នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

សម្តេចធិបតី ហ៊ុន ម៉ាណែត ផ្ញើសារជូនពរជនរួមជាតិក្នុងឱកាសបុណ្យភ្ជុំបិណ្ឌ

2023/10/12 07:48:07 am        246
Facebook Telegram Linkin
សម្តេចធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា នៅព្រឹកថ្ងៃទី១២ ខែតុលា ឆ្នាំ២០២៣នេះ បានផ្ញើសារជូនពរដល់បងប្អូនជនរួមជាតិទាំងអស់មានសុខភាពល្អបរិបូរណ៍ និង ធ្វើ​ដំណើរ ទៅមកប្រកបដោយសុខសុវត្ថិភាពក្នុងឱកាសបុណ្យភ្ជុំបិណ្ឌ។តាមរយៈផេកហ្វេសបុក និងឆាណែលតេលេក្រាម សម្តេចធិបតី នាយករដ្ឋមន្រ្តី បានលើកឡើងថា «ក្នុង​ឱកាសបុណ្យភ្ជុំបិណ្ឌ សូមជូនពរ លោកតាលោកយាយ អ៊ំប្រុសអ៊ំស្រី ពូមីង បង​ប្អូន​កូន​ក្មួយ​ទាំង​អស់ សូមប្រកបដោយសុខសុវត្ថិភាពក្នុងការធ្វើដំណើរទៅកាន់ស្រុកកំណើត និងទទួល​បាន​នូវ​សុខភាព​ល្អបរិបូរណ៍ កម្លាំងមាំមួន អាយុយឺនយូរ និងជោគជ័យគ្រប់ភារកិច្ច»៕

សម្ដេចតេជោ ប្រកាសស្វាគមន៍គណបក្សនយោបាយនានា​ដែលមានបំណងចងសម្ព័ន្ធ​ជាមួយគណបក្សប្រជាជនកម្ពុជា

2023/10/11 03:09:51 pm        147
Facebook Telegram Linkin
សម្ដេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា នារសៀល​ថ្ងៃទី១១ ខែតុលា ឆ្នាំ២០២៣នេះ បាន​ចេញ​សារ​សំឡេង​ពិសេស​ប្រកាស​ស្វាគមន៍​ដល់​បណ្ដា​គណបក្ស​នយោបាយនានាដែលមានបំណងចង់ចងសម្ព័ន្ធជាមួយគណបក្សប្រជាជនកម្ពុជា។ការប្រកាសស្វាគមន៍របស់សម្ដេចតេជោបែបនេះធ្វើឡើងបន្ទាប់បណ្ដាគណបក្សនយោបាយនានាជាង១០ នៅថ្ងៃទី ១១ ខែតុលានេះ បានប្រកាស​ប្រកាស​អំពី​គោល​បំណង​ចង់​ធ្វើ​សម្ព័ន្ធ​ភាព​ជាមួយ​គណបក្សប្រជាជនកម្ពុជា។តាមរយៈសារសំឡេងពិសេសសម្ដេចតេជោ ហ៊ុន សែន ថ្លែងថា ថ្ងៃនេះសម្ដេច​បាន​ទទួល​នូវ​ការ​ពេញ​ចិត្ត​នូវ​ការស្នើសុំ ក៏ដូចជាសេចក្ដីថ្លែងការណ៍នៃបណ្ដាគណបក្សនយោបាយនានា ដែល​មាន​បំណង​ចង​សម្ព័ន្ធភាពជាមួយគណបក្សប្រជាជនកម្ពុជា។ សម្ដេចថ្លែងថា ក្នុងនាម​គណបក្ស​ប្រជាជន​កម្ពុជា​ សម្ដេចប្រកាសស្វាគមន៍យ៉ាងកក់ក្ដៅចំពោះគំនិតផ្ដួចផ្ដើម និងបំណងដ៏ល្អ​របស់​បណ្ដា​គ​ណបក្សនយោបាយដែលបានផ្ញើ និងធ្វើសេចក្ដីថ្លែងការណ៍មកជូនសម្ដេច។ សម្ដេចតេជោបញ្ជាក់ថា កម្ពុជាពិត​ជា​មាន​តម្រូវ​ការ​នៅក្នុង​ការ​រួបរួម​រវាង​គណបក្ស​នយោបាយនា​នា ដើម្បីរក្សានូវសន្ដិភាព និងការអភិវឌ្ឍរយៈពេលវែង។ កា​រចូលរួម​ជាមួយគ្នា ដើម្បីនឹង​ការពារនូវ​ឯករាជ្យ ​អធិបតេយ្យភាព បូរណភាពទឹកដីនៃព្រះរាជាណាចក្រកម្ពុជា។ ការពារ​នូវរបប​រាជា​និយម​អាស្រ័យ​រដ្ឋធម្មនុញ្ញ ការពារនូវលទ្ធិប្រជាធិបតេយ្យសេរីពហុបក្ស ការពារនូវសិទ្ធិមនុស្ស លទ្ធិ​ប្រជាធិបតេយ្យ និងនីតិរដ្ឋ ក៏ដូចជាកិច្ចការ​ផ្សេងទៀត​ដែលរដ្ឋធម្មនុញ្ញ​របស់កម្ពុជា​ប្រគល់ឱ្យ​ពលរដ្ឋ​កម្ពុជាជាអ្នករួបរួមដើម្បីការពារ។ សម្ដេចតេជោ ហ៊ុន សែន បាន​បញ្ជាក់​ថា​គណបក្ស​ប្រជាជន​កម្ពុជា​ត្រៀមទ​ទួល​យក​នូវ​ដៃគូ​ទាំង​អស់​ដែល​ចង់រួបរួមជាមួយនឹងគណបក្សប្រជាជនកម្ពុជា ក្រោមរូបភាពនៃការចងសម្ព័ន្ធភាព កិច្ច​សហ​ប្រតិបត្តិការ ដោយស្មើភាព និងស្មើសិទ្ធិ។ សម្ដេចតេជោថ្លែងថា សម្ដេចបាន​ចាត់​តាំង​ឱ្យ​ក្រុម​ជំនួយ​ការ​ថ្នាក់​ដឹកនាំ​គណបក្ស​ប្រជាជន​កម្ពុជា​ត្រៀម​នូវ​កិច្ច​ព្រម​ព្រៀង​សហ​ប្រតិបត្តិការ​រវាង​គណបក្ស​ទាំង​អស់ដែលនឹងចងសម្ព័ន្ធភាពជាមួយគ្នា ហើយសម្ដេចនឹងជួបជាមួយប្រធាន និង​ថ្នាក់​ដឹកនាំ​គណបក្សនយោបាយនានា នាពេលខាងមុខ ដើម្បីពិភាក្សា​ទៅ​លើ​ខ្លឹមសារ​នៃ​ពង្រាង​នៃ​កិច្ច​ព្រម​ព្រៀងនោះ ហើយក៏នឹងឈានទៅដល់ការចុះហត្ថលេខាលើពិធីសារ ឬកិច្ចព្រមព្រៀង​កិច្ច​សហប្រតិបត្តិការ​រវាងបណ្ដាគណបក្សនយោបាយនៅកម្ពុជាផងដែរ៕ អត្ថបទ៖ វ៉ន ដារ៉ា

លិខិតគាំទ្រប៉ាឡេស្ទីន ពីនិស្សិតសាកលវិទ្យាល័យ Harvard សហរដ្ឋអាមេរិក ធ្វើឱ្យអតីតនិស្សិតមានកំហឹង

2023/10/11 01:52:58 pm        242
Facebook Telegram Linkin
អតីតនិស្សិតសាកលវិទ្យាល័យ Harvard ដ៏លេចធ្លោរបស់សហរដ្ឋអាមេរិក កាលពីថ្ងៃចន្ទ បានរិះគន់លិខិតគាំទ្រប៉ាឡេស្ទីន ពីក្រុមនិស្សិតដែលបានស្តីបន្ទោសអ៊ីស្រាអែល ចំពោះអំពើហឹង្សាជុំវិញតំបន់ និងបានជំរុញឱ្យសាកលវិទ្យាល័យចាត់វិធានការប្រឆាំងនឹងក្រុមនិសិ្សតហត្ថលេខីទាំងនោះ។សម្ព័ន្ធនៃអង្គការនិស្សិតសាកលវិទ្យាល័យ Harvard ចំនួន ៣៤ក្រុម បាននិយាយថា របបអ៊ីស្រាអែលគឺជាអ្នកទទួលខុសត្រូវទាំងស្រុង ចំពោះអំពើហឹង្សាដែលកើតឡើងទាំងអស់ បន្ទាប់ពីការកាន់កាប់ទឺកដីជាច្រើនទសវត្សរ៍មក ដោយបន្ថែមថា «របបរើសអើងរបស់អ៊ីស្រាអែលមួយនេះ គឺជារបបតែមួយគត់ដែលត្រូវស្តីបន្ទោស»។ប្រធានសកលវិទ្យាល័យ Harvard លោកស្រី Claudine Gay បាននិយាយកាលពីថ្ងៃអង្គារថា លិខិតគាំទ្រប៉ាឡេស្ទីនពីនិស្សិតសាកលវិទ្យាល័យ Harvard ដែលបានស្តីបន្ទោសអ៊ីស្រាអែលចំពោះអំពើហឹង្សាជុំវិញតំបន់នេះ មិនតំណាងឲ្យស្ថាប័នអប់រំទាំងមូល ឬថ្នាក់ដឹកនាំរបស់សាកលវិទ្យាល័យនោះទេ។ជាធម្មតា សាកលវិទ្យាល័យ គឺជាមូលដ្ឋាននៃការបញ្ចេញមតិដោយសេរី និងគំនិតជ្រុលនិយម ប៉ុន្តែលិខិតរបស់និស្សិតមួយច្បាប់នោះ បានវាយប្រហារនៅក្នុងកិច្ចការនយោបាយ។ សូមបញ្ជាក់ថា សាកលវិទ្យាល័យ Harvard គឺជាសាកលវិទ្យាល័យដែលមានឥទ្ធិពលបំផុតនៅក្នុងនយោបាយរបស់សហរដ្ឋអាមេរិក ដោយបានបណ្ដុះបណ្ដាលអតីតប្រធានាធិបតីចំនួនប្រាំបីរូប និងចៅក្រមតុលាការកំពូលបច្ចុប្បន្នចំនួនបួនរូប ក្នុងចំណោមចៅក្រមជាន់ខ្ពស់ទាំងប្រាំបួនរូប របស់សហរដ្ឋអាមេរិកផងដែរ៕

កូរ៉េខាងជើងគាំទ្រក្រុមហាម៉ាស់ប្រឆាំងនឹង«សកម្មភាពឧក្រិដ្ឋកម្ម» របស់អ៊ីស្រាអែល

2023/10/11 01:49:15 pm        91
Facebook Telegram Linkin
ប្រទេសកូរ៉េខាងជើង កំពុងគាំទ្រក្រុមហាម៉ាស់ក្នុងការវាយប្រហារភេរវកម្មរបស់ក្រុមនេះប្រឆាំងនឹងអ៊ីស្រាអែល។របាយការណ៍ប្រព័ន្ធផ្សព្វផ្សាយនៅក្នុងសាធារណៈរដ្ឋប្រជាធិបតេយ្យប្រជាមានិតកូរ៉េ កំពុងសម្តែងការគាំទ្រដល់ក្រុមភេរវកម្មប្រឆាំងនឹងយោធាអ៊ីស្រាអែល និងជនស៊ីវិល។សារព័ត៌មាន Rodong Sinmun ដែលជាសារព័ត៌មានរបស់រដ្ឋ ដែលគ្រប់គ្រងដោយគណបក្សពលករកូរ៉េខាងជើងបានឲ្យដឹងថា៖«ជម្លោះប្រដាប់អាវុធទ្រង់ទ្រាយធំមួយ បានកើតឡើងរវាងក្រុមហាម៉ាស់ប៉ាឡេ ស្ទីន និងអ៊ីស្រាអែល»។ របាយការណ៍នោះ បានបន្ថែមថា៖«សហគមន៍អន្តរជាតិហៅជម្លោះនេះថាជាផលវិបាកនៃសកម្មភាពឧក្រិដ្ឋកម្មឥតឈប់ឈររបស់អ៊ីស្រាអែលប្រឆាំងនឹងប្រជាជនប៉ាឡេស្ទីន»។អ៊ីស្រាអែល បាននិយាយកាលពីថ្ងៃអង្គារថា ខ្លួនបានដណ្តើមយកព្រំដែនហ្គាហ្សាមកគ្រប់គ្រងវិញ ខណៈដែលកងកម្លាំងកម្លាំងការពារជាតិអ៊ីស្រាអែល (IDF) បានវាយលុកទៅលើសង្កាត់មួយចំនួនដែលមានប្រជាជនរស់នៅយ៉ាងច្រើន ជាមួយនឹងការវាយប្រហារតាមផ្លូវអាកាសដ៏ខ្លាំងក្លាបំផុតក្នុងប្រវត្តិសាស្ត្រ៧៥ឆ្នាំនៃជម្លោះអ៊ីស្រាអែល និងប៉ាឡេស្ទីន។

អាជ្ញាធររាជធានីភ្នំពេញ ចែកប័ណ្ណសមធម៌ជូនពលរដ្ឋប្រកបរបរសេដ្ឋកិច្ចក្រៅប្រព័ន្ធ

2023/10/11 01:10:05 pm        219
Facebook Telegram Linkin
ភ្នំពេញ៖ នៅព្រឹកថ្ងៃទី១១ ខែតុលាឆ្នាំ២០២៣នេះ ក្រុមការងារប្រតិកម្មរហ័សសាលារាជធានីភ្នំពេញ បានបន្តនាំយកប័ណ្ណមូលនិធិសមធម៌សុខាភិបាល​ ( ប.ស.ស ) ចំនួន៨៤៥ប័ណ្ណ ចែកជូនពលរដ្ឋ​ជា​អ្នកប្រកបរបរសេដ្ឋកិច្ចក្រៅប្រព័ន្ធ នៅក្នុងផ្សារចំនួន០៩ ក្នុងរាជធានីភ្នំពេញ ។ តាមការឱ្យដឹងពីក្រុមមន្ត្រីប្រតិកម្មរហ័សរាជធានីភ្នំពេញ បានបញ្ជាក់ថា ការបន្តចុះចែកប័ណ្ណ​សមធម៌​សុខាភិបាល​ជូនពលរដ្ឋប្រកបរបរសេដ្ឋកិច្ចក្រៅប្រព័ន្ធខាងលើនេះ ​គឺ​ដោយមាន​ការ​គិតគូរ​យកចិត្តទុកដាក់ពីសម្តេចមហាបវរធិបតី ​នាយករដ្ឋមន្ត្រី នៃកម្ពុជា​ និងតាមការណែនាំចង្អុលបង្ហាញ​ពី​ឯកឧត្តម ឃួង ស្រេង អភិបាលរាជធានីភ្នំពេញ ដោយអនុញ្ញាត​ឱ្យ​ក្រុមការងារបន្តសកម្មភាព​ចុះចែក​ប័ណ្ណនេះ ជូនពលរដ្ឋ ​សម្រាប់ការយកទៅប្រើប្រាស់ជាប្រយោជន៍​លើវិស័យសុខាភិបាល ដើម្បី​ជាការជួយសម្រាលបន្ទុកចំណាយលើតម្រូវការផ្សេងៗរបស់បងប្អូន ។ តបតាមរយះការបន្តយកចិត្តទុកដាក់នេះដែរ ពលរដ្ឋអ្នកប្រកបរបរសេដ្ឋកិច្ចក្រៅប្រព័ន្ធ​បាន​បង្ហាញក្តីរីករាយ ​និងថ្លែងអំណរគុណបំផុតដល់រាជរដ្ឋាភិបាលអាណត្តិទី​០៧ថ្មី ដែលមាន​សម្តេចមហាបវរធិបតី ហ៊ុន ម៉ាណែត ​ជាប្រមុខថ្នាក់ដឹកនាំ ។ពលរដ្ឋ បន្តលើកឡើងថា​ ប័ណ្ណមូលនិធិសមធម៌សុខាភិបាលនេះដែរ វានឹងផ្តល់អត្ថប្រយោជន៍ច្រើន​សម្រាប់ពួកគាត់​ដែលជាពលរដ្ឋរកស៊ីតិចមានជីវភាពខ្វះខាត ​ព្រោះវាជួយសម្រាលការចំណាយ​ប្រាក់​កាសច្រើន ​ពេលឈឺស្កាត់ម្តងៗ ​ដែលកត្តានេះវាជាផ្នែកមួយ ​នៃការ​ជួយ​សន្សំ​សំចៃកំរៃ​ដែល​ពួកគាត់រកបាន ​សម្រាប់យកទៅប្រើប្រាស់លើតម្រូវការផ្សេងៗដទៃទៀត​ ក្នុងជីវភាពប្រចាំថ្ងៃផងដែរ ។ សូមបញ្ជាក់ថា ផ្សារទាំង០៩ ដែលក្រុមការងារអាជ្ញាធររាជធានីភ្នំពេញ​ ចុះចែកប័ណ្ណជូន អ្នក​ប្រកបរបរសេដ្ឋកិច្ចក្រៅប្រព័ន្ធ រួមមាន ៖ ទី១-ផ្សារបឹងកេងកង សរុបចំនួន ៦៧ ប័ណ្ណទី២-ផ្សារធំថ្មី សរុបចំនួន ១៦២ ប័ណ្ណទី៣-ផ្សារដេប៉ូ សរុបចំនួន ២៤៣ ប័ណ្ណ៤-ផ្សារបន្លែច្បារអំពៅ សរុបចំនួន ១១៩ ប័ណ្ណទី៥-ផ្សារទួលទំពូង សរុបចំនួន ១១១ ប័ណ្ណទី៦-ផ្សារកាប់គោ សរុបចំនួន ២៧ ប័ណ្ណទី៧-ផ្សារទឹកថ្លា សរុបចំនួន ៤៧ ប័ណ្ណទី៨-ផ្សារចាក់អង្រែ សរុបចំនួន ១០ ប័ណ្ណទី៩-ផ្សារសាមគ្គី សរុបចំនួន ៦៣ ប័ណ្ណ ៕ អត្ថបទ ៖ លីហេង

សម្ដេចតេជោ ហ៊ុន សែន និង ប្រធាន Nippon Foundation ឯកភាពក្នុងការបំពេញទស្សនកិច្ចទៅកាន់មីយ៉ាន់ម៉ា រួមគ្នា

2023/10/11 12:59:11 pm        214
Facebook Telegram Linkin
សម្ដេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាព្រះមហាក្សត្រ និងជា ប្រធានគណបក្សប្រជាជនកម្ពុជា និងលោក យូហេ សាសាកាវ៉ា ប្រធាន Nippon Foundation ប្រទេសជប៉ុន បានឯកភាពគ្នាក្នុងគោលបំណងបំពេញទស្សនកិច្ចរួមគ្នាទៅកាន់ប្រទេសមីយ៉ាន់ម៉ា។ការលើកឡើងបែបនេះ នៅក្នុងជំនួបរវាងសម្ដេចតេជោ និងលោក ប្រធាន NIPPON Foundation នាព្រឹកថ្ងៃទី១១ តុលា ឆ្នាំ២០២៣ នៅវិមាន៧មករា ឆ្នាំ ២០២៣៕

អឺរ៉ុប៖ អ៊ីស្រាអែល ធ្វើសកម្មភាពចូលក្នុងតំបន់ហ្គាហ្សា បំពានលើច្បាប់អន្តរជាតិ

2023/10/11 12:20:48 pm        177
Facebook Telegram Linkin
ប្រធានគោលនយោបាយការបរទេសសហភាពអឺរ៉ុប លោក Josep Borrell បានចោទប្រកាន់រដ្ឋាភិបាល អ៊ីស្រាអែលកាលពីថ្ងៃអង្គារ ពីការបំពានច្បាប់អន្តរជាតិ ដែលបានដាក់ការបិទផ្លូវនៅតំបន់ហ្គាហ្សា ក្នុងការឆ្លើយតបទៅនឹងការវាយប្រហារដោយក្រុមសកម្មប្រយុទ្ធហាម៉ាស់ប៉ាឡេស្ទីន ទៅលើអ៊ីស្រាអែល។បន្ទាប់ពីកិច្ចប្រជុំបន្ទាន់មួយដើម្បីពិភាក្សាពីផលវិបាកនៃការវាយប្រហារ លោក Borrell បាននិយាយថា ភាគច្រើនលើសលប់នៃរដ្ឋមន្ត្រីការបរទេសសហភាពអឺរ៉ុប បានគាំទ្រការចំណាយលើជំនួយដែលបន្ត សម្រាប់អាជ្ញាធរប៉ាឡេស្ទីន ដែលគ្រប់គ្រងនៅតំបន់ West Bank។ លោក Borrel បានធ្វើសេចក្តីថ្លែងការណ៍ របស់លោក ១ថ្ងៃបន្ទាប់ពីស្នងការអឺរ៉ុប លោក Oliver Varhelyi ជាអ្នកការទូតជនជាតិហុងគ្រី បាននិយាយថា ជំនួយអភិវឌ្ឍន៍សហភាពអឺរ៉ុបទាំងអស់ សម្រាប់ពលរដ្ឋ ប៉ាឡេស្ទីន ត្រូវបានផ្អាក ដែលស្នងការលែងទទួលស្គាល់ការប្រកាសរបស់លោក បន្ទាប់ពីប្រតិកម្មដ៏ខ្លាំងក្លាពីរដ្ឋាភិបាលអឺរ៉ុប។លោក Borrel បានអញ្ជើញ រដ្ឋមន្ត្រីការបរទេសអ៊ីស្រាអែល និងប៉ាឡេស្ទីន ដើម្បីចូលរួមតាមសន្និសីទវីដេអូ ក្នុងកិច្ចប្រជុំមួយក្នុងទីក្រុង Muscat ប្រទេសអូម៉ង់។មន្ត្រីនិយាយថា ប៉ុន្តែរដ្ឋមន្ត្រីការបរទេសអ៊ីស្រាអែល លោក Eli Cohen មិនចង់ចូលរួមក្នុងកិច្ចប្រជុំនេះទេ ដែលនឹងត្រូវថ្លែងសុន្ទរកថាដោយរដ្ឋមន្ត្រីអាជ្ញាធរប៉ាឡេស្ទីន លោក Riyad al-Maliki ដូច្នេះនៅទីបំផុតនឹងគ្មានការចូលរួម។ លោក Borrell បាននិយាយដដែលថា សហភាពអឺរ៉ុបថ្កោលទោសចំពោះការវាយប្រហាររបស់ក្រុមហាម៉ាស់ ដែលបានសម្លាប់ពលរដ្ឋអ៊ីស្រាអែលជាង១.០០០នាក់ ភាគច្រើនជាជនស៊ីវិល។

អត្ថប្រយោជន៍នៃគោលនយោបាយថ្មី សម្រាប់ស្រ្តីមានផ្ទៃពោះ ជាសមាជិក ប.ស.ស.

2023/10/11 12:07:20 pm        336
Facebook Telegram Linkin
ភ្នំពេញ៖ រាជរដ្ឋាភិបាលកម្ពុជា បានប្រកាសដំឡើងផ្តល់ប្រាក់ឧបត្ថម្ភបន្ថែមសម្រាប់ស្ត្រីមានផ្ទៃពោះ ដែលជាសមាជិក ប.ស.ស. ចាប់ពីថ្ងៃទី១ ខែសីហា ឆ្នាំ២០២៣ ដើម្បីបន្តគាំពារស្រ្តី អំឡុងពេលមានផ្ទៃពោះ ពេលសម្រាល និងក្រោយពេលសម្រាលរហូតដល់កូនមានអាយុក្រោម២ឆ្នាំ។បើតាមរបាយការណ៍ថ្មីមួយ គិតពីដើម ខែសីហា ឆ្នាំ២០២៣ ដល់ដើមសប្តាហ៍ទី១ ខែតុលា ឆ្នាំ២០២៣ មានស្ត្រីចំនួនជាង៤ម៉ឺន៣ពាន់នាក់ ​បានទៅពិនិត្យផ្ទៃពោះ និងសម្រាលកូន នៅតាមមូលដ្ឋានសុខាភិបាលសាធារណៈទូទាំងប្រទេស ដោយប្រើប័ណ្ណ ប.ស.ស.។ កម្មការិនីរោងចក្រកាត់ដេរ​សំលៀកបំពាក់​ ឈ្មោះ កួន ស្រីទូច ដែលមកសម្រាលកូនទី២ នៅក្នុងមន្ទីរពេទ្យព្រះអង្គឌួង ដោយប្រើប័ណ្ណសមាជិក ប.ស.ស. ប្រាប់ថា គាត់មិនមានការចំណាយលុយក្នុងការសម្រាលកូន និងសម្រាកក្នុងមន្ទីរពេទ្យនោះទេ ហើយថែមទាំងទទួលបានលុយឧបត្ថម្ភពីរាជរដ្ឋាភិបាល ៨០ម៉ឺនរៀលទៀត។ កម្មការិនីរូបនេះ លើកឡើងថា មុនពេលសម្រាលកូន ​គាត់ក៏ទទួលបានលុយ ៨ម៉ឺនរៀល សម្រាប់ការពិនិត្យផ្ទៃពោះម្តងផងដែរ។ កម្មការិនី កួន ស្រីទូច ប្រាប់ថា ដើម្បីទទួលបានអត្ថប្រយោជន៍ទាំងនេះ គឺមិនពិបាកទេ ដោយមុនដំបូងត្រូវយកឯកសារទៅដាក់នៅការិយាល័យ ប.ស.ស. រួមមាន ប័ណ្ណ ប.ស.ស. អត្តសញ្ញាណប័ណ្ណ សៀវភៅពិនិត្យផ្ទៃពោះ ដើម្បីទទួលឯកសារបញ្ជាក់ពី ប.ស.ស. បន្ទាប់មកគឺភ្ជាប់ឯកសារនោះ យកទៅពិនិត្យផ្ទៃពោះ និងសម្រាលកូន នៅមន្ទីរពេទ្យបានហើយ។ ចំណែកកម្មការិនីរោងចក្រកាត់ដេរសំលៀកបំពាក់ម្នាក់ទៀត ឈ្មោះ ជឹម ហ៊ា ដែលត្រៀម​សម្រាលកូនដំបូង ​នៅមន្ទីរពេទ្យព្រះអង្គឌួងនេះដែរ ប្រាប់ថាគាត់តែងមកពិនិត្យផ្ទៃពោះជាទៀងទាត់​តាម​កាលកំណត់របស់គ្រូពេទ្យ។ កម្មការិនីរូបនេះ សម្តែងភាពរីករាយចំពោះការទទួលបាន​អត្ថប្រយោជន៍បន្ថែមពីការប្រើប័ណ្ណ ប.ស.ស. ​ដោយសារការពិនិត្យផ្ទៃពោះមិនអស់លុយ ហើយថែមទាំងទទួលបានលុយ ៨ម៉ឺនរៀលសម្រាប់ការពិនិត្យផ្ទៃពោះម្តង រួមនិងទទួលបានលុយ ៨០ម៉ឺនរៀល ពេលសម្រាលកូនទៀត។ បន្ថែមពីនេះ ក្រោយពេលសម្រាលកូន គាត់នឹងទទួល​បាន​លុយឧបត្ថម្ភ រហូតដល់កូនអាយុក្រោម២ឆ្នាំផងដែរ។ អនុប្រធានការិយាល័យនៃមន្ទីរពេទ្យព្រះអង្គឌួង ទទួលបន្ទុកផ្នែក ប.ស.ស. លោកស្រី ឃួន វ៉ាន់ឌី បង្ហាញថា រយៈពេល៩ខែ ក្នុងឆ្នាំ២០២៣នេះ មានស្ត្រីមកពិនិត្យផ្ទៃពោះ និងសម្រាលកូន ចំនួនជាង​២ម៉ឺន៦ពាន់នាក់ នៅមន្ទីរពេទ្យព្រះអង្គឌួង តាមរយៈការប្រើប័ណ្ណ ប.ស.ស.។ លោកស្រី លើកទឹកចិត្តចំពោះស្ត្រីមានផ្ទៃពោះ មានប័ណ្ណ ប.ស.ស. មកពិនិត្យផ្ទៃពោះឲ្យ​បាន​ទៀតទាត់​តាមកាលកំណត់របស់គ្រូពេទ្យ​ ដើម្បីធានាបាននូវសុវត្ថិភាពរបស់ម្តាយ និងកូនក្នុងផ្ទៃ ក៏ដូចជាអាចទទួលបានប្រាក់ឧបត្ថម្ភពី ប.ស.ស. បានឆាប់រហ័សផងដែរ។ លោកស្រី បញ្ជាក់ថា ខាង ប.ស.ស. បានផ្តល់កម្មវិធីស្វ័យ ប្រវត្តិកម្មទិន្នន័យ មកខាងមន្ទីរពេទ្យ ដែលមាន​ភាពងាយស្រួលសម្រាប់មន្ទីរពេទ្យអាចបញ្ចូលព័ត៌មានរបស់ស្ត្រីមកពិនិត្យ និងសម្រាល​កូន​នៅក្នុងមន្ទីរពេទ្យ ហើយបញ្ជូនទៅកាន់ផ្នែក ប.ស.ស. វិញ បានឆាប់រហ័ស​ដើម្បីបើកប្រាក់ឧបត្ថម្ភរបស់រាជរដ្ឋាភិបាល ជូនអ្នកជំងឺមានផ្ទៃពោះ។ សូមបញ្ជាក់ថា ក្រោយពេលដែលស្ត្រីមានផ្ទៃពោះ បានបំពេញតាមលក្ខខណ្ឌកំណត់ហើយនោះ ប.ស.ស. នឹងចាប់ផ្ដើមទទួលបានប្រាក់ឧបត្ថម្ភ ​ជា៣ដំណាក់កាល ស្មើនឹងចំនួន ១៥លើក គឺចាប់តាំងពីពិនិត្យផ្ទៃពោះ ​ពេលសម្រាលកូន រហូតដល់កូនមានអាយុក្រោម២ឆ្នាំ។ ក្នុងនោះសម្រាប់ដំណាក់កាលទី១ ជាដំណាក់កាលដែលស្ត្រីទៅពិនិត្យផ្ទៃពោះចំនួន ៤ដង ដោយការពិនិត្យផ្ទៃពោះក្នុងមួយដងៗនឹងទទួលបានប្រាក់ចំនួន ៨ម៉ឺនរៀល។ ដំណាក់កាលទី២ នៅពេលសម្រាល ដែលនឹងទទួលបានប្រាក់ឧបត្ថម្ភចំនួន ៨០ម៉ឺនរៀលសម្រាប់កូនមួយ បើក្នុងករណីកូនភ្លោះពីរ ទទួលបានប្រាក់ឧបត្ថម្ភចំនួន ១លាន២សែនរៀល ហើយបើកូនភ្លោះបី នឹងទទួលបានរហូតដល់ ១លាន៦សែនរៀល ព្រមទាំងប្រាក់ឧបត្ថម្ភផ្ទាល់របស់សម្ដេចតេជោ និងសម្តេចកត្តិព្រឹទ្ធបណ្ឌិត ប៊ុន រ៉ានី ហ៊ុន សែន ចំនួន ៥លានរៀលបន្ថែមទៀត។ ចំណែក ដំណាក់កាលទី៣ ជាដំណាក់ក្រោយសម្រាល រហូតកូនមានអាយុក្រោម២ឆ្នាំ នឹងទទួលបាន​ការឧបត្ថម្ភបន្ថែមចំនួន ១០លើក ដោយក្នុងមួយលើកៗទទួលបានថវិកាចំនួន ៨ម៉ឺនរៀល ក្នុងនោះមានការពិនិត្យសុខភាពសម្រាប់ម្តាយចំនួន៣លើក និងការចាក់វ៉ាក់សាំង​សម្រាប់កូន ចំនួន៧លើក។ លើសពីនេះ ស្រ្តីមានផ្ទៃពោះទាំងអស់ ដែលបានបំពេញគ្រប់លក្ខខណ្ឌរបស់ ប.ស.ស នឹងទទួលបានប្រាក់បំណាច់មាតុភាពចំនួន ១២០ភាគរយ នៃប្រាក់ឈ្នួល ដោយ​៥០ភាគរយ​ទទួលបានពីម្ចាស់រោងចក្រ និង៧០ភាគរយបានពី ប.ស.ស ព្រមទាំង​អត្ថប្រយោជន៍​ផេ្សងៗជាច្រើនទៀត៕

កម្ពុជា-វៀតណាម ឯកភាពលើការបន្តលើកកម្ពស់កិច្ចសហប្រតិបត្តិការលើគ្រប់វិស័យ

2023/10/11 12:03:25 pm        103
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បាន​អនុញ្ញាត​ឱ្យ ឯកឧត្តម ង្វៀន ហ៊ុយតាំង ឯកអគ្គរដ្ឋទូតវៀតណាមប្រចំាកម្ពុជា ចូលជួ​ប​សម្តែង​ការ​គួរ​សម និងពិភាក្សាការងារ នាព្រឹកថ្ងៃទី១១ ខែ តុលា ឆ្នាំ២០២៣ នៅវិមានសន្តិភាព។ ជាកិច្ចចាប់ផ្តើមសម្តេចធិបតីនាយករដ្ឋមន្ត្រី បាន​សម្តែង​នូវ​ការ​ស្វាគមន៍​ចំពោះ​វត្ត​មាន​របស់​ឯកឧត្តម​ ឯកអគ្គរដ្ឋទូតវៀតណាម ក្នុងជំនួបថ្ងៃនេះ ដែល​ជា​ឱកាស​ដើម្បី​ពិភាក្សា​អំពី​ការ​បន្ត​ពង្រឹង​ និងពង្រីកកិច្ចសហប្រតិបត្តិការរវាងកម្ពុជា និងវៀតណាម ដែល​មាន​ទំនាក់​ទំនង​ជា​ប្រវត្តិសាស្ត្រ ។ក្នុងឱកាសនៃជំនួបនេះ ឯកឧត្តម ង្វៀន ហ៊ុយតាំង បានស​ម្តែង​នូវ​ការ​អបអរ​សាទរ​សារ​ជា​ថ្មី​ជូន​សម្តេច​ធិបតី​ចំពោះ​ការ​ចូល​កាន់​មុខ​តំណែង​ជា​នាយករដ្ឋមន្រ្តី​នៃ​ព្រះរាជាណាចក្រកម្ពុជា​ព្រម​ទាំង​បាន​ជូន​ពរ សម្តេចធិបតី ទទួលបាននូវជោគជ័យក្នុងភារកិច្ចដ៏ឧត្តុង្គឧត្តមនេះ។ ឯកឧត្តមឯកអគ្គរដ្ឋទូតក៏បានថ្លែងនូវការកោតសរសើរចំពោះការអភិវឌ្ឍឥតឈប់ឈរលើគ្រប់វិស័យ​របស់ប្រទេសកម្ពុជា ជាពិសេសក្នុងរយៈកាលចុងក្រោយនេះ គឺការ​គ្រប់គ្រង​ប្រកបដោយ​ប្រសិទ្ធភាព​នូវ​ការរីករាលដាលនៃជំងឺកូវីដ-១៩ ដែលពិតជា​បាន​បង្ក​លក្ខណៈ​ដល់​ដំណើរ​ការរៀប​ចំ​ព្រឹត្តិការណ៍ជាតិ និងអន្តរជាតិសំខាន់ៗ ជាអាទិ៍៖ កិច្ចប្រជុំកំពូលអាស៊ានលើកទី៤០ និង៤១ ព្រម​ទាំងកិច្ចប្រជុំកំពូលពាក់ព័ន្ធ, ព្រឹត្តិការណ៍ប្រកួតកីទ្បាអាស៊ីអាគ្នេយ៍លើកទី៣២ និងការ​ប្រកួត​កីឡា​អាស៊ានប៉ារ៉ាហេ្គមលើកទី១២ នៅក្នុងឆ្នាំ២០២៣ និងការបោះឆ្នោតជ្រើសតាំងតំណាងរាស្រ្ត នីតិកាលទី៧ នៃរដ្ឋសភា ជាដើម ។ល។ ឯកឧត្តមអគ្គរដ្ឋទូត ក៏បានសម្តែងផងដែរនូវភាពសប្បាយរីករាយ​ចំពោះ​ទំនាក់​ទំនង​ទ្វេភាគី​កម្ពុជា​-វៀតណាម ដែលមានការរីកចម្រើនលូតលាស់ជាលំដាប់លើគ្រប់វិស័យ ហើយ​រដ្ឋាភិបាល​វៀតណាម​បេ្តជ្ញាពង្រីកកិច្ចសហប្រតិបត្តិការនានាដែលមានស្រាប់នៅគ្រប់កម្រិត ជាពិសេស​វិស័យ​ពាណិជ្ជកម្ម, ទេសចរណ៍, ការពារជាតិ និងសន្តិសុខ ក៏ដូចជានឹ​ង​បន្ត​សំឡឹង​មើល​វិស័យ​សក្តានុ​ពល​ថ្មី​ៗ​បន្ថែមទៀត។ បន្ថែមពីនេះទៀត ឯកឧត្តមឯកអគ្គរដ្ឋទូតវៀតណាម បានបង្ហាញនូវ​បំណង​ក្នុង​ការ​គោរព​អញ្ជើញ​សម្តេច​ធិបតី ទៅបំពេញទស្សនកិច្ចផ្លូវការនៅក្នុងប្រទេសវៀតណាម ក្នុងពេលឆាប់ៗខាងមុខនេះ ។ជាចុងក្រោយ សម្តេចធិបតីនាយករដ្ឋមន្ត្រី និងឯកឧត្តមឯកអគ្គរដ្ឋទូតវៀតណាម បាន​ឯកភាព​លើការបន្តលើកកម្ពស់កិច្ចសហប្រតិបត្តិការលើគ្រប់វិស័យ ជាពិសេសក្នុងវិស័យពាណិជ្ជកម្ម, ទេសចរណ៍ និងការពារជាតិ ។ ដោយឡែក ជំនួបនេះ ក៏បានផ្តោត​ការ​ពិភាក្សា​ផង​ដែរ​អំពីយន្តការ​ត្រី​ភាគី​កម្ពុជា-ឡាវ-វៀតណាម សំដៅពង្រឹង និងពង្រីកកិច្ចសហប្រតិបត្តិការឱ្យកាន់តែជិតស្និទ្ធ និងរឹងមាំបន្ថែមទៀត៕

ប្រធានាធិបតីអ៊ុយក្រែន សាទរដំណឹងល្អពីជំនួយការពារដែនអាកាស បន្ទាប់ពីកិច្ចពិភាក្សានៅប្រទេសរូម៉ានី

2023/10/11 11:52:29 am        102
Facebook Telegram Linkin
ប្រធានាធិបតីអ៊ុយក្រែន លោក Volodymyr Zelenskiy បាននិយាយកាលពីថ្ងៃអង្គារ (១០ តុលា) ថា លោកមាន «ដំណឹងល្អ» ស្តីពីការផ្គត់ផ្គង់កាំភ្លើងធំ និងប្រព័ន្ធការពារអាកាស បន្ទាប់ពីបានពិភាក្សាជាមួយប្រធានាធិបតីរ៉ូម៉ានី លោក Klaus Iohannis ក្នុងទីក្រុងប៊ុយការ៉េស (Bucharest) ប៉ុន្តែមិនបានផ្តល់ព័ត៌មានលម្អិតនោះទេ។លោក Zelenskiy ក៏បាននិយាយផងដែរថា អ្វីគ្រប់យ៉ាងដែលអាចធ្វើទៅបាន គួរតែត្រូវបានធ្វើ ដើម្បីទប់ស្កាត់ប្រទេសរុស្ស៊ី បង្វែរផ្នែកមួយនៃសមុទ្រខ្មៅ ឬតំបន់ Danube ទៅជាអ្វីដែលលោកបានពិពណ៌នាថា ជា «តំបន់ស្លាប់» នៃដែនសមុទ្រ។ រុស្ស៊ីបានដកខ្លួនចេញពីកិច្ចព្រមព្រៀង ដែលធានាការនាំចេញគ្រាប់ធញ្ញជាតិអ៊ុយក្រែន ប្រកបដោយសុវត្ថិភាពតាមរយៈសមុទ្រខ្មៅ ហើយបាននិងកំពុងវាយប្រហារហេដ្ឋារចនាសម្ព័ន្ធកំពង់ផែអ៊ុយក្រែននៅលើទន្លេ Danube ផងដែរ។លោក Zelenskiy ក៏បានលើកឡើងអំពីជម្លោះរវាងអ៊ីស្រាអែល និងប៉ាឡេស្ទីន ដោយលោកបានរំលឹកឡើងវិញថា លោកជឿថា នោះជាផលប្រយោជន៍របស់រុស្ស៊ី ក្នុងការធ្វើឱ្យមានសង្រ្គាមនៅមជ្ឈិមបូព៌ា។ អ្នកនាំពាក្យវិមានក្រឹមឡាំង លោក Dmitry Peskov បាននិយាយនៅមុននោះបន្តិចថា ការផ្តល់យោបល់របស់លោក Zelenskiy កាលពីថ្ងៃចន្ទ ថាជាផលប្រយោជន៍របស់រុស្ស៊ី ក្នុងការបង្កសង្គ្រាមនៅមជ្ឈិមបូព៌ា ដើម្បីធ្វើឱ្យការរួបរួមជាសកលចុះខ្សោយនោះ គឺជាការលើកឡើងដោយគ្មានមូលដ្ឋានច្បាស់លាស់ទាល់តែសោះ៕

បណ្ដាញសង្គម

ព័ត៌មានថ្មីៗ

អង្គការណាសារកឃើញភ័ស្តុតាងដែលអាចបញ្ជាក់ពីជីវិតបុរាណផុតពូជនៅលើភពព្រះអង្គារ
09/11/2025 09:09 PM
Facebook Telegram Linkin
ជំរំជនភៀសខ្លួននៅម៉ាឡាវីប្រឈមនឹងការកាត់បន្ថយជំនួយ ខណៈមូលនិធិ UNHCR ធ្លាក់ចុះ
09/11/2025 09:09 PM
Facebook Telegram Linkin
បុរសជនជាតិស៊ូដង់ ជួបជុំគ្រួសារវិញ ក្រោយរត់ភៀសខ្លួនពីទីក្រុងហែកហួរដោយភ្លើងសង្រ្គាម al-Fashir
09/11/2025 09:09 PM
Facebook Telegram Linkin
ការអប់រំផ្តល់ជាខ្សែជីវិតថ្មីសម្រាប់ក្មេងៗជនភៀសខ្លួនហ្កាហ្សានៅប្រទេសអារ៉ាប់រួម
09/11/2025 09:09 PM
Facebook Telegram Linkin
បារាំង សន្យាពង្រឹងកិច្ចសហប្រតិបត្តិការ គាំទ្រផែនការអាទិភាពរបស់ក្រសួងសុខាភិបាល
09/11/2025 09:09 PM
Facebook Telegram Linkin
មេដឹកនាំស្លូវ៉ាគី លោក Fico កំណត់លក្ខខណ្ឌ ដើម្បីគាំទ្រការដាក់ទណ្ឌកម្មរុស្ស៊ីបន្ថែមទៀត
09/11/2025 08:09 PM
Facebook Telegram Linkin
នេប៉ាល់ចាប់បានអ្នកទោសជិត ២០០នាក់វិញ ខណៈរាប់ពាន់នាក់ទៀត កំពុងរត់គេចខ្លួន
09/11/2025 08:09 PM
Facebook Telegram Linkin
ក្រុមហ៊ុន VISA Worldwide Pte. Limited គាំទ្រគម្រោងរបស់ក្រសួងទេសចរណ៍លើការអភិវឌ្ឍន៍ប្រព័ន្ធទេសចរណ៍វៃឆ្លាត
09/11/2025 08:09 PM
Facebook Telegram Linkin
ភាគហ៊ុនអាស៊ីជួបប្រទះលំហូរចេញនៃទុនបរទេសប្រចាំខែជាលើកទី១ រយៈពេល ៤ខែ ក្នុងខែសីហា
09/11/2025 07:09 PM
Facebook Telegram Linkin
នគរបាលជាតិកម្ពុជា និងនគរបាលភូមិន្ទថៃ ជួបពិភាក្សាលើការពង្រឹងកិច្ចសហការទប់ស្កាត់ និងបង្ក្រាបបទល្មើសឆ្លងដែន ជាពិសេសបទល្មើសឆបោកតាមប្រព័ន្ធបច្ចេកវិទ្យា
09/11/2025 07:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.