នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

អគ្គិសនីកម្ពុជា ហាមបោះយុថ្កានៅទីតាំងគន្លងខ្សែបណ្តាញអគ្គិសនីកប់បាតសមុទ្រ ក្នុងភូមិសាស្រ្តខេត្តកោះកុង

2023/08/02 06:26:59 pm        881
Facebook Telegram Linkin
កោះកុង៖ អគ្គនាយកអគ្គិសនីកម្ពុជា បានជូនដំណឹងទៅកាន់ម្ចាស់ទូកនេសាទ កាណូត និងកប៉ាល់ធំៗ ហាមឱ្យមិនបោះយុថ្កានៅទីតាំងគន្លងខ្សែបណ្តាញអគ្គិសនីកប់ក្រោមបាតសមុទ្រ ដោយតម្រូវឱ្យរក្សាគម្លាត២០០ម៉ែត្រ។លោក ង៉ែត សុខន អគ្គនាយកស្តីទីអគ្គិសនីកម្ពុជា កាលពីថ្ងៃទី២៨ ខែកក្កដា ឆ្នាំ២០២៣ កន្លងមក បាន ជូនដំណឹងមកកាន់រដ្ឋបាលខេត្តកោះកុង អំពីការងារតភ្ជាប់បណ្តាញអគ្គិសនី​តង់ស្យុង២២គីឡូវ៉ុល និង៣៥គីឡូវ៉ុល ​ក្នុងតំបន់ខេត្តកោះកុង ​និងខេត្តព្រះសីហនុ ក្រោមបាតសមុទ្របញ្ចប់ជាស្ថាពរ។អគ្គនាយកស្តីទីអគ្គិសនីកម្ពុជា បានបន្តថា តំបន់ដែលសាងសង់ខ្សែបណ្តាញអគ្គិសនី មានជាលើអាកាស ​និងខ្សែកប់ក្រោមបាតសមុទ្រឆ្លងកាត់កោះទទឹង ​កោះស្តេច កោះសាមិត កោះអំពិលតូច កោះអំពិលធំ កោះស្មាច់ កោះស្រមោច កោះម្នាស់ កោះតាទាម និងកោះរ៉ុង ដោយបាន​សម្ពោធដាក់ឱ្យជាផ្លូវការកាលពីថ្ងៃទី២១ ខែមិថុនា​ ឆ្នាំ២០២៣កន្លងទៅ។ដើម្បីថែរក្សាការពារសុវត្ថិភាព និងទប់ស្កាត់គ្រោះហានិភ័យប្រការណាមួយនោះ អគ្គិសនីកម្ពុជា បានស្នើសុំលោកជំទាវ មិថុនា ភូថង អភិបាលខេត្តកោះកុង​ ជួយផ្សព្វផ្សាយ និងជូនដំណឹង​ដល់ម្ចាស់ទូកនេសាទធំៗ និងក្រុមហ៊ុនដែលមានកាណូត កប៉ាល់ ដែលធ្វើដំណើរឆ្លងកាត់​តាមបណ្តាកោះមួយចំនួនខាងលើក្នុងខេត្តដោយហាមមិនឱ្យបោះយុទ្ធការនៅទីតាំងគន្លងខ្សែ និងរក្សាគម្លាតប្រមាណ២០០ម៉ែត្រពីគន្លងខ្សែកប់ក្រោមបាតសមុទ្រ ដើម្បីបញ្ចៀសផល​ប៉ះពាល់លើខ្សែដែលអាចបង្កគ្រោះថ្នាក់ជាយថាហេតុ។ទាក់ទិននឹងការជូនដំណឹងរបស់អគ្គិសនីកម្ពុជានេះដែរ ត្រូវបានលោក ចេង មុនីរិទ្ធ អភិបាលស្រុកគិរីសាគរ អះអាង នៅព្រឹកថ្ងៃទី២ ខែសីហា ឆ្នាំ២០២៣ថា​ មកទល់ពេលនេះ លោកមិនទាន់​ទទួលបានលិខិតជូនដំណឹងពីអគ្គិសនីកម្ពុជានោះទេ អំពីការ​ហាមប្រាម​មិនឱ្យ​បោះយុថ្កា​លើខ្សែបណ្តាញអគ្គិសនីកប់ក្រោមបាតសមុទ្រ ក្នុងភូមិសាស្រ្តរបស់លោក។ប៉ុន្តែប្រសិនបើមានទទួលការណែនាំពីស្ថាប័នជំនាញ និងលោកជំទាវអភិបាលខេត្ត លោកនឹងចុះទៅផ្សព្វផ្សាយទៅកាន់ម្ចាស់ទូកនេសាទ កាណូត និងកប៉ាល់ ​ដើម្បីជ្រាបជាព័ត៌មាន ហើយចូលរួមអនុវត្តឱ្យមានប្រសិទ្ធភាពខ្ពស់បំផុត៕ អត្ថបទ ឈឹម មករា

អ្នកនាំពាក្យ គ.ជ.ប៖ គិតត្រឹមព្រឹកនេះ ពុំទាន់មានបណ្ដឹងតវ៉ាលទ្ធផលបណ្ដោះអាសន្ន នៃការបោះឆ្នោត

2023/08/02 06:16:43 pm        200
Facebook Telegram Linkin
ភ្នំពេញ៖ ឯកឧត្តម ហង្ស ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា គិតត្រឹមព្រឹកថ្ងៃទី២ ខែសីហា ឆ្នាំ២០២៣នេះ ពុំទាន់មានបណ្ដឹងតវ៉ា ពី​គណបក្ស​នយោបាយណាមួយ លើលទ្ធផលបណ្ដោះអាសន្ន ​នៃការបោះឆ្នោតជ្រើសតាំង​តំណាងរាស្ត្រ នីតិកាលទី៧ នៅឡើយទេ ។ឯកឧត្តម ហង្ស ពុទ្ធា បានថ្លែងប្រាប់ BTV នៅព្រឹកថ្ងៃទី២ ខែសីហានេះថា បន្ទាប់ពីការប្រកាស​លទ្ធផល​បណ្ដោះអាសន្ន កាលពីព្រឹកម្សិលមិញ ដោយគណបក្សនយោបាយអាចដាក់ពាក្យ​បណ្ដឹងតវ៉ាមក គ.ជ.ប ឬក្រុមប្រឹក្សាធម្មនុញ្ញ ក្នុងរយៈពេល៧២ម៉ោងយ៉ាងយូរ ។ឯកឧត្តម បានបន្តថា តាមនីតិវិធី បើមានបណ្ដឹងត្រូវប្ដឹងមក គ.ជ.ប ឬក្រុមប្រឹក្សាធម្មនុញ្ញ ប៉ុន្តែអ្វី​ដែល​គួរឲ្យកត់សម្គាល់នោះ ​មិនមាន​ភស្តុតាង​បណ្ដឹង ​នៅតាមការិយាល័យបោះឆ្នោតនោះទេ ដូចនេះ​ទំនងគ្មានបណ្ដឹងនោះទេ ​ហើយបើគ្មានបណ្ដឹង គ.ជ.ប នឹងប្រកាសលទ្ធផលផ្លូវការនៅថ្ងៃទី៤ ឬទី៥ ខែសីហា ឆ្នាំ២០២៣ខាងមុខ ។ឯកឧត្តម ហង្ស ពុទ្ធា បានបន្ថែមថា ការមិនមានបណ្ដឹងតវ៉ា ​ពីលទ្ធផលបណ្ដោះអាសន្ន នៃការ​បោះឆ្នោតនេះ បានបង្ហាញផងដែរ ​ពីភាពចាស់ទុំរបស់គណបក្សនយោបាយ ហើយមានការជឿជាក់​លើការរៀបចំសេវាបោះឆ្នោត ​របស់គណៈកម្មាធិការជាតិរៀបចំការបោះឆ្នោត ។អ្នកនាំពាក្យ គ.ជ.ប បានបញ្ជាក់ថា ​ពាក់ព័ន្ធសំណុំរឿងបុគ្គល ​ដែលបានគូសបំផ្លាញសន្លឹកឆ្នោត កាលពីការបោះឆ្នោតជ្រើសតាំងតំណាងរាស្ត្រ ​អាណត្តិទី៧​កន្លងទៅនេះ ក៏ត្រូវបាន​ជំនុំជម្រះរួចរាល់ហើយដែរ ​គឺនៅតែ ​គ.ជ.ប ​ដាក់សេចក្តីជូនដំណឹងទៅបុគ្គលទាំងនោះ បង់នូវប្រាក់ពិន័យប៉ុណ្ណោះ ។កាលពីព្រឹកថ្ងៃទី១ ខែសីហាម្សិលមិញ គ.ជ.ប បានប្រកាស​លទ្ធផល​បណ្ដោះអាសន្ន ឃើញថា គណបក្សប្រជាជនកម្ពុជា​ទទួលបានសំឡេងគាំទ្រ​ ច្រើនជាងគណបក្សនយោបាយផ្សេងៗ ដែលមាន​ចំនួនជាង ៦លានសំឡេង ​ខណៈគណបក្សហ៊្វុនស៊ិនប៉ិច ​ឈរលេខរៀងទី២ មានជាង ៧០ម៉ឺនសំឡេង ៕ អត្ថបទ បាន សុខរិទ្ធិ 

រដ្ឋមន្ត្រីក្រសួងបរិស្ថាន អញ្ជើញសម្ពោធដាក់ឱ្យប្រើប្រាស់ជាផ្លូវការស្នាក់ការឧទ្យានុរក្ស និងផ្ទះស្នាក់ "កេសរកូល"

2023/08/02 06:07:27 pm        157
Facebook Telegram Linkin
សៀមរាប៖ នៅព្រឹកថ្ងៃទី២ ខែសីហា ឆ្នាំ២០២៣នេះ ក្រសួងបរិស្ថាន រៀបចំពិធីសម្ពោធដាក់ឱ្យប្រើប្រាស់ជាផ្លូវការស្នាក់ការឧទ្យានុរក្ស និងផ្ទះស្នាក់ "កេសរកូល" ស្ថិតក្នុងឧទ្យានជាតិព្រះជ័យវរ្ម័ន-នរោត្តម “ភ្នំគូលែន” ភូមិសាស្ត្រភូមិស្រះខ្វាវ ឃុំត្បែង ស្រុកបន្ទាយស្រី ខេត្តសៀមរាប ក្រោមអធិបតីភាព ឯកឧត្តម សាយ សំអាល់ រដ្ឋមន្ត្រីក្រសួងបរិស្ថាន។ស្នាក់ការ និងផ្ទះស្នាក់នេះ នឹងចូលរួមផ្ដល់នូវបរិយាកាសការងារដ៏ល្អជូនមន្ត្រីឧទ្យានុរក្ស ដែលជា ភ្នាក់ងារអនុវត្តច្បាប់។ ក្នុងដំណើរការប្រចាំថ្ងៃ ជាមជ្ឈមណ្ឌលផ្ដល់ ​និងផ្លាស់ប្តូរព័ត៌មាន ទីតាំង​សម្រាប់រៀបចំកិច្ចប្រជុំនិងផ្តល់ការបណ្តុះបណ្តាលនានា និងធ្វើជាទីកន្លែងប្រកបដោយ​សុវត្ថិភាព​សម្រាប់រក្សាទុក សម្ភារៈដែលជាមធ្យោបាយបទល្មើសដែលបានរឹបអូស៕

បណ្តាប្រទេសនៅអឺរ៉ុបចាប់ផ្តើមជម្លៀសពលរដ្ឋចេញពីប្រទេសនីហ្សេ ដែលរងផលប៉ះពាល់ដោយរដ្ឋប្រហារ

2023/08/02 05:25:56 pm        104
Facebook Telegram Linkin
បារាំង៖ ប្រទេសបារាំងបានចាប់ផ្តើមជម្លៀសពលរដ្ឋបារាំង និងអឺរ៉ុបរាប់រយនាក់ចេញពីប្រទេសនីហ្សេ ប៉ុន្មានថ្ងៃបន្ទាប់ពីប្រធានាធិបតីប្រទេសនីហ្សេ លោក Mohamed Bazoum ត្រូវបានឃុំខ្លួនដោយសមាជិកនៃកងអង្គរក្សប្រធានាធិបតីរបស់ខ្លួន។ ជើងហោះហើរដំបូងក្នុងចំណោមជើងហោះហើរចំនួន៣ជើង ដើម្បីជម្លៀសពលរដ្ឋបារាំង និងអឺរ៉ុបពីប្រទេសនីហ្សេរីយ៉ា ត្រូវបានហោះចេញកាលពីល្ងាចថ្ងៃអង្គារ ហើយពលរដ្ឋចំនួន២៦២នាក់ត្រូវបានបញ្ចូនឡើងយន្តហោះបារាំងចេញពីប្រទេសនីហ្សេផងដែរ។ប្រទេសបារាំង អ៊ីតាលី និងអេស្ប៉ាញ បានប្រកាសជម្លៀសប្រជាជនចេញពីប្រទេសនីហ្សេ សម្រាប់ពលរដ្ឋរបស់ពួកគេ និងជនជាតិអឺរ៉ុបដទៃទៀត។ ក្រសួងការពារជាតិអេស្បាញបានប្រកាសពីការត្រៀមលក្ខណៈដើម្បីជម្លៀសពលរដ្ឋជាង៧០នាក់ ហើយអ៊ីតាលីក៏បាននិយាយថាខ្លួនកំពុងរៀបចំជើងហោះហើរផងដែរ។ការិយាល័យក្រសួងការបរទេសរបស់ប្រទេសអាល្លឺម៉ង់បាននិយាយថា ពលរដ្ឋរបស់ខ្លួននៅប្រទេសនីហ្សេគួរតែ "ឆ្លៀតឱកាសបន្ទាប់ដើម្បីចាកចេញ" ប្រសិនបើការស្នាក់នៅរបស់ពួកគេនៅក្នុងប្រទេសនេះមិនចាំបាច់។ នៅទីក្រុងវ៉ាស៊ីនតោន សេតវិមានបាននិយាយថា សហរដ្ឋអាមេរិកមិនបានចូលរួមជាមួយសម្ព័ន្ធមិត្តអ៊ឺរ៉ុបក្នុងការជម្លៀសពលរដ្ឋនៅពេលនេះទេ ដោយលើកឡើងពីកង្វះគ្រោះថ្នាក់ភ្លាមៗ។អ្នកនាំពាក្យក្រុមប្រឹក្សាសន្តិសុខជាតិសហរដ្ឋអាមេរិក លោក John Kirby បាននិយាយថា «ទីក្រុងវ៉ាស៊ីនតោន ពិតជាដឹងពីកិច្ចខិតខំប្រឹងប្រែងរបស់ប្រទេសបារាំង និងប្រទេសអឺរ៉ុបផ្សេងទៀត ក្នុងការជម្លៀសពលរដ្ឋរបស់ពួកគេ។ ជាមួយគ្នានេះ យើងមិនមានការចង្អុលបង្ហាញណាមួយអំពីការគំរាមកំហែងដោយផ្ទាល់ដល់ពលរដ្ឋអាមេរិក ឬចំពោះមូលដ្ឋានររបស់យើងទេ ដូច្នេះយើងមិនបានផ្លាស់ប្តូរឥរិយាបថទាក់ទងនឹងវត្តមានរបស់យើងនៅក្នុងប្រទេសនីហ្សេនៅពេលនេះទេ៕

អតីតប្រធានាធិបតីអាមេរិក លោក Donald Trump ត្រូវបានចោទប្រកាន់ ជុំវិញកិច្ចខិតខំប្រឹងប្រែងបង្វែរលទ្ធផលបោះឆ្នោតឆ្នាំ ២០២០

2023/08/02 03:27:05 pm        152
Facebook Telegram Linkin
អាមេរិក៖ លោក Donald Trump ត្រូវបានចោទប្រកាន់ពីជុំវិញកិច្ចខិតខំប្រឹងប្រែងរបស់លោកក្នុងការបង្វែរលទ្ធផលនៃការបោះឆ្នោតឆ្នាំ២០២០ ដែលជាការគំរាមកំហែងខាងផ្លូវច្បាប់ដ៏ធ្ងន់ធ្ងរបំផុតសម្រាប់អតីតប្រធានាធិបតីរូបនេះ ខណៈលោកធ្វើយុទ្ធនាការដើម្បីវិលត្រឡប់ទៅកាន់កាប់តំណែងនៅសេតវិមាន។លោក Trump ត្រូវបានចោទប្រកាន់ពីបទសមគំនិតចំនួន៣ករណី និងមួយករណីពាក់ព័ន្ធនឹងការរារាំងដំណើរការស៊ើអង្កេត។លោកTrump ត្រូវបានចោទប្រកាន់ពីបទសមគំនិតក្នុងការក្លែងបន្លំឯកសារសហរដ្ឋអាមេរិក និងការឃុបឃិតដើម្បីរារាំងដំណើរការផ្លូវការមួយ - កិច្ចប្រជុំកាលពីថ្ងៃទី ៦ខែមករា ឆ្នាំ ២០២១របស់សម័យប្រជុំរួមនៃសភាដែលធ្វើឡើងដើម្បីបញ្ជាក់ជ័យជម្នះក្នុងការបោះឆ្នោតរបស់លោកJoe Biden មកពីគណបក្សប្រជាធិបតេយ្យ ។ការចោទប្រកាន់នេះ បាននិយាយថា បំណងនៃការឃុបឃិតដើម្បីបង្វែរលទ្ធផលឆ្នោតក្នុងការបោះឆ្នោតជ្រើសរើសប្រធានាធិបតីឆ្នាំ២០២០ ដោយប្រើអំណះអំណាងក្លែងក្លាយថាមានការលួចបន្លំការបោះឆ្នោត។ លោក Trump ត្រូវបានចោទប្រកាន់ចំនួន៣ករណីពីបទឃុបឃិត និងមួយករណីពីបទរារាំងដំណើរការចោទប្រកាន់រឿងក្ដីចំនួន៤៥ទំព័រដែលត្រូវបាននាំមកដោយ រដ្ឋអាជ្ញាពិសេសលោក Jack Smith ។ លោក Smith បានដាក់សំណុំរឿងចោទប្រកាន់រួចទៅហើយប្រឆាំងនឹងលោក Trump ពីបទគ្រប់គ្រងមិនបានល្អនៃឯកសារសម្ងាត់សំខាន់ៗរបស់រដ្ឋាភិបាល ហើយអតីតប្រធានាធិបតីរូបនេះ ក៏ប្រឈមនឹងការជំនុំជម្រះក្ដីក្នុងទីក្រុង New York ពីបទបង់ប្រាក់បំបិទមាត់តារាភាពយន្តអាសអាភាសម្នាក់។  យោងតាមសារព័ត៌មានរដ្ឋអាមេរិក លោក Trump គ្រោងនឹងឡើងតុលាការនៅថ្ងៃទី៣ខែសីហា៕

[BREAKING NEWS] អតីតប្រធានាធិបតីអាមេរិក លោក Donald Trump ត្រូវបានចោទប្រកាន់ជុំវិញកិច្ចខិតខំប្រឹងប្រែងបង្វែរលទ្ធផលបោះឆ្នោតឆ្នាំ ២០២០

2023/08/02 02:55:36 pm        179
Facebook Telegram Linkin
អាមេរិក៖ លោក Donald Trump ត្រូវបានចោទប្រកាន់ពីជុំវិញកិច្ចខិតខំប្រឹងប្រែងរបស់លោកក្នុងការបង្វែរលទ្ធផលនៃការបោះឆ្នោតឆ្នាំ២០២០ ដែលជាការគំរាមកំហែងខាងផ្លូវច្បាប់ដ៏ធ្ងន់ធ្ងរបំផុតសម្រាប់អតីតប្រធានាធិបតីរូបនេះ ខណៈលោកធ្វើយុទ្ធនាការដើម្បីវិលត្រឡប់ទៅកាន់កាប់តំណែងនៅសេតវិមាន។លោក Trump ត្រូវបានចោទប្រកាន់ពីបទសមគំនិតចំនួន៣ករណី និងមួយករណីពាក់ព័ន្ធនឹងការរារាំងដំណើរការស៊ើបអង្កេត។លោកTrump ត្រូវបានចោទប្រកាន់ពីបទសមគំនិតក្នុងការក្លែងបន្លំឯកសារសហរដ្ឋអាមេរិក និងការឃុបឃិតដើម្បីរារាំងដំណើរការផ្លូវការមួយ - កិច្ចប្រជុំកាលពីថ្ងៃទី ៦ខែមករា ឆ្នាំ ២០២១របស់សម័យប្រជុំរួមនៃសភាដែលធ្វើឡើងដើម្បីបញ្ជាក់ជ័យជម្នះក្នុងការបោះឆ្នោតរបស់លោកJoe Biden មកពីគណបក្សប្រជាធិបតេយ្យ៕

អាជ្ញាធរ និងពលរដ្ឋនៅតាមបណ្ដោយសណ្ដស្ទឹងព្រែកត្នោត ត្រៀមលក្ខណៈរួចរាល់ ដើម្បីគេចចេញពីគ្រោះទឹកជំនន់

2023/08/01 10:29:21 pm        1212
Facebook Telegram Linkin
ភ្នំពេញ៖ អាជ្ញាធរ និងប្រជាពលរដ្ឋរស់នៅ ខណ្ឌដង្កោ រាជធានីភ្នំពេញ បានត្រៀមលក្ខណៈរួចរាល់ ដើម្បីគេចចេញពីគ្រោះទឹកជំនន់ពីខេត្តកំពង់ស្ពឺ ហូរចូលក្នុងស្ទឹងព្រែកត្នោត។បើតាមលោកស្រី សឿង សេរី ចៅសង្កាត់ដង្កោ នៅថ្ងៃទី១ ខែសីហានេះ ​បានប្រាប់BTVថា ការត្រៀមលក្ខណៈទុកជាមុននោះមានដូចជា៖ កម្លាំងប្រជាការពារភូមិ ​ប៉ាវសម្រាប់ទប់ទឹក និង​សម្ភារៈផ្សេងៗទៀតជាដើម។ ​ក្នុងករណីអាជ្ញាធរសង្កាត់មិនអាចគ្រប់គ្រងស្ថានការណ៍បាន នឹងរាយការណ៍ទៅថ្នាក់លើដើម្បីជួយអន្តរគមន៍។ លើសពីនេះ លោកស្រីចៅសង្កាត់បានក្រើនរំលឹកដល់ប្រជាពលរដ្ឋរស់នៅតាមដងស្ទឹងព្រែក​ត្នោត​ត្រូវមានការប្រុងប្រយ័ត្នទុកជាមុន ​បើទោះបីពេលនេះទឹកស្ទឹងព្រែកត្នោតមិនទាន់បង្កជាបញ្ហាក្តី។ប្រជាពលរដ្ឋ បានលើកឡើងដែរថា ​ជា​ទម្លាប់​ក្នុង​រដូវវស្សាទឹកស្ទឹងព្រែកត្នោត​តែងតែ​ឡើង ហើយ​ដើម្បីការពារកុំឲ្យខូចខាតទ្រព្យសម្បត្តិក្នុងផ្ទះ​ គឺពួកយើងបានត្រៀមលក្ខណៈរួចរាល់ ​ពោលដូចជា៖រៀបចំ​សម្ភារៈទុកដាក់លើធ្នើ និង​ឧស្សាហ៍ងើបមើលទឹកស្ទឹង ​ប្រសិនបើទឹកឡើងធំ នឹងប្រញាប់​ទៅ​ទីទួលមានសុវត្ថិភាព ​និងរាយការណ៍ទៅអាជ្ញាធរមូលដ្ឋានផងដែរ។ក្នុងរយៈពេលប៉ុន្មានថ្ងៃមកនេះ ​ប្រទេសកម្ពុជា ​បានរងឥទ្ធិពលព្យុះទី៥ ឈ្មោះដុកស៊ូរី បង្កឱ្យ​មានភ្លៀងធ្លាក់​នៅស្ទើរទូទាំងប្រទេស​ ក្នុងនោះក៏​មានខេត្តកំពង់ស្ពឺផងដែរ។ ហើយទឹកជំនន់នៅខេត្តកំពង់ស្ពឺ​ហូរចូលស្ទឹកព្រែកត្នោត អាចបង្កផលប៉ះពាល់ដល់ប្រជាពលរដ្ឋរស់​នៅតាមបណ្ដោយសណ្ដរស្ទឹង។​ យ៉ាងណាក្តី គិតមកដល់ពេលនេះ ​ទឹកស្ទឹកព្រែកត្នោត មិនទាន់ឡើងខ្លាំង​ក្លាយជាជំនន់នោះទេ៕ អត្ថបទ៖ទូច សោភ័ណ

ក្រុមការងារកាកបាទក្រហមកម្ពុជា ពិនិត្យទីតាំងសាងសង់ផ្ទះថ្មីចំនួន២ខ្នង ជូនពលរដ្ឋងាយរងគ្រោះ

2023/08/01 10:11:11 pm        138
Facebook Telegram Linkin
កំពង់ឆ្នាំង៖ អនុវត្តតាមអនុសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នៅថ្ងៃទី១ ខែសីហា ឆ្នាំ២០២៣នេះ ក្រុមការងារកាកបាទក្រហមកម្ពុជា ​ដឹកនាំដោយលោកជំទាវ ម៉ែន នារីសោភ័គ អគ្គលេខាធិការរងទី១ បានចុះពិនិត្យទីតាំងសាងសង់ផ្ទះថ្មីចំនួន ២ខ្នង ជា​ព្រះរាជអំណោយដ៏​ឧត្ដុង្គឧត្ដម​របស់ ហ្លួងម៉ែ នរោត្តម មុនិនាថ សីហនុ ព្រះប្រធានកិត្តិយស​កាកបាទក្រហមកម្ពុជា តាមរយៈសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទ​ក្រហមកម្ពុជា ជូនដល់ប្រជារាស្ត្រងាយរងគ្រោះបំផុតចំនួន ២គ្រួសារ រស់នៅភូមិវាលស្បូវ ឃុំតាំងក្រសាំង ស្រុកទឹកផុស ខេត្តកំពង់ឆ្នាំង។ជនងាយរងគ្រោះបំផុតទាំង ២គ្រួសារ ដែលទទួលផ្ទះរួមមាន ៖ ១. លោកយាយ គ្រែក ហ៊ី អាយុ ៧៥ឆ្នាំ ជាចាស់ឥតទីពឹង។ ២. អ្នកស្រី ឡឹម ញ៉ឹប អាយុ ៤៧ឆ្នាំ ជាស្ត្រីមេម៉ាយ មានកូន ៣នាក់ក្នុងបន្ទុក។តាមការបញ្ជាក់របស់លោកជំទាវ ម៉ែន នារីសោភ័គ បានឱ្យដឹងថា ​កាកបាទក្រហមកម្ពុជា បាន​ទទួលនូវព្រះរាជូបត្ថម្ភពីសម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ព្រះប្រធានកិត្តិយសកាកបាទក្រហមកម្ពុជា ​នៅក្នុងឱកាសព្រះរាជពិធីបុណ្យ​ចម្រើន​ព្រះជន្ម​របស់ព្រះអង្គ កាលពីថ្ងៃទី ១៨ ខែមិថុនា ឆ្នាំ២០២៣។ បន្ទាប់ពីបានទទួលព្រះរាជូបត្ថម្ភនេះ ​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន បានផ្តល់​អនុសាសន៍​ដល់មន្ត្រីក្រោមឱវាទចុះពិនិត្យមើលទីតាំងណា​ដែល​សមស្រប គ្រួសារណាដែលជាមុខសញ្ញាងាយរងគ្រោះបំផុតរបស់កាកបាទក្រហមកម្ពុជា ដើម្បីសាងសង់ផ្ទះជូនឱ្យបានសមរម្យ។ ជាក់ស្តែង បេសកកម្មក្នុងថ្ងៃនេះ គឺក្រុមការងារ បានចុះមកពិនិត្យស្ថានភាពជាក់ស្តែងរួចហើយ ហើយដែលក្រុមជាងសាងសង់ផ្ទះនឹងចុះមកសាងសង់ឱ្យបានឆាប់ៗ ទៅតាមអនុសាសន៍របស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន៕

រដ្ឋមន្ត្រីការងារលើកទឹកចិត្តនិស្សិតដែលសិក្សានៅក្រៅប្រទេស ចូលរួមលើកកម្ពស់កិត្តិយសជាតិ

2023/08/01 10:00:04 pm        198
Facebook Telegram Linkin
ភ្នំពេញ៖ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានលើក​ទឹកចិត្ត​ដល់ក្រុមនិស្សិតកម្ពុជា​ដែលទៅសិក្សានៅក្រៅប្រទេស ឬទទួលបានអាហារូបករណ៍ទៅសិក្សានៅក្រៅប្រទេស សូមចូលរួមលើកកម្ពស់កិត្តិយសជាតិកម្ពុជា ពង្រឹងសាមគ្គីជាមួយគ្នា ​ពិសេសត្រូវខិតខំសិក្សាយកចំណេះជំនាញ ដើម្បីវិលមកបម្រើប្រទេស​ជាតិវិញ​ឱ្យកាន់តែរីកចម្រើនទៅមុខ។ក្នុងឱកាសជួបសំណេះសំណាល និងផ្ដល់អនុសាសន៍ណែនាំដល់ក្រុមនិស្សិតកម្ពុជា ​២៤នាក់ ដែល​ទទួលអាហារូបករណ៍ពីរដ្ឋាភិបាលជប៉ុន នៅព្រឹកថ្ងៃទី១ ខែសីហា ឆ្នាំ២០២៣នេះ ​ឯកឧត្តមរដ្ឋមន្ត្រី បានណែនាំដល់ក្រុមនិស្សិតទាំងអស់ ​សូមជួយផ្សព្វផ្សាយពីស្ថានភាពនយោបាយ ស្ថិរភាព​នយោបាយ​ការអភិវឌ្ឍ ​ការខិតខំប្រឹងប្រែងរបស់ថ្នាក់ដឹកនាំរាជរដ្ឋាភិបាល​នៅក្នុងប្រទេស​ទៅដល់អ្នក​ទៅសិក្សាមុនៗ ​និងប្រជាជនដែលរស់នៅធ្វើការនៅទីនោះ។ ឯកឧត្តម បានលើកឡើងពីគោលនយោបាយអភិវឌ្ឍន៍ជាតិ និងបទពិសោធន៍ជាច្រើនជូនក្រុម​និស្សិត​ខាងលើ ពិសេសគឺគោលនយោបាយជាតិ ឆ្នាំ២០៣០ កម្ពុជាក្លាយជាប្រទេសមានចំណូល​មធ្យមកម្រិតខ្ពស់ និងឆ្នាំ២០៥០ កម្ពុជាក្លាយជាប្រទេសមានចំណូលកម្រិតខ្ពស់។ ​ត្រង់ចំណុចនេះ ឯកឧត្តម​ បានណែនាំដល់ទៀតថា ​នៅពេលក្លាយជាអ្នកដឹកនាំបន្តវេនជំនាន់ក្រោយ ក៏ត្រូវគិតគូរពីគោល​នយោបាយ​ទាំងនេះផងដែរ។តាមរបាយការណ៍របស់​លោក ចេង គឹមអូន ប្រធានប្រតិភូនិស្សិតកម្ពុជាដែលទទួលអាហារូបករណ៍​ពីរដ្ឋាភិបាលជប៉ុនឆ្នាំ២០២៣ ​បានឱ្យដឹងថា ក្នុងចំណោមនិស្សិតទាំង២៤នាក់នេះ គឺជាមន្ត្រីរាជ​ការថ្នាក់​ជាតិ និងថ្នាក់ក្រោមជាតិសរុប ១៤ស្ថាប័ន។ មុខជំនាញដែលត្រូវសិក្សានោះរួមមាន ៨ជំនាញ៖ ១-អភិវឌ្ឍន៍ហេដ្ឋាន​រចនាសម្ពន្ធ ២-អភិវឌ្ឍន៍វិស័យឯកជន ៣-លើកកម្ពស់គុណអប់រំ ៤-អភិវឌ្ឍន៍កសិកម្ម និងអភិវឌ្ឍន៍ជនបទ ៥-លើកកម្ពស់បរិស្ថានរស់នៅទីក្រុង ៦-លើកម្ពស់​ប្រព័ន្ធថែទាំ​សុខភាព និងសន្តិសុខសង្គម ៧-លើកកម្ពស់មុខងាររដ្ឋបាលសាធារណៈ និង៨-កសាងទំនាក់ទំនងអន្តរជាតិ។អាហារូបករណ៍របស់រដ្ឋាភិបាលជប៉ុនសម្រាប់មន្ត្រីរាជការកម្ពុជានេះ ​គឺជាគម្រោងជំនួយឥតសំណង​ដែលត្រូវបានអនុវត្តចាប់តាំងពីឆ្នាំ២០០០ ​មកដល់ពេលបច្ចុប្បន៍មាន​និស្សិត​កម្ពុជា​ជាង៥០០នាក់​ហើយដែលបានទទួលអាហារូបករណ៍នេះ។ កម្មវិធីនេះ ផ្ដោតលើទំនាក់ទំនងកិច្ចសហប្រតិបត្តិការទ្វេភាគីកម្ពុជា-ជប៉ុន​ ការអភិវឌ្ឍសមត្ថភាព​មន្ត្រី​រាជការ ​ការចូលរួមអភិវឌ្ឍន៍ ​និងបង្កើតផែនការអភិវឌ្ឍសេដ្ឋកិច្ច/សង្គម ស្របតាម​គោលនយោបាយរបស់រាជរដ្ឋាភិបាលកម្ពុជា៕

អ្នកគាំទ្រ និយាយលាទាំងទឹកភ្នែក ចំពោះតារាចម្រៀងប៉ុប Coco Lee ក្នុងពិធីបុណ្យសព នៅហុងកុង

2023/08/01 09:49:27 pm        125
Facebook Telegram Linkin
ចិន៖ ក្រុមមនុស្ស ដែលមានទឹកភ្នែករលីងរលោង បាននិយាយលាទៅកាន់សពតារាចម្រៀង និងអ្នកនិពន្ធបទចម្រៀង Coco Lee នៅថ្ងៃអង្គារ (ទី១ ខែសីហា) ខណៈដែលពិធីបុណ្យសព ត្រូវបានធ្វើប្រារព្ធឡើង នៅភាគខាងកើតទីក្រុងហុងកុង ដើម្បីជូនដំណើរតារាដ៏ល្បីឈ្មោះ ដែលបានទទួលមរណភាព ក្នុងវ័យ ៤៨ឆ្នាំបន្ទាប់ពីប្រកបអាជីពលើវិថីសិល្បៈចម្រៀងអស់រយៈពេល ៣ទសវត្សរ៍។អ្នកគាំទ្រ ដែលជាច្រើននាក់បានស្លៀកពាក់ពណ៌ខ្មៅ បានស្រែកថា «លាហើយ Coco!» ហើយសូមជូនពរឲ្យធ្វើដំណើរទៅទីស្ងប់សុខ ខណៈដែលឡានដឹកក្តារមឈូសរបស់នាង បានរំកិលចេញពីអគារ បន្ទាប់ពីរៀបចំពិធីរួចរាល់ នៅខាងក្នុងនោះ។ក្នុងចំណោមអ្នកដែលមានវត្តមាននោះ បុរសម្នាក់ឈ្មោះ ចាវ ផឹង (Zhao Peng) ដែលជាអ្នកគាំទ្ររបស់លោកស្រី Lee តាំងពីវ័យ ៥ឆ្នាំមកម្ល៉េះនោះ បាននិយាយថា «ពិតជាពិបាកទ្រាំណាស់ ដែលឃើញគាត់ (លោកស្រី Coco Lee) ចាកចេញដោយគ្មានថ្ងៃត្រឡប់បែបនេះ»។ អ្នកស្រុកប៉េកាំងដែលពោរពេញដោយអារម្មណ៍រំជួលចិត្តរូបនេះ បានបន្ថែមថា លោកមិនសប្បាយចិត្តសោះឡើយ ដែលនឹងមិនអាចមើលការសម្ដែងរបស់តារាចម្រៀងប៉ុបអាមេរិកដើមកំណើតហុងកុងជារៀងរហូត។សូមបញ្ជាក់ថា បងប្អូនស្រី ២នាក់របស់សព បានសរសេរបង្ហោះនៅលើបណ្ដាញសង្គម Facebook ថា អ្នកចម្រៀង Lee បានប្រឹងតស៊ូជាមួយនឹងជំងឺធ្លាក់ទឹកចិត្ត ហើយក៏បានបាត់បង់ជីវិត នៅថ្ងៃទី៥ ខែកក្កដា បន្ទាប់ប៉ុនប៉ងធ្វើអត្តឃាត នៅ ៣ថ្ងៃមុននោះ។ ក្នុងចំណោមការសម្ដែងដែលគួរឲ្យកត់សម្គាល់បំផុតរបស់លោកស្រី Lee គឺការសម្ដែងជាតួអ្នកចម្បាំងស្រី Mulan និងការសម្ដែង ក្នុងបទចម្រៀងដែលទទួលបានពានរង្វាន់អូស្ការ «A Love Before Time» ដកស្រង់ពីភាពយន្ត «Crouching Tiger និង Hidden Dragon»៕

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងឧស្សាហកម្ម៖ ការវេចខ្ចប់ គឺជាតំណភ្ជាប់ដ៏មានសារៈសំខាន់នៅក្នុងខ្សែច្រវាក់ផលិតកម្ម
09/28/2026 08:09 PM
Facebook Telegram Linkin
ការ​ស្ទង់មតិ៖ បេក្ខជន​ស្ដាំ​និយមជ្រុល និង​ឆ្វេងនិយម​ជ្រុល​​ ទំនង​ឈានដល់ជុំទី២ នៃ​ការបោះឆ្នោតប្រធានាធិបតីបារាំង
09/28/2026 07:09 PM
Facebook Telegram Linkin
វិមានក្រឹមឡាំង៖ ការចរចាគ្រប់គ្រងអាវុធរុស្ស៊ី-អាមេរិក គួរតែបានចាប់ផ្តើមឡើងវិញ តាំងពី «ម្សិលមិញ»
09/28/2026 07:09 PM
Facebook Telegram Linkin
Hyundai Cambodia បង្ហាញរថយន្តអគ្គិសនីជំនាន់ថ្មី ដោយនាំយកបច្ចេកវិទ្យា និងការរចនាទំនើប
09/28/2026 06:09 PM
Facebook Telegram Linkin
បុគ្គលិកសង្គ្រោះ៖ ទឹកជំនន់ និងបំណាក់ដី នៅភាគខាងត្បូងមីយ៉ាន់ម៉ា បណ្ដាល​ឱ្យ​មនុស្ស​ ៨នាក់ស្លាប់​​
09/28/2026 06:09 PM
Facebook Telegram Linkin
សារព័ត៌មាន Bild ៖ សេវាស៊ើបការណ៍សម្ងាត់អាល្លឺម៉ង់បង្កើនការស៊ើបការណ៍លើស្ថានទូតរុស្ស៊ី នៅទីក្រុងប៊ែរឡាំង
09/28/2026 06:09 PM
Facebook Telegram Linkin
ការដឹកជញ្ជូនឧស្ម័នធម្មជាតិរាវរបស់ប្រទេសកាតាឆ្លងកាត់ច្រកសមុទ្រ Hormuz កើនឡើង ទោះបីជាមានជម្លោះក្តី
09/28/2026 06:09 PM
Facebook Telegram Linkin
ទីភ្នាក់ងារសន្តិសុខអាល្លឺម៉ង់ប្រឈមការ​លំបាក ក្រោយក្រុម​ស្តាំនិយមជ្រុល និងឆ្វេងនិយមជ្រុល ឈ្នះ​
09/28/2026 06:09 PM
Facebook Telegram Linkin
នាយករដ្ឋមន្ត្រីអេស្ប៉ាញប្ដេជ្ញាចាត់វិធានការ ខណៈការតវ៉ាជុំវិញបញ្ហាលំនៅឋាននៅក្រុង​ម៉ាឌ្រីដ​ កើនឡើង
09/28/2026 06:09 PM
Facebook Telegram Linkin
UN ៖ ប្រជាជនស៊ីរីជាង ៦០.០០០នាក់ បានត្រឡប់ពីជំរំជនភៀសខ្លួនទៅផ្ទះសម្បែងវិញ ចាប់តាំងពីខែមករា
09/28/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.