបដោយផ្លែផ្កា ដើម្បី​បន្ត​ជំរុញ​អភិវឌ្ឍ​ប្រព័ន្ធ​ផ្សព្វ​ផ្សាយនៅ​កម្ពុ​ជា​ឱ្យ​កាន់តែមាន​ការរីកចម្រើនមួយកម្រិតថែមទៀត៕

រសៀលនេះ សម្ដេចធិបតី ហ៊ុន ម៉ាណែត នឹងអញ្ជើញបិទសន្និបាតបូកសរុបលទ្ធផលការងារ​បរិស្ថាន​ឆ្នាំ២០២៣ និងលើកទិសដៅការងារបន្ត

2023/12/21 08:53:02 am        200
Facebook Telegram Linkin
ភ្នំពេញ៖ នារសៀលថ្ងៃទី២១ ខែធ្នូ ឆ្នាំ២០២៣នេះ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នឹងអញ្ជើញជាអធិបតីក្នុងពិធី “បិទសន្និបាត​បូក​សរុប​លទ្ធផល​ការងារបរិស្ថានឆ្នាំ២០២៣ និងលើកទិសដៅការងារឆ្នាំ២០២៤” នៅទីស្តី​ការ​ក្រសួង​បរិស្ថាន។ នៅក្នុងយុទ្ធសាស្ត្របញ្ចកោណ-ដំណាក់កាលទី១ រាជរដ្ឋាភិបាល នីតិកាលទី៧ បាន​កំណត់​គោលដៅ និងយកចិត្តទុកដាក់ខ្ពស់លើកិច្ចការងារបរិស្ថាន ពិសេស ការប្រែប្រួល​អាកាស​ធាតុ​នៅ​កម្ពុជា និយាយដោយឡែក និងទូទាំងសកលលោក និយាយជារួម។ កិច្ច​ការ​ដ៏​មាន​សារៈ​សំខាន់​នេះ ​គឺជាកិច្ចការអាទិភាពទី៥ នៅក្នុងបញ្ចកោណទី៤ គឺ "ការធានាចីរភាពបរិស្ថាន និង​ការ​រៀបចំ​ខ្លួន​ឆ្លើយ​តប​ទៅ​នឹងការប្រែប្រួលអាកាសធាតុ ព្រមទាំងលើកកម្ពស់សេដ្ឋកិច្ចបៃតង" ដែល​មាន​គោល​ដៅ​យុទ្ធ​សាស្ត្រផ្តោតលើការកាត់បន្ថយជាអតិបរមានូវការបំពុល និងផលប៉ះពាល់បរិស្ថាន, ការ​ពង្រឹង​ការគ្រប់គ្រងទឹក និងការពង្រឹងភាពធន់នឹងការប្រែប្រួលអាកាសធាតុ, និង​ការ​ចូលរួ​ម​ចំណែក ​ក្នុងការកាត់បន្ថយផលប៉ះពាល់ នៃការប្រែប្រួលអាកាសធាតុសកល ដើម្បីធានា​ការ​អភិវឌ្ឍ​ប្រកប​ដោយ​ចីរភាព។

ឯកឧត្តម កែវ រ៉េមី៖ មន្រ្តីពន្ធនាគារខេត្តកណ្តាល បានបំពេញតួនាទីភារកិច្ចធ្វើឱ្យជនជាប់ឃុំទទួលបានការយកចិត្តទុកដាក់

2023/12/20 02:09:34 pm        169
Facebook Telegram Linkin
កណ្ដាល៖ ឯកឧត្តមទេសរដ្ឋមន្រ្តី កែវ រ៉េមី ថ្លែងថា មន្រ្តីពន្ធនាគារខេត្តកណ្តាល បានបំពេញតួនាទីភារកិច្ចធ្វើឱ្យជនជាប់ឃុំទទួលបានការយកចិត្តទុកដាក់ស្មើៗគ្នា។ ការថ្លែងរបស់ឯកឧត្តមទេសរដ្ឋមន្រ្តី កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា(គ.ស.ម.ក.) ធ្វើឡើងនៅថ្ងៃទី២០ ខែធ្នូ ឆ្នាំ២០២៣ ក្នុងពេលអញ្ជើញចុះទៅពន្ធនាគារខេត្តកណ្តាល ដើម្បីពិនិត្យពីស្ថានភាពនៃការឃុំឃាំង ការអនុវត្តសិទ្ធិមនុស្ស និងសួរសុខទុក្ខជនជាប់ឃុំ រួមទាំងលោក ខៀវ សំផន ផងដែរ។នាឱកាសនោះឯកឧត្តម កែវ រ៉េមី បានកោតសរសើរដល់ថ្នាក់ដឹកនាំ និងមន្ត្រីនៃពន្ធនាគារ​ខេត្តកណ្តាល ដែលបានបំពេញតួនាទីភារកិច្ចដោយការយកចិត្តទុកដាក់ខ្ពស់ ដែលបង្កឱ្យស្ថានភាព​នៃការរស់នៅរបស់ជនជាប់ឃុំមានលក្ខណៈល្អប្រសើរ និងទទួលបាននូវសិទ្ធិតាមការ​កំណត់​នៃច្បាប់ស្តីពីពន្ធនាគារ។ ទន្ទឹមនេះឯកឧត្ដម កែវ រ៉េមី ​ក៏បាន​ផ្តាំផ្ញើ​ដល់ថ្នាក់ដឹកនាំ និង​មន្ត្រីពន្ធនាគារ​ឲ្យយកចិត្តទុកដាក់បន្ថែមទៀត ជៀសវាងការប្រើអំពើហិង្សា ​និងការធ្វើទារុណកម្ម ជាពិសេស​សូម​ប្រកាន់ខ្ជាប់​និង​គោរព​តាមបទដ្ឋានសិទ្ធិមនុស្សជាតិ និងអន្តរជាតិ។ តាមនាមឱ្យគណៈកម្មាធិការសិទ្ធិមនុស្សកម្ពុជា ​ក៏បានថ្លែងអំណរគុណដល់ថ្នាក់ដឹកនាំ និងមន្ត្រី ពន្ធនាគារ​ទាំងអស់ ដែលតែងតែផ្តល់ការសហការយ៉ាង​ជិតស្និទ្ធ​ជាមួយគណៈកម្មាធិការសិទ្ធិ​មនុស្ស​កម្ពុជានាពេល កន្លងមក ក្នុងការលើកកម្ពស់ ​ការការពារសិទ្ធិ​ និងសេរីភាពរបស់ជនជាប់ឃុំ។ ក្នុងនោះផងដែរ ​គណៈកម្មាធិការ​ សិទ្ធិមនុស្សកម្ពុជា ​ក៏បាននាំយកនូវ​អំណោយ​ជាឱសថ និង​អង្ករចំនួន២តោន​សម្រាប់ប្រើប្រាស់ក្នុងពន្ធនាគារ។គួរបញ្ជាក់ថា ​លោក ខៀវ សំផន ​បច្ចុប្បន្នស្ថិតនៅក្នុងវ័យចំណាស់ គឺជាអតីតប្រមុខរដ្ឋនៃរបប​កម្ពុជា​ប្រជាធិបតេយ្យ ​និងជាអតីតមេដឹកនាំខ្មែរក្រហមតែមួយគត់ដែលនៅមានជីវិតនៃសំណុំរឿង ០០២/០២ របស់ ​សាលាក្តីខ្មែរក្រហម ​ហើយកំពុងតែអនុវត្តទោសជាប់ពន្ធនាគារអស់មួយជីវិត នៅក្នុងពន្ធនាគារខេត្តកណ្តាល។ លោក ខៀវ សំផន ត្រូវបានដាក់ឃុំនៅអគារ និងបន្ទប់ឃុំឃាំងដាច់ដោយឡែក​ពីជនជាប់​ឃុំផ្សេងទៀត និងទទួលបានការមើលថែដោយយកចិត្តទុកដាក់ពីសំណាក់អ្នកមើលថែ គ្រូពេទ្យ និងមន្ត្រីពន្ធនាគារ៕ 

លោក ពូទីន បង្កើនសម្ពាធយោធាលើអ៊ុយក្រែន ខណៈដែលរំពឹងថា ការគាំទ្ររបស់លោកខាងលិចសម្រាប់ទីក្រុងគីវ នឹងថយចុះ

2023/12/20 01:44:35 pm        157
Facebook Telegram Linkin
បន្ទាប់ពីការវាយបករបស់អ៊ុយក្រែនពីរដូវក្តៅ រុស្ស៊ី កំពុងកសាងធនធានរបស់ខ្លួនសម្រាប់ដំណាក់កាលថ្មីនៃសង្រ្គាមនៅរដូវរងា ដែលអាចពាក់ព័ន្ធនឹងការព្យាយាមពង្រីកការរុលទៅមុខរបស់ខ្លួន នៅភាគខាងកើត និងដោះស្រាយផលប៉ះពាល់ដ៏ធំចំពោះហេដ្ឋារចនាសម្ព័ន្ធសំខាន់ៗរបស់ប្រទេសនេះ។ប្រធានាធិបតីរុស្ស៊ី លោក វ្ល៉ាឌីមៀ ពូទីន ហាក់ដូចជាសង្ឃឹមថា សម្ពាធយោធាឥតឈប់ឈរ រួមជាមួយនឹងការផ្លាស់ប្តូរកម្លាំងជំរុញផ្នែកនយោបាយលោកខាងលិច និងការផ្តោតជាសកលលើសង្រ្គាមអ៊ីស្រាអែល និងហាម៉ាស់ នឹងផ្តល់ការគាំទ្រសម្រាប់អ៊ុយក្រែន នៅក្នុងសង្រ្គាមជិតពីរឆ្នាំ និងបង្ខំទីក្រុងគីវធ្វើតាមការទាមទាររបស់ទីក្រុងមូស្គូ។លោក Tatiana Stanovaya អ្នកស្រាវជ្រាវជាន់ខ្ពស់នៅមជ្ឈមណ្ឌល Carnegie Russia Eurasiaបាននិយាយនៅក្នុងការវិភាគនាពេលថ្មីៗនេះថា៖«តាមដែលថ្នាក់ដឹកនាំរុស្ស៊ី មានការព្រួយបារម្ភ ការប្រឈមមុខជាមួយលោកខាងលិច បានឈានដល់ចំណុចរបត់មួយគឺ ការវាយលុកបករបស់អ៊ុយក្រែន បានបរាជ័យ ប្រទេសរុស្ស៊ី មានទំនុកចិត្តជាងពេលណាៗទាំងអស់ ហើយការបែកបាកសាមគ្គីភាពលោកខាងលិចកំពុងរីកកាន់តែធំឡើង»។ ។កញ្ចប់ជំនួយសម្រាប់អ៊ុយក្រែន បានជាប់គាំងនៅក្នុងសភាសហរដ្ឋអាមេរិក ខណៈដែលគណបក្ស សាធារណរដ្ឋ ទាមទារឲ្យភ្ជាប់ប្រាក់បន្ថែមទៀតទៅនឹងការផ្លាស់ប្តូរសន្តិសុខព្រំដែនអាមេរិក-ម៉ិកស៊ិក ដែលជំទាស់ដោយគណបក្សប្រជាធិបតេយ្យ។ សហភាពអឺរ៉ុបកាលពីសប្តាហ៍មុន បានបរាជ័យក្នុងការយល់ព្រមលើកញ្ចប់ថវិកាចំនួន ៥៤ ពាន់លានដុល្លារ នៅក្នុងជំនួយហិរញ្ញវត្ថុ ដែលអ៊ុយក្រែនត្រូវការយ៉ាងខ្លាំងនេះ។

របាយការណ៍ស្ថានភាពអ៊ីស្រាអែល-ហ្គាហ្សា៖ ក្រុមមេដឹកនាំយោធាអាមេរិក ជំរុញឲ្យមានកាត់បន្ថយយុទ្ធនាការ

2023/12/20 01:40:17 pm        103
Facebook Telegram Linkin
សារព័ត៌មាន Wall Street Journal បានរាយការណ៍ថា ក្នុងអំឡុងពេលកិច្ចប្រជុំជាមួយនាយករដ្ឋមន្ត្រីអ៊ីស្រាអែល លោកបេនចាមីន តាន់យ៉ាហ៊ូ (Benjamin Netanyahu) និងក្រុមមន្ត្រីជាន់ខ្ពស់ ក្នុងប្រទេស អ៊ីស្រាអែល រដ្ឋមន្ត្រីការពារជាតិ Lloyd Austin និងលោកឧត្តមសេនីយ៍កងទ័ពអាកាស CQ Brown ដែលជាប្រធានអគ្គសេនាធិការចម្រុះ បានអំពាវនាវឲ្យមានការផ្លាស់ប្តូរទៅប្រតិបត្តិការប្រយុទ្ធ ដែលមិនសូវខ្លាំងដូចពីមុន។ ការបោះពុម្ភផ្សាយរបស់សារព័ត៌មាននេះ បានឲ្យដឹងថា លោក Austin និង លោក Brown បានជំរុញអ៊ីស្រាអែលឲ្យផ្លាស់ប្តូរទៅរកការវាយឆ្មក់គោលដៅបន្ថែមទៀត នៅក្នុងតំបន់ហ្កាហ្សា ដើម្បីកំណត់ចំនួនជនស៊ីវិល ដែលបាត់បង់ជីវិត អនុញ្ញាតឲ្យមានជំនួយមនុស្សធម៌បន្ថែមទៀត ទៅដល់ប្រជាជនក្នុងដែនដីនេះ និងទទួលបានការគាំទ្រពីអន្តរជាតិបន្ថែមទៀតសម្រាប់កិច្ចខិតខំប្រឹងប្រែងនេះ។សារព័ត៌មាន Journal បានបញ្ជាក់ថា កិច្ចប្រជុំទាំងនោះ គឺជាផ្នែកនៃកិច្ចខិតខំប្រឹងប្រែងការទូតធំជាងមុនរបស់ទីក្រុងវ៉ាស៊ីនតោន និងរដ្ឋាភិបាលមជ្ឈិមបូព៌ាមួយចំនួនសម្រាប់អ៊ីស្រាអែល ដើម្បីចាប់ផ្តើមបញ្ចប់ដំណាក់កាលដ៏ខ្លាំងក្លាបំផុតនៃប្រតិបត្តិការយោធារបស់ខ្លួន នៅក្នុងតំបន់ហ្កាហ្សា។ដូចដែលយើងបានរាយការណ៍ពីមុនមកហើយ ក្រុមមន្ត្រីអាមេរិក បានប្រាប់អ៊ីស្រាអែលដោយផ្ទាល់ថា ពួកគេចង់ឃើញទំហំនៃការប្រយុទ្ធគ្នា ត្រូវបានកាត់បន្ថយក្នុងរយៈពេលប៉ុន្មានសប្តាហ៍ មិនមែនរាប់ខែនោះទេ ជុំវិញការព្រួយបារម្ភកាន់តែខ្លាំងឡើងអំពីចំនួនខូចខាតផ្នែកមនុស្សធម៌។

សម្ដេចធិបតី៖ ការរីកចម្រើនវិស័យធនាគារជួយគាំទ្រដល់ដំណើរការគោលនយោបាយ​រដ្ឋាភិបាលឌីជីថល

2023/12/20 01:18:18 pm        173
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា បានមានប្រសាសន៍ថា ការរីក​ចម្រើន​នៅ​ក្នុង​វិស័យ​ធនាគាររបស់កម្ពុជា គឺបានចូលរួ​ម​ចំណែក​សំខាន់​ក្នុង​ការ​គាំទ្រ​ដល់​ដំណើរ​ការ​នៃ​ការ​អនុវ​ត្ត​គោលនយោបាយរដ្ឋាភិបាលឌីជីថល និងសេដ្ឋកិច្ចឌីជីថលរបស់កម្ពុជា ខណៈ​រយៈពេល​កន្ល​ង​មកនេះ ធនាគារវីងបានចូលរួមសំខាន់ក្នុងការបើកប្រាក់ឧបត្ថម្ភដល់ប្រជាពលរដ្ឋក្រីក្រ និង​ងាយ​រងគ្រោះ ជាពិសេសនាអំឡុងពេលវិបត្តិកូវីដ-១៩។សម្ដេចធិបតី នាយករដ្ឋមន្រ្ដី បាន​មាន​ប្រសាសន៍​ក្នុង​ឱកាស​អញ្ជើញ​ជា​អធិបតី​សម្ពោធ​ដាក់​ឱ្យ​ប្រើ​ប្រាស់​ជា​ផ្លូវការ អគារធនាគារវីងថៅវើ នៅព្រឹកថ្ងៃទី២០ ខែធ្នូ ឆ្នាំ២០២៣នេះ ដោយ​បាន​ថ្លែង​អបអរ​សាទរ​ដល់ធនាគារវីង និងបណ្ដាធនាគារផ្សេងៗនៅកម្ពុជា ដែលមាន​ការ​អភិវឌ្ឍ​រីក​ចម្រើន​យ៉ាង​ឆាប់​រហ័សទាំងប្រព័ន្ធហេដ្ឋារចនាសម្ព័ន្ធសំណង់អាគារ និងការ​សេវា​រហ័ស​តាម​ប្រព័ន្ធ​ឌីជីថល​សល់​ប្រជាពលរដ្ឋក៏ដូចជាអតិថិជនដែលមានតម្រូវការ។ សម្ដេចធិបតីបានថ្លែងថា ធនាគារវីង ក៏ដូចជាបណ្ដា​ធនាគារ​ផ្សេង​ទៀត​បាន​ចូល​រួម​ចំណែក​ជា​ច្រើន​ជួយ​ដល់​រាជរ​ដ្ឋាភិបាល​ដោយ​បាន​ដើរ​តួនាទី​ជួយ​ជំរុញ​នៅ​ក្នុង​ប្រតិបត្តិការ​យ៉ាង​ច្រើន​ទៅ​ដ​ល់​អាជីវករ ពាណិជ្ជករ និយោជិត និងប្រជាជន​នៅ​ទូទាំង​ប្រទេស​ឱ្យ​មាន​ភាព​ងាយ​ស្រួល​ទាក់​ទិន​នឹង​សុវត្ថិភាព នៃការទុកដាក់ប្រាក់ និងផ្ទេរប្រាក់ ប្រើប្រៀបធៀន​ទៅនឹង​ការ​ផ្ទេរ​ប្រាក់​ក្រៅ​ផ្លូវ​ការ​ផ្សេង​ទៀត។ ប្រតិបត្តិការរបស់ធនាគារទាំងនោះ ក៏បានជួយ​សម្រួល​ច្រើន​ដល់​ការ​កាត់​បន្ថយ​ការ​ចំណាយ​ពេល​វេលា និងប្រាក់លើការទូទាត់ថ្លៃទឹកភ្លើង បង់កាប្រាក់កម្ចី និងការទូទាត់​ផ្សេងៗ​ទៀត​។ ក្នុងឱកាសនៃពិធីនោះផងដែ សម្តេចធិបតីនាយករដ្ឋមន្រ្តី បានវាយតម្លៃខ្ពស់ចំពោះធនាគារវីង ដែល​បាន​សហការជាមួយក្រសួង-ស្ថាប័នថ្នាក់ជាតិ និងរដ្ឋបាលថ្នាក់ក្រោមជាតិ រួមចំណែក​ដល់​ការ​អនុវត្ត​គោលនយោបាយ និងកម្មវិធីអាទិភាពនានារបស់រាជរដ្ឋាភិបាល តាមរយៈការ​ជួយ​អនុវ​ត្ត​​គោល​នយោបាយគាំពារសង្គម គិតចាប់ពីខែមិថុនា ឆ្នាំ២០២០ រហូតដល់ ខែតុលា ឆ្នាំ២០២៣ ដោយ​សម្រួលក្នុងការបើកប្រាក់ឧបត្ថម្ភរបស់រាជរដ្ឋាភិបា។ ការវិវឌ្ឍរបស់ធនាគារវីង បានគាំទ្រ និង​ជួយ​ជំរុញដំណើរប្រព្រឹត្តទៅនៃ រដ្ឋាភិបាលអេឡិចត្រូនិក (e-Government) របស់​រាជ​រដ្ឋាភិបាល​កម្ពុជា តាមរយៈ ការទូទាត់សេវាកម្មរដ្ឋ និងសាធារណៈជាច្រើនផងដែរ៕ អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

បារាំងដាក់ពង្រាយយន្តហោះចម្បាំង ដើម្បីល្បាតដែនអាកាសប៉ូឡូញនៅក្នុងបេសកកម្មអង្គការណាតូ
09/22/2025 01:09 PM
Facebook Telegram Linkin
នគរបាលហូឡង់ ប្រើប្រាស់ឧស្ម័នបង្ហូរទឹកភ្នែក និងកាណុងទឹកលើបាតុករប្រឆាំងអន្តោប្រវេសន៍
09/22/2025 01:09 PM
Facebook Telegram Linkin
អ្នកដំណើរជាប់ខ្លួន ពេលការវាយប្រហារតាមអ៊ីនធឺណិតបង្អាក់អាកាសយានដ្ឋានធំៗនៅអឺរ៉ុប
09/22/2025 01:09 PM
Facebook Telegram Linkin
ប្រធានាធិបតីអ៊ុយក្រែនលោក Zelenskiy រំពឹងថា អាមេរិកនឹងដាក់ទណ្ឌកម្មខ្លាំងក្លាលើរុស្ស៊ី
09/22/2025 01:09 PM
Facebook Telegram Linkin
សម្ដេចមហាបវរធិបតី ហ៊ុន ម៉ាណែត និងលោកជំទាវបណ្ឌិត អញ្ជើញរាប់បាត្រថ្ងៃភ្ជុំបិណ្ឌ វត្តហរិរក្សរាជិនី ហៅវត្តវាំងចាស់
09/22/2025 12:09 PM
Facebook Telegram Linkin
កងទ័ពអាកាសអ៊ុយក្រែន បញ្ចេញវីដេអូយន្តហោះចម្បាំង F-16 បាញ់ទម្លាក់យានដ្រូន
09/22/2025 12:09 PM
Facebook Telegram Linkin
បាតុករអ៊ីស្រាអែល ដង្ហែរក្បួននៅទីក្រុងហ្សេរុយសាឡឹម និងតែល អាវីវ ទាមទារបញ្ចប់សង្រ្គាមហ្កាហ្សា
09/22/2025 11:09 AM
Facebook Telegram Linkin
ជនស៊ីវិលវេណេស៊ុយអេឡា ហ្វឹកហាត់ប្រើអាវុធជាមួយយោធា ខណៈភាពតានតឹងកើនឡើងជាមួយអាមេរិក
09/22/2025 11:09 AM
Facebook Telegram Linkin
លោក Trump៖ រឿងអាក្រក់នឹងកើតឡើង បើសិនអាហ្វហ្គានីស្ថាន មិនប្រគល់មូលដ្ឋានទ័ពអាកាស Bagram
09/22/2025 11:09 AM
Facebook Telegram Linkin
គោរពច្បាប់ចរាចរណ៍ស្មើនឹងគោរពជីវិតខ្លួនឯង! គ្រោះថ្នាក់ចរាចរណ៍ទូទាំង ប្រទេសនៅថ្ងៃទី២១ កញ្ញា កើតឡើងចំនួន ៩លើក បណ្តាលឲ្យមនុស្សស្លាប់៧នាក់ និងរបួសធ្ងន់ស្រាល ១១នាក់
09/22/2025 11:09 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.