នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចតេជោ ហ៊ុន សែន ទទួលជួបពិភាក្សាការងារជាមួយឯកឧត្តមប្រធានាធិបតីឡាវ
កម្ពុជា-សាធារណរដ្ឋម៉ាសេដ្វានខាងជើង ឯកភាពជំរុញកិច្ចសហប្រតិបត្តិការទ្វេភាគី
កម្ពុជា-រវ៉ាន់ដា ឯកភាពពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែទូលំទូលាយ​
សម្តេចធិបតី នាយករដ្ឋមន្ត្រី ទទួលជួបពិភាក្សាការងារទ្វេភាគី ជាមួយឯកឧត្តមប្រធានាធិបតីរវ៉ាន់ដា

នយោបាយ​ និង ការអភិវឌ្ឍន៍

លោក Biden ប្រកាសវិធានការសម្រាលបន្ទុកបំណុលនិស្សិតបន្ថែមចំនួន៩ពាន់លានដុល្លារ

2023/10/05 04:27:53 pm        352
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិក លោក Joe Biden បានប្រកាសកាលពីថ្ងៃពុធថា រដ្ឋបាលរបស់លោក បានអនុម័តវិធានការសម្រាលបន្ទុកបំណុលនិស្សិតបន្ថែមចំនួន៩ពាន់លានដុល្លារ សម្រាប់អ្នកខ្ចី១២៥.០០០នាក់។ លោក Biden បាននិយាយថា សេចក្តីប្រកាសចុងក្រោយ បាននាំឲ្យមានការលុបចោលបំណុលដែលបានអនុម័តសរុប ធ្វើឡើងដោយរដ្ឋបាលរបស់លោកចំនួន១២៧ពាន់លានដុល្លារ សម្រាប់ជនជាតិអាមេ រិកជិត ៣,៦ លាននាក់។លោកប្រធានាធិបតី បាននិយាយថា លោក នឹងបន្តវិធានការថ្មីដើម្បីផ្តល់វិធានការសម្រាលបន្ទុកប្រាក់កម្ចីនិស្សិតដល់ជនជាតិអាមេរិក បន្ទាប់ពីតុលាការកំពូល បានរារាំងផែនការរបស់លោកឲ្យលុបចោលបំណុលរាប់ពាន់លានដុល្លារ ហើយលោកបាននិយាយបន្ថែមថា រដ្ឋាភិបាលរបស់លោក កំពុងធ្វើអ្វីគ្រប់យ៉ាងដែល អាចធ្វើបាន និងឲ្យបានកាន់តែឆាប់រហ័ស៕

ជនអន្តោប្រវេសន៍កាន់តែច្រើនប្រថុយជិវិតតាមទូកឈើដ៏គ្រោះថ្នាក់ក្នុងសមុទ្រមេឌីទែរ៉ាណេទៅកាន់អឺរ៉ុប

2023/10/05 04:23:00 pm        362
Facebook Telegram Linkin
អេស្ប៉ាញ៖ សេវាសង្គ្រោះបន្ទាន់នៅលើកោះ កាណារី(Canary) របស់អេស្ប៉ាញ បាននិយាយកាលពីថ្ងៃពុធថា ជនអន្តោប្រវេសន៍ជាង៦៥០នាក់ បានទៅដល់កោះ អេល ហៀរ៉ូ (El Hierro) តាមទូកឈើធំៗចំនួន ៥គ្រឿង ក្នុងរយៈពេលពីរថ្ងៃកន្លងមកនេះ។ សេវាសង្គ្រោះបន្ទាន់របស់កោះនេះ បាននិយាយនៅលើបណ្ដាញសង្គម X ថា ទូកមួយក្នុងចំណោម ទូក៤គ្រឿងដែលបានទៅដល់កាលពីថ្ងៃអង្គារ បានដឹកជនអន្តោប្រវេសន៍ ចំនួន២៨០នាក់។ទីភ្នាក់ងារសារព័ត៌មានរដ្ឋ EFE បាននិយាយថា នេះជាចំនួនដ៏ច្រើនបំផុត នៅក្នុងទូកតែមួយ ចាប់តាំងពីក្រុមអ្នកជួញដូរមនុស្សបានចាប់ផ្តើមប្រើប្រាស់ផ្លូវកោះ Canary ជាប្រចាំកាលពីឆ្នាំ១៩៩៤ ។ ទូកបីផ្សេងទៀតដែលដឹកជនអន្តោប្រវេសន៍កជាង២០០នាក់ក៏បានទៅដល់ កោះ អេល ហៀរ៉ូ កាលពីថ្ងៃអង្គារ ផងដែរ ស្របពេលទូកមួយគ្រឿងទៀតដឹកជនអន្តោប្រវេសន៍ ចំនួន ១២៨ នាក់បានទៅដល់កាលពីថ្ងៃពុធ។ មានតែជនអន្តោប្រវេសន៍៥នាក់ប៉ុណ្ណោះដែលត្រូវការការព្យាបាល។  ក្រុមជនអន្តោប្រវេសន៍រាប់រយនាក់ផ្សេងទៀតត្រូវស្ទាក់ចាប់បានអំឡុងព្យាយាមពទៅដល់កោះផ្សេងទៀតនៅក្នុងប្រជុំកោះ ដែលមានទីតាំងនៅឆ្នេរសមុទ្រភាគពាយ័ព្យនៃទ្វីបអាហ្រ្វិក និងកន្លែងផ្សេងទៀតនៅលើដីគោករបស់ប្រទេសអេស្ប៉ាញក្នុងរយៈពេលប៉ុន្មានថ្ងៃថ្មីៗនេះ។  ក្រុមជនអន្តោប្រវេសន៍ដែលបានទៅដល់តាមទូកទៅកាន់ប្រទេសអេស្ប៉ាញ បានចំណាយពេលរហូតដល់ ៧២ ម៉ោងក្នុងការឃុំឃាំងរបស់កងកម្លាំងនគរបាល ដើម្បីកំណត់អត្តសញ្ញាណ បន្ទាប់មកត្រូវបានបញ្ជូនទៅកាន់កន្លែងសម្រាក ឬកន្លែងឃុំឃាំងផ្សេងៗ អាស្រ័យលើករណីរបស់ពួកគេ។ ទោះបីជាអ្នកខ្លះត្រូវបាននិរទេសឲ្យត្រឡប់ទៅកាន់ប្រទេសកំណើតរបស់ខ្លួនវិញក៏ដោយ ភាគច្រើនបានដាក់លិខិតសុំសិទ្ធិជ្រកកោន ហើយត្រូវបានគេនាំទៅកាន់ដីគោកប្រទេសអេស្ប៉ាញ ដើម្បីដាក់ញត្តិរបស់ពួកគេក្នុងការសិក្សា។យោងតាមទិន្នន័យផ្លូវការ នៅក្នុងខែមករាដល់ខែសីហា ជនអន្តោប្រវេសន៍ ចំនួន ២១. ៧៨០នាក់ ទៅដល់ប្រទេសអេស្ប៉ាញ ជិត ១៥ភាគរយ ច្រើនជាងក្នុងរយៈពេលដូចគ្នានៃឆ្នាំ២០២២។ ខែកញ្ញា គឺជាអំឡុងពេលដ៏មមាញឹកបំផុត ក្នុងចំណោមរដូវកាលឆ្លងដែនជាច្រើន ក្នុងការព្យាយាមឆ្លងសមុទ្រទាំងអស់ ដោយសារទឹកមានភាពស្ងប់ស្ងាត់ជាងពេលផ្សេងៗ៕

សម្តេចនាយករដ្ឋមន្រ្តី អញ្ជើញជួបសំណេះសំណាលជាមួយលោកគ្រូ អ្នកគ្រូ អបអរសាទរអបអរសាទរ ទិវាគ្រូបង្រៀនពិភពលោកនៅវិទ្យាស្ថានបច្ចេកកម្ពុជា(តិចណូ)

2023/10/05 04:14:29 pm        432
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា នៅព្រឹកថ្ងៃទី៥ ខែតុលា ឆ្នាំ២០២៣នេះ បានអញ្ជើញជួបសំណេះសំណាល ជាមួយលោកគ្រូ អ្នកគ្រូ ដើម្បីអបអរសាទរអបអរសាទរ ទិវាគ្រូបង្រៀនពិភពលោក ក្រោមប្រធានបទ «គ្រូបង្រៀន ជាសសរស្តម្ភនៃសាលារៀនឆ្ពោះទៅរកឧត្តមភាព» ។ពិធីសំណេះសំណាលនេះគឺបានធ្វើឡើងនៅវិទ្យាស្ថានបច្ចេកកម្ពុជា(តិចណូ)៕

ជើងហោះហើរចំនួន៣ នឹងចុះចតសាកល្បង នៅព្រលានយន្តហោះអន្តរជាតិសៀមរាបអង្គរ

2023/10/05 02:40:14 pm        1176
Facebook Telegram Linkin
សៀមរាប៖ នៅថ្ងៃទី០៥ ខែតុលា ឆ្នាំ២០២៣ ចន្លោះពីម៉ោង ០៩:០០-១០:០០នាទីព្រឹក នឹងមានការចុះចតជើងហោះហើរសាកល្បងចំនួន៣ជើង ក្នុងនោះជើងហោះហើរក្នុងស្រុកចំនួន ០២ជើង (មកពីរាជធានីភ្នំពេញ និងខេត្តព្រះសីហនុ) និងជើងហោះហើរអន្តរជាតិចំនួន ០១ជើង (មកពីទីក្រុងគុនមីង ខេត្តយុនណាន នៃសាធារណរដ្ឋប្រជាមានិតចិន) នៅអាកាសយានដ្ឋានអន្តរជាតិសៀមរាបអង្គរ តាមកម្មវិធីដូចខាងក្រោម៖១-ជើងហោះហើរនៃក្រុមហ៊ុន Sky Angkor Airlines (ZA):-ភ្នំពេញ-សៀមរាប (PNH-SAI) មកដល់វេលាម៉ោង០៩:០០នាទីព្រឹក មានអ្នកដំណើរ ៨០នាក់-សៀមរាប-ភ្នំពេញ (SAI-PNH) ចេញដំណើរវេលាម៉ោង១០:០០នាទីព្រឹក មានអ្នកដំណើរ ៨៥នាក់២-ជើងហោះហើរនៃក្រុមហ៊ុន China Eastern Airlines (MU) : -គុនមីង-សៀមរាប (KMG-SAI) មកដល់វេលាម៉ោង០៩:១៥នាទីព្រឹក ពុំមានអ្នកដំណើរទេ-សៀមរាប-គុនមីង (SAI-KMG) ចេញដំណើរវេលាម៉ោង១១:០០នាទីព្រឹក ពុំមានអ្នកដំណើរទេ៣-ជើងហោះហើរនៃក្រុមហ៊ុន Cambodia Airways (KR):-ខេត្តព្រះសីហនុ-សៀមរាប (KOS-SAI) មកដល់វេលាម៉ោង០៩:៣០នាទីព្រឹក មានអ្នកដំណើរ ៨០នាក់-សៀមរាប-ភ្នំពេញ (SAI-PNH) ចេញដំណើរវេលាម៉ោង១០:៣០នាទីព្រឹក មានអ្នកដំណើរ ៨០នាក់(បញ្ជាក់៖ រាល់អ្នកដំណើរមកដល់ទាំងអស់ពុំចេញពីអាកាសយានដ្ឋាននោះទេ ហើយនឹងចេញដំណើរត្រឡប់ទៅវិញតាមជើងហោះហើរនីមួយៗ។ 

ប្រជាពលរដ្ឋ ស្នើដល់អាជ្ញាធរខេត្តកោះកុង ជួយពិនិត្យផ្លូវមួយខ្សែ កំពុងរងការខូចខាត ពិបាកក្នុងការធ្វើដំណើរ

2023/10/04 09:17:55 pm        962
Facebook Telegram Linkin
កោះកុង៖ ប្រជាពលរដ្ឋ និងអ្នកដំណើរស្នើដល់អាជ្ញាធរខេត្តកោះកុង និងមន្ទីរជំនាញ ជួយពិនិត្យជួសជុលកែលម្អផ្លូវកៅស៊ូសិរីកា ប្រវែងជិត២គីឡូម៉ែត្រ ស្ថិតក្នុងសង្កាត់ស្ទឹងវែង ក្រុងខេមរភូមិន្ទ ចាប់ពីកែងផ្លូវស្ថានីយប្រេង ស៊ូនឹង រហូតដល់កែងផ្លូវចូលភូមិ៤ និងកែងផ្លូវឆ្ពោះទៅរមណីយដ្ឋានទេសចរណ៍ព្រៃកោងកាងពាមក្រសោប ឃុំពាមក្រសោប ស្រុកមណ្ឌលសីមា។បើតាមពលរដ្ឋតែងតែធ្វើដំណើរតាមកំណាត់ផ្លូវខាងលើ និយាយនៅថ្ងៃទី៤ ខែតុលា ឆ្នាំ២០២៣ថា ផ្លូវកៅស៊ូនេះ វាខូចពិបាកធ្វើចរាចរណ៍ជិត១ឆ្នាំមកហើយ កន្លងទៅធ្លាប់មានការជួសជុលដែរ មិនមានគុណភាពល្អទេ។ ដូច្នេះទទូចស្នើជួសជុលកែលម្អជាថ្មីម្តង ដោយធ្វើយ៉ាងណារឹងមាំមានគុណភាពប្រើប្រាស់បានយូរឆ្នាំ។

អ្នកវិទ្យាសាស្ត្រ៣រូប ទទួលបានរង្វាន់ណូបែលរូបវិទ្យាឆ្នាំ២០២៣ សម្រាប់ការប្រើប្រាស់ពន្លឺដើម្បីសិក្សាអេឡិចត្រុង

2023/10/04 08:54:31 pm        194
Facebook Telegram Linkin
រាជបណ្ឌិតសភាវិទ្យាសាស្ត្រស៊ុយអែតនៅទីក្រុង Stockholm បានប្រកាសកាលពីថ្ងៃអង្គារ (៣ តុលា) ថា ពានរង្វាន់ណូបែលរូបវិទ្យាឆ្នាំ២០២៣ ត្រូវបានប្រគល់ជូនដល់អ្នកវិទ្យាសាស្រ្តបីរូបគឺលោក Pierre Agostini ( ព្យែ អាហ្កូស្ទីនី) លោក Ferenc Krausz (ហ្វេរ៉ង់ គ្រូស) និងលោកស្រី Anne L'Huillier (អាន ល្វីយេ)។ ស្ថាប័នផ្តល់រង្វាន់មួយនេះបាននិយាយថា អ្នកវិទ្យាសាស្ត្រទាំងបីរូបនេះ ទទួលបានរង្វាន់សម្រាប់ការប្រើប្រាស់ជីពចរពន្លឺ ដើម្បីសិក្សាពីលក្ខណអេឡិចត្រុង ក្នុងការងារដែលអាចជំរុញភាពជឿនលឿននៃការវិភាគរោគសញ្ញាខាងវេជ្ជសាស្រ្ត និងអេឡិចត្រូនិកបន្ថែមទៀត។ពានរង្វាន់ដែលត្រូវបានដំឡើងប្រាក់ឧបត្ថម្ភនៅឆ្នាំនេះរហូតដល់ទៅ ១១លានរូបិយប័ណ្ណស៊ុយអែត (ប្រហែល១លានដុល្លារអាមេរិក) ត្រូវបានផ្តល់ដោយរាជបណ្ឌិតសភាវិទ្យាសាស្ត្រស៊ុយអែត។ បណ្ឌិត្យសភានេះបាននិយាយថា ការងាររបស់អ្នកទាំងបី បានផ្តល់ឱ្យមនុស្សជាតិនូវឧបករណ៍ថ្មីសម្រាប់ការរុករកពិភពអេឡិចត្រុងនៅខាងក្នុងអាតូម និងម៉ូលេគុល ជាមួយនឹងកម្មវិធីក្នុងវិស័យដូចជាអេឡិចត្រូនិច និងការវិភាគរោគវិនិច្ឆ័យវេជ្ជសាស្ត្រជាដើម។ខណៈពេលដែលពានរង្វាន់ណូបែលសម្រាប់សន្តិភាពអាចឈានដល់ចំណុចសំខាន់ ពានរង្វាន់រូបវិទ្យា ក៏ជាផ្នែកមួយសំខាន់ដូចគ្នានេះដែរ ដោយអ្នកឈ្នះពានរង្វាន់ណូបែលដូចជាលោក Albert Einstein និងពានរង្វាន់សម្រាប់វិទ្យាសាស្ត្រផ្សេងទៀត បានផ្លាស់ប្តូរការយល់ឃើញរបស់មនុស្សចំពោះពិភពលោក៕

អ្នកវិភាគ៖ ការទម្លាក់ប្រធានសភាអាមេរិកចេញពីតំណែង គឺជាផ្នែកមួយនៃរដ្ឋប្រហារដោយលោកដូណាល់ ត្រាំ

2023/10/04 08:43:52 pm        175
Facebook Telegram Linkin
អ្នកវិភាគម្នាក់បានប្រាប់សារព័ត៌មាន រ៉យទ័រ ថា ការទម្លាក់តំណែងប្រធានសភាតំណាងរាស្រ្តអាមេរិក ដែលមិនធ្លាប់មានពីមុនមក គឺលោក Kevin McCarthy កាលពីថ្ងៃអង្គារ (៣ តុលា) គឺបង្ហាញពី «ការបែកបាក់» នៃគណបក្សសាធារណរដ្ឋ ហើយស្មើនឹងជ័យជម្នះសម្រាប់អតីតប្រធានាធិបតីអាមេរិក លោកដូណាល់ ត្រាំ ខណៈការទម្លាក់តំណែងនោះ ហាក់ដូចជាផ្នែកមួយនៃរដ្ឋប្រហាររបស់អតីតប្រធានាធិបតីរូបនេះផងដែរ។សមាជិកគណបក្សសាធារណរដ្ឋមួយចំនួនតូចនៅក្នុងសភា បានបណ្តេញប្រធានសភាបក្សរបស់ខ្លួន លោក McCarthy ចេញពីតំណែង ខណៈដែលជម្លោះក្នុងបក្ស បានធ្វើឱ្យសភាមានភាពវឹកវរបន្ថែមទៀតត្រឹមតែរយៈពេលប៉ុន្មានថ្ងៃប៉ុណ្ណោះ បន្ទាប់ពីបក្សសាធារណរដ្ឋនេះបញ្ចៀសបានទាំងប្រផុតប្រផើយនូវបិទរដ្ឋាភិបាលនោះ។លោក Sean Wilentz ដែលជាអ្នកជំនាញប្រវត្តិសាស្រ្តនៃសាកលវិទ្យាល័យព្រីនស្តុន បាននិយាយថា ការទម្លាក់តំណែងលោក McCarthy ដោយសមាជិកនៃគណបក្សសាធារណៈរដ្ឋដែលជិតស្និទ្ធនឹងលោកត្រាំ បានអនុញ្ញាតឱ្យអតីតប្រធានាធិបតីរូបនេះ សម្រេចបាននូវគោលដៅមួយចំនួន ដែលអ្នកគាំទ្ររបស់លោក បានបរាជ័យក្នុង នៅពេលដែលពួកគេបានសម្រុកចូលវិមានកាពីតូល របស់សហរដ្ឋអាមេរិក នៅថ្ងៃទី៦ ខែមករា ឆ្នាំ២០២១ ក្នុងការប៉ុនប៉ងបង្វែរលទ្ធផលឆ្នោតឆ្នាំ២០២០។លោក Wilentz បន្តថា ប្រសិនបើការដកលោក McCarthy ចេញពីតំណែងនាំទៅដល់ការបិទរដ្ឋាភិបាលសហរដ្ឋអាមេរិក នោះប្រវត្តិសាស្ត្របង្ហាញថា ភាគីទាំងសងខាងនឹងមិនទទួលបានផលប្រយោជន៍អ្វីនោះទេ។សភាអាមេរិក នឹងមិនមានអ្នកដឹកនាំយ៉ាងហោចណាស់រយៈពេលមួយសប្តាហ៍ ខណៈដែលអ្នកសាធារណរដ្ឋជាច្រើនបាននិយាយថា ពួកគេមានគម្រោងជួបប្រជុំគ្នានៅថ្ងៃទី១០ ខែតុលា ដើម្បីពិភាក្សាអំពីអ្នកដែលអាចស្នងតំណែងពីលោក McCarthy ជាមួយនឹងការបោះឆ្នោតលើប្រធានសភាថ្មី ដែលគ្រោងនឹងធ្វើឡើងនៅថ្ងៃទី១១ ខែតុលា ខាងមុខនេះផងដែរ៕

កម្ពុជា-ប៉ាគីស្ថានឯកភាពបង្កើតស្ថានឯកអគ្គរាជទូតកម្ពុជា ប្រចាំសាធារណរដ្ឋអ៊ីស្លាមប៉ាគីស្ថាន

2023/10/04 08:17:51 pm        155
Facebook Telegram Linkin
ភ្នំពេញ៖ តាមរយៈជំនួបរវាង សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ជាមួយ ឯកឧត្តម ហ្សាហៀរូឌីន បាបា ថាហ៊ីម (Zaheeruddin Babar Thaheem) ឯកអគ្គរដ្ឋទូត នៃសាធារណរដ្ឋអ៊ីស្លាមប៉ាគីស្ថានប្រចាំព្រះរាជាណាចក្រកម្ពុជា នាព្រឹកថ្ងៃទី៤ ខែតុលា ឆ្នាំ២០២៣ នៅវិមានសន្តិភាព ភាគីទាំងពីរបានឯកភាពបង្កើតស្ថានឯកអគ្គរាជទូតកម្ពុជា ប្រចាំសាធារណរដ្ឋអ៊ីស្លាមប៉ាគីស្ថាន។ ក្នុងជំនួបនេះសម្តេចធិបតី បានសម្តែងនូវការស្វាគមន៍ចំពោះវត្តមានរបស់ ឯកឧត្តមឯកអគ្គរដ្ឋទូត និងបានផ្តាំផ្ញើនូវការថ្លែងអំណរគុណជូនដល់ ឯកឧត្តម អាន់វ៉ាអា-អ៊ុល-ហាក់ កាកា ​នាយករដ្ឋមន្រ្តី នៃសាធារណរដ្ឋអ៊ីស្លាមប៉ាគីស្ថាន ចំពោះសារលិខិតអបអរសាទរ ក្នុងឱកាសដែលសម្តេចធិបតី ចូលកាន់មុខតំណែងជានាយករដ្ឋមន្ត្រី ​នៃព្រះរាជាណាចក្រកម្ពុជា។ ភ្ជាប់ជាមួយនេះសម្តេចធិបតី ក៏បានគូសបញ្ជាក់អំពីជំហររបស់រាជរដ្ឋាភិបាលកម្ពុជា ក្នុងការ​បន្តអនុវត្តនូវគោលនយោបាយនៃការរក្សាទំនាក់ទំនង ​និងកិច្ចសហប្រតិបត្តិការល្អ ជាមួយសាធារណរដ្ឋអ៊ីស្លាមប៉ាគីស្ថាន ព្រមទាំងសង្ឃឹមថា​ ប្រទេសទាំងពីរនឹងអាចពង្រឹង និងពង្រីក កាន់តែប្រសើរឡើងថែមទៀត។ជាការឆ្លើយតប ឯកឧត្តមឯកអគ្គរដ្ឋទូត បានសម្តែងនូវការអបអរសាទរចំពោះការចូលកាន់​មុខតំណែង​ជានាយករដ្ឋមន្ត្រីរបស់ សម្តេចធិបតី ក៏ដូចជាចំពោះជោគជ័យដ៏ត្រចះត្រចង់របស់​គណបក្សប្រជាជនកម្ពុជា​ នៅក្នុងការបោះឆ្នោតជ្រើសតាំងតំណាងរាស្ត្រ ​កាលពីខែកក្កដា ឆ្នាំ២០២៣ កន្លងទៅ។ ឯកឧត្តមឯកអគ្គរដ្ឋទូតក៏បានបង្ហាញនូវក្តីសង្ឃឹមថា កិច្ចសហប្រតិបត្តិការកម្ពុជា-ប៉ាគីស្ថាន នឹងកាន់តែត្រូវបានលើកកម្ពស់ប្រសើរឡើងបន្ថែមទៀត ជាពិសេសស្របពេលដែលកន្លងមក​ប្រទេសទាំងពីរមានកិច្ចសហប្រតិបត្តិការល្អជាមួយគ្នា នៅក្នុងវិស័យជាច្រើន ជាអាទិ៍ វិស័យពាណិជ្ជកម្ម ដែលត្រូវបានកត់សម្គាល់តាមរយៈលទ្ធភាពនៃការបង្កើត​គណៈកម្មការពាណិជ្ជកម្ម​ចម្រុះ (Joint Trade Committee) ដែលជាយន្តការល្អមួយដើម្បី​ពង្រីកកិច្ចសហប្រតិបត្តិការនៅក្នុងវិស័យនេះ។ ដោយទ្បែកវិស័យការពារជាតិ ក៏បានស្តែងឡើងតាមរយៈការចូលចតនាវា និងការបំពេញទស្សនកិច្ចផ្លូវការរបស់មន្ត្រីយោធាជាន់ខ្ពស់ផងដែរ។ លើសពីនេះភាគីទាំងពីរក៏បានឯកភាពគ្នា ក្នុងការជំរុញកិច្ចសហប្រតិបត្តិការបន្ថែមទៀតនៅក្នុងវិស័យកសិកម្ម។ ក្នុងឱកាសនោះផងដែរ ឯកឧត្តមឯកអគ្គរដ្ឋទូត បានគោរពអញ្ជើញ សម្តេចធិបតី ទៅបំពេញ​ទស្សនកិច្ចផ្លូវការ​នៅសាធារណរដ្ឋអ៊ីស្លាមប៉ាគីស្ថាន និងបានគោរពស្នើសុំឱ្យមានការបង្កើត​ស្ថាន​ឯកអគ្គរាជទូត​កម្ពុជាប្រចាំសាធារណរដ្ឋអ៊ីស្លាមប៉ាគីស្ថាន ​ដើម្បីជួយសម្រួលដល់យន្តការផ្សេងៗ ជាពិសេសដើម្បីបម្រើឱ្យវិស័យពាណិជ្ជកម្ម ​និងទំនាក់ទំនងរវាងប្រជាជន និងប្រជាជន។ ជាការឆ្លើយតបសម្តេចធិបតីបានឯកភាពចំពោះការស្នើនៃការបង្កើតស្ថានឯកអគ្គរាជទូតកម្ពុជាប្រចាំសាធារណរដ្ឋអ៊ីស្លាមប៉ាគីស្ថាន គឺដូចទៅនឹងអ្វីដែលសម្តេចតេជោធ្លាប់បានឯកភាពកាលពីពេល​មុនកន្លងមកដែរ៕

លទ្ធផលសំខាន់៦ចំណុច បង្ហាញក្រោយកិច្ចប្រជុំរដ្ឋមន្រ្តីកសិកម្មនិងព្រៃឈើអាស៊ាន លើកទី៤៥

2023/10/04 08:04:03 pm        141
Facebook Telegram Linkin
ភ្នំពេញ៖ ឯកឧត្តម ឌិត ទីណា រដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ នៅព្រឹកថ្ងៃទី៤ ខែតុលា ឆ្នាំ២០២៣នេះ បានដឹកនាំប្រតិភូចូលរួមកិច្ចប្រជុំរដ្ឋមន្រ្តីកសិកម្ម ​និងព្រៃឈើអាស៊ាន លើកទី៤៥ នៅទីក្រុងគូឡាឡាំពួ ប្រទេសម៉ាឡេស៊ី។ តាមក្រសួងកសិកម្ម រុក្ខាប្រមាញ់ និងនេសាទ បានសសេរក្នុងបណ្តាញសង្គមហ្វេសប៊ុកថា អង្គប្រជុំបាន​ពិនិត្យ និងឯកភាពលើរបាយការណ៍វឌ្ឍនភាពនៃការអនុវត្តក្របខ័ណ្ឌគោលនយោបាយ ទាក់ទងនឹងកិច្ចសហប្រតិបត្តិការលើវិស័យស្បៀង កសិកម្ម ​និងព្រៃឈើអាស៊ាន ដែលមាន​ក្រុមការងារ​តាមវិស័យ អនុវិស័យ និងក្រុមការងារបច្ចេកទេសជាច្រើន។ កិច្ចប្រជុំនេះ ក៏បានពិនិត្យលើកិច្ចសហប្រតិបត្តិការតាមវិស័យពាក់ព័ន្ធជាមួយដៃគូសន្ទនា អង្គការអន្តរជាតិ​ និងស្ថាប័នពាក់ព័ន្ធនានាផងដែរ។ ប្រភពខាងលើ បានលើកឡើងបន្តថា អង្គប្រជុំបានឯកភាព និងអនុម័តលើឯកសារយុទ្ធសាស្រ្ត គោលការណ៍ណែនាំ និងឯកសារបច្ចេកទេសមួយចំនួន និងបានចេញសេចក្តីថ្លែងការរួម​នៃកិច្ចប្រជុំរដ្ឋមន្រ្តីកសិកម្ម ​និងព្រៃឈើអាស៊ានលើកទី៤៥ ដែលជាការប្តេជ្ញាចិត្តក្នុងការជំរុញ​កិច្ចសហប្រតិបត្តិការលើវិស័យស្បៀង កសិកម្ម និងព្រៃឈើ ដោយទទួលស្គាល់សារៈសំខាន់​នៃកសិកម្មប្រកបដោយនិរន្តរភាព សន្តិសុខស្បៀង ​និងការគ្រប់គ្រងព្រៃឈើប្រកបដោយចីរភាព ការបញ្ជាក់ពីតម្រូវការសម្រាប់កិច្ចសហការយ៉ាងជិតស្និទ្ធដើម្បីដោះស្រាយបញ្ហាប្រឈមនិងការចាប់យកឱកាសនៅក្នុងតំបន់។ សេចក្តីថ្លែងការណ៍រួមនេះ បានផ្តោតជាសំខាន់ទៅលើ ៦ចំណុច មានដូចជា៖ ក្របខ័ណ្ឌគោល​នយោបាយទាក់ទងនឹងកិច្ចសហប្រតិបត្តិការអាស៊ានលើវិស័យស្បៀង​ កសិកម្ម និងព្រៃឈើ ឆ្នាំ២០២២-២០២៣ , ការអភិវឌ្ឍ​ប្រកបដោយចីរភាពនៃវិស័យស្បៀង ​កសិកម្ម និងព្រៃឈើ , សន្តិសុខស្បៀង ​និងអាហារូបត្ថម្ភ , សុវត្ថិភាពចំណីអាហារ ​ការគ្រប់គ្រងនិងគុណភាពផលិតផល , ការរៀបចំសម្រាប់​ចក្ខុវិស័យក្រោយឆ្នាំ២០២៥ និងផែនការយុទ្ធសាស្រ្តសម្រាប់កិច្ចសហប្រតិបត្តិការ​លើវិស័យស្បៀង កសិកម្ម ​និងព្រៃឈើ ​និងការរួមគ្នាឆ្ពោះទៅមុខជាមួយដៃគូសន្ទនា និងអង្គការអន្តរជាតិនានា៕

សម្តេចធិបតី ហ៊ុន ម៉ាណែត ប្រកាសជំហរទំនាក់ទំនងរវាងកម្ពុជា-អង់គ្លេស គឺមិនប្រែប្រួល

2023/10/04 07:58:45 pm        236
Facebook Telegram Linkin
ភ្នំពេញ៖ នាព្រឹកថ្ងៃទី៤ ខែតុលា ឆ្នាំ២០២៣ នៅវិមានសន្តិភាព សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា បានទទួលជួបសម្ដែងការគួរសម និងពិភាក្សាការងារជាមួយ ឯកឧត្តម ដូមីនិច វីល្លៀម(Dominic Williams) ឯកអគ្គរាជទូត នៃចក្រភពអង់គ្លេស ប្រចាំព្រះរាជាណាចក្រកម្ពុជា ។នៅក្នុងជំនួបនេះ ឯកឧត្តម ដូមីនិច វីល្លៀម បានអបអរសាទរចំពោះ សម្តេចធិបតី ក្នុងឱកាសនៃការចូលកាន់មុខតំណែងជានាយករដ្ឋមន្រ្តី នៃព្រះរាជាណាចក្រកម្ពុជា នីតិកាលទី៧ នៃរដ្ឋសភា និងចំពោះសមិទ្ធផលនានា ដែលរាជរដ្ឋាភិបាលថ្មីនេះ សម្រេចបានក្នុងរយៈពេលដ៏ខ្លីនេះ រួមទាំងការចូលរួមក្នុងកិច្ចប្រជុំអន្តរជាតិសំខាន់ៗ ទាំងក្នុងក្របខ័ណ្ឌអាស៊ាន និងអង្គការសហប្រជាជាតិ។ ទន្ទឹមនឹងនេះ ឯកឧត្តមឯកអគ្គរាជទូត ក៏បានសម្តែងនូវការអបអរសាទរចំពោះខួបលើកទី៧០ នៃចំណងការទូតកម្ពុជា-អង់គ្លេស ស្របពេលដែលទំនាក់ទំនងរវាងប្រទេសទាំងពីរ កំពុងមានការរីកចម្រើនលើគ្រប់វិស័យ។ ជាក់ស្តែង នៅក្នុងឆ្នាំ២០២៣នេះ ក្នុងវិស័យអប់រំ គឺមានសាលារៀនរបស់អង់គ្លេសចំនួន ៣កន្លែង ក្នុងនេះមានសាកលវិទ្យាល័យចំនួន ១កន្លែង ត្រូវបានបើកដំណើរការ។ លើសពីនេះ កម្ពុជា-អង់គ្លេស ក៏បានចាប់ផ្តើមដំណើរគម្រោងពាណិជ្ជកម្មប្រទេសកំពុងអភិវឌ្ឍន៍ (Developing Countries Trading Scheme - DCTS) ប្រកបដោយជោគជ័យ ដែលជាប្រព័ន្ធ​អនុគ្រោះពន្ធថ្មីមួយ ជំនួសឱ្យប្រព័ន្ធអនុគ្រោះពន្ធទូទៅ(Generalized Scheme of Preferences - GSP) បន្ទាប់ពីចក្រភពអង់គ្លេសចាកចេញពីសហភាពអឺរ៉ុប។ ជាមួយគ្នានេះ រាជរដ្ឋាភិបាលអង់គ្លេស នៅក៏នៅតែបេ្តជ្ញាបន្តគាំទ្រការបោសសម្អាតមីននៅកម្ពុជារហូតដល់ឆ្នាំ២០២៥។ ក្រៅពីនេះ ភាគីមិត្ត ក៏បានស្នើឱ្យមានការពិនិត្យលទ្ធភាពនៃកិច្ចសហប្រតិបត្តិការលើវិស័យចំនួនពីរ នៅក្នុងយុទ្ធសាស្ត្របញ្ចកោណ ពោលគឺ វិស័យសេដ្ឋកិច្ចបៃតង និងវិស័យថាមពលកកើតទ្បើងវិញ ហើយក៏បានបង្ហាញនូវក្តីសង្ឃឹមថា កិច្ចសហប្រតិបត្តិការកម្ពុជា-អង់គ្លេស នឹងកាន់តែរីកចម្រើន​ទ្បើង​ថែមទៀត នៅគ្រប់ផ្នែក និងគ្រប់វិស័យ រួមទាំងផ្នែកនយោបាយផងដែរ។ ដោយឡែក ឯកឧត្តមឯកអគ្គរាជទូត បានកត់សម្គាល់អំពីជោគជ័យនៃដំណើរការកាត់ក្តីអតីតមេ​ដឹកនាំ​​ខ្មែរក្រហម ដោយបានវាយតម្លៃថា នេះជាការបញ្ចប់នូវទំព័រប្រវត្តិសាស្ត្រដ៏ខ្មៅងងឹត ស្របពេលដែលកម្ពុជាកំពុងមានការរីកចម្រើនលើគ្រប់វិស័យ ដូចពេលបច្ចុប្បន្ននេះ។ជាការឆ្លើយតប សម្តេចធិបតី បានថ្លែងអំណរគុណចំពោះ ឯកឧត្តមឯកអគ្គរាជទូត ក៏ដូចជារាជរដ្ឋាភិបាល និងប្រជាជនអង់គ្លេស ចំពោះការរីកចម្រើននៃកិច្ចសហប្រតិបត្តិការរវាងប្រទសទាំងពីរ ជាអាទិ៍៖ ការឧបត្ថម្ភគាំទ្រក្នុងការប្រយុទ្ធប្រឆាំងនឹងជំងឺកូវីដ-១៩, ការគាំទ្រដល់កិច្ចដំណើរការកាត់ក្តីអតីតមេដឹកនាំខ្មែរក្រហម រហូតដល់ទីបញ្ចប់, ការប្តេជ្ញាបន្តគាំទ្រដំណើរការបោសសម្អាតមីននៅកម្ពុជា ដើម្បីរួមចំណែកសម្រេចបាននូវចក្ខុវិស័យកម្ពុជាអស់មីនឆ្នាំ២០២៥ ជាដើម។ល។ សម្តេចធិបតី ក៏បានថ្លែងអំណរគុណផងដែរ ចំពោះការដាក់ឱ្យដំណើរការគម្រោង DCTS និងបានស្នើសុំឱ្យចក្រភពអង់គ្លេសពិនិត្យលទ្ធភាពនាំចូលផលិតផលកសិកម្មពីកម្ពុជា បន្ថែមពីលើការនាំចូលផលិតផលវាយនភណ្ឌ និងផលិតផលស្បែកជើង។ ដោយឡែក សម្តេចធិបតី ក៏បានគូសបញ្ជាក់ នូវជំហរគាំទ្ររបស់កម្ពុជាលើវិស័យសេដ្ឋកិច្ចបៃតង និងថាមពលកកើតទ្បើងវិញ ព្រមទាំងបានសម្តែងនូវក្តីរីករាយសាទរចំពោះកិច្ច​សហប្រតិបត្តិការរវាងប្រទសទាំងពីរ លើវិស័យទាំងនេះ នាពេលខាងមុខ។ មួយវិញទៀត សម្តេចធិបតី ក៏បានបង្ហាញនូវក្តីរំពឹងថា កិច្ចសហប្រតិបត្តិការកម្ពុជា-អង់គ្លេស នឹងបន្តរុងរឿងទ្បើងថែមទៀតលើគ្រប់វិស័យ ជាពិសេសលើវិស័យពាណិជ្ជកម្ម ដែលនឹងអនុញ្ញាត​ឱ្យកម្ពុជាអាចពង្រីកទីផ្សារថ្មីៗបន្ថែមទៀត លើមុខទំនិញនាំចេញ​ទៅកាន់ចក្រភពអង់គ្លេស។ ចំពោះវិស័យការពារជាតិវិញ សម្តេចធិបតី ក៏រំពឹងផងដែរថានឹងមានកិច្ចសហប្រតិបត្តិការជិតស្និទ្ធ​បន្ថែមទៀត ទាំងលើការងារហ្វឹកហ្វឺន, ការធ្វើលំហាត់រួម និងការចូលចតនាវាជាដើម។ ក្នុងឱកាសនោះផងដែរ សម្តេចធិបតី ក៏បានគូសបញ្ជាក់បន្ថែមថា ទោះបីកម្ពុជាមានរាជរដ្ឋាភិបាលថ្មី ប៉ុន្តែគោល​នយោបាយការបរទេស ជាពិសេសក្នុងទំនាក់ទំនងរវាងកម្ពុជា-អង់គ្លេស គឺមិនប្រែប្រួល​ឡើយ៕

បណ្ដាញសង្គម

ព័ត៌មានថ្មីៗ

អ្នកសារព័ត៌មានបារាំង ចាប់អារម្មណ៍ សកម្មភាពស្និទ្ធស្នាលរបស់ ប្រធានាធិបតីបារាំង ហើយសង្ឃឹម កម្ពុជានឹងទទួលផលវិជ្ជមានច្រើន
11/14/2026 08:11 PM
Facebook Telegram Linkin
ពិព័រណ៍ FrancoTech ចាប់ផ្ដើមបើក ជំរុញម្ចាស់អាជីវកម្មថ្មីៗមានឱកាសចាប់ដៃគូជាតិ-អន្តរជាតិ
11/14/2026 08:11 PM
Facebook Telegram Linkin
ប្រធានាធិបតីតូហ្គោ អញ្ជើញមកដល់អាកាសយានដ្ឋានអន្តរជាតិតេជោ ដើម្បីចូលរួមកិច្ចប្រជុំកំពូលហ្វ្រង់កូហ្វូនី លើកទី២០ នៅកម្ពុជា
11/14/2026 07:11 PM
Facebook Telegram Linkin
សម្ដេចតេជោ៖ កម្ពុជា និងវៀតណាមមានប្រវត្តិជាអ្នកជិតខាងល្អ តែងតែជួយគ្នាទៅវិញទៅមក ខណៈវត្តមានមកកាន់កម្ពុជាពេលនេះជាការផ្ដល់តម្លៃចំពោះទំនាក់ទំនងជាមួយកម្ពុជាក៏ដូចជាសហគមន៍ហ្វ្រង់កូហ្វូនី
11/14/2026 07:11 PM
Facebook Telegram Linkin
សម្តេចតេជោ ជំរុញបញ្ចប់បោះបង្គោលព្រំដែន កម្ពុជា-ឡាវ ខណៈប្រទេសទាំង២ សហការគ្នាយ៉ាងសកម្ម
11/14/2026 07:11 PM
Facebook Telegram Linkin
សម្ដេចតេជោចាត់ទុកវត្តមានប្រធានរដ្ឋឡាវមកកាន់កម្ពុជា បានផ្ដល់តម្លៃដល់ទំនាក់ទំនងជាមួយកម្ពុជា និងសហគមន៍ហ្វ្រង់កូហ្វូនី
11/14/2026 07:11 PM
Facebook Telegram Linkin
កម្ពុជា និងសាធារណរដ្ឋកូរ៉េ ប្តេជ្ញាបន្តជំរុញទំនាក់ទំនងភាពជាដៃគូ​យុទ្ធសាស្ត្រ​ជាមួយ​គ្នាឱ្យ​កាន់តែរីកចម្រើន
11/14/2026 06:11 PM
Facebook Telegram Linkin
ធុរជននិយាយភាសាបារាំង​មើលឃើញសក្ដានុពលវិនិយោគនៅកម្ពុជាបន្ទាប់ពីមានជំនួបសហគ្រិនហ្រ្វង់កូហ្វូនី
11/14/2026 06:11 PM
Facebook Telegram Linkin
កម្ពុជាសូមស្វាគមន៍យ៉ាងកក់ក្តៅចំពោះវត្តមានឯកឧត្តម អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង មកកាន់ព្រះរាជាណាចក្រកម្ពុជា
11/14/2026 06:11 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត រួមដំណើរជាមួយលោកជំទាវប្រធានាធិបតីប៊ុលហ្គារី ទស្សនកិច្ចភូមិហ្រ្វង់កូហ្វូនី
11/14/2026 06:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.