នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
សម្ដេ​ចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»
សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ
សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ​ និង ការអភិវឌ្ឍន៍

សហរដ្ឋអាមេរិករំពឹងថា នឹងធ្វើជាម្ចាស់ផ្ទះទទួលអ្នកការទូតជាន់ខ្ពស់របស់ចិន នៅមុនដំណាច់ឆ្នាំនេះ

2023/09/12 12:12:45 pm        204
Facebook Telegram Linkin
អាមេរិក៖អ្នកនាំពាក្យក្រសួងការបរទេសអាមេរិក លោក Matthew Miller បានប្រាប់អ្នកសារព័ត៌មានកាលពីថ្ងៃចន្ទ (១១ កញ្ញា) ថា រដ្ឋធានីវ៉ាស៊ីនតោនរំពឹងថា រដ្ឋមន្ត្រីការបរទេសអាមេរិកលោក Antony Blinken នឹងធ្វើជាម្ចាស់ផ្ទះទទួលរដ្ឋមន្ត្រីការបរទេសចិនលោក Wang Yi នៅសហរដ្ឋអាមេរិកមុនដំណាច់ឆ្នាំនេះ មិនថានៅក្នុងមហាសន្និបាតអង្គការសហប្រជាជាតិនៅសប្តាហ៍ក្រោយ ឬក្រោយពីនោះក៏ដោយ។សារព័ត៌មាន Wall Street Journal បានរាយការណ៍កាលពីសប្តាហ៍មុនដោយសំអាងដល់អ្នកដែលបានរាយការណ៍អំពីបញ្ហានេះថា ប្រទេសចិនគ្រោងនឹងបញ្ជូនលោកអនុប្រធានាធិបតី ហាន ជឹង (Han Zheng) ទៅកាន់មហាសន្និបាតអង្គការសហប្រជាជាតិ ជំនួសឱ្យការបញ្ជូនលោក វ៉ាង យី (Wang Yi) ក្នុងដំណើរបំពេញទស្សនកិច្ចនៅសហរដ្ឋអាមេរិកកាន់តែទូលំទូលាយ ដូចដែលបានផ្តល់សញ្ញាពីមុន។ការជួបជុំប្រចាំឆ្នាំរបស់បណ្ដាមេដឹកនាំពិភពលោកនោះ ធ្វើឡើងបន្ទាប់ពីប្រធានាធិបតីសហរដ្ឋអាមេរិក លោក ចូ បៃដិន កាលពីថ្ងៃអាទិត្យ (១០ កញ្ញា) បានសម្តែងការខកចិត្តដែលប្រធានាធិបតីចិន លោក ស៊ី ជីនពីង មិនបានចូលរួមកិច្ចប្រជុំកំពូល G20 នៅក្នុងប្រទេសឥណ្ឌា ប៉ុន្តែបានបន្ថែមថា លោកនឹងទៅជួបលោក ស៊ី ។ លោក Blinken បានធ្វើដំណើរទៅកាន់ទីក្រុងប៉េកាំងកាលពីខែមិថុនា ជាទីដែលលោកបានជួបជាមួយអ្នកកាន់តំណែងពីមុនរបស់លោក វ៉ាង គឺលោក ឈីន កាង (Qin Gang) នៅក្នុងដំណើរទស្សនកិច្ចលើកដំបូងរបស់អ្នកការទូតជាន់ខ្ពស់របស់សហរដ្ឋអាមេរិករូបនេះ ទៅកាន់ប្រទេសចិនក្នុងរយៈពេលប្រាំឆ្នាំ៕

លោក Duterte ត្រូវបានជំរុញដោយអតីតប្រធានាធិបតីArroyoឲ្យត្រឡប់ទៅចូលរួមធ្វើនយោបាយឡើងវិញ

2023/09/12 12:06:01 pm        221
Facebook Telegram Linkin
ហ្វីលីពីន៖ លោក រ៉ូឌ្រីហ្គោ ឌូទែរើតេ (Rodrigo Duterte) អតីតមេដឹកនាំហ្វីលីពីន ដែលបានជំរុញគោលនយោបាយការបរទេសរបស់ប្រទេសនេះឲ្យកាន់តែជិតស្និទ្ធជាមួយប្រទេសចិន ក្នុងអំឡុងពេលអាណត្តិរបស់លោក ត្រូវបានលើកទឹកចិត្តដោយអតីតប្រធានាធិបតី លោកស្រី Gloria Macapagal-Arroyo ឲ្យចាកចេញពីការចូលនិវត្តន៍ និងវិលត្រឡប់មកធ្វើនយោបាយវិញ នេះបើយោងតាមជំនួយរបស់លោកឌូទែរើតេ។កាលពីពេលថ្មីៗនេះ លោកឌូទែរើតេ បានជួបជាមួយលោកស្រី Arroyo និងអតីតមន្ត្រីរដ្ឋាភិបាលផ្សេងទៀត ខណៈកំពុងធ្វើដំណើរទៅកាន់ទីក្រុងម៉ានីល ដើម្បីពិនិត្យសុខភាព នេះបើយោងតាមសេចក្តីថ្លែងការណ៍របស់ប្រព័ន្ធផ្សព្វផ្សាយកាលពីថ្ងៃចន្ទពីសមាជិកព្រឹទ្ធសភា លោក Bong Go ដែលបន្តធ្វើជាជំនួយការរបស់លោកឌូទែរើតេ។លោកGoបាននិយាយជាភាសាក្នុងស្រុកថា៖«ក្នុងអំឡុងពេលនៃការជួបជុំនេះ លោកស្រី Arroyo កំពុងព្យាយាមបញ្ចុះបញ្ចូលលោកឌូទែរើតេ ឲ្យចូលរួមធ្វើសកម្មភាពក្នុងឆាកនយោបាយឡើងវិញ។ ការបោះឆ្នោតពាក់កណ្តាលអាណត្តិបន្ទាប់សម្រាប់មុខតំណែងថ្នាក់មូលដ្ឋាន និងសភា នឹងធ្វើឡើងនៅឆ្នាំ ២០២៥។លោកឌូទែរើតេ ដែលមានវ័យ៧៨ឆ្នាំ បានក្លាយជាពលរដ្ឋឯកជន បន្ទាប់ពីអាណត្តិរបស់លោក បានបញ្ចប់កាលពីឆ្នាំមុន ប៉ុន្តែបានធ្វើឲ្យមានមុខនៅលើទំព័រកាសែតនៅក្នុងខែកក្កដា នៅពេលដែលលោក បានជួបជាមួយប្រធានាធិបតីចិន ស៊ី ជីនពីង (Xi Jinping) នៅទីក្រុងប៉េកាំង។ លោក ស៊ី បានសម្តែងក្តីសង្ឃឹមថា លោកឌូទែរើតេ នឹងបន្តជំរុញកិច្ចសហប្រតិបត្តិការរវាងប្រទេសទាំងពីរ នេះបើយោងតាមសេចក្តីថ្លែងការណ៍ របស់រដ្ឋាភិបាលចិន បន្ទាប់ពីកិច្ចប្រជុំនោះ៕

អ្នកស្រាវជ្រាវក្នុងរូងភ្នំជនជាតិអាមេរិកម្នាក់ ត្រូវបានជួយសង្គ្រោះក្នុងជម្រៅ១ពាន់ម៉ែត្រក្នុងរូងភ្នំនៅទួរគី

2023/09/12 12:01:13 pm        229
Facebook Telegram Linkin
ទួរគី៖ អ្នកស្រាវជ្រាវក្នុងរូងភ្នំជនជាតិអាមេរិកម្នាក់ បានជាប់ក្នុងជម្រៅជាង១ពាន់ម៉ែត្រនៅក្រោមដី នៅប្រទេសទួរគីភាគខាងត្បូងបន្ទាប់ធ្លាក់ខ្លួនឈឺ ត្រូវបានជួយសង្គ្រោះនៅព្រឹកថ្ងៃអង្គារនេះបន្ទាប់ពីប្រតិបត្តិការជួយសង្គ្រោះអន្តរជាតិរយៈពេលជាច្រើនថ្ងៃ។វីដេអូរបស់សារព័ត៌មាន រ៉យទ័រ បានបង្ហាញលោក Dickey ត្រូវបាននាំចេញពីរូងភ្នំ និងបាននាំទៅកាន់ តង់វេជ្ជសាស្ត្រនៅជំរំដើម្បីពិនិត្យសុខភាព។ លោក Mark Dickey មានអាយុ៤០ឆ្នាំ កំពុងបំពេញបេសកកម្មរុករកជាអន្តរជាតិ នៅក្នុងរូងភ្នំ Morca នៅតំបន់ភ្នំ Taurus ខេត្ត Mersin នៅពេលនោះតាមសេចក្តីរាយការណ៍លោកបានចាប់ផ្តើមទទួលរងការចេញឈាមពីក្រពះនិងពោះវៀន នៅក្នុងជម្រៅរូងភ្នំ១.០៤០ម៉ែត្រ។ក្រុមអ្នកសង្គ្រោះជាង១៥០នាក់មកពីប្រទេសទួរគី ក្រូអាត អ៊ីតាលី និងប្រទេសមួយចំនួនទៀត បានធ្វើការរយៈពេល៩ថ្ងៃដើម្បីជួយសង្គ្រោះលោក ពីរូងភ្នំជ្រៅបំផុតទី៣របស់ប្រទេស៕

លោក Biden ត្រូវបានចោទប្រកាន់ពីបទមិនខ្វល់ខ្វាយបញ្ហាសិទ្ធិមនុស្សនៅវៀតណាម និងឥណ្ឌាជុំវិញផលប្រយោជន៍ជាយុទ្ធសាស្ត្រ

2023/09/12 11:58:16 am        208
Facebook Telegram Linkin
វៀតណាម៖ ឯកសាររបស់សេតវិមានដែលបានចេញអំឡុងដំណើរទស្សនកិច្ចរបស់លោកប្រធានាធិបតី Biden ទៅកាន់ប្រទេសវៀតណាមត្រូវបានថ្លឹងថ្លែងលើការប្រើពាក្យពេចន៍ជាង២.៦០០ពាក្យ។ ផ្នែកស្តីពីសិទ្ធិមនុស្ស មាន១១២ពាក្យ រួមមានទាំងចំណងជើងបន្ទាប់។ ចាប់ពីពាណិជ្ជកម្ម និងទស្សនៈវិស័យជាយុទ្ធសាស្ត្រ ដំណើរទស្សនកិច្ចរបស់លោក Biden កាលពីថ្ងៃអាទិត្យនិងថ្ងៃចន្ទ និងបានទៅកាន់ប្រទេសឥណ្ឌាកាលពីសប្តាហ៍មុន នឹងទំនងជាត្រូវបានគេមើលឃើញថាជាការជំរុញទំនាក់ទំនងជាមួយប្រទេសទាំងនេះ ដែលអាចជួយទីក្រុងវ៉ាស៊ីនតោនទប់ទល់វត្តមានកើនឡើងរបស់ចិនដែលកើតមាន។ ប៉ុន្តែសម្រាប់អ្នកតស៊ូមតិផ្នែកសិទ្ធិ ដំណើរទស្សនកិច្ចរបស់លោក Biden គឺជាការខកចិត្តមួយដែលត្រូវបានផ្តល់ ដោយសារតែការសន្យារបស់រដ្ឋបាលលោក ដើម្បីផ្តល់បញ្ហាសិទ្ធិមនុស្សជាទិភាពនៅពេលឡើងកាន់តំណែងក្នុងឆ្នាំ២០២១។ នៅក្នុងទីក្រុងហាណូយ លោក Biden និយាយថា សហរដ្ឋអាមេរិក កំពុងធ្វើឲ្យប្រសើរឡើងទំនាក់ទំនងចំពោះភាពជាដៃគូយុទ្ធសាស្ត្រគ្រប់ជ្រុងជ្រោយ និងការធ្វើឲ្យកាន់តែស៊ីជម្រៅកិច្ចសហប្រតិបត្តិការក្នុងការអនុវត្តន៍ប្រព័ន្ធប្រើប្រាស់បណ្តាញCloud គ្រឿងអេឡិចត្រូនិក និងបញ្ញាសម្បនិម្មិត។ សេតវិមានបានបង្ហាញថា ក្រុមហ៊ុនអាកាសចរណ៍វៀតណាមមួយបានទិញយន្តហោះ Boing 737 Max ចំនួន៥០គ្រឿង មានតម្លៃ ៧,៨ ពាន់លានដុល្លារ។ អ្នកតស៊ូមតិផ្នែកសិទ្ធិមនុស្ស ព្រួយបារម្ភថាមានកង្វះខាតក្នុងការយកចិត្តទុកដាក់លើសិទ្ធិមនុស្ស ខណៈត្រូវបានគេរំពឹងទុកថានឹងមិនធ្វើឲ្យបរាជ័យដើម្បីធ្វើឲ្យប្រសើរឡើងស្ថានភាពនៅក្នុងប្រទេសវៀតណាម និងប្រទេសឥណ្ឌា ប៉ុន្តែហានីភ័យកំពុងធ្វើឲ្យស្ថានភាពធ្ងន់ធ្ងរនៅកន្លែងដ៏ទៃទៀត។ លោក Carolyn Nash នាយកផ្នែកគាំទ្រប្រចំាអាស៊ី មកពីអង្គការលើកលែងទោសអន្តរជាតិបាននិយាយថា រដ្ឋបាលរបស់លោក Biden កំពុងប្រកាន់យកខាងសិទ្ធមនុស្សយ៉ាងច្បាស់លាស់ ក្នុងផលប្រយោជន៍នៃភាពជាដៃគូឈានមុខជាមួយរដ្ឋាភិបាល ដែលខ្លួនមើលឃើញថាជាសារៈសំខាន់ជាយុទ្ធសាស្ត្រ ហើយកំពុងផ្ញើរសារថា សហរដ្ឋអាមេរិក មានឆន្ទះអត់ធ្មត់នូវភាពបរាជ័យឥតលាក់លៀមដើម្បីការពារ និងប្រកាន់ខ្ជាប់បញ្ហាសិទ្ធិមនុស្ស៕

ឧបទ្ទវហេតុទាក់ទងនឹងភ្លៀងធ្លាក់ បានឆក់យកជីវិតមនុស្ស២១នាក់នៅរដ្ឋភាគខាងជើងប្រទេសឥណ្ឌា

2023/09/12 11:54:02 am        230
Facebook Telegram Linkin
ឥណ្ឌា៖ មន្ត្រីរដ្ឋាភិបាលរដ្ឋបានបញ្ជាក់កាលពីថ្ងៃចន្ទថាមនុស្សយ៉ាងហោចណាស់២១នាក់ បានស្លាប់ក្នុងឧបទ្ទវហេតុទាក់ទងទៅនឹងភ្លៀងធ្លាក់នៅក្នុងរដ្ឋ Uttar Pradesh ភាគខាងជើងប្រទេសឥណ្ឌា អំឡុងរយៈពេល២៤ម៉ោងកន្លងទៅនេះ នៅទូទាំងស្រុកចំនួន១២។ មនុស្សមួយចំនួន បានស្លាប់ក្នុងឧបទ្ទវហេតុរន្ទះបាញ់ ខណៈមួយចំនួនទៀតស្លាប់ដោយលង់ទឹក។ភ្លៀងធ្លាក់ឥតឈប់ឈរ បានរំខានដល់ជីវិតប្រចាំថ្ងៃនៅក្នុងរដ្ឋនេះ។ យោងតាមសេចក្តីរាយការណ៍របស់ប្រព័ន្ធផ្សព្វផ្សាយបានឲ្យដឹងថា សាលារៀនច្រើនកន្លែងនៅក្នុងរដ្ឋធានី Lucknow និងតំបន់នៅក្បែរខាង បានបិទទ្វារ ជាវិធានការបង្ការជាមុន ក្នុងពេលមានភ្លៀងធ្លាក់ខ្លាំងនិងទឹកជន់លិចផ្លូវ។ ចរាចរណ៍ផ្លូវរថភ្លើង បានរងផលប៉ះពាល់នៅក្នុងផ្នែកមួយចំនួនរបស់រដ្ឋនេះ។យោងតាមក្រសួងឧត្តុនិយម ប្រទេសឥណ្ឌា បានឲ្យដឹងថាមានភ្លៀងធ្លាក់ជាង៤០មីលីម៉ែត្រ នៅក្នុងស្រុកចំនួន២២ កាលពី២៤ម៉ោងកន្លងទៅនេះ។ អាជ្ញាធររដ្ឋ បានជំរុញឲ្យមានការងារផ្តល់ជំនួយបន្ទាន់ ហើយប្រមុខរដ្ឋមន្ត្រីប្រចាំរដ្ឋ លោក Yogi Adityanathបានស្នើសុំឲ្យមន្ត្រីរដ្ឋចុះពិនិត្យតំបន់រងផលប៉ះពាល់។មន្ត្រីក្រសួងឧត្តុនិយមឥណ្ឌា បាននិយាយថា រដ្ឋនេះទំនងជាជួបប្រទះភ្លៀងធ្លាក់ខ្លាំងនៅផ្នែកភាគខាងកើត ក្នុងរយៈពេល៣ថ្ងៃទៀត ខណៈភ្លៀងរលឹមនឹងបន្តរហូតដល់ថ្ងៃទី១៧ ខែកញ្ញា៕

UN៖ប្រទេសកូឡុំប៊ីបង្កើតកំណត់ត្រាផលិតកូកាអ៊ីនថ្មី

2023/09/12 11:48:52 am        255
Facebook Telegram Linkin
កូឡុំប៊ី៖ របាយការណ៍របស់អង្គការសហប្រជាជាតិ បានឲ្យដឹងកាលពីថ្ងៃចន្ទ ប្រទេសកូឡុំប៊ី ដែលជាប្រទេសផលិតកូកាអ៊ីនដ៏ធំបំផុតរបស់ពិភពលោក បានបង្កើតកំណត់ត្រាថ្មីមួយកាលពីឆ្នាំមុន សម្រាប់ការផលិតថ្នាំ និងការដាំដុះស្លឹកកូកា ដែលត្រូវបានផលិតចេញពីវានេះ។ ការដាំដុះស្លឹកកូកា មានការកើនឡើង១៣ភាគរយកាលពីឆ្នាំមុនច្រើនជាងឆ្នាំ ២០២១ ខណៈពេលដែលការផលិតកូកាអ៊ីន បានកើនឡើងពី ១.៤០០ តោនដល់ ១.៧៣៨តោន នេះបើយោងតាមការិយាល័យទទួលបន្ទុកបញ្ហាគ្រឿងញៀន និងឧក្រិដ្ឋកម្មរបស់អង្គការសហប្រជាជាតិ (UNODC)។ទាំងនេះ គឺជាចំនួនខ្ពស់បំផុត ចាប់តាំងពីUN បានចាប់ផ្តើមត្រួតពិនិត្យនៅក្នុងឆ្នាំ ២០០១។ កូកាអ៊ីនកូឡុំប៊ីភាគច្រើនមានគោលដៅនាំចេញទៅសហរដ្ឋអាមេរិក និងអឺរ៉ុប។បច្ចុប្បន្ននេះ ការដាំដុះស្លឹកកូកា កើនឡើងរហូតដល់ជាង ២៣០.000 ហិកតា នៅក្នុងប្រទេសនេះ។ជិតពីរភាគបីនៃដំណាំកូកា ត្រូវបានដាំដុះនៅក្នុងតំបន់Narino និង Putumayoភាគខាងត្បូងជាប់ព្រំប្រទល់ប្រទេសអេក្វាឌ័រ ដោយខ្លួនវាកំពុងប្រយុទ្ធនឹងការញាំញីពីអំពើហិង្សាទាក់ទងនឹងក្រុមជួយដូរគ្រឿងញៀននិងនៅតំបន់ North Santander ជាប់ព្រំដែនជាមួយប្រទេសវ៉េណេហ្ស៊ុយអេឡា៕

ក្រសួងអប់រំ៖ ការប្រព្រឹត្តិខុសឆ្គងពេលប្រឡងបាក់ឌុប បេក្ខជនអាចធ្លាក់ដោយស្វ័យប្រវត្តិ និងជាប់ពន្ធនាគារ

2023/09/12 11:26:38 am        599
Facebook Telegram Linkin
ភ្នំពេញ៖ ក្រសួងអប់រំ យុវជន និងកីឡា បានដាក់ចេញបទប្បញ្ញត្តិ ​និងកម្រិតវិន័យយ៉ាងតឹងរឹង​សម្រាប់​ការប្រឡង​សញ្ញាបត្រ​ទុតិយភូមិ​ក្នុងឆ្នាំនេះ។ខណៈការកម្រិតវិន័យនេះគឺអាចឈានដល់ការធ្លាក់ដោយស្វ័យ​ប្រវត្តិដោយគ្មានសិទ្ធិប្រឡង​២ឆ្នាំបន្ទាប់ និងអាចឈានទៅ​ជាប់​ពន្ធនាគារថែមទៀត​ក្នុងករណីប្រព្រឹត្តិអំពើ​សូកប៉ាន់​ក្នុងការប្រឡង។ ក្រសួងអប់រំ យុវជន និងកីឡា ក្នុងឆ្នាំ ២០២៣ បានកំណត់កាលបរិច្ឆេទយកថ្ងៃទី ៦ ខែវិច្ឆិកា ឆ្នាំ ២០២៣ សម្រាប់​ការប្រឡងសញ្ញាបត្រមធ្យមសិក្សាទុតិយភូមិ។​ មុនការប្រឡងចូលមកដល់ ក្រសួងអប់រំ ​បានផ្សព្វផ្សាយនូវរាល់បទបញ្ញត្តិ កម្រិតវិន័យ ក៏ដូចជាអ្វីដែលបេក្ខជនត្រូវធ្វើ និងមិនត្រូវធ្វើជាដាច់ខាតក្នុងមណ្ឌលប្រឡង។ កម្រិតវិន័យក្នុងការប្រឡង ធ្ងន់ធ្ងរបំផុត គឺឈានដល់ការជាប់ពន្ធនាគារពី ៥ឆ្នាំ ទៅ ១០ឆ្នាំក្នុងករណីសូកប៉ាន់។ករណីសូកប៉ាន់វិញ ត្រូវបានក្រសួងអប់រំ ចាត់ទុកជាករណីធ្ងន់ធ្ងរបំផុតសម្រាប់ការប្រឡង។ ក្រសួងអប់រំ លើកឡើងថា បទសូកប៉ាន់ តាមមាត្រា ៦០៥ នៃក្រមព្រហ្មទណ្ឌ គឺផ្តន្ទាទោសដាក់​ពន្ធនាគារពី ៥ឆ្នាំ ទៅ១០ ឆ្នាំ ចំពោះបុគ្គលណា ​ដោយគ្មានសិទ្ធិដោយផ្ទាល់ ឬប្រយោល ប្រគល់អំណោយ ​ឬជំនូនធ្វើការសន្យាជាមួយ ឬផ្ដល់អត្ថប្រយោជន៍អ្វីមួយ​ដល់អ្នករាជការ​សាធារណៈ ឬពលរដ្ឋទទួលអាណត្តិ​សាធារណៈដោយការបោះឆ្នោត ដើម្បីឱ្យអ្នករាជការ ឬពលរដ្ឋនោះ។ ក្រសួងអបប់រំក៏បានកំណត់ដែរថា ការយកអាវុធជាតិផ្ទុះចូលក្នុងមណ្ឌលប្រឡង ការឱ្យអ្នកដទៃមក​ប្រឡងជំនួស ​ការធ្វើឱ្យខូចសម្ភារក្នុងបន្ទប់ប្រឡង និងខូចខាតបន្ទប់ប្រឡងដោយចេតនា ការមិន​អនុវត្តតាមការណែនាំរបស់គណៈមេប្រយោគ ​ឬអ្នកមានសមត្ថកិច្ចក្នុងមណ្ឌលប្រឡង ឬអ្នកមានសមត្ថកិច្ចត្រួតពិនិត្យការប្រឡង ​គឺបេក្ខជននោះនឹងធ្លាក់ដោយស្វ័យប្រវត្ត និងផ្អាកមិនឱ្យប្រឡងពីរឆ្នាំបន្ទាប់។ ករណីចាំបាច់បេក្ខជននោះ នឹងត្រូវបញ្ជូនទៅស្ថាប័នមានសមត្ថកិច្ច ដោះស្រាយទៅតាមច្បាប់។បទបញ្ញត្តិ និងកម្រិតវិន័យចំពោះបេក្ខជនក្នុងការប្រឡងសញ្ញាបត្រមធ្យមសិក្សាទុតិយភូមិ ក៏បានបញ្ជាក់ថែមលើកម្រិតវិន័យផ្សេងទៀត ​ចំពោះការប្រព្រឹត្តិឆ្គងរបស់​បេក្ខជនប្រឡងផងដែរ។ បេក្ខជនដែលលួចចម្លងគឺត្រូវបញ្ឈប់មិនឱ្យប្រឡងបន្តទៀត​ និងត្រូវធ្លាក់ដោយស្វ័យប្រវត្តិ។ចំពោះករណីដែលបេក្ខជនបង្កើតសកម្មភាពធ្វើឱ្យខូចសណ្ដាប់ធ្នាប់រៀបរៀបរយនៃការប្រឡង និង​ប៉ះពាល់លកិត្តិយសគណៈមេប្រយោគ ក្នុងកម្រិតវិន័យថា្នក់ទី១ គឺមិនអនុញ្ញាតឱ្យចូលប្រឡង និងកំណត់ឱ្យធ្លាក់ដោយស្វ័យប្រវត្តិ។ ក្នុងកម្រិតវិន័យថ្នាក់ទី២វិញ គឺកំណត់ឱ្យបបេក្ខជនធ្លាក់ដោយស្វ័យប្រវត្តិ និងផ្អាកមិនឱ្យប្រឡង​មួយឆ្នាំ​បន្ទាប់ថែមទៀត៕អត្ថបទ៖ គឹមហុក   

ប្រទេសលីប៊ីអំពាវនាវសុំជំនួយអន្តរជាតិ បន្ទាប់ពីទឹកជំនន់បណ្តាលឲ្យមនុស្សជាង២.000នាក់ស្លាប់

2023/09/12 11:15:42 am        231
Facebook Telegram Linkin
លីប៊ី៖ ប្រធានក្រុមប្រឹក្សាប្រធានាធិបតីលីប៊ី លោក Mohamed Menfi កាលពីថ្ងៃចន្ទ បានអំពាវនាវសុំជំនួយ អន្តរជាតិ ដើម្បីទប់ទល់នឹងផលវិបាកនៃទឹកជំនន់ដ៏ខ្លាំងក្លារនៅក្នុងប្រទេសនេះ ដែលបានបណ្តាលឲ្យ មនុស្សជាង២.០០០នាក់ស្លាប់។លោក Menfi បានថ្លែងនៅក្នុងសេចក្តីថ្លែងការណ៍មួយថា៖«យើងអំពាវនាវដល់ប្រទេសជាបងប្អូន និងជាមិត្ត និងអង្គការអន្តរជាតិនានា   ផ្តល់ជំនួយនិងការគាំទ្រសម្រាប់តំបន់ចំនួនដែលរងគ្រោះមហន្តរាយនេះ» ។លោក បានប្រកាសទីក្រុងភាគខាងកើតនៃ Derna, Al-Bayda និង Shahhat ជាទីក្រុងដែលរងការវាយប្រហារ ហើយបានអំពាវនាវឲ្យប្រជាជនគោរពតាមការណែនាំរបស់អាជ្ញាធរ«ដើម្បីយកឈ្នះលើវិបត្តិនេះ។លោក Menfi បាននិយាយថា៖«ខ្ញុំមានទំនុកចិត្តថា ប្រជាជនរបស់យើងអាចសហការ និងជម្នះការលំបាកទាំងនេះបាន។ យើងនឹងយកឈ្នះលើវិបត្តិនេះ ហើយយើងរួមគ្នា នឹងកសាងអនាគតដ៏ល្អប្រសើរសម្រាប់ប្រទេសរបស់យើង»។ខ្យល់ព្យុះមេឌីទែរ៉ាណេ បានបោកបក់ដល់គោក នៅប្រទេសលីប៊ីភាគខាងកើត កាលពីថ្ងៃអាទិត្យ ដោយបង្កឲ្យមានទឹកជំនន់ និងបំផ្លាញសម្ភារៈបរិក្ខារនានា នៅតាមបណ្តោយផ្លូវរបស់ព្យុះនេះ។លោកនាយករដ្ឋមន្ត្រី Osama Hammad ដែលមានមូលដ្ឋាននៅភាគខាងកើតនៃប្រទេសលីប៊ី បាននិយាយថា មនុស្សជាង ២.០០០ នាក់ បានស្លាប់ និងរាប់ពាន់នាក់ផ្សេងទៀត បានបាត់ខ្លួននៅក្នុងទឹកជំនន់នេះ៕

ភាគីនិយោជកប្រាប់ហេតុផល អំពីការបន្ថែមប្រាក់ឈ្នួលអប្បបរមាបានត្រឹម ១,៥ ដុល្លារ

2023/09/12 11:15:30 am        633
Facebook Telegram Linkin
ភ្នំពេញ៖ អនុប្រធានក្រុមប្រឹក្សាជាតិប្រាក់ឈ្នួលអប្បបរមាអាណត្តិទី៣ តំណាងឲ្យភាគីនិយោជក បានថ្លែងថា យោងលក្ខណៈវិនិច្ឆ័យទាំង ៧ ចំណុច ភាគីនិយោជកមានលទ្ធភាព​ក្នុងការដំឡើងប្រាក់​ឈ្នួលអប្បបរមាទេសម្រាប់ឆ្នាំ២០២៤ បានត្រឹម ១,៥ ដុល្លារ​ ដោយសារភាពប្រកួតប្រជែង​ តម្រូវការ និងបញ្ហាប្រឈមនានា ក្នុងវិស័យកាត់ដេរ។ឧកញ៉ាបណ្ឌិត ណាង សុធី អនុប្រធានសហព័ន្ធនិយោជក ​និងសមាគមពាណិជ្ជកម្មកម្ពុជា និង​ជាអនុប្រធានក្រុមប្រឹក្សាជាតិប្រាក់ឈ្នួលអប្បបរមាអាណត្តិទី៣ កាលពីរសៀលថ្ងៃទី១១ ខែកញ្ញាកន្លងទៅ ​បានមានប្រសាសន៍ថា ​ជាជំហររបស់និយោជកបានដំឡើងបន្ថែមដល់ ២០១,៥០ដុល្លារ ដើម្បីឲ្យឈានទៅឆាប់ត្រូវគ្នា ដោយសំណូមភាគីសហជីពរកតួលេខមួយដូចគ្នា។ ប៉ុន្តែភាគីសហជីពមិនទាន់ដាក់តួលេខថ្មី។ លោកបានបន្តថា ក្នុងនោះ ដោយសារសហជីពនៅមិនទាន់មានការដាក់តួលេខថ្មី រដ្ឋមន្ត្រី​ក្រសួងការងារ និងបណ្តុះបណ្តាលវិជ្ជាជីវៈ ​បានស្នើសុំរក្សាតួលេខចាស់ដដែល ​ដោយឲ្យភាគីទាំងពីរ ថយទៅពិភាក្សាគ្នារកតួលេខរួមសម្រាប់ដាក់នៅក្នុងកិច្ចប្រជុំនៅថ្ងៃទី១៨​ ខែកញ្ញាខាងមុខ ។លោកអនុប្រធាន បានបញ្ជាក់ជាថ្មីថា តាមលក្ខណៈបច្ចេកទេស និយោជកមិនមានលទ្ធភាព​ដំឡើងជូនទេ។ ប៉ុន្តែដោយសារ​សម្ដេចធិបតី ហ៊ុន ម៉ាណែត តិចឬច្រើន ត្រូវតែជួយ​ក៏បានឈាន​ទៅ​ដល់ការឯកភាពគ្នាដំឡើងទៅតាមតួលេខមួយដែលអាចមានលទ្ធភាពធ្វើទៅបាន។ លោកសង្ឃឹមនាកិច្ចប្រជុំលើកក្រោយនឹងមានតួលេខថ្មី ហើយភាគីនិយោជកក៏នឹងមានតួលេខថ្មីដែរ ដើម្បីឲ្យមានបម្រែបម្រួលទាំងអស់គ្នា។ឯកឧត្តម ហេង សួរ រដ្ឋមន្ត្រីក្រសួងការងារ ​និងបណ្ដុះបណ្ដាលវិជ្ជាជីវៈ បានបញ្ជាក់ថា គិតត្រឹមកិច្ចប្រជុំថ្ងៃ​ម្សិលមិញ​ភាគីតំណាងនិយោជកនៅតែរក្សាតួលេខ ១ដុល្លារ និងតំណាង​សហជីពរក្សាតួលេខ​១៥ដុល្លារដដែល ​ទៅលើប្រាក់ឈ្នួលកម្មករបច្ចុប្បន្ន​ ២០០ដុល្លារ ក្នុងមួយខែ។ ឯកឧត្តម បញ្ជាក់ថា មូលហេតុដែលភាគីនិយោជក ​និងភាគីសហជីព ​មានតួលេខខុសគ្នាឆ្ងាយនេះ ដោយ​សារភាគីនីមួយៗ​ឈរលើលក្ខណៈវិនិច្ឆ័យទាំង៧​ចំណុចរៀងៗខ្លួន ដោយភាគីសហជីពផ្តោត​លើ​អតិផរណាធ្វើឲ្យកម្មករចំណាយច្រើន​ ចំណូលធ្លាក់ចុះ និងភាគីនិយោជក​ផ្តោតទៅលើភាព​ប្រកួត​ប្រជែង តម្រូវការមានការថយចុះ ​និងបញ្ហាប្រឈមនៅក្នុងវិស័យ។សូមជម្រាបថា ពាក់ព័ន្ធកិច្ចចរចាប្រាក់ឈ្នួលអប្បបរមារបស់កម្មករនិយោជិតផ្នែក​វិស័យកាត់ដេរ​សម្រាប់ឆ្នាំ២០២៤ ភាគីទាំងអស់ ​បានឯកភាពគ្នាកំណត់ប្រជុំលឿន​ជាងការកំណត់ ពោល​នឹងខិតខំបញ្ចប់នៅថ្ងៃទី២៨ ខែកញ្ញា​ ឆ្នាំ២០២៣ខាងមុខនេះ ​ដែលតាមគម្រោងបញ្ចប់នៅថ្ងៃទី២ ខែតុលា៕អត្ថបទឈិត បូរ៉ាវី 

អាមេរិក និងអាមេនី ចាប់ផ្តើមសមយុទ្ធយោធានៅជិតរដ្ឋធានីយ៉េរ៉េវ៉ាន់

2023/09/12 11:09:54 am        91
Facebook Telegram Linkin
អាមេរិក៖ អ្នកនាំពាក្យកងទ័ពអាមេរិកបាននិយាយថា អាមេនី និងសហរដ្ឋអាមេរិក បានចាប់ផ្តើមសមយុទ្ធយោធារួមគ្នាមួយកាលពីថ្ងៃចន្ទ (១១ ខែកញ្ញា) នៅពេលមានភាពតានតឹងខ្លាំងនៅក្នុងទំនាក់ទំនងអាមេនីជាមួយប្រទេសជិតខាង អាស៊ែបៃហ៊្សង់។សមយុទ្ធ «ដៃគូឥន្ទ្រី» រយៈពេល១០ថ្ងៃនេះ មានទាហានអាមេរិកចំនួន៨៥នាក់ និងទាហានអាមេនីចំនួន១៧៥នាក់ ហើយត្រូវបានធ្វើឡើងដើម្បីរៀបចំជនជាតិអាមេនីឱ្យចូលរួមក្នុងបេសកកម្មរក្សាសន្តិភាពអន្តរជាតិ ហើយសមយុទ្ធនេះកំពុងធ្វើឡើងនៅកន្លែងហ្វឹកហាត់ចំនួនពីរក្បែររដ្ឋធានីយ៉េរ៉េវ៉ាន់ (Yerevan) ប្រទេសអាមេនី។  អាមេនី និងអាស៊ែបៃហ្សង់ ដែលនៅជិតខាង បានប្រយុទ្ធគ្នាក្នុងសង្រ្គាមចំនួន២ អស់រយៈពេលបីទសវត្សរ៍ចាប់តាំងពីការដួលរលំនៃសហភាពសូវៀត ហើយភាគីនីមួយៗបានចោទប្រកាន់ភាគីម្ខាងទៀតក្នុងប៉ុន្មានសប្តាហ៍មុន អំពីការបង្កើតកងទ័ពនៅជិតព្រំដែនផងដែរ៕

បណ្ដាញសង្គម

ព័ត៌មានថ្មីៗ

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកទេយ្យវត្ថុ និងបច្ច័យ ថ្វាយប្រគេនសម្ដេចព្រះមហាសង្ឃរាជ នន្ទ ង៉ែត
06/14/2026 03:06 PM
Facebook Telegram Linkin
ករណីនាំសាច់បង្កកមកពីថៃជាង២០០តោន : តំណាងអយ្យការចោទប្រកាន់ជនសង្ស័យ ២នាក់
06/14/2026 03:06 PM
Facebook Telegram Linkin
ក្រសួងបរិស្ថានគាំទ្រសហគមន៍តំបន់ការពារធម្មជាតិនៅកម្ពុជា ចូលរួមការពារនិងអភិរក្សធនធានធម្មជាតិ និងលើកកម្ពស់ជីវភាពប្រជាពលរដ្ឋនៅតាមសហគមន៍
06/14/2026 02:06 PM
Facebook Telegram Linkin
អ៊ីរ៉ង់៖ បុណ្យសពអតីតមេដឹកនាំកំពូល នឹងចាប់ផ្តើមនៅថ្ងៃទី ៤ ខែកក្កដា ហើយបញ្ចប់ជាមួយការបញ្ចុះសពនៅថ្ងៃទី ៩ខែកក្កដា
06/14/2026 02:06 PM
Facebook Telegram Linkin
សហគមន៍ទុរេនបែកអន្លូង ស្រុកស្ទឹងត្រង់បានចុះបញ្ជីម៉ាកសមូហភាព និងមាន QR Code ត្រឹមត្រូវ
06/14/2026 01:06 PM
Facebook Telegram Linkin
ស.ស.យ.ក បន្តចុះអប់រំនិស្យិតដោយផ្សារភ្ជាប់ព្រះពុទ្ធសាសនាទៅនឹងការរស់នៅថ្លៃថ្នូរ
06/14/2026 01:06 PM
Facebook Telegram Linkin
សមាគមអតីតយុទ្ធជន កំពង់ឆ្នាំង ប្រគល់ថវិកាបេឡាមរណៈសង្គ្រោះ ១២លានរៀល ជូនសមាជិក ៣គ្រួសារ
06/14/2026 01:06 PM
Facebook Telegram Linkin
សំណុំរឿងសាច់បង្កកជាង ២០០តោន នាំមកពីថៃចូលដល់ដៃតុលាការហើយ
06/14/2026 01:06 PM
Facebook Telegram Linkin
ការខូចខាតធ្ងន់ធ្ងរ បានកើតឡើងនៅទីក្រុងភាគខាងត្បូង Tyre ប្រទេសលីបង់ ក្រោយការវាយប្រហាររបស់អ៊ីស្រាអែល
06/14/2026 12:06 PM
Facebook Telegram Linkin
សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ
06/14/2026 12:06 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.