នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ៖ ឪពុកម្តាយគ្មានសេចក្តីសុខឬការសប្បាយណាជាងឃើញកូន និងចៅចេះស្រឡាញ់គ្នា និងក្លាយជាពលរដ្ឋល្អក្នុងសង្គមនោះឡើយ
TOP STORY | សម្ដេចតេជោ ហ៊ុន សែន រម្លឹកពីប្រវត្តិនៃការលះបង់របស់សម្ដេចប្ដូរយក ការរស់រានរបស់ប្រជាជន សន្តិភាព និងការអភិវឌ្ឍប្រទេសជាតិ
រាជរដ្ឋាភិបាលសម្រេចប្រសិទ្ធនាមស្ពានខ្ពស់ជាងគេនៅកម្ពុជាថា «ស្ពាន​តេជោសន្តិភាពឫស្សីជ្រុំ»
សម្ដេចតេជោ ហ៊ុន សែន ជំរុញឱ្យប្រទេសបង់ក្លាដេសបង្កើនការវិនិយោគ ជាពិសេសវិស័យកសិកម្មជាមួយកម្ពុជា

នយោបាយ​ និង ការអភិវឌ្ឍន៍

រដ្ឋមន្ត្រីក្រសួងការងារ៖ ការចុះបញ្ជីប្រាសាទកោះកេរជាសម្បត្តិបេតិកភណ្ឌពិភពលោក ក្លាយជាស្មារតីជាតិតែមួយក្រោមម្លប់សន្តិភាព

2023/09/20 08:19:42 am        351
Facebook Telegram Linkin
ភ្នំពេញ៖ មន្ត្រីរាជការគ្រប់លំដាប់ថ្នាក់នៃក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី២០ ខែកញ្ញា ឆ្នាំ២០២៣នេះ បានរៀបចំប្រារព្ធពិធីវាយគង អបអរសាទរការចុះបញ្ជី«រមណីយដ្ឋានប្រាសាទកោះកេរ» ចូលជាសម្បត្តិបេតិកភណ្ឌពិភពលោក។ក្នុងពិធីដែលមានមន្ត្រីរាជការ និងថ្នាក់ដឹកនាំរាប់រយនាក់ ឯកឧត្តម​ ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានគូសបញ្ជាក់ថា កម្មវិធីព្រឹកនេះ គឺជាមោទកភាពជាតិថ្មីបន្ថែមទៀតដែលមិនត្រឹមតែជាការអបអរសាទររបស់ក្រសួងការងារ និងបណ្ដុះបណ្ដាលវិជ្ជាជីវៈប៉ុណ្ណោះទេ ប៉ុន្តែសម្រាប់ប្រជាជាតិកម្ពុជាទាំងមូលក្រោមម្លប់សន្តិសភាព។ ឯកឧត្តមគូសបញ្ជាក់ថា “តាមរយៈការចុះបញ្ជីនេះ សូមឱ្យមានស្មារតីជាតិតែមួយរួមគ្នាកសាងព្រះរាជាណាចក្រកម្ពុជា ក្រោមម្លប់សន្តិភាព ដើម្បីឲ្យកម្ពុជារុងរឿងឡើងវិញ ដូចសម័យបុរាណកាល ជាពិសេសសម័យអង្គរដ៏រុងរឿង”។ឯកឧត្តមរដ្ឋមន្ត្រី បានបន្ថែមថា ក្រៅពីក្រសួងការងារ និងបណ្តុះបណ្តាលវិជ្ជាជីវៈ ក៏មានការអបអរសាទរនៅតាមបណ្ដារោងចក្រ នៅតាមសាលារៀនបណ្ដុះបណ្ដាលបច្ចេកទេស និងប្រជាពលរដ្ឋនៅទូទាំងប្រទេសដែលចូលរួមអបអរសាទរចំពោះការចុះបញ្ជីនេះដែលជាមោទកភាពមួយបន្ថែមទៀតរបស់ជាតិក្រោមការដឹកនាំនៃរាជរដ្ឋាភិបាលកម្ពុជាអាណត្តិទី៦ និងអាណត្តិទី៧ ដែលបានខ្នះខ្នែងចុះបញ្ជី«រមណីដ្ឋានប្រសាទកោះកេរ»រហូតបានទទួលជោគជ័យនាពេលនេះ។ «រមណីយដ្ឋានប្រាសាទកោះកេរ» ត្រូវបានគណៈកម្មាធិការបេតិកភណ្ឌពិភពលោក សម្រេចចុះក្នុងបញ្ជីបេតិកភណ្ឌពិភពលោក នៅថ្ងៃទី១៧ ខែកញ្ញា ឆ្នាំ២០២៣ ក្នុងសម័យប្រជុំលើកទី៤៥ នៅទីក្រុងរីយ៉ាដ (Riyadh) នៃប្រទេសអារ៉ាប៊ីសាអ៊ូឌីត។ គួរំលឹកថា តំបន់ប្រាសាទកោះកេរ ជាតំបន់រមណីយដ្ឋានទី៤ហើយរបស់កម្ពុជា ដែលត្រូវបានចុះក្នុងបញ្ជីបេតិកភណ្ឌវប្បធម៌ពិភពលោក បន្ទាប់ពីរមណីយដ្ឋានអង្គរ ចុះថ្ងៃទី ១៤ ខែធ្នូ ឆ្នាំ ១៩៩២ នៅទីក្រុងសាន់តាហ្វេ សហរដ្ឋអាមេរិក, តំបន់ប្រាសាទព្រះវិហារ ចុះថ្ងៃទី ៧ ខែកក្កដា ឆ្នាំ ២០០៨ នៅទីក្រុងកេបិច ប្រទេសកាណាដា និងតំបន់ប្រាសាទសំបូរព្រៃគុកចុះថ្ងៃទី ៨ កក្កដា ឆ្នាំ ២០១៧ នៅទីក្រុងក្រាកូវ ប្រទេសប៉ូឡូញ៕

អាជ្ញាធរជាតិប្រយុទ្ធប្រឆាំងគ្រឿងញៀន នឹងបង្កើតប្រព័ន្ធ Hotline ជាយន្តការបន្ថែមលុបបំបាត់បញ្ហាគ្រឿងញៀន

2023/09/19 03:50:03 pm        270
Facebook Telegram Linkin
ភ្នំពេញ៖ អាជ្ញាធរជាតិប្រយុទ្ធប្រឆាំងគ្រឿងញៀននឹងបង្កើតប្រព័ន្ធ Hotline ជាយន្តការបន្ថែមលុបបំបាត់បញ្ហាគ្រឿងញៀន។ នេះបើតាមការបញ្ជាក់របស់ឯកឧត្តម នាយឧត្តមសេនីយ៍ មាស វិរិទ្ធ មន្រ្តីជាន់ខ្ពស់នៃអាជ្ញាធរជាតិប្រយុទ្ធប្រឆាំងគ្រឿងញៀន។ ជុំវិញបញ្ហាគ្រឿងញៀនដែលកំពុងក្លាយជាគោលដៅអាទិភាពរបស់រាជរដ្ឋាភិបាល នាយឧត្តមសេនីយ៍​ មាស វិរិទ្ធ អគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀន បានប្រាប់ BTV News ឲ្យដឹងនៅថ្ងៃទី១៩ ​ខែកញ្ញា ឆ្នាំ២០២៣ថា អនុវត្តតាមការប្ដេជ្ញាចិត្តដ៏មុតស្រួចរបស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី ដែលបានប្ដេជ្ញាចិត្តចំពោះមុខប្រជាពលរដ្ឋ ក្នុងគោលបំណងនៃបេសកកម្មអនុវត្តកម្មវិធីនយោបាយ​របស់រាជរដ្ឋាភិបាលអាណត្តិទី៧ ​និងការអនុវត្តយុទ្ធសាស្ត្របញ្ចកោណ​ ដំណាក់កាលទី១ លើការបង្ក្រាប ដើម្បីឈានទៅលុបបំបាត់បញ្ហាគ្រឿងញៀន និងក្រោមការដឹកនាំដោយ​ឯកឧត្តមសន្តិបណ្ឌិត នេត សាវឿន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន សម្រេច​បង្កើតhotline ដើម្បីទទួលព័ត៌មាននានាពីគ្រប់មជ្ឈដ្ឋាន ​មិនថាប្រជាប្រជាពលរដ្ឋ ​និងសង្គមស៊ីវិល ​ហើយធានាការសម្ងាត់​ ​ក្នុងគោលដៅស្វែងរកការពិត ​និងចាត់វិធានការភ្លាមៗ។ នាយឧត្តមសេនីយ៍ ​បញ្ជាក់ថា ​គ្រឿងញៀនដែលរកឃើញ និងបង្ក្រាបបានកន្លងមកមាន​ប្រមាណ ៩០ភាគរយមកពីបរទេស ​ដោយនាំចូលច្រើនជាងគេ​ គឺតាមផ្លូវគោក និងមួយចំនួនទៀតជាករណី​កែច្នៃ​ក្នុងប្រទេស ខណៈឯកឧត្តម អះអាងថា កម្ពុជាជាប្រទេសដែលឧក្រិដ្ឋជនឆ្លងកាត់​សម្រាប់ការដឹក​ជញ្ជូនគ្រឿងញៀនតែប៉ុណ្ណោះ។ នាយឧត្តមសេនីយ៍ បន្តថា ឯកឧត្តមសន្តិបណ្ឌិត នេ សាវឿន ក្នុងនាមប្រធានអាជ្ញាធរជាតិ​ប្រយុទ្ធប្រឆាំង​គ្រឿងញៀន បានដាក់ចេញនូវសកម្មភាពគឺកិច្ចសហប្រតិបត្តិការ​ជាមួយ​ប្រទេសជិតខាង ដោយអនុវត្តព្រមគ្នាទាំងគោលនយោបាយ​ និងអនុវត្តច្បាប់ ធ្វើយ៉ាងណា​ឲ្យការ​ប្រយុទ្ធប្រឆាំង​ និងបង្ក្រាបការជួញដូរគ្រឿងញៀន​ទទួលបានប្រសិទ្ធភាព​។ លើសពីនេះ ​នាយឧត្តមសេនីយ៍ បន្ថែមថា ផ្អែកតាមការអនុវត្តគោលនយោបាយកន្លងមកពាក់ព័ន្ធ​នឹង​បញ្ហាគ្រឿងញៀន ​អាជ្ញាធរជាតិប្រយុទ្ធប្រឆាំង​គ្រឿងញៀន បានរកឃើញក្នុង​ចំណោម​ក្លឹបកម្សាន្ត ​និងខារ៉ាអូខេនៅទូទាំង​ប្រទេស ​ចំនួនប្រមាណ ១,៣០០កន្លែង​នោះមានពាក់ព័ន្ធ​នឹង​ករណីគ្រឿងញៀន ​ដែលបញ្ហានេះ​ស្ថិតក្នុងការឈាន​ទៅលុបបំបាត់ ​តាមរយៈការធ្វើកិច្ចសន្យា និងការគ្រប់គ្រង​ជាមួយម្ចាស់ទីតាំង ​និងម្ចាស់អាជីវកម្មឱ្យបានច្បាស់លាស់ជាងមុន ដើម្បី​ឲ្យមានការចូលរួមសហការជាមួយសមត្ថកិច្ចក្នុងពេលប្រតិបត្តិការបង្ក្រាបគ្រឿងញៀន ឬបោះសំអាត​គ្រឿងញៀន​នៅតាមទីតាំងទាំងអស់នោះ៕ អត្ថបទ៖ ឧត្តម

មជ្ឈមណ្ឌលកម្ពុជា៤.០ រៀបចំវេទិកាលើកទី១ ស្ដីពី “យុវជន៤.០” ផ្តោតលើយុវជនក្នុងយុគសម័យឌីជីថល

2023/09/19 01:56:41 pm        201
Facebook Telegram Linkin
ភ្នំពេញ៖ មជ្ឈមណ្ឌលកម្ពុជា ៤.០ នៅថ្ងៃទី ១៩ ខែកញ្ញា ឆ្នាំ ២០២៣នេះ បានរៀបចំវេទិកាលើកទី ១ ស្ដីពី “យុវជន ៤.០”។ វេទិកានេះ ​រៀបចំឡើងក្រោមកិច្ចពិភាក្សាចំនួនពីរ គឺ “យុវជន និងការអប់រំឌីជីថល ជំនាញឌីជីថល និងអាជីពឌីជីថល” រីឯកិច្ចពិភាក្សាបន្ទាប់គឺផ្តោតលើ “ការប្រើប្រាស់បច្ចេកវិទ្យា និងសុខភាពផ្លូវចិត្តរបស់យុវជន”។មជ្ឈមណ្ឌលកម្ពុជា៤.០ក្រោមអាធិបតីភាពឯកឧត្តម ហ៊ុន ម៉ានី ជាប្រធានក្រុមប្រឹក្សាភិបាល បានរៀបចំវេទិកាលើកទី ១ ស្ដីពី “យុវជន ៤.០”។ វេទិកានេះ ​គឺមានការចូលរួមពីអ្នកជំនាញ ជាច្រើនវិស័យ ដើម្បីជជែកពិភាក្សា ​លើប្រធានបទពីរផ្សេងគ្នា ​ចែករំលែកជូនអ្នកចូលរួម ដែលភាគច្រើនជានិស្សិត។ ឯកឧត្តម ហ៊ុន ម៉ានី បានលើកឡើងថា វេទិកានេះជាការប្រមូលផ្តុំអ្នកជំនាញ ​និងភាគីពាក់ព័ន្ធ រួមមាន ​អ្នកជំនាញមកពីវិស័យរដ្ឋ ឯកជន និងអង្គការក្រៅរដ្ឋាភិបាល ដើម្បីពិភាក្សា ផ្លាស់ប្តូរ​យោបល់ និងចែករំលែកទស្សនៈ ជុំវិញប្រធានបទសំខាន់ៗទាក់ទងនឹងការកសាងសេដ្ឋកិច្ច សង្គមឌីជីថល។ប្រធានបទនៃកិច្ចពិភាក្សានៅក្នុងវេទិកាកម្ពុជា ៤.០ លើកទី១ ​ផ្តោតសំខាន់លើយុវជនក្នុង​យុគសម័យ​ឌីជីថល ដោយហេតុថាយុវជនជាកម្លាំងចលករសំខាន់​សម្រាប់កម្ពុជា​នាថ្ងៃអនាគត​ក្នុងការជំរុញការកសាងសេដ្ឋកិច្ច ​និងសង្គមឌីជីថល។ ឯកឧត្តម បញ្ជាក់ដែរថា ការឈានទៅសម្រេចបានសេដ្ឋកិច្ច និងសង្គមឌីជីថល ដែលមាន​លក្ខណៈពេញលេញ ​គឺទាមទារមូលធនមនុស្ស ដែលមនុស្សនិងបច្ចេកវិទ្យាត្រូវដើរទន្ទឹមគ្នា ដោយ​តម្រូវឱ្យកម្លាំងពលកម្ម មានចំណេះ មានជំនាញ ​អាចប្រើប្រាស់បច្ចេកវិទ្យាប្រកបដោយប្រសិទ្ធភាព និងសុវត្ថិភាព ​ដើម្បីទាញយកសក្តានុពល ​និងផលប្រយោជន៍ពីបច្ចេកវិទ្យា។ ​ពាក់ព័ន្ធនឹង​បច្ចេកវិទ្យា​នេះក៏ស្របតាមគោលនយោបាយរបស់​ រាជរដ្ឋាភិបាលកម្ពុជា នីតតិកាលទី ៧ផងដែរ។ ឯកឧត្តម ហ៊ុន ម៉ានី បានលើកឡើងថា រាជរដ្ឋាភិបាល ​បានកំណត់ក្នុងកម្មវិធីនយោបាយ និង​យុទ្ធសាស្រ្តបញ្ចកោណដំណាក់កាលទី ១ ​ដោយកំណត់យកអាទិភាពគន្លឹះ​ មនុស្ស ផ្លូវ ទឹក ភ្លើង និងបច្ចេកវិទ្យា។ គួរបញ្ជាក់ថា កិច្ចពិភាក្សាវគ្គទី១ក្នុងវេទិកានេះ គឺមានការចូលរួមពីវាគ្មិនតំណាងក្រសួងអប់រំ សភាពាណិជ្ជកម្មកម្ពុជា ​និងអង្គការពិព័រណ៍វិទ្យាសាស្រ្តកម្ពុជា។ ​កិច្ចពិភាក្សានេះ រំលេចពីតួនាទីរបស់វិស័យអប់រំ និងគ្រឹះស្ថានបណ្តុះបណ្តាល ក្នុងការដាក់ចេញនូវផែនការ​យុទ្ធសាស្ត្រ និងសកម្មភាពគន្លឹះបន្ថែម​ ដើម្បីពង្រឹងការអប់រំឌីជីថល​ និងការអភិវឌ្ឍជំនាញឌីជីថល ព្រមទាំងឈានទៅការជំរុញយុវជនក្នុងការចាប់យកអាជីពឌីជីថល។ លើសពីនេះទៀត នៅក្នុងកិច្ចពិភាក្សាក៏បានលើកពីទំនាក់ទំនងរវាងយុវជន ជាមួយការអប់រំឌីជីថល ជំនាញឌីជីថល ​ក៏ដូចជាអាជីពឌីជីថល ដែលជាភាពចាំបាច់ ​និងមានសារៈសំខាន់សម្រាប់យុវជន ដោយហេតុថា​ការកសាងមូលធនមនុស្សចាំបាច់ណាស់ត្រូវចាប់ផ្តើមពីការអប់រំដែលមានគុណភាព និងចេះប្រើប្រាស់បច្ចេកវិទ្យាជាជំនួយក្នុងការអប់រំ និងការសិក្សា សំដៅឆ្លើយតបនឹងតម្រូវការ​ជាក់ស្តែង​នៃអាជីពនាពេលបច្ចុប្បន្ន ដែលទាំងនេះជាកត្តាកំណត់នូវភាពជោគជ័យនៃការចាប់​យកនូវកាលានុវត្តភាពពីការរីកចម្រើននៃបច្ចេកវិទ្យា។សម្រាប់កិច្ចពិភាក្សាវគ្គទី២ មានការចូលរួមពីវាគ្មិនតំណាងក្រសួងសុខាភិបាល វេជ្ជបណ្ឌិត គួច ម៉េងលី និងក្រុមហ៊ុនស្មាត ដោយបានពិភាក្សារួមគ្នាលើប្រធាន​បទស្តីពីការប្រើប្រាស់បច្ចេកវិទ្យា និងសុខភាពផ្លូវចិត្តរបស់យុវជន។ នៅក្នុងកិច្ចពិភាក្សាមានការលើកឡើងអំពីអត្ថប្រយោជន៍នៃការប្រើប្រាស់​បច្ចេកវិទ្យាជាជំនួយ​ក្នុងការ​ដោះស្រាយ​បញ្ហាសុខភាពផ្លូវចិត្ត ព្រមទាំងវិធីសាស្រ្ត ដើម្បីរក្សាលំនឹងក្នុងការប្រើប្រាស់​បច្ចេកវិទ្យាឱ្យមានប្រសិទ្ធភាព ​ចំគោលដៅ ​និងមិនប៉ះពាល់ដល់សុខភាពផ្លូវចិត្តរបស់អ្នកប្រើប្រាស់ ជាពិសេសយុវជន៕ អត្ថបទ៖ គឹមហុក 

សម្តេច ហ៊ុន ម៉ាណែត៖ រដ្ឋាភិបាលប្តេជ្ញាដំឡើងប្រាក់ឈ្នួល និងអត្ថប្រយោជន៍ផ្សេងៗទៀត ដល់កម្មករនិយោជិត

2023/09/19 01:46:55 pm        236
Facebook Telegram Linkin
តាកែវ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងថា រាជរដ្ឋាភិបាលអាណត្តិទី៧ ​បានប្ដេជ្ញាចិត្តបន្តអនុវត្តគោលនយោបាយរបស់គណបក្សប្រជាជន គឺគិតគូរពីផលប្រយោជន៍ប្រទេសជាតិ ​និងប្រជាជនជាចំបង ក្នុងនោះរាជរដ្ឋាភិបាល​បានប្ដេជ្ញាចិត្តរួចហើយក្នុងការដំឡើងប្រាក់ឈ្នួលអប្បបរមាដល់កម្មករនិយោជិតផ្នែកវាយនភ័ណ្ឌ កាត់ដេរ ផលិតស្បែកជើង ​និងផលិតផលិតផលធ្វើដំណើរ និងកាបូប សម្រាប់ឆ្នាំ២០២៤។សម្តេចធិបតី ហ៊ុន ម៉ាណែត ​នាយករដ្ឋមន្រ្តីនៃកម្ពុជា បានថ្លែងក្នុងឱកាសអញ្ជើញចុះជួបសំណេះ​សំណាលជាមួយកម្មករ ​និយោជិត តាមរោងចក្រ ​សហគ្រាសជិត ២ ម៉ឺននាក់ មកពីរោងចក្រ សហគ្រាសចំនួន ១៨ ដែលមានមូលដ្ឋាននៅក្នុងស្រុកបាទី ខេត្តតាកែវ ​នាព្រឹកថ្ងៃទី១៩ ខែកញ្ញា ឆ្នាំ២០២៣នេះ ​គណបក្សប្រជាជនកម្ពុជាមិនសន្យាជាមួយប្រជាជនថាធ្វើបែបនេះ​ ឬបែបនោះទេ ដូចបុគ្គលមួយចំនួនទេ។ ប៉ុន្ដែគណបក្សប្រជាជនកម្ពុជា បានប្ដេជ្ញាចិត្តបម្រើប្រជាពលរដ្ឋ ផ្ដល់​អត្ថប្រយោជន៍ពិតប្រាកដដល់ប្រជាពលរដ្ឋ ​និងនៅរួមរស់ជាមួយប្រជាពលរដ្ឋជានិច្ច។សូមជម្រាបថា កិច្ចប្រជុំចរចាប្រាក់ឈ្នួលអប្បបរមារបស់កម្មករនិយោជិតវិស័យកាត់ដេរសម្រាប់ឆ្នាំ ២០២៤ កាលពីថ្ងៃទី១៨ ខែកញ្ញា ម្សិលមិញនេះ ត្រូវបានអង្គប្រជុំបានឯកភាពគ្នាកំណត់កិច្ចពិភាក្សា​ចុងក្រោយនៅថ្ងៃទី ២៨ខែកញ្ញា ឆ្នាំ២០២៣ ខាងមុខនេះ តាមរយៈការបោះឆ្នោតសម្រេចប្រសិន​បើភាគីសហជីព​ និងភាគីនិយោជកនៅតែប្រកាន់គោលជំហរតួលេខរៀងៗ​ខ្លួនដដែល។ ខណៈក្នុងកិច្ចប្រជុំ ​ភាគីរដ្ឋាភិបាល បានបង្ហាញតួលេខចំនួន ២០២ដុល្លារ, ភាគីសហជីព​បានកំណត់តួលេខចំនួន២ផ្សេងគ្នាចំនួន ២០៤ ​ដុល្លារ និង ២១៣ ដុល្លារ ហើយភាគីនិយោជកកំណត់ ២០១,៥ដុល្លារ៕អត្ថបទ៖ វ៉ន ដារ៉ា 

សម្ដេច ហ៊ុន ម៉ាណែត លើកទឹកចិត្តពលរដ្ឋយកកូនច្រើន ដើម្បីបញ្ចៀសកំណើនមនុស្សវ័យចាស់នៅឆ្នាំ២០៥០

2023/09/19 01:31:59 pm        107
Facebook Telegram Linkin
តាកែវ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានលើកទឹកចិត្តឱ្យប្រជាពលរដ្ឋយកកូនឱ្យបានច្រើនចាប់ពីពេលបច្ចុប្បន្ននេះទៅ ដើម្បីបញ្ចៀសកំណើនមនុស្សវ័យចាស់នៅឆ្នាំ២០៥០ និងធានាលើកម្លាំងពលកម្មគ្រប់គ្រាន់នៅក្នុងប្រទេស ខណៈបច្ចុប្បន្នពិភពលោកកំពុងមានបញ្ហាកង្វះខាតយុវជនជំនាន់ក្រោយដោយសារតែមានកំណើនមនុស្សវ័យចាស់ច្រើន។សម្តេចធិបតី ហ៊ុន ម៉ាណែត នាយករដ្ឋមន្រ្តីនៃកម្ពុជា បានថ្លែងក្នុងឱកាសអញ្ជើញចុះជួប​សំណេះសំណាល​ជាមួយកម្មករ និយោជិត តាមរោងចក្រ សហគ្រាសជិត២ ម៉ឺននាក់ មកពីរោងចក្រ សហគ្រាសចំនួន១៨ ដែលមានមូលដ្ឋាននៅក្នុងស្រុកបាទី ខេត្តតាកែវ នាព្រឹកថ្ងៃទី១៩ ខែកញ្ញា ឆ្នាំ២០២៣នេះថា តាមការព្យាករណ៍ប្រទេសកម្ពុជា នឹងក្លាយជាប្រទេសមានមនុស្ស​ចាស់ច្រើន​នៅឆ្នាំ ២០៥០ ដូច្នេះដើម្បីបញ្ចៀសកុំឱ្យដល់ពេលនោះ​មានបញ្ហានេះកើតឡើង គឺប្រជាពលរដ្ឋត្រូវ​យកកូនឱ្យបានច្រើនពីពេលបច្ចុប្បន្ន ​ដើម្បីធានាដល់កម្លាំងពលកម្មគ្រប់គ្រាន់នៅក្នុងប្រទេស ។ សម្ដេចធិបតីនាយករដ្ឋមន្រ្ដីថ្លែងថា បច្ចុប្បន្ននេះតាមបណ្ដាប្រទេសមួយចំនួននៅលើពិភពលោក ដូចជា ប្រទេសចិន ប្រទេសជប៉ុន ​និងសិង្ហបុរីជាដើម ក៏កំពុងមានបញ្ហាប្រឈមលើបញ្ហាកំណើន​មនុស្សចាស់ច្រើន ​និងកំណើនយុវជនវ័យក្មេងតិចនេះដែរ។ សម្ដេចធិបតី ហ៊ុន ម៉ាណែត បានបញ្ជាក់ថា ​ចំពោះការយកកូនច្រើននេះ ក៏មិនត្រូវឱ្យលើស​លុបពេកដែរ គឺធ្វើម៉េចឱ្យ​សមស្រប​ទៅនឹងកំណើនសេដ្ឋកិច្ចរបស់ប្រទេសកម្ពុជា ដើម្បីរក្សា​បាននូវស្ថេរភាព ​និងតុល្យភាពនៃការអភិវឌ្ឍ ​ខណៈតាមរបាយការណ៍របស់​ក្រសួងផែនការ បច្ចុប្បន្នប្រទេសកម្ពុជាមាន​ប្រជាជនសរុបប្រមាណ ១៧ លាននាក់៕អត្ថបទ៖ ដារ៉ា

អ្នកជំនាញ៖ ប្អូនស្រីបង្កើតមេដឹកនាំកូរ៉េខាងជើងគឺជាស្រ្តីដ៏គ្រោះថ្នាក់បំផុតនៅលើពិភពលោក

2023/09/19 01:11:30 pm        172
Facebook Telegram Linkin
អ្នកជំនាញកូរ៉េខាងជើងម្នាក់ បានពិភាក្សាជាមួយទូរទស្សន៍ Fox News ពីហេតុផលដែលនាំឲ្យប្អូនស្រីបង្កើតមេដឹកនាំកូរ៉េខាងជើងលោក Kim Jong Un គឺលោកស្រី Kim Yo Jong គឺជាស្រ្តីដ៏គ្រោះថ្នាក់បំផុតនៅលើពិភពលោក ក្រោយការបង្ហាញខ្លួនដ៏គួរភ្ញាក់ផ្អើលរបស់លោកស្រីនៅប្រទេសរុស្ស៊ី កាលពីសប្តាហ៍មុន ។ លោក Sung-Yoon Lee គឺជាសាស្រ្តាចារ្យនៅសាលា Fletcher នៃសាកលវិទ្យាល័យ Tufts បាននិយាយថា ខ្ញុំអាចនិយាយបានថា លោកស្រី Kim Yo Jong សព្វថ្ងៃ ពិតជាស្រ្តីដ៏គ្រោះថ្នាក់បំផុតនៅលើពិភពលោកនៅក្នុងប្រវត្តិសាស្រ្តទាំងអស់របស់កូរ៉េ ឬប្រហែលជានៅក្នុងប្រវត្តិសាស្រ្តពិភពលោកទៀតផង ។លោកថា បើទោះបីជាលោកស្រីនៅក្មេង មានវ័យ ៣៦ឆ្នាំនៅដំណាច់ខែកញ្ញានេះក៏ដោយ ក៏លោកស្រីគឺជាស្រ្តីម្នាក់ដែលមើលទៅទន់ភ្លន់ តែឃោឃៅ ស្រលាញ់ជាតិជ្រុល និងមានចរិកដូចមនុស្សប្រុស ។ លោកស្រីមានការប្រិតប្រៀងខ្លាំងណាស់ ។ លោក Lee គឺជាអ្នកនិពន្ធសៀវភៅ "The Sister" ដែលតាមដានការឡើងកាន់អំណាចរបស់លោកស្រី Yo Jong ជាអនុមេដឹកនាំតាមព្រឹត្តន័យបន្ទាប់ពីមេដឹកនាំកំពូលកូរ៉េខាងជើងលោក Kim Jong Un ។ លោកស្រី Kim Yo Jong បានបង្ហាញខ្លួនជាសាធារណៈលើកដំបូងរបស់លោកស្រីនៅឆ្នាំ ២០១១ ជាមួយឪពុករបស់លោកស្រី គឺលោក Kim Jong Il ប៉ុន្តែប្រវត្តិរបស់លោកស្រីនៅតែគេមិនទាន់ដឹងច្បាស់ រហូតដល់លោកស្រីបង្ហាញខ្លួននៅព្រឹត្តការណ៍កីឡាអូឡាំពិករដូវរងារក្រុង Pyeongchang របស់កូរ៉េខាងត្បូង កាលពីឆ្នាំ ២០១៨ ។ រយៈពេលប៉ុន្មានខែក្រោយមក លោកស្រី បានអមដំណើរបងប្រុសរបស់លោកស្រីទៅចូលរួមកិច្ចប្រជុំជាប្រវត្តិសាស្រ្តជាមួយប្រធានាធិបតីកូរ៉េខាងត្បូងលោក Moon Jae-in ។ កាលពីពេលថ្មីៗនេះ លោកស្រី បានអមដំណើរជាបងប្រុសរបស់លោកស្រីទៅកាន់ប្រទេសរុស្ស៊ី សម្រាប់ជំនួបកំពូលរបស់លោកជាមួយលោកប្រធានាធិបតី Vladimir Putin ។ ក្រុមអ្នកវិភាគ បានកំណត់ថា លោកស្រី Kim Yo Jong អាចជាអ្នកបន្តវេនពីបងប្រុសរបស់លោកស្រីជាមេដឹកនាំរបស់កូរ៉េខាងជើង ៕

ប្រទេសថៃមានភ្ញៀវទេសចរបរទេសចំនួន១៩លាននាក់ ក្នុងឆ្នាំ ២០២៣

2023/09/19 01:01:54 pm        62
Facebook Telegram Linkin
ក្រសួងទេសចរណ៍ថៃ បាននិយាយនៅក្នុងសេចក្តីថ្លែងការណ៍នាថ្ងៃអង្គារនេះថា ប្រទេសថៃមានភ្ញៀវទេសចរចំនួន ១៩លាននាក់ ចាប់ពីខែមករា រហូតមកទល់នឹងពេលនេះ ក្នុងឆ្នាំ ២០២៣ ។ ពួកគេបន្តថា ការមកដល់របស់ភ្ញៀវបរទេស បានបង្កើតប្រាក់ចំណូល ៧៩៥ពាន់លានបាត(ស្មើនឹង ២២,២៦ពាន់លានដុល្លារ) ហើយស្ថានភាពទេសចរណ៍នៅក្នុងប្រទេសថៃ កំពុងបង្ហាញសញ្ញារីកចម្រើន ខណៈដែលការលើកលែងទិដ្ឋាការរបស់រដ្ឋាភិបាលសម្រាប់ភ្ញៀវទេសចរចិន នឹងធ្វើឲ្យវិស័យមួយនេះ កាន់តែលូតលាស់ខ្លាំង ។ ការមកដល់របស់ភ្ញៀវទេសចរបរទេស ត្រូវបានគេរំពឹងថា នឹងបន្តហក់ឡើងខ្ពស់ទៀត ពេលដែលឧស្សាហកម្មគ្មានផ្សែងមួយនេះ ចូលដល់រដូវវិស្សមកាលកម្រិតខ្ពស់ក្នុងសប្តាហ៍នេះ ពិសេសគឺភ្ញៀវទេសចរមកពីប្រទេសម៉ាឡេស៊ី និងប្រទេសជប៉ុន ។ រដ្ឋាភិបាលថ្មីរបស់ថៃ មានគម្រោងជំរុញការមកដល់របស់ភ្ញៀវទេសចរ ជាមួយនឹងការលើកលែងទិដ្ឋាការសម្រាប់ភ្ញៀវទេសចរមកពីប្រទេសកាហ្សាក់ស្ថាន និងប្រទេសចិន ចាប់ពីថ្ងៃទី ២៥ ខែកញ្ញា រហូតដល់ដំណាច់ខែកុម្ភៈឆ្នាំក្រោយ ។ សូមបញ្ជាក់ថា វិស័យទេសចរណ៍ បានក្លាយជាកម្លាំងដ៏សំខាន់មួយក្នុងការលើកស្ទួយប្រទេសសេដ្ឋកិច្ចធំបំផុត ទី ២នៅតំបន់អាស៊ីអាគ្នេយ៍មួយនេះ ។ រដ្ឋាភិបាលថៃ រំពឹងថានឹងមើលឃើញការមកដល់របស់ភ្ញៀវទេសចរបរទេស ២៨លាននាក់ក្នុងឆ្នាំ ២០២៣នេះ ។ កាលពីឆ្នាំ ២០១៩ ប្រទេសថៃ មាននូវភ្ញៀវទេសចរបរទេសចំនួន ៣៩,៩លាននាក់ ដែលរួមទាំងភ្ញៀវទេសចរ ១១លាននាក់មកពីចិន ៕

អ៊ីរ៉ង់ដោះលែងជនជាតិអាមេរិក៥នាក់ ខណៈអាមេរិកបញ្ចេញប្រាក់ចំណូលប្រេងរាប់ពាន់លាន ដែលបានបង្កកទៅឲ្យទីក្រុងតេអេរ៉ង់

2023/09/19 12:48:24 pm        64
Facebook Telegram Linkin
លោកប្រធានាធិបតីអាមេរិក Joe Biden បាននិយាយថា ជនជាតិអាមេរិកចំនួន៥ នាក់ដែលត្រូវបានជាប់ពន្ធនាគារនៅក្នុងប្រទេសអ៊ីរ៉ង់ ត្រូវបានអនុញ្ញាតឱ្យចាកចេញពីប្រទេសនេះ កាលពីថ្ងៃចន្ទទី១៨កញ្ញា បន្ទាប់ពីការចរចាដែលបានជាប់គាំងរយៈពេល ២ឆ្នាំ ដែលសហរដ្ឋអាមេរិកបានយល់ព្រមបញ្ចេញប្រាក់ចំនួន៦ ពាន់លានដុល្លារនៃប្រាក់ចំណូលប្រេងរបស់អ៊ីរ៉ង់ និងច្រានចោលការចោទប្រកាន់របស់សហព័ន្ធប្រឆាំង នឹងការចោទប្រកាន់ចំនួន៥លើអ៊ីរ៉ង់ពីបទបំពានទណ្ឌកម្មរបស់សហរដ្ឋអាមេរិក។សេចក្ដីប្រកាសដែលជនជាតិអាមេរិកបានចុះពីលើយន្តហោះពីទីក្រុងតេអេរ៉ង់មុនម៉ោង ៩ ព្រឹកនៅភាគខាងកើតបានកើតឡើងខណៈលោក Biden និងលោក Ebrahim Raisi ប្រធានាធិបតីអ៊ីរ៉ង់នឹងចូលរួមកិច្ចប្រជុំមហាសន្និបាតអង្គការសហប្រជាជាតិប្រចាំឆ្នាំរបស់មេដឹកនាំពិភពលោកនៅទីក្រុង New York ថ្ងៃអង្គារនេះ។ យោងតាមមន្ត្រីអាមេរិក ជនជាតិអាមេរិកទាំង៥នាក់ ដែលខ្លះត្រូវបានឃុំខ្លួនអស់ជាច្រើនឆ្នាំនៅក្នុងពន្ធនាគារ Evin ដែលជាមជ្ឈមណ្ឌលឃុំឃាំងដ៏ល្បីបំផុតមួយក្នុងប្រទេសអ៊ីរ៉ង់ បានធ្វើដំណើរទៅកាន់ទីក្រុងដូហា(Doha) រដ្ឋធានីនៃប្រទេសកាតា ដើម្បីផ្លាស់ប្តូរតាមរបៀបសង្រ្គាមត្រជាក់ជាមួយជនជាតិអ៊ីរ៉ង់ពីរនាក់ក្នុងចំណោម៥នាក់។ ៣នាក់ផ្សេងទៀតបដិសេធមិនវិលត្រឡប់ទៅអ៊ីរ៉ង់វិញ ។ ក្រុមមន្ត្រីបាននិយាយថា ជនជាតិអាមេរិកត្រូវបានផ្តល់ការត្រួតពិនិត្យសុខភាពរយៈពេលខ្លីនៅទីក្រុងដូហា មុនពេលពួកគេឡើងយន្តហោះរបស់រដ្ឋាភិបាលសហរដ្ឋអាមេរិកឆ្ពោះទៅកាន់តំបន់វ៉ាស៊ីនតោន។ ការដោះលែងអ្នកទោសគឺជារបត់ដ៏សំខាន់មួយនៅក្នុងការប្រឈមដាក់គ្នាអស់រយៈពេលជាច្រើនឆ្នាំលើជនជាតិអាមេរិកដែលជាប់ពន្ធនាគារនៅក្នុងប្រទេសអ៊ីរ៉ង់។ ប៉ុន្តែលក្ខខណ្ឌនៃកិច្ចព្រមព្រៀងនេះ បានបង្កើតការរិះគន់យ៉ាងខ្លាំងពីសំណាក់ក្រុមអ្នកសាធារណរដ្ឋ ដែលនិយាយថា ការដោះលែងប្រាក់ចំណូលពីប្រេងរាប់ពាន់លាន ស្មើនឹងការបង់ថ្លៃលោះខ្លួន ហើយនឹងនាំឱ្យមានការចាប់ចំណាប់ខ្មាំងបន្ថែមទៀត៕

ទីភ្នាក់ងារថាមពលអាតូមិកអន្តរជាតិ និងជប៉ុន ព្រមព្រៀងបន្តការពិនិត្យឡើងវិញ ពីសុវត្ថិភាពទឹកដែលបានបញ្ចេញពីរោងចក្រហ្វូគូស៊ីម៉ា

2023/09/19 12:38:15 pm        58
Facebook Telegram Linkin
ទីភ្នាក់ងារថាមពលអាតូមិកអន្តរជាតិ ហៅកាត់ថា (IAEA) បាននិយាយកាលពីថ្ងៃចន្ទនៅក្នុងទីក្រុង New York ថា ទីភ្នាក់ងារនេះ បានព្រមព្រៀងជាមួយជប៉ុនលើការត្រួតពិនិត្យឡើងវិញ ពីសុវត្ថិភាពដែលនៅតែបន្តរបស់ខ្លួននៃការបញ្ចេញទឹកសំណល់នុយក្លេអ៊ែរដែលបានធ្វើប្រព្រឹត្តិកម្មរួចចេញពីរោងចក្រថាមពលនុយក្លេអ៊ែរ ហ្វូគូស៊ីម៉ា ដៃអ៊ីឈិ (Fukushima Daiichi)រងការបំផ្លិចបំផ្លាញ ។ប្រទេសជប៉ុន បានចាប់ផ្ដើមបញ្ចេញសំណល់ទឹកមានសារធាតុវិទ្យុសកម្ម ដែលបានធ្វើប្រព្រឹត្តិកម្មរួច ចេញពីរោងចក្រថាមពលនុយក្លេអ៊ែរ ហ្វូគូស៊ីម៉ា (9501.T) របស់រោងចក្រថាមពលអគ្គិសនី តូក្យូ ដំណាក់កាលពី១កាលពីខែមុន បង្កឲ្យមានភាពតានតឹងផ្នែកការទូត ជាមួយចិន ដែលជាដៃគូពាណិជ្ជកម្មធំបំផុតរបស់ជប៉ុន ។ស្ថានទូតចិននៅក្នុងប្រទេសជប៉ុន បានលើកឡើងដដែលៗ កាលពីថ្ងៃចន្ទថា ខ្លួនមិនត្រូវបានអញ្ជើញឲ្យចូលរួមក្នុងក្រាប់ខណ្ឌការងារអន្តរជាតិដើម្បីតាមដានទឹកដែលបានបញ្ចេញពីរោងចក្រហ្វូគូស៊ីម៉ានោះទេ ដែលខ្លួនហៅថាជា ទឹកកង្វក់៕

ប្រមុខUNនិយាយថា លោកគ្មានអំណាចអ្វីទាល់តែសោះ នៅមុនកិច្ចប្រជុំប្រចាំឆ្នាំ

2023/09/19 12:15:42 pm        82
Facebook Telegram Linkin
ភ្នំពេញ៖ អគ្គលេខាធិការអង្គការសហប្រជាជាតិ លោកអង់តូនីញ៉ូ ហ្គុយតឺរេស ( Antonio Guterres) បាននិយាយថា លោកគ្មានអំណាចអ្វីទាំងអស់ ​មុនពេលកិច្ចប្រជុំប្រចាំឆ្នាំនៃមហាសន្និបាតUN។នៅពេលត្រូវបានសួរនៅក្នុងបទសម្ភាសន៍ជាមួយសារព័ត៌មាន ​CNN អំពីអំណាចប្រតិបត្តិ ដែលលោកមាននៅក្នុងកិច្ចប្រជុំនោះ លោកហ្គុយតឺរេស បាននិយាយថា«ពុំមានអំណាចអ្វីទាំងអស់»។លោកហ្គុយតឺរេស បានបន្តថា៖ « អគ្គលេខាអង្គការសហប្រជាជាតិនេះ គ្មានអំណាច ហើយក៏គ្មានលុយដែរ។ អ្វីដែលយើងមានគឺសំឡេង ហើយសំឡេងនោះអាចឮខ្លាំង ហើយខ្ញុំមានកាតព្វកិច្ចធ្វើឲ្យវាឮកាន់តែខ្លាំង»។ការជជែកដេញដោលជាទូទៅសម្រាប់សម័យប្រជុំលើកទី ៧៨ នៃមហាសន្និបាតUN បានចាប់ផ្តើមនៅសប្តាហ៍នេះ ដែលប្រទេសនានា នឹងអាចផ្សព្វផ្សាយផែនការ កង្វល់ និងការអំពាវនាវរបស់ពួកគេចំពោះសកម្មភាពនៅចំពោះមុខមេដឹកនាំពិភពលោកផ្សេងទៀត។លោក ហ្គុយតឺរេស បាននិយាយថា មហាសន្និបាតជួនកាលអាចកោះប្រជុំបានច្រើនជាងមួយប្រទេស ខណៈពេលដែលកត់សម្គាល់ពីអំណាចរបស់បណ្តារដ្ឋជាសមាជិក។

បណ្ដាញសង្គម

ព័ត៌មានថ្មីៗ

លោក Trump បង្ហើបពីលទ្ធភាពដែលលោក Putin អាចវាយលុកលើប្រទេសផ្សេងទៀតហួសពីអ៊ុយក្រែន
06/26/2025 09:06 AM
Facebook Telegram Linkin
មនុស្សជាច្រើននាក់ស្លាប់ ខណៈពលរដ្ឋកេនយ៉ា រាប់ពាន់នាក់សម្រុកតវ៉ាយ៉ាងហិង្សាទូទាំងប្រទេស
06/26/2025 09:06 AM
Facebook Telegram Linkin
អ៊ីរ៉ង់ ងាកទៅរកការបង្រ្កាបផ្ទៃក្នុង ដោយចាប់ខ្លួនមនុស្សរាប់រយនាក់ បន្ទាប់ពីសង្រ្គាម ១២ថ្ងៃរួច
06/26/2025 09:06 AM
Facebook Telegram Linkin
សម្តេចធិបតី ផ្តល់អនុសាសន៍៩ចំណុច ដល់ភាគីពាក់ព័ន្ធ ដើម្បីទប់ស្កាត់ការប្រើប្រាស់ និងការជួញដូរគ្រឿងញៀន
06/26/2025 08:06 AM
Facebook Telegram Linkin
លោក Trump អះអាងពីជោគជ័យ ខណៈសម្ព័ន្ធយោធាណាតូ ឯកភាពចំណាយដ៏ខ្ពស់លើវិស័យការពារជាតិ
06/26/2025 08:06 AM
Facebook Telegram Linkin
កិច្ចសន្ទនារវាងកម្ពុជា-កូរ៉េ ឆ្លុះបញ្ចាំងពីការយកចិត្តទុកលើការថែទាំគាំទ្រវិនិយោគបរទេសនៅកម្ពុជា
06/25/2025 09:06 PM
Facebook Telegram Linkin
ក្រុមហ៊ុននេប៉ាល់ ប្រើប្រាស់យានដ្រូន ដើម្បីដឹកជញ្ជូនសម្ភារៈ និងកាកសំណល់នៅលើភ្នំ Everest
06/25/2025 08:06 PM
Facebook Telegram Linkin
លោក Macron ៖ អឺរ៉ុបនឹងចំណាយបន្ថែមទៀតលើថ្លៃការពារ ដើម្បីប្រឈមការគំរាមកំហែងពីរុស្ស៊ី
06/25/2025 08:06 PM
Facebook Telegram Linkin
ពលរដ្ឋហ្កាហ្សាចូលរួមពិធីបុណ្យសពអ្នកកាសែតដែលត្រូវបានសម្លាប់ក្នុងការវាយប្រហាររបស់អ៊ីស្រាអែល
06/25/2025 07:06 PM
Facebook Telegram Linkin
អាកាសយានដ្ឋានក្រុងតែល អាវីវ ចាប់ផ្តើមជើងហោះហើរអន្តរជាតិឡើងវិញ ក្រោយមានបទឈប់បាញ់ជាមួយអ៊ីរ៉ង់
06/25/2025 07:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.