BTV NEWS

សម្ដេចធិបតី៖គិតត្រឹមខែមេសាឆ្នាំនេះយុវជនមកពីគ្រួសារក្រីក្រ និងងាយរងហានិភ័យចំនួន ២៧,១ម៉ឺននាក់ទទួលបានការបណ្ដុះបណ្ដាលជំនាញវិជ្ជាជីវៈ

សម្ដេចតេជោ ហ៊ុន សែន៖«២០ មិថុនា ១៩៧៧ ជីវិតរបស់ខ្ញុំ និងភរិយាពេលនោះជួបជាមួយគ្រោះថ្នាក់ និងលំបាកវេទនាខ្លាំងណាស់»

សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

នយោបាយ និង ការអភិវឌ្ឍន៍

ការពង្រឹកបម្រាមប្រើប្រាស់ទូរស័ព្ទដៃ iPhoneរបស់ចិន ប៉ះពាល់ដល់វិស័យបច្ចេកវិទ្យារបស់សហរដ្ឋអាមេរិក

អាមេរិក៖ ការពង្រីកបម្រាមប្រើប្រាស់លើទូរសព័្ទដៃ iPhone ចំពោះបុគ្គលិករដ្ឋាបាភិបាល បានប៉ះពាល់ដល់ក្រុមហ៊ុន Apple និងភាគហ៊ុនបច្ចេកវិទ្យារបស់សហរដ្ឋអាមេរិក កាលពីថ្ងៃព្រហស្បតិ៍ទី៧ខែកញ្ញា ខណៈក្រុមវិនិយោគិនខកចិត្តជុំវិញការប៉ះពាល់ហិរញ្ញវត្ថុនៃការកើនឡើងភាពតានតឹនរវាងទំនាក់ទំនងការទូត អាមេរិកនិងចិនលើក្រុមហ៊ុននានាដោយសារការរារាំងដ៏ធំរបស់ចិន ។ ចំណូលក្រុមហ៊ុន Apple បានធ្លាក់ចុះជាង៣ភាគរយ ហើយកំពុងស្ថិតនៅលើផ្លូវឈានទៅរកការធ្លាក់ចុះរយៈពេលពីរថ្ងៃដ៏អាក្រក់បំផុតរបស់ខ្លួនចាប់តាំងពីខែវិច្ឆិកា បន្ទាប់ពីរបាយការណ៍ប្រព័ន្ធផ្សព្វផ្សាយបាននិយាយថាទីក្រុងប៉េកាំងបានប្រាប់បុគ្គលិកនៅទីភ្នាក់ងារកណ្តាលរដ្ឋាភិបាលមួយចំនួនក្នុងប៉ុន្មានពេលសប្តាហ៍ថ្មីៗនេះឲ្យឈប់ប្រើប្រាស់ទូរស័ព្ទដៃក្រុមហ៊ុន Apple នៅកន្លែងធ្វើការ។ ក្រុមអ្នកវិភាគរបស់ក្រុមហ៊ុន Wall Street បាននិយាយថា បម្រាមនេះបង្ហាញថា សូម្បីតែក្រុមហ៊ុនដែលមានទំនាក់ទំនងល្អជាមួយរដ្ឋាភិបាលចិន និងវត្តមានដ៏ធំនៅក្នុងមហាអំណាចសេដ្ឋកិច្ចទីពីររបស់ពិភពលោកមួយនេះ ក៏មិនមានភាពស៊ាំនឹងការកើនឡើងភាពតានតឹងរវាងប្រទេសទាំងពីរដែរ។ក្រុមហ៊ុនផ្គត់ផ្គង់ Apple Qualcomm ជាក្រុមហ៊ុនមួយក្នុងចំណោមក្រុមហ៊ុនជាច្រើនរបស់សហរដ្ឋអាមេរិកដែលមានវត្តមានប្រទេសចិនធំជាងគេបានធ្លាក់ចុះជិត៧ភាគរយឈានឆ្ពោះទៅរកការខាតបង់ ក្នុងចំណោមក្រុមហ៊ុនបច្ចេកវិទ្យាធំៗ។ លោក ម៉ៃ ហ្គាឡាហ័រ (Mike Gallagher) ប្រធានក្រុមប្រឹក្សាសភានៅប្រទេសចិន បាននិយាយថា ការហាមប្រាមកាន់តែទូលំទូលាយមិនគួរឲ្យភ្ញាក់ផ្អើលនោះទេ ហើយបានគូសបញ្ជាក់ពីកិច្ចខិតខំប្រឹងប្រែងដើម្បីកម្រិតការចូលទៅកាន់ទីផ្សារពីសំណាក់ក្រុមហ៊ុនរបស់លោកខាងលិចទៅកាន់ប្រទេសចិន៕

អង្គការយូនីសេហ្វ រាយការណ៍ពីចំនួនកុមារដ៏ច្រើនលើសលប់ឆ្លងកាត់ព្រៃ នៅប្រទេសប៉ាណាម៉ា

UN៖ អង្គការយូនីសេហ្វ (UNICEF) បានរាយការណ៍កាលពីថ្ងៃពុធ (៦ កញ្ញា) អំពីកំណត់ត្រាច្រើនបំផុតនៃចំនួនកុមារអន្តោប្រវេសន៍ឆ្លងកាត់ព្រៃដារៀន (Darien) ដ៏គ្រោះថ្នាក់របស់ប្រទេសប៉ាណាម៉ាក្នុងឆ្នាំ២០២៣នេះ។ យោងតាមរបាយការណ៍ថ្មីបានឲ្យដឹងថា កុមារជាង៦០.០០០នាក់បានប្រថុយជីវិត ដើម្បីឆ្លងកាត់ព្រៃច្រករបៀបដារៀនហ្គាប (Darien Gap) ដ៏គ្រោះថ្នាក់ក្នុងរយៈពេលប្រាំបីខែដំបូងនៃឆ្នាំ២០២៣នេះ ហើយតួលេខនេះធ្វើឱ្យឆ្នាំនេះ ក្លាយជាឆ្នាំដែលមានកំណត់ត្រាកុមារឆ្លងកាត់ព្រៃដ៏គ្រោះថ្នាក់មួយនេះច្រើនបំផុត។យ៉ាងហោចណាស់មានកុមារ និងក្មេងជំទង់ចំនួន២៩.០០០នាក់ បានឆ្លងកាត់ព្រៃដារៀន ក្នុងឆ្នាំ២០២១ និងកុមារចំនួន៤០.០០០នាក់បានធ្វើដំណើរឆ្លងកាត់ក្នុងឆ្នាំ២០២២។ ក្រុមអាជ្ញាធរអន្តោប្រវេសន៍របស់ប៉ាណាម៉ាបាននិយាយថា មានមនុស្សប្រហែល២៤៨.៩០១នាក់ បានឆ្លងកាត់ព្រៃនេះ រហូតដល់ថ្ងៃទី៣១ ខែកក្កដា ហើយកុមារ និងក្មេងជំទង់មានចំនួន២១ភាគរយនៃតួលេខនោះ។ ការធ្វើដំណើរចម្ងាយ៦០គីឡូម៉ែត្រ ឆ្លងកាត់ព្រៃដារៀន បានទាក់ទាញជនអន្តោប្រវេសន៍ទៅកាន់ប៉ាណាម៉ា ហើយជាផ្លូវដ៏សំខាន់សម្រាប់អ្នកដែលសង្ឃឹមថា នឹងទៅដល់សហរដ្ឋអាមេរិក និងកាណាដាផងដែរ៕

កូរ៉េខាងជើងបញ្ចេញនាវាមុជទឹកវាយប្រហារដោយនុយក្លេអ៊ែរតាកទិកថ្មីបែបកូរ៉េ និងបន្តព្រមានអាមេរិកពីគ្រោះថ្នាក់សង្គ្រាមនុយក្លេអ៊ែរ

កូរ៉េខាងជើង៖ ទីភ្នាក់ងារសារព័ត៌មានរដ្ឋកូរ៉េ (KCNA)បាននិយាយនៅថ្ងៃសុក្រនេះថា ប្រទេសកូរ៉េខាងជើងបាន បានបញ្ចេញនាវាមុជទឹកវាយប្រហារដោយនុយក្លេអ៊ែរតាកទិកថ្មីបែបកូរ៉េ កាលពីថ្ងៃពុធ ក្នុងអំឡុង ពិធីមួយចូលរួមដោយមេដឹកនាំប្រទេសនេះ គឺលោក Kim Jong Un ។ យោងតាមទីភ្នាក់ងារសារព័ត៌មាន KCNA លោក Kim បាននិយាយក្នុងអំឡុងពិធីនេះថា នាវាមុជទឹកថ្មីនេះ នឹងបំពេញបេសកកម្មប្រយុទ្ធរបស់ខ្លួនជាមធ្យោបាយវាយលុកក្រោមទឹកដ៏សំខាន់របស់កងកម្លាំងជើងទឹករបស់កូរ៉េខាងជើង។ ទីភ្នាក់ងារសារព័ត៌មានរបស់កូរ៉េខាងជើងដដែលនេះ បានរាយការណ៍ថា នាវាមុជទឹកដែលមានឈ្មោះថា "វីរបុរសគីម គុនអុក" (Hero Kim Kun Ok) នឹងប្រកាសពីការចាប់ផ្តើមនៃជំពូកថ្មីសម្រាប់ការពង្រឹងកម្លាំងទ័ពជើងទឹករបស់កូរ៉េខាងជើង ។លោក Kim បាននិយាយថា ពុំមានច្រកណាមួយត្រូវដើរថយក្រោយ ក្នុងការជំរុញលើការពង្រីកឧស្សាហកម្មសាងសង់នាវារបស់កងទ័ពជើងទឹកនោះទេ ព្រោះនេះជាកិច្ចការអាទិភាពកំពូលដែលត្រូវបំពេញដោយមិនត្រូវស្គាល់ពាក្យថាបរាជ័យជាដាច់ខាត។ ការប្រកាសនេះធ្វើឡើងបន្ទាប់ពីកូរ៉េខាងជើងបាននិយាយថាខ្លួនបានធ្វើសមយុទ្ធប្រដូចទៅនឹងការវាយប្រហារពិតៗដោយមីស៊ីលនុយក្លេអ៊ែរកាលពីចុងសប្តាហ៍ដើម្បីព្រមានសហរដ្ឋអាមេរិកពី គ្រោះថ្នាក់នៃសង្គ្រាមនុយក្លេអ៊ែរ។ប្រភពខាងលើ បានរាយការណ៍នៅពេលនោះថា សមយុទ្ធប្រដូចនឹងការពិតនេះគឺដើម្បីឆ្លើយតបទៅនឹងសមយុទ្ធយោធារួមគ្នាដែលធ្វើឡើងដោយសហរដ្ឋអាមេរិក និងកូរ៉េខាងត្បូងកាលពីដើមសប្តាហ៍នេះ។គួររម្លឹកថា សមយុទ្ធបាញ់គ្រាប់ពិតរបស់អាមេរិក និងកូរ៉េខាងត្បូង ដោយផ្អែកលើការវាយបកប្រឆាំងនឹងកងកម្លាំងឈ្លានពានបានចាប់ផ្តើមនៅថ្ងៃទី៣១ ខែសីហា៕

សេចក្ដីប្រកាសព័ត៌មាន៖ ជោគជ័យបេសកកម្មរបស់សម្ដេចធិបតី ហ៊ុន ម៉ាណែត ក្នុងកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធនៅឥណ្ឌូនេស៊ី

ភ្នំពេញ៖ អង្គភាពអ្នកនាំពាក្យរាជរដ្ឋាភិបាល បានចេញសេចក្ដីប្រកាសព័ត៌មាន ស្តីពីជោគជ័យ នៃបេសកកម្មរបស់ សម្ដេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា អញ្ជើញចូលរួមកិច្ចប្រជុំកំពូលអាស៊ានលើកទី៤៣ និងកិច្ចប្រជុំកំពូលពាក់ព័ន្ធ នៅរដ្ឋធានីហ្សាការតា សាធារណរដ្ឋឥណ្ឌូនេស៊ី ពីថ្ងៃទី៤ ដល់ថ្ងៃទី៧ ខែកញ្ញា ឆ្នាំ២០២៣៕

កម្ពុជាស្វាគមន៍ភាគីអូស្ត្រាលី ក្នុងការផ្ដល់សាស្ត្រាចារ្យឲ្យមកបង្រៀននិស្សិត ក្នុងវិស័យកសិកម្មនៅកម្ពុជា

ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទ បានបង្ហាញការស្វាគមន៍ជូនចំពោះភាគីអូស្ត្រាលី ក្នុងការផ្ដល់សាស្ត្រាចារ្យមកបង្រៀននិស្សិតកម្ពុជា ដើម្បីពង្រឹងសមត្ថភាពឱ្យកាន់តែប្រសើរ ក្នុងផ្នែកភាសានវានុវត្តន៍ និងបច្ចេកវិទ្យា ដើម្បីឆ្លើយតបតម្រូវការចាំបាច់របស់និស្សិតសិក្សាផ្នែកកសិកម្ម។ក្រសួងសិកម្ម រុក្ខាប្រមាញ់ និងនេសាទ នៅរសៀលថ្ងៃទី៧ កញ្ញា ឆ្នាំ២០២៣នេះ បានឲ្យដឹងថា ក្នុងជំនួបការងារ រវាងឯកឧត្តម ចាស្ទីន វ៉ាយអេត (Justin Whyatt) ឯកអគ្គរាជទូតវិសាមញ្ញ និងពេញសមត្ថភាពនៃស្ថានទូតអូស្ត្រាលីប្រចាំនៅកម្ពុជា ឯកឧត្តមរដ្ឋមន្រ្តី ឌិត ទីណា បានថ្លែងអំណរគុណចំពោះភាគីអូស្ត្រាលីដែលមានកិច្ចសហប្រតិបត្តិការល្អ ហើយបាននិងកំពុងបន្តចូលរួមគាំទ្រក្នុងការអភិវឌ្ឍវិស័យកសិកម្មនៅកម្ពុជា ជាពិសេសការអភិវឌ្ឍពូជស្រូវចំប៉ីស៧០។ ឯកឧត្តម បានបន្តថា ពូជស្រូវចំប៉ីស ៧០ គឺជាសក្ខីភាព នៃកិច្ចសហប្រតិបត្តិការដ៏ប្រសើរ រវាងកម្ពុជា និងអូស្ត្រាលីនៅក្នុងវិស័យកសិកម្ម។ ការងារទៅថ្ងៃមុខ គឺសិក្សាអំពីខ្សែច្រវាក់ផលិតកម្មនៃពូជស្រូវចំប៉ីស៧០ ដើម្បីធានាបាននូវទីផ្សារជាក់លាក់មួយសម្រាប់កសិករ ដែលផលិតពូជស្រូវនេះនាពេលអនាគត។ឯកឧត្តមរដ្ឋមន្ដ្រី បានជម្រាបជូនភ្ញៀវបន្ថែមថា នៅក្នុងអាណត្តិថ្មីនេះ រាជរដ្ឋាភិបាលកម្ពុជា បានដាក់ចេញនូវគោលនយោបាយអាទិភាពបន្ទាន់ចំនួន៦ ដែលក្នុងនោះក៏មានផងដែរ គោលនយោបាយទាក់ទងនឹងវិស័យកសិកម្មជាអាទិ៍ ការដាក់ ពង្រាយមន្ដ្រីកសិកម្មនៅតាមឃុំដែលមានសកម្មភាពកសិកម្ម ដើម្បីជួយដល់កសិករ និងការពង្រឹងសហគមន៍កសិកម្ម។ ទាក់ទងទៅនឹងការអភិវឌ្ឍធនធានមនុស្ស ឯកឧត្តម បានលើកឡើងពីតម្រូវការចាំបាច់របស់និស្សិតសិក្សាផ្នែកកសិកម្ម ដែលត្រូវការការពង្រឹងសមត្ថភាពឱ្យកាន់តែប្រសើរក្នុងផ្នែកភាសានវានុវត្តន៍ និងបច្ចេកវិទ្យា៕

ចិន និងឥណ្ឌូនេស៊ី ពិភាក្សាលើការបន្តគម្រោងផ្លូវរថភ្លើងល្បឿនលឿនរបស់ទីក្រុងហ្សាកាតា

រដ្ឋមន្រ្តីជាន់ខ្ពស់មួយរូបរបស់ឥណ្ឌូនេស៊ី បាននិយាយថា ចិន និងឥណ្ឌូនេស៊ី បានពិភាក្សាលើការបន្តគម្រោងផ្លូវរថភ្លើងល្បឿនលឿនផ្តល់មូលនិធិរាប់ពាន់លានដុល្លារដោយទីក្រុងប៉េកាំង ក្រោយនាយករដ្ឋមន្រ្តីចិនលោក Li Qiang (លី ឈៀង) ឡើងជិះរថភ្លើងល្បឿនលឿន អំឡុងពេលរត់សាកល្បងកាលពីថ្ងៃពុធ ។ លោក Luhut Pandjaitan គឺជារដ្ឋមន្រ្តីសម្របសម្រួលទទួលបន្ទុកកិច្ចការសមុទ្រ និងការវិនិយោគទុន និយាយប្រាប់ក្រុមអ្នកសារព័ត៌មានថា ផ្លូវរថភ្លើងល្បឿនលឿនចម្ងាយ ១៤២គ.ម បច្ចុប្បន្នតភ្ជាប់រដ្ឋធានីហ្សាកាតា ទៅកាន់ទីក្រុងបានឌុង ។ គម្រោងបន្តផ្លូវរថភ្លើងល្បឿនលឿនទៅកាន់ទីក្រុងធំបំផុតទី ២ ស៊ូរ៉ាបាយ៉ា របស់ប្រទេសឥណ្ឌូនេស៊ី ដែលមានចម្ងាយជាង ៧០០គ.មនៅទូទាំងកោះជ្វា ត្រូវបានពិភាក្សាជាមួយលោក Li ហើយនាយករដ្ឋមន្រ្តីចិនរូបនេះ បានបង្ហាញការគាំទ្រ ។ លោក Li និងលោក Luhut បានធ្វើតេស្តរថភ្លើងល្បឿនលឿន លើផ្លូវចម្ងាយជិតពីទីក្រុងហ្សាកាតា ទៅកាន់តំបន់ជាយក្រុងទីក្រុងមួយនេះ ។ គួរឲ្យដឹងថា គម្រោងផ្លូវរថភ្លើងល្បឿនលឿនតម្លៃ ៧,៣ពាន់លានដុល្លារ របស់ប្រនាធិបតីឥណ្ឌូនេស៊ីលោក ចូកូ វីដូដូ ដែលជាផ្នែកមួយនៃគម្រោងផ្លូវមួយ ក្រវាត់មួយរបស់ចិន បានជួបបញ្ហាជាច្រើន ចាប់ពីបញ្ហាលទ្ធកម្មដីធ្លី ការពន្យាពេលការសាងសង់ដោយសារជំងឺ COVID-19 ហើយនិងការចំណាយលើសគម្រោង ៕

ភ្ញៀវទេសចរទៅកម្សាន្តលេងនៅទីក្រុងវ៉ាស៊ីងតោន លែងឃើញមានមនុស្សច្រើនកុះករដោយសារតែរលកកម្តៅ

ភ្ញៀវទេសចរដែលបានធ្វើដំណើរទៅកម្សាន្តលេងនៅទីក្រុងវ៉ាស៊ីងតោន សហរដ្ឋអាមេរិក កាលពីថ្ងៃពុធ និយាយថា ពួកគេពុំបានធ្វើដំណើរទៅកាន់បូជនីយដ្ឋានដ៏ពេញនិយមបំផុតនៅក្នុងប្រទេសមួយនេះទេ ដោយសារហេតុផលមួយ គឺរលកកម្តៅពេលដែលសីតុណ្ហភាពកើនឡើងដល់ ៣៨អង្សាសេនៅក្នុងសប្តាហ៍នេះ ។ អ្នកស្រី Theresa Statz គឺជាអ្នកស្រុកមកពីរដ្ឋ Minnesota និយាយថា ដើរលេងនៅទីនេះ ដូចជាដើរលេងក្នុងអណ្តាតភ្លើង ។ កាលពីថ្ងៃម្សិលមិញ ព្រះអាទិត្យរះគ្មានស្រទុំដោយគ្មានពពកមួយដុំ ហើយសូម្បីតែនៅក្នុងម្លប់ក៏ក្តៅដែរ ។ ចំណែកអ្នកស្រី Lindsey Tincher ដែលមកពីរដ្ឋ Minnesota ផងដែរនោះ និយាយថា វាពិតជាក្តៅខ្លាំងណាស់ ។ ក្មេងៗបានសុំទិញការ៉េម ហើយពួកយើងត្រូវការទឹកច្រើន ។ អ្នកស្រី Tincher និងប្តី Daniel របស់គាត់ សង្ឃឹមថានឹងបង្ហាញវិមាន Lincoln Memorial ដល់កូនៗរបស់ពួកគេ ។ អ្នកស្រីនិយាយថា ខ្ញុំមិនប្រាកដនោះទេថាតើពួកយើងនឹងធ្វើដំណើរទៅកាន់វិមាន Lincoln Memorial ដែរឬអត់ ។ ពួកយើងស្នាក់នៅច្រើននៅក្នុងសារមន្ទីរដែលមានម៉ាស៊ីនត្រជាក់ ។ អង្គុយនៅលើបង់ជិតផ្សារទំនើបជាតិ អ្នកនាង Statz និងមិត្តប្រុស Kyle Haight-Nali របស់នាង កំពុងមើលផែនទី ដើម្បីស្វែងរកមើលថាតើកន្លែងណាដែលអាចគេចផុតពីកម្តៅ ។ ពួកគេមានគម្រោងធ្វើដំណើរទៅកាន់ទីក្រុងវ៉ាស៊ីងតោន ប៉ុន្តែស្ថានភាពអាកាសធាតុពុំអំណោយផលទាល់តែសោះ ។ សូមបញ្ជាក់ថា ទីក្រុងវ៉ាស៊ីងតោន បានបើកតំបន់ម៉ាស៊ីនត្រជាក់ជាច្រើនកន្លែង ដែលគេស្គាល់ថាជាមជ្ឈមណ្ឌត្រជាក់ ដើម្បីឆ្លើយតបនឹងអាកាសធាតុក្តៅខុសរដូវនេះ ៕

អាស៊ានមានការព្រួយបារម្ភជុំវិញទំនាក់ទំនងចិន-អាមេរិក ខណៈភាពតានតឹងអាចបញ្ឆេះអរិភាព

នាយករដ្ឋមន្ត្រីសិង្ហបុរី លោក Lee Hsien Loong បាននិយាយកាលពីថ្ងៃពុធថា អាស៊ីអាគ្នេយ៍ កំពុងតាមដានដំណើរនៃទំនាក់ទំនងអាមេរិក-ចិន ដោយមានការព្រួយបារម្ភខ្លាំង ខណៈភាពតានតឹងរវាងប្រទេសទាំងពីរ អាចបញ្ឆេះអរិភាពដែលមានស្រាប់យ៉ាងងាយស្រួលនៅក្នុងតំបន់។លោកនាយករដ្ឋមន្ត្រី Lee បានព្រមានថាប្រសិនបើរឿងនេះកើតឡើង សន្តិភាព វិបុលភាព និងស្ថិរភាព ដែលមានមករាប់ទសវត្សរ៍មកហើយនោះ អាចត្រូវបានបំផ្លាញ។និយាយនៅក្នុងកិច្ចប្រជុំរវាងមេដឹកនាំប្លុកនិងនាយករដ្ឋមន្ត្រីចិន លោក Li Qiang លោកនាយករដ្ឋមន្ត្រី Lee បាននិយាយថាវាពិតជាសំខាន់សម្រាប់ទាំងប្រទេសចិន និងសហរដ្ឋអាមេរិកដើម្បីបន្តការពិភាគ្សាគ្នា កសាងទំនុកចិត្តជាយុទ្ធសាស្ត្រនៅគ្រប់កម្រិតទាំងអស់ ហើយព្យាយាមស្វែងរកកិច្ចសហប្រតិបត្តិការកាន់តែធំធេង។ ទាំងសហរដ្ឋអាមេរិកនិងប្រទេសចិនចាំបាច់ត្រូវបង្ហាញភាពជាអ្នកដឹកនាំដើម្បីដោះស្រាយបញ្ហាសកលទាំងមូលជាបន្តបន្ទាប់ ដែលប៉ះពាល់ដល់យើងទាំងអស់គ្នា។មេដឹកនាំអាស៊ាន កំពុងស្ថិតនៅក្នុងរដ្ឋធានីរបស់ប្រទេសឥណ្ឌូនេស៊ីដើម្បីចូលរួមកិច្ចប្រជុំកំពូលអាស៊ាន លើកទី៤៣ និងកិច្ចប្រជុំពាក់ព័ន្ធនានា ជាកន្លែងដែលមេដឹកនាំនឹងមានកិច្ចពិភាក្សាជាមួយដៃគូផ្ទៃក្នុង។ នៅក្នុងកិច្ចប្រជុំដែលមេដឹកនាំប្លុកមានការជួបជាមួយអនុប្រធានាធិបតីអាមេរិក លោកស្រី Kamala Harris លោកនាយករដ្ឋមន្ត្រី Lee បាននិយាយជាថ្មីថាទំនាក់ទំនងចិន-អាមេរិក គឺជាការព្រួយបារម្ភយូរអង្វែងសម្រាប់តំបន់នេះ។

លោក Zelenskyy ជួបលោក Blinken ខណៈអាមេរិកប្រកាសផ្តល់ជំនួយថ្មីដល់អ៊ុយក្រែន

ប្រធានាធិបតីអ៊ុយក្រែនលោក Volodymyr Zelenskiy បានជួបជាមួយរដ្ឋមន្ត្រីការបរទេសសហរដ្ឋអាមេរិក លោក Antony Blinken នៅក្នុងទីក្រុងគីវកាលពីថ្ងៃពុធដោយបានអនុម័តនូវសារមួយថ្លែងអំណរគុណសម្រាប់ការគាំទ្ររបស់សហរដ្ឋអាមេរិកនៅអ៊ុយក្រែន។ អំឡុងជំនួប លោក Zelenskyy បានថ្លែងអំណរគុណដល់ប្រធានាធិបតីសហរដ្ឋអាមេរិក លោក Joe Biden និងជំនួយដែលបានទទួលក្នុងវិស័យថាមពលមុនពេលរដូវរងារ។ លោក Blinken គឺជាមន្ត្រីសហរដ្ឋអាមេរិកជាន់ខ្ពស់ដំបូងគេដែលធ្វើទស្សនកិច្ចនៅទីក្រុងគីវ ចាប់តាំងពីការវាយបកបានចាប់ផ្តើមកាលពីដើមខែមិថុនា និងបានចាត់ទុកភាពរីកចម្រើននៃការវាយបក ថា គួឲ្យចាប់អារម្មណ៍។ លោកបានធានាដល់លោក Zelenskyyលើការគាំទ្រប្រទេសនេះ ក្នុងការផ្តល់ជំនួយរយៈពេលវែងដើម្បីកសាងអ៊ុយក្រែនឲ្យរឹងមាំ។លោក Antony Blinken បានប្រកាសការផ្តល់ជំនួយថ្មីដល់អ៊ុយក្រែនដែលមានចំនួនសរុបជាង១ពាន់លានដុល្លារក្នុងដំណើរទស្សនកិច្ចទៅកាន់ទីក្រុងគីវ រួមមានទាំងជំនួយ៦៦៥លានដុល្លារជាជំនួយសន្តិសុខស៊ីវិល និងយោធាថ្មី និងរាប់លានដុល្លារទៀតក្នុងការគាំទ្រសម្រាប់ការការពារដែនអាកាសរបស់អ៊ុយក្រែន និងវិស័យដ៏ទៃទៀត។ លោក Bliken និយាយថា អ៊ុយក្រែនបានធ្វើឲ្យមានការីកចម្រើនដ៏សំខាន់ក្នុងការវាយបករបស់ខ្លួនលើការឈ្លានពានរបស់រុស្ស៊ី អំឡុងទស្សនកិច្ច ដែលលុបលើការវាយប្រហាររបស់រុស្ស៊ីបណ្តាលឲ្យមនុស្សយ៉ាងហោចណាស់១៧នាក់ស្លាប់។

ចិនបង្កើនទំនុកចិត្តនយោបាយជាមួយវៀតណាម មុនដំណើរទស្សនកិច្ចរបស់លោកបៃដិន

ប្រទេសចិន បានបញ្ជូនមន្ត្រីជាន់ខ្ពស់មួយរូបទៅកាន់ប្រទេសវៀតណាម ដើម្បីបង្កើន «ទំនុកចិត្តផ្នែកនយោបាយ» រវាងប្រទេសទាំងពីរ មុនពេលដំណើរទស្សនកិច្ចដែលបានគ្រោងទុករបស់ប្រធានាធិបតីអាមេរិក លោកចូ បែដិន ដែលរៀបចំឡើងដើម្បីជំរុញទំនាក់ទំនងការទូតរវាងទីក្រុងវ៉ាស៊ីនតោន និងទីក្រុងហាណូយ។ ទីភ្នាក់ងារព័ត៌មានចិន ស៊ីនហ័រ បានរាយការណ៍ថា ប្រធាននាយកដ្ឋានអន្តរជាតិនៃបក្សកុម្មុយនិស្តចិន លោក Liu Jianchao (លីវ ជានឆាវ) បានជួបជាមួយមេដឹកនាំបក្សកុម្មុយនិស្តដែលកំពុងកាន់អំណាចរបស់វៀតណាម លោក Nguyen Phu Trong (ង្វៀន ភូទ្រុង) ។សារព័ត៌មាន ស៊ីនហ័រ បាននិយាយថា ក្នុងអំឡុងពេលដំណើរទស្សនកិច្ចរយៈពេលបីថ្ងៃដែលបានបញ្ចប់កាលពីថ្ងៃពុធ លោក លីវ ក៏បានពិភាក្សាជាមួយសមភាគីវៀតណាមរបស់ខ្លួន និងបានជួបជាមួយក្រុមសារព័ត៌មាន និងប្រព័ន្ធផ្សព្វផ្សាយនៅក្នុងប្រទេសវៀតណាមផងដែរ។ ភាគីទាំងពីរបាននិយាយថា ពួកគេបានយល់ព្រមពង្រឹងការជឿទុកចិត្តគ្នាខាងនយោបាយ និងបង្កើនកិច្ចសហប្រតិបត្តិការក្នុងការជួបបញ្ហាប្រឈមនានា។លោក បៃដិន នឹងត្រូវទៅធ្វើនៅប្រទេសវៀតណាមនៅថ្ងៃអាទិត្យខាងមុខនេះ សម្រាប់ដំណើរទស្សនកិច្ចមួយដែលត្រូវបានគេរំពឹងថា នឹងមានលទ្ធផលក្នុងការពង្រឹងទំនាក់ទំនងទ្វេភាគី ដោយទាញវៀតណាមឱ្យឃ្លាតឆ្ងាយពីគន្លងនៃប្រទេសជិតខាងអាស៊ីដ៏ធំរបស់ខ្លួន។ លោក បៃដិន បាននិយាយថា ដំណើរទស្សនកិច្ចនៅវៀតណាមរបស់លោក មានគោលបំណងលើកកម្ពស់ទំនាក់ទំនងរវាងប្រទេសទាំងពីរ និងធ្វើឱ្យសហរដ្ឋអាមេរិកក្លាយជាដៃគូដ៏សំខាន់សម្រាប់វៀតណាមផងដែរ៕

បណ្ដាញសង្គម

ព័ត៌មានថ្មីៗ

សម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ចាត់តំណាងនាំយកទេយ្យវត្ថុ និងបច្ច័យ ថ្វាយប្រគេនសម្ដេចព្រះមហាសង្ឃរាជ នន្ទ ង៉ែត

ករណីនាំសាច់បង្កកមកពីថៃជាង២០០តោន : តំណាងអយ្យការចោទប្រកាន់ជនសង្ស័យ ២នាក់

ក្រសួងបរិស្ថានគាំទ្រសហគមន៍តំបន់ការពារធម្មជាតិនៅកម្ពុជា ចូលរួមការពារនិងអភិរក្សធនធានធម្មជាតិ និងលើកកម្ពស់ជីវភាពប្រជាពលរដ្ឋនៅតាមសហគមន៍

អ៊ីរ៉ង់៖ បុណ្យសពអតីតមេដឹកនាំកំពូល នឹងចាប់ផ្តើមនៅថ្ងៃទី ៤ ខែកក្កដា ហើយបញ្ចប់ជាមួយការបញ្ចុះសពនៅថ្ងៃទី ៩ខែកក្កដា

សហគមន៍ទុរេនបែកអន្លូង ស្រុកស្ទឹងត្រង់បានចុះបញ្ជីម៉ាកសមូហភាព និងមាន QR Code ត្រឹមត្រូវ

ស.ស.យ.ក បន្តចុះអប់រំនិស្យិតដោយផ្សារភ្ជាប់ព្រះពុទ្ធសាសនាទៅនឹងការរស់នៅថ្លៃថ្នូរ

សមាគមអតីតយុទ្ធជន កំពង់ឆ្នាំង ប្រគល់ថវិកាបេឡាមរណៈសង្គ្រោះ ១២លានរៀល ជូនសមាជិក ៣គ្រួសារ

សំណុំរឿងសាច់បង្កកជាង ២០០តោន នាំមកពីថៃចូលដល់ដៃតុលាការហើយ

ការខូចខាតធ្ងន់ធ្ងរ បានកើតឡើងនៅទីក្រុងភាគខាងត្បូង Tyre ប្រទេសលីបង់ ក្រោយការវាយប្រហាររបស់អ៊ីស្រាអែល

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍