នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី
TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្ត​លើ​រាជរដ្ឋាភិបាល និងកងទ័ព

នយោបាយ​ និង ការអភិវឌ្ឍន៍

បេឡារុសហាមពលរដ្ឋមិនឲ្យបន្តលិខិតឆ្លងដែននៅបរទេស ដោយបារម្ភពីការរីករាលដាលក្នុងចំណោមអ្នកដែលរត់គេចពីការគាបសង្កត់

2023/09/06 11:09:27 am        57
Facebook Telegram Linkin
បេឡារុស៖ ប្រធានាធិបតីផ្តាច់ការរបស់ប្រទេសបេឡារុស កាលពីថ្ងៃអង្គារ បានហាមឃាត់ពលរដ្ឋមិនឲ្យបន្តលិខិតឆ្លងដែនរបស់ពួកគេ ខណៈពេលដែលស្នាក់នៅក្រៅប្រទេស ដែលអាចបង្ខំឲ្យអ្នកដែលភៀសខ្លួនចេញពីប្រទេស ចំពេលមានការគាបសង្កត់ឲ្យវិលត្រឡប់មករក្សាទុកឯកសារធ្វើដំណើររបស់ពួកគេ។ប្រជាជនបេឡារុស ប្រមាណពី២០០ ទៅ ៣០០.០០០ នាក់ បានចាកចេញពីប្រទេសនេះ ក្នុងរយៈពេលបីឆ្នាំចុងក្រោយនេះ ចាប់តាំងពីការតវ៉ាដ៏ធំប្រឆាំងនឹងការបោះឆ្នោត ដែលបានធ្វើឲ្យលោកប្រធានាធិបតី អាឡិចសាន់ឌឺ លូកាសិនកូ (Alexander Lukashenko) ឡើងកាន់តំណែង បាននាំឲ្យមានការបង្រ្កាបដ៏ឃោរឃៅលើក្រុមប្រឆាំងនយោបាយ។លទ្ធផលនៃការបោះឆ្នោត ត្រូវបានគេចាត់ទុកជាទូទៅថា មានការរៀបចំផែនការយ៉ាងប៉ិនប្រសប់។ក្រឹត្យរបស់លោកលូកាសិនកូ បានបញ្ជាក់ថា លិខិតឆ្លងដែនបេឡារុសអាចបន្តជាថ្មីបាន លុះត្រាតែអ្នកកាន់នោះ ជាអ្នកស្រុកដែលបានចុះឈ្មោះ មុនពេលចាកចេញពីប្រទេសនេះ៕

ទាហានបួគីណា ហ្វាសូ និងក្រុមអ្នកស្ម័គ្រចិត្ត៥៣នាក់ បានស្លាប់ ក្នុងការប៉ះទង្គិចគ្នាជាមួយក្រុមឧទ្ទាម

2023/09/06 10:49:05 am        61
Facebook Telegram Linkin
បួគីណាហ្វាសូ៖ យោងតាមទាហាន សមាជិកកងកម្លាំងសន្តិសុខរបស់ប្រទេសបួគីណា ហ្វាសូ យ៉ាងហោចណាស់៥៣នាក់ បានស្លាប់អំឡុងការប៉ះទង្គិចគ្នាជាមួយក្រុមយុទ្ធជនឧទ្ទាម នៅក្នុងភាគខាងជើងប្រទេស ។ ទាហាន បាននិយាយនៅក្នុងសេចក្ដីថ្លែងការណ៍មួយកាលពីថ្ងៃអង្គារថា ទាហានចំនួន១៧ នាក់ និងក្រុមអ្នកស្ម័គ្រចិត្ត ផ្ដល់ជំនួយយោធា ៣៦នាក់បានស្លាប់ ក្នុងការវាយប្រហារមួយនៅឃុំកូមប្រ៊ី (Koumbri) ក្នុងខេត្តយ៉ាតេនហ្កា (Yatenga) កាលពីថ្ងៃចន្ទ ។   ប្រភពខាងលើបានបន្ថែមថា កងកម្លាំងសន្តិសុខត្រូវបានដាក់ពង្រាយនៅក្នុងទីប្រជុំជននេះ ដើម្បីអាចជួយការពារឲ្យប្រជាពលរដ្ឋតាំងទីលំនៅថ្មីដែលរាតត្បាតដោយក្រុមយុទ្ធជននេះជាង២ឆ្នាំមកនេះ។ សេចក្ដីថ្លែងការណ៍នេះបាននិយាយថាទង្វើដ៏កំសាកនេះនឹងមិនអាចគេចផុតពីការផ្ដន្ទាទោសឡើយ។ រាល់កិច្ចខិតខំប្រឹងប្រែងកំពុងត្រូវបានធ្វើឡើងដើម្បីបញ្ឈប់ប្រភពឬសគល់ភេរវករដែលនៅសេសសល់និងកំពុងរត់គេចខ្លួន ដោយបន្ថែមថា ក្រុមអ្នកប្រយុទ្ធរាប់សិបនាក់ក៏ត្រូវបានសម្លាប់ និងគ្រឿងយុទ្ធោបករណ៍របស់ពួកគេត្រូវបានបំផ្លាញចោលផងដែរ៕

កាកបាទក្រហមកម្ពុជាប្រកាសទទួលស្គាល់ប្រធានគណៈកម្មាធិការថ្មីសាខាខេត្តសៀមរាប

2023/09/06 10:48:11 am        78
Facebook Telegram Linkin
សៀមរាប៖ ពិធីប្រកាសទទួលស្គាល់ប្រធានថ្មី នៃគណៈកម្មាធិការ សាខាកាកបាទក្រហម​កម្ពុជាខេត្តសៀមរាបអាណត្តិទី៥ ក្រោមអធិបតីភាព លោកជំទាវ ពុំ ចន្ទីនី អគ្គលេខាធិការ កាកបាទក្រហមកម្ពុជាតំណាងដ៏ខ្ពង់ខ្ពស់ សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា មន្ត្រីសាខា-អនុសាខា និងមន្ត្រីបច្ចេកទេសទីស្នាក់ការកណ្តាល យុវជន និងអ្នកស្ម័គ្រចិត្តសរុបចំនួន ១៧៥នាក់។លោកជំទាវ ពុំ ចន្ទីនី មានប្រសាសន៍ថា នៅក្នុងអាណត្តិទី៥ របស់សាខាកាកបាទក្រហមកម្ពុជា ខេត្តសៀមរាប សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា បាន​សម្រេចតែងតាំង ឯកឧត្តម ប្រាក់ សោភ័ណ ជាប្រធាន,អនុប្រធានអចិន្ត្រៃយ៍១រូប អនុប្រធាន២រូប ហេរញ្ញិក១រូប និងសមាជិក សមាជិកាសរុបចំនួន១៣រូប ​និងសមាជិកបំរុង ២រូប តាមសេចក្តី​សម្រេចលេខ ០១ កក្រក.ធធ.ចត ចុះថ្ងៃទី១ ខែកញ្ញា ឆ្នាំ២០២៣។ នៅក្នុងឱកាសនោះឯកឧត្តម ប្រាក់ សោភ័ណ ដែលជាប្រធានថ្មី បានថ្លែងអំណរគុណយ៉ាង​ជ្រាលជ្រៅ​ជាទីបំផុតចំពោះ សម្តេចកិត្តិព្រឹទ្ធបណ្ឌិត ប្រធានកាកបាទក្រហមកម្ពុជា ដែលបាន​ផ្តល់ភារកិច្ច ជាប្រធានគណៈកម្មាធិការសាខាកាកបាទក្រហមកម្ពុជាខេត្ត អាណត្តិទី៥ នាពេលនេះ ហើយដើម្បីជាសក្ខីភាព ​ឆ្លើយតបចំពោះទំនុកចិត្ត ​និងសេចក្តីជឿជាក់ពីសំណាក់ សម្តេច​កិត្តិព្រឹទ្ធបណ្ឌិត ឯកឧត្តមបានធ្វើការប្តេជ្ញាចិត្តថា ប្រកាន់ខ្ជាប់នូវគោលការណ៍គ្រឹះទាំង៧ នៃចលនា​អន្តរជាតិ កាកបាទក្រហម អឌ្ឍចន្ទក្រហម មាន៖ ភាពមនុស្សធម៌, ភាពមិនលំអៀង, អព្យាក្រឹតភាព, ឯករាជភាព, សេវាកម្មស្ម័គ្រចិត្ត, ឯកភាព និងសកលភាព។ រក្សាសាមគ្គីភាពក្នុងជួរគណៈកម្មាធិការសាខា និងទទួលយកការប្រឹក្សាជាមួយគណៈកិត្តិយស​សាខា និងឯកភាពរួមគ្នា ​ដោះស្រាយបញ្ហាប្រឈម ដោយស្មារតីទទួលខុសត្រូវខ្ពស់ ដឹកនាំ​តម្រង់ទិស ក្រុមប្រតិបត្តិសាខា-អនុសាខាឱ្យអនុវត្តបានល្អ នូវភារកិច្ចស្របតាមយុទ្ធសាស្ត្រកាកបាទ​ក្រហមកម្ពុជា ដែលក្នុងនោះមានវិស័យអាទិភាពទាំង៤។ យកចិត្តទុកដាក់បន្តការងារពង្រីក យុវជន និងអ្នកស្ម័គ្រចិត្ត ដែលជាឆ្អឹងខ្នងរបស់សមាគមជាតិនៅមូលដ្ឋាន និងពង្រឹងសកម្មភាពផ្សព្វផ្សាយ អប់រំសុខភាពសហគមន៍។ បន្តសហការល្អជាមួយអាជ្ញាធរគ្រប់ថ្នាក់ មន្ទីរ ស្ថាប័ន អង្គការជាតិ អន្តរជាតិ ក្នុងបុព្វហេតុមនុស្សធម៌ ប្រមូលកម្លាំង ដើម្បីរួមចំណែកកាត់បន្ថយ និងសម្រាលការ​លំបាករបស់ប្រជាពលរដ្ឋ។ ជាមួយគ្នានេះ លោកជំទាវ អគ្គលេខាធិការ បានសំដែងនូវការគាំទ្រឯកឧត្តម ប្រាក់ សោភ័ណ្ឌ ដែលទើបទទួលស្គាល់ថ្មីនេះ ថាពិតជាស្មោះស្ម័គ្រ ក្នុងការចូលរួម ជួយទទួលខុសត្រូវចំពោះមុខ គណៈកម្មាធិការកណ្តាល ជាពិសេសសម្តេចកិត្តិព្រឹទ្ធបណ្ឌិតប្រធាន។ ជាពិសេសបន្តពង្រឹង ពង្រីកសមាជិកភាព ផ្ដួចផ្ដើមរៀបចំយុទ្ធនា ការកៀរគររកមូលនិធិ និងបន្តអនុវត្តយុទ្ធសាស្ត្រ ២០២១-២០៣០​ របស់កាកបាទក្រហមកម្ពុជា ​៕អត្ថបទ៖ សំ ងីម

អាមេរិក និយាយថា កូរ៉េខាងជើងនឹងទទួលផលវិបាកតាមទង្វើរបស់ខ្លួនសម្រាប់ការផ្គត់ផ្គង់អាវុធទៅឲ្យរុស្ស៊ី

2023/09/06 09:31:12 am        69
Facebook Telegram Linkin
អាមេរិក៖ មន្ត្រីសហរដ្ឋអាមេរិក បាននិយាយកាលពីថ្ងៃអង្គារថា ការចរចាស្តីពីការលក់អាវុធ រវាងរុស្ស៊ី និងកូរ៉េខាងជើងកំពុងមានសន្ទុះដ៏សកម្ម ហើយបានព្រមានមេដឹកនាំលោក Kim Jong Un ថា ប្រទេសនេះ នឹងទទួលផលវិបាកសមតាមទង្វើរបស់ខ្លួនចំពោះការផ្គត់ផ្គង់អាវុធទៅឲ្យរុស្ស៊ី ដើម្បីប្រើប្រាស់នៅអ៊ុយក្រែន។ទីប្រឹក្សាសន្តិសុខជាតិសហរដ្ឋអាមេរិក លោក Jake Sullivan បានប្រាប់អ្នកសារព័ត៌មាននៅសេតវិមានថា ការផ្តល់អាវុធទៅឲ្យរុស្ស៊ី នឹងមិនឆ្លុះបញ្ចាំងល្អនោះទេលើប្រទេសកូរ៉េខាងជើង ហើយពួកគេនឹងទទួលផលវិបាកតាមទង្វើសម្រាប់អាវុធនៅក្នុងសហគមន៍អន្តរជាតិ។ វិមានក្រឹមឡាំង បាននិយាយកាលពីព្រឹកថ្ងៃអង្គារ៍ថា ខ្លួនគ្មានអ្វីនិយាយនោះទេ អំពីសេចក្តីថ្លែងការណ៍ដោយមន្ត្រីសហរដ្ឋអាមេរិកដែលថា លោក Kim មានផែនការធ្វើដំណើរទៅកាន់ប្រទេសរុស្ស៊ីនៅក្នុងខែនេះ ដើម្បីជួបជាមួយប្រធានាធិបតីលោក Vladimir Putin ដើម្បីពិភាក្សាពីការផ្គត់ផ្គង់អាវុធទៅឲ្យទីក្រុងមូស្គូ។លោក Sullivan និយាយថា លោក Kim រំពឹងថា ការពិភាក្សាអំពីអាវុធនឹងបន្ត ដោយរួមទាំងនៅក្នុងកម្រិតមេដឹកនាំ ហើយប្រហែលជាជួបគ្នាដោយផ្ទាល់។ លោក Sullivan និយាយថា យើងបានបន្តដាក់គំនាបលើមូលដ្ឋានឧស្សាហកម្មការពារជាតិរបស់រុស្ស៊ី ហើយបច្ចុប្បនេះទីក្រុងមូស្គូ កំពុងសំឡឹងរកមើលចំពោះអ្វីក៏ដោយជាប្រភពដែលពួកគេអាចស្វែងរកទំនិញដូចជាគ្រាប់រំសេវ។ យើងនឹងបន្តអំពាវនាវដល់ប្រទេសកូរ៉េខាងជើងទទួលយកការប្តេជ្ញាចិត្តជាសាធារណៈថាមិនផ្គត់ផ្កង់អាវុធដល់ប្រទេសរុស្ស៊ីនោះទេ ដែលនឹងបញ្ចប់ការសម្លាប់ពលរដ្ឋអ៊ុយក្រែន។ កាលពីថ្ងៃចន្ទ អ្នកនាំក្រុមប្រឹក្សាសន្តិសុខជាតិសហរដ្ឋអាមេរិកលោក Adrienne Watson បាននិយាយថា លោក Kim និងលោក Putin មានផែនការជួបគ្នាហើយសារព័ត៌មាន the New York Times បានលើកឡើងមន្ត្រីសម្ព័ន្ធមិត្ត និងមន្ត្រីអាមេរិកដែលមិនបញ្ចេញឈ្មោះដោយនិយាយថា លោក Kim មានផែនការធ្វើដំណើរទៅរុស្ស៊ីក្នុងពេលឆាប់ៗនេះ នៅសប្តាហ៍ក្រោយដើម្បីជួបលោក Putin៕

ព្យុះស៊ីក្លូននាំមកនូវទឹកភ្លៀងមកកាន់ភាគខាងត្បូងប្រេស៊ីលបណ្តាលឲ្យមនុស្ស២២នាក់ស្លាប់ និងទីក្រុងជាច្រើនត្រូវជន់លិច

2023/09/06 09:28:36 am        63
Facebook Telegram Linkin
ប្រេស៊ីល៖ យោងតាមអាជ្ញាធររដ្ឋបានឲ្យដឹងថា ព្យុះស៊ីក្លូនត្រូពិកដ៏មានឥទ្ធិពល បានវាយបោកបក់មកលើប្រទេសប្រេស៊ីលភាគខាងត្បូង បណ្តាលឲ្យជន់លិចផ្ទះជាច្រើនខ្នង ទឹកទន្លេហៀរច្រាំង និងបានឆក់យកជីវិតមនុស្សជាង២០នាក់។ វីដេអូដែលទទួលបានដោយសារព័ត៌មានរ៉យទ័រ បានបង្ហាញផ្ទះច្រើនខ្នង នៅទីក្រុង Mucum បានជន់លិចដោយទឹកកើនឡើង ខណៈផ្លូវនានានិងទន្លេក៏បានជន់លិច។ លំនៅឋានរាប់សិបខ្នង ដំបូលត្រូវបានបំផ្លាញដោយព្យុះព្រិល ហើយពលរដ្ឋរាប់រយនាក់គ្មានទំនាក់ទំនងនៅក្នុងរដ្ឋ Rio Grande do Sul ។ លោក Luana da Luz ស្ថិតក្នុងចំណោមពលរដ្ឋប្រេស៊ីលរាប់រយនាក់ ដែលបានប្រម៉ែប្រមូលទ្រព្យសម្បត្តិរបស់ពួកគេក្នុងការព្យាយាមដើម្បីគេចចេញពីទឹកកើនឡើង។ លោក Da Luz គឺជាពលរដ្ឋរស់នៅទីក្រុង Passo Fundo នៅរដ្ឋ Rio Grande Sul ភាគខាងត្បូង ជាកន្លែងដែលអាជ្ញាធររដ្ឋ បានបញ្ជាក់ថាមនុស្ស២១នាក់បានស្លាប់ ហើយយោងតាមរដ្ឋាភិបាលបានឲ្យដឹងថា ជនរងគ្រោះស្លាប់បន្ថែមម្នាក់ទៀត ត្រូវបានបញ្ជាក់នៅក្នុងរដ្ឋ Santa Catarina ដែលនៅជិតខាង៕

សម្ដេចធិបតី ហ៊ុន ម៉ាណែត ជួបសម្ដែងការគួរសម និងពិភាក្សាការងារជាមួយស្ថាបនិក និងជាប្រធានប្រតិបត្តិ វេទិកាសេដ្ឋកិច្ចពិភពលោក

2023/09/06 09:23:52 am        209
Facebook Telegram Linkin
នៅព្រឹកថ្ងៃទី៦ ខែកញ្ញា ឆ្នាំ ២០២៣ នេះ ក្នុងឱកាស​អញ្ជើញ​ចូល​រួម​ក្នុង​កិច្ច​ប្រជុំ​កំពូល​អាស៊ាន​លើកទី​៤៣ និងកិច្ចប្រជុំពាក់ព័ន្ធ នៅប្រទានឥណ្ឌូនេស៊ី សម្ដេច​មហាបវរធិបតី ហ៊ុន ម៉ា ណែត នាយករដ្ឋមន្ត្រី នៃព្រះរាជាណាចក្រកម្ពុជា បានជួបសម្ដែងការគួរសម និងពិភាក្សាការងារជាមួយ លោកសាស្ត្រាចារ្យ ក្លូស ស្វប់ (Klaus Schwab) ស្ថាបនិក និងជាប្រធានប្រតិបត្តិ វេទិកា​សេដ្ឋកិច្ច​ពិភពលោក៕

មនុស្ស២នាក់ បានស្លាប់ដោយសារទឹកជំនន់ធ្ងន់ធ្ងរដែលវាយប្រហារឆ្នេរប៊ុលហ្គារី

2023/09/06 08:38:32 am        81
Facebook Telegram Linkin
ប៊ុលហ្គារី៖មន្ត្រីក្នុងតំបន់ម្នាក់បានប្រាប់ទូរទស្សន៍មួយកាលពីថ្ងៃអង្គារ (៥ កញ្ញា)ថា មនុស្ស២នាក់ បានស្លាប់នៅក្នុងទឹកជំនន់ ដែលបង្កឡើងដោយភ្លៀងធ្លាក់ខ្លាំងនៅទីក្រុង Tsarevo (ត្វារ៉េវ៉ូ) ក្នុងតំបន់សមុទ្រខ្មៅ របស់ប្រទេសប៊ុលហ្គារី។ រូបភាពបានបង្ហាញរថយន្តបោះជំរំ និងរថយន្តគ្រួសារជាច្រើនគ្រឿង ត្រូវធ្លាក់ចូលក្នុងសមុទ្រ បន្ទាប់ពីត្រូវបានទឹកហូរនាំទៅដោយទឹកទន្លេជោរជន់យ៉ាងខ្លាំង។ បឹងហ្គាឡូ និងសណ្ឋាគារនៅតាមបណ្តោយឆ្នេរសមុទ្រខ្មៅត្រូវបានជន់លិច។ភាពអាសន្នត្រូវបានប្រកាស ហើយប្រព័ន្ធផ្សព្វផ្សាយបានរាយការណ៍ថា មនុស្ស៦០នាក់ ត្រូវបានជម្លៀសចេញ។ យោងតាមវិទ្យាស្ថានជាតិឧតុនិយម និងជលសាស្ត្ររបស់ប្រទេសប៊ុលហ្គារី បានឱ្យដឹងថា ភូមិ Kosti បានទទួលភ្លៀងធ្លាក់ខ្លាំងបំផុតចាប់តាំងពីយប់មិញថៃចន្ទ ដែលលើសពីកម្រិត៣១១មីលីម៉ែត្រផងដែរ៕

ព្យុះទីហ្វុង ហៃកួយ វាយប្រហារខេត្តហ្វូចៀន ប្រទេសចិន បណ្ដាលឲ្យមានទឹកជំនន់និងមនុស្ស២នាក់ បានស្លាប់

2023/09/06 08:32:12 am        77
Facebook Telegram Linkin
ចិន៖ ព្យុះទីហ្វុងហៃកួយ វាយប្រហារ(Haikui)បានវាយប្រហារ ខេត្តហ្វូចៀន(Fujian) ភាគខាងអាគ្នេយ៍ របស់ប្រទេសចិន កាលពីព្រឹកថ្ងៃអង្គារ ដោយមានរថយន្តពន្លត់អគ្គិភ័យមួយគ្រឿង ត្រូវបានទឹកហួរកួចចូលក្នុងទន្លេដែលមានទឹកពេញប្រៀប។យោងតាមទូរទស្សន៍រដ្ឋ CCTV ម្នាក់ក្នុងចំណោមសមាជិកក្រុមអ្នកពន្លត់អគ្គិភ័យបានស្លាប់ និងម្នាក់បាត់ខ្លួន ខណៈដែលមនុស្ស៨នាក់ផ្សេងទៀត ត្រូវបានជួយសង្រ្គោះ។អ្នកដំណើរទាំងអស់ រួមទាំងរថយន្តក្រុង និងរថយន្តឈ្នួលតាក់ស៊ី នៅក្នុងស្រុកយ៉ុងថៃ(Yongtai) ជាទីដែលឧបទ្ទវហេតុបានកើតឡើង បន្ទាប់ពីភ្លៀងធ្លាក់ខ្លាំង និងខ្យល់បោកបក់ខ្លាំង បង្កឲ្យមានទឹកជំនន់និងកាត់ផ្ដាច់ផ្លូវជាច្រើនខ្សែ។  ព្យុះនេះ ក៏បានបង្ខំឲ្យលុបចោលជើងហោះហើរជាច្រើន បណ្ដាលឲ្យកកស្ទះចរាចរណ៍សម្រាប់ការធ្វើដំណើរតាមរថភ្លើង និងបណ្ដាលឲ្យបិទសាលារៀន ។ ផ្លូវដឹកជញ្ជូនទំនិញតាមផ្លូវទឹករាប់សិប ក៏ត្រូវបានផ្អាកផងដែរ រួមទាំងផ្លូវចំនួនតភ្ជាប់ទៅកាន់ប្រជុំកោះក្វេម៉យ (Quemoy)របស់កោះតៃវ៉ាន់ ដែល គេហៅថា កោះ គីនម៉ិន(Kinmen) និងម៉ាត់ស៊ូ(Matsu)។  ព្យុះហៃកួយ គឺជាព្យុះទីហ្វុងទី២ដែលបានវាយប្រហារខេត្តតំបន់ឆ្នេរក្នុងរយៈពេលជាងមួយសប្ដាហ៍ មកនេះ ។ ព្យុះទីហ្វុង សាអូឡា(Saola) កាលពីសប្ដាហ៍មុន បានប៉ះពាល់មនុស្សជិតកន្លះលាននាក់ និងបង្ខំឲ្យមនុស្សរាប់ម៉ឺននាក់ ជម្លៀសខ្លួនក្នុងខេត្តហ្វូចៀន៕

(Update)៖ អ្នកបច្ចេកទេសបន្តបើកទ្វារទឹក ទំនប់វារីអគ្គិសនីកំចាយចំនួន៣

2023/09/05 02:38:49 pm        489
Facebook Telegram Linkin
កំពត៖ មកដល់ថ្ងៃទី៥ ខែកញ្ញា ឆ្នាំ២០២៣ ព្រោះតែទឹកនៅអាងទំនប់វារីអគ្គិសនីកំចាយបាន​កើនឡើង រហូតដល់កម្ពស់ជាង ១៤៩ម៉ែត្រ ទើបអ្នកបច្ចេកទេសរបស់ក្រុមហ៊ុនស៊ីណូហាយដ្រូ បន្តបើកបង្ហូរទឹកចេញ លើកទ្វារចំនួន៣ ដែលទ្វារនីមួយៗលើកក្នុងកម្រិត២ម៉ែត្រពីបាតទំនប់។ សេចក្តីជូនដំណឹងរបស់ក្រុមហ៊ុនស៊ីណូហាយដ្រូ បានបញ្ជាក់ថា មកដល់វេលាម៉ោង១០ព្រឹកថ្ងៃទី៥ ខែកញ្ញា ឆ្នាំ២០២៣ ​កម្ពស់ទឹកនៅអាងទំនប់វារីអគ្គិសនីកំចាយ​បានកើនឡើង​ដល់​កម្រិត១៤៩,០២ម៉ែត្រ ខណៈដែលការហូរចូល​មានចំណុះ ៧៦៥,៨០ម៉ែត្រត្រីគុណក្នុង១វិនាទី។ ដូច្នេះអ្នកបច្ចេកទេសបានបើកទ្វារទឹកចំនួន៣ក្នុងចំណោមទ្វារទាំង៥ ដោយទ្វារនីមួយៗ​លើក​កម្ពស់២ម៉ែត្រពីបាតទំនប់។ ទឹកដែលហូរចេញមានចំណុះ ៨១៧,៨០ម៉ែត្រត្រីគុណក្នុង១វិនាទី។សូមរម្លឹកថា ​កាលពីល្ងាចថ្ងៃទី៤ ខែកញ្ញា ​អ្នកបច្ចេកទេសរបស់ក្រុមហ៊ុនស៊ីណូហាយដ្រូ​បាន​បើកបង្ហូរទឹកចេញ​ពីអាងទំនប់វារីអគ្គិសនីកំចាយដោយលើកទ្វារទឹកចំនួន១ កម្ពស់២ម៉ែត្រពីបាតទំនប់ព្រោះតែទឹកក្នុងអាងកើនដល់កម្ពស់ ១៤៧,៩៥ម៉ែត្រ ខណៈដែលទឹកហូរចូលអាងទំនប់មានចំណុះ ៧៥៨,៣០ម៉ែត្រត្រីគុណក្នុង១វិនាទី៕

រាជរដ្ឋាភិបាលចំណាយថវិកាជាង១លានដុល្លា ផ្តល់ជូនស្ត្រីមានផ្ទៃពោះក្នុងរយៈពេលជាង១ខែ

2023/09/05 01:34:00 pm        379
Facebook Telegram Linkin
ភ្នំពេញ៖ ចាប់ពីថ្ងៃទី១ខែសីហា រហូតដល់ថ្ងៃទី៥ ខែកញ្ញា នេះ រាជរដ្ឋាភិបាល បានចំណាយថវិកាចំនួនជាង ១ លានដុល្លារ ផ្តល់ជូនដល់ស្រ្តីមានផ្ទៃពោះ ក្នុងការអនុវត្តកម្មវិធីនយោបាយគាំពារសង្គម ។ ថវិកានេះ បាន ជួយសម្រួលដល់ជីវភាពពួកគេខ្លះដែរ ។ឯកឧត្តម ហេង សុផាន់ណារិទ្ធ អគ្គនាយករងបេឡាជាតិរបបសន្តិសុខសង្គម នៃក្រសួងការងារ និង បណ្តុះបណ្តាលវិជ្ជាជីវៈ នៅថ្ងៃទី០៥ ខែកញ្ញា នេះ បានប្រាប់BTVថា រាជរដ្ឋាភិបាលកម្ពុជា បានបង្កើតកម្ម វិធីផ្តល់ប្រាក់ឧបត្ថម្ភបន្ថែមជូនកម្មករ-និយោជិតជាស្រ្តីសម្រាលកូន តាំងពីឆ្នាំ២០១៨មកម្លេះ។ ដោយឡែកចាប់ពីថ្ងៃទី១ ខែសីហា ឆ្នាំ២០២៣មក ការផ្តល់ប្រាក់​ឧបត្ថម្ភ​សម្រាប់ស្រ្តី ដែលជាសមាជិក ប.ស.ស ត្រូវបានបន្ថែមទាំងដំណាក់កាលមុនសម្រាល ក្រោយសម្រាល និងការចាក់វ៉ាក់សាំងកូន រហូតដល់អាយុ២ ឆ្នាំ ។ ហើយចាប់ពីថ្ងៃទី១ ខែសីហា រហូតដល់ថ្ងៃទី៥ ខែកញ្ញា នេះ មានស្រ្តីសម្រាលកូន​ ចំនួន៥,២៩៥ នាក់ ទទួលបានកូនសរុប​ចំនួន៥,៣២២នាក់ រាប់បញ្ចូលទាំងអ្នកសម្រាលបានកូនភ្លោះ និងទៅបានពិនិត្យ សុខភាព​មុនសម្រាល ចំនួនជាង១ម៉ឺនលើក ក្រោយសម្រាល ចំនួនជាង៣ពាន់លើក និងនាំកូនទៅចាក់វ៉ាក់ សាំង ចំនួនជាង៤ពាន់លើក ដែលគិតជាថវិកាឧបត្ថម្ភទាំង៤ដំណាក់កាល អស់ចំនួនជាង​៤,៧១០លាន រៀល ស្មើនឹងប្រាក់ដុល្លារ ប្រមាណជា១,២លានដុល្លារ ។ស្តី្រមានផ្ទៃពោះ បានលើកឡើងថា ការបន្ថែមប្រាក់ឧបត្ថម្ភដល់ដល់ពួកគេ គឺចូលរួមលើកកម្ពស់ សុខភាពម្តាយ និងកូន ​ព្រមទាំងបានកាត់បន្ថយការចំណាយប្រចាំថ្ងៃផងដែរ ។ ពួកគេអរគុណដល់រាជ រដ្ឋាភិបាល​ ដែលបង្កើតកម្មវិធីគាំពារសង្គមនេះឡើង ។យោងតាមសេចក្តីប្រកាសព័ត៌មាន របស់រាជរដ្ឋាភិបាល ​ស្តីពីការបង្កើតកម្រិតប្រាក់ឧបត្ថម្ភជូន កម្មករ ​និយោជិតជាស្រ្តី, មន្រ្តីរាជការជាស្រ្តី និងស្រ្តី ​នៃគ្រួសារមានបណ្ណសមធម៌ ក្នុងអំឡុង​ពេលមានផ្ទៃ ពោះ រហូតដល់កូន២ឆ្នាំ ធ្វើឡើងក្នុងគោលបំណងចូលរួមលើកកម្ពស់សុខុមាលភាព​មាតា និងកុមារតូច ​ព្រមទាំងរួមចំណែកដោះស្រាយបញ្ហាកង្វះអាហារូបត្ថម្ភរបស់កុមារ ចាប់តាំងពី​កូននៅក្នុងផ្ទៃ រហូតដល់ អាយុ២ឆ្នាំ និងជំរុញការលូតលាស់ទាំងកាយសម្បទា ​និងបញ្ញាស្មារតី ក្នុងរយៈពេល១០០០ថ្ងៃដំបូង នៃជីវិត ។ ការដំឡើងកម្រិត​ និងផ្តល់ការឧបត្ថម្ភបន្ថែមនេះ ចាប់ផ្តើមអនុវត្តពីថ្ងៃទី១ ខែសីហា ឆ្នាំ២០២៣តទៅ ដោយផ្តល់ថវិកា​សម្រាប់ការ​ពិនិត្យផ្ទៃពោះ​មុនសម្រាល ចំនួន៤ដង និងការពិនិត្យសុខភាពក្រោយសម្រាល និងយកកូនទៅទទួលថ្នាំបង្ការ រហូតដល់អាយុ២ឆ្នាំ ចំនួន១០ដង ៕អត្ថបទ៖ ទូច សោភ័ណ

បណ្ដាញសង្គម

ព័ត៌មានថ្មីៗ

TOP STORY | សម្ដេចធិបតី ហ៊ុន ម៉ាណែត ថ្លែងអំណរគុណចំពោះលោក ដូណាល់ ត្រាំ ដែលបានផ្តួចផ្តើមសម្របសម្រួល បទឈប់បាញ់ភ្លាមៗ រវាងកម្ពុជា និងថៃ ដោយគ្មានលក្ខខណ្ឌ ដើម្បីការពារអាយុជីវិតរបស់ទាហាន និងជនស៊ីវិលជាច្រើននាក់
07/27/2025 05:07 AM
Facebook Telegram Linkin
ឯកឧត្តម គីម វីរៈ ដឹកនាំក្រុមការងារចុះពិនិត្យ និងនាំស្បៀងមួយចំនួនចែកជូនពលរដ្ឋភៀសសឹក ក្នុងខេត្តព្រះវិហារ
07/27/2025 12:07 AM
Facebook Telegram Linkin
TOP STORY | ឯកឧត្តម ហេង រតនា៖ ចោរសៀមចិញ្ចឹមចិត្ត បើអញលួចប្លន់ប្រាសាទព្រះវិហារមិនបានទេ គឺត្រូវបំផ្លាញ និងកម្ទេចចោលតែម្តង!
07/26/2025 11:07 PM
Facebook Telegram Linkin
TOP STORY | ក្រសួងការពារជាតិកម្ពុជា ប្រកាសច្រានចោល និងថ្កោលទោសយ៉ាងដាច់អហង្ការ ចំពោះការចោទប្រកាន់មិនពិត និងមានចរិតព្យាបាទពីសំណាក់ថៃ
07/26/2025 09:07 PM
Facebook Telegram Linkin
TOP STORY | អ្នកនាំពាក្យសម្ដេចតេជោ៖ ថ្ងៃទី៣នៃសត្រូវឈ្លានពាន តេជោសែន បន្តផ្តល់ប្រឹក្សាយុទ្ធសាស្រ្តយោធាដល់សម្តេចធិបតី និងបណ្តាមេទ័ពដើម្បីវាយខ្មាំងដោយភាពហានក្លា
07/26/2025 08:07 PM
Facebook Telegram Linkin
ឯកឧត្តម ឌិត ទីណា បន្តសួរសុខទុក្ខប្រជាពលរដ្ឋជម្លៀសពីតំបន់ព្រំដែនអូរបីជាន់
07/26/2025 06:07 PM
Facebook Telegram Linkin
ក្រុមយុវជននាំគ្នារៀបចំចម្អិនម្ហូបជូនជនភៀសសឹក ដែលគេចពីតំបន់សមរភូមិវាយប្រហាររបស់កងទ័ពថៃ ក្នុងខេត្តឧត្តរមានជ័យ
07/26/2025 06:07 PM
Facebook Telegram Linkin
សិក្ខាកាមវគ្គអប់រំនយោបាយកម្រិត១វគ្គជំនាន់៨១របស់គណបក្សប្រជាជនកម្ពុជានាំយកអំណោយចែកជូននគរបាលការពារបេតិកភណ្ឌប្រាសាទព្រះវិហារ
07/26/2025 05:07 PM
Facebook Telegram Linkin
ប្រធាន IAEA ត្រូវលើកទឹកចិត្តដោយការសម្រេចចិត្តរបស់អ៊ីរ៉ង់ ឲ្យមកទស្សនកិច្ចប្រទេសនេះ នៅប៉ុន្មាន សប្តាហ៍ខាងមុខ
07/26/2025 05:07 PM
Facebook Telegram Linkin
មនុស្សយ៉ាងតិច ៨នាក់ បានស្លាប់ និង ១៣នាក់ បានរងរបួស នៅក្នុងការវាយប្រហារ «ភេរវកម្ម» នៅភាគអាគ្នេយ៍អ៊ីរ៉ង់
07/26/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.