នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

លោក Lavrov ទៅដល់ប្រទេសចិន នៅមុនដំណើរទស្សនកិច្ចរបស់លោក Putin

2023/10/16 02:53:13 pm        78
Facebook Telegram Linkin
អ្នកការទូតជាន់ខ្ពស់របស់រុស្ស៊ីលោក Sergei Lavrov បានទៅដល់ទីក្រុងប៉េកាំងហើយ នៅថ្ងៃចន្ទ (ទី១៦ ខែតុលា) នេះ ពោលគឺនៅមុនមានដំណើរទស្សនកិច្ច ដែលត្រូវរំពឹងទុករបស់លោកប្រធានាធិបតី Vladimir Putin ទៅកាន់ប្រទេសចិន ដើម្បីចូលរួមក្នុងការជួបប្រជុំតំណាងនៃប្រទេសចំនួន ១៣០ ដែលកិច្ចពិភាក្សានឹងត្រូវគ្របដណ្ដប់ដោយសង្រ្គាមអ៊ីស្រាអែល និងតំបន់ហ្គាហ្សា។នេះនឹងជាដំណើរទស្សនកិច្ចលើកដំបូងរបស់លោក Putin ទៅកាន់ប្រទេសមហាអំណាចមួយរបស់ពិភពលោក គិតចាប់តាំងពីការបញ្ជូនទ័ពចូលលុកលុយអ៊ុយក្រែន។ ក្រសួងការបរទេសរុស្ស៊ី បានប្រកាសនៅលើវេទិកាបណ្ដាញសង្គម X (ពីមុន Twitter) ថា លោក Lavrov កំពុងស្ថិតនៅក្នុងរដ្ឋធានីរបស់ប្រទេសចិន ក្នុងនាមជាផ្នែកនៃគណៈប្រតិភូរុស្ស៊ី។គួរបញ្ជាក់ដែរថា ទីក្រុងប៉េកាំងកំពុងធ្វើជាម្ចាស់ផ្ទះទទួលតំណាងមកពីប្រទេសចំនួន១៣០ ចាប់ពីថ្ងៃអង្គារ ដល់ថ្ងៃពុធ ដើម្បីប្រារព្ធខួប ១ទសវត្សរ៍នៃគំនិតផ្តួចផ្តើមខ្សែក្រវាត់ និងផ្លូវ ឬផ្លូវមួយខ្សែក្រវាត់មួយ (BRI) ដែលជាគម្រោងភូមិសាស្ត្រនយោបាយដ៏សំខាន់របស់ប្រធានាធិបតីចិនលោក Xi Jinping ដើម្បីពង្រីកវិសាលភាពសកលរបស់ប្រទេសចិន។ប៉ុន្តែក្រសែផ្នែកទាំងអស់ នឹងបាញ់ឆ្ពោះទៅលើលោក Putin ដែលកាលពីខែមុន បានប្រាប់រដ្ឋមន្ត្រីការបរទេសរបស់ទីក្រុងប៉េកាំងលោក Wang Yi នៅទីក្រុង Saint Petersburg ថា លោក «ទទួលយកដោយរីករាយ» សម្រាប់ការអញ្ជើញរបស់លោក Xi ឲ្យទៅទស្សនកិច្ចប្រទេសចិន ដើម្បីពិភាក្សាក្នុងពិធីជួបជុំ BRI ។ ការពឹងផ្អែកជាយុទ្ធសាស្ត្ររបស់មេដឹកនាំរុស្ស៊ីលើប្រទេសចិន ចាប់ផ្ដើមមានកាន់តែខ្លាំងឡើងៗ ចាប់តាំងពីបានធ្វើការលុកលុយលើប្រទេសជិតខាងអ៊ុយក្រែន ដែលបានធ្វើឲ្យប្រទេសរបស់លោកស្ថិតក្នុងភាពឯកោអន្តរជាតិ៕

ការស្ទង់មតិបង្ហាញថា គណបក្សជាតិនិយមប៉ូឡូញ PiS កៀកនឹងការបាត់បង់អំណាច

2023/10/16 02:50:24 pm        118
Facebook Telegram Linkin
ការស្ទង់មតិនៅកន្លែងបោះឆ្នោត បានបង្ហាញថា គណបក្សកាន់អំណាចច្បាប់ និងយុត្តិធម៌ (PiS) របស់ប្រទេសប៉ូឡូញ បាននាំមុខយ៉ាងកៀកកិតនៅក្នុងការបោះឆ្នោតសកល កាលពីថ្ងៃអាទិត្យ (ទី១៥ ខែតុលា) ប៉ុន្តែគណបក្សប្រឆាំងសេរីហាក់ដូចជាទទួលបានសំឡេងភាគច្រើន ដោយធ្វើឲ្យមានលទ្ធភាពកាន់តែខ្ពស់ ដែលឈានទៅដល់ការបញ្ចប់ការគ្រប់គ្រងជាតិនិយមរយៈពេល ៨ឆ្នាំ។ប្រសិនបើលទ្ធផលត្រូវបានបញ្ជាក់ដោយលទ្ធផលផ្លូវការ ការបោះឆ្នោតនឹងបង្ហាញពីការផ្លាស់ប្តូរដ៏ធំមួយសម្រាប់ទីក្រុងវ៉ាសូវី ដែលបានខ្វែងគំនិតជាមួយសហភាពអឺរ៉ុប ជុំវិញនីតិរដ្ឋ សេរីភាពប្រព័ន្ធផ្សព្វផ្សាយ ជនអន្តោប្រវេសន៍ និងសិទ្ធិរបស់អ្នកស្រលាញ់ភេទដូចគ្នា (LGBT) ចាប់តាំងពីគណបក្ស PiS ឡើងកាន់អំណាចក្នុងឆ្នាំ២០១៥។ការស្ទង់មតិលើអ្នកចេញពីមណ្ឌលបោះឆ្នោតរបស់ស្ថាប័នស្រាវជ្រាវ Ipsos បានបង្ហាញឲ្យបង្ហាញឲ្យឃើញថា គណបក្ស PiS ទទួលបានសំឡេង ៣៦.៨ភាគរយនៃការបោះឆ្នោត ដែលនឹងធ្វើឲ្យគណបក្សនេះមានសមាជិកសភា ២០០នាក់ នៅក្នុងសភាដែលមាន ៤៦០អាសនៈ។គណបក្សប្រឆាំង ដែលដឹកនាំដោយសម្ព័ន្ធពលរដ្ឋសេរី (KO) ត្រូវបានព្យាករថា នឹងរួមគ្នាឈ្នះបាន ២៤៨អាសនៈ ដោយគណបក្ស KO ត្រូវបានគេមើលឃើញថា ទទួលបានសំលេងឆ្នោត ៣១,៦ភាគរយ។ លទ្ធផលផ្លូវការខ្លះៗ គ្រោងនឹងចេញផ្សាយនៅថ្ងៃចន្ទ (ទី១៦ ខែតុលា) នេះ៕

អ្នកវិភាគ៖ ការបរាជ័យនៃការបោះឆ្នោតប្រជាមតិរបស់អូស្ត្រាលី អាចនាំឱ្យមានការបែកបាក់នយោបាយកាន់តែខ្លាំងឡើង

2023/10/16 02:46:53 pm        81
Facebook Telegram Linkin
អ្នកវិភាគមួយចំនួនបាននិយាយថា ការសម្រេចរបស់អូស្ត្រាលី ក្នុងការបដិសេធការទទួលស្គាល់រដ្ឋធម្មនុញ្ញ ចំពោះប្រជាជនភាគតិចរបស់ខ្លួន អាចបង្ហាញពីនយោបាយ «តាមបែបលោក ត្រាំ» ដែលកាន់តែមានភាពបែកបាក់ នៅក្នុងការបោះឆ្នោតជាតិបន្ទាប់ ខណៈពេលដែលជំរុញឱ្យនាយករដ្ឋមន្ត្រីប្រទេសនេះ ផ្តោតលើបញ្ហាការចំណាយប្រចាំថ្ងៃក្នុងការរស់នៅរបស់ប្រជាជន។ក្រុមអ្នកវិភាគបាននិយាយកាលពីថ្ងៃអាទិត្យ (១៥ តុលា) ថា លោកនាយករដ្ឋមន្ត្រី Anthony Albanese យល់ខុសចំពោះទឹកចិត្តសាធារណៈជន ខណៈលោកបានទទួលខុសត្រូវចំពោះលទ្ធផលប្រជាមតិ ដែលមានតែរដ្ឋធានីជាតិប៉ុណ្ណោះ ដែលបានបោះឆ្នោត «គាំទ្រ» ក្នុងចំណោមរដ្ឋ និងដែនដីចំនួនប្រាំបីរបស់អូស្រ្តាលី។ជាង ៦០% នៃប្រជាជនអូស្ត្រាលី បានបោះឆ្នោត «ប្រឆាំង» ក្នុងការកែប្រែរដ្ឋធម្មនុញ្ញ ដើម្បីទទួលស្គាល់ជនជាតិដើមភាគតិច និងប្រជាជនកោះ Torres Strait តាមរយៈការបង្កើតស្ថាប័នប្រឹក្សាជនជាតិដើមភាគតិច។ខណៈដែលលោក Albanese បាននិយាយថា លោកគោរពការសម្រេចចិត្តរបស់ប្រជាជន ហើយរដ្ឋាភិបាលរបស់លោក នឹងស្វែងរក «វិធីឆ្ពោះទៅមុខថ្មី» អ្នកវិភាគមួយចំនួនបានមើលឃើញថា គណបក្សប្រឆាំងអភិរក្សនិយម បានគាំទ្រដោយជោគជ័យក្នុងការប្រឆាំងនឹងការបោះឆ្នោតដ៏សំខាន់នេះផងដែរ៕

លោក ពូទីន នឹងធ្វើទស្សនកិច្ចទៅកាន់ប្រទេសចិន ដើម្បីពង្រឹងភាពជាដៃគូ «គ្មានដែនកំណត់» ជាមួយលោក ស៊ី

2023/10/16 02:44:11 pm        75
Facebook Telegram Linkin
ប្រធានាធិបតីរុស្ស៊ី លោក វ្ល៉ាឌីមៀ ពូទីន នឹងជួបជាមួយប្រធានាធិបតីចិន លោក ស៊ី ជីនពីង នៅប្រទេសចិនក្នុងសប្តាហ៍នេះ ក្នុងគោលបំណងធ្វើឱ្យកាន់តែស៊ីជម្រៅនូវភាពជាដៃគូ ដែលបង្កើតឡើងរវាងដៃគូប្រកួតប្រជែងយុទ្ធសាស្ត្រដ៏ធំបំផុតទាំងពីរ របស់សហរដ្ឋអាមេរិក។លោកពូទីន នឹងចូលរួមវេទិកាខ្សែក្រវាត់និងផ្លូវ នៅទីក្រុងប៉េកាំងនៅថ្ងៃទី១៧ និងថ្ងៃទី១៨ ខែតុលា ខាងមុខនេះ ដែលជាដំណើរលើកដំបូងរបស់លោក នៅខាងក្រៅអតីតសហភាពសូវៀត ចាប់តាំងពីតុលាការឧក្រិដ្ឋកម្មអន្តរជាតិ ដែលមានមូលដ្ឋាននៅទីក្រុងឡាអេ បានចេញដីកាចាប់ខ្លួនលោកពូទីន កាលពីខែមីនា ជុំវិញការនិរទេសកុមារនៅអ៊ុយក្រែន ក្នុងសង្រ្គាមរបស់ខ្លួន។ប្រទេសចិន និងរុស្ស៊ី បានប្រកាសភាពជាដៃគូ «គ្មានដែនកំណត់» នៅក្នុងខែកុម្ភៈ ឆ្នាំ២០២២ នៅពេលដែលលោក ពូទីន ធ្វើទស្សនកិច្ចនៅទីក្រុងប៉េកាំង ប៉ុន្មានថ្ងៃមុនពេលដែលលោកបានបញ្ជូនទាហានរាប់ម៉ឺននាក់ ចូលទៅក្នុងប្រទេសអ៊ុយក្រែន ដែលបង្កឱ្យមានការប្រយុទ្ធគ្នានៅលើដីដ៏មហន្តរាយបំផុតនៅអឺរ៉ុប ចាប់តាំងពីសង្គ្រាមលោកលើកទីពីរមក។សហរដ្ឋអាមេរិក ចាត់ទុកប្រទេសចិន ជាគូប្រជែងដ៏ធំបំផុតរបស់ខ្លួន ហើយរុស្ស៊ីជាការគំរាមកំហែងរដ្ឋដ៏ធំបំផុតរបស់ខ្លួន ខណៈដែលប្រធានាធិបតីអាមេរិក លោក ចូ បៃដិន ប្រកែកថា សតវត្សនេះនឹងត្រូវកំណត់ដោយការប្រកួតប្រជែងអត្ថិភាពជាមួយរវាងលទ្ធិប្រជាធិបតេយ្យ និងអត្តាធិបតេយ្យ៕

ប្រធាន IMF៖ ជម្លោះអ៊ីស្រាអែល និងក្រុមហាម៉ាស បន្ថែមភាពមិនច្បាស់លាស់ដល់សេដ្ឋកិច្ចពិភពលោក

2023/10/16 02:37:30 pm        102
Facebook Telegram Linkin
លោកស្រី Kristalina Georgieva នាយកគ្រប់គ្រងមូលនិធិរូបិយវត្ថុអន្តរជាតិ (IMF) បាននិយាយកាលពីថ្ងៃសៅរ៍ថា ជម្លោះដែលកំពុងបន្តរវាងអ៊ីស្រាអែល និងចលនាតស៊ូអ៊ីស្លាមប៉ាឡេស្ទីន ហាម៉ាស អាចក្លាយជា «ប្រភពនៃភាពមិនប្រាកដប្រជា» មួយផ្សេងទៀត សម្រាប់សេដ្ឋកិច្ចពិភពលោក។ទោះបីជាយ៉ាងណាក៏ដោយ ប្រធាន IMF រូបនេះបាននិយាយថា លោកស្រី រួមជាមួយនឹងមន្ត្រីមូលនិធិ IMF ផ្សេងទៀត ជឿថាវា «លឿនពេក» ក្នុងការអះអាងពីផលប៉ះពាល់នៃជម្លោះលើសេដ្ឋកិច្ចពិភពលោក។ លោកស្រីក៏បានលើកឡើងផងដែរថា ការវាយប្រហារលើជនស៊ីវិលស្លូតត្រង់ គឺជា «សោកនាដកម្ម» ដែលបង្ហាញពីក្តីសង្ឃឹមរបស់លោកស្រី សម្រាប់ការវិលត្រឡប់មកវិញនៃសន្តិភាព។លោកស្រី Georgieva បានធ្វើការលើកឡើងបែបនោះ ក្នុងអំឡុងពេលកិច្ចប្រជុំប្រចាំឆ្នាំរបស់ធនាគារពិភពលោក និងមូលនិធិ IMF ដែលបានចាប់ផ្តើមកាលពីថ្ងៃចន្ទ នៅទីក្រុង Marrakech ប្រទេសម៉ារ៉ុក និងដំណើរការរហូតដល់ថ្ងៃអាទិត្យ (១៥ តុលា) ម្សិលមិញនេះ៕

កម្ពុជាប្រកាសស្វាគមន៍ប្រទេសលើពិភពលោកជួយដល់កម្ពុជា លើការសង្រ្គោះរងគ្រោះថ្នាក់ដោយសារមីន

2023/10/16 02:12:52 pm        90
Facebook Telegram Linkin
ភ្នំពេញ៖ ក្នុងនាមសម្តេចធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា ឯកឧត្តមទេសរដ្ឋមន្រ្តី លី ធុជ បានស្វាគមន៍ចំពោះការជួយ​ឧបត្ថម្ភ​គាំទ្រប្រកបដោយទឹកចិត្តសប្បុរសពីដៃគូអភិវឌ្ឍន៍ និងប្រទេសជាមិត្ត ដល់ការប្រព្រឹត្តិទៅនិងដំណើរការរៀបចំសន្និសីទត្រួតពិនិត្យឡើងវិញលើកទី៥ ឬកិច្ចប្រជុំកំពូលស្តីពីពិភពលោកដែលគ្មានមីន ដែលកម្ពុជាធ្វើជាម្ចាស់ផ្ទះ សម្រាប់ឆ្នាំ ២០២៤ខាងមុខនេះ។ការថ្លែងបែបនេះ ខណៈឯកឧត្តម ទេសរដ្ឋមន្រ្តី លី ធុជ អនុប្រធានទី១ ​អាជ្ញាធរមីន អញ្ជើញចូលរួម​កិច្ច​ប្រជុំត្រៀមយុទ្ធសាស្រ្តសម្រាប់ជំរុញសកលភាវូបនីយកម្មសកម្មភាពមីន ដែលមានការចូលរួម​ពីព្រះអង្គម្ចាស់ Mired Raad Zeid Al-Hussein ប្រេសិតពិសេសនៃអនុសញ្ញាអូតាវ៉ា, ឯកឧត្តម Igor Driesman ប្រធានជ្រើសតាំងនៃសហភាពអ៊ឺរ៉ុប, ឯកឧត្តម អ៊ូអ៊ិណូ អាតស៊ូហ្ស៊ី UENO Atsushi ឯកអគ្គរាជទូតជប៉ុនប្រចាំកម្ពុជា​ និងជាប្រធានជ្រើសតាំងអនុសញ្ញាអូតាវ៉ាសម្រាប់ឆ្នាំ២០២៥, ឯកឧត្តម Msserer ឯកអគ្គរដ្ឋទូតអាល្លឺម៉ង់ប្រចាំកម្ពុជា, តំណាងស្ថានទូតប្រចាំកម្ពុជា, តំណាងUNDP ប្រចាំកម្ពុជា លោក Juan Carlos Ruan នាយកអង្គភាពគាំទ្រការអនុវត្តអនុសញ្ញាអូតាវ៉ា​ និងអង្គការ ICRC នៅនិវេសនដ្ឋានសហភាពអឺរ៉ុបប្រចាំកម្ពុជានាថ្ងៃទី១៦ ខែតុលា ឆ្នាំ២០២៣នេះ។ឯកឧត្តម ទេសរដ្ឋមន្រ្តី លី ធុជ ក្នុងនាមសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី និងជាប្រធានអាជ្ញាធរមីន បានថ្លែងអំណរគុណចំពោះសហភាពអឺរ៉ុប និងអង្គភាព ISU-APMBC ដែលបានជួយគាំទ្រដល់ការធ្វើជាម្ចាស់ផ្ទះនៃសន្និសីទសកលលើកទី៣ ស្តីពីកិច្ចសង្រ្គោះរង​គ្រោះថ្នាក់ដោយសារមីន និងសំណល់ជាតិផ្ទុះពីសង្រ្គាម​ដែលប្រព្រឹត្តឡើងពី​ថ្ងៃទី១៧ដល់១៩តុលា២០២៣នេះ។ឯកឧត្តមបានបញ្ជាក់ផងដែរថា ចំពោះការធ្វើជាម្ចាស់ផ្ទះរបស់កម្ពុជាសម្រាប់សន្និសីទ​ត្រួតពិនិត្យ​ឡើងវិញ​លើកទី៥ ឬកិច្ចប្រជុំកំពូលស្តីពីពិភព​លោក​ដែលគ្មានមីន នៃអនុសញ្ញាអូតាវ៉ា​សម្រាប់​ឆ្នាំ​២០២៤ កម្ពុជាត្រៀមលើកយកនូវរបៀបវរៈ ​និងផែនការសកម្មភាពអាទិភាពចំនួន ៤ មកពិភាក្សា ទី១ ការផ្សព្វផ្សាយ​ជំរុញការ​អនុវត្តអនុសញ្ញាអូតាវ៉ា ​ទី២ជំរុញការងារបោសសម្អាតមីន​ដើម្បី​ឆ្ពោះទៅរកពិភពលោកគ្មានមីន ទី៣ជំរុញភាពជាដៃគូ និងកិច្ចសហប្រតិបត្តិការត្បូង-ត្បូង និងទី៤នោះគឺកិច្ចសង្រ្គោះជនមានពិការភាពដោយសារគ្រប់មីន ​សហគមន៍រងគ្រោះ និងសិទ្ធិជនមានពិការភាព។ជាការគាំទ្រដល់កម្ពុជានៅក្នុងកិច្ចប្រជុំនោះ ​ឯកឧត្តម Msserer ​ ឯកអគ្គរដ្ឋទូតអាល្លឺម៉ង់ប្រចាំកម្ពុជា​បានលើកឡើងអំពីលទ្ធផលការងារសម្រេចបានបញ្ហាប្រឈម​ និងបញ្ហានៅសេសសល់មួយចំនួន ដែលប្រទេសអាល្លឺម៉ង់​បានបំពេញក្នុងក្របខណ្ឌ​អនុសញ្ញា​អូតាវ៉ានិងក្នុងនាមជាប្រធាន​កិច្ចប្រជុំរដ្ឋ​ភាគី​លើកទី២១នៃអនុសញ្ញាអូតាវ៉ា ​ឯកឧត្តមបានស្វាគមន៍ ​និងត្រៀមខ្លួនដើម្បីចូលរួមគាំទ្រ​កម្ពុជាក្នុងនាមជាប្រធាន ​និងធ្វើម្ចាស់ផ្ទះនៃសន្និសីទត្រួតពិនិត្យឡើងវិញលើកទី៥ សម្រាប់​ឆ្នាំ២០២៤។ដោយឡែកឯកឧត្តម អ៊ូអ៊ិណូ អាតស៊ូហ្ស៊ី (UENO Atsushi)វិញក្នុងនាមជាប្រធានជ្រើសតាំង​អនុសញ្ញាអូតាវ៉ាសម្រាប់ឆ្នាំ២០២៥ ​ បានសម្តែងនូវការគាំទ្រកម្ពុជា និងត្រៀមជួយកម្ពុជា ដើម្បី​ទទួលបានជោគជ័យក្នុងការធ្វើជាប្រធាននៃកិច្ចប្រជុំសម្រាប់ឆ្នាំ២០២៤ ហើយប្រទេសជប៉ុន​បានត្រៀមខ្លួចរួចជាស្រេចសម្រាប់ការធ្វើជាប្រធាន ​និងម្ចាស់ផ្ទះនៃកិច្ចប្រជុំរដ្ឋភាគីលើកទី២២ នៃអនុសញ្ញាអូតាវ៉ា។ឯកឧត្តម អាត់ស៊ូហ្ស៊ី Atsushi ក៏បានវាយតម្លៃខ្ពស់ផងដែរចំពោះសមិទ្ធ ផលបោសសម្អាតមីន​នៅ​កម្ពុជា និងកោតសរសើរចំពោះការធ្វើជាម្ចាស់របស់កម្ពុជា ក្នុងសន្និសីទសកលលើកទី៣ ស្តីពីកិច្ច​សង្រ្គោះជនរងគ្រោះថ្នាក់ដោយសារមីន។បន្ថែមពីនេះ ឯកឧត្តមក៏​ស្នើសុំឱ្យអង្គប្រជុំទាំងមូល​យកប្រទេសកម្ពុជាជាគំរូ ពីព្រោះប្រទេសកម្ពុជា​ទទួលបានជោគជ័យគ្រប់បែបយ៉ាងទាំងកិច្ចការនយោបាយការបញ្ចប់សង្រ្គាម ​ការស្វែងរកសន្តិភាព និង កិច្ចការបោសសម្អាតមីនជាដើម៕អត្ថបទ ភារម្យ

ឯកឧត្តម ចាយ បូរិន និងលោកជំទាវ បានបន្តនាំយកអំណោយសម្តេចធិបតី និងលោកជំទាវប្រគេនព្រះសង្ឃចំនួន១២វត្ត នៅមូលដ្ឋានខេត្តកំពង់ធំ

2023/10/16 01:14:43 pm        279
Facebook Telegram Linkin
កំពង់ធំ៖ បន្ទាប់ពីបានអញ្ជើញនាំយកអំណោយដែលជាសទ្ធាជ្រះថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត ប្រគេនដល់ព្រះសង្ឃចំនួន១៥ វត្តនៅមូលដ្ឋានខេត្តកំពង់ឆ្នាំង និងខេត្តពោធិ៍សាត់រួចមក នៅព្រឹកថ្ងៃទី១៦ ខែតុលា ឆ្នាំ២០២៣នេះ ឯកឧត្តម ចាយ បូរិន រដ្ឋមន្រ្តីក្រសួងធម្មការ និងសាសនា​និងលោកជំទាវ សូ ភត្រ្តា ព្រមទាំងថ្នាក់ដឹកនាំក្រសួង បានបន្តសហការជាមួយ អាជ្ញាធរខេត្តកំពង់ធំ ព្រះមេគណខេត្ត និងអាជ្ញាធរពាក់ព័ន្ធ អញ្ជើញចុះពិនិត្យមើលស្ថានភាពទូទៅ នៅតាមទីអារាម ក្នុងមូលដ្ឋានខេត្តកំពង់ធំ ក្រោយពេលរដូវបុណ្យភ្ជុំបិណ្ឌរួច តាមអនុសាសន៍ណែនាំដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ដើម្បីចូលរួមលើកស្ទួយវិស័យព្រះពុទ្ធសាសនា ដែលជាកេរ្តិ៍តំណែលរបស់ពុទ្ធបរិស័ទគោរពប្រតិបត្តិតរៀងមក ។ឯកឧត្តម រដ្ឋមន្រ្តីក្រសួងធម្មការនិងសាសនា ​បានអញ្ជើញសួរសុខទុក្ខព្រះសង្ឃ ប្រជាពុទ្ធបរិស័ទ និងប្រគេនទេយ្យទាន គ្រឿងឧបភោគបរិភោគ និងបច្ច័យដល់ ​ព្រះសង្ឃគ្រប់ព្រះអង្គ​នៅ​វត្តឥន្រ្ទីយ៍សំវរៈ ហៅវត្តកំពង់ធំ ព្រមទាំងពិនិត្យមើលស្ថានភាពទូទៅនៅតាមទីអារាមក្រោយ​ពិធីបុណ្យភ្ជុំបិណ្ឌ ។ឯកឧត្តម ចាយ បូរិន បានលើកឡើងថា ព្រះពុទ្ធសាសនាបានដើរតួនាទីយ៉ាងសំខាន់​ ក្នុងការអប់រំ និងចូលរួមចំណែកអភិវឌ្ឍន៍​សង្គមជាតិ​ជាមួយរាជរដ្ឋាភិបាលកម្ពុជា ​ជំរុញឱ្យប្រជាពលរដ្ឋ​ប្រកាន់​ភ្ជាប់​នូវសីលធម៌ ​ចរិយាធម៌​ និងគុណធម៌ល្អប្រសើរក្នុងការរស់នៅ។ឯកឧត្តម ចាយ បូរិន បានបញ្ជាក់ថា ​រាជរដ្ឋាភិបាលអាណត្តិទី៧ ក្រោមការដឹកនាំដ៏ឈ្លៀសវៃរបស់ សម្តេចធិបតី ហ៊ុន ម៉ាណែត ដែលបានដឹកនាំបន្ត ពីរាជរដ្ឋាភិបាលអាណត្តិទី៦ ក្រោមការដឹកនាំ​របស់​សម្តេចអគ្គមហាសេនាបតីតេជោ ​ហ៊ុន សែន តែងតែគិតគូរពីសុខទុក្ខ ​ទុក្ខលំបាក ​ការខ្វះខាត ទាំងវិស័យពុទ្ធចក្រ និងអាណាចក្រពិសេសប្រជាជនងាយរងគ្រោះ ដោយមិនប្រកាន់និន្នាការ​នយោបាយ​ ជាតិសាសន៍​ពណ៌ សម្បុរ​អ្វីឡើយ​ ពោលទីណាមានទុក្ខ ទីនោះមានប្រមុខ​រាជរដ្ឋាភិបាល​កម្ពុជា ជាអ្នកដោះស្រាយ ។នៅក្នុងឱកាសប្រកបដោយបីតិសោមនស្សជ្រះថ្លានេះដែរ ឯកឧត្តម ​ចាយ បូរិន និងលោកជំទាវ សូ ភត្រ្តា បានប្រគេននូវទេយ្យទាន គ្រឿងឧបភោគ បរិភោគ រួមមានអង្ករសរុប​ ៥៥០០គីឡូក្រាម មី ២៧៥កេស ​និងបច្ច័យ ដែលជាសទ្ធាជ្រះថ្លារបស់សម្តេចធិបតី ហ៊ុន ម៉ាណែត និងលោកជំទាវ​បណ្ឌិត ពេជ ចន្ទមុន្នី ហ៊ុនម៉ាណែត ដល់វត្តចំនួន១២ ក្នុងមូលដ្ឋានខេត្តកំពង់ធំ ដើម្បីចូលរួមចំណែ​កទ្រទ្រង់វិស័យព្រះពុទ្ធសាសនានៅខេត្តកំពង់ធំ កាន់តែរីកចម្រើនទ្វេរឡើងថែមទៀត៕ អត្ថបទ រដ្ឋា

ប្រទេសអាល្លឺម៉ង់ប្តេជ្ញា «ធ្វើអ្វីគ្រប់យ៉ាង»ដើម្បីការពារប្រជាជនជាតិជ្វីហ្វ

2023/10/16 12:34:24 pm        245
Facebook Telegram Linkin
ប្រទេសអាល្លឺម៉ង់ បាននិយាយថា ខ្លួននឹងប្រើប្រាស់ «គ្រប់មធ្យោបាយផ្លូវច្បាប់» ដើម្បីនិរទេសអ្នកគាំទ្រក្រុមហាម៉ាស ខណៈដែលខ្លួនកំពុងប្រឈមមុខនឹងការកើនឡើងនៃការប្រឆាំងប្រជាជនជ្វីហ្វ ចំពេលមានសង្គ្រាមរបស់អ៊ីស្រាអែលជាមួយក្រុមភេរវកម្ម។រដ្ឋមន្ត្រីមហាផ្ទៃលោកស្រី Nancy Faeser បានថ្លែងប្រាប់ប្រជាជនជ្វីហ្វថា រដ្ឋាភិបាល «នឹងធ្វើអ្វីគ្រប់យ៉ាងដើម្បីការពារអ្នក» បន្ទាប់ពីឧក្រិដ្ឋកម្មស្អប់ខ្ពើមជាច្រើន ត្រូវបានរាយការណ៍នៅទូទាំងប្រទេសអាល្លឺម៉ង់ក្នុងរយៈពេលប៉ុន្មានថ្ងៃថ្មីៗនេះ។ លោកស្រី Faeser បាននិយាយថា លោកស្រី នឹងរួមបញ្ចូលគ្នានូវធនធានរក្សាសណ្តាប់ធ្នាប់ និងចារកម្ម ដើម្បីការពារសហគមន៍ ដែលមានប្រជាជនប្រមាណ ២៧៥.០០០នាក់ ដោយសន្យាថា ទីក្រុងប៊ែរឡាំង ក៏នឹង «ប្រើគ្រប់មធ្យោបាយផ្លូវច្បាប់ ដើម្បីបណ្តេញអ្នកគាំទ្រក្រុមហាម៉ាស ចេញពីប្រទេសនេះ។ការអធិប្បាយរបស់លោកស្រី បានកើតឡើងនៅពេលដែលមានការព្រួយបារម្ភកាន់តែខ្លាំងឡើងអំពីថាតើការសម្រេចចិត្តរបស់ទីក្រុងប៊ែរឡាំងឆ្នាំ២០១៥ ក្នុងការបើកទ្វាររបស់ប្រទេសអាល្លឺម៉ង់ទទួលជនអន្តោប្រវេសន៍ និងជនភៀសខ្លួន ដែលភៀសខ្លួនចេញពីសង្គ្រាមស៊ីវិល នៅក្នុងប្រទេសស៊ីរី និងផ្នែកផ្សេងទៀតនៃមជ្ឈិមបូព៌ាក្នុងកម្រិតខ្ពស់នៃវិបត្តិជនភៀសខ្លួន បច្ចុប្បន្ន កំពុងធ្វើឲ្យខូចគោលការណ៍ណែនាំរបស់ប្រទេសអាល្លឺម៉ង់សម័យទំនើបដែលមិនទទួលយកការធ្វើទុក្ខបុកម្នេញដល់ជនជាតិជ្វីហ្វទៀតទេ។

កូរ៉េខាងត្បូងដាក់គោលដៅលើក្រុមហ៊ុនសាងសង់នាវាមុជទឹករបស់កោះតៃវ៉ាន់ ខណៈបារម្ភពីការសងសឹកសេដ្ឋកិច្ចរបស់ចិន

2023/10/16 12:08:30 pm        119
Facebook Telegram Linkin
ក្រុមអាជ្ញាធរកូរ៉េខាងត្បូង បានលើកឡើងពីហានិភ័យនៃការសងសឹកសេដ្ឋកិច្ចរបស់ចិន នៅពេលដែលពួកគេបានចោទប្រកាន់ក្រុមហ៊ុនបច្ចេកវិទ្យាសមុទ្រ SI Innotec កាលពីឆ្នាំមុន ពីបទបំពានច្បាប់ពាណិជ្ជកម្ម សម្រាប់ការងាររបស់ខ្លួនលើកម្មវិធីនាវាមុជទឹកយោធាថ្មីរបស់កោះតៃវ៉ាន់ នេះបើយោងតាមឯកសាររបស់នគរបាលបានឃើញដោយសារព័ត៌មាន រ៉យទ័រ និងមនុស្សពីរនាក់ដែលដឹងពីបញ្ហានេះ។នៅក្នុងលិខិតបញ្ជាក់មួយ កាលពីថ្ងៃទី១៧ ខែកុម្ភៈ ឆ្នាំ២០២២ ទៅកាន់ចៅក្រម ដែលព្យាយាមចេញដីការចាប់ខ្លួននាយកប្រតិបត្តិក្រុមហ៊ុន SI Innotec លោក ផាក ម៉ាលស៊ីក (Park Mal-sik) នគរបាលបាននិយាយថា ក្រុមអាជ្ញាធរមានការភ័យខ្លាចម្តងទៀតនៃទណ្ឌកម្មដ៏ធំទូលាយ ដែលដាក់ដោយទីក្រុងប៉េកាំងក្នុងឆ្នាំ២០១៦ បន្ទាប់ពីទីក្រុងសេអ៊ូល បានសម្រេចចិត្តដំឡើងកម្មវិធី THAAD ដែលជាប្រព័ន្ធប្រឆាំងមីស៊ីលរបស់សហរដ្ឋអាមេរិក ហើយចិនបានយល់ព្រមដកវិធានការទាំងនោះចេញ កាលពីចុងឆ្នាំ២០១៧។លិខិតបញ្ជាក់នោះបាននិយាយថា និយតករនៃរដ្ឋបាលគ្រប់គ្រងកម្មវិធីការពារជាតិ (DAPA) បានប្រាប់ក្រុមហ៊ុនម៉ៅការបន្ត ដែលមិនស្គាល់អត្តសញ្ញាណថា រដ្ឋាភិបាលមាន «ការព្រួយបារម្ភអំពីការនាំចេញ» ទាក់ទងនឹងកោះតៃវ៉ាន់ ហើយ «ប្រកាន់ជំហរប្រុងប្រយ័ត្នបំផុត» លើការអនុម័តបែបនេះ។នៅក្នុងលិខិតបញ្ជាក់ត្រាបិទនោះបានឲ្យដឹងថា នគរបាលបានលើកឡើងពីប្រតិកម្មដ៏ខឹងសម្បាររបស់ប្រទេសចិន នៅក្នុងរបាយការណ៍របស់សារព័ត៌មាន រ៉យទ័រ ឆ្នាំ២០២១ អំពីក្រុមហ៊ុនម៉ៅការគ្រឿងយុទ្ធោបករណ៍ការពារជាតិ ព្រមទាំងក្រុមអ្នកជំនាញមកពីកូរ៉េខាងត្បូង និងប្រទេសចំនួនប្រាំមួយផ្សេងទៀត ដែលកំពុងធ្វើការលើកម្មវិធីនាវាមុជទឹករបស់តៃវ៉ាន់។ ក្រុមហ៊ុនបច្ចេកវិទ្យា SI Innotec ដែលត្រូវបានពិន័យ កាលពីខែសីហា ឆ្នាំ២០២២ និងលោក ផាក ដែលបានទទួលការផ្អាកការកាត់ទោសជាប់ពន្ធនាគារ បានបដិសេធថាមិនបានប្រព្រឹត្តខុសនោះទេ ព្រមទាំងបានបន្តប្តឹងឧទ្ធរណ៍ផងដែរ៕

អ៊ីរ៉ង់ព្រមានអ៊ីស្រាអែល អំពីកំណើនភាពតានតឹងនៃសង្រ្គាមក្នុងតំបន់ ប្រសិនបើការឈ្លានពានមិនបញ្ឈប់

2023/10/16 12:04:53 pm        145
Facebook Telegram Linkin
ទីភ្នាក់ងារសារព័ត៌មានពាក់កណ្តាលផ្លូវការ Fars បានរាយការណ៍កាលពីថ្ងៃអាទិត្យ (១៥ តុលា) ថា ប្រទេសអ៊ីរ៉ង់ បានព្រមានអ៊ីស្រាអែល ពីកំណើនភាពតានតឹងនៃសង្គ្រាម ប្រសិនបើខ្លួនបរាជ័យក្នុងការបញ្ចប់ការឈ្លានពានប្រឆាំងនឹងប៉ាឡេស្ទីន ដោយរដ្ឋមន្ត្រីការបរទេសរបស់អ៊ីរ៉ង់ គឺលោក Hossein Amirabdollahian បាននិយាយថា ភាគីផ្សេងទៀតនៅក្នុងតំបន់បានត្រៀមខ្លួនរួចជាស្រេចដើម្បីធ្វើសកម្មភាពប្រឆាំងនឹងអ៊ីស្រាអែល។នាយករដ្ឋមន្ត្រីអ៊ីស្រាអែល លោក Benjamin Netanyahu បានប្តេជ្ញាកាលពីថ្ងៃអាទិត្យថា នឹង «"កម្ទេចក្រុមហាម៉ាស ចោល» ខណៈដែលយោធារបស់លោក បានត្រៀមខ្លួនដើម្បីចល័តចូលទៅក្នុងតំបន់ហ្គហ្សា ស្រ្ទីប ក្នុងការស្វែងរកក្រុមសកម្មប្រយុទ្ធអ៊ីស្លាម ដែលការវាយលុកដ៏សាហាវតាមរយៈទីក្រុងព្រំដែនអ៊ីស្រាអែលរបស់ពួកគេ បានធ្វើឱ្យពិភពលោកមានការភ្ញាក់ផ្អើលយ៉ាងខ្លាំង។មេដឹកនាំជាន់ខ្ពស់នៃប្រទេសអ៊ីរ៉ង់ លោក Ayatollah Ali Khamenei បាននិយាយកាលពីថ្ងៃអង្គារថា ទីក្រុងតេអេរ៉ង់ មិនមានជាប់ពាក់ព័ន្ធក្នុងការវាយប្រហាររបស់ក្រុមសកម្មប្រយុទ្ធហាម៉ាស ទៅលើអ៊ីស្រាអែលនោះទេ ប៉ុន្តែបានសាទរចំពោះអ្វីដែលលោកហៅថា ការបរាជ័យផ្នែកយោធា និងស៊ើបការណ៍សម្ងាត់របស់អ៊ីស្រាអែល «ដែលមិនអាចជួសជុលបាន»។អ៊ីស្រាអែល បានចោទប្រកាន់មេដឹកនាំរបស់អ៊ីរ៉ង់ ជាយូរមកហើយថា បានបង្កអំពើហិង្សាដោយការផ្គត់ផ្គង់អាវុធដល់ក្រុមហាម៉ាស។ ទីក្រុងតេអេរ៉ង់ និយាយថា ខ្លួនផ្តល់ការគាំទ្រផ្នែកសីលធម៌ និងហិរញ្ញវត្ថុដល់ក្រុមដែលគ្រប់គ្រងតំបន់ហ្គាហ្សា ស្ទ្រីប ហើយលោក Amiabdollahian ដែលកាលពីសប្តាហ៍មុនបានចោទប្រកាន់អ៊ីស្រាអែលថា បានបង្ក «អំពើប្រល័យពូជសាសន៍» ដោយការអនុវត្តការឡោមព័ទ្ធប្រឆាំងនឹងតំបន់ហ្គាហ្សា ស្ទ្រីប បាននិយាយថា ការវាយប្រហារលើហ្គាហ្សានឹង «បើករណសិរ្សថ្មីនៃការតស៊ូ» នៅមជ្ឈិមបូព៌ាផងដែរ៕

បណ្ដាញសង្គម

ព័ត៌មានថ្មីៗ

អូស្ត្រាលី ស្វាគមន៍លទ្ធផលនៃកិច្ចប្រជុំពិសេសលើកទី១ GBC រវាងកម្ពុជា-ថៃ ដែលនឹងត្រួសត្រាយផ្លូវសម្រាប់ការដោះស្រាយជម្លោះព្រំដែនដោយសន្តិវិធី
09/11/2025 10:09 PM
Facebook Telegram Linkin
ស្ថានទូតអង់គ្លេសប្រចាំកម្ពុជា និងប្រចាំនៅប្រទេសថៃ ស្វាគមន៍ចំពោះលទ្ធផលនៃកិច្ចប្រជុំពិសេសលើកទី១ គណៈកម្មការព្រំដែនទូទៅកម្ពុជា និងថៃ (GBC)
09/11/2025 10:09 PM
Facebook Telegram Linkin
អង្គការណាសារកឃើញភ័ស្តុតាងដែលអាចបញ្ជាក់ពីជីវិតបុរាណផុតពូជនៅលើភពព្រះអង្គារ
09/11/2025 09:09 PM
Facebook Telegram Linkin
ជំរំជនភៀសខ្លួននៅម៉ាឡាវីប្រឈមនឹងការកាត់បន្ថយជំនួយ ខណៈមូលនិធិ UNHCR ធ្លាក់ចុះ
09/11/2025 09:09 PM
Facebook Telegram Linkin
បុរសជនជាតិស៊ូដង់ ជួបជុំគ្រួសារវិញ ក្រោយរត់ភៀសខ្លួនពីទីក្រុងហែកហួរដោយភ្លើងសង្រ្គាម al-Fashir
09/11/2025 09:09 PM
Facebook Telegram Linkin
ការអប់រំផ្តល់ជាខ្សែជីវិតថ្មីសម្រាប់ក្មេងៗជនភៀសខ្លួនហ្កាហ្សានៅប្រទេសអារ៉ាប់រួម
09/11/2025 09:09 PM
Facebook Telegram Linkin
បារាំង សន្យាពង្រឹងកិច្ចសហប្រតិបត្តិការ គាំទ្រផែនការអាទិភាពរបស់ក្រសួងសុខាភិបាល
09/11/2025 09:09 PM
Facebook Telegram Linkin
មេដឹកនាំស្លូវ៉ាគី លោក Fico កំណត់លក្ខខណ្ឌ ដើម្បីគាំទ្រការដាក់ទណ្ឌកម្មរុស្ស៊ីបន្ថែមទៀត
09/11/2025 08:09 PM
Facebook Telegram Linkin
នេប៉ាល់ចាប់បានអ្នកទោសជិត ២០០នាក់វិញ ខណៈរាប់ពាន់នាក់ទៀត កំពុងរត់គេចខ្លួន
09/11/2025 08:09 PM
Facebook Telegram Linkin
ក្រុមហ៊ុន VISA Worldwide Pte. Limited គាំទ្រគម្រោងរបស់ក្រសួងទេសចរណ៍លើការអភិវឌ្ឍន៍ប្រព័ន្ធទេសចរណ៍វៃឆ្លាត
09/11/2025 08:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.