កម្ពុជា-សិង្ហបុរី បន្ដពង្រឹងទំនាក់ទំនង និងកិច្ចសហប្រតិបត្តិការទ្វេភាគីឱ្យកាន់តែរឹងមាំ​ និង​ ស៊ីជម្រៅ​
កម្ពុជា-អូស្ត្រាលី ប្ដេជ្ញាពង្រឹងកិច្ចសហប្រតិបត្តិការដែលមានស្រាប់ និងស្វែងរកកាលានុវត្តភាពថ្មីៗបន្ថែមទៀត
សម្ដេចតេជោ៖ កម្ពុជានឹងនិយាយលើវេទិកាអន្តរជាតិកាន់តែខ្លាំងជាងមុនថែមទៀត បើថៃមិនអនុវត្តកិច្ចព្រមព្រៀង
សម្តេចធិបតី ហ៊ុន ម៉ាណែត ជួបពិភាក្សាការងារទ្វេភាគី ជាមួយ ឯកឧត្តមនាយករដ្ឋមន្ត្រីសិង្ហបុរី នៅហ្វីលីពីន

នយោបាយ​ និង ការអភិវឌ្ឍន៍

មនុស្សរាប់ពាន់នាក់រត់គេចពីអំពើហិង្សារបស់ក្រុមជនអន្ធពាលរយៈពេល២៤ម៉ោងក្នុងរដ្ឋធានីប្រទេសហៃទី

2023/08/17 06:06:30 pm        131
ហៃទី៖ អ្នកតាមដានស្ថានការណ៍ម្នាក់មកពីសារព័ត៌មាន AFP បាននិយាយថា កាលពីថ្ងៃអង្គារប្រជាពលរដ្ឋរាប់ពាន់នាក់ បានរត់គេចចេញពីស្រុកមួយគ្រប់គ្រងដោយក្រុមជនអន្ធពាលក្នុងរដ្ឋធានីរបស់ប្រទេសហៃទី ។  ប្រជាពលរដ្ឋម្នាក់ដែលរស់នៅក្នុងស្រុក កាហ្វ័រ ហ្វឺយ (Carrefour-Feuilles) ស្ថិតនៅភាគខាងត្បូងរដ្ឋធានីព័រ អូប្រាំង( Port-au-Prince) បាននិយាយថា ពួកគេកំពុងរស់នៅក្នុងស្ថានភាពយ៉ាប់យ៉ឺនខ្លាំង បំផុត ។  លោក បានប្រាប់សារព័ត៌មាន AFP ថា លោកមិនដឹងថាត្រូវទៅទីណាទេ  តែលោកត្រូវតែគេចចេញពីផ្ទះសម្បែងរបស់លោក។   យោងតាមការប៉ាន់ប្រមាណពីក្រសួងការពារជនស៊ីវិលហៃទី និងក្រុមមន្ត្រី មនុស្សយ៉ាងហោចណាស់៣.១២០នាក់ បានរត់ភៀសខ្លួនចេញពីស្រុកនេះ ។ស្រុកមួយនេះ តែងរងការវាយប្រហារជាទៀងទាត់ដោយក្រុមជនអន្ធពាល ដឹកនាំដោយ លោក រីណេល ដេស្ទីណា( Renel Destina) ត្រូវគេស្គាល់ថា Ti Lapli ដែល ត្រូវបានក្រុមអាជ្ញាធរអាមេរិកតាមចាប់ខ្លួន ដោយសារការចាប់ជម្រិតពលរដ្ឋអាមេរិក។ ក្រុមអាជ្ញាធរហៃទី ក៏បាននិយាយផងដែរថា លំនៅឋានជាច្រើននៅក្នុងតំបន់នេះ ត្រូវបានដុតបំផ្លាញនិងមានមនុស្សបាត់បង់ជីវិតទៀតផង ប៉ុន្តែ ពួកគេពុំបានផ្ដល់ព័ត៌មានលម្អិតទេ។ គេបានមើលឃើញភាពរំជើបរំជួលបានកើតឡើងនៅតាមដងផ្លូវនានាក្នុងស្រុកនេះ កាលពីថ្ងៃអង្គារ ។ ប្រជាពលរដ្ឋខ្លះ ទូលវ៉ាស៊ីសម្លៀកបំពាក់នៅលើក្បាល ចំណែកអ្នកខ្លះទៀត ដឹកពូក និងគ្រឿងសង្ហារឹម តាមរថយន្តរបស់ពួកគេ៕

រុស្សីស្ទាក់ចាប់យានដ្រូនជាច្រើនគ្រឿងរបស់អ៊ុយក្រែន ខណៈអ៊ុយក្រែនវាយប្រហារទៅលើប្រព័ន្ធការពារដែនអាកាសរុស្ស៊ី

2023/08/17 05:33:36 pm        195
រុស្សី៖ ក្រសួងការពារជាតិរុស្ស៊ី បាននិយាយកាលពីថ្ងៃពុធថា កងកម្លាំងរបស់ខ្លួន បានវាយបកជាច្រើនលើកទៅលើអ៊ុយក្រែនក្នុងទិសដៅនៃតំបន់ហ្សាប៉ូរ៉ូហ្ស៊ី ( Zaporozhy) លូហានស្ក៍ ( Luhansk) និង ដូណិតស្ក៍ (Donetsk) ខណៈដែលកងកម្លាំងប្រដាប់អាវុធអ៊ុយក្រែន បានប្រកាសពីវឌ្ឍនភាពក្នុងទិសដៅនៃ   តំបន់មេលីតូប៉ូល (Melitopol) និង ប៊ឺដ្យានស្ក៍ ( Berdiansk) នៅថ្ងៃតែមួយ។កងការពារដែនអាកាសរបស់រុស្ស៊ី បានបាញ់ទម្លាក់យន្តហោះចម្បាំង Su-25 របស់អ៊ុយក្រែន នៅទីក្រុងដូណិតស្ក៍ និងស្ទាក់ចាប់មីស៊ីល HIMARS ចំនួន ៤ គ្រាប់ មីស៊ីល BM-30 ចំនួន ២ គ្រាប់ និងយានអាកាសគ្មានមនុស្សបើក (UAVs) ចំនួន២៦គ្រឿង នេះបើយោងតាមក្រសួងការពារជាតិរុស្ស៊ី។ ទន្ទឹមនឹងនេះដែរ អគ្គសេនាធិការនៃកងកម្លាំងប្រដាប់អាវុធអ៊ុយក្រែន បានចេញរបាយការណ៍មួយនៅព្រឹកថ្ងៃពុធ ដោយនិយាយថា ប្រតិបត្តិការវាយលុក នៅតែកំពុងដំណើរការក្នុងទិសដៅនៃទីក្រុងមេលីតូប៉ូល និងប៊ឺដ្យានស្ក៍ ក្នុងរយៈពេល ២៤ម៉ោងកន្លងមកនេះ។របាយការណ៍នោះ បាននិយាយថា កងទ័ពអាកាសអ៊ុយក្រែន បានធ្វើការវាយប្រហារចំនួន៧លើកទៅលើទាហាននិងយុទ្ធោបករណ៍របស់រុស្ស៊ី។ យោងតាមរបាយការណ៍បានឲ្យដឹងថា គ្រាប់រ៉ុក្កែត និងកាំភ្លើងធំជាច្រើនរបស់អ៊ុយក្រែន ក៏បានវាយប្រហារកាំភ្លើងធំរុស្ស៊ី ប្រព័ន្ធការពារដែនអាកាស និងគោលដៅសំខាន់ៗផ្សេងទៀតផងដែរ៕

ក្រុមមនុស្សគ្មានសណ្ដាប់ធ្នាប់ ដុតព្រះវិហារ និងលំនៅឋាន ជុំវិញការជេរប្រមាថនៅប៉ាគីស្ថាន

2023/08/17 05:29:59 pm        196
ប៉ាគីស្ថាន៖ នគរបាលបាននិយាយថា ក្រុមជនមូស្លីមរាប់ពាន់នាក់នៅក្នុងទីក្រុងមួយក្នុងប្រទេសប៉ាគីស្ថានបានដុតព្រះវិហារ និងបំផ្លាញផ្ទះសម្បែងរបស់គ្រិស្តបរិស័ទជុំវិញការអះអាងដែលថាបុរសពីរនាក់បានប្រមាថគម្ពីរ គូរ៉ាន(Quran)។  នគរបាលបាននិយាយថា ព្រះវិហារយ៉ាងហោចណាស់៤កន្លែង ត្រូវបានដុតបំផ្លាញ ស្របពេលក្រុមអ្នកស្រុកបាននិយាយថា អគារជាច្រើនដែលនៅជាប់នឹងព្រះវិហាទាំងនោះ ក៏រត្រូវបានខូចខាត។ការវាយប្រហារនេះបានកើតឡើងនៅទីក្រុង ចារ៉ានវ៉ាឡា (Jaranwala) ក្នុងខេត្ត ពុនចាប (Punjab) ខាងកើត ។ការប្រមាថ ត្រូវបានផ្តន្ទាទោសទោសប្រហារជីវិតនៅប៉ាគីស្ថាន។គ្មាននរណាម្នាក់ត្រូវបានគេប្រហារជីវិតទេពាក់ព័ន្ធនឹងបញ្ហានេះ ប៉ុន្តែមនុស្សរាប់សិបនាក់ បានស្លាប់ដោយសារក្រុមមនុស្សគ្មានសណ្ដាប់ធ្នាប់ បន្ទាប់ពីត្រូវបានចោទប្រកាន់ពីបទឧក្រិដ្ឋនេះ។  សហគមន៍មូស្លីមត្រូវបានគេជឿថាមានជាង ៩៦% នៃចំនួនប្រជាជនរបស់ប៉ាគីស្ថាន។សារព័ត៌មាន Reuters បានរាយការណ៍ថា នគរបាលទទួលបន្ទុករឿងក្តីប្រឆាំងនឹងបុរសគ្រិស្តសាសនិកទាំងពីរនាក់បាននិយាយថា ពួកគេបានរកឃើញគម្ពីគូរ៉ានជាច្រើនទំព័រ ដែលជាសៀវភៅដ៏ពិសិដ្ឋរបស់សាសនាឥស្លាម អមដោយការនិយាយប្រមាថដែលសរសេរជាពណ៌ក្រហម។លោក អាមៀ មៀ (Amir Mir) រដ្ឋមន្ត្រីមន្ទីរព័ត៌មានប្រចាំខេត្ត Punjab បានថ្កោលទោសចំពោះការប្រមាថដែលត្រូវបានចោទប្រកាន់ ហើយបាននិយាយនៅក្នុងសេចក្តីថ្លែងការណ៍មួយថា នគរបាលរាប់ពាន់នាក់ត្រូវបានបញ្ជូនទៅកាន់តំបន់នោះ ហើយមនុស្សរាប់សិបនាក់ត្រូវបានឃុំខ្លួន៕

អភិបាលរដ្ឋហាវ៉ៃ៖ ចំនួនអ្នកស្លាប់ពីចំហេះព្រៃកោះម៉ូអ៊ី កើនដល់១១០នាក់ហើយ

2023/08/17 05:11:24 pm        235
អាមេរិក៖ អភិបាលរដ្ឋហាវ៉ៃ លោក Josh Green បាននិយាយនៅក្នុងសន្និសីទសារព័ត៌មានកាលពីថ្ងៃពុធថា ចំនួនអ្នកស្លាប់នៅក្នុងចំហេះព្រៃកោះម៉ូអ៊ី ឥឡូវនេះមានចំនួន១១០នាក់ហើយ ខណៈដែលទីភ្នាក់ងារផ្គត់ផ្គង់អគ្គិសនីរដ្ឋហាវ៉ៃ ប្រឈមមុខនឹងសំណួរជាច្រើនពីការមិនបិទបណ្តាញអគ្គិសនី នៅពេលដែលខ្យល់ដ៏ខ្លាំងបានបង្កើតឲ្យមានលក្ខខណ្ឌចំហេះដ៏គ្រោះថ្នាក់នេះ។កាលពីព្រឹកថ្ងៃពុធ ក្រុមហ៊ុនដែលដំណើរការបណ្តាញឧបករណ៍ចាប់សញ្ញានៅលើកោះម៉ូអ៊ី នេះ បាននិយាយថា ខ្លួនបានរកឃើញកំហុសបណ្តាញឧបករណ៍ប្រើប្រាស់សំខាន់ៗជាច្រើនម៉ោង មុនពេលចំហេះចាប់ផ្តើម។ កំហុសមួយក្នុងចំណោមនោះគឺជា "សៀគ្វីខ្លី ឬសៀគ្វីខ្លីមួយផ្នែក" ដែលបណ្តាលឱ្យមានចរន្តលើសលប់ហូរតាមប្រព័ន្ធអគ្គិសនី នេះបើយោងតាមក្រសួងថាមពលសហរដ្ឋអាមេរិក។ក្រុមមន្ត្រីជំនាញកំពុងបន្តពន្លត់ភ្លើង ហើយមូលហេតុផ្លូវការនៃចំហេះនេះ នៅមិនទាន់កំណត់បាននៅឡើយទេ ។ ក្រុមហ៊ុនផ្គត់ផ្គង់អគ្គិសនីរដ្ឋហាវ៉ៃ បាននិយាយថា ការផ្តោតការយកចិត្តទុកជាបន្ទាន់របស់ខ្លួន គឺទៅលើការស្តារថាមពលឡើងវិញដល់អតិថិជន និងគាំទ្រដល់កិច្ចខិតខំប្រឹងប្រែងឆ្លើយតបនឹងគ្រាអាសន្ន ព្រមទាំងការបង្កើតផែនការស្តារឡើងវិញរយៈពេលវែងផងដែរ។ចំហេះនៅទីក្រុងឡាហេណា នៅរដ្ឋហាវ៉ៃ ឥឡូវនេះ គឺជាគ្រោះធម្មជាតិដែលមានមនុស្សស្លាប់ច្រើនបំផុតក្នុងរយៈពេលជាង១០០ឆ្នាំ នេះបើយោងតាមការវិភាគរបស់រដ្ឋបាលអគ្គិភ័យរបស់សហរដ្ឋអាមេរិក និងអ្នកវិភាគរបស់សារព័ត៌មានCNN។ អភិបាលរដ្ឋហាវ៉ៃ លោក Josh Green បាននិយាយថា សំណង់ប្រហែល២.២០០ទីតាំងត្រូវបានបំផ្លាញ ឬខូចខាតនៅលើកោះម៉ូអ៊ី ដែលចំនួន៨៦% នៃការខូចខាតទាំងនោះជាលំនៅឋានប្រជាជន៕

សមាជិកសភាថៃ នឹងបោះឆ្នោតជ្រើសរើសនាយករដ្ឋមន្ត្រីនៅសប្តាហ៍ក្រោយ ដើម្បីបញ្ចប់ភាពជាប់គាំងនយោបាយ

2023/08/17 05:07:07 pm        215
ថៃ៖ ប្រធានសភាថៃបាននិយាយកាលពីថ្ងៃពុធថា សមាជិកសភាថៃ នឹងបោះឆ្នោតជ្រើសរើសនាយករដ្ឋមន្ត្រីថ្មីនៅសប្តាហ៍ក្រោយថ្ងៃទី២២ ខែសីហា ខាងមុខនេះ បន្ទាប់ពីតុលាការបានច្រានចោលសំណើររបស់គណបក្សបោះជំហានទៅមុខ ដែលបានឈ្នះការបោះឆ្នោតសកល ក្នុងការជំទាស់នឹងសមាជិកសភាពីការរារាំងបេក្ខជនរបស់ខ្លួនមិនឲ្យឈរឈ្មោះជាបេក្ខជននាយករដ្ឋមន្រ្តី។តុលាការធម្មនុញ្ញបានច្រានចោលញត្តិពីសម្ព័ន្ធមិត្តនៃគណបក្សនេះ លើលក្ខណៈបច្ចេកទេស ដោយលើកហេតុផលថា បេក្ខភាពនាយករដ្ឋមន្ត្រីរបស់ខ្លួន គឺលោក ភីថា លីមចារើនរ៉ាត់ ដែលត្រូវបានរដ្ឋសភារារាំងចំនួនពីរដងនោះ មិនស្ថិតក្នុងចំណោមអ្នកបណ្ដឹងជំទាស់ទាំងនោះទេ។ប្រទេសថៃ បានស្ថិតនៅក្រោមការគ្រប់គ្រងពីរដ្ឋបាលចាំផ្ទះចាប់តាំងពីខែមីនាមក ហើយសភាបានជាប់គាំងអស់ជាច្រើនសប្តាហ៍ ជុំវិញការបង្កើតរដ្ឋាភិបាលថ្មី បន្ទាប់ពីចលនាប្រឆាំងការបង្កើតរបស់គណបក្សបោះជំហានទៅមុខ បានជួបការជំទាស់យ៉ាងខ្លាំងក្លាពីសមាជិកសភាអភិរក្សនិយម ដែលចងសម្ព័ន្ធភាពជាមួយបក្សយោធារាជានិយម។គណបក្សភឿថៃ ដែលជាគណបក្សឈ្នះឆ្នោតលំដាប់ទីពីរ នៅក្នុងការបោះឆ្នោតសកល បានដកការគាំទ្ររបស់ខ្លួនសម្រាប់គណបក្សបោះជំហានទៅមុខ បន្ទាប់ពីការតែងតាំងលោក ភីថាជាថ្មី ត្រូវបានច្រានចោល។ ក្រុមមន្ត្រីជាន់ខ្ពស់គណបក្សភឿថៃបាននិយាយថា ពួកគេមានទំនុកចិត្តថា លោក សេដ្ឋា នឹងទទួលបានតំណែងបេក្ខជននាយករដ្ឋមន្រ្តី ទោះបីជាគ្មានការគាំទ្រពីបក្សបោះជំហានទៅមុខ ដែលជាគណបក្សដ៏ធំបំផុតនៅក្នុងសភាក៏ដោយ៕

រាជរដ្ឋាភិបាល សម្រេចយកកោះជាច្រើនស្ថិតនៅលើដែនសមុទ្រសីហនុ និងកោះកុង បង្កើតជាឧទ្យានជាតិសមុទ្រកោះរ៉ុង

2023/08/17 04:31:00 pm        1101
រាជរដ្ឋាភិបាលកម្ពុជា បានចេញ​អនុក្រឹត្យសម្រេច​យក​កោះ​ជា​ច្រើន​ស្ថិត​នៅ​លើ​ដែន​សមុទ្រ​ខេត្ត​ព្រះសីហនុ និងខេត្តកោះកុង ដូចជាកោះរ៉ុង កោះរ៉ុងសន្លឹម កោះកូន កោះតូច កោះតាទៀម កោះ​ម្នាស់​ក្រៅ កោះម្នាស់ ក្នុង និងសមុទ្រជុំវិញ ដោយមានផ្ទៃសរុប៥២.៤៤៨ហិកតា បង្កើត​ជា​ឧទ្យាន​សមុទ្រ​កោះរ៉ុង ដើម្បីធានាការ ថែរក្សា និងការពារសោភ័ណភាពធម្មជាតិ និងជីវៈចម្រុះ។ យោងតាមអនុក្រឹត្យ ដែលទូរទស្សន៍ BTVទទួលបាននាថ្ងៃទី១៧ ខែសីហា ឆ្នាំ២០២៣​នេះ​បាន​ឲ្យ​ដឹងថា ការដែល​រាជ​រដ្ឋាភិបាល​សម្រេច​ចេញ​អនុក្រឹត្យ​បង្កើត​ជា​ឧទ្យាជាតិ​សមុទ្រ​កោះរ៉ុង​នេះ​ឡើង​ គឺមាន គោលបំណងធានាការថែរក្សា និងការពារសោភ័ណភាពធម្មជាតិ វប្បធម៌ ប្រព័ន្ធ​អេកូ​ឡូស៊ី និងជីវៈចម្រុះ លើកោះ និងបរិវេណសមុទ្រជុំវិញ, ផ្តល់ផលិតផល និង​សេវា​កម្ម​ធម្ម​ជាតិ​ សម្រាប់​ការ​ប្រើប្រាស់ ប្រកបដោយនិរន្តរភាព, រក្សាលំនឹងបរិស្ថាន ការពារ និងការអភិរក្ស​ធនធាន​ធម្មជាតិ ​និងរួមចំណែកកាត់បន្ថយការ ប្រែប្រួលអាកាសធាតុ និងហានិភ័យ​គ្រោះ​មហន្ត​រាយ​ធម្មជាតិ​, និងលើកកម្ពស់គ្រប់គ្រង ការការពារ និង ការអភិរក្សជីវៈចម្រុះ និងធនធាន​ធម្មជាតិ​ក្នុង​តំបន់​ជា​ដើម។ តាមអនុក្រឹត្យរាជរដ្ឋាភិបាលបានប្រគល់ឲ្យក្រសួងបរិស្ថានមានសមត្ថកិច្ចរៀបចំ និងគ្រប់​គ្រង​ឧទ្យាន​ជាតិ​សមុទ្យកោះរ៉ុង ដោយសហការជាមួយក្រសួង ស្ថាប័នពាក់ព័ន្ធ និងរដ្ឋបាល​ខេត្ត​ព្រះសីហនុ និង ខេត្តកោះកុង ដើម្បីធានាកិច្ចគាំពារបរិស្ថាន ការអភិរក្សជីវៈចម្រុះ និងការ​ប្រើប្រាស់​ធនធានធម្មជាតិ ប្រកប ដោយនិរន្តរភាព​។ ​ជាមួយ​គ្នា​នោះ​ក្រសួង​បរិស្ថា​ន​ត្រូវ​កំណត់​ និង​បែងចែក ដើម្បីការកាត់ឆ្វៀលផ្ទៃដីនិវិយោគ ដីលំនៅដ្ឋាន ដីស្រែ-ចំការ និងដីអាស្រ័យ​ផល​ជាក់​ស្តែង​របស់​ប្រជាពលរដ្ឋ នៅលើកោះនានានៃឧទ្យាន ជាតិសមុទ្រកោះរ៉ុង ដោយអនុ​លោម​តាម​ច្បាប់ ស្តីពីតំបន់ការពារធម្មជាតិផងដែរ។ ទាក់ទងនឹងការបង្កើតឧទ្យាជាតិសមុទ្រកោះរ៉ុងនេះ រាជរដ្ឋាភិបាលក៏បានណែនាំឲ្យរដ្ឋមន្រ្តីទទួល បន្ទុក​ទីស្តីការគណៈរដ្ឋមន្រ្តី រដ្ឋមន្រ្តីក្រសួងមហាផ្ទៃ រដ្ឋមន្រ្តីក្រសួងរៀបចំដែនដីនគរូបនីយកម្ម និង​សំណង់ រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ រដ្ឋមន្រ្តីក្រសួងបរិស្ថាន រដ្ឋមន្រ្តីក្រសួងកសិកម្ម រុក្ខា​ប្រមាញ់ និង នេសាទ និងរដ្ឋមន្រ្តីគ្រប់ក្រសួង ប្រធានស្ថាប័នពាក់ព័ន្ធ ត្រូវ​អនុវត្ត​អនុ​ក្រឹត្យ​នេះ​ឲ្យ​មាន​ប្រសិទ្ធភាពខ្ពស់ ចាប់ពីចុះហត្ថលេខានេះតទៅផងដែរ៕ អត្ថបទ៖ បាន ចក់

[BREAKING NEWS]ជនអន្តោប្រវេសន៍ជាង៦០នាក់ បានស្លាប់ បន្ទាប់ពីលិចទូកនៅក្បែរកោះ ខេប វើដ របស់អាហ្វ្រិកខាងលិច

2023/08/17 03:38:05 pm        241
UN៖ ជនអន្តោប្រវេសន៍ជាង៦០នាក់ បានស្លាប់ បន្ទាប់ពីលិចទូកនៅក្បែរកោះ ខេប វើដ របស់អាហ្វ្រិកខាងលិច  អង្គការទេសន្តរប្រវេសន៍អន្តរជាតិ បាននិយាយ កាលពីថ្ងៃពុធថា ជនអន្តោប្រវេសន៍៦៣នាក់ ត្រូវគេជឿថាបានស្លាប់ បន្ទាប់ពីទូកមួយគ្រឿងចេញពីប្រទេសសេណាហ្គាល់ ត្រូវបានគេប្រទះឃើញនៅក្បែរប្រជុំកោះខេបបវើដ(Cape Verde)របស់អាហ្វ្រិកខាងលិច។ អ្នកនាំពាក្យអង្គការទេសន្តរប្រវេសន៍អន្តរជាតិ លោកស្រីសាហ្វាសេលី( Safa Msehli ) បានប្រាប់ក្រុមអ្នកសារព័ត៌មានថា មនុស្សប្រហែលមនុស្សប្រហែល៣៨នាក់ បានរួចជីវិត ពីសោកនាដកម្មនេះ រួមទាំងកុមារ៤នាក់ ដែលមានអាយុចន្លោះពី១២ និង១៦ឆ្នាំ។ នគរបាលនិយាយថា ទូកឈើនេសាទដ៏វែងមួយ ត្រូវបានគេប្រទះឃើញកាលពីថ្ងៃចន្ទនៅក្នុងសមុទ្រអាត្លង់ទិក (Atlantic Ocean) ចម្ងាយ២៧៧គីឡូម៉ែត្រពី តំបន់ទេសចរណ៍សាល(Sal) លើប្រជុំកោះខេបវើដ ។  ប្រជុំកោះខេប វើដ នេះ ស្ថិតនៅចម្ងាយប្រហែល៦០០គីឡូម៉ែត្រក្បែរឆ្នេរនៅលើផ្លូវទឹកសម្រាប់ការធ្វើអន្តោប្រវេសន៍ទៅកាន់ប្រជុំកោះខាណារី (Canary Islands) របស់ប្រទេសអេស្ប៉ាញ ដែលជាផ្លូវដ៏សំខាន់ទៅកាន់តំបន់អឺរ៉ុប។ លោកស្រី សេលី បានប្រាប់សារព័ត៌មាន AFP ថា អង្គភាពសេវាសង្រ្គោះបន្ទាន់បានរកឃើញសាកសពមនុស្សចំនួន៧នាក់ខណៈដែល៥៦នាក់ទៀត ត្រូវគេជឿថាកំពុងបាត់ខ្លួន។  យោងតាមទិន្នន័យពីអង្គការទេសន្តររប្រវេសន៍អន្តរជាតិ មនុស្សយ៉ាងហោចណាស់៥៥៩នាក់ បានស្លាប់ ពេលកំពុងព្យាយាមទៅឲ្យដល់ប្រជុំកោះកាណារី កាលពីឆ្នាំ២០២២ ខណៈដែលមនុស្ស១២៦នាក់ផ្សេងទៀត បានស្លាប់ ឬបាត់ខ្លួន នៅលើផ្លូវតែមួយក្នុងរយៈពេល៦ខែដំបូង នៃឆ្នាំនេះ ដោយមានបំណែកទូកចំនួន១៥ ត្រូវបានកត់ត្រា៕

សម្ដេច ស ខេង ជំរុញអាជ្ញាធរខេត្តបាត់ដំបង កសាងហេដ្ឋារចនាសម្ព័ន្ធបន្ថែម បម្រើឱ្យវិស័យទេសចរណ៍

2023/08/16 10:45:50 pm        264
បាត់ដំបង៖ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជំរុញរដ្ឋបាល​ខេត្តឱ្យគិតគូរ កសាងបន្ថែមនូវហេដ្ឋារចនាសម្ព័ន្ធនានា បម្រើឱ្យវិស័យទេសចរណ៍ ​ជាពិសេសរៀបចំ​ឱ្យមានកន្លែងកម្សាន្ត លើទឹក ដើម្បីបង្កើនការទាក់ទាញភ្ញៀវទេសចរនៅរដូវប្រាំង ។សម្ដេចក្រឡាហោម ស ខេង នៅព្រឹកថ្ងៃទី១៦ ខែសីហានេះ ក្នុងឱកាសអញ្ជើញធ្វើ​ជា​អធិបតី​សម្ពោធដាក់​ឱ្យប្រើប្រាស់ជាផ្លូវការនូវវិមានឯករាជ្យ សួនច្បារ ​និងផ្លូវក្រាលកៅស៊ូAC នៅក្នុង​ក្រុងបាត់ដំបង ​បានបញ្ជាកថា​ ខេត្តបាត់ដំបង ​ជាខេត្តមួយដែលមានសក្ដានុពលខ្ពស់លើ​វិស័យ​ទេសចរណ៍ ដូច្នេះទាមទារ ​ឱ្យអាជ្ញាធរ ​និងស្ថាប័នពាក់ព័ន្ធ ត្រូវយកចិត្តទុកដាក់គិតគូរអភិវឌ្ឍន៍​វិស័យនេះឱ្យបានល្អ ​ដែលវានឹងផ្ដល់ចំណូលដល់សហគមន៍ និងជួយលើកកម្ពស់សេដ្ឋកិច្ច​ប្រជាពលរដ្ឋ ។សម្ដេចក្រឡាហោម ​បានថ្លែងនូវការកោតសរសើរដល់រដ្ឋបាលខេត្ត ​ដែលបាន​ខិតខំ​កែលម្អលើក កម្ពស់​សោភ័ណភាព​ក្រុងបាត់ដំបង តាមរយៈការកសាងវិមានឯករាជ្យ ​សួនច្បារ និងផ្លូវក្រាលកៅស៊ូ ដែល ​បានសម្ពោធដាក់ឱ្យប្រើប្រាស់ នាពេលនេះ ។សម្ដេច​ បានណែនាំដល់រដ្ឋបាលខេត្ត ត្រូវខិតខំកៀរគរស្វែងរកការគាំទ្រ ​ដើម្បីរៀបចំសាងសង់​ពហុកីឡដ្ឋានស្ដង់ដារ​មួយ​ ដែលអាចបម្រើឱ្យវិស័យកីឡាគ្រប់ប្រភេទ ។ឯកឧត្តម សុខ លូ ​អភិបាលខេត្តបាត់ដំបង ​បានឱ្យដឹងថា ​ក្រៅពីសមិទ្ធផល ​ដែលសម្រេចបាន និង សម្ពោធដាក់ឱ្យប្រើប្រាស់នាពេលនេះ រដ្ឋបាលខេត្ត ​បាននិងកំពុងជួលជុលកែលម្អផ្លូវជាច្រើនខ្សែ និងមាន ​គម្រោងកែលម្អសួនច្បារសាធារណៈ​ និងការរៀបចំរបៀបរៀប​រយនៅតាម​រមណីយដ្ឋាន ពង្រឹង​សន្តិសុខ សណ្ដាប់ធ្នាប់ ​និងសុវត្ថិភាពសាធារណៈ ។អភិបាលខេត្តបាត់ដំបង បានបញ្ជាក់បន្ថែមថា ​ក្រៅពីការអភិវឌ្ឍនានា ​រដ្ឋបាលខេត្ត ​បាននិងកំពុង ខិតខំ​ដោះស្រាយបញ្ហាសំរាម​ អនាម័យបរិស្ថាន ​សណ្ដាប់ធ្នាប់សាធារណៈ និងរំដោះសំណង់​មិនរៀបរយ ចេញពីទីក្រុង ​ដើម្បីឱ្យក្រុងបាត់ដំបង ​អាចប្រែក្លាយទៅជាទីក្រុងវៃឆ្លាត​នៅពេល​អនាគត ៕អត្ថបទ៖ នឿត សុភ័ក្ត្រ

អាជីវកម្មទេសចរណ៍ចាប់ផ្តើមចុះឈ្មោះចូលរួមចលនាប្រឡងប្រណាំងបដិសណ្ឋារកិច្ចល្អ

2023/08/16 10:32:45 pm        213
 ភ្នំពេញ៖ បន្ទាប់ពីក្រសួងទេសចរណ៍បានប្រកាសអនុវត្តយុទ្ធនាការប្រឡងប្រណាំង បដិសណ្ឋារកិច្ច​សេវាកម្មទេសចរណ៍ល្អឡើងវិញ ឆ្នាំ២០២៣ នៅពេលនេះ មានមូលដ្ឋានអាជីវកម្មទេសចរណ៍ ដូចជា ភោជនីយដ្ឋាន សណ្ឋាគារ ការីទេសចរណ៍ និងអាជីវកម្មទូកទេសចរណ៍ជាដើម បាន​ចុះ​ឈ្មោះចូលរួមប្រឡងប្រណាំងបដិសណ្ឋារកិច្ចល្អ និងការបង្កើនសកម្មភាពផ្តល់​សេវាប្រកបដោយភាព​កក់ក្តៅ និងភាពជឿជាក់។តំណាងម្ចាស់ភោជនីយដ្ឋាន ​ថាលាស់ ម្លឹះ នៅរាជធានីភ្នំពេញ បានថ្លែងBTV នៅថ្ងៃទី១៦ ខែសីហានេះថា នៅក្នុងឆ្នាំនេះ ​ភោជនីយដ្ឋានថាលាស់ម្លឹះ នឹងចុះឈ្មោះចូលរួមចលនា​ប្រឡងប្រណាំង បដិសណ្ឋារកិច្ចល្អរបស់ក្រសួងទេសចរណ៍ ដោយបង្កើនការផ្តល់សេវា​បដិសណ្ឋារកិច្ច​ល្អជូនភ្ញៀវ ដើម្បីបន្តយកវិញ្ញាបនបត្រអាជីវកម្មឆ្នើម ​បដិសណ្ឋារកិច្ចល្អ លើផ្នែក​សេវាកម្មម្ហូបអាហារ ពីរាជរដ្ឋាភិបាលអាណត្តិថ្មី។ដោយឡែកម្ចាស់ទូកទេសចរណ៍ ម្ចាស់ទន្លេ នៅរាជធានីភ្នំពេញ លើកឡើងថា លោក នឹង​ដាក់ពាក្យចុះឈ្មោះ ប្រឡងប្រណាំងការងារបដិសណ្ឋារកិច្ចល្អ ដើម្បីរួមគ្នាលើកកម្ពស់​អាជីវកម្ម​ផ្តល់សេវាបដិសណ្ឋាកិច្ចល្អ​ បុគ្គលិកមានជំនាញ ​ស្នាមញញឹម​រស់ រាយ​រាក់ទាក់ ​និងធ្វើឲ្យភ្ញៀវ​ពេញចិត្ត កក់ក្តៅ ​និងមានភាពទុកចិត្តជឿជាក់លើអាជីវកម្មទូកទេសចរណ៍លោក​។ លោក គីម សេរីរដ្ឋ ប្រធាននាយកដ្ឋានគ្រប់គ្រងសេវាកម្មស្នាក់នៅទេសចរណ៍ ​និងម្ហូបអាហារ នៃ​ក្រសួងទេសចរណ៍ ​បានថ្លែងថា យុទ្ធនាការប្រឡងប្រណាំងបដិសណ្ឋារកិច្ចល្អសេវាកម្ម​ទេសចរណ៍​នេះ គឺក្រសួងទេសចរណ៍បានអនុវត្តចុងក្រោយនៅក្នុងឆ្នាំ២០១៨ ​ហើយក្រោយមក ដោយ​សារកម្ពុជា​ជួបវិបត្តិរាតត្បាតកូវីដ១៩ ការអនុវត្តយុទ្ធនាការបដិសណ្ឋារកិច្ចគឺបានអាកខាន​ចំនួន៣ឆ្នាំ ។លោក គីម សេរីដ្ឋ ថ្លែងថា សម្រាប់ការអនុវត្តយុទ្ធនាចលនាប្រឡងប្រណាំង​បដិសណ្ឋារកិច្ចល្អ​ឡើងវិញ​នៅឆ្នាំ២០២៣នេះ​ គឺធ្វើឡើងស្របតាមក្នុងគោលដៅគឺ ​ជំរុញការផ្តល់សេវាកម្មទេសចរណ៍ ក្នុងយុទ្ធនាការឆ្នាំទស្សនាកម្ពុជា២០២៣​ និងការអនុវត្តផែនទី​បង្ហាញផ្លូវស្តារវិស័យ​ទេសចរណ៍​ក្រោយវិបត្តិកូវីដ១៩ ​ហើយលទ្ធផលប្រឡង​ប្រណាំង​បដិសណ្ឋារកិច្ចល្អនេះ នឹងត្រូវប្រកាសផ្តល់ជ័យលាភី​នៅចុងឆ្នាំ២០២៣នេះ៕ អត្ថបទ ស៊ុម សុខជា

បេក្ខជនប្រធានាធិបតីអេក្វាឌ័រ លោកស្រី Gonzalez៖ នឹងប្រើប្រាស់ទុនបម្រុង ២,៥ពាន់លានដុល្លារ ដើម្បីជួយទ្រទ្រង់សេដ្ឋកិច្ច

2023/08/16 09:42:01 pm        189
នៅមុនការបោះឆ្នោតសកលរបស់ប្រទេសអេក្វាឌ័រ នាថ្ងៃអាទិត្យ (ទី២០ ខែសីហា) ដែលត្រូវបានធ្វើឲ្យកករល្អក់ដោយការសម្លាប់បេក្ខជនម្នាក់ បេក្ខជនប្រជែងតំណែងប្រធានាធិបតី លោកស្រី Luisa Gonzalez ដែលបាននាំមុខក្នុងការស្ទង់មតិនៅមុនការបោះឆ្នោតនោះ បាននិយាយកាលពីថ្ងៃអង្គារ (ទី១៥ ខែសីហា) ថា លោកស្រីនឹងប្រើប្រាស់ទឹកប្រាក់ ២,៥ពាន់លានដុល្លារពីទុនបម្រុងអន្តរជាតិ ដើម្បីពង្រឹងសេដ្ឋកិច្ច ដែលកំពុងតែយ៉ាប់យ៉ឺន ប្រសិនបើលោកស្រីជាប់ឆ្នោត។ក្នុងនាមជាគូបដិបក្ខដ៏យូរអង្វែងណាស់មកហើយទល់នឹងទីប្រឹក្សារបស់លោកស្រី Gonzalez គឺអតីតប្រធានាធិបតី លោក Rafael Correa បេក្ខជនប្រឆាំងអំពើពុករលួយ លោក Fernando Villavicencio ត្រូវបានខ្មាន់កាំភ្លើងបាញ់ស្លាប់ ពេលកំពុងចេញព្រឹត្តិការណ៍មួយ ក្នុងទីក្រុង Quito កាលពីសប្តាហ៍មុន ដោយហេតុការណ៍នេះ បានបង្ហាញពីសន្តិសុខកាន់តែអាក្រក់ឡើងៗ ក្នុងប្រទេសដែលលាតសន្ធឹងតាមបណ្ដោយផ្នែកខាងលិចនៃតំបន់អាមេរិកខាងត្បូង ឬអាមេរិកឡាទីន និងបានជំរុញឲ្យដៃគូប្រកួតប្រជែងរបស់លោក សន្យាថា នឹងប្រយុទ្ធប្រឆាំងលុបបំបាត់អំពើឧក្រិដ្ឋកម្ម។សូមបញ្ជាក់ថា អេក្វាឌ័របានពឹងផ្អែកលើការផ្តល់ហិរញ្ញប្បទានអន្តរជាតិ ចាប់តាំងពីសេដ្ឋកិច្ចរបស់ខ្លួន ត្រូវបានបំផ្លាញដោយការរាតត្បាតពីរីរុសកូរ៉ូណា។ ប្រទេសនេះបានបញ្ចប់កិច្ចព្រមព្រៀងឥណទានចំនួន ៦,៥ពាន់លានដុល្លារជាមួយមូលនិធិរូបិយវត្ថុអន្តរជាតិ (IMF) កាលពីចុងឆ្នាំមុន ហើយក្នុងខែនេះ បានយកប្រាក់កម្ចីចំនួន ៥០០លានដុល្លារជាមួយធនាគារអភិវឌ្ឍន៍អន្តរអាមេរិក (IDB ឬ IADB )។ហើយបើយោងតាមទិន្នន័យរបស់ធនាគារកណ្តាល បានឲ្យដឹងថា ប្រទេសអេក្វាឌ័រ មានទុនបម្រុងអន្តរជាតិប្រមាណ ៦,៩៦ពាន់លានដុល្លារ គិតត្រឹមខែមិថុនា៕

បណ្ដាញសង្គម

ព័ត៌មានថ្មីៗ

អនុប្រធានព្រឹទ្ធសភាម៉ាឡេស៊ី វាយតម្លៃខ្ពស់ចំពោះភាពរីកចម្រើននៃទំនាក់ទំនង និងកិច្ចសហប្រតិបត្តិការ រវាងម៉ាឡេស៊ី និងកម្ពុជា
11/18/2026 03:11 PM
គណៈកម្មការទី៦ នៃរដ្ឋសភា ជំរុញរដ្ឋបាលខេត្តក្រចេះ បន្តពង្រឹងការអនុវត្តច្បាប់ និងពន្លឿនការ​ដោះស្រាយ​​សំណុំរឿងជូនប្រជាពលរដ្ឋ
11/18/2026 03:11 PM
អ៊ីរ៉ង់ច្រានចោលរបាយការណ៍ ពី «គ្រាប់បែកវិទ្យុសកម្ម​» ខណៈលោក Trump ចាត់ទុក​ជា​ការគំរាម​ធ្ងន់ធ្ងរ
11/18/2026 03:11 PM
គណៈប្រតិភូជាន់ខ្ពស់សភាកម្ពុជា អញ្ជើញចូលរួមពិធីបើកជាផ្លូវការ មហា​សន្និបាត​អន្តរ​សភា​អាស៊ាន​ លើកទី៤៧ ដែលរដ្ឋសភាហ្វីលីពីនធ្វើជាម្ចាស់ផ្ទះ
11/18/2026 03:11 PM
លោក Trump៖ អាមេរិកបានសម្រេចកិច្ចព្រមព្រៀងពាណិជ្ជកម្មដ៏​ធំមួយ ជាមួយហ្វីលីពីន មុនទៅ​ APEC
11/18/2026 03:11 PM
អតីតខ្សែប្រយុទ្ធអង់គ្លេស Wayne Rooney បង្ហើបថា ធ្លាប់​ជួប​វិបត្តិ​ផ្លូវ​ចិត្ត​ធ្ងន់​ធ្ងរ​ក្នុង​អាជីព​បាល់ទាត់
11/18/2026 03:11 PM
កម្ពុជា-ម៉ាឡេស៊ី​ ផ្លាស់ប្តូរទស្សនៈគ្នាលើវិស័យនយោបាយ សេដ្ឋកិច្ច សន្តិសុខ ការងារ ថាមពល ការដឹកជញ្ជូន និងការតភ្ជាប់
11/18/2026 03:11 PM
អង្គការសង្គមស៊ីវិលរំពឹងថាសំឡេងហ្វ្រង់កូហ្វូនីនឹងជាចលករមួយជំរុញកិច្ចសន្ទនាដោយសន្តិវិធីលើបញ្ហាព្រំដែនកម្ពុជា-ថៃ
11/18/2026 02:11 PM
គណៈប្រតិភូ៖ ស្នាមញញឹម​នៃហ្វ្រង់កូហ្វូនី​ទាក់ទាញ​ចិត្ត​ឱ្យ​នាំ​ក្រុមគ្រួសារ​មក​ទស្សនា​កម្ពុ​ជា​នៅ​ឆ្នាំ​ក្រោយ
11/18/2026 02:11 PM
ក្រុមប្រឹក្សាអភិវឌ្ឍន៍កម្ពុជា និងសភាពាណិជ្ជកម្ម និងឧស្សាហកម្មបារាំងនៅកម្ពុជា ផ្លាស់​ប្តូរ​អនុស្សរណៈ​នៃ​ការ​យោគយល់​គ្នា ពង្រឹងកិច្ចសហប្រតិបត្តិការ និងការវិនិយោគ
11/18/2026 01:11 PM