នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចតេជោ ផ្តាំទៅសារព័ត៌មានថៃថា «បើ​ឆ្កួត​សូម​ឆ្កួត​តែ​ពួក​ឯង​ចុះ» ខណៈ​សម្ដេច​ជា​មនុស្ស​ទី​ពីរ​​បន្ទាប់ពីព្រះមហាក្សត្រចាំបាច់អីទៅធ្វើជាអគ្គបញ្ជាការកងទ័ព
ឯកឧត្តម ប៉ែន បូណា៖ ដើម្បីបណ្តុះបានមនុស្សពូកែ ទាល់តែគ្រូខ្លាំង
សម្ដេចធិបតី៖ កងកម្លាំងនគរបាលជាតិដើរតួនាទី និងបំពេញភារកិច្ចសំខាន់ធានាសន្តិសុខ សុវត្ថិភាព
សម្ដេចធិបតី ហ៊ុន ម៉ាណែត អញ្ជើញប្រគល់សញ្ញាបត្រដល់ជ័យលាភីបញ្ចប់ការសិក្សានៅបណ្ឌិត្យសភានគរបាលជាតិ

នយោបាយ​ និង ការអភិវឌ្ឍន៍

រាជរដ្ឋាភិបាល បានដាក់ចេញគោលការណ៍៧ចំណុច ដើម្បីលើកកម្ពស់សុវត្ថិភាព និងសុខភាពការងារដល់កម្មករ

2023/09/13 03:48:20 pm        158
Facebook Telegram Linkin
ភ្នំពេញ៖ រដ្ឋាភិបាលកម្ពុជាដែលមានក្រសួងការងារ និងបណ្តុះបណ្តាលវិជ្ជាជីវៈជាសេនាធិការ បានដាក់ចេញគោលការណ៍៧ចំណុច ដើម្បីលើកកម្ពស់លក្ខខណ្ឌសុវត្ថិភាព និង សុខភាពការងារដល់កម្មករនិយោជិត។គោលការណ៍៧ចំណុចសំខាន់ៗ ដែលរដ្ឋាភិបាលបានអនុវត្ត​ខ្ជាប់ខ្ជួន​រួមមាន៖ ទី១. ការតម្រូវឲ្យមានសេវាសង្គ្រោះបឋមនៅកន្លែងធ្វើការឱ្យបាន៨៥.៥% នៃរោងចក្រដែលចុះបញ្ជីនៅក្រសួង។ទី២.ការរៀបចំទិវាពិភពលោកដើម្បីសុវត្ថិភាព និង សុខភាពការងារជារៀងរាល់ឆ្នាំ ។ ទី៣.ការដាក់ឲ្យអនុវត្ត« គោលការណ៍ប្រតិបត្តិស្តង់ដា ស្តីពីការដំណើរការ និងការគ្រប់គ្រងរោងចក្រ សហគ្រាសតាមគន្លងប្រក្រតីភាពថ្មី​ក្នុង​បរិបទនៃជំងឺកូវិដ-១៩។ទី៤.ក្រសួងការងារ ​បានបណ្តុះបណ្តាលគ្រូបង្គោលស្តីពីសុវត្ថិភាព និង សុខភាពការងារតាមបណ្តាមន្ទីរការងារ ​និងបណ្តុះបណ្តាលវិជ្ជាជីវៈ។ ទី៥.គឺការ​បណ្តុះបណ្តាល​ស្តីពីសុវត្ថិភាព ​និង​សុខភាព​ការងារ និង វិជ្ជា​សង្រ្គោះ​តាម​រោងចក្រ​សហគ្រាសផងដែរ ។ទី៦.ក្រសួងការងារបានបណ្តុះបណ្តាលស្តីពីមូលដ្ឋានគ្រឹះសុវត្ថិភាព ​និង សុខភាពការងារ​ដល់​គ្រូពេទ្យ​សហគ្រាស និងបុគ្គលិកទទួលបន្ទុកផ្នែក​ សុវត្ថិភាព និង​ សុខភាពការងារប្រចាំរោងចក្រ សហគ្រាស។ និងទី៧ គឺការបណ្តុះបណ្តាលស្តីពីការរក្សាអនាម័យ ​និង វិធាន​ការការពារជំងឺ​ផ្តាសាយ ​ដល់មន្រ្តីតាមមន្ទីរ ក.ប. រាជធានី-ខេត្ត​ និងដល់​កម្មករនិយោជិត ។ ​វិធានការទាំង៧នេះ គឺជាវិធានការដើម្បីលើកកម្ពស់​កម្ពស់​លក្ខខណ្ឌ​សុវត្ថិភាព ​និង សុខភាព​ការងារ​ដល់កម្មករ​ដែលជា​ចំណុចអាទិភាពស្នូល​មួយរបស់រាជរដ្ឋាភិបាលកម្ពុជា​តាំង​ពី​អាណត្តិមុនៗ រហូតដល់​អាណត្តិទី៧នេះ។សូមជម្រាបថា​ យោងតាមរបាយការណ៍របស់អង្គការអន្តរជាតិ​ខាងការងារ (ILO) បាន​បង្ហាញឱ្យឃើញថា ក្នុង១ឆ្នាំនៅទូទាំងពិភពលោកមានអ្នកស្លាប់ប្រមាណ ២,៣លាននាក់ ដោយសារគ្រោះថ្នាក់ការងារ ​និងប្រមាណ៦ពាន់នាក់ ​ដោយសារជំងឺវិជ្ជាជីវៈនៅកន្លែងធ្វើការ។ ដោយឡែក ​នៅប្រទេសកម្ពុជា យោងតាមរបាយការណ៍​លទ្ធផលអង្កេត​ហានិភ័យ​ការងារ​តាមប្រភេទ​គ្រោះថ្នាក់របស់បេឡាជាតិសន្តិសុខសង្គមនៃក្រសួងការងារ​ និងបណ្ដុះបណ្ដាលវិជ្ជាជីវៈ បាន​បង្ហាញឱ្យឃើញថា ​ចំនួនអ្នករងគ្រោះដោយសារគ្រោះថ្នាក់ការងារក្នុងឆ្នាំ២០២២ ​កើនឡើង ២៩.២៨% ​បើប្រៀបធៀបនឹងឆ្នាំ២០២១ សរុប​ចំនួន ១៤.៧៤២នាក់ ​(ស្រី​ចំនួន ៧.៩២៣នាក់) ក្នុងនោះរួមមានគ្រោះថ្នាក់នៅកន្លែងធ្វើការចំនួន ​៧,៣៤២នាក់ (ស្រីចំនួន ៣,៥៩៧នាក់), គ្រោះថ្នាក់​ពេលធ្វើដំណើរចំនួន ៧,៤០០នាក់ (ស្រីចំនួន ៤,៣២៦នាក់)៕

សម្តេច ឃួន សុដារី និងឯកអគ្គរាជទូតជប៉ុនប្តេជ្ញារួមគ្នាលើកកម្ពស់វិស័យការទូត ពាណិជ្ជកម្ម និងទំនាក់ទំនង

2023/09/13 03:08:31 pm        98
Facebook Telegram Linkin
ភ្នំពេញ៖ក្នុងជំនួបនៅវិមានរដ្ឋសភាថ្ងៃនេះ ​សម្តេចប្រធានរដ្ឋសភា និងឯកអគ្គរាជទូតជប៉ុនប្រចាំកម្ពុជា ប្តេជ្ញារួមគ្នាលើកកម្ពស់វិស័យការទូត និងពាណិជ្ជកម្មនៃប្រទេសទាំងពីរឲ្យកាន់តែរឹងមាំ។ ការប្តេជ្ញាចិត្តនេះត្រូវបានលើកឡើង នៅក្នុងឱកាសសម្តេចរដ្ឋសភាធិបតី ឃួន សុដារី ទទួលជួបសម្តែងការគួរសម ​និងពិភាក្សាការងារជាមួយ ឯកឧត្តម អ៊ីណូ អាត់ស៊ុស៊ី ឯកអគ្គរាជទូត​វិសាមញ្ញ និងពេញសមត្ថភាពនៃប្រទេសជប៉ុនប្រចាំនៅកម្ពុជា​ នៅវិមានរដ្ឋសភា នាព្រឹកថ្ងៃទី១៣ ខែកញ្ញាឆ្នាំ២០២៣នេះ។នៅក្នុងជំនួបសម្តែងការគួរសមនាពេលនេះ ​សម្តេចរដ្ឋសភាធិបតី ឃួន សុដារី បានកោតសរសើរ និង​វាយតម្លៃខ្ពស់ចំពោះសមិទ្ធផល និងជោគជ័យដែលឯកអគ្គរាជទូតជប៉ុនមុនៗ ក៏ដូចជាឯកឧត្តមឯកអគ្គរាជទូតបច្ចុប្បន្ន សម្រេចបានក្នុងការគាំទ្រ និងលើកកម្ពស់ទំនាក់ទំនងកិច្ចសហប្រតិបត្តិការនៃប្រទេសទាំងពីរលើគ្រប់វិស័យ។  សម្តេចមហារដ្ឋសភាធិការធិបតី ឃួន សុដារី ប្រធានរដ្ឋសភានៃព្រះរាជាណាចក្រកម្ពុជា និង ឯកឧត្តម អ៊ីណូ អាត់ស៊ុស៊ី (Ueno Atsushi) ឯកអគ្គរាជទូតប្រទេសជប៉ុនប្រចាំនៅកម្ពុជា បាន​ប្តេជ្ញារួមគ្នាលើកកម្ពស់វិស័យការទូត និងកិច្ចសហប្រតិបត្តិការប្រទេសទំាងពីរឱ្យកាន់តែ​រឹងមាំឡើង ជាពិសេសជំរុញទំហំពាណិជ្ជកម្ម ការអភិវឌ្ឍធនធានមនុស្ស និងទំនាក់ទំនងប្រជាជននិងប្រជាជន។ សម្តេចរដ្ឋសភាធិបតី បានគូសបញ្ជាក់ថា កម្ពុជា-ជប៉ុន មានទំនាក់ទំនង និងកិច្ចសហប្រតិបត្តិការ​ជាមួយ​គ្នាជាយូរមកហើយ ហើយឆ្នាំនេះគឺជាខួបលើកទី៧០ឆ្នាំ ​នៃចំណងការទូតជាមិត្តភាព និង​កិច្ចសហប្រតិបត្តិការរវាងកម្ពុជា-ជប៉ុន។ សម្តេចប្រធានរដ្ឋសភា បន្តថា ចំណងការទូតនេះ ​ត្រូវបានថ្នាក់ដឹកនាំប្រទេសទាំងពីរបន្តថែរក្សា និង​លើកកម្ពស់តាំងពីសម័យព្រះបរមរតនកោដ្ឋ ព្រះបាទនរោត្តមសីហនុ ​សម្តេចតេជោ ហ៊ុន សែន អតីត​នាយករដ្ឋមន្រ្តីនៃព្រះរាជាណាចក្រកម្ពុជា ​ជាមួយនឹងព្រះចៅអធិរាជជប៉ុន នាយករដ្ឋ​មន្ត្រី និងថ្នាក់ដឹកនាំជប៉ុននានា រហូតដល់ពេលបច្ចុប្បន្ន។ សម្តេចរដ្ឋសភាធិបតី លើកឡើងបន្ថែមថា ​ទំនាក់ទំនងកម្ពុជា-ជប៉ុន ​ជាទំនាក់ទំនងដែលកើតចេញ​ពី​បេះដូងនិងបេះដូង ​ដោយឈរលើគុណតម្លៃរួមការគោរពគ្នាទៅវិញទៅមក ​ការជឿជាក់ និងផល​ប្រយោជន៍ឱ្យគ្នាទៅវិញទៅមក ។ ជាងនេះទៅទៀត នាឱកាសនៃការអបអរសាទរខួបលើកទី ៧០ នៃការបង្កើតទំនាក់ទំនងការទូតរវាងប្រទេសទាំងពីរ ​កម្ពុជា និងជប៉ុន បានដំឡើង​កម្រិត​នៃកិច្ច​សហប្រតិបត្តិការឈានដល់ "ភាពជាដៃគូយុទ្ធសាស្ត្រគ្រប់ជ្រុងជ្រោយ"។សម្តេចរដ្ឋសភាធិបតី ឃួន សុដារី មានប្រសាសន៍សង្កត់ធ្ងន់ថា​ កម្ពុជាពិតជាមានមោទកភាព និង​អរគុណយ៉ាងជ្រាលជ្រៅចំពោះការអភិវឌ្ឍផ្នែកសេដ្ឋកិច្ចសង្គម ដែលបានមកពីការរួមចំណែក​នៃ​វិនិយោគជប៉ុន លើវិស័យសំខាន់ៗជាច្រើន​ រួមមានវិស័យធនាគារ ​ការផ្ទេរបច្ចេកវិទ្យា អេឡិចត្រូនិច​និងរថយន្ត និងការបង្កើតឱកាសការងារ ដោយបានជួយរួមចំណែកកាត់បន្ថយភាពក្រីក្រនៅកម្ពុជា ព្រមទាំងជួយឱ្យកម្ពុជា​ទទួលបាននូវកំណើនសេដ្ឋកិច្ចជាវិជ្ជមាន។ ឆ្លើយតបសំណូមពររបស់សម្តេចរដ្ឋសភាធិបតី ​ឯកឧត្តម អ៊ីណូ អាត់ស៊ុស៊ី បានសន្យាថា នឹង​ខិតខំបំពេញ​បេសកកម្មការទូតនៅកម្ពុជា​ឱ្យទទួលបានជោគជ័យ​ ជាពិសេសជំរុញលើកកម្ពស់ ទំហំពាណិជ្ជកម្ម​ប្រទេសទំាងពីរឱ្យកាន់តែកើនឡើង ​លើកទឹកចិត្តអ្នកទេសចរ និងអ្នកវិនិយោគជប៉ុន​មកកម្ពុជាឱ្យកាន់តែច្រើន និងបានសន្យាបន្ត​ជួយ​ផ្តល់​អាហារូបករណ៍​ដល់សិស្ស ​និស្សិត មន្រ្តីរាជការ​កម្ពុជា បានទៅសិក្សានៅប្រទេសជប៉ុន​ ជួយបណ្តុះបណ្តាលជំនាញដល់ពលករខ្មែរ ដែលធ្វើការ​នៅប្រទេសជប៉ុន​ និងជួយកសាងអភិវឌ្ឍន៍​ធនធានមនុស្ស រួមមានការលើក​កម្ពស់សមត្ថភាពតំណាងរាស្រ្តវ័យក្មេង​ និងមន្រ្តីរាជការអគ្គលេខាធិការដ្ឋានរដ្ឋសភាជាដើម៕អត្ថបទ សេក ឧត្តម 

ឯកឧត្តម មាស សុភ័ណ្ឌ៖ ទសន្សកិច្ចសម្ដេចធិបតិទៅចិន ដើម្បីពង្រឹងបន្ថែមទំនាក់ទំនងប្រទេសទាំងពីរ

2023/09/13 02:24:53 pm        157
Facebook Telegram Linkin
ភ្នំពេញ៖ ឯកឧត្តម មាស សុភ័ណ្ឌ អ្នកនាំពាក្យនាយករដ្ឋមន្រ្ដីនៃកម្ពុជា ​បានថ្លែងថា ដំណើរទស្សនកិច្ចផ្លូវការសម្ដេចមហាបវរធិបតី ហ៊ុន ម៉ាណែត ​នៅទីក្រុងប៉េកាំង និងចូលរួម ពិព័រណ៍អាស៊ាន-ចិនលើកទី២០ ចាប់ពីថ្ងៃទី១៤ ដល់ថ្ងៃទី១៧ ខែកញ្ញា ឆ្នាំ២០២៣ ដើម្បីពូនជ្រុំ និងពង្រឹងបន្ថែមទៀតនូវទំនាក់ទំនងមិត្តភាព ​និងកិច្ចសហប្រតិបត្តិការរវាងប្រទេសទាំងពីរ។ឯកឧត្តម មាស សុភ័ណ្ឌ បានថ្លែងថា ទស្សនកិច្ចផ្លូវការរបស់សម្ដេចធិបតី នាយករដ្ឋមន្រ្ដី នៅ​សាធារណរដ្ឋប្រជាមានិតចិននេះ ​គឺតបតាមការអញ្ជើញរបស់ ឯកឧត្តម លី ឈាង នាយករដ្ឋមន្ត្រី នៃសាធារណរដ្ឋប្រជាមានិតចិន។ឯកឧត្តម បានបញ្ជាក់ថា ដំណើរទស្សនកិច្ចនេះ គឺដើម្បីពូនជ្រុំ និងពង្រឹងបន្ថែមទៀតនូវទំនាក់ទំនង​មិត្តភាព និងកិច្ចសហប្រតិបត្តិការរវាងប្រទេសទាំងពីរ ​ដែលបានកសាងឡើងដោយ​ព្រះបរមរតនកោដ្ឋ និងថ្នាក់ដឹកនាំចិន ហើយត្រូវបានពូនជ្រុំជាបន្តបន្ទាប់ដោយ​សម្តេចតេជោ ហ៊ុន សែន ប្រធានគណបក្សប្រជាជនកម្ពុជា​ និងជាអតីតនាយករដ្ឋមន្ត្រី និងត្រូវបានបន្តពូនជ្រុំ​បន្ថែមទៀត​មកដល់សព្វថ្ងៃនេះ​ ដើម្បីផលប្រយោជន៍​ទៅវិញទៅមកសម្រាប់ប្រជាជន និងប្រទេសទាំងពីរ។ឯកឧត្តមបញ្ជាក់ថា ក្នុងឱកាសនៃទស្សនកិច្ចផ្លូវការនេះ ​សម្ដេចធិបតី ហ៊ុន ម៉ាណែត នឹងអញ្ជើញជួប​សម្តែង ការគួរសម​ដោយឡែកពីគា្នជាមួយ​ឯកឧត្តម ស៊ី ជីនពីង ប្រធានាធិបតី​នៃសាធារណរដ្ឋ​ប្រជាមានិត ចិននិងឯកឧត្តម ចាវ ឡីជី ប្រធានសភាតំណាងប្រជាជនចិន។ក្នុងនោះកិច្ចពិភាក្សានឹងផ្លាស់ប្តូរទស្សនៈលើ ​ប្រធានបទមួយចំនួន រួមមានការកសាងសហគមន៍​វាសនារួមកម្ពុជា-ចិន ក្នុងយុគសម័យថ្មី ការជំរុញ​បន្ថែមនូវកិច្ចសហប្រតិបត្តិការត្បូងពេជ្រ ទិសដៅ​យុទ្ធសាស្ត្រសម្រាប់ទំនាក់ទំនងកម្ពុជា-ចិន ព្រមទាំងកិច្ចការតំបន់និងអន្តរជាតិដែលផ្តល់​ផលប្រយោជន៍រួម។ឯកឧត្តមបន្តថា សម្ដេចធិបតី ហ៊ុន ម៉ាណែត​ នឹងជួបពិភាក្សាទ្វេភាគីជាមួយ ឯកឧត្តម លី ឈាង អំពីកិច្ច​សហប្រតិបត្តិការទ្វេភាគី ​និងពហុភាគីរវាងប្រទេសទាំងពីរ។​នាយករដ្ឋមន្ត្រីទាំងពីរក៏នឹងអញ្ជើញធ្វើ ជាអធិបតីក្នុង​ពិធីចុះហត្ថលេខាលើឯកសារសហប្រតិបត្តិការ​មួយចំនួនផងដែរ។ ​បន្ទាប់ពីដំណើរទស្សនកិច្ចផ្លូវការ ​សម្ដេចធិបតី ហ៊ុន ម៉ាណែត នឹងអញ្ជើញចូល​រួមពិព័រណ៍​ អាស៊ាន-ចិន លើកទី២០ នៅថ្ងៃទី១៦-១៧ ខែកញ្ញា ឆ្នាំ២០២៣ នៅទីក្រុងណាន​ នឹងតំបន់ស្វយ័ត ជនជាតិជាំងក្វាងស៊ី៕អត្ថបទ៖ វ៉ន ដារ៉ារូបភាពឯកសារ

រដ្ឋមន្រ្ដី៖ ការប្ដូរឈ្មោះមកជា «ក្រសួងអធិការរកិច្ច» ដើម្បីសម្រួចការងារស្របតាមយុទ្ធសាស្រ្ដបញ្ចកោណ

2023/09/13 02:02:53 pm        196
Facebook Telegram Linkin
ភ្នំពេញ៖ ឯកឧត្តម ហួត ហាក់ រដ្ឋមន្រ្តីក្រសួងអធិការកិច្ច ថ្លែងថា ការផ្លាស់ប្ដូរឈ្មោះពីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច មកជាក្រសួង «អធិការកិច្ច» គឺដើម្បី​សម្រួច​ការងារ​របស់ក្រសួងស្របតាមយុទ្ធសាស្រ្ដបញ្ចកោណ-ដំណាក់កាលទី១ ​ដែលរាជរដ្ឋាភិបាល​អាណត្តិ​ទី៧ បានដាក់ចេញ​ដើម្បី​ធ្វើយ៉ាងណា​សម្រេច​ឱ្យបាននូវការអភិវឌ្ឍ​រីកចម្រើន​របស់ប្រទេសកម្ពុជា។ឯកឧត្តម ហួត ហាក់ រដ្ឋមន្រ្ដីក្រសួងអធិការកិច្ច ​បានថ្លែងប្រាប់ទូរទស្សន៍ BTV ​នាព្រឹកថ្ងៃទី១៣ ខែ​កញ្ញា ​ឆ្នាំ២០២៣នេះថា ការផ្លាស់ប្ដូរឈ្មោះ ពីក្រសួងទំនាក់ទំនងជាមួយរដ្ឋសភា-ព្រឹទ្ធសភា និងអធិការកិច្ច មកជាក្រសួង «អធិការកិច្ច» គឺជាឆន្ទៈ​ដ៏មុះមុតរបស់​រាជរដ្ឋាភិបាលកម្ពុជា​អាណត្តិទី៧ ដែលដឹកនាំ​ដោយសម្ដេច​មហាបវរធិបតី ហ៊ុន ម៉ាណែត ​នាយករដ្ឋមន្រ្ដីនៃកម្ពុជា ស្របតាម​យុទ្ធស្រ្ដបញ្ចកោណ-ដំណាក់កាលទី១ និងកម្មវិធី​នយោបាយអាទិភាពសំខាន់ៗ​របស់ប្រទេសកម្ពុជា។ ឯកឧត្តមរដ្ឋមន្រ្ដីថ្លែងថា បច្ចុប្បន្នសេចក្ដីព្រាងច្បាប់របស់​ក្រសួងអធិការកិច្ចកំពុងបន្តនីតិវិធី នៅរដ្ឋសភា ​ដើម្បីឈានទៅ​សម្រេច​អនុម័តឱ្យប្រើប្រាស់​ជាផ្លូវការ​ ដើម្បីជាផ្នែកមួយសំខាន់​ក្នុងការ​ចូលរួមចំណែក​ជាមួយរាជរដ្ឋាភិបាល ក្នុងការលើកកម្ពស់​ និងពង្រឹងអភិបាលកិច្ច​នៅក្នុងប្រទេសកម្ពុជា។សូមជម្រាបថា គណៈកម្មាធិការអចិន្ត្រៃយ៍រដ្ឋសភាបានអនុម័ត​ បញ្ចូល​សេចក្តីព្រាងច្បាប់ស្តីពី «ការបង្កើតក្រសួងអធិការកិច្ច» ក្នុងរបៀបវារៈបន្តសម័យប្រជុំរដ្ឋសភាលើកទី១ ​នីតិកាលទី៧ នៅថ្ងៃទី១៤ ​ខែកញ្ញា ឆ្នាំ២០២៣ ស្អែកនេះ បន្ទាប់ពីសេចក្តីព្រាងច្បាប់នេះ ត្រូវបានគណៈកម្មការ​ជំនាញរដ្ឋសភា​ បានពិនិត្យសិក្សាចប់សព្វគ្រប់តាមនីតិវិធី ៕អត្ថបទ៖វ៉ន ដារ៉ា

ឯកឧត្តម លី ធុជ ជួបភាគីថៃ ពិភាក្សាលើការងារបោសសម្អាតមីននៅតាមព្រំដែនកម្ពុជា-ថៃ

2023/09/13 01:53:43 pm        80
Facebook Telegram Linkin
ភ្នំពេញ៖ ឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន បានជួបជាមួយឯកឧត្តម Cherdkiat ATTHAKOR ឯកអគ្គរាជទូតថៃប្រចាំប្រទេសកម្ពុជា និងអគ្គនាយកនៃមជ្ឈមណ្ឌល​សកម្មភាព​កំចាត់មីនថៃ (TMAC) ដើម្បីពិភាក្សាលើកិច្ចសហប្រតិបត្តិការបោសសម្អាតមីន​តាមតំបន់​ព្រំដែនកម្ពុជា-ថៃ ។ក្នុងជំនួបខាងលើ ដែលធ្វើឡើងនៅថ្ងៃទី១៣ ខែកញ្ញា ឆ្នាំ២០២៣ ឯកឧត្តមទេសរដ្ឋមន្រ្តី បានលើកឡើង​អំពីទំនាក់ទំនង និងកិច្ចសហប្រតិបត្តិការយ៉ាងជិតស្និទ្ធ​ រវាងប្រទេស និងប្រជាជន​ទាំងពីរ ដែលមានព្រំប្រទល់ជាប់គ្នា ព្រមទាំងបានគូសបញ្ជាក់អំពីចក្ខុវិស័យដឹកនាំ របស់​រាជរដ្ឋាភិបាលកម្ពុជា ​ក្នុងការដោះស្រាយបញ្ហាមីននៅកម្ពុជា ឲ្យអស់ត្រឹមឆ្នាំ២០២៥ ។ ឯកឧត្តមបន្តថា អាជ្ញាធរមីន​ បានទទួលអនុវត្តន៍នូវ​ទស្សនវិស័យ ​និងសេចក្តីសម្រេចរវាង​នាយករដ្ឋមន្ត្រី​នៃប្រទេសទាំងពីរ ដែលបានឯកភាពគ្នាជំរុញ​ធ្វើការបោសសម្អាមីន​ឲ្យអស់​នៅតាមបណ្តោយព្រំដែនកម្ពុជា-ថៃ​ ក្នុងគោលបំណងប្រែក្លាយ​តំបន់ព្រំដែន​ នៃប្រទេសទាំងពីរ ជាតំបន់សន្តិភាព ​ស្ថេរភាព សុវត្ថិភាព និងការអភិវឌ្ឍ ។ពាក់ព័ន្ធនឹងការងារបោសសម្អាតមីនតាមព្រំដែន ​ឯកឧត្តមទេសរដ្ឋមន្ត្រី បានជំរុញដល់ ក្រុមការងារ​បច្ចេកទេសសកម្មភាពមីន នៃប្រទេសទាំងពីរ ​បន្តជួបពិភាក្សាគ្នាជាលក្ខណៈបច្ចេកទេស និង​តាមការចាំបាច់លើទីតាំង ​ដែលត្រូវបោសសម្អាត ក្នុងគោលដៅ​ដើម្បីបម្រើនូវឧត្តមប្រយោជន៍​នៃប្រទេស និងប្រជាជនទាំងពីរ ៕ អត្ថបទ បាន សុខរិទ្ធិ

អន្តរជាតិសន្យាបន្តជួយកម្ពុជា ឱ្យសម្រេចគោលដៅបោសសម្អាតមីន

2023/09/13 01:44:12 pm        90
Facebook Telegram Linkin
ភ្នំពេញ៖ ប្រទេសជាម្ចាស់ជំនួយ និងអង្គការដៃគូអន្តរជាតិនានា បានសន្យាជួយប្រទេសកម្ពុជា និង​ប្រទេសមួយ ចំនួនក្នុងតំបន់អាស៊ាន ក្នុងការបោសសម្អាតគ្រាប់មីន​ និងយុទ្ធភណ្ឌមិនទាន់ផ្ទុះ ឱ្យទទួលបានជោគជ័យ ​ដើម្បីឱ្យដីមានសុវត្ថិភាព ​សម្រាប់ជាប្រយោជន៍ដល់ប្រជាពលរដ្ឋ ប្រើប្រាស់តាមតម្រូវការផ្សេងៗ ។ក្នុងសិក្ខាសាលាថ្នាក់តំបន់ ស្តីពី ការជំរុញនវានុវត្តន៍ ​និងចីរភាពក្នុងសកម្មភាពមីន និងយុទ្ធភណ្ឌ មិនទាន់ផ្ទុះ​ នៅថ្ងៃទី១៣ ខែកញ្ញានេះ ដែលបានធ្វើឡើងនៅរាជធានីភ្នំពេញ ​ភាគីជាដៃគូទាំងអស់ នៅតែបង្ហាញពីការព្រួយបារម្ភអំពីបញ្ហាគ្រាប់មីន ​និងយុទ្ធភណ្ឌមិនទាន់ផ្ទុះ ដែលនៅមាន​សេស​សល់​នៅក្នុងប្រទេសមួយចំនួន​ នៃតំបន់អាស៊ាន ​ដែលមានដូចជាប្រទេសកម្ពុជា ឡាវ ថៃ វៀតណាម មីយ៉ាន់ម៉ា និងប្រ ​ទេសហ្វីលីពីន ជាដើម ។ពួកគេ បានបន្តថា កាកសំណល់ពីសង្គ្រាម គឺតែងតែបង្កគ្រោះថ្នាក់ជា​ញឹកញាប់​ដល់ប្រជាពលរដ្ឋ និង​បង្កការរំខានដល់ការងារដាំដុះដំណាំកសិកម្ម ​ឬការប្រើប្រាស់តាមតម្រូវការផ្សេងៗ ឬចាត់ទុកថា ជាតំ បន់ ដែលគ្មានសុវត្ថិភាព ។ប្រទេស និងអង្គការអន្តរជាតិជាដៃគូទាំងអស់នោះ បានបញ្ជាក់ថា ពួកគេនៅតែបន្តគាំទ្រកម្ពុជា និងប្រទេសអាស៊ានដទៃទៀត ​ក្នុងការបោសសម្អាតមីន តាមរយៈការផ្ដល់នូវជំនួយថវិកា សម្ភារ និងបច្ចេក ទេសផ្សេងៗ ។ក្នុងឱកាសនោះ ឯកឧត្តមទេសរដ្ឋមន្ត្រី លី ធុជ អនុប្រធានទី១ អាជ្ញាធរមីន ​បានលើកឡើងថា នៅ ក្នុង​ប្រទេសកម្ពុជា គ្រាប់មីន និងយុទ្ធភណ្ឌមិនទាន់ផ្ទុះ ​នៅតែបញ្ហាធំចម្បងមួយផងដែរ ក្នុងការបង្អាក់ការអភិវឌ្ឍប្រទេស ព្រោះតែតំបន់ខ្លះ​ ដីនៅពុំទាន់មានសុវត្ថិភាព ។ឯកឧត្តម បានបន្តថា ដើម្បីឱ្យការងារបោសសម្អាតមីន ​កាន់តែមានល្បឿនទៅមុខ ទើបមានរៀបចំ នូវសិក្ខាសាលាថ្នាក់តំបន់នេះ ដើម្បីប្រមូលនូវធាតុចូលពីគ្រប់ភាគីពាក់ព័ន្ធនានា ក្នុងការរក​វិធីសាស្ត្រ​បន្ថែម ដើម្បីអនុវត្តការងារនេះ ។ឯកឧត្តម លី ធុជ បានថ្លែងអំណរគុណដល់ប្រទេសជាម្ចាស់ជំនួយ ​និងអង្គការដៃគូទាំងអស់ ដែល បានផ្ដល់នូវ​ជំនួយជាបន្តបន្ទាប់ដល់កម្ពុជា ​ដើម្បីអនុវត្តសកម្មភាពមីន ​ខណៈដែលរាជរដ្ឋាភិបាល បានដាក់គោលដៅកម្ពុជាគ្មានមីន នៅឆ្នាំ២០២៥ ៕អត្ថបទ៖ បាន សុខរិទ្ធិ 

សម្តេចតេជោចង់ឲ្យវិនិយោគិនជប៉ុនវិនិយោគរោងចក្រផលិតវុត្ថុធាតុដើមនៅកម្ពុជា និងរោងចក្រដំឡើងរថយន្ត

2023/09/13 12:39:59 pm        215
Facebook Telegram Linkin
ភ្នំពេញ៖ សម្តេចតេជោហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងប្រធានគណបក្សប្រជាជនកម្ពុជា មានចំណាប់អារម្មណ៍ ចង់ឲ្យអ្នកវិនិយោគិនជប៉ុន មកធ្វើការវិនិយោគរោងចក្រផលិតវត្ថុធាតុដើមនៅកម្ពុជា និងរោងចក្រដំឡើង​រថយន្តជាដើម។យោងតាមសេចក្តីប្រកាសព័ត៌មាន ​ស្តីពីលទ្ធផលនៃជំនួបសម្តែងការគួរសមរវាង​សម្តេចតេជោ ហ៊ុន សែន ​ជាមួយលោក តាកាហាស៊ី ហ្វូមីអាគី ប្រធានសមាគមជប៉ុន-កម្ពុជា ​នាថ្ងៃទី១៣ ខែកញ្ញា ឆ្នាំ ២០២៣នេះ ​នៅវិមាន៧មករា បានឲ្យដឹងថា​ នៅក្នុងកិច្ចជំនួបនេះសម្តេចតេជោ ​បានលើកទឹកចិត្ត និង​ឆ្លើយតបជាវិជ្ជមានចំពោះការគាំទ្រលើការវិនិយោគ ស្របតាមច្បាប់វិនិយោគកម្ពុជា ហើយ​បានបញ្ជាក់អំពីគោលបំណងចង់ឱ្យវិនិយោគិនជប៉ុន ​វិនិយោគលើវិស័យសំខាន់ៗពីរ រួមមាន៖ (១) ការបង្កើតរោងចក្រ ដើម្បីកែច្នៃវត្ថុធាតុដើមដែលមានស្រាប់នៅកម្ពុជា និង (២) បច្ចេកវិទ្យា កម្រិតខ្ពស់ ដូចជារោងចក្រដំឡើង​រថយន្ត ​គ្រឿងបង្គុំអេឡិចត្រូនិច​ និងថាមពលជាដើម។ជាមួយគ្នានោះដែរ​សម្តេចតេជោ​ ក៏បានរំលឹកដល់ភាគីមិត្តអំពី​ទស្សនវិស័យនៃការកសាង សន្តិសុខ​ស្បៀងនៅតំបន់ទន្លេមេគង្គ​ ដើម្បី​ផ្គត់ផ្គង់​ខ្សែច្រវ៉ាក់​ផលិតកម្ម និង​គំនិត​ផ្តួចផ្តើម​នៃការបង្កើត​សមាគម ​បណ្តាប្រទេសនាំចេញអង្ករ ​ដើម្បីរក្សាស្ថិរភាពថ្លៃ និងមានការឯកភាព​គ្នាក្នុងការ​ផ្គត់ផ្គង់​នៅលើទីផ្សារផងដែរ។ សម្តេចតេជោ ប្រធានគណបក្សប្រជាជនកម្ពុជា ក៏បានផ្តល់តម្លៃខ្ពស់ចំពោះ​ទំនាក់ទំនង​រវាង​ប្រជាជននិងប្រជាជន ហើយចាត់ទុកថាជាស្ពានឬស្សីដែលត្រូវថែរក្សាសម្រាប់ការតភ្ជាប់ ទោះបីជាយើងមានស្ពានបេតុង ​ដែលជាទំនាក់ទំនងការទូតល្អ រវាងរដ្ឋនិងរដ្ឋក៏ដោយ។ថ្លែងនៅក្នុងកិច្ចជំនួបនោះដែរលោក តាកាហាស៊ី ហ្វូមីអាគី បានរាយការណ៍ជូន​សម្តេចតេជោ អំពី​លទ្ធផលការងារដែលសមាគម ​សម្រេចបានកន្លងមក ​និងការត្រៀមរៀបចំការបាញ់កាំជ្រួច ដើម្បី​អបអរសាទរខួបអនុស្សាវរីយ៍លើកទី៧០​ នៃទំនាក់ទំនងការទូតកម្ពុជា-ជប៉ុន ដែលគ្រោង​ធ្វើឡើង​នៅខែវិច្ឆិកា ឆ្នាំ២០២៣ ខាងមុខ ​ដោយសហការជាមួយ គណៈកម្មាធិការជាតិរៀបចំ​បុណ្យជាតិ-អន្តរជាតិ និងក្រសួងការបរទេស និងសហប្រតិបត្តិការអន្តរជាតិ។ លោក តាកាហាស៊ី ហ្វូមីអាគី ក៏បានជម្រាបជូនសម្តេចអំពីការត្រៀមអញ្ជើញវិនិយោគិនជប៉ុន ជាពិសេសសហគ្រាស ​ធុនតូចនិងមធ្យម (SMEs) ​មកវិនិយោគលើផ្នែកសំខាន់ៗ​នៅកម្ពុជាផងដែរ៕អត្ថបទ៖ បាន ចក់

ចិនពង្រាយយន្តហោះជាង៤០គ្រឿង ទៅកាន់ច្រកសមុទ្រតៃវ៉ាន់ ដែលកំពុងប្រមូលកម្លាំងនៅមូលដ្ឋាយោធាតំបន់ឆ្នេរ

2023/09/13 12:05:00 pm        136
Facebook Telegram Linkin
កោះស្វ័យគ្រប់គ្រងបានព្រមានកាលពីថ្ងៃអង្គារថា ប្រទេសចិនកំពុងប្រមូលផ្តុំកម្លាំងជាបន្តនៅមូលដ្ឋានយោធាតំបន់ឆ្នេររបស់ខ្លួនដែលកំពុងប្រឈមមុខជាមួយកោះតៃវ៉ាន់។ កោះតៃវ៉ាន់បាននិយាយថា ខ្លួនកំពុងជំរុញការការពារផ្ទាល់របស់ខ្លួនក្នុងការឆ្លើយតប។ ក្រសួងការពារជាតិរបស់កោះនេះ បានចេញរបាយការណ៍មួយ ស្តីពីការពង្រីកខ្លួននៃវាលចុះយន្តហោះរបស់ចិន និងសកម្មភាពយោធានៅលើជណ្តើរផ្ទះរបស់កោះតៃវ៉ាន់ដោយនិយាយថាចិន បានចាប់ផ្តើមពិនិត្យមើលដែនដីរបស់កោះតៃវ៉ាន់ លើមូលដ្ឋានជាប្រចាំថ្ងៃដែលនៅជិត។លោក ឧត្តមសេនីយ៍ឯក Huang Wen-Chi ( ហ័ង វ៉ិនឈី) និយាយនៅក្នុងរបាយការណ៍ថា នៅឆ្នាំនេះ បក្សគុម្មុយន្នីសចិន បានពង្រីកយ៉ាងបំពាននូវការដាក់សព្វាវុធរបស់ខ្លួន និងបានបន្តកសាងប្រភេទយន្តហោះប្រយុទ្ធផ្សេងៗ និងយានដ្រូនជាច្រើនគ្រឿង។ ព័ត៌មានដែលយើងបានទទួលគឺថាមូលដ្ឋានយោធាសំខាន់ៗទាំងអស់ នៅតាមបណ្តោយឆ្នេរ កំពុងត្រូវបានធ្វើបច្ចុប្បន្នភាពជាបន្ត។យោធាចិន បានបញ្ជូនយន្តហោះជាង៤០គ្រឿងក្នុងសមយុទ្ធនៅជិតដែនដីកោះតៃវ៉ាន់កាលពីព្រឹកថ្ងៃអង្គារ។ ក្រសួងការពារជាតិបានរាយការណ៍ថា យន្តហោះចិន២០គ្រឿង និងនាវាចម្បាំង២០គ្រឿង បានចូលមកច្រកសមុទ្រតៃវ៉ាន់ ហើយយន្តហោះ១៣គ្រឿង បានឆ្លងកាត់ខ្សែបន្ទាត់មេដ្យាន ដែលមានជាប្រវត្តិសាស្ត្រជាខ្សែបន្ទាត់កំណត់ព្រំដែនសម្រាប់សកម្មភាពយោធា។ប្រទេសចិន បានគំរាមជាយូរមកហើយ ដើម្បីក្រសោបយកកោះតៃវ៉ាន់ដោយប្រើប្រាស់កម្លាំងប្រសិនបើចាំបាច់ ហើយប្រទេសនេះ បានបង្កើនការឈ្លានពានលើកោះនេះ ក្នុងរយៈពេលប៉ុន្មានឆ្នាំថ្មីៗនេះ។

អាមេរិក និងអង់គ្លេស ព្រមានរុស្ស៊ី ប្រឆាំងនឹងការទិញអាវុធពីកូរ៉េខាងជើង នៅក្នុងកិច្ចប្រជុំក្រុមប្រឹក្សាសន្តិសុខ

2023/09/13 11:48:16 am        157
Facebook Telegram Linkin
ខណៈដែលមេដឹកនាំកូរ៉េខាងជើងលោក គីម ជុងអ៊ុន បានទៅដល់ប្រទេសរុស្ស៊ីតាមរថភ្លើងឯកជនកាលពីថ្ងៃអង្គារ (១២ កញ្ញា) សម្រាប់កិច្ចពិភាក្សា ជាមួយលោកប្រធានាធិបតីរុស្ស៊ី វ្លាឌីមៀ ពូទីន សមាជិកក្រុមប្រឹក្សាសន្តិសុខអង្គការសហប្រជាជាតិបានរិះគន់រុស្ស៊ី លើការផ្គត់ផ្គង់អាវុធក្នុងសង្គ្រាមជាមួយអ៊ុយក្រែន ពីកូរ៉េខាងជើង។ឯកអគ្គរាជទូតរបស់ចក្រភពអង់គ្លេស លោកស្រី Barbara Woodward បាននិយាយថា «មានភ័ស្តុតាងដែលមិនអាចប្រកែកបាន ដែលថារុស្ស៊ីកំពុងចរចារកិច្ចព្រមព្រៀងដ៏មានសក្តានុពលសម្រាប់គ្រឿងយុទ្ធោបករណ៍បរិមាណដ៏ច្រើន និងសព្វាវុធជាច្រើនប្រភេទពីកូរ៉េខាងជើង ដើម្បីប្រើប្រាស់ប្រឆាំងនឹងអ៊ុយក្រែន»។ជាមួយគ្នានោះ ឯកអគ្គរដ្ឋទូតអាមេរិកប្រចាំ UN លោក Robert Wood ក៏បាននិយាយថា «យើងជំរុញឱ្យរដ្ឋសមាជិកទាំងអស់ រំលឹករុស្ស៊ីអំពីកាតព្វកិច្ចក្រុមប្រឹក្សាសន្តិសុខរបស់ខ្លួន ដោយរំលឹករុស្ស៊ីថា ការផ្ទេរអាវុធណាមួយរវាងប្រទេសទាំងពីរនោះ នឹងបំពានលើការហាមឃាត់អាវុធរបស់អង្គការសហប្រជាជាតិលើកូរ៉េខាងជើង ដែលរុស្ស៊ីខ្លួនឯងនោះ បានបោះឆ្នោតអនុម័ត»។ ទីក្រុងវ៉ាស៊ីនតោន និងសម្ព័ន្ធមិត្ត បានសម្តែងការព្រួយបារម្ភចំពោះសញ្ញាថ្មីៗនៃកិច្ចសហប្រតិបត្តិការយោធាកាន់តែជិតស្និទ្ធរវាងរុស្ស៊ី និងកូរ៉េខាងជើង ដែលមានអាវុធនុយក្លេអ៊ែរ។ កិច្ចពិភាក្សារវាងលោក គីម និងលោក ពូទីន នឹងក្លាយជាជំនួបកំពូលលើកទីពីរ ដែលពួកគេបានជួបគ្នាម្ដងរួចមកហើយនៅក្នុងឆ្នាំ២០១៩ ក្នុងដំណើរចុងក្រោយរបស់លោក គីម នៅបរទេសផងដែរ៕

ឡាតវីនឹងពិចារណាបិទច្រកព្រំដែនជាមួយបេឡារុស

2023/09/13 11:44:27 am        158
Facebook Telegram Linkin
សារព័ត៌មានឡាតវី បានរាយការណ៍កាលពីថ្ងៃទី១១ ខែកញ្ញាថា ឆ្មាំល្បាតព្រំដែនរដ្ឋឡាតវី នឹងស្នើឲ្យរដ្ឋាភិបាលបិទច្រកព្រំដែន Silene ជាមួយប្រទេសបេឡារុស បន្ទាប់ពីចំនួនមនុស្សដ៏ច្រើន បានព្យាយាមឆ្លងកាត់ដោយខុសច្បាប់ កាលពីសប្តាហ៍មុន។ ប្រធានឆ្មាំល្បាតព្រំដែន លោក Guntis Pujāts ( ហ្គុនទីស ភូចាត) បាននិយាយនៅលើប៉ុស្តិ៍ទូរទស្សន៍ LR1 ថា ក្នុងអំឡុងពេល៧ថ្ងៃកន្លងមកនេះ អ្នកស្វែងរកសិទ្ធិជ្រកកោនចំនួន ៨៩២នាក់ ត្រូវបានស្ទាក់ចាប់ ដោយព្យាយាមចូលទៅក្នុងប្រទេសឡាតវីពីប្រទេសបេឡារុស ដែលធ្វើឲ្យសប្តាហ៍មុននេះ មានភាពតានតឹងខ្លាំងបំផុតក្នុងរយៈពេលបីឆ្នាំ ចាប់តាំងពីឆ្នាំ ២០២១។មន្ត្រីរូបនេះ មិនបានបដិសេធនូវលទ្ធភាពដែលពលរដ្ឋមួយចំនួន បានគេចពីសន្តិសុខ និងឆ្លងដែននោះទេ។ក្រៅពីឆ្មាំល្បាតព្រំដែន ទីក្រុងរីហ្គា (Riga) បានធ្វើការទំនាក់ទំនងតាមទូរស័ព្ទទៅយោធា និងនគរបាល ដើម្បីពង្រឹងព្រំដែនរបស់ខ្លួនជាមួយនឹងបេឡារុស។ ចំណែកប្រទេសលីទុយអានី ក៏បានយល់ព្រមបញ្ជូនឆ្មាំល្បាតព្រំដែនចំនួន២០នាក់បន្ថែមទៀត ដើម្បីជួយប្រទេសឡាតវីដែរ។

បណ្ដាញសង្គម

ព័ត៌មានថ្មីៗ

ការវាយប្រហារយានដ្រូនរុស្ស៊ីសម្លាប់មនុស្ស ២នាក់ និង ១៤នាក់ទៀត រងរបួសនៅទីក្រុង Odesa ប្រទេសអ៊ុយក្រែន
06/29/2025 10:06 AM
Facebook Telegram Linkin
ភាពវឹកវរបានកើតឡើងនៅតាមផ្លូវ ពេលដែលទឹកជំនន់វាយប្រហារខេត្ត Guizhou ប្រទេសចិន
06/29/2025 10:06 AM
Facebook Telegram Linkin
ចំនួនមនុស្សស្លាប់កើនឡើងដល់ ៣២នាក់ ក្រោយប៉ាគីស្ថានរងការវាយប្រហារដោយទឹកជំនន់ដ៏គំហុក និងភ្លៀងធ្លាក់ខ្លាំង
06/29/2025 09:06 AM
Facebook Telegram Linkin
ការរញ្ជួយដីកម្រិត ៥,៣រ៉ិចទ័រ បានអង្រួនតំបន់ភាគកណ្តាលប្រទេសប៉ាគីស្ថាន
06/29/2025 09:06 AM
Facebook Telegram Linkin
នគរបាលស៊ែរប៊ីប៉ះទង្គិចគ្នាជាមួយក្រុមបាតករប្រឆាំងរដ្ឋាភិបាលរបស់លោកប្រធានាធិបតី Vucic
06/29/2025 09:06 AM
Facebook Telegram Linkin
ឯកឧត្តមសាស្រ្តាចារ្យ ឈាង រ៉ា ចុះសំណេះសំណាលសួរសុខទុក្ខ និងចែកអំណោយជូនដល់បងប្អូនប្រជាពលរដ្ឋ ដែលជម្លៀសមកស្នាក់នៅបណ្តោះអាសន្ន នៅមណ្ឌលសុវត្ថិភាព វត្តពោធិ៍៥០០០ដើម
06/28/2025 09:06 PM
Facebook Telegram Linkin
ពលរដ្ឋ២០១គ្រួសារ នៅស្រុកពញាឮ សប្បាយចិត្ត បានចូលសមាគមអ្នកផលិតចម្លាក់ប្រាក់ស្ពាន់ ស្រួលរកទីផ្សារជាងមុន
06/28/2025 06:06 PM
Facebook Telegram Linkin
ពលករខ្មែរដែលត្រឡប់មកពីប្រទេសថៃ សម្តែងការអរគុណដល់រាជរដ្ឋាភិបាល ដែលបានផ្ដល់ឱកាសការងារដល់ពួកគាត់
06/28/2025 06:06 PM
Facebook Telegram Linkin
អ្នកនាំពាក្យ៖ សម្ដេចតេជោតែងលើកឡើងថា បើមិនចេះយុទ្ធសាស្រ្ត កុំធ្វើនយោបាយ ឬធ្វើជាអ្នកដឹកនាំ
06/28/2025 06:06 PM
Facebook Telegram Linkin
គណៈកម្មាការUN និយាយថា ប្រទេសស៊ីរី ត្រូវតែបញ្ចប់អំពើហិង្សាលើជនជាតិភាគតិច Alawites និងការពារកន្លែងគោរពបូជា
06/28/2025 05:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.