BTV NEWS

សម្តេចតេជោ ហ៊ុន សែន អនុញ្ញាតឱ្យឯកឧត្តម គីម ជីនផ្យូ (Kim Jin-pyo) អតីតប្រធានរដ្ឋសភា នៃសាធារណរដ្ឋកូរ៉េ ចូលជួបសម្ដែងការគួរសម

ទិវាសន្ដិភាពអន្ដរជាតិ| សម្ដេចធិបតី អំពាវនាវឱ្យថៃគោរពកិច្ចព្រមព្រៀងដែលបានឯកភាពគ្នាលើបញ្ហាព្រំដែន ខណៈកម្ពុជាប្រកាន់គោលការណ៍គ្រឹះគោរពអធិបតេយ្យដោះស្រាយបញ្ហាដោយសន្ដិវិធី

សម្ដេចតេជោ បង្ហាញចំណាប់អារម្មណ៍ទៅលើអត្ថបទរបស់អ្នកវិភាគថៃ ក្រោមចំណងជើងថា «ស្កប់ចិត្ត តែនៅមិនឈ្នះ!»

សម្ដេចតេជោលើកទឹកចិត្តឱ្យកម្ពុជា និងស៊ីបរកឱកាស និងយន្តការថ្មីៗជំរុញការវិនិយោគ និងពាណិជ្ជកម្មទ្វេភាគីឱ្យកាន់តែរីកចម្រើន

នយោបាយ និង ការអភិវឌ្ឍន៍

សម្ដេច ស ខេង ជំរុញអាជ្ញាធរខេត្តបាត់ដំបង កសាងហេដ្ឋារចនាសម្ព័ន្ធបន្ថែម បម្រើឱ្យវិស័យទេសចរណ៍

បាត់ដំបង៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជំរុញរដ្ឋបាលខេត្តឱ្យគិតគូរ កសាងបន្ថែមនូវហេដ្ឋារចនាសម្ព័ន្ធនានា បម្រើឱ្យវិស័យទេសចរណ៍ ជាពិសេសរៀបចំឱ្យមានកន្លែងកម្សាន្ត លើទឹក ដើម្បីបង្កើនការទាក់ទាញភ្ញៀវទេសចរនៅរដូវប្រាំង ។សម្ដេចក្រឡាហោម ស ខេង នៅព្រឹកថ្ងៃទី១៦ ខែសីហានេះ ក្នុងឱកាសអញ្ជើញធ្វើជាអធិបតីសម្ពោធដាក់ឱ្យប្រើប្រាស់ជាផ្លូវការនូវវិមានឯករាជ្យ សួនច្បារ និងផ្លូវក្រាលកៅស៊ូAC នៅក្នុងក្រុងបាត់ដំបង បានបញ្ជាកថា ខេត្តបាត់ដំបង ជាខេត្តមួយដែលមានសក្ដានុពលខ្ពស់លើវិស័យទេសចរណ៍ ដូច្នេះទាមទារ ឱ្យអាជ្ញាធរ និងស្ថាប័នពាក់ព័ន្ធ ត្រូវយកចិត្តទុកដាក់គិតគូរអភិវឌ្ឍន៍វិស័យនេះឱ្យបានល្អ ដែលវានឹងផ្ដល់ចំណូលដល់សហគមន៍ និងជួយលើកកម្ពស់សេដ្ឋកិច្ចប្រជាពលរដ្ឋ ។សម្ដេចក្រឡាហោម បានថ្លែងនូវការកោតសរសើរដល់រដ្ឋបាលខេត្ត ដែលបានខិតខំកែលម្អលើក កម្ពស់សោភ័ណភាពក្រុងបាត់ដំបង តាមរយៈការកសាងវិមានឯករាជ្យ សួនច្បារ និងផ្លូវក្រាលកៅស៊ូ ដែល បានសម្ពោធដាក់ឱ្យប្រើប្រាស់ នាពេលនេះ ។សម្ដេច បានណែនាំដល់រដ្ឋបាលខេត្ត ត្រូវខិតខំកៀរគរស្វែងរកការគាំទ្រ ដើម្បីរៀបចំសាងសង់ពហុកីឡដ្ឋានស្ដង់ដារមួយ ដែលអាចបម្រើឱ្យវិស័យកីឡាគ្រប់ប្រភេទ ។ឯកឧត្តម សុខ លូ អភិបាលខេត្តបាត់ដំបង បានឱ្យដឹងថា ក្រៅពីសមិទ្ធផល ដែលសម្រេចបាន និង សម្ពោធដាក់ឱ្យប្រើប្រាស់នាពេលនេះ រដ្ឋបាលខេត្ត បាននិងកំពុងជួលជុលកែលម្អផ្លូវជាច្រើនខ្សែ និងមាន គម្រោងកែលម្អសួនច្បារសាធារណៈ និងការរៀបចំរបៀបរៀបរយនៅតាមរមណីយដ្ឋាន ពង្រឹងសន្តិសុខ សណ្ដាប់ធ្នាប់ និងសុវត្ថិភាពសាធារណៈ ។អភិបាលខេត្តបាត់ដំបង បានបញ្ជាក់បន្ថែមថា ក្រៅពីការអភិវឌ្ឍនានា រដ្ឋបាលខេត្ត បាននិងកំពុង ខិតខំដោះស្រាយបញ្ហាសំរាម អនាម័យបរិស្ថាន សណ្ដាប់ធ្នាប់សាធារណៈ និងរំដោះសំណង់មិនរៀបរយ ចេញពីទីក្រុង ដើម្បីឱ្យក្រុងបាត់ដំបង អាចប្រែក្លាយទៅជាទីក្រុងវៃឆ្លាតនៅពេលអនាគត ៕អត្ថបទ៖ នឿត សុភ័ក្ត្រ

អាជីវកម្មទេសចរណ៍ចាប់ផ្តើមចុះឈ្មោះចូលរួមចលនាប្រឡងប្រណាំងបដិសណ្ឋារកិច្ចល្អ

ភ្នំពេញ៖ បន្ទាប់ពីក្រសួងទេសចរណ៍បានប្រកាសអនុវត្តយុទ្ធនាការប្រឡងប្រណាំង បដិសណ្ឋារកិច្ចសេវាកម្មទេសចរណ៍ល្អឡើងវិញ ឆ្នាំ២០២៣ នៅពេលនេះ មានមូលដ្ឋានអាជីវកម្មទេសចរណ៍ ដូចជា ភោជនីយដ្ឋាន សណ្ឋាគារ ការីទេសចរណ៍ និងអាជីវកម្មទូកទេសចរណ៍ជាដើម បានចុះឈ្មោះចូលរួមប្រឡងប្រណាំងបដិសណ្ឋារកិច្ចល្អ និងការបង្កើនសកម្មភាពផ្តល់សេវាប្រកបដោយភាពកក់ក្តៅ និងភាពជឿជាក់។តំណាងម្ចាស់ភោជនីយដ្ឋាន ថាលាស់ ម្លឹះ នៅរាជធានីភ្នំពេញ បានថ្លែងBTV នៅថ្ងៃទី១៦ ខែសីហានេះថា នៅក្នុងឆ្នាំនេះ ភោជនីយដ្ឋានថាលាស់ម្លឹះ នឹងចុះឈ្មោះចូលរួមចលនាប្រឡងប្រណាំង បដិសណ្ឋារកិច្ចល្អរបស់ក្រសួងទេសចរណ៍ ដោយបង្កើនការផ្តល់សេវាបដិសណ្ឋារកិច្ចល្អជូនភ្ញៀវ ដើម្បីបន្តយកវិញ្ញាបនបត្រអាជីវកម្មឆ្នើម បដិសណ្ឋារកិច្ចល្អ លើផ្នែកសេវាកម្មម្ហូបអាហារ ពីរាជរដ្ឋាភិបាលអាណត្តិថ្មី។ដោយឡែកម្ចាស់ទូកទេសចរណ៍ ម្ចាស់ទន្លេ នៅរាជធានីភ្នំពេញ លើកឡើងថា លោក នឹងដាក់ពាក្យចុះឈ្មោះ ប្រឡងប្រណាំងការងារបដិសណ្ឋារកិច្ចល្អ ដើម្បីរួមគ្នាលើកកម្ពស់អាជីវកម្មផ្តល់សេវាបដិសណ្ឋាកិច្ចល្អ បុគ្គលិកមានជំនាញ ស្នាមញញឹមរស់ រាយរាក់ទាក់ និងធ្វើឲ្យភ្ញៀវពេញចិត្ត កក់ក្តៅ និងមានភាពទុកចិត្តជឿជាក់លើអាជីវកម្មទូកទេសចរណ៍លោក។ លោក គីម សេរីរដ្ឋ ប្រធាននាយកដ្ឋានគ្រប់គ្រងសេវាកម្មស្នាក់នៅទេសចរណ៍ និងម្ហូបអាហារ នៃក្រសួងទេសចរណ៍ បានថ្លែងថា យុទ្ធនាការប្រឡងប្រណាំងបដិសណ្ឋារកិច្ចល្អសេវាកម្មទេសចរណ៍នេះ គឺក្រសួងទេសចរណ៍បានអនុវត្តចុងក្រោយនៅក្នុងឆ្នាំ២០១៨ ហើយក្រោយមក ដោយសារកម្ពុជាជួបវិបត្តិរាតត្បាតកូវីដ១៩ ការអនុវត្តយុទ្ធនាការបដិសណ្ឋារកិច្ចគឺបានអាកខានចំនួន៣ឆ្នាំ ។លោក គីម សេរីដ្ឋ ថ្លែងថា សម្រាប់ការអនុវត្តយុទ្ធនាចលនាប្រឡងប្រណាំងបដិសណ្ឋារកិច្ចល្អឡើងវិញនៅឆ្នាំ២០២៣នេះ គឺធ្វើឡើងស្របតាមក្នុងគោលដៅគឺ ជំរុញការផ្តល់សេវាកម្មទេសចរណ៍ ក្នុងយុទ្ធនាការឆ្នាំទស្សនាកម្ពុជា២០២៣ និងការអនុវត្តផែនទីបង្ហាញផ្លូវស្តារវិស័យទេសចរណ៍ក្រោយវិបត្តិកូវីដ១៩ ហើយលទ្ធផលប្រឡងប្រណាំងបដិសណ្ឋារកិច្ចល្អនេះ នឹងត្រូវប្រកាសផ្តល់ជ័យលាភីនៅចុងឆ្នាំ២០២៣នេះ៕ អត្ថបទ ស៊ុម សុខជា

បេក្ខជនប្រធានាធិបតីអេក្វាឌ័រ លោកស្រី Gonzalez៖ នឹងប្រើប្រាស់ទុនបម្រុង ២,៥ពាន់លានដុល្លារ ដើម្បីជួយទ្រទ្រង់សេដ្ឋកិច្ច

នៅមុនការបោះឆ្នោតសកលរបស់ប្រទេសអេក្វាឌ័រ នាថ្ងៃអាទិត្យ (ទី២០ ខែសីហា) ដែលត្រូវបានធ្វើឲ្យកករល្អក់ដោយការសម្លាប់បេក្ខជនម្នាក់ បេក្ខជនប្រជែងតំណែងប្រធានាធិបតី លោកស្រី Luisa Gonzalez ដែលបាននាំមុខក្នុងការស្ទង់មតិនៅមុនការបោះឆ្នោតនោះ បាននិយាយកាលពីថ្ងៃអង្គារ (ទី១៥ ខែសីហា) ថា លោកស្រីនឹងប្រើប្រាស់ទឹកប្រាក់ ២,៥ពាន់លានដុល្លារពីទុនបម្រុងអន្តរជាតិ ដើម្បីពង្រឹងសេដ្ឋកិច្ច ដែលកំពុងតែយ៉ាប់យ៉ឺន ប្រសិនបើលោកស្រីជាប់ឆ្នោត។ក្នុងនាមជាគូបដិបក្ខដ៏យូរអង្វែងណាស់មកហើយទល់នឹងទីប្រឹក្សារបស់លោកស្រី Gonzalez គឺអតីតប្រធានាធិបតី លោក Rafael Correa បេក្ខជនប្រឆាំងអំពើពុករលួយ លោក Fernando Villavicencio ត្រូវបានខ្មាន់កាំភ្លើងបាញ់ស្លាប់ ពេលកំពុងចេញព្រឹត្តិការណ៍មួយ ក្នុងទីក្រុង Quito កាលពីសប្តាហ៍មុន ដោយហេតុការណ៍នេះ បានបង្ហាញពីសន្តិសុខកាន់តែអាក្រក់ឡើងៗ ក្នុងប្រទេសដែលលាតសន្ធឹងតាមបណ្ដោយផ្នែកខាងលិចនៃតំបន់អាមេរិកខាងត្បូង ឬអាមេរិកឡាទីន និងបានជំរុញឲ្យដៃគូប្រកួតប្រជែងរបស់លោក សន្យាថា នឹងប្រយុទ្ធប្រឆាំងលុបបំបាត់អំពើឧក្រិដ្ឋកម្ម។សូមបញ្ជាក់ថា អេក្វាឌ័របានពឹងផ្អែកលើការផ្តល់ហិរញ្ញប្បទានអន្តរជាតិ ចាប់តាំងពីសេដ្ឋកិច្ចរបស់ខ្លួន ត្រូវបានបំផ្លាញដោយការរាតត្បាតពីរីរុសកូរ៉ូណា។ ប្រទេសនេះបានបញ្ចប់កិច្ចព្រមព្រៀងឥណទានចំនួន ៦,៥ពាន់លានដុល្លារជាមួយមូលនិធិរូបិយវត្ថុអន្តរជាតិ (IMF) កាលពីចុងឆ្នាំមុន ហើយក្នុងខែនេះ បានយកប្រាក់កម្ចីចំនួន ៥០០លានដុល្លារជាមួយធនាគារអភិវឌ្ឍន៍អន្តរអាមេរិក (IDB ឬ IADB )។ហើយបើយោងតាមទិន្នន័យរបស់ធនាគារកណ្តាល បានឲ្យដឹងថា ប្រទេសអេក្វាឌ័រ មានទុនបម្រុងអន្តរជាតិប្រមាណ ៦,៩៦ពាន់លានដុល្លារ គិតត្រឹមខែមិថុនា៕

រដ្ឋមន្ត្រីការពារជាតិរុស្ស៊ី និយាយសម្រាលពីផលប៉ះពាល់អាវុធលោកខាងលិចនៅអ៊ុយក្រែន

រុស្ស៊ី៖ រដ្ឋមន្ត្រីការពារជាតិរុស្ស៊ី លោក Sergei Shoigu បាននិយាយថា កងកម្លាំងអ៊ុយក្រែន កំពុងបរាជ័យនៅលើសមរភូមិ ទោះបីជាជំនួយទាំងអស់ ពួកគេបានទទួលពីប្រទេសលោកខាងលិចក៏ដោយ។លោក Shoigu បានថ្លែងដូច្នេះ កាលពីថ្ងៃអង្គារនៅក្នុងជំនួបជាមួយមន្ត្រីយោធាមកពីប្រទេសចិន ឥណ្ឌា និងបណ្តាប្រទេសជាច្រើនទៀត នៅក្នុងសន្និសីទស្តីពីសន្តិសុខអន្តរជាតិ នៅជិតទីក្រុងមូស្គូ។រុស្ស៊ី បានទាញយកដៃគូជាច្រើនរបស់ខ្លួនខិតមកកាន់តែកៀក ចាប់តាំងពីមើលឃើញខ្លួនឯងថា នៅឯកោនៅឆាកពិភពលោក បន្ទាប់ពីបើកការវាយលុកទៅលើអ៊ុយក្រែន។ លោក Shoigu បានលើកឡើងពីយោបល់របស់លោកលើការវាយលុកប្រឆាំងអ៊ុយក្រែន ដោយនិយាយថា ការរុញច្រានបានបង្ហាញថា អាវុធរបស់លោកខាងលិចមិនអាចការពារបាន។ លោក Shoigu និយាយថា លទ្ធផលបឋមនៃសកម្មភាពប្រយុទ្ធបង្ហាញថា ធនធានយោធារបស់អ៊ុយក្រែន ចុះខ្សោយខ្លាំងបំផុត។ រដ្ឋមន្ត្រីការពារជាតិចិន លោក Li Shangfu បានចូលរួមនៅក្នុងវេទិកានេះ។ លោកបានចោទប្រកាន់មេដឹកនាំប្រទេសលោកខាលិចពីការបង្កហេតុលើគូប្រជែងរបស់ពួកគេ។ លោក Li និយាយថា សម្រាប់ភាពរង្គោះរង្គើរនៃពិភពលោកទាំងមូល យើងចំបាច់ត្រូវធ្វើការរួមគ្នា ដើម្បីទប់ទល់មធ្យោបាយណាមួយនៃការដាក់គំនាប។រុស្ស៊ី បានព្យាយាមនិយាយសម្រាលពីផលប៉ះពាល់នៃទណ្ឌកម្មរបស់ប្រទេសលោកខាងលិច ចាប់តាំងពីការវាយលុកបានចាប់ផ្តើម៕

ក្រុមហ៊ុនGoogle នឹងបណ្តុះបណ្តាលជនជាតិនីហ្សេរីយ៉ាចំនួន២០.000នាក់ ក្នុងជំនាញឌីជីថល

អាហ្វ្រិក៖ ក្រុមអ្នកប្រតិបត្តិនៅអាហ្វ្រិករបស់ខ្លួន បាននិយាយកាលពីថ្ងៃអង្គារថា ក្រុមហ៊ុន Google គ្រោងនឹងបណ្តុះបណ្តាលស្ត្រី និងយុវជននីហ្សេរីយ៉ាចំនួន ២០.០០០ នាក់ក្នុងជំនាញឌីជីថល និងផ្តល់ជំនួយចំនួន ១,២ពាន់លាន ណៃរ៉ា (១,៦ លានដុល្លារ) ដើម្បីជួយរដ្ឋាភិបាលក្នុងការបង្កើតការងារឌីជីថលមួយលានកន្លែង នៅក្នុងប្រទេសនេះ។ អនុប្រធានាធិបតី លោក កាស៊ីម សេតទីម៉ា ( Kashim Shettima) បានថ្លៃងប្រាប់នាយកប្រតិបត្តិក្រុមហ៊ុន Google Africa ក្នុងអំឡុងពេលកិច្ចប្រជុំមួយនៅទីក្រុងអាប៊ូចា ( Abuja)ថា ប្រទេសនីហ្សេរីយ៉ា គ្រោងបង្កើតការងារឌីជីថលសម្រាប់យុវជនដ៏ច្រើនរបស់ខ្លួន ។ លោកសេតទីម៉ា មិនបានផ្តល់ពេលវេលាសម្រាប់ការបង្កើតការងារនោះទេ។ក្រុមអ្នកប្រតិបត្តិក្រុមហ៊ុន Google Africa បាននិយាយថា ជំនួយពីអង្គការសប្បុរសធម៌របស់ខ្លួនក្នុងភាពជាដៃគូជាមួយបណ្តាញទិន្នន័យវិទ្យាសាស្ត្រនីហ្សេរីយ៉ា ( Data Science Nigeria) និងកម្មវិធីគំនិតផ្តួចផ្តើមឧស្សាហកម្មច្នៃប្រឌិតសម្រាប់ អាហ្វ្រិក (Creative Industry Initiative for Africa) នឹងជួយសម្រួលដល់គម្រោងនេះ។លោក សេតទីម៉ា បាននិយាយថា គំនិតផ្តួចផ្តើមរបស់ក្រុមហ៊ុន Google ស្របតាមការប្តេជ្ញាចិត្តរបស់រដ្ឋាភិបាលក្នុងការបង្កើនការចូលរួមរបស់យុវជននៅក្នុងសេដ្ឋកិច្ចឌីជីថល។ លោកបន្ថែមថា រដ្ឋាភិបាល ក៏កំពុងធ្វើការជាមួយធនាគាររបស់ប្រទេសនេះ លើគម្រោងនេះផងដែរ៕

រដ្ឋមន្ត្រីការពារជាតិចិន ព្រមានកោះតៃវ៉ាន់ ពីការលេងជាមួយភ្លើង អំឡុងពេលកិច្ចប្រជុំក្នុងប្រទេសរុស្ស៊ី

ចិន៖ កាលពីថ្ងៃអង្គារ រដ្ឋមន្ត្រីការពារជាតិចិន លោក លី សាងហ្វ៊ូ បានព្រមានទល់នឹងការលេងជាមួយភ្លើង នៅពេលដែលកោះតៃវ៉ាន់ ស្ថិតនៅក្នុងរបាំងមុខរបស់សហរដ្ឋអាមេរិក ខណៈលោកបានថ្លែងសុន្ទរកថានៅក្នុងសន្និសីទសន្តិសុខនៅក្នុងប្រទេសរុស្ស៊ី។ដោយថ្លែងនៅក្នុងសន្និសិទទីក្រុងមូស្គូ ស្តីពីសន្តិសុខអន្តរជាតិ លោក លី បាននិយាយថា ការប៉ុនប៉ងប្រើប្រាស់តៃវ៉ាន់ ដើម្បីទប់ទល់នឹងប្រទេសចិន នឹងប្រាកដជាបញ្ចប់ដោយការបរាជ័យ នេះបើយោងតាមទីភ្នាក់ងារសារព័ត៌មានរដ្ឋស៊ីនហួ។បក្សកុម្មុយនិស្តដែលកំពុងកាន់អំណាចរបស់ប្រទេសចិន បានអះអាងសិទ្ធិលើកោះស្វ័យគ្រប់គ្រងមួយនេះ ហើយបានប្តេជ្ញាថា នឹងក្រសោបដីកោះនេះ ដោយប្រើប្រាស់កម្លាំងប្រសិនបើចាំបាច់។ ចិនបានរិះគន់ម្តងហើយម្តងទៀតនូវអន្តរកម្មរបស់អាមេរិក ជាមួយកោះនេះ ដែលទីក្រុងវ៉ាស៊ីនតោនមិនមានទំនាក់ទំនងការទូតជាផ្លូវការ រួមទាំងការលក់អាវុធរបស់អាមេរិកទៅទីក្រុងតៃប៉ិ ផងដែរ។ដំណើរទស្សនកិច្ចនេះ ជាដំណើរលើកទីពីររបស់លោក លី សម្រាប់ប្រទេសរុស្ស៊ី ចាប់តាំងពីទទួលតួនាទីជាប្រមុខការពារជាតិកាលពីដើមឆ្នាំនេះមក។ ដំណើរទស្សនកិច្ចនេះធ្វើឡើងខណៈទីក្រុងប៉េកាំង បានបន្តពង្រឹងទំនាក់ទំនងសន្តិសុខរបស់ខ្លួនជាមួយទីក្រុងមូស្គូ បើទោះបីជាការវាយលុកដោយឥតឈប់ឈររបស់រុស្ស៊ីទៅលើអ៊ុយក្រែន ដែលបានបង្កឱ្យមានគ្រោះមហន្តរាយមនុស្សធម៌ជាមួយនឹងផលប៉ះពាល់ជាសកលក៏ដោយ៕

អត្រាអត់ការងារធ្វើរបស់ចក្រភពអង់គ្លេសកើនឡើង ខណៈប្រាក់ឈ្នួលកើនឡើងក្នុងល្បឿនលឿនបំផុតក្នុងកំណត់ត្រា

អង់គ្លេស៖ ទិន្នន័យផ្លូវការបានបង្ហាញកាលពីថ្ងៃអង្គារថា អត្រាអត់ការងារធ្វើរបស់ចក្រភពអង់គ្លេស បានកើនឡើងក្នុងរយៈពេលបីខែដល់ចុងខែមិថុនា ខណៈដែលប្រាក់ឈ្នួលបានកើនឡើងក្នុងល្បឿនលឿនបំផុតប្រចាំឆ្នាំ ពេលដែលសេដ្ឋកិច្ចកំពុងជួបផលលំបាកជាមួយនឹងអតិផរណាខ្ពស់។ ការិយាល័យស្ថិតិជាតិ (ONS) បាននិយាយថា ចំនួនមនុស្សដែលអត់ការងារបានកើនឡើងដល់៤,២ភាគរយបើធៀបនឹងតួលេខ ៤ភាគរយក្នុងរយៈពេលបីខែដល់ចុងខែឧសភា។ លោក Darren Morgan នាយកស្ថិតិសេដ្ឋកិច្ចនៅការិយាល័យ ONS បាននិយាយថា កំណើននោះគឺជាចម្បងដោយសារតែមនុស្សចំណាយរយៈពេលយូរក្នុងការស្វែងរកការងារ ជាងអ្នកដែលបានចាប់ផ្តើមស្វែងរកការងារនៅក្នុងប៉ុន្មានខែថ្មីៗនេះ។ ក្រសួងហិរញ្ញវត្ថុចក្រភពអង់គ្លេសបានកត់សម្គាល់ថា អត្រាគ្មានការងារធ្វើរបស់ចក្រភពអង់គ្លេស គឺទាបជាងប្រទេសកាណាដា បារាំង អ៊ីតាលី អេស្ប៉ាញ និងតំបន់ចាយប្រាក់អឺរ៉ូ។ខណៈដែលអត្រាគ្មានការងារធ្វើ គឺខ្ពស់បំផុតចាប់តាំងពីខែកក្កដា ដល់ខែកញ្ញា ឆ្នាំ២០២១មក ក្រសួងបានបន្ថែមថា តួលេខនោះនៅតែទាបតាមស្តង់ដារប្រវត្តិសាស្ត្រ។ តួលេខការិយាល័យ ONS ក៏បានបង្ហាញផងដែរថា ប្រាក់ឈ្នួលទៀងទាត់មិនរាប់បញ្ចូលប្រាក់រង្វាន់ គឺខ្ពស់ជាង៧,៨ភាគរយក្នុងរយៈពេលបីខែដល់ចុងខែមិថុនា បើធៀបនឹងរយៈពេលដូចគ្នាកាលពីឆ្នាំមុន៕

អង្គការលីកាដូ លើកឡើងថាឧត្តមក្រុមប្រឹក្សាពិគ្រោះ និងផ្តល់យោបល់ នឹងរួមចំណែកដល់រាជរដ្ឋាភិបាល

ភ្នំពេញ៖ មន្រ្តីជាន់ខ្ពស់អង្គការលីកាដូ លើកឡើងថា ការរៀបចំឧត្តមក្រុមប្រឹក្សាពិគ្រោះ និងផ្តល់យោបល់ នឹងរួមចំណែកដល់រាជរដ្ឋាភិបាល ខណៈរាជរដ្ឋាភិបាលត្រូវពង្រឹងការចុះពិនិត្យបញ្ហាដោយផ្ទាល់នៅមូលដ្ឋានកាន់តែដោះស្រាយប្រកបដោយប្រសិទ្ធភាព។ ខណៈនៅសល់រយៈប៉ុន្មានថ្ងៃទៀត រាជរដ្ឋាភិបាល នីតិកាលទី៧ នឹងចាប់ផ្តើមដំណើរការរបស់ខ្លួនដ៏ខ្លីខាងមុខ សម្តេចតេជោ ហ៊ុន សែន នាយករដ្ឋមន្រ្តី ធ្លាប់មានប្រសាសន៍លើកឡើងដល់រាជរដ្ឋាភិបាលខាងមុខ ឲ្យពិនិត្យ និងសម្រេចអំពីការបន្តស្ថាប័នឧត្តមក្រុមប្រឹក្សាពិគ្រោះ និងផ្តល់យោបល់នោះ លោក អំ សំអាត នាយកប្រតិបត្តិការអង្គការលីកាដូ បានបង្ហាញការយល់ឃើញថា ឧត្តមក្រុមប្រឹក្សាពិគ្រោះ និងផ្តល់យោបល់ មានគុណសម្បត្តិទៅលើការចូលរួមពិគ្រោះ និងផ្តល់យោបល់ទៅលើសេចក្តីព្រាងច្បាប់ សេចក្តីព្រាងអនុក្រឹត្យ បទដ្ឋានគតិយុត្តផ្សេងៗ។លោក អំ សំអាត បញ្ជាក់ថា ដើម្បីធានាឲ្យស្ថាប័នឧត្តមក្រុមប្រឹក្សាពិគ្រោះ និងផ្តល់យោបល់កាន់តែមានប្រសិទ្ធភាព រាជរដ្ឋាភិបាលអាចផ្តល់សិទ្ធិបន្ថែមដល់សមាជិកទាំងអស់ឲ្យការបំពេញតួនាទី និងកាតព្វកិច្ចទទួលបានព័ត៌មានងាយស្រួល ដើម្បីសម្រួលឲ្យការពិភាក្សា និងស្វែងរកដំណោះស្រាយទទួលបានប្រសិទ្ធភាព។ ក្នុងនីតិកាលទី៦កន្លងទៅ ឧត្តមក្រុមប្រឹក្សាពិគ្រោះ និងផ្តល់យោបល់ ត្រូវបានបង្កើតឡើងកាលពីខែកញ្ញា ឆ្នាំ២០១៨ ក្រោយការបោះឆ្នោតជ្រើសតាំងតំណាងរាស្រ្ត មានគោលដៅបង្កើតនិងកំណត់អំពីការរៀបចំនិងការប្រព្រឹត្តទៅន ឧត្តមក្រុមប្រឹក្សាពិគ្រោះនិងផ្ដល់យោបល់ ក្នុងគោលបំណងលើកស្ទួយរបបនយោបាយប្រជា- ធិបតេយ្យសេរីពហុបក្ស ដើម្បីប្រមូលធាតុចូលនៃទស្សនៈពហុគំនិតជាប្រយោជន៍ដល់ការស្ថាបនាជាតិ។ ឧត្តមក្រុមប្រឹក្សាពិគ្រោះនិងផ្ដល់យោបល់ ជាយន្តការពិគ្រោះនិងផ្តល់យោបល់របស់ គណបក្សនយោបាយជូនរាជរដ្ឋាភិបាល ក្រៅក្របខណ្ឌសភា ក្នុងគោលដៅលើកស្ទួយប្រសិទ្ធភាព ការងារ ដើម្បីជាប្រយោជន៍ដល់ការបម្រើសេវាប្រជាជន និងការអភិវឌ្ឍសង្គមជាតិ ប្រកបដោយ សក្ដានុពល៕ អត្ថបទ សេក ឧត្តម

មូលនិធិជាតិជំនួយសង្គម នឹងដាក់ឱ្យអនុវត្តកម្មវិធីជំនួយសង្គមថ្មីៗ នៅឆ្នាំ២០២៤

ភ្នំពេញ៖ មន្រ្តីជាន់ខ្ពស់នៃមូលនិធិជាតិជំនួយសង្គម បានលើកឡើងថា កម្មវិធីជំនួយសង្គមមួយចំនួន នឹងត្រូវបញ្ចប់ ហើយកម្មវិធីជំនួយសង្គមថ្មីៗ នឹងចាប់ផ្តើមអនុវត្តនៅឆ្នាំ២០២៤ ដើម្បីឆ្លើយតប និងជួយទ្រទ្រង់ជីវភាពជនងាយរងគ្រោះ។ ឯកឧត្តម សំហេង បុរស ប្រធានក្រុមប្រឹក្សាភិបាលមូលនិធិជាតិជំនួយសង្គម បានលើកឡើងក្នុងវគ្គបណ្ដុះបណ្ដលដល់មន្រ្តីនៅថ្ងៃទី១៦ ខែសីហានេះថា ការអនុវត្តកម្មវិធីជំនួយសង្គមមួយចំនួន នឹងត្រូវបញ្ចប់នៅឆ្នាំ ២០២៤ខាងមុខនេះ ដោយជំនួសដោយការដាក់ចេញអនុវត្តកម្មវិធីជំនួយសង្គមថ្មី ដើម្បីជួយទ្រទ្រង់ជីវភាពជនងាយរងគ្រោះវិញផងដែរ។ កម្មវិធីដែលគ្រោងអនុវត្តឆ្នាំ ២០២៤ គឺសំដៅលើកម្មវិធីកញ្ចប់គ្រួសារ និងកម្មវិធីឧបត្ថម្ភសាច់ប្រាក់ជូនយុវជនក្រីក្រប្រមាណ ១,៥លាននាក់ ដែលសម្ដេចនាយករដ្ឋមន្រ្តី បានលើកឡើងពីការផ្ដល់ជូន ការបណ្ដុះបណ្ដាលវិជ្ជាជីវៈ។មូលនិធិជាតិជំនួយសង្គម ជាស្ថាប័នថ្មីទើបបង្កើតឡើង ដែលមានភារកិច្ចពិសេសក្នុងការអនុវត្តកម្មវិធីជំនួយសង្គមនានា ក៏ដូចជាការបើកផ្ដល់ប្រាក់សោធនជូនមន្រ្តីរាជការស៊ីវិលចូលនិវត្ត ក៏ដូចជាអតីតយុទ្ធជនទូទាំងប្រទេស។ កម្មវិធីជំនួយសង្គម ដែលបាននឹងកំពុងអនុវត្តនាពេលនេះ គឺមានដូចជា កម្មវិធីឧបត្ថម្ភសាច់ប្រាក់ជូនស្រ្តីមានផ្ទៃពោះ និងកុមារអាយុក្រោមពីរឆ្នាំ ជាកម្មវិធីអចិន្ត្រៃយ៍ កម្មវិធីឧបត្ថម្ភសាច់ប្រាក់ជូនគ្រួសារក្រីក្រ និងងាយរងគ្រោះកំឡុងពេលប្រយុទ្ធប្រឆាំងជំងឺកូវីដ-១៩ ជាកម្មវិធីមិនអចិន្ត្រៃយ៍៕ អត្ថបទ៖ គឹមហុក

គណៈមេធាវី ប្ដេជ្ញាជំរុញការងារការពារក្ដីជូនពលរដ្ឋក្រីក្រជាមួយរដ្ឋាភិបាលក្នុងអាណត្តិទី៧នេះ

ភ្នំពេញ៖ គណៈមេធាវីនៃព្រះរាជាណាចក្រកម្ពុជា បានប្រកាសប្ដេជ្ញាសហការជាមួយរាជរដ្ឋាភិបាលថ្មីក្នុងអាណត្តិទី៧នេះ ដើម្បីជំរុញការងារការពារក្ដីជូនប្រជាពលរដ្ឋក្រីក្រ ដែលមានតម្រូវការមេធាវីការពារក្ដីនៅទូទាំងប្រទេសកម្ពុជា ខណៈគិតចាប់ពីខែមករាដល់ថ្ងៃទី ១៦ ខែសីហា ឆ្នាំ២០២៣នេះ ក្រោមគម្រោងជំនួយរបស់រាជរដ្ឋាភិបាល គណៈមេធាវីបានការពារក្ដីជូនជនក្រីក្របានជាង ៣៧០០ករណី។ លោកមេធាវី គឹម រ័ត្នណារុង ប្រធាននាយកដ្ឋានការពារក្តីជូនជនក្រីក្រនៃគណៈមេធាវីនៃព្រះរាជាណាចក្រកម្ពុជា បានថ្លែងប្រាប់ BTV នាថ្ងៃទី១៦ ខែសីហា ឆ្នាំ ២០២៣នេះថា គណៈមេធាវី ក្រោមការដឹកនាំដោយឯកឧត្ដម លី ច័ន្ទតុលា ប្រធានគណៈមេធាវីនៃព្រះរាជាណាចក្រកម្ពុជា បានដាក់ចេញនូវយន្តការការពារក្ដីជូនជនក្រីក្រនៅទូទាំងប្រទេសកម្ពុជាដោយក្នុងនោះមានមេធាវីស្ម័គ្រចិត្តជាង ៥០០ នាក់បានស្ម័គ្រចិត្តចូលរួមការពារក្ដីជូនប្រជាពលរដ្ឋនៅទូទាំងប្រទេសកម្ពុជា។ លោកមេធាវី គឹម រ័ត្នណារុង បានថ្លែងអបអរសាទរចំពោះឯកឧត្ដមកិត្តិទេសាភិបាលបណ្ឌិត ហ៊ុន ម៉ាណែត ដែលព្រះមហាក្សត្រ ចេញព្រះរាជក្រឹត្យចាត់តាំងជានាយករដ្ឋមន្រ្ដីនៃព្រះរាជាណាចក្រកម្ពុជា។ លោកបន្តថា គណៈមេធាវីប្ដេជ្ញាសហការជាមួយរដ្ឋាភិបាលក្នុងជំរុញការងារការពារក្ដីជូនប្រជាពលរដ្ឋក្រីក្រឱ្យកាន់តែមានប្រសិទ្ធភាពបន្ថែមទៀតក្នុងអាណត្តិទី៧នេះ។សូមជម្រាបថា តាមរយៈគម្រោងការពារក្ដីជូនជនក្រីក្ររបស់រាជរដ្ឋាភិបាលគិតចាប់ពីខែមករា ដល់ថ្ងៃទី ១៦ ខែសីហា ឆ្នាំ២០២៣នេះ គណៈមេធាវីបានការពារក្ដីជូនជនក្រីក្របានជាង ៣៧០០ ករណី៕អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

ជើងហោះហើរត្រូវបានលុបចោល និងជំរុញឱ្យជម្លៀសប្រជាជន ខណៈព្យុះទីហ្វុង Dujuan វាយប្រហារជប៉ុនសម្លាប់មនុស្ស២នាក់

មេដឹកនាំកូរ៉េខាងជើង សាទរអាវុធប្រភេទថ្មី ប៉ុន្មានថ្ងៃក្រោយការបាញ់សាកល្បងមីស៊ីល

រដ្ឋមន្ត្រីក្រសួងយុត្តិធម៌ ជម្រាបជូនទូតកាណាដាអំពីកិច្ចខិតខំប្រឹងប្រែងការប្តេជ្ញាចិត្ត និងសមិទ្ធផលនានារបស់រាជរដ្ឋាភិបាលកម្ពុជាក្នុងការបោសសម្អាតឧក្រិដ្ឋកម្ម Online Scam

សមត្ថកិច្ចឃាត់ខ្លួនបុរសម្នាក់ពាក់ព័ន្ធករណីផ្តល់ទីតាំងជួយឧក្រិដ្ឋជនឆបោកតាមប្រព័ន្ធបច្ចេកវិទ្យានៅប៉ោយប៉ែត

សារព័ត៌មាន KCNA៖ កូរ៉េខាងជើងបញ្ជាក់ថា ទណ្ឌកម្មថ្មីមិនអាចរារាំងការអភិវឌ្ឍរបស់ខ្លួនបានឡើយ

អ៊ីស្រាអែលបានវាយប្រហារតាមអាកាស និងបាញ់ផ្លោង លើតំបន់ជាច្រើន នៅភាគខាងត្បូងលីបង់

ប្រធានាធិបតីអ៊ីរ៉ង់ធ្វើដំណើរទៅកាន់បុរីញូវយ៉ក សម្រាប់មហាសន្និបាតអង្គការសហប្រជាជាតិ

កម្ពុជា-អ៊ុយក្រែន ពង្រឹងកិច្ចសហការនិងគាំទ្រគ្នាលើឆាកអន្តរជាតិ

NPA បង្ហាញការប្តេជ្ញាចិត្តក្នុងការបន្តគាំទ្រកម្ពុជា និងបេសកកម្មមនុស្សធម៌របស់សម្តេចធិបតី ក្នុងការកសាងកម្ពុជាគ្មានផលប៉ះពាល់ដោយសារយុទ្ធភណ្ឌគ្រឿងផ្ទុះ

អាជ្ញាធរខេត្តព្រៃវែង និងស្វាយរៀងអះអាងថាបណ្ដាញ Online Scams ធំៗត្រូវបានបង្ក្រាប និងបន្តតាមប្រមាញ់ក្រុមបំបែកខ្លួន

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ​ និង ការអភិវឌ្ឍន៍