នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
​សម្តេចតេជោ ហ៊ុន សែន អនុញ្ញាតឱ្យឯកឧត្តម គីម ជីនផ្យូ (Kim Jin-pyo) អតីតប្រធានរដ្ឋសភា នៃសាធារណរដ្ឋកូរ៉េ ចូលជួបសម្ដែងការគួរសម
ទិវាសន្ដិភាពអន្ដរជាតិ| សម្ដេចធិបតី អំពាវនាវឱ្យថៃគោរពកិច្ចព្រមព្រៀងដែលបានឯកភាពគ្នាលើបញ្ហាព្រំដែន ខណៈកម្ពុជាប្រកាន់គោលការណ៍គ្រឹះគោរពអធិបតេយ្យដោះស្រាយបញ្ហាដោយសន្ដិវិធី
សម្ដេចតេជោ បង្ហាញចំណាប់អារម្មណ៍ទៅលើអត្ថបទរបស់អ្នកវិភាគថៃ ក្រោមចំណងជើងថា «ស្កប់ចិត្ត តែនៅមិនឈ្នះ!»
សម្ដេចតេជោលើកទឹកចិត្តឱ្យកម្ពុជា និងស៊ីបរកឱកាស និងយន្តការថ្មីៗជំរុញការវិនិយោគ និងពាណិជ្ជកម្មទ្វេភាគីឱ្យកាន់តែរីកចម្រើន

នយោបាយ​ និង ការអភិវឌ្ឍន៍

អាជ្ញាធរជាតិអប្សរា ជួសជុលកំពង់ទឹកប្រាសាទព្រះខ័ន ដំណាក់កាលទី២

2023/08/15 09:32:20 pm        568
Facebook Telegram Linkin
ក្រុមអ្នកជំនាញរបស់អាជ្ញាធរជាតិអប្សរា ចាប់ផ្ដើមអនុវត្តគម្រោងជួសជុលកំពង់ទឹក ដែលស្ថិតនៅលើច្រាំងនៃទំនប់ខាងលិចបារាយជ័យតដាក នាទិសខាងកើតរបស់ប្រាសាទព្រះខ័នដែលជាដំណាក់កាលទី២។ការជួសជុលនេះ នឹងត្រូវចំណាយពេលមួយឆ្នាំ ចាប់ផ្តើមពីដើមឆ្នាំ២០២៣ និងគ្រោងនឹងបញ្ចប់នៅចុងឆ្នាំ២០២៣នេះ។លោក ជា សារិទ្ធ បុរាណវិទូ និងជាអ្នកគ្រប់គ្រងគម្រោងជួសជុលការដ្ឋានកំពង់ទឹកប្រាសាទព្រះខ័ន ឱ្យដឹងថា ខឿនកំពង់ទឹក នាទិសខាងកើតរបស់ប្រាសាទព្រះខ័ន មានរាងជាចតុកោណកែង ដោយចែកចេញជាបីផ្នែក ផ្នែកខាងកើតមានប្លង់ជារាងការ៉េ មានទំហំ ១៥.២០ម៉ែត្រ គុណនិង១៥.២០ម៉ែត្រ ដែលមានកាំជណ្តើរចំនួន៥កាំ។ មុននឹងឈានដល់ការជួសជុល ក្រុមការងារបានស្វែងរកឯកសារចាស់ៗមកសិក្សា ព្រមទាំងកំណាយបុរាណវិទ្យា សម្អាតកំណកដី ធ្វើសម្រង់ប្លង់ ការកត់ត្រា ការថតរូប ដើម្បីបង្ហាញពីស្ថានភាពអភិរក្សមុនពេលជួសជុល ដោយប្រៀបធៀបស្ថានភាពក្រោយពេលជួសជុលផង។លោកឱ្យដឹងទៀតថា បច្ចេកទេសនៃការជួសជុលកំពង់ទឹកផ្នែកខាងកើតនេះ គឺត្រូវយកមកប្រើ ក្នុងវិធីសាស្ត្រជួសជុលពង្រឹងខឿននេះទាំងស្រុង គឺជួសជុលតាមបច្ចេកទេសបុរាណ។ បច្ចុប្បន្ននេះ សម្រេចបាន៣០ទៅ៤០ភាគរយហើយ ដោយបានបញ្ចប់ការរៀបចំផ្គុំកាំជណ្តើរផ្នែកខាងជើង និងខឿនជាន់ទី១ និងបន្តទៅខឿនជាន់ទី២។ រីឯជណ្តើរខាងកើត ក្រុមការងារកំពុងរៀបចំ បាន​៥០ភាគរយ ដោយបានរៀបចំបានជណ្ដើរចំនួន៤កាំនៅសល់កាំទី៥ និងខឿនជាន់ទី១និងទី២ប៉ុណ្ណោះ។អ្នកគ្រប់គ្រងការដ្ឋានឱ្យដឹងទៀតថា ការជួសជុលកំពង់ទឹកនេះ គឺជួសជុលអន្តរាគមន៍​ក្នុងកម្រិតមួយអតិបរមា ធ្វើយ៉ាងណារៀបចំជណ្តើរ រៀបចំថ្មកម្រាល រៀបចំជញ្ជាំងនៃខឿនឱ្យរឹងឡើងវិញ ដើម្បីបង្ហាញអំពីតួនាទីរបស់កំពង់ទឹក និងទំនាក់ទំនងរវាងប្រាសាទព្រះខ័ន ជាមួយបារាយជ័យតដាក និងប្រាសាទនាគព័ន្ធ។ គោលបំណងនៃការជួសជុល គឺពង្រឹងតែផ្នែកខូចខាតទ្រុឌទ្រោមខ្លាំងឱ្យរឹងមាំ ដើម្បីបង្ហាញឱ្យឃើញនូវគ្រប់ស្រទាប់ប្រវត្តិសាស្ត្រ ចាប់តាំងពីសម័យកសាង រហូតមកដល់បច្ចុប្បន្ន។កាលពីឆ្នាំ២០២២កន្លងទៅ ក្រុមអ្នកជំនាញធ្លាប់បានជួសជុលខឿនកណ្តាលមានទំហំបណ្តោយប្រវែង២១.៦០ម៉ែត្រ គុណ​និង២១.៦០ម៉ែត្រនិងរចនាសម្ពន្ធកាំជណ្តើរចុះទៅកាន់ប្រាសាទព្រះខ័នក្នុងដំណាក់កាលទី១។កំពង់ទឹកផ្នែកខាងកើតនៃប្រាសាទព្រះខ័ន មានស្ថានភាពទ្រុឌទ្រោមខ្លាំង​ ដោយសារខឿនផ្នែកនេះ កាលពីសម័យសាងសង់ក្នុងដំណាក់កាលទី១ ប្រហាក់ប្រហែលគ្នា និងសម័យកាលនៃការកសាង​ប្រាសាទព្រះខ័ន ប្រាសាទនាគព័ន្ធ ​និងប្រាសាទតាសោមនោះ ដោយការរៀបចំរាជធានីជ័យស្រី មានប្រព័ន្ធធារាសាស្រ្តដែលកសាងក្នុងដំណាក់កាលជាមួយគ្នា។ខឿនជណ្តើរនៃតួកំពង់ទឹក ធ្វើអំពីថ្មភក់រៀបជាជញ្ជាំងពីខាងក្រៅមានឆ្លាក់ចម្លាក់ជាសត្វហង្ស និងនាគស្រដៀងគ្នាទៅនិងស្ពានហាលឆ្លងកាត់ទៅកាន់ប្រាសាទព្រះខ័ន។ ប៉ុន្តែក្រោយពីរាជ្យព្រះបាទជ័យវរ្ម័នទី៧ ផ្នែកខ្លះនៃកំពុងទឹកនេះ ត្រូវបានគេដកយកថ្មភក់ ទៅប្រើនៅកន្លែងផ្សេង៕

ចិន៖ សម្ព័ន្ធមិត្តការពារជាតិអាមេរិក កូរ៉េខាងត្បូង ជប៉ុន បានបង្កើនភាពតានតឹងក្នុងតំបន់

2023/08/15 09:11:52 pm        284
Facebook Telegram Linkin
បណ្ដាមេដឹកនាំរដ្ឋនៃសហរដ្ឋអាមេរិក ជប៉ុន និងកូរ៉េខាងត្បូង នឹងជួបប្រជុំគ្នានៅឯលំឋានលំហែកាយ Camp David នៅថ្ងៃសុក្រខាងមុខនេះ ហើយពួកគេត្រូវបានគេរំពឹងថា នឹងចាប់ផ្តើមគំនិតផ្តួចផ្តើមរួមគ្នាជាបន្តបន្ទាប់ ជាពិសេសលើបច្ចេកវិទ្យា និងការការពារជាតិ នេះបើយោងតាមមន្ត្រីរដ្ឋបាលជាន់ខ្ពស់របស់សហរដ្ឋអាមេរិក។ជាការឆ្លើយតបទៅនឹងការពង្រឹងកិច្ចសហប្រតិបត្តិការយោធារវាងសហរដ្ឋអាមេរិក កូរ៉េខាងត្បូង និងជប៉ុននៅក្នុងតំបន់អាស៊ីប៉ាស៊ីហ្វិក ក្រសួងការបរទេសចិនបានចង្អុលបង្ហាញថា កិច្ចសហប្រតិបត្តិការយោធារវាងរដ្ឋ និងរដ្ឋ គួរតែអំណោយផលដល់សន្តិភាព និងស្ថិរភាពក្នុងតំបន់ ហើយមិនគួរកំណត់គោលដៅលើភាគីទីបី ឬប៉ះពាល់ដល់ផលប្រយោជន៍របស់ភាគីទីបីណាមួយឡើយ។ក្រសួងក៏បានបន្ថែមផងដែរថា ប្រទេសចិន ប្រឆាំងយ៉ាងម៉ឺងម៉ាត់ចំពោះបណ្តាប្រទេសនៅក្រៅតំបន់អាស៊ីប៉ាស៊ីហ្វិក ដែលជ្រៀតជ្រែកក្នុងកិច្ចការអាស៊ី ហើយកូរ៉េខាងត្បូង និងជប៉ុន គួរតែបដិសេធមិនធ្វើអ្វីដែលធ្វើឱ្យខូចទំនុកចិត្តគ្នាទៅវិញទៅមកក្នុងចំណោមប្រទេសក្នុងតំបន់ ព្រមធ្វើឱ្យខូចសន្តិភាព និងស្ថិរភាពក្នុងតំបន់នោះទេ។ក្រៅពីនេះ ប្រទេសចិនបានបញ្ជាក់យ៉ាងច្បាស់ថា កោះតៃវ៉ាន់ជាផ្នែកមួយរបស់ចិន ហើយសំណួរទាក់ទងតៃវ៉ាន់គឺជាផលប្រយោជន៍ស្នូលរបស់ចិន និងជាបន្ទាត់ក្រហមលេខមួយ ដែលមិនត្រូវឆ្លងកាត់ ហើយថាប្រទេសផ្សេងទៀតមិនគួរជ្រៀតជ្រែកក្នុងកិច្ចការផ្ទៃក្នុងរបស់ចិនឡើយ៕

ការពង្រីកតំបន់ការពារបង្ហាញសញ្ញាវិជ្ជមាន ខណៈកម្ពុជាជាប់ក្នុងចំណោម១០ប្រទេសលើលោក ដែលសម្បូរតំបន់ការពារ

2023/08/15 07:32:46 pm        175
Facebook Telegram Linkin
ភ្នំពេញ៖ នាយកអង្គការមូលនិធិសត្វព្រៃ (WWF) លើកឡើងថា ការពង្រីកតំបន់ការពារ និងតំបន់ធម្មជាតិបង្ហាញសញ្ញាវិជ្ជមានរបស់កម្ពុជា ខណៈកម្ពុជាជាប់ចំណាត់ថ្នាក់ល្អ ក្នុងចំណោម១០ប្រទេសលើសកលលោក ដែលសំបូរដោយតំបន់ការពារ។ បើតាម លោក សេង ទៀក នាយកអង្គការមូលនិធិសត្វព្រៃ (WWF) បានប្រាប់BTV News ឲ្យដឹង​នៅថ្ងៃទី១៥ ខែសីហា ឆ្នាំ២០២៣ថា ក្នុងនាមអង្គការដៃគូដែលធ្វើកិច្ចការយ៉ាង​ជិតស្និទ្ធិ​ជាមួយ​រាជរដ្ឋាភិបាល ​ជាពិសេស​ជាមួយក្រសួងបរិស្ថាន ​អង្គការ WWF បានគាំទ្រទៅដល់​ការពង្រី​កនៃគ្រប់គ្រង​តំបន់ការពារទេសភាព​ តំបន់ការពារធម្មជាតិ​ តំបន់បេតិកភណ្ឌធម្មជាតិ និងតំបន់​ការពារសត្វព្រៃ ​គឺជាការគិតគូរដ៏មានអត្ថប្រយោជន៍ពីរាជរដ្ឋាភិបាលដល់ប្រជាជនកម្ពុជា និងសកលលោក។ លោក បន្តថា បច្ចុប្បន្ននៅកម្ពុជាបានពង្រីកវិសាលភាពតំបន់ចំនួនប្រមាណ៧០តំបន់ ដែលគ្រប់គ្រង​លើផ្ទៃដីជាង៧លានហិកតា ខណៈកម្ពុជាជាប្រទេសមួយក្នុងចំណោម១០ប្រទេស​លើសកលលោក​ដែលមានតំបន់ការពារច្រើនជាងគេ។ នាយកអង្គការមូលនិធិសត្វព្រៃ (WWF) បញ្ជាក់ថា ក្នុងពេលវិសាលភាពគ្រប់គ្រងកាន់តែធំ រាជ​រដ្ឋាភិបាល​មានភាព​ស្មុគស្មាញ​ជាងមុន ដែលទាមទារត្រូវឲ្យមានការកសាងសេដ្ឋកិច្ចផ្អែក​លើការអភិរក្ស ​តាមរយៈជំរុញការវិនិយោគ​។គួរបញ្ជាក់ថា កាលពីថ្មីៗនេះ រាជរដ្ឋាភិបាល បានចេញអនុក្រឹត្យជាបន្តបន្ទាប់ ​ដោយពង្រីក​ការ​គ្រប់គ្រង និងសម្រេចពង្រីកផ្ទៃដីបន្ថែមនៅដែនជម្រកសត្វព្រៃ​ តាមបណ្តាខេត្តមួយចំនួន ដូចជា ការបង្កើតតំបន់ការពារទេសភាពប្រាសាទបាកាន (ព្រះខ័នកំពង់ស្វាយ) នៅខេត្តព្រះវិហារ, ការកំណត់ភ្នំប្រាំពីរ ស្ថិតក្នុងភូមិសាស្រ្ត ខេត្តបាត់ដំបង ជាតំបន់បេតិកភណ្ឌធម្មជាតិ, ការពង្រីកផ្ទៃដី ដែន​ជម្រកសត្វព្រៃតាតៃ ​ស្ថិតនៅក្នុងភូមិសាស្រ្តខេត្តកោះកុង ដើម្បីលើកកម្ពស់​នៃការ​ថែរក្សា​ការពារ​សត្វព្រៃ និងបរិស្ថាននៅតំបន់នោះឲ្យកាន់តែមានប្រសិទ្ធភាពបន្ថែមទៀត និងការពង្រីក​ដែនជម្រកសត្វព្រៃព្រែកប្រសព្វជាង ១ពាន់ហិកតា នៅខេត្តក្រចេះផងដែរ៕ អត្ថបទ សេក ឧត្តម

គណបក្សភឿថៃ មានការលំបាកក្នុងការមិនដាក់បញ្ចូលគណបក្សគាំទ្រយោធា ខណៈវិបត្តិនយោបាយឈានដល់រយៈពេល៣ខែ

2023/08/15 07:24:51 pm        134
Facebook Telegram Linkin
ថៃ៖ ប្រទេសថៃនៅតែគ្មាននាយករដ្ឋមន្ត្រីថ្មី រយៈពេល៣ខែបន្ទាប់ពីការបោះឆ្នោតសកលថ្ងៃទី១៤ ខែឧសភា ដោយគណបក្សភឿថៃ ដែលជាគណបក្សទទួលបានសំឡេងឆ្នោតគាំទ្រលំដាប់លេខពីរក្នុងការបោះឆ្នោត មានការលំបាកក្នុងការមិនដាក់បញ្ចូលឥទ្ធិពលរបស់គណបក្សយោធា ខណៈដែលខ្លួនព្យាយាមបង្កើតរដ្ឋាភិបាលថ្មី។ភាពជាប់គាំងនយោបាយចុងក្រោយបង្អស់ ពាក់ព័ន្ធនឹងញត្តិមួយនៅមុនពេលតុលាការធម្មនុញ្ញរបស់ប្រទេសថៃ ដែលអះអាងថា ការបដិសេធរបស់សភាកាលពីខែមុនលើសំណើសុំតែងតាំងមេដឹកនាំគណបក្សបោះជំហានទៅមុខ លោក ភីថា លីមចារើនរ៉ាត់ ជាបេក្ខភាពនាយករដ្ឋមន្ត្រី ផ្ទុយនឹងរដ្ឋធម្មនុញ្ញឬយ៉ាងណានោះ។ប្រទេសមួយនេះ កំពុងស៊ូទ្រាំនឹងការរង់ចាំដ៏យូរបំផុតរបស់ខ្លួនក្នុងរយៈពេលពីរទសវត្សរ៍ សម្រាប់ការជ្រើសរើសមេដឹកនាំថ្មី បន្ទាប់ពីការបោះឆ្នោតសកលមួយ ដោយមិនមានភាពច្បាស់លាស់ថា តើនៅពេលណាដែលការបោះឆ្នោតសភាបន្ទាប់ ក្នុងការជ្រើសរើសបេក្ខជននាយករដ្ឋមន្ត្រីថ្មី នឹងត្រូវធ្វើឡើង។គណបក្សគាំទ្រយោធាកំពុងខិតចូលមកជិតបក្សភឿថៃ។ សមាជិកសភាគណបក្សគាំទ្រយោធា Palang Pracharath លោក Pai Leeke បាននិយាយថា សមាជិកសភាជាន់ទាបទាំង៤០រូបមកពីគណបក្សរបស់ខ្លួន នឹងបោះឆ្នោតឱ្យបេក្ខជនបក្សភឿថៃ ដោយគ្មានលក្ខខណ្ឌ ដោយបង្ហាញថាខ្លួនមានឆន្ទៈចូលរួមជាមួយក្រុមចម្រុះ ប្រសិនបើគណបក្ស ភឿថៃ ស្នើសុំ។ចំណុចអារម្មណ៍មួយសម្រាប់គណបក្សភឿថៃ ប្រសិនបើខ្លួនចូលរួមជាមួយបណ្ដាបក្សគាំទ្រយោធានោះ គឺការវិលត្រឡប់របស់អតីតនាយករដ្ឋមន្ត្រីដែលរស់នៅក្នុងនិរទេសភាពគឺ លោក ថាក់ស៊ីន ស៊ីណាវ៉ាត់ ជាមេដឹកនាំគណបក្សនេះតាមជាក់ស្តែង ហើយការវិលត្រឡប់របស់លោក ថាក់ស៊ីន ត្រូវបានគេនិយាយថា ជាផ្នែកមួយនៃកិច្ចព្រមព្រៀងមួយដើម្បីធ្វើការជាមួយក្រុមគាំទ្រយោធាផងដែរ៕

ជប៉ុនបដិសេធរបាយការណ៍របស់ប្រព័ន្ធផ្សព្វផ្សាយកូរ៉េខាងត្បូង ស្តីពីសំណល់ទឹក ហ្វ៊គូស៊ីម៉ា

2023/08/15 07:21:44 pm        111
Facebook Telegram Linkin
ជប៉ុន៖ តូក្យូ (១៥ សីហា)៖ ប្រទេសជប៉ុន បានបដិសេធរបាយការណ៍ប្រព័ន្ធផ្សព្វផ្សាយអនឡាញរបស់កូរ៉េខាងត្បូង អំពីឯកសារដែលត្រូវបានចោទប្រកាន់ថា ជាទូរលេខផ្លូវការរបស់ជប៉ុន ស្តីពីគម្រោងការបញ្ចេញសំណល់ទឹកដែលត្រូវបានធ្វើប្រព្រឹត្តកម្មរួចចេញពីរោងចក្រនុយក្លេអ៊ែរ ហ្វ៊ូគូស៊ីម៉ា ដែលត្រូវបានខូចខាតលេខ១ ចូលទៅក្នុងសមុទ្រ។ ក្រសួងការបរទេសជប៉ុន បាននិយាយនៅក្នុងសេចក្តីថ្លែងការណ៍មួយកាលពីថ្ងៃចន្ទថា របាយការណ៍នោះមិនមានមូលដ្ឋាននៅក្នុងការពិតទេ ហើយឯកសារនោះគឺជាការក្លែងបន្លំទាំងស្រុង។យោងតាមក្រសួងបានឲ្យដឹងថា ប្រព័ន្ធផ្សព្វផ្សាយកូរ៉េខាងត្បូង បានរាយការណ៍កាលពីថ្ងៃចន្ទថា ទូរលេខដែលត្រូវបានចោទប្រកាន់ដោយក្រសួង បានបញ្ជាក់ថាការវាស់ស្ទង់សំណល់ទឹក ដែលត្រូវបានធ្វើប្រព្រឹត្តកម្មរួច ផ្ទុកទុកក្នុងអាងក្រោមដី កាលថ្ងៃទី៨ ខែកក្កដារបស់ក្រុមហ៊ុន TEPCO បានបង្ហាញពីកម្រិតវិទ្យុសកម្មលើសពីតួលេខស្ដង់ដារយ៉ាងច្រើន។ របាយការណ៍នោះក៏បាននិយាយផងដែរថា ប្រទេសជប៉ុន កំពុងពិចារណាលើការបំពេញតាមស្តង់ដារសុវត្ថិភាពដោយសម្លាប់មេរោគពីទឹកដែលបានធ្វើប្រព្រឹត្តកម្មរួចបន្ថែមទៀត។ក្រុហ៊ុន TEPCO គ្រោងនឹងបញ្ចេញសំណល់ទឹកពីរោងចក្រថាមពល ហ្វ៊ូគូស៊ីម៉ា ទៅកាន់មហាសមុទ្រប៉ាស៊ីហ្វិក ដែលបានរងការបំផ្លិចបំផ្លាញចំនួន៣ដងកាលពីខែមីនា ឆ្នាំ២០១១ ពីការរញ្ជួយដីដ៏ធំ និងរលកយក្សស៊ូណាមិ បន្ទាប់ពីបានធ្វើប្រព្រឹត្តកម្មតាមរយៈឧបករណ៍សម្អាត៕

កម្ពុជានឹងផ្លាស់ប្ដូរប្រើប្រាស់ឆ្នាំគោលគណនេយ្យជាតិឆ្នាំ ២០១៤ ដើម្បីដឹងពីស្ថានភាព​សេដ្ឋកិច្ច​បច្ចុប្បន្ន

2023/08/15 07:20:19 pm        331
Facebook Telegram Linkin
ភ្នំពេញ៖ក្រសួងផែនការ រួមទាំងក្រសួងសេដ្ឋកិច្ច ​កំពុងប្រមូលធាតុចូលបន្ថែមពី ​គ្រប់ស្ថាប័នពាក់ព័ន្ធ ដើម្បីឈានទៅ​ផ្លាស់ប្ដូរ​ប្រើប្រាស់ឆ្នាំ​គោលគណនេយ្យជាតិថ្មី ឆ្នាំ ២០១៤។ ​គោលដៅផ្លាស់ប្ដូរ ឆ្នាំ​គោលគណនេយ្យជាតិពីឆ្នាំ ២០០០ ​ទៅឆ្នាំ ២០១៤ គឺក្នុងគោលដៅសំខាន់ពាក់ព័ន្ធសេដ្ឋកិច្ចជាតិ​កម្ពុជា។ឯកឧត្តម រិន វីរៈ រដ្ឋលេខាធិការប្រចាំការ ក្រសួងផែនការ ​បានលើកឡើងក្នុងការសិក្ខាសាលាថា ការ​ផ្លាស់ប្ដូរឆ្នាំគោលគណនេយ្យជាតិម្ដងៗ​ គឺត្រូវរង់ចាំពេលវេលាដែលសមស្រប មានប្រភពទិន្នន័យ​គ្រប់គ្រាន់​ ទទួលបានពី ទិន្នន័យជំរឿន​ អង្កេត ​និងទិន្នន័យរដ្ឋបាលជាដើម។ ឯកឧត្តមថា កម្ពុជានឹង​ប្រើប្រាស់​ឆ្នាំគោលគណនេយ្យជាតិថ្មី នៅឆ្នាំ ​២០២៤ខាងមុខនេះ។ឯកឧត្តមបន្តថា ​ការផ្លាស់ប្ដូរឆ្នាំគោលគណនេយ្យជាតិពីឆ្នាំ ​២០០០ ​មកប្រើប្រាស់ឆ្នាំគោល​គណនេយ្យ​ជាតិឆ្នាំ ២០១៤ ​ជារឿងត្រឹមត្រូវ ​ដោយវិទ្យាស្ថានជាតិស្ថិតិ ​មានជំរឿនសេដ្ឋឆ្នាំ ២០១១ ជំរឿន​កសិកម្មឆ្នាំ ២០១៣ អង្កេតពាក់​កណ្ដាល​ជំរឿន​សេដ្ឋកិច្ច​ឆ្នាំ ២០១៤ ​អង្កេត​សេដ្ឋកិច្ច សង្គមកិច្ច ឆ្នាំ ២០១៤​ និង​ប្រភពរដ្ឋបាលផ្សេងទៀត ​ដូចជា ​ជញ្ជីង​ទូទាត់​របស់​ធនាគារជាតិ​នៃកម្ពុជា ស្ថិតិ​ហិរញ្ញវត្ថុរដ្ឋាភិបាលរបស់ក្រសួងសេដ្ឋកិច្ច​ និង​ហិរញ្ញវត្ថុ ​ទិន្នន័យ​ពាណិជ្ជកម្មអន្តរជាតិ និង​ទិន្នន័យក្រសួង-ស្ថាប័នផ្សេងទៀត​ ក្នុងរាជរដ្ឋាភិបាលកម្ពុជា។ពាក់ព័ន្ធនឹងការផ្លាស់ប្ដូរឆ្នាំគោលគណនេយ្យជាតិនេះ​ ឯកឧត្តម កែវ ចិត្រា ប្រធាននាយកដ្ឋាន​គណនេយ្យជាតិ ​នៃវិទ្យាស្ថានជាតិស្ថិតិ បញ្ជាក់ថែមថា ការ​ផ្លាស់ប្ដូរ​គឺផ្ដល់​ជាផលប្រយោជន៍​ជាច្រើន​។ ​ផលប្រយោជន៍គឺបង្ហាញពីស្ថានភាពសេដ្ឋកិច្ចបច្ចុប្បន្ន ​បង្ហាញពីការ​ផ្លាស់ប្ដូរ​រចនា​សម្ព័ន្ធ​សេដ្ឋកិច្ច កំណើន​សេដ្ឋកិច្ចត្រឹមត្រូវ ​ក៏ដូចជាផ្លាស់ប្ដូរចំណាត់ថ្នាក់សកម្មភាពសេដ្ឋកិច្ចពីជំនាន់​ ៣.១ មកជំនាន់ ៤.០ ស្របតាមបរិបទថ្មី និងបង្កើនគុណភាពស្ថិតិគណនេយ្យជាតិ ​និងសង្គតិភាពជាមួយ​ស្ថិតិ​ម៉ាក្រូសេដ្ឋកិច្ច​ដទៃទៀត ​និងធ្វើឱ្យប្រសើរការប្រៀបធៀប​ជាអន្តរជាតិ។ក្នុងការធ្វើបទបង្ហាញ ​ឯកឧត្តម ​​ក៏បានសំណូមពរសុំឱ្យមានការផ្ដល់​ជាទិន្នន័យ​ យោបល់ រឺ​សំណូម​ពរនានាពី​​​​     វិស័យរ៉ែ វិស័យម្ហូបអាហារ​ វិស័យភស្តុភារ​ វិស័យ​ផលិតស៊ីម៉ងត៍ វិស័យ​អចលនទ្រព្យ វិស័យ​ទូរគមន​គមន៍​ និងវិស័យផ្សេងៗ​ទៀត៕ ​អត្ថបទ៖គឹមហុក

ចំនួនអ្នកស្លាប់ដោយសារភ្លៀងធ្លាក់ខ្លាំងនៅភាគខាងជើងប្រទេសឥណ្ឌា កើនឡើងដល់ជិត៦០នាក់ហើយ

2023/08/15 07:19:06 pm        127
Facebook Telegram Linkin
ឥណ្ឌា៖មនុស្សយ៉ាងហោចណាស់៥៨នាក់ បានបាត់បង់ជីវិត ដោយមនុស្ស៩នាក់ក្នុងចំណោមនោះបានស្លាប់នៅក្នុងការរលំវិហារសីវៈ ហើយមនុស្សជាច្រើននាក់ទៀត ត្រូវគេបារម្ភថា បានបាត់ខ្លួនបន្ទាប់ពីភ្លៀងធ្លាក់ខ្លាំងបានបណ្តាលឱ្យមានទឹកជំនន់ និងបំណាក់ដីនៅក្នុងប្រទេសឥណ្ឌា នេះបើតាមក្រុមមន្ត្រីបាននិយាយកាលពីថ្ងៃចន្ទ (១៤ សីហា) ។ ភ្លៀងធ្លាក់ខ្លាំងជាច្រើនថ្ងៃ បានហូរនាំទៅនូវយានយន្ត បំផ្លាញអគារ និង ស្ពានជាច្រើន នៅភាគខាងជើងនៃរដ្ឋ Himachal Pradesh និងរដ្ឋ Uttarakhand ក្នុងប្រទេសឥណ្ឌា។ទឹកជំនន់ និងបំណាក់ដីជារឿងធម្មតា ហើយបណ្តាលឱ្យមានការបំផ្លិចបំផ្លាញយ៉ាងទូលំទូលាយក្នុងអំឡុងរដូវមូសុងរបស់ប្រទេសឥណ្ឌា ប៉ុន្តែអ្នកជំនាញនិយាយថា បម្រែបម្រួលអាកាសធាតុ កំពុងបង្កើនភាពញឹកញាប់ និងភាពធ្ងន់ធ្ងររបស់គ្រោះធម្មជាតិទាំងនោះ។ នៅរដ្ឋ Himachal Pradesh មនុស្ស៥០នាក់ បានស្លាប់ក្នុងរយៈពេល២៤ម៉ោងចុងក្រោយនេះ ដែលក្នុងនោះមានយ៉ាងហោចណាស់៩នាក់ បានស្លាប់នៅក្នុងការដួលរលំនៃវិហារសីវៈរបស់សាសនាហិណ្ឌូ ក្នុងរដ្ឋធានី Shimla នៃរដ្ឋនេះ។ក្រុមមន្ត្រីបាននិយាយថា យ៉ាងហោចណាស់មនុស្ស៨នាក់ផ្សេងទៀត ក៏បានស្លាប់ផងដែរចាប់តាំងពីថ្ងៃសុក្រនៅក្នុងរដ្ឋ Uttarakhand ដែលនៅជិតខាងនោះ។ មនុស្សរាប់ពាន់នាក់ត្រូវបានជាប់គាំង ដោយផ្លូវសំខាន់ៗ បណ្តាញអគ្គិសនី និងបណ្តាញទំនាក់ទំនង ត្រូវបានរំខាន៕

អតិផរណាលក់រាយរបស់ឥណ្ឌា កើនឡើងលើតម្លៃម្ហូបអាហារ ដែលជាបញ្ហាប្រឈមរបស់រដ្ឋាភិបាលលោក Modi

2023/08/15 07:14:27 pm        156
Facebook Telegram Linkin
ឥណ្ឌា៖ អតិផរណាលក់រាយប្រចាំឆ្នាំរបស់ប្រទេសឥណ្ឌា ក្នុងខែកក្កដា បានកើនឡើងដល់កម្រិតខ្ពស់បំផុតក្នុងរយៈពេល១៥ខែ ដោយសារតម្លៃបន្លែ និងគ្រាប់ធញ្ញជាតិបានកើនឡើងយ៉ាងខ្លាំង ដែលលើសពីការរំពឹងទុករបស់ទីផ្សារទាំងអស់ និងបានដាក់សម្ពាធលើរដ្ឋាភិបាលឱ្យចាត់វិធានការដើម្បីកាត់បន្ថយតម្លៃ។អតិផរណាលក់រាយប្រចាំឆ្នាំរបស់ប្រទេសឥណ្ឌាបានកើនឡើងយ៉ាងខ្លាំងដល់៧,៤៤% នៅក្នុងខែកក្កដា ពីអត្រា៤,៨៧% កាលពីខែមុន។ ការស្ទង់មតិរបស់សារព័ត៌មាន រ៉យទ័រ លើអ្នកសេដ្ឋវិទូចំនួន៥៣នាក់ បានព្យាករណ៍អត្រាអតិផរណាលក់រាយចំនួន៦,៤០%។ តួលេខនេះគឺខ្ពស់បំផុតចាប់តាំងពីខែមេសា ឆ្នាំ២០២២មក។អតិផរណាម្ហូបអាហារ ដែលមានចំនួនជិតពាក់កណ្តាលនៃកញ្ចប់តម្លៃទំនិញប្រើប្រាស់ទាំងមូល បានឈានដល់កម្រិត១១,៥១% នៅក្នុងខែមិថុនា។ អតិផរណាម្ហូបអាហារលក់រាយ គឺស្ថិតនៅកម្រិតខ្ពស់បំផុតចាប់តាំងពីខែមករាឆ្នាំ២០២០មក។ កាលពីសប្តាហ៍មុន ធនាគារកណ្តាលនៃប្រទេសឥណ្ឌា (RBI) បានបង្កើនការព្យាករណ៍អតិផរណារបស់ខ្លួនសម្រាប់ហិរញ្ញវត្ថុប្រចាំឆ្នាំនាពេលបច្ចុប្បន្ន ដល់៥,៤% ពីអត្រា៥,១% នៅរយៈពេលមុននោះ ដោយសំអាងដល់បញ្ហាតម្លៃម្ហូបអាហារ។រដ្ឋាភិបាលរបស់នាយករដ្ឋមន្ត្រីឥណ្ឌា លោក Narendra Modi ប្រហែលជាត្រូវនាំចូលស្រូវសាលីក្នុងប៉ុន្មានខែខាងមុខ ដើម្បីកាត់បន្ថយតម្លៃអាហារក្នុងស្រុក នៅមុនការបោះឆ្នោតរដ្ឋសំខាន់ៗ និងការស្ទង់មតិថ្នាក់ជាតិនៅឆ្នាំ២០២៤ខាងមុខនេះ៕

ក្រុមទូកនេសាទកូរ៉េខាងត្បូង ធ្វើបាតុកម្មប្រឆាំងផែនការបង្ហូរទឹកសំណល់របស់ជប៉ុន

2023/08/15 07:08:30 pm        88
Facebook Telegram Linkin
ជប៉ុន៖ ទូកនេសាទកូរ៉េខាងត្បូងមួយក្រុមកាលពីថ្ងៃចន្ទ បានធ្វើព្យុហយាត្រាតាមសមុទ្រនៅក្នុងដែនទឹកពីទីក្រុងកំពង់ផែ Incheon ភាគខាងលិចរបស់ប្រទេសកូរ៉េខាងត្បូង ដែលជាផ្នែកមួយនៃកិច្ចខិតខំប្រឹងប្រែងក្នុងប៉ុន្មានខែថ្មីៗនេះដោយអ្នកនេសាទក្នុងស្រុក ដើម្បីបង្ហាញពីការប្រឆាំងយ៉ាងម៉ឺងម៉ាត់របស់ពួកគេ ចំពោះគម្រោងបង្ហូរទឹកសំណល់វិទ្យុសកម្ម ដែលគ្រោងទុករបស់ប្រទេសជប៉ុន ទៅក្នុងមហាសមុទ្រ។ទូកនេសាទជាង៥០គ្រឿង បានចេញដំណើរពីផែក្នុងទីក្រុង Incheon ក្នុងការធ្វើដំណើរស្របគ្នា ដោយជិះជុំវិញប្រហែលមួយម៉ោងកន្លះ ជាមួយនឹងផ្ទាំងបដានៅលើនាវាដែលសរសេរថា «ប្រើទឹកសំណល់ ហ្វ៊ូគូស៊ីម៉ា ជាទឹកផឹកនៅក្នុងប្រទេសជប៉ុនទៅ» និង «មហាសមុទ្រមិនមែនជាកន្លែងសម្រាប់បង្ហូរទឹកសំណល់នុយក្លេអ៊ែរ ហ្វូគូស៊ីម៉ា ចោលនោះទេ»។ស្របពេលមានការរិះគន់យ៉ាងទូលំទូលាយពីក្នុងប្រទេស និងក្រៅប្រទេស រដ្ឋាភិបាលជប៉ុនបាននឹងកំពុងជំរុញឱ្យមានការបង្ហូរទឹកសំណល់ ដែលមានមេរោគនុយក្លេអ៊ែរ ចូលទៅក្នុងមហាសមុទ្រនៅរដូវក្តៅនេះ ពីរោងចក្រថាមពលនុយក្លេអ៊ែរ ហ្វ៊ូគូស៊ីម៉ា ដៃអ៊ីឈី ដែលរងការវាយប្រហារដោយការរញ្ជួយដីដ៏ធំ និងរលកយក្សស៊ូណាមិ កាលពីខែមីនា ឆ្នាំ២០១១។មុនពេលបាតុកម្មនោះ អ្នកនេសាទជាង១៥០នាក់ ក៏បានប្រមូលផ្តុំគ្នានៅលើដីគោក ប្រឆាំងនឹងផែនការបង្ហូរទឹករបស់ប្រទេសជប៉ុន នេះដែរ ដោយនិយាយនៅក្នុងសេចក្តីថ្លែងការណ៍ថា ពួកគេបានរងគ្រោះពីការថយចុះនៃការប្រើប្រាស់អាហារសមុទ្រក្នុងស្រុក បណ្តាលមកពីការបង្ហូរទឹកសំណល់វិទ្យុសកម្ម ដែលបានគ្រោងទុកពីរោងចក្រ ហ្វ៊ូគូស៊ីម៉ា នេះ៕

សាកសពមនុស្សយ៉ាងហោចណាស់ចំនួន១៣នាក់ ត្រូវបានគេរកឃើញនៅក្នុងរដ្ឋ Veracruz របស់ប្រទេសម៉ិកស៊ិក

2023/08/15 07:04:59 pm        136
Facebook Telegram Linkin
ម៉ិកស៊ិក៖ ក្រុមអាជ្ញាធរក្នុងតំបន់ បាននិយាយ កាលពីថ្ងៃចន្ទថា នគរបាលបានរកឃើញសាកសពមនុស្សយ៉ាងហោចណាស់១៣នាក់ ដែលត្រូវបានរុំដាក់ក្នុងទូរទឹកកក នៅអគារមួយចំនួនក្នុងរដ្ឋ Veracruz របស់ប្រទេសម៉ិកស៊ិក ដោយបន្ថែមថារហូតមកដល់ពេលនេះ ជនសង្ស័យចំនួន៦នាក់នៅក្នុងឧក្រិដ្ឋកម្មដ៏សាហាវនេះ ត្រូវបានឃុំខ្លួន។អគ្គមេធាវីរបស់រដ្ឋ Veracruz បាននិយាយនៅក្នុងសេចក្តីថ្លែងការណ៍មួយថា ការធ្វើតេស្តតាមទីតាំង និងមន្ទីរពិសោធន៍ កំពុងបន្តដើម្បីកំណត់ចំនួនអ្នកពាក់ព័ន្ធ និងអត្តសញ្ញាណរបស់ពួកគេ។រដ្ឋ Veracruz គឺជារដ្ឋសម្បូរប្រេងនៅតាមបណ្តោយឆ្នេរឈូងសមុទ្រម៉ិកស៊ិក ដែលធ្លាប់ជាមជ្ឈមណ្ឌលសម្រាប់ការជួញដូរមនុស្ស និងគ្រឿងញៀន ក៏ដូចជាសកម្មភាពឧក្រិដ្ឋកម្មផ្សេងទៀត។ យោងតាមទិន្នន័យរបស់រដ្ឋាភិបាលបានឱ្យដឹងថា មនុស្សជាង៤០០នាក់ ត្រូវបានសម្លាប់ នៅក្នុងរដ្ឋ Veracruz ក្នុងអំឡុងពេលឆមាសដំបូងនៃឆ្នាំនេះ៕

បណ្ដាញសង្គម

ព័ត៌មានថ្មីៗ

ក្រសួងមុខងារសាធារណៈ គាំទ្រមណ្ឌលសុខភាពលើការពង្រីកសេវាវាស់ចែកវ៉ែនតាជូនពលរដ្ឋ
09/22/2026 12:09 PM
Facebook Telegram Linkin
រាជរដ្ឋាភិបាលកម្ពុជាទាមទារឱ្យប្រទេសថៃបញ្ឈប់ជាបន្ទាន់នូវរាល់សកម្មភាពខុសច្បាប់ ខណៈ​កងទ័ព និងព្រះសង្ឃថៃ​បន្ត​ដំឡើង​រូបចម្លាក់​ព្រះពុទ្ធ​មួយ​អង្គ​ក្នុង​ភូមិ​សាស្ត្រ​ភ្នំ​បេង ​ក្នុង​ស្រុក​អន្លង់វែង
09/22/2026 12:09 PM
Facebook Telegram Linkin
កូរ៉េខាងត្បូងជំរុញឱ្យអាមេរិកបន្ធូរបន្ថយទណ្ឌកម្មលើកូរ៉េខាងជើង ដើម្បីឱ្យទីក្រុងព្យុងយ៉ាងផ្អាកកម្មវិធីនុយក្លេអ៊ែរ
09/22/2026 12:09 PM
Facebook Telegram Linkin
ប្រធានាធិបតីបារាំង បញ្ជាក់ពីស្ថិរភាពថាមពល ក្រោយជួបជាមួយលោកTrump នៅទីក្រុងញូវយ៉ក
09/22/2026 12:09 PM
Facebook Telegram Linkin
អាមេរិក បញ្ជាក់ពីការគាំទ្រប្រទេសជប៉ុន កូរ៉េខាងត្បូង និងកោះតៃវ៉ាន់ នៅមុនជំនួបកំពូលរវាងលោក Trump និងលោក Xi
09/22/2026 12:09 PM
Facebook Telegram Linkin
មនុស្សមួយចំនួនរបួសក្រោយទីក្រុង Kyiv រងការវាយប្រហារជាថ្មីទៀតពីរុស្ស៊ី បន្ទាប់ពីការបាញ់ផ្លោងដាក់គ្នា
09/22/2026 12:09 PM
Facebook Telegram Linkin
រាជរដ្ឋាភិបាលកម្ពុជាបាន និងកំពុងតវ៉ាគ្រប់ពេលវេលា ​និងមធ្យោបាយ​ដើម្បី​ការពារបូរណភាព​ទឹកដី​
09/22/2026 12:09 PM
Facebook Telegram Linkin
ការ​ប្រើយន្តការផ្សះផ្សានៃ UNCLOS ដើម្បី​សម្រេច​ឱ្យ​បាន​ដំណោះ​ស្រាយ​ផ្តល់​ផល​ដល់​ពលរដ្ឋ​ប្រទេស​ទាំង​​ពីរ
09/22/2026 12:09 PM
Facebook Telegram Linkin
កម្ពុជាស្នើនគរបាលព្រហ្មទណ្ឌអន្តរជាតិតាមចាប់មេក្លោង Online scams ពីររូបដែលរត់គេចពីតំបន់ព្រំដែនជ្រៃធំ សង្ស័យចាកចេញពីកម្ពុជា
09/22/2026 12:09 PM
Facebook Telegram Linkin
រដ្ឋមន្រ្តីក្រសួងមហាផ្ទៃព្រីតថេន នឹងបំពេញទស្សនកិច្ចនៅកម្ពុជា ដើម្បី​ចូល​រួម​ពិភាក្សា​ប្រយុទ្ធ​ប្រឆាំង ​Online Scams ការក្លែងបន្លំ និង​ឧក្រិដ្ឋ​កម្ម​​ឆ្លង​ដែន
09/22/2026 12:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.