BTV NEWS

សម្តេចតេជោ ហ៊ុន សែន ថ្លែងថា អាវក្រោះ និងសម្ភារយោធាម៉ាក DSS សុទ្ធតែមានគុណភាពហើយអាវការពារនេះនាយករដ្ឋមន្រ្តីបានសាករួចហើយ

សម្ដេចតេជោ ហ៊ុន សែន អញ្ជើញពិនិត្យមើលរោងចក្រ ផលិតសម្ភារៈយោធា DSS និងសំណេះសំណាលជាមួយកម្មករ កម្មការិនី

សម្ដេចតេជោឱ្យបើកការស៊ើបអង្កេតអ្នកពាក់ព័ន្ធនាំសាច់បង្កកពីថៃចូលមកម្ពុជាមិនឱ្យរួចខ្លួនឡើយ

សម្ដេចតេជោ៖កម្ពុជាមិនមានទម្លាប់ទៅឈ្លានពានប្រទេសណាទេ មានតែនាំទ័ពចេញទៅរក្សាសន្ដិភាព

នយោបាយ និង ការអភិវឌ្ឍន៍

កម្មករ-កម្មការិនី សប្បាយចិត្តក្រោយនាយករដ្ឋមន្រ្តី ប្រកាសរៀបចំបណ្តុះបណ្ដាលជំនាញដល់ពួកគេ

ភ្នំពេញ៖ កម្មករ-កម្មការិនី បំរើការងារនៅរាជធានីភ្នំពេញ នៅថ្ងៃទី៣០ ខែសីហានេះ បានសំដែងការពេញចិត្ត និងអរគុណដល់នាយករដ្ឋមន្រ្តី ដែលសម្រេចឱ្យដល់កម្មករ-និយោជិត បានចូលរៀនវគ្គបណ្តុះបណ្តាលជំនាញវិជ្ជាជីវៈ។កម្មករ-កម្មការិនី បន្តថា ពេលចេះជំនាញច្បាស់លាស់ គឺផ្តល់ផលប្រយោជន៍ច្រើនដល់ពួកគាត់ខ្ញុំ អាចទទួលបានប្រាក់ខែច្រើនជាងមុន និងជាពិសេសពេលឈប់ធ្វើការ ហើយមានលុយសន្សំតិចតួចអាចទៅបើកមុខរបបមួយសមរម្យសម្រាប់ចិញ្ចឹមជីវិតនាពេលអនាគត។ មានប្រសាសន៍ក្នុងពិធីសំណេះសំណាលជាមួយកម្មករ-និយោជិត ជិត២ម៉ឺននាក់ នាថ្ងៃទី២៩ ខែសីហា ម្សិលមិញ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្តីនៃកម្ពុជា បានណែនាំឱ្យក្រសួងការងារ និងបណ្តុះបណ្តាលវិជ្ជាជីវៈ ពន្លឿនការអនុវត្តកម្មវិធីបណ្ដុះបណ្តាលជំនាញបច្ចេកទេសវិជ្ជាជីវៈដល់យុវជនមកពីគ្រួសារកីក្រ និងគ្រួសារងាយរងហានិភ័យនៅទូទាំងប្រទេសចំនួនប្រមាណ ១.៥លាននាក់ និងសម្របសម្រួលជាមួយភាគីពាក់ព័ន្ធអនុញ្ញាតឱ្យកម្មករ-និយោជិតអាចចូលរៀនជំនាញវិជ្ជាជីវៈ ដើម្បីបង្កើនផលិតភាព ប្រសិទ្ធភាព ការងារនៅកន្លែងការងារ និងអាជីពនាពេលអនាគត។ ហើយវគ្គបណ្តុះបណ្តាលនេះ គួររៀបចំនៅវេនពេលយប់ ឬចុងសប្ដាហ៍ ដើម្បីកុំឱ្យប៉ះពាល់ការងាររបស់កម្មករ-និយោជិត។តាមការគ្រោងទុក ការបណ្តុះបណ្តាលជំនាញវិជ្ជាជីវៈដល់យុវជនក្រីក្រ គ្រួសារងាយរងហានិភ័យ និងកម្មករ-និយាជិត អាចនឹងចាប់ដំណើរការនៅចុងឆ្នាំ២០២៣ ឫដើមឆ្នាំ២០២៤ ខណៈបច្ចុប្បន្នក្រសួងការងារ និងស្ថាប័នពាក់ព័ន្ធកំពុងមមាញឹករៀបចំគោលការណ៍។ការបណ្តុះបណ្តាលជំនាញវិជ្ជាជីវៈ ចូលសិក្សាដោយឥតបង់ថ្លៃ និងទទួលបានប្រាក់ឧបត្ថម្ភប្រចាំខែ សិក្សាលើមុខជំនាញជាច្រើនរួមមាន៖ វិស័យសំណង់ អគ្គិសនី មេកានិច អេឡិចត្រូនិក កាត់ដេរ សម្អាងកាយ និងខាងវិស័យទេសសចរណ៍ជាដើម៕ អត្ថបទ៖ទូច សោភ័ណ

ក្រសួងកសិកម្មកំពុងរៀបចំនីតិវិធីជ្រើសរើសមន្ត្រីជំនាញមានឆន្ទៈខ្ពស់ចំនួន១៦០០នាក់ បម្រើការតាមឃុំ-សង្កាត់

ភ្នំពេញ៖ ក្រសួងកសិកម្ម រុក្ខាប្រមាញ់ និងនេសាទ ប្រកាសថា ការប្រឡងជ្រើសរើសមន្ត្រីរាជការជំនាញកសិកម្ម ប្រមាណ១៦០០នាក់ ដើម្បីដាក់ពង្រាយបម្រើការ នៅតាមឃុំសង្កាត់នានា នឹងចាប់ផ្តើមដំណើរការជ្រើសរើសនៅដើមឆ្នាំ២០២៤ និងទៅតាមផែនការគោលនយោបាយរបស់រាជរដ្ឋាភិបាលអាណត្តិទី៧ ដើម្បីជួយតម្រង់ផ្លូវកសិករធ្វើដំណាំឲ្យត្រឹមត្រូវ និងមានទីផ្សារលក់ចេញ។ឯកឧត្តម ទី ចាន់ណា ក្នុងនាមជាប្រធាននាយកដ្ឋានបុគ្គលិក នៃក្រសួងកសិកម្ម រុក្ខាប្រមាញ់ និងនេសាទ បានថ្លែងប្រាប់BTV នៅថ្ងៃទី៣០ ខែសីហានេះថា នៅពេលនេះ ក្រសួងកសិកម្ម បាននឹងកំពុងរៀបចំនិតិវិធីការជ្រើសរើសមន្ត្រីរាជការថ្មីចំនួន១៦០០នាក់ ដែលមានជំនាញកសិកម្មពិតប្រាកដ ហើយមានឆន្ទៈខ្ពស់ និងធ្វើការងារជាមួយកសិករនៅតាមឃុំសង្កាត់យូរអង្វែង ដើម្បីជួយកសិករចេះពីរបៀបដាំដំណាំ មានទីផ្សារលក់ចេញ និង ដោះស្រាយបញ្ហាការលំបាកនានារបស់កសិករ ដែលកើតមាននៅក្នុងមូលដ្ឋាន។ឯកឧត្តម ទី ចាន់ណា បញ្ជាក់ថា ការជ្រើសរើសមន្ត្រីជំនាញកសិកម្មឃុំសង្កាត់ គឺធ្វើឡើងជាពីរដំណាក់កាល ពោលនៅក្នុងឆ្នាំ២០២៤ ប្រឡងជ្រើសរើស៨០០នាក់ និងឆ្នាំ២០២៥ ប្រឡងជ្រើសរើស៨០០នាក់បន្ថែម។ក្រុមនិស្សិតសាកលវិទ្យាល័យភូមិន្ទកសិកម្ម បានថ្លែងការសប្បាយចិត្តការប្រឡងចូលបម្រើការងារនៅតាមឃុំសង្កាត់ ហើយអរគុណ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្ត្រី ដែលបានគាំទ្រ និងប្រកាសជ្រើសរើស ផ្តល់ឱកាសអោយនិស្សិតរៀនជំនាញកសិកម្មដោយក្រសួងជំនាញអនុវត្តជ្រើសរើសឈរលើគោលការណ៍ត្រឹមត្រូវ តម្លាភាព យុត្តិធម៌ មានជំនាញពិតប្រាកដ មានសមត្ថភាពប្រឡង ចេះ ជាប់ ។ក្នុងពិធីសំណេះសំណាលជាមួយកម្មករកម្មការិនីមកពីរោងចក្រសហគ្រាសនានានៅរាជធានីភ្នំពេញ ប្រមាណ ១៨០០០នាក់នៅថ្ងៃម្សិលមិញ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត បានថ្លែងថា ការជ្រើសរើសមន្ត្រីរាជការជំនាញកសិកម្ម បម្រើការតាមឃុំសង្កាត់គឺត្រូវផ្តល់អាទិភាពជូនដល់និស្សិតកសិកម្ម និងមន្ត្រីជាប់កិច្ចសន្យាដែលមានជំនាញកសិកម្មពិតប្រាកដ ហើយត្រូវពង្រឹងការជ្រើសរើសឲ្យបានត្រឹមត្រូវ តម្លាភាព យុត្តិធម៌ ចំជំនាញ និងផ្តល់ប្រសិទ្ធភាពការងារឲ្យកសិករនៅតាមមូលដ្ឋាន៕ អត្ថបទ ស៊ុម សុខជា

នគរបាលនីហ្សេរីយ៉ាបានចាប់ខ្លួនមនុស្សជាង២០០នាក់ ដោយសង្ស័យថាស្រលាញ់ភេទដូចគ្នា

នីហ្សេរីយ៉ា៖ នគរបាលនីហ្សេរីយ៉ាបានចាប់ខ្លួនមនុស្សជាង២០០នាក់នៅក្នុងពិធីមង្គលការមួយកាលពីថ្ងៃចន្ទ (២៨សីហា) នៅក្នុងការចាប់ខ្លួនដ៏ធំបំផុតមួយក្នុងប៉ុន្មានឆ្នាំថ្មីៗនេះ ដែលផ្តោតលើសហគមន៍អ្នកស្រលាញ់ភេទដូចគ្នារបស់ប្រទេសនេះ។ អ្នកនាំពាក្យនគរបាលនៅរដ្ឋ Delta ភាគខាងត្បូងបានប្រាប់អ្នកយកព័ត៌មានកាលពីថ្ងៃអង្គារ (២៩សីហា)ថា មនុស្ស៦៧នាក់នឹងត្រូវបានកាត់ទោសពីបទ «បានប្រព្រឹត្តនិងចូលរួមក្នុងពិធីអាពាហ៍ពិពាហ៍ភេទដូចគ្នា»។ទំនាក់ទំនងផ្លូវភេទដូចគ្នា ត្រូវបានចាត់ទុកជាបទឧក្រិដ្ឋនៅក្នុងប្រទេសនីហ្សេរីយ៉ា ហើយក្រមព្រហ្មទណ្ឌរបស់ប្រទេសនេះ បានអនុម័តការផ្តន្ទាទោសដាក់ពន្ធនាគាររហូតដល់១៤ឆ្នាំសម្រាប់មនុស្សដែលត្រូវបានផ្តន្ទាទោសពីបទចូលទៅក្នុងសហជីពស៊ីវិលភេទដូចគ្នា។ នៅក្នុងការផ្សាយបន្តផ្ទាល់កាលពីថ្ងៃអង្គារ មន្ត្រីនគរបាលម្នាក់បានពណ៌នាព្រឹត្តិការណ៍នេះថាជារឿងដ៏អាក្រក់ ហើយមន្រ្តីរូបនោះបន្ថែមថា «យើងមិនអាចចម្លងតាមវប្បធម៌ពិភពលោកខាងលិចបានទេ ព្រោះយើងជានីហ្សេរីយ៉ា ហើយយើងត្រូវតែធ្វើតាមវប្បធម៌របស់ប្រទេសយើង»។អង្គការលើកលែងទោសអន្តរជាតិនីហ្សេរីយ៉ាបានថ្កោលទោសស្ថានភាពនេះថាជា «ការព្យាយាមទម្លាក់កំហុសដ៏អាក្រក់បំផុត»។ អង្គការនេះបានអំពាវនាវឱ្យនគរបាលរដ្ឋ Delta ដោះលែងអ្នកជាប់ឃុំឃាំង ដែលត្រូវបានចាប់ខ្លួន និងបង្ហាញទៅកាន់ប្រព័ន្ធផ្សព្វផ្សាយ ព្រមទាំងបញ្ចប់ជាបន្ទាន់ចំពោះការចាប់ខ្លួនដោយមានគំនិតអាក្រក់បែបនេះ នៅក្នុងសេចក្តីថ្លែងការណ៍មួយនៅលើបណ្ដាញសង្គម X ដែលពីមុនត្រូវបានគេស្គាល់ថាជាបណ្ដាញសង្គម Twitter៕

ក្រុមមន្ត្រីយោធាប្រទេសហ្គាបុងអះអាងថា បានដណ្តើមអំណាចក្រោយការបោះឆ្នោត

ហ្គាបុង៖ ក្រុមមន្ត្រីយោធាជាន់ខ្ពស់របស់ប្រទេសហ្គាបុង បានបង្ហាញខ្លួននៅលើកញ្ចក់ទូរទស្សន៍ជាតិនៅព្រឹកព្រលឹមថ្ងៃពុធ (៣០សីហា)នេះ ហើយបាននិយាយថាពួកគេបានឡើងកាន់អំណាច បន្ទាប់ពីស្ថាប័នបោះឆ្នោតរដ្ឋបានប្រកាសថា លោកប្រធានាធិបតី Ali Bongo បានឈ្នះឆ្នោតអាណត្តិទីបី។ដោយលេចមុខតាមកញ្ចក់ទូរទស្សន៍ហ្គាបុងបុស្តិ៍លេខ២៤ ក្រុមមន្ត្រីទាំងនោះបាននិយាយថា ពួកគេតំណាងឲ្យកម្លាំងសន្តិសុខ និងកម្លាំងការពារទាំងអស់ក្នុងប្រទេសអាហ្វ្រិកកណ្តាលមួយនេះ។ ពួកគេបាននិយាយថា លទ្ធផលបោះឆ្នោតត្រូវបានលុបចោល ព្រំដែនទាំងអស់ត្រូវបានបិទរហូតដល់មានការជូនដំណឹងបន្ថែម ហើយស្ថាប័នរដ្ឋក៏ត្រូវបានរំលាយផងដែរ។អ្នកយកព័ត៌មាន រ៉យទ័រ ម្នាក់បាននិយាយថា សំឡេងកាំភ្លើងធំអាចត្រូវបានគេឮនៅក្នុងរដ្ឋធានី Libreville (លីប្រេវីល) បន្ទាប់ពីការបង្ហាញខ្លួនតាមទូរទស្សន៍នោះ។ ក្រុមមន្ត្រីទាំងនោះបាននិយាយថា «ក្នុងនាមប្រជាជនហ្គាបុងទាំងអស់ យើងបានសម្រេចចិត្តការពារសន្តិភាពដោយការបញ្ចប់របបបច្ចុប្បន្ន»។ប្រសិនបើការដណ្ដើមអំណាចនោះបានជោគជ័យ រដ្ឋប្រហារមួយនេះនឹងតំណាងឱ្យរដ្ឋប្រហារទីប្រាំបីនៅអាហ្វ្រិកខាងលិច និងកណ្តាល ចាប់តាំងពីឆ្នាំ២០២០មក។ គួររម្លឹកផងដែរថា រដ្ឋប្រហារនៅប្រទេសម៉ាលី ហ្គីណេ ប៊ូគីណាហ្វាសូ ឆាដ និងនីហ្សេ និងបានធ្វើឱអន្តរាយដល់វឌ្ឍនភាពលទ្ធិប្រជាធិបតេយ្យក្នុងប៉ុន្មានឆ្នាំថ្មីៗនេះ៕

ប្រព័ន្ធផ្សព្វផ្សាយរដ្ឋ៖អ៊ុយក្រែនបើកការវាយប្រហារដោយយានដ្រូនទ្រង់ទ្រាយធំបំផុតលើដីរុស្ស៊ីក្នុងរយៈពេល១៨ ខែ

អ៊ុយក្រែន៖ យោងតាមប្រព័ន្ធផ្សព្វផ្សាយរដ្ឋរបស់រុស្ស៊ី បានឲ្យដឹងថា យោធាអ៊ុយក្រែន បានបើកការវាយប្រហារដោយយានដ្រូនដ៏ធំលើតំបន់ចំនួន៦ក្នុងប្រទេសរុស្ស៊ីនៅពេលយប់ថ្ងៃពុធ ដែលធ្វើ្វឲ្យវាក្លាយជាការវាយប្រហារដោយយានដ្រូនដ៏ធំបំផុតរបស់អ៊ុយក្រែន នៅលើទឹកដីរុស្ស៊ីក្នុងរយៈពេល១៨ខែ។ប្រទេសរុស្ស៊ី បានអះអាងថា ការវាយប្រហារដោយយានដ្រូន ត្រូវបានគេរាយការណ៍ថា បានកំណត់គោលដៅលើតំបន់ចំនួន៤នៅភាគខាងត្បូងនៃទីក្រុងមូស្គូ គឺ កាលូហ្គា ( Kaluga), រីអាហ្សាន(Ryazan) ប្រ៊ីអានស្ក៍ (Bryansk)និងអ័រយ៉ូល ( Oryol) ក៏ដូចជាតំបន់មូស្គូខ្លួនឯង និងតំបន់ប៉េស្កូវ (Pskov) នៅភាគពាយព្យនៃប្រទេស នៅជិតប្រទេសអេស្តូនី។ប្រព័ន្ធផ្សព្វផ្សាយ បាននិយាយថា ការវាយប្រហារនៅតំបន់ប៉េស្កូវ បានបង្កការខូចខាតនៅឯអាកាសយានដ្ឋានក្នុងទីក្រុងនេះ ដោយបានបំផ្លាញយន្តហោះដឹកជញ្ជូនយោធាចំនួន៤គ្រឿង។ ជើងហោះហើរទាំងអស់ទៅ និងមកពីអាកាសយានដ្ឋានសម្រាប់ថ្ងៃពុធ ត្រូវបានលុបចោល ខណៈដែលក្រុមមន្ត្រីក្នុងតំបន់វាយតម្លៃការខូចខាត៕

UN កោតសរសើរកម្ពុជាដែលផ្តួចផ្តើម កាតាលិករសកលស្តីពីការងារសមរម្យ និងការគាំពារសង្គម

ភ្នំពេញ៖ អង្គការសហប្រជាជាតិ (UN) បានកោតសរសើររាជរដ្ឋាភិបាលកម្ពុជា ដែលបានចូលជាប្រទេសត្រួសត្រាសផ្លូវនៃគំនិតផ្តួចផ្តើម «កាតាលិករសកលស្តីពីការងារសមរម្យ និងការគាំពារសង្គមសម្រាប់អន្តរកាលយុត្តិធម៌»។ ការកោតសរសើរនេះ ធ្វើឡើងក្នុងឱកាសដែល ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានអនុញ្ញាតឱ្យលោក ឧកតាវីយ៉ាន់តូ ប៉ាសារីប៊ូ (Oktavianto PASARIBU) នាយករងនៃក្រុមជំនួយបច្ចេកទេសការងារសមរម្យរបស់អង្គការអន្តរជាតិខាងការងារ (ILO) សម្រាប់តំបន់អាស៊ីបូព៌ា និងប៉ាស៊ីហ្វិក និងការិយាល័យអង្គការ ILO ប្រចាំប្រទេសថៃ កម្ពុជា ឡាវ និងគណៈប្រតិភូក្រុមការងារគំនិតផ្តួចផ្តើមកាតាលីករសកល (Global Accelerator) របស់អង្គការសហប្រជាជាតិ បានជួបសម្តែងការគួរសម និងពិភាក្សាការងារពាក់ព័ន្ធគំនិតផ្តួចផ្តើម «កាតាលីករសកលស្តីពីការងារសមរម្យ និងការគាំពារសង្គមសម្រាប់អន្តរកាលយុត្តិធម៌»នៅព្រឹកថ្ងៃទី៣០ សីហា ឆ្នាំ២០២៣នេះ នៅទីស្តីការក្រសួង។ សូមជម្រាបជូនថា កាតាលិករសកលស្តីពីការងារសមរម្យ និងការគាំពារសង្គមសម្រាប់អន្តរកាលយុត្តិធម៌ គឺជាគំនិតផ្តួចផ្តើមមួយ ដែលបានដាក់ចេញកាលពីខែកញ្ញា ឆ្នាំ២០២១ ដើម្បីជួយរដ្ឋសមាជិកដោះស្រាយវិបត្តិ ពន្លឿនការស្តារសេដ្ឋកិច្ច ទន្ទឹមនឹងការបណ្តាក់ទុនក្នុងការអភិវឌ្ឍសង្គមអន្តរកាលបៃតង និងរៀបចំសម្រាប់បញ្ហាប្រឈមនាពេលបច្ចុប្បន្ន និងអនាគត រួមមានការដាក់ឱ្យទៅក្នុងប្រព័ន្ធ (Formalisation) ការងារយុវជន សមភាពយេនឌ័រ និងសេដ្ឋកិច្ចឌីជីថលជាដើម។ ភាគី យូអិន បានបញ្ជាក់ថា គំនិតផ្តួចផ្តើមនេះ មានគោលបំណងគាំទ្រដល់ការបង្កើតការងារសមរម្យចំនួន ៤០០លានកន្លែង និងការពង្រីកការគាំពារសង្គមដល់ប្រជាជន ៤ពាន់លាននាក់ ដែលបច្ចុប្បន្នមិនត្រូវបានរួមបញ្ចូល និងដើម្បីជួយសម្រួលដល់អន្តរកាល «ដោយយុត្តិធម៌» សម្រាប់ទាំងអស់គ្នា។ ជាការឆ្លើយតប ឯកឧត្តមរដ្ឋមន្រ្តី បានមានប្រសាសន៍ថា គោលដៅនៃគំនិតផ្តួចផ្តើមនេះ គឺស្របគ្នាទៅនឹងអាទិភាពការងាររបស់រារដ្ឋាភិបាលកម្ពុជាដែលបានកំណត់នៅក្នុងយុទ្ធសាស្រ្តបញ្ចកោណ-ដំណាក់កាលទី១ ក្រោមការដឹកនាំរបស់ ឯកឧត្តមកិត្តិទេសាភិបាលបណ្ឌិត ហ៊ុន ម៉ាណែត នាយករដ្ឋមន្រ្តីនៃកម្ពុជា។ ឯកឧត្តម បានបន្តថា ក្នុងនាមជាប្រទេសត្រួសត្រាយផ្លូវនៃគំនិតផ្តួចផ្តើមនេះ រាជរដ្ឋាភិបាលកម្ពុជា នឹងផ្តោតជាអាទិភាពក្នុងការអភិវឌ្ឍជំនាញ និងការពង្រីកវិសាលភាពនៃកិច្ចគាំពារសង្គម ដែលចំណុចទាំងនេះនឹងត្រូវលើកយកមកពិភាក្សាក្នុងការកសាងផែនទីបង្ហាញផ្លូវ ដើម្បីអនុវត្តកាតាលីករសកលនេះ។ ឆ្លៀតក្នុងឱកាសនោះ ឯកឧត្តមរដ្ឋមន្រ្តី បានសំណូមពរដល់ភ្នាក់ងាររបស់អង្គការសហប្រជាជាតិទាំងអស់ សូមបន្តផ្តល់កិច្ចសហប្រតិបត្តិការកាន់តែជិតស្និទ្ធ និងរឹងមាំដើម្បីបន្តអភិវឌ្ឍន៍វិស័យការងារនៅកម្ពុជា៕

គ្រូបង្រៀនអារ៉ាប៊ីសាអ៊ូឌីត ត្រូវបានកាត់ទោសប្រហារជីវិតជុំវិញការរិះគន់គ្រួសារដែលកំពុងកាន់អំណាចនៅលើបណ្តាញសង្គម

អារ៉ាប៊ីសាអ៊ូឌីត៖ តុលាការអារ៉ាប៊ីសាអ៊ូឌីត បានកាត់ទោសប្រហារជីវិតគ្រូបង្រៀនចូលនិវត្តន៍ម្នាក់ជុំវិញការរិះគន់គ្រួសារដែលកំពុងកាន់អំណាចនៅក្នុងសារទៅកាន់អ្នកតាមដានប្រព័ន្ធផ្សព្វផ្សាយសង្គមចំនួន៩នាក់របស់គាត់។យោងតាមអង្គការឃ្លាំមើលសិទិ្ធមនុស្ស លោក ម៉ូហាមេដ អាល់ ហ្គាមឌី (Mohammed al-Ghamdi) មានវ័យ ៥៤ឆ្នាំ ត្រូវបានកាត់ទោសប្រហារជីវិត នៅថ្ងៃទី១០ ខែកក្កដាសម្រាប់បទល្មើសផ្សេងៗទាក់ទងនឹងសកម្មភាពរបស់គាត់នៅលើកម្មវិធីYouTube និង X ដែលពីមុនត្រូវបានគេស្គាល់ថាជាTwitter។ សេចក្តីសម្រេចនេះ អាចជាការកាត់ទោសប្រហារជីវិតលើកដំបូងសម្រាប់ការបង្ហោះតាមបណ្តាញសង្គម។តាមរបាយការណ៍ ការចោទប្រកាន់ដែលត្រូវបានចោទប្រកាន់លើគ្រូបង្រៀនដែលចូលនិវត្តន៍នោះ រួមមាន«ការពិពណ៌នាអំពីព្រះមហាក្សត្រ ឬរជ្ជទាយាទ ក្នុងផ្លូវមួយដែលធ្វើប៉ះពាល់សាសនា ឬយុត្តិធម៌» «គាំទ្រមនោគមវិជ្ជាភេរវកម្ម» និងការផ្សព្វផ្សាយព័ត៌មានក្លែងក្លាយ «ដោយមានចេតនាអនុវត្តឧក្រិដ្ឋកម្មភេរវកម្ម»។កាលពីថ្ងៃព្រហស្បតិ៍ ប្អូនប្រុសរបស់លោក ម៉ូហាមេដ គឺលោកសាអ៊ីដ ហ្គាមឌី ( Saeed al-Ghamdi) បានបង្ហោះលើ Twitter ថា ការកាត់ទោសលើបងប្រុសរបស់លោក អាចជាការប៉ុនប៉ង «បំបាក់ទឹកចិត្តខ្ញុំផ្ទាល់ បន្ទាប់ពីការប៉ុនប៉ងបរាជ័យក្នុងការបញ្ជូនខ្ញុំទៅប្រទេស»។ លោកសាអ៊ីដ ជាអ្នកប្រាជ្ញឥស្លាម រស់នៅក្នុងការនិរទេសខ្លួនឯងក្នុងទីក្រុងឡុងដ៍ ហើយត្រូវបានអាជ្ញាធរអារ៉ាប៊ីសាអ៊ូឌីត តាមចាប់ខ្លួន៕

ទីភ្នាក់ងារប្រេស៊ីល៖ រុស្ស៊ីនឹងមិនស៊ើបអង្កេតការធ្លាក់យន្តហោះរបស់លោក Prigozhin ក្រោមច្បាប់អន្តរជាតិ

រុស្ស៊ី៖ ទីភ្នាក់ងារប្រេស៊ីល កាលពីថ្ងៃអង្គារ (ទី២៩ ខែសីហា) បានប្រាប់ទីភ្នាក់ងារសារព័ត៌មាន Reuters ថា ប្រទេសរុស្ស៊ីបានជូនដំណឹងដល់អាជ្ញាធរស៊ើបអង្កេតយន្តហោះរបស់ប្រទេសប្រេស៊ីលថា ខ្លួននឹងមិនស៊ើបអង្កេតការធ្លាក់យន្តហោះ Embraer ផលិតនៅប្រទេសប្រេស៊ីល ដែលបានសម្លាប់មេដឹកនាំរបស់ក្រុមទាហានស៊ីឈ្នួល លោក Yevgeny Prigozhin ក្រោមច្បាប់អន្តរជាតិ នាពេលនេះនោះទេ។សូមបញ្ជាក់ថា លោក Prigozhin អនុសេនីយ៍ឯក ២រូបនៃក្រុមទាហានស៊ីឈ្នួល Wagner របស់លោក និងអង្គរក្ស ៤នាក់ សុទ្ធតែស្ថិតនៅក្នុងចំណោមមនុស្ស ១០នាក់ ដែលបានបាត់បង់ជីវិត នៅពេលដែលយន្តហោះ Embraer Legacy 600 បានធ្លាក់នៅភាគខាងជើងទីក្រុងម៉ូស្គូ កាលពីសប្តាហ៍មុន។មរណភាពរបស់មេដឹកនាំរូបនេះ កើតមានឡើងក្នុងរយៈពេល ២ខែ មកទល់នឹងថ្ងៃកើតហេតុនោះ ពោលគឺបន្ទាប់ពីមានការបះបោររយៈខ្លីមួយប្រឆាំងនឹងស្ថាប័នការពារជាតិរុស្ស៊ី ដែលការរំជើបរំជួលមួយវឹបនោះ បានបង្កជាបញ្ហាប្រឈមដ៏ធំបំផុត ចំពោះការគ្រប់គ្រងរបស់ប្រធានាធិបតីរុស្សី លោក វ្លាឌីមៀរ ពូទីន (Vladimir Putin) ចាប់តាំងពីលោកបានឡើងកាន់អំណាច ក្នុងឆ្នាំ១៩៩៩។ពាក់ព័ន្ធនឹងការធ្លាក់យន្តហោះនោះ ក្នុងគោលបំណងធ្វើឲ្យសុវត្ថិភាពអាកាសចរណ៍ប្រសើរឡើង មជ្ឈមណ្ឌលស្រាវជ្រាវ និងការពារឧបទ្ទវហេតុផ្លូវអាកាសរបស់ប្រទេសប្រេស៊ីល ហៅកាត់ថា CENIPA បាននិយាយថា ខ្លួននឹងចូលរួមការស៊ើបអង្កេតដែលដឹកនាំដោយរុស្ស៊ី ប្រសិនបើមានការអញ្ជើញ ហើយការស៊ើបអង្កេតធ្វើឡើងក្រោមច្បាប់អន្តរជាតិ។បន្ទាប់ពីមជ្ឈមណ្ឌល បានផ្ញើសារអេឡិចត្រូនិក កាលពីសប្តាហ៍មុន ដោយសួរទៅប្រទេសរុស្ស៊ីថា តើខ្លួននឹងបើកការស៊ើបអង្កេតដែរ ឬទេ នាយក CENIPA លោក Marcelo Moreno បានប្រាប់ទីភ្នាក់ងារសារព័ត៌មាន Reuters ថា៖ «អាជ្ញាធររុស្ស៊ីមិនមានកាតព្វកិច្ច ក្នុងការស៊ើបអង្កេតនោះឡើយ ដោយនេះគ្រាន់តែជាការផ្តល់អនុសាសន៍ឲ្យមានសកម្មភាពបែបនេះប៉ុណ្ណោះ»។យ៉ាងណាក្ដី CENIPA បានឲ្យដឹងនៅក្នុងសេចក្តីថ្លែងការណ៍តាមរយៈសារអេឡិចត្រូនិកថា បជ្ឈមណ្ឌលទទួលបានការឆ្លើយតបពីគណៈកម្មាធិការអាកាសចរណ៍អន្តររដ្ឋ ដែលជាគណៈកម្មការស៊ើបអង្កេតឧប្ទវហេតុ (IAC) កាលពីថ្ងៃអង្គារ (ទី២៩ ខែសីហា) ដោយអាជ្ញាធររុស្ស៊ី បានប្រាប់ថា ខ្លួននឹងមិនបើកឲ្យមានការស៊ើបអង្កេតនាពេលនេះនោះទេ តាមឧបសម្ព័ន្ធទី១៣ (Annex 13)៕

នាយករដ្ឋមន្រ្តីអូស្រ្តាលី ប្រកាសកាលបរិច្ឆេតសម្រាប់ការធ្វើប្រជាមតិជនជាតិដើមភាគតិច

អូស្រ្តាលី៖ នៅថ្ងៃពុធនេះ នាយករដ្ឋមន្រ្តីអូស្រ្តាលីលោក Anthony Albanese និយាយថា ការធ្វើប្រជាមតិជាប្រវត្តិសាស្រ្ត ដើម្បីផ្លាស់ប្តូររដ្ឋធម្មនុញ្ញទទួលស្គាល់ជនជាតិដើមភាគតិចរបស់ប្រទេសមួយនេះ នឹងត្រូវព្រព្រឹត្តទៅនៅថ្ងៃទី ១៤ ខែតុលា ខាងមុខនេះ ។ ប្រជាពលរដ្ឋអូស្រ្តាលី នឹងត្រូវគេសួរឲ្យបោះឆ្នោតថាតើពួកគេគាំទ្រការផ្លាស់ប្តូររដ្ឋធម្មនុញ្ញឬយ៉ាងណា ឲ្យរួមបញ្ចូល “សំឡេងសភា” ដែលជាគណៈកម្មាធិការជនជាតិដើមភាគតិច ដើម្បីណែនាំសភាសហព័ន្ធលើបញ្ហាប៉ះពាល់ជនជាតិភាគតិច អាប៊័ររិចនី និងប្រជាពលរដ្ឋរស់នៅលើកោះ Torres Strait ។ ទោះបីជាយ៉ាងណាក៏ដោយ អូស្រ្តាលី គ្មានសន្ធិសញ្ញាជាមួយជនជាតិដើមភាគតិចនោះទេ ដែលមានចំនួនស្មើនឹង ៣,២ភាគរយនៃចំនួនប្រជាពលរដ្ឋជិត ២៦លាននាក់របស់ពួកគេ ហើយនិងស្ថិតនៅពីក្រោមមធ្យមភាគជាតិនៃវិធានការសេដ្ឋកិច្ចសង្គមភាគច្រើន ។ ជនជាតិភាគតិចទាំងអស់នេះ មិនត្រូវបានអះអាងនៅក្នុងរដ្ឋធម្មនុញ្ញនោះឡើយ បើទោះបីជាពួកគេបានរស់នៅលើទឹកដីអូស្រ្តាលីអស់រយៈពេលជាង ៦ម៉ឺនឆ្នាំក៏ដោយ ។ គួរឲ្យដឹងថា ការផ្លាស់ប្តូររដ្ឋធម្មនុញ្ញណាមួយនៅអូស្រ្តាលី ត្រូវការការធ្វើប្រជាមតិថ្នាក់ជាតិ ហើយការផ្លាស់ប្តូររដ្ឋធម្មនុញ្ញនៅប្រទេសអូស្រ្តាលី ពិតជាពិបាកខ្លាំងណាស់ ។ កាលពីមុន មាននូវសំណើរចំនួន ៤៤សម្រាប់ការផ្លាស់ប្តូររដ្ឋធម្មនុញ្ញ អំឡុងការធ្វើប្រជាមតិ ១៩លើក ហើយមានតែសំណើរចំនួន ៨ប៉ុណ្ណោះ នៅក្នុងចំណោមសំណើរទាំងអស់នេះ បានអនុម័ត ៕

រដ្ឋមន្រ្តីក្រសួងពាណិជ្ជកម្មសហរដ្ឋអាមេរិក ជំរុញឲ្យមានទំនាក់ទំនងកាន់តែច្រើនជាងនេះជាមួយចិន

អាមេរិក៖រដ្ឋមន្រ្តីក្រសួងពាណិជ្ជកម្មសហរដ្ឋអាមេរិកលោកស្រី Gina Raimondo និយាយនៅថ្ងៃពុធនេះថា ការទំនាក់ទំនងបន្ថែមទៀត ត្រូវការចាំបាច់រវាងចិន និងសហរដ្ឋអាមេរិក ហើយប្រទេសទាំង ២ បានយល់ព្រមចាប់ផ្តើមឲ្យក្រុមការងារបញ្ហាពាណិជ្ជកម្មជួបគ្នាច្រើនលើកនៅក្នុងឆ្នាំនេះ ។ ពេលផ្តល់អនុសាសន៍នៅកិច្ចប្រជុំសភាពាណិជ្ជកម្មអាមេរិកក្នុងទីក្រុងសៀងហៃ លោកស្រី Raimondo បន្តថា សហរដ្ឋអាមេរិក និងចិន មាននូវទំនាក់ទំនងសេដ្ឋកិច្ចដ៏សំខាន់ និងទ្រង់ទ្រាយធំ ។ លោកស្រី Raimondo គឺជារដ្ឋមន្រ្តីក្រសួងពាណិជ្ជកម្មលើកដំបូងគេបំពេញទស្សនកិច្ចមកកាន់ចិនក្នុងរយៈពេល ៥ឆ្នាំកន្លងមកនេះ ហើយនិងជាមន្រ្តីចុងក្រោយគេរបស់រដ្ឋបាលលោកប្រធានាធិបតី Joe Biden ធ្វើដំណើរមកកាន់ប្រទេសមួយនេះ ដើម្បីពង្រឹងទំនាក់ទំនង ជាពិសេសលើវិស័យសេដ្ឋកិច្ច និងវិស័យការពារជាតិ ស្របពេលដែលជម្លោះរវាងប្រទេសមហាអំណាចសេដ្ឋកិច្ចធំបំផុតទាំង ២របស់ពិភពលោក ធ្វើឲ្យរង្គោះរង្គើរដល់ទំនាក់ទំនងពាណិជ្ជកម្ម ។ លោកស្រី Raimondoនឹងបញ្ចប់ដំណើរទស្សនកិច្ចរយៈពេល ៤ថ្ងៃរបស់លោកស្រីទៅកាន់ប្រទេសចិន ហើយកាលពីថ្ងៃចន្ទ លោកស្រីបានជួបជាមួយសមភាគីចិនលោក Wang Wentao នៅក្នុងទីក្រុងប៉េកាំង ៕

បណ្ដាញសង្គម

ព័ត៌មានថ្មីៗ

ឱកាសការងារ ៣៥៥០កន្លែង ជាមួយនឹងអត្ថប្រយោជន៍ ប.ស.ស. និងកម្មវិធី TVET ត្រូវបាននាំយកទៅផ្សព្វផ្សាយជូនពលរដ្ឋដល់មូលដ្ឋានខេត្តសៀមរាប

វិស័យរដ្ឋបញ្ជាក់ពីការប្តេជ្ញាចិត្តក្នុងការជួយពង្រឹងការយល់ដឹងអំពីច្បាប់ និងនីតិវិធីគយដល់វិស័យ SMEs

យោធាអ៊ីស្រាអែលព្រមានអំពីការវាយប្រហារជិតកើតមាន នៅភាគខាងត្បូងនៃប្រទេសលីបង់

ជប៉ុន និងឥណ្ឌូនេស៊ី សម្លឹងដល់ទំនាក់ទំនងកាន់តែជិតស្និទ្ធ តាមរយៈការចែករំលែកព័ត៌មានសម្ងាត់ និងការនាំចេញនាវាពិឃាត

មេដឹកនាំប្រឆាំងរបស់កោះតៃវ៉ាន់ ព្យាយាមសម្រាលក្តីបារម្ភរបស់អាមេរិក ជុំវិញជំហរជាមួយចិន

ចិនរិះគន់សហរដ្ឋអាមេរិកចំពោះការដាក់ស្លាក «យោធា» លើក្រុមហ៊ុនធំៗរបស់ខ្លួន

មហាសេដ្ឋីទ្រព្យសែនកោដិថ្មីថ្មោង លោក Musk រងការរិះគន់យ៉ាងខ្លាំង ជុំវិញកុបកម្ម នៅទីក្រុង Belfast

កិច្ចព្រមព្រៀងសន្តិភាពអ៊ីរ៉ង់លេចស្រមោលស្ទុងៗ ខណៈវិធានការយោធាថ្មីកើតឡើងនៅជិតច្រកសមុទ្រ Hormuz

លោក Trump៖ ការវាយប្រហារដោយអាមេរិក បានសម្លាប់មេក្រុមអន្ធពាល Tren de Aragua របស់វ៉េណេស៊ុយអេឡា

សមត្ថកិច្ចរាជធានីភ្នំពេញ បន្តត្រួតពិនិត្យទីតាំងស្នាក់នៅប្រមូលផ្ដុំ ដើម្បីស្វែងរក និងបោសសម្អាតបទល្មើស Online Scams

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍

កម្មករ-កម្មការិនី សប្បាយចិត្តក្រោយនាយករដ្ឋមន្រ្តី ប្រកាសរៀបចំបណ្តុះបណ្ដាល​ជំនាញដល់ពួកគេ