នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ប្រធាន​ក្រុមការងារ​ចុះមូលដ្ឋាន ប្រកាស​បញ្ចូលសមាជិកថ្មី​​គណបក្សប្រជាជនកម្ពុជាចំនួន ៦៩០០នាក់ ក្នុងស្រុកប្រាសាទបល្ល័ង្ក ខេត្តកំពង់ធំ
សម្ដេច​តេជោ៖ការពង្រឹងខឿនការពារជាតិមិនសំដៅតែនៅសមរភូមិមុខទេ ត្រូវយកចិត្តទុកដាក់ទំនុកបម្រុងអ្នកសមរភូមិក្រោយជាគ្រួសារយុទ្ធជនជួរមុខ និងអតីតយុទ្ធជន
ឯកអគ្គរដ្ឋទូតហុងគ្រីចប់អាណត្តិមើលឃើញថាកម្ពុជាគឺជាដៃគូដ៏ជិតស្និទ្ធរបស់ហុងគ្រី
ឯកអគ្គរដ្ឋទូតបញ្ចប់អាណត្តិស្វីស៖ រដ្ឋាភិបាលស្វីសនឹងបន្តគាំទ្រដល់ការអភិវឌ្ឍសង្គម-សេដ្ឋកិច្ចកម្ពុជា

នយោបាយ​ និង ការអភិវឌ្ឍន៍

ច្បាប់ស្តីពីការបង្កើតរដ្ឋលេខាធិការដ្ឋានអាកាសចរណ៍ស៊ីវិល នឹងជួយបំពេញកង្វះចន្លោះ នៃទេសចរណ៍នៅកម្ពុជា

2023/10/16 10:03:43 am        147
Facebook Telegram Linkin
ភ្នំពេញ៖ ព្រឹទ្ធសភាជាតិ នៃព្រះរាជាណាចក្រកម្ពុជា បានបង្ហាញការរំពឹងយ៉ាងមុតមាំថា សេចក្តី​ព្រាង​ច្បាប់ស្តីពីការបង្កើតរដ្ឋលេខាធិការដ្ឋានអាកាសចរណ៍ស៊ីវិល នឹងជួយ​បំពេញ​នូវ​ចំណុច​ខ្វះ​ចន្លោះ​ផ្នែក​ទេសចរណ៍ នៅក្នុងប្រទេសកម្ពុជា ដែលបានរក​ឃើញ​ដោយ​អង្គការ​អាកាសចរណ៍​ស៊ីវិល​អន្តរជាតិ ។បន្ទាប់ពីកិច្ចប្រជុំ នៃគណៈកម្មាធិការអចិន្ត្រៃយ៍ព្រឹទ្ធសភា ក្រោមអធិបភាពសម្ដេចវិបុលសេនាភក្តី សាយ ឈុំ ប្រធានព្រឹទ្ធភាជាតិ នៅថ្ងៃទី១៦ ខែតុលា ឆ្នាំ២០២៣ ឯកឧត្តម ម៉ម ប៊ុននាង អ្នក​នាំ​ពាក្យ​ព្រឹទ្ធសភា មានប្រសាសន៍ថា វិស័យអាកាសចរណ៍ស៊ីវិល បានដើរតួនាទីយ៉ាងសំខាន់ ក្នុង​ការ​អនុវត្ត​សង្គមសេដ្ឋកិច្ចជាតិ តាមរយៈការបង្កើនការងារដោយផ្ទាល់ និងដោយប្រយោល ការ​គាំទ្រ និងជំរុញវិស័យទេសចរណ៍ពាណិជ្ជកម្ម ការទាក់ទាញ និងជំរុញ​ដល់​ការ​វិនិយោគ​ផ្ទាល់​ពី​បរទេស​ និងធុរកិច្ចក្នុងស្រុកប្រកបដោយទំនុកចិត្ត និងមានលក្ខណៈសេដ្ឋកិច្ចផងដែរ ។ឯកឧត្តមបានបន្តថា តាមរយៈសេចក្តីព្រាងច្បាប់នេះ នឹង​បង្កើត​ឲ្យ​មាន​ស្ថាប័ន​អាកាសចរណ៍​ស៊ីវិល​មួយ​ មានលក្ខណៈអចិន្ត្រៃយ៍ ដែលមានរចនាសម្ព័ន្ធ និងសមត្ថកិច្ច​ពេញ​លេញ​ក្នុង​ការ​លើក​កម្ពស់​ និងធានាដល់ដំណើរការគ្រប់គ្រងចាត់ចែង និងអភិវឌ្ឍន៍វិស័យអាកាសចរណ៍ស៊ីវិល នៃ​ប្រទេស​កម្ពុជាស្របតាមស្ថានភាពជាក់ស្ដែង នាពេលបច្ចុប្បន្ន ។ឯកឧត្តម ម៉ម ប៊ុននាង បានបន្ថែមថា ជាពិសេសទៀតនេះ សេចក្តីព្រាងច្បាប់ស្តីពី ការ​បង្កើត​រដ្ឋ​លេខាធិការដ្ឋានអាកាសចរណ៍ស៊ីវិល ឆ្លើយតបទៅនឹងតម្រូវការ និងចំណុចខ្វះចន្លោះ ដែល​បាន​តម្រូវ ​និងរកឃើញដោយអង្គការអាកាសចរណ៍ស៊ីវិលអន្តរជាតិ ។អ្នកនាំពាក្យព្រឹទ្ធសភា បានបញ្ជាក់ថា បន្ទាប់ពីបានស្ដាប់របាយការណ៍ របស់គណៈកម្មការទី៩ ព្រឹទ្ធសភា និងបានពិនិត្យពិភាក្សាលើសេចក្តីព្រាងច្បាប់ខាងលើយ៉ាងល្អិតល្អន់ គណៈ​កម្មាធិការ​អចិន្ត្រៃយ៍​ព្រឹទ្ធ​សភាយល់ឃើញថា សេចក្តីព្រាងច្បាប់នេះ មានលក្ខណៈត្រឹមត្រូវ តាមទម្រង់ច្បាប់ និង​គតិច្បាប់ និងសម្រេចដាក់នូវសេចក្តីព្រាងនេះ ចូលក្នុងរបៀបវារៈសម័យប្រជុំលើកទី១១ ព្រឹទ្ធ​សភា​នីតិកាល​ទី៤ ហើយត្រូវព្រឹទ្ធសភាជាតិ នឹងធ្វើការពិនិត្យ ហើយឲ្យយោបល់នៅថ្ងៃទី១៧ ខែតុលា ឆ្នាំ២០២៣ស្អែកនេះ ៕ អត្ថបទ បាន សុខរិទ្ធិ

ច្រកព្រំដែនតំបន់ហ្គាហ្សា គ្រោងនឹងបើកឡើងវិញ ខណៈទាហានអ៊ីស្រាអែល រៀបចំការវាយលុកតាមដីគោក

2023/10/16 08:44:19 am        177
Facebook Telegram Linkin
អ៊ីស្រាអែល៖ ច្រកព្រំដែនឆ្លងកាត់ ដែលគ្រប់គ្រងដោយប្រទេសអេហ្ស៊ីប ទៅកាន់តំបន់ហ្គាហ្សា ត្រូវបានគេរំពឹងថានឹងបើកឡើងវិញ ស្របពេលមានកិច្ចខិតខំប្រឹងប្រែងការទូត ដើម្បីទទួលបានជំនួយចូលទៅក្នុងតំបន់គ្រប់គ្រងដោយក្រុមហាម៉ាស ដែលស្ថិតនៅក្រោមការទម្លាក់គ្រាប់បែកយ៉ាងខ្លាំងក្លារបស់អ៊ីស្រាអែល ចាប់តាំងពីការផ្ទុះឡើងនៃជម្លោះរវាងរបស់ក្រុមហាម៉ាស ដែលបានសម្លាប់ពលរដ្ឋអ៊ីស្រាអែលជាង ១.៣០០នាក់ កាលពីថ្ងៃទី៧ ខែតុលា។ដោយមានការតក់ស្លុតពីការវាយលុកលើបណ្ដាទីក្រុង និងភូមិនានាពីក្រុមហាម៉ាស អ៊ីស្រាអែលកំពុងធ្វើការទម្លាក់គ្រាប់បែកយ៉ាងខ្លាំងក្លាបំផុតមិនធ្លាប់មានពីមុនមកលើតំបន់ហ្គាហ្សា ហើយបានដាក់ការបិទផ្លូវយ៉ាងតឹងរ៉ឹង និងកំពុងរៀបចំការវាយលុកតាមដីគោកផងដែរ។ជំនួយរាប់រយតោនពីបណ្ដាប្រទេសជាច្រើន ត្រូវបានជាប់គាំងនៅឧបទ្វីបស៊ីណៃ របស់ប្រទេសអេហ្ស៊ីបអស់រយៈពេលជាច្រើនថ្ងៃ ដោយរង់ចាំកិច្ចព្រមព្រៀងសម្រាប់ការចែកចាយជំនួយប្រកបដោយសុវត្ថិភាពរបស់ខ្លួនទៅកាន់តំបន់ហ្គាហ្សា និងការជម្លៀសអ្នកកាន់លិខិតឆ្លងដែនបរទេសមួយចំនួនតាមរយៈច្រកព្រំដែនរ៉ាហ្វាស (Rafah)។សារព័ត៌មាន NBC បានរាយការណ៍ដោយដកស្រង់សម្តីមន្ត្រីប៉ាឡេស្ទីនម្នាក់ថា ច្រកព្រំដែនរ៉ាហ្វាស នឹងបើកនៅម៉ោង ៩ព្រឹក (ម៉ោងក្នុងស្រុក) នៅថ្ងៃចន្ទ (១៦ តុលា) នេះ ហើយសារព័ត៌មាន ABC បានរាយការណ៍ដោយដកស្រង់ប្រភពសន្តិសុខថា ច្រកឆ្លងកាត់នោះ នឹងបើកត្រឹមតែរយៈពេលប៉ុន្មានម៉ោងប៉ុណ្ណោះនៅថ្ងៃចន្ទនេះ ដោយមិនបានផ្តល់ព័ត៌មានលម្អិតឡើយ។អ៊ីស្រាអែល បានជំរុញឱ្យពលរដ្ឋតំបន់ហ្គាហ្សា ដែលកំពុងរងផលប៉ះពាល់ ឱ្យជម្លៀសខ្លួនចេញតាមភាគខាងត្បូង ដែលមនុស្សរាប់សែននាក់បានជម្លៀសខ្លួនរួចមកហើយនៅក្នុងតំបន់ហ៊ុមព័ទ្ធ ដែលជាផ្ទះរបស់មនុស្សជាង ២លាននាក់នោះ។ ក្រុមហាម៉ាស ដែលគ្រប់គ្រងតំបន់ហ្គាហ្សា បានប្រាប់ប្រជាជនឱ្យព្រងើយកន្តើយនឹងសារព្រមានជម្លៀសរបស់អ៊ីស្រាអែលមួយនោះផងដែរ៕

សហរដ្ឋអាមេរិក និងអ៊ីស្រាអែល ពិភាក្សាអំពីលទ្ធភាពនៃដំណើរទស្សនកិច្ចរបស់លោក បៃដិន

2023/10/16 08:20:31 am        198
Facebook Telegram Linkin
អាមេរិក៖ ក្រុមមន្ត្រីសហរដ្ឋអាមេរិក និងអ៊ីស្រាអែល កំពុងពិភាក្សាគ្នាអំពីលទ្ធភាពនៃដំណើរទស្សនកិច្ចទៅកាន់ប្រទេសអ៊ីស្រាអែល ក្នុងពេលឆាប់ៗនេះ ដោយប្រធានាធិបតីសហរដ្ឋអាមេរិក លោក ចូ បៃដិន តាមការអញ្ជើញរបស់នាយករដ្ឋមន្ត្រីអ៊ីស្រាអែល លោក Benjamin Netanyahu នេះបើយោងតាមប្រភពដែលដឹងអំពីបញ្ហានេះបាននិយាយកាលពីថ្ងៃអាទិត្យ (១៥ តុលា)។ដំណើរទស្សនកិច្ចរបស់លោក បៃដិន ដើម្បីបង្ហាញការគាំទ្រដល់សម្ព័ន្ធមិត្តដ៏ធំបំផុតរបស់សហរដ្ឋអាមេរិកនៅមជ្ឈិមបូព៌ា នឹងធ្វើតាមដំណើរទស្សនកិច្ចស្រដៀងគ្នានេះ ដោយរដ្ឋមន្ត្រីការបរទេសសហរដ្ឋអាមេរិក លោក Antony Blinken ដែលបច្ចុប្បន្នកំពុងស្ថិតនៅក្នុងតំបន់មួយនេះ។ប្រភពដែលនិយាយក្នុងលក្ខខណ្ឌមិនបញ្ចេញឈ្មោះ បានបញ្ជាក់ពីរបាយការណ៍របស់សារព័ត៌មានអ៊ីស្រាអែលជាច្រើន ដែលលោក Netanyahu បានអញ្ជើញលោក បៃដិន ទៅកាន់ប្រទេសខ្លួនក្នុងអំឡុងពេលការហៅទូរសព្ទថ្មីៗអំពីការឆ្លើយតបចំពោះការវាយប្រហារលើអ៊ីស្រាអែល ដោយក្រុមសកម្មប្រយុទ្ធហាម៉ាស។សេតវិមានបានបដិសេធមិនធ្វើអត្ថាធិប្បាយជុំវិញបញ្ហានេះនោះទេ។ អ្នកនាំពាក្យក្រុមប្រឹក្សាសន្តិសុខជាតិអាមេរិក លោក Adrienne Watson បាននិយាយថា «យើងមិនមានការធ្វើដំណើរទស្សនកិច្ចថ្មីដើម្បីប្រកាសនោះទេ»៕

សម្តេចធិបតី ហ៊ុន ម៉ាណែត និងលោកជំទាវដឹកនាំគណៈប្រតិភូចូលរួមវេទិកាខ្សែក្រវាត់ និងផ្លូវលើកទី៣សម្រាប់កិច្ចសហប្រតិបត្តិការអន្តរជាតិនៅចិន

2023/10/16 08:04:43 am        259
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត បានដឹកនាំគណៈប្រតិភូរាជរដ្ឋាភិបាលកម្ពុជា អញ្ជើញចូលរួមវេទិកាខ្សែក្រវាត់ និងផ្លូវលើកទី៣ សម្រាប់កិច្ចសហប្រតិបត្តិការអន្តរជាតិ នៅព្រឹកថ្ងៃទី ១៦ ខែតុលា ឆ្នាំ ២០២៣នេះ។សេចក្ដីប្រកាសព័ត៌មានរបស់ក្រសួងការបរទេសបានឲ្យដឹងថា តបតាមការអញ្ជើញរបស់លោកស៊ី ជីនពីង ប្រធានាធិបតីចិន សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា នឹងអញ្ជើញដឹកនាំគណៈប្រតិភូជាន់ខ្ពស់ ចូលរួមវេទិកាខ្សែក្រវាត់ និងផ្លូវលើកទី ៣ សម្រាប់កិច្ចសហប្រតិបត្តិការអន្តរជាតិ ដែលនឹងប្រព្រឹត្តពីថ្ងៃទី ១៧ ដល់ថ្ងៃទី ១៨ ខែតុលាឆ្នាំ ២០២៣ នៅរដ្ឋធានីប៉េកាំង។ មូលបទ នៃកិច្ចប្រជុំនេះ គឺ «កិច្ចសហប្រតិបត្តិការខ្សែក្រវាត់និងផ្លូវ ប្រកបដោយគុណភាពខ្ពស់៖ រួមគ្នាដើម្បីការ អភិវឌ្ឍ និងវិបុលភាពរួម»។

កម្ពុជាបានរៀបចំទីតាំសុវត្ថិភាពសម្រាប់និស្សិតកម្ពុជា ដែលកំពុងស្ថិតនៅប្រទេសអ៊ីស្រាអែល

2023/10/14 12:09:43 pm        396
Facebook Telegram Linkin
ថ្លែងតាមរយៈសារសំឡេងពិសេសនៅថ្ងៃទី១៤ ខែតុលា ឆ្នាំ២០២៣ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី បានបញ្ជាក់ថា បច្ចុប្បន្នពលរដ្ឋ និងជាពិសេសនិស្សិតកម្ពុជាចំនួន ៤៥២ នាក់ ដែលកំពុងស្ថិតនៅក្នុងប្រទេសអ៊ីស្រាអែល គឺទទួលបាននូវការការពារសុវត្ថិភាពយ៉ាងតឹងរ៉ឹងពីសមត្ថកិច្ច និងអាជ្ញាធរពាក់ព័ន្ធរបស់អ៊ីស្រាអែល។សម្ដេចធិបតីនាយករដ្ឋមន្ត្រី បញ្ជាក់បន្ថែមថា ទោះបីជានិស្សិត និងពលរដ្ឋកម្ពុជា កំពុងស្ថិតនៅកន្លែង ដែលមានសុវត្ថិភាពក្ដី ក៏កម្ពុជាបានរៀបចំទីកន្លែងសុវត្ថិភាពសម្រាប់និស្សិត និងពលរដ្ឋទាំងនោះជាដដែល។ ទីកន្លែងសុវត្ថិភាពនោះ ត្រូវបានរៀបចំនៅតំបន់ព្រំដែនរវាងអ៊ីស្រាអែល ជាប់នឹងប្រទេសអេហ្ស៊ីប និង ជាប់នឹងប្រទេសហ្សកដង់។សម្ដេចធិបតីនាយករដ្ឋមន្ត្រី បញ្ជាក់បន្ថែមថា រាជរដ្ឋាភិបាលកម្ពុជា កំពុងតែតាមដាន​ជាប្រចាំអំពីស្ថានភាពដែលកំពុងកើតមាននៅអ៊ីស្រាអែល។ ​សម្ដេចធិបតីបានអំពាវនាវដល់និស្សិត និងពលរដ្ឋខ្មែរទាំងអស់ដែលកំពុងស្ថិតនៅអ៊ីស្រាអែល សូមស្ដាប់តាមការណែនាំរបស់អាជ្ញាធរនៅទីនោះ។កាលពីព្រឹកថ្ងៃទី៧ ខែតុលា ឆ្នាំ២០២៣ កងកម្លាំងហាម៉ាស់ ស្ថិតនៅទឹកដីគ្រប់គ្រងដោយប៉ាឡេស្ទីន បានវាយចូលតំបន់ Gaza ដែលគ្រប់គ្រងដោយអ៊ីស្រាអែល ​ហើយបណ្ដាឱ្យមានអ្នកស្លាប់ប្រមាណ ១០០០នាក់ ​និងអ្នករងរបួសជាច្រើនពាន់នាក់។ ​បន្ទាប់មក ​កងកម្លាំងអ៊ីស្រាអែល បានវាយបកលើ​ កងកម្លាំងហាម៉ាស់វិញ ​ដែលបានបណ្ដាលឱ្យមានអ្នកស្លាប់ និងរបួសជាច្រើនពាន់នាក់ដូចគ្នា។ បច្ចុប្បន្នស្ថានភាពនៅទីនោះ នៅបន្តតានតឹងនៅឡើយ៕ដោយ៖ គង់ ឌិន

ប្រជាពលរដ្ឋយ៉ាងច្រើនកុះករបន្តនាំយកចង្ហាន់ប្រគេនព្រសង្ឃ ខណៈពិធីបុណ្យភ្ជុំបិណ្ឌបញ្ចប់នៅថ្ងៃនេះ

2023/10/14 11:46:43 am        197
Facebook Telegram Linkin
ភ្នំពេញ៖ គិតត្រឹមថ្ងៃទី១៤ ខែតុលា ឆ្នាំ២០២៣នេះ ជាបិណ្ឌទី១៥ ហើយក៏ថ្ងៃបង្ហើយនៃពិធីបុណ្យភ្ជុំបិណ្ឌផងដែរ។ ទន្ទឹមនេះ បានកត់សម្គាល់ឃើញថា ប្រជាពលរដ្ឋជាច្រើនមកពីតំបន់ផ្សេងៗគ្នា បាននាំគ្នាទៅវត្តធ្វើបុណ្យជាមួយទឹកមុខសប្បាយរីករាយ ដែលជាផ្នែកមួយនៃការចូលរួមថែរក្សាប្រពៃណីទំនៀមទម្លាប់ខ្មែរ។ប្រជាពលរដ្ឋដែលបានចូលរួមធ្វើបុណ្យនៅវត្តឧណ្ណាលោម ស្ថិតនៅក្បែរមាត់ទន្លេ ខណ្ឌដូនពេញ រាជធានីភ្នំពេញ ក្នុងបទសម្ភាសន៍ជាមួយទូរទស្សន៍ព័ត៌មាន ប៊ីធីវី បានលើកឡើងថា ការទៅវត្តក្នុងអំឡុងពេលនៃពិធីបុណ្យកាន់បិណ្ឌ និងភ្ជុំបិណ្ឌជាកាតព្វកិច្ចដែលត្រូវបំពេញ។ បន្ថែមពីនេះ ការធ្វើបុណ្យ និងធ្វើទាន ​គឺដើម្បីសន្សំទឹកចិត្តឱ្យចេះចែករំលែកជាមួយសហគមន៍ ដូចជាប្រគេនចង្ហាន់ដល់ព្រះសង្ឃ​ និងហូបអាហារជុំគ្នាជាមួយពុទ្ធបរិស័ទឯទៀត។ ជាមួយគ្នានេះ ​ក្រុមពុទ្ធបរិស័ទ​ បានសម្តែងការជូនពរដល់ប្រជាពលរដ្ឋខ្មែរទាំងមូល ឲ្យជួបប្រទះតែសេចក្តីសុខគ្រប់ប្រការ ​និងទៅណាមកណាប្រកបដោយសុខសុវត្តិភាព។សូមបញ្ជាក់ថា ពិធីបុណ្យភ្ជុំបិណ្ឌ ​គឺជាពិធីបុណ្យបែបព្រះពុទ្ធសាសនា និងជាពិធីបុណ្យមួយ ក្នុងចំណោមពិធីបុណ្យធំៗដទៃទៀត ​នៃព្រះរាជពិធីទ្វាទសមាស ដែលប្រជារាស្ដ្រទូទាំងកម្ពុជា​តែងតែប្រារព្ធមិនដែលអាក់ខានឡើយ ​គឺចាប់ពីថ្ងៃ១រោច រហូតដល់ថ្ងៃ១៥រោច ខែភទ្របទ មានរយៈពេល១៥ថ្ងៃ ​ដែលហៅថា បិណ្ឌ១, បិណ្ឌ២, បិណ្ឌ៣ រហូតដល់បិណ្ឌ១៥ ដែលថ្ងៃបញ្ចប់​ពិធីបុណ្យភ្ជុំបិណ្ឌ៕ អត្ថបទ៖ ឈិត បូរ៉ាវី

ប្រជាជននូវ៉ែលហ្សេឡង់ ចេញទៅបោះឆ្នោត នៅក្នុងការបោះឆ្នោតសកល

2023/10/14 11:40:47 am        159
Facebook Telegram Linkin
ប្រជាជននូវ៉ែលហ្សេឡង់ នៅថ្ងៃសៅរ៍ (ទី១៤ តុលា)នេះ បានចេញទៅបោះឆ្នោត នៅក្នុងការបោះឆ្នោតសកលមួយ ដែលអាចមើលឃើញនាយករដ្ឋមន្ត្រី Chris Hipkins បន្តគ្រប់គ្រងរបស់គណបក្សពលករ រយៈពេល ៣ ឆ្នាំទៀត ឬការផ្លាស់ប្តូរទៅគណបក្សអភិរក្សដែលដឹកនាំដោយលោក Christopher Luxon ។មេដឹកនាំគណបក្សពលករ លោក Hipkins មានអាយុ៤៥ ឆ្នាំ និងមេដឹកនាំគណបក្សអភិរក្សាលោក Luxon មានវ័យ៥៣ឆ្នាំ កំពុងប្រឈមមុខនឹងការបង្កើតសភាទី៥៤របស់ប្រទេសនេះ។ទ្វារចូលទៅបន្ទប់បោះឆ្នោត បើកនៅម៉ោង ៩ព្រឹក ( ២០០០ ម៉ោងសកល នៅថ្ងៃសុក្រ) ទោះបីជាអ្នកបោះឆ្នោតជាងមួយលាននាក់ បានបោះឆ្នោតរបស់ពួកគេរួចហើយក្តី។ការរឹតត្បិត គឺស្ថិតនៅលើអ្វីដែលប្រព័ន្ធផ្សព្វផ្សាយព័ត៌មាន អាចរាយការណ៍អំពីការប្រកួតប្រជែងរហូតដល់ការបោះឆ្នោត បិទនៅម៉ោង៧យប់ នៅថ្ងៃសៅរ៍នេះ។ បន្ទាប់ពីនោះ គណៈកម្មាធិការរៀបចំការបោះឆ្នោត ត្រូវបានគេរំពឹងថា នឹងចាប់ផ្តើមបញ្ចេញលទ្ធផលបឋម។

ពលរដ្ឋមួយចំនួនសម្រាកលំហែរកាយនៅក្រុងភ្នំពេញ ខណៈមួយចំនួនចេញដំណើរកម្សាន្តតាមខេត្ត

2023/10/14 11:37:04 am        227
Facebook Telegram Linkin
ភ្នំពេញ៖ ក្នុងអំឡុងថ្ងៃឈប់សម្រាកពិធីបុណ្យភ្ជុំបិណ្ឌ មើលឃើញថា នៅតាមតំបន់កម្សាន្តសំខាន់ៗនៅក្រុងភ្នំពេញ ដូចជា ព្រះបរមរាជវាំង មាត់ទន្លេ វត្តភ្នំ និងតាមផ្សារទំនើបនានា ឃើញមានប្រជាពលរដ្ឋមកដើរកម្សាន្តលំហែរកាយ និងជួបជុំក្រុមគ្រួសារ ខណៈប្រជាពលរដ្ឋយ៉ាងច្រើនផ្សេងទៀតជួបជុំសាច់ញាតិនៅស្រុកកំណើត និងពលរដ្ឋខ្លះទៀតកំពុងដើរកម្សាន្តនៅតាមរមណីយដ្ឋានទេសចរណ៍នានា។អ្នកស្រី ជាន ភឿយ មកពីខេត្តសៀមរាប ដើម្បីជួបជុំសាច់ញាតិនៅរាជធានីភ្នំពេញ បាននិយាយប្រាប់ទូរទស្សន៍ព័ត៌មាន ប៊ីធីវី នៅព្រឹកថ្ងៃទី១៤ ខែតុលានេះថា ក្រៅពីនាំយក​ចង្ហាន់ទៅវត្ត អ្នកស្រីបានសម្រាកលំហែរកាយនៅរមណីយដ្ឋានសំខាន់ៗ​មួយចំនួននៅក្រុងភ្នំពេញ ដូចជា ព្រះបរមរាជវាំង​ និងរមណីយដ្ឋានវត្តភ្នំជាដើម​ ក្រៅពីជួបជុំក្រុមគ្រួសារ។ដោយឡែក ប្រជាពលរដ្ឋដទៃផ្សេងទៀត បច្ចុប្បន្នរស់នៅរាជធានីភ្នំពេញ បានឲ្យ ប៊ីធីវី ដឹងដែរថា ក្នុងអំឡុងថ្ងៃឈប់សម្រាកជាច្រើនថ្ងៃនេះ​ មិនទាន់មានគម្រោងដើរកម្សាន្តនៅទីណាទេ ដោយ​សារចង់សម្រាកជួបជុំគ្រួសារជាមុនសិន​ ទើបសម្រេចតាមក្រោយទៀត។ ទោះជាយ៉ាងណា ប្រជាពលរដ្ឋទាំងអស់ខាងលើនេះ ​បានធ្វើការជូនពរដល់ប្រជាជនខ្មែរទាំងមូល ធ្វើដំណើរកម្សាន្តទីជិត ​ទីឆ្ងាយប្រកបដោយសុខសុវត្ថិភាព ​និងជួបប្រទះតែសេចក្តីសុខគ្រប់ប្រការ ជាពិសេសរក្សាសេចក្តីថ្លៃថ្នូរ ​និងចេះយោគយល់អធ្យាស្រ័យគ្នាក្នុងពេលបើកបរ។សូមបញ្ជាក់ថា ពិធីកាន់បិណ្ឌ ភ្ជុំបិណ្ឌមានរយៈពេល ​១៥ថ្ងៃដូចរៀងរាល់ឆ្នាំ សម្រាប់ឆ្នាំ២០២៣នេះ ចាប់ពីថ្ងៃទី៣០ ខែកញ្ញា រហូតដល់ថ្ងៃទី១៤ ខែតុលា៕ អត្ថបទ៖ ឈិត បូរ៉ាវី

រដ្ឋមន្ត្រីការបរទេសចិន ជួបជាមួយប្រធានគោលនយោបាយការបរទេសរបស់សហភាពអឺរ៉ុប

2023/10/14 11:27:14 am        172
Facebook Telegram Linkin
រដ្ឋមន្ត្រីការបរទេសចិន លោក វ៉ាង យី (Wang Yi) និងលោក ចូសិប បូរ៉ែល (Josep Borrell) តំណាងជាន់ខ្ពស់នៃសហភាពអឺរ៉ុប (EU) ទទួលបន្ទុកកិច្ចការបរទេស និងគោលនយោបាយសន្តិសុខ និងជាអនុប្រធានគណៈកម្មការអឺរ៉ុប បានធ្វើជាសហប្រធាននៃកិច្ចសន្ទនាយុទ្ធសាស្ត្រកម្រិតខ្ពស់ចិន-សហភាពអឺរ៉ុបជុំទី១២ នៅទីក្រុងប៉េកាំង កាលពីថ្ងៃសុក្រ។ក្នុងជំនួបនោះ លោកវ៉ាង ដែលជាសមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន បានថ្លែងថា ភាគីទាំងពីរ គួរតែបង្កើតការយោគយល់គ្នាទៅវិញទៅមកត្រឹមត្រូវតាមរយៈការសន្ទនាជាយុទ្ធសាស្ត្រ រៀបចំយ៉ាងពេញលេញសម្រាប់កិច្ចប្រជុំរបស់មេដឹកនាំដែលបានកំណត់ នៅមុនពេលចុងឆ្នាំ ដោះស្រាយភាពខ្វែងគំនិតគ្នាឲ្យបានត្រឹមត្រូវ និងលើកបដានៃពហុភាគីនិយមឲ្យខ្ពស់។លោកបូរ៉ែល បាននិយាយថា EU នឹងមិនបិទទ្វាររបស់ខ្លួនចំពោះប្រទេសចិន នឹងមិនចាប់ផ្តើមសង្គ្រាមពាណិជ្ជកម្ម គ្មានចេតនាដាក់កម្រិតលើការអភិវឌ្ឍរបស់ប្រទេសចិន ហើយរីករាយដែលបានឃើញវិលបុលភាពនិងស្ថិរភាពរបស់ប្រទេសចិន។ភាគីទាំងពីរ បានផ្លាស់ប្តូរទស្សនៈស្តីពីវិបត្តិអ៊ុយក្រែន និងជម្លោះប៉ាឡេស្ទីន-អ៊ីស្រាអែល ហើយបានឯកភាពថា ដំណោះស្រាយនយោបាយរវាងភាគីពាក់ព័ន្ធក្នុងជម្លោះ គួរតែត្រូវបានស្វះស្វែងរក។

សម្ដេចតេជោ និងសម្ដេចកិត្តិព្រឹទ្ធបណ្ឌិត ព្រមទាំងសម្ដេចធិបតី អញ្ជើញទៅភ្ជុំបិណ្ឌនៅវត្តវាំងចាស់

2023/10/14 11:14:40 am        331
Facebook Telegram Linkin
កណ្តាល៖ នៅក្នុងថ្ងៃបុណ្យភ្ជុំបិណ្ឌ ដែលជាពិធីបុណ្យប្រចាំឆ្នាំដ៏ធំ ហើយដែលប្រជាពុទ្ធបរិស័ទខ្មែរគ្រប់មជ្ឈដ្ឋានតែងបានគោរពប្រណិបត្តិជាដរាបមក, នាឆ្នាំនេះក៏ដូចប្រជាពលរដ្ឋខ្មែរគ្រប់ស្រទាប់នៅគ្រប់ទិសទីទូទាំ ងប្រទេសដែរ នាព្រឹកថ្ងៃទី១៤ ខែតុលា សម្តេចអគ្គមហាសេនាបតីតេជោ ហ៊ុន សែន សម្តេចកិត្តិព្រឹទ្ធ បណ្ឌិត ប៊ុន រ៉ានី ហ៊ុនសែន ព្រមទាំងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី រួមទាំងបុត្រា បុត្រី ចៅប្រុស ចៅស្រី បានអញ្ជើញចូលរួមប្រារព្ធពិធីបុណ្យភ្ជុំនៅវត្តវាំងចាស់ ដែលស្ថិតនៅក្នុងស្រុកព ញាឮ ខេត្តកណ្តាល។នៅលើឧបដ្ឋានសាលាវត្តវាំងចាស់ ពេលអញ្ជើញដល់ទីអារាម សម្តេចតេជោ ហ៊ុន សែន និងសម្តេចកិ ត្តិព្រឹទ្ធបណ្ឌិត ព្រមទាំងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី រួមទាំងក្រុមគ្រួសារបានអ ញ្ជើញបូជាទៀន ធូប ថ្វាយផ្កាចំពោះព្រះពុទ្ធបដិមា និងបា្ររព្ធពិធីសូត្រមន្ត សមាទានសីលតាមទំនៀម ទម្លាប់ព្រះពុទ្ធសាសនា ដើម្បីជាការរំលឹកដល់គុណបុណ្យ ព្រះរតនត្រ័យ និងព្រះសម្មាសម្ពុទ្ធព្រះបរមគ្រូនៃយើង។គួរកត់សម្គាល់ថា ដោយគោរពខ្ជាប់ខ្ជួនចំពោះព្រះពុទ្ធសាសនាដែលជាសាសនារបស់រដ្ឋ នៅរៀងរាល់ឆ្នាំ ក្នុងថ្ងៃភ្ជុំ សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារតែងអញ្ជើញទៅចូលរួមប្រារព្ធពិធីបុណ្យភ្ជុំ នៅវត្តវាំងចាស់ នេះពុំសូវអាក់ខានឡើយ។តាមរយៈព្រះសង្ឃ តាមរយៈព្រះធម៌នៃព្រះសម្មាសម្ពុទ្ធ ជាពិសេសការគោរពប្រណិបត្តិដោយសទ្ធាជ្រះថ្លា នូវកិច្ចសាសនានៃពិធីបុណ្យភ្ជុំនាឱកាសនេះ សម្តេចតេជោ ហ៊ុន សែន សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី, សម្តេច ឯកឧត្តម លោកជំទាវ ជាក្រុមគ្រួសារ បុត្រធិតា សូមឧទ្ទិសកុសលផលបុណ្យជូនចំពោះបុព្វការីជនមាន មាតាបិតា បងប្អូនរបស់សម្តេចទាំងទ្វេរួមមាន៖ វិញ្ញាណក្ខន្ធអ្នកឧកញ៉ាមហាភក្តីសប្បុរិសភោគាធិបតី ហ៊ុន នាង, វិញ្ញាណក្ខន្ធម ហាឧបាសិកា ឌី ប៉ុក បិតាមាតាបង្កើតសម្តេចតេជោ ហ៊ុន សែន, វិញ្ញាណក្ខន្ធមហាឧបាសក លីន គ្រី និង អ្នកឧកញ៉ាព្រឹទ្ធមហាឧបាសិកាធម្មញ្ញាណវិវឌ្ឍនា ប៊ុន ស៊ាងលី បិតាមាតាបង្កើតសម្តេចកិត្តិព្រឹទ្ធប ណ្ឌិត, វិញ្ញាណក្ខន្ធសម្តេចឧត្តមទេពញាណ ហ៊ុន ណេង បងប្រុសបង្កើតសម្តេចតេជោ, វិញ្ញាណក្ខន្ធលោកជំទាវមហាសទ្ធាភិរ័ត្នធម្មសិរីរតន៍អគ្គមហាឧបាសិកាពុទ្ធសាសនូបត្ថម្ភក៌ ប៊ុន សុថា ប្អូនស្រីបង្កើតសម្តេចកិត្តិព្រឹទ្ធបណ្ឌិត, វិញ្ញាណក្ខន្ធកុមារា ហ៊ុន កំសត់ បុត្រាច្បងសម្តេចតេជោ និងសម្តេចកិត្តិព្រឹទ្ធប ណ្ឌិត ព្រមទាំងញាតិមិត្ត សាច់សាលោហិតទាំងឡាយ ដែលបានចែកឋានទៅកាន់លោកខាងមុខហើ យនោះ សូមបានសោយសុខ ក្នុងឋានសុគតិភព កុំបីឃ្លាងឃ្លាតឡើយ។ដោយសេចក្តីជ្រះថ្លា នៅក្នុងពិធីបុណ្យភ្ជុំបិណ្ឌ សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន សម្ដេចមហាបវរធិបតី ហ៊ុន ម៉ាណែត ព្រមទាំងសម្តេច ឯកឧត្តម លោកជំទាវ និងបងប្អូនក្រុមគ្រួ សារ សាច់ញាតិ បាននាំយកចង្ហាន់គ្រឿង ឧបភោគបរិភោគ នំចំណី ភេសជ្ជៈ និងបច្ច័យវេរប្រគេនព្រះ សង្ឃ និងចូលរួមរីករាយជាមួយប្រជាពុទ្ធបរិស័ទជិតឆ្ងាយ ក្នុងថ្ងៃបុណ្យភ្ជុំ នៅវត្តវាំងចាស់ នាឱកាសនេះ ។ទេយ្យទានដែលនាំយកមកប្រគេនព្រះសង្ឈនៅវត្តវាំងចាស់ក្នុងថ្ងៃនេះរួមមាន៖ ទឹកក្រូចចំនួន ២០ កេ ស, ទឹកបរិសុទ្ធចំនួន ៣០ កេស, ទឹកសណ្ដែកចំនួន ៥ កេស, ទឹកគូលែនចំនួន ៥ កេស, ទឹកត្រឡាចចំ នួន ៥ កេស, ទឹកដោះគោខាប់ចំនួន ២ កេស, ស្ករសចំនួន ២០ គីឡូក្រាម, កាកាវចំនួន ៣ កេស, មៀន កំប៉ុងចំនួន ៥ កេស, តែចំនួន ៥ គីឡូក្រាម, ត្រីខចំនួន ៥ កេស, មីចំនួន ៣ កេសធំ, អង្ករចំនួន ៥០០ គី ឡូក្រាម, ត្រីងៀតចំនួន ១០ គីឡូក្រាម, សាច់ក្រកចំនួន ១០ គីឡូក្រាម, នំចិនចំនួន ២ កន្ត្រក, ផ្លែឈើ ចំនួន ៨ កន្ត្រក, ទេយ្យទានរួមទាំងថវិកាចំនួនមួយសែនរៀល មានចំនួន ៣០ កញ្ចប់, ទេយ្យទានរួមទាំ ងថវិកាពីរលានរៀល មានចំនួន ១ កញ្ចប់, ប្រគេនបច្ច័យកសាងចំនួន ដប់លានរៀល។សម្តេចទាំងទ្វេ ព្រមទាំងសម្តេច ឯកឧត្តម លោកជំទាវ ជាបុត្រាបុត្រី ចៅប្រុសស្រី បានអញ្ជើញរាប់បា ត្រ បង្សុកូល ដើម្បីជាកិច្ចឧទ្ទិសកុសលផលបុណ្យជូនចំពោះវិញ្ញាណក្ខន្ធបុព្វការីជន វីរជនអ្នកស្នេហាជាតិទាំងឡាយ ដែលបានពលីជីវិតក្នុងបុព្វហេតុជាតិមាតុភូមិ ព្រមទាំងវិញ្ញាណក្ខន្ធជនរួមជាតិខ្មែរស្លូតត្រង់ជាងបីលាននាក់ ដែលបានបាត់បង់អាយុជីវិតយ៉ាងអយុត្តិធម៌ក្នុងរបបប្រល័យពូជសាសន៍ ប៉ុលពត សូមឱ្យវិញ្ញាណក្ខន្ធ អ្នកទាំងអស់នោះ បានសោយសុខក្នុងឋានសុគតិភពគ្រប់ៗគ្នា។ម្យ៉ាងវិញទៀត តាមរយៈផល្លានិសង្ឃកើតចេញពីទឹកចិត្តជ្រះថ្លា ក្នុងថ្ងៃបុណ្យភ្ជុំនេះ ព្រះថេរានុថេរគ្រប់ព្រះអង្គដែលគង់ក្នុងទីអារាមវត្តវាំងចាស់ ឧទ្ទិសថ្វាយដល់វត្ថុស័ក្តិសិទ្ធក្នុងលោក និងទេវតាថែរក្សាទឹកដីនៃព្រះរាជាណាចក្រកម្ពុជា សូមតាមជួយបីបាច់ថែរក្សាការពារ ជួយប្រោសព្រហ្មប្រសិទ្ធីពរជ័យ សិរីមង្គលគ្រប់ប្រការជូនសម្តេចអគ្គមហាសេនាបតីតេជោ ហ៊ុន សែន និងសម្តេចកិត្តព្រឹទ្ធបណ្ឌិត ប៊ុន រ៉ានី ហ៊ុនសែន ព្រមទាំងសម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី សូមមានសុខភាពល្អ បរិបូរណ៍ ជន្មាយុយឺនយូរ ពលំនុភាពមាំមួន បញ្ញាញាណភ្លឺថ្លា ដើម្បីបន្តស្ថិតនៅជាអ្នកដឹកនាំកំពូលនៅព្រះរាជាណាចក្រកម្ពុជា ឱ្យកាន់តែទទួលបាននូវការអភិវឌ្ឍរីកចម្រើនលើគ្រប់វិស័យ ប្រជាពលរដ្ឋកម្ពុជានៅទូទាំងប្រទេស កាន់តែទទួលបាននូវភាពសុខដុមរមនា រីកចម្រើនគ្រប់ក្រុមគ្រួសារ សូមឱ្យកម្ពុជាជៀសចាកឆ្ងាយពីគ្រោះមហន្តរាយផងទាំងពួង និងរក្សាបាននូវសុខសន្តិភាពជាយូរអង្វែងតរៀងទៅ៕

បណ្ដាញសង្គម

ព័ត៌មានថ្មីៗ

UNICEF ៖ សង្រ្គាមអ៊ីរ៉ង់គំរាមកំហែងដល់ការចែកចាយគ្រឿងផ្គត់ផ្គង់សង្រ្គោះជីវិតកុមារ
06/02/2026 08:06 PM
Facebook Telegram Linkin
ក្រុមហ៊ុន Moderna និងក្រុមហ៊ុនផ្សេងទៀត ទទួលបានប្រាក់ ៦០លានដុល្លារ ដើម្បីផលិតវ៉ាក់សាំងបង្ការជំងឺអេបូឡា
06/02/2026 08:06 PM
Facebook Telegram Linkin
កូដកម្មរថភ្លើងក្រោមដីធ្វើឲ្យប៉ះពាល់ដល់អ្នកដំណើរនៅទីក្រុងឡុងដ្រ៍ ចក្រភពអង់គ្លេស
06/02/2026 08:06 PM
Facebook Telegram Linkin
របាយការណ៍៖ EU ពិចារណាដាក់ទណ្ឌកម្មរដ្ឋមន្ត្រីអ៊ីស្រាអែល ជុំវិញ​​ការប្រព្រឹត្តិ ចំពោះ​នាវាមនុស្ស​ធម៌ឆ្ពោះ​ទៅ​ហ្កាហ្សា
06/02/2026 08:06 PM
Facebook Telegram Linkin
WHO៖ ករណីសង្ស័យជំងឺ Ebola ធ្លាក់ចុះ ក្រោយ​មនុស្សរាប់រយនាក់​ត្រូវបាន​ដក​ចេញ
06/02/2026 08:06 PM
Facebook Telegram Linkin
ប្រធានគ្លីនិករងការខូចខាតដោយសារការវាយប្រហាររុស្ស៊ីនិយាយថា ទីក្រុងមូស្គូ មិនចង់បញ្ចប់សង្រ្គាមនោះទេ
06/02/2026 08:06 PM
Facebook Telegram Linkin
អគ្គិភ័យដ៏ធំមួយ បានឆាបឆេះផ្សារមួយកន្លែងស្ថិតក្នុងទីក្រុងហ្សាកាតា ប្រទេសឥណ្ឌូនេស៊ី
06/02/2026 07:06 PM
Facebook Telegram Linkin
មនុស្សយ៉ាង​តិច​ ១៥នាក់រងរបួស ដោយសារ​ព្យុះនៅជប៉ុន ខណៈ​មាន​ការអំពាវនាវឲ្យ​ជម្លៀស
06/02/2026 07:06 PM
Facebook Telegram Linkin
លោក Trump ថាលោកបាននិយាយជាមួយក្រុមហេសបូឡា តាមរយៈអន្តរការី
06/02/2026 07:06 PM
Facebook Telegram Linkin
លោក Netanyahu ប្រាប់លោក Trump ថា អ៊ីស្រាអែលនឹងវាយប្រហារទីក្រុងបេរូត បើសិនការវាយប្រហាររបស់ក្រុមហេសបូឡានៅតែបន្ត
06/02/2026 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.