នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
កម្ពុជា-រវ៉ាន់ដា ឯកភាពពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែទូលំទូលាយ​
សម្តេចធិបតី នាយករដ្ឋមន្ត្រី ទទួលជួបពិភាក្សាការងារទ្វេភាគី ជាមួយឯកឧត្តមប្រធានាធិបតីរវ៉ាន់ដា
ប្រធានាធិបតី រវ៉ាន់ដា មើលឃើញថា ប្រទេសកម្ពុជាជាប្រទេសមួយដ៏អស្ចារ្យ មានការអភិវឌ្ឍយ៉ាងខ្លាំង
សម្ដេចអគ្គមហាសេនាបតីតេជោ ហ៊ុន សែន អញ្ជើញដង្ហែព្រះមហាក្សត្រ ក្នុងព្រះរាជពិធីពន្លត់ទៀនជ័យ នៃទិវាបុណ្យឯករាជ្យជាតិ ៩ វិច្ឆិកា ខួបលើកទី៧៣

នយោបាយ​ និង ការអភិវឌ្ឍន៍

សហរដ្ឋអាមេរិក មើលមិនឃើញមានការផ្លាស់ប្តូរសំនៀងណាមួយពីប្រទេសចិន លើកោះតៃវ៉ាន់ទេ

2023/12/22 06:22:30 pm        196
Facebook Telegram Linkin
រដ្ឋមន្ត្រីក្រសួងពាណិជ្ជកម្មអាមេរិក លោកស្រី ជីណា រ៉ៃម៉ុនដូ (Gina Raimondo) បានប្រាប់សារព័ត៌មាន CNBC កាលពីថ្ងៃព្រហស្បតិ៍ (២១ ធ្នូ) នៅពេលត្រូវសាកសួរអំពីរបាយការណ៍ប្រព័ន្ធផ្សព្វផ្សាយ ដែលថាប្រធានាធិបតីចិន លោក ស៊ី ជីនពីង (Xi Jinping) បានប្រាប់ប្រធានាធិបតី ចូ បៃដិន (Joe Biden) ថាក្រុងប៉េកាំង នឹងបង្រួបបង្រួមកោះតៃវ៉ាន់ ជាមួយប្រទេសចិនឡើងវិញថា ទីក្រុងវ៉ាស៊ីនតោន មិនឃើញមានការផ្លាស់ប្តូរណាមួយនៃសម្លេងរបស់ចិន លើកោះតៃវ៉ាន់ទេ ។លោកស្រី រ៉ៃម៉ុនដូ បាននិយាយនៅក្នុងបទសម្ភាសន៍ CNBC ថា «ខ្ញុំមិនឃើញមានការផ្លាស់ប្តូរនោះទេ។ ខ្ញុំក៏នៅក្នុងកិច្ចប្រជុំនោះដែរ ហើយលោកប្រធានាធិបតី ស៊ី មិនបាននិយាយអ្វីមកកាន់ពួកយើង ដែលលោកមិនធ្លាប់បាននិយាយពីមុនមកនោះទេ»។ រដ្ឋមន្រ្តីពាណិជ្ជកម្មអាមេរិករូបនេះបានបន្ថែមថា «វាគឺជាការពិភាក្សាដ៏ល្អមួយរវាងមេដឹកនាំពិភពលោកទាំងពីរ។ ការពិភាក្សានោះជាការនិយាយដោយចំៗ ដោយវិជ្ជមាន និងដោយត្រង់ទៅត្រង់មក។ បញ្ហាកោះតៃវ៉ាន់ ក៏ត្រូវបានលើកមកពិភាក្សាដែរ ប៉ុន្តែមិនមានព័ត៌មានថ្មីទេ»។ លោក បៃដិន និងលោក ស៊ី បានព្រមព្រៀងគ្នាក្នុងអំឡុងពេលកិច្ចប្រជុំរបស់ពួកគេដើម្បីបើកខ្សែទូរស័ព្ទបន្ទាន់របស់ប្រធានាធិបតី ហើយបន្តទំនាក់ទំនងរវាងយោធានិងយោធា ដោយបង្ហាញពីវឌ្ឍនភាពជាក់ស្តែងមួយចំនួន។ ប្រព័ន្ធផ្សព្វផ្សាយរដ្ឋរបស់ចិនបាននិយាយនៅពេលនោះថា លោក ស៊ីi បានជំរុញឱ្យទីក្រុងវ៉ាស៊ីនតោន បញ្ឈប់ការបញ្ជូនអាវុធទៅកោះតៃវ៉ាន់ និងគាំទ្រដល់ «ការបង្រួបបង្រួម» ដោយសន្តិវិធីរបស់ចិនជាមួយតៃវ៉ាន់។លោក បៃដិន បាននិយាយថា លោកបានសង្កត់ធ្ងន់ពីតម្រូវការសម្រាប់សន្តិភាពនៅច្រកសមុទ្រកោះតៃវ៉ាន់។ មន្ត្រីអាមេរិកម្នាក់បានបន្ថែមថា លោក បៃដិន បានជំទាស់លើការបង្រួបបង្រួមនោះ ហើយឲ្យរក្សាស្ថានភាពដដែល និងឲ្យចិនគោរពដំណើរការបោះឆ្នោតរបស់កោះតៃវ៉ាន់៕

បីឆ្នាំទៀតកម្ពុជា អាចឲ្យកប៉ាល់ផ្ទុកទំនិញ៦ម៉ឺនតោន ចូលចតបានក្រោយសាងសង់ចំណតផែកុងតឺន័រទឹកជ្រៅរួចជំហានទី១

2023/12/22 06:01:10 pm        197
Facebook Telegram Linkin
នៅក្នុងរយៈពេលបីឆ្នាំទៀត ពោលគឺក្រោយបញ្ចប់ការសាងសង់ចំណតផែកុងតឺន័រទឹកជ្រៅរួច ជាជំហ៊ានទី១ហើយនោះ កម្ពុជាអាចឲ្យកប៉ាល់ផ្ទុកទំនិញគ្រប់ប្រភេទ មកពីបណ្តាប្រទេសនៅលើពិភពលោកចូលសំចតបានដោយគ្មានការព្រួយបារម្ភទៀតនោះឡើយ រួមទាំងកប៉ាល់ដែលដឹកទំនិញដែលមានទម្ងន់៦ម៉ឺនតោន ខណៈចប់ជាស្ថាពរនូវជំហ៊ានទី៣ទៀតនឹងអាចទទួលបាន១៦ម៉ឺនតោន។ក្នុងឱកាសអញ្ជើញជាអធិបតី ក្នុងពិធីបើកការដ្ឋានសាងសង់ចំណតផែកុងតឺន័រទឹកជ្រៅថ្មី ជំហានទី១ និងសម្ពោធបើកឱ្យប្រើប្រាស់ជាផ្លូវការគ្រឿងចក្រលើកដាក់ចល័តនៅគែមផែ ក្រោមឥណទានសម្បទាន និងជំនួយឥតសំណងពីរដ្ឋាភិបាលជប៉ុន នាថ្ងៃទី២២ ខែធ្នូ ឆ្នាំ២០២៣នេះនៅខេត្តព្រះសីហនុ សម្តេចធិបតី ហ៊ុន ម៉ាណែត បានសង្ឃឹមយ៉ាងម៉ុតមាំថា នៅឆ្នាំ២០២៩ខាងមុខនេះ សម្ដេចនឹងធ្វើឱ្យកំពង់ផែរបស់កម្ពុជា មានសមត្ថភាពអាចទទួលស្វាគមន៍កប៉ាល់គ្រប់ធន់ទាំងអស់ដែលដឹកទំនិញមកពីគ្រប់ប្រទេសមកកាន់កម្ពុជាដោយមិនឲ្យពួកគេទៅហួសមកហួសទៀតនោះឡើយ។សូមបញ្ជាក់ថា ចំណតផែទឹកជ្រៅ ស្ថិតនៅកំពង់ស្វយ័តក្រុងព្រះសីហនុ ខេត្តព្រះសីហនុ គម្រោងសាងសង់ជំហ៊ានទី១នេះ គ្រោងនឹងចំណាយថវិកាសាងសង់ប្រមាណ២៤៣លានដុល្លារអាមេរិក រួមបញ្ចូលទាំងថវិកាបដិភាគរបស់រាជរដ្ឋាភិបាលកម្ពុជាផងនោះ។ ចំណតផែកុងតឺន័រទឹកជ្រៅថ្មីនេះ មានប្រវែង ៣៥០ម៉ែត្រ ជម្រៅទឹកសាងសង់ ១៤,៥ម៉ែត្រ។ ផែកុងតឺន័រនេះ អាចអនុញ្ញាតឱ្យនាវាកុងតឺន័រមានចំណុះផ្ទុក ៦ម៉ឺនតោន ឬស្មើនឹង ៤ពាន់ TEUs ដែលមានផ្លូវដឹកជញ្ចូននៅក្នុងតំបន់អាស៊ីប៉ាស៊ីហ្វិក ទៅ-មកកំពង់ផែស្វយ័តក្រុងព្រះសីហនុ ហើយនឹងបង្កើនសមត្ថភាពកំពង់ផែសរុបកើនដល់ប្រមាណ១,២៥លាន TEUs ក្នុងមួយឆ្នាំៗ។គម្រោងនេះ អនុវត្តការសាងសង់ដោយក្រុមហ៊ុនជប៉ុនតូអា ខបផើរសិន(TOA Corporation) និងត្រួតពិនិត្យបច្ចេកទេសដោយសម្ព័ន្ធក្រុមហ៊ុន នីបផនខូអេ (Nippon Koei) និងក្រុមហ៊ុន OrientalConsultants Global។ បើតាមការលើកឡើងរបស់សម្តេចធិបតី នាយករដ្ឋមន្ត្រីក្រុមហ៊ុន នឹងប្រើប្រាស់រយៈពេលសាងសង់ចំនួន៣៦ខែ ពោលគឺនៅឆ្នាំ២០២៦៕អត្ថបទបាន ចក់

សម្តេចធិបតី៖ គម្រោងសាងសង់ព្រែកជីកហ្វូណន់តេជោ គ្មានអាថ៌កំបាំង​ដូចការលើកឡើងរបស់ក្រុមប្រឆាំងឡើយ

2023/12/22 05:12:05 pm        660
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា គម្រោងសាងសង់នូវ « ព្រែកជីកហ្វូនណន់តេជោ» គ្មានអ្វីអាថ៌កំបាំងដូចការលើកឡើងរបស់ក្រុមប្រឆាំងនោះឡើយ ផ្ទុយទៅវិញការសាងសង់នូវគម្រោងនេះ នឹងធ្វើឲ្យសក្តានុពលសេដ្ឋកិច្ចកម្ពុជា កាន់តែរីកចម្រើនបន្ថែមទៀត ជាពិសេសគឺការផ្លាស់ប្តូរនូវទំនិញតែម្តង។ក្នុងឱកាសអញ្ជើញជាអធិបតីក្នុងពិធីបើកការដ្ឋានសាងសង់ចំណតផែកុងតឺន័រទឹកជ្រៅថ្មី ជំហានទី១ និងសម្ពោធបើកឱ្យប្រើប្រាស់ជាផ្លូវការគ្រឿងចក្រលើកដាក់ចល័តនៅគែមផែ ក្រោមឥណទានសម្បទាន និងជំនួយឥតសំណងពីរដ្ឋាភិបាលជប៉ុន នាថ្ងៃទី២២ ខែធ្នូ ឆ្នាំ២០២៣នេះ សម្តេចធិបតី នាយករដ្ឋ មន្រ្តីបានលើកឡើងថា គ្មានហេតុផលណាមួយដែលត្រូវបានលាក់លៀមនោះទេ ចំពោះគម្រោងសាងសង់នូវផ្លូវនាវាចរណ៍ «ព្រែកជីកហ្វូណន់តេជោ» ខណៈគម្រោងនេះនឹងតភ្ជាប់ពីប្រព័ន្ធទន្លេ និងផ្លូវសមុទ្រ ដើម្បីបម្រើដល់ការដឹកជញ្ជូននៅប្រទេសកម្ពុជាឲ្យកាន់តែរីកចម្រើនខ្លាំងក្លាបន្ថែមទៀតនោះ។សូមបញ្ជាក់ថា គម្រោងផ្លូវនាវាចរណ៍ និងប្រព័ន្ធភស្ដុភារកម្មទន្លេបាសាក់ «ព្រែកជីកហ្វូណនតេជោ» ត្រូវបានរាជរដ្ឋាភិបាលអនុម័តកាលពីថ្ងៃទី១៩ ឧសភា ឆ្នាំ២០២៣កន្លងទៅនេះ នៅក្នុងកិច្ចប្រជុំគណៈរដ្ឋមន្រ្តីពេញអង្គក្នុងវិមានសន្តិភាព។ គម្រោងដឹកជញ្ជូនទំនិញ និងអ្នកទេសចរតាមផ្លូវទឹករបស់កម្ពុជាមួយនេះ​នឹងត្រូវការទុនវិនិយោគប្រមាណ១ ៧០០លានដុល្លារអាម៉េរិក។ គម្រោង«ព្រែកជីកហ្វូណនតេជោ»នេះ នឹងផ្ដល់អត្ថប្រយោជន៍ជាច្រើនផ្សេងទៀតដល់ចរន្តសេដ្ឋកិច្ចកម្ពុជា ដូចជាការបង្កើតតំបន់ពាណិជ្ជកម្ម និងមជ្ឈមណ្ឌលភស្ដុភារកម្ម, ការអភិវឌ្ឍផែរណបថ្មីៗជាច្រើន, ការពង្រីកតំបន់អភិវឌ្ឍន៍កសិកម្ម ធារាសាស្ត្រ វារីវប្បកម្ម និងចិញ្ចឹមសត្វ, ការជួយគាំទ្រដល់ការអភិវឌ្ឍប៉ូលសេដ្ឋកិច្ចទី៤ របស់កម្ពុជា, ការបង្កើតការងារបន្ថែមនៅកំពង់ផែស្វយ័តក្រុងព្រះសីហនុ កំពង់ផែស្វយ័តក្រុងភ្នំពេញ និងកំពង់ផែផ្សេងទៀត, ការជំរុញការអភិវឌ្ឍទីក្រុង និងនគរូបនីយកម្ម និងការជំរុញការរីកចម្រើនផ្នែកអចលនទ្រព្យជាដើម។ ដូច្នេះហើយគម្រោងនេះគ្មានអ្វីដែលត្រូវលាក់កំបាំងដូចការលើកឡើងរបស់ជនអគតិមួយក្តាប់តូចនោះឡើយ៕អត្ថបទបាន ចក់

ប្រសាសន៍សំខាន់ៗរបស់សម្តេចធិបតី ក្នុងឱកាសអញ្ជើញ “បើកការដ្ឋានសាងសង់ចំណតផែកុងតឺន័រទឹកជ្រៅថ្មីជំហានទី១ នៅក្រុងព្រះសីហនុ

2023/12/22 03:55:04 pm        268
Facebook Telegram Linkin
ព្រះសីហនុ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី២២ ខែធ្នូ ឆ្នាំ២០២៣ បានអញ្ជើញជាអធិបតីក្នុងពិធី “បើកការដ្ឋានសាងសង់ចំណតផែកុងតឺន័រទឹកជ្រៅថ្មីជំហានទី១ ប្រវែង ៣៥០ម៉ែត្រ និងសម្ពោធបើកឱ្យប្រើប្រាស់ជាផ្លូវការគ្រឿងចក្រលើកដាក់ចល័តនៅគែមផែ នៃកំពង់ផែស្វយ័តក្រុងព្រះសីហនុ ចំនួន ០២គ្រឿង ក្រោមឥណទានសម្បទាន និងជំនួយឥតសំណង ពីរដ្ឋាភិបាលជប៉ុន” ។ប្រសាសន៍សំខាន់ៗរបស់សម្តេចមហាបវរធិបតី ហ៊ុន ម៉ាណែត ដែលមានខ្លឹមសារដូចខាងក្រោម៖-សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ថ្លែងអំណរគុណចំពោះរដ្ឋាភិបាល និងប្រជាជន ជប៉ុនដែលបានផ្ដល់គ្រឿងចក្រលើកដាក់ចល័តនៅគែមផែ ដែលមានតម្លៃជិតដប់បួនលានដុល្លារ និង ថវិកាសម្រាប់សាងសង់កំពង់ផែទឹកជ្រៅព្រះសីហនុជំហានទី១ ដែលមានតម្លៃពីររយសែសិបបីលាន ដុល្លារ។-សម្ដេចធិបតី៖ ផ្លូវទឹក នៅតែមានសារៈសំខាន់ សម្រាប់ការធ្វើចរាចរដឹកជញ្ជូនទំនិញពាណិជ្ជកម្ម ដែលការធ្វើពាណិជ្ជកម្មតាមផ្លូវទឹកនេះ បានកើតមានឡើងរាប់សតវត្សមកហើយ ។-សម្តេចធិបតី ហ៊ុន ម៉ាណែត៖ ការសាងសង់កំពង់ផែទឹកជ្រៅព្រះសីហនុជំ ហានទី១ នឹងបញ្ចប់នៅឆ្នាំ២០២៦។-សម្តេចធិបតី ហ៊ុន ម៉ាណែត នាយករដ្ឋមន្ត្រី៖ ឆ្នាំ២០២៣ ទំនាក់ទំនងកម្ពុជា-ជប៉ុន មានលក្ខណៈពិសេសចំនួន ២ នោះគឺ ខួប ៧០ ឆ្នាំនៃទំនាក់ទំនងការទូតកម្ពុជា-ជប៉ុន និងការលើកកម្ពស់ទំនាក់ទំនងការទូតកម្ពុជា-ជប៉ុន ទៅជាដៃគូយុទ្ធសាស្ត្រគ្រប់ជ្រុងជ្រោយ ដែលជាទំនាក់ទំនងខ្ពស់បំផុត មិនធ្លាប់មាននៅក្នុងប្រវត្តិសាស្ត្រនៃទំនាក់ទំនងប្រទេសទាំងពីរ។-សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជាឱ្យធ្វើការសិក្សាលម្អិតបន្ថែមទៀត លើការពង្រីកកំពង់ផែទឹកសាបរបស់កម្ពុជាបន្ថែមទៀត ជាពិសេសសិក្សាលើយុទ្ធសាស្រ្ដ និងបរិមាណនៃទំហំពាណិជ្ជកម្ម និងតម្រូវការរបស់កម្ពុជា។-សម្តេចធិបតី ហ៊ុន ម៉ាណែត បញ្ជាក់ថា ចំពោះការសិក្សាពង្រីកបន្ថែមកំពង់ផែទឹកសាបកម្ពុជា ត្រូវឱ្យមានការចូលរួមពីវិស័យឯកជនផងដែរ ដោយអនុវត្តស្របតាមរូបមន្ត ភាពជាដៃគូរវាងរដ្ឋាភិបាល និងវិស័យឯកជន (PPP)។-សម្តេចធិបតី ហ៊ុន ម៉ាណែត បានថ្លែងអំណរគុណដល់ប្រទេសជប៉ុន និងបណ្ដាប្រទេសដៃគូអភិវឌ្ឍន៍ផ្សេងទៀត ដែលកន្លងមកបានផ្ដល់ឥណទានដល់កម្ពុជា ក្នុងការអភិវឌ្ឍប្រទេសជាតិជាបន្តបន្ទាប់។-សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ នៅប៉ុន្មានថ្ងៃខាងមុខឆាប់ៗនេះ នាវាវេស្ទើរ ដាម ដែលធ្លាប់កម្ពុជាអនុញ្ញាតឱ្យចូលចតនៅអំឡុងការរីករាលដាលនៃជំងឺកូវីដ នឹងមកដល់កម្ពុជា ដោយនាំទេសចរប្រមាណ ៤០០០ នាក់ដែលរស់នៅប្រទេសជាច្រើន មកកម្សាន្តទស្សនានៅកម្ពុជា។-សម្តេចធិបតី ហ៊ុន ម៉ាណែត ថ្លែងថា កំពង់ផែស្វយ័តក្រុងព្រះសីហនុ បាននិងកំពុងដើរតួនាទីយ៉ាងសំខាន់ ក្នុងការរួមចំណែកគាំទ្រដល់ការរីកចម្រើន និងការអភិវឌ្ឍរបស់ប្រទេសជាតិ។ ទំនិញឆ្លងកាត់នៅក្នុងកំពង់ផែនេះ គឺមានការកើនឡើងគួរឱ្យកត់សម្គាល់ពីមួយឆ្នាំទៅមួយឆ្នាំ ធ្វើឱ្យប្រាក់ចំណូលរបស់កំពង់ផែ ក៏ដូចជាប្រាក់ចំណូលរបស់ជាតិមានការកើនឡើងជាលំដាប់។-សម្តេចធិបតី បានបញ្ជាក់ថា រយៈពេល ១១ខែ ឆ្នាំ២០២៣ បរិមាណទំនិញឆ្លងកាត់កំពង់ផែព្រះសីហនុមានចំនួនជាង ៧ លានតោន កើនឡើង ១១,៣៤ ភាគរយ ដោយរកចំណូលអាជីវកម្មសរុបមានចំនួនជាង ៨៥ លានដុល្លារអាម៉េរិក កើនឡើង ២,៧១ ភាគរយ បើធៀបនឹងរយៈពេលដូចគ្នាឆ្នាំ២០២២។-សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បញ្ជាក់បន្ថែមថា រយៈពេល ១១ ខែ ឆ្នាំ ២០២៣នេះ បរិមាណកុងតឺន័រឆ្លងកាត់កំពង់ផែស្វយ័តក្រុងព្រះសីហនុ មានចំនួនសរុបជិត ៨០ ម៉ឺន TEUs (Twenty-food Equivalent Unit) ដោយមានកំណើនជាមធ្យម ១០,៨៣ ភាគរយក្នុងរយៈពេល ១២ ឆ្នាំចុងក្រោយ គិតចាប់ពីឆ្នាំ២០១០ ដល់ឆ្នាំ២០២២។-សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី៖ ក្រោយសាងសង់រួចកំពង់ផែទឹកជ្រៅព្រះសីហ នុ នឹងមាននាវាដែលផ្ទុកទំនិញបានប្រមាណ ៦០០០០ តោនចូលចតបាន និងមានសមត្ថភាពទទួល នាវាក្នុងតំបន់ប្រមាណ ៩៣ ភាគរយឱ្យចូលចត។-សម្តេចធិបតី ហ៊ុន ម៉ាណែត៖ កំពង់ផែកម្ពុជា គឺជាចំណុចកណ្ដាលនៃកំពង់ផែ ដ៏រវល់របស់ថៃ និងវៀតណាម ហេតុនេះត្រូវពង្រីកសក្ដានុពលឱ្យបានកាន់តែច្រើន ដើម្បីទទួលការ លើកដាក់ទំនិញឱ្យបានកាន់តែប្រសើរថែមទៀត។-សម្តេចធិបតី ហ៊ុន ម៉ាណែត ថ្លែងថា គម្រោងព្រែកជីកហ្វូណនតេជោ និងការពង្រីកកំពង់ផែខេត្តព្រះសីហនុ គឺដើម្បីបម្រើសក្ដានុពលសេដ្ឋកិច្ច លើកកម្ពស់សេដ្ឋកិច្ចជាតិ និងលើកកម្ពស់ជីវភាពប្រជាពលរដ្ឋឱ្យកាន់តែរីកច្រើនបន្ថែមទៀត ដោយគ្មានអ្វីដែលជាអាថ៍កំបាំងនោះទេ។-សម្តេចធិបតី ហ៊ុន ម៉ាណែត៖ គម្រោងព្រែកជីកហ្វូណនតេជោ ដែលភ្ជាប់ពី ទន្លេទៅតំបន់សមុទ្ទ គឺដើម្បីបម្រើសក្ដានុពលសេដ្ឋកិច្ច និងបម្រើដល់ការដឹកជញ្ជូន ហើយក៏មិនមាន អ្វីជាអាថ៌កំបាំងត្រូវលាក់លៀមនោះដែរ។-សម្តេចធិបតី ហ៊ុន ម៉ាណែត៖ ឆ្នាំ២០២៩ កម្ពុជានឹងស្វាគមន៍នាវាគ្រប់ប្រភេទ ទាំងអស់ឱ្យចូលចតកំពង់ផែរបស់កម្ពុជា។-សម្តេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា ស្នើឯកឧត្តមអនុរដ្ឋមន្ត្រីក្រសួងដែនដី ហេដ្ឋារចនាសម្ព័ន្ធ ដឹកជញ្ជូន និងទេសចរណ៍ជប៉ុន ជួយសម្របសម្រួលឱ្យមានកម្មវិធីផ្លាស់ប្ដូរបទពិសោធន៍រវាងមន្រ្ដីកម្ពុជា និងជប៉ុនលើកិច្ចការងារកសាងហេដ្ឋារចនាសម្ព័ន្ធ ផ្លូវ ស្ពាន ដើម្បីកម្ពុជាអាចទទួលបានបទពិសោធន៍បន្ថែមទៀត លើកិច្ចការងារសាងសង់ហេដ្ឋារចនាសម្ព័ន្ធនៅកម្ពុជា។-សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានស្នើដល់ប្រទេសជប៉ុន សូមជួយចែករំលែក ចំណេះដឹង និងបទពិសោធន៍នានាពាក់ព័ន្ធនឹងការងារបច្ចេកទេសសាងសង់​ប្រព័ន្ធហេដ្ឋារចនាសម្ព័ន្ធ ផ្លូវ ស្ពាន ដល់កម្ពុជា។

សម្តេចធិបតី ហ៊ុន ម៉ាណែត អញ្ជើញ “បើកការដ្ឋានសាងសង់ចំណតផែកុងតឺន័រទឹកជ្រៅថ្មីជំហានទី១ នៅក្រុងព្រះសីហនុ

2023/12/22 02:19:28 pm        380
Facebook Telegram Linkin
ព្រះសីហនុ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី២២ ខែធ្នូ ឆ្នាំ២០២៣ បានអញ្ជើញជាអធិបតីក្នុងពិធី “បើកការដ្ឋានសាងសង់ចំណតផែកុងតឺន័រទឹកជ្រៅថ្មីជំហានទី១ ប្រវែង ៣៥០ម៉ែត្រ និងសម្ពោធបើកឱ្យប្រើប្រាស់ជាផ្លូវការគ្រឿងចក្រលើកដាក់ចល័តនៅគែមផែ នៃកំពង់ផែស្វយ័តក្រុងព្រះសីហនុ ចំនួន ០២គ្រឿង ក្រោមឥណទានសម្បទាន និងជំនួយឥតសំណង ពីរដ្ឋាភិបាលជប៉ុន” ។

វិបត្តិសមុទ្រក្រហមអាចនឹងដោះស្រាយឥទ្ធិពលខ្សែចង្វាក់ផ្គត់ផ្គង់សកល ដែលត្រូវបានធ្វើវិមជ្ឈការ

2023/12/21 10:10:37 pm        92
Facebook Telegram Linkin
សមុទ្រក្រហម ដែលជាផ្លូវដ៏សំខាន់ជាប្រវតិ្តសាស្រ្ត សម្រាប់ពាណិជ្ជកម្មអន្តរជាតិ ឥឡូវនេះ គឺជាចំណុចស្នូលនៃជម្លោះ ដែលកាន់តែកើនឡើង។ គ្រាប់រ៉ុក្កែត និងយានដ្រូន ដែលស្រោចស្រពមកលើការដឹកជញ្ជូនទំនិញ បាននាំឲ្យមានការវាយតម្លៃឡើងវិញអំពីសុវត្ថិភាពដែនសមុទ្រសកលលោក និងផ្លូវពាណិជ្ជកម្ម។ សក្ដានុពលនៃការកើនឡើងនូវវិបត្តិ ក្នុងសមុទ្រក្រហម បង្ហាញពីឥទ្ធិពលរបស់វាទៅលើពាណិជ្ជកម្មពិភពលោក និងភាពចាំបាច់ សម្រាប់ដំណោះស្រាយរយៈពេលវែង។ការចាប់ផ្តើមនៃវិបត្តិ អាចត្រូវបានគេតាមដានទៅលើការវាយប្រហារគោលដៅលើនាវា ដែលមានភ្ជាប់ទំនាក់ទំនងជាមួយអ៊ីស្រាអែល ដោយកងកម្លាំងហួទីរបស់យេម៉ែន។ ទោះជាយ៉ាងណាក៏ដោយ ព្រឹត្ដិការណ៍ថ្មីៗ បានឈានទៅដល់ការផ្លាស់ប្ដូរដ៏អាក្រក់មួយ ដោយនាវា ដែលហាក់ដូចជាមិនមានជាប់ពាក់ព័ន្ធ បានក្លាយជាជនរងគ្រោះនៃជម្លោះដែនសមុទ្រនេះ។ គួរកត់សម្គាល់ថា នាវា ដែលមានទង់ជាតិប៉ាណាម៉ាលេខ៩ ដែលគ្រប់គ្រងដោយក្រុមហ៊ុន COSCO របស់ចិន ត្រូវបានវាយប្រហារដោយយានដ្រូន ដែលធ្វើហានិភ័យកាន់តែកើនឡើង។ដើម្បីដោះស្រាយបញ្ហាប្រឈមជាច្រើនដែលបង្កឡើងដោយវិបត្តិសមុទ្រក្រហម ដំណោះស្រាយរយៈពេលវែង គឺជារឿងចាំបាច់ណាស់។ ការធ្វើពិពិធកម្មខ្សែចង្វាក់ផ្គត់ផ្គង់ ក្លាយជាយុទ្ធសាស្ត្រសំខាន់ កាត់បន្ថយភាពងាយរងគ្រោះ ចំពោះការរំខាន ដែលត្រូវបានកំណត់គោលដៅ។ លើសពីនេះ ការអភិវឌ្ឍមជ្ឈមណ្ឌល ក្នុងតំបន់ ទទួលបានការចាប់អារម្មណ៍ថា ជាជម្រើសមួយ ក្នុងការពឹងផ្អែកជាចម្បងលើទីផ្សារធំៗ។ វិមជ្ឈការបែបនេះ មិនត្រឹមតែបង្កើនភាពធន់ប៉ុណ្ណោះទេ ថែមទាំងរួមចំណែកដល់ការបង្កើតហេដ្ឋារចនាសម្ព័ន្ធពាណិជ្ជកម្មសកល ដែលបន្សាំជាងមុនផងដែរ។តាមរយៈឥទ្ធិពលនៃអង្គការអន្តរជាតិនានា ភាគីពាក់ព័ន្ធក្នុងវិបត្តិសមុទ្រក្រហម អាចស្វែងរកមធ្យោបាយសម្រាប់ដំណោះស្រាយ និងកិច្ចសហប្រតិបត្តិការដោយសន្តិវិធី។ ការបង្កើតបណ្តាញទំនាក់ទំនងបើកចំហ និងការចូលរួមការទូត អាចរួមចំណែកយ៉ាងសំខាន់ក្នុងការបន្ធូរបន្ថយភាពតានតឹង និងទប់ស្កាត់ការកើនឡើងបន្ថែមទៀត។ វិបត្តិសមុទ្រក្រហមគូសបញ្ជាក់ពីភាពបន្ទាន់នៃការអភិវឌ្ឍផ្លូវធ្វើដំណើរផ្សេង និងការធ្វើវិមជ្ឈការខ្សែចង្វាក់ផ្គត់ផ្គង់។ វិធីសាស្រ្តនេះកាត់បន្ថយហានិភ័យដែលទាក់ទងនឹងជម្លោះក្នុងតំបន់ និងជំរុញការបង្កើតប្រព័ន្ធចង្វាក់ផ្គត់ផ្គង់សកល ដែលប្រឆាំងនឹងភាពផុយស្រួយ។ ការធ្វើពិពិធកម្មក្លាយជារឿងសំខាន់បំផុត ដោយសារការពឹងផ្អែកលើផ្លូវតែមួយបង្ហាញពីភាពមិនច្បាស់លាស់កាន់តែខ្លាំងឡើង នៅពេលប្រឈមមុខនឹងភាពមិនប្រាកដប្រជានៃភូមិសាស្ត្រនយោបាយ៕

បេក្ខជនប្រឆាំងសង្រ្គាម ដាក់ពាក្យឈរឈ្មោះក្នុងការបោះឆ្នោតរុស្ស៊ី ប្រឆាំងទល់នឹងលោក ពូទីន

2023/12/21 09:50:40 pm        109
Facebook Telegram Linkin
អតីតអ្នកសារព័ត៌មានទូរទស្សន៍ លោកស្រី យ៉េកាធឺរីណា ដុនត៍សូវ៉ា (Yekaterina Duntsova) កាលពីថ្ងៃពុធ (២០ ធ្នូ) បានដាក់ពាក្យឈរឈ្មោះក្នុងការបោះឆ្នោតប្រធានាធិបតីរុស្ស៊ី ក្នុងខែមីនា ឆ្នាំក្រោយនេះដែលលោកប្រធានាធិបតី វ៉្លាឌីមៀ ពូទីន (Vladimir Putin) ត្រូវបានគេរំពឹងថានឹងឈ្នះក្នុងសំឡេងគាំទ្រដ៏លើសលប់។លោកស្រីបានបញ្ជូនឯកសារទៅក្រុមមន្ត្រីនៅគណៈកម្មការរៀបចំការបោះឆ្នោតមជ្ឈិម ដើម្បីចូលការបោះឆ្នោតជាផ្លូវការ ដែលជ័យជម្នះរបស់លោក ពូទីន ត្រូវបានគេមើលឃើញយ៉ាងទូលំទូលាយថាជាការសន្និដ្ឋានទុកជាមុនដោយអ្នកគាំទ្រ និងគូប្រជែងដូចគ្នា។ លោកស្រី ដុនត៍សូវ៉ា វ័យ ៤០ឆ្នាំបានអំពាវនាវនៅក្នុងបទសម្ភាសន៍ជាមួយសារព័ត៌មានរ៉យទ័រ កាលពីខែមុន ឲ្យបញ្ចប់ជម្លោះក្នុងប្រទេសអ៊ុយក្រែន និងការដោះលែងអ្នកទោសនយោបាយរួមទាំងមេដឹកនាំគណបក្សប្រឆាំង លោក អាឡិចស៊ី ណាវ៉ាលនី (Alexei Navalny)។លោកពូទីន វ័យ ៧១ឆ្នាំ បានកាន់អំណាចជាប្រធានាធិបតី ឬនាយករដ្ឋមន្ត្រីចាប់តាំងពីឆ្នាំ១៩៩៩ មកហើយកំពុងព្យាយាមរកអាណត្តិ ៦ឆ្នាំទៀត។ ដោយមេដឹកនាំគណបក្សប្រឆាំងសំខាន់ លោក ណាវ៉ាលនី ជាប់ពន្ធនាគារសរុបជាង ៣០ឆ្នាំ និងក្រុមអ្នករិះគន់វិមានក្រឹមឡាំងឈានមុខគេផ្សេងទៀត ត្រូវជាប់ឃុំឃាំង ឬនៅក្រៅប្រទេស ដោយសារតែខ្លាចត្រូវចាប់ខ្លួននោះ មិនមានឥស្សរជនប្រឆាំងណាមួយដើម្បីឈរឈ្មោះបោះឆ្នោតប្រឆាំងនឹងលោកពូទីន នោះទេ៕

បេក្ខជននាំមុខ៖ នៅក្នុងក្រសែភ្នែករបស់ប្រទេសចិន បេក្ខជនមេដឹកនាំកោះតៃវ៉ាន់ ទាំងអស់ជាជនផ្តាច់ខ្លួន

2023/12/21 09:44:43 pm        105
Facebook Telegram Linkin
នៅក្នុងក្រសែភ្នែករបស់ប្រទេសចិន បេក្ខភាពមេដឹកនាំកោះតៃវ៉ាន់ ទាំងបីនាក់គឺជាជនផ្ដាច់ខ្លួន នេះបើតាមបេក្ខជននាំមុខដើម្បីក្លាយជាមេដឹកនាំបន្ទាប់របស់កោះនេះ បាននិយាយកាលពីថ្ងៃពុធ (២០ ធ្នូ) នៅក្នុងសុន្ទរកថាតាមទូរទស្សន៍រួមគ្នាដ៏តឹងតែងជាមួយគូប្រជែងផ្សេងទៀត។ការបោះឆ្នោតមេដឹកនាំ និងសភានៅថ្ងៃទី១៣ ខែមករា ខាងមុខនេះនឹងកំណត់ទំនាក់ទំនងរបស់កោះតៃវ៉ាន់ ដែលទាមទារសិទ្ធដោយចិន ជាមួយទីក្រុងប៉េកាំង ហើយការបោះឆ្នោតនោះកំពុងកើតឡើងនៅពេលដែលប្រទេសចិន បង្កើនសកម្មភាពយោធានៅជុំវិញកោះនេះ ដើម្បីអះអាងការទាមទារអធិបតេយ្យភាពរបស់ខ្លួន។ប្រទេសចិន បានស្តីបន្ទោសមេដឹកនាំលំដាប់ទី២ បច្ចុប្បន្នលោក ឡៃ ឈីងតេ (Lai Ching-te) ដែលជាបេក្ខជនមេដឹកនាំនៃគណបក្សជឿនលឿនប្រជាធិបតេយ្យ (DPP) ដែលកំពុងកាន់អំណាច និងនាំមុខក្នុងការបោះឆ្នោត ថាជាអ្នកផ្ដាច់ខ្លួនដ៏គ្រោះថ្នាក់ ហើយបានបង្ហាញពីការបោះឆ្នោតនេះថាជាជម្រើសរវាងសង្រ្គាម និងសន្តិភាព។រដ្ឋាភិបាលរបស់កោះតៃវ៉ាន់ និងប្រទេសចិនមិនទទួលស្គាល់គ្នាទៅវិញទៅមកទេ ហើយចិននិយាយថា តៃវ៉ាន់ត្រូវតែទទួលយកថាពួកគេទាំងពីរជាកម្មសិទ្ធិរបស់ «ចិនតែមួយ» ដូច្នេះទើបកិច្ចពិភាក្សាអាចប្រព្រឹត្តឡើងបាន ប៉ុន្តែរដ្ឋបាលដឹកនាំដោយគណបក្សជឿនលឿនប្រជាធិបតេយ្យ DPP បានបដិសេធ ទោះបីជាចិនបានផ្តល់ការចរចាជាច្រើនដងក៏ដោយ៕

ប្រទេសអារ៉ាប់និងរុស្ស៊ី ព្រមព្រៀងជំរុញកិច្ចសហប្រតិបត្តិការអន្តរជាតិ និងដោះស្រាយតំបន់ហ្កាហ្សា

2023/12/21 09:37:44 pm        102
Facebook Telegram Linkin
បណ្តាប្រទេសអារ៉ាប់ និងរុស្ស៊ី បានព្រមព្រៀងគ្នាកាលពីថ្ងៃពុធ ក្នុងការជំរុញកិច្ចសហប្រតិបត្តិការលើបញ្ហាអន្តរជាតិ រួមទាំងការដោះស្រាយវិបត្តិតំបន់ហ្កាហ្សា នៅក្នុងវេទិកាកិច្ចសហប្រតិបត្តិការអារ៉ាប់-រុស្ស៊ីលើកទី៦ ដែលធ្វើឡើងនៅទីក្រុង Marrakech ភាគខាងត្បូងប្រទេសម៉ារ៉ុក។កិច្ចប្រជុំនេះ បានជួបជុំគ្នារដ្ឋមន្ត្រីការបរទេសនៃបណ្តាប្រទេសដែលចូលរួម រួមមានទាំងលោក Sergey Lavrov រដ្ឋមន្ត្រីការបរទេសរុស្ស៊ី លោក Hossam Zaki ឧបការីអគ្គលេខាធិការសម្ព័ន្ធអារ៉ាប់។ ក្នុងអំឡុងសន្និសីទសារព័ត៌មាន គណៈប្រតិភូ បានអំពាវនាវឱ្យបញ្ឈប់ការដាក់ទណ្ឌកម្មរួមចំពោះជនស៊ីវិលស្លូតត្រង់នៅតំបន់ហ្កាហ្សា និងបានជំរុញឱ្យក្រុមប្រឹក្សាសន្តិសុខអង្គការសហប្រជាជាតិ ដើរតួនាទីយ៉ាងសកម្មបន្ថែមទៀតក្នុងការសម្រេចបានបទឈប់បាញ់នៅក្នុងតំបន់ហ៊ុមព័ទ្ធនោះ។លោក Lavrov បាននិយាយថា ជំហររបស់ប្រទេសរុស្ស៊ីលើបញ្ហាតំបន់ហ្កាហ្សា ស្របគ្នាជាមួយបណ្តាប្រទេសអារ៉ាប់ ហើយរុស្ស៊ីកំពុងបន្តកិច្ចខិតខំប្រឹងប្រែងដើម្បីទទួលបានស្ថិរភាពយូរអង្វែងនៃទំនាក់ទំនងអ៊ីស្រាអែល និងប៉ាឡេស្ទីន ដោយផ្អែកលើក្របខ័ណ្ឌច្បាប់ដែលត្រូវបានទទួលស្គាល់ជាអន្តរជាតិ។ គណៈប្រតិភូក៏បានពិភាក្សាលើ ប្រធានបទស្តីពីការធ្វើឱ្យស៊ីជម្រៅកិច្ចសហប្រតិបត្តិការអារ៉ាប់-រុស្ស៊ី ជាពិសេសក្នុងវិស័យវប្បធម៌ វិទ្យាសាស្ត្រ និងថាមពល។ដោយបានចាប់ផ្តើមនៅក្នុងឆ្នាំ២០០៩ វេទិកាកិច្ចសហប្រតិបត្តិការអារ៉ាប់-រុស្ស៊ី មានវឌ្ឍនភាពទៅជាវេទិកាដ៏សំខាន់មួយសម្រាប់បណ្តាប្រទេសអារ៉ាប់ និងរុស្ស៊ី ដើម្បីផ្លាស់ប្តូរទស្សនៈ និងជំហរសម្របសម្រួល លើបញ្ហាតំបន់ និងអន្តរជាតិផ្សេងៗ។

ប្រធានាធិបតីហ្វីលីពីន បានចុះហត្ថលេខាលើច្បាប់ថវិកាជាតិ ដ៏ច្រើនបំផុតមិនធ្លាប់មានសម្រាប់ឆ្នាំ២០២៤

2023/12/21 09:31:37 pm        126
Facebook Telegram Linkin
ប្រធានាធិបតីហ្វីលីពីនលោក ហ្វឺឌីណាន ម៉ាកូស ជូនៀ (Ferdinand Marcos Jr) បានចុះហត្ថលេខាលើច្បាប់ថវិកាចំនួន ៥,៧៦៨ សែនកោដិ៍ប៉េសូ ដែលស្មើនឹង ១០៣,៣៦ពាន់លានដុល្លារអាមេរិក សម្រាប់ឆ្នាំក្រោយ ដែលលោកបាននិយាយលម្អិតអំពីផែនការរបស់រដ្ឋាភិបាលក្នុងការប្រយុទ្ធប្រឆាំងនឹងភាពក្រីក្រ ការធានាសុវត្ថិភាពព្រំដែន និងជំរុញកំណើនសេដ្ឋកិច្ច។លោក Marcos នៅក្នុងសុន្ទរកថាមួយកាលពីថ្ងៃពុធ បន្ទាប់ពីការអនុម័តថវិកាបាននិយាយថា រដ្ឋាភិបាលរបស់ខ្លួនបានប្តេជ្ញាចិត្តលើ «ការគ្រប់គ្រងសារពើពន្ធដ៏ល្អ» ដោយសន្យាថានឹងចំណាយថវិកា ដែលខ្ពស់ជាងផែនការចំណាយនៅឆ្នាំនេះជិតដល់ទៅ១០ដង យ៉ាងមានប្រសិទ្ធភាព។រដ្ឋាភិបាលមិនទាន់បានបញ្ចេញការវិភាគនៃការបែងចែកថវិកានេះនៅឡើយទេ ប៉ុន្តែរដ្ឋធម្មនុញ្ញកំណត់ថា វិស័យអប់រំទទួលបានចំណែកដ៏ដំមួយនៃថវិកាជាតិ។ សម្រាប់ឆ្នាំ២០២៥ រដ្ឋាភិបាលនេះបាននិយាយថា ខ្លួននឹងស្នើសុំថវិកាចំនួន ៦,១២សែនកោដិ៍ប៉េសូ។ប្រទេសហ្វីលីពីន ដែលឆ្នាំនេះបានជួបនឹងកំណើនអតិផរណា រំពឹងថាឆ្នាំ២០២៤ នឹងក្លាយជាឆ្នាំដ៏លំបាកមួយទៀត ដោយសារប្រទេសនេះកំពុងទប់ទល់នឹងឥទ្ធិពលនៃបាតុភូតអាកាសធាតុក្ដៅ អ៊ែល នីញ៉ូ៕-

បណ្ដាញសង្គម

ព័ត៌មានថ្មីៗ

កម្ពុជា-រវ៉ាន់ដា ឯកភាពពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែទូលំទូលាយ​
11/13/2026 10:11 PM
Facebook Telegram Linkin
សម្ដេចតេជោ អបអរសាទរ និងកោតសរសើរចំពោះ ចៅស្រី ល្អហួស ដែលបានខិតខំព្យាហាម រហូតសម្រេចក្តីស្រមៃ និងក្លាយជាម្ចាស់មកុដ Miss Teen Icon International 2026
11/13/2026 10:11 PM
Facebook Telegram Linkin
ការវិនិយោគផ្លូវនៅជនបទ ជាការឆ្លើយតបទៅនិងការស់នៅដ៏ចាំបាច់របស់ប្រជាជន
11/13/2026 07:11 PM
Facebook Telegram Linkin
រាជធានីភ្នំពេញរៀបចំកិច្ចពិភាក្សាថ្នាក់ដឹកនាំរាជធានី រដ្ឋធានី ទីក្រុង ខេត្ត និងអង្គភាពជាសមាជិកសមាគម AIMF តាមរយៈសន្និសីទកម្រិតអភិបាល និងតំណាងអាជ្ញាធរមូលដ្ឋានស្តីពី ទំនាក់ទំនងការទូតរវាងទីក្រុង ដើម្បីសន្តិភាព និងការអភិវឌ្ឍមូលដ្ឋាន
11/13/2026 06:11 PM
Facebook Telegram Linkin
ទីក្រុងឌែលី វ៉ាដាច់ទីក្រុងឡាហ័រ ក្លាយជាទីក្រុងមានការបំពុលខ្យល់ខ្លាំងបំផុតក្នុងពិភពលោក
11/13/2026 06:11 PM
Facebook Telegram Linkin
របាយការណ៍៖ ក្រុងវ៉ាស៊ីនតោនទាមទារឱ្យជប៉ុនបង្កើនការចំណាយ ៣ដង ដល់ ១៩ពាន់លានដុល្លារ លើ​កងទ័ពអាមេរិក
11/13/2026 06:11 PM
Facebook Telegram Linkin
ការកាត់មូលនិធិទីភ្នាក់ងារ UNRWA ធ្វើឱ្យជនភៀសខ្លួនប៉ាឡេស្ទីននៅលីបង់កាន់តែលំបាកខ្លាំង
11/13/2026 06:11 PM
Facebook Telegram Linkin
របាយការណ៍៖ រុស្ស៊ីទាមទារឱ្យហ្វាំងឡង់ចាកចេញពីអង្គការណាតូ អំឡុង​កិច្ចចរចា នៅអារ៉ាប់រួម
11/13/2026 06:11 PM
Facebook Telegram Linkin
សម្តេចប្រធានរដ្ឋសភា ស្នើប្រធានាធិបតី រវ៉ាន់ដា លើកកម្ពស់ផលប្រយោជន៍ប្រជាពលរដ្ឋប្រទេសទាំងពីរ តាមរយៈការបង្កើនកិច្ចសហប្រតិបត្តិការរដ្ឋសភា ពាណិជ្ជកម្ម និងទេសចរណ៍
11/13/2026 05:11 PM
Facebook Telegram Linkin
ប្រទេសអ៊ីរ៉ង់ បង្ហាញមីស៊ីលនិងយានដ្រូនផលិតក្នុងស្រុក នៅទីក្រុងតេអេរ៉ង់
11/13/2026 05:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.