BTV NEWS

TOP STORY | សម្ដេចធិបតី បានចាត់វិធានការចាំបាច់ជាបន្តបន្ទាប់ចំពោះការវិលត្រឡប់ទ្រង់ទ្រាយធំរបស់ពលករខ្មែរ និងជនភៀសសឹក

TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់

TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំកោះប្រជុំក្រុមប្រឹក្សាសន្តិសុខជាបន្ទាន់ ដើម្បីសុំការអន្តរាគមន៍បញ្ចប់ការឈ្លានពានរបស់កងទ័ពថៃមកលើដែនអធិបតេយ្យភាពរបស់កម្ពុជា

TOP STORY | សម្ដេចធិបតី៖ កងទ័ពថៃបានបើកការវាយប្រហារមកលើទីតាំងឈរជើងរបស់កងទ័ពកម្ពុជា នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ និង ការអភិវឌ្ឍន៍

អាមេរិកនិងចិនទាស់សម្តីគ្នាពីបញ្ហាសមុទ្រចិនខាងត្បូង ខណៈឥណ្ឌូនេស៊ីជំរុញឲ្យមេដឹកនាំទាំងអស់រក្សាសន្តិភាព

អាមេរិក៖ ប្រទេសមហាអំណាចពិភពលោកធំបំផុតចំនួនរបសពិភពលោក គឺ សហរដ្ឋអាមេរិក និងប្រទេសចិន បានប៉ះទង្គិចពាក្យសម្ដីគ្នាលើបញ្ហាសមុទ្រចិនខាងត្បូង នៅជំនួបកំពូលមួយជាមួយបណ្ដាមេដឹកនាំអាស៊ាន កាលពីថ្ងៃព្រហស្បតិ៍ ទី៧ខែកញ្ញា ខណៈម្ចាស់ផ្ទះឥណ្ឌូនេស៊ី បានជំរុញភាគីទាំងអស់ឲ្យរក្សាសន្តិសភាព និងបញ្ជៀសជម្លោះ ។ អំឡុងជំនួបកំពូលអាស៊ីបូព៌ាប្រចាំឆ្នាំ(EAS) បានធ្វើឡើងនៅក្នុងរដ្ឋធានីហ្សាការតា ក្រៅ ជំនួបកំពូលអាស៊ាន អនុប្រធានាធិបតីសហរដ្ឋអាមេរិកលោកស្រី កាម៉ាឡាហារីស(Kamala Harris) បាន បញ្ជាក់ថា សេរីភាពនៃការធ្វើនាវាចរណ៍ និងការហោះហើរលើដែនសមុទ្រ ត្រូវតែបានគោរព នៅក្នុងការប្រកួតប្រជែងដ៏ក្ដៅគគុក នៅសមុទ្រចិនខាងត្បូង។លោកស្រី ហារីស ដែល បានចូលរួមជំនួបនេះតំណាងឲ្យលោកប្រធានាធិបតី Joe Biden ក៏បាននិយាយផងដែរថា ជម្លោះទាំងអស់ត្រូវតែត្រូវបានដោះស្រាយដោយសន្តិវិធី និងស្របទៅតាមច្បាប់អន្តរជាតិរួមទាំងអនុសញ្ញាអង្គការសហប្រជាជាតិឆ្នាំ១៩៨២ ស្ដីពីច្បាប់សមុទ្រ ដែលត្រូវបានផ្តល់សច្ចាប័នដោយប្រទេសជាង១៦០ រួមទាំងប្រទេសចិនផងដែរ។ លោកនាយករដ្ឋមន្ត្រី លីឈាង (Li Qiang) ក៏បានបង្ហាញក្ដីសង្ឃឹមផងដែរថា បណ្ដាប្រទេសនៅក្នុងតំបន់ ត្រូវគោរពឲ្យបានពេញលេញនូវកិច្ចខិតខំប្រឹងប្រែងធ្វើឡើងដោយប្រទេសក្នុងតំបន់ក្នុងការចរចាការគ្រប់គ្រងសមុទ្រចិនខាងត្បូង និងរក្សាសន្តិភាព ក៏ដូចជាស្ថិរភាពក្នុងតំបន់៕

រដ្ឋមន្ត្រីការបរទេសរុស្ស៊ី៖ អាមេរិកមានបំណងធ្វើឲ្យរុស្ស៊ីនៅឯកោ ក្នុងតំបន់ឥណ្ឌូ-ប៉ាស៊ីហ្វិក

រុស្ស៊ី៖ រដ្ឋមន្ត្រីការបរទេសរុស្ស៊ី លោក Sergey Lavrov បាននិយាយថា សហរដ្ឋអាមេរិកមានបំណងធ្វើឲ្យរុស្ស៊ីនៅឯកោក្នុងតំបន់អាស៊ី-ប៉ាស៊ីហ្វិកដើម្បីទប់ទល់ប្រទេសចិន នៅក្នុងសន្និសីទសារព័ត៌មានក្នុងទីក្រុងDhaka ប្រទេសបង់ក្លាដែស កាលពីថ្ងៃព្រហស្បតិ៍។ លោក Lavrov គឺជារដ្ឋមន្ត្រីការបរទេសដំបូងគេដែលធ្វើទស្សនកិច្ចនៅប្រទេសបង់ក្លាដែស ចាប់តាំងពីឯករាជ្យឆ្នាំ១៩៧១របស់ខ្លួន ដែលបានទៅដល់ទីក្រុងDhaka កាលពីល្ងាចថ្ងៃព្រហស្បិ៍សម្រាប់ដំណើរទស្សនកិច្ចរយៈពេល២ថ្ងៃ បន្ទាប់ពីបានចូលរួមកិច្ចប្រជុំកំពូលអាស៊ីបូព៌ាក្នុងទីក្រុងហ្សាកាតា ប្រទេសឥណ្ឌូនេស៊ី។ទាំងរុស្ស៊ី ទាំងប្រទេសលោកខាងលិច កំពុងស្វែងរកការគាំទ្រពីប្រទេសបង់ក្លាដែស ដែលមានភាពស្ទាក់ស្ទើរទទួលយកភាគីទាំងពីរនៅក្នុងសង្គ្រាមនៅអ៊ុយក្រែន ទោះបីជាប្រទេសនេះ ព្យាយាមទប់ទល់តម្លៃប្រេងហក់ឡើងខ្ពស់និងការនាំចូលស្បៀងអាហារក៏ដោយ។ប្រធានាធិបតីបារាំង លោក Emmanuel Macron ក៏នឹងធ្វើទស្សនកិច្ចនៅទីក្រុង Dhaka នៅសប្តាហ៍ក្រោយនេះដែរបន្ទាប់ពីចូលកិច្ចប្រជុំ G20 ក្នុងគោលបំណងធ្វើឲ្យកាន់តែស៊ីជម្រៅទំនាក់ទំនងជាមួយប្រទេសមួយដែលជួបប្រទះកំណើនសេដ្ឋកិច្ចឆាប់រហ័ស៕

អាមេរិករឹបអូសប្រេងអ៊ីរ៉ង់ជិត១លានបារ៉ែល ដែលត្រូវបានរត់ពន្ធទៅប្រទេសចិន

អាមេរិក៖ អាជ្ញាធរសហរដ្ឋអាមេរិក បានរឹបអូសប្រេងអ៊ីរ៉ង់ជិត មួយលានបារ៉ែល ដែលក្រុមមន្ត្រីនិយាយថា ត្រូវបានរត់ពន្ធដោយខុសច្បាប់ទៅកាន់ប្រទេសចិន កាលពីដើមឆ្នាំនេះ នេះបើយោងតាមកំណត់ត្រារបស់តុលាការដែលបានចេញផ្សាយថ្មីៗនេះ។ការរឹបអូសរបស់សហរដ្ឋអាមេរិកនូវនាវាដឹកប្រេង M/TSuez Rajan បានកើតឡើងនៅដើមឆ្នាំនេះ ដែលនាំទៅដល់កិច្ចខិតខំប្រឹងប្រែងផ្ទាល់របស់កងការពារបដិវត្តន៍អ៊ីរ៉ង់ ក្នុងការរឹបអូសយកនាវាដឹកប្រេងចំនួនពីរគ្រឿងនៅច្រកសមុទ្រHormuz។ ឯកសាររបស់តុលាការបង្ហាញពីការចោទប្រកាន់របស់រដ្ឋអាជ្ញាអាមេរិកថា អ៊ីរ៉ង់ក្លែងបន្លំកំណត់ត្រាទំនិញនៅក្នុងនាវានោះ និងរារាំងទីតាំងរបស់ខ្លួនពីការតាមដានយ៉ាងត្រឹម ត្រូវ។ចាប់តាំងពីការរឹបអូសដំបូងនៅនិទាឃរដូវឆ្នាំនេះ នាវាដឹកប្រេង Rajan ត្រូវបានចតនៅឆ្នេរសមុទ្រនៃរដ្ឋតិចសាស។ ប្រទេសអ៊ីរ៉ង់ បានគំរាមឲ្យក្រុងវ៉ាស៊ីនតោនទទួលខុសត្រូវ ប្រសិនបើទំនិញនោះ ត្រូវបានដឹកចេញ ហើយពុំមានក្រុមហ៊ុនអាមេរិកណាមួយ យល់ព្រមដាក់ធុងប្រេងទាំងនោះចេញនាវាទេ ព្រោះខ្លាចមានការសងសឹកពីក្រុងតេអេរ៉ង់។នៅទីបំផុត ក្រុមហ៊ុនក្រិក ដែលគ្រប់គ្រងនាវា Rajan គឺក្រុមហ៊ុន Empire Navigation បានបញ្ជូននាវាមួយផ្សេងទៀត ដើម្បីបញ្ចប់ដំណើរការដឹកជញ្ជូនប្រេងនេះ៕

ការពង្រឹកបម្រាមប្រើប្រាស់ទូរស័ព្ទដៃ iPhoneរបស់ចិន ប៉ះពាល់ដល់វិស័យបច្ចេកវិទ្យារបស់សហរដ្ឋអាមេរិក

អាមេរិក៖ ការពង្រីកបម្រាមប្រើប្រាស់លើទូរសព័្ទដៃ iPhone ចំពោះបុគ្គលិករដ្ឋាបាភិបាល បានប៉ះពាល់ដល់ក្រុមហ៊ុន Apple និងភាគហ៊ុនបច្ចេកវិទ្យារបស់សហរដ្ឋអាមេរិក កាលពីថ្ងៃព្រហស្បតិ៍ទី៧ខែកញ្ញា ខណៈក្រុមវិនិយោគិនខកចិត្តជុំវិញការប៉ះពាល់ហិរញ្ញវត្ថុនៃការកើនឡើងភាពតានតឹនរវាងទំនាក់ទំនងការទូត អាមេរិកនិងចិនលើក្រុមហ៊ុននានាដោយសារការរារាំងដ៏ធំរបស់ចិន ។ ចំណូលក្រុមហ៊ុន Apple បានធ្លាក់ចុះជាង៣ភាគរយ ហើយកំពុងស្ថិតនៅលើផ្លូវឈានទៅរកការធ្លាក់ចុះរយៈពេលពីរថ្ងៃដ៏អាក្រក់បំផុតរបស់ខ្លួនចាប់តាំងពីខែវិច្ឆិកា បន្ទាប់ពីរបាយការណ៍ប្រព័ន្ធផ្សព្វផ្សាយបាននិយាយថាទីក្រុងប៉េកាំងបានប្រាប់បុគ្គលិកនៅទីភ្នាក់ងារកណ្តាលរដ្ឋាភិបាលមួយចំនួនក្នុងប៉ុន្មានពេលសប្តាហ៍ថ្មីៗនេះឲ្យឈប់ប្រើប្រាស់ទូរស័ព្ទដៃក្រុមហ៊ុន Apple នៅកន្លែងធ្វើការ។ ក្រុមអ្នកវិភាគរបស់ក្រុមហ៊ុន Wall Street បាននិយាយថា បម្រាមនេះបង្ហាញថា សូម្បីតែក្រុមហ៊ុនដែលមានទំនាក់ទំនងល្អជាមួយរដ្ឋាភិបាលចិន និងវត្តមានដ៏ធំនៅក្នុងមហាអំណាចសេដ្ឋកិច្ចទីពីររបស់ពិភពលោកមួយនេះ ក៏មិនមានភាពស៊ាំនឹងការកើនឡើងភាពតានតឹងរវាងប្រទេសទាំងពីរដែរ។ក្រុមហ៊ុនផ្គត់ផ្គង់ Apple Qualcomm ជាក្រុមហ៊ុនមួយក្នុងចំណោមក្រុមហ៊ុនជាច្រើនរបស់សហរដ្ឋអាមេរិកដែលមានវត្តមានប្រទេសចិនធំជាងគេបានធ្លាក់ចុះជិត៧ភាគរយឈានឆ្ពោះទៅរកការខាតបង់ ក្នុងចំណោមក្រុមហ៊ុនបច្ចេកវិទ្យាធំៗ។ លោក ម៉ៃ ហ្គាឡាហ័រ (Mike Gallagher) ប្រធានក្រុមប្រឹក្សាសភានៅប្រទេសចិន បាននិយាយថា ការហាមប្រាមកាន់តែទូលំទូលាយមិនគួរឲ្យភ្ញាក់ផ្អើលនោះទេ ហើយបានគូសបញ្ជាក់ពីកិច្ចខិតខំប្រឹងប្រែងដើម្បីកម្រិតការចូលទៅកាន់ទីផ្សារពីសំណាក់ក្រុមហ៊ុនរបស់លោកខាងលិចទៅកាន់ប្រទេសចិន៕

អង្គការយូនីសេហ្វ រាយការណ៍ពីចំនួនកុមារដ៏ច្រើនលើសលប់ឆ្លងកាត់ព្រៃ នៅប្រទេសប៉ាណាម៉ា

UN៖ អង្គការយូនីសេហ្វ (UNICEF) បានរាយការណ៍កាលពីថ្ងៃពុធ (៦ កញ្ញា) អំពីកំណត់ត្រាច្រើនបំផុតនៃចំនួនកុមារអន្តោប្រវេសន៍ឆ្លងកាត់ព្រៃដារៀន (Darien) ដ៏គ្រោះថ្នាក់របស់ប្រទេសប៉ាណាម៉ាក្នុងឆ្នាំ២០២៣នេះ។ យោងតាមរបាយការណ៍ថ្មីបានឲ្យដឹងថា កុមារជាង៦០.០០០នាក់បានប្រថុយជីវិត ដើម្បីឆ្លងកាត់ព្រៃច្រករបៀបដារៀនហ្គាប (Darien Gap) ដ៏គ្រោះថ្នាក់ក្នុងរយៈពេលប្រាំបីខែដំបូងនៃឆ្នាំ២០២៣នេះ ហើយតួលេខនេះធ្វើឱ្យឆ្នាំនេះ ក្លាយជាឆ្នាំដែលមានកំណត់ត្រាកុមារឆ្លងកាត់ព្រៃដ៏គ្រោះថ្នាក់មួយនេះច្រើនបំផុត។យ៉ាងហោចណាស់មានកុមារ និងក្មេងជំទង់ចំនួន២៩.០០០នាក់ បានឆ្លងកាត់ព្រៃដារៀន ក្នុងឆ្នាំ២០២១ និងកុមារចំនួន៤០.០០០នាក់បានធ្វើដំណើរឆ្លងកាត់ក្នុងឆ្នាំ២០២២។ ក្រុមអាជ្ញាធរអន្តោប្រវេសន៍របស់ប៉ាណាម៉ាបាននិយាយថា មានមនុស្សប្រហែល២៤៨.៩០១នាក់ បានឆ្លងកាត់ព្រៃនេះ រហូតដល់ថ្ងៃទី៣១ ខែកក្កដា ហើយកុមារ និងក្មេងជំទង់មានចំនួន២១ភាគរយនៃតួលេខនោះ។ ការធ្វើដំណើរចម្ងាយ៦០គីឡូម៉ែត្រ ឆ្លងកាត់ព្រៃដារៀន បានទាក់ទាញជនអន្តោប្រវេសន៍ទៅកាន់ប៉ាណាម៉ា ហើយជាផ្លូវដ៏សំខាន់សម្រាប់អ្នកដែលសង្ឃឹមថា នឹងទៅដល់សហរដ្ឋអាមេរិក និងកាណាដាផងដែរ៕

កូរ៉េខាងជើងបញ្ចេញនាវាមុជទឹកវាយប្រហារដោយនុយក្លេអ៊ែរតាកទិកថ្មីបែបកូរ៉េ និងបន្តព្រមានអាមេរិកពីគ្រោះថ្នាក់សង្គ្រាមនុយក្លេអ៊ែរ

កូរ៉េខាងជើង៖ ទីភ្នាក់ងារសារព័ត៌មានរដ្ឋកូរ៉េ (KCNA)បាននិយាយនៅថ្ងៃសុក្រនេះថា ប្រទេសកូរ៉េខាងជើងបាន បានបញ្ចេញនាវាមុជទឹកវាយប្រហារដោយនុយក្លេអ៊ែរតាកទិកថ្មីបែបកូរ៉េ កាលពីថ្ងៃពុធ ក្នុងអំឡុង ពិធីមួយចូលរួមដោយមេដឹកនាំប្រទេសនេះ គឺលោក Kim Jong Un ។ យោងតាមទីភ្នាក់ងារសារព័ត៌មាន KCNA លោក Kim បាននិយាយក្នុងអំឡុងពិធីនេះថា នាវាមុជទឹកថ្មីនេះ នឹងបំពេញបេសកកម្មប្រយុទ្ធរបស់ខ្លួនជាមធ្យោបាយវាយលុកក្រោមទឹកដ៏សំខាន់របស់កងកម្លាំងជើងទឹករបស់កូរ៉េខាងជើង។ ទីភ្នាក់ងារសារព័ត៌មានរបស់កូរ៉េខាងជើងដដែលនេះ បានរាយការណ៍ថា នាវាមុជទឹកដែលមានឈ្មោះថា "វីរបុរសគីម គុនអុក" (Hero Kim Kun Ok) នឹងប្រកាសពីការចាប់ផ្តើមនៃជំពូកថ្មីសម្រាប់ការពង្រឹងកម្លាំងទ័ពជើងទឹករបស់កូរ៉េខាងជើង ។លោក Kim បាននិយាយថា ពុំមានច្រកណាមួយត្រូវដើរថយក្រោយ ក្នុងការជំរុញលើការពង្រីកឧស្សាហកម្មសាងសង់នាវារបស់កងទ័ពជើងទឹកនោះទេ ព្រោះនេះជាកិច្ចការអាទិភាពកំពូលដែលត្រូវបំពេញដោយមិនត្រូវស្គាល់ពាក្យថាបរាជ័យជាដាច់ខាត។ ការប្រកាសនេះធ្វើឡើងបន្ទាប់ពីកូរ៉េខាងជើងបាននិយាយថាខ្លួនបានធ្វើសមយុទ្ធប្រដូចទៅនឹងការវាយប្រហារពិតៗដោយមីស៊ីលនុយក្លេអ៊ែរកាលពីចុងសប្តាហ៍ដើម្បីព្រមានសហរដ្ឋអាមេរិកពី គ្រោះថ្នាក់នៃសង្គ្រាមនុយក្លេអ៊ែរ។ប្រភពខាងលើ បានរាយការណ៍នៅពេលនោះថា សមយុទ្ធប្រដូចនឹងការពិតនេះគឺដើម្បីឆ្លើយតបទៅនឹងសមយុទ្ធយោធារួមគ្នាដែលធ្វើឡើងដោយសហរដ្ឋអាមេរិក និងកូរ៉េខាងត្បូងកាលពីដើមសប្តាហ៍នេះ។គួររម្លឹកថា សមយុទ្ធបាញ់គ្រាប់ពិតរបស់អាមេរិក និងកូរ៉េខាងត្បូង ដោយផ្អែកលើការវាយបកប្រឆាំងនឹងកងកម្លាំងឈ្លានពានបានចាប់ផ្តើមនៅថ្ងៃទី៣១ ខែសីហា៕

សេចក្ដីប្រកាសព័ត៌មាន៖ ជោគជ័យបេសកកម្មរបស់សម្ដេចធិបតី ហ៊ុន ម៉ាណែត ក្នុងកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធនៅឥណ្ឌូនេស៊ី

ភ្នំពេញ៖ អង្គភាពអ្នកនាំពាក្យរាជរដ្ឋាភិបាល បានចេញសេចក្ដីប្រកាសព័ត៌មាន ស្តីពីជោគជ័យ នៃបេសកកម្មរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធ នៅរដ្ឋធានីហ្សាការតា សាធារណរដ្ឋឥណ្ឌូនេស៊ី ពីថ្ងៃទី៤ ដល់ថ្ងៃទី៧ ខែកញ្ញា ឆ្នាំ២០២៣៕

កម្ពុជាស្វាគមន៍ភាគីអូស្ត្រាលី ក្នុងការផ្ដល់សាស្ត្រាចារ្យឲ្យមកបង្រៀននិស្សិត ក្នុងវិស័យកសិកម្មនៅកម្ពុជា

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបង្ហាញការស្វាគមន៍ជូនចំពោះភាគីអូស្ត្រាលី ក្នុងការផ្ដល់សាស្ត្រាចារ្យមកបង្រៀននិស្សិតកម្ពុជា ដើម្បីពង្រឹងសមត្ថភាពឱ្យកាន់តែប្រសើរ ក្នុងផ្នែកភាសានវានុវត្តន៍ និងបច្ចេកវិទ្យា ដើម្បីឆ្លើយតបតម្រូវការចាំបាច់របស់និស្សិតសិក្សាផ្នែកកសិកម្ម។ក្រសួងសិកម្ម រុក្ខាប្រមាញ់ និងនេសាទ នៅរសៀលថ្ងៃទី៧ កញ្ញា ឆ្នាំ២០២៣នេះ បានឲ្យដឹងថា ក្នុងជំនួបការងារ រវាងឯកឧត្តម ចាស្ទីន វ៉ាយអេត (Justin Whyatt) ឯកអគ្គរាជទូតវិសាមញ្ញ និងពេញសមត្ថភាពនៃស្ថានទូតអូស្ត្រាលីប្រចាំនៅកម្ពុជា ឯកឧត្តមរដ្ឋមន្រ្តី ឌិត ទីណា បានថ្លែងអំណរគុណចំពោះភាគីអូស្ត្រាលីដែលមានកិច្ចសហប្រតិបត្តិការល្អ ហើយបាននិងកំពុងបន្តចូលរួមគាំទ្រក្នុងការអភិវឌ្ឍវិស័យកសិកម្មនៅកម្ពុជា ជាពិសេសការអភិវឌ្ឍពូជស្រូវចំប៉ីស៧០។ ឯកឧត្តម បានបន្តថា ពូជស្រូវចំប៉ីស ៧០ គឺជាសក្ខីភាព នៃកិច្ចសហប្រតិបត្តិការដ៏ប្រសើរ រវាងកម្ពុជា និងអូស្ត្រាលីនៅក្នុងវិស័យកសិកម្ម។ ការងារទៅថ្ងៃមុខ គឺសិក្សាអំពីខ្សែច្រវាក់ផលិតកម្មនៃពូជស្រូវចំប៉ីស៧០ ដើម្បីធានាបាននូវទីផ្សារជាក់លាក់មួយសម្រាប់កសិករ ដែលផលិតពូជស្រូវនេះនាពេលអនាគត។ឯកឧត្តមរដ្ឋមន្ដ្រី បានជម្រាបជូនភ្ញៀវបន្ថែមថា នៅក្នុងអាណត្តិថ្មីនេះ រាជរដ្ឋាភិបាលកម្ពុជា បានដាក់ចេញនូវគោលនយោបាយអាទិភាពបន្ទាន់ចំនួន៦ ដែលក្នុងនោះក៏មានផងដែរ គោលនយោបាយទាក់ទងនឹងវិស័យកសិកម្មជាអាទិ៍ ការដាក់ ពង្រាយមន្ដ្រីកសិកម្មនៅតាមឃុំដែលមានសកម្មភាពកសិកម្ម ដើម្បីជួយដល់កសិករ និងការពង្រឹងសហគមន៍កសិកម្ម។ ទាក់ទងទៅនឹងការអភិវឌ្ឍធនធានមនុស្ស ឯកឧត្តម បានលើកឡើងពីតម្រូវការចាំបាច់របស់និស្សិតសិក្សាផ្នែកកសិកម្ម ដែលត្រូវការការពង្រឹងសមត្ថភាពឱ្យកាន់តែប្រសើរក្នុងផ្នែកភាសានវានុវត្តន៍ និងបច្ចេកវិទ្យា៕

ចិន និងឥណ្ឌូនេស៊ី ពិភាក្សាលើការបន្តគម្រោងផ្លូវរថភ្លើងល្បឿនលឿនរបស់ទីក្រុងហ្សាកាតា

រដ្ឋមន្រ្តីជាន់ខ្ពស់មួយរូបរបស់ឥណ្ឌូនេស៊ី បាននិយាយថា ចិន និងឥណ្ឌូនេស៊ី បានពិភាក្សាលើការបន្តគម្រោងផ្លូវរថភ្លើងល្បឿនលឿនផ្តល់មូលនិធិរាប់ពាន់លានដុល្លារដោយទីក្រុងប៉េកាំង ក្រោយនាយករដ្ឋមន្រ្តីចិនលោក Li Qiang (លី ឈៀង) ឡើងជិះរថភ្លើងល្បឿនលឿន អំឡុងពេលរត់សាកល្បងកាលពីថ្ងៃពុធ ។ លោក Luhut Pandjaitan គឺជារដ្ឋមន្រ្តីសម្របសម្រួលទទួលបន្ទុកកិច្ចការសមុទ្រ និងការវិនិយោគទុន និយាយប្រាប់ក្រុមអ្នកសារព័ត៌មានថា ផ្លូវរថភ្លើងល្បឿនលឿនចម្ងាយ ១៤២គ.ម បច្ចុប្បន្នតភ្ជាប់រដ្ឋធានីហ្សាកាតា ទៅកាន់ទីក្រុងបានឌុង ។ គម្រោងបន្តផ្លូវរថភ្លើងល្បឿនលឿនទៅកាន់ទីក្រុងធំបំផុតទី ២ ស៊ូរ៉ាបាយ៉ា របស់ប្រទេសឥណ្ឌូនេស៊ី ដែលមានចម្ងាយជាង ៧០០គ.មនៅទូទាំងកោះជ្វា ត្រូវបានពិភាក្សាជាមួយលោក Li ហើយនាយករដ្ឋមន្រ្តីចិនរូបនេះ បានបង្ហាញការគាំទ្រ ។ លោក Li និងលោក Luhut បានធ្វើតេស្តរថភ្លើងល្បឿនលឿន លើផ្លូវចម្ងាយជិតពីទីក្រុងហ្សាកាតា ទៅកាន់តំបន់ជាយក្រុងទីក្រុងមួយនេះ ។ គួរឲ្យដឹងថា គម្រោងផ្លូវរថភ្លើងល្បឿនលឿនតម្លៃ ៧,៣ពាន់លានដុល្លារ របស់ប្រនាធិបតីឥណ្ឌូនេស៊ីលោក ចូកូ វីដូដូ ដែលជាផ្នែកមួយនៃគម្រោងផ្លូវមួយ ក្រវាត់មួយរបស់ចិន បានជួបបញ្ហាជាច្រើន ចាប់ពីបញ្ហាលទ្ធកម្មដីធ្លី ការពន្យាពេលការសាងសង់ដោយសារជំងឺ COVID-19 ហើយនិងការចំណាយលើសគម្រោង ៕

ភ្ញៀវទេសចរទៅកម្សាន្តលេងនៅទីក្រុងវ៉ាស៊ីងតោន លែងឃើញមានមនុស្សច្រើនកុះករដោយសារតែរលកកម្តៅ

ភ្ញៀវទេសចរដែលបានធ្វើដំណើរទៅកម្សាន្តលេងនៅទីក្រុងវ៉ាស៊ីងតោន សហរដ្ឋអាមេរិក កាលពីថ្ងៃពុធ និយាយថា ពួកគេពុំបានធ្វើដំណើរទៅកាន់បូជនីយដ្ឋានដ៏ពេញនិយមបំផុតនៅក្នុងប្រទេសមួយនេះទេ ដោយសារហេតុផលមួយ គឺរលកកម្តៅពេលដែលសីតុណ្ហភាពកើនឡើងដល់ ៣៨អង្សាសេនៅក្នុងសប្តាហ៍នេះ ។ អ្នកស្រី Theresa Statz គឺជាអ្នកស្រុកមកពីរដ្ឋ Minnesota និយាយថា ដើរលេងនៅទីនេះ ដូចជាដើរលេងក្នុងអណ្តាតភ្លើង ។ កាលពីថ្ងៃម្សិលមិញ ព្រះអាទិត្យរះគ្មានស្រទុំដោយគ្មានពពកមួយដុំ ហើយសូម្បីតែនៅក្នុងម្លប់ក៏ក្តៅដែរ ។ ចំណែកអ្នកស្រី Lindsey Tincher ដែលមកពីរដ្ឋ Minnesota ផងដែរនោះ និយាយថា វាពិតជាក្តៅខ្លាំងណាស់ ។ ក្មេងៗបានសុំទិញការ៉េម ហើយពួកយើងត្រូវការទឹកច្រើន ។ អ្នកស្រី Tincher និងប្តី Daniel របស់គាត់ សង្ឃឹមថានឹងបង្ហាញវិមាន Lincoln Memorial ដល់កូនៗរបស់ពួកគេ ។ អ្នកស្រីនិយាយថា ខ្ញុំមិនប្រាកដនោះទេថាតើពួកយើងនឹងធ្វើដំណើរទៅកាន់វិមាន Lincoln Memorial ដែរឬអត់ ។ ពួកយើងស្នាក់នៅច្រើននៅក្នុងសារមន្ទីរដែលមានម៉ាស៊ីនត្រជាក់ ។ អង្គុយនៅលើបង់ជិតផ្សារទំនើបជាតិ អ្នកនាង Statz និងមិត្តប្រុស Kyle Haight-Nali របស់នាង កំពុងមើលផែនទី ដើម្បីស្វែងរកមើលថាតើកន្លែងណាដែលអាចគេចផុតពីកម្តៅ ។ ពួកគេមានគម្រោងធ្វើដំណើរទៅកាន់ទីក្រុងវ៉ាស៊ីងតោន ប៉ុន្តែស្ថានភាពអាកាសធាតុពុំអំណោយផលទាល់តែសោះ ។ សូមបញ្ជាក់ថា ទីក្រុងវ៉ាស៊ីងតោន បានបើកតំបន់ម៉ាស៊ីនត្រជាក់ជាច្រើនកន្លែង ដែលគេស្គាល់ថាជាមជ្ឈមណ្ឌត្រជាក់ ដើម្បីឆ្លើយតបនឹងអាកាសធាតុក្តៅខុសរដូវនេះ ៕

បណ្ដាញសង្គម

ព័ត៌មានថ្មីៗ

ព្រះករុណា ព្រះមហាក្សត្រ និងសម្តេចម៉ែ ព្រះរាជទានព្រះរាជទ្រព្យជូនវីរកងទ័ពតស៊ូប្រយុទ្ធ និងពលី ចំនួន ១០ម៉ឺនដុល្លារ

TOP STORY | សម្ដេចធិបតីចេញគោលនយោបាយពិសេសគាំទ្រដល់យោធិន និងនគរបាលជាតិដែលកំពុងបំពេញប្រតិបត្តិការក្នុងសមរភូមិ គ្រួសារយោធិនពលី របួស ពិការ

អគ្គមេបញ្ជាការកងទ័ពម៉ាឡេស៊ី នឹងបង្កើតក្រុមសង្កេតការណ៍ដែលមានអនុព័ន្ធយោធាម៉ាឡេស៊ី ជាប្រធាន ដើម្បីចេញសង្កេតការណ៍នៅថ្ងៃស្អែកនេះ

មេដឹកនាំកំពូលអ៊ីរ៉ង់ ចោទប្រកាន់លោកខាងលិចថា ប្រើប្រាស់ការទាមទារនុយក្លេអ៊ែរជាពាក្យដោះសារការប្រឈមដាក់គ្នា

ឯកឧត្តម ឌិត ទីណា បន្តសួរសុខទុក្ខពលរដ្ឋភៀសខ្លួន ខណៈបទឈប់បាញ់ចូលជាធរមាន

សមាគមនាវាយុវជនអាស៊ីអាគ្នេយ៍កម្ពុជា រៀបចំ «យុទ្ធនាការគាំពារសុខភាពផ្លូវចិត្តសម្រាប់ជនភៀសសឹក» នៅតាមបណ្ដោយព្រំដែន

ក្រោយការព្រមានពីទុរ្ភិក្ស ជនប៉ាឡេស្ទីននិយាយថា ពួកគេរស់ដូចជាមនុស្សស្លាប់អស់រយៈពេល ៥ខែមកហើយ

ជនប៉ាឡេស្ទីននៅទីក្រុងហ្កាហ្សា រៀបចំពិធីបុណ្យសពសម្រាប់មនុស្សដែលត្រូវបានសម្លាប់តាមច្រកអាកាសអ៊ីស្រាអែល

លោកជំទាវ ហ៊ុន ម៉ាណា ចាត់តំណាងនាំយកអំណោយជូនជនភៀសសឹកចំនួន ៥០០០គ្រួសារ ក្នុងខេត្តឧត្តរមានជ័យ

ប្រជាជនប៉ាឡេស្ទីនយ៉ាងតិច ៦០.០០០នាក់ ត្រូវបានសម្លាប់ ខណៈការវាយលុករបស់អ៊ីស្រាអែលនៅបន្តមាន នៅហ្កាហ្សា

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍