នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្តេចតេជោ ហ៊ុន សែន ទទួលជួបពិភាក្សាការងារជាមួយឯកឧត្តមប្រធានាធិបតីឡាវ
កម្ពុជា-សាធារណរដ្ឋម៉ាសេដ្វានខាងជើង ឯកភាពជំរុញកិច្ចសហប្រតិបត្តិការទ្វេភាគី
កម្ពុជា-រវ៉ាន់ដា ឯកភាពពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែទូលំទូលាយ​
សម្តេចធិបតី នាយករដ្ឋមន្ត្រី ទទួលជួបពិភាក្សាការងារទ្វេភាគី ជាមួយឯកឧត្តមប្រធានាធិបតីរវ៉ាន់ដា

នយោបាយ​ និង ការអភិវឌ្ឍន៍

ហ្វីលីពីន អាមេរិក និងសម្ព័ន្ធមិត្ត បន្តសមយុទ្ធកងទ័ពជើងទឹក២សប្ដាហ៍រួមគ្នា ស្របពេលមានភាពតានតឹងនៅអាស៊ីប៉ាស៊ីហ្វិក

2023/10/03 05:27:15 pm        126
Facebook Telegram Linkin
ហ្វីលីពីន៖ ហ្វីលីពីន សហរដ្ឋអាមេរិក និងបណ្ដាសម្ព័ន្ធមិត្តរបស់ខ្លួន បានបន្តសមយុទ្ធជើងទឹករួមគ្នារយៈពេលពីរសប្តាហ៍ នៅថ្ងៃអង្គារ (៣ តុលា) នេះ ដែលជាផ្នែកនៃកិច្ចខិតខំប្រឹងប្រែង ដើម្បីជំរុញកិច្ចសហប្រតិបត្តិការអន្តរជាតិ ស្របពេលមានសកម្មភាពអះអាងកាន់តែខ្លាំងឡើងរបស់ទីក្រុងប៉េកាំង នៅក្នុងសមុទ្រចិនខាងត្បូង ព្រមទាំងភាពតានតឹងនៅក្នុងអាស៊ីប៉ាស៊ីហ្វិក។សមយុទ្ធរួមគ្នានោះឈ្មោះថា «សាម៉ាសាម៉ា» ដែលមានន័យថា «រួបរួមគ្នា» នៅក្នុងភាសា Tagalog របស់ហ្វីលីពីន ហើយសមយុទ្ធនេះមានគោលបំណងជាចម្បង ដើម្បីពង្រឹងសមត្ថភាពកងទ័ពជើងទឹករបស់ប្រទេសនេះ។ សមយុទ្ធនេះ ធ្វើឡើងនៅក្នុង និងជុំវិញកោះឡូហ្សូន (Luzon) ភាគខាងជើងហ្វីលីពីន ហើយនឹងបន្តរហូតដល់ថ្ងៃទី១៣ ខែតុលា។កងទ័ពជើងទឹកហ្វីលីពីនបាននិយាយថា សមយុទ្ធសាម៉ាសាម៉ា មានគោលបំណង «ពង្រឹងកិច្ចសហប្រតិបត្តិការការពារជាតិអន្តរជាតិបន្ថែមទៀត និងជំរុញឱ្យមានសណ្តាប់ធ្នាប់អន្តរជាតិផ្អែកលើច្បាប់»។ ជាផ្នែកមួយនៃសមយុទ្ធនេះ កងទ័ពជើងទឹកហ្វីលីពីន និងសហរដ្ឋអាមេរិក កំពុងធ្វើសមយុទ្ធអន្តរប្រតិបត្តិការជាមួយកងកម្លាំងមកពីប្រទេសជប៉ុន ចក្រភពអង់គ្លេស កាណាដា បារាំង និងអូស្ត្រាលី។ កងកម្លាំងនាវាចរនូវែលសេឡង់ និងឥណ្ឌូណេស៊ី ក៏ចូលរួមជាអ្នកសង្កេតការណ៍ក្នុងសមយុទ្ធនេះផងដែរ។ ការជំរុញឱ្យមានកិច្ចសហប្រតិបត្តិការពហុភាគីកាន់តែខ្លាំងឡើងនេះ កើតឡើងស្របពេលមានកំណើនភាពតានតឹងផ្នែកដែនសមុទ្ររវាងទីក្រុងម៉ានីល និងទីក្រុងប៉េកាំង ព្រមទាំងកិច្ចខិតខំប្រឹងប្រែងដោយទីក្រុងវ៉ាស៊ីនតោន ក្នុងការទប់ទល់ជាមួយឥទ្ធិពលចិននៅអាស៊ីប៉ាស៊ីហ្វិកផងដែរ៕

មនុស្សរាប់ពាន់នាក់ ភៀសខ្លួនពីប្រទេសស៊ូដង់ភាគខាងត្បូង ខណៈសង្គ្រាមរាលដាល

2023/10/03 05:25:04 pm        150
Facebook Telegram Linkin
ស៊ូដង់​៖ ពលរដ្ឋបាននិយាយកាលពីថ្ងៃចន្ទ បន្ទាប់ពីការវាយប្រហារដោយកងកម្លាំងគាំទ្ររហ័សយោធាប៉ារ៉ា ថា សង្គ្រាមមានរយៈពេលជាច្រើនខែរបស់ប្រទេសស៊ូដង់ បានរាលដាលដល់ទីក្រុងមួយនៅភាគខាងត្បូងប្រទេស ដែលកំពុងបង្ខំឲ្យមនុស្សរាប់ពាន់នាក់ភៀសខ្លួន។យោងតាមពលរដ្ឋបានឲ្យដឹងថា ក្រុមអ្នកប្រយុទ្ធកងកម្លាំងគាំទ្ររហ័ស នៅលើយានយន្តប្រដាប់អាវុធរាប់សិបគ្រឿង បានវាយប្រហារទីក្រុង Wad Ashana នៅព្រំដែនរវាងរដ្ឋ Kordofan ខាងជើង និងរដ្ឋ White Nile កាលពីថ្ងៃសៅរ៍។ការមើលឃើញដូចគ្នាត្រូវបានរាយការណ៍ នៅផ្នែកផ្សេងៗរបស់ប្រទេស ដោយអ្នកស្ម័គចិត្តបានបង្ខំចិត្ត ជីកផ្នូរធំរួម និងបានព្រមានថា ចំនួនអ្នកស្លាប់ពិតប្រាកដមានចំនួនខ្ពស់ជាងតួលេខដែលបានលើកឡើង។យោងតាមក្រុមអភិរក្ស បានប៉ាន់ប្រមាណពីគម្រោងទិន្នន័យព្រឹត្តិការណ៍និងទីតាំងជម្លោះប្រដាប់អាវុធបានឲ្យដឹងថា គិតត្រឹមដើមខែវិច្ឆិកា សង្គ្រាមរវាងមេបញ្ជាការកងទ័ពប្រទេសស៊ូដង់លោក Abdel Fattah al-Burhan និងមេបញ្ជាការរងរបស់លោក មេបញ្ជាការកម្លាំងគាំទ្ររហ័សលោក Mohamed Hamdan Daglo ដែលបានចាប់ផ្តើមកាលពីថ្ងៃទី១៥ ខែមេសា បណ្តាលឲ្យមនុស្សជិត ៧.៥០០នាក់ បានស្លាប់៕

ទួរគីចាប់ខ្លួនមនុស្ស២០នាក់ សង្ស័យថាបានជួយដល់ក្រុមសកម្មប្រយុទ្ធឃឺដ បន្ទាប់ពីការការវាយប្រហារដោយគ្រាប់បែក

2023/10/03 05:22:50 pm        164
Facebook Telegram Linkin
ទួរគី៖រដ្ឋមន្ត្រីក្រសួងមហាផ្ទៃទួរគី លោក Ali Yerlikaya បាននិយាយថា នគរបាលប្រឆាំងភេរវកម្មទួរគី បានចាប់ឃុំខ្លួនមនុស្ស២០នាក់ កាលពីព្រឹកថ្ងៃចន្ទ (២ តុលា) ក្នុងការវាយឆ្មក់កំណត់គោលដៅក្រុមមនុស្សដែលមានទំនាក់ទំនងនឹងពួកសកម្មប្រយុទ្ធឃឺដ។លោក Yerlikaya បាននិយាយនៅលើបណ្ដាញសង្គម X ថា អ្នកនាំពាក្យថ្នាក់ខេត្តជនជាតិឃឺដម្នាក់ និងបណ្ដាប្រធានស្រុកនៃគណបក្សនយោបាយគាំទ្រជនជាតិឃឺដដ៏ធំមួយ បានស្ថិតក្នុងចំណោមអ្នកដែលត្រូវឃុំខ្លួននោះ ដោយសង្ស័យថាបានប្រមូលជំនួយ និងផ្តល់ទីជម្រកសម្រាប់សមាជិកប្រឆាំងនៃគណបក្សពលករឃើឌីស្ថាន (PKK) ដែលមិនស្របច្បាប់។ កាលពីព្រឹកថ្ងៃអាទិត្យ (១ តុលា) ក្រុមអ្នកវាយប្រហារពីរនាក់ បានបំផ្ទុះគ្រាប់បែកនៅជិតអគាររដ្ឋាភិបាលក្នុងទីក្រុងអង់ការ៉ា ដោយបានបណ្ដាឲ្យជនដៃដល់ទាំងពីរនាក់បានស្លាប់ និងរបួសមន្ត្រីនគរបាលពីរនាក់។គណបក្សពលករ PKK ដែលត្រូវបានចាត់ទុកជាអង្គការភេរវករដោយប្រទេសទួរគី សហរដ្ឋអាមេរិក និងសហភាពអឺរ៉ុប ក្រោយមកបានអះអាងទទួលខុសត្រូវចំពោះការវាយប្រហារគ្រាប់បែកលើរដ្ឋធានីប្រទេសទួរគីមួយនេះ។ ការវាយប្រហារដោយគ្រាប់បែកនៅលើមហាវិថី Ataturk គឺជាឧបទ្ទវហេតុលើកទីមួយក្នុងទីក្រុងអង់ការ៉ា ចាប់តាំងពីឆ្នាំ២០១៦មក នៅពេលមានការវាយប្រហារនៅក្នុងបណ្ដាទីក្រុងរបស់ទួរគី ដែលអះអាងទទួលខុសត្រូវដោយពួកសកម្មប្រយុទ្ធឃឺដ រដ្ឋអ៊ីស្លាម និងក្រុមផ្សេងៗទៀតផងដែរ៕

ចំហេះព្រៃនៅផ្នែកជាច្រើន នៅប្រទេសអូស្ត្រាលីភាគអាគ្នេយ៍ ក្នុងពេលរលកកម្តៅនិទាឃរដូវ

2023/10/03 05:20:28 pm        134
Facebook Telegram Linkin
អូស្ត្រាលី៖ ចំហេះព្រៃនៅរដ្ឋVictoria ប្រទេសអូស្ត្រាលី មានចំនួនច្រើនជាង៣ដងកាលពីពេលយប់ ហើយអាជ្ញាធរ បានជំរុញឲ្យពលរដ្ឋ នៅក្នុងតំបន់ដាច់ស្រយាលនៃរដ្ឋ Tasmania ឲ្យជម្លៀសខ្លួន ខណៈរលកកម្តៅនិទាឃរដូវបានវាយបក់អគ្គិភ័យ នៅទូទាំងភាគអាគ្នេយ៍របស់ប្រទេស។ យោងតាមអាជ្ញាធរអគ្គិភ័យរដ្ឋ បានឲ្យដឹងថា ផ្ទៃដីប្រមាណ១៧.០០០ហិចតា ត្រូវបានឆាបឆេះនៅថ្ងៃអង្គារនេះនៅផ្នែកភាគខាងកើត តំបន់ Gippsland រដ្ឋ Victoria បន្ទាប់ពីខ្យល់បក់ខ្លាំងរាលដាលអគ្គិភ័យកាលពីពេលយប់ ដែលក្រុមអ្នកពន្លត់អគ្គិភ័យប្រមាណ ៦៥០ នាក់ត្រូវបានដាក់ពង្រាយ ។នៅទូទាំងច្រកសមុទ្រ Bass ក្នុងរដ្ឋ Tasmania ពលរដ្ឋនៅជាយភាគខាងជើងនៃកោះ Flinders ត្រូវបានប្រាប់ឲ្យជម្លៀសខ្លួនពីចំហេះព្រៃដែលហួសពីការគ្រប់គ្រង។ អគ្គិភ័យបានឆាបឆេះដោយកម្តៅ និងខ្យល់ស្ងួតនៅទូទាំងភាគអាគ្នេយ៍ខណៈប្រទេសនេះជួបប្រទះរដូវនិទាឃរដូវ ក្តៅខ្លាំងមិនសមស្របតាមរដូវកាល។យោងតាមការិយាល័យឧតុនិយមបានឲ្យដឹងថា ប្រទេសអូស្ត្រាលី បានចាប់ផ្តើមនិទាឃរដូវក្នុងខែកញ្ញាស្ងួតហួតហែងក្នុងកំណត់ត្រា ដោយមានភ្លៀងធ្លាក់៧១ភាគរយ ជាកម្រិតក្រោមមធ្យមនៅក្នុងឆ្នាំ១៩៦១ ដល់ឆ្នាំ១៩៩០។ស្ថានភាពត្រូវបានគេរំពឹងថា នឹងផ្លាស់ប្តូរឆាប់រហ័សនៅក្នុងរដ្ឋ Victoria នៅរសៀលថ្ងៃអង្គារនេះ ដោយ មានភ្លៀងធ្លាក់ខ្លាំងត្រូវបានរំពឹងទុកដើម្បីជួយពន្លត់ភ្លើង ប៉ុន្តែអាចបង្កឲ្យមានទឹកជំនន់យ៉ាងគំហុក៕

ទីក្រុងប៉េកាំងរបស់ចិន មានភ្ញៀវទេសចរជាង៦,៨២លាននាក់ ក្នុងរយៈពេល៣ថ្ងៃដំបូងនៃថ្ងៃឈប់សម្រាក

2023/10/03 05:18:02 pm        131
Facebook Telegram Linkin
ចិន៖ ទីក្រុងប៉េកាំងរបស់ប្រទេសចិន បានស្វាគមន៍ភ្ញៀវទេសចរជាង៦,៨២លាននាក់ ក្នុងរយៈពេលបីថ្ងៃដំបូងនៃពិធីបុណ្យពាក់កណ្តាលសរទរដូវ និងថ្ងៃបុណ្យជាតិ ដែលបន្តពីថ្ងៃទី២៩ ខែកញ្ញា រហូតដល់ថ្ងៃទី៦ ខែតុលា ឆ្នាំនេះ។យោងតាមការិយាល័យវប្បធម៌ និងទេសចរណ៍ទីក្រុងប៉េកាំង បានឱ្យដឹងថា ចាប់ពីថ្ងៃសុក្រ (២៩ កញ្ញា) រហូតដល់ថ្ងៃអាទិត្យ (១ តុលា) តំបន់ទេសចរណ៍សំខាន់ៗរបស់ទីក្រុងនេះ បានកត់ត្រាចំនួនភ្ញៀវទេសចរសរុបចំនួន៦,៨២៥លាននាក់ ដោយកើនឡើងចំនួន៦០,៦% ពីឆ្នាំមុន និងកើនឡើងចំនួន៣១,៨% ធៀបនឹងតួលេខមុនពេលមានជំងឺកូវីដកាលពីឆ្នាំ២០១៩។ទិន្នន័យបានបង្ហាញថា ប្រាក់ចំណូលទេសចរណ៍សរុបបានឈានដល់៤១៨,៧៦លានយ័ន (ប្រហែល ៥៧,៣៥លានដុល្លារអាមេរិក) ក្នុងអំឡុងពេលបីថ្ងៃ ដោយកើនឡើងចំនួន២៥,២ភាគរយ បើធៀបនឹងឆ្នាំមុន និងកើនឡើងចំនួន៨៩,៤ភាគរយ ធៀបនឹងរយៈពេលដូចគ្នានៃឆ្នាំ២០១៩៕

អង្គការសុខភាពពិភពលោក ណែនាំវ៉ាក់សាំងការពារជំងឺគ្រុនចាញ់ថ្មីសម្រាប់ដាក់ឱ្យប្រើប្រាស់នៅឆ្នាំ២០២៤

2023/10/03 05:15:08 pm        128
Facebook Telegram Linkin
WHO៖ អង្គការសុខភាពពិភពលោក (WHO) បានផ្តល់អនុសាសន៍កាលពីថ្ងៃចន្ទ (២ តុលា) ឱ្យប្រើប្រាស់វ៉ាក់សាំងការពារជំងឺគ្រុនចាញ់លើកទីពីរ ដើម្បីទប់ស្កាត់ជំងឺគំរាមកំហែងអាយុជីវិត ដែលរីករាលដាលដល់មនុស្សដោយសារប្រភេទមូសខាំមួយចំនួន។ប្រធានអង្គការសុខភាពពិភពលោក លោគ Tedros Adhanom Ghebreyesus បានប្រាប់សន្និសីទសារព័ត៌មាននៅទីក្រុងហ្សឺណែវ ថា វ៉ាក់សាំងថ្មីប្រភេទ R21/Matrix-M ដែលបង្កើតឡើងដោយសាកលវិទ្យាល័យ Oxford របស់ចក្រភពអង់គ្លេស នឹងត្រូវដាក់ឱ្យប្រើប្រាស់នៅក្នុងប្រទេសអាហ្រ្វិកមួយចំនួននៅដើមឆ្នាំ២០២៤ ខាងមុខនេះ និងអាចរកទិញបាននៅពាក់កណ្តាលឆ្នាំ២០២៤ នៅក្នុងប្រទេសដទៃទៀត។ វ៉ាក់សាំងចំនួនមួយដូស នឹងត្រូវចំណាយចាប់ពី ២ដុល្លារទៅ ៤ដុល្លារអាមេរិកប៉ុណ្ណោះ។ វ៉ាក់សាំង R21/Matrix-M ត្រូវបានផលិតឡើងដោយវិទ្យាសា្ថនស្រាវជ្រាវវ៉ាក់សាំង Serum Institute នៃប្រទេសឥណ្ឌា ហើយប្រើប្រាស់បច្ចេកវិទ្យាបន្ស៉ាំវីរុស Matrix M adjuvant របស់ក្រុមហ៊ុនឳសថ Novavax សហរដ្ឋអាមេរិកផងដែរ៕

អង្គការសហប្រជាជាតិ អនុញ្ញាតឲ្យបេសកកម្មទៅកាន់ប្រទេសហៃទី ប្រយុទ្ធប្រឆាំងជនអន្ធពាល

2023/10/03 05:09:53 pm        126
Facebook Telegram Linkin
UN៖ ក្រុមប្រឹក្សាសន្តិសុខអង្គការសហប្រជាជាតិ កាលពីថ្ងៃចន្ទ បានអនុញ្ញាតឲ្យបេសកកម្មសន្តិសុខបរទេសទៅកាន់ប្រទេសហៃទី រយៈពេល១ឆ្នាំបន្ទាប់ពីប្រទេសនៅតំបន់ការ៉ាអ៊ីបមួយនេះ បានស្នើសុំជំនួយដើម្បីប្រយុទ្ធប្រឆាំងជនអន្ធពាលហិង្សាបានចូលលុកលុយភាគច្រើននៅរដ្ឋធានីព័រអូប្រាំង។ ក្រុមប្រឹក្សាដែលមានសមាជិក១៥ប្រទេស បានអនុម័តសេចក្តីសម្រេច ដែលត្រូវបានពង្រាងដោយអង្គការសហប្រជាជាតិ និងប្រទេសអេក្វាឌ័រ បានអនុញ្ញាតនូវអ្វីដែលគេហៅថាបេសកកម្មគាំទ្រសន្តិសុខពហុជាតិ ដើម្បីមានវិធានការចាំបាច់ទាំងអស់ ជាក្រមសម្រាប់ការប្រើប្រាស់កម្លាំង។ប្រទេសចិន និងរុស្ស៊ី អនុប្បវាទមិនបោះឆ្នោត ដែលប្រុងប្រយ័ត្នពីការអនុញ្ញាតការប្រើប្រាស់គ្របដណ្តប់លើកម្លាំងក្រោមជំពូកទី៧នៃការបង្កើតធម្មនុញ្ញអង្គការសហប្រជាជាតិ។ សមាជិកចំនួន១៣ប្រទេសដែលនៅសល់ បានបោះឆ្នោតគាំទ្រ។ឆ្លើយតបទៅនឹងសំណើររបស់ប្រទេសហៃទី សម្រាប់ជំនួយដែលត្រូវបានពន្យាពេល ដោយសារតែការព្យាយាមស្វែងរកឆន្ទះរបស់ប្រទេសនេះដើម្បីដឹកនាំបេសកកម្មជំនួយសន្តិសុខ។ បេសកកម្មជំនួយសន្តិសុខ ខណៈត្រូវបានអនុម័តដោយក្រុមប្រឹក្សាសន្តិសុខអង្គការសហប្រជាជាតិ ពុំមែនជាប្រតិបត្តិការអង្គការសហប្រជាជាតិនោះទេ។ កងរក្សាសន្តិភាពអង្គការសហប្រជាជាតិ ត្រូវបានដាក់ពង្រាយទៅកាន់ប្រទេសហៃទីនៅក្នុងឆ្នាំ២០០៤ បន្ទាប់ពីការបះបោរ នាំទៅរកការបណ្តេញចេញនិងនិរទេសប្រធានាធិបតីលោក Jean-Bertrand Aristide ។ កងទ័ពរក្សាសន្តិភាព បានចាកចេញនៅឆ្នាំ២០១៧ ហើយត្រូវបានដាក់ជំនួសដោយនគរបាលអង្គការសហប្រជាជាតិ ដែលបានចាកចេញនៅឆ្នាំ២០១៩៕

ទួរគីបង្កើនការវាយប្រហារសងសឹក ទាំងក្នុងប្រទេសខ្លួន ទាំងនៅអ៊ីរ៉ាក់ ក្រោយការបំផ្ទុះគ្រាប់បែកក្នុងរដ្ឋធានីអង់ការ៉ា

2023/10/03 05:07:35 pm        120
Facebook Telegram Linkin
ទួរគី៖ ទួរគី និយាយថា ខ្លួនបានបើកការវាយប្រហារតាមអាកាស ដាក់គោលដៅលើក្រុមសកម្មប្រយុទ្ធនៅក្នុងប្រទេសអ៊ីរ៉ាក់ភាគខាងជើង និងបានឃុំខ្លួនជនសង្ស័យជាច្រើននាក់ទាំងយប់នៅក្នុងទីក្រុងអ៊ីស្តង់ប៊ុល ប៉ុន្មានម៉ោង បន្ទាប់ពីក្រុមសកម្មប្រយុទ្ធឃើដ បាននិយាយថា ពួកគេបានវាយប្រហារដោយគ្រាប់បែកលើកដំបូងនៅក្នុងរដ្ឋធានីអង់ការ៉ា(Ankara) ក្នុងរយៈពេលប៉ុន្មានឆ្នាំមកនេះ។  កាលពីព្រឹកថ្ងៃអាទិត្យ ខ្មាន់គ្រាប់បែក២នាក់បានបំផ្ទុះគ្រាប់បែក ជិតអគាររដ្ឋាភិបាល ក្នុងរដ្ឋធានីអង់ការ៉ា ដោយខ្មាន់បំផ្ទុះគ្រាប់បែកទាំង២នាក់បានស្លាប់ និងនគរបាល២នាក់រងរបួស ។ ក្រុមសកម្មប្រយុទ្ធគណបក្សពលករឃឺដក្រៅច្បាប់បានអះអាងទទួលខុសត្រូវ។  ទួរគី បានបង្កើនសកម្មភាពយោធាប្រឆាំងនឹងគណបក្សពលករឃឺដ PKK នៅក្នុងប្រទេសអ៊ីរ៉ាក់ភាគខាងជើងកាលពីប៉ុន្មានឆ្នាំមុន ក្នុងប្រតិបត្តិការជាច្រើន ដែលខ្លួននិយាយថាពួកគេត្រូវបានធ្វើឡើងក្រោមសិទ្ធិការពារខ្លួនស្របតាមមាត្រាទី៥១នៃច្បាប់ធម្មនុញ្ញរបស់អង្គការសហប្រជាជាតិ។ ចំណែកលោកប្រធានាធិបតីអ៊ីរ៉ាក់ អាប់ឌុល ឡាទីហ្វ រ៉ាស៊ីដ (Abdul-Latif Rashid) បាននិយាយក្នុងការអត្ថាធិប្បាយដែលបានចេញផ្សាយកាលពីថ្ងៃចន្ទថា អ៊ីរ៉ាក់ បានទាត់ចោលម្ដងហើយម្ដងទៀតថា ការវាយប្រហារតាមអាកាសរបស់ទួរគី ឬ វត្តមានរបស់មូលរដ្ឋានទួរគី នៅក្នុងតំបន់ឃឺដ ហើយសង្ឃឹមថា នឹងមានកិច្ចព្រមព្រៀងមួយជាមួយទីក្រុងអង់ការ៉ាដើម្បីដោះស្រាយបញ្ហានេះ។ គណបក្សពលករឃឺដ PKK ត្រូវបានចាត់ទុកជាអង្គការភេរវកម្មដោយប្រទេសទួរគី សហរដ្ឋអាមេរិក និងសហភាពអឺរ៉ុប ។ ទួរគី បានបើកការវាយប្រហារលើក្រុមបះបោរក្នុងភាគអាគ្នេយ៍ប្រទេសទួរគីកាលពីឆ្នាំ១៩៨៤ និងបានបណ្ដាលឲ្យមនុស្សជាង៤ម៉ឺននាក់ស្លាប់ ក្នុងជម្លោះនេះ៕

អ៊ុយក្រែន ជឿជាក់ថាខ្លួន នឹងទទួលបានការគាំទ្រកាន់តែខ្លាំង ខណៈក្រុមរដ្ឋមន្ត្រីអឺរ៉ុបជួបជុំគ្នានៅក្នុងរដ្ឋធានីគីវ

2023/10/03 05:05:20 pm        174
Facebook Telegram Linkin
អ៊ុយក្រែន៖បណ្ដារដ្ឋមន្ត្រីការបរទេសសហភាពអឺរ៉ុប បានបង្ហាញការគាំទ្រចំពោះអ៊ុយក្រែន អំឡុងជំនួបមួយនៅក្នុងរដ្ឋធានី គីវ(Kyiv) របស់អ៊ុយក្រែន កាលពីថ្ងៃចន្ទ ជាជំនួបលើកដំបូងរបស់ប្រទេសមិនមែនជាសមាជិក បន្ទាប់ពីបេក្ខជនគាំទ្រប្រទេសរុស្ស៊ី បានជាប់ឆ្នោតនៅក្នុងប្រទេសស្លូវ៉ាគី ហើយសភាអាមេរិក បានទុកចោលជំនួយសង្គ្រាមអ៊ុយក្រែននៅក្រៅច្បាប់សម្រាប់ការចំណាយ។   រដ្ឋធានីគីវ បានទាត់ចោលក្ដីបារម្ភដែលថា ការគាំទ្រសម្រាប់កិច្ចខិតខំប្រឹងប្រែងសង្រ្គាមរបស់ខ្លួនកំពុងធ្លាក់ចុះទាំងសងខាងនៃប្រទេសនៅតំបន់អាល្លង់ទិក ពិសេសនៅក្នុងសហរដ្ឋអាមេរិក ជាទីដែលសភា បានដកជំនួយដល់អ៊ុយក្រែនចេញពីច្បាប់គ្រាអាសន្នដើម្បីទប់ស្កាត់ការបិទរដ្ឋាភិបាល។  ប្រមុខការបរទេសអ៊ុយក្រែន លោក ឌីមីត្រូ គូឡេបា (Dmytro Kuleba) បានប្រាប់ក្រុមអ្នកសារព័ត៌មានខណៈលោកទទួលស្វាគមន៍ប្រធានគោលនយោបាយកិច្ចការបរទេសសហភាពអឺរ៉ុប លោក ចូសេប បូរ៉េល (Josep Borrell) ថា យើងពុំមានអារម្មណ៍ថា ការគាំទ្ររបស់សហរដ្ឋអាមេរិកធ្លាក់ចុះទេ ព្រោះថា សហរដ្ឋអាមេរិក យល់ថា អ្វីដែលកើតមាននៅក្នុងប្រទេសអ៊ុយក្រែន គឺមានទំហំធំជាងអ៊ុយក្រែនទៅទៀត ។ការលុបឈ្មោះអ៊ុយក្រែនចេញពីច្បាប់ចំណាយរបស់សហរដ្ឋអាមេរិក ដោយការបានបញ្ជូនក្រុមមន្ត្រី គាំទ្ររដ្ឋធានីគីវ   ដែលកំពុងព្យាយាមស្វែងរកធម្យោបាយល្អបំផុតដើម្បីទទួលបានការអនុម័តសម្រាប់ជំនួយបន្ថែមលើទឹកប្រាក់ចំនួន ១១៣ ពាន់លានដុល្លារក្នុងផ្នែកសន្តិសុខ សេដ្ឋកិច្ច និងជំនួយមនុស្សធម៌ដែលសហរដ្ឋអាមេរិកបានផ្តល់ចាប់តាំងពីរុស្ស៊ីបានវាយលុកកាលពីខែកុម្ភៈឆ្នាំ ២០២២។ លោក Borrell បានប្រាប់សន្និសីទសារព័ត៌មានជាមួយលោកគូឡេបា ថា សហភាពអឺរ៉ុបនៅតែរួបរួមគ្នាគាំទ្រអ៊ុយក្រែនដដែល។ លោកបានស្នើកញ្ចប់ចំណាយពីសហភាពអឺរ៉ុប សម្រាប់រដ្ឋធានីគីវ ចំនួន៥ពាន់លានអឺរ៉ូ ស្មើ ៥,២៥ ពាន់លានដុល្លារ នៅឆ្នាំ២០២៤ ដែលលោកសង្ឃឹមថានឹងទទួលបានការយល់ព្រម៕

លោកអូឡាហ្វ សូល៖អាល្លឺម៉ង់នឹងមិនអនុញ្ញាតឲ្យវិបត្តិជនភៀសខ្លួនរបូតចេញពីការគ្រប់គ្រងទេ

2023/10/03 05:02:26 pm        142
Facebook Telegram Linkin
អាល្លឺម៉ង់៖ អធិការបតីអាល្លឺម៉ង់ លោក អូឡាហ្វ សូល (Olaf Scholz) បានថ្លែងថា រដ្ឋាភិបាលរបស់លោក នឹងធ្វើឲ្យ ប្រាកដថា ស្ថានភាពជនភៀសខ្លួនបច្ចុប្បន្ន ស្ថិតក្រោមការគ្រប់គ្រង ហើយជនអន្តោប្រវេសន៍ ដែលគ្មានឯកសារ នឹងត្រូវបានបញ្ជូនត្រឡប់ទៅប្រទេសកំណើតរបស់ពួកគេវិញកាន់តែលឿន នាពេលអនាគត។លោកសូល បាននិយាយនៅឯកិច្ចប្រជុំសាលាក្រុងក្នុងទីក្រុងហាំប៊ឺក (Hamburg) កាលពីថ្ងៃចន្ទថា អ្នកស្វែងរកសិទ្ធិជ្រកកោន ដែលត្រូវបានបដិសេធ នឹងត្រូវចាកចេញម្តងទៀត។ យើងនឹងធ្វើការប្រឆាំងនឹងការបាត់បង់ការគ្រប់គ្រងជានិច្ច ព្រោះវាមិនល្អសម្រាប់រដ្ឋមួយ ឬប្រទេសលទ្ធិប្រជាធិបតេយ្យមួយទេ។លោកអធិការបតី ក៏បាននិយាយផងដែរថា ច្បាប់អន្តោប្រវេសន៍ទូទៅរបស់សហភាពអឺរ៉ុប នឹងធានាថា ជនអន្តោប្រវេសន៍ ត្រូវបានចុះឈ្មោះនៅក្នុងប្រទេសសហភាពអឺរ៉ុប ដែលពួកគេចូលប្លុកនេះ ជាលើកដំបូង។ លោកបានបន្តទៀតថា ចន្លោះពី៧០ភាគរយទៅ៨០ភាគរយនៃអ្នកចូលទៅក្នុងប្រទេសអាល្លឺម៉ង់ពីមុន បានស្ថិតនៅក្នុងរដ្ឋសហភាពអឺរ៉ុបមួយផ្សេងទៀត «ប៉ុន្តែមិនត្រូវបានចុះឈ្មោះ នៅទីនោះទេ»។សម្ព័ន្ធបីគណបក្សរបស់លោកសូល បានស្ថិតនៅក្រោមសម្ពាធកាន់តែខ្លាំងឡើងក្នុងការផ្លាស់ប្តូរគោលនយោបាយអន្តោប្រវេសន៍ដ៏ធូររលុងរបស់អាល្លឺម៉ង់ ដោយមើលឃើញពីចំនួនកើនឡើងយ៉ាងខ្លាំង និងការគំរាមកំហែងផ្នែកនយោបាយ ដែលកំពុងកើនឡើងពីគណបក្សជម្រើសស្តាំនិយមអាល្លឺម៉ង់។យោងតាមទិន្នន័យរបស់រដ្ឋាភិបាលបានឲ្យដឹងថា មនុស្សជាង ២០៤.000នាក់ បានស្នើសុំសិទ្ធិជ្រកកោននៅក្នុងប្រទេសអាល្លឺម៉ង់រហូតដល់ខែសីហា ពោលគឺកើនឡើង ៧៧ភាគរយ បើធៀបនឹងរយៈពេលដូចគ្នាកាលពីឆ្នាំមុន។ អាជ្ញាធរមូលដ្ឋានជាច្រើន បានព្រមានថា ពួកគេលែងមានលទ្ធភាពផ្តល់លំនៅឋានទៀតហើយ៕

បណ្ដាញសង្គម

ព័ត៌មានថ្មីៗ

កម្ពុជា-ឡាវ ប្តេជ្ញាបន្តពង្រឹងកិច្ចសហប្រតិបត្តិការសភា និងត្រៀមបន្តសុពលភាព MOU ឆ្នាំ២០២៧
11/14/2026 09:11 PM
Facebook Telegram Linkin
អ្នកសារព័ត៌មានបារាំង ចាប់អារម្មណ៍ សកម្មភាពស្និទ្ធស្នាលរបស់ ប្រធានាធិបតីបារាំង ហើយសង្ឃឹម កម្ពុជានឹងទទួលផលវិជ្ជមានច្រើន
11/14/2026 08:11 PM
Facebook Telegram Linkin
ពិព័រណ៍ FrancoTech ចាប់ផ្ដើមបើក ជំរុញម្ចាស់អាជីវកម្មថ្មីៗមានឱកាសចាប់ដៃគូជាតិ-អន្តរជាតិ
11/14/2026 08:11 PM
Facebook Telegram Linkin
ប្រធានាធិបតីតូហ្គោ អញ្ជើញមកដល់អាកាសយានដ្ឋានអន្តរជាតិតេជោ ដើម្បីចូលរួមកិច្ចប្រជុំកំពូលហ្វ្រង់កូហ្វូនី លើកទី២០ នៅកម្ពុជា
11/14/2026 07:11 PM
Facebook Telegram Linkin
សម្ដេចតេជោ៖ កម្ពុជា និងវៀតណាមមានប្រវត្តិជាអ្នកជិតខាងល្អ តែងតែជួយគ្នាទៅវិញទៅមក ខណៈវត្តមានមកកាន់កម្ពុជាពេលនេះជាការផ្ដល់តម្លៃចំពោះទំនាក់ទំនងជាមួយកម្ពុជាក៏ដូចជាសហគមន៍ហ្វ្រង់កូហ្វូនី
11/14/2026 07:11 PM
Facebook Telegram Linkin
សម្តេចតេជោ ជំរុញបញ្ចប់បោះបង្គោលព្រំដែន កម្ពុជា-ឡាវ ខណៈប្រទេសទាំង២ សហការគ្នាយ៉ាងសកម្ម
11/14/2026 07:11 PM
Facebook Telegram Linkin
សម្ដេចតេជោចាត់ទុកវត្តមានប្រធានរដ្ឋឡាវមកកាន់កម្ពុជា បានផ្ដល់តម្លៃដល់ទំនាក់ទំនងជាមួយកម្ពុជា និងសហគមន៍ហ្វ្រង់កូហ្វូនី
11/14/2026 07:11 PM
Facebook Telegram Linkin
កម្ពុជា និងសាធារណរដ្ឋកូរ៉េ ប្តេជ្ញាបន្តជំរុញទំនាក់ទំនងភាពជាដៃគូ​យុទ្ធសាស្ត្រ​ជាមួយ​គ្នាឱ្យ​កាន់តែរីកចម្រើន
11/14/2026 06:11 PM
Facebook Telegram Linkin
ធុរជននិយាយភាសាបារាំង​មើលឃើញសក្ដានុពលវិនិយោគនៅកម្ពុជាបន្ទាប់ពីមានជំនួបសហគ្រិនហ្រ្វង់កូហ្វូនី
11/14/2026 06:11 PM
Facebook Telegram Linkin
កម្ពុជាសូមស្វាគមន៍យ៉ាងកក់ក្តៅចំពោះវត្តមានឯកឧត្តម អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង មកកាន់ព្រះរាជាណាចក្រកម្ពុជា
11/14/2026 06:11 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.