នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចធិបតី បានចាត់វិធានការចាំបាច់​ជាបន្ត​បន្ទា​ប់ចំ​ពោះកា​រ​វិល​ត្រឡប់​ទ្រង់ទ្រាយ​ធំរ​បស់​ពលករ​ខ្មែរ និងជនភៀសសឹក
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី

នយោបាយ​ និង ការអភិវឌ្ឍន៍

មន្ត្រីUN៖វិបត្តិមនុស្សធម៌ដ៏គួរឲ្យព្រួយបារម្ភ និងអំពើហិង្សាផ្លូវភេទទ្រង់ទ្រាយធំ កំពុងយាយីប្រទេសកុងហ្គោភាគខាងកើត

2023/09/06 12:19:12 pm        68
Facebook Telegram Linkin
UN៖ មន្ត្រីជាន់ខ្ពស់អង្គការសហប្រជាជាតិ បាននិយាយកាលពីថ្ងៃអង្គារថា ស្ថានភាពមនុស្សធម៌នៅក្នុងប្រទេសកុងហ្គោភាគខាងកើតដែលញាំញីដោយជម្លោះ កាន់តែយ៉ាប់យ៉ឺនគួរឲ្យព្រួយបារម្ភក្នុងរយៈពេល ១៨ខែចុងក្រោយនេះ ដោយ មនុស្សចំនួន៨លាននាក់ ដែលត្រូវការជំនួយជាបន្ទាន់ ហើយស្ត្រី និងកុមារីរងគ្រោះដោយសារអំពើហិង្សាផ្លូវភេទក្នុងទ្រង់ទ្រាយធំ នៅក្នុងខេត្តចំនួនបីប៉ុណ្ណោះ។លោកស្រី Edem Wosornu នាយកប្រតិបត្តិការនៃការិយាល័យមនុស្សធម៌របស់UN ដែលទើបតែវិឡត្រឡប់ពីទស្សនកិច្ចប្រទេសកុងហ្គោជាមួយនឹងនាយកគ្រាអាសន្នមកពីទីភ្នាក់ងារអង្គការសហប្រជាជាតិ និងអង្គការមនុស្សធម៌ បាននិយាយថា អ្វីដែលពួកគេបានឃើញ និងឮ គឺ«គួរឲ្យតក់ស្លុត គួរឲ្យឈឺចាប់ និងសោកស្ដាយជាទីបំផុត»។លោកស្រី បាននិយាយថា ស្ថានភាពនៅក្នុងខេត្ត North Kivu, South Kivu និង ខេត្ត Ituri គឺជាស្ថានភាពដ៏អាក្រក់បំផុត ដែលយើងមិនធ្លាប់បានឃើញ ហើយនោះគឺនៅក្នុងប្រទេសដែលមានមនុស្សជាង២៦ លាននាក់ កំពុងស្រេកឃ្លាន និងត្រូវការស្បៀងអាហារជាបន្ទាន់។លោកស្រី Wosornu បានថ្លែងប្រាប់សន្និសីទសារព័ត៌មានថា អំពើហិង្សាផ្អែកលើភេទ កំពុងត្រូវបានប្រព្រឹត្តឡើងក្នុងកម្រិតដ៏ធំ និងគួរឲ្យព្រួយបារម្ភ ដោយមានអ្នករស់រានមានជីវិតច្រើនជាង ៣៥.000 នាក់ដែលកំពុងស្វែងរកសិទ្ធិទទួលបានការព្យាបាល និងសេវាកម្មផ្សេងៗ បន្ទាប់ពីការវាយប្រហារក្នុងរយៈពេលត្រឹមតែ៦ខែដំបូងនៃឆ្នាំ២០២៣ នៅក្នុងខេត្តចំនួនបី។ លោកស្រី បាននិយាយថា ដោយសារតែអ្នកនៅរស់រានមានជីវិតមួយភាគតូច រាយការណ៍ពីអំពើហិង្សាផ្អែកលើភេទ ចំនួននេះ ទំនងជាច្រើនជាងនេះ៕

ក្រសួងអប់រំបន្តជំរុញតាមសាលារៀនពង្រឹងសុវត្ថិភាពចំណីអាហារ លើការលក់ចំណីអាហារ ភេសជ្ជៈហាមឃាត់

2023/09/06 12:14:18 pm        204
Facebook Telegram Linkin
ភ្នំពេញ៖ បច្ចុប្បន្នតាមបណ្ដាសាលារៀន កំពុងយកចិត្តទុកដាក់លើសុវត្ថិភាពចំណីអាហារ ដែលមានការដាក់លក់សម្រាប់សិស្សនៅក្នុងបរិវេណសាលា។ សម្រាប់ភូមិសាស្រ្តរាជធានីភ្នំពេញ សាលារៀនមួយចំនួនក៏អនុវត្តកិច្ចការមួយនេះបានល្អប្រសើរ ខណៈសាលាខ្លះនៅមានចន្លោះខ្វះខាតនៅឡើយ។ នេះជាការលើកឡើងរបស់ប្រធានមន្ទីរអប់រំ យុវជន និងកីឡា រាជធានីភ្នំពេញ។ឈានមកដល់បច្ចុប្បន្ននេះ ក្រសួងអប់រំ យុវជន និងកីឡា នៅតែបន្តផ្សព្វផ្សាយពីការលក់ដូរចំណី​អាហារនៅតាមសាលារៀនប្រកបដោយសុវត្ថិភាពសម្រាប់សិស្ស។ក្រសួងអប់រំបានកំណត់ការហាមប្រាមលក់ដូរចំណីអាហារ ​និងភេសជ្ជៈចំនួន៦ប្រភេទ ដែលអាច​ប៉ះពាល់​ដល់សុខភាពសិស្ស និងមានការលើកទឹកចិត្តឱ្យអាជីវករលក់នំ​ចំណីរបស់ខ្មែរវិញ។ សម្រាប់ក្របខ័ណ្ឌរាជធានីភ្នំពេញ សាលារៀនមួយចំនួនបានអនុវត្តលើសុវត្ថិភាពចំណី​អាហារ​បានល្អប្រសើរ តាមការណែនាំ ប៉ុន្តែក៏មាន សាលារៀនខ្លះ នៅមានចន្លោះប្រហោងបន្តមានលក់​ចំណីអាហារហាមឃាត់ ​ពិសេសភេសជ្ជៈផ្អែម ភេសជ្ជៈប៉ូវកម្លាំងក្នុងបរិវេណសាលានៅឡើយ។ នេះជាការបញ្ជាក់របស់ លោក ហែម ស៊ីណារ៉េត ​ប្រធានមន្ទីរអប់រំ យុវជន និងកីឡា រាជធានីភ្នំពេញ។ លោកថា សាលាត្រូវធ្វើកិច្ចសន្យាជាមួយអាជីវករជាលើការងារនេះ។ជាការអនុវត្តលើការងារសុវត្ថិភាពចំណីអាហារសម្រាប់សិស្ស សម្រាប់សាលាបឋមសិក្សា​ព្រះនរោត្តម ក៏បានអនុវត្តពង្រឹងលើការងារនេះដែរ។ លោក ជ្រិន សាលី ​ជានាយករងក្ដាប់រួម បឋមសិក្សាព្រះនរោត្តម ​ក៏បានណែនាំទៅកាន់អ្នកលក់ដូរ ​ឱ្យអនុវត្តតាម និងណែនាំឱ្យពួកគេចាប់​ផ្ដើម​លក់នំចំណីរបស់ខ្មែរ។ចំពោះសាលាស៊ីសុវត្ថិជំនាន់ថ្មី ជាសាលាកម្រិតវិទ្យាល័យវិញ ​ក៏មានការអនុវត្តការងារនេះ បានប្រសើរ​ដែរដោយមានកិច្ចសហការល្អពីក្រុមអាជីវករ។ លោក វិបុល ជាអាជីវករមួយរូប លើកឡើងថា អ្នកលក់ដូរទាំងអស់ ​ទទួលបានការណែនាំ​ ឱ្យប្រកាន់ខ្ជាប់នូវអនាម័យ និងមិនត្រូវលក់អ្វីដែលក្រសួងអប់រំ​ ហាមឃាត់នោះទេ។ការពង្រឹងលើសុវត្ថិភាពចំណីអាហារ ឯកឧត្តម ហង់ ជួនណារ៉ុន រដ្ឋមន្រ្តីក្រសួងអប់រំ យុវជន និងកីឡា ក៏បានលើកឡើងដែរថា “ សុវត្ថិភាពចំណីអាហារនៅតាមសាលារៀន គឺជាកាតព្វកិច្ចរបស់​យើងទាំងអស់គ្នា”។ គួរបញ្ជាក់ដែរថា ចំណីអាហារដែលក្រសួងអប់រំ បានហាមឃាត់មិនឱ្យលក់ដូរក្នុងបរិវេណ​សាលារួមមាន ចំណីអាហារគ្រប់ប្រភេទដែលហួសកំណត់​កាលបរិច្ឆេទ​ប្រើប្រាស់​ គ្រឿងស្រវឹង និង​ផលិតផលថ្នាំជក់គ្រប់ប្រភេទ ចំណីអាហារដែលមិនមានប្រភពច្បាស់លាស់ ​ភេសជ្ជៈប៉ូវកម្លាំង ភេសជ្ជៈផ្អែម កាហ្វេ ការ៉េម ទឹកស៊ីរ៉ូគ្រប់ប្រភេទ ស្ករសូកូឡា ស្ករគ្រាប់ ​និងស្ករកៅស៊ូគ្រប់ប្រភេទ និងចាហួយគ្រប់ប្រភេទ ​នំដូណាត់ និងនំផ្អែម៕ អត្ថបទ៖ គឹមហុក

អគ្គនាយកដ្ឋានពន្ធនាគារ ជំរុញមន្រ្តីគ្រប់គ្រងឲ្យបានម៉ត់ចត់ចំពោះមេខ្លោងគ្រឿងញៀន និងអ្នកទោសបទល្មើសបច្ចេកវិទ្យា

2023/09/06 11:51:05 am        210
Facebook Telegram Linkin
ឧត្តមអគ្គានុរក្សថ្នាក់លេខ១ ឈន សាណាត អគ្គនាយកនៃអគ្គនាយកដ្ឋានពន្ធនាគារ បានជំរុញ​ដល់មន្រ្តី អនុរក្សពន្ធនាគារទាំងអស់ត្រូវបង្កើនការប្រុងប្រយ័ត្ន និងគ្រប់គ្រងឲ្យបានម៉ត់ចត់​បំផុតចំពោះមេខ្លោងគ្រឿងញៀន, អ្នកទោសជាប់ពាក់ព័ន្ធនឹងបទល្មើសបច្ចេកវិទ្យា រួមទាំងបទល្មើស​ឧក្រិដ្ឋ​មួយចំនួនទៀត ​ដែលនាំឲ្យប៉ះពាល់ដល់សន្តិសុខជាតិជាដើម។ក្នុងឱកាសជួបសំណេះសំណាលជាមួយថ្នាក់ដឹកនាំ និងមន្ដ្រី នៃអគ្គនាយកដ្ឋានពន្ធនាគារ នាថ្ងៃទី ៦ ខែកញ្ញា ឆ្នាំ២០២៣នេះ នៅទីស្ដីការក្រសួងមហាផ្ទៃ ​ឯកឧត្តមឧត្តមអគ្គានុរក្ស ឈន សាណាត បាន លើកឡើងថា«ត្រូវបង្ការទប់ស្កាត់សកម្មភាពល្មើសរបស់ជនជាប់ឃុំ យកចិត្តទុកដាក់​ពង្រឹង​ប្រសិទ្ធិភាព ឆែកឆេរ​នៅគ្រប់គោលដៅត្រួតពិនិត្យ និងក្នុងបន្ទប់ឃុំឃាំងធ្វើការគ្រប់គ្រង​ឲ្យបាន​ម៉ត់ចត់​ចំពោះមុខសញ្ញាមេខ្លោងជួញដូរគ្រឿងញៀនធំៗ និងប្រភេទបទល្មើស​ឧក្រិដ្ឋ​ប៉ះពាល់​សន្តិសុខជាតិ រួមទាំង​មុខសញ្ញា​ញុះញង់​បង្កភាព​វឹកវរ​ដល់​សន្តិសុខសណ្តាប់ធ្នាប់​សាធារណៈ ជាពិសេសជនជាប់ឃុំពាក់ព័ន្ធបទល្មើសបច្ចេកវិទ្យា ​ដែល​មានសមត្ថភាពជំនាញអាចកែច្នៃ ឧបករណ៍បង្គុំទូរស័ព្ទដៃ ជាមធ្យោយទំនាក់ទំនងប្រព្រឹត្តបទល្មើស ​អំពើ​ឆរបោកតាមប្រព័ន្ធ បច្ចេកវិទ្យាព័ត៌មាន (សៀវភៅគោលមុខវិជ្ជាចិត្តសាស្ត្រជនល្មើស)ជាដើម»។ឯកឧត្តមឧត្តមអគ្គានុរក្ស បានណែនាំបន្ថែមដល់មន្រ្តីអនុរក្សពន្ធនាគារទំាងអស់ ត្រូវពង្រឹងលើក​កម្ពស់អនុវត្តច្បាប់ បន្តយកចិត្តទុកដាក់បង្កើនការយល់ដឹងច្បាប់ ​និងលិខិត បទដ្ឋាន​គតិយុត្តិ​ដែលមានជាធរមាននានា ​ដើម្បីតម្រង់ទិសលើការងារដឹកនាំ ​និងជំនាញ។យ៉ាងណាក៏ដោយនៅក្នុងពិធីសំណេះសំណាលនោះ ​ឯកឧត្តមក៏បានសម្ដែងនូវការកោតសរសើរ និងវាយតម្លៃខ្ពស់ចំពោះ ថ្នាក់ដឹកនាំ អគ្គនាយកដ្ឋាន ​ប្រធាននាយកដ្ឋាន​ ប្រធានមណ្ឌលអប់រំកែប្រែ និងពន្ធនាគាររាជធានី-ខេត្ត ​និងថ្នាក់ដឹកនាំគ្រប់ឋានានុក្រម ​និងមន្ត្រីពន្ធនាគារទាំងអស់ ដែលបាន​ខិតខំប្រឹងប្រែងយ៉ាងសកម្មប្រកបដោយស្មារតី​ទទួលខុសត្រូវខ្ពស់រួមចំណែក​ធ្វើ​ឲ្យអគ្គនាយកដ្ឋាន​ពន្ធនាគារ ​សម្រេចបាននូវលទ្ធផលថ្មីៗជាផ្លែផ្កានាពេលកន្លងមក ហើយត្រូវបន្តរួមគ្នា​ដើម្បីបន្ត​និរន្តរភាព​ការងារប្រកបដោយគុណវុឌ្ឍិស្របតាមចក្ខុវិស័យកំណែទម្រង់ពន្ធនាគារផងដែរ៕អត្ថបទ បាន ចក់

គ្រូបង្រៀនជនជាតិអាមេរិកនៅប្រទេសថៃ ត្រូវបានចាប់ខ្លួនពីបទបៀតបៀនផ្លូវភេទលើអនីតិជន

2023/09/06 11:50:19 am        87
Facebook Telegram Linkin
ថៃ៖ ក្រុមអាជ្ញាធរបាននិយាយថា គ្រូបង្រៀនជនជាតិអាមេរិកម្នាក់ និងជាតារា TikTok ត្រូវបានចាប់ខ្លួននៅ ក្នុងប្រទេសថៃ បន្ទាប់ពីមានការចោទប្រកាន់ថា បានរួមភេទជាមួយក្មេងស្រីអាយុ ១៦ឆ្នាំ ដែលលោកបានទាក់ទងតាមអ៊ីនធឺណិត។យោងតាមនគរបាលជនស្មើស លោក លូក រ៉ុកវ៉េល (Luke Rockwell) ត្រូវបានចាប់ខ្លួនកាលពីថ្ងៃសៅរ៍ក្នុងទីក្រុងបាងកករបស់ប្រទេសថៃ។លោកបានបង្ហាញខ្លួននៅតុលាការកាលពីយប់ថ្ងៃចន្ទ ហើយត្រូវបានដោះលែងឲ្យនៅក្រៅឃុំ។ គ្រួសាររបស់ក្មេងស្រីរងគ្រោះ បាននិយាយថា បុរសជាជនល្មើសបានចម្លងជំងឺកាមរោគ ដែលបណ្តាលឲ្យកូនស្រីរបស់គាត់មិនស្រួលខ្លួន។ សារព័ត៌មាន NBC News មិនអាចផ្ទៀងផ្ទាត់ការចោទប្រកាន់នេះបានទេ ហើយ នគរបាល ក៏មិនបានធ្វើអត្ថាធិប្បាយលើករណីនេះដែរ។លោកវរសេនីយ៍ឯក វ៉ាជីរ៉ាកន វ៉ុងប៊ូន (Vajirakorn Wongboon) នៃស្នងការនគរបាលដ្ឋានថៃ បានបញ្ជាក់ពីការចាប់ខ្លួនរបស់លោក Rockwell ថាលោកកំពុងបង្រៀនភាសាអង់គ្លេសនៅទីក្រុងបាងកក និងអាយុរបស់ដើមបណ្ដឹង។ Rockwell ត្រូវបានចោទប្រកាន់ពីបទ នាំពង្រត់ អនីតិជនពីឪពុកម្តាយ ឬអាណាព្យាបាលស្របច្បាប់ "សម្រាប់គោលបំណងមិនសមរម្យដោយមានការយល់ព្រមពីអនីតិជនបែបនេះ"។គេមិនច្បាស់ទេថាតើ ជនល្មើស Rockwell មានតំណាងស្របច្បាប់នៅក្នុងប្រទេសថៃឬយ៉ាងណា។ លោក Rockwell មិនបានធ្វើអត្ថាធិប្បាយជាសាធារណៈអំពីករណីនេះទេ។ គណនី Tiktok របស់លោក @English_with_teacherluke មានអ្នកចូលរួមតាមដាន ១,៣ លាននាក់ ប៉ុន្តែត្រូវបានកំណត់ទៅជាលក្ខណៈឯកជន។ លោកមិនបានឆ្លើយតបភ្លាមៗចំពោះសំណើសុំការអត្ថាធិប្បាយតាមរយៈ Facebook. ទេ។ ស្រ្ដីវ័យ៤០ឆ្នាំជាម្តាយរបស់ក្មេងស្រី បានប្រាប់ NBC News ថា លោកRockwell បានជួបកូនស្រីរបស់គាត់កាលពីខែមីនានៅពេលដែលនាងមានអាយុ ១៦ ឆ្នាំ ហើយអ្នកទាំងពីរបានជួបគ្នានៅផ្ទះ របស់ លោកRockwell ដោយសារតែជនសង្ស័យរូបនេះ មិនចង់ឲ្យមានគេឃើញនាងជាសាធារណៈ៕

ក្រុមមេដឹកនាំអាស៊ាន ជំរុញឲ្យរបបសឹកមីយ៉ាន់ម៉ាបញ្ឈប់ការវាយប្រហារលើជនស៊ីវិល

2023/09/06 11:47:16 am        70
Facebook Telegram Linkin
ឥណ្ឌូនេស៊ី៖ ក្រុមេដឹកនាំអាស៊ាន បានថ្កោលទោសយ៉ាងដាច់អហង្ការលើការប្រើប្រាស់អំពើហិង្សា និងការវាយប្រហារលើជនស៊ីវិល ក្នុងសហភាពមីយ៉ាន់ម៉ា ដោយបានស្ដីបន្ទោសលើរបបដឹកនាំយោធាដោយផ្ទាល់អំឡុងជំនួបនៅក្នុងប្រទេសឥណ្ឌូនេស៊ី ដោយនិយាយនៅឯកិច្ចប្រជុំកំពូលកាលពីថ្ងៃអង្គារថា មានការរីកចម្រើនតិចតួចលើផែនការសន្តិភាព ដែលបានព្រមព្រៀងរួចមកហើយ។  សហភាពមីយ៉ាន់ម៉ា ត្រូវបានរួបរឹតដោយអំពើហិង្សាដ៏ធ្ងន់ធ្ងរ ចាប់តាំងពីរដ្ឋប្រហារយោធាឆ្នាំ២០២១ ទម្លាក់រដ្ឋាភិបាលរបស់លោកស្រី អ៊ុងសានស៊ូជី (Aung San Suu Kyi) និងជំរុញឲ្យបង្ក្រាបដ៏បង្ហូរឈាមលើក្រុមអ្នកប្រឆាំងរបបសឹកនេះ ។  សមាគមប្រជាជាតិអាស៊ីអាគ្នេយ៍ ឬ (ASEAN) ដែលត្រូវបានក្រុមអ្នករិះគន់និយាយជាយូរមកហើយថា ជាក្រុមបានតែនិយាយគ្មានចំណាត់ការ  បានជួបគ្នានៅក្នុងរដ្ឋធានី ហ្សាកាតា ដើម្បីស្វែងរកសំឡេងរួបរួមគ្នាដោះស្រាយវិបត្តិនេះ ។ ក្រុមមេដឹកនាំបាននិយាយនៅក្នុងសេចក្ដីថ្លែងការណ៍១៩ចំណុចដែលត្រូវបានទទួលដោយសារព័ត៌មានAFPថា ក្រុមមេដឹកនាំទាំងអស់ បានជំរុញឲ្យកងកម្លាំងប្រដាប់អាវុធសហភាពមីយ៉ាន់ម៉ា ជាពិសេស និងភាគីពាក់ព័ន្ធទាំងអស់ក្នុងប្រទេសនេះ កាត់បន្ថយអំពើហិង្សា និងបញ្ឈប់ការវាយប្រហារដាក់គោលដៅលើជនស៊ីវិល ផ្ទះសម្បែង និងកន្លែងសាធារណៈ ដូចជាសាលារៀន មន្ទីរពេទ្យ ទីផ្សារ។  យើងទាំងអស់គ្នា បានថ្កោលទោសយ៉ាងខ្លាំងចំពោះសកម្មភាពហិង្សាដែលនៅតែបន្តក្នុងសហភាពមីយ៉ាន់ម៉ា។ ក្រុមសិទ្ធិមនុស្ស បានចោទប្រកាសរបបសឹកនេះពីបទវាយប្រហារតាមអាកាសលើមូលដ្ឋានក្រុមឧទ្ទាម និងហេដ្ឋារចនាសម្ព័ន្ធស៊ីវិល៕

ភាពមិនច្បាស់លាស់ និងការខ្វែងគំនិតគ្នា កំពុងកើតឡើងជុំវិញកងកម្លាំងអន្តរជាតិសម្រាប់ប្រទេសហៃទី

2023/09/06 11:40:24 am        68
Facebook Telegram Linkin
ហៃទី៖ រយៈពេលជិតមួយឆ្នាំបន្ទាប់ពីការស្នើសុំដាក់ពង្រាយជាបន្ទាន់នូវកម្លាំងសកម្មភាពរហ័សពហុជាតិ ដើម្បីជួយប្រជាជនហៃទីឲ្យត្រឡប់ទៅរកភាពប្រក្រតីវិញនោះ សហរដ្ឋអាមេរិក នៅតែមិនយល់ស្របជាមួយដៃគូទាំងអស់របស់ខ្លួនអំពីអ្វីដែលបេសកកម្ម គួរតែកើតឡើង ហើយនៅតែមិនទាន់ធានាបានការគាំទ្រដ៏ចាំបាច់ទាំងអស់ ដើម្បីធ្វើឲ្យបេសកកម្មនេះ ចាប់ផ្តើមដំណើរការទេ។បន្ទាប់មកប្រទេសកេនយ៉ា បានបញ្ជូនគណៈប្រតិភូមួយក្រុម ទៅទីក្រុងព័រអូប្រាំង (Port-au-Prince) កាលពីពីរសប្តាហ៍មុន ដើម្បីពិភាក្សាអំពីសំណើរបស់ខ្លួន ដើម្បីដឹកនាំការដាក់ពង្រាយនេះ ឥឡូវនេះមិនច្បាស់ទេថាតើជនជាតិកេនយ៉ា នឹងទទួលការងារនេះ ឬយ៉ាងណា។កាលពីចុងសប្តាហ៍ អគ្គលេខាធិការអង្គការសហប្រជាជាតិ លោក អង់តូនីញ៉ូ ហ្គុយតឺរេស ( Antonio Guterres) បានទៅបំពេញទស្សនកិច្ចនៅទីក្រុងណៃរ៉ូប៊ី ជាទីដែលរូបលោក បានជួបជាមួយប្រធានាធិបតីកេនយ៉ា លោក វីល្លៀម រ៉ូតូ (William Ruto) នៅខាងក្រៅវេទិកាកិច្ចប្រជុំកំពូលអាកាសធាតុអាហ្រ្វិក។ ភាគីទាំងពីរ បានពិភាក្សាអំពីការស្នើរបស់លោករ៉ូតូ ក្នុងការពិចារណាអំពីការបញ្ជូននគរបាលចំនួន ១.000នាក់ ទៅប្រទេសហៃទី និងដឹកនាំបេសកកម្មនេះ។លោកហ្វាហាន ហាក (Farhan Haq) អ្នកនាំពាក្យរងរបស់លោកហ្គុយតឺរេស បានថ្លែងប្រាប់កាសែត Miami Herald កាលពីថ្ងៃអង្គារថា លោកប្រធានាធិបតីកេនយ៉ា បានជូនដំណឹងដល់លោក[អគ្គលេខាធិការ] ថា ប្រទេសកេនយ៉ា កំពុងសិក្សាស្ថានភាពនៅលើទឹកដីនៃប្រទេសហៃទី៕

អង់គ្លេស នឹងដាក់បម្រាមលើក្រុមហ៊ុនទាហានស៊ីឈ្នួលរុស្ស៊ី Wagner ថាជាអង្គការភេរវកម្ម

2023/09/06 11:37:35 am        70
Facebook Telegram Linkin
អង់គ្លេស៖ របាយការណ៍ដោយប្រព័ន្ធផ្សព្វផ្សាយបាននិយាយកាលពីថ្ងៃអង្គារ ដោយដកស្រង់សម្តីរដ្ឋមន្ត្រីកិច្ចការផ្ទៃក្នុង លោកស្រី Suella Braverman ថា ចក្រភពអង់គ្លេស នឹងត្រូវដាក់បម្រាមលើក្រុមហ៊ុន Wagnerជាក្រុមហ៊ុនទាហានស៊ីឈ្នួលរុស្ស៊ី ជាអង្គការភេរវកម្ម។ សេចក្តីរាយការណ៍នៅក្នុងសារព័ត៌មាន Daily Mail បានឲ្យដឹងថា ចក្រភពអង់គ្លេសត្រូវបានកំណត់ដើម្បីធ្វើឲ្យក្រុមហ៊ុន Wagner ជាអង្គការត្រូវបានហាមឃាត់ ក្រោមច្បាប់ប្រឆាំងភេរវកម្ម ដោយដាក់ក្រុមហ៊ុនេះ លើបទដ្ឋានដូចគ្នាជាមួយក្រុមរដ្ឋអ៊ីស្លាម និងក្រុងអាល់កៃដា។ សារព័ត៌មានបានដកស្រង់សម្តីរបស់លោកស្រី Braverman ដែលបាននិយាយថា ក្រុមហ៊ុន Wagner គឺជាអង្គការបំផ្លាញនិងហិង្សា ដែលបានធ្វើសកម្មភាពជាឧបករណ៍យោធានៅក្រៅប្រទេសរុស្ស៊ីរបស់លោក Vladimir Putin ។ ស្ថិតនៅក្រោមច្បាប់ភេរវកម្ម ឆ្នាំ២០០០ រដ្ឋមន្ត្រីកិច្ចការផ្ទៃក្នុង មានអំណាចដើម្បីដាក់បម្រាមលើអង្គការមួយប្រសិនបើពួកគេបានជឿថា វាជាប់ពាក់ព័ន្ធក្នុងអំពើភេរវកម្ម។ សារព័ត៌មានBBC បានដកស្រង់សម្តី របស់រដ្ឋមន្ត្រីថា បទបញ្ជាហាមឃាត់នេះ ធ្វើឲ្យវាក្លាយជាបទល្មើសព្រហ្មទណ្ឌចំពោះការគាំទ្រដល់ក្រុមនេះ។ ពួកគេគឺជាភេរវជន ច្បាស់លាស់និងសាម័ញ្ញ ហើយបទបញ្ជាហាមឃាត់នេះ ធ្វើឲ្យច្បាស់លាស់ដល់ច្បាប់របស់ចក្រភពអង់គ្លេស។ លោកស្រី Braverman បាននិយាយថា ក្រុមហ៊ុន Wagner បានជាប់ព័ន្ធទៅនឹងការលួច ការធ្វើទារុណកម្ម និងឃាតកម្មដ៏ឃោឃៅ។ ប្រតិបត្តិការរបស់ក្រុមនេះ នៅក្នុងប្រទេសអ៊ុយក្រែន នៅមជ្ឈឹមបូព៌ា និងនៅអាហ្វ្រិក គឺជាការគំរាមកំហែងមួយដល់សន្តិសុខសកល។ នោះហើយជាមូលហេតុដែលយើងនឹងហាមឃាត់អង្គការភេរវកម្មមួយនេះ និងបន្តផ្តល់ជំនួយដល់អ៊ុយក្រែន នៅកន្លែងណាក៏ដោយដែលយើងអាចប្រយុទ្ធប្រឆាំងរុស្ស៊ី។ របាយការណ៍និយាយថា វិធានការពង្រាងដើម្បីដាក់បម្រាមលើក្រុមហ៊ុនទាហានស៊ីឈ្នួល Wagner ស្ថិតនៅក្រុមច្បាប់ដែលនឹងដាក់នៅក្នុងសភានៅថ្ងៃពុធនេះ៕

ការបំផ្លាញព្រៃឈើនៅតំបន់ព្រៃ Amazon ប្រទេសប្រេស៊ីល ធ្លាក់ចុះ៦០ភាគរយ ក្នុងខែសីហា

2023/09/06 11:35:17 am        67
Facebook Telegram Linkin
ប្រេស៊ីល៖ រដ្ឋមន្ត្រីក្រសួងបរិស្ថាន លោក Marina Silva បាននិយាយកាលពីថ្ងៃអង្គារនៅក្នុងការកំណត់ដ៏សំខាន់មួយសម្រាប់គោលនយោបាយបរិស្ថានរបស់ក្រសួងខណៈការបំផ្លាញកើនឡើងញឹកញាប់នៅពេលនេះនៃឆ្នាំ ថា ការបំផ្លាញព្រៃឈើ នៅក្នុងតំបន់ព្រៃAmazon ប្រទេសប្រេស៊ីល បានធ្លាក់ចុះ ៦៦,១១ភាគរយ នៅក្នុងខែសីហាដល់កម្រិតទាបបំផុតមួយសម្រាប់ខែនេះ ចាប់តាំងពីឆ្នាំ២០១៨មក។ ទិន្នន័យតាមផ្កាយរណបពីទីភ្នាក់ងារស្រាវជ្រាវអវកាសប្រេស៊ីល(INPE) បានបង្ហាញថា ព្រៃទឹកភ្លៀងទំហំ៥៦៣គីឡូម៉ែត្រក្រឡា ត្រូវបានសម្អាតនៅក្នុងខែនេះដែលធ្លាក់ចុះ៦៦,១ភាគរយពីអំឡុងពេលដូចគ្នាកាលពីឆ្នាំកន្លងទៅនេះ។ក្នុងរយៈពេល៨ខែដំបូងនៃឆ្នាំនេះ តួលេខរបស់ទីភ្នាក់ងារ INPE បានបង្ហាញថាការបំផ្លាញព្រៃឈើ បានធ្លាក់ចុះផ្ទួនៗគ្នា ៤៨ភាគរយពីអំឡុងពេលដូចគ្នានៃឆ្នាំ២០២២។ ទិន្ន័យនេះ ផ្តល់ឲ្យប្រធានាធិបតីលោក Luiz Inacio Lula da Silva នូវមូលហេតុជាច្រើនដើម្បីសាទរ ខណៈលោក បានសន្យាបញ្ចប់ការបំផ្លាញព្រៃឈើ នៅក្នុងតំបន់ នៅត្រឹមឆ្នាំ២០៣០ បន្ទាប់ពីការបំផ្លាញបានកើនឡើងក្រោមការគ្រប់គ្រប់របស់អ្នកកាន់តំណែងមុនរបស់លោក លោក Jair Bolsonaro ជាអ្នកដែលបានរិះគន់កិច្ចប្រឹងប្រែងការពារបរិស្ថាន។ក្រុមអ្នកជំនាញ ព្រួយបារម្ភថាការធ្លាក់ចុះដ៏ច្រើន ជាង៤០ភាគរយ ក្នុងការបំផ្លាញព្រៃឈើ ត្រូវបានគេមើលឃើញនៅក្នុងរយៈពេល៧ខែដំបូងនៃរដ្ឋបាលរបស់លោក Lula ដែលអាចដាក់ហានីភ័យដោយការបំផ្លាញកាន់តែខ្ពស់នៅក្នុងខែសីហា និងខែកញ្ញា នៅពេលដែលអាកាសធាតុប្រែជាកាន់តែស្ងួតហួតហែង៕

សម្ដេចធិបតី ហ៊ុន ម៉ាណែត អញ្ជើញចូលរួមកិច្ចប្រជុំកំពូលអាស៊ាន-កូរ៉េ លើកទី២៤ នៅទីក្រុងហ្សាការតា សាធារណរដ្ឋឥណ្ឌូនេស៊ី

2023/09/06 11:29:35 am        147
Facebook Telegram Linkin
នៅព្រឹកថ្ងៃទី៦ ខែកញ្ញា ឆ្នាំ ២០២៣ នេះ ក្នុងឱកាសអញ្ជើញចូលរួមក្នុងកិច្ចប្រជុំកំពូលអាស៊ានលើកទី៤៣ និងកិច្ចប្រជុំពាក់ព័ន្ធ នៅប្រទេសឥណ្ឌូនេស៊ី សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា បានចូលរួមកិច្ចប្រជុំកំពូលអាស៊ាន-កូរ៉េ លើកទី២៤ នៅទីក្រុងហ្សាការតា សាធារណរដ្ឋឥណ្ឌូនេស៊ី៕

ស្អែកនេះកិច្ចសម្ភាសការងារ នឹងនាំយកឱកាសជាង២០០កន្លែង បង្ហាញជូនយុវជន

2023/09/06 11:17:36 am        238
Facebook Telegram Linkin
ភ្នំពេញ៖ ទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ នៅថ្ងៃទី៧ ខែកញ្ញា ឆ្នាំ២០២៣ស្អែកនេះ សហការជាមួយក្រុមហ៊ុនធំៗចំនួន៤ ​នឹងផ្តល់ឱកាសការងារ ២០៧កន្លែង ​ជូនដល់សិស្ស និស្សិត និងអ្នកកំពុងស្វែងរកការងារធ្វើនៅក្នុងកម្មវិធី វេទិកាការងារ។ប្រភពទីភ្នាក់ងារជាតិមុខរបរ និងការងារ នៅព្រឹកថ្ងៃទី៦ ខែកញ្ញានេះ បានឲ្យដឹងថា ​កម្មវិធី "កិច្ចសម្ភាសការងារ"នេះ សហការរៀបចំដោយទីភ្នាក់ងារជាតិមុខរបរ និងការងារ និងសហភាពសហព័ន្ធយុវជនកម្ពុជាវិស័យការងារ ​និងបណ្តុះបណ្តាលវិជ្ជាជីវៈ។ ចំពោះសិស្ស/និស្សិត និងអ្នកកំពុងតែស្វែងរកការងារធ្វើ ឬចង់ផ្លាស់ប្តូរការងារ អាចយកប្រវត្តិរូប​សង្ខេប (CV) ដើម្បីចូលរួមដាក់ពាក្យ និងសម្ភាសផ្ទាល់ភ្លាមៗជាមួយតំណាង​ក្រុមហ៊ុនទាំង៤បាន ចាប់ពីព្រឹកម៉ោង៨ ដល់ល្ងាចម៉ោង៥ នៅក្នុងបរិវេណក្រសួងការងារ ​និងបណ្តុះបណ្តាលវិជ្ជាជីវៈ។កញ្ញា សូរសៀង សុម៉ាលី ប្រធានផ្នែកជ្រើសរើសបុគ្គលិក នៃក្រុមហ៊ុន FWD Insurance បានលើកឡើងក្នុងខ្លឹមសារព័ត៌មានរបស់ទីភ្នាក់ងារជាតិមុខរបរ និងការងារថា នេះជាលើកទី១ ដែលក្រុមហ៊ុនចូលរួម ​ទាំងវេទិកាការងារ ​និងពិព័រណ៍​ការងារថ្នាក់ជាតិ ដែលនឹងរៀបចំ​នាពេលខាងមុខនេះ។ កញ្ញាបានបន្តថា កញ្ញាពិតជាសប្បាយរីករាយក្នុងការសហការជាមួយនឹង ទីភ្នាក់ងារជាតិមុខរបរ និងការងារ ដោយសារតែមានបណ្តាញច្រើនក្នុងការផ្សព្វផ្សាយព័រត៌មាន​ស្តីពីការជ្រើសរើស​បុគ្គលិក។ កញ្ញា ជឿជាក់ថា ក្រុមហ៊ុននឹងជ្រើសរើសបុគ្គលិកទាន់តម្រូវការរបស់ក្រុមហ៊ុន​ដែលកំពុងតែមានការរីកចម្រើន។ជាមួយគ្នានេះ កញ្ញា សុម៉ាលី ក្រើនរំលឹកដល់អ្នកស្វែងរកការងារធ្វើទាំងអស់ថា ប្រសិន​បើសិស្សនិស្សិត ឬអ្នកមានបំណងចង់ផ្លាសប្តូរការងារចង់បានឱកាសការងារ ​ជាមួយក្រុមហ៊ុន អាច​អញ្ជើញមកចូលរួមក្នុងកិច្ចសម្ភាសការងារនៅថ្ងៃស្អែកនេះបាន​ ដោយភ្ជាប់មកជាមួយនឹងប្រវត្តិរូប ដើម្បីសម្ភាសន៍ការងារ។សូមជម្រាបថា ក្រុមហ៊ុនធំៗទាំង៤ នោះរួមមាន៖ គ្រឹះស្ថានមីក្រូហិរញ្ញវត្ថុ មហានគរ ម.ក ,ក្រុមហ៊ុន Urban Hub (Cambodia) CO.,LTD, ក្រុមហ៊ុន អរប៊ីតគ្លូរី អ៊ិនវេសមេន ខមផេនី ,ក្រុមហ៊ុន FWD LIFE INSURANCE (CAMBODIA) PLC.៕

បណ្ដាញសង្គម

ព័ត៌មានថ្មីៗ

លោក Rubio និយាយថា ក្រុមមន្ត្រីសហរដ្ឋអាមេរិក កំពុងនៅម៉ាឡេស៊ី ដើម្បីជួយក្នុងកិច្ចចរចាកម្ពុជា-ថៃ
07/28/2025 08:07 AM
Facebook Telegram Linkin
សម្តេចរដ្ឋសភាធិបតី ឃួន សុដារី រួមប្រធានសភាស្រ្តី មកពី៣០ប្រទេស បានជួបជុំនៅទីក្រុងហ្សឺណែវ ប្រទេសស្វីស ក្នុងក្របខ័ណ្ឌកិចហចប្រជុំ កិច្ចប្រជុំកំពូលប្រធានសភាស្រ្តីលើកទី១៥
07/28/2025 08:07 AM
Facebook Telegram Linkin
ទាហានសៀមនៅបន្តបាញ់ស្រោចមកកម្ពុជាដូចជាភ្លៀងរលឹមទោះថ្ងៃនេះរាជរដ្ឋាភិបាលកម្ពុជានិងសៀមជួបគ្នាដើម្បីកំណត់ការឈប់បាញ់ក្តី
07/28/2025 08:07 AM
Facebook Telegram Linkin
ការចោទប្រកាន់របស់សៀមថា កម្ពុជាប្រើមីស៊ីលPHL-03 គឺដើម្បីយកលេសប្រើអាវុធឃោឃៅវាយប្រហារមកលើកម្ពុជាប៉ុណ្ណោះ
07/28/2025 08:07 AM
Facebook Telegram Linkin
សម្តេចធិបតី៖បំណងនៃកិច្ចប្រជុំស្អែកជាមួយនាយករដ្ឋមន្រ្តីស្តីទីរបស់ថៃ គឺដើម្បីសម្រេចឲ្យមានបទឈប់បាញ់គ្នា
07/27/2025 11:07 PM
Facebook Telegram Linkin
សាលាបឋមសិក្សាស្ថាពរខេត្តព្រះវិហារ ទទួលអំណោយមួយចំនួនពីសប្បុរសជន
07/27/2025 10:07 PM
Facebook Telegram Linkin
ច្ចសន្ទនាតាមទូរស័ព្ទរបស់ ឯកឧត្តម Marco Rubio រដ្ឋមន្ត្រីក្រសួងការបរទេសអាមេរិក និងឯកឧត្តម ប្រាក់ សុខុន ឧបនាយករដ្ឋមន្ត្រី និង​រដ្ឋមន្ត្រី​ក្រសួងការបរទេស​កម្ពុជា
07/27/2025 10:07 PM
Facebook Telegram Linkin
គណៈប្រតិភូសភាកម្ពុជា ដឹកនាំដោយសម្តេចរដ្ឋសភាធិបតី ឃួន សុដារី អញ្ជើញដល់ទីក្រុងហ្សឺណែវ ប្រទេសស្វីស ដោសុវត្ថិភាព ក្នុងការចូលរួមកិច្ចប្រជុំកំពូលប្រធានសភាស្រ្តីលើកទី១៥ និងសន្និសីទប្រធានសភាពិភពលោក លើកទី៦
07/27/2025 09:07 PM
Facebook Telegram Linkin
ឯកឧត្តម ឌិត ទីណា ស្វាគមន៍ពលករដែលបន្តចាកចេញពីប្រទេសថៃមកកម្ពុជាវិញ
07/27/2025 07:07 PM
Facebook Telegram Linkin
ក្រុមការងារមន្ទីរបរិស្ថានខេត្តព្រះវិហារ កំពុងរៀបចំអនាម័យបរិស្ថាន នៅតាមមណ្ឌលសុវត្ថិភាពជនភៀសសឹកដែលរដ្ឋបាលខេត្ត បានរៀបចំទទួលទាំង ១១កន្លែង
07/27/2025 06:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.