នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

ការវិភាគ៖ ល្បឿនថយចុះនុយក្លេអ៊ែររបស់អ៊ីរ៉ង់ អាចជំរុញក្តីសង្ឃឹមរបស់អាមេរិក ក្នុងការបន្ធូរបន្ថយភាពតានតឹង

2023/09/07 11:32:34 am        110
Facebook Telegram Linkin
ក្រុមអ្នកវិភាគ បាននិយាយថា ជំហានដែលមានកំណត់របស់អ៊ីរ៉ង់ក្នុងការពន្យឺតការផលិតសារធាតុអ៊ុយរ៉ានីញ៉ូមកម្រិតជិតដល់កម្រិតផលិតអាវុធ អាចជួយបន្ធូរបន្ថយភាពតានតឹងរវាងសហរដ្ឋអាមេរិក និងអ៊ីរ៉ង់ ប៉ុន្តែមិនបង្ហាញពីវឌ្ឍនភាពឆ្ពោះទៅរកកិច្ចព្រមព្រៀងនុយក្លេអ៊ែរកាន់តែទូលំទូលាយ មុនការបោះឆ្នោតសហរដ្ឋអាមេរិកឆ្នាំ២០២៤នោះទេ។យោងតាមរបាយការណ៍របស់អង្គការឃ្លាំមើលនុយក្លេអ៊ែររបស់UN ដែលមើលឃើញដោយសារព័ត៌មានរ៉យទ័រ ប្រទេសអ៊ីរ៉ង់បានកាត់បន្ថយអត្រាដែលខ្លួនកំពុងធ្វើឲ្យសារធាតុអ៊ុយរ៉ានីញ៉ូមដែលចម្រាញ់បានរហូតដល់៦០ភាគនៃភាពសុទ្ធ ជិតដល់ប្រហែល៩០ភាគរយដែលជាកម្រិត ដែលអាចផលិតអាវុធ ហើយបានកាត់បន្ថយផ្នែកតូចមួយនៃការស្តុកទុក៦០ភាគរបស់ខ្លួន។ .ប៉ុន្តែការស្តុកទុកនោះ បន្តកើនឡើង។ នៅពេលនេះ ប្រទេសអ៊ីរ៉ង់មានសារធាតុអ៊ុយរ៉ានីញ៉ូមជិតគ្រប់គ្រាន់ហើយ ដែលអាចចម្រាញ់បានដល់ទៅ៦០ភាគរយ បើចម្រាញ់បន្ថែមទៀត គឺសម្រាប់គ្រាប់បែកនុយក្លេអ៊ែរចំនួនបីគ្រាប់ នេះបើយោងតាមនិយមន័យទ្រឹស្តីរបស់ទីភ្នាក់ងារថាមពលបរិមាណូអន្តរជាតិ (IAEA)។ ប្រទេសនេះ ក៏មានសារធាតុអ៊ុយរ៉ានីញ៉ូមគ្រប់គ្រាន់ដែលត្រូវបានចម្រាញ់ដល់កម្រិតទាបជាងនេះ ដើម្បីផលិតគ្រាប់បែកកាន់តែច្រើន។ប្រទេសអ៊ីរ៉ង់ ក៏បានបរាជ័យក្នុងការដោះស្រាយកង្វល់របស់IAEAអំពីភ័ស្តុតាងអ៊ុយរ៉ានីញ៉ូម ដែលបានរកឃើញនៅកន្លែងដែលមិនបានប្រកាសចំនួនពីរ ឬធ្វើឲ្យមានរីកចម្រើនលើការស្ដារកាមេរ៉ាត្រួតពិនិត្យឡើងវិញ បើទោះបីជាមានសម្ពាធយូរណាស់មកហើយពីIAEA និងមហាអំណាចលោកខាងលិច ដើម្បីធ្វើដូច្នេះ ក៏ដោយ។អ្នកវិភាគផ្នែកមិនរីកសាយភាយ និយាយថា ការថយចុះនុយក្លេអែររបស់អ៊ីរ៉ង់ អាចគ្រប់គ្រាន់សម្រាប់សហរដ្ឋអាមេរិក និងអ៊ីរ៉ង់ ដើម្បីបន្តស្វែងរកអ្វីដែលពួកគេពណ៌នាថាជា «ការព្រមព្រៀង» ដែលទីក្រុងវ៉ាស៊ីនតោន មិនដែលទទួលស្គាល់ ដើម្បីបន្ថយភាពតានតឹងលើបញ្ហានុយក្លេអ៊ែរ និងបញ្ហាផ្សេងៗទៀត។

ឯកឧត្តម ប៉ែន បូណា នឹងពង្រឹងសមត្ថភាពអ្នកនាំពាក្យ ដើម្បីក្លាយជាអ្នកនាំការពិតជូនពលរដ្ឋ

2023/09/07 11:28:02 am        92
Facebook Telegram Linkin
ភ្នំពេញ៖ ឯកឧត្តម ប៉ែន បូណា​ ប្រធានអ្នកនាំពាក្យរាជរដ្ឋាភិបាលកម្ពុជាថ្លែងថា នាពេលខាងមុខ អង្គភាពអ្នកនាំពាក្យរាជរដ្ឋាភិបាល នឹងរៀបចំពង្រឹងសមត្ថភាពអ្នកនាំពាក្យថ្នាក់ជាតិ និងថ្នាក់ក្រោមជាតិ ដើម្បីឲ្យក្លាយជាអ្នកនាំពាក្យពិត ​និងច្បាស់លាស់ជូនដល់ប្រជាពលរដ្ឋ និងភាគីពាក់ព័ន្ធ។ឯកឧត្តម ប៉ែន បូណា បានប្រាប់ BTV នៅថ្ងៃទី៧ ខែកញ្ញា ឆ្នាំ២០២៣ថា ក្រោមការដឹកនាំប្រកប​ដោយគតិបណ្ឌិតរបស់សម្តេចតេជោ ហ៊ុន សែន ក្នុងការរៀបចំអ្នកបន្តវេនរបស់កម្ពុជា និងបាន​ប្រមូលផ្តុំ​បញ្ញវន្ត​ជាច្រើននាក់ដែលជាធនធានពោរពេញទៅដោយសមត្ថភាពខ្ពស់​ក្នុងការអភិវឌ្ឍកម្ពុជា។ឯកឧត្តម បន្តថា ក្នុងនាមប្រធានអង្គភាពអ្នកនាំពាក្យរាជរដ្ឋាភិបាល ​ឯកឧត្តមនឹងពង្រឹងវិស័យអ្នក​នាំពាក្យ ដើម្បីបំពេញភារកិច្ចឲ្យស្របតាមការណែរបស់រាជរដ្ឋាភិបាល និងដើរតួនាទីជាអ្នក​និយាយការពិតជូនប្រជាពលរដ្ឋ។ឯកឧត្តមបានឲ្យដឹងថា បន្ទាប់ពីក្រសួងនានារៀបចំចាត់តាំងអ្នកនាំពាក្យរបស់ខ្លួននាពេលខាងមុខ អង្គភាពអ្នក​នាំពាក្យរាជរដ្ឋាភិបាលនឹងរៀបចំសិក្ខាសាលាថ្នាក់ជាតិ ដែលមានការចូលរួមពីអ្នកនាំ​ពាក្យថ្នាក់ជាតិតាមបណ្តាក្រសួង-ស្ថាប័ន ​និងថ្នាក់ក្រោមជាតិតាមរាជធានី-ខេត្តនៅទូទាំងប្រទេស​ផងដែរ។ឯកឧត្តមបន្តថា មុននឹងការរៀបចំសិក្ខាសាលាថ្នាក់ជាតិខាងលើ ​អង្គភាពអ្នកនាំពាក្យរាជរដ្ឋាភិបាល កំពុងតែរៀបចំលិខិតផ្ញើជូនទៅក្រសួង-ស្ថាប័ននានា​ ដើម្បីធ្វើបច្ចុប្បន្នភាពអ្នកនាំពាក្យក្នុងក្រសួង-ស្ថាប័ននីមួយៗ ​សម្រាប់បំពេញកិច្ចការរួមគ្នាប្រកបដោយប្រសិទ្ធភាព និងប្រទាក់ក្រឡាគ្នា។សូមជម្រាបថា អ្នកនាំពាក្យនៅតាមក្រសួង-ស្ថាប័ននានា ​គឺពិតជាមានសារៈសំខាន់ខ្លាំងណាស់ សម្រាប់ការឆ្លើយតបទៅសាធារណជន ផ្ដល់ព័ត៌មានដល់សាធារណជន ​និងប្រជាពលរដ្ឋ ឲ្យបានយល់​ដឹងអំពីកិច្ចការដែលក្រសួង-ស្ថាប័ននីមួយៗ ​បានធ្វើពីព្រោះក្រសួង-ស្ថាប័ននានា ដែលជាសេនាធិការរបស់រាជរដ្ឋាភិបាល ​ដើម្បីផលប្រយោជន៍ជូនប្រជាពលរដ្ឋ៕អត្ថបទ សេក ឧត្តម

សម្តេចធិបតីបន្តមានជំនួប និងកិច្ចប្រជុំកំពូលជាច្រើនទៀតក្នុងថ្ងៃបញ្ចប់ កិច្ចប្រជុំកំពូលអាស៊ានលើកទី៤៣

2023/09/07 11:21:26 am        74
Facebook Telegram Linkin
ភ្នំពេញ៖ នៅថ្ងៃទី៧ ខែកញ្ញា ឆ្នាំ២០២៣នេះ គឺជាថ្ងៃចុងក្រោយនៃដំណើរដឹកនាំគណៈប្រតិភូជាន់ខ្ពស់កម្ពុជា ចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា ខណៈថ្ងៃនេះ សម្ដេចធិបតីនៅបន្តដឹកនាំគណៈប្រតិភូចូលរួមកិច្ចប្រជុំកំពូល និងមានជំនួបជាមួយថ្នាក់ដឹកនាំកំពូលប្រទេសអាស៊ាន និងពិភពលោកជាបន្តបន្ទាប់ទៀត ទើបដឹកនាំគណៈប្រតិភូធ្វើមាតុភូមិនិវត្តន៍មកកម្ពុជាវិញ។ ឯកឧត្តម មាស សុភ័ណ្ឌ ប្រធានក្រុមអ្នកនាំពាក្យរបស់នាយករដ្ឋមន្ត្រី បានថ្លែងប្រាប់ BTV ថា សម្រាប់ថ្ងៃទី៧ ខែកញ្ញានេះ សម្តេចធិបតីនាយករដ្ឋមន្ត្រី ហ៊ុន ម៉ាណែត មានកម្មវិធីចូលរួមកិច្ចប្រជុំកំពូល និងជំនួបសំខាន់ៗជាមួយថ្នាក់ដឹកនាំកំពូលមួយចំនួទៀតរួមមាន នាព្រឹកថ្ងៃនេះ សម្តេចធិបតី នាយករដ្ឋមន្ត្រី បានអញ្ជើញជួបសម្ដែងការគួរសម និងពិភាក្សាការងារជាមួយឯកឧត្តម ហ្វឺឌីណាន់ រ៉ូម៉ូដេស ម៉ាកូស ជេអរ (Ferdinand Romualdez Marcos Jr. ) ប្រធានាធិបតី នៃសាធារណរដ្ឋហ្វីលីពីន។ សម្ដេចមហាបវរធិបតី អញ្ជើញចូលរួមកិច្ចប្រជុំកំពូលអាស៊ាន-ឥណ្ឌាលើកទី២០ ដែលមានការយាង និងអញ្ជើញចូលរួម ពីប្រមុខដឹកនាំរបស់បណ្ដាលប្រទេសជាសមាជិកអាស៊ាន និងនាយករដ្ឋមន្ត្រី​នៃសាធារណរដ្ឋឥណ្ឌា។ ក្នុងឱកាសនេះ សម្តេចធិបតី នាយករដ្ឋមន្ត្រី ក៏បានអញ្ជើញជួបសម្ដែងការគួរសម និងពិភាក្សាការងារជាមួយ ឯកឧត្តម ណារិនដ្រា ម៉ូឌី (Narendra Modi) នាយករដ្ឋមន្ត្រីនៃសាធារណរដ្ឋឥណ្ឌាផងដែរ។ឯកឧត្តម មាស សុភ័ណ្ឌ បានឱ្យដឹងទៀតថា នៅថ្ងៃនេះ សម្តេចធិបតី នាយករដ្ឋមន្ត្រី ក៏នឹងអញ្ជើញចូលរួមកិច្ចប្រជុំកំពូលអាស៊ីបូព៌ាលើកទី១៨។ មានជំនួបសម្តែងការគួរសមជាមួយឯកឧត្ដម Yoon Sok Yeol ប្រធានាធិបតីនៃសាធារណរដ្ឋកូរ៉េ។ អញ្ជើញចូលរួមកិច្ចប្រជុំកំពូលអាស៊ាន-អូស្ត្រាលី លើកទី៣។ អញ្ជើញចូលរួមកិច្ចប្រជុំកំពូលអាស៊ាន-អង្គការសហប្រជាជាតិ។ ជំនួបសម្តែងការគួរសមជាមួយឯកឧត្ដម Kishida Fumio នាយករដ្ឋមន្ត្រីជប៉ុន។ អញ្ជើញមានជំនួបទ្វភាគីជាមយយឯកឧត្តម Mark Brown នាយករដ្ឋមន្រ្ដីកោះឃុក និងចុងក្រោយ សម្តេចធិបតី នាយករដ្ឋមន្ត្រី ​អញ្ជើញចូលរួមពិធីបិទកិច្ចប្រជុំកំពូលអាស៊ានលើកទី ៤៣ និងកិច្ច​ប្រជុំកំពូល​ពាក់ព័ន្ធ រួមនឹងពិធីប្រគល់ប្រគល់តំណែងប្រធានអាស៊ានទៅប្រទេសឡាវ។ឯកឧត្តម មាស សុភ័ណ្ឌ បញ្ជាក់ថា បន្ទាប់មកសម្តេចធិបតីនឹងដឹកនាំគណៈប្រតិភូជាន់ខ្ពស់​រាជ​រដ្ឋាភិបាលកម្ពុជា ​ធ្វើមាតុភូមិនិវត្តន៍មកកាន់រាជធានីភ្នំពេញវិញ តាមយន្តហោះពិសេស។ ហើយរំពឹងថា នឹងអញ្ជើញដល់អាកាសយានដ្ឋានអន្តរជាតិភ្នំពេញវិញ ​នៅម៉ោង៩ និង ១០នាទី យប់ថ្ងៃទី៧ ខែកញ្ញា ឆ្នាំ២០២៣។ឯកឧត្តមបន្ថែមថា នៅពេលមកទៅដល់អាកាសយានដ្ឋានអន្តរជាតិភ្នំពេញវិញ ឯកឧត្ដម សូ ណារ៉ូ រដ្ឋមន្រ្តីប្រតិភូអមនាយករដ្ឋមន្ត្រី នឹងធ្វើសន្និសីទសារព័ត៌មាន ​ជូនអ្នកសារព័ត៌មានភ្លាមៗ​អំពី​ដំណើរដឹកនាំគណៈប្រតិភូជាន់ខ្ពស់កម្ពុជា ​ចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូល​ពាក់ព័ន្ធរបស់សម្តេចមហាបវរធិបតីនាយករដ្ឋមន្រ្ដី៕អត្ថបទ៖ វ៉ន ដារ៉ា

ស្ថានភាពទឹកទំនប់អាងទឹកតាម៉ុកកំពុងហក់ឡើង ដល់កម្រិតឱ្យមានការប្រុងប្រយ័ត្ន ៣.៨០ម៉ែត្រ

2023/09/07 11:14:25 am        168
Facebook Telegram Linkin
ឧត្ដរមានជ័យ៖ ប្រធានមន្ទីរធនធានទឹក និងឧតុនិយម ខេត្តឧត្ដរមានជ័យ លោក ញឺន កួន បានឱ្យដឹងថា មកដល់ព្រឹកថ្ងៃទី០៧ ខែកញ្ញា នេះ ទឹកក្នុងទំនប់អាងទឹកតាម៉ុក ដែលមានភូមិសាស្ត្រនៅក្នុងស្រុកអន្លង់វែង បានហក់ឡើងដល់កម្ពស់ ៣.៨១ម៉ែត្រ ដែលស្ថានភាពទឹកនេះ គឺស្ថិតក្នុងកម្រិតកម្ពស់មួយ ដែលគួរឱ្យមានការប្រុងប្រយ័ត្ន ។លោកបានបញ្ជាក់ថា ទឹកក្នុងទំនប់អាងទឹកតាម៉ុក បានហក់ឡើងលឿន ​ដោយសារថា រយៈពេល ប៉ុន្មានថ្ងៃកន្លងមកនេះ មានភ្លៀងធ្លាក់ជាបន្តបន្ទាប់នៅតាមតំបន់ជួរភ្នំដងរែក ក្នុង​កម្រិតចាប់ពី ១០០មីលី ម៉ែត្រ ។ លោកបានជូនដំណឹងដល់ប្រជាពលរដ្ឋ ​ដែលរស់នៅក្បែរតំបន់អាងទឹកតាម៉ុក ​និងតាមដងអូរនា នា ត្រូវបង្កើន​ការប្រុងប្រយ័ត្នឱ្យបានខ្ពស់ ​បើទោះជាទឹកមិនទាន់ហក់ដល់កម្រិត​ប្រកាស​អាសន្ន​ក៏ដោយ ដែល​កម្រិតប្រកាសអាន្ន ​គឺកម្ពស់ទឹក ៤ម៉ែត្រកន្លះ ។​តែលោក ញឺ កួន បានបញ្ជាក់ថា ប្រសិនពុំមានភ្លៀងធ្លាក់ថែមទៀតទេនៅថ្ងៃនេះ ទឹកនឹងស្រកចុះ វិញដែរ នាវេលាល្ងាចថ្ងៃនេះ ៕

EU ជំរុញទួរគីឲ្យដោះស្រាយលទ្ធិប្រជាធិបតេយ្យ មុននឹងក្លាយសមាជិកភាពរបស់ប្លុកនេះ

2023/09/07 10:56:12 am        110
Facebook Telegram Linkin
ប្រធានផ្នែកពង្រីកសមាជិកភាពរបស់សហភាពអឺរ៉ុប (EU )កាលពីថ្ងៃពុធ បានប្រាប់ប្រទេសទួរគីឲ្យដោះស្រាយបញ្ហាជុំវិញលទ្ធិប្រជាធិបតេយ្យ និងនីតិរដ្ឋ ប្រសិនបើខ្លួនចង់ពង្រឹងការជំរុញរបស់ខ្លួន ដើម្បីចូលរួមជាមួយប្លុកនេះ។ទីក្រុងអង់ការ៉ា បានធានាការសន្យាពីទីក្រុងប្រ៊ុចសែល ដើម្បីស្តារឡើងវិញនូវការចរចាសមាជិកភាព ដែលជាប់គាំង ជាថ្នូរនឹងការដកការរាំងស្ទះដល់ការជំរុញរបស់ប្រទេសស៊ុយអែតក្នុងការចូលរួមជាមួយសម្ព័ន្ធមិត្តយោធាណាតូនេះ។ប្រធានាធិបតីទួរគី លោក រ៉េសិប តាយីប អេរដូហ្គែន (Recep Tayyip Erdogan) បានធ្វើការជួសជុលទំនាក់ទំនងដែលបែកបាក់ជាមួយសម្ព័ន្ធមិត្តលោកខាងលិច ដែលជាអាទិភាពមួយរបស់លោក បន្ទាប់ពីបានឈ្នះការបោះឆ្នោតដ៏លំបាកមួយ កាលពីខែឧសភា។ប្រធានផ្នែកពង្រីកសមាជិកភាពរបស់EU លោក Oliver Varhelyi បានមកទីក្រុងអង់ការ៉ា ដើម្បីថ្លឹងថ្លែង និងវាយតម្លៃទីកន្លែងដែលភាគីនានា អាចស្វែងរកហេតុផលរួម។លោក Varhelyi បានថ្លែងប្រាប់អ្នកយកព័ត៌មានថា លោកសង្ឃឹមថា នឹងបង្ហាញនូវ«អ្វីមួយដែលជាក់ស្តែង និងវិជ្ជមាន»សម្រាប់ក្រុមមេដឹកនាំប្លុកនេះ ដើម្បីពិភាក្សានៅក្នុងកិច្ចប្រជុំកំពូលក្រុមប្រឹក្សាអឺរ៉ុបក្នុងខែធ្នូ។

ជប៉ុនបាញ់បង្ហោះយានចុះចតលើឋានព្រះចន្ទ បន្ទាប់ពីពន្យារពេលបីលើក

2023/09/07 10:53:08 am        128
Facebook Telegram Linkin
ប្រទេសជប៉ុនបានបាញ់បង្ហោះយានចម្លង H-IIA ដឹកយានចុះចតលើឋានព្រះចន្ទ របស់ទីភ្នាក់ងារអវកាសជាតិនៅថ្ងៃព្រហស្បតិ៍ (៧ កញ្ញា)នេះ បន្ទាប់ពីអាកាសធាតុមិនអំណោយផលបាននាំឱ្យមានការពន្យារពេលបេសកកម្មនេះចំនួនបីដងក្នុងមួយសប្តាហ៍ កាលពីខែមុន។ ទីភ្នាក់ងាររុករកអវកាសជប៉ុន (JAXA) បាននិយាយថា រ៉ុក្កែតនេះបានហោះចេញពីមជ្ឈមណ្ឌលអវកាស Tanegashima នៅភាគខាងត្បូងប្រទេសជប៉ុន តាមការគ្រោងទុក។ ក្រុមហ៊ុនសហគ្រាសធុនធ្ងន់ Mitsubishi ដែលបានដំណើរការការបាញ់បង្ហោះនោះ បានបញ្ជាក់ពីការហោះហើរនេះ នៅក្នុងការប្រកាសនៅលើប្រព័ន្ធផ្សព្វផ្សាយសង្គម X។យានចម្លងនេះ បានដឹកយានអវកាសវ័យឆ្លាតចុះចត និងអង្កេតលើឋានព្រះចន្ទ (ស្លីម-SLIM) របស់ទីភ្នាក់ងារ JAXA ដែលត្រូវបានគេហៅថា «ភ្នាក់ងារអង្កេតព្រះចន្ទ» សម្រាប់បច្ចេកវិទ្យាចុះចតប្រកបដោយការពិសោធន៍ជាក់លាក់របស់វា។ ការចុះចតលើឋានព្រះចន្ទរបស់យានស្លីម (SLIM) ត្រូវបានកំណត់ពេលនៅដើមឆ្នាំក្រោយនេះ៕

សម្ដេចធិបតី ហ៊ុន ម៉ាណែត ចូលរួមកិច្ចប្រជុំកំពូលអាស៊ាន-ឥណ្ឌាលើកទី២០

2023/09/07 10:12:34 am        62
Facebook Telegram Linkin
សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា អញ្ជើញចូលរួមកិច្ចប្រជុំកំពូលអាស៊ាន-ឥណ្ឌាលើកទី២០ ដែលមានការយាង និងអញ្ជើញចូលរួម ពីប្រមុខដឹកនាំរបស់បណ្ដាលប្រទេសជាសមាជិកអាស៊ាន និង នាយករដ្ឋមន្ត្រីនៃសាធារណរដ្ឋឥណ្ឌា នៅទីក្រុងហ្សាការតា ប្រទេសឥណ្ឌូនេស៊ី នាព្រឹកថ្ងៃទី៧ ខែកញ្ញា ឆ្នាំ២០២៣។

ប្រធានរដ្ឋសភាសាធារណរដ្ឋកូរ៉េ ចាប់ផ្តើមបំពេញទស្សនកិច្ចផ្លូវការនៅកម្ពុជា

2023/09/07 09:17:18 am        232
Facebook Telegram Linkin
គណៈប្រតិភូជាន់ខ្ពស់រដ្ឋសភានៃសាធារណរដ្ឋកូរ៉េ ដឹកនាំដោយ ឯកឧត្តម គីម ជីន ព្យូ ប្រធាន​រដ្ឋសភា នៃ​សាធារណរដ្ឋកូរ៉េ នាព្រឹកថ្ងៃទី៧ ខែកញ្ញា ឆ្នាំ២០២៣ បានអញ្ជើញដាក់កូរ៉ោនផ្កា និង​គោរព​វិញ្ញាណក្ខន្ធ នៅវិមានឯករាជ្យ និងមណ្ឌបព្រះបរមរូប ព្រះករុណា “ព្រះបរមរតនកោដ្ឋ”។ តបតាមការអញ្ជើញរបស់ សម្តេចមហារដ្ឋសភាធិការធិបតី ឃួន សុដារី ប្រធាន​រដ្ឋសភា នៃព្រះរាជាណាចក្រកម្ពុជា គណៈប្រតិភូជាន់ខ្ពស់រដ្ឋសភា នៃសាធារណរដ្ឋកូរ៉េ ដឹកនាំ​ដោយ ​ឯកឧត្តម គីម ជីន ព្យូ ប្រធានរដ្ឋសភានៃសាធារណរដ្ឋកូរ៉េ និងលោកជំទាវ បាន​អញ្ជើញ​មក​បំពេញ​ទស្សនកិច្ចជាផ្លូវការ និងមិត្តភាព នៅព្រះរាជាណាចក្រកម្ពុជា រយៈពេល៤ថ្ងៃ គឺ​ចាប់​ពី​ថ្ងៃ​ទី​០៦ ដល់ថ្ងៃទី០៩ ខែកញ្ញា ឆ្នាំ២០២៣៕

ជនស៊ីវិលយ៉ាងហោចណាស់៣២នាក់ ត្រូវបានសម្លាប់នៅក្នុងការវាយប្រហាររបស់កងទ័ពស៊ូដង់

2023/09/07 08:54:41 am        86
Facebook Telegram Linkin
ស៊ូដង់៖ ក្រុមមេធាវីសង្គ្រោះបន្ទាន់នៃក្រុមសកម្មជនបាននិយាយថា យ៉ាងហោចណាស់ជនស៊ីវិល៣២នាក់ ត្រូវបានសម្លាប់ និងរាប់សិបនាក់ទៀតរងរបួស នៅក្នុងការវាយប្រហារកាំភ្លើងធំដោយកងទ័ពស៊ូដង់ ដែលជាតួលេខស្លាប់ខ្ពស់បំផុតពីការប្រយុទ្ធគ្នាក្នុងមួយថ្ងៃ ចាប់តាំងពីសង្គ្រាមបានផ្ទុះឡើងកាលពីខែមេសាមក។ សេចក្តីថ្លែងការណ៍ដែលបានចេញផ្សាយកាលពីថ្ងៃពុធ (៦កញ្ញា) បាននិយាយថា ការបាញ់ផ្លោងកាលពីថ្ងៃអង្គារ បានកើតឡើងនៅក្នុងសង្កាត់ Ombada នៅភាគខាងលិចទីក្រុង Omdurman ដោយជាសង្កាត់មួយដែលបានឃើញការវាយប្រហារដ៏មហន្តរាយជាច្រើន។ក្រុមសកម្មជនសិទ្ធិមនុស្ស និងអ្នកស្រុកបាននិយាយថា កងទ័ពស៊ូដង់ និងកងកម្លាំងគាំទ្ររហ័សយោធាប៉ារ៉ា (RSF) ដែលកំពុងប្រយុទ្ធដើម្បីគ្រប់គ្រងប្រទេស បានបាញ់មីស៊ីលចូលទៅក្នុងតំបន់ដែលមានប្រជាជន បណ្តាលឱ្យជនស៊ីវិលរាប់រយនាក់ស្លាប់បាត់បង់ជីវិតនៅក្នុងរដ្ឋធានី Khartoum និងទីក្រុងដទៃទៀត។ គូបដិបក្ខជម្លោះរបស់ស៊ូដង់ទាំងពីរនេះ ដែលបានបែកបាក់គ្នាជុំវិញផែនការដែលគាំទ្រដោយអន្តរជាតិ ក្នុងការរួមបញ្ចូលកងកម្លាំងរបស់ពួកគេអំឡុងការផ្លាស់ប្តូរទៅកាន់លទ្ធិប្រជាធិបតេយ្យ បានបដិសេធការទទួលខុសត្រូវចំពោះការវាយប្រហារ ដែលបានសម្លាប់ជនស៊ីវិលផងដែរ៕

មនុស្ស១៧នាក់ ស្លាប់ក្នុងការវាយប្រហារតាមអាកាសពីរុស្ស៊ីលើផ្សារមួយនៅអ៊ុយក្រែនអំឡុងទស្សនកិច្ចរបស់លោកប៊្លីនខិន

2023/09/07 08:51:37 am        150
Facebook Telegram Linkin
អ៊ុយក្រែន៖​ មនុស្សយ៉ាងហោចណាស់១៧ រួមទាំងកុមារម្នាក់ផងដែរ បានស្លាប់ក្នុងការវាយប្រហារ ដែលបានកើតឡើងនៅលើទីផ្សារតាមដងផ្លូវដ៏មមាញឹកមួយទាំងកណ្ដាលថ្ងៃ ជាការវាយប្រហារដ៏កម្រ។ លោកប្រធានាធិបតីអ៊ុយក្រែន និងសហរដ្ឋអាមេរិក បានថ្កោលទោសការវាយប្រហារដោយចេតនាលើ ផ្សារមួយកន្លែងក្នុងទីក្រុងសន្តិភាព កូស្ត្យានទីនីវកា (Kostyantynivka) របស់ប្រទេសអ៊ុយក្រែន ខណៈប្រមុខការទូតសហរដ្ឋអាមេរិក លោក អង់តូនី ប្ល៊ីនខិន (Antony Blinken) កំពុងបំពេញទស្សនកិច្ចទៅកាន់ទីក្រុង គីវ (Kyiv)។   ទីក្រុង កូស្ត្យានទីនីវកា ដែលស្ថិតនៅក្នុងតំបន់ដូណេតស៍ (Donetsk)ភាគខាងកើតរបស់អ៊ុយក្រែន ស្ថិតនៅជិត សមរភូមិជួរមុខ។វីដេអូបង្ហោះនៅលើបណ្ដាញសង្គមបង្ហាញពីការផ្ទះអណ្ដាតភ្លើងពណ៌លឿងទុំ នៅចុងផ្លូវម្ខាង ជាទីដែលមនុស្សម្នាកំពុងទិញទំនិញ ។ ប្រទេសរុស្ស៊ី ពុំបានធ្វើអត្ថាធិប្បាយលើការវាយប្រហារនេះនៅឡើយទេ។ លោក Volodymyr Zelensky ដែលបានស្ដីបន្ទោសទីក្រុងមូស្គូ នោះ បាននិយាយថា អ្នកស្លាប់ទាំងនោះសុទ្ធតែជាមនុស្សគ្មានកំហុស និងបានព្រមានថា ចំនួនអ្នកស្លាប់អាចកើនឡើងថែមទៀត ។ មនុស្សយ៉ាងហោចណាស់៣៣នាក់ ផ្សេងទៀត បានរងរបួស ។ ផ្សារមួយកន្លែងដែលមានឱសថស្ថាន និងហាងលក់ទំនិញ ត្រូវគេរាយការណ៍ថាត្រូវបានប៉ះពាល់ ដោយសារកម្ទេចភ្លើង ៕

បណ្ដាញសង្គម

ព័ត៌មានថ្មីៗ

សម្តេចតេជោអរគុណឯកឧត្តមដូណាល់ ត្រាំ បានផ្តួចផ្តើមឲ្យមានការបទឈប់បាញ់រវាងកម្ពុជា និងថៃខណៈការផ្តួចផ្តើមនេះបានជួយសង្រ្គោះជីវិតមនុស្សរាប់ម៉ឺននាក់
07/29/2025 01:07 AM
Facebook Telegram Linkin
ឯកឧត្តម ដូណាល់ ត្រាំទូរស័ព្ទមកសម្តេចធិបតីជាលើកទី២ដើម្បីអបអរសាទភាពជោគជ័យនៃការចចារជាមួយភាគីថៃដើម្បីបញ្ចប់ការឈប់បាញ់
07/28/2025 11:07 PM
Facebook Telegram Linkin
«ថ្នាក់ដឹកនាំ មន្រ្តីរាជការ បុគ្គលិកសុខាភិបាលទាំងអស់ ត្រូវត្រៀមជានិច្ច និងត្រៀមផែនការបម្រើសុខភាពបងប្អូនប្រជាពលរដ្ឋយើងសម្រាប់ថ្ងៃបន្តបន្ទាប់ទៀត»
07/28/2025 10:07 PM
Facebook Telegram Linkin
ពិព័រណ៍ឧស្សាហកម្មវិស័យទឹកស្អាត និងសមាគមអ្នកផ្គត់ផ្គង់ទឹកស្អាតកម្ពុជា រួមគ្នាជំរុញអនាគតទឹកស្អាតនៅកម្ពុជា
07/28/2025 10:07 PM
Facebook Telegram Linkin
ក្រសួងពាណិជ្ជកម្មបើកកិច្ចប្រជុំផ្នែកផលិតកម្មកែច្នៃសម្រាប់នាំចេញ និងកិច្ចសម្រួលពាណិជ្ជកម្ម ប្រចាំឆមាសទី១ ឆ្នាំ២០២៥
07/28/2025 09:07 PM
Facebook Telegram Linkin
ក្រសួងអភិវឌ្ឍន៍ជនបទ ចុះវាយតម្លៃការងារថែទាំប្រចាំផ្លូវជាច្រើនខ្សែ នៅក្នុងខេត្តត្បូងឃ្មុំ
07/28/2025 09:07 PM
Facebook Telegram Linkin
អាមេរិកសាទរចំពោះបទឈប់បាញ់រវាងកម្ពុជា និងថៃហើយប្រកាសបន្តចូលរួមមួយម៉ាឡេស៊ីដើម្បីបញ្ចប់ជម្លោះ
07/28/2025 09:07 PM
Facebook Telegram Linkin
ប្រធានាធិបតីអេហ្ស៊ីបជំរុញលោក Trumpឲ្យប្រឹងប្រែងរាល់កិច្ចខិតខំទាំងអស់ ដើម្បីបញ្ចប់សង្រ្គាមហ្កាហ្សា
07/28/2025 09:07 PM
Facebook Telegram Linkin
ក្រុមមន្រ្តីអាល្លឺម៉ង់៖ ហេតុការណ៍រថភ្លើងធ្លាក់ផ្លូវស្លាប់មនុស្សទំនងបណ្តាលមកពីបំណាក់ដី
07/28/2025 09:07 PM
Facebook Telegram Linkin
សិក្ខាសាលាផ្សព្វផ្សាយអំពី៖ យន្តការសមាគមមនុស្សចាស់ និងអន្តរជំនាន់-ពហុមុខងារ ដើម្បីជីវិតថ្លៃថ្នូររបស់មនុស្សវ័យចាស់កម្ពុជា និងការអភិវឌ្ឍប្រកបដោយនិរន្តរភាព”
07/28/2025 09:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.