នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចតេជោ ហ៊ុន សែន រម្លឹកពីប្រវត្តិនៃការលះបង់របស់សម្ដេចប្ដូរយក ការរស់រានរបស់ប្រជាជន សន្តិភាព និងការអភិវឌ្ឍប្រទេសជាតិ
រាជរដ្ឋាភិបាលសម្រេចប្រសិទ្ធនាមស្ពានខ្ពស់ជាងគេនៅកម្ពុជាថា «ស្ពាន​តេជោសន្តិភាពឫស្សីជ្រុំ»
សម្ដេចតេជោ ហ៊ុន សែន ជំរុញឱ្យប្រទេសបង់ក្លាដេសបង្កើនការវិនិយោគ ជាពិសេសវិស័យកសិកម្មជាមួយកម្ពុជា
TOP STORY | សម្ដេចតេជោបញ្ជាក់ថា សំឡេងសន្ទនារវាងសម្ដេច និងនាយករដ្ឋមន្រ្តីថៃដែលបែកធ្លាយបានផ្ញើទៅមន្រ្ដីពាក់ព័ន្ធប្រហែល៨០នាក់»

នយោបាយ​ និង ការអភិវឌ្ឍន៍

រដ្ឋមន្រ្តីរដ្ឋមន្រ្តីក្រសួងការពារជាតិ បិទវគ្គលំហាត់ហ្វឹកហ្វឺនប្រតិបត្តិការពហុជាតិលើទីលានសកម្មភាពមនុស្សធម៌ក្នុងក្របខ័ណ្ឌរដ្ឋមន្ត្រីការពារជាតិអាស៊ាន-បូក

2023/09/22 08:50:28 am        131
Facebook Telegram Linkin
កំពង់ស្ពឺ​​​​​​​​​​​​​៖ នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋមន្រ្តីក្រសួងការពារជាតិ នៅព្រឹកថ្ងៃទី២២ ខែកញ្ញា ឆ្នាំ ២០២៣នេះ បានអញ្ជើញចូលរួមបិទវគ្គលំហាត់ហ្វឹកហ្វឺនប្រតិបត្តិការពហុជាតិលើទីលានសកម្មភាពមនុស្សធម៌ក្នុងក្របខ័ណ្ឌរដ្ឋមន្ត្រីការពារជាតិអាស៊ាន-បូក ក្រោមប្រធានបទ «មាតុភូមិដ៏បវរ ឆ្នាំ២០២៣» នៅឯសាលាហ្វឹកហ្វឺនកងកម្លាំងរក្សាសន្តិភាពពហុសាសន៍ ស្ថិតនៅខេត្តកំពង់ស្ពឺ។ សូមបញ្ជាក់ថា ការរៀបចំលំហាត់ហ្វឹកហ្វឺនប្រតិបត្តិការពហុជាតិរួមគ្នាជាមួយសិក្ខាកាមយោធាមកពីបណ្តាប្រទេសជាមិត្តភាពនេះ ដើម្បីផ្សព្វផ្សាយសន្តិភាពតំបន់ និងការអភិវឌ្ឍមានចីរភាព ដែលបានបង្ហាញថា ទោះបីពណ៌សំបុរ ជាតិសាសន៍ខុសគ្នា ប៉ុន្តែក្នុងគោលបំណងតែមួយ គឺបោសសម្អាតមីនមនុស្សធម៌ ដើម្បីសន្តិភាព។លំហាត់ហ្វឹកហ្វឺនពហុជាតិនេះ ត្រូវធ្វើឡើងរយៈពេល២៣ថ្ងៃ ចាប់តាំងពីថ្ងៃទី០១ ដល់២៣ ខែកញ្ញា ឆ្នាំ២០២៣ ដោយបានបើកកាលពីថ្ងៃទី១៣ ខែកញ្ញា ឆ្នាំ២០២៣ ក្រោមអធិបតីភាព នាយឧត្តមសេនីយ៍ សែម សុវណ្ណនី អនុប្រធានទី១ នៃគណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព និងវរសេនីយ៍ឯកពិសេស យ៉ាង ប៊ីនប៊ីន (Yang BinBin) នាយរងសេនាធិការសម្ព័ន្ធអង្គទ័ពលេខ៧៥ នៃកងទ័ពរំដោះប្រជាជនចិន ជាសហប្រធាន ដោយមានការចូលរួមពីនាយទាហាន នាយទាហានរង ពលទាហាន សិក្ខាកាម យោធាចារ្យជាតិ-អន្តរជាតិជាច្រើន។គោលបំណងនៃការលំហាត់ពហុជាតិនេះ គឺធ្វើឡើងដើម្បីផ្លាស់ប្ដូរបទពិសោធន៍គ្នាទៅវិញទៅមក ក៏ដូចជាបង្កើនចំណងសាមគ្គីភាព មិត្តភាពរវាងបណ្តាប្រទេសក្នុងអាស៊ាន និងប្រទេសដៃគូដទៃទៀត ដោយក្នុងនោះមានកងកម្លាំងពហុសាសន៍សរុប៤៥០នាក់ មកពី ១៤ប្រទេសរួមមាន៖ កម្ពុជា ចិន អូស្ត្រាលី ប្រ៊ុយណេដារូសាឡឹម ឥណ្ឌា ឥណ្ឌូនេស៊ី ប្រទេសជប៉ុន សាធារណរដ្ឋកូរ៉េ ឡាវ ហ្វីលីពីន រុស្សី សិង្ហបុរី សហរដ្ឋអាមេរិក និងវៀតណាមជាដើម ដែលជាការរួមចំណែកមួយយ៉ាងសំខាន់ ក្នុងដំណើរឆ្ពោះទៅកាន់កម្ពុជាគ្មានមីន ឆ្នាំ២០២៥ ជាពិសេសគឺគាំទ្រដល់គំនិតផ្តួចផ្តើមរបស់ សម្ដេចតេជោអតីតនាយករដ្ឋមន្ត្រី «ផ្តល់ដីសុវត្ថិភាពបង្កើតស្នាមញញឹម»។លំហាត់ហ្វឹកហ្វឺនពហុជាតិលើទីលាននេះ ផ្តោតទៅលើវិញ្ញាសារបោសសម្អាតមីន មនុស្សធម៌ កម្ទេចយុទ្ធភណ្ឌមិនទាន់ផ្ទុះសង្គ្រោះបឋមជាដើម។ទន្ទឹមនឹងនោះ មានបើកវេទិកាសម្រាប់ពិភាក្សា និងដកពិសោធន៍ ក្នុងកម្រិតអង្គការជំនាញអន្តរជាតិ និងមានវិជ្ជាជីវៈ មកពីបណ្តាប្រទេសចូលរួម ក្រោមប្រធានបទ«ការអភិវឌ្ឍនៃឧបករណ៍បោសសម្អាតមីន និងបច្ចេកទេសវិទ្យា នវានុវត្តន៍ និងការប្តូរបទពិសោធន៍»។លំហាត់ហ្វឹកហ្វឺនប្រតិបត្តិការពហុជាតិលើទីលានសកម្មភាពមនុស្សធម៌ ក្នុងក្របខ័ណ្ឌរដ្ឋមន្ត្រីការពារជាតិអាស៊ាន-បូក» បានដំណើរការទៅដោយរលូន ប្រសិទ្ធភាព និងជោគជ័យ ដោយបានបង្ហាញអំពីតួនាទីដ៏សំខាន់របស់កម្ពុជា នៅក្នុងតំបន់ ក៏ដូចជានៅលើឆាកអន្តរជាតិជាថ្មីម្តងទៀត បន្ទាប់ពីទទួលជោគជ័យ នៅក្នុងការធ្វើជាម្ចាស់ផ្ទះនៃកិច្ចប្រជុំអាស៊ាន លើកទី៣ ឆ្នាំ២០២២ និងភាពជាម្ចាស់ផ្ទះ នៃព្រឹត្តិការណ៍ស៊ីហ្គេម លើកទី៣២ និងអាស៊ានប៉ារ៉ាហ្គេម លើកទី១២ ឆ្នាំ២០២៣ កន្លងទៅ៕(អត្ថបទ៖បាន ចក់)

អាមេនី និងអាស៊ែរបៃហ្សង់ចោទដាក់គ្នាពីបញ្ហានៅតំបន់ការ៉ាបាក់ ខណៈក្រុមប្រឹក្សាសន្តិសុខUNទាមទារសន្តិភាព

2023/09/22 08:39:50 am        177
Facebook Telegram Linkin
អាមេនី៖ សមាជិកក្រុមប្រឹក្សាសន្តិសុខអង្គការសហប្រជាជាតិ រួមមានសហរដ្ឋអាមេរិក ទួរគី រុស្ស៊ី និងអាល្លឺម៉ង់ បានអំពាវនាវកាលពីថ្ងៃព្រហស្បតិ៍ (២១ កញ្ញា) សម្រាប់សន្តិភាពនៅតំបន់ណាហ្គ័រណូ-ការ៉ាបាក់ ដែលជាតំបន់បំបែកខ្លួនរបស់អាមេនីនៅក្នុងប្រទេសអាស៊ែរបៃហ្សង់ ជាទីដែលរដ្ឋធានីបាគូ បានបើកការវាយលុកក្នុងសប្តាហ៍នេះ។រដ្ឋមន្ត្រីការបរទេសអាមេនី លោក អារ៉ារ៉ាត់ មឺហ្ស៊ូយ៉ាន (Ararat Mirzoyan) បាននិយាយថា រដ្ឋធានីបាគូ ទំនងជានឹងបន្តប្រើកម្លាំងប្រឆាំងនឹងជនស៊ីវិលនៅតំបន់ណាហ្គ័រណូ-ការ៉ាបាក់ ម្តងទៀត លុះត្រាតែមានការរារាំងដោយមហាអំណាចពិភពលោក។ សមភាគីអាស៊ែបៃហ្សង់របស់លោក មឺហ្ស៊ូយ៉ាន គឺលោករដ្ឋមន្ត្រីការបរទេស Jeyhun Bayramov ដែលចោទប្រកាន់រដ្ឋធានីយេរ៉េវ៉ាន់ ពីការផ្សព្វផ្សាយព័ត៌មានមិនពិត បាននិយាយថា រដ្ឋធានីបាគូបានធ្វើប្រតិបត្តិការប្រឆាំងភេរវកម្មប្រឆាំងនឹងកងកម្លាំងរបស់រដ្ឋធានីយេរ៉េវ៉ាន់ តែប៉ុណ្ណោះ។គួរបញ្ជាក់ផងដែរថា តំបន់ ការ៉ាបាក់ ត្រូវបានទទួលស្គាល់ជាអន្តរជាតិថា ជាផ្នែកមួយនៃប្រទេសអាស៊ែរបៃហ្សង់ ប៉ុន្តែបានទទួលឯករាជ្យភាពជាក់ស្តែង ចាប់តាំងពីផ្តាច់ខ្លួននៅក្នុងសង្គ្រាមក្នុងទសវត្សរ៍ឆ្នាំ១៩៩០មក នៅពេលដែលសហភាពសូវៀតបនាដួលរលំ។ អាស៊ែរបៃហ្សង់បានបើកការវាយលុកយោធាដើម្បីដណ្តើមបានការគ្រប់គ្រងឡើងវិញលើទីក្រុង ការ៉ាបាក់ នេះកាលពីថ្ងៃទី១៩ ខែកញ្ញា រយៈពេលមួយថ្ងៃបន្ទាប់ពីជំនួយមនុស្សធម៌ត្រូវបានបញ្ជូនទៅតំបន់នេះជាលើកដំបូងក្នុងរយៈពេលជាច្រើនខែ៕

ឥណ្ឌាបញ្ឈប់ការផ្ដល់ទិដ្ឋាការថ្មីសម្រាប់ជនជាតិកាណាដា ដោយស្នើទីក្រុងអូតាវ៉ា កាត់បន្ថយបេសកកម្មការទូតខណៈភាពតានតឹងកាន់តែខ្លាំង

2023/09/22 08:36:29 am        203
Facebook Telegram Linkin
ឥណ្ឌា៖ ប្រទេសឥណ្ឌាកាលពីថ្ងៃព្រហស្បតិ៍ បានផ្អាកការផ្ដល់ទិដ្ឋាការឆ្លងដែនថ្មីសម្រាប់ពលរដ្ឋកាណាដា និងបានស្នើឲ្យទីក្រុងអូតាវ៉ា (Ottawa) កាត់បន្ថយវត្តមានអ្នកការទូតរបស់ខ្លួននៅក្នុងប្រទេសនេះ ជាការកើនឡើងកម្ដៅខ្លាំងថ្មី កើតចេញពីការចោទប្រកាន់របស់លោកនាយករដ្ឋមន្ត្រីកាណាដា ចាស្ទីន ទ្រូដូ (Justin Trudeau) ពាក់ព័ន្ធទៅនឹងទីក្រុង New Delhi ចំពោះឃាតកម្មរបស់មេដឹកនាំក្រុមផ្ដាច់ខ្លួនកាន់សាសនាស៊ីគ។ ក្រសួងការបរទេសឥណ្ឌា បាននិយាយថា កាណាដា ពុំបានចែករំម្លែកព័ត៌មានជាក់លាក់ណាមួយជាប់ពាក់ព័ន្ធទៅនឹងការចោទប្រកាន់ពី សំណាក់លោកទ្រូដូ នោះទេ ហើយថា ទីក្រុង New Delhi មានឆន្ទៈទទួល ប្រសិនបើត្រូវបានផ្ដល់ឲ្យនោះ ។ការផ្អាកដ៏ធំនៃទិដ្ឋាការឆ្លងដែនថ្មីធ្វើឡើងដោយប្រទេសឥណ្ឌា សម្រាប់ប្រទេសលោកខាងលិចមួយនេះ ពុំធ្លាប់បានកើតឡើងទេ និងធ្វើឲ្យទំនាក់ទំនងឥណ្ឌា -កាណាដា ធ្លាក់ដល់ចំណុចទាបបំផុត។សេចក្ដីប្រកាសនេះ បានកើតឡើងប៉ុន្មានម៉ោងប៉ុណ្ណោះ បន្ទាប់ពីអាជ្ញាធរជាន់ខ្ពស់របស់កាណាដានិយាយថា ខ្លួននឹងកាត់បន្ថយវត្តមានបុគ្គលិកផ្នែកការទូតរបស់ខ្លួនជាបណ្ដោះអាសន្ននៅក្នុងប្រទេសឥណ្ឌា ក្រោយក្រុមអ្នកការទូតមួយចំនួន បានទទួលសារគំរាមនៅលើបណ្ដាញសង្គម។  អ្នកនាំពាក្យក្រសួងការបរទេសឥណ្ឌា លោក អារីនដាំបាកជី(Arindam Bagchi) បាននិយាយថា ឥណ្ឌាបានផ្អាកចេញទិដ្ឋាការឆ្លងដែនថ្មី ចំពោះពលរដ្ឋកាណាដា ដោយសារការគំរាមផ្នែកសន្តិសុខចំពោះបុគ្គលិករបស់ខ្លួនក្នុងស្ថានកុងស៊ុលរបស់ខ្លួននៅកាណាដា។ គួររម្លឹកថា ភាពតានតឹងមិនធ្លាប់មានបានរីកកាន់តែធំកាលពីថ្ងៃចន្ទដើមសប្ដាហ៍នេះ បន្ទាប់ពីលោកទ្រូដូ និយាយថា ទីក្រុងអូតាវ៉ា កំពុងស៊ើបអង្កេតការចោទប្រកាន់ដែលអាចទុកចិត្តបានអំពីការពាក់ព័ន្ធរបស់រដ្ឋាភិបាលឥណ្ឌាក្នុងករណីឃាតកម្មកាលពីខែមិថុនាលើសកម្មជនកាន់សាសនាស៊ីគ លោក   ហាឌីបស៊ីញនីចា (Hardeep Singh Nijjar)នៅខេត្តប្រ៊ីធីសកូឡុំប៊ីរបស់កាណាដា៕

សម្តេចធិបតី ហ៊ុន ម៉ាណែត អរគុណបងប្អូនប្រជាពលរដ្ឋខ្មែររស់នៅអាមេរិក និងកាណាដា ដែលរង់ចាំ និងទទួលស្វាគមន៍សម្តេច និងគណៈប្រតិភូកម្ពុជាយ៉ាងកក់ក្តៅ និងស្និទ្ធស្នាលបំផុត

2023/09/22 08:27:18 am        124
Facebook Telegram Linkin
ភ្នំពេញ៖ សម្តេចធិបតី ហ៊ុន ម៉ាណែត នាយករដ្ឋមន្ត្រី បានប្រកាសសូមអរគុណបងប្អូនប្រជាពលរដ្ឋខ្មែររស់នៅសហរដ្ឋអាមេរិក និងកាណាដា ដែលបានមករង់ចាំ និងទទួលស្វាគមន៍យ៉ាងកក់ក្តៅ និងស្និទ្ធស្នាលបំផុត នៅទីតាំងស្នាក់នៅ “សណ្ឋាគារ Millenium Hotel UN One Plaza”។ ទីក្រុងញូវយ៉ក សហរដ្ឋអាមេរិក ល្ងាចថ្ងៃព្រហស្បតិ៍ ទី២១ ខែកញ្ញា ឆ្នាំ២០២៣។

សម្តេចនាយករដ្ឋមន្ត្រី ហ៊ុន ម៉ាណែត និងលោកជំទាវ បានដឹកនាំគណៈប្រតិភូរាជរដ្ឋាភិបាលកម្ពុជា ទៅដល់សហរដ្ឋអាមេរិកហើយ

2023/09/22 07:27:30 am        198
Facebook Telegram Linkin
ភ្នំពេញ៖ គណៈប្រតិភូរាជរដ្ឋាភិបាលកម្ពុជា ដឹកនាំដោយសម្តេចធិបតី ហ៊ុន ម៉ាណែត នាយករដ្ឋមន្ត្រី និងលោកជំទាវ បានមកដល់អាកាសយានដ្ឋានអន្តរជាតិ Newark Liberty ទីក្រុងញូវយ៉ក សហរដ្ឋអាមេរិក ប្រកបដោយសុវត្ថិភាព និងបានទទួលស្វាគមន៍ដោយ លោកជំទាវ អ៊ាត សុភា តំណាងអចិន្ត្រៃយ៍កម្ពុជា នៅអង្គការសហប្រជាជាតិ ទីក្រុងញូវយ៉ក សហរដ្ឋអាមេរិក ល្ងាចថ្ងៃព្រហស្បតិ៍ ទី២១ កញ្ញា ២០២៣។

សម្ដេចតេជោ ផ្ញើការនឹករលឹកចំពោះពលរដ្ឋខ្មែររស់នៅអាមេរិក និងកាណាដាដែលនឹងមកទទួល នាយករដ្ឋមន្ត្រីថ្មីជំនួសសម្ដេច

2023/09/21 04:55:13 pm        264
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន អតីតនាយករដ្ឋមន្រ្ដីនៃកម្ពុជា នៅថ្ងៃទី ២១ ខែកញ្ញា ឆ្នាំ ២០២៣​នេះ បានសរសេរសារ ផ្ញើជូនការនឹករលឹកចំពោះបងប្អូនដែលរស់នៅ សហរដ្ឋអាមេរិក និង​កាណាដា ដែលនឹងមកទទួលនាយករដ្ឋមន្ត្រីថ្មី ជំនួសឲ្យការទទួលរូប​សម្ដេច​កាល​ពីឆ្នាំក​ន្ល​ង​ទៅ​។សម្ដេចតេជោ មានប្រសាសន៍ថា «ឆ្នាំ២០២២កន្លងទៅ ថ្ងៃនេះខ្ញុំចេញដំណើរទៅ អង្គការ​សហប្រជាជាតិ ថ្ងៃនេះនាយករដ្ឋមន្ត្រីថ្មីចេញដំណើរទៅម្តង។ ខ្ញុំធ្លាប់​បាន​និយាយ​ច្រើន​ដង​ណាស់​ថា ​(ថ្ងៃនេះខ្ញុំជានាយករដ្ឋមន្ត្រី និងពេលខាងមុខ ខ្ញុំនឹងក្លាយទៅជាឪពុកនាយរដ្ឋមន្ត្រី)»។សម្ដេច​តេជោបញ្ជាក់ថា «ក្រុមប្រឆាំងពេបជ្រាយតែពេលនេះ ប្រហែល​គេ​ឃើញ​ការ​ពិត​ដែល​បាន​កើត​រួច​ទៅហើយ។ ខ្ញុំបានឡើងឋានៈជាឪពុកនាយករដ្ឋមន្ត្រីជិតមួយខែហើយ។ ឯអម្រែកបាន​ទម្លាក់​ចុះ​ពី​ស្មាបន្ទាប់ពីប្រឹងរែកអស់រយៈពេលជាង ៣៨ ឆ្នាំ ឬជាង ៤៤ ឆ្នាំ ទុកឲ្យអ្នក​បន្ត​វេន​រែក​តទៅ​ទៀត​ប្រកបដោយការទទួលខុសត្រូវ»៕

ឥណ្ឌាព្រមានពលរដ្ឋ ក្នុងប្រទេសកាណាដា ឲ្យមានការប្រុងប្រយ័ត្ន ខណៈទំនាក់ទំនងធ្លាក់ចុះខ្លាំង

2023/09/21 03:11:15 pm        232
Facebook Telegram Linkin
កាលពីថ្ងៃពុធ ប្រទេសឥណ្ឌា បានជំរុញឲ្យពលរដ្ឋរបស់ខ្លួន នៅក្នុងប្រទេសកាណាដា ជាពិសេសនិស្សិតឲ្យមានការប្រុងប្រយ័ត្នខ្ពស់បំផុត ខណៈទំនាក់ទំនងធ្លាក់ចុះខ្លាំង បន្ទាប់ពីប្រទេសទាំងពីរនេះបានបណ្តេញចេញអ្នកការទូតម្នាក់ក្នុងចំណោមអ្នកការទូតផ្សេងទៀតក្នុងការរីកកាន់តែធំជម្លោះ ជុំវិញឃាតកម្មលើមេដឹកនាំផ្តាច់ខ្លួនសាសនាស៊ីគ។ ភាពតានតឹងបានកើន ចាប់តាំងពីនាយករដ្ឋមន្ត្រីលោក Justin Trudeau បាននិយាយថា ប្រទេសកាណាដា កំពុងស៊ើបអង្កេត«ការចោទប្រកាន់ដែលគួជឿជាក់» អំពីការជាប់ពាក់ព័ន្ធដ៏មានសក្តារបស់ភ្នាក់ងាររដ្ឋាភិបាលឥណ្ឌា ក្នុងឃាតកម្មលើលោក Hardeep Singh Nijjar នៅខេត្ត British Columbia កាលពីខែមិថុនា។មន្ត្រីប្រទេសកាណាដា រហូតមកដល់ពេលនេះ បានបដិសេធមិននិយាយពីមូលហេតុ ដែលពួកគេជឿថាប្រទេសឥណ្ឌាអាចជាប់ពាក់ព័ន្ធចំពោះឃាតកម្មរបស់លោក Nijjar។ នាយករដ្ឋមន្ត្រី លោក Narendra Modi បានច្រានចោលយ៉ាងដាច់ខាតចំពោះការសង្ស័យរបស់ប្រទេសកាណាដា ដែលថាភ្នាក់ងារឥណ្ឌា មានជាប់ពាក់ព័ន្ធចំពោះឃាតកម្មនេះ។យោងតាមការិយាល័យអប់រំអន្តរជាតិរបស់កាណាដា បានឲ្យដឹងថា ប្រទេសឥណ្ឌាជាប្រទេសមានប្រភពច្រើនបំផុតសម្រាប់និស្សិតអន្តរជាតិនៅក្នុងប្រទេសកាណាដា ចាប់តាំងពីឆ្នាំ២០១៨។ តួលេខ បានកើនឡើង៤៧ភាគរយកាលពីឆ្នាំមុនមានរហូតដល់ជិត៣២០.០០០នាក់ ដែលមានប្រមាណ៤០ភាគរយនៃនិស្សិតបរទេសសរុប។

មេដឹកនាំស៊ីរី ធ្វើទស្សនកិច្ចនៅប្រទេសចិន ស្វែងរកមូលនិធិ

2023/09/21 02:18:21 pm        229
Facebook Telegram Linkin
ប្រធានាធិបតីស៊ីរី លោក Bashar Al-Assad បានចាប់ផ្តើមដំណើរទស្សនកិច្ចលើកដំបូងរបស់លោក នៅថ្ងៃព្រហស្បតិ៍នេះទៅកាន់ប្រទេសចិន ក្នុងរយៈពេលជិត២ទសវត្សរ៍មកនេះ ជាទីដែលលោកនឹងស្នើសុំសម្ព័ន្ធមិត្តយូរអង្វែងមួយនេះ សម្រាប់ជំនួយហិរញ្ញវត្ថុដើម្បីជួយកសាងឡើងវិញប្រទេសដែលត្រូវបានបំផ្លាញរបស់លោក។ ប្រទេសចិន នឹងក្លាយជាប្រទេសមួយក្នុងចំណោមប្រទេសមួយចំនួននៅក្រៅមជ្ឈឹមបូព៌ា ដែលលោក Assad បានទៅធ្វើទស្សនកិច្ច ចាប់តាំងពីការចាប់ផ្តើមសង្គ្រាមឆ្នាំ២០១១ ដែលចាប់តាំងពីពេលនោះមកបានបណ្តាលឲ្យមនុស្សស្លាប់ជាងកន្លះលាននាក់ ហើយរាប់លាននាក់ទៀតភៀសខ្លួន និងបានបំផ្លាញហេដ្ឋារចនាសម្ព័ន្ធ និងឧស្សាហកម្មរបស់ប្រទេសស៊ីរី។លោក Assad ក៏បានក្លាយជា មេដឹកនាំចុងក្រោយក្នុងចំណោមមេដឹកនាំជាបន្តបន្ទាប់ដែលត្រូវបានដកចេញដោយប្រទេសលោកខាងលិច ហើយត្រូវបានស្វាគមន៍ដោយទីក្រុងប៉េកាំង ជាមួយមេដឹកនាំប្រទេសវ៉េណេស៊ុយអេឡា លោក Nicolas Maduro ប្រធានាធិបតីអ៊ីរ៉ង់លោក Ebrahim Raisi ព្រមទាំងមន្ត្រីជាន់ខ្ពស់រុស្ស៊ី ដែលអ្នកទាំងនេះបានមកធ្វើទស្សនកិច្ចនៅឆ្នាំនេះ។ ប្រព័ន្ធផ្សព្វផ្សាយរដ្ឋ CCTV បានរាយការណ៍ថា នៅថ្ងៃសៅរ៍ លោកAssad នឹងចូលរួមក្នុងពិធីបើកព្រឹត្តិការណ៍ស៊ីហ្គេម នៅទីក្រុង Hangzhou ភាគខាងកើត។ លោក និងមេដឹកនាំបរទេសផ្សេងទៀត នឹងជួបគ្នានៅទីនោះជាមួយលោក Xi។ដំណើរទស្សនកិច្ចនេះ នឹងក្លាយជាលើកដំបូងរបស់លោក Assad ទៅកាន់ប្រទេសចិន ចាប់តាំងពីឆ្នាំ២០០៤។ ទីក្រុងប៉េកាំង បានផ្តល់ឲ្យទីក្រុងដាម៉ាស់ជាយូរមកហើយនូវការគាំទ្រផ្នែកការទូត ជាពិសេស នៅក្រុមប្រឹក្សាសន្តិសុខអង្គការសហប្រជាជាតិ ជាទីដែលប្រទេសនេះជាសមាជិកអចិន្ត្រៃយ៍។

ទីផ្សារការងាររបស់កម្ពុជានៅតែមានអត្រាខ្ពស់ ខណៈអ្នកដាក់ពាក្យនៅមានកម្រិត

2023/09/21 01:25:30 pm        242
Facebook Telegram Linkin
ភ្នំពេញ៖ បច្ចុប្បន្នទីផ្សារការងារក្នុងប្រទេសកម្ពុជា ត្រូវបានមើលឃើញថា នៅតែមានតម្រូវការ​ជាច្រើន​មុខតំណែង និងគ្រប់វិស័យ ​ខណៈអ្នកដាក់ពាក្យស្វែងរកការងារធ្វើ ​ហាក់​មិនទាន់ស៊ីចង្វាក់​គ្នា​នៅឡើយ រវាងអ្នកដាក់ពាក្យ និងក្រុមហ៊ុនជ្រើសរើសកម្លាំងពលកម្ម។នៅក្នុងកិច្ចសម្ភាសរវាងទូរទស្សន៍ព័ត៌មាន ប៊ីធីវី ​នៅមជ្ឈមណ្ឌលការងាររាជធានីភ្នំពេញ លោក ឯម សុភ័ក្ត្រា មន្រ្តីផ្នែកធនធានមនុស្សរបស់ក្រុមហ៊ុន​ ជីបម៉ុង អ៊ិនដាកស្រ៊ី ​(CHIP MONG Industries) បានឲ្យដឹងថា ​គិតមកដល់ពេលនេះ ក្រុមហ៊ុនបានសហការជាមួយភ្នាក់ងារជាតិមុខរបរ ​និងការងារ ដើម្បីជ្រើសរើសកម្លាំងពលកម្មចំនួនប្រហែលជា ​១០លើកមកហើយ​ កត់សម្គាល់ឃើញថា ចំនួនអ្នកចូលរួម​ដាក់ពាក្យសម្ភាសន៍ការងារ មិនថាក្រុមហ៊ុនលោក និងក្រុមហ៊ុនដទៃទៀតទេ ហាក់មិនទាន់ឆ្លើយតបគ្នា​បានល្អនៅឡើយ ​ដោយសារខុសមុខជំនាញ និងខ្វះបទពិសោធន៍​ការងារជាដើម។ស្រដៀងគ្នានេះ កញ្ញា លីម សុខហេង មន្រ្តីជាន់ខ្ពស់ជ្រើសរើសបុគ្គលិក​ នៃធនាគារ ស្ថាបនា បានលើកឡើងថា​ ការងារដែលមិនត្រូវរូវគ្នា រវាងក្រុមហ៊ុន ​និងអ្នកដាក់ពាក្យ​ ដោយមូលហេតុថា ការដាក់ពាក្យរបស់អ្នកស្វែងរកការងារធ្វើ​ អត់ត្រូវនឹងទីផ្សារចង់បាន ឬក៏មិនត្រូវនឹងចំណង់ចំណូល​ចិត្ត​របស់អ្នកដាក់ពាក្យ។ កញ្ញាបានបន្តថា មូលហេតុផ្សេងទៀត គឺខុសជំនាញ​ និងខ្វះសមត្ថភាព ដោយសារការសិក្សាមុខវិជ្ជា ខុសគ្នាទៅនិងទីផ្សារចង់បាន។សូមជម្រាបជូនថា នៅថ្ងៃទី២១ ខែកញ្ញា ឆ្នាំ២០២៣នេះ ទីភ្នាក់ងារជាតិមុខរបរ និងការងារ (NEA) នៃក្រសួងការងារ ​និងបណ្តុះបណ្តាលវិជ្ជាជីវៈ សហការជាមួយ ស.ស.យ.ក​ វិស័យការងារ និង​បណ្តុះបណ្តាលវិជ្ជាជីវៈ បានរៀបចំកិច្ចសម្ភាសការងារប្រចាំខែ​ ដោយមានក្រុមហ៊ុនធំៗចំនួន៣ ចូលរួមជ្រើសរើស​បុគ្គលិក មានដូចជា៖ ផ្សារទំនើប ម៉ាក្រូ, ធនាគារ ​ស្ថាបនា និងក្រុមហ៊ុន ជីបម៉ុង ដោយ​នាំ​យកឱកាសការងារជិត ៣០០កន្លែង ​សម្រាប់ផ្តល់ជូនយុវជន ​សិស្ស/និស្សិត និងអ្នកស្វែងរក​ការងារធ្វើ ចាប់ពីម៉ោង ៨ព្រឹក ដល់ម៉ោង ៥ល្ងាច៕អត្ថបទ ឈិត បូរ៉ាវី 

រដ្ឋមន្ត្រីក្រសួងការងារ៖ ការបណ្តុះបណ្តាលសហគ្រិនភាព និងជំនាញបច្ចេកទេសរបស់បុគ្គលិកគឺឥតគិតថ្លៃ

2023/09/21 01:09:01 pm        271
Facebook Telegram Linkin
ភ្នំពេញ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី២០ ខែកញ្ញា ឆ្នាំ២០២៣នេះ បានបញ្ជាក់ជូនប្រតិភូសមាគមសហគ្រិនស្ត្រីកម្ពុជាថា ក្រសួងការងារ និងបណ្តុះបណ្តាលវិជ្ជាជីវៈតាមរយៈវិទ្យាស្ថានជំនាញរបស់ខ្លួន មានវគ្គបណ្តុះបណ្តាល​ដល់ម្ចាស់​អាជីវកម្មស្តីពីសហគ្រិនភាព និងការបណ្តុះបណ្តាលបុគ្គលិករបស់ក្រុមហ៊ុនឯកជនលើជំនាញ​បច្ចេកទេស​ដោយឥតគិតថ្លៃ។ នេះគឺជាការបញ្ជាក់ដែលធ្វើឡើងក្នុងជំនួបរវាងឯកឧត្តមរដ្ឋមន្ត្រី និងប្រតិភូសមាគម​សហគ្រិនស្ត្រី​កម្ពុជាដែលបានចូលសំដែងការគួរសមនៅទីស្តីការក្រសួង។ ឯកឧត្តមរដ្ឋមន្ត្រី បានគូសបញ្ជាក់ថា “ម្ចាស់អាជីវកម្មដែលចង់អភិវឌ្ឍសហគ្រិនភាព រួមទាំងបុគ្គលិក​ដើម្បីពង្រឹងអាជីវកម្មរបស់ខ្លួន ​អាចចូលរួមសិក្សានៅគ្រប់ទីតាំងនានាដែលស្ថិតក្រោមដែន​សមត្ថកិច្ច​របស់ក្រសួងការងារ និងបណ្តុះបណ្តាលវិជ្ជាជីវៈបានដោយឥតគិតថ្លៃក្រសួងស្វាគមន៍”។ ដើម្បីជួយសម្រួលដល់ម្ចាស់អាជីវកម្ម ​និងបុគ្គលិកក្នុងការពង្រឹងសមត្ថភាព កម្មវិធីបណ្តុះបណ្តាល មានភាព​បត់បែនខ្ពស់ មានកម្រិតស្តង់ដាដែលសិក្ខាកាម អាចសិក្សាបាននៅពេលយប់ ឬចុង​សប្តាហ៍​ដែលប្រការនេះ អាជីវកម្មក៏នៅតែអាចដំណើរការបានដោយរលូន ហើយសិក្ខាកាម​ក៏នៅតែអាចសិក្សារៀនសូត្របំប៉នសមត្ថភាពរបស់ខ្លួនបានផងដែរ។ នេះគឺជាការបញ្ជាក់របស់រដ្ឋមន្ត្រីក្រសួងការងារដដែល។ ក្នុងជំនួបដដែលនោះ ឯកឧត្តមរដ្ឋមន្ត្រី បានលើកឡើងថាគោលនយោបាយរបស់រដ្ឋាភិបាល​អាណត្តិទី៧​ក្នុងវិស័យការងារ និងបណ្តុះបណ្តាលវិជ្ជាជីវៈ មានភាពអនុគ្រោះខ្ពស់លើលក្ខណ្ឌផ្លូវ​ច្បាប់​ និងបញ្ហាអនុលោមមួយចំនួន ​ដើម្បីធ្វើយ៉ាងណាឱ្យជីវកម្មលក្ខណៈគ្រួសារ ឬសហគ្រាស​ខ្នាតតូច ឬអ្នករកទទួលទានសេដ្ឋកិច្ចក្រៅប្រព័ន្ធ ​និងតូចតាច អាចពង្រីកអាជីវកម្មរបស់ខ្លួន។ បន្ថែមពីនេះ ​ឯកឧត្តមរដ្ឋមន្ត្រី បានជំរុញឱ្យសមាគមសហគ្រិនស្ត្រី​ ក៏ដូចជាក្រុមហ៊ុនឯកជនទាំងអស់ ត្រូវត្រៀមស្វែងរកចំណុច​ ឬបញ្ហារួមរបស់វិស័យឯកជនដើម្បីលើកជូនប្រមុខរាជរដ្ឋាភិបាលកម្ពុជា ក្នុងវេទិការដ្ឋនិងឯកជនដែល នឹងប្រព្រឹត្តិទៅនៅខែវិច្ឆិកាខាងមុខដើម្បីដោះស្រាយឱ្យចំបញ្ហាគន្លឹះ៕

បណ្ដាញសង្គម

ព័ត៌មានថ្មីៗ

[BREAKING NEWS] ហ្វូងបាតុករ ចុះតវ៉ាព័ន្ធ​ជុំវិញ​វិមាន​រដ្ឋាភិបាលថៃ ​ទាមទារឱ្យ​លោកស្រី Paetongtarn ចុះ​ចេញ​ពី​តំណែង​
06/24/2025 03:06 PM
Facebook Telegram Linkin
អាជីវករផ្សាសមុទ្រទឹកសាបឃុំឆ្នុកទ្រូ សុំអាជ្ញាធរស្រុកខេត្ត អោយអាជីវករខាងក្រៅផ្សារ ចូលលក់ក្នុងផ្សារវិញផង ព្រោះអ្នកខាងក្នុងលក់មិនដាច់
06/24/2025 03:06 PM
Facebook Telegram Linkin
ឯកឧត្តម រិន វីរៈ រដ្ឋលេខាធិការក្រសួងផែនការ អញ្ជើញជាអធិបតី បើកវគ្គបណ្តុះបណ្តាល ស្តីពីស្ថិតិប្រជាសាស្រ្ត ដល់មន្រ្តីមន្ទីរផែនការរាជធានី-ខេត្ត
06/24/2025 03:06 PM
Facebook Telegram Linkin
ឯកឧត្តមរដ្ឋមន្រ្តី ជា វ៉ាន់ដេត អញ្ជើញជាអធិបតីសម្ពោធជាផ្លូវការការិយាល័យក្រុមហ៊ុន Plug and Play Cambodia នៅសាកលវិទ្យាល័យអាមេរិកាំងភ្នំពេញ
06/24/2025 02:06 PM
Facebook Telegram Linkin
ចិន ប្រកាសធ្វើក្បួនព្យុហយាត្រាយោធានៅខែកញ្ញា ដើម្បីអបអរការបញ្ចប់សង្រ្គាមលោកលើកទីពីរ
06/24/2025 02:06 PM
Facebook Telegram Linkin
របាយការណ៍៖ មនុស្ស ១១០លាននាក់ទូទាំងទ្វីបអឺរ៉ុប រងផលប៉ះពាល់សុខភាព ព្រោះការបំពុលដោយសំឡេង
06/24/2025 02:06 PM
Facebook Telegram Linkin
EU ព្រមានចាត់វិធានការប្រឆាំងនឹងអ៊ីស្រាអែល ប្រសិនបើស្ថានភាពនៅហ្កាហ្សា មិនប្រសើរឡើង
06/24/2025 02:06 PM
Facebook Telegram Linkin
[UPDATE] លោក Trump ប្រាប់អ៊ីស្រាអែល និងអ៊ីរ៉ង់កុំបំពាន ខណៈបទឈប់បាញ់ចូលជាធរមាន
06/24/2025 01:06 PM
Facebook Telegram Linkin
[BREAKING NEWS] លោក Trump ប្រាប់អ៊ីស្រាអែល និងអ៊ីរ៉ង់កុំបំពាន ខណៈបទឈប់បាញ់ចូលជាធរមាន
06/24/2025 01:06 PM
Facebook Telegram Linkin
រញ្ជួយដីកម្រិត ៦,៣រ៉ិចទ័រ វាយប្រហារភាគខាងត្បូងហ្វីលីពីន តែពុំមានការព្រមានពីរលកយក្សស៊ូណាមិទេ
06/24/2025 01:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.