BTV NEWS

ឯកឧត្តម ប៉េង ពោធិ៍នា៖ «យើងត្រូវរួបរួមគ្នាជាធ្លុងមួយទប់ស្កាត់ និងបំផ្លាញមហិច្ឆតានយោបាយរបស់ក្រុមជ្រុលនិយមមួយក្តាប់តូច ដែលតែងតែបញ្ឆេះកំហឹងជាតិសាសន៍»

គណបក្សប្រជាជនខេត្តកំពង់ឆ្នាំង ប្រារព្ធពិធីអបអខួបអនុស្សាវរីយ៍លើកទី៧៤ថ្ងៃបង្កើតគណបក្ស

គណបក្សប្រជាជនកម្ពុជាជាកម្លាំងនយោបាយតែមួយគត់រួមសុខរួមទុក្ខជាមួយប្រជាជនគ្រប់កាលៈទេសៈ

គណបក្សប្រជាជនកម្ពុជារាជធានីភ្នំពេញ ប្រកាសបញ្ចូលសមាជិកសមាជិកាគណបក្សប្រជាជនកម្ពុជា ៥៧៧នាក់ ដែលជាអតីតសកម្មជនមកពីគណបក្សប្រឆាំង

នយោបាយ និង ការអភិវឌ្ឍន៍

កម្ពុជាធ្វើជាម្ចាស់ផ្ទះ លើកដំបូងលំហាត់ហ្វឹកហ្វឺនប្រតិបត្តិការពហុជាតិ លើទីលានសកម្មភាពមីនមនុស្សធម៌

កំពង់ស្ពឺ៖ នាព្រឹកថ្ងៃទី១៣ ខែកញ្ញា ឆ្នាំ២០២៣ឯកឧត្តម នាយកឧត្តមសេនីយ៍ សែម សុវណ្ណនី អនុប្រធានទី១ គណៈកម្មាធិការជាតិ និងជាអគ្គនាយកមជ្ឈមណ្ឌលជាតិរក្សាសន្តិភាព បានអញ្ជើញជាអធិបតីក្នុងពិធីបើកលំហាត់ហ្វឹកហ្វឺនប្រតិបត្តិការពហុជាតិលើទីលានសកម្មភាពមីនមនុស្សធម៌ ក្នុងក្របខ័ណ្ឌកិច្ចប្រជុំរដ្ឋមន្ត្រីការពារជាតិអាស៊ាន-បូក ក្រោមប្រធានបទ "មាតុភូមិដ៏បវរ-ឆ្នាំ២០២៣” ។ទន្ទឹមនេះ ក៏មានវត្តមាន លោកវរសេនីយ៍ឯកពិសេស យ៉ាង ប៊ីនប៊ីន "Yang BinBin” នាយរងសេនាធិការសម្ព័ន្ធអង្គភាពទ័ពលេខ៧៥ នៃកងទ័ពរំដោះប្រជាជនចិន រួមទាំង នាយទាហាន នាយទាហានរង ពលទាហាន សិក្ខាកាមយោធាចារ្យ ជាតិ-អន្តរជាតិ ចូលរួមក្នុងពិធីបើកវគ្គហ្វឹកហ្វឺន នៅសាលាហ្វឹកហ្វឺនកងកម្លាំងរក្សាសន្តិភាពពហុសាសន៍ នេះផងដែរ។នេះជាលើកដំបូងសម្រាប់កម្ពុជា ក្នុងការធ្វើជាម្ចាស់ផ្ទះនៃលំហាត់ហ្វឹកហ្វឺននេះដោយមានកងទ័ពរំដោះប្រជាជនចិនជាសហប្រធាន។លំហាត់ហ្វឹកហ្វឺនពហុជាតិនេះ ត្រូវបានរៀបចំឡើងយ៉ាងយកចិត្តទុកដាក់ក្នុងគោលបំណងផ្លាស់ប្តូរបទពិសោធន៍គ្នាទៅវិញទៅ ក្រោមកិច្ចសហប្រធានជាមួយមិត្តចិន និងកងកម្លាំងពហុសាសន៍សរុប ១៤ប្រទេសក្នុង៤ទ្វីប អាស៊ី អឺរ៉ុប អូសេអានី និងអាមេរិក រួមមាន៖ ប្រទេសអូស្ត្រាលី ព្រុយណេដារូសាឡឹម ព្រះរាជាណាចក្រកម្ពុជា សាធារណរដ្ឋប្រជាមានិតចិន សាធារណរដ្ឋឥណ្ឌសាធារណរដ្ឋឥណ្ឌូនេស៊ី ប្រទេសជប៉ុន សាធារណរដ្ឋកូរ៉េសាធារណរដ្ឋប្រជាធិបតេយ្យប្រជាមានិតឡាវ សាធារណរដ្ឋហ្វីលីពីន សាធារណរដ្ឋសង្គមនិយមសហព័ន្ធរុស្សី សាធារណរដ្ឋសិង្ហបុរី សហរដ្ឋអាមេរិក និងប្រទេសវៀតណាម។

សម្ដេចតេជោ ហ៊ុន សែន អនុញ្ញាតឱ្យប្រធានសមាគមជប៉ុន-កម្ពុជា ចូលជួបសម្តែងការគួរសម និងពិភាក្សាការងារ

ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន ប្រធានក្រុមឧត្តមប្រឹក្សាផ្ទាល់ព្រះមហាក្សត្រ និងជាប្រធានគណបក្សប្រជាជនកម្ពុជា អនុញ្ញាតឱ្យឯកឧត្តម តាកាហាស៊ី ហ្វូមីអាគី (TAKAHASHI FUMIAKI) ប្រធានសមាគមជប៉ុន-កម្ពុជា ចូលជួបសម្តែងការគួរសម និងពិភាក្សាការងារ នៅវិមាន៧មករា រាជធានីភ្នំពេញ នៅថ្ងៃព្រឹកទី១៣ ខែកញ្ញា ឆ្នាំ២០២៣ ។

អភិបាលរាជធានីភ្នំពេញ ចូលរួមប្រជុំ AIMFដើម្បីជួយដល់ប្រទេសម៉ារ៉ុកដែលរងគ្រោះរញ្ជួយដី

ភ្នំពេញ៖ ឯកឧត្តម ឃួង ស្រេង អភិបាលនៃគណៈអភិបាលរាជធានីភ្នំពេញ កាលពីរាត្រីថ្ងៃទី១១ ខែកញ្ញា ឆ្នាំ២០២៣ នាវេលាម៉ោង១០យប់ ត្រូវនឹងម៉ោង៥ល្ងាច នៅទីក្រុងប៉ារីស ប្រទេសបារាំង បានចូលរួមនៅក្នុងកិច្ចប្រជុំតាមប្រព័ន្ធ ZOOM ជាមួយសមាជិកសហគមន៍អន្តរជាតិអភិបាលក្រុងប្រើប្រាស់ភាសាបារាំង ដែលហៅកាត់ថា AIMF ដឹកនាំដោយលោកស្រី អាន អ៊ុដាល់ហ្គោ ជាប្រធានសមាគម ។ក្នុងកិច្ចប្រជុំនោះបានពិភាក្សាផ្តោតជាសំខាន់ ដើម្បីជាប្រយោជន៍សម្រាប់សមាជិកសហគមន៍ទីក្រុងប្រើប្រាស់ភាសាបារាំង ក្នុងនោះ ទី១ បានពិភាក្សាលើការផ្តល់ជំនួយទៅប្រទេសម៉ារ៉ុក ស្ថិតនៅក្បែរទីក្រុង អ៊ូកៃមេឌិន នៃតំបន់ភ្នំអាត្លាស់ ក្នុងចម្ងាយ ៧៥គីឡូម៉ែត្រ ពីទីក្រុងទីក្រុងម៉ារ៉ុក ដែលបានរងគ្រោះដោយសារគ្រោះរញ្ជួយដីដ៏ខ្លាំងមួយ កាលពីយប់ថ្ងៃសុក្រកន្លងទៅនេះ ដោយបានសម្លាប់មនុស្សជាច្រើននាក់ ។កិច្ចប្រជុំនោះប្រធានសហគមន៍អន្តរជាតិអភិបាលក្រុងប្រើប្រាស់ភាសាបារាំង បានសម្រេចផ្តល់ជំនួយទៅប្រទេសម៉ារ៉ុកចំនួន ៥០ម៉ឺនអឺរ៉ូ ជាមួយនិងការកៀងគរទៅប្រទេសដែលជាសមាជិកសហគមន៍អន្តរជាតិអភិបាលក្រុងប្រើប្រាស់ភាសាបារាំងឱ្យជួយជ្រោមជ្រែងបន្ថែមទៀត។គួររំលឹកថា នៅក្នុងខែឧសភា ឆ្នាំ២០២៣ថ្មីៗកន្លងទៅនេះ គណៈប្រតិភូ AIMF បានអញ្ជើញមកបំពេញទស្សនកិច្ចនៅរាជធានីភ្នំពេញ និងបានសម្ពោធសមិទ្ធផលនៃគម្រោងនានា ដែលសម្រេចបានក្រោមកិច្ចសហប្រតិបត្តិការរវាងរាជធានីភ្នំពេញ និងសមាគមអន្តរជាតិអភិបាលក្រុងប្រើប្រាស់ភាសាបារាំង ក្នុងនោះ មានស្ថានីយប្រព្រឹត្តកម្មសំណល់ភក់បង្គន់ទី១ នៅក្នុងសង្កាត់ភ្លើងឆេះរទេះ ខណ្ឌកំបូល និងហេដ្ឋារចនាសម្ព័ន្ធពាក់ព័ន្ធ នៃគម្រោងដែលជាហិរញ្ញប្បទានរួមរវាងរដ្ឋបាលរាជធានីភ្នំពេញ ជាមួយសមាគម AIMF រដ្ឋបាលរដ្ឋធានីប៉ារីស និងសហភាពអឺរ៉ុប ដែលមានទីតាំងនៅតាមប្រឡាយស្ទឹងមានជ័យ និងបានរៀបចំកិច្ចប្រជុំប្រចាំឆ្នាំ នៃបណ្តាញទីក្រុងប្រើប្រាស់ភាសាបារាំង នៅតំបន់អាស៊ីអាគ្នេយ៍ ដែលមានទីស្នាក់ការនៅសាលារាជធានីភ្នំពេញ៕ អត្ថបទ ៖ប្រាក់ វ៉ាន់ដា

យន្តហោះរុស្ស៊ី ដែលដឹកមនុស្សចំនួន១៥៩នាក់ បានធ្វើការចុះចតជាបន្ទាន់

រុស្ស៊ី៖ ទីភ្នាក់ងាររុស្ស៊ីបានរាយការណ៍នៅថ្ងៃអង្គារ (១២ កញ្ញា) នេះថា យន្តហោះរបស់ក្រុមហ៊ុនអាកាសចរណ៍ Ural Airlines របស់រុស្ស៊ី ដែលមានមនុស្ស១៥៩នាក់នៅលើនោះ និងហោះហើរពីទីក្រុង Sochi ទៅកាន់ទីក្រុង Omsk បានចុះចតជាបន្ទាន់នៅក្នុងតំបន់ Novosibirsk ភាគខាងលិចតំបន់ស៊ីបេរី។មិនទាន់មានរបាយការណ៍ភ្លាមៗអំពីអ្នករបួស ឬមូលហេតុនៃការចុះចតបន្ទាន់នេះនោះទេ។ ទីភ្នាក់ងារព័ត៌មាន Interfax របស់រុស្ស៊ីបានរាយការណ៍ថាមានមនុស្ស១៥៩នាក់នៅលើយន្តហោះ ប៉ុន្តែនៅមុននោះ សារព័ត៌មាន TASS បានរាយការណ៍ថា យន្តហោះនោះបានដឹកមនុស្ស១៥៦នាក់ប៉ុណ្ណោះ៕

ប្រជាជនរស្ស៊ី មានប្រតិកម្មផ្សេងគ្នាពាក់ព័ន្ធនឹងដំណើរទស្សនកិច្ចរបស់មេដឹកនាំកូរ៉េខាងជើង

រុស្ស៊ី៖ មេដឹកនាំកូរ៉េខាងជើង លោកគីម ជុងអ៊ុន បានទៅដល់ប្រទេសរុស្ស៊ីហើយ នេះបើតាមសារព័ត៌មានជប៉ុនរាយការណ៍នៅថ្ងៃអង្គារ (១២ កញ្ញា) នេះ ដោយតបតាមការអញ្ជើញរបស់ប្រធានាធិបតីរុស្ស៊ី លោកវ្លាឌីមៀ ពូទីន ដែលនាំឱ្យមានប្រតិកម្មផ្សេងគ្នាពីពលរដ្ឋទីក្រុងមូស្គូ និងប្រជាជននៅទីក្រុងវ្លាឌីវ៉ូស្តុក (Vladivostok) នៅចុងបូព៌ានៃប្រទេសរុស្ស៊ី។អ្នកក្រុងវ្លាឌីវ៉ូស្តុក ជាច្រើនបាននិយាយថា ពួកគេមិនប្រាកដទេថា តើមេដឹកនាំកូរ៉េខាងជើងលោកគីម ជុងអ៊ុន នឹងទៅទស្សនាទីក្រុងមួយនេះ ប៉ុន្តែបាននិយាយថារុស្ស៊ី និងកូរ៉េខាងជើងមានផលប្រយោជន៍រួម។អ្នករស់នៅទីក្រុងមូស្គូ ដោយមិនបានប្រាប់ឈ្មោះម្នាក់ បាននិយាយថា «ប្រសិនបើយើងគិតពីស្ថានភាពនេះ ដោយសំដៅដល់កិច្ចសហប្រតិបត្តិការរវាងកូរ៉េខាងជើង និងរុស្ស៊ី តាមរបៀបត្រឹមត្រូវ យើងអាចទទួលបានអត្ថប្រយោជន៍ពីខាងក្រៅបន្ថែមទៀត»។ ជាមួយគ្នានោះដែរ អ្នកក្រុងមូស្គូម្នាក់ទៀតបាននិយាយថា «ខ្ញុំគិតថាវាជារឿងល្អ សម្រាប់ប្រទេសទាំងពីរក្នុងការអភិវឌ្ឍភាពជាដៃគូរបស់ពួកគេ។ ដូច្នេះខ្ញុំសូមស្វាគមន៍ជានិច្ច ដរាបណាអ្វីៗទាំងអស់ត្រូវបានធ្វើក្នុងលក្ខណៈមិត្តភាព»។កូរ៉េខាងជើង គឺជាប្រទេសមួយក្នុងចំណោមប្រទេសមួយចំនួន ដែលបានគាំទ្រដោយបើកចំហចំពោះ «ប្រតិបត្តិការយោធាពិសេស» របស់រុស្ស៊ីនៅអ៊ុយក្រែន ហើយលោកពូទីន បានសន្យាកាលពីសប្តាហ៍មុនថានឹង «ពង្រីកទំនាក់ទំនងទ្វេភាគីគ្រប់ផ្នែក តាមវិធីដែលបានគ្រោងទុកដោយកិច្ចខិតខំប្រឹងប្រែងរួមគ្នា» ផងដែរ៕

យានអវកាសផ្ទុកទំនិញ ធានចូវ-៥ របស់ចិន ហោះចេញស្ថានីយអវកាសត្រឡប់មកផែនដីវិញ

ចិន៖ យោងតាមទីភ្នាក់ងារអវកាសចិន បានឲ្យដឹងថា យានអវកាសផ្ទុកទំនិញធានចូវ-៥ (Tianzhou 5) បានចាកចេញពីស្ថានីយអវកាសធានកុង (Tiangong) កាលពីរសៀលថ្ងៃច័ន្ទ (១១ កញ្ញា) ហើយគ្រោងនឹងត្រឡប់មកផែនដីវិញនៅថ្ងៃអង្គារ (១២ កញ្ញា) នេះ។ ទីភ្នាក់ងារនេះបាននិយាយនៅក្នុងការចេញផ្សាយខ្លីមួយថា យានអវកាសរូបយន្តនេះបានចាកចេញពីស្ថានីយអវកាសធានកុង នៅម៉ោង៤:៤៦នាទីព្រឹក (ម៉ោងក្នុងស្រុក) ហើយនឹងត្រូវបានដឹកនាំដោយប្រព័ន្ធបញ្ជា ដើម្បីត្រឡប់មកផែនដីវិញនៅថ្ងៃស្អែកនេះ។ទីភ្នាក់ងារនេះបានលើកឡើងថា ក្នុងអំឡុងពេលនៃការវិលត្រលប់មកបរិយាកាសវិញ ផ្នែកភាគច្រើននៃយានអវកាសនឹងឆេះ ហើយកម្ទេចកម្ទីមួយចំនួនតូចត្រូវបានគេរំពឹងថា នឹងធ្លាក់ចូលទៅក្នុងតំបន់សុវត្ថិភាពក្នុងមហាសមុទ្រប៉ាស៊ីហ្វិកខាងត្បូង។ យាននោះ គឺជាយានផ្ទុកទំនិញទីបួន ដែលបានភ្ជាប់ជាមួយស្ថានីយអវកាសធានកុង ដោយឥឡូវនេះត្រូវបានគ្រប់គ្រងដោយអវកាសយានិកបីនាក់នៅក្នុងបេសកកម្មស៊ិនចូវ លើកទី១៦។យានធានចូវ-៥ នេះ បានបាញ់បង្ហោះកាលពីថ្ងៃទី១២ ខែវិច្ឆិកា ឆ្នាំមុន ពីមជ្ឈមណ្ឌលបង្ហោះយានអវកាស វ៉ិនចាង (Wenchang) ក្នុងខេត្តហៃណាន (Hainan) ហើយបានចូលចតនៅស្ថានីយអវកាសធានកុង នៅថ្ងៃដដែលនោះ។ យាននេះ មានភារកិច្ចក្នុងការចាក់សាំងស្ថានីយអវកាស និងនាំយកសម្ភារៈចាំបាច់សម្រាប់ការរស់នៅ និងការងាររបស់អវកាសយានិកផងដែរ៕

អ្នកវិភាគបង្ហាញផលប្រយោជន៍៥ចំណុច ដែលនាយករដ្ឋមន្ត្រីកម្ពុជា ចូលរួមកិច្ចប្រជុំកំពូលនៅUN

ភ្នំពេញ៖ បណ្ឌិត គិន ភា ប្រធានវិទ្យាស្ថានទំនាក់ទំនងអន្តរជាតិ នៃរាជបណ្ឌិត្យសភាកម្ពុជា និងជាអ្នកវិភាគនយោបាយ បានបង្ហាញផលប្រយោជន៍៥ចំណុច ដែលសម្តេចធិបតី ហ៊ុន ម៉ាណែត នាយករដ្ឋមន្ត្រីកម្ពុជា នឹងដឹកនាំគណៈប្រតិភូអញ្ជើញទៅចូលរួមកិច្ចប្រជុំកំពូលអង្គការ សហប្រជាជាតិលើកទី៧៨ ។បណ្ឌិត គិន ភា បានប្រាប់BTV នៅព្រឹកថ្ងៃទី១២ ខែកញ្ញានេះថា ផលប្រយោជន៍ចំនួន៥នោះ រួមមាន៖ ទី១. វត្តមានដ៏ខ្ពង់ខ្ពស់របស់សម្តេចធិបតី ហ៊ុន ម៉ាណែត នាយករដ្ឋមន្រ្តីកម្ពុជា នៅក្នុងកិច្ចប្រជុំកំពូលអង្គការសហប្រជាជាតិ គឺតំណាងអធិបតេយ្យរបស់កម្ពុជា នៅអង្គការសហប្រជាជាតិ ក្នុងឋានៈកម្ពុជាជាសមាជិកនៅអង្គការសហប្រជាជាតិ ទី២. តាមរយៈកិច្ចប្រជុំកំពូលនេះ កម្ពុជាក៏អាចមានឱកាសបង្ហាញទស្សនវិស័យ និងយុទ្ធសាស្រ្តផ្សេងៗ ក្នុងការរួមចំណែកដោះស្រាយបញ្ហាដែលមានសារសំខាន់ជាលក្ខណៈអន្តរជាតិ ទី៣. ការពារផលប្រយោជន៍ អធិបតេយ្យឯករាជ្យជាតិរបស់កម្ពុជានៅក្នុងឆាកអន្តរជាតិ ទី៤. បង្ហាញពីនិមិត្តរូបនយោយដ៏សំខាន់ផុតពីប្រទេសកម្ពុជាក្នុងឋានៈសម្តេចធិបតី ហ៊ុន ម៉ាណែត ជានាយករដ្ឋមន្រ្តីថ្មី នៃព្រះរាជាណាចក្រកម្ពុជា ដែលជាការបន្តវេនប្រកបដោយសន្តិភាព សន្តិវិធី សម្រាប់ក្រសែភ្នែកអន្តរជាតិ និងទី៥. ជាផ្នែកមួយនៃកិច្ចខិតខំប្រឹងប្រែងក្នុងការធ្វើពិពិធកម្មការទូត នៃព្រះរាជាណាចក្រកម្ពុជា ពីព្រោះតាមរយៈវេទិការនេះសម្តេចធិបតី នឹងមានជំនួបទ្វេភាគី ពហុភាគី និងអង្គការអន្តរជាតិផ្សេងៗទៀតជាដើម ។តាមការគ្រោងទុកសម្ដេចធិបតី ហ៊ុន ម៉ាណែត នាយករដ្ឋមន្រ្ដី នៃព្រះរាជានាចក្រកម្ពុជា នឹងដឹកនាំគណៈប្រតិភូកម្ពុជា ទៅចូលរួមកិច្ចប្រជុំកំពូលអង្គការសហប្រជាជាតិ លើកទី៧៨ នៅក្នុងទីក្រុងញូវយ៉ក សហរដ្ឋអាមេរិក នាចុងខែកញ្ញានេះ ៕អត្ថបទ៖ ទូច សោភ័ណ

គ.ជ.ប ចែកលិខិតអញ្ជើញឲ្យពលរដ្ឋទៅពិនិត្យដើម្បីចុះឈ្មោះបោះឆ្នោតបានចំនួនជាង ៥ លាននាក់

ភ្នំពេញ៖ រយៈពេល១១ថ្ងៃ គណៈកម្មាធិការជាតិរៀបចំការបោះឆ្នោត (គ.ជ.ប) បានចែកលិខិតអញ្ជើញឲ្យប្រជាពលរដ្ឋ ដើម្បីទៅពិនិត្យ និងចុះឈ្មោះបោះឆ្នោតបានចំនួនជាង ៥ លាននាក់។ ឯកឧត្តម ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានឲ្យដឹងថា ដើម្បីឆ្ពោះទៅរកការធ្វើបច្ចុប្បន្នភាពបញ្ជីឈ្មោះបោះឆ្នោតប្រចាំឆ្នាំ គ.ជ.ប បានរៀបចំដំណើរការចែកលិខិតអញ្ជើញជូនប្រជាពលរដ្ឋដែលមានឈ្មោះក្នុងបញ្ជីឈ្មោះបោះឆ្នោតអញ្ជើញទៅពិនិត្យ និងចុះឈ្មោះបោះឆ្នោតចាប់ពីដើមខែតុលាតាមឃុំ-សង្កាត់ដែលខ្លួនរស់នៅ។ ឯកឧត្តម បញ្ជាក់ថា គិតចាប់ពីថ្ងៃទី១ ដល់ថ្ងៃទី១១ ខែកញ្ញាម្សិលមិញនេះ គ.ជ.ប បានចែកលិខិតអញ្ជើញជូនប្រជាពលរដ្ឋជាង៥៧សែននាក់ ស្មើនឹងជិត៦០ភាគរយ បើធៀបនឹងចំនួនប្រជាពលរដ្ឋមានឈ្មោះក្នុងបញ្ជីជាង៩លាន៧សែននាក់។ ឯកឧត្តម បញ្ជាក់ថា ដំណើរការចែកលិខិតអញ្ជើញជូនប្រជាពលរដ្ឋនេះមានគោលបំណងឲ្យបងប្អូនប្រជាពលរដ្ឋគ្រប់អាយុ១៨ឆ្នាំ ឬប្រជាពលរដ្ឋបានផ្លាស់ទីលំនៅទៅពិនិត្យឈ្មោះបោះឆ្នោតឲ្យបានគ្រប់ៗគ្នា ដើម្បីឲ្យការធ្វើបច្ចុប្បន្នភាពបញ្ជីឈ្មោះបោះឆ្នោតប្រចាំឆ្នាំមានភាពត្រឹមត្រូវ និងប្រសិទ្ធភាព។សូមជម្រាបថា ការចែកលិខិតអញ្ជើញប្រជាពលរដ្ឋមានរយៈពេល៣០ថ្ងៃ ចាប់ពីថ្ងៃទី១ ដល់ថ្ងៃទី៣០ ខែកញ្ញា ខណៈការពិនិត្យបញ្ជីឈ្មោះ និងការចុះឈ្មោះបោះឆ្នោតឆ្នាំ២០២៣ ចាប់ពីថ្ងៃទី១ ដល់ថ្ងៃទី១៩ ខែតុលា ឆ្នាំ២០២៣៕អត្ថបទ សេក ឧត្តម

កិច្ចប្រឹងប្រែងរបស់លោកពូទីន ដើម្បីទទួលបានអាវុធកូរ៉េខាងជើង និងក្រុមអ្នកប្រយុទ្ធគុយបា បង្ហាញពីសញ្ញានៃការអស់សង្ឃឹម

រុស្ស៊ី៖ កិច្ចប្រឹងប្រែងដើម្បីចរចាកិច្ចព្រមព្រៀងសព្វាវុធជាមួយលោក គីម ជុងអ៊ុន និង ការចរចាជាមួយទាហានគុយបា គ្រាន់តែជាសញ្ញាចុងក្រោយនៃការអស់សង្ឃឹមកាន់តែខ្លាំងឡើងរបស់រុស្ស៊ី ខណៈដែលខ្លួនកំពុង តស៊ូ ដើម្បីរក្សាកម្លាំងប្រយុទ្ធរបស់ខ្លួន នៅក្នុងប្រទេសអ៊ុយក្រែន។ក្រុមមន្ត្រីអាមេរិក សមាជិកសភា និងអ្នកជំនាញ បាននិយាយថា នៅពេលដែលការវាយបករបស់អ៊ុយក្រែនឈានចូលដល់ខែទីបួន កងកម្លាំងរុស្ស៊ីត្រូវទ្រាំទ្រលែងបាន ដោយសារស្លាប់និងរងរបួសដ៏ធ្ងន់ធ្ងរ កង្វះឧបករណ៍ ការបណ្តុះបណ្តាលមានកម្រិត និងសីលធម៌កម្រិតទាប ដែលបង្ខំឲ្យទីក្រុងមូស្គូមើលទៅខាងក្រៅព្រំដែនរបស់ខ្លួន ដើម្បីជំនួយ ដែលខ្លួនអាចទទួលបាន។ជាមួយនឹងជំនួបថ្មីរវាងលោក គីម និងប្រធានាធិបតីរុស្ស៊ី លោក វ្ល៉ាឌីមៀ ពូទីន នាពេលឆាប់ៗខាងមុខនេះ ដំណើរទស្សនកិច្ចបែបនេះ គឺបង្ហាញពីឋានៈអព្យាក្រឹតអន្តរជាតិរបស់មេដឹកនាំរុស្ស៊ី ដែលនាំឲ្យមាន «បញ្ហាក្នុងការទ្រទ្រង់កិច្ចខិតខំប្រឹងប្រែងផ្នែកយោធា នេះបើយោងតាមអ្នកនាំពាក្យក្រសួងការបរទេសលោក Matt Miller។លោក Miller បានប្រាប់អ្នកយកព័ត៌មានរបស់ពូទីនកាលពីថ្ងៃចន្ទថា៖«មិនត្រឹមតែគាត់បរាជ័យក្នុងការសម្រេចគោលដៅរបស់គាត់ នៅលើសមរភូមិប៉ុណ្ណោះទេ ប៉ុន្តែអ្នកឃើញគាត់ ធ្វើដំណើរឆ្លងកាត់ប្រទេសរបស់គាត់ ដោយកាន់មួកនៅក្នុងដៃ ដើម្បីអង្វរ លោក គីម ជុងអ៊ុនឲ្យជួយផ្នែកយោធា៕

ជប៉ុនសន្យាបន្តចូលរួមចំណែកជួយគាំទ្រ និងកិច្ចការពារអភិរក្សសម្បតិ្តបេតិកភណ្ឌវប្បធម៌កម្ពុជា

ភ្នំពេញ៖ លោកជំទាវបណ្ឌិតសភាចារ្យ ភឿង សកុណា រដ្ឋមន្ត្រីក្រសួងវប្បធម៌ និងវិចិត្រសិល្បៈ បានជួបសន្ទនាការងារជាមួយឯកឧត្តម តាកាហាស៊ី ហ្វូមីអាគី (TAKAHASHI FUMIAKI) ប្រធានសមាគមជប៉ុន-កម្ពុជា និងជាអតីតឯកអគ្គរាជទូតជប៉ុន ប្រចាំព្រះរាជាណាចក្រកម្ពុជា ផ្តោតជាសំខាន់លើវិស័យវប្បធម៌, នាព្រឹកថ្ងៃទី១២ ខែកញ្ញា ឆ្នាំ២០២៣នេះ នៅទីសី្តការក្រសួង។ជាកិច្ចចាប់ផ្ដើមឯកឧត្តម តាកាហាស៊ី ហ្វូមីអាគី រួមជាមួយគណៈប្រតិភូបានសម្តែងនៅការអបអរសាទរលោកជំទាវ រដ្ឋមន្រ្តីដែលត្រូវបានព្រះមហាក្សត្រ នៃព្រះរាជាណាចក្រកម្ពុជា សព្វព្រះរាជហឫទ័យ ប្រោសព្រះរាជទាន តួនាទីជារដ្ឋមន្រ្តី ក្រសួងវប្បធម៌ និងវិចិត្រសិល្បៈ នៃព្រះរាជាណាចក្រកម្ពុជា ក្នុងអាណតិ្តទី៧។ ក្នុងជំនួបពិភាក្សាការងារនេះ ឯកឧត្តម ប្រធានសមាគមជប៉ុន-កម្ពុជា បានចោទជាសំនួរទៅកាន់លោកជំទាវ រដ្ឋមន្រី្ត ពាក់ព័ន្ធទៅនឹងទិសដៅការងាររបស់ក្រសួងវប្បធម៌ និងវិចិត្រសិល្បៈ នៅអាណតិ្តទី៧ថ្មីនេះ ក្រោមការដឹកនាំរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រី្ត នៃព្រះរាជាណាចក្រកម្ពុជា មានទិសដៅបែបណាក្នុងកិច្ចការលើវិស័យវប្បធម៌នេះ? ។ជាការឆ្លើយតបលោកជំទាវបណ្ឌិតសភាចារ្យ ភឿង សកុណា បានបញ្ជាក់ថា ក្នុងអាណតិ្តទី៧នេះ រាជរដ្ឋាភិបាល បានដាក់ចេញនូវយុទ្ធសាស្រ្តបញ្ចកោណ ក្នុងន័យនេះទិសដៅរបស់ក្រសួងវប្បធម៌ និងវិចិត្រសិល្បៈ បន្តការបណ្តុះបណ្តាលលើជំនាញដូនតា ដូចជា៖ ហត្ថកម្ម(វត្ថុសិល្បៈធ្វើឡើងដោយដៃ) តម្បាញ ចម្លាក់ជាដើម។ ហើយការងារទាំងអស់នេះ ផ្តោតសំខាន់ទៅបេតិកភណ្ឌអរូបី បន្ថែមពីលើការងារនេះ មន្រី្តជំនាញរបស់យើង កំពុងធ្វើការអភិរក្ស ថែរក្សាជួសជុលប្រាសាទ ជាសម្បតិ្តបេតិកភណ្ឌរូបី។ យើងទាំងអស់គ្នាបានដឹងស្រាប់ហើយថា ការងារដែលក្រសួងវប្បធម៌ កំពុងអនុវត្តន៍ គឺការលើកតម្កើងវប្បធម៌អរូបី និងរូបី។លោកជំទាវរដ្ឋមន្រ្តី សង្ឃឹមថា សមាគមជប៉ុន-កម្ពុជា ក៏ដូចជាអ្នកវិនិយោគិនជប៉ុន កំពុងស្វែងរកឱកាសដើម្បីវិនិយោគ នឹងនៅតែជួយគាំទ្រលើវិស័យវប្បធម៌ និងផ្តល់អ្នកជំនាញ មកជួយបណ្តុះបណ្តាលធនធានមនុស្សលើវិស័យវប្បធម៌ផងដែរ។ជាការឆ្លើយតបឯកឧត្តម តាកាហាស៊ី ហ្វូមីអាគី ស្វាគមន៍ចំពោះសំណើរលើកឡើងរបស់លោកជំទាវ រដ្ឋមន្រី្ត។ ជាទូទៅរាជរដ្ឋាភិបាលជប៉ុន តែងតែគាំទ្រ និងធ្វើកិច្ចសហប្រតិបតិ្តការជាមួយកម្ពុជា។ ជាក់ស្តែងជប៉ុន គឺជាសហប្រធានគណៈកម្មាធិការ ICC - Angkor នេះសបញ្ជាក់ឲ្យឃើញថា ជប៉ុន បានចូលរួមចំណែកផុសផុលក្នុងការការពារ និងអភិរក្សសម្បតិ្តបេតិកភណ្ឌវប្បធម៌ របស់ព្រះរាជាណាចក្រកម្ពុជា៕អត្ថបទ រដ្ឋា

បណ្ដាញសង្គម

ព័ត៌មានថ្មីៗ

រដ្ឋមន្រ្តីក្រសួងសុខាភិបាល បន្តចុះពិនិត្យ និងគាំទ្រតម្រូវការជាក់ស្តែងចំពោះមុខ ក្នុងមូលដ្ឋានសុខាភិបាលជាប់ព្រំដែន នៅមណ្ឌលសុខភាព ស្រអែម និងមណ្ឌលសុខភាពសម្តេចអគ្គមហាធម្មពោធិសាល ជា ស៊ីម ខេត្តព្រះវិហារ

ឯកឧត្តម ឌិត ទីណា បន្តជួបមន្ត្រីកសិកម្មឃុំ-សង្កាត់ ដេីម្បីផ្សព្វផ្សាយគោលនយោបាយអាទិភាព "មានហូប មានប្រេី មានបាន និងមានរហូត"

កងកម្លាំងរុស្ស៊ី បានប្រមូលផ្ដុំទាហាន ១១ម៉ឺននាក់ នៅជិតទីក្រុងយុទ្ធសាស្ត្ររបស់អ៊ុយក្រែន

មនុស្សជាច្រើននាក់ ស្លាប់និងរបួស ក្នុងហេតុការណ៍រត់ជាន់គ្នា ក្នុងពិធីបុណ្យសាសនានៅឥណ្ឌា

បាតុករសម្រុកតវ៉ានៅទីក្រុង Venice របស់អ៊ីតាលី ក្នុងពិធីមង្គលការរបស់ស្ថាបនិកក្រុមហ៊ុន Amazon

UN៖ ជនជាតិអាហ្វហ្គានីស្ថានយ៉ាងតិច ១,២លាននាក់ ត្រូវបង្ខំឱ្យចាកចេញពីអ៊ីរ៉ង់ និងប៉ាគីស្ថាន នៅឆ្នាំនេះ

មនុស្សជាង ២០នាក់ស្លាប់ និងជាច្រើននាក់បន្តបាត់ខ្លួន ក្នុងបំណាក់ដីនៅប្រទេសកូឡុំប៊ី

ឯកឧត្តម ហេង សួរ ឯកភាពជាមួយវិទ្យាស្ថាន CDRI ដើម្បីសិក្សាស្រាវជ្រាវពីវឌ្ឍនភាពតម្រូវការជំនាញនៅលើទីផ្សារ

លោក Trump៖ បទឈប់បាញ់នៅតំបន់ហ្កាហ្សា អាចកើតឡើងក្នុងពេលត្រឹមតែមួយសប្តាហ៍

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

កម្ពុជាធ្វើជាម្ចាស់ផ្ទះ លើកដំបូងលំហាត់ហ្វឹកហ្វឺនប្រតិបត្តិការពហុជាតិ លើទីលានសកម្មភាពមីនមនុស្សធម៌

សម្ដេចតេជោ ហ៊ុន សែន អនុញ្ញាតឱ្យប្រធានសមាគមជប៉ុន-កម្ពុជា ចូលជួបសម្តែងការគួរសម និងពិភាក្សាការងារ

អភិបាលរាជធានីភ្នំពេញ ចូលរួមប្រជុំ AIMFដើម្បីជួយដល់ប្រទេសម៉ារ៉ុកដែលរងគ្រោះរញ្ជួយដី

យន្តហោះរុស្ស៊ី ដែលដឹកមនុស្សចំនួន១៥៩នាក់ បានធ្វើការចុះចតជាបន្ទាន់

ប្រជាជនរស្ស៊ី មានប្រតិកម្មផ្សេងគ្នាពាក់ព័ន្ធនឹងដំណើរទស្សនកិច្ចរបស់មេដឹកនាំកូរ៉េខាងជើង

យានអវកាសផ្ទុកទំនិញ ធានចូវ-៥ របស់ចិន ហោះចេញស្ថានីយអវកាសត្រឡប់មកផែនដីវិញ

អ្នកវិភាគបង្ហាញផលប្រយោជន៍៥ចំណុច ដែលនាយករដ្ឋមន្ត្រីកម្ពុជា ចូលរួមកិច្ចប្រជុំកំពូលនៅUN

គ.ជ.ប ចែកលិខិតអញ្ជើញឲ្យពលរដ្ឋទៅពិនិត្យដើម្បីចុះឈ្មោះបោះឆ្នោតបានចំនួនជាង ៥ លាននាក់

ជប៉ុនសន្យាបន្តចូលរួមចំណែកជួយគាំទ្រ និងកិច្ចការពារអភិរក្សសម្បតិ្តបេតិកភណ្ឌវប្បធម៌កម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

កម្ពុជាធ្វើជាម្ចាស់ផ្ទះ លើកដំបូងលំហាត់ហ្វឹកហ្វឺនប្រតិបត្តិការពហុជាតិ លើទីលានសកម្មភាពមីន​មនុស្សធម៌

សម្ដេចតេជោ ហ៊ុន សែន អនុញ្ញាតឱ្យប្រធានសមាគមជប៉ុន-កម្ពុជា ចូលជួបសម្តែងការគួរសម និងពិភាក្សាការងារ

អភិបាលរាជធានីភ្នំពេញ ចូលរួមប្រជុំ AIMFដើម្បីជួយដល់ប្រទេសម៉ារ៉ុកដែលរងគ្រោះរញ្ជួយដី

យន្តហោះរុស្ស៊ី ដែលដឹកមនុស្សចំនួន១៥៩នាក់ បានធ្វើការចុះចតជាបន្ទាន់

ប្រជាជនរស្ស៊ី មានប្រតិកម្មផ្សេងគ្នាពាក់ព័ន្ធនឹងដំណើរទស្សនកិច្ចរបស់មេដឹកនាំកូរ៉េខាងជើង

យានអវកាសផ្ទុកទំនិញ ធានចូវ-៥ របស់ចិន ហោះចេញស្ថានីយអវកាសត្រឡប់មកផែនដីវិញ

អ្នកវិភាគបង្ហាញផលប្រយោជន៍៥ចំណុច ដែលនាយករដ្ឋមន្ត្រីកម្ពុជា ចូលរួមកិច្ចប្រជុំកំពូលនៅUN

គ.ជ.ប ចែកលិខិតអញ្ជើញឲ្យពលរដ្ឋទៅពិនិត្យដើម្បីចុះឈ្មោះបោះឆ្នោតបានចំនួនជាង ៥ លាននាក់

ជប៉ុនសន្យាបន្តចូលរួមចំណែកជួយគាំទ្រ និងកិច្ចការពារអភិរក្សសម្បតិ្តបេតិកភណ្ឌវប្បធម៌កម្ពុជា

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍

កម្ពុជាធ្វើជាម្ចាស់ផ្ទះ លើកដំបូងលំហាត់ហ្វឹកហ្វឺនប្រតិបត្តិការពហុជាតិ លើទីលានសកម្មភាពមីនមនុស្សធម៌