នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ផ្តាំទៅសារព័ត៌មានថៃថា «បើ​ឆ្កួត​សូម​ឆ្កួត​តែ​ពួក​ឯង​ចុះ» ខណៈ​សម្ដេច​ជា​មនុស្ស​ទី​ពីរ​​បន្ទាប់ពីព្រះមហាក្សត្រចាំបាច់អីទៅធ្វើជាអគ្គបញ្ជាការកងទ័ព
ឯកឧត្តម ប៉ែន បូណា៖ ដើម្បីបណ្តុះបានមនុស្សពូកែ ទាល់តែគ្រូខ្លាំង
សម្ដេចធិបតី៖ កងកម្លាំងនគរបាលជាតិដើរតួនាទី និងបំពេញភារកិច្ចសំខាន់ធានាសន្តិសុខ សុវត្ថិភាព
សម្ដេចធិបតី ហ៊ុន ម៉ាណែត អញ្ជើញប្រគល់សញ្ញាបត្រដល់ជ័យលាភីបញ្ចប់ការសិក្សានៅបណ្ឌិត្យសភានគរបាលជាតិ

នយោបាយ​ និង ការអភិវឌ្ឍន៍

អាមេនីនិយាយថា អាស៊ែបៃហ្សង់ឆ្លើយតបនឹងសំណើសន្តិភាព គម្លាតធំៗនៅតែមាន

2023/09/14 11:29:11 am        67
Facebook Telegram Linkin
ប្រទេសអាស៊ែបៃហ្សង់ បានបញ្ជូនសំណើថ្មីទៅកាន់ប្រទេសអាមេនីក្នុងការកិច្ចប្រឹងប្រែងយូរអង្វែងរបស់ពួកគេ ដើម្បីឈានដល់កិច្ចព្រមព្រៀងសន្តិភាព ប៉ុន្តែគម្លាតឆ្ងាយនៃដំណោះស្រាយ នៅតែមានរវាងភាគីទាំងពីរ។ប្រទេសអាមេនី ក៏បានដាក់សំណើររបស់ខ្លួនសុំឲ្យដកទ័ពរបស់ភាគីទាំងពីរចេញពីតំបន់ព្រំដែន។ ទីភ្នាក់ងារសារព័ត៌មាន Armenpress បានដកស្រង់សម្តីរដ្ឋមន្ត្រីការបរទេសលោក Ararat Mirzoyan ដោយនិយាយថា សំណើថ្មីរបស់អាស៊ែបៃហ្សង់ ត្រូវបានទទួលកាលពីថ្ងៃអង្គារ ដើម្បីឆ្លើយតបទៅនឹងសេចក្តីព្រាងផែនការសន្តិភាព ដែលអាមេនី បានដាក់ជូននាពេលកន្លងទៅ។លោក Mirzoyan បាននិយាយថា៖ មានដំណើរការមួយ មានការពិភាក្សា...ប៉ុន្តែខ្ញុំមានកាតព្វកិច្ច បញ្ជាក់ថា មានសំណួរសំខាន់ៗដែលលើកឡើងអំពីជំហររបស់ភាគីទាំងពីរ គឺស្ថិតនៅឆ្ងាយពីគ្នាណាស់។

ឪពុកម្តាយរបស់អ្នករាយការណ៍ព័ត៌មានអាមេរិក ដែលត្រូវបានឃុំខ្លួននៅរុស្ស៊ី ស្វែងរកជំនួយនៅUN

2023/09/14 11:24:54 am        100
Facebook Telegram Linkin
ឪពុកម្តាយរបស់អ្នកសារព័ត៌មានអាមេរិក លោកអ៊ីវ៉ាន ជឺស្កូវីក( Evan Gershkovich) បាននិយាយកាលពីថ្ងៃពុធថា ពួកគេចង់ឲ្យមេដឹកនាំពិភពលោកដែលនឹងកំណត់ពេលជួបប្រជុំគ្នានៅអង្គការសហប្រជាជាតិនៅសប្តាហ៍ក្រោយឲ្យរួមគ្នាដាក់សម្ពាធសម្រាប់ការដោះលែងលោក Gershkovich ពីពន្ធនាគារ នៅរុស្ស៊ី។ លោក Gershkovich ត្រូវបានឃុំខ្លួនកាលពីខែមីនា អំឡុងធ្វើដំណើររាយការណ៍ព័ត៌មានទៅកាន់តំបន់ភ្នំ Urals ហើយត្រូវបានចោទប្រកាន់ពីបទចារកម្ម ដែលការចោទនេះ លោក រដ្ឋាភិបាលអាមេរិក និងចៅហ្វាយនាយរបស់លោកនៃសារព័ត៌មាន the Wall Street Journal លោក vehemently បានបដិសេធ។ នៅក្នុងការឃុំខ្លួនមុនការកាត់ទោសរបស់លោកកាលពីខែសីហា ត្រូវបានពន្យាពេល៣ខែ។ ឪពុករបស់លោក លោកមីខាអ៊ីល ជឺស្កូវីក(Mikhail Gershkovich) បានប្រាប់អ្នកសារព័ត៌មាន នៅអង្គការសហប្រជជាតិ ដែលនឹងបើកមហាសន្និបាតប្រចាំឆ្នាំរបស់ខ្លួននៅប៉ុន្មានថ្ងៃខាងមុខនេះថា«យើងគ្រាន់តែចង់ឲ្យកូនប្រុស លោក Gershkovich ត្រលប់មកផ្ទះវិញ»។ លោក Mikhail Gershkovich ដោយអមជាមួយភរិយា និងកូនស្រី បាននិយាយថា នៅសប្តាហ៍ក្រោយ មេដឹកនាំពិភពលោក នឹងជួបប្រជុំគ្នានៅទីនេះ ដើម្បីពិភាក្សាបញ្ហាសំខាន់ៗជាច្រើន។ យើងជំរុញឲ្យមេដឹកនាំពិភពលោកទាំងអស់ ឈរជាមួយលោក Evan និងអ្វីដែលលោកបង្ហាញនូវសិទ្ធជាមូលដ្ឋានចំពោះសេរីភាពសារព័ត៌មាន និងសេរីភាពនៃការបញ្ចេញមតិ។ លោក បាននិយាយថា សិទ្ធទាំងនេះ គឺជាគោលការណ៏ដ៏រឹងមាំរបស់អង្គការសហប្រជាជាតិ។ ក្រុមហ៊ុន The Wall Street Journal កាលពីថ្ងៃអង្គារបាននិយាយថា គណៈកម្មាធិការរបស់អ្នកជំនាញអង្គការសហប្រជាជាតិ បានប្រកាសថាលោក Gershkovich កំពុងត្រូវបានឃុំខ្លួនយ៉ាងឃោរឃៅ។ ឯកអគ្គរដ្ឋទូតសហរដ្ឋអាមេរិកប្រចំាអង្គការសហប្រជាជាតិ លោកស្រី Linda Thomas-Greenfield បានទាមទាឲ្យដោះលែងអ្នកសារព័ត៌មានរូបនេះ និងលោក Paul Whelan និងជនជាតិអាមេរិកម្នាក់ទៀត ដែលត្រូវបានឃុំខ្លួននៅក្នុងប្រទេសរុស្ស៊ីលើបទចោទប្រកាន់ចារកម្ម។ លោកស្រី និយាយថា សហរដ្ឋអាមេរិក នឹងមិនឈប់នោះទេ រហូតដល់លោក Evan និងលោក Paul ព្រមទាំងជនជាតិអាមេរិកទាំងអស់ដែលត្រូវបានឃុំខ្លួនខុស បានមកដល់ផ្ទះ និងមានសុវត្ថិភាព។

ជប៉ុនតាមដានយ៉ាងដិតដល់នូវលទ្ធភាពការដឹកជញ្ជូនអាវុធពីកូរ៉េខាងជើង ទៅប្រទេសរុស្ស៊ី

2023/09/14 11:20:42 am        74
Facebook Telegram Linkin
លេខាទទួលបន្ទុកគណៈរដ្ឋមន្ត្រីជប៉ុនលោក Hirokazu Matsuno បានថ្លែងកាលពីថ្ងៃទី១២ ខែកញ្ញាថា រដ្ឋាភិបាលជប៉ុនតាមដានយ៉ាងដិតដល់នូវការដឹកជញ្ជូនអាវុធដ៏សំខាន់ពីកូរ៉េខាងជើងទៅកាន់ប្រទេសរុស្ស៊ី។ឆ្លើយតបទៅនឹងសំណួររបស់ក្រុមអ្នកសារព័ត៌មាន លោក Matsuno បាននិយាយថា ការផ្តល់អាវុធដល់ប្រទេសរុស្ស៊ី នឹងជាការរំលោភលើសេចក្តីសម្រេចរបស់ក្រុមប្រឹក្សាសន្តិសុខអង្គការសហប្រជាជាតិ ដែលហាមឃាត់រាល់កិច្ចព្រមព្រៀងជាមួយកូរ៉េខាងជើងទាក់ទងនឹងអាវុធ និងធាតុផ្សំរបស់ពួកវា។ លោកបានបន្ថែមថា ទីក្រុងតូក្យូមានការព្រួយបារម្ភអំពីផលប៉ះពាល់ដ៏ធ្ងន់ធ្ងរនៃសកម្មភាពនេះទៅលើការឈ្លានពានរបស់រុស្ស៊ីនៅអ៊ុយក្រែន។លោកក៏បានបញ្ជាក់ផងដែរថា រដ្ឋាភិបាលជប៉ុន នឹងបន្តប្រមូលផ្តុំនិងវិភាគលើព័ត៌មានចារកម្ម និងសម្របសម្រួលសកម្មភាពជាមួយសហរដ្ឋអាមេរិក កូរ៉េខាងត្បូង និងសមាជិកសហគមន៍អន្តរជាតិដទៃទៀត។មន្ត្រីរូបនេះ បានសង្កត់ធ្ងន់ថា ប្រទេសជប៉ុននិងដៃគូរបស់ខ្លួននឹងស្វែងរកការអនុវត្តពេញលេញនូវដំណោះស្រាយដែលពាក់ព័ន្ធរបស់ក្រុមប្រឹក្សាសន្តិសុខអង្គការសហប្រជាជាតិ។

ប្រធានាធិបតីរុស្ស៊ី ទទួលយកការអញ្ជើញរបស់មេដឹកនាំកូរ៉េខាងជើង ទៅកាន់ទីក្រុងព្យុងយ៉ាង

2023/09/14 11:03:25 am        81
Facebook Telegram Linkin
ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃព្រហស្បតិ៍ (១៤ កញ្ញា) នេះថា មេដឹកនាំកូរ៉េខាងជើងលោក គីម ជុងអ៊ុន បានអញ្ជើញប្រធានាធិបតីរុស្ស៊ី លោក វ្ល៉ាឌីមៀ ពូទីន ទៅកាន់ប្រទេសរបស់ខ្លួនក្នុងអំឡុងពេលកិច្ចពិភាក្សារបស់ពួកគេនៅក្នុងប្រទេសរុស្ស៊ី ដោយលោក គីម រំពឹងថា នឹងបន្តដំណើររបស់ខ្លួនជាមួយនឹងទស្សនកិច្ចទៅកាន់ទីតាំងផលិតគ្រឿងយុទ្ធោបករណ៍សម្រាប់យោធាផងដែរ។ទីភ្នាក់ងារសារព៍ត៌មាន KRT គ្រប់គ្រងដោយរដ្ឋបាននិយាយថា លោក ពូទីន បានទទួលយកការអញ្ជើញនេះ ដោយមិនបានបញ្ជាក់ថា ពេលណាដំណើរទស្សនកិច្ចនោះអាចនឹងកើតឡើងនោះទេ។ លោក គីម បានទៅដល់តំបន់ចុងបូព៌ារបស់រុស្សី កាលពីព្រឹកថ្ងៃអង្គារ (១២ កញ្ញា) តាមរថភ្លើងពិសេស ហើយបន្តទៅភាគខាងជើងរបស់រុស្ស៊ី សម្រាប់កិច្ចប្រជុំកំពូលជាមួយលោក ពូទីន នៅឯមូលដ្ឋានបាញ់បង្ហោះរ៉ូកែតអវកាសទំនើប កូស្មូដ្រូម របស់រុស្ស៊ី។លោក គីម ត្រូវបានគេរាយការណ៍ដោយសង្ខេប អំពីព័ត៌មានលម្អិតទាក់ទងនឹងបច្ចេកទេសនៃយានអវកាសរបស់រុស្ស៊ី ក្នុងអំឡុងពេលដំណើរទស្សនកិច្ចរបស់លោកទៅកាន់ មូលដ្ឋាន កូស្មូដ្រូម ប៉ុន្តែមិនមានការលើកឡើងអំពីការផ្គត់ផ្គង់អាវុធ ការជួញដូរអាវុធ ឬជំនួយបច្ចេកទេសលើកម្មវិធីអាវុធនោះទេ៕

ប្រទេសវ៉េណេហ្ស៊ុយអេឡា បោះជំហានកាន់តែជ្រៅក្រោមឥទ្ធិពលរបស់ចិន និងដាក់សម្ពាធលើអាមេរិក

2023/09/14 10:59:57 am        107
Facebook Telegram Linkin
ប្រទេសចិន និងវ៉េណេហ្ស៊ុយអេឡា បានប្រកាសថាប្រទេសទាំង២គ្រោងបង្កើនទំនាក់ទំនាក់ឲ្យកាន់តែស៊ីជម្រៅបន្ថែមទៀត បន្ទាប់ពីជំនួបរវាងលោកប្រធានាធិបតី ម៉ាឌូរ៉ូ (Maduro)និងលោកប្រធានាធិបតីចិន Xi Jin Beijing។ មេដឹកនាំចិនបាននិយាយថា ប្រទេសទាំងពីរនឹងមានអ្វីដែលលោកបានហៅថា "ភាពជាដៃគូយុទ្ធសាស្ត្រគ្រប់ស្ថានភាពទាំងអស់ "ជាឋានៈខ្ពស់បំផុតទីពីរនៃឋានៈការទូតពហុកម្រិតរបស់ចិន ដែលបម្រុងទុកសម្រាប់ប្រទេសសម្ព័ន្ធមិត្តជិតស្និទ្ធ រួមទាំងប៉ាគីស្ថាន និងបេឡារុស។ យោងតាមប្រព័ន្ធផ្សព្វផ្សាយរដ្ឋរបស់ចិន មេដឹកនាំទាំងពីរបានចុះហត្ថលេខាលើកិច្ចព្រមព្រៀងសហប្រតិបត្តិការជាច្រើនដែលគ្របដណ្តប់លើវិស័យនានា រួមទាំងសេដ្ឋកិច្ច ពាណិជ្ជកម្ម និងទេសចរណ៍ បន្ទាប់ពីកិច្ចពិភាក្សានេះ។ព័ត៌មានលម្អិតនៃកិច្ចព្រមព្រៀងទាំងនោះនៅមានតិចតួចនៅឡើយ ប៉ុន្តែរាប់បញ្ចូលទាំងការវិនិយោគរបស់ចិនក្នុងការកែលម្អហេដ្ឋារចនាសម្ព័ន្ធដែលស្ថិតក្រោមការថែទាំរបស់ប្រទេសវ៉េណេហ្ស៊ុយអេឡា ជាពិសេសផ្នែកផលិតអគ្គិសនី និងការផ្គត់ផ្គង់ទឹក និងគម្រោងប្រេងរួមគ្នា។ប្រទេសវ៉េណេហ្ស៊ុយអេឡា ក៏ជាប្រទេសនៅតំបន់អាមេរិកឡាទីនដំបូងគេ ផងដែរ ដែលនឹងចូលរួមក្នុងស្ថានីយអវកាសសា្រវជ្រាវភពព្រះចន្ទអន្តរជាតិរបស់ចិន ជាគម្រោងមានរយៈពេលយូរ ដែលនឹងសិក្សាអំពីភពព្រះចន្ទ៕

សភាអឺរ៉ុបទទួលស្គាល់លោក Lukashenkoថា ជាអ្នកសមគំនិតក្នុងអំពើឧក្រិដ្ឋកម្មរបស់រុស្ស៊ី

2023/09/14 10:38:51 am        84
Facebook Telegram Linkin
នៅក្នុងរបាយការណ៍របស់ខ្លួន«ស្តីពីទំនាក់ទំនងជាមួយប្រទេសបេឡារុស» សភាអឺរ៉ុបបានទទួលស្គាល់ប្រធានាធិបតីបេឡារុស លោក អាឡិចសាន់ឌឺ លូកាសិនកូ (Alexander Lukashenko) ដែលប្រកាសខ្លួនឯងថា ជាអ្នកសមគំនិតក្នុងអំពើឧក្រិដ្ឋកម្ម ដែលប្រព្រឹត្តដោយសហព័ន្ធរុស្ស៊ីនៅអ៊ុយក្រែន ជាពិសេសក្នុងការនិរទេសកុមារ។ជាពិសេស របាយការណ៍នេះ បញ្ជាក់ថា អាជ្ញាធរបេឡារុស បានចូលរួមនៅក្នុងការផ្សព្វផ្សាយរបស់ប្រទេសរុស្ស៊ីអំពីពាក្យសម្តីឲ្យមានការស្អប់ខ្ពើម ការផ្សព្វផ្សាយព័ត៌មានមិនពិត និងការឃោសនា ដែលបានបញ្ជាក់ពីវោហាស័ព្ទចូលចិត្តសង្គ្រាមរបស់ទីក្រុងម៉ូស្គូ។សភាសហភាពអឺរ៉ុប បានថ្កោលទោសប្រទេសបេឡារុសចំពោះការជួយរុស្ស៊ីក្នុងសង្គ្រាមប្រឆាំងនឹងអ៊ុយក្រែន និងការបណ្តេញកុមារអ៊ុយក្រែនដោយបង្ខំពីទឹកដីកាន់កាប់របស់អ៊ុយក្រែនទៅកាន់ប្រទេសបេឡារុស ឬតាមរយៈទឹកដីរបស់ខ្លួន ទៅកាន់អ្វីដែលគេហៅថាជំរំកម្សាន្ត ដែលពួកគេត្រូវទទួលរងនូវការបង្ខិតបង្ខំឲ្យទទទួលយកវប្បធម៌រុស្ស៊ី។យោងតាមទិន្នន័យដែលបានបង្ហាញនៅក្នុងរបាយការណ៍នេះ កុមារជាង ២.១៥០នាក់ត្រូវបាននាំយកទៅប្រទេសបេឡារុស។សភាអឺរ៉ុបបានវាយតម្លៃសកម្មភាពរបស់របបលោកលូកាសិនកូថា ជាអំពើឧក្រិដ្ឋកម្មប្រឆាំងមនុស្សជាតិស្របតាមលក្ខន្តិកៈទីក្រុងរ៉ូមរបស់តុលាការឧក្រិដ្ឋកម្មអន្តរជាតិ។

យន្តហោះ,សម្ភារពេទ្យរបស់ចិនបានដឹកដល់ខ្មែរនាព្រឹកនេះ ដើម្បីត្រៀមធ្វើសមយុទ្ធជាមួយកងទ័ពកម្ពុជា

2023/09/14 10:29:32 am        433
Facebook Telegram Linkin
ភ្នំពេញ៖ យន្តហោះសុខាភិបាល សិក្ខាកាមជាយោធិន និងសម្ភារពេទ្យជាច្រើនទៀត​របស់កងទ័ពរំដោះប្រជាជនចិន ​បានដឹកមកដល់ប្រទេសកម្ពុជាហើយ នៅព្រឹកថ្ងៃទី១៤ ខែកញ្ញា ឆ្នាំ២០២៣នេះ ​ដើម្បីត្រៀមធ្វើសមយុទ្ធសុខាភិបាលយោធាជាមួយកងទ័ពកម្ពុជា ដែល​មានឈ្នោះថា «ទេវតាសន្តិភាព-ឆ្នាំ២០២៣»រយៈពេល១៣ថ្ងៃ គឺចាប់ពីថ្ងៃទី១៤ ដល់ថ្ងៃទី២៦ ខែកញ្ញា ឆ្នាំ២០២៣នេះ នៅរាជធានីភ្នំពេញ និងខេត្តសៀមរាប។សូមបញ្ជាក់ការធ្វើសមយុទ្ធរួមគ្នារវាងកងទ័ពកម្ពុជា និងចិននេះ គឺដើម្បីអបអរសាទរខួបលើក​ទី៦៥ឆ្នាំ​ នៃការបង្កើតចំណងការទូតរវាងកម្ពុជា-ចិន ដើម្បីលើកកម្ពស់សមត្ថភាព,ការផ្លាស់ប្តូរបទពិសោធន៍ក្នុងកិច្ចសហប្រតិបត្តិការផ្នែកសុខាភិបាល, ប្រតិបត្តិការសង្រ្គោះគ្រោះមហន្តរាយ និងជំងឺឆ្លងផ្សេងៗឲ្យ​ប្រកប​ដោយ​ប្រសិទ្ធភាពជាដើម។សមយុទ្ធរវាងកងទ័ពកម្ពុជា-ចិន​ជាលើកដំបូងផ្នែកសុខាភិបាលនេះ ​ភាគីទាំងពីរ​បានកំណត់យក​ប្រធាន​បទ«ប្រតិបត្តិការសង្គ្រោះសុខាភិបាល ​មនុស្សធម៌​អន្តរជាតិរួមគ្នា ​នៅតំបន់គ្រោះមហន្តរាយ ខ្យល់ព្យុះ និងទឹកជំនន់ធ្ងន់ធ្ងរ»ជាដើម។សមយុទ្ធនេះនឹងធ្វើនៅទីតាំងផ្សេងគ្នា ដោយក្នុងនោះនៅទីកន្លែងបញ្ជាការដ្ឋានទ័ពពិសេស កងទ័ព​ជើងគោក(អតីតកងពលតូច 911) នៅមន្ទីរពេទ្យព្រះកេតុមាលា​ នៅព្រលានយន្តហោះយោធា និងនៅមន្ទីរពេទ្យយោធភូមិភាគទី៤ ​ខេត្តសៀមរាប។ក្រៅពីធ្វើសមយុទ្ធសុខាភិបាលរួមគ្នាជាមួយកងទ័ពកម្ពុជានោះ ​កងទ័ពរំដោះប្រជាជនចិនក៏នឹង មាន​គម្រោងធ្វើកិច្ចការមនុស្សធម៌​ដល់បងប្អូនប្រជាពលរដ្ឋខ្មែរផងដែរ ​ដោយកិច្ចការមនុស្សធម៌​នេះ​នឹងចុះព្យាបាលជំងឺដល់បងប្អូនប្រជាពលរដ្ឋដោយឥតគិតថ្លៃ នៅមន្ទីរពេទ្យព្រះកេតុមាលា រាជធានីភ្នំពេញ ​និងនៅមន្ទីរពេទ្យយោធភូមិភាគទី៤ ​ខេត្តសៀមរាប៕អត្ថបទបាន ចក់

រដ្ឋសភាបន្តសម័យប្រជុំលើកទី១ នីតិកាលទី៧ ដើម្បីអនុម័តសេចក្តីព្រាងច្បាប់ចំនួន ២

2023/09/14 10:12:32 am        184
Facebook Telegram Linkin
រដ្ឋសភានៃព្រះរាជាណាចក្រកម្ពុជា បានបន្តសម័យប្រជុំរដ្ឋសភាលើកទី១ នីតិកាលទី៧ ក្រោម​អធិបតី​ភាពដ៏ខ្ពង់ខ្ពស់ សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភា ​នៃ​ព្រះរាជាណា​ចក្រកម្ពុជា នាព្រឹកថ្ងៃព្រហស្បតិ៍ ទី១៤ ខែកញ្ញា ឆ្នាំ២០២៣ នៅវិមានរដ្ឋសភា ដោយ​មានវត្តមានសមាជិកសមាជិការដ្ឋសភា ពេលចាប់ផ្តើមសម័យប្រជុំ ចំនួន ១១០រូប។របៀបវារៈនៃការបន្តសម័យប្រជុំលើកទី១ នីតិកាលទី៧ នាពេលនេះ មានចំនួន២ គឺ៖ ១- ការពិភាក្សា និងអនុម័តសេចក្តីព្រាងច្បាប់ស្តីពី ការបង្កើតក្រសួងអធិការកិច្ច ២- ការពិភាក្សា និងអនុម័តសេចក្តីព្រាងច្បាប់ស្តីពី ការបង្កើតរដ្ឋលេខាធិការដ្ឋានកិច្ចការព្រំដែន។ចំពោះលទ្ធផល នៃការបន្តសម័យប្រជុំលើកទី១ នីតិកាលទី៧ នាថ្ងៃទី១៤ ខែកញ្ញា ឆ្នាំ២០២៣នេះ នឹងផ្សព្វផ្សាយជូន នៅពេលបញ្ចប់កិច្ចប្រជុំ៕

សម្តេចធិបតី ហ៊ុន ម៉ាណែត និងលោកជំទាវ ដឹកនាំគណៈប្រតិភូជាន់ខ្ពស់ អញ្ជើញបំពេញទស្សនកិច្ចជាផ្លូវការទៅកាន់ប្រទេសចិន

2023/09/14 09:31:01 am        152
Facebook Telegram Linkin
ភ្នំពេញ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីកម្ពុជា និងលោកជំទាវ ពេជ ចន្ទមុន្នី ហ៊ុនម៉ាណែត នៅថ្ងៃទី ១៤ កញ្ញានេះ​បានដឹកនាំគណៈប្រតិភូជាន់ខ្ពស់អញ្ជើញ​បំពេញ​ទស្សន​កិច្ចផ្លូវការនៅប្រទេសចិន ពីថ្ងៃទី១៤ ដល់ថ្ងៃទី១៦ ខែកញ្ញា ឆ្នាំ២០២៣។ នេះ​ជា​ដំណើរ​ទស្សនកិច្ច​លើកដំបូងរបស់សម្តេចធិបតី តបតាមការអញ្ជើញរបស់ លោក លី ឈាង នាយករដ្ឋមន្ត្រី​ចិន។ ក្នុងដំណើរទស្សនកិច្ចលើកទី១នៅចិននៅពេលនេះ សម្ដេចធិបតី ហ៊ុន ម៉ាណែត នឹង​ជួប​ពិភាក្សា​ការងារ​ជាមួយ​ថ្នាក់​ដឹក​នាំជាន់ខ្ពស់ចិនជាច្រើនដោយក្នុងនោះមានជាអាទិ៍៖​ លោក ស៊ី ជីនពីង ប្រធានាធិបតីចិន និង លោក ចាវ ឡឺជី ប្រធានសភាតំណាងប្រជាជនចិន។បើតាមក្រសួងការបរទេសកម្ពុជា កិច្ចពិភាក្សានោះនឹងផ្លាស់ប្តូរទស្សនៈលើ ប្រធានបទមួយចំនួន រួម​មាន​ការកសាងសហគមន៍វាសនារួមកម្ពុជា-ចិន ក្នុងយុគសម័យថ្មី ការជំរុញ បន្ថែមនូវកិច្ច​សហប្រតិបត្តិការ​ត្បូង​ពេជ្រ ទិសដៅយុទ្ធសាស្ត្រសម្រាប់ទំនាក់ទំនងកម្ពុជា-ចិន ព្រម ទាំង​កិច្ច​ការ​តំបន់​ និងអន្តរជាតិដែលផ្តល់ផលប្រយោជន៍រួម។ជាមួយគ្នានោះសម្ដេច ហ៊ុន ម៉ាណែត នឹងជួបពិភាក្សាទ្វេភាគីជាមួយ លោក លី ឈាង អំពីកិច្ច សហ​ប្រតិបត្តិការទ្វេភាគី និងពហុភាគីរវាងប្រទេសទាំងពីរ នឹងធ្វើជា​អធិបតី​ក្នុង​ពិធី​ចុះហត្ថ​លេខា​លើ​ឯកសារ​សហប្រតិបត្តិការមួយចំនួន ដើម្បីពង្រឹង​បន្ថែម​ទៀត​នូវ​ភាពជាដៃគូ​យុទ្ធ​សាស្ត្រ​គ្រប់​ជ្រុ​ង​ជ្រោយ​នៃកិច្ចសហ ប្រតិបត្តិការរវាងប្រទេសទាំងពីរ។គួរបញ្ជាក់ថា ដំណើរទស្សនកិច្ចនេះនឹងពង្រីកក្របខ័ណ្ឌកិច្ចសហប្រតិបត្តិកាតត្បូងពេជ្រ និង​ជំរុញ​កិច្ចសហការលើវិស័យជាច្រើន ក្នុងវេទិកាតំបន់និងអន្តរជាតិនានា ដែលផ្តល់​ផល​ប្រយោជន៍​ទៅ​វិញ​ទៅម​កសម្រាប់ប្រទេស និងប្រជាជនទាំងពីរ៕

កំណាត់ផ្លូវជាតិលេខ៥ ភាគខាងត្បូងសម្រេចលទ្ធផលស្ថាបនាបានជាង ៩០%ហើយ

2023/09/14 08:52:24 am        1379
Facebook Telegram Linkin
គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ ភាគខាងត្បូង បច្ចុប្បន្ន​សម្រេច​លទ្ធផល​បាន​ជាង​៩០%​ហើយ ខណៈដែលគម្រោងស្ថាបនាស្ពានវាងក្រុងពោធិ៍សាត់ ដែល​ជា​ស្ពាន​ធំ​មាន​រហូត​ដល់​ទៅ ៤គន្លង កំពុងត្រូវបានយកចិត្តទុកដាក់ពន្លឿនការស្ថាបនា។គម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ ភាគខាងត្បូង មក​ដល់​បច្ចុប្បន្ន​នេះស​ម្រេច​លទ្ធផល​បានជាង​៩០%​ហើយ ខណៈដែលគម្រោងស្ថាបនាស្ពានវាងក្រុងពោធិ៍សាត់ ដែល​ជា​ស្ពាន​ធំ​មាន​រហូតដល់ទៅ ៤គន្លង គឺ២គន្លងទៅ និង២គន្លងមក កំពុងត្រូវ​បាន​យក​ចិត្ត​ទុក​ដាក់​ពន្លឿន​ការ​ស្ថាបនា ដោយរំពឹងថានឹងរួចរាល់ដំណាលគ្នា ជាមួយនឹងគម្រោងពង្រីក និងលើក​កម្រិត​កំណាត់​ផ្លូវជាតិលេខ៥ខាងលើ ដើម្បីសម្រួល​ដល់​ការ​ធ្វើ​ចរាចរណ៍​របស់​បងប្អូន​ប្រជា​ពលរដ្ឋ និងទេសចរណ៍ ពិសេសកាត់បន្ថយការកកស្ទះនៅទីប្រជុំជនក្រុងពោធិ៍សាត់។នេះគឺជាលទ្ធផលដែលត្រូវបានលើកឡើងនាបេសសកកម្មការងាររបស់ ឯកឧត្តម ប៉េង ពោធិ៍នា រដ្ឋ​មន្ត្រី​ក្រសួងសាធារណការ និងដឹកជញ្ជូន កាលពីថ្ងៃទី១៣ ខែកញ្ញា ឆ្នាំ២០២៣ ដែលបាន​ដឹក​នាំ​គណៈ​ប្រតិភូ​ក្រសួងចុះត្រួតពិនិត្យគម្រោងកែលម្អបរិស្ថាន និងសណ្តាប់ធ្នាប់​លើ​ដី​ចំណី​ផ្លូវ​មុខ​សាលា​រៀន​ជ្រៃបាក់ ក្នុងខេត្តកំពង់ឆ្នាំង ដែលជា​គម្រោង​សាកល្បង​របស់​ទីភ្នាក់​ងារ​សហប្រតិបត្តិការ​អន្តរជាតិជប៉ុន ប្រចាំនៅកម្ពុជា ដែលហៅថា JICA បានបញ្ចប់ការ​សាង​សង់​ក្នុង​ឆ្នាំ​២០១៩។ ការបំពេញបេសសកកម្មការងារតាមខ្សែផ្លូវជាតិលេខ៥នេះ ឯកឧត្តមរដ្ឋមន្ត្រី និង​គណៈ​ប្រតិភូអមដំណើរ បានចុះពិនិត្យគម្រោងធ្វើឱ្យប្រសើរឡើងវិញកំណាត់ផ្លូវជាតិលេខ៥ ភាគខាងត្បូង ព្រែកក្តាម-ធ្លាម្អមនិងគម្រោងស្ថាបនាស្ពានវាងក្រុងពោធិ៍សាត់ ខេត្ត​ពោធិ៍សាត់​ផង​ដែរ​។​គម្រោងធ្វើឱ្យប្រសើរឡើងផ្លូវជាតិលេខ៥នេះ នឹងផ្តល់អត្ថប្រយោជន៍យ៉ាងធំធេងដូចជា អាច​បង្កើន​ការ​នាំ​ចេញនាំចូល និងជាផ្លូវមួយ​ប្រកប​ដោយ​សក្តានុពល​ខ្ពស់​សម្រាប់​បម្រើ​វិស័យ​សេដ្ឋកិច្ច​កម្ពុជា​ ពិសេសអាចកាត់បន្ថយគ្រោះថ្នាក់ និងការកកស្ទះចរាចរណ៍បានយ៉ាងច្រើន។ លើស​ពីនេះទៅទៀត ប្រជាពលរដ្ឋតាមដងផ្លូវនេះ នឹងមាន​ជីវភាព​កាន់​តែ​ល្អ​ប្រសើរ​តាមរយៈ​កំណើន​នៃ​ការ​អភិវឌ្ឍ វិនិយោគ និងទេសចរណ៍។សូមជម្រាបថា គម្រោងធ្វើឱ្យប្រសើរឡើងផ្លូវជាតិលេខ៥ គឺជាផ្លូវអាស៊ានហាយវេលេខ១ ដែល​មាន​ប្រវែង​ផ្លូវ ៣៦៦គីឡូម៉ែត្រ ឆ្លងកាត់ខេត្តកណ្តាល កំពង់ឆ្នាំង ពោធិ៍សាត់ បាត់ដំបង និង​បន្ទាយ​មានជ័យ។ ការស្ថាបនាផ្លូវជាតិលេខ៥ បានបែងចែកចេញជា ៣កំណាត់ គឺកំណាត់ទី១ ភាគ​ខាងជើង បាត់ដំបង-សិរីសោភ័ណ កំណាត់ទី២ ភាគខាងត្បូង ព្រែកក្តាម-ធ្លាម្អម និង​កំណាត់​ទី៣ ភាគកណ្តាល ធ្លាម្អម-បាត់ដំបង និងសិរីសោភ័ណ-ប៉ោយប៉ែត ដោយ​ស្ថាបនា​ជា​ផ្លូវ​បេតុង​កៅស៊ូ ​AC មានទំហំទឹកប្រាក់គម្រោងប្រមាណ ៥០០លានដុល្លារសហរដ្ឋអាមេរិក៕ អត្ថបទ៖ ប្រាក់ វ៉ាន់ដា

បណ្ដាញសង្គម

ព័ត៌មានថ្មីៗ

ឯកឧត្តមសាស្រ្តាចារ្យ ឈាង រ៉ា ចុះសំណេះសំណាលសួរសុខទុក្ខ និងចែកអំណោយជូនដល់បងប្អូនប្រជាពលរដ្ឋ ដែលជម្លៀសមកស្នាក់នៅបណ្តោះអាសន្ន នៅមណ្ឌលសុវត្ថិភាព វត្តពោធិ៍៥០០០ដើម
06/28/2025 09:06 PM
Facebook Telegram Linkin
ពលរដ្ឋ២០១គ្រួសារ នៅស្រុកពញាឮ សប្បាយចិត្ត បានចូលសមាគមអ្នកផលិតចម្លាក់ប្រាក់ស្ពាន់ ស្រួលរកទីផ្សារជាងមុន
06/28/2025 06:06 PM
Facebook Telegram Linkin
ពលករខ្មែរដែលត្រឡប់មកពីប្រទេសថៃ សម្តែងការអរគុណដល់រាជរដ្ឋាភិបាល ដែលបានផ្ដល់ឱកាសការងារដល់ពួកគាត់
06/28/2025 06:06 PM
Facebook Telegram Linkin
អ្នកនាំពាក្យ៖ សម្ដេចតេជោតែងលើកឡើងថា បើមិនចេះយុទ្ធសាស្រ្ត កុំធ្វើនយោបាយ ឬធ្វើជាអ្នកដឹកនាំ
06/28/2025 06:06 PM
Facebook Telegram Linkin
គណៈកម្មាការUN និយាយថា ប្រទេសស៊ីរី ត្រូវតែបញ្ចប់អំពើហិង្សាលើជនជាតិភាគតិច Alawites និងការពារកន្លែងគោរពបូជា
06/28/2025 05:06 PM
Facebook Telegram Linkin
ក្រុមហ៊ួទីនៅយេម៉ែន អះអាងថា ខ្លួនបានវាយប្រហារដោយមីស៊ីលលើអ៊ីស្រាអែល ប៉ុន្តែត្រូវស្ទាក់ចាប់បាន
06/28/2025 05:06 PM
Facebook Telegram Linkin
មន្ត្រី៖ ទាហាន ១៣នាក់ បានស្លាប់ ក្នុងការវាយប្រហារអត្តឃាត នៅភាគពាយ័ព្យប៉ាគីស្ថាន
06/28/2025 05:06 PM
Facebook Telegram Linkin
ក្រុមអង្គការជំនួយអន្តរជាតិ កំពុងខិតខំសម្របសម្រួលការផ្គត់ផ្គង់ជំនួយបន្ថែមទៀត ដល់ប្រជាជននៅតំបន់ហ្កាហ្សា
06/28/2025 05:06 PM
Facebook Telegram Linkin
ប្រធានរក្សាសន្តិភាពUN«ព្រួយបារម្ភខ្លាំងណាស់» អំពីអនាគតនៃកិច្ចព្រមព្រៀងបទឈប់បាញ់លីបង់និងអ៊ីស្រាអែល
06/28/2025 05:06 PM
Facebook Telegram Linkin
ឯកឧត្តម ឌិត ទីណា អញ្ជើញចុះពិនិត្យស្ថានភាពផលិតកម្មដំណាំបន្លែ និងស្តាប់នូវសំណូមពរម្ចាស់កសិដ្ឋាន នៅខេត្តបន្ទាយមានជ័យ
06/28/2025 05:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.