នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
គណៈកម្មាធិការអន្តរក្រសួងចុះពិនិត្យ និងវាយតម្លៃការស្ថាបនាផ្លូវក្រួសក្រហម១ខ្សែ ក្នុង​ស្រុកបាកាន ខេត្តពោធិ៍សាត់
រដ្ឋមន្ត្រីក្រសួងអភិវឌ្ឍន៍ជនបទចុះពិនិត្យវឌ្ឍនភាពការងារសាងសង់ស្ពានភ្នំក្រវាញ និង​ផ្លូវកៅ​ស៊ូ​ក្នុង​​ខេត្តពោធិ៍សាត់
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់

នយោបាយ​ និង ការអភិវឌ្ឍន៍

ពលរដ្ឋអ៊ីស្រាអែលរាប់ពាន់នាក់បន្តតវ៉ាប្រឆាំងកំណែទម្រង់ប្រព័ន្ធតុលាការនៅក្នុងទីក្រុងតេល អាវីវ

2023/08/03 10:11:25 am        229
Facebook Telegram Linkin
អ៊ីស្រាអែល៖ ក្រុមអ្នកតវ៉ារាប់ពាន់នាក់ បានចេញតវ៉ាតាមដងផ្លូវសំខាន់មួយក្នុងទីក្រុងតេល អាវីវ (Tel Aviv)ដោយកាន់ទង់ជាតិអ៊ីស្រាអែល និងអំពាវនាវឲ្យបញ្ចប់ការកែប្រែប្រព័ន្ធតុលាការកាលពីថ្ងៃពុធទី២សីហា។ ដោយត្រូវបានជំរុញដោយក្រុមចម្រុះអ្នកជាតិនិយមសាសនារបស់លោកនាយករដ្ឋមន្ត្រី បេនចាមីន ណេតានយ៉ាហ៊ូ ( Benjamin Netanyahu) ក្នុងការធ្វើកំណែទម្រង់ប្រព័ន្ធតុលាការ និងរឹតត្បិតអំណាចមួយចំនួនរបស់តុលាការកំពូល បានបណ្ដាលឲ្យមានការបែកបាក់យ៉ាងខ្លាំងនៅក្នុងសង្គមអ៊ីស្រាអែល ខណៈដុតបញ្ឆេះឲ្យមានការតវ៉ាទ្រង់ទ្រាយធំនៅតាមដងផ្លូវរយៈពេលជាច្រើនខែមកនេះ។  ក្រុមបាតុករបានអំពាវនាវឲ្យប្រជាពលរដ្ឋរួបរួមគ្នា កាលពីថ្ងៃពុធ និងបង្ហាញការគាំទ្រចំពោះតុលាការកំពូលដែលគ្រោងនឹងបើកសវនាការបណ្ដឹងឧទ្ទរណ៍នៅថ្ងៃព្រហស្បតិ៍ទី៣សីហានេះ ប្រឆាំងនឹងច្បាប់កាលពីខែមីនា ដែលកម្រិតលក្ខខណ្ឌសម្រាប់លោកនាយករដ្ឋមន្ត្រី បេន ចាមីន។ ការច្រានចោលរបស់លោកណេតានយ៉ាហ៊ូ ក្រោមហេតុផល "អសមត្ថភាព" ដែលជាញត្តិដំបូងក្នុងចំណោមញត្តិជាច្រើន ទំនងជាធ្វើឲ្យវិបត្តិរដ្ឋធម្មនុញ្ញកាន់តែធ្ងន់ធ្ងរឡើង ដែលបានអង្រួនអ៊ីស្រាអែលអស់ជាច្រើនខែ។  លោក ណេតានយ៉ាហ៊ូ ដែលកំពុងស្ថិតក្នុងដំណើរការជំនុំជម្រះក្ដីលើបទចោទប្រកាន់អំពើពុករលួយដែលលោកបដិសេធ បានចាត់ទុកការផ្លាស់ប្តូរប្រព័ន្ធតុលាការជាការកែលម្អតុល្យភាពក្នុងចំណោមអង្គអំណាចរបស់រដ្ឋាភិបាល។ ក្រមអ្នករិះគន់និយាយថា កំណែទម្រង់ទាំងនោះបង្កគ្រោះថ្នាក់ដល់លទ្ធិប្រជាធិបតេយ្យ និងបើកដៃឲ្យប្រពឹត្តអំពើពុករលួយ៕

មនុស្សយ៉ាងហោចណាស់៤៥នាក់ បានស្លាប់ ក្នុងប្រតិបត្តិការនគរបាលនៅរដ្ឋចំនួន៣ របស់ប្រទេសប្រេស៊ីល

2023/08/03 09:48:18 am        207
Facebook Telegram Linkin
ប្រេស៊ីល៖ យ៉ាងហោចណាស់មនុស្ស៤៥នាក់ ត្រូវបានសម្លាប់ នៅក្នុងប្រតិបត្តិការនគរបាលជាបន្តបន្ទាប់នៅទូទាំងរដ្ឋចំនួន៣ របស់ប្រទេសប្រេស៊ីល នៅក្នុងសប្តាហ៍ដ៏បង្ហូរឈាម ដោយប្រទេសនេះ មានកេរ្តិ៍ឈ្មោះដោយសារអំពើហិង្សារបស់នគរបាល។មនុស្ស១០នាក់ ត្រូវបានសម្លាប់ក្នុងអំឡុងពេលប្រតិបត្តិការរបស់នគរបាលស៊ីវិល និងយោធា ប្រឆាំងនឹងអ្នកជួញដូរគ្រឿងញៀនចូលទៅក្នុងតំបន់ប្រជុំជន Penha favela ក្នុងទីក្រុង Rio de Janeiro កាលពីព្រឹកថ្ងៃពុធ។ នៅរដ្ឋ Bahia ភាគឦសាន មនុស្ស១៩នាក់ក៏ត្រូវបានគេរាយការណ៍ថាបានស្លាប់ផងដែរ នៅចន្លោះថ្ងៃសុក្រដល់ថ្ងៃច័ន្ទ ក្នុងការប៉ះទង្គិចគ្នាជាមួយនគរបាលយោធានៅក្នុងរដ្ឋធានីរដ្ឋ Salvador និងទីក្រុងមួយចំនួនទៀតនៅក្បែរនោះ។ជាមួយគ្នានេះ ក្រុមអាជ្ញាធររដ្ឋក្នុងទីក្រុងសាវ ប៉ូឡូ បានបញ្ជាក់កាលពីថ្ងៃពុធថា ចំនួនអ្នកស្លាប់ពីប្រតិបត្តិការនគរបាលដែលកំពុងបន្តនៅក្នុងតំបន់ Baixada Santista បានកើនឡើងដល់ ១៦នាក់ហើយ ដែលធ្វើឲ្យនោះជាប្រតិបត្តិការដ៏សាហាវបំផុតមួយដែលមិនធ្លាប់ធ្វើឡើងដោយនគរបាលសៅប៉ូឡូ។នគរបាលនិយាយថា រហូតមកដល់ពេលនេះ ពួកគេបានចាប់ខ្លួនមនុស្សចំនួន៥៨នាក់ និងរឹបអូសបានថ្នាំញៀន ៤០០គីឡូក្រាម ព្រមទាំងអាវុធចំនួន១៨ដើម។ អង្គការសិទ្ធិមនុស្សបានរិះគន់សកម្មភាពរបស់នគរបាលនៅក្នុងតំបន់ Baixada Santista ថាជាការសម្លាប់រង្គាល ដែលជំរុញដោយការសងសឹក ខណៈដែលអ្នកស្រុកបានរាយការណ៍ពីការគំរាមកំហែង និងករណីនៃការធ្វើទារុណកម្មនៅទីនោះផងដែរ៕

លោក Donald Trump រិះគន់ការចោទប្រកាន់ពាក់ព័ន្ធការបោះឆ្នោតមុនថ្ងៃឡើងសវនាការនៅថ្ងៃនេះ

2023/08/03 09:32:34 am        252
Facebook Telegram Linkin
អាមេរិក៖ អតីតប្រធានាធិបតីអាមេរិកលោក Donald Trump បានរិះគន់ការចោទប្រកាន់មកលើរូបលោកពីបទសមគនិតដើម្បីបង្វែរលទ្ធផលឆ្នោតដែលលោកបានបរាជ័យកាលពីឆ្នាំ២០២០ នៅមុនពេលលោកបង្ហាញមុខនៅតុលាការ។ លោកបានសរសេរលើបណ្ដាញសង្គម ថា ការចោទប្រកាន់មិនធ្លាប់មានបែបនេះ បង្ហាញ ភាពពុករលួយ រឿងអាស្រូវ និងការបរាជ័យរបស់អាមេរិក ក្រោមការដឹកនាំរបស់លោកប្រធានាធិបតី Joe Biden។  សន្តិសុខត្រូវបានរឹតបន្តឹងនៅក្នុងទីក្រុងវ៉ាស៊ីនតោនឌីស៊ី សម្រាប់សវនាការនៅថ្ងៃព្រហស្បតិ៍នេះ។ លោក Trump បានប្រឈមរួចទៅហើយចំពោះករណីចោទប្រកាន់ព្រហ្មទណ្ឌចំនួនករណីផ្សេងទៀត ខណៈលោកធ្វើយុទ្ធនាការសម្រាប់ការដណ្ដើមតំណែងសេតវិមាននៅឆ្នាំក្រោយ។ ប៉ុន្តែករណីជាប់ពាក់ព័ន្ធនឹងការបោះឆ្នោត  ដែលលោកត្រូវបានចោទប្រកាន់កាលពីថ្ងៃអង្គារ ត្រូវបានមើលឃើញយ៉ាងច្បាស់ថាជាករណីធ្ងន់ធ្ងរបំផុតមួយក្នុងចំណោមបទចោទប្រកាន់ទាំងអស់ប្រមាណ៧៧ករណី។  នៅក្នុងលិខិតសរសេរជាអក្សរធំទាំងអស់ដែលបានបង្ហាញនៅលើបណ្ដាញសង្គម Truth របស់លោក កាលពីថ្ងៃពុធសប្ដាហ៍នេះ លោក Trump ដែលបានស្ថិតនៅទីក្រុង Bedminster រដ្ឋ New Jersey ដែលជាទីតាំងក្លឹបវាយកូនហ្គោលរបស់លោក បានថ្ងែងអំណរគុណដល់ក្រុមអ្នកគាំទ្ររបស់លោកដោយនិយាយថា ខ្ញុំពុំដែលទទួលបានការគាំទ្រច្រើនបែបនេះទេពីមុខមកទេ។  នៅក្នុងការបង្ហោះសារផ្សេងទៀតរបស់លោក លោកបានវាយប្រហារចំៗលើបេក្ខភាពប្រធានាធិបតី គូប្រជែង របស់លោក មកពីគណបក្សសាធារណរដ្ឋ ដូចជា អតីតអនុប្រធានាធិបតីរបស់លោក គឺ Mike Pence និងអភិបាលរដ្ឋ Florida លោក Ron DeSantis៕

ប្រសាសន៍សំខាន់របស់សម្តេចតេជោ ហ៊ុន សែន ក្នុងឱកាសអញ្ជើញសម្ពោធដាក់ឱ្យប្រើប្រាស់ផ្លូវក្រវាត់ក្រុងទី៣

2023/08/03 08:23:32 am        408
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញសម្ពោធដាក់ឱ្យប្រើប្រាស់ ផ្លូវ ក្រវាត់ក្រុងទី៣ (រង្វង់មូលមហាវិថីឈ្នះឈ្នះ-ផ្លូវជាតិលេខ១) និងផ្លូវខ្នែង នៅព្រឹកថ្ងៃទី០៣ ខែសីហា ឆ្នាំ២០២៣នេះ។ប្រសាសន៍សំខាន់របស់សម្តេចតេជោ ហ៊ុន សែន ដែលមាន​ខ្លឹមសារដូចខាងក្រោម៖សម្តេចតេជោ ហ៊ុន សែន បានប្រកាសថា បើរាជធានីភ្នំពេញ មិនមានការរីកចម្រើនទេ យើងមិនមានការចាំបាច់ណាមួយដើម្បីបើកឱ្យមានការស្ថាបនាផ្លូវក្រវាត់ក្រុទី១,ទី២ និងទី៣ ដែលត្រូវសម្ពោធដាក់ឱ្យប្រើប្រាស់ជាផ្លូវការនាពេលនេះ នោះទេ។សម្តេចតេជោ ហ៊ុន សែន បានបញ្ជាក់ថា ការស្ថាបនាផ្លូវក្រវាត់ក្រុងទី៣ គឺដើម្បីបំពេញតម្រូវការជាក់ស្ដែងរបស់ប្រជាពលរដ្ឋដែលកំពុងមានតម្រូវការ ខណៈពេលដែលប្រទេសជាតិកំពុងមានការអភិវឌ្ឍរីកចម្រើនជាលំដាប់។សម្តេចតេជោ ហ៊ុន សែន បានប្រកាសថ្លែងអំណរគុណដល់ប្រជាពលរដ្ឋ ដែលបានចូលរួមដោះស្រាយបញ្ហានានា ដោយបានទទួលយកនូវសំណង និងយល់ព្រមលក់ដីដល់អាជ្ញាធរ រហូតឈានទៅស្ថាបនាផ្លូវក្រវាត់ក្រុងទី៣នេះ បានរួចរាល់ជាស្ថាបពរ។សម្តេចតេជោ ហ៊ុន សែន បានប្រកាសថា ថ្ងៃទី០៣ ខែសីហា ឆ្នាំ២០២៣នេះ អាចជាពេលវេលាចុងក្រោយ ដែលសម្ដេចថ្លែងជាសាធារណៈ ក្នុងតំណែងជានាយករដ្ឋមន្រ្ដី នៃកម្ពុជាជន។សម្តេចតេជោ ហ៊ុន សែន បានប្រកាសថ្លែងអំណរគុណដល់ប្រជាពលរដ្ឋ ដែលបានចេញទៅបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ដ៏ច្រើន ដែលមានចំនួន៨៤,៥៨ភាគរយ ដែលចំនួនច្រើនជាងការបោះឆ្នោតនាពេលកន្លងមក។សម្តេចតេជោ ហ៊ុន សែន បានបញ្ជាក់ទៅកាន់ប្រជាពលរដ្ឋថា ការចាកចេញពីតំណែងនាយករដ្ឋមន្រ្ដីរបស់សម្ដេចនាពេលខាងមុខ(ថ្ងៃទី២២ ខែសីហា ឆ្នាំ២០២៣) គឺមិនមែនជាការចាកចេញដោយរត់ចោលស្រុកនោះទេ សម្ដេចនៅតែបន្តនៅជាមួយប្រជាជនកម្ពុជាជារៀងរហូត។សម្តេចតេជោ ហ៊ុន សែន បានថ្លែងថា ផែនការបំផុសបំផុលប្រជាពលរដ្ឋឱ្យគូសសន្លឹកឆ្នោតចោល គឺមានគណបក្សនយោបាយមួយ មានជាប់ពាក់ព័ន្ធលើផែនការនេះ ដោយអ្នកដែលប្រព្រឹត្តិកំហុសទាំងនោះ បានចេញមកសារភាពជាបន្តបន្ទាប់។សម្តេចតេជោ ហ៊ុន សែន បានបញ្ជាក់ថា បុគ្គលខ្លះកុំយកប្រទេសមួយ ពីរ មកធ្វើជាសហគមន៍អន្តរជាតិឱ្យសោះ។ ចំណែកបរទេសមួយចំនួនទៀត សូមគោរពលើការសម្រេចចិត្តរបស់ប្រជាពលរដ្ឋ កុំគាំទ្របុគ្គលមួយក្រុមតូចហើយមិនគោរពសិទ្ធិសេរីភាព និងការសម្រេចចិត្តរបស់ប្រជាពលរដ្ឋកម្ពុជា។សម្តេចតេជោ ហ៊ុន សែន បានប្រកាសថា ការបោះឆ្នោតនៅកម្ពុជានៅក្នុងអាណត្តិទី៧ ឆ្នាំ២០២៣នេះ គឺបានបង្ហាញពីជោគជ័យ នៃលទ្ធិប្រជាធិបតេយ្យពិតប្រាកដនៅក្នុងប្រទេសកម្ពុជា តាមរយៈការចេញទៅបោះឆ្នោតរបស់ប្រជាពលរដ្ឋដ៏ច្រើនលើសលុប។សម្តេចតេជោ ហ៊ុន សែន បានប្រកាសថា ការចាកចេញរបស់សម្តេចពីតំណែងនាយករដ្ឋមន្ត្រី គឺជាការលះបង់ដ៏ធំធេង ដើម្បីធានានិរន្តរភាព នៃសុខសន្តិភាព និងការអភិវឌ្ឍរយៈពេលវែង នៅកម្ពុជា។សម្តេចតេជោ ហ៊ុន សែន បានប្រកាសថា ការផ្ទេរអំណាចដល់អ្នកបន្តវេននាពេលនេះ គឺជាពេលវេលាដ៏ល្អបំផុត ដើម្បីធានានិរន្តរភាព និងស្ថិរភាពនយោបាយនៅកម្ពុជា គឺវាល្អជាងផ្ទេរពេលដែលយើងចាស់ ឬមរណភាព។សម្តចេតេជោ ហ៊ុន សែន បានប្រកាសថ្លែងអំណរគុណដល់ប្រជាពលរដ្ឋ ដែលបាននាំគ្នាទៅបោះឆ្នោតគាំទ្រគនបក្សប្រជាជនកម្ពុជា ដែលមានចំនួន៨២,៣០ភាគរយ ក្នុងចំណោមអ្នកទៅបោះឆ្នោតសរុប៨៤,៥៨ភាគរយ ។សម្តេចតេជោ ហ៊ុន សែន បានប្រកាសថា កន្លងមក គណៈអចិន្ត្រៃយ៍គណបក្សប្រជាជនកម្ពុជា បានដាក់ចេញសេនារីយ៉ូចំនួន២ ដោយសេនារីយ៉ូទី១ អ្នកចាស់នឹងឡើងកាន់អំណាចរយៈពេល១ ឬ២ឆ្នាំ ចាំផ្ទេរទៅអ្នកបន្តវេន និងសេនារីយ៉ូទី២ ឱ្យអ្នកបន្តវេនឡើងកាន់អំណាចពីដើមអាណត្តិតែម្តង ។ សេនារីយ៉ូទាំង២នេះ គណៈអចិន្ត្រៃយ៍គណបក្សប្រជាជនកម្ពុជា បានជ្រើសយកសេនារីយ៉ូទី២ គឺអនុញ្ញាតឱ្យអ្នកបបន្តវេនឡើងកាន់អំណាងពីដើមអាណត្តិតែម្តង។សម្តេចតេជោ ហ៊ុន សែន បញ្ជាក់ថា ជំនាន់ចាស់មិនទាន់ចាកចេញពីវិស័យនយោបាយរបស់កម្ពុជានោះទេ ខណៈសម្ដេចតេជោ នឹងនៅតែមបន្តធ្វើជាប្រធានគណបក្សប្រជាជនកម្ពុជា ចំណែកមន្រ្ដីចាស់ៗមួយចំនួនទៀតក៏នឹងបន្តធ្វើការងារលើវិស័យនយោបាយនេះដែរនៅក្នុងជួរគណបក្សប្រជាជនកម្ពុជា។សម្តេចតេជោ ហ៊ុន សែន បានប្រកាសថា បើគ្មានការប្រែប្រួលទេ គណៈកម្មាធិការជាតិរៀបចំការបោះឆ្នោត (គ.ជ.ប) នឹងប្រកាសលទ្ធផលផ្លូវការ នៃការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣។សម្តេចតេជោ ហ៊ុន សែន បានបញ្ជាក់ថា សមាសភាពគណៈរដ្ឋមន្រ្ដីថ្មីបានរៀបចំឡើងតាំងពី ចុងខែធ្នូ ឆ្នាំ ២០២១ឯណោះ ដែលនេះគឺជាផែនការច្បាស់លាស់របស់គណបក្សប្រជាជនកម្ពុជា ក្នុងការដឹកនាំរាជរដ្ឋាភិបាល និងប្រទេសកម្ពុជា។សម្តេចតេជោ ហ៊ុន សែន បានបញ្ជាក់ជាថ្មីថា សម្ដេចនឹងមិនព្យាយាមធ្វើឱ្យប៉ះពាល់ដល់ការដឹកនាំរបស់នាយករដ្ឋមន្រ្ដី ឬគណៈរដ្ឋមន្រ្ដីថ្មី នៅពេលឡើងកាន់អំណាចនោះទេ។ ប៉ុន្ដែបើនាយករដ្ឋមន្រ្ដី និងរដ្ឋមន្រ្ដីធ្វើខុសពីគោលការណ៍គណបក្សប្រជាជនកម្ពុជានោះនឹងត្រូវអញ្ជើញមកប្រជុំដោះស្រាយនៅវិមាន៧មករា។សម្តេចតេជោ ហ៊ុន សែន ថ្លែងសារទៅកាន់មន្រ្ដីនយោបាយទាំងឡាយថា ការដោះស្រាយគណៈរដ្ឋមន្រ្ដីថ្មីនៅក្នុងអាណត្តិទី៧នេះ គឺដោះស្រាយតែតំណែងនាយករដ្ឋមន្រ្ដី ឧបនាយករដ្ឋមន្រ្ដី និងរដ្ឋមន្រ្ដីប៉ុណ្ណោះ មិនមានការប៉ះពាល់ដល់មន្រ្ដីនយោបាយផ្សេងនោះទេ។

សម្តេចតេជោ ហ៊ុន សែន អញ្ជើញសម្ពោធដាក់ឱ្យប្រើប្រាស់ផ្លូវក្រវាត់ក្រុងទី៣

2023/08/03 07:03:34 am        551
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានអញ្ជើញសម្ពោធដាក់ឱ្យប្រើប្រាស់ ផ្លូវ ក្រវាត់ក្រុងទី៣ (រង្វង់មូលមហាវិថីឈ្នះឈ្នះ-ផ្លូវជាតិលេខ១) និងផ្លូវខ្នែង នៅព្រឹកថ្ងៃទី០៣ ខែសីហា ឆ្នាំ២០២៣នេះ។ផ្លូវក្រវាត់ក្រុងទី៣ មានប្រវែងជិត ៥៣គីឡូម៉ែត្រ មានចំណុចចាប់ផ្តើមពីរង្វង់មូល មហាវិថីឈ្នះ-ឈ្នះ ដែលមានចម្ងាយ ៥០០ម៉ែត្រពីផ្លូវជាតិលេខ៤ (គីឡូ ម៉ែត្រលេខ១៤+១០៥) ស្ថិតនៅក្នុងភូមិជម្ពូវ័ន្ត២ សង្កាត់ចោមចៅទី៣ ខណ្ឌ ពោធិ៍សែនជ័យ រាជធានីភ្នំពេញ ឆ្លងកាត់ផ្លូវជាតិលេខ៤ ផ្លូវជាតិលេខ៣ ផ្លូវជាតិ លេខ២ ផ្លូវជាតិលេខ២១ ផ្លូវជាតិលេខ២១A ផ្លូវខេត្តលេខ១១០ រហូត ដល់ផ្លូវជាតិលេខ១ (គីឡូម៉ែត្រលេខ២៤+៨៤០) ស្ថិតនៅភូមិដីឥដ្ឋកោះ ផុស ៣ ឃុំដីឥដ្ឋ ស្រុកកៀនស្វាយ ខេត្តកណ្តាល។គម្រោងនេះបានរួមបញ្ចូលនូវការសាងសង់ស្ពានវែងឆ្លងកាត់ទន្លេបាសាក់ចំនួន២កន្លែង ប្រវែងសរុប ៩៩៦ម៉ែត្រ ដែលក្នុងនោះ ស្ពានខាងកើតមានប្រវែង ៦៣០ ម៉ែត្រ និងស្ពានខាងលិច មានប្រវែង ៣៦៦ម៉ែត្រ ស្ថិតនៅក្នុង ភូមិ សាស្រ្ត កោះអន្លង់ចិន និងត្រូវបានប្រសិទ្ធនាមថាជា «ស្ពានមិត្ត ភាព កម្ពុជា - ចិន កោះអន្លង់ចិន»។ បន្ថែមពីលើនេះ គម្រោងនេះក៏បានសាងសង់ ផងដែរនូវ ស្ពាន រំលង ឬស្ពានអាកាស(Flyover) ចំនួន ២កន្លែង ប្រវែងសរុប ៥៦៤ ម៉ែត្រ កាត់ពីលើផ្លូវជាតិលេខ៤ និងផ្លូវជាតិលេខ២១, ស្ពានរំលងប្តូរទិស(Interchange) ចំនួន ២កន្លែងប្រវែងសរុប ៤៤០ម៉ែត្រ កាត់ពីលើផ្លូវជាតិ លេខ២ និងផ្លូវជាតិលេខ៣, និងស្ពានមធ្យម និងខ្លី ចំនួន ១១កន្លែង ប្រវែង សរុប ៥៦៨ម៉ែត្រ, និងការរៀបចំទីតាំង សម្រាប់រថយន្ត បត់ត្រឡប់ក្រោយ(U-Turn) ព្រមទាំងការបំពាក់ផ្លាកសញ្ញាចរាចរណ៍ គំនូសសញ្ញាចរាចរណ៍ ភ្លើងសញ្ញាចរាចរណ៍ បង្គោលភ្លើងបំភ្លឺផ្លូវ បង្គោលគីឡូម៉ែត្រ និងបង្គោល សុវត្ថិ ភាពទៅតាមបទដ្ឋានបច្ចេកទេសផ្លូវថ្នល់។គម្រោងនេះ អនុវត្តការសាងសង់ដោយក្រុមហ៊ុនសំណង់សៀងហៃ(SCG) និងត្រួតពិនិត្យ​បច្ចេកទេសដោយក្រុមហ៊ុនទីប្រឹក្សាបច្ចេកទេសក្វាងចូវវ៉ាន់អាន បានបើកការដ្ឋានសាងសង់ កាលពីថ្ងៃទី១៤ ខែមករា ឆ្នាំ២០១៩ ក្រោមអធិបតីភាពសម្តេចតេជោនាយករដ្ឋមន្ត្រី។ ប្រើប្រាស់រយៈពេលសាងសង់ចំនួន ៥២ ខែ និងបានបញ្ចប់ការសាងសង់ ជាស្ថាពរកាលពី អំឡុងខែមិថុនា ឆ្នាំ ២០២៣ ដោយបានប្រើប្រាស់ថវិកាសាងសង់សរុបប្រមាណជាង ២៧៣ លាន ដុល្លារ អាមេរិក ដែលជាឥណទានសម្បទានពីរដ្ឋាភិបាលចិន រួមជាមួយថវិកាបដិភាគ របស់​រាជរដ្ឋាភិបាលសម្រាប់ការដោះស្រាយផលប៉ះពាល់ ការបោសសម្អាត គ្រាប់មីន យុទ្ធភ័ណ្ឌមិនទាន់ផ្ទុះ និងពន្ធអាករផ្សេងៗ។ឯកឧត្តមទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានឱ្យដឹងថា ផ្លូវក្រវាត់ក្រុងទី៣នេះ គឺជាសមិទ្ធផលថ្មីមួយបន្ថែមទៀត នៅក្នុងចំណោមសមិទ្ធផលជាតិធំៗ និងសំខាន់ៗជាច្រើន នៅទូទាំងប្រទេស ដែលបានលេចចេញជារូបរាងឡើងនៅក្នុង យុគសម័យ តេជោ សន្តិភាព និងជាចំណងដៃដ៏ពិសិដ្ឋថ្លៃថ្លា របស់រាជរដ្ឋាភិបាលជូនដល់ ប្រជាពលរដ្ឋ នៅទូទាំងប្រទេសដើម្បីប្រើប្រាស់ជាប្រយោជន៍ទូទៅ និងយូរអង្វែង។ឯកឧត្តមទេសរដ្ឋមន្ត្រី បន្ថែមថា ផ្លូវក្រវាត់ក្រុងទី៣នេះ គឺជាដង្ហើមសេដ្ឋកិច្ចដ៏មាន សក្តានុពល​ថ្មីមួយ បន្ថែមទៀតរបស់កម្ពុជាបើនិយាយជារួម និងរបស់រាជធានី ភ្នំពេញ និង​ខេត្តកណ្តាល បើនិយាយដោយឡែក ដែលមានភាពប្រទាក់ក្រឡា និងតភ្ជាប់ជាមួយ​បណ្តាញខ្សែផ្លូវសំខាន់ៗ​រួមមានដូចជា៖ មួយផ្នែកតភ្ជាប់ ជាមួយ ផ្លូវជាតិលេខ១ ផ្លូវល្បឿនលឿនភ្នំពេញ-ក្រុងបាវិត ផ្លូវជាតិលេខ២១ និងផ្លូវជាតិលេខ២ និងមួយផ្នែកទៀត តភ្ជាប់ជាមួយផ្លូវជាតិលេខ៣ ផ្លូវជាតិ លេខ៤ និងតភ្ជាប់ជាមួយមហាវិថីឈ្នះ-ឈ្នះខាងលិច(ផ្លូវទំនប់កប់ស្រូវ) ឆ្ពោះទៅកាន់ផ្លូវជាតិលេខ៥ ស្ពានព្រែកព្នៅ និងមហាវិថីឈ្នះ-ឈ្នះខាងកើត រហូតទៅដល់ផ្លូវជាតិលេខ៦ ព្រមទាំងតភ្ជាប់ជាមួយបណ្តាញខ្សែផ្លូវមួយ ចំនួន ផ្សេងទៀត។ បន្ថែមពីលើនេះ ផ្លូវនេះ គឺជាខ្សែផ្លូវវាងក្រុងថ្មី ដែលនឹងជំរុញ បន្ថែម នូវសក្តានុពលនៃការដឹកជញ្ជូនទំនិញគ្រប់ប្រភេទ ជាពិសេសការដឹក ជញ្ជូន ទំនិញចេញ-ចូលកំពង់ផែស្វយ័តភ្នំពេញ និងសម្រួលដល់ ការធ្វើដំណើរ របស់បងប្អូនប្រជាពលរដ្ឋ ពីតំបន់មួយទៅតំបន់មួយ ដោយពុំចាំបាច់ឆ្លងកាត់ រាជធានីភ្នំពេញ ដែលអាចកាត់បន្ថយការកកស្ទះចរាចរណ៍ និងចំណេញពេល វេលា ធ្វើដំណើរ។ឯកឧត្តមរដ្ឋមន្ត្រី បានលើកឡើងទៀតថា ផ្លូវក្រវាត់ក្រុងនេះ បាននិងកំពុងប្រែ ក្លាយ តំបន់ដែលនៅអមសងខាងខ្សែផ្លូវឱ្យទៅជាតំបន់អភិវឌ្ឍន៍ លំនៅឋាន បុរី តំបន់ភស្តុភារកម្មនិងឧស្សាហកម្ម តំបន់សេដ្ឋកិច្ចពិសេស រោងចក្រ ឃ្លាំងស្តុក ទំនិញ ដែលស្របទៅនឹងផែនការរៀបចំបន្ស៊ីការគ្រប់គ្រងដី ការអភិវឌ្ឍថ្មី និង ការការពារតំបន់នីមួយៗនៃរាជធានីភ្នំពេញ ឱ្យមានភាព សុខដុមរមនា ជាមួយគ្នានិងឱ្យស្របទៅនឹងលក្ខខណ្ឌ និងផែនការមេនៃការរៀបចំដែនដីរបស់ប្រទេស ដែលបច្ចុប្បន្ននេះ រាជធានីភ្នំពេញ និងតំបន់ជាយក្រុងកំពុងត្រូវ បានពង្រីក កាន់តែធំទៅៗ ទៅតាមកំណើនប្រជាជន និងការអភិវឌ្ឍឥតឈប់ឈរ។ម្យ៉ាងវិញទៀត សម្រាប់ការតភ្ជាប់ និងសមាហរណកម្មតំបន់ ផ្លូវក្រវាត់ក្រុ ង នេះ បានតភ្ជាប់ជាមួយនឹងផ្លូវអាស៊ានហាយវេលេខ១(AH-1) និងផ្លូវអាស៊ាន ហាយ វេ លេខ១១(AH-11) និងផ្លូវរបៀងសេដ្ឋកិច្ចភាគកណ្តាល និងភាគខាង ត្បូងនៃមហាអនុតំបន់មេគង្គ ដែលរួមចំណែកសម្រួលការដឹក ជញ្ជូនឆ្លងកាត់ ព្រំដែន ជំរុញសកម្មភាពពាណិជ្ជកម្មអន្តរជាតិ និងការប្រកួតប្រជែងរបស់កម្ពុជា ជាមួយបណ្តាប្រទេសនានានៅក្នុងតំបន់ប្រកប​ដោយប្រសិទ្ធភាព៕

ពលរដ្ឋ៖ ផ្លូវក្រវាត់ក្រុងទី៣ ផ្តល់សារប្រយោជន៍ជាច្រើនដល់ពួកគេ

2023/08/02 03:30:36 pm        345
Facebook Telegram Linkin
ភ្នំពេញ៖ ផ្លូវក្រវាត់ក្រុងទី៣ ដែលជាផ្លូវដ៏ធំតភ្ជាប់ពីតម្រាយផ្លូវជាតិសំខាន់ៗជាច្រើន នឹងត្រូវសម្ពោធ​បើកឱ្យប្រើ ប្រាស់ជាផ្លូវការ នៅថ្ងៃទី០៣ ខែសីហា ស្អែកនេះ ក្រោមអធិបតីភាពដ៏ខ្ពង់ខ្ពស់របស់សម្តេចតេជោ ហ៊ុន សែន ។ ផ្លូវក្រវាត់ក្រុងទី៣នេះ គឺជាផ្លូវយុទ្ធសាស្រ្ដដ៏សំខាន់មួយរបស់រាជរដ្ឋាភិបាល ដែលត្រូវបានស្ថាបនា​ឡើង ដើម្បីជួយសម្រួលដល់ការកកស្ទះនៅក្នុងរាជធានីភ្នំពេញ ​ក៏ដូចជា​ការ​សម្រួលដល់ការ​ដឹក​ជញ្ជូន​ផងដែរ ព្រោះតែផ្លូវនេះ ​បានសាងសង់ឆ្លងកាត់ផ្លូវជាតិសំខាន់ៗជាច្រើនខ្សែ ។ សព្វថ្ងៃ ផ្លូវដ៏ធំមួយនេះ បាននឹងកំពុងបម្រើឱ្យការធ្វើដំណើរជាបណ្ដោះអាសន្ន​យ៉ាង​មមាញឹក​របស់​ប្រជាពលរដ្ឋក្នុងតំបន់ និងអ្នកមកពីចម្ងាយផងដែរ ។ ប្រជាពលរដ្ឋ បានលើកឡើងពីផលប្រយោជន៍នៃផ្លូវក្រវាត់ក្រុងទី៣នេះចំពោះពួកគេ ​ដូចជាជួយ សម្រួលដល់ការធ្វើដំណើរដំណើរទៅវិញទៅមក ​កាត់បន្ថយពេលវេលា ​និង​ការ​ចំណាយ ព្រមជាមួយ ​នឹងការប្រកបមុខរបរអាជីវកម្មជាប្រចាំថ្ងៃ ​នៅអែបដងផ្លូវនេះផងដែរ ដើម្បីផ្គត់ផ្គង់​ជីវភាព ។ ពលរដ្ឋ បានលើកឡើងថា ពួកគេមិននឹកស្រមៃថា តំបន់នេះ អាចប្រែក្លាយមុខមាត់មកជាតំបន់ ដែល​មានការអភិវឌ្ឍបែបនេះទេ ខណៈដែលពីអតីត តំបន់នេះ ​គ្រាន់ជាតំបន់ស្រុកស្រែចម្ការ ដែលស្ទើរតែគ្មានមនុស្សម្នារស់នៅ ​ប៉ុន្តែបច្ចុប្បន្ននេះ ​តំបន់នេះ ​មានផ្លូវក្រវាត់ក្រុងដ៏ធំ និងជាផ្លូវ​យុទ្ធសាស្ត្រដ៏សំខាន់ ហើយក៏មានទាំងព្រលានយន្តហោះថ្មីមួយបន្ថែមទៀត ដែលនឹងកំពុង​ដំណើរការសាងសង់ផងដែរ ។ ផ្លូវក្រវាត់ក្រុងទី៣ ត្រូវបានបើកការ​ដ្ឋាន​សាងសង់ ​កាលពីខែមករា ឆ្នាំ២០១៩ និង​បានស្ថាបនារួចរាល់​ ១០០ភាគរយ ត្រឹមថ្ងៃទី១៨ ខែកក្កដា ឆ្នាំ២០២៣ ​ហើយក៏បានដាក់ឱ្យពលរដ្ឋ និងអ្នកដំណើរប្រើប្រាស់ជាបណ្តោះអាសន្ន ​តាំងពីថ្ងៃស្ថាបនារួចរាល់មក ។ ផ្លូវដ៏ធំមួយខ្សែនេះ មានប្រវែងជាង ៥២គីឡូម៉ែត្រ និងមានទទឹង២២ម៉ែត្រ មាន៤គន្លង ។ ផ្លូវក្រវាត់ក្រុងនេះ បានតភ្ជាប់ផ្លូវជាតិលេខ៦ លេខ៥ លេខ៤ លេខ៣ លេខ២ រហូតដល់ផ្លូវជាតិ​លេខ១ កាត់ភូមិសាស្រ្តរាជធានីភ្នំពេញ ​និងខេត្តកណ្តាល ​ដោយបានប្រើប្រាស់ថវិកាសាងសង់ អស់ជាង ២៦៧លានដុល្លារអាមេរិក ៕ អត្ថបទ ៖ លីហេង ថត

មនុស្សយ៉ាងហោច៦នាក់ស្លាប់ និងជាង១០០នាក់ត្រូវបានចាប់ខ្លួនខណៈរដ្ឋHaryana របស់ឥណ្ឌានៅតែរង្គោះរង្គើ

2023/08/02 03:05:50 pm        143
Facebook Telegram Linkin
ឥណ្ឌា៖ មន្ត្រីបាននិយាយថា យ៉ាងហោចណាស់មនុស្ស៦នាក់ រួមទាំងនគរបាល២នាក់ បានស្លាប់ និងជាង១១០នាក់ ត្រូវបានចាប់ខ្លួន បន្ទាប់ពីមានការប៉ះទង្គិចគ្នារវាងក្រុមពលរដ្ឋកាន់សាសនាហិណ្ឌូ និងពលរដ្ឋមូស្លីម ដែលបានផ្ទុះឡើងកាលពីថ្ងៃចន្ទមានចម្ងាយប្រមាណ៥០គីឡូម៉ែត្រ ភាគខាងត្បូងរដ្ឋធានីញូវឌេលី ប្រទេសឥណ្ឌា។មន្ត្រីនិយាយថា អំពើហិង្សាបានផ្ទុះឡើងបន្ទាប់ពីការដង្ហែររបស់សាសនាហិណ្ឌូ ឆ្លងកាត់តំបន់ Nuh ដែលមានពលរដ្ឋមូស្លីមច្រើនលើសលប់ ក្នុងរដ្ឋ Haryan។ នៅពេលល្ងាច អំពើហិង្សាបានរាលដាលចូលក្នុងតំបន់ Gurugram ដែលនៅជិតខាង ជាកន្លែងដែលវិហារអ៊ីស្លាមមួយកន្លែងត្រូវបានដុតបំផ្លាញ បណ្តាលឲ្យបុព្វជិតម្នាក់ស្លាប់ និងម្នាក់ផ្សេងទៀតរងរបួស។អភិបាលរដ្ឋ Haryana លោក Manohar Lal Khattar បាននិយាយថា មនុស្ស៦នាក់បានស្លាប់ រួមទាំងឆ្មាំល្បាតតំបន់២នាក់និងជនស៊ីវិល៤នាក់ ហើយរហូតមកដល់ពេលនេះយើងបានចាប់ខ្លួនមនុស្ស១១៦នាក់។ កាលពីពេលមុន តំបន់ Gurugram ត្រូវបានគេស្គាល់ថា Gurgaon មានព្រំដែនជាមួយទីក្រុងញូវឌេលី ហើយបានលេចចេញជាមជ្ឈមណ្ឌលពាណិជ្ជកម្មសម្រាប់ប្រទេស និងផ្តល់ទីទាំងដល់ក្រុមហ៊ុនពហុជាតិសាសន៍ជាច្រើន។ ទោះជាយ៉ាងណា តំបន់ Gurugram បានបន្តនៅតែមានភាពតានតឹងពេញមួយថ្ងៃ ខណៈហ្វូងមនុស្សឥតសណ្តាប់ធ្នាប់ដើរនៅតាមដងផ្លូវ ដុតបំផ្លាញហាងដែលបោះបង់ចោល និងបំផ្លាញអាហារដ្ឋានតូចៗ ដែលភាគច្រើនជាកម្មសិទ្ធរបស់ពលរដ្ឋមូស្លីម។ នៅពេលល្ងាច សេវាអ៊ីនធឺណិតចល័ត ត្រូវបានផ្អាកភាគច្រើននៅក្នុងតំបន់នេះ។ មន្ត្រីមកពីរដ្ឋបាលតំបន់ ក្នុងតំបន់ Nuh បាននិយាយថាពួកគេកំពុងស៊ើបអង្កេតមូលហេតុនៃការប្រឈមមុខដាក់គ្នាដែលបានបង្កហិង្សា៕

រុស្ស៊ី ជំទាស់ទៅនឹងការព្រីកខ្លួនរបស់ណាតូ នៅកិច្ចប្រជុំត្រៀមសន្ធិសញ្ញាមិនរីកសាយអាវុធនុយក្លេអ៊ែរ

2023/08/02 03:02:29 pm        105
Facebook Telegram Linkin
រុស្ស៊ី៖ គណៈប្រតិភូជាច្រើន នឹងចូលរួមនៅក្នុងកិច្ចប្រជុំត្រៀម នៅក្នុងប្រទេសអូទ្រីស សម្រាប់សន្និសីទពិនិត្យឡើងវិញឆ្នាំ២០២៦ នៃភាគីសន្ធិសញ្ញាមិនរីកសាយអាវុធនុយក្លេអ៊ែរ បានស្តាប់ការធ្វើអត្ថាធិប្បាយពីអ្នកតំណាងរុស្ស៊ីកាលពីថ្ងៃអង្គារ។ លោក Mikhail Kondratenkov បាននិយាយថា សម្ព័ន្ធយោធាណាតូ បានក្លាយជាប្លុកនុយក្លេអ៊ែរយោធា ដែលត្រូវបានរួមបញ្ចូលសមត្ថភាពយុទ្ធសាស្ត្រលើសពីរុស្ស៊ី។ លោក Kondratenkov និយាយថា ថវិកាយោធារបស់បណ្តាប្រទេសណាតូ និងសម្ព័ន្ធមិត្តរបស់ពួកគេ មានចំនួនប្រហែល២ភាគ៣ នៃការចំណាយសកល។ លោកនិយាយថាលោកបានទទួលដំណឹងពីរបាយការណ៍ជាច្រើនដែលថា សហរដ្ឋអាមេរិក និងសម្ព័ន្ធមិត្តរបស់ពួកគេ មានផែនការដាក់ស្ថានីយ៍អាវុធនុយក្លេអ៊ែរ នៅអឺរ៉ុបភាគខាងកើត។ អ្នកតំណាងប៉ូឡូញ លោក Adam Bugajski បានរិះគន់រុស្ស៊ីសម្រាប់ការដាក់ពង្រាយអាវុធនុយក្លេអ៊ែរនៅក្នុងប្រទេសបេឡារុស។ លោកនិយាយថា ចំណាត់ការនេះបំពានលើការប្តេជ្ញាចិត្តរបស់ពួកគេក្រោមសន្ធិសញ្ញាមិនរីកសាយអវុធនុយក្លេអ៊ែរ។ លោក Bugajski បានចង្អុលទៅរកកងទ័ពរុស្ស៊ី ដែលកំពុងកាន់កាប់ដោយខុសច្បាប់បរិវេណរោងចក្រនុយក្លេអ៊ែរ Zaporizhzhia និងបាននិយាយថា សកម្មភាពរបស់ពួកគេ គឺជាការប្រឆាំងយ៉ាងច្បាស់ចំពោះទីភ្នាក់ងារថាមពលអាតូមិកអន្តរជាតិ។ លោក Kondratenkov បានចាត់ទុកការចោទប្រកាន់នេះថាជាគំនិតទុទិដ្ឋិនិយមពិតប្រាកដ ។ លោកនិយាយថា ប្រទេសប៉ូឡូញ គឺជាប្រទេសមួយក្នុងចំណោមប្រទេសទាំងអស់ដែលព្យាយាមទទួលធ្វើជាម្ចាស់ផ្ទះអាវុធនុយក្លេអ៊ែររបស់ណាតូ ហើយអ្នកទាំងឡាយណាដែលដាក់កំហុសលើរុស្ស៊ីសម្រាប់ការបំពានច្បាប់ទីភ្នាក់ងារថាមពលអាតូមិកអន្តរជាតិ គួតែបង្ហាញទាំងភស្តុតាងការចោទប្រកាន់ឬរក្សាឲ្យទុកវាសម្រាប់ខ្លួនឯង។

ចិនច្រានចោលរបាយការណ៍ថាខ្លួនរារាំងកិច្ចពិភាក្សាបញ្ហាអាកាសធាតុរបស់ប្រទេស G20

2023/08/02 02:56:41 pm        82
Facebook Telegram Linkin
ចិន៖ របាយការណ៍នានាដែលថា ប្រទេសចិន រារាំងកិច្ចពិភាក្សាលើការដោះស្រាយបម្រែបម្រួលអាកាសធាតុនៅក្នុងកិច្ចប្រជុំក្រុមប្រទេស G20 កាលពីសប្តាហ៍មុននៅក្នុងប្រទេសឥណ្ឌាគឺពុំមែនជាការពិតទាំងស្រុង។ បន្ទាប់ពីរយៈពេល៣ថ្ងៃ នៃកិច្ចពិភាក្សា លើបញ្ហាជាច្រើន ដូចជាការកាត់បន្ថយការបំភាយឧស្ម័ន និងការប្រើប្រាស់ឥន្ធនៈហ្វូស៊ីល ព្រមទាំងហិរញ្ញវត្ថុអាកាសធាតុដើម្បីជួយដល់បណ្តាប្រទេសក្រីក្រ ក្រុមនៃប្រទេសធំៗទាំងនេះ ពុំបានឈានដល់ការចេញសេចក្តីថ្លែងការរួមឬផ្តល់ការសន្យាថ្មីណាមួយនោះទេ។ ក្រុមប្រទេសទាំងនេះ បានទទួលស្គាល់នៅក្នុងសេចក្តីថ្លែងការមួយបន្ទាប់ពីកិច្ចពិភាក្សារបស់ពួកគេថា វិធានការនានាដើម្បីដោះស្រាយបម្រែបម្រួលអាកាសធាតុ គឺមិនគ្រប់គ្រាន់នោះទេ។ សមាជិកនៃគណៈប្រតិភូសហភាពអឺរ៉ុប បាននិយាយថា ប្រទេសចិន និងប្រទេសអារ៉ាប៊ីសាអូឌីតជាប្រទេសសំបូរប្រេង បានដកខ្លួនចេញពីការធ្វើការប្តេជ្ញាចិត្តនៅក្នុងកិច្ចប្រជុំ ប៉ុន្តែប្រទេសចិន បានច្រានចោលបញ្ហានេះ។ក្រសួងការបរទេសបាននិយាយនៅក្នុងសេចក្តីថ្លែងការថា ខ្លួនមានការសោកស្តាយនូវការដែលពុំបានឈានដល់កិច្ចព្រមព្រៀងមួយនៅក្នុងប្រជុំ ដែលបណ្តាលមកពីបញ្ហានយោបាយភូមិសាស្ត្រនយោបាយ នាំមកដោយប្រទេសដ៏ទៃទៀតសម្រាប់ភាពគ្មានហេតុផល៕

ប្រទេសនីហ្សេ បើកព្រំដែនឡើងវិញជាមួយប្រទេសមួយចំនួនរួមទាំងប្រទេសម៉ាលី និងបួរគីណាហ្វាសូ

2023/08/02 02:52:16 pm        97
Facebook Telegram Linkin
នីហ្សេ៖ ក្រុមទាហានប៉ះបោបានប្រកាសកាលពីថ្ងៃអង្គារតាមទូរទស្សន៍ជាតិថា ព្រំដែនអាកាសនិងដីគោក របស់ប្រទេសនីហ្សេជាមួយប្រទេសជិតខាងចំនួន៥ ត្រូវបានបើកឡើងវិញ រយៈពេលជិត១សប្តាហ៍បន្ទាប់ពីត្រូវបានបិទបន្ទាប់ពីរដ្ឋប្រហារដែលបានផ្តួលរំលំប្រធានាធិបតីជាប់ឆ្នោតលោក Mohamed Bazoum ។ព្រំដែនអាកាសនិងដីគោក ជាមួយប្រទេសអាល់ហ្សេរី បួគីណាហ្វាសូ លីប៊ី ម៉ាលី និងប្រទេសឆាត ត្រូវបានបើកឡើងវិញចាប់ពីថ្ងៃនេះ ដែលលោកបានប្រកាសប៉ុន្មានម៉ោងបន្ទាប់ពីជើងហោះហើរជម្លៀសរបស់ប្រទេសបារាំងដំបូងគេបានចេញដំណើរ និងមានរយៈពេល៥ថ្ងៃមុនពេលកាលបរិច្ឆេទដើម្បីស្តារឡើងវិញសណ្តាប់ធ្នាប់រដ្ឋធម្មនុញ្ញ ដែលបានចេញដោយប្លុកប្រទេសអាហ្វ្រិកខាងលិច។នៅក្នុងដណ្តើអំណាចរបស់យោធាជាលើកទី៣របស់តំបន់ ក្នុងរយៈពេលជាច្រើនឆ្នាំមកនេះ ប្រធានា ធិបតីលោក Mohamed Bazoum ត្រូវបានផ្តួលរំលំដោយកងអង្គរក្សផ្ទាល់របស់លោក ដោយប្រកាសភាពអាសន្ននៅក្នុងតំបន់ និងលើសពីនេះទៀត៕

បណ្ដាញសង្គម

ព័ត៌មានថ្មីៗ

អ្នកការទូត៖ អង់គ្លេស បារាំង និងអាល្លឺម៉ង់ នឹងផ្តួចផ្តើមដំណើរការដាក់ទណ្ឌកម្មរបស់ UN លើអ៊ីរ៉ង់
08/28/2025 08:08 PM
Facebook Telegram Linkin
EU និងអង់គ្លេសកោះអញ្ជើញបេសកជនរុស្ស៊ី ក្រោយអគារបេសកកម្មរងខូចខាត អំឡុងការវាយប្រហារលើក្រុងគីវ
08/28/2025 08:08 PM
Facebook Telegram Linkin
ប្រធានាធិបតីស្វីស ពិភាក្សាអំពីសន្តិភាព និងការកសាងឡើងវិញជាមួយនាយករដ្ឋមន្ត្រីអ៊ុយក្រែន
08/28/2025 08:08 PM
Facebook Telegram Linkin
ឯកអគ្គរដ្ឋទូតអ៊ីរ៉ង់ចាកចេញពីអូស្ត្រាលី ក្នុងពេលមានជម្លោះផ្នែកការទូត ជុំវិញការវាយប្រហារប្រឆាំងជ្វីហ្វ
08/28/2025 07:08 PM
Facebook Telegram Linkin
រុស្ស៊ី បញ្ជាក់ថា «នៅតែចាប់អារម្មណ៍» ចំពោះសន្តិភាព ប៉ុន្តែនឹងបន្តការវាយប្រហារអ៊ុយក្រែន
08/28/2025 07:08 PM
Facebook Telegram Linkin
ផ្លូវជនបទ២គម្រោងក្នុងខេត្តសៀមរាប ស្ថាបនាប្រកបដោយគុណភាព បម្រើដល់ការធ្វើដំណើរ និងការប្រកបអាជីវកម្មផ្សេងៗ
08/28/2025 07:08 PM
Facebook Telegram Linkin
ក្រុមមន្ត្រី៖ ទីក្រុងតូចៗរបស់ប៉ាគីស្ថានចំនួន ២ ប្រឈមនឹងទឹកជំនន់ដ៏មហន្តរាយ ប្រសិនបើទំនប់ទឹកទន្លេបាក់
08/28/2025 06:08 PM
Facebook Telegram Linkin
ហ្ស៊កដានី ជម្លៀសកុមារឈឺកាន់តែច្រើនពីតំបន់ហ្កាហ្សា ដើម្បីយកទៅព្យាបាល
08/28/2025 06:08 PM
Facebook Telegram Linkin
ផ្លូវហាយវេពីទីក្រុងដាម៉ាស ទៅទីក្រុង Sweida ត្រូវបើកឲ្យដំណើរការឡើងវិញ រយៈពេលប៉ុន្មានសប្តាហ៍ បន្ទាប់ពីផ្ទុះអំពើហិង្សា
08/28/2025 06:08 PM
Facebook Telegram Linkin
រដ្ឋមន្ត្រីការបរទេស៖ ហ្វីលីពីនបើកចំហ ចំពោះការពិភាក្សាជាមួយចិន អំពីសុវត្ថិភាពប្រជាជនហ្វីលីពីននៅកោះតៃវ៉ាន់
08/28/2025 06:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.