នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ៖ ឪពុកម្តាយគ្មានសេចក្តីសុខឬការសប្បាយណាជាងឃើញកូន និងចៅចេះស្រឡាញ់គ្នា និងក្លាយជាពលរដ្ឋល្អក្នុងសង្គមនោះឡើយ
TOP STORY | សម្ដេចតេជោ ហ៊ុន សែន រម្លឹកពីប្រវត្តិនៃការលះបង់របស់សម្ដេចប្ដូរយក ការរស់រានរបស់ប្រជាជន សន្តិភាព និងការអភិវឌ្ឍប្រទេសជាតិ
រាជរដ្ឋាភិបាលសម្រេចប្រសិទ្ធនាមស្ពានខ្ពស់ជាងគេនៅកម្ពុជាថា «ស្ពាន​តេជោសន្តិភាពឫស្សីជ្រុំ»
សម្ដេចតេជោ ហ៊ុន សែន ជំរុញឱ្យប្រទេសបង់ក្លាដេសបង្កើនការវិនិយោគ ជាពិសេសវិស័យកសិកម្មជាមួយកម្ពុជា

នយោបាយ​ និង ការអភិវឌ្ឍន៍

រដ្ឋមន្ត្រីក្រសួងការងារ៖ ការបណ្តុះបណ្តាលសហគ្រិនភាព និងជំនាញបច្ចេកទេសរបស់បុគ្គលិកគឺឥតគិតថ្លៃ

2023/09/21 01:09:01 pm        272
Facebook Telegram Linkin
ភ្នំពេញ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី២០ ខែកញ្ញា ឆ្នាំ២០២៣នេះ បានបញ្ជាក់ជូនប្រតិភូសមាគមសហគ្រិនស្ត្រីកម្ពុជាថា ក្រសួងការងារ និងបណ្តុះបណ្តាលវិជ្ជាជីវៈតាមរយៈវិទ្យាស្ថានជំនាញរបស់ខ្លួន មានវគ្គបណ្តុះបណ្តាល​ដល់ម្ចាស់​អាជីវកម្មស្តីពីសហគ្រិនភាព និងការបណ្តុះបណ្តាលបុគ្គលិករបស់ក្រុមហ៊ុនឯកជនលើជំនាញ​បច្ចេកទេស​ដោយឥតគិតថ្លៃ។ នេះគឺជាការបញ្ជាក់ដែលធ្វើឡើងក្នុងជំនួបរវាងឯកឧត្តមរដ្ឋមន្ត្រី និងប្រតិភូសមាគម​សហគ្រិនស្ត្រី​កម្ពុជាដែលបានចូលសំដែងការគួរសមនៅទីស្តីការក្រសួង។ ឯកឧត្តមរដ្ឋមន្ត្រី បានគូសបញ្ជាក់ថា “ម្ចាស់អាជីវកម្មដែលចង់អភិវឌ្ឍសហគ្រិនភាព រួមទាំងបុគ្គលិក​ដើម្បីពង្រឹងអាជីវកម្មរបស់ខ្លួន ​អាចចូលរួមសិក្សានៅគ្រប់ទីតាំងនានាដែលស្ថិតក្រោមដែន​សមត្ថកិច្ច​របស់ក្រសួងការងារ និងបណ្តុះបណ្តាលវិជ្ជាជីវៈបានដោយឥតគិតថ្លៃក្រសួងស្វាគមន៍”។ ដើម្បីជួយសម្រួលដល់ម្ចាស់អាជីវកម្ម ​និងបុគ្គលិកក្នុងការពង្រឹងសមត្ថភាព កម្មវិធីបណ្តុះបណ្តាល មានភាព​បត់បែនខ្ពស់ មានកម្រិតស្តង់ដាដែលសិក្ខាកាម អាចសិក្សាបាននៅពេលយប់ ឬចុង​សប្តាហ៍​ដែលប្រការនេះ អាជីវកម្មក៏នៅតែអាចដំណើរការបានដោយរលូន ហើយសិក្ខាកាម​ក៏នៅតែអាចសិក្សារៀនសូត្របំប៉នសមត្ថភាពរបស់ខ្លួនបានផងដែរ។ នេះគឺជាការបញ្ជាក់របស់រដ្ឋមន្ត្រីក្រសួងការងារដដែល។ ក្នុងជំនួបដដែលនោះ ឯកឧត្តមរដ្ឋមន្ត្រី បានលើកឡើងថាគោលនយោបាយរបស់រដ្ឋាភិបាល​អាណត្តិទី៧​ក្នុងវិស័យការងារ និងបណ្តុះបណ្តាលវិជ្ជាជីវៈ មានភាពអនុគ្រោះខ្ពស់លើលក្ខណ្ឌផ្លូវ​ច្បាប់​ និងបញ្ហាអនុលោមមួយចំនួន ​ដើម្បីធ្វើយ៉ាងណាឱ្យជីវកម្មលក្ខណៈគ្រួសារ ឬសហគ្រាស​ខ្នាតតូច ឬអ្នករកទទួលទានសេដ្ឋកិច្ចក្រៅប្រព័ន្ធ ​និងតូចតាច អាចពង្រីកអាជីវកម្មរបស់ខ្លួន។ បន្ថែមពីនេះ ​ឯកឧត្តមរដ្ឋមន្ត្រី បានជំរុញឱ្យសមាគមសហគ្រិនស្ត្រី​ ក៏ដូចជាក្រុមហ៊ុនឯកជនទាំងអស់ ត្រូវត្រៀមស្វែងរកចំណុច​ ឬបញ្ហារួមរបស់វិស័យឯកជនដើម្បីលើកជូនប្រមុខរាជរដ្ឋាភិបាលកម្ពុជា ក្នុងវេទិការដ្ឋនិងឯកជនដែល នឹងប្រព្រឹត្តិទៅនៅខែវិច្ឆិកាខាងមុខដើម្បីដោះស្រាយឱ្យចំបញ្ហាគន្លឹះ៕

បារាំងសោកស្តាយចំពោះបម្រាមរបស់ប៉ូឡូញលើការនាំចូលគ្រាប់ធញ្ញជាតិអ៊ុយក្រែន

2023/09/21 12:19:11 pm        204
Facebook Telegram Linkin
បារាំង៖ រដ្ឋមន្ត្រីការបរទេសបារាំងលោកស្រី Catherina Colonna បាននិយាយកាលពីថ្ងៃពុធថា ការសម្រេចចិត្តរបស់ប៉ូឡូញក្នុងការហាមឃាត់ការនាំចូលគ្រាប់ធញ្ញជាតិរបស់អ៊ុយក្រែន គឺមិនសមហេតុផលទេ ចំពេលមានភាពតានតឹងកើនឡើងរវាងប្រទេសអឺរ៉ុបខាងកើតទាំងពីរជុំវិញជម្លោះនេះ។សហភាពអឺរ៉ុប បានប្រកាសកាលពីសប្តាហ៍មុនថា ខ្លួនកំពុងបញ្ចប់ការរឹតបន្តឹងបណ្តោះអាសន្នលើការនាំចូលគ្រាប់ធញ្ញជាតិរបស់អ៊ុយក្រែនទៅកាន់ប្រទេសចំនួន៥ រួមទាំងប្រទេសប៉ូឡូញផងដែរ។ ប៉ុន្តែទីក្រុងវ៉ាសូវី បាននិយាយថា ខ្លួននឹងបន្តអនុវត្តការហាមឃាត់ជាឯកតោភាគី ដោយធ្វើឲ្យសម្ព័ន្ធមិត្តដែលហែកហួរដោយសង្រ្គាម និងអ្នកជិតខាងរបស់ខ្លួន ផ្ទុះកំហឹង។លោកស្រី Colonna បានថ្លែងប្រាប់សារព័ត៌មានAFP នៅក្នុងបទសម្ភាសន៍មួយនៅខាងក្រៅវេទិកាមហាសន្និបាតអង្គការសហប្រជាជាតិថា៖«ភាពតានតឹងទាំងនេះ គឺពិតជាគួរឲ្យសោកស្តាយណាស់។ដោយលើកឡើងពីការសិក្សារបស់សហភាពអឺរ៉ុប លោកស្រី Colonna បាននិយាយថា ការនាំចូលគ្រាប់ធញ្ញជាតិរបស់អ៊ុយក្រែន នឹងមិនរំខានដល់ទីផ្សារ ឬធ្វើឲ្យ កសិករអឺរ៉ុប ខូចខាតនោះទេ៕

ប្រធានាធិបតីរុស្ស៊ី ទទួលយកជាផ្លូវការនៃការអញ្ជើញទៅធ្វើទស្សនកិច្ចនៅប្រទេសចិន ក្នុងខែតុលា

2023/09/21 12:15:56 pm        217
Facebook Telegram Linkin
រុស្ស៊ី៖ ប្រធានាធិបតីរុស្ស៊ី លោក Vladimir Putin កាលពីថ្ងៃពុធ បានទទួលយកជាផ្លូវការនៃអញ្ជើញទៅធ្វើទស្សនកិច្ចនៅប្រទេសចិនក្នុងខែតុលា។ វានឹងក្លាយជា ដំណើរទស្សនកិច្ចដែលត្រូវបានគេដឹងថា ជាលើកដំបូងរបស់លោក Putin ទៅបរទេសចាប់តាំងពីតុលាការព្រហ្មទណ្ឌអន្តរជាតិ បានចេញដីការចាប់ខ្លួនលោក ជុំវិញការនិរទេសកុមារពីប្រទេសអ៊ុយក្រែន ជាការចោទប្រកាន់មួយដែលវិមានក្រឹមឡាំង បានបដិសេធ។កាលពីថ្ងៃពុធ លោក Putin បានទទួលរដ្ឋមន្ត្រីការបរទេសចិន លោក Wang Yi សម្រាប់កិច្ចពិភាក្សា នៅទីក្រុង St Petersburg ។កាលពីថ្ងៃអង្គារ លោក Nikolai Patrushev ជាសម្ព័ន្ធមិត្តជិតស្និតជាមួយលោក Putin និងជារដ្ឋមន្ត្រីក្រុមប្រឹក្សាសន្តិសុខរុស្ស៊ី បាននិយាយថាលោក Putin នឹងជួបជាមួយប្រធានាធិបតីចិន លោក Xi Jinping សម្រាប់កិច្ចពិភាក្សានៅទីក្រុងប៉េកាំង ក្នុងខែតុលារ។ប្រទេសចិន បាននិយាយកាលពីដើមខែនេះថា ប្រទេសចំនួន៩០ បានបញ្ជាក់ពីវត្តមានសម្រាប់ការចូលរួមសន្និសីទគំនិតផ្តួចផ្តើមខ្សែក្រវ៉ាត់និងផ្លូវរបស់ខ្លួន ដែលនឹងត្រូវធ្វើឡើងក្នុងខែតុលា។កាលពីលើកមុន ក្រសួងការបរទេសបាននិយាយថា វេទិកាខ្សែក្រវ៉ាត់និងផ្លូវ សម្រាប់កិច្ចសហប្រតិបត្តិការអន្តរជាតិ (BFR) នឹងត្រូវធ្វើឡើង នៅក្នុងទីក្រុងប៉េកាំង ក្នុងខែតុលារ ដោយឆ្នាំ២០២៣នេះ នឹងប្រារព្ធខួបទី១០ នៃគំនិតផ្តួចផ្តើមខ្សែក្រវ៉ាត់ និងផ្លូវ។

រដ្ឋមន្ត្រីការពារជាតិ៖ សមយុទ្ធយោធាកម្ពុជា-ចិន បន្សល់ទុកនិមិត្តសញ្ញាមួយដ៏រឹងមាំក្នុងប្រវត្តិសាស្ត្រ

2023/09/21 12:06:50 pm        323
Facebook Telegram Linkin
ភ្នំពេញ៖ ឧបនាយករដ្ឋមន្ដ្រី ទៀ សីហា រដ្ឋមន្ដ្រីក្រសួងការពារជាតិ បានថ្លែងថា សមយុទ្ធរួមគ្នា​រវាងកងទ័ព កម្ពុជា-ចិន ឱ្យឈ្មោះថា «ទេវតាសន្តិភាព-ឆ្នាំ២០២៣» គឺជាសមយុទ្ធមួយដែលកង​យោធពល​ខេមរភូមិន្ទ និងកងទ័ពរំដោះប្រជាជនចិន បានបន្សល់ទុក​នូវនិមិត្តសញ្ញាមួយដ៏រឹងមាំ កត់ត្រាទុកក្នុងប្រវត្តិសាស្ត្រ យោធា នៃកិច្ចសហប្រតិបត្តិការមិត្តភាពរវាងប្រទេសទាំងពីរ ។ឧបនាយករដ្ឋមន្ដ្រី ទៀ សីហា នៅព្រឹកថ្ងៃទី២១ ខែកញ្ញា នេះ ក្នុងឱកាសអញ្ជើញជាអធិបតីភាព ជាមួយតំណាងកងទ័ពរំដោះប្រជាជនចិន បិទសមយុទ្ធសុខាភិបាលយោធា “ទេវតាសន្តិភាព-ឆ្នាំ២០២៣” នៅបញ្ជាការដ្ឋានទ័ពពិសេស ​កងទ័ពជើងគោក ប្រទេសកម្ពុជា បានថ្លែងថា កងយោធពលខេមរភូមិន្ទ ​មានមោទនភាពជាទីបំផុត ​បានធ្វើជាម្ចាស់ផ្ទះជាលើកទី១ សមយុទ្ធរួមគ្នា រវាងកងទ័ពទាំងពីរកម្ពុជា-ចិន ​នាពេលនេះ ធ្វើឲ្យកងទ័ពប្រទេសទាំងពីរ ទទួលបានការផ្លាស់ប្តូរ​ចំណេះដឹង បទពិសោធន៍ រៀនសូត្រពីគ្នា ទៅវិញទៅមកយ៉ាងល្អប្រសើរ និងបង្កើនកិច្ចសហការ​ជាមួយគ្នាកាន់តែ​ជិតស្និទ្ធ​ថែមទៀត សម្រាប់ជួយ ផ្ដល់ការគាំទ្រដល់សន្តិសុខក្នុងតំបន់ និងសកលលោក ។ឧបនាយករដ្ឋមន្ដ្រី ទៀ សីហា បានបន្ថែមថា សមយុទ្ធយោធានេះ ដែលដំណើរការទទួលបាន ជោគជ័យ ផ្ដើមចេញពីការទំនាក់ទំនងមិត្តភាព សាមគ្គីភាព​ និងកិច្ចសហប្រតិបត្តិការលើគ្រប់វិស័យ រវាង កងទ័ពប្រទេសទាំងពីរ ក្នុងភាពជាដៃគូយុទ្ធសាស្ត្រគ្រប់ជ្រុងជ្រោយ ហើយកិច្ច​សហប្រតិបត្តិការ​នេះ ត្រូវ បានលើកកម្ពស់ជានិច្ចសម្រាប់បម្រើឱ្យកិច្ចសហប្រតិបត្តិការ ទំនាក់ទំនងការទូតយោធា ​ក៏ដូចជាការអនុវត្ត យុទ្ធសាស្ត្រគ្រប់ជ្រុងជ្រោយរបស់រដ្ឋាភិបាល និងកងទ័ព ​ដែលថ្នាក់ដឹកនាំប្រទេសទាំងពីរ បានព្រមព្រៀង គ្នានាពេលកន្លងមក ។ឧបនាយករដ្ឋមន្ដ្រី បានបន្ដថា កងយោធពលខេមរភូមិន្ទ នៅតែចាត់ទុកថា ការងារហ្វឹកហ្វឺន គឺជា កត្តាគន្លឹះដ៏សំខាន់មួយ ​សម្រាប់អភិវឌ្ឍន៍​សមត្ថភាពធនធានមនុស្សវ័យក្មេងបន្តវេន​ការងារនាពេល​អនាគត ដែលជាជ្រុងអាទិភាពមួយក្នុងយុទ្ធសាស្ត្របញ្ចកោណ- ដំណាក់កាលទី១ របស់​រាជរដ្ឋាភិបាល ផែនការកែ ​ទម្រង់កងយោធពលខេមរភូមិន្ទ សំដៅធ្វើទំនើបកម្ម និងបង្កើន​សមត្ថភាព​វិជ្ជាជីវៈ ដល់កងកម្លាំងប្រដាប់ អាវុធគ្រប់ភេទ ដើម្បីបន្តធានាកិច្ចការពារអធិបតេយ្យ​ភាពជាតិ បូរណភាព ទឹកដី សន្តិសុខ សុវត្ថិភាព និង ​សណ្ដាប់ធ្នាប់សង្គម ប្រកបដោយប្រសិទ្ធភាព រួមចំណែកក្នុងការអភិវឌ្ឍសង្គម ​សេដ្ឋកិច្ចជាតិ ទាំងបច្ចុប្បន្ន និងអនាគត និងចូលរួមក្នុងបេសកកម្ម រក្សាសន្តិភាព​របស់អង្គការសហប្រជាជាតិ ក្នុងការរួមវិភាគទានដល់ កិច្ចប្រឹងប្រែងរបស់​សហគមន៍​អន្តរជាតិ ដើម្បីបុព្វហេតុ មនុស្សធម៌នៅលើពិភពលោកទៀតផង ៕អត្ថបទ៖ បាន ចក់

ជនអន្តោប្រវេសន៍ ធ្វើដំណើរទៅអាមេរិកខកចិត្ត បន្ទាប់ពីម៉ិកស៊ិកផ្អាកបណ្តោះអាសន្នរថភ្លើងដឹកទំនិញ

2023/09/21 11:44:12 am        148
Facebook Telegram Linkin
ម៉ិកស៊ិក៖ ក្រុមហ៊ុនមេរបស់ប្រតិបត្តិកររថភ្លើងបាននិយាយកាលពីថ្ងៃពុធថា រថភ្លើងដឹកទំនិញមួយចំនួន ដំណើរការដោយក្រុមហ៊ុន Ferromex របស់ប្រទេសម៉ិកស៊ិក បានចាប់ផ្តើមឡើងវិញ បន្ទាប់ពីរថភ្លើងត្រូវបានផ្អាកក្រោយការកើនឡើងការរងរបួសធ្ងន់ធ្ងរ និងការស្លាប់ជនអន្តោប្រវេសេន៍ ដែលធ្វើដំណើរតាមរថភ្លើង។  ក្រុមហ៊ុន Ferromex បានផ្អាកបណ្តោះអាសន្នប្រតិបត្តិការរថភ្លើងទៅកាន់ភាគខាងជើងចំនួន៦០ខ្សែ បន្ទាប់ពីជនអន្តោប្រវេសន៍ ជិត១០នាក់ បានស្លាប់ និងរងរបួស ដែលក្រុមហ៊ុន បានប្រកាសកាលពីថ្ងៃអង្គារថាបណ្តាលមកពីភាពថប់អារម្មណ៍ក្នុងចំណោមជនអន្តោប្រវេសន៍ដែលមានផែនការ ឡើងជិះយានយន្តធ្វើដំណើរទៅកាន់សហរដ្ឋអាមេរិក។ អ្នកនាំពាក្យក្រុមហ៊ុន បាននិយាយក្នុងបទសម្ភាសន៍ជាមួយវិទ្យុក្នុងតំបន់ថា ក្រុមហ៊ុន បានប៉ាន់ប្រមាណថា រថភ្លើង៦០គ្រឿងដែលបានផ្អាក បង្ហាញពីការខាតបង់ប្រចាំថ្ងៃ ៤០លានប៉េសូ ឬ ២,៣៤លានដុល្លារ។ទោះជាយ៉ាងណា ក្រុមហ៊ុន Ferromex របស់ប្រទេសម៉ិកស៊ិក បាននិយាយកាលពីថ្ងៃពុធថា ប្រតិបត្តិការដឹកទំនិញតាមរថភ្លើងបានចាប់ផ្តើមឡើងវិញក្នុងផ្លូវធ្វើដំណើរនៅកន្លែងគ្មានហានីភ័យខ្លាំង ដែលត្រូវបានកំណត់អត្តសញ្ញាណ។ រយៈពេលជាច្រើនឆ្នាំមកហើយ ជនអន្តោប្រវេសន៍ ដែលព្យាយាមទៅដល់សហរដ្ឋអាមេរិក បានធ្វើដំណើរឆ្លងកាត់ប្រទេសម៉ិកស៊ិកតាមរថភ្លើងដឹកទំនិញ៕

ចារកម្មយោធា៖ការវាយប្រហាររបស់ស៊ូដង់លើក្រុមទាហានស៊ីឈ្នួល Wagner បង្ហាញពីការថយចុះឥទ្ធិពលរបស់រុស្ស៊ីនៅអាហ្វ្រិក

2023/09/21 11:41:35 am        154
Facebook Telegram Linkin
ស៊ូដង់៖ អ្នកនាំពាក្យចារកម្មយោធា លោក Andrii Yusov បាននិយាយនៅក្នុងបទសម្ភាសន៍ជាមួយវិទ្យុ NV កាលពីថ្ងៃទី២០ ខែកញ្ញាថា លោកមិនអាចបញ្ជាក់ ឬបដិសេធតួនាទីរបស់អ៊ុយក្រែនក្នុងការវាយប្រហារប្រឆាំងនឹងកងជីវពលដែលគាំទ្រដោយក្រុមទាហានស៊ីឈ្នួលWagner នៅក្នុងប្រទេសស៊ូដង់នោះទេ។ទោះបីជាយ៉ាងណាក៏ដោយ លោកបាននិយាយថា ឧបទ្ទវហេតុនេះ បង្ហាញពីការថយចុះឥទ្ធិពលរបស់រុស្ស៊ីនៅក្នុងទ្វីបអាហ្រ្វិកនិងជាផលវិបាកនៃសកម្មភាពឧក្រិដ្ឋកម្មរបស់ទីក្រុងម៉ូស្គូ។មន្ត្រីរូបនេះ បាននិយាយថា៖«អ៊ុយក្រែននឹងដាក់ទោសទណ្ឌ ដូចដែលយើងបាននិយាយរួចមកហើយ សត្រូវនិងឧក្រិដ្ឋជន នៅទូទាំងពិភពលោក»។សារព័ត៌មាន CNN បានរាយការណ៍កាលពីថ្ងៃទី១៩ ខែកញ្ញាថា យោងតាមប្រភពយោធាអ៊ុយក្រែនដែលមិនបញ្ចេញឈ្មោះ «ពុំមែនយោធាស៊ូដង់»ទទួលខុសត្រូវចំពោះប្រតិបត្តិការយោធាប្រឆាំងនឹងកងកម្លាំងដែលពាក់ព័ន្ធក្រុមទាហាឈ្នួលWagner នៅក្នុងប្រទេសស៊ូដង់ពាក់ព័ន្ធនឹងការវាយប្រហារដោយយានដ្រូន និងប្រតិបត្តិការផ្លូវគោក។

មេដឹកនាំអ៊ីរ៉ង់ និយាយថា អ៊ីរ៉ង់ គ្មានបញ្ហានោះទេជាមួយអធិការកិច្ចរបស់IAEA

2023/09/21 11:38:59 am        145
Facebook Telegram Linkin
អ៊ីរ៉ង់៖ ប្រធានាធិបតីអ៊ីរ៉ង់ លោក Ebrahim Raisi បាននិយាយកាលពីថ្ងៃពុធថាប្រទេសអ៊ីរ៉ង់គ្មានបញ្ហានោះទេ ជាមួយការធ្វើអធិការកិច្ចនៅទីតាំងនុយក្លេអ៊ែររបស់ខ្លួន របស់អង្គការឃ្លាំមើលនុយក្លេអ៊ែរអង្គការសហប្រជាជាតិ ប៉ុន្មានថ្ងៃបន្ទាប់ពី ទីក្រុងតេអេរ៉ង់ បានហាមឃាត់ក្រុមអធិការកិច្ចចម្រុះ ដែលត្រូវបានចាត់តាំងមកកាន់ប្រទេសនេះ។លោក Raisi បាននិយាយថា ក្រុមអធិការកិច្ចដែលគួឲ្យទុកចិត្តអាចបន្តការងាររបស់ពួកគេ នៅក្នុងប្រទេសអ៊ីរ៉ង់ ក្នុងអំឡុងសន្និសីទសារព័ត៌មាននៅក្រៅមហាសន្និបាតអង្គការសហប្រជាជាតិ។ ចំណាត់ការរបស់ប្រទេសអ៊ីរ៉ង់ គឺជាការឆ្លើយតបចំពោះការអំពាវនាវដឹកនាំដោយសហរដ្ឋអាមេរិក ចក្រភពអង់គ្លេស បារាំង និងប្រទេសអាល្លឺម៉ង់ នៅក្រុមគណៈកម្មាធិកានិយ័តករ របស់ទីភ្នាក់ងារថាមពលអាតូមិកអន្តរជាតិកាលពីដើមខែនេះសម្រាប់ទីក្រុងតេអេរ៉ង់ដើម្បីឲ្យសហការភ្លាមៗជាមួយទីភ្នាក់ងារ លើបញ្ហាជាច្រើន រួមទាំងការស៊ើបអង្កេតអ៊ុយរ៉ានីញ៉ូមដែលបានការពារ ត្រូវបានរកឃើញនៅទីតាំងដែលពុំបានប្រកាស់។ ប្រធានអង្គការឃ្លាំមើលនុយក្លេអ៊ែរ អង្គការសហប្រជាជាតិ លោក Rafael Grossi បានថ្កោលទោសចំពោះចំណាត់ការមិនស្របគ្នា និងពុំធ្លាប់មានពីមុនមករបស់ប្រទេសអ៊ីរ៉ង់ ។ចំណាត់ការរបស់ទីក្រុងតេអេរ៉ង់ ត្រូវបានគេស្គាល់ថាជាការលុបចោលការរៀបចំរបស់ក្រុមអធិការកិច្ច ដែលត្រូវបានអនុញ្ញាត ដែលរដ្ឋជាសមាជិកជាទូទៅអាចប្រើសិទ្ធវ៉េតូចំពោះក្រុមអធិការរកិច្ច ដែលត្រូវបានចាត់តាំងឲ្យមកធ្វើទស្សនកិច្ចនៅទីតាំងនុយក្លេអ៊ែរ ក្រោមសទ្ធិសញ្ញាគ្មានការរីកសាយអាវុធនុយក្លេអ៊ែរ និងកិច្ចព្រមព្រៀងការពាររបស់ប្រទេសនីមួយៗ ជាមួយទីភ្នាក់ងារ ដែលគ្រប់គ្រងការធ្វើអធិការកិច្ច៕

ពលរដ្ឋទីក្រុងលីម៉ា ចេញធ្វើបាតុកម្មដោយទាមទាការធ្វើអន្តរាគមន៍ពីកងទ័ពប្រឆាំងឧក្រិកម្មកំពុងកើនឡើង

2023/09/21 11:36:01 am        148
Facebook Telegram Linkin
ប៉េរូ៖ ពលរដ្ឋរាប់រយនាក់ នៅក្នុងទីក្រុងលីម៉ាប្រទេសប៉េរូ បានចេញធ្វើបាតុកម្ម នៅក្នុងស្រុកចំនួន៣ ដែលទទួលរងដោយការកើនឡើងអំពើឧក្រិដ្ឋកម្ម ជាវិធានការមួយ ដែលអនុញ្ញាតឲ្យយោធាជួយធ្វើប្រតិបត្តិការសន្តិសុខ។ ស្ថានភាពគ្រាអាសន្នត្រូវបានប្រកាស នៅក្នុងសង្កាត់ សានជួន ដឺ លួរីហ្គានចូ (San Juan de Lurigancho) និងសង្កាត់ សាន ម៉ាទីន ដឺ ប៉រ៉ាស់(San Martin de Porras) ដែលសង្កាត់ទាំងពីនេះ ស្ថិតនៅក្នុង រដ្ឋធានីលីម៉ា។ រដ្ឋមន្ត្រីក្រសួងការពារជាតិប្រទេសប៉េរូ លោក Jorge Chavez បានប្រាប់អ្នកសារព័ត៌មានថា កងកម្លាំងយោធា បានមកដល់កាលពីថ្ងៃពុធ ដើម្បីជួយដល់នគរបាលជាតិ ក្នុងការអនុវត្តន៍រដ្ឋក្នុងគ្រាអាសន្ន។ ពលរដ្ឋបាននិយាយថា ឧក្រិដ្ឋជនកំពុងរំខានពួកគេ ដោយគំរាមទាប្រាក់ដ៏ឃៅពីអាជីវកម្មក្នុងតំបន់ និងបានគំរាមដល់អាយុជីវិត។ យោងតាមការិយាល័យស៊ើបអង្កេតផ្លូវការរបស់ប្រទេស បានឲ្យដឹងថា នគរបាលជាច្រើន បានកត់ត្រាបទឧក្រិដ្ឋនៅក្នុងទីក្រុងលីម៉ា ដែលកើនឡើងជិត១៦០.២០០ករណី កាលពីឆ្នាំមុន ដោយប្រៀបធៀនទៅនឹងឆ្នាំ២០២១ មានចំនួន១២០.៣៥០ករណី៕

អ្នកជំនាញអង្គការសហប្រជាជាតិ ជំរុញសហរដ្ឋអាមេរិកកុំឲ្យផ្គត់ផ្គង់គ្រាប់បែកចង្កោមទៅឲ្យអ៊ុយក្រែន

2023/09/21 11:33:19 am        156
Facebook Telegram Linkin
UN៖ លិខិតមួយច្បាប់ដែលបានចេញផ្សាយកាលពីថ្ងៃពុធ បានបង្ហាញថា អ្នកជំនាញអង្គការសហប្រជាជាតិ បានជំរុញឲ្យសហរដ្ឋអាមេរិកពិចារណាការសម្រេចចិត្តរបស់ខ្លួនក្នុងការផ្គត់ផ្គង់គ្រាប់បែកចង្កោមទៅឲ្យអ៊ុយក្រែន ដោយនិយាយថា ការផ្គត់ផ្គង់នេះ អាចធ្វើឲ្យប៉ះពាល់ដល់ជនស៊ីវិល ទោះបីច្រើនទសវត្សរ៍បន្ទាប់ពីការបញ្ចប់ជម្លោះនៅទីនោះក៏ដោយ។នៅក្នុងលិខិត្តរបស់លោកស្រីទៅកាន់រដ្ឋាភិបាលអាមេរិក លោកស្រី Alice Jill Edwards អ្នករាយការណ៍ពិសេសរបស់អង្គការសហប្រជាជាតិ បាននិយាយថា គ្រាប់បែកចង្កោមធ្វើឲ្យរងរបួសដល់ជនស៊ីវិលយ៉ាងធ្ងន់ធ្ងរនិងមិនរើសអើងទាំងនៅពេលប្រើប្រាស់និងក្រោយពេលជម្លោះ ហើយមិនគួត្រូវបានប្រើប្រាស់នោះទេ។ លោកស្រី Edwards អ្នករាយការណ៍ពិសេសទទួលបន្ទុកការដាក់ទណ្ឌកម្ម អំពើឃោឃៅ អមនុស្សធម៌ ឬទាក់ទាក់ទងទៅនឹងការប្រព្រឹត្ត ឬទណ្ឌកម្ម បានសរសេរនៅក្នុងលិខិត្តថា «ខ្ញុំជំរុញដោយក្តីគោរពដល់រដ្ឋាភិបាលរបស់លោក ឲ្យពិចារណាឡើងវិញពីការសម្រេចចិត្តដើម្បីផ្ទេរគ្រាប់បែកចង្កោម ហើយសូមបញ្ឈប់ផែនការណាមួយឈានទៅរកការអនុវត្តន៍ការសម្រេចចិត្តបែបនេះ។ការចេញផ្សាយលិខិត្តនេះ ចុះកាលបរិច្ឆេទថ្ងៃទី១៤ ខែកក្កដា កើតមានឡើងប៉ុន្មានថ្ងៃបន្ទាប់ពី មន្ត្រីសហរដ្ឋអាមេរិក បាននិយាយថារដ្ឋបាលលោក Biden ខិតជិតដល់ការអនុម័តការដឹកជញ្ចូនមីស៊ីលរយៈចម្ងាយឆ្ងាយដែលផ្ទុកដោយគ្រាប់បែកចង្កោមទៅកាន់ប្រទេសអ៊ុយក្រែន ដើម្បីផ្តល់ឲ្យទីក្រុងគីវនូវសមត្ថភាពដើម្បីបង្កឲ្យមានការបំផ្លាញខ្លាំង កាន់តែជ្រៅនៅក្នុងទឹកដីដែលកាន់កាប់ដោយរុស្ស៊ី។គ្រាប់បែកចង្កោមត្រូវបានហាមប្រាម ដោយប្រទេសជាង១០០។ ប្រទេសរុស្ស៊ី អ៊ុយក្រែន និងសហរដ្ឋអាមេរិក មិនបានចុះហត្ថលេខាលើអនុសញ្ញាស្តីពីគ្រាប់បែកចង្កោម ដែលហាមឃាត់ការផលិត ការស្តុកទុក ប្រើប្រាស់ និងផ្ទេរអាវុធនេះនោះទេ៕

កម្ពុជាកំពុងខិតខំចរចាកំណត់ព្រំដែនគោកជាមួយប្រទេសជិតខាង និងឈានទៅកំណត់ព្រំដែនសមុទ្រ

2023/09/21 11:24:44 am        205
Facebook Telegram Linkin
ភ្នំពេញ៖ ឯកឧត្តម ឡាំ ជា រដ្ឋមន្ត្រីទទួលបន្ទុករដ្ឋលេខាធិការដ្ឋានកិច្ចការព្រំដែន បានថ្លែងថា បច្ចុប្បន្នប្រទេសកម្ពុជា ​កំពុងខិតខំចរចាកំណត់ព្រំដែនគោក ​ជាមួយប្រទេសជិតខាងទាំងអស់ និងឈានទៅកំណត់ព្រំដែនសមុទ្របន្ថែមទៀត ​ដើម្បីឲ្យព្រំដែនមានសុខសន្តិភាព កិច្ចសហប្រតិបត្តិការ ​និងការអភិវឌ្ឍ ។ក្នុងឱកាសចូលឆ្លើយបំភ្លឺ ​នៅចំពោះមុខសមាជិកព្រឹទ្ធសភា ​ក្នុងសម័យប្រជុំវិសាមញ្ញនីតិកាលទី៤ ដើម្បីពិនិត្យ ​ហើយ​ឲ្យយោបល់​ចំនួន ២បៀបវារៈ ទី១. សេចក្តីព្រាងច្បាប់ស្តីពីការបង្កើត​ក្រសួង​អធិការកិច្ច និងសេចក្តីព្រាងច្បាប់ស្តីពី ​ការបង្កើតរដ្ឋលេខាធិការដ្ឋានកិច្ចការព្រំដែន ​នៅថ្ងៃទី២១ ខែកញ្ញា​ ឆ្នាំ២០២៣ឯកឧត្តម ឡាំ ​ជា ​មានប្រសាសន៍ថា​ គិតមកដល់ពេលនេះ បានធ្វើការ​ខណ្ឌសីម៉ា​បោះបង្គោលព្រំដែនគោក កម្ពុជា-វៀតណាម​ បានចំនួន៨៤ភាគរយ និងបានធ្វើការ​ត្រួតពិនិត្យខ្សែបន្ទាត់ព្រំដែនគោកកម្ពុជា-ឡាវ បានចំនួន៨៦ភាគរយ ។ឯកឧត្តម បានបន្តថា​ រកឃើញបង្គោលព្រំដែនគោក​ កម្ពុជា-ថៃ ចំនួន៧៣ទីតាំង ដែលស្មើ​នឹង៧៤បង្គោល ក្នុងនោះភាគីទាំងពីរ ​បានឯកភាពគ្នាចំនួន ​៤២ទីតាំង​ ដែលស្មើនឹង ៤២បង្គោល និងពុំទាន់បានឯកភាពគ្នាចំនួន ៣១ទីតាំង ស្មើនឹង ៣២បង្គោល ។ឯកឧត្តមរដ្ឋមន្ត្រី បានបន្ថែមថា ​ពាក់ព័ន្ធព្រំដែនសមុទ្ររវាងកម្ពុជាជាមួយថៃ ​និងជាមួយវៀតណាម មិនទាន់​បានចរចាកំណត់ព្រំដែន ហើយនៅពេលចរចាកំណត់ព្រំដែន​គោក​បានចប់ ទើបនឹងធ្វើការ​ចរចាព្រំដែនសមុទ្រជាមួយគ្នា ។ឯកឧត្តម ម៉ម ប៊ុននាង អ្នកនាំពាក្យព្រឹទ្ធសភាជាតិ ​មានប្រសាសន៍ថា កិច្ចការព្រំដែនជាការងារ​អទិភាព​មួយ ដ៏មានសារៈសំខាន់បំផុត ​ជាអាយុជីវិតរបស់ជាតិ ទាមទារឲ្យមានការយកចិត្តទុក​ដាក់ខ្ពស់ ​ទាំងលើទិដ្ឋភាពច្បាប់ ទិដ្ឋភាពបច្ចេកទេស​ និងទិដ្ឋភាពនយោបាយ សំដៅធានា​រក្សាការពារ ​មិនឲ្យមានការរំលោភបានជាដាច់ខាត​ នូវអធិបតេយ្យ ​និងបូរណភាពទឹកដី នៃព្រះរាជាណាចក្រកម្ពុជា ។គួរបញ្ជាក់ថា សេចក្ដីព្រាងច្បាប់ស្តីពីការបង្កើតក្រសួង​អធិការកិច្ច ​មានចំនួន១០មាត្រា ដោយ​អង្គប្រជុំព្រឹទ្ធសភាជាតិ ​បានពិនិត្យហើយឲ្យយោបល់ឯកភាព​ទាំងស្រុង​ និងឥតកែប្រែចំនួន ៥៩សំឡេង ​ខណៈសេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានកិច្ចការព្រំដែន ក្នុងសំឡេង ៥៩ដូចគ្នា ៕អត្ថបទ បាន សុខរិទ្ធិ

បណ្ដាញសង្គម

ព័ត៌មានថ្មីៗ

រូបភាពចក្រវាលលើកដំបូងរបស់តេឡេស្កូបអង្កេត Rubin បង្ហាញពីយុគសម័យនៃរបកគំហើញហ្វូងដួងតារាមិននឹកស្មានដល់
06/24/2025 08:06 PM
Facebook Telegram Linkin
ជនប៉ាឡេស្ទីននាំគ្នាស្វែងរកជំនួយស្បៀងអាហារនៅតំបន់ហ្កាហ្សា ខណៈវិបត្តិស្រេកឃ្លានកើនឡើង
06/24/2025 08:06 PM
Facebook Telegram Linkin
ភាពស្ងប់ស្ងាត់បានវិលត្រឡប់មកកាន់កាតាវិញ ក្រោយការវាយប្រហារអ៊ីរ៉ង់លើមូលដ្ឋានទ័ពអាមេរិក
06/24/2025 08:06 PM
Facebook Telegram Linkin
លោកស្រី von der Leyen៖ វិស័យការពារជាតិអឺរ៉ុប នៅទីបំផុតបានងើបឡើងហើយ
06/24/2025 08:06 PM
Facebook Telegram Linkin
ពលរដ្ឋហ្កាហ្សារងរបួសដោយសារបាញ់ប្រហាររបស់អ៊ីស្រាអែលនិយាយថា នេះគឺជាអាហារមានរសជាតិឈាម
06/24/2025 08:06 PM
Facebook Telegram Linkin
រដ្ឋមន្ត្រីការពារជាតិឥណ្ឌា នឹងធ្វើដំណើរទៅចិន ដើម្បីចូលរួមកិច្ចប្រជុំកំពូល ក្នុងតំបន់
06/24/2025 08:06 PM
Facebook Telegram Linkin
រដ្ឋអាជ្ញាពិសេសកូរ៉េខាងត្បូង ស្វែងរកដីកាចាប់ខ្លួនអតីតប្រធានាធិបតី លោក Yoon
06/24/2025 08:06 PM
Facebook Telegram Linkin
ការវាយប្រហារមីស៊ីលរុស្ស៊ីសម្លាប់មនុស្ស ៩នាក់ បណ្តាលឲ្យខូចខាតវិហារ និងសាលារៀនៅតំបន់ Dnipropetrovsk
06/24/2025 08:06 PM
Facebook Telegram Linkin
ឯកឧត្តម គួច ចំរើន៖ប្រជាពលរដ្ឋខ្មែរគ្រប់ទិសទីគាំទ្រយ៉ាងខ្លាំងក្លាចំពោះវីរៈភាពរបស់កងកម្លាំងជួរមុខ
06/24/2025 07:06 PM
Facebook Telegram Linkin
[UPDATE] លោក Trump ពុំសប្បាយចិត្តជាមួយអ៊ីស្រាអែល និងអ៊ីរ៉ង់ ប៉ុន្តែជំរុញកុំឲ្យមានការសងសឹកពីរដ្ឋជ្វីហ្វ
06/24/2025 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.