នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី អំពាវនាវដល់ជនរួមជាតិជឿទុកចិត្តលើរាជរដ្ឋាភិបាល​ដែលកំពុង​ធ្វើកិច្ច​ការងារ​យ៉ាង​សកម្ម​ស្វែង​រក​ដំណោះស្រាយបញ្ចប់បញ្ហាព្រំដែនកម្ពុជា-ថៃ ឱ្យបានឆាប់រហ័ស
សម្ដេចធិបតីផ្ដល់អនុសាសន៍៧ចំណុច ដល់ក្រសួង-ស្ថាប័នពាក់ព័ន្ធឱ្យយកចិត្តទុកដាក់ក្នុងឱកាសទិវាអក្ខរកម្មអន្តរជាតិ ៨ កញ្ញា ២០២៥
សម្ដេចធិបតី៖ រាជរដ្ឋាភិបាលប្តេជ្ញាចិត្តយ៉ាងមុតមាំលើកកម្ពស់ការងារអក្ខរកម្ម និងបំពាក់បំប៉ន ជំនាញ និងឱកាសសិក្សាពេញមួយជីវិត ជាពិសេសជំនាញឌីជីថល
ប្រជាពលរដ្ឋត្រេកអរនឹងសមិទ្ធផលអាកាសយានដ្ឋានថ្មីដែលត្រៀមបើកដំណើរការ

នយោបាយ​ និង ការអភិវឌ្ឍន៍

នាយឧត្តមសេនីយ៍ មាស វិរិទ្ធ ជំរុញអាជ្ញាធរតាមរាជធានីខេត្ត ចូលរួមលុបបំបាត់បទល្មើសគ្រឿងញៀន

2023/09/16 12:25:51 pm        329
Facebook Telegram Linkin
ភ្នំពេញ៖ នាយឧត្តមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិ​ប្រយុទ្ធប្រឆាំង​បទល្មើសគ្រឿងញៀន ​បានជំរុញអាជ្ញាធរតាមរាជធានីខេត្ត ​បន្តចូលរួមគ្នា ដើម្បីលុបបំបាត់​បទល្មើសគ្រឿងញៀន។ថ្លែងនាសន្និសិទ្ធសារព័ត៌មានស្តីពីការងារប្រយុទ្ធប្រឆាំងបទល្មើសគ្រឿងញៀន នាព្រឹកថ្ងៃទី១៦ ខែកញ្ញា ឆ្នាំ២០២៣ នៅមន្ទីរប្រឆាំងបទល្មើសគ្រឿងញៀន ​ឯកឧត្តម ​នាយឧត្តមសេនីយ៍ មាស វិរិទ្ធ អគ្គលេខាធិការ នៃអគ្គលេខាធិការដ្ឋានអាជ្ញាធរជាតិ​ប្រយុទ្ធប្រឆាំង​បទល្មើសគ្រឿងញៀន បានលើកឡើងពីគោលដៅសំខាន់​បំផុតផ្តោតទៅ​លើការប្រយុទ្ធប្រឆាំងបទល្មើស​គ្រឿងញៀន​នៅទូទាំងព្រះរាជាណាចក្រកម្ពុជា ។ឯកឧត្តមនាយឧត្តមសេនីយ៍ មាស វិរិទ្ធ បានជំរុញទៅដល់សមត្ថកិច្ច និងអាជ្ញាធរទាំង២៥រាជធានី ខេត្តត្រូវចូលរួមសហការរួមគ្នាលុបបំបាត់ឱ្យអស់រាល់បទល្មើសគ្រឿងញៀន​នៅតាមមូលដ្ឋាន​រៀងៗខ្លួន ក្នុងនោះ​ត្រូវតាមដានត្រួតពិនិត្យ​តាមទីឋានកម្សាន្តនានា ។ឯកឧត្តម នាយឧត្តមសេនីយ៍ មាស វិរិទ្ធ ​បានបញ្ជាក់ពីគោលដៅ​អនុវត្តការប្រយុទ្ធប្រឆាំងបទល្មើស​គ្រឿងញៀន​ចំពោះមុខមានប្រាំចំណុច ១. ផ្សព្វផ្សាយ អប់រំ ២. ​យន្តការគ្រប់គ្រងសារធាតុគីមីផ្សំ ៣.ទប់ស្កាត់ការហូរចូល ​និងចេញគ្រឿងញៀន ៤.ទប់ស្កាត់កុំឱ្យមានការលួចកែច្នៃផលិត​គ្រឿងញៀន ​និង៥.លុបបំបាត់ការប្រើប្រាស់ ​ចែកចាយ​គ្រឿងញៀន​នៅ​កន្លែងសប្បាយ ​ដូចជា ក្លឹបរាត្រី KTV និងបាបារាំង៕ អត្ថបទ ៖ តារាវុទ្ធី 

ប៉ូឡូញ ហុងគ្រី និងស្លូវ៉ាគី នឹងណែនាំការហាមឃាត់ផ្ទាល់ខ្លួន លើគ្រាប់ធញ្ញជាតិអ៊ុយក្រែន

2023/09/16 11:59:36 am        259
Facebook Telegram Linkin
ប្រទេសប៉ូឡូញ ស្លូវ៉ាគី និងប្រទេសហុងគ្រី បានប្រកាសពីការរឹតត្បិតផ្ទាល់ខ្លួនលើការនាំចូលគ្រាប់ធញ្ញជាតិរបស់អ៊ុយក្រែនកាលពីថ្ងៃសុក្រ បន្ទាប់ពីគណៈកម្មការអឺរ៉ុប បានសម្រេចមិនបន្ថែមពេលការហាមឃាត់របស់ខ្លួនលើការនាំចូលទៅកាន់ប្រទេសជិតខាងសហភាពអឺរ៉ុបចំនួនប្រាំរបស់អ៊ុយក្រែន។ កសិករអ៊ុយក្រែន បានពឹងផ្អែកលើការនាំចេញគ្រាប់ធញ្ញជាតិតាមរយៈប្រទេសជិតខាងចាប់តាំងពីជម្លោះ ចាប់ផ្តើម ខណៈពុំអាចប្រើប្រាស់ផ្លូវដែលអំណោយផលតាមរយៈកំពង់ផែសមុទ្រខ្មៅ។ ប៉ុន្តែលំហូរនៃគ្រាប់ធញ្ញជាតិ និងប្រេងគ្រាប់ធញ្ញជាតិ ចូលទៅក្នុងប្រទេសជិតខាងបានកាត់បន្ថយតម្លៃនៅទីនោះ ដែលប៉ះពាល់ដល់ប្រាក់ចំណូលរបស់កសិករក្នុងស្រុក ហើយបានបណ្តាលឲ្យរដ្ឋាភិបាលនានាហាមឃាត់ការនាំចូលកសិផលពីអ៊ុយក្រែន។ សហភាពអឺរ៉ុប កាលពី ខែឧសភា បានចាប់ផ្តើមចំណាត់ការដើម្បីទប់ស្កាត់ប្រទេសនីមួយៗដែលដាក់បម្រាមជាឯកតោភាគី និងដាក់បម្រាមដោយខ្លួនឯងលើការនាំចូលទៅកាន់ប្រទេសជិតខាង។ ស្នងការពាណិជ្ជកម្មសហភាពអឺរ៉ុប លោក វ៉ាល់ឌីស ដូមប្រូវស្គី(Valdis Dombrovskis) បាននិយាយកាលពីថ្ងៃសុក្រថា ប្រទេសនានាគួរតែបដិសេធពីវិធានការឯកតោភាគីលើនាំចូលគ្រាប់ធញ្ញជាតិអ៊ុយក្រែន ប៉ុន្តែប៉ូឡូញ ស្លូវ៉ាគី និងហុងគ្រី បានឆ្លើយតបភ្លាមៗដោយដាក់ការរឹតបន្តឹងផ្ទាល់ខ្លួនរបស់ពួកគេលើការនាំចូលគ្រាប់ធញ្ញជាតិអ៊ុយក្រែន។ លោក Terry Reilly អ្នកយុទ្ធសាស្រ្តកសិកម្មជាន់ខ្ពស់របស់ក្រុមហ៊ុន Marex បាននិយាយថា «ដរាបណា អ៊ុយក្រែនអាចបញ្ជាក់បានថា គ្រាប់ធញ្ញជាតិនឹងទៅដល់ប្រទេសគោលដៅ តាមរយៈរថយន្តដឹកទំនិញ និងរថភ្លើង បម្រាមការប្រើប្រាស់ក្នុងស្រុកពិតជានឹងមិនធ្វើឱ្យប៉ះពាល់សមត្ថភាពរបស់អ៊ុយក្រែនក្នុងការនាំចេញនោះទេ»។ លោកបានកត់សម្គាល់ថា ការរំខានដល់ការនាំចេញនៅសមុទ្រខ្មៅគឺជាកង្វល់ធំជាងនេះ។ ប្រធានាធិបតីអ៊ុយក្រែនលោក Volodymyr Zelenskiy បានស្វាគមន៍ការសម្រេចចិត្តរបស់សហភាព អឺរ៉ុប ដែលមិនបន្ថែមពេកការហាមឃាត់លើការនាំចេញគ្រាប់ធញ្ញជាតិរបស់ទីក្រុង Kyiv ប៉ុន្តែបាននិយាយថា រដ្ឋាភិបាលរបស់លោកនឹងប្រតិកម្ម តាមរបៀបអភិវឌ្ឍ ប្រសិនបើរដ្ឋជាសមាជិកសហភាពអឺរ៉ុប បំពានច្បាប់របស់សហភាពអឺរ៉ុប។

មេដឹកនាំប្រទេសសកលខាងត្បូងពិភាក្សាបញ្ហាប៉ាឡេស្ទីន និងការដាក់ទណ្ឌកម្មអន្តរជាតិ នៅកិច្ចប្រជុំកំពូល G77 ប្រទេសគុយបា

2023/09/16 11:55:34 am        274
Facebook Telegram Linkin
នៅក្នុងសុន្ទរកថាពេញមួយថ្ងៃ មេដឹកនាំនិងប្រមុខរដ្ឋនៃក្រុមប្រទេសសកលខាងត្បូង (Global South) បានលើកយកមកពិភាក្សានូវផលប្រយោជន៍រួម ក្នុងការចាប់ផ្តើមកិច្ចប្រជុំកំពូល G77 ដែលរៀបចំនៅទីក្រុងឡាហាវ៉ាន់ ប្រទេសគុយបា។ប្រធានាធិបតីវេណេហ្ស៊ុយអេឡា លោក Nicolas Maduro បាននិយាយអំពីយុគសម័យគ្មានអាណានិគមថ្មី នៅក្នុងសតវត្សរ៍ទី ២១នេះ ខណៈលោក Daniel Ortega មេដឹកនាំប្រទេសនីការ៉ាហ្គ័ ផ្តោតលើការដាក់ទណ្ឌកម្មរបស់សហរដ្ឋអាមេរិក និងតួនាទីរបស់ប្រទេសចិនជាមហាអំណាចអន្តរជាតិ។ប្រធានាធិបតីប្រទេសកូឡុំប៊ី លោក Gustavo Petro បានប្រៀបធៀបជំហរសហគមន៍អន្តរជាតិ ជុំវិញសង្រ្គាមនៅអ៊ុយក្រែន ក្នុងប្រៀបធៀបនឹងជម្លោះអ៊ីស្រាអែល និងប៉ាឡេស្ទីន។ខណៈត្រូវបានញាំញីដោយអាកាសធាតុក្តៅខ្លាំង ជំងឺរាតត្បាត ភាពតានតឹងអន្តរជាតិ និងការលំបាកផ្នែកសេដ្ឋកិច្ច ប្រទេសកំពុងអភិវឌ្ឍន៍ទាំងនេះបានជំរុញឱ្យមានការប្រព្រឹត្តដោយយុត្តិធម៌ពីប្រទេសអភិវឌ្ឍន៍ ទាក់ទងនឹងហិរញ្ញវត្ថុអន្តរជាតិចំពោះការបែងចែកបច្ចេកវិទ្យា។ G77 ដែលបានចាប់ផ្តើមដំបូងក្នុងឆ្នាំ ១៩៦៤ មានប្រទេសចំនួន ៧៧ បច្ចុប្បន្ននេះមានសមាជិកចំនួន១៣៤ប្រទេស។ ប្រទេសចិន អះអាងថា ខ្លួនពុំមែនជាសមាជិក G77 ទេ ទោះបីជាត្រូវបានចុះបញ្ជីជាសមាជិកមួយដោយប្លុកនេះក៏ដោយ ប៉ុន្តែទីក្រុងប៉េកាំង និយាយថា ខ្លួនបានគាំទ្រការអះអាងស្របច្បាប់របស់ក្រុមនេះ និងរក្សាទំនាក់ទំនងសហប្រតិបត្តិការ។ ខណៈ គណៈប្រតិភូជាង ៩០ប្រទេស កំពុងចូលរួមក្នុងកិច្ចប្រជុំកំពូល ដែលនឹងបញ្ចប់នៅថ្ងៃសៅរ៍នេះ មានតែប្រទេសមួយចំនួនប៉ុណ្ណោះដែលត្រូវបានដឹកនាំដោយប្រមុខរដ្ឋ។

សម្តេចធិបតី ហ៊ុន ម៉ាណែត និងលោកជំទាវ អញ្ជើញដល់អាកាសយានដ្ឋានអន្តរជាតិទីក្រុងណាននីង ប្រកបដោយសុវត្ថិភាព

2023/09/16 11:52:06 am        220
Facebook Telegram Linkin
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងលោកជំទាវ បានអញ្ជើញដល់អាកាសយានដ្ឋានអន្តរជាតិទីក្រុងណាននីង ខេត្តក្វាងស៊ី សាធារណរដ្ឋប្រជាមានិតចិន ប្រកបដោយសុវត្ថិភាព និងទទួលស្វាគមន៍ដោយ តំណាងតំបន់ស្វយ័តជនជាតិក្វាងស៊ី អមដំណើរដោយ អគ្គកុងស៊ុលកម្ពុជា ប្រចាំទីក្រុងណាននីង ទីក្រុងណាននីង ខេត្តក្វាងស៊ី សាធារណរដ្ឋប្រជាមានិតចិន, រសៀលថ្ងៃសៅរ៍ ទី១៦ កញ្ញា ២០២៣ ។

លោក Trump និយាយវាយប្រហារគូប្រជែងលោក DeSantis ក្នុងការជួបជុំគ្នានៅទីក្រុងវ៉ាស៊ីនតោនថា «លោកបរាជ័យហើយ»

2023/09/16 11:39:46 am        287
Facebook Telegram Linkin
អតីតប្រធានាធិបតីសហរដ្ឋអាមេរិក លោក Donald Trump បាននិយាយវាយប្រហារបេក្ខជនប្រធានាធិបតីមកពីគណបក្សសាធារណៈរដ្ឋ Ron DeSantis ដោយហៅលោកថា «បេក្ខជនបរាជ័យ» នៅក្នុងព្រឹត្តិការណ៍មួយដែលរៀបចំដោយក្រុមអភិរក្សនិយម Concerned Women for America កាលពីថ្ងៃសុក្រ ទី១៥ ខែកញ្ញា។ លោក Trump និងអភិបាលរដ្ឋ Florida លោក Ron DeSantis បានលើករឿងរ៉ាវរបស់ពួកគេ ទៅកាន់អ្នកបោះឆ្នោតដែលសម្តែងការសាទរ បានប្រមូលផ្តុំគ្នានៅទីក្រុងវ៉ាស៊ីនតោនសម្រាប់ព្រឹត្តិការណ៍ចំនួនពីរកាលពីថ្ងៃសុក្រ ដោយស្វែងរកកាគាំទ្ររឹងមាំជាមួយប្លុកបោះឆ្នោតដែលទំនងជាដើរតួយ៉ាងសំខាន់ក្នុងការជ្រើសរើសបេក្ខភាពប្រធានាធិបតីនៅឆ្នាំ ២០២៤ ។បេក្ខជនទាំងពីរ បាននិយាយនៅក្នុងកិច្ចប្រជុំកំពូលថ្នាក់ជាតិចំនួនពីរ ដែលបានកោះប្រជុំដោយ ក្រុម Concerned Women of America និងក្រុមប្រឹក្សាស្រាវជ្រាវគ្រួសារ ក្រុមអ្នកគាំទ្រសាទរដែលគាំទ្រច្បាប់រឹតបន្តឹងការរំលូតកូន ក្នុងចំណោមបញ្ហាផ្សេងៗទៀត។ យោងតាមការស្ទង់មតិរបស់សារព័ត៌មាន Reuters ឬ Ipsos ដែលបានបិទកាលពីថ្ងៃព្រហស្បតិ៍ ទី ១៤ ខែកញ្ញាបានឲ្យដឹងថា លោក Trump ទទួលបានពិន្ទុនាំមុខប្រហែល ៣៥ ភាគរយលើលោក DeSantis និងលោក Vivek Ramaswamy ក្នុងចំណោមគ្រឹស្តសាសនិកដ៏ស្មោះស្ម័គ្រ។

ការធ្វើសមយុទ្ធសុខាភិបាលជាមួយចិន គឺដើម្បីបង្កើនសមត្ថភាពផ្នែកសង្រ្គោះ ដល់កងទ័ពកម្ពុជាបន្ថែមទៀត

2023/09/16 11:25:40 am        260
Facebook Telegram Linkin
ភ្នំពេញ៖ នាយឧត្តមសេនីយ៍ ឥត សារ៉ាត់ អគ្គមេបញ្ជាការរង នាយសេនាធិការចម្រុះ នៃកង​យោធពលខេមរភូមិន្ទ ​និងជាប្រធានគណៈកម្មការដឹកនាំធ្វើលំហាត់ ​និងសមយុទ្ធរវាងកង​យោធពលខេមរភូមិន្ទ ​ជាមួយបណ្តាប្រទេសជាមិត្ត ​និងការចាត់តាំងសមយុទ្ធនានា​ក្នុងកង​យោធពលខេមរភូមិន្ទ បានថ្លែងថា ការធ្វើសមយុទ្ធផ្នែក ​សុខាភិបាលជាមួយកងទ័ពចិននាពេលនេះ គឺដើម្បីបង្កើន​សមត្ថភាពផ្នែកសង្រ្គោះដល់​កងទ័ពកម្ពុជាបន្ថែមទៀត។ថ្លែងប្រាប់អ្នកសារព័ត៌មានក្រោយអញ្ជើញចូលរួមក្នុងពិធីបើកជាផ្លូវការនៃការធ្វើសមយុទ្ធ រវាងកងទ័ពកម្ពុជា-ចិនផ្នែកសុខាភិបាលដែលមានឈ្មោះថា«ទេវតាសន្តិភាពឆ្នាំ២០២៣» ​នាថ្ងៃទី១៦ ខែ​កញ្ញានេះ នៅបញ្ជាការដ្ឋានទ័ពពិសេសកងទ័ពជើងគោក ​នាសង្កាត់កំបូល ខណ្ឌកំបូល រាជធានី​ភ្នំពេញនេះ ​នាយឧត្តមសេនីយ៍ ឥត សារ៉ាត់ ​បានបញ្ជាក់ថា ​ការធ្វើសមយុទ្ធរួមគ្នារវាង​កងទ័ពកម្ពុជា និងចិន ក្រៅពី​ផ្លាស់ប្តូរ​បទពិសោធន៍គ្នា​ផ្នែកសង្រ្គោះគ្រោះមហន្តរាយ ក៏ដើម្បីអបអរសាទរខួប​លើកទី៦៥ឆ្នាំ ​នៃការបង្កើតចំណងការទូតរវាងកម្ពុជា-ចិនផងដែរ។នាយឧត្តមសេនីយ៍ ឥត​ សារ៉ាត់ បានបញ្ជាក់បន្ថែមទៀតថា ​សមយុទ្ធនេះគឺនឹងធ្វើឡើងចាប់ពីថ្ងៃទី ១៦ ដល់ថ្ងៃទី២៦ ខែកញ្ញា ឆ្នាំ២០២៣នេះ ក៏ដើម្បីលើកកម្ពស់​សមត្ថភាព,ការផ្លាស់ប្តូរបទ​ពិសោធន៍​ក្នុងកិច្ចសហប្រតិបត្តិការផ្នែកសុខាភិបាល, ប្រតិបត្តិការសង្រ្គោះគ្រោះមហន្តរាយ និងជំងឺឆ្លងផ្សេងៗ​ឲ្យប្រកបដោយប្រសិទ្ធភាពជាដើម។ សមយុទ្ធរវាងកងទ័ពកម្ពុជា-ចិនជាលើកដំបូងផ្នែកសុខាភិបាលនេះ ​ភាគីទាំងពីរបានកំណត់យក​ប្រធានបទ«ប្រតិបត្តិការសង្គ្រោះសុខាភិបាល ​មនុស្សធម៌អន្តរជាតិរួមគ្នា​ នៅតំបន់គ្រោះមហន្តរាយ ខ្យល់ព្យុះ និងទឹកជំនន់ធ្ងន់ធ្ងរ»ជាដើម។ សមយុទ្ធនេះនឹងធ្វើនៅទីតាំងផ្សេងគ្នា ​ដោយក្នុងនោះនៅទីកន្លែងបញ្ជាការដ្ឋានទ័ពពិសេស កង​ទ័ពជើងគោក(អតីតកងពលតូច 911) ​នៅមន្ទីរពេទ្យព្រះកេតុមាលា ​នៅព្រលានយន្តហោះយោធា និងនៅមន្ទីរពេទ្យ​យោធភូមិភាគទី៤ ខេត្តសៀមរាប៕អត្ថបទ៖ បាន ចក់

អភិបាលស្រុកដំណាក់ចង្អើរ ដឹកនាំកម្លាំងគណៈបញ្ជាការឯកភាពរដ្ឋបាលស្រុក ចុះរុះរើសំណង់របងសាងសង់ខុសច្បាប់

2023/09/16 11:08:46 am        124
Facebook Telegram Linkin
កែប៖ ដោយអនុវត្តតាមគោលការណ៍ណែនាំដ៏ខ្ពង់ខ្ពស់របស់ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប និងជាប្រធានគណៈបញ្ជាការឯកភាពរដ្ឋបាលខេត្ត នៅរសៀលថ្ងៃទី១៥ ខែកញ្ញា ឆ្នាំ២០២៣ លោក ឆាង ឆៃ អភិបាលស្រុកដំណាក់ចង្អើរ និងជាប្រធានគណៈបញ្ជាការឯកភាពរដ្ឋបាលស្រុក បានដឹកនាំកម្លាំងគណៈបញ្ជាការឯកភាពរដ្ឋបាលស្រុកចុះអនុវត្តកិច្ចសន្យាក្នុងការត្រួតពិនិត្យ និងរុះរើសំណង់របងដែលបានសាងសង់ខុសច្បាប់០១កន្លែង ធ្វើពីបេតុង ​ជញ្ជាំង​រៀបឥដ្ឋ​ ប្រវែង ១២ម៉ែត្រ ​ស្ថិតនៅភូមិអង្កោល ឃុំអង្កោល ស្រុកដំណាក់ចង្អើរ ខេត្តកែប ដែលបាន​សាងសង់​រំលោភ​លើដីសាធារណៈ។សូមបញ្ជាក់ថា បន្ទាប់ពីទទួលព័ត៌មានអំពីការ​សាងសាង់​របង​រំលោភលើដីសាធារណៈខាងលើ​ភ្លាម លោក ឆាង ឆៃ អភិបាលស្រុកដំណាក់ចង្អើរ ​និងជាប្រធានគណៈបញ្ជាការឯកភាពរដ្ឋបាលស្រុក បាន​អញ្ជើញម្ចាស់សំណង់​ដែលតំណាងដោយឈ្មោះ លឹម ហ៊ត​ រស់នៅភូមិ ឃុំខាងលើ ឲ្យមក​ធ្វើកិច្ច​សន្យាបញ្ឈប់ការសាងសង់​ជាបន្ទាន់ និងត្រូវរុះរើសំណង់របស់ខ្លួន​ដែលបានសាងសង់​ខុសច្បាប់​ទាំងអស់វិញភ្លាមៗដោយខ្លួនឯង ។បន្ទាប់ពីមានការចុះអនុវត្តកិច្ចសន្យា ​និងរុះរើសំណង់របងខុសច្បាប់​ទាំងនោះចេញ ត្រូវបាន​ប្រជាពលរដ្ឋនៅក្នុងតំបន់ និងមជ្ឈដ្ឋានទូទៅ​មានការ​សប្បាយរីករាយ និងសាទរ​ជាខ្លាំងក្នុងការអនុវត្តច្បាប់​ដោយពុំមានការរើសអើង ​ក្រោមការដឹកនាំរបស់ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប ​និងជាប្រធានគណៈបញ្ជាការឯកភាពរដ្ឋបាលខេត្តកែប ។

រដ្ឋមន្ត្រីក្រសួងការងារ៖ “ខួប៧០ឆ្នាំនៃមិត្តភាពកម្ពុជា-ជប៉ុន ដើម្បីរឹតចំណងសាមគ្គីភាព និងទាក់ទាញប្រជាជន និងអ្នកវិនិយោគជប៉ុនឱ្យមកកម្ពុជាកាន់តែច្រើន”

2023/09/16 11:00:26 am        336
Facebook Telegram Linkin
ភ្នំពេញ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ កាលពីល្ងាចថ្ងៃទី១៥ ខែកញ្ញានេះ បានបង្ហាញសារប្រកបដោយក្តីសង្ឃឹម តាមរយៈហ្វេសប៊ុកផ្លូវការថា ខួប៧០ឆ្នាំនៃមិត្តភាពកម្ពុជា-ជប៉ុន មិនត្រឹមតែជាការរឹតចំណងសាមគ្គីភាពរបស់ប្រទេសទាំងពីរនោះទេ ហើយអាចជាការទាក់ទាញភ្ញៀវទេសចរណ៍ និងអ្នកវិនិយោគថែមទៀតផង។ សារប្រកបដោយក្តីសង្ឃឹមនេះ គឺធ្វើឡើងក្រោយពេលដែលឯកឧត្តម បានចូលរួមជាមួយសម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា និងឯកឧត្តម អូអេណុ អាត់ស៊ូស៊ី ​ឯកអគ្គរដ្ឋទូតជប៉ុនប្រចាំនៅព្រះរាជាណាចក្រកម្ពុជា ដោយបានទស្សនាការ​ប្រគុំតន្ត្រីអូខេស្ត្រាក្នុងពិធីរំលឹកខួប៧០ឆ្នាំនៃមិត្តភាពកម្ពុជា-ជប៉ុននៅមជ្ឈមណ្ឌល​សហប្រតិបត្តិការ​កម្ពុជា-ជប៉ុន (CJCC)ក្នុងរាជធានីភ្នំពេញ។ ឯកឧត្តម ហេង សួរ បានគូសបញ្ជាក់ថា៖ “ បានមកចូលរួមជាមួយ​សម្តេចរដ្ឋសភាធិបតី ឃួន សុដារី និង ឯកឧត្តម អូអេណុ អាត់ស៊ូស៊ី ឯកអគ្គរដ្ឋទូតជប៉ុនប្រចាំកម្ពុជា ទស្សនាការ ប្រគំតន្ត្រីអូខេស្ត្រា ខួប៧០ឆ្នាំនៃមិត្តភាពកម្ពុជា-ជប៉ុន ​ដើម្បីរឹតចំណងសាមគ្គីភាពកម្ពុជា-ជប៉ុន និងទាក់ទាញការចាប់​អារម្មណ៍​របស់ប្រជាជនជប៉ុន និងអ្នកវិនិយោគជប៉ុនឲ្យមកកម្ពុជាកាន់តែច្រើន”។ សូមបញ្ជាក់ថា កម្ពុជា និងជប៉ុន បានបង្កើតទំនាក់ទំនងការទូតជាផ្លូវការដំបូងនៅឆ្នាំ ​១៩៥៣ ហើយ ៧០ឆ្នាំក្រោយគឺឆ្នាំ២០២៣នេះ​ ប្រទេសទាំងពីរ ​បានដំឡើងកម្រិតទំនាក់ទំនង​ទំនាក់ទំនងទ្វេភាគី ដល់​កម្រិត «ភាពជាដៃគូយុទ្ធសាស្ត្រគ្រប់ជ្រុងជ្រោយ»ដែល​ជាដៃគូយុទ្ធសាស្ត្រកម្រិតខ្ពស់បំផុត​នៃទំនាក់ទំនងរវាងប្រទេសក្នុង​តំបន់អាស៊ីទាំងពីរនេះ។ ក្រៅពីការលើកឡើងក្នុងទិដ្ឋភាព​នយោបាយ និងសេដ្ឋកិច្ចកិច្ច​ ឯកឧត្តម ហេង សួរ ក៏បានសរសើរ​យុវតន្ត្រី​ករជប៉ុនថា​ពិតជាសម្តែងបានល្អ និងថ្លែងអំណរគុណដែលធ្វើដំណើរដ៏សែន​ឆ្ងាយដម្រាប់​ការប្រគំតន្ត្រីនេះ​ ហើយក៏ជូនពរដល់យុវតន្រ្តីករជប៉ុន​មានសុខភាពល្អ និងរីករាយ​ក្នុងការស្នាក់នៅកម្ពុជា។គួររំលឹកផងដែរថា​ ក្នុងរយៈពេល៦ខែដើមឆ្នាំ២០២៣ ​ទំហំពាណិជ្ជកម្មកម្ពុជា-ជប៉ុន មានទំហំ​៨៦០លាន​ដុល្លារអាម៉េរិក ខណៈដែលកម្ពុជា​បាននាំចេញទៅជប៉ុន ៥៤៥លានដុល្លារអាម៉េរិក៕

គម្រោងអាងប្រព្រឹត្តកម្មទឹកកខ្វក់សាងសង់លើផ្ទៃដីជាង១៦ហិកតា ក្នុងខេត្តកំពង់ធំ ត្រូវបានសម្ពោធដាក់ឲ្យប្រើប្រាស់

2023/09/16 10:48:35 am        501
Facebook Telegram Linkin
កំពង់ធំ៖ អាងប្រព្រឹត្តកម្មទឹកកខ្វក់ សាងសង់លើផ្ទៃដីជាង១៦ហិកតា ក្នុងក្រុងទឹកស្ទឹងសែន ខេត្តកំពង់ធំ ត្រូវបានសម្ពោធដាក់ឲ្យប្រើប្រាស់ជាផ្លូវការ ដើម្បី​បន្សុទ្ធ​ទឹកកខ្វក់តាមផ្ទះ​ ភោជនីយដ្ឋាន សណ្ឋាគារ រោងចក្រ ឧស្សាហកម្ម និងសិប្បកម្ម ​មុនបង្ហូរចេញទៅទីសាធារណៈ និងមិន​អោយប៉ះពាល់​ដល់សុខភាពសាធារណៈ។នៅថ្ងៃទី១៥ ខែកញ្ញា ឆ្នាំ២០២៣, ឯកឧត្តម ប៉េង ពោធិ៍នា រដ្ឋមន្ត្រីក្រសួងសាធារណការ និងដឹកជញ្ជូន អញ្ជើញសម្ពោធ​ដាក់ឲ្យប្រើប្រាស់ជាផ្លូវការនូវស្ថានីយ ​និង​អាងប្រព្រឹត្តកម្ម​ទឹក​កខ្វក់ក្នុង​ក្រុងស្ទឹងសែន ខេត្តកំពង់ធំ។ក្នុងឱកាសនោះ ឯកឧត្តម មានប្រសាសន៍ថា ​ក្រោមការដឹកនាំប្រកបដោយភាព​វៃឆ្លាត ​និងទស្សន វិស័យ​វែងឆ្ងាយរបស់រាជរដ្ឋាភិបាល ​ដែលមាន​សម្ដេចមហាបវរធិបតី ហ៊ុន ម៉ាណែត ជាប្រមុខដឹកនាំ ក្នុងការលើកកម្ពស់វិស័យអនាម័យ​ដើម្បីធានា​ប្រយោជន៍​សុខភាពសាធារណៈ បានចាត់ការរៀបចំ​ការគ្រប់គ្រង កាកសំណល់រឹងរាវ ជាវិស័យសំខាន់ការថែរក្សាបរិស្ថាន​ និងអនាម័យ។ឯកឧត្តម បន្តថា ក្រសួងសាធារណការ និងដឹកជញ្ជូន​ ប្រគល់សមិទ្ធផលនេះ​ ទៅកាន់រដ្ឋបាលខេត្ត គ្រប់គ្រង និងប្រតិបត្តិបន្ត ​ដើម្បីប្រើប្រាស់ ​ជាប្រយោជន៍​សាធារណៈសម្រាប់ប្រជាពលរដ្ឋ​ក្នុងខេត្ត​កំពង់ធំ ​និងចូលរួមថែរក្សាការពារសំដៅធ្វើយ៉ាងណាឱ្យហេដ្ឋា​រចនា​សម្ព័ន្ធដែលយើង​ទទួលបាននេះ ស្ថិតស្ថេរ គង់វង្សយូរអង្វែងទៅអនាគត។ឯកឧត្តមបន្តថា ​គោលនយោបាយ ​និងយុទ្ធសាស្ត្រសំខាន់ៗជាច្រើនត្រូវបាន ​ដាក់ចេញដើម្បីពន្លឿន​ការ​អភិវឌ្ឍប្រកប ដោយនិរន្តភាព។ ហើយនេះក៏ជាផ្នែកមួយរបស់រាជរដ្ឋាភិបាល នៃព្រះរាជាណា​ចក្រ​កម្ពុជា ចាត់ទុកជាអាទិភាពខ្ពស់ ក្នុងយុទ្ធសាស្ត្របញ្ចកោណ ដំណាក់កាលទី១ របស់រាជ​ដ្ឋាភិបាល នីតិកាលទី៧ នៃរដ្ឋសភា ​ដើម្បីកំណើនការងារ សមធម៌ ប្រសិទ្ធភាព និងចីរភាព កសាងមូលដ្ឋានគ្រឹះឆ្ពោះទៅសម្រេចចក្ខុវិស័យកម្ពុជាឆ្នាំ២០៥០។ជាមួយគ្នានេះផងដែរ ​ឯកឧត្តម ងួន រតនៈ អភិបាលខេត្តកំពង់ធំ លើកឡើងផងដែរថា ដោយ​មានការសហការយ៉ាងល្អ ​រវាងរាជរដ្ឋាភិបាលនៃព្រះរាជាណាចក្រកម្ពុជា ​និង​ធនាគារ​អភិវឌ្ឍន៍​អាស៊ី ហៅកាត់ថា (ADB) ក្នុងក្រុងស្ទឹងសែន ខេត្តកំពង់ធំ ​ទទួលបានការគាំទ្រលើ ​អនុគម្រោង ធំៗចំនួន ៣ ដែល អនុវត្តន៍ការសាងសង់រយៈពេល៣ឆ្នាំ​ចាប់ផ្តើមពីខែកក្កដា ​ឆ្នាំ២០២០ និងបញ្ចប់ការ​សាងសង់ នៅថ្ងៃទី១១ ខែកក្កដា ​ឆ្នាំ២០២៣ កន្លងទៅនេះ។ឯកឧត្តមបន្តថា អនុគម្រោងធំទាំងបីនោះ រួមមាន ​អនុគម្រោង ​រៀបចំប្រព័ន្ធលូញែក ឬអាចហៅបានថា ជាប្រព័ន្ធលូរំដោះទឹកភ្លៀង និងទឹកកខ្វក់ ក្នុងក្រុង ដើម្បីបង្កើនសមត្ថភាព​រំដោះទឹកក្នុងរដូវវស្សា មានប្រវែងសរុប ៣៤ គ.ម និងមានស្ថានីយ បូមចំនួន២កន្លែង, អនុគម្រោងរៀបចំអាងប្រព្រឹត្តិកម្មទឹកកខ្វក់ដែលមានសមត្ថភាពចម្រុះទឹកចំនួន ៣,៥០០ម៉ែត្រគូបក្នុងមួយថ្ងៃ ដែលរៀបចំលើផ្ទៃដីប្រមាណ១៦ ហិកតាដើម្បីបន្សុទ្ធទឹកកខ្វក់តាមផ្ទះ ភោជនីយដ្ឋាន​ សណ្ឋាគារ រោងចក្រ ឧស្សាហកម្ម និងសិប្បកម្ម មុនបង្ហូរចេញទៅទីសាធារណៈ និងមិនអោយ ប៉ះពាល់ដល់ ​សុខភាពសាធារណៈ និងអនុគម្រោងរៀបចំទីលានចាក់សំរាមថ្មី ក្នុងផ្ទៃដីប្រហែល ១៩,៦ ហិកតា ស្ថិតនៅ ឃុំត្រពាំងឬស្សី ស្រុកកំពង់ស្វាយ ឱ្យនៅឆ្ងាយ​ពីទីប្រជុំជនក្រុងស្ទឹងសែន ​ដើម្បីជួយគាំទ្រដល់ការរៀបចំទុកដាក់សំរាមក្នុងក្រុង ស្ទឹងសែន ឱ្យបានល្អប្រសើរ ​និងមិនប៉ះពាល់ដល់សុខភាពរបស់ប្រជាពលរដ្ឋ។គម្រោងទាំងមូលគ្របដណ្តប់លើផ្ទៃដីប្រមាណ ​១៥៩ហិកតា ​ស្ថិតនៅក្នុងសង្កាត់ចំនួន៤ ដែលរួមមាន​សង្កាត់កំពង់ធំ សង្កាត់ដំរីជាន់ខ្លា​ សង្កាត់កំពង់រទេះ និងសង្កាត់អូរគន្ធរ។

អាណតិ្តទី៧នាយកដ្ឋានសិល្បៈទស្សនីយភាព៖ មានទិសដៅសំខាន់៣យ៉ាង ដើម្បីអភិរក្ស អភិវឌ្ឍន៍ និងផ្សព្វផ្សាយ

2023/09/16 10:32:49 am        334
Facebook Telegram Linkin
ភ្នំពេញ៖លោក ឈាង ឆដាភ័ក្រ្ត ប្រធាននាយកដ្ឋានសិល្បៈទស្សនីយភាព នៃក្រសួងវប្បធម៌ និងវិចិត្រសិល្បៈតាមរយៈBTV ព័ត៌មាន នាថ្ងៃនេះថា ក្នុងអាណតិ្តទី៧នេះ នាយកដ្ឋាន​មានទិសដៅ​សំខាន់ៗ​ចំនួន៣យ៉ាង ​ដើម្បីអភិរក្ស អភិវឌ្ឍន៍​ និងផ្សព្វផ្សាយ ​ដើម្បីឲ្យប្រជាជនស្គាល់ ស្រលាញ់ គាំទ្រ ចូលរួមថែរក្សាការពារ ​និងធ្វើឲ្យសិល្បៈ​រឹងមាំ​ ជឿនលឿន​ដូចបណ្តាប្រទេសផ្សេងៗទៀត។លោក ប្រធាននាយកដ្ឋាន បន្តថា ការងារសំខាន់ៗទាំង៣យ៉ាងនោះ ​គឺទី១៖ ការងារអភិរក្ស ជារឿង​សំខាន់​ចំពោះវិស័យវប្បធម៌ ​ជាក់ស្តែង​នាយកដ្ឋាន​បានដាក់ទិសដៅ​ស្រាវជ្រាវ​ចងក្រង​ទម្រង់សិល្បៈ ដែលយើងហៅថា​ ទម្រង់សិល្បៈមិនមានសកម្មភាព ​ឈានដល់ការបាត់បង់​ និងបាត់ការគាំទ្រ​តែម្តង ដូចជា ល្ខោនកេន ល្ខោនបែបបទ ល្ខោនភ្លេងការ។ ​ទម្រង់ល្ខោនទាំងអស់នេះមិនសូវមានការសម្តែង ឬគ្មានការសម្តែងតែម្តង។ទី២៖ ការងារអភិវឌ្ឍ ទម្រង់សិល្បៈមួយចំនួនត្រូវការអភិវឌ្ឍ យើងមិនអាចនៅឆ្ងាយពីបច្ចេកវិទ្យា ឬក៏នៅទ្រឹងនោះទេ។ ​ដូចជាទម្រង់សិល្បៈល្ខោននិយាយ ​យើងត្រូវផ្សារភ្ជាប់ជាមួយបច្ចេកវិទ្យា មានLED ​បញ្ចាំង​នៅផ្ទាំងខាងក្រោយ​ ដើម្បីឲ្យសោភ័ណ្ឌភាពសម្តែង​នៃសាច់រឿងនេះ កាន់តែប្រសើរឡើង​ថែមមួយកម្រិតទៀត។ទី៣៖ ការងារផ្សព្វផ្សាយ ​យើងមិនអាចធ្វើអ្វីដែលគ្មានការផ្សព្វផ្សាយបាននោះទេ។ មានន័យថា យើងចង់ឲ្យប្រជាជន ស្រលាញ់ គាំទ្រ ​លុះត្រាតែប្រជាជន ​ដឹងថាទម្រង់សិល្បៈនេះ ជាទម្រង់​សិល្បៈរបស់​ជាតិខ្មែរ និងជារបស់គាត់ដែល។ ​នៅពេលខ្លះសិល្បៈយើងសម្បូរបែប មធ្យោបាយ​ក្នុងការផ្សព្វផ្សាយមានតិច មានពេលខ្លះប្រជាជន​ មិនបានដឹង ​មិនបានជ្រាប មានពេលខ្លះយល់ថា​ជាទម្រង់សិល្បៈរបស់បរទេសទៀតផង។ជាចុងក្រោយក្នុងនាមមន្រី្តវប្បធម៌ លោក ឈាង ឆដាភ័ក្រ្ត ​ប្រធាននាយកដ្ឋានសិល្បៈទស្សនីយភាព សូមអំពាវនាវដល់ប្រជាជន ​ជាពិសេសយុវជន ​ងាកមកគាំទ្រវិស័យវប្បធម៌ពិសេសសិល្បៈបុរាណ យើងដឹងហើយថា​ សិល្បៈបុរាណ មានសារ​សំខាន់ខ្លាំង​ណាស់ចំពោះជាតិ​ (វប្បធម៌ រលត់ជាតិរលាយ) ​វប្បធម៌ ជាអត្តសញ្ញាណ ​ដួងព្រលឹងរបស់ជាតិ។ ដូច្នេះបើវប្បធម៌របស់ជាតិសាសន៍មួយ ​មិនមានការគាំទ្រពីប្រជាជនផ្ទាល់នោះទេ គឺគ្មានការរីក​ចម្រើននោះទេ ​ដូចនេះគ្មានអ្នកណា ​ស្រលាញ់វប្បធម៌ជាតិ ជាងប្រជាជនយើងនោះទេ៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

[UPDATE] ចំនួនអ្នកស្លាប់នៃការតវ៉ានៅប្រទេសនេប៉ាល់បន្តកើនឡើង ទោះមានការដាក់ពង្រាយទ័ពក៏ដោយ
09/11/2025 09:09 AM
Facebook Telegram Linkin
កូរ៉េខាងត្បូង ស្នើសុំឱ្យអាមេរិកអនុញ្ញាតឱ្យកម្មករដែលជាប់ឃុំចាកចេញដោយដៃមិនជាប់ខ្នោះ
09/11/2025 09:09 AM
Facebook Telegram Linkin
ផ្ទុះរថយន្តដឹកហ្គាសបណ្តាលឱ្យមនុស្សច្រើននាក់ស្លាប់និងរាប់សិបនាក់រងរបួសនៅរដ្ឋធានីម៉ិកស៊ិក
09/11/2025 09:09 AM
Facebook Telegram Linkin
ប៉ូឡូញ ថាខ្លួនខិតជិតជម្លោះបើកចំហបំផុត ចាប់តាំងពីសង្គ្រាមលោកលើកទីពីរមក ក្រោយបាញ់ទម្លាក់ដ្រូនរុស្ស៊ី
09/11/2025 09:09 AM
Facebook Telegram Linkin
ចលនាតវ៉ា «រាំងខ្ទប់គ្រប់យ៉ាង» រាលដាលទូទាំងប្រទេសបារាំង ដោយមនុស្សរាប់រយនាក់ត្រូវចាប់ខ្លួន
09/11/2025 09:09 AM
Facebook Telegram Linkin
ឧបនាយករដ្ឋមន្រ្តីប្រចាំការ វង្សី វិស្សុត ដឹកនាំកិច្ចប្រជុំត្រួតពិនិត្យវឌ្ឍនភាព និង​ពង្រឹង​ប្រសិទ្ធ​ភាព​ការងារ​ក្រុម​ប្រឹក្សា​អ្នកច្បាប់
09/11/2025 08:09 AM
Facebook Telegram Linkin
ប្រជាជនប៉ាឡេស្ទីនរត់ទាំងភ័យស្លន់ស្លោ ក្រោយអ៊ីស្រាអែលវាយប្រហារលើអគារកម្ពស់ច្រើនជាន់ក្នុងទីក្រុងហ្កាហ្សា
09/11/2025 08:09 AM
Facebook Telegram Linkin
មន្ត្រីអ៊ីស្រាអែល៖ អ៊ីស្រាអែល នឹងសម្លាប់មេដឹកនាំក្រុមហាម៉ាសពេលក្រោយទៀត បើពួកគេរួចផុតពីការវាយប្រហារនៅកាតា
09/11/2025 08:09 AM
Facebook Telegram Linkin
កម្ពុជាគ្រោងនឹងទិញយន្តហោះផលិតដោយចិនផ្ទាល់ ប្រភេទC909 regional ២០គ្រឿង ខណៈ១០គ្រឿងបានបញ្ជាទិញរួចហើយ​
09/11/2025 08:09 AM
Facebook Telegram Linkin
រាជរដ្ឋាភិបាលត្រៀមរថយន្តក្រុងជិត៦០០គ្រឿង ដឹកពលរដ្ឋដោយឥតគិតថ្លៃ រយៈពេល៦ថ្ងៃ ក្នុងឱកាសបុណ្យភ្ជុំបិណ្ឌ
09/11/2025 07:09 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.