BTV NEWS

សម្តេចតេជោ ហ៊ុន សែន ទទួលជួបពិភាក្សាការងារជាមួយឯកឧត្តមប្រធានាធិបតីឡាវ

កម្ពុជា-សាធារណរដ្ឋម៉ាសេដ្វានខាងជើង ឯកភាពជំរុញកិច្ចសហប្រតិបត្តិការទ្វេភាគី

កម្ពុជា-រវ៉ាន់ដា ឯកភាពពង្រឹង និងពង្រីកកិច្ចសហប្រតិបត្តិការទ្វេភាគីឱ្យកាន់តែទូលំទូលាយ

សម្តេចធិបតី នាយករដ្ឋមន្ត្រី ទទួលជួបពិភាក្សាការងារទ្វេភាគី ជាមួយឯកឧត្តមប្រធានាធិបតីរវ៉ាន់ដា

នយោបាយ និង ការអភិវឌ្ឍន៍

វិមានក្រឹមឡាំង៖ ការទទួលស្គាល់របស់កាណាដា ចំពោះអតីតយុទ្ធជនដែលបានបម្រើការឱ្យពួកណាស៊ីគឺជារឿង «គួរឱ្យខឹងសម្បា»

វិមានក្រឹមឡាំងបាននិយាយកាលពីថ្ងៃចន្ទ (២៥ កញ្ញា) ថាវាជារឿង «គួរឲ្យខឹងសម្បា» ដែលប្រធានសភាកាណាដា បានលើកសរសើរបុគ្គលម្នាក់នៅក្នុងកិច្ចប្រជុំសភា ដែលបានបម្រើការនៅក្នុងអង្គភាពណាស៊ី ក្នុងអំឡុងពេលសង្គ្រាមលោកលើកទីពីរ។ ប្រធានសភាកាណាដា លោក Anthony Rota បានសូមអភ័យទោសកាលពីថ្ងៃអាទិត្យ (២៤ កញ្ញា) បន្ទាប់ពីបានទទួលស្គាល់លោក Yaroslav Hunka វ័យ៩៨ ឆ្នាំថា ជា «វីរបុរសអ៊ុយក្រែន» នៅចំពោះមុខសភាកាណាដា។លោក Hunka ដែលបានបម្រើការក្នុងសង្គ្រាមលោកលើកទី២ ក្នុងនាមជាសមាជិកនៃកងពលធំ Waffen Grenadier ទី១៤ នៃក្រុមប្រដាប់អាវុធ SS របស់ណាស៊ី បានទទួលការស្វាគមន៍ពីរពីសមាជិកសភាក្នុងអំឡុងពេលដំណើរទស្សនកិច្ចរបស់ប្រធានាធិបតីអ៊ុយក្រែន លោក Volodymyr Zelenskiy នៅក្នុងប្រទេសកាណាដាផងដែរ៕

អាមេរិក និងប៉ូឡូញចុះហត្ថលេខាលើកិច្ចព្រមព្រៀងកម្ចីការពារជាតិចំនួន ២ពាន់លានដុល្លារ

ក្រសួងការបរទេស បាននិយាយកាលពីថ្ងៃចន្ទថា សហរដ្ឋអាមេរិក បានចុះហត្ថលេខាលើកិច្ចព្រមព្រៀងប្រាក់កម្ចីផ្ទាល់ចំនួន ពីរពាន់លានដុល្លារ ដើម្បីគាំទ្រដល់កម្មវិធីទំនើបកម្មផ្នែកការពារជាតិរបស់ប្រទេសប៉ូឡូញ។កិច្ចព្រមព្រៀងផ្តល់ហិរញ្ញប្បទានយោធាបរទេសជំរុញកិច្ចសហប្រតិបត្តិការការពារជាតិរបស់ប្រទេសទាំងពីរ ខណៈដែលប៉ូឡូញ កំពុងស្វែងរកការជំរុញកងកម្លាំងប្រដាប់អាវុធរបស់ខ្លួន បន្ទាប់ពីការឈ្លានពាន របស់រុស្ស៊ីលើអ៊ុយក្រែន។ក្រសួងការបរទេស បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា៖«បន្ថែមពីលើតួនាទីគាំទ្រកណ្តាលរបស់ខ្លួនក្នុងការសម្របសម្រួលជំនួយអន្តរជាតិដល់ប្រទេសអ៊ុយក្រែនដែលនៅជិតខាង ប៉ូឡូញ បានបង្ហាញពីការប្តេជ្ញាចិត្តរបស់ខ្លួនក្នុងការពង្រឹងសន្តិសុខក្នុងតំបន់ តាមរយៈការវិនិយោគដ៏រឹងមាំរបស់ខ្លួន ក្នុងការចំណាយលើវិស័យការពារជាតិ»។ប្រទេសប៉ូឡូញ គឺជាសម្ព័ន្ធមិត្តឈានមុខរបស់សហរដ្ឋអាមេរិក ហើយបានឈរនៅលើកំពូលតារាងចំណាយរបស់អង្គការណាតូ នៅឆ្នាំនេះ។ សម្ព័ន្ធភាពយោធានេះ បានព្យាករថា ប្រទេសប៉ូឡូញ នឹងផ្តល់ឲ្យ ៣,៩ភាគរយនៃផលិតផលក្នុងស្រុកសរុប ទៅក្នុងគោលដៅយោធា ដែលជិតស្មើពីរដងនៃគោលដៅពីរភាគរយបច្ចុប្បន្នរបស់អង្គការណាតូ។

ប្រឡាយក្រវាត់រាជធានីប៉ែកខាងលិច កំពុងត្រូវបានស្ដារបាន ៨០ភាគរយ ដើម្បីទប់ទល់នឹងការជន់លិច

ភ្នំពេញ៖ ប្រឡាយអូរតាគុជ ក្នុងមូលដ្ឋានខណ្ឌសែនសុខ ដែលស្ថិតនៅប៉ែកខាងលិច នៃរាជធានីភ្នំពេញ ត្រូវបានក្រុមអាជ្ញាធរខណ្ឌ និងមន្ត្រីជំនាញ កំពុងបន្តដំណើរការចុះកាយ និងស្តារប្រលាយទាំងមូល ដើម្បីឱ្យប្រព័ន្ធបង្ហូរទឹកអាចហូរបានទៅដោយរលូន បញ្ចៀសបាននូវជន់លិចភូមិពលរដ្ឋរស់នៅ ខណៈរដូវនេះជារដូវវស្សាផងដែរនោះ ។ប្រឡាយអូរតាគុជខាងលើនេះ មានប្រវែងសរុប ៣១១៥ម៉ែត្រ ( ៣គីឡូម៉ែត្រ ) គិតចាប់ពីផ្លូវលេខ២០១១ ដល់ផ្លូវលេខ៥៩៨ ដែលមានភូមិមួយចំនួន ស្ថិតក្នុងសង្កាត់ចំនួន០៤ នៅប្របសងខាងប្រលាយ រួមមានសង្កាត់ភ្នំពេញថ្មី , សង្កាត់គោកឃ្លាង , សង្កាត់ទឹកថ្លា , និងសង្កាត់ អូរបែកក្អម ។លោក សាំង សុភះវិចិត្រ អភិបាលរងខណ្ឌសែនសុខ បានប្រាប់ BTV ឱ្យដឹងថា គិតត្រឹមថ្ងៃទី២៦ ខែកញ្ញា ឆ្នាំ២០២៣នេះ អាជ្ញាធរខណ្ឌបានកាយ និងស្តារប្រឡាយអស់រយៈពេល១៥ថ្ងៃហើយ ដោយសម្រេចលទ្ធិផលបានប្រមាណពី៧០ ទៅ៨០ភាគរយ ហើយនឹងត្រូវស្តាររួចរាល់ ១០០ភាគរយ នៅក្នុងសប្តាហ៍នេះតែម្តង ។ ដោយការស្តារនេះ ធ្វើឡើងចាប់ពីគល់ស្ពានលេខ២០០៥ និងផ្លូវលេខ១០០៣ ដោយប្រើអេស្កាវ៉ាទ័០៣គ្រឿង និងសាឡង់០១គ្រឿង ។ លោកអភិបាលរងខណ្ឌ បន្ថែមថា ការកាយ និងស្តារប្រឡាយនេះ វានឹងជួយរំដោះទឹក បញ្ចៀសការជន់លិចនៅតាមបណ្តាភូមិពលរដ្ឋមួយចំនួនឱ្យកាន់តែប្រសើរឡើងផងដែរ ។ ទន្ទឹមនឹងសកម្មភាពចុះកាយ និងស្តារនោះ លោកអភិបាលរង ក៏បានសំណូមពរដល់ពលរដ្ឋរស់នៅប្របសងប្រឡាយ មេត្តាចូលរួមថែរក្សាបរិស្ថានអនាម័យទាំងអស់គ្នា ដោយសូមបញ្ចៀសឱ្យបាននូវការបោះចោលសំរាម និងកាកសំណល់ផ្សេងៗចូលទៅក្នុងប្រឡាយ ដែលជាកត្តាបង្កឱ្យប្រឡាយមានការកកកុញស្ទះ មិនអាចហូរទឹកបានលឿន រាល់ពេលមេឃភ្លៀងខ្លាំងម្តងៗ ។ពលរដ្ឋរស់នៅប្របសងខាងប្រលាយ ក៏បានសម្តែងអារម្មណ៍រីករាយ ចំពោះសកម្មភាពគិតគូរយកចិត្តទុកដាក់របស់អាជ្ញាធរខណ្ឌ ដែលបានចុះកាយ និងស្តារប្រឡាយឱ្យបានជ្រៅ និងបើកមុខទឹកឱ្យកាន់តែធំ ដើម្បីធ្វើឱ្យប្រព័ន្ធទឹកអាចហូរបានលឿនរហ័ស ដោយមិនមានការរាំងស្ទះ បង្កជាការជន់លិចប៉ះពាល់ដល់ការរស់នៅរបស់ពលរដ្ឋបន្តទៀត ។ សូមបញ្ជាក់ថា ដើម្បីឆ្លើយតប និងបញ្ចៀសបាននឹងការជន់លិចនៅក្នុងរាជធានីភ្នំពេញផងដែរនោះ ក្នុងមួយរយៈក្រោយមកនេះ ប្រឡាយមេសំខាន់ៗជាច្រើននៅក្នុងរាជធានីភ្នំពេញ មានដូចជាប្រឡាយបឹងសាឡាង និងប្រឡាយបឹងត្របែកជាដើម ត្រូវបានក្រុមអាជ្ញាធរមូលដ្ឋាន និងមន្ត្រីជំនាញ បានគិតគូរយកចិត្តទុកចុះកាយ និងស្តារជាបន្តបន្ទាប់រួចរាល់ហើយផងដែរ ដើម្បីទប់ស្កាត់ការជន់លិច ៕ អត្ថបទ៖ លីហេង

ក្មេងប្រុសម្នាក់ត្រូវបានមន្ទីរពេទ្យគន្ធបុប្ផាជួយសង្រ្គោះជីវិតទាន់ពេលក្រោយពស់ស្រកាចាស់ចឹករលួយដៃ

ក្មេងប្រុសម្នាក់ មានអាយុ៦ឆ្នាំ ត្រូវបានមន្ទីរពេទ្យគន្ធបុប្ផាជួយសង្រ្គោះបានទាន់ពេលវេលា បន្ទាប់ពីក្មេងប្រុសរូបនេះ ត្រូវពស់ស្រកាចាស់ចឹកហើយពិសជ្រាបចូលក្នុងឈាម បណ្តាលឲ្យរលួយដៃ ខ្សោយដង្ហើម និងខូចតម្រងនោមស្រួចស្រាវយ៉ាងធ្ងន់ធ្ងរនោះ។យោងតាមផេកហ្វេសបុក ដែលមានឈ្មោះថា Dr Beat Richner ដែលបានបង្ហោះនាថ្ងៃទី២៦ ខែកញ្ញានេះ បានឲ្យដឹងថា ក្មេងប្រុសអាយុ៦ឆ្នាំនេះ ត្រូវបានពស់ស្រកាចាស់ចឹកនិងត្រូវបានបញ្ជូនមកពីមន្ទីរពេទ្យខេត្តកំពត២ថ្ងៃបន្ទាប់មកពិសពស់បានជ្រាបចូលក្នុងឈាម ធ្វើឲ្យរលួយដៃនិងខ្សោយដង្ហើម ហើយចុងក្រោយបណ្តាលឲ្យពុលខ្សោយតម្រងនោមស្រួចស្រាវយ៉ាងធ្ងន់ធ្ងរបំផុត។ ប៉ុន្តែក្មេងប្រុសត្រូវបានជួយសង្រ្គោះជីវិត ដោយចាក់ថ្នាំបន្សាបចម្រុះពិស លាងឈាមតាមស្រោមពោះសង្រ្គោះតម្រងនោម និងសង្រ្គោះដង្ហើមដោយម៉ាស៊ីនសប់ដង្ហើម អស់រយៈពេល២១ថ្ងៃ តែថ្ងៃនេះ(ថ្ងៃទី២៦) ក្មេងប្រុសបានរួចជីវិត និងត្រូវបន្តព្យាបាលបណ្តុះស្បែកឡើងវិញ។តាមរយៈផេកហ្វេសបុកខាងលើនេះដែរ បានបញ្ជាក់ឲ្យដឹងផងដែរថា ពស់ស្រកាចាស់ មានពិសចម្រុះគ្នា ធ្វើឲ្យរលួយសាច់វិបត្តិកំណកឈាម និងហូរឈាម អាចធ្វើឲ្យប្រព័ន្ធប្រាសាទឈប់ដំណើរការ និងធ្វើឲ្យតម្រងនោមលែងដំណើរការទៀតផង។យ៉ាងណាក៏ដោយក្មេងប្រុសរងគ្រោះខាងលើនេះត្រូវបានជួយសង្រ្គោះជីវិតទាន់ពេលា ហើយការព្យាបាលក្មេងប្រុសនេះ ដូចអ្នកជំងឺក្មេងៗនាពេលកន្លងមកផងដែរ គឺការព្យាបាលដោយឥតគិតថ្លៃទាំង អស់៕អត្ថបទ បាន ចក់

កូរ៉េខាងត្បូង ធ្វើក្បួនព្យុហយាត្រាយោធាដ៏កម្រ ក្នុងទីក្រុងសេអ៊ូល ខណៈមានការគំរាមពីកូរ៉េខាងជើង

ប្រទេសកូរ៉េខាងត្បូងនឹងធ្វើព្យុហយាត្រាយោធាធំបំផុតមិនធ្លាប់មានលើកដំបូងរបស់ខ្លួនក្នុងរយៈពេល១០ឆ្នាំ នៅថ្ងៃអង្គារទី២៦ខែកញ្ញា នេះ ដោយមានអាវុធ ចាប់ពីមីស៊ីលបាលីស្ទីក រហូតដល់ឧទ្ទម្ភាចក្រវាយប្រហារទូទាំងទីក្រុងសេអ៊ូល ជាការបង្ហាញកម្លាំង ខណៈខ្លួនប្រកាន់ជំហរកាន់តែខ្លាំងប្រឆាំងប្រទេសកូរ៉េខាងជើង។ព្រឹតិ្តការណ៍នេះ កើតឡើងខណៈលោកប្រធានាធិបតីកូរ៉េខាងត្បូង យ៉ុន សុកយ៉ូល ( Yoon Suk Yeol) បានប្រកាន់ជំហរដ៏រឹងមាំប្រឆាំងកូរ៉េខាងជើង ដែលជាការបង្ហាញសមយុទ្ធអាវុធនិងយោធាដ៏មានអំណាចនៃយុទ្ធសាស្ត្ររបស់លោកក្នុងការទប់ទល់កម្មវិធីនុយក្លេអ៊ែរនិងមីស៊ីលរបស់កូរ៉េខាងជើង។ក្បួនព្យុហយាត្រានេះ ប្រារព្ធដល់ទិវាកងកម្លាំងប្រដាប់អាវុធរបស់ប្រទេសនេះ ដែលធម្មតា ជាព្រឹត្តិការណ៍ស្ងៀមស្ងាត់ ខុសពីព្រឹត្តិការណ៍ដ៏ធំគគ្រឹកគគ្រេងរបស់កូរ៉េខាងជើងក្រោមការដឹកនាំរបស់លោក Kim Jong Un ដែលរួមទាំង អាវុធយុទ្ធសាស្ត្រ ដូចជាមីស៊ីល្ទីកអន្តរទ្វីប (ICBM)។ក្រសួងការពារជាតិនិយាយថា ព្រឹត្តិការណ៍ពេញមួយថ្ងៃនៅក្នុងទីក្រុងសេអ៊ូល នឹងមានការចូលរួមពីទាហានរាប់ពាន់នាក់ និងរថក្រោះផលិតក្នុងស្រុករបស់កូរ៉េខាងត្បូង និងកាំភ្លើងធំ ព្រមទាំងយន្តហោះវាយប្រហារ និងយានដ្រូន ដែលត្រូវបានចូលរួមដោយទាហាន៣០០នាក់ ក្នុងចំណោមទាហានអាមេរិក២៨.៥០០នាក់ ដែលតាំងមូលដ្ឋាននៅក្នុងប្រទេសនេះ ។ការបង្ហាញនេះ មានក្បួនព្យុហយាត្រាចម្ងាយ២គីឡួម៉ែត្រឆ្លងកាត់ស្រុកពាណិជ្ជកម្មនិងធុរកិច្ចសំខាន់របស់ក្រុងសេអ៊ូល រហូតដល់តំបន់ ក្វាងវ៉ាម៉ុន (Gwanghwamun) ដែលជាមាត់ច្រកទៅកាន់វិមានដ៏ធំស្កឹមស្កៃនៅកណ្ដាលទីក្រុងសេអ៊ូល។គួររម្លឹកថា កូរ៉េខាងត្បូង បានរៀបចំក្បួនព្យុហយាត្រាយោធាតាមផ្លូវចុងក្រោយកាលពីឆ្នាំ២០១៣៕

ប្រជាពលរដ្ឋជាង៥ពាន់គ្រួសារ ក្នុងខេត្តកំពង់ធំ កំពុងរងផលប៉ះពាល់ដោយសារទឹកជំនន់

កំពង់ធំ៖ ប្រជាពលរដ្ឋប្រមាណជាង៥.២០០គ្រួសារ កំពុងរងផលប៉ះពាល់ដោយសារទឹកជំនន់ ខណៈដែលហេដ្ឋារចនាសម្ព័ន្ធផ្លូវថ្នល់សាលារៀន វត្តអារ៉ាមនិងដំណាំផ្សេងៗទៀត កំពុងត្រូវបានទឹកជំនន់ធ្វើឲ្យលិចលង់ផងដែរ។នៅថ្ងៃទី២៥ ខែកញ្ញា ឆ្នាំ២០២៣ ឯកឧត្តមកិត្តិសង្គហបណ្ឌិត គន់ គីម អនុប្រធានទី១នៃគណៈកម្មាធិការជាតិគ្រប់គ្រងគ្រោះអន្តរាយ អញ្ជើញទៅត្រួតពិនិត្យ ស្ថានភាពទឹកជំនន់ និងផលប៉ះពាល់ដែលបណ្ដាលមកពីជំនន់ទឹកភ្លៀង នៅឃុំឈូក ស្រុកប្រាសាទសំបូរ ខេត្តកំពង់ធំ។ ក្នុងដំណើរនៃការពិនិត្យនេះ ឯកឧត្តមសង្កេតឃើញស្ថានភាពទឹកនៅតែបន្តកើនឡើង ដែលនឹងធ្វើប្រជាពលរដ្ឋ នៅតែបន្តរងផលប៉ះពាល់ទាំងការធ្វើដំណើរ និងជីវភាពរស់នៅប្រចាំថ្ងៃ។ ក្នុងឱកាសនោះ ឯកឧត្តមទេសរដ្ឋមន្ត្រី ណែនាំដល់អាជ្ញាធរដែនដី ភូមិ ឃុំ ស្រុក ត្រូវយកចិត្តទុកដាក់ណែនាំដល់ប្រជាជនឲ្យមានការប្រុងប្រយ័ត្នខ្ពស់ ហើយត្រូវត្រៀមកងកម្លាំង និងមធ្យោបាយគ្រប់ប្រភេទ ដើម្បីដឹកជញ្ជូនពួកគាត់ទៅកាន់ទីទួលសុវត្ថិភាព ក្នុងកាលៈទេសៈ ដែលទឹកជំនន់នៅតែបន្តកើនឡើង ធ្វើប្រជាពលរដ្ឋគ្រោះថ្នាក់។ ក្នុងនោះ មន្ទីរ ស្ថាប័នពាក់ព័ន្ធត្រូវវាយតម្លៃឲ្យបានច្បាស់លាស់អំពីផលប៉ះពាល់ ដែលបណ្ដាលមកពីគ្រោះទឹកជំនន់នេះ មានជាអាទិ៍ បញ្ហាប្រព័ន្ធផ្លូវគមនាគមន៍ បញ្ហាប្រជាពលរដ្ឋ ដែលរងផលប៉ះពាល់មានជីវភាពលំបាកខ្វះខាត និងការខូចខាតផលដំណាំផ្សេងៗដែលកើតមានឡើង ដើម្បីត្រៀមស្តារការខូចខាត និងដោះស្រាយជូន ប្រជាពលរដ្ឋយើងឲ្យបានសម្យ និងទាន់ពេលវេលា។តាមរបាយការណ៍របស់ ឯកឧត្តម ងួន រតនៈ អភិបាលខេត្តកំពង់ធំ បញ្ជាក់ថា ស្ថានភាពទឹកក្នុងខេត្តកំពង់ធំ គិតត្រឹមថ្ងៃទី២៥ ខែកញ្ញា នៅតែបន្តកើនឡើង ដែលនៅស្ថានីយកំពង់ធំ មានកំពស់ ១៣.៧២ ម៉ែត្រ លើសកំពស់ប្រកាសឲ្យមានការប្រុងប្រយ័ត្ន០.២២ម៉ែត្រ។ បច្ចុប្បន្នស្ថានភាពទឹក ធ្វើឲ្យប៉ះពាល់មានចំនួន ២៩ឃុំ ស្មើ ១៥៣ភូមិមាន៥.២៨៣គ្រួសារ ដែលមានប្រជាពលរដ្ឋសរុបចំនួន ២១.៣២៣ នាក់។ ប្រជាពលរដ្ឋ ចេញពីលំនៅឋាន២០៩គ្រួសារ មានមនុស្សចំនួន ៣១៨នាក់ កំពុងស្នាក់នៅលើទីទួលសុវត្ថិភាព១៩ គ្រួសារ ។ ប៉ះពាល់ផ្ទះសម្បែង ២.២២៥ខ្នង សាលារៀនចំនួន ៤៣សាលា ផ្អាកដំណើរការសាលារៀនចំនួន ១៨សាលា ប៉ះពាល់វត្តអារាមចំនួន ០៦កន្លែង ប៉ះពាល់ដំណាំរួមផ្សំចំនួន ១៨៧ ហិកតា ប៉ះពាល់ដំណាំស្រូវចំនួន ២.៧៥០ហិកតា ប៉ះពាល់ផ្លូវកៅស៊ូចំនួន ៣.៥៥៥ ម៉ែត្រ ប៉ះពាល់ផ្លូវបេតុងចំនួន ៣៣៤ ម៉ែត្រ ប៉ះពាល់ផ្លូវគ្រួសក្រហមចំនួន ៥១.៤០៥ ម៉ែត្រ ប៉ះពាល់ផ្លូវដីស ៣.៤៦៥ ម៉ែត្រ ប៉ះពាល់ស្ពានបេតុង ០១កន្លែង ស្ពានឈើ ០៦កន្លែង ខូច ០១ និងប៉ះពាល់លូកាត់ផ្លូវ ៨៧កន្លែង។ ក្នុងនាមអាជ្ញាធរខេត្ត ឯកឧត្តម អំពាវនាវដល់ប្រជាពលរដ្ឋទាំងអស់ សូមបង្កើនការប្រុងប្រយ័ត្នក្នុងការរស់នៅប្រចាំថ្ងៃ ជាពិសេសកុមារតូចៗ ដែលត្រូវការជាចាំបាច់នូវអនាម័យដើម្បីគេចផុតពីជំងឺឆ្លង ទន្ទឹមនេះប្រជាពលរដ្ឋគ្រប់ផ្ទះក៏ត្រូវត្រៀម ម្ហូបអាហារ ថ្នាំសង្កូវខ្លះៗ ដើម្បីសង្គ្រោះបឋម ដើម្បីជៀសវាងគ្រោះថ្នាក់ធ្ងន់ធ្ងរផងដែរ។

សិស្សានុសិស្សនៅអនុវិទ្យាល័យព្រៃព្រាល ចុះទស្សនកិច្ចសិក្សា ទៅកាន់ប្រាសាទសំបូរព្រៃគុក

កំពង់ធំ ៖ នៅថ្ងៃទី២៥ ខែកញ្ញា ឆ្នាំ២០២៣, អនុវិទ្យាល័យព្រៃព្រាល រៀបចំដំណើរទស្សនៈកិច្ចសិក្សា របស់សិស្សទៅកាន់តំបន់ប្រសាទបេតិកភណ្ឌពិភពលោក ប្រាសាទសំបូរព្រៃគុក ដើម្បីលក្ខណៈសំខាន់ៗរបស់ប្រាសាទ។លោក ម៉ាក់ សាន់នី នាយកសាលាអនុវិទ្យាល័យព្រៃព្រាល លើកឡើងថា គោលបំណងនៃទស្សនកិច្ចសិក្សា នៅថ្ងៃនេះ ដើម្បីពង្រឹងការសិក្សាបន្ថែមរបស់សិស្សដោយផ្សារភ្ជាប់ការសិក្សាទ្រឹស្ដីទៅនិងការអនុវត្តជាក់ស្ដែង ស្វែងយល់ពីប្រវត្តិ ប្រពន្ធ័សិក្សាជំនាញ និងផលិតផល សេវាកម្មរបស់វិទ្យាស្ថានបច្ចេកវិទ្យាកំពង់ឈើទាល ការសិក្សាស្វែងយល់ពីតំបន់ប្រវត្តិសាស្រ្តប្រាសាទសំបូរព្រៃគុកលើកទឹកចិត្តដល់សិស្សដែលខិតខំសិក្សាពេញមួយឆ្នាំសិក្សា និងលើកទឹកចិត្តលោកគ្រូអ្នកគ្រូ ដែលបានបង្ហាត់បង្រៀនដល់សិស្សានុសិស្ស។លោកស្រី ជា សោភារី ប្រធាននាយកដ្ឋានអភិវឌ្ឍទេសចរណ៍ នៃអាជ្ញាធរជាតិសំបូរព្រៃគុក ថ្លែងថា សិស្សានុសិស្សយល់ដឹងពីការបញ្ចូលប្រាសាទសំបូរព្រៃគុកជាបេតិកភណ្ឌពិភពលោក នៅថ្ងៃទី០៨ ខែកក្កដា ឆ្នាំ២០១៧ ដោយមានលក្ខខណ្ឌយ៉ាងតិចចំនួន៦ចំណុច ទើបទទួលបានជាបេតិកភណ្ឌពិភពលោក ដើម្បីប្រជាជនកម្ពុជាទទួលស្គាល់ជាសម្បត្តិវប្បធម៌យ៉ាងពិតប្រាកដ។ លោកស្រីបានបន្តទៀតថា សម្រាប់ទស្សនកិច្ចសិក្សាថ្ងៃនេះគឺចង់បង្ហាញពីប្រវត្តិនៃប្រាសាទសំបូរព្រៃគុក ជាតំបន់ឥសានបុរៈ ដើម្បីទាក់ទាញភ្ញៀវជាតិ អន្តរជាតិមកទស្សនាជារៀងរាល់ថ្ងៃ ព្រមទាំងចូលរួមថែរក្សាប្រវត្តិសាស្ត្រឲ្យបានគង់វង្សយូរអង្វែង៕

បាតុកម្មនៅតំបន់ភាគខាងកើតប្រទេសឥណ្ឌា ជុំវិញកំណើនករណីជំងឺគ្រុនឈាម

ឥណ្ឌា៖ ក្រុមកម្មករ និងអ្នកគាំទ្រគណបក្សប្រឆាំងរបស់ប្រទេសឥណ្ឌា គណបក្សសភា បានធ្វើការតវ៉ានៅទីក្រុងភាគខាងកើត កូកាតា (Kolkata) ស្របពេលមានការកើនឡើងនៃករណីជំងឺគ្រុនឈាម នៅក្នុងទីក្រុងនេះកាលពីថ្ងៃចន្ទ (២៥ កញ្ញា)។ ការតវ៉ានេះត្រូវបានធ្វើឡើងនៅក្នុងតំបន់ បាវ៉ាននីពួរ (Bhawanipur) របស់ទីក្រុងនេះ ដែលជាមណ្ឌលបោះឆ្នោតរបស់ប្រធានរដ្ឋ គឺលោកស្រី Mamata Banerjee។នៅក្នុងវិធីពិសេសមួយ ដើម្បីបង្ហាញពីភាពចលាចលរបស់ពួកគេប្រឆាំងនឹងរដ្ឋាភិបាល ក្រុមអ្នកតវ៉ាត្រូវបានគេឃើញឈរនៅខាងក្នុងមុង និងលើកពាក្យស្លោកជុំវិញការកើនឡើងនៃករណីឆ្លងមេរោគនេះ។ របាយការណ៍ប្រព័ន្ធផ្សព្វផ្សាយបាននិយាយថា រដ្ឋបានរាយការណ៍យ៉ាងហោចណាស់ចំនួន៣៨.០០០ករណីនៃជំងឺគ្រុនឈាម ក្នុងរដូវកាលនេះ រហូតមកដល់ពេលនេះ។ជំងឺគ្រុនឈាម អាចបណ្តាលឱ្យមានការឈឺចាប់ខ្លាំងនៅក្នុងសាច់ដុំ និងសន្លាក់ ហើយត្រូវបានរីករាលដាលដោយការខាំរបស់មូសប្រភេទ Aedes Aegypti ដែលជាទូទៅប៉ះពាល់ដល់ភាពស៊ាំរបស់អ្នកជំងឺ ដោយការធ្វើឱ្យចំនួនប្លាកែតធ្លាក់ចុះ ខណៈប៉ះពាល់ដល់អង់ស៊ីមថ្លើមរបស់អ្នកជំងឺផងដែរ៕

ហ្វីលីពីនដករបាំងការពាររបស់ចិននៅតំបន់ជម្លោះចេញ ក្នុងប្រតិបត្តិការពិសេស

ហ្វីលីពីន៖ ហ្វីលីពីនបាននិយាយកាលពីថ្ងៃចន្ទ (២៥ កញ្ញា) ថា ខ្លួនបានអនុវត្ត «ប្រតិបត្តិការពិសេស» ដើម្បីដករបាំងបណ្តែត ដែលដំឡើងដោយប្រទេសចិន នៅតំបន់នេសាទដ៏សំខាន់មួយនៅក្នុងសមុទ្រចិនខាងត្បូង ដែលជាវិធានការមួយអាចបង្កឱ្យមានភាពតានតឹងបន្ថែមទៀត បន្ទាប់ពីភាពតានតឹងរយៈពេលជាច្រើនឆ្នាំនៅក្នុងតំបន់ដែនទឹកដែលមានជម្លោះ របស់អាស៊ីមួយនេះ។ប្រទេសហ្វីលីពីន បានសម្តែងការខឹងសម្បារកាលពីថ្ងៃអាទិត្យ (២៤ កញ្ញា) និងបានចែករំលែករូបភាពនៃនគរបាលឆ្មាំល្បាតឆ្នេររបស់ចិន ដែលដាក់របាំងពោងបណ្ដែតទឹកដ៏វែងមួយនៅជិតតំបន់សមុទ្រ Scarborough ដែលជាផ្ទាំងថ្មប៉ប្រះទឹកមានចម្ងាយ ២០០គីឡូម៉ែត្រ ពីប្រទេសហ្វីលីពីន និងជាកន្លែងដែលមានជម្លោះអស់រយៈពេលជាច្រើនឆ្នាំជុំវិញអធិបតេយ្យភាព និងសិទ្ធិនេសាទ។ប៉ុន្មានម៉ោងបន្ទាប់ពីទីប្រឹក្សាសន្តិសុខជាតិបានប្តេជ្ញាថានឹងចាត់វិធានការ ឆ្មាំល្បាតឆ្នេរហ្វីលីពីនបាននិយាយថា ខ្លួនបានដកខ្សែពួរអណ្តែតទឹកនោះចេញ តាមការបញ្ជារបស់ប្រធានាធិបតីហ្វីលីពីន លោក Ferdinand Marcos Jr និងក្រុមការងារពិសេសរបស់លោក នៅសមុទ្រចិនខាងត្បូង។ វីដេអូមិនមានកាលបរិច្ឆេទ ដែលបានផ្សព្វផ្សាយដោយឆ្មាំឆ្នេរសមុទ្រហ្វីលីពីន បានបង្ហាញពីបុគ្គលិករបស់ខ្លួនម្នាក់បានកាត់ខ្សែពួរ ដែលចងភ្ជាប់របាំងអណ្តែតទឹក ហើយដកយុថ្ការបស់ពោងបណ្ដែតទាំងនោះចេញផងដែរ។តំបន់សមុទ្រយុទ្ធសាស្ត្រ Scarborough ដែលដាក់ឈ្មោះតាមនាវាដឹកទំនិញរបស់អង់គ្លេស ដែលបានជាប់នៅទីនោះកាលពីសតវត្សទី១៨ ត្រូវបានរឹបអូសក្នុងឆ្នាំ២០១២ ដោយប្រទេសចិន ដែលបានរក្សាវត្តមានជាប្រចាំនៃឆ្មាំល្បាតឆ្នេរ និងទូកនេសាទរបស់ខ្លួន នៅតំបន់នោះចាប់តាំងពីពេលនោះមក៕

ឧត្តមសេនីយ៍សេង ធារិន៖ យោធភូមិភាគទី៥ ប្តេជ្ញាមិនឲ្យគ្រឿងញៀនមានជាប់ នឹងខ្លួនកងទ័ពជាដាច់ខាត

ភ្នំពេញ៖ ឧត្តមសេនីយ៍ទោ សេង ធារិន មេបញ្ជាការរង នាយសេនាធិការយោធភូមិភាគទី៥ បានអះអាងថា ចាប់ពីពេលនេះតទៅ យោធភូមិភាគទី៥ប្តេជ្ញា មិនឲ្យគ្រឿងញៀនជាប់នឹងខ្លួនដល់កងទ័ពនៅអង្គភាពរបស់ខ្លួនជាដាច់ខេត្ត ហើយប្រសិនបើរកឃើញថា មានជាប់ពាក់ព័ន្ធ នឹងត្រូវដកចេញពីក្របខណ្ឌកងទ័ព និងយកទៅផ្តន្ទាទោសទៅតាមច្បាប់ផងដែរ។តាមរយៈកិច្ចសម្ភាសន៍ជាមួយទូរទស្សន៍ BTV លោកឧត្តមសេនីយ៍ទោ សេង ធារិន បានបញ្ជាក់ថា ដើម្បីអនុវត្តទៅតាមបទបញ្ជាយ៉ាងម៉ឹងម៉ាត់របស់រាជរដ្ឋាភិបាល ក៏ដូចជាក្រសួងការពារជាតិកម្ពុជា «សូន្យគ្រឿងញៀនក្នុងវិស័យកងទ័ព» យោធភូមិភាគទី៥ មានកងពលតូចថ្មើរជើងចំនួន៣ កងពលតូចថ្មើរជើងលេខ៥១ លេខ ៥២ លេខ៥៣ តំបន់ប្រតិបត្តិការសឹករងចំនួន៤, តំបន់ប្រតិបត្តិការសឹករងពោធិ៍សាត់,តំបន់ប្រតិបត្តិការសឹករងបាត់ដំបង, តំបន់ប្រតិបត្តិការសឹករងបន្ទាយមានជ័យ, តំបន់ប្រតិបត្តិការសឹករងប៉ៃលិន,វរសេនាតូចស៊ើបការ វរសេនាតូចការពារអាកាស ,វរសេនាតូចរថក្រោះ និងវរសេនាតូចកំភ្លើងធំនោះនឹង ចូលរួមជាមួយភាគីពាក់ព័ន្ធទប់ស្កាត និងប្រយុទ្ធប្រឆាំងគ្រឿងញៀនឲ្យខាងតែបាន ជាពិសេសគឺនៅក្នុងអង្គភាពនីមួយៗដែលចំណុះឲ្យយោធភូមិភាគទី៥នេះតែម្តង។សូមបញ្ជាក់ថា នៅក្នុងដំណើរចុះសួរសុខទុក្ខដល់នាយទាហាន នាយទាហានរងនៅក្នុងយោធភូមិ ភាគទី៤ និងទី៥កាលពីចុងសប្តាហ៍កន្លងទៅនេះ នាយឧត្តមសេនីយ៍ ទៀ សីហា ឧបនាយករដ្ឋមន្រ្តី រដ្ឋ មន្រ្តីក្រសួងការពារជាតិកម្ពុជា បានដាក់បទបញ្ជា និងដាស់តឿន ដល់កងទ័ពទាំងអស់មិនត្រូវសេព និងជាប់ពាក់ព័ន្ធនឹងការជួញដូរគ្រឿងញៀននោះឡើយហើយប្រសិនបើរកឃើញថាទាហានរូបណាដែលសេព និងជួយដូរគ្រឿងញៀននឹងត្រូវដកចេញពីក្របខណ្ឌកងទ័ពភ្លាមៗ រួមទាំងដាក់ទោសទៅតាមច្បាប់ជាធរមានផងដែរ។ជាមួយគ្នានោះដែរនាយឧត្តមសេនីយ៍ ឧបនាយករដ្ឋមន្រ្តី ក៏បានដាក់បទបញ្ជាដល់មេបញ្ជាការកងពលទាំងអស់មុននឹងជ្រើសរើសទាហានបន្តវេននៅក្នុងអង្គភាពរបស់ខ្លួន ត្រូវពិនិត្យ និងធ្វើតេស្តគ្រឿងញៀនឲ្យបានម៉ត់ចត់ ដោយមុនធ្វើការប្រឡងត្រូវធ្វើតេស្តគ្រឿងញៀនជាមុន ហើយមុននឹងជាប់ក្របខណ្ឌត្រូវធ្វើតេស្តយ៉ាងតិចចំនួន៤ ដងផងដែរ៕អត្ថបទ៖ បាន ចក់

បណ្ដាញសង្គម

ព័ត៌មានថ្មីៗ

កម្ពុជា-ឡាវ ប្តេជ្ញាបន្តពង្រឹងកិច្ចសហប្រតិបត្តិការសភា និងត្រៀមបន្តសុពលភាព MOU ឆ្នាំ២០២៧

អ្នកសារព័ត៌មានបារាំង ចាប់អារម្មណ៍ សកម្មភាពស្និទ្ធស្នាលរបស់ ប្រធានាធិបតីបារាំង ហើយសង្ឃឹម កម្ពុជានឹងទទួលផលវិជ្ជមានច្រើន

ពិព័រណ៍ FrancoTech ចាប់ផ្ដើមបើក ជំរុញម្ចាស់អាជីវកម្មថ្មីៗមានឱកាសចាប់ដៃគូជាតិ-អន្តរជាតិ

ប្រធានាធិបតីតូហ្គោ អញ្ជើញមកដល់អាកាសយានដ្ឋានអន្តរជាតិតេជោ ដើម្បីចូលរួមកិច្ចប្រជុំកំពូលហ្វ្រង់កូហ្វូនី លើកទី២០ នៅកម្ពុជា

សម្ដេចតេជោ៖ កម្ពុជា និងវៀតណាមមានប្រវត្តិជាអ្នកជិតខាងល្អ តែងតែជួយគ្នាទៅវិញទៅមក ខណៈវត្តមានមកកាន់កម្ពុជាពេលនេះជាការផ្ដល់តម្លៃចំពោះទំនាក់ទំនងជាមួយកម្ពុជាក៏ដូចជាសហគមន៍ហ្វ្រង់កូហ្វូនី

សម្តេចតេជោ ជំរុញបញ្ចប់បោះបង្គោលព្រំដែន កម្ពុជា-ឡាវ ខណៈប្រទេសទាំង២ សហការគ្នាយ៉ាងសកម្ម

សម្ដេចតេជោចាត់ទុកវត្តមានប្រធានរដ្ឋឡាវមកកាន់កម្ពុជា បានផ្ដល់តម្លៃដល់ទំនាក់ទំនងជាមួយកម្ពុជា និងសហគមន៍ហ្វ្រង់កូហ្វូនី

កម្ពុជា និងសាធារណរដ្ឋកូរ៉េ ប្តេជ្ញាបន្តជំរុញទំនាក់ទំនងភាពជាដៃគូយុទ្ធសាស្ត្រជាមួយគ្នាឱ្យកាន់តែរីកចម្រើន

ធុរជននិយាយភាសាបារាំងមើលឃើញសក្ដានុពលវិនិយោគនៅកម្ពុជាបន្ទាប់ពីមានជំនួបសហគ្រិនហ្រ្វង់កូហ្វូនី

កម្ពុជាសូមស្វាគមន៍យ៉ាងកក់ក្តៅចំពោះវត្តមានឯកឧត្តម អេម៉ានុយអែល ម៉ាក្រុង (Emmanuel Macron) ប្រធានាធិបតីបារាំង មកកាន់ព្រះរាជាណាចក្រកម្ពុជា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

អាមេរិក និងប៉ូឡូញចុះហត្ថលេខាលើកិច្ចព្រមព្រៀងកម្ចីការពារជាតិចំនួន ២ពាន់លានដុល្លារ

ប្រឡាយក្រវាត់រាជធានីប៉ែកខាងលិច កំពុងត្រូវបានស្ដារបាន ៨០ភាគរយ ដើម្បីទប់ទល់នឹងការជន់លិច

ក្មេងប្រុសម្នាក់ត្រូវបានមន្ទីរពេទ្យគន្ធបុប្ផាជួយសង្រ្គោះជីវិតទាន់ពេលក្រោយពស់ស្រកាចាស់ចឹករលួយដៃ

កូរ៉េខាងត្បូង ធ្វើក្បួនព្យុហយាត្រាយោធាដ៏កម្រ ក្នុងទីក្រុងសេអ៊ូល ខណៈមានការគំរាមពីកូរ៉េខាងជើង

ប្រជាពលរដ្ឋជាង៥ពាន់គ្រួសារ ក្នុងខេត្តកំពង់ធំ កំពុងរងផលប៉ះពាល់ដោយសារទឹកជំនន់

សិស្សានុសិស្សនៅអនុវិទ្យាល័យព្រៃព្រាល ចុះទស្សនកិច្ចសិក្សា ទៅកាន់ប្រាសាទសំបូរព្រៃគុក

បាតុកម្មនៅតំបន់ភាគខាងកើតប្រទេសឥណ្ឌា ជុំវិញកំណើនករណីជំងឺគ្រុនឈាម

ហ្វីលីពីនដករបាំងការពាររបស់ចិននៅតំបន់ជម្លោះចេញ ក្នុងប្រតិបត្តិការពិសេស

ឧត្តមសេនីយ៍សេង ធារិន៖ យោធភូមិភាគទី៥ ប្តេជ្ញាមិនឲ្យគ្រឿងញៀនមានជាប់ នឹងខ្លួនកងទ័ពជាដាច់ខាត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

អាមេរិក និងប៉ូឡូញចុះហត្ថលេខាលើកិច្ចព្រមព្រៀងកម្ចីការពារជាតិចំនួន ២ពាន់លានដុល្លារ

ប្រឡាយក្រវាត់រាជធានីប៉ែកខាងលិច កំពុងត្រូវបានស្ដារបាន ៨០ភាគរយ ដើម្បីទប់ទល់នឹងការជន់លិច

ក្មេងប្រុសម្នាក់ត្រូវបានមន្ទីរពេទ្យគន្ធបុប្ផាជួយសង្រ្គោះជីវិតទាន់ពេលក្រោយពស់ស្រកាចាស់ចឹក​រលួយដៃ

កូរ៉េខាងត្បូង ធ្វើក្បួនព្យុហយាត្រាយោធាដ៏កម្រ ក្នុងទីក្រុងសេអ៊ូល ខណៈមានការគំរាមពីកូរ៉េខាងជើង

ប្រជាពលរដ្ឋជាង៥ពាន់គ្រួសារ ក្នុងខេត្តកំពង់ធំ កំពុងរងផលប៉ះពាល់ដោយសារទឹកជំនន់

សិស្សានុសិស្សនៅអនុវិទ្យាល័យព្រៃព្រាល ចុះទស្សនកិច្ចសិក្សា ទៅកាន់ប្រាសាទសំបូរព្រៃគុក

បាតុកម្មនៅតំបន់ភាគខាងកើតប្រទេសឥណ្ឌា ជុំវិញកំណើនករណីជំងឺគ្រុនឈាម

ហ្វីលីពីនដករបាំងការពាររបស់ចិននៅតំបន់ជម្លោះចេញ ក្នុងប្រតិបត្តិការពិសេស

ឧត្តមសេនីយ៍សេង ធារិន៖ យោធភូមិភាគទី៥ ប្តេជ្ញាមិនឲ្យគ្រឿងញៀនមានជាប់ នឹងខ្លួនកងទ័ពជាដាច់ខាត

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

ក្មេងប្រុសម្នាក់ត្រូវបានមន្ទីរពេទ្យគន្ធបុប្ផាជួយសង្រ្គោះជីវិតទាន់ពេលក្រោយពស់ស្រកាចាស់ចឹករលួយដៃ