នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គម្រោងស្ពានឆ្លងកាត់ទន្លេបាសាក់ (ចាក់អង្រែក្រោម-ព្រែកប្រា) និងផ្លូវតភ្ជាប់ សម្រេចបាន ៤៥% ហើយ ដែលលឿនជាងផែនការ ៤,១១%
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល

នយោបាយ​ និង ការអភិវឌ្ឍន៍

ប្រទេសស្វីសសន្យាចូលរួមចំណែកក្នុងការស្តារគម្របព្រៃឈើកម្ពុជា​ឡើងវិញ

2023/10/11 09:34:38 am        115
Facebook Telegram Linkin
ភ្នំពេញ៖ ឯកឧត្តម Pedro Zwahlen ឯកអគ្គរដ្ឋទូតស្វីសបានថ្លែងថា នឹង​រួម​ចំណែក​ក្នុង​ការស្តារ​ព្រៃឈើ​ឡើង​វិញ​ជាមួយក្រសួងបរិស្ថាន ដើម្បីពង្រីកវិសាលភាពគម្របព្រៃឈើ ធានា​បាន​នូវ​អព្យា​ក្រឹត្យ​កាបូន និងចូលរួមសម្រេចគោលដៅគម្របព្រៃឈើ ៦០% នៅឆ្នាំ២០៥០ នៃ​យុទ្ធសាស្ត្រ​បញ្ចកោណ។ការថ្លែងឡើងនេះ នៅក្នុងជំនួបសម្តែងការគួរសម និង​ពិភាក្សា​ការងារ​ជា​មួយ​ឯក​ឧត្តម​រដ្ឋ​មន្រ្តី​ក្រសួង​បរិស្ថាន នៅរសៀលថ្ងៃទី១០ ខែតុលា ឆ្នាំ២០២៣ នាទីស្តីការក្រសួង ។ឯកឧត្តម​រដ្ឋមន្ត្រី បានជម្រាប ឯកឧត្តមឯកអគ្គរដ្ឋទូតស្វីស ថាក្រសួងបរិស្ថានបានប្រកាសបើក យុទ្ធនា​ការដាំដើមឈើយ៉ាងតិច ១លានដើម នៅថ្ងៃទី១០ តុលា ២០២៣ ដើម្បី​ធ្វើ​ការ​ស្តារ​គម្រប​ព្រៃ​ឈើ ដែលជាអាទិភាពទី២ របស់ក្រសួងបរិស្ថាន។ ឯកឧត្តម​ឯកអគ្គរដ្ឋទូត បានធ្វើការ​គាំទ្រ​យ៉ាង​ពេញ​ទំហឹង​ក្នុង​ការ​ចូលរួម​ចំណែក​គ្រប់​គ្រង​ការ​ប្រែប្រួល​អាកាសធាតុ និងធនធានធម្មជាតិដើម្បីឱ្យក្រសួងបរិស្ថានសម្រេចបាននូវភាពស្អាត បៃតង និងចីរភាពជូនកម្ពុជា៕

រាជរដ្ឋាភិបាលកម្ពុជា ផ្តល់ប្រាក់ឧបត្ថម្ភ ៥ម៉ឺនរៀល ជូនដល់មន្ត្រីរាជការស៊ីវិល ក្នុងឱកាសបុណ្យភ្ជុំបិណ្ឌប្រពៃណីជាតិ ឆ្នាំ២០២៣

2023/10/11 09:10:08 am        642
Facebook Telegram Linkin
ភ្នំពេញ៖ រាជរដ្ឋាភិបាលកម្ពុជា បានផ្តល់ប្រាក់ឧបត្ថម្ភ ចំនួន ៥០ ០០០ រៀល (ប្រាំម៉ឺន)ក្នុងម្នាក់ នា​ឱកាស​បុណ្យភ្ជុំបិណ្ឌប្រពៃណីជាតិឆ្នាំ២០២៣ ដំណាលគ្នាជាមួយ​នឹង​ការ​ផ្តល់​បៀវត្ស​ប្រចាំ​ខែ​តុលា​។ នេះបើយោងអនុក្រឹត្យលេខ៧១ អនក្រ.បក ចុះថ្ងៃទី៣១ ខែមីនា ឆ្នាំ២០២៣ ស្តីពីការផ្តល់ប្រាក់ឧបត្ថម្ភក្នុងឱកាសពិធីបុណ្យចូលឆ្នាំថ្មីប្រពៃណីជាតិ និងយោងសេចក្តីជូនដំណឹងស្តីពី «ការបើកផ្តល់ប្រាក់បៀវត្សជូនមន្ត្រីរាជការស៊ីវិលសម្រាប់ខែតុលា ឆ្នាំ២០២៣» របស់ក្រសួងមុខងារសាធារ ចេញផ្សាយកាលពីថ្ងៃទី១៣ ខែកញ្ញា ឆ្នាំ២០២៣។ សូមជម្រាបជូនថា ការផ្តល់ប្រាក់ឧបត្ថម្ភរបស់រាជរដ្ឋាភិបាលក្នុងឱកាសពិធីបុណ្យជាតិសំខាន់ៗ រួមមានពិធីបុណ្យភ្ជុំបិណ្ឌ និងចូលឆ្នាំប្រពៃណីខ្មែរ បានចាប់ផ្តើមអនុវត្តតាំងពីអាណត្តិមុនៗមក ក្រោម​ការដឹកនាំដ៏ខ្ពង់ខ្ពស់របស់ សម្តេចអគ្គមហាសេនាបតីតេជោ ហ៊ុន សែន ហើយ​បាន​បន្ត​អនុវត្ត និងផ្តល់ជូនក្នុងអាណត្តិទី៧ ក្រោមការដឹកនាំដ៏ខ្ពង់ខ្ពស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ដោយ​ផ្អែក​លើ​លទ្ធភាព​ដែល​រាជរដ្ឋាភិបាល​បាន​សន្សំ​សំចៃ ដើម្បីចែករំលែកដល់មន្ត្រីរាជការគ្រប់ប្រភេទ។ គួររម្លឹកផងដែរថា ក្នុងដំណាក់កាលនៃការរាតត្បាតជំងឺកូវីដ-១៩ បើទោះ​បី​ប្រទេស​កំពុង​ជួប​វិបត្តិ​ទាំង​សេដ្ឋកិច្ច និងសង្គម ប្រាក់បៀវត្ស និងប្រាក់ឧបត្ថម្ភផ្សេងៗរបស់មន្រ្តីរាជការស៊ីវិល មន្រ្តី​ជាប់​កិច្ច​សន្យា មន្រ្តីក្រុមប្រឹក្សារាជធានី ខេត្ត ក្រុង ស្រុក ខណ្ឌ ឃុំ សង្កាត់ និងមន្រ្តីភូមិ ត្រូវ​បាន​បើក​ផ្តល់​ជា​ទៀង​ទាត់។ ខណៈនោះដែរ រាជរដ្ឋាភិបាលកម្ពុជា ទោះបីមិនត្រូវបានដំឡើង ប៉ុន្តែ​ប្រាក់​បៀ​វត្ស​ និងប្រាក់ឧបត្ថម្ភមិនត្រូវបានកាត់បន្ថយឡើយ ហើយ​ការ​ផ្តល់​ប្រាក់​ឧបត្ថម្ភ​ជូន​មន្រ្តីរា​ជ​ការ​ក្នុង​ឱកាស​ពិធី​បុណ្យចូលឆ្នាំប្រពៃណីជាតិ និងពិធីបុណ្យភ្ជុំបិណ្ឌ នៅផ្តល់ជូនជាធម្មតា។ ការណ៍នេះ បានសបញ្ជាក់យ៉ាងច្បាស់ពីកិច្ចខិតខំប្រឹងប្រែង និង​ការ​យក​ចិត្តទុកដា​ក់​ខ្ពស់​បំផុត​របស់​ប្រមុខ​រាជរដ្ឋាភិបាល ពីមួយដំណាក់កាលទៅមួយដំណាក់កាល ក្នុងការបន្ត​ការ​ពារ​អត្ថ​ប្រយោជន៍​ ការឧបត្ថម្ភគាំទ្រ និងលើកទឹកចិត្តដល់មន្ត្រីរាជការគ្រប់ប្រភេទ ដែលបាន និង​កំពុង​បំពេញ​បេសកកម្មបម្រើប្រជាជន និងប្រទេសជាតិ៕

កុមារី៥៨៩នាក់នៅខេត្តកោះកុង បានចាក់ថ្នាំបង្ការជំងីមហារីកមាត់ស្បូន

2023/10/10 04:24:07 pm        303
Facebook Telegram Linkin
កោះកុង៖ គិតត្រឹមថ្ងៃទី៩ ខែតុលា មានក្រុមកុមារី៥៨៩នាក់ ដែលបានទទួល​សេវាចាក់ថ្នាំ​បង្ការការពារជំងឺមហាមាត់ស្បូនដោយឥតគិតថ្លៃ ខណៈនៅសល់តែ២ថ្ងៃទៀតទេ នឹងបិទបញ្ចប់យុទ្ធនាការដ៏មានសារៈសំខាន់មួយនេះ។លោកស្រី ឆេង ចិន្តា មន្រ្តីទទួលបន្ទុកកម្មវិធីផ្តល់ថ្នាំបង្ការនៃមន្ទីរសុខាភិបាលខេត្តកោះកុង បាន​លើកឡើងនៅថ្ងៃទី១០ ខែតុលាថា យុទ្ធនាការចាក់ថ្នាំ​បង្ការការពារជំងឺ​មហាមាត់ស្បូន​ដល់​កុមារីអាយុ៩ឆ្នាំ ផ្តើមឡើងតាំង​ពីថ្ងៃទី៥​ ខែតុលា មកម្ល៉េះ ​ដោយគិតត្រឹមថ្ងៃទី៩ ខែតុលា មានចំនួន៥៨៩នាក់ ​បានចាក់ថ្នាំ។ បច្ចុប្បន្នក្រោមការយកចិត្តទុកដាក់ខ្ពស់ពីសំណាក់ក្រុមគ្រូពេទ្យ បាននឹងកំពុងអនុវត្តចុះផ្តល់សេវាផ្ទាល់ដល់គ្រឹះស្ថានសាលារៀនរដ្ឋ ​និងឯកជនក្នុងទូទាំងខេត្ត។បើតាមលោកស្រី ឆេង ចិន្តា ការផ្តល់សេវាចាក់ថ្នាំបង្ការជំងឺមហារីកមាត់ស្បូន ត្រូវបានម្តាយឪពុក និង​អាណាព្យាបាល ពិសេសរូបពួកគេផ្ទាល់ ​បង្ហាញការគាំទ្រយ៉ាងខ្លាំង ​ដោយយល់ថា កូនៗ​ពួកគាត់​នឹងរួចផុតពីជំងឺរោគស្រ្តីដែលកំពុងមានការព្រួយបារម្ភ នាពេលបច្ចុប្បន្ន។មន្រ្តីទទួលបន្ទុកកម្មវិធីផ្តល់ថ្នាំបង្ការនៃមន្ទីរសុខាភិបាលខេត្តកោះកុង ​បន្ថែមថា ទោះបីជា​ផុតថ្ងៃទី១២ ខែតុលា ត្រូវបានបិទបញ្ចប់យុទ្ធនាការនេះយ៉ាងណាក្តី ក៏មានក្រុមគ្រូពេទ្យចុះផ្តល់​សេវា​ចាក់ជូនកុមារីដែលមិនទាន់ចាក់នៅតាមសហគមន៍​នាពេលខាងមុខបន្តទៀត ដូច្នេះសូមកុំ​ឱ្យ​ម្តាយឪពុក ឬអាណាព្យាបាលកុមារ ​មានការព្រួយបារម្ភថា​ខ្វះថ្នាំបង្ការសម្រាប់ចាក់ជូន។ តាមតារាងផែនការដែលមានគ្រោងទុកចាក់ថ្នាំបង្កាជំងឺមហារីកមាត់ស្បូននៅខេត្តកោះកុង គឺមានកុមារីប្រមាណ ១.០៣១នាក់ដែលនឹងត្រូវទទួលថ្នាំបង្ការនេះ។កន្លងទៅថ្មីៗ លោក អន សុធារិទ្ធ អភិបាលរងខេត្តកោះកុង ​បានឱ្យដឹងថា ជំងឺ​មហារីកមាត់ស្បូន​ជា​និច្ចកាលត្រូវបានគេប្រសិទ្ធនាមថាជា" ឃាតកលាក់មុខ " ​ហើយក៏ជាជំងឺមួយ ដែលអាចការពារ​បានទាំងស្រុងផងដែរ​ដោយសារថ្នាំបង្ការ។ ​វីរុសមហារីកស្បូនវាបង្កឱ្យកើតជំងឺ​មហារីកមាត់​ស្បូន ហើយជំងឺ នេះជាមូលហេតុ​ចម្បងទីបួន​នៃការស្លាប់​របស់​ស្ត្រី​ដោយ​ជំងឺមហារីក​នៅទូទាំង​ពិភពលោក​ហើយភាគច្រើនកើតនៅក្នុងប្រទេស ​ដែលមានប្រាក់ចំណូលទាប​ និងមធ្យម ។នៅប្រទេសកម្ពុជាជំងឺមហារីកមាត់ស្បូនគឺជាមូលហេតុ​ចម្បងទី២​ក្នុងចំណោម​ មហារីកគ្រប់ប្រភេទ​ដែលកើតទៅលើស្រ្តីគ្រប់វ័យ ​ដោយយោងទៅតាមរបាយការណ៍របស់អង្កការសុខភាពពិភព​លោកឆ្នាំ ២០២០ ​បានបង្ហាញថា ជំងឺមហារីកមាត់ស្បូនសរុបចំនួនប្រមាណ ​១១៣៥(១១.៤%)ករណី ត្រូវបានធ្វើរោគ​វិនិច្ឆ័យ ហើយ ចំនួន៦៤៣ករណីបានស្លាប់។ ដូច្នេះការផ្តល់ថ្នាំបង្ការ​ជំងឺ​មហារីកមាត់ស្បូនគឺមានប្រសិទ្ធភាពខ្ពស់ក្នុងការការពារស្ដីពីជំងឺមហារីកមាត់ ស្បូនតាមរយៈការកាត់ផ្តាច់នូវការចម្លងមេរោគមហារីកមាត់ស្បូន ។យោងទៅលើការសិក្សាស្រាវជ្រាវតាមបែបវិទ្យាសាស្ត របស់អង្គការសុខភាពពិភព​លោក​នាពេលបច្ចុប្បន្នបានបង្ហាញថា ថ្នាំបង្ការជំងឺមហារីកមាត់ស្បូនចំនួនមួយដូសគឺមានប្រសិទ្ធ ភាព​ខ្ពស់​ប្រមាណពី៨០ ទៅ៩០% ក្នុងការកាត់បន្ថយការឆ្លង ​និងការការពារពី​ជំងឺ​មហារីកមាត់ស្បូន៕ (អត្ថបទ៖ ឈឹម មករា)

រដ្ឋបាលខណ្ឌច្បារអំពៅ រៀបចំទិវាទេសចរណ៍ពិភពលោក ឆ្នាំ២០២៣ ក្រោមប្រធានបទ « ទេសចរណ៍ និងការវិនយោគបៃតង »

2023/10/10 04:15:09 pm        144
Facebook Telegram Linkin
ភ្នំពេញ៖ នាព្រឹកថ្ងៃទី១០ ខែតុលា ឆ្នាំ២០២៣នេះ រដ្ឋបាលខណ្ឌច្បារអំពៅ ដោយមានការចូលរួមពីកម្លាំងអាជ្ញាធរចម្រុះ ​មានមន្ត្រីរាជការ កងកម្លាំងទាំង២ប្រភេទ ក៏ដូចជាក្រុមយុវជន ស.ស.យ.ក បានរៀបចំទិវាទេសចរណ៍ពិភពលោក ឆ្នាំ២០២៣ ក្រោមប្រធានបទ « ទេសចរណ៍ និងការវិនយោគបៃតង » ។លោកចេង មុនីរ៉ា អភិបាលខណ្ឌច្បារអំពៅ ​បានអាននូវសារលិខិតរបស់សម្តេចមហាបវរធិបតី ហ៊ុន ម៉ាណែត ​នាយករដ្ឋមន្ត្រី នៃព្រះរាជាណាចក្រកម្ពុជា ​លើប្រធានបទ « ទេសចរណ៍ និង​ការវិនិយោគបៃតង » ដែល​សុទ្ធ សឹង​ជាអនុសាសន៍ដល់ខ្ពង់ខ្ពស់ ​និងផ្តល់នូវអត្ថន័យដ៏ជ្រាលជ្រៅ ជូនដល់ប្រជាពលរដ្ឋក្នុងប្រទេសជាតិទាំងមូល ​លើការបន្តកែប្រែមុខមាត់ប្រទេស ឈានទៅរកការ​អភិវឌ្ឍ​ផ្នែកទេសចរណ៍ជាតិ ឱ្យកាន់តែខ្លាំងក្លា​ និងកើនឡើងជាលំដាប់ ។ លោកអភិបាលខណ្ឌ បានបន្តថា ​ទិវាទេសចរណ៍ពិភពលោកនេះ គឺ​យុទ្ធនាការសំខាន់​សម្រាប់​អាជ្ញាធររដ្ឋបាលថ្នាក់​ក្រោមជាតិ ​ដែលមាន​កាតព្វកិច្ចត្រូវ​ចុះសម្អាត​បរិស្ថានអនាម័យ​ក្នុង​សង្គមឱ្យបានល្អប្រសើរ​ ប្រកប​ដោយ​សោភណ្ឌភាព ​ដើម្បីប្រែក្លាយ​មុខ​មាត់ប្រទេសជាតិ ឱ្យក្លាយ​ទៅជាទីក្រុងបៃតង ។សូមបញ្ជាក់ថា ទិវាទេសចរណ៍ពិភពលោក ឆ្នាំ២០២៣ ក្រោមប្រធានបទ « ទេសចរណ៍ និង​ការវិនយោគបៃតង » ខាងលើនេះ ​គឺនឹងត្រូវប្រារព្ធឡើង ​នៅថ្ងៃទី២៧ ​ខែកញ្ញា ជារៀងរាល់ឆ្នាំ ផងដែរ ៕ លីហេង

សម្ដេចធិបតី៖ កម្ពុជាកំពុងខិតខំចល័តពលរដ្ឋខ្មែរដែលនៅសេសសល់​ក្នុងតំបន់គ្រោះថ្នាក់​ទៅទីសុវត្ថិភាពគ្រប់ៗគ្នា

2023/10/10 03:39:59 pm        287
Facebook Telegram Linkin
សម្ដេចធិបតី ហ៊ុន ម៉ាណែត នាយករដ្ឋមន្រ្ដីនៃកម្ពុជា បានថ្លែង​បញ្ជាក់​តាម​រយៈ​សារសំឡេង​ពិសេស​នា​រសៀលថ្ងៃទី ១០ ខែតុលា ឆ្នាំ ២០២៣នេះថា នៅក្នុងចំណោមពលរដ្ឋ និង​និស្សិត​ខ្មែរ​ចំនួន​ ៤៥៤ នាក់នោះអាជ្ញាធរបានទាក់ទងបានទាំងអស់គ្នា ខណៈក្នុងចំណោមពលរដ្ឋខ្មែរទាំង ៤៥៤ នាក់ មាន ៣២៣នាក់បានបានចល័តដល់ទីតាំងសុវត្ថិភាព និង ១៥១ នាក់ កម្ពុជា កំពុង​ខិត​ខំ​ធ្វើការជាមួយភាគីអាជ្ញាធរអ៊ីស្រាអែល ដើម្បីចល័តទៅកាន់ទីតាំងសុវត្ថិភាព។ សម្ដេចធិបតី នាយករដ្ឋមន្រ្ដីបានថ្លែងថា គិតត្រឹមម៉ោង ៧ ព្រឹក ថ្ងៃទី ១០ ខែតុលា ឆ្នាំ ២០២៣​នេះ ​រាជរដ្ឋាភិបាលកម្ពុជា កំណត់បាន​ចំនួន​ពលរដ្ឋ​ខ្មែរដែ​ល​មាន​វត្ត​មាន​នៅ​ក្នុង​ប្រទេស​អ៊ីស្រាអែល គឺមានចំនួន ៤៥៤ នាក់ បូករួមទាំងនិស្សិត ១នាក់ បានរងគ្រោះស្លាប់។ សម្ដេច​ធិបតី​បញ្ជាក់ថា នៅក្នុងចំណោមពលរដ្ឋ និងនិស្សិតខ្មែរចំនួន ៤៥៤ នាក់​នោះ​អាជ្ញាធរ​បាន​ទាក់​ទង​បានចំនួន ៤៥៤ នាក់ ពោលគឺទាក់ទងបានទាំងអស់គ្នា ដែលមកដល់ម៉ោងនេះ គឺ​ផ្ទាល់​តែម្ដង​ដែលបញ្ជាក់អំពីសុវត្ថិភាពរបស់បងប្អូនប្រជាពលរដ្ឋខ្មែរនៅក្នុងប្រទេសអ៊ីស្រាអែល។ សម្ដេចធិបតីថ្លែងថា រាជដ្ឋាភិបាល និងស្ថាប័នពាក់ព័ន្ធរបស់កម្ពុជា នៅបន្តតា​ម​ដាន​យ៉ាង​យក​ចិត្ត​ទុក​ដាក់​ រហូត​ដល់​ប្រជាជន​ខ្មែរ​នៅ​ក្នុង​ប្រទេស​អ៊ីស្រាអែល​គ្រប់​រូប​បាន​ដល់​ទី​សុវត្ថិភាព​គ្រប់​ៗ​គ្នា​។សម្ដេចធិបតី បានអំពាវនាវដល់ប្រជាពលរដ្ឋខ្មែរកំពុងរស់នៅប្រទេសអ៊ីស្រាអែលទាំងអស់ ជា​ពិសេស​និស្សិត បន្តយកចិត្តទុកដាក់នូវការថែរក្សាសុវត្ថិភាពផ្ទាល់ខ្លួន ជាពិសេស និស្សិត​បន្ត​យក​ចិត្ត​ទុក​ដាក់​ក្នុង​ការថែរក្សាសុវត្ថិភាពផ្ទាល់ខ្លួន និងគោរពឱ្យបានម៉ឺងម៉ាត់ ចំពោះរាល់​ការ​ណែនាំ​របស់​អាជ្ញាធរ​អ៊ីស្រាអែល។សម្ដេចបាន​អំពាវានវដល់ប្រជាពលរដ្ឋកំពុងរស់នៅអ៊ីស្រាអែល រក្សាភាពស្ងៀមស្ងាត់ និងជឿ​ជាក់​លើ​សមត្ថភាព​របស់អាជ្ញាធរអ៊ីស្រាអែល ដែលជាម្ចាស់ផ្ទះនៅក្នុងការធានាសុវត្ថិភាព ជូ​ន​ប្រជា​ពលរដ្ឋ​ទាំង​អស់ រួមមានប្រជាពលរដ្ឋអ៊ីស្រាអែល និងគ្រប់ជនជាតិ ដែលរស់​នៅ​លើ​ទឹក​ដី​អ៊ី​ស្រាអែល រួមទាំងបងប្អូនខ្មែរផងដែរ។សម្ដេចធិបតីថ្លែងថា រដ្ឋាភិបាលអ៊ីស្រាអែល បានបញ្ជាក់​ប្រាប់​បណ្ដា​ប្រទេស​ដែល​មាន​ប្រជាជន​រស់​នៅ​ក្នុង​ប្រទេសអ៊ីស្រាអែលថា អ៊ីស្រាអែលមានសមត្ថភាពគ្រប់គ្រាន់ ក្នុងការធានាសុវត្ថិភាព ជូន​ប្រជាពលរដ្ឋគ្រប់រូបដែលនៅក្នុងប្រទេស មិនថាប្រជាជនអ៊ីស្រាអែល ឬជនបរទេសនោះទេ គឺ​រដ្ឋាភិបាលអ៊ីស្រាអែល និងផ្ដល់ការជួយជនបរទេសដូចប្រជាជនអ៊ីស្រាអែលផងដែរ៕ អត្ថបទ៖ វ៉ន ដារ៉ា

កាកបាទក្រហមកម្ពុជា អបអរទិវាមនុស្សចាស់កម្ពុជា និងទិវាមនុស្សចាស់អន្តរជាតិ ១តុលា ឆ្នាំ២០២៣

2023/10/10 01:48:15 pm        172
Facebook Telegram Linkin
ភ្នំពេញ៖ ដើម្បីចូលរួមអបអរសាទរ ទិវាមនុស្សចាស់កម្ពុជា និងទិវាមនុស្សចាស់អន្តរជាតិ ១តុលា ឆ្នាំ២០២៣ ក្រោមប្រធានបទ “ការជួយមនុស្សចាស់ គឺជួយយើងទាំងអស់គ្នា” នៅព្រឹក ថ្ងៃទី១០ ខែតុលា ឆ្នាំ២០២៣នេះ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន ​បានរៀបចំពិធីជួបជុំ និងសំណេះសំណាលជាមួយព្រឹទ្ធាចារ្យ ​ជានិវត្តជនចំនួន៣៨នាក់ និង​គ្រួសារនិវត្តន៍ជនដែលបានទទួលមរណភាព ចំនួន ២៧នាក់ សរុបចំនួន ​៦៥នាក់ ដែល​ធ្លាប់បម្រើការងារមនុស្សធម៌យ៉ាងសកម្ម ​ជាមួយកាកបាទក្រហមកម្ពុជា ​នាពេលកន្លងមក ក្រោមអធីបតីភាព លោកជំទាវ ពុំ ចន្ទីនី ​អគ្គលេខាធិការ ​នៅអគារទីស្នាក់ការកណ្តាល កាកបាទ​ក្រហមកម្ពុជា រាជធានីភ្នំពេញ។ក្នុងពិធីនេះលោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជា ​បានអាននូវសារលិខិត របស់​សម្តេចមហាបវរធិបតី ហ៊ុន ម៉ាណែត ​នាយករដ្ឋមន្ត្រី​ ក្នុងឱកាសទិវាមនុស្សចាស់កម្ពុជា និង​ទិវាមនុស្សចាស់អន្តរជាតិ ១តុលា ឆ្នាំ២០២៣។ ក្រោយពីបានអាននូវសារលិខិតរួចមកលោកជំទាវ អគ្គលេខាធិការ​ បានពាំនាំប្រសាសន៍របស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលបានផ្តាំផ្ញើសួរសុខទុក្ខ ការគិតគូរចំពោះគុណបំណាច់របស់និវត្តជនទាំងអស់ ដែលធ្លាប់​មានអនុស្សាវរីយ៍ដ៏សែនកំសត់ និងការពុះពារគ្រប់ឧបសគ្គតាមដងផ្លូវដ៏សែនលំបាក ដើរឆ្លងកាត់​ចម្ការមីន កាត់វាល ចូលព្រៃ និងទីជនបទដាច់ស្រយាល ក្នុងប្រតិបត្តិការមនុស្សធម៌ធំៗកន្លងមក ដើម្បីនាំយកអំណោយមនុស្សធម៌ជូនដល់ដៃជនរងគ្រោះ។គួររំលឹកថា ការប្រារព្ធទិវានេះ ​គឺស្របទៅនឹងគោលនយោបាយរបស់រាជរដ្ឋាភិបាលកម្ពុជា និង​ស្របតាមសេចក្តីសម្រេច របស់អង្គការសហប្រជាជាតិ ​ដែលបាន​ឆ្លុះបញ្ចាំង​ឱ្យឃើញថា មនុស្សវ័យចាស់​ បានបន្សល់ទុកស្នាដៃ គុណូបការៈ ​និងការអប់រំប្រៀនប្រដៅ ប្រកបដោយ​គតិបណ្ឌិត ហើយបានធ្វើឱ្យព្រះរាជាណាចក្រកម្ពុជា យើងមានប្រពៃណី ​ទំនៀមទម្លាប់ដ៏ល្អ មានកេរមរតកសម្បត្តិវប្បធម៌ ​ដែល​សម្បូណ៌បែប ​និងសមិទ្ធផលទាំងឡាយ ត្រូវបានរក្សាគង់វង្សរហូតដល់សព្វថ្ងៃនេះ។ជាមួយគ្នានោះ និវត្តជនទាំងអស់បានថ្លែងថា ទោះបីពួកគាត់បានចូលនិវត្តរ៍ហើយក្តី តែពួកគាត់​មានមោទនភាព ​ចំពោះវឌ្ឍនភាព ​និងសមិទ្ធផលធំធេងរបស់កាកបាទក្រហមកម្ពុជា ក្រោមការ​ដឹកនាំ​ប្រកប​ដោយគតិបណ្ឌិតរបស់ ​សម្តេចកិត្តិព្រឹទ្ធបណ្ឌិតប្រធាន ដែលបានធ្វើឱ្យកាកបាទ​ក្រហមកម្ពុជា មានការទទួលស្គាល់ទាំងថ្នាក់ជាតិ ​និងនៅលើឆាកអន្តរជាតិ។សូមបញ្ជាក់ថា ជាចំណងដៃក្នុងឱកាសជួបជុំគ្នានេះ និវត្តជនទាំង ៣៨នាក់ បានទទួល​អំណោយមនុស្សធម៌ក្នុងម្នាក់ៗ ថវិកា២លានរៀលទៀតផង៕ អត្ថបទៈ សំ ងីម

រដ្ឋមន្រ្តីក្រសួងបរិស្ថានប្រកាសដាក់ចេញយុទ្ធនាការដាំដើមឈើយ៉ាងតិច១លានដើមជារៀងរាល់ឆ្នាំ

2023/10/10 01:42:49 pm        149
Facebook Telegram Linkin
ភ្នំពេញ៖ ឯកឧត្តមបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានប្រកាសដាក់ចេញយុទ្ធនាការដាំដើមឈើ យ៉ាងតិច ១លានដើម ជារៀងរាល់ឆ្នាំចាប់ពីពេលនេះតទៅ។ តាមរយៈយុទ្ធនាការថ្ងៃ១០ តុលានេះ ឯកឧត្តមរដ្ឋមន្រ្តី បានជំរុញឲ្យប្រជាពលរដ្ឋ ចូលរួមដាំដើមឈើ ដាំស្តារព្រៃ ​និងចូលរួមការពារអភិរក្សព្រៃឈើ ​និងបរិស្ថានធម្មជាតិ ​ដើម្បីបង្កើនគម្របព្រៃ និង​អាចលក់កាបូន​ ដើម្បីអាចបង្កើនប្រាក់ចំណូល​នៅក្នុងសហគមន៍។ ​នេះបើតាមសំណេរ​នៅក្នុង​ទំព័រហ្វេសប៊ុក​របស់ក្រសួងបរិស្ថានបង្ហោះនៅថ្ងៃទី១០ខែតុលា ​ឆ្នាំ២០២៣នេះ។យោងតាមសំណេរដដែលបានលើកឡើងពីប្រសាសន៍ ឯកឧត្តម អ៊ាង សុផល្លែត រដ្ឋមន្រ្តី​ក្រសួង​បរិស្ថាន យ៉ាងដូច្នេះថា ដើម្បីធានានិរន្តភាពបរិស្ថាន និងជីវភាពសហគមន៍​ ប្រជាសហគមន៍ ត្រូវនាំគ្នាដាំ​ដើមឈើឱ្យបានច្រើន ​ពីព្រោះដើមឈើគឺជាប្រភពប្រាក់ចំណូល តាមរយៈការទាញចំណូលពីការលក់កាបូន ហើយចំណូលពីការលក់បូន នឹងជួយដល់ការអភិវឌ្ឍហេដ្ឋារចនាសម្ព័ន្ធ និងធ្វើឲ្យប្រជាពលរដ្ឋមានចំណូលបន្ថែម លើសពីចំណូលតាមរយៈភ្ញៀវទេសចរណ៍នាពេលបច្ចុប្បន្ននេះ។ យុទ្ធសាស្រ្តបញ្ចកោណរបស់រាជរដ្ឋាភិបាលកម្ពុជា ក្នុងដំណាក់កាលទី១ នៃមុំទី២ ទី៤ និងទី៥ គឺធានាចីរភាពនៃការអភិវឌ្ឍសង្គម សេដ្ឋកិច្ច និងកសាងភាពធន់ទៅនឹងការប្រែប្រួលអាកាសធាតុ ការអភិវឌ្ឍប្រកបដោយភាពធន់ ចីរភាព និងបរិយាបន្ន ដោយជំរុញការលើកកម្ពស់ ការទាក់ទាញ​វិនិយោគ ក្នុងឧស្សាហកម្មដែលមានតម្លៃបន្ថែមខ្ពស់ និងឧស្សាហកម្មបៃតង។ រដ្ឋាភិបាលមាន​ផែនការ​រក្សាគំរបព្រៃឈើឲ្យបាន ៦០ភាគរយ នៅឆ្នាំ២០៣០។ ឯកឧត្តមរដ្ឋមន្រ្តីក្រសួងបរិស្ថាន បានចាត់ទុក​ ការងារបរិស្ថានគឺមានភាពសំខាន់ជាសកល ដូចនេះ ក្រសួងបានដាក់ចេញយុទ្ធនាការរួមមាន៖ ទី១)ជំរុញនិងចូលរួមក្នុងយុទ្ធនាការ «ថ្ងៃនេះ ខ្ញុំមិនប្រើថង់ប្លាស្ទិកទេ» ចាប់ពីថ្ងៃទី០១ ខែកញ្ញា ឆ្នាំ២០២៣ និងរហូតដល់ពេលនេះ មានការចូលរួមពីសាលាគ្រប់កម្រិតទូទាំងប្រទេសប្រមាណជាង ១ម៉ឺន ១ពាន់ និងសិស្សានុសិស្ស ដែលជាយុវជនជំនាន់ក្រោយជាង ១,៥លាននាក់ ទី២)គឺការស្តារ និងដាំដើមឈើឡើងវិញ ដើម្បីឈានឆ្ពោះទៅទទួលបាននូវអព្យាក្រឹតកាបូន និងការលើកកម្ពស់ជីវភាពប្រជាសហគមន៍ ឆ្លើយតបទៅនឹងការប្រែប្រួលអាកាសធាតុ និង ៣)បង្កើនគម្របព្រៃឈើឲ្យបាន៦០% តាមរយៈការដាំដើមឈើ១លានដើម ក្នុងមួយឆ្នាំ រួមទាំងការដាំឬស្សី ដើម្បីបង្កើនគម្របព្រៃ និងបង្កើនជីវភាពប្រជាជន ព្រមទាំងការចូលរួម​ជាមួយ​ដៃគូនានា ដោះស្រាយបញ្ហាសកល ដែលយកចិត្តទុកដាក់ជាចម្បងទៅ​លើការប្រែប្រួល​អាកាសធាតុ​ជាសកល៕

ខេត្តកោះកុង នឹងមានការប្រណាំងកង់កម្សាន្ត ទៅកាន់តំបន់ទេសចរណ៍ក្នុងស្រុកថ្មបាំង

2023/10/10 01:31:15 pm        335
Facebook Telegram Linkin
កោះកុង៖ ខេត្តកោះកុង នឹងមានការរៀបចំព្រឹត្តិការណ៍ប្រណាំងកង់-ជិះកង់កម្សាន្តរឹតចំណង​មិត្តភាព​ឆ្ពោះទៅកាន់តំបន់ទេសចរណ៍នៅក្នុងស្រុកថ្មបាំង ​នៅថ្ងៃទី៣០ ខែ វិច្ឆិកា ខាងមុខ ដើម្បី​របបអរសាទរខួបលើកទី៤៥ ​នៃថ្ងៃកំណើតសហភាពសហព័ន្ធយុវជនកម្ពុជា។រដ្ឋបាលខេត្តកោះកុង​ បានជូនដំណឹងដល់ស្ថាប័ន ​សមត្ថកិច្ច មន្ទីរ អង្គភាពជុំវិញខេត្ត ម្ចាស់សណ្ឋាគារ ផ្ទះសំណាក់ រោងចក្រ សហគ្រាស ​បណ្តាក្រុមហ៊ុន ធនាគារឯកជន គ្រឹះស្ថានមីក្រូហិរញ្ញវត្ថុ ភោជនីយដ្ឋាន អាហារដ្ឋាន និងសាធារណជនទាំងជ្រាបថា អាជ្ញាធរខេត្ត និងសហភាពសហព័ន្ធយុវជនកម្ពុជាខេត្តកោះកុង​ នឹងរៀបចំព្រឹត្តិការណ៍ប្រណាំងកង់​ និងជិះកង់ កម្សាន្ត ​ដើម្បីរឹតចំណងមិត្តភាពឆ្ពោះទៅតំបន់អេកូទេសចរណ៍​ទឹកធ្លាក់ឆាយតាហ៊ីង ស្ថិតក្នុងស្រុកថ្មបាំង ​នៃខេត្តកោះកុង។លោកជំទាវ មិថុនា ភូថង អភិបាលខេត្តកោះកុង គូសបញ្ជាក់នៅថ្ងៃទី១០ ​ខែតុលា ​ឆ្នាំ២០២៣ថា កម្មវិធីប្រណាំងកង់នេះ ​នឹងប្រព្រឹត្តទៅនាថ្ងៃទី៣០ ខែវិច្ឆិកា ឆ្នាំ២០២៣ វេលាម៉ោង ៨:០០នាទីព្រឹក នៅចំណុចទីតាំងខាងក្រោម៖ ទី១. សម្រាប់អ្នកប្រណាំងកង់អាជីព​ ត្រូវជិះក្នុងរយៈចម្ងាយ ៤៥ គីឡូម៉ែត្រ ​(ដោយចាប់ផ្ដើមពីផ្លូវបំបែក ស្រុកថ្មបាំង ​ទៅដល់ចំណុច​បញ្ចប់​តំបន់អេកូទេសចរណ៍​ទឹកធ្លាក់ឆាយតាហ៊ីង)។ ​ចំណែកឯទី២-សម្រាប់អ្នកជិះកង់កម្សាន្ត ​ត្រូវជិះក្នុងរយៈចម្ងាយ ២០ គីឡូម៉ែត្រ ​(ដោយចាប់ផ្តើម​ពីមុខសាលាស្រុក ថ្មបាំង ទៅ​ដល់ចំណុច​បញ្ចប់​តំបន់អេកូទេសចរណ៍​ទឹកធ្លាក់ឆាយតាហ៊ីង)។លោកជំទាវ មិថុនា ភូថង អះអាងថា មូលហេតុដែល​ផ្តួចផ្តើម​ឱ្យមានជាកម្មវិធីប្រណាំងកង់​លក្ខណៈ​កម្សាន្តនេះ គឺក្នុង​គោលដៅ​លើកស្ទួយ​វិស័យ​ទេសចរណ៍​ក្នុង​ខេត្តកោះកុង និងអបអរសាទរខួប​លើកទី៤៥ នៃថ្ងៃកំណើត​សហភាពសហព័ន្ធយុវជនកម្ពុជា (២ ធ្នូ ១៩៧៨ – ២ ធ្នូ ២០២៣)។ ចំពោះចំនួន​អ្នក​ចូលរួម​មិន​កំណត់នោះទេ ​ហើយមហាជនដែល​ចាប់​អារម្មណ៍ចូលរួមកមុ្មវិធីនេះ​បាន​សូមទំនាក់ទំនង ​តាមរយៈលេខទូរស័ព្ទ ០១៥ ៣៤០ ៧៣៥ / ០១៦ ២៨៨ ៧២៧ / ០៩៧៩ ៨២៤ ៥៤៥ (លេខតេឡេក្រាម) ​រឺតាមរយៈគេហទំព័រហ្វេសប៊ុកផ្លូវការរបស់ ​សហភាពសហព័ន្ធយុវជន​កម្ពុជា ខេត្តកោះកុង ​ចាប់ពីថ្ងៃជូនដំណឹងនេះរហូតដល់ថ្ងៃទី២០ ​ខែវិច្ឆិកា​ ឆ្នាំ២០២៣។ ចំពោះការ​ចុះឈ្មោះ​ចូលរួមព្រឹត្តិការណ៍​ប្រណាំង​កង់នេះដែរ ​តម្រូវឱ្យចូលរួមបង់ប្រាក់​ចំនួន​៤ម៉ឺនរៀល(១០ដុល្លារ)ដោយអ្នកចូលរួម​នឹង​ទទួល​បាននូវអាវយឺតចំនួន១​ អាហារ​ ថ្ងៃត្រង់១ពេល ភេសជ្ជៈ ​ទឹកសុទ្ធ ​និងប័ណ្ណស្លាកសម្គាល់ ​ចំនួន ១។ ក្នុងការចូលរួមព្រឹត្តិការណ៍ជិះកង់នេះដែរ អ្នកចូលរួមត្រូវត្រៀមកង់ ​និងមធ្យោបាយសម្រាប់ដឹក ជញ្ជូនដោយខ្លួនឯង ចំណែកថវិកា​ទទួល​បានពីការចុះឈ្មោះចូលរួម ​ដែលនៅសល់ពីការចំណាយរៀបចំព្រឹត្តិការណ៍ នឹងត្រូវប្រគល់​ជូន​សហភាពសហព័ន្ធយុវជនកម្ពុជាខេត្តកោះកុង​ ដើម្បី​សកម្មភាព​សប្បុរសធម៌​ក្នុងខេត្តកោះកុង។អាជ្ញាធរខេត្តកោះកុង ពលរដ្ឋ និងអាជ្ញាធរ ​ប្រជាពលរដ្ឋខេត្តត្រាត ​ប្រទេសថៃ៦០០នាក់ កាល​ពីថ្ងៃទី២៩ ខែកក្កដា ឆ្នាំ២០២២ ធ្លាប់បានជិះកង់កម្សាន្ត​ដើម្បីសុខភាព និងរឹតចំណងមិត្តភាព​ឡើងវិញ ក្រោយខកខាន២ឆ្នាំដោយសារវិបត្តិជំងឺកូវីដ១៩​ កន្លងទៅ ដែលផ្តើមចេញ​ពី​ច្រកទ្វារព្រំដែន​អន្តរជាតិចាំយាម ​ទៅកាន់ឃុំពាមក្រសោប ​ស្រុកមណ្ឌលសីមា ក្នុងន័យ​ពង្រឹងសម្ព័ន្ធមេត្រីភាព ​សមាគ្គីភាព ​លើកស្ទួយវិស័យកីឡា និងវិស័យទេសចរណ៍តាមព្រំដែន​រវាងប្រទេសទាំងពីរ៕អត្ថបទ៖ ឈឹម មករា

អតីតប្រធានាធិបតីអាមេរិក លោក បារ៉ាក់ អូបាម៉ា និងលោកប៊ីល គ្លីនតុន បាននិយាយអំពីការវាយប្រហាររបស់ក្រុមហាម៉ាស់

2023/10/10 01:13:46 pm        172
Facebook Telegram Linkin
ទីបំផុតអតីតប្រធានាធិបតីអាមេរិក លោក បារ៉ាក់ អូបាម៉ា បាននិយាយអំពីការវាយប្រហាររបស់ក្រុមហាម៉ាសលើអ៊ីស្រាអែល ដែលបានធ្វើឲ្យពិភពលោកភ្ញាក់ផ្អើលយ៉ាងខ្លាំង។កាលពីថ្ងៃចន្ទ លោក អូបាម៉ា បានទម្លាយភាពស្ងៀមស្ងាត់របស់ខ្លួន ដោយបានចេញសេចក្តីថ្លែងការណ៍មួយ ដែលលោកបានប្រកាសយ៉ាងច្បាស់ពីការគាំទ្ររបស់ខ្លួនចំពោះអ៊ីស្រាអែល ខណៈពេលដែលថ្កោលទោសអ្វីដែលលោក បានពណ៌នាថាជា «ការវាយប្រហារភេរវកម្មដ៏អាក្រក់»ដោយក្រុមហាម៉ាស់។ចំណែកអតីតប្រធានាធិបតី លោក ប៊ីល គ្លីនតុន ក៏បានលើកឡើងពីបញ្ហានេះ ជាលើកដំបូង ចាប់តាំងពីវាបានកើតឡើង ដោយបញ្ជាក់ថា លោកថ្កោលទោស«ការវាយប្រហារភេរវកម្មដ៏គួរឲ្យរន្ធត់ ដែលធ្វើឡើងដោយក្រុមហាម៉ាស់នៅក្នុងប្រទេសអ៊ីស្រាអែល»។លោក បារ៉ាក់ អូបាម៉ា អតីតប្រធានាធិបតីសហរដ្ឋអាមេរិក ទីបំផុត បាននិយាយអំពីការវាយប្រហារភេរវកម្មដ៏បំផ្លិចបំផ្លាញ ដែលបានកើតឡើងទៅលើប្រទេសអ៊ីស្រាអែល កាលពីថ្ងៃទី៧ ខែតុលា។ដោយលើកឡើងនៅលើបណ្តាញសង្គម X ដែលពីមុនគេស្គាល់ថា Twitter លោក បានសរសេរថា៖«ប្រជាជនអាមេរិកទាំងអស់ គួរតែមានការរន្ធត់ចិត្ត និងខឹងសម្បាចំពោះការវាយប្រហារភេរវកម្មដ៏សាហាវលើអ៊ីស្រាអែល និងការសម្លាប់ជនស៊ីវិលស្លូតត្រង់។ យើងសោកស្ដាយចំពោះអ្នកដែលបានស្លាប់ សូមអធិដ្ឋានឲ្យអ្នកដែលត្រូវបានគេចាប់ជាចំណាប់ខ្មាំង វិលត្រឡប់មកវិញដោយសុវត្ថិភាព ហើយត្រៀមខ្លួនជួយសម្ព័ន្ធមិត្តរបស់យើង គឺអ៊ីស្រាអែល ខណៈដែលខ្លួនកំពុងកម្ទេចក្រុមហាម៉ាស់នេះ»។

ម៉ិកស៊ិក អំពាវនាវសុំឲ្យបញ្ចប់ការត្រួតពិនិត្យទំនិញនៅរដ្ឋតិចសាស ខណៈដែលអភិបាលរដ្ឋនេះ ធ្វើឲ្យមានភាពស្មុគស្មាញដល់ស្ថានភាពនៃការធ្វើអន្តោប្រវេសន៍

2023/10/10 12:39:25 pm        107
Facebook Telegram Linkin
ប្រទេសម៉ិកស៊ិកកាលពីថ្ងៃចន្ទ បានអំពាវនាវឲ្យរដ្ឋាភិបាលសហរដ្ឋអាមេរិកសម្របសម្រួលជាមួយអាជ្ញាធររដ្ឋតិចសាស ដើម្បីសម្រួលការត្រួតពិនិត្យរថយន្តដឹកទំនិញឆ្លងកាត់ព្រំដែន ខណៈដែលប្រធានាធិបតីរបស់ប្រទេសនេះ បានចោទប្រកាន់អភិបាលរដ្ឋតិចសាសថា«ធ្វើឲ្យមានភាពស្មុគស្មាញដល់ស្ថានភាពនៃការធ្វើអន្តោប្រវេសន៍។ក្រសួងការបរទេសរបស់ប្រទេសម៉ិកស៊ិក បាននិយាយនៅក្នុងសេចក្តីថ្លែងការណ៍មួយកាលពីល្ងាចថ្ងៃចន្ទថា៖«រដ្ឋាភិបាលម៉ិកស៊ិកជំរុញឲ្យរដ្ឋាភិបាលសហរដ្ឋអាមេរិក ធ្វើការសម្រុះសម្រួលជាមួយរដ្ឋតិចសាស ដើម្បីបញ្ឈប់ការត្រួតពិនិត្យពេញលេញទៅលើរថយន្តដឹកទំនិញ ដែលធ្វើឡើងដោយនាយកដ្ឋានសុវត្ថិភាពសាធារណៈរបស់រដ្ឋតិចសាស់»។ក្រុមមន្ត្រីរដ្ឋ បានចាប់ផ្តើមឡើងវិញនូវការត្រួតពិនិត្យរថយន្តដឹកទំនិញ ដែលចំណាយអស់ប្រាក់ និងចំណាយពេលច្រើន កាលពីខែមុន។ អភិបាលរដ្ឋតិចសាស លោក ហ្រ្គេក អាប់បូត ( Greg Abbott) បានអះអាងថា ពួកគេត្រូវការចាំបាច់ ដើម្បីទប់ស្កាត់លំហូរ ជនអន្តោប្រវេសន៍ និងគ្រឿងញៀនខុសច្បាប់ ចូលមកក្នុងប្រទេស។ប្រធានាធិបតីម៉ិកស៊ិក លោក Andres Manuel Lopez Obrador បានហៅវិធានការរបស់លោកអាប់បូត ថា៖«ឯកតោភាគី» និង «គ្មានការទទួលខុសត្រូវ» នៅក្នុងសន្និសីទសារព័ត៌មានមួយ កាលពីព្រឹកថ្ងៃចន្ទ ដោយចោទប្រកាន់អភិបាលរដ្ឋនេះ កំពុងទាញយកផលប្រយោជន៍ពីស្ថានការណ៍ដ៏លំបាកនេះ ខណៈដែលខ្លួនកំពុងឈរឈ្មោះសម្រាប់ការបោះឆ្នោតឡើងវិញ។

បណ្ដាញសង្គម

ព័ត៌មានថ្មីៗ

មន្ត្រីជាន់ខ្ពស់ក្រសួងមហាផ្ទៃណែនាំដល់គណៈអភិបាលខេត្តត្រូវសាមគ្គីឯកភាពផ្ទៃក្នុងដើម្បីប្រសិទ្ធភាពការងារ
09/11/2025 05:09 PM
Facebook Telegram Linkin
ចិនបញ្ជាក់ថា ខ្លួនប្រឆាំងដាច់ណាត់ ចំពោះការបង្ខិតបង្ខំ ខណៈម៉ិកស៊ិកគិតគូរដំឡើងពន្ធលើរថយន្ត
09/11/2025 05:09 PM
Facebook Telegram Linkin
លោក Netanyahu ព្រមានកាតាឲ្យបណ្តេញក្រុមមន្រ្តីហាម៉ាស ពីព្រោះបើពួកគេមិនធ្វើ ពួកយើងនឹងធ្វើវា
09/11/2025 05:09 PM
Facebook Telegram Linkin
សមាជិកសភាបារាំងជំរុញឲ្យមាន «បម្រាមគោចរឌីជីថល» សម្រាប់ក្មេងជំទង់
09/11/2025 05:09 PM
Facebook Telegram Linkin
នាយករដ្ឋមន្រ្តីប៉ូឡូញនិយាយទៅកាន់អ្នកបើកបរយន្តហោះ ក្រោយដែនអាកាសរបស់ខ្លួនត្រូវបានបំពាន
09/11/2025 05:09 PM
Facebook Telegram Linkin
ចក្រភពអង់គ្លេស និងរាជរដ្ឋាភិបាលកម្ពុជា ចុះអនុស្សរណៈជាមួយគ្នា​បង្កើតភាពជាដៃគូរយៈពេល៣ឆ្នាំដើម្បីពង្រឹងក្របខណ្ឌបទដ្ឋានគតិយុត្តនៅកម្ពុជា
09/11/2025 04:09 PM
Facebook Telegram Linkin
ឯកឧត្តម ហេង រតនា ជួបពិភាក្សាការងារជាមួយគណៈគ្រប់គ្រងប្រតិបត្តិការអង្គការជំនួយប្រជាជនន័រវេស (NPA) ប្រចាំនៅអូស្លូរ
09/11/2025 04:09 PM
Facebook Telegram Linkin
ប្រមុខការទូតកម្ពុជា និងវៀតណាម ឯកភាពពង្រឹងកិច្ចសហប្រតិបត្តិការលើវិស័យនានា និងជំរុញបន្ថែមលើវិស័យមានសក្តានុពលថ្មីៗ
09/11/2025 04:09 PM
Facebook Telegram Linkin
នាយករដ្ឋមន្រ្តីព័រទុយហ្គាល់ ជួបពិភាក្សាការងារជាមួយសមភាគីជប៉ុន នៅទីក្រុងតូក្យូ
09/11/2025 04:09 PM
Facebook Telegram Linkin
ក្រុមអ្នកស្ម័គ្រចិត្តផ្តល់ជំនួយដល់ជនរងគ្រោះដោយសារទឹកជំនន់នៅរដ្ឋ Punjab ប្រទេសឥណ្ឌា
09/11/2025 04:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.