នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ​ និង ការអភិវឌ្ឍន៍

លោក Biden ប្រកាសពីគ្រោះមន្តរាយធ្ងន់ធ្ងរសម្រាប់រដ្ឋ Florida ក្រោយការវាយប្រហារពីព្យុះសង្ឃរាអ៊ីដាលីយ៉ា

2023/09/01 09:00:01 am        128
Facebook Telegram Linkin
អាមេរិក៖ លោកប្រធានាធិបតី Joe Biden បាននិយាយកាលពីថ្ងៃព្រហស្បតិ៍ថា លោកនឹងទៅកាន់រដ្ឋ Florida នៅព្រឹកថ្ងៃសៅរ៍ស្អែកនេះ បន្ទាប់ពីព្យុះសង្ឃរាអ៊ីដាលីយ៉ា (Idalia) វាយប្រហាររដ្ឋនេះ កាលពីដើមសប្ដាហ៍នេះដែលបានឆក់យកជីវិតមនុស្ស៣នាក់។ លោក Biden បានបញ្ជាក់ថា ខ្ញុំនឹងទៅកាន់រដ្ឋ Florida នៅព្រឹកថ្ងៃសៅរ៍ស្អែកនេះ  បន្ទាប់ពីបានធ្វើអត្ថាធិប្បាយក្នុងសន្និសីទសារព័ត៌មានខ្លី នៅទីស្នាក់ការទីភ្នាក់គ្រប់គ្រងគ្រោះមហន្តរាយអាគ្រាអាសន្នសហព័ន្ធ បន្ទាប់ពីថ្លែងអំណរគុណសម្រាប់ការងារឆ្លើយតបនឹងព្យុះនេះ ។ ទីប្រឹក្សាសន្តិសុខមាតុភូមិរបស់សេតវិមាន លោកស្រី លីស ហ្សឺវ៉ូដរ៉ានដាល (Liz Sherwood-Randall) បានប្រាប់ក្រុមអ្នកយកសារព័ត៌មាននៅសេតវិមាន កាលពីថ្ងៃព្រហ្បតិ៍ថា លោក Biden នឹងទៅពិនិត្យមើលស្ថានភាពក្នុងតំបន់នានាដែលរងគ្រោះខ្លាំងបំផុតដោយសារព្យុះសង្ឃរានេះ។ ព្យុះសង្ឃរាអ៊ីដាលីយ៉ា បានបោកបក់មកដល់ដីគោកក្នុងរដ្ឋ Florida កាលពីព្រឹកថ្ងៃពុធ ជាព្យុះដ៏មានឥទ្ធិពលកម្រិតទី៣ និងបានចុះកម្លាំងក្លាយជាព្យុះត្រូពិក ខណៈបោកបក់ទៅកាន់តំន់ឆ្នេរខាងកើត បណ្ដាលឲ្យមានទឹកជំនន់ បំផ្លិចបំផ្លាញទ្រព្យសម្បត្តិ និងកាត់ផ្ដាច់ចរន្តអគ្គិសនីទូទាំងរដ្ឋ Florida, Georgia និង South Carolina។ ដំណឹងនៃដំណើរនេះ បានកើតមានឡើង ប៉ុន្មានម៉ោង ក្រោយលោក Biden បានអនុម័តជាផ្លូវការនូវការប្រកាសគ្រោះមន្តរាយដ៏ធ្ងន់ធ្ងរសម្រាប់រដ្ឋនេះ ។លោក Biden បានពិភាក្សាជាមួយអភិបាលរដ្ឋ នេះលោក Ron DeSantis តាមទូរស័ព្ទ កាលពីថ្ងៃព្រឹកថ្ងៃព្រហស្បតិ៍ដើម្បីជូនដំណឹងលោកអំពីសេចក្ដីប្រកាសនេះ៕

របបសឹកនីហ្សេ បញ្ជាឲ្យនគរបាលបណ្ដេញឯកអគ្គរដ្ឋទូតបារាំងចេញពីប្រទេស

2023/09/01 08:57:52 am        110
Facebook Telegram Linkin
នីហ្សេ៖ របបសឹកដែលកំពុងកាន់អំណាចរបស់ប្រទេសនីហ្សេ បានបញ្ជាឱ្យនគរបាលបណ្តេញឯកអគ្គរដ្ឋទូតបារាំង ដែលជាទង្វើមួយបង្ហាញពីការធ្លាក់ចុះនៃទំនាក់ទំនងរវាងប្រទេសទាំងពីរ ហើយក្រុមអាជ្ញាធរនៅទីក្រុងប៉ារីសបាននិយាយថា ក្រុមមន្រ្តីកងទ័ពដែលបានដណ្តើមអំណាចនៅរដ្ឋធានីនីញ៉ាមេ កាលពីខែមុនមិនមានអំណាចធ្វើរឿងបែបនេះនោះទេ។ក្រុមមេដឹកនាំនៃរដ្ឋប្រហារនោះ កំពុងធ្វើតាមយុទ្ធសាស្ត្ររបស់បណ្ដារបបសឹកនៅក្នុងប្រទេសជិតខាងម៉ាលី និងបួរគីណាហ្វាសូ ក្នុងការរក្សាគម្លាតពីអតីតមហាអំណាចអាណានិគមក្នុងតំបន់ ស្របពេលមានរលកនៃមនោសញ្ចេតនាប្រឆាំងនឹងបារាំង។របបសឹកនោះបាននិយាយនៅក្នុងសេចក្តីថ្លែងការណ៍មួយចុះថ្ងៃទី២៩ ខែសីហា ហើយបានបញ្ជាក់តាមការអនុញ្ញាតកាលពីថ្ងៃព្រហស្បតិ៍ (៣១សីហា) ដោយប្រមុខទំនាក់ទំនងរបស់ខ្លួនថា ទិដ្ឋាការរបស់ឯកអគ្គរដ្ឋទូតបារាំង លោក Sylvain Itte និងក្រុមគ្រួសាររបស់លោក ត្រូវបានលុបចោល ហើយនគរបាលត្រូវបានណែនាំអោយបណ្តេញបេសកជននេះចេញពីប្រទេស។ ក្រុមអ្នកធ្វើរដ្ឋប្រហារកាលពីថ្ងៃសុក្រសប្តាហ៍មុនបានបញ្ជាឱ្យលោក Itte ចាកចេញពីប្រទេសក្នុងរយៈពេល៤៨ម៉ោង ដើម្បីឆ្លើយតបទៅនឹងអ្វីដែលពួកគេហៅថាសកម្មភាពរបស់ប្រទេសបារាំង «ដែលផ្ទុយនឹងផលប្រយោជន៍របស់នីហ្សេ»។ រដ្ឋប្រហារនីហ្សេ ត្រូវបានថ្កោលទោសដោយក្រុមអាជ្ញាធរអាហ្វ្រិកក្នុងតំបន់ និងបណ្ដាប្រទេសលោកខាងលិចជាច្រើនទៀត។ ស្ថាប័នប្រចាំតំបន់របស់អាហ្វ្រិកខាងលិច ECOWAS ក៏បានដាក់ទណ្ឌកម្មលើប្រទេសនីហ្សេ នេះផងដែរ៕

ឯកឧត្តម ហ៊ុន ម៉ាណែត៖ គោលនយោបាយធំបំផុតរបស់រាជរដ្ឋាភិបាលអាណត្តិទី៧នេះ គឺបម្រើផលប្រយោជន៍ប្រជាជន

2023/09/01 08:37:19 am        159
Facebook Telegram Linkin
កណ្ដាល៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានថ្លែងថា គោនយោបាយធំបំផុតរបស់រាជរដ្ឋាភិបាលនីតិកាលទី៧នេះ គឺបម្រើផលប្រយោជន៍របស់បងប្អូនប្រជាពលរដ្ឋ ហើយខិតខិតខំធ្វើយ៉ាងស្វែងរក ការងារ ជូនដល់ពលរដ្ឋគ្រប់ស្រទាប់ទាំងអស់នៅទូទាំងប្រទេស។ថ្លែងក្នុងឱកាសអញ្ជើញជួបសំណេះសំណាលជាមួយកម្មករ និយោជិតតាមរោងចក្រសហគ្រាស នៅក្រុងតាខ្មៅ ខេត្តកណ្តាល នាព្រឹកថ្ងៃទី១ ខៃកញ្ញា ឆ្នាំ២០២៣នេះ ឯកឧត្តមបណ្ឌិត ហ៊ុន ម៉ាណែត បានបញ្ជាក់ថា គោលនយោបាយរបស់រាជរដ្ឋាភិបាលគឺធំបំផុត​យកប្រជាពលរដ្ឋ​ក្នុងការបម្រើ និងបន្តធ្វើយ៉ាងណាជួយពង្រឹងសេដ្ឋកិច្ច តាមរយៈការជំរុញកំណើនសេដ្ឋកិច្ចជាតិ បង្កើតការងារឱ្យកាន់តែច្រើន លើកកម្ពស់សមធម៌សង្គម ដោយចែកផលលាភ​ដល់ដៃប្រជាជន​ប្រកបដោយចីរភាព និងនិរន្តរភាព។ជាមួយគ្នានោះដែរ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត​ បានអះអាងថា ដ៏រាប ណារាជរដ្ឋាភិបាល​ដឹកនាំដោយគណបក្សប្រជាជនកម្ពុជា ​គឺនៅក្បែរ, ការពារ, និងបម្រើដល់​បងប្អូនប្រជាពលរដ្ឋជានិច្ច​ ដូច្នេះសូមបងប្អូនកម្មករ-កម្មការិនីទាំងអស់​គប្បី​បន្តធ្វើការជឿជាក់មកលើរាជរដ្ឋាភិបាល ​ដែលដឹកនាំដោយណបក្សប្រជាជនកម្ពុជាបន្តទៀត៕អត្ថបទបាន ចក់

មនុស្សជាង៧០នាក់ស្លាប់រួមទាំងកុមារ១២នាក់ ក្នុងគ្រោះអគ្គិភ័យដ៏ធំបំផុតក្នុងប្រវត្តិសាស្ត្ររបស់អាហ្វ្រិកខាងត្បូង

2023/09/01 08:34:42 am        80
Facebook Telegram Linkin
អាហ្វ្រិកខាងត្បូង៖ មនុស្សជាង៧០នាក់បានស្លាប់នៅពាក់កណ្ដាលអាធ្រាត្រ នៅពេលអគ្គិភ័យបានឆាបឆេះទូទាំងអគារលំនៅឋានកម្ពស់៥ជាន់ ក្នុងទីក្រុងចូហានណេស្បើក(Johannesburg) មួយក្នុងចំណោមគ្រោះមហន្តរាយធ្ងន់ធ្ងរបំផុតជាច្រើន ក្នុងទីក្រុងនេះ ជាទីដែលភាពក្រីក្រ អគ្គិភ័យឆាបឆេះលំនៅឋាន និងមនុស្សគ្មានផ្ទះសម្បែងរស់នៅ កាន់តែច្រើនឡើងកុមារចំនួន១២នាក់ ស្ថិតក្នុងចំណោមជនរងគ្រោះ៧៤នាក់ ក្នុងសោកនាដកម្មអាក្រក់បំផុត ក្នុងប្រវត្តិសាស្ត្ររបស់ប្រទេសអាមេរិកកណ្ដាលមួយនេះ ។អគារនេះត្រូវបានរងការបំផ្លិចបំផ្លាញ ដោយហ៊ុមពទ្ធទៅដោយស្នាមដុតរោលពណ៌ខ្មៅ និងនៅតែមានក្លិនស្អុយកាលពីថ្ងៃព្រហស្បតិ៍ ខណៈដែលសេវាសង្គ្រោះបន្ទាន់បានប្រមូលផ្តុំគ្នាជុំវិញអគារនេះ ហើយសាកសពត្រូវបានដាក់គ្របដោយភួយនៅលើផ្លូវក្បែរនោះ។ ប្លុកនេះជាកម្មសិទ្ធិរបស់អាជ្ញាធរក្រុង  រយៈពេលជាង១២ ម៉ោងបន្ទាប់ពីការឆាបឆេះនោះ នៅតែមិនអាចផ្តល់រូបភាពច្បាស់លាស់ថាអ្នកណាខ្លះបានរស់នៅទីនោះ។ មន្ត្រីម្នាក់បាននិយាយថា បន្ទប់មួយចំនួនប្រហែលជាត្រូវបានជួលដោយក្រុមឧក្រិដ្ឋជននៅក្នុងអគារដែលគេហៅថា "អគារដែលគេប្លន់យក"។លោកប្រធានាធិបតី ស៊ីរៀល រ៉ាម៉ាផូហ្សា(Cyril Ramaphosa said) បាននិយាយថាលោកសង្ឃឹមថាការស៊ើបអង្កេតដែលនៅតែបន្តក្នុងការរកមូលហេតុនៃអគ្គិភ័យនេះ នឹងជួយទប់ស្កាត់សោកនាដកម្មស្រដៀងគ្នានេះ កុំឲ្យកើតឡើងទៀត។  អគ្គិភ័យលើលំនៅឋានតែងកើតមានជាធ្មតា នៅក្នុងរដ្ឋធានីចូហានណេស្បើក ពិសេសក្នុងតំបន់ក្រីក្រ ។មួយក្នុងចំណោមទីក្រុងក្រីក្របំផុតជាច្រើន គឺទីក្រុងអាឡេចសានដ្រា(Alexandra) បានមើលឃើញលំនៅឋានរាប់រយខ្នងត្រូវបានអគ្គិភ័យឆាបឆេះជាច្រើនលើកកាលពីជាង៥ឆ្នាំកន្លងទៅ៕

ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត អញ្ជើញសំណេះសំណាលជាមួយកម្មករ និយោជិតតាមរោងចក្រសហគ្រាស នៅក្រុងតាខ្មៅ ខេត្តកណ្តាល

2023/09/01 07:44:18 am        102
Facebook Telegram Linkin
កណ្តាល៖ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បានអញ្ជើញសំណេះសំណាលជាមួយកម្មករ និយោជិត តាមរោងចក្រ សហគ្រាស នៅក្រុងតាខ្មៅ ខេត្តកណ្តាល នៅព្រឹកថ្ងៃទី០១ ខែកញ្ញា ឆ្នាំ២០២៣។

អ្នកសារព័ត៌មានរៀនការពារខ្លួនពីការវាយប្រហារ ឬបោកប្រាស់តាមបណ្តាញសង្គម

2023/09/01 07:31:21 am        129
Facebook Telegram Linkin
អ្នកសារព័ត៌មានជិត១០០នាក់បានរៀនពីរបៀបការពារខ្លួនពីការវាយប្រហារ ការគំរាមគំហែងតាមអ៊ីនធឺណិត និងការបោកប្រាស់តាមបណ្តាញសង្គមដែលកំពុងកើតឡើងនៅជុំវិញពិភពលោក។លោក ពុយ គា ប្រធានក្លិបអ្នកកាសែតកម្ពុជា បានថ្លែងនៅឯពិធីប្រគល់វិញ្ញាបនប័ត្រ នាល្ងាចថ្ងៃព្រហស្បត៌នេះថា “នេះជាវគ្គ បណ្តុះ បណ្តាលសម្រាប់អ្នកសារ ព័ត៌មាន លើកទី២ហើយក្នុងរយៈពេលពីរខែ លើប្រធានបទ “ការប្រើប្រាស់ ប្រព័ន្ធទំនាក់ទំនងសង្គមប្រកប ដោយប្រសិទ្ធភាពនិងសុវត្ថិភាព” ដោយផ្តោសំខាន់ទៅលើ “ហានិភ័យថ្មីៗ និងការគំរាមគំហែង តាមអ៊ីនធឺណិត, ចេះការពារសុវត្ថិភាពក្នុងការប្រើប្រាស់អ៊ីនធឺណិត/ អ៊ីមែល និង បណ្ដាញ ព័ត៌មានសង្គម, ចេះការពារឯកជនភាព និងទិន្នន័យផ្ទាល់ខ្លួន និងចេះកាពារខ្លួនពីការវាយប្រហារ ឬបោកប្រាស់តាមអនឡាញ”។វគ្គបណ្តុះបណ្តាលខាងលើត្រូវបានក្រសួងប្រៃសណីយ៍ និងទូរគមនាគមន៍ជាអ្នកផ្តល់ទីកន្លែង និងផ្តល់គ្រូឧទ្ទរសនាមជំនាញៗ ដើម្បីធានាថា ក្រោយសិក្សាចប់នឹងយកទៅអនុវត្តបានដោយប្រសិទ្ធភាព។លោក ពុយ គា បានថ្លែងថា “អ្នកសារព័ត៌មានប្រៀបបាននឹងកងទ័ពជួរមុខមួយ​ក្នុងការប្រើប្រាស់​បញ្តាញសង្គម ដូច្នេះអ្នកសារព័ត៌មានត្រូវមានចំណេះដឹងបន្ថែមក្នុងការការពារខ្លួន”។ក្រៅពីជំនាញខាងលើ អ្នក សារ ព័ត៌មានក៏ត្រូវបានបំប៉ន បន្ថែមលើចំណេះដឹងក្នុងការប្រើប្រាស់​កម្មវិធីថត កាត់ត វីដេអូ តាមទូរស័ព្ទដៃ ការEditរូបថត ដាក់ក្រេឌីតលើរូបថតដោយប្រើទូរស័ព្ទដៃ និងការប្រើប្រាស់បណ្តាញទំនាក់ទំនងសង្គម ( Messenger, Telegram, What's App ) ។ល។លោក ពុយ គា បានវាយតម្លៃខ្ពស់ទៅលើក្រសួង ប្រៃសណីយ៍ និង ទូរគមនាគមន៍ ដែលលោកប្រៀប​ប្រដូចក្រសួងមួយនេះទៅនឹង “កូនក្រមុំដ៏ស្អាត” ដែលស្ថាប័នណាក៏ត្រូវ​ការចង់នែបនិត្យជាមួយ ក្នុងការប្រតិបត្តិការងារឱ្យលឿនរហ័ស និងប្រកប​ដោយសុវត្ថិភាពនាសម័យឌីជីថល។ដោយឡែកលោក លីវ សុផាណារិទ្ធិ រដ្ឋលេខាធិការក្រសួងប្រៃសណីយ៍ និង ទូរគមនាគមន៍ បានថ្លែងថា “បច្ចេកវិទ្យាឌីជីថលចេះតែជឿនលឿនពីមួយថ្ងៃទៅមួយថ្ងៃ ដែលជាកត្តាចំបង តម្រូវឱ្យអង្គភាព ស្ថាប័ននានា ជាពិសេសបុគ្គលខ្លួនឯងតែម្តង ត្រូវចាប់យកបច្ចេកវិទ្យាឌីជីថល​ជាការចំបាច់ក្នុងជីវភាពការងារ និងការរស់នៅប្រចាំថ្ងៃ និងបន្តការយល់ដឹងបន្ថែម បើមិនដូច្នេះទេអ្វីដែលយើងចេះពីប៉ុន្មានឆ្នាំមុន ត្រូវបាត់បង់ទាំងអស់!”។លោក សុផាណារិទ្ធិ បានបន្ថែមទៀតថា “ក្រសួងប្រៃសណីយ៍និងទូរគមនាគមន៍បាន និង​កំពុងខិតខំរៀបចំវគ្គបណ្តុះបណ្តាលជាច្រើន ដើម្បីបញ្ជ្រាបការយល់ដឹងអំពីការប្រើប្រាស់​បច្ចេកវិទ្យា និងផលប៉ះពាល់នានា ដែលកំពុងមានការគំរាមកំហែង និងហានិភ័យថ្មីៗនៅ​លើប្រព័ន្ធអ៊ីនធឺណិតដល់មន្រ្តីរាជការ នៅតាមស្ថាប័ននានា ក៍ដូចជាកម្មវិធីសិក្សាជាច្រើន​រួមទាំងការផ្តល់អាហារូបករណ៍សម្រាប់លើកទឹកចិត្តសិស្សានុសិស្សដើម្បីចាប់យកជំនាញនេះ ក្រសួងក៏បាននិងកំពុងរៀបចំផ្សព្វផ្សាយមាតិការអំពីការយល់ដឹងបច្ចេកវិទ្យាឌីជីថលដើម្បីប្រជាពលរដ្ឋអាចទទួលបានព័ត៌មាន និងងាយស្រួលយល់ដឹងអំពីបច្ចេកវិទ្យាថ្មីៗ”។អ្នកសារព័ត៌មានដែលមានបំណងចង់បន្ថែមចំណេះដឹង និងជំនាញលើការប្រើប្រាស់ ប្រព័ន្ធទំនាក់ ទំនងសង្គម ប្រកបដោយប្រសិទ្ធភាព និងសុវត្ថិភាព អាចទំនាក់ទំនងមកក្លិបអ្នកកាសែតកម្ពុជា ដើម្បីក្លិបស្នើទៅលោករដ្ឋមន្រ្តីក្រសួងប្រៃសណីយ៍ និងទូរគមនាគមន៍ លោកបណ្ឌិត ជា វ៉ាន់ដេត ដើម្បីរៀបចំបើកវគ្គបណ្តុះបណ្តាលបន្តទៀតដោយឥតគិតថ្លៃ៕

គ្រូពេទ្យមនី្ទរពេទ្យព្រះអង្គឌួង និងគ្រូពេទ្យជប៉ុន ផ្តល់ការវះកាត់ព្យាបាលអ្នកជំងឺ មានដុំសាច់មហារីកក្នុងច្រមុះ

2023/08/31 03:29:38 pm        1572
Facebook Telegram Linkin
ភ្នំពេញ៖ ក្រុមគ្រូពេទ្យមនី្ទរពេទ្យព្រះអង្គឌួង នៃព្រះរាជាណាចក្រកម្ពុជា និងគ្រូពេទ្យនៃមន្ទីរពេទ្យ Jikei នៃទីក្រុងTokyo ប្រទេសជប៉ុន បានផ្តល់ការវះកាត់ព្យាបាលអ្នកជំងឺ មានដុំសាច់មហារីក ក្នុងច្រមុះដោយប្រើម៉ាស៊ីនអង់ដូស្តុបពី ដែលជាករណីពិបាកក្នុងការវះកាត់ ឲ្យជាសះស្បើយដោយឥតគិតថ្លៃ។លោកវេជ្ជបណ្ឌិត Kazuhiro Omura ឯកទេសត្រចៀក ច្រមុះ បំពង់ក និងវះកាត់បាតខួរក្បាល នៃមន្ទីរពេទ្យ Jikei នៃទីក្រុងTokyo ប្រទេសជប៉ុន គឺលោកបានមកកាន់ប្រទេសកម្ពុជា ជាង១០ឆ្នាំ​មកហើយ(ក្នុងឆ្នាំ២០០៩)។ ជាទូទៅលោកវេជ្ជបណ្ឌិត មកកម្ពុជា មួយឆ្នាំម្តងៗ ដើម្បីធ្វើការ​បណ្តុះបណ្តាលផ្នែកអង់ដូស្តុបពីជូនក្រុមគ្រូពេទ្យកម្ពុជា ជារៀងរាល់ឆ្នាំ។ ហើយក្រុមគ្រូពេទ្យកម្ពុជា ក៏បានអញ្ជើញទៅទទួលការបណ្តុះបណ្តាលផ្នែកអង់ដូស្តុបពីនេះ នៅប្រទេសជប៉ុនជាច្រើនរូបផងដែរ។ ជាក់ស្តែងនៅថ្ងៃនេះ លោកវេជ្ជបណ្ឌិត Kazuhiro Omura បានថ្លែងប្រាប់BTV ព័ត៌មានថា លោកពិត​ជារីករាយណាស់បានមកជួយដល់ក្រុមគ្រូពេទ្យក្នុងមនី្ទរពេទ្យព្រះអង្គឌួង ដើម្បីមាន​លទ្ធភាព​ក្នុងការវះកាត់អ្នកជំងឺដែលមានដុំសាច់មហារីក ក្នុងច្រមុះឲ្យជាសះស្បើយ និងមាន​ប្រសិទ្ធភាព​ខ្ពស់ ដោយប្រើប្រាស់ម៉ាស៊ីនអង់ដូស្តុបពី សម្រាប់ជាគុណប្រយោជន៍ដល់ប្រជាពលរដ្ឋដែលមានជីវភាព​ខ្វះខាត និងមួយផ្នែកទៀត បានចូលរួមកាត់បន្ថយចំនួនប្រជាពលរដ្ឋ ដែលមានបំណង​ធ្វើដំណើរ​ទៅទទួលសេវាកម្មថែទាំសុខភាព នៅក្រៅប្រទេស។ ដោយកន្លងមកគ្រូពេទ្យ មិនមានលទ្ធភាពក្នុងការវះកាត់ព្យាបាលជំងឺ ប៉ុន្តែនៅពេលនេះ ក្រុម​ការងារគ្រូពេទ្យនៃមនី្ទរពេទ្យព្រះអង្គឌួង មានសមត្ថភាពខ្ពស់ ក្នុងការវះកាត់ព្យាបាលអ្នកជំងឺប្រភេទ​នេះឲ្យជាសះស្បើយ និងទទួលបានជោគជ័យ ដោយមានលោកវេជ្ជបណ្ឌិត ជួយគាំទ្រ។ចំណែកលោកវេជ្ជបណ្ឌិត ជិន មករា អនុប្រធានផ្នែកពិនិត្យ ពិគ្រោះជំងឺត្រចៀក ច្រមុះ បំពង់ក នៃមនី្ទរពេទ្យព្រះអង្គឌួង បានលើកឡើងថា ផ្នែកត្រចៀក ច្រមុះ បំពង់ក និងវះកាត់ផ្នែកអង់ដូស្តុបពី មានការរីកចម្រើនខ្លាំង។ ចំណែកប្រជាពលរដ្ឋមកទទួលសេវាពិគ្រោះ ពិនិត្យ ព្យាបាលជំងឺ នៅផ្នែកខាងលើនេះ មានការកើនឡើងចន្លោះពី៤០០នាក់ ទៅជាង៦០០នាក់ក្នុងមួយថ្ងៃ។ ស្របពេលដែលប្រជាពលរដ្ឋបានផ្តល់ទំនុកចិត្តខ្ពស់មកកាន់ក្រុមគ្រូពេទ្យនៅមនី្ទរពេទ្យព្រះអង្គឌួង គឺលោកគ្រូពេទ្យ អ្នកគ្រូពេទ្យរបស់យើងបានខិតខំអភិវឌ្ឍសមត្ថភាពរបស់ខ្លួនឥតឈប់ឈរ ដើម្បីធ្វើការវះកាត់ប្រភេទដុំសាច់ ដែលជ្រៀតចូលក្នុងបាតខួរក្បាល។ ការផ្តល់សេវាប្រកបដោយគុណភាពនេះ គឺមានការជួយគាំទ្រពីថ្នាក់ដឹកនាំក្រសួងសុខាភិបាល បានធ្វើការអភិវឌ្ឍហេដ្ឋារចនាសម្ព័ន្ធក្នុងមនី្ទរពេទ្យ ព្រមទាំងគ្រប់គ្រងដឹកនាំផ្ទាល់​ពី​ឯកឧត្តម​សាស្រ្តាចារ្យ លូ លីឃាង នាយកមនី្ទរពេទ្យ បានផ្តល់ឱកាស ក៏ដូចជាបំពាក់នូវឧបករណ៍​ទំនើប ដែលមានប្រសិទ្ធភាពក្នុងការវះកាត់ដុំសាច់មហារីក ដោយយើងមានក្រុមគ្រូពេទ្យ​មកពី​ប្រទេសជប៉ុន ចូលរួមសហការគ្នាក្នុងការវះកាត់។ ដុំសាច់មហារីកនេះ គឺជាប្រភេទដុំសាច់កាចសាហាវ និងពិបាកក្នុងវះកាត់ ដោយក្រុមគ្រូពេទ្យ​ត្រូវមានជំនាញខ្ពស់ប្រើបច្ចេកវិទ្យា បកបាតខួរក្បាល និងឈានទៅ​យកដុំសាច់ក្នុងខួរក្បាលចេញ ដោយប្រើរយៈ១២ម៉ោងក្នុងការវះកាត់នេះ។ ដូច្នេះធ្វើឲ្យការវះកាត់ដុំសាច់មហារីកជូនអ្នកជំងឺ ទទួលបានជោគជ័យ។ជាចុងក្រោយលោកវេជ្ជបណ្ឌិត នៃមន្ទីរពេទ្យ Jikei នៃទីក្រុងTokyo ប្រទេសជប៉ុន បាន​កោតសរសើរ​ដល់ឯកឧត្តមសាស្រ្តាចារ្យ លូ លីឃាង នាយកមនី្ទរពេទ្យ និងថ្នាក់ដឹកនាំ បានធ្វើការ​អភិវឌ្ឍខ្លាំង​លើហេដ្ឋារចនាសម្ព័ន្ធ និងសម្ភារបរិក្ខារវេជ្ជសាស្រ្ត ជាពិសេសផ្នែកត្រចៀក ច្រមុះ បំពង់ក អាចប្រកួតប្រជែងជាមួយបណ្តាប្រទេសក្នុងតំបន់អាស៊ាន។ ចាប់តាំងពីឆ្នាំ២០០៩មកដល់ពេលេនះ លោកបានបង្ហាត់បង្រៀនគ្រូពេទ្យកម្ពុជា ឲ្យមានចំណេះជំនាញ ឯកទេសច្បាស់លាស់ ចំនួនជាង១០នាក់ លើផ្នែកអង់ដូស្តុបពីនេះ។ ក្នុងនោះលោកមានគោលដៅច្បាស់លាស់ និងមានឆន្ទះជួយដល់ប្រជាជន និងគ្រូពេទ្យកម្ពុជា ឲ្យមានជំនាញឯកទេស និងការអភិវឌ្ឍ លើការប្រើប្រាស់ម៉ាស៊ីនអង់ដូស្តុបពី សម្រាប់ផ្តល់​សេវាជូនប្រជពលរដ្ឋ ឲ្យមានសុខភាពល្អ៕អត្ថបទ រដ្ឋា

តំណាងសហភាពអឺរ៉ុប៖ កម្ពុជាជាប្រទេសមានធនធាន និងសក្តានុពលជាងគេក្នុងតំបន់

2023/08/31 03:20:18 pm        149
Facebook Telegram Linkin
ភ្នំពេញ៖ លោកស្រី Carmen Moreno ឯកអគ្គរដ្ឋទូតសហភាពអឺរ៉ុបប្រចាំកម្ពុជា ថ្លែងថា កម្ពុជា​ជា​ប្រទេសមានធនធាន និងសក្តានុពលជាងគេក្នុងតំបន់ទាក់ទង នឹងការស្វែងរកសន្តិភាព។ ការថ្លែងរបស់លោកស្រី Carmen Moreno ឯកអគ្គរដ្ឋទូតសហភាពអឺរ៉ុបប្រចាំកម្ពុជា ក្នុងពេលជួប​សម្តែង​ការគួរសម និងជម្រាបលាជាមួយ ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្ស​កម្ពុជា នៅថ្ងៃទី៣១ ខែសីហា ឆ្នាំ២០២៣។ នាឱកាសនោះ លោកស្រីឯកអគ្គរដ្ឋទូតសហភាពអឺរ៉ុបប្រចាំកម្ពុជា មានប្រសាសន៍ថា ចំពោះតួនាទី​ក្នុងតំបន់ និងអន្តរជាតិ កម្ពុជាមិនមែនជាប្រទេសក្រីក្រទៀតទេ ទាំងធនធាន និងបទពិសោធន៍ ជាពិសេសកម្ពុជាជាប្រទេសមានសក្តានុពលជាងគេក្នុងតំបន់ទាក់ទងទៅនឹងការស្វែងរកសន្តិភាព​និងការបង្រួបបង្រួមជាតិ ព្រមទាំងមានសមិទ្ធផលធំៗដូចជាការកាត់សេចក្តីដោយជោគជ័យ​នៃរបបខ្មែរក្រហម។ លោកស្រីឯកអគ្គរដ្ឋទូតសហភាពអឺរ៉ុប មានប្រសាសន៍ទៀតថា ហេតុដូចនេះ កម្ពុជាដែលមាន​អំណាចទន់ (Soft Power)ក្នុងដៃគប្បីមាន​មហិច្ឆតា​ និងដើរតួនាទីឱ្យកាន់តែសកម្មនិងនាំមុខ ដើម្បី​ចែករំលែកបទពិសោធន៍និងសមិទ្ធផលទាំងអស់របស់ខ្លួនទៅលើឆាកតំបន់និងអន្តរជាតិ។ ក្រៅពីនោះ លោកស្រីឯកអគ្គរដ្ឋទូត បានវាយតម្លៃខ្ពស់ចំពោះកិច្ចសហប្រតិបត្តិការយ៉ាងល្អប្រសើរ​របស់​សហភាពអឺរ៉ុបក្នុងរយៈពេល៤ឆ្នាំកន្លង ដែលបានរួមចំណែកដល់ដំណើរការកាត់​សេចក្ដីរបស់​អង្គជំនុំជម្រះវិសាមញ្ញក្នុងតុលាការកម្ពុជា​ (អ.វ.ត.ក.) ប្រកបដោយជោគជ័យ និងបន្តគាំទ្រដល់ការ​អនុវត្តមុខងារសេសសល់របស់​អ.វ.ត.ក និងលទ្ធផលរំពឹងទុកសម្រេចបានក្នុងរយៈពេល៣ឆ្នាំ ពីឆ្នាំ២០២៣ ដល់២០២៥ ដោយបានលើកឡើងអំពីសារៈសំខាន់​នៃការងារអប់រំ និងផ្សព្វផ្សាយ​បណ្ណសារនៃសំណុំរឿង ក៏ដូចជាដំណើរការកាត់សេចក្ដីរបស់សាលាក្ដីខ្មែរក្រហមឱ្យ​បាន​ទូលំទូលាយ និងមានអត្ថន័យដល់សាធារណជន ​និងយុវជនជំនាន់ក្រោយ ព្រមទាំងនៅថ្នាក់តំបន់​និងអន្តរជាតិ ដែលជាសមិទ្ធផលនិងកេរ្ត៍ដំណែលរបស់ជាតិ។ ជាការឆ្លើយតប ឯកឧត្ដម កែវ រ៉េមី បានបញ្ជាក់ថា រដ្ឋបាលសាលាក្ដីខ្មែរក្រហមកំពុងតែមមាញឹក​ក្នុងការរៀបចំ ​និងកសាងបន្ទប់តាមស្ដង់ដារអន្តរជាតិសម្រាប់គ្រប់គ្រង និងរក្សាបណ្ណសារសំណុំរឿង ដែលមានជិត៤លានទំព័រ, កសាងបណ្ណាល័យ និងបន្ទប់សវនាការត្រាប់សម្រាប់បម្រើឱ្យ​ការងារ​ផ្សព្វផ្សាយ ស្រាវជ្រាវ និងបណ្ដុះបណ្ដាល។ លើសពីនេះ ឯកឧត្តម កែវ រ៉េមី បានលើកឡើងទៀតថា ក្រោមគតិបណ្ឌិតដឹកនាំដ៏ឈ្លាសវៃរបស់​ឯកឧត្តមកិត្តិទេសាភិបាលបណ្ឌិត ​ហ៊ុន ម៉ាណែត នាយករដ្ឋមន្ត្រី បានយកចិត្តទុដាក់ខ្ពស់លើការងារ​អប់រំ និង ផ្សព្វផ្សាយក្នុងស្មារតីឱ្យអ្នកស្រាវជ្រាវ និងយុវជនជំនាន់ក្រោយទទួលបានព័ត៌មាន​ពេញលេញលើ ប្រវត្តិសាស្ត្ររបស់ខ្លួន ដើម្បីរក្សាឱ្យបាននូវសុខសន្តិភាព, ពង្រឹងដល់ការចងចាំ និងការមិនវិលត្រលប់ឡើងវិញនៃរបបឃោរឃៅបែបនេះនៅក្នុងសង្គមជាតិ។

សារធាតុអ៊ុយរ៉ានីញ៉ូមដែលជិតឈានដល់កម្រិតផលិតគ្រាប់បែករបស់អ៊ីរ៉ង់ គឺការផ្តោតការយកចិត្តទុកដាក់នៃរបាយការណ៍ឃ្លាំមើលបរិមាណូ

2023/08/31 02:33:56 pm        206
Facebook Telegram Linkin
អ៊ីរ៉ង់៖ ប្រទេសអ៊ីរ៉ង់ កំពុងបន្ថយអត្រានៃការស្តុកទុកសារធាតុអ៊ុយរ៉ានីញ៉ូដែលជិតឈានដល់កម្រិតផលិតសព្វាវុធដែលក្រុមឃ្លាំមើលនុយក្លេអ៊ែររបស់UN ត្រូវបានគេរំពឹងថា នឹងបញ្ចប់នៅខែក្រោយ ដោយបន្ថែមការបន្ធូរបន្ថយភាពតានតឹងនៅឈូងសមុទ្រពែក្សដែលត្រូវបានគេមើលឃើញរួចហើយថា ទីក្រុងតេអេរ៉ង់ និងទីក្រុងវ៉ាស៊ីនតោន ពិភាក្សាអំពីការដោះលែងអ្នកទោស និងការបញ្ចេញប្រេងកាន់តែច្រើនឡើងលើទីផ្សារពិភពលោក។ ក្រុមអ្នកត្រួតពិនិត្យនៃទីភ្នាក់ងារថាមពលអាតូមិកអន្តរជាតិ(IAEA) កំពុងរៀបចំផ្សព្វផ្សាយរបាយការណ៍ការពារសុវត្ថិភាពស្តីពីអ៊ីរ៉ង់ប្រចាំត្រីមាសរបស់ខ្លួន មុនពេលកិច្ចប្រជុំក្រុមប្រឹក្សាភិបាលរបស់ទីភ្នាក់ងារដែលមានមូលដ្ឋាននៅទីក្រុងវីយែន នៅថ្ងៃទី១១ ខែកញ្ញា។ មន្ត្រីនុយក្លេអ៊ែរមួយចំនួន ព្យាករថា ទិន្នន័យរបស់ IAEA នឹងបង្ហាញថា ប្រទេសអ៊ីរ៉ង់ កំពុងកាត់បន្ថយការផលិតសារធាតុអ៊ុយនីរ៉ាញ៉ូមដែលសម្បូរដោយសារធាតុគីមីកម្រិតខ្ពស់ ដែលជាសមាសធាតុសំខាន់នៃគ្រាប់បែកបរមាណូ។ ប្រទេសអ៊ីរ៉ង់ និយាយថា កម្មវិធីរបស់ខ្លួន គឺមានសន្តិភាព។លោក Ali Vaez ដែលប្រធាននៃក្រុមដោះស្រាយអន្តរជាតិ (International Crisis Group) បាននិយាយថា៖«ដោយសារតែជាសញ្ញាការទូតមួយ នេះនឹងជាការបង្ហាញពិតប្រាកដដំបូងនៃការបន្ថយកម្រិតមួយចំនួននៅលើផ្នែករបស់ទីក្រុងតេអេរ៉ង់ បន្ទាប់ពីការបន្តការពង្រីករយៈពេលជាច្រើនឆ្នាំ។ «ដោយសារតែបញ្ហាបច្ចេកទេស ការថយចុះចំនួន៦០ភាគរយ នឹងមិនធ្វើឲ្យបានច្រើន ដើម្បីបំបាត់កង្វល់មិនរីកសាយភាយឡើយ»៕

ជប៉ុនស្វះស្វែងបង្កើនកញ្ចប់ថវិកាការពារជាតិ ក្នុងពេលមានភាពតានតឹងជាមួយប្រទេសចិន

2023/08/31 02:31:30 pm        171
Facebook Telegram Linkin
ជប៉ុន៖ ក្រសួងការពារជាតិ របស់ប្រទេសជប៉ុននៅថ្ងៃព្រហស្បតិ៍នេះ បានដាក់សំណើចំណាយដ៏ច្រើនមានទឹកប្រាក់ចំនួន៧,៧សែនកោដិយ៉េន ឬ៥២,៦៧ពាន់លានដុល្លារ សម្រាប់ឆ្នាំសារពើពន្ធ២០២៤ ជាជំហានចុងក្រោយនៃផែនការដើម្បីជំរុញការចំណាយផ្នែកការពារជាតិដល់៤៣សែនកោដិយ៉េន នៅរយៈពេល៥ឆ្នាំទៀត។  យោងតាមសំណើរថវិកាបានឲ្យដឹងថា ក្រសួងការពារជាតិ មានផែនការកំណត់ដោយឡែកថវិកាជាង៩០០ពាន់លានយ៉េនឬ៦,១៦ ពាន់លានដុល្លារ ដើម្បីធានាបានគ្រាប់រំសេវ និងអាវុធ រួមមានទាំង មីស៊ីលបាញ់ពីនាវាទៅអាកាសថ្មី។សំណើនេះគឺសម្រាប់ឆ្នាំទី២នៃផែនការរបស់នាយករដ្ឋមន្ត្រីលោក Fumio Kishida ដើម្បីបង្កើនទ្វេដងការចំណាយផ្នែកការពារជាតិរបស់ប្រទេសដល់២ភាគរយ នៃផលិតផលក្នុងស្រុកសរុបនៅត្រឹមឆ្នាំ២០២៧ ខណៈប្រទេសនេះប្រឈមនឹងការកើនឡើងឥទ្ធិពលរបស់ចិន និងប្រទេសកូរ៉េខាងជើងដែលពុំអាចស្មានទុកជាមុនបាន។ សំណើនេះកើតមានឡើងខណៈទំនាក់ទំនងរបស់ទីក្រុងតូក្យូជាមួយទីក្រុងប៉េកាំង ធ្លាក់ចុះកាន់តែយ៉ាប់យ៉ឺនខ្លាំង ដោយប្រទេសជប៉ុនកាលពីសប្តាហ៍កន្លងទៅនេះ បានចាប់ផ្តើមបញ្ចេញទឹកមានសារធាតុវិទ្យុសកម្មធ្វើប្រព្រឹត្តិកម្មរួចពីរោងចក្រថាមពលនុយក្លេអ៊ែរ Fukushima ដែលមិនដំណើរការចូលទៅក្នុងសមុទ្រ។ ប្រទេសចិន បានថ្កោលទោសការបញ្ចេញទឹកសំណល់នេះ និងបានដាក់បម្រាមលើការនាំចូលអាហារសមុទ្ររបស់ជប៉ុន៕

បណ្ដាញសង្គម

ព័ត៌មានថ្មីៗ

ចាប់ពីថ្ងៃទី២៧ ខែមិថុនាដល់ថ្ងៃទី១៦ ខែកក្កដានេះ គ.ប.ឆ.ប. បង្រ្កាប ONLINESCAMS ២០ទីតាំងឃាត់ខ្លួនជនសង្ស័យ ១.៣៦២ នាក់ ក្នុងនោះជនជាតិវៀតណាម ៣៤៧នាក់
07/17/2025 10:07 PM
Facebook Telegram Linkin
រាជរដ្ឋាភិបាលបានកំណត់តម្លៃនិងតួនាទីព្រៃឈើ ដោយមិនកាត់ផ្តាច់ចេញពីវិស័យអាទិភាពរបស់រដ្ឋ
07/17/2025 09:07 PM
Facebook Telegram Linkin
ឯកឧត្តមឧបនាយករដ្ឋមន្ត្រី ប្រាក់ សុខុន អញ្ជើញធ្វើបាឋកថាស្តីពី «សភាពការណ៍អន្តរជាតិ និងនយោបាយការបរទេសរបស់កម្ពុជា» ចែករំលែកដល់សិស្សមន្ត្រីសាលាភូមិន្ទរដ្ឋបាល
07/17/2025 09:07 PM
Facebook Telegram Linkin
ក្រសួងការងារបដិសេធចំពោះជនខិលខូចប្រើប្រាស់រូប និងឈ្មោះ ឯកឧត្តម ហេង សួរ ក្នុងចេតនាឆបោកសាធារណជន
07/17/2025 09:07 PM
Facebook Telegram Linkin
តើហេតុអ្វីបានជាប្រទេសប៉ាគីស្ថានងាយរងគ្រោះដោយសារទឹកជំនន់ស្លាប់មនុស្ស?
07/17/2025 08:07 PM
Facebook Telegram Linkin
ឯកឧត្តមឧបនាយករដ្ឋមន្ត្រី ហ៊ុន ម៉ានី ជួបសំណេះសំណាលជាមួយសមាជិក សមាជិកា ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ដែលទើបនឹងជ្រើសរើសថ្មី ប្រចាំសាកលវិទ្យាល័យវិទ្យាសាស្រ្តសុខាភិបាល ចំនួន ៥៨៤នាក់
07/17/2025 08:07 PM
Facebook Telegram Linkin
ការទម្លាក់គ្រាប់បែករបស់រុស្ស៊ីសម្លាប់មនុស្ស ៤នាក់ និង ២៧នាក់ រងរបួសនៅទីក្រុង Dobropillia ប្រទេសអ៊ុយក្រែន
07/17/2025 08:07 PM
Facebook Telegram Linkin
ក្រសួងឧស្សាហកម្ម ដាក់ប្រព័ន្ធបន្សុទ្ធទឹកស្អាតនៅមន្ទីរពេទ្យគន្ធបុប្ផា ជូនដល់អ្នកព្យាបាលជំងឺពិសា
07/17/2025 08:07 PM
Facebook Telegram Linkin
សាស្ត្រាចារ្យសាកលវិទ្យាល័យតូក្យូ ចាប់អារម្មណ៍ស្វែងយល់បន្ថែមអំពីកម្ពុជា និងការអភិវឌ្ឍសង្គម-សេដ្ឋកិច្ច
07/17/2025 08:07 PM
Facebook Telegram Linkin
សារព័ត៌មាន NBC News៖ ការវាយប្រហាររបស់អាមេរិក បានបំផ្លាញទីតាំងនុយក្លេអ៊ែរអ៊ីរ៉ង់តែមួយប៉ុណ្ណោះ
07/17/2025 08:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.