នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ផ្តាំទៅសារព័ត៌មានថៃថា «បើ​ឆ្កួត​សូម​ឆ្កួត​តែ​ពួក​ឯង​ចុះ» ខណៈ​សម្ដេច​ជា​មនុស្ស​ទី​ពីរ​​បន្ទាប់ពីព្រះមហាក្សត្រចាំបាច់អីទៅធ្វើជាអគ្គបញ្ជាការកងទ័ព
ឯកឧត្តម ប៉ែន បូណា៖ ដើម្បីបណ្តុះបានមនុស្សពូកែ ទាល់តែគ្រូខ្លាំង
សម្ដេចធិបតី៖ កងកម្លាំងនគរបាលជាតិដើរតួនាទី និងបំពេញភារកិច្ចសំខាន់ធានាសន្តិសុខ សុវត្ថិភាព
សម្ដេចធិបតី ហ៊ុន ម៉ាណែត អញ្ជើញប្រគល់សញ្ញាបត្រដល់ជ័យលាភីបញ្ចប់ការសិក្សានៅបណ្ឌិត្យសភានគរបាលជាតិ

នយោបាយ​ និង ការអភិវឌ្ឍន៍

សម្ដេចធិបតី ហ៊ុន ម៉ាណែត អញ្ជើញជួបពិភាក្សាការងារជាមួយ ឯកឧត្ដម ស៊ី ជីនពីង (Xi Jinping) ប្រធានាធិបតីចិន

2023/09/15 09:37:08 am        142
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញជួបពិភាក្សាការងារជាមួយ ឯកឧត្ដម ស៊ី ជីនពីង (Xi Jinping) ប្រធានាធិបតី នៃសាធារណរដ្ឋប្រជាមានិតចិន នៅមហាវិមានប្រជាជន រដ្ឋធានីប៉េកាំង នៅព្រឹកថ្ងៃទី១៥ ខែកញ្ញានេះ។

តាមបណ្តាវត្តអារាមនៅភ្នំពេញ ចាប់ផ្តើមរៀបចំវត្តត្រៀមធ្វើបុណ្យកាន់បិណ្ឌ និងភ្ជុំបិណ្ឌ

2023/09/14 03:37:31 pm        143
Facebook Telegram Linkin
ភ្នំពេញ៖នៅសល់រយៈពេលប្រមាណ១៥ថ្ងៃទៀតប៉ុណ្ណោះ ​ពិធីបុណ្យកាន់បិណ្ឌថ្ងៃទី១ នឹងឈានចូលមកដល់ ។ដើម្បីធ្វើឲ្យពិធីនេះមានភាព​អធិកអធម​ទាក់ទាញប្រជាពុទ្ធបរិស័ទមកធ្វើបុណ្យកាន់បិណ្ឌ និង​ភ្ជុំបិណ្ឌមានសុវត្ថិភាព ​ភាពកក់ក្តៅ​ និងជំរុញឲ្យវត្តអារ៉ាមក្លាយជាវត្តទេសចរណ៍ផងដែរនោះ ព្រះសង្ឃតាមវត្តនៅភ្នំពេញ​ និងអាចារ្យជាដើម ​បានសហការចាប់ផ្តើមរៀបចំវត្ត ដើម្បីរៀបចំពិធីបុណ្យនេះ​ឲ្យបានល្អប្រសើរបំផុត។បើតាមព្រះបវរសត្ថា ហួរ សារិទ្ធិ ព្រះគ្រូសូធ្យស្តាំវត្តលង្កា មានថេរដីកា​ប្រាប់BTV នៅថ្ងៃទី១៤ ខែកញ្ញានេះថា ពិធីបុណ្យកាន់បិណ្ឌ ភ្ជុំបិណ្ឌ ជាបុណ្យប្រពៃណីដ៏សំខាន់របស់ពុទ្ធសាសនិកជន ខ្មែរគ្រប់ៗរូបដែលតែងតែប្រារព្ធធ្វើជារៀងរាល់ឆ្នាំ ​ដើម្បី​ឧទ្ទិសកុសល​ជូនដល់​ វិញ្ញាណក្ខន្ធ​នៃអ្នកមានគុណទាំង​ឡាយ ​ដែលបានលាចាកលោកនេះទៅកាន់លោកខាងមុខ។ ដើម្បីឲ្យពិធីបុណ្យនេះ មានភាព​អធិកអធម ផ្តល់ភាពកក់ក្តៅ និងសុវត្ថិភាពជូនប្រជាពុទ្ធបរិស័ទ ព្រះបវរសត្ថា ហួរ សារិទ្ធិ មានថេរដីកាថា វត្តលង្កា ក៏ដូចវត្តនានាដែរ នឹងបង្កើនរៀបចំ​តាំង​បំភ្លឺភ្លើង​លំអវត្ត រៀបចំចងទង់ជាតិ ​ទង់សាសនាគ្រប់ទម្រង់ជាដើម និងបង្កើនកិច្ចសហការ​ជាមួយអាជ្ញាធរ​មូលដ្ឋាន ត្រៀមចាត់កម្លាំង​ការពារសន្តិសុខ ​សុវត្ថិភាព ​និងសណ្តាប់ធ្នាប់​សាធារណៈ ជួយសម្រួល ចរាចរណ៍​យានយន្តពុទ្ធបរិស័ទ​ ចូលក្នុងបរិវេណវត្តអារាម ​ឱ្យបានឆាប់រហ័ស​ ចៀសវាងការ កក​ស្ទះចរាចរណ៍នៅតាមដងផ្លូវមុខវត្តអារាម។ព្រះបវរសត្ថា ហួរ សារិទ្ធិ មានដីកាទៀតថា បណ្តាវត្តដែលមានទីកម្សាន្ត​ទាក់ទាញភ្ញៀវទេសចរ​ច្រើន គឺត្រូវបង្កើនការរៀបចំទីបរិវេណវត្តឲ្យបានស្អាតថែមទៀត ជាពិសេសត្រូវចាត់ចែង​បោសសម្អាត​បូជនីយដ្ឋាន ស្តូប​ និងកន្លែងតម្កល់អដ្ឋិធាតុ​ សម្អាតអនាម័យ ​បរិស្ថានស្អាត និងត្រូវរៀបចំតុបតែងលម្អទង់ជាតិ ​ទង់សាសនា ទង់ព្រះមហាក្សត្រ ​បដាពាក្យស្លោក និងរចនាដោយបំភ្លឺភ្លើងពណ៌ចម្រុះឱ្យបានសមរម្យ ដើម្បីឲ្យវត្តក្លាយ​ជាវត្តទេសចរណ៍​ដែលមាន​ភាពទាក់ទាញ។សូមបញ្ជាក់ ពិធីបុណ្យកាន់បិណ្ឌ ភ្ជុំបិណ្ឌឆ្នាំ២០២៣នេះ​ នឹងប្រព្រឹត្តទៅចាប់ពីថ្ងៃ ​០១រោច ដល់ថ្ងៃ ១៥រោច ​ខែភទ្របទ ត្រូវនឹងថ្ងៃទី៣០ ​ខែកញ្ញា ​ដល់ថ្ងៃទី១៤ ខែតុលា ​ឆ្នាំ២០២៣នេះ៕អត្ថបទ ស៊ុម សុខជា

គ្រាប់យុទ្ធភណ្ឌមិនទាន់ផ្ទុះកប់ក្នុងបាតទន្លេ អាចមានជាង២ពាន់តោន ឯការរុករកកំពុងជួបផលលំបាក

2023/09/14 03:24:24 pm        413
Facebook Telegram Linkin
ភ្នំពេញ៖ ឯកឧត្តម ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា ​ហៅកាត់ថា (CMAC) បានឱ្យដឹងថា ​តាមការវាយតម្លៃ គ្រាប់យុទ្ធភណ្ឌមិនទាន់ផ្ទុះ ដែលកំពុងកប់នៅក្រោម​បាតទន្លេ អាចមានប្រមាណជាង២ពាន់តោន ​ខណៈដែលការរុករកកំពុងជួបផលលំបាក ដោយសារគ្រាប់ទាំងនោះនៅកប់ជ្រៅពេក ។ឯកឧត្តម ហេង រតនា អគ្គនាយក CMAC បានឱ្យដឹងថា បច្ចុប្បន្ននេះ ​ការរុករកបោសសម្អាតគ្រាប់ មីន និងយុទ្ធភណ្ឌមិនទាន់ផ្ទុះនៅក្នុងបាតទន្លេ ​ក្នុងភូមិសាស្ត្រឃុំកោះចេក ស្រុកពាមជរ ​ខេត្តព្រៃវែង កំពុង ត្រូវបានធ្វើឡើង ហើយកងកម្លាំងរបស់អង្គភាពស៊ីម៉ាក់ បានរកឃើញគ្រាប់ជាច្រើនប្រភេទ មានដូចជា គ្រាប់១០៥មីលីម៉ែត្រ, គ្រាប់កាំភ្លើងធំ គ្រាប់កំាំភ្លើងត្បាល់ ជាដើម សរុបជិត២ម៉ឺនគ្រាប់ ដែលស្មើនឹងប្រមាណជាង៤០០តោន ។ឯកឧត្តម បានបញ្ជាក់ថា ប្រតិបត្តិការរុករកនេះ ​មានបញ្ហាលក្ខណៈបច្ចេកទេសខ្លះ ​និងការគាំទ្រខ្លះ នៅមិនទាន់ស៊ីគ្នា ​ហើយការងារមួយចំនួន​ ដូចជាការរកគ្រាប់នៅកប់ក្នុងល្បាប់ភក់ មិនទាន់ស្របតាមផែនការ តែយ៉ាងណាក៏មានមោទកភាព ដែលកងកម្លាំង បានរកឃើញគ្រាប់ច្រើន និងមិនមានគ្រោះថ្នាក់ ។គួរបញ្ជាក់ថា ការបោសសម្អាតគ្រាប់មីន និងយុទ្ធភណ្ឌមិនទាន់ផ្ទុះក្នុងភូមិសាស្ត្រស្រុកពាមជរនេះ បានចាប់ផ្ដើមអនុវត្តកាលពីខែមិថុនា ឆ្នាំ២០២២ ​ដោយកម្លាំងស៊ីម៉ាក់ ​និងអង្គភាពពិសេស៩១១ ៕អត្ថបទ៖ បាន សុខរិទ្ធិ

រដ្ឋសភាអនុម័តសេចក្តីព្រាងច្បាប់បង្កើតក្រសួងអធិការកិច្ច និងរដ្ឋលេខាធិការដ្ឋាន​កិច្ចការព្រំដែន​ជាឯកច្ឆន្ទ

2023/09/14 02:48:19 pm        161
Facebook Telegram Linkin
រដ្ឋសភានៃព្រះរាជាណាចក្រកម្ពុជា ក្នុងសម័យប្រជុំរដ្ឋសភាលើកទី១ នីតិកាលទី៧ ក្រោម​អធិបតី​ភាព​ដ៏​ខ្ពង់ខ្ពស់សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៅព្រឹកថ្ងៃទី១៤ ខែ​កញ្ញា ​ឆ្នាំ២០២៣នេះ បានសម្រេចអនុម័តសេចក្តីព្រាងច្បាប់បង្កើតក្រសួងអធិការកិច្ច និង​រដ្ឋ​លេខា​ធិការដ្ឋាន​កិច្ចការព្រំដែនទាំងមូលជាឯកច្ឆន្ទ។សេចក្តីព្រាងច្បាប់ស្តីពីការបង្កើតរដ្ឋលេខាធិការដ្ឋានកិច្ចការព្រំដែន គឺរាជ​រដ្ឋាភិបាល​បង្កើត​រដ្ឋ​លេខាធិ​ការដ្ឋានកិច្ចការព្រំដែនជំនួសអាជ្ញាធរជាតិទទួលបន្ទុកកិច្ចការព្រំដែន ក្នុងគោល​បំណង​បង្កើត​ឱ្យមា​ន​ស្ថាប័នថ្មីមួយដែលមានលក្ខណៈអចិន្ត្រៃយ៍ មានរចនាសម្ព័ន្ធគ្រប់គ្រង និង​សមត្ថកិច្ច​ពេញ​លេញ​ ព្រមទាំងអាចស្រូបទាញបន្ថែមនូវធនធានមនុស្សដែលមានសមត្ថភាព ជំនាញ​ពិត​ប្រាកដ​ ទាំងផ្នែកបច្ចេកទេស ផ្នែកច្បាប់ជាតិ-ច្បាប់អន្តរជាតិ និងផ្នែកជំនាញពាក់ព័ន្ធផ្សេងទៀត ដើម្បី​លើកកម្ពស់ប្រសិទ្ធភាព នៃការបន្តបេសកកម្មដ៏ពិសិដ្ឋ ក្នុងការ​ដោះស្រាយ​បញ្ហា​ព្រំដែន​ជាមួយ​ប្រទេស​ជិតខាង ការពង្រឹងកិច្ចការពារអធិបតេយ្យនិងបូរណភាពទឹកដី និងការ​លើកស្ទួ​យ​កា​រ​ថែរក្សាសមិទ្ធផលព្រំដែនជាប្រវត្តិសាស្ត្រ ទុកជាមរតកដ៏ឧត្តុង្គឧត្តមជូនកូនខ្មែរគ្រប់ជំនាន់។ សេចក្តីព្រាងច្បាប់នេះមានចំនួន៨មាត្រា។ បន្ទាប់ពីបានពិភាក្សា អនុម័តមួយមាត្រាម្តងៗ អង្គ​ប្រជុំ​រដ្ឋសភាបានអនុម័តសេចក្តីព្រាងច្បាប់នេះទំាងមូល ជាឯកច្ឆន្ទ។ឯក​ឧត្តម ឡាំ ជា រដ្ឋមន្ត្រីរដ្ឋលេខាធិការដ្ឋានកិច្ចការព្រំដែន បានជម្រាបជូនអង្គប្រជុំសភាថា កិច្ច​ការ​ព្រំដែន​ជាកិច្ចការអាទិភាពមួយដ៏មានសារៈសំខាន់បំផុត ជាអាយុជីវិតរបស់ជាតិ ដែល​ទាម​ទារ​ឱ្យ​មាន​ការ​យកចិត្តទុកដាក់ជាអាទិភាពខ្ពស់បំផុត ទាំងលើទិដ្ឋភាពច្បាប់ បច្ចេកទេស និង​នយោបាយ សំដៅធានារក្សាការពារមិនឱ្យមានការរំលោភបាន ជាដាច់ខាត នូវ​អធិបតេយ្យ និង​បូរណភាព​ទឹកដីនៃកម្ពុជា។ឯកឧត្តម ឡាំ ជា បន្តថា ក្រោមការដឹកនាំ និងចង្អុលបង្ហាញប្រកបដោយភាពឈ្លាសវៃ ប៉ិនប្រសប់ របស់សម្តេចតេជោ ហ៊ុន សែន រាជរដ្ឋាភិបាលកម្ពុជា បាន​ធ្វើ​ការ​ចរចា​យ៉ាង​ស្វិត​ស្វាញ​ប្រកប​ដោយ​ស្មារតីទទួលខុសត្រូវខ្ពស់បំផុត ក្នុងការដោះស្រាយបញ្ហាព្រំដែនជាមួយប្រទេសជិតខាង ដោយ​ប្រកាន់ខ្ជាប់ឥតងាករេ នូវឧត្តមគតិស្នេហាជាតិដ៏ស្មោះត្រង់បំផុត ក្នុង​កិច្ច​ការពារ​ថែ​រក្សា​ឱ្យ​បាន​​ជា​ដាច់ខាតនូវអធិបតេយ្យជាតិ និងបូរណភាពទឹកដី ដែលរហូតមកដល់ពេលបច្ចុប្បន្ន សម្រេច​បាននូវសមិទ្ធផលជាតិ ជាប្រវត្តិសាស្ត្រទាក់ទងនឹងព្រំដែនគោកនៃកម្ពុជា ជាមួយ​ប្រទេស​ជិត​ខាង​ ដែលមាន ជាអាទិ៍៖ ទី១ បានធ្វើការខណ្ឌសីមា និងបោះបង្គោលព្រំដែនគោកកម្ពុជា-វៀតណាម បានចំនួន ៨៤%។ ទី២ បានធ្វើការត្រួតពិនិត្យខ្សែបន្ទាត់ព្រំដែនគោកកម្ពុជា-ឡាវ បាន​ចំនួន ៨៦% និង ទី៣ បានរកឃើញបង្គោលព្រំដែនគោកកម្ពុជា-ថៃ ចំនួន ៧៣ ទីតាំង ស្មើ​នឹង​៧៤ បង្គោល ដែលក្នុងនោះ បានឯកភាពគ្នាចំនួន ៤២ ទីតាំង ស្មើនឹង ៤២ បង្គោល និង​ពុំ​ទាន់​បាន​ឯកភាពគ្នាចំនួន ៣១ ទីតាំង ស្មើនឹង ៣២ បង្គោល៕ អត្ថបទ៖ វ៉ន ដារ៉ា

សម្តេចធិបតី ហ៊ុន ម៉ាណែត អញ្ជើញដាក់កម្រងផ្កា​គោរពវិញ្ញាណក្ខន្ធ​ នៅស្តូបអនុស្សាវរីយ៍​វីរបុរសចិន នៅមហាទីលានធានអានមិន

2023/09/14 02:38:45 pm        86
Facebook Telegram Linkin
បន្ទាប់ពីអញ្ជើញដល់រដ្ឋធានីប៉េកាំង សាធារណរដ្ឋប្រជាមានិតចិន នារសៀលថ្ងៃទី១៤ ខែកញ្ញា ឆ្នាំ២០២៣ នេះសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវ រួមនឹងគណៈប្រតិភូ បាន​អញ្ជើញចូលរួមដាក់កម្រងផ្កា​គោរពវិញ្ញាណក្ខន្ធ​នៅស្តូបអនុស្សាវរីយ៍​វីរបុរសចិន នៅ​មហាទីលាន​ធានអានមិន (Tiananmen Square)  

សម្ដេចអធិបតី ហ៊ុន ម៉ាណែត និងលោកជំទាវ បានដឹកនាំគណៈប្រតិភូដល់ទីក្រុងប៉េកាំង ដោយសុវត្ថិភាព

2023/09/14 01:31:23 pm        64
Facebook Telegram Linkin
នៅរសៀលថ្ងៃទី១៤ ខែកញ្ញា ឆ្នាំ២០២៣នេះ សម្ដេចមហាបវរធិបតី ហ៊ុន ម៉ាណែត និងលោកជំទាវ ពេជ្រ ចន្ទមុន្នី ហ៊ុន ម៉ាណែត បានអញ្ជើញដឹកនាំគណៈប្រតិភូជាន់ខ្ពស់នៃព្រះរាជាណាចក្រកម្ពុជា អញ្ជើញដល់អាកាសយានដ្ឋានអន្តរជាតិរដ្ឋធានីប៉េកាំង ​សាធារណរដ្ឋប្រជាមានិតចិន ប្រកបដោយសុវត្ថិភាពហើយ។ដំណើរនៃការអញ្ជើញដល់របស់សម្ដេចអធិបតី និងលោកជំទាវ ព្រមទាំងគណៈប្រតិភូជាន់ខ្ពស់ ត្រូវបានទទួលស្វាគមន៍ យ៉ាងកក់ក្ដៅបំផុតដោយឯកឧត្តម ណុង រ៉ុង (Nong Rong) អនុរដ្ឋមន្ត្រីការបរទេស នៃសាធារណរដ្ឋប្រជាមានិតចិន អមដំណើរដោយ លោកជំទាវ ឯកអគ្គរាជទូតកម្ពុជា ប្រចាំប្រទេសចិន ។

អ្នកក្រុងវ្លាឌីវ៉ូស្តុករបស់រុស្ស៊ី មានទស្សនៈផ្សេងៗគ្នា ជុំវិញជំនួបរបស់លោក គីម ជុងអ៊ុន និងលោក ពូទីន

2023/09/14 01:00:02 pm        83
Facebook Telegram Linkin
ប្រជាជនក្រុង វ្លាឌីវ៉ូស្តុក នៅចុងបូព៌ារបស់រុស្ស៊ី បាននិយាយនៅថ្ងៃព្រហស្បតិ៍ (១៤ កញ្ញា) នេះថា ពួកគេមានអារម្មណ៍ផ្សេងៗគ្នា អំពីដំណើរទស្សនកិច្ចរបស់មេដឹកនាំកូរ៉េខាងជើងលោក គីម ជុងអ៊ុន មកកាន់ទីក្រុងរបស់ពួកគេ។ ដោយនិយាយទៅកាន់សារព័ត៌មាន រ៉យទ័រ អ្នកស្រុកម្នាក់ និងអ្នកទេសចរក្នុងស្រុកម្នាក់បាននិយាយថា កិច្ចសហប្រតិបត្តិការរវាងប្រទេសទាំងពីរ អាចជាផលប្រយោជន៍ ខណៈដែលម្នាក់ទៀតសម្តែងការសង្ស័យលើសកម្មភាពនោះ។កាលវិភាគរបស់លោក គីម សម្រាប់ដំណើរទស្សនកិច្ចទៅកាន់ទីក្រុងនេះ មិនទាន់ត្រូវបានចេញផ្សាយនៅឡើយទេ ប៉ុន្តែកាលពីថ្ងៃពុធ (១៣ កញ្ញា) លោក គីម និងប្រធានាធិបតីរុស្ស៊ី លោក វ្ល៉ាឌីមៀ ពូទីន បានទៅទស្សនាមជ្ឈមណ្ឌលអវកាស វ៉ូស្តុចឈ្នី កូសម៉ូដ្រូម ហើយបានជួបពិភាក្សាគ្នាអំពីទំនាក់ទំនងទ្វេភាគី និងការជំរុញកិច្ចសហប្រតិបត្តិការ។ក្រុមមន្ត្រីអាមេរិក និងកូរ៉េខាងត្បូង បានសម្តែងការព្រួយបារម្ភថា លោក គីម អាចផ្តល់សព្វាវុធ និងគ្រាប់រំសេវដល់រុស្ស៊ី ដែលបានចំណាយស្តុកទុកយ៉ាងច្រើននៅក្នុងជម្លោះជាង១៨ខែនៅអ៊ុយក្រែន ប៉ុន្តែទីក្រុងមូស្គូ និងក្រុងព្យុងយ៉ាង បានបដិសេធចំពោះចេតនាបែបនេះ៕

ចិនបង្ហាញផែនការសម្រាប់សមាហរណកម្មកោះតៃវ៉ាន់ ខណៈបញ្ជូននាវាទៅជុំវិញកោះស្វ័យគ្រប់គ្រង

2023/09/14 12:53:01 pm        56
Facebook Telegram Linkin
ប្រទេសចិន បានបង្ហាញផែនការដើម្បីធ្វើឲ្យកាន់តែស៊ីជម្រៅការធ្វើសមាហរណកម្មរវាងខេត្តFujian តំបន់ឆ្នេរនិងកោះតៃវ៉ាន់ស្វ័យគ្រប់គ្រង ដោយជំរុញផលប្រយោជន៍នៃកិច្ចសហប្រតិបត្តិការឆ្លងកាត់ច្រកសមុទ្រកាន់តែជិតស្និត ខណៈកំពុងបញ្ចូននាវាចម្បាំងទៅកាន់ជុំវិញកោះនោះ ក្នុងការបង្ហាញពីកម្លាំងយោធា។ បទបញ្ជាត្រូវបានចេញរួមគ្នាដោយគណៈកម្មាធិការកណ្តាលបក្សគុម្មុន្នីសចិន និងទីប្រឹក្សារដ្ឋដែលសន្យាធ្វើឲ្យខេត្ត Fujian ទៅជាតំបន់រដ្ឋបាលមួយ សម្រាប់ការអភិវឌ្ឍន៍សមាហរណកម្មជាមួយកោះតៃវ៉ាន់ និងជាទីលំនៅដំបូងសម្រាប់ពលរដ្ឋនិងពាណិជ្ជករតៃវ៉ាន់ ដើម្បីតាំងលំនៅក្នុងប្រទេសចិន។ ឯកសារដែលត្រូវបានសាទរថាជាផែនការមេនៃការអភិវឌ្ឍន៍អនាគតរបស់កោះតៃវ៉ាន់ដោយក្រុមអ្នកជំនាញចិន ដែលបានលើកឡើងក្នុងប្រព័ន្ធផ្សព្វផ្សាយរដ្ឋ កើតមានឡើងក្នុងពេលដ៏ពិបាកក្នុងទំនាក់ទំនងឆ្លងកាត់ច្រកសមុទ្រ ខណៈកោះតៃវ៉ាន់រៀបចំការបោះឆ្នោតមេដឹកនាំរបស់ខ្លួន នៅក្នុងខែមករា។ វាក៏បានកើតឡើង ខណៈប្រទេសចិន បន្តបង្កើនសម្ពាធយោធាលើកោះតៃវ៉ាន់ ជាកោះលទ្ធិប្រជាធិបតេយ្យដ៏អស្ចារ្យមានពលរដ្ឋ២៤លាននាក់ ដែលបក្សកុម្មុយនិស្ត កំពុងកាន់អំណាចរបស់ទីក្រុងប៉េកាំងអះអាងសិទ្ធិជាដែនដីរបស់ខ្លួន។ យោងតាមអាជ្ញាធរកោះតៃវ៉ាន់ បានឲ្យដឹងថា មុនពេលការចេញផ្សាយរបស់ទីក្រុងប៉េកាំងនូវផែនការសមាហរណកម្មរបស់ខ្លួន នាវាផ្ទុកយន្តហោះប្រទេសចិន និងនាវាចម្បាំងចិនជាង៤០គ្រឿង ត្រូវបានដាក់ពង្រាយ នៅក្នុងដែនទឹកជិតកោះតៃវ៉ាន់ នៅសប្តាហ៍នេះ។

សហរដ្ឋអាមេរិក និងហ្វីលីពីន មានផែនការធ្វើឲ្យប្រសើរឡើងនូវអាកាសយានដ្ឋាននិងមូលដ្ឋានទ័ពជើងទឹក នៅជិតកោះតៃវ៉ាន់

2023/09/14 12:36:40 pm        68
Facebook Telegram Linkin
សហរដ្ឋអាមេរិក និងហ្វីលីពីន កំពុងរៀបចំដើម្បីធ្វើឲ្យប្រសើរឡើងនូវអាកាសយានដ្ឋាន និងមូលដ្ឋានទ័ពជើងទឹកនៅជិតកោះតៃវ៉ាន់ ខណៈដែលសម្ព័ន្ធមិត្តសន្តិសុខទាំងពីរ បានបង្កើនជំហរការពារ ចំពេលមានភាពតានតឹងជាមួយប្រទេសចិន។ប្រទេសអាស៊ីអាគ្នេយ៍ កំពុងស្វែងរកជំនួយពីសហរដ្ឋអាមេរិកក្នុងការសាងសង់ផែ និងជួសជុលផ្លូវអាកាសនៅឯមូលដ្ឋានទ័ពជើងទឹក Camilo Osias ក្នុងខេត្តកាហ្គាយ៉ាន ( Cagayan) ភាគខាងជើង ក្នុងចំណោមទីតាំងថ្មីចំនួន៤ដែលយោធាអាមេរិក អាចចូលបាន នៅក្រោមកិច្ចព្រមព្រៀងការពារជាតិដែលបានពង្រីក ដោយបានធ្វើឲ្យទីក្រុងប៉េកាំងផ្ទុះកំហឹង។កន្លែងស្តុកប្រេងឥន្ធនៈ និងមជ្ឈមណ្ឌលត្រួតពិនិត្យ កំពុងត្រូវបានដាក់នៅក្នុងព្រលានយន្តហោះ Lal-lo របស់ប្រទេសហ្វីលីពីន នៅជិតកោះតៃវ៉ាន់ផងដែរ។ ក្រុមមន្ត្រីយោធាជាន់ខ្ពស់ដែលដឹកនាំដោយប្រធានទីបញ្ជាការឥណ្ឌូ-ប៉ាស៊ីហ្វិករបស់សហរដ្ឋអាមេរិក លោកឧត្តមនាវីឯក ចន អាគីលីណូ (John Aquilino) និងប្រធានកងកម្លាំងប្រដាប់អាវុធហ្វីលីពីន រ៉ូមេអូ ប្រាវណឺ (Romeo Brawner Jr.) បានធ្វើការត្រួតពិនិត្យទីតាំងទាំងពីរនេះ កាលពីថ្ងៃពុធ។លោកប្រាវណឺ បានថ្លែងប្រាប់អ្នកយកព័ត៌មានថា៖«យើងមិនគ្រាន់តែសម្លឹងមើលពីរបៀបដែលយើងអាចធ្វើប្រតិបត្តិការជាមួយគ្នាឲ្យកាន់តែមានប្រសិទ្ធភាពប៉ុណ្ណោះទេ ប៉ុន្តែយើងក៏កំពុងសម្លឹងមើលប្រតិបត្តិការនាពេលអនាគត ដែលយើងនឹងធ្វើផងដែរ»។«កត្តាទាំងអស់នេះ គួរតែចូលមក នៅពេលយើងសម្រេចចិត្តលើគម្រោងណាមួយ ដែលយើងពិតជានឹងបន្តនោះ»។

ប្រធានសភាអាមេរិក ប្រឈមនឹងការគំរាមកំហែងក្នុងតំណែងខ្លួន ខណៈប្រកាសបើកការស៊ើបអង្កេតលើលោក បៃដិន

2023/09/14 12:32:21 pm        68
Facebook Telegram Linkin
ប្រធានសភាអាមេរិក លោក Kevin McCarthy បានប្រឈមមុខនឹងភាពបែកបាក់នៅក្នុងក្រុមប្រឹក្សាជ្រើសតាំងកាលពីថ្ងៃពុធ (១៣ កញ្ញា) ដោយតួនាទីរបស់ខ្លួនជាសមាជិកជាន់ខ្ពស់ នៃគណបក្សសាធារណរដ្ឋនៅក្នុងសភា កំពុងស្ថិតនៅក្រោមការគំរាមកំហែងពីក្រុមស្តាំនិយម ទោះបីជាលោកផ្តល់ឱ្យអ្នកអភិរក្សនិយមដ៏រឹងរូសទាំងនោះ នូវការស៊ើបអង្កេតការចោទប្រកាន់ដើម្បីទម្លាក់តំណែងប្រធានាធិបតី ដែលពួកគេចង់បានក៏ដោយ។លោក McCarthy បានទទួលរងនូវសម្ពាធជាច្រើនសប្តាហ៍ ពីក្រុមអ្នកប្រកាន់ជំហរដ៏តឹងរឹងនៃបក្សប្រឆាំង និងសម្ព័ន្ធមិត្តរបស់អតីតប្រធានាធិបតីអាមេរិក លោកដូណាល់ ត្រាំ ដោយការបើកការស៊ើបអង្កេតជាផ្លូវការលើប្រធានាធិបតីមកពីបក្សប្រជាធិបតេយ្យ លោកចូ បៃដិន។ ការសម្រេចនោះបានធ្វើឱ្យសភាតំណាងរាស្ដ្រសាធារណៈចំនួន២០រូប បានប្រឆាំងនឹងសកម្មភាពនេះ ដោយជៀសវាងមិនធ្វើការបោះឆ្នោតសភាមួយថ្នាក់នោះទេ។ប៉ុន្តែសូម្បីតែបន្ទាប់ពីការប្រកាសបើកការស៊ើបអង្កេតនោះក៏ដោយ អ្នកតំណាងសភាម្នាក់ឈ្មោះ Matt Gaetz បានលើកឡើងម្តងទៀតនូវលទ្ធភាពនៃការបណ្តេញលោក McCarthy ចេញពីតំណែង នៅក្រោមលក្ខខណ្ឌនៃកិច្ចព្រមព្រៀង ដែលលោកបានយល់ព្រមធ្វើជាវាគ្មិន ដោយផ្តល់ឱ្យសមាជិកណាម្នាក់មានអំណាចក្នុងកោះហៅការបោះឆ្នោត សម្រាប់ការដកលោកចេញពីតំណែង។ខណៈសភាខិតជិតដល់ថ្ងៃផុតកំណត់នៅថ្ងៃទី៣០ ខែកញ្ញា ខាងមុខនេះ ដើម្បីជៀសវាងការបិទរដ្ឋាភិបាល ពេលនេះក្រុមអ្នកនយោបាយប្រកាន់ជំហររឹងត្បិតរបស់សភា កំពុងដាក់សម្ពាធលើលោក McCarthy ដើម្បីជៀសវាងការប្រើវិធានការពន្យារពេលរយៈពេលខ្លីណាមួយ ដើម្បីរក្សាទុកភ្នាក់ងារសហព័ន្ធ ដែលខកខានមិនបានរួមបញ្ចូលបទប្បញ្ញត្តិសន្តិសុខព្រំដែន និងផ្ដល់អាទិភាពដល់ក្រុមអភិរក្សផ្សេងទៀតផងដែរ៕

បណ្ដាញសង្គម

ព័ត៌មានថ្មីៗ

ឯកឧត្តមសាស្រ្តាចារ្យ ឈាង រ៉ា ចុះសំណេះសំណាលសួរសុខទុក្ខ និងចែកអំណោយជូនដល់បងប្អូនប្រជាពលរដ្ឋ ដែលជម្លៀសមកស្នាក់នៅបណ្តោះអាសន្ន នៅមណ្ឌលសុវត្ថិភាព វត្តពោធិ៍៥០០០ដើម
06/28/2025 09:06 PM
Facebook Telegram Linkin
ពលរដ្ឋ២០១គ្រួសារ នៅស្រុកពញាឮ សប្បាយចិត្ត បានចូលសមាគមអ្នកផលិតចម្លាក់ប្រាក់ស្ពាន់ ស្រួលរកទីផ្សារជាងមុន
06/28/2025 06:06 PM
Facebook Telegram Linkin
ពលករខ្មែរដែលត្រឡប់មកពីប្រទេសថៃ សម្តែងការអរគុណដល់រាជរដ្ឋាភិបាល ដែលបានផ្ដល់ឱកាសការងារដល់ពួកគាត់
06/28/2025 06:06 PM
Facebook Telegram Linkin
អ្នកនាំពាក្យ៖ សម្ដេចតេជោតែងលើកឡើងថា បើមិនចេះយុទ្ធសាស្រ្ត កុំធ្វើនយោបាយ ឬធ្វើជាអ្នកដឹកនាំ
06/28/2025 06:06 PM
Facebook Telegram Linkin
គណៈកម្មាការUN និយាយថា ប្រទេសស៊ីរី ត្រូវតែបញ្ចប់អំពើហិង្សាលើជនជាតិភាគតិច Alawites និងការពារកន្លែងគោរពបូជា
06/28/2025 05:06 PM
Facebook Telegram Linkin
ក្រុមហ៊ួទីនៅយេម៉ែន អះអាងថា ខ្លួនបានវាយប្រហារដោយមីស៊ីលលើអ៊ីស្រាអែល ប៉ុន្តែត្រូវស្ទាក់ចាប់បាន
06/28/2025 05:06 PM
Facebook Telegram Linkin
មន្ត្រី៖ ទាហាន ១៣នាក់ បានស្លាប់ ក្នុងការវាយប្រហារអត្តឃាត នៅភាគពាយ័ព្យប៉ាគីស្ថាន
06/28/2025 05:06 PM
Facebook Telegram Linkin
ក្រុមអង្គការជំនួយអន្តរជាតិ កំពុងខិតខំសម្របសម្រួលការផ្គត់ផ្គង់ជំនួយបន្ថែមទៀត ដល់ប្រជាជននៅតំបន់ហ្កាហ្សា
06/28/2025 05:06 PM
Facebook Telegram Linkin
ប្រធានរក្សាសន្តិភាពUN«ព្រួយបារម្ភខ្លាំងណាស់» អំពីអនាគតនៃកិច្ចព្រមព្រៀងបទឈប់បាញ់លីបង់និងអ៊ីស្រាអែល
06/28/2025 05:06 PM
Facebook Telegram Linkin
ឯកឧត្តម ឌិត ទីណា អញ្ជើញចុះពិនិត្យស្ថានភាពផលិតកម្មដំណាំបន្លែ និងស្តាប់នូវសំណូមពរម្ចាស់កសិដ្ឋាន នៅខេត្តបន្ទាយមានជ័យ
06/28/2025 05:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.