នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

រដ្ឋមន្ត្រីក្រសួងយុត្តិធម៌នូវ៉ែលហ្សេឡង់ លាលែងពីតំណែង ក្រោយរងការចោទប្រកាន់ បន្ទាប់ពីជួបគ្រោះថ្នាក់ចរាចរណ៍

2023/07/24 02:51:30 pm        167
Facebook Telegram Linkin
រដ្ឋមន្ត្រីក្រសួងយុត្តិធម៌របស់ប្រទេសនូវ៉ែលហ្សេឡង់ បានសម្រេចលាលែងពីតំណែងហើយ នៅថ្ងៃចន្ទ (ទី២៤ ខែកក្កដា)នេះ បន្ទាប់ពីត្រូវបានចាប់ខ្លួនពាក់ព័ន្ធនឹងគ្រោះថ្នាក់ចរាចរណ៍ នៅថ្ងៃមុននោះ ដែលនេះជាការលាលែងរបស់រដ្ឋមន្ត្រីទី៤ ពីគណៈរដ្ឋមន្ត្រី ក្នុងរយៈពេលជាច្រើនខែ នៅក្នុងឆ្នាំដែលមានការបោះឆ្នោត។នាយករដ្ឋមន្ត្រីលោក Chris Hipkins បានឲ្យដឹងថា លោកស្រី Kiri Allan បានលាលែងភ្លាមៗពីតំណែងរដ្ឋមន្ត្រីទាំងអស់របស់លោកស្រី បន្ទាប់ពីលោកស្រីត្រូវបាននគរបាលនាំយកទៅឃុំខ្លួន ពាក់ព័ន្ធនឹងឧបទ្ទវហេតុ នៅទីក្រុង Wellington ដែលជារដ្ឋធានីរបស់ប្រទេស កាលពីថ្ងៃអាទិត្យ (ទី២៣ ខែកក្កដា)។ជាមួយគ្នានេះ លោក Hipkins បានបន្ថែមទៀតថា លោកស្រី Allan «មិនស្ថិតក្នុងពេលវេលាល្អប្រសើរនោះទេ» នាពេលនេះ ដោយយោងទៅលើស្ថានភាពផ្លូវចិត្តរបស់លោកស្រី ហើយលោកស្រីនឹងទទួលបានការគាំទ្រលើកទឹកចិត្ត។លោកស្រី Allan ដែលជារដ្ឋមន្ត្រីក្រសួងអភិវឌ្ឍន៍តំបន់ រដ្ឋមន្ត្រីអភិរក្ស និងជារដ្ឋមន្ត្រីគ្រប់គ្រងគ្រាអាសន្នផងដែរនោះ ទើបតែបានត្រឡប់មកពីបំពេញភារកិច្ចសភាវិញ កាលពីថ្ងៃទី១៧ ខែកក្កដា បន្ទាប់ពីបានសម្រាកប៉ុន្មានថ្ងៃ ដោយសារបញ្ហាសុខភាពផ្លូវចិត្ត៕

គ.ជ.ប អរគុណអ្នកសង្កេតការណ៍អន្តរជាតិ ដែលវាយតម្លៃយ៉ាងសុក្រឹតចំពោះការបោះឆ្នោតនៅកម្ពុជា

2023/07/24 02:18:14 pm        299
Facebook Telegram Linkin
ភ្នំពេញ៖ ឯកឧត្ដម ហង្ស ពុទ្ធា អ្នកនាំពាក្យ គណកម្មាធិការជាតិរៀបចំការបោះឆ្នោត (គ.ជ.ប) បានឱ្យដឹងថាថា ក្រុមអ្នកសង្កេតការណ៍វាយតម្លៃខ្ពស់ចំពោះការរៀបចំការបោះឆ្នោតនៅកម្ពុជា ដែលបានប្រព្រឹត្តិទៅដោយសេរី ត្រឹមត្រឹម និងយុត្តិធម៌។ឯកឧត្ដម ហង្ស ពុទ្ធា បានបញ្ជាក់បែបនេះ ក្នុងឱកាស កិច្ចប្រជុំសង្ខេបព្រឹត្តិការណ៍ អំពីការបោះឆ្នោតជ្រើសតាំងតំណាងរាស្ត្រ​ នីតិកាលទី៧ ជាមួយអ្នកសង្កេតការអន្តរជាតិ មកពី​បណ្តាប្រទេសនានា នៅសណ្ឋាគារ សូហ្វីតែល នៅរាជធានីភ្នំពេញ នាថ្ងៃទី ២៤ ខែកក្កដា ឆ្នាំ២០២៣នេះ។ក្នុងនាម គ.ជ.ប ឯកឧត្តម ហង្ស ពុទ្ធា បានថ្លែងអំណរគុណដល់បណ្ដាអ្នកសង្កេតការណ៍ជាតិ និងអន្តរជាតិទាំងអស់ ដែលបានចូលរួមសង្កេតការណ៍បោះឆ្នោតនៅកម្ពុជាក្នុងអាណត្តិទី៧ ឆ្នាំ២០២៣នេះ ​និងបានធ្វើការវាយតម្លៃយ៉ាងសុក្រឹតនៃដំណើរការនៃការបោះឆ្នោត និងការរាប់​សន្លឹកឆ្នោតនៅក្នុងប្រទេសកម្ពុជា។ឯកឧត្ដមបញ្ជាក់ថា អ្នកសង្កេតការណ៍អន្តរជាតិសំខាន់ៗ ​ដែលជាអ្នកដឹកនាំកំពូលនៃស្ថាប័នរៀបចំ​ការបោះឆ្នោតបានមានមតិថា ទោះបីជាមិនបានចុះសង្កេតនៅគ្រប់ការិយាល័យបោះឆ្នោត​នៅទូទាំង​ប្រទេសក៏ដោយ ប៉ុន្ដែសំណាកនៃការសង្កេតការណ៍​តាមខេត្តមួយចំនួនអាចវាយតម្លៃ​បានថា​ប្រជាពលរដ្ឋកម្ពុជា បានចេញទៅបោះឆ្នោតដោយក្ដីរីករាយហើយអញ្ជើញទៅបោះឆ្នោតកើនដល់ ៨៤,៥៨​ ភាគរយជាតួលេខខ្ពស់បើប្រៀប​នឹងបណ្ដាតួលេខដែលមានការបោះឆ្នោតនៅប្រទេសរបស់ពួកគេ៕អត្ថបទ៖ វ៉ន ដារ៉ា

នាយករដ្ឋមន្រ្តីអ៊ីតាលី ព្យាយាមបង្កើតសម្ព័ន្ធមិត្ត ដើម្បីដោះស្រាយបញ្ហាអន្តោប្រវេសន៍ខុសច្បាប់

2023/07/24 02:04:02 pm        194
Facebook Telegram Linkin
នាយករដ្ឋមន្រ្តីអ៊ីតាលីលោកស្រី Giorgia Meloni និយាយកាលពីថ្ងៃអាទិត្យថា លំហូរចូលជនអន្តោប្រវេសន៍ ខុសច្បាប់ កំពុងធ្វើឲ្យប៉ះពាល់ដល់ប្រទេសជាច្រើននៅទូទាំងតំបន់សមុទ្រមេឌីទែរ៉ាណេ ស្របពេលដែលលោកស្រីព្យាយាមបង្កើតសម្ព័ន្ធភាពប្រជាជាតិទូលំទូលាយ ដើម្បីប្រយុទ្ធប្រឆាំងនឹងការជួយដូរមនុស្សខុសច្បាប់ ។ ដោយបន្ទន់វោសាស្រ្តរឹងរួសកាលពីមុនរបស់ខ្លួន លោកស្រី Meloniនិយាយប្រាប់កិច្ចប្រជុំអន្តរជាតិនៅក្នុងទីក្រុងរ៉ូមថា រដ្ឋាភិបាលរបស់លោកស្រី បើកទូលាយចំពោះការទទួលយកមនុស្សបន្ថែមទៀតដែលឆ្លងកាត់ផ្លូវស្របច្បាប់ ស្របពេលដែលអឺរ៉ុប និងអ៊ីតាលី ត្រូវការអន្តោប្រវេសន៍ ។ លោកស្រីបន្តថា ពួកយើងត្រូវការធ្វើអ្វីៗបន្ថែមទៀត ដើម្បីការពារជនអន្តោប្រវេសន៍ពីការព្យាយាមឆ្លងកាត់សមុទ្រមេឌីទែរ៉ាណេដ៏គ្រោះថ្នាក់ តាមមធ្យោបាយពុំបានអនុញ្ញាត ។ លោកស្រី Meloni បញ្ជាក់ថា ការធ្វើអន្តោប្រវេសន៍ខុសច្បាប់ទ្រង់ទ្រាយធំ នឹងធ្វើឲ្យប៉ះពាល់ដល់ពួកយើងម្នាក់ៗ និងម្នាក់ៗក្នុងចំណោមពួកយើង ។ គ្មាននរណាម្នាក់ចំណេញពីរឿងមួយនេះទេ លើកលែងតែក្រុមឧក្រិដ្ឋជនដែលទទួលបានផលចំណេញច្រើនពីមុខជំនួញដ៏ផុយស្រួយបំផុតនេះ និងការប្រើប្រាស់កម្លាំងរបស់ពួកគេ បើទោះបីជាប្រឆាំងនឹងរដ្ឋាភិបាល ធ្វើឲ្យពលរដ្ឋគ្រោះថ្នាក់ ប្រឆាំងនឹងសេដ្ឋកិច្ច ស្ថិរភាពនយោបាយ និងតុល្យភាពប្រជាធិបតេយ្យក៏ដោយ ។ គួរឲ្យដឹងថា កាលពីសប្តាហ៍មុន សហភាអឺរ៉ុប និងប្រទេសទុយនីស៊ី ដែលជាចំណុចចាកចេញដ៏សំខាន់សម្រាប់ជនអន្តោប្រវេសន៍ បានចុះហត្ថលេខាលើកិច្ចព្រមព្រៀងភាពជាដៃគូយុទ្ធសាស្រ្ត ដែលរួមទាំងការចាត់វិធានការបង្ក្រាបក្រុមជួញដូរមនុស្សខុសច្បាប់ និងរឹតបន្តឹងព្រំដែន ។ អឺរ៉ុប បានសន្យាផ្តល់ជំនួយ ១ពាន់លានអឺរ៉ូ ស្មើនឹង១,១ពាន់លានដុល្លារ ដើម្បីជួយដល់សេដ្ឋកិច្ចទន់ខ្សោយរបស់ប្រទេសទុយនីស៊ី ក្នុងនោះថវិកា ១០០លានអឺរ៉ូ ទុកសម្រាប់ដោះស្រាយយ៉ាងពិសេសលើបញ្ហាធ្វើអន្តោប្រវេសន៍ខុសច្បាប់ ៕

លោក Netanyahuជាសះស្បើយពីការសង្គ្រោះបន្ទាន់ផ្នែកវេជ្ជសាស្ត្រ ខណៈអ៊ីស្រាអែលឈានដល់កម្រិតភាពចលាចលថ្មី

2023/07/24 01:00:35 pm        213
Facebook Telegram Linkin
នាយករដ្ឋមន្ត្រីអ៊ីស្រាអែល លោក Benjamin Netanyahu បានជាសះស្បើយនៅក្នុងមន្ទីរពេទ្យកាលពីថ្ងៃអាទិត្យ បន្ទាប់ពីដំណើរការសង្គ្រោះបន្ទាន់ជំងឺបេះដូង ខណៈការប្រឆាំងចំពោះផែនការផ្លាស់ប្តូរប្រព័ន្ធតុលាការដ៏ចម្រូងចម្រាស់របស់រដ្ឋាភិបាលលោក បានឈានដល់ចំណុចខ្ពស់ ហើយភាពចលាចលបានរួមរឹតប្រទេសនេះ។ វេជ្ជបណ្ឌិតរបស់លោក Netanyahu បាននិយាយកាលពីថ្ងៃអាទិត្យថា ដំណើរការព្យាបាលបេះដូង បានឆ្លងកាត់ដោយរលូន ដែលលោក Netanyahu អាយុ៧៣ឆ្នាំមានភាពប្រសើរឡើង។ យោងតាមការិយាល័យរបស់លោក បានឲ្យដឹងថា លោកត្រូវបានគេរំពឹងថា នឹងចេញពីមន្ទីរពេទ្យនៅថ្ងៃបន្ទាប់នេះ។ ប៉ុន្តែភាពតានតឹងកំពុងកើនឡើង ខណៈសមាជិកសភា បានចាប់ផ្តើមការជជែកដេញដោលខ្លាំងជុំវិញផ្នែកដ៏ធំដំបូងនៃការផ្លាស់ប្តូរប្រព័ន្ធតុលាការ មុនការបោះឆ្នោតនៅក្នុងសភាដែលការពារឲ្យចូលជាច្បាប់នៅថ្ងៃចន្ទនេះ។ ការតវ៉ាទ្រង់ទ្រាយធំៗ បានបន្ត រយៈពេល៧ខែជាប់ៗគ្នានៃបាតុកម្មដ៏តឹងតែងនិងមានការគាំទ្រច្រើនបំផុត ដែលប្រទេសនេះពុំដែលបានជួបប្រទះ។ មនុស្សរាប់ម៉ឺននាក់ បានចេញធ្វើបាតុកម្ម នៅទូទាំងប្រទេសអ៊ីស្រាអែល កាលពីយប់ថ្ងៃសៅរ ខណៈរាប់ពាន់នាក់ បានដង្ហែរក្បួនចូលទៅកាន់ទីក្រុងហ្សេរុយសាឡឹម និងបានបោះជំរំនៅជិតសភា មុនការបោះឆ្នោតនៅថ្ងៃចន្ទនេះ។

ក្រុមបាតុករថៃជួបជុំគ្នាក្រោមដំណក់ទឹកភ្លៀងនៅទីក្រុងបាងកក ក្រោយសភារារាំងលោក Pitaមិនឲ្យក្លាយជានាយករដ្ឋមន្រ្តី

2023/07/24 12:19:45 pm        248
Facebook Telegram Linkin
កាលពីល្ងាចថ្ងៃអាទិត្យម្សិលមិញ ក្រុមបាតុកររាប់ពាន់នាក់ បានជួបជុំគ្នានៅតាមដឹងផ្លូវក្នុង ទីក្រុងបាងកក ដើម្បីតវ៉ា ស្របពេលដែលមេដឹកនាំគណបក្សឈ្នះឆ្នោតដំណើរឆ្ពោះទៅមុខ លោក Pita Limjaroenratត្រូវបានសភារារាំងមិនឲ្យក្លាយជានាយករដ្ឋមន្រ្តីថៃ ។ កាលពីថ្ងៃសុក្រសប្តាហ៍មុន គណបក្សមួយនេះ បានបើកផ្លូវឲ្យគណបក្សឈរលេខរៀងទី ២ និងជាដៃគូសម្ព័ន្ធមិត្តរបស់ខ្លួនគឺគណបក្ស Pheu Thaiព្យាយាមបង្កើតរដ្ឋាភិបាលថ្មី ក្រោយការព្យាយាមរបស់មេដឹកនាំរបស់ពួកគេ ត្រូវបានរារាំង ២លើកក្នុងខែនេះ ដោយព្រឹទ្ធសភាដែលគាំទ្រដោយយោធា ។ គណបក្សដំណើរឆ្ពោះទៅមុខ និងគណបក្ស Pheu Thai មាននូវការចែករំលែកអាសនៈដ៏ច្រើនបំផុតនៅក្នុងរដ្ឋសភាដែលមាន ៥០០អាសនៈ ប៉ុន្តែ​ឧបស្គដ៏ធំ​សម្រាប់សម្ព័ន្ធមិត្តរបស់ពួកគេ គឺនៅព្រឹទ្ធសភាមាន ២៤៩អាសនៈ ដែលត្រូវបានតែងតាំង​ដោយ​យោធារាជានិយម ក្រោយរដ្ឋប្រហារឆ្នាំ ២០១៤ ហើយនិងមានប្រវត្តិបោះឆ្នោតថា ជាក្រុមរារាំង ដើម្បីការពារអត្ថប្រយោជន៍របស់ពួកគេ ដែលរួមទាំងការបញ្ឈប់ការបង្កើតរដ្ឋាភិបាលថ្មីផងដែរ ។ សម្ព័ន្ធមិត្តមានគណបក្សចំនួន ៨ បានគាំទ្រមេដឹកនាំគណបក្សដំណើរឆ្ពោះទៅមុខលោក Pita Limjaroenratឲ្យក្លាយជានាយករដ្ឋមន្រ្តី មុនពេលក្រុមប្រឆាំងអភិរក្សនិយម និងសមាជិកព្រឹទ្ធសភា រារាំងរូបលោកនៅការបោះឆ្នោតសភា កាលពីថ្ងៃទី ១៣ ខែកក្កដា ហើយនិងបានរារាំងការតែងតាំង​ឡើងវិញរបស់លោកម្តងទៀត នៅរយៈពេល ៦ថ្ងៃក្រោយ ។ សូមបញ្ជាក់ថា គណបក្សដំណើរឆ្ពោះទៅមុខ បានឈ្នះការបោះឆ្នោតកាលពីខែឧសភា ក្រោយ​ទទួល​បានការគាំទ្រខ្លាំង​ពីក្រុមយុវជន​ ផ្អែកលើវេទិកាគោលនយោបាយប្រឆាំងក្រុមអ្នកកាន់​អំណាច ដែលរួមទាំងការបង្កើតយោធា បញ្ចប់ភាពផ្តាច់មុខធុរកិច្ច ​ហើយនិងធ្វើវិសោធនកម្មច្បាប់​ប្រមាថព្រះមហាក្សត្រ ​ដែលការពាររបបរាជានិយមដ៏មានអំណាចពីការរិះគន់ ៕

យុវជនសង្កេតការណ៍៖ ពលរដ្ឋកាន់តែច្រើន យល់ដឹង និងចេះប្រើប្រាស់សិទ្ធិក្នុងការបោះឆ្នោត

2023/07/24 11:37:16 am        330
Facebook Telegram Linkin
ភ្នំពេញ៖ យុវជនសង្កេតការណ៍បោះឆ្នោត បានបង្ហាញការយល់ឃើញថា ​ប្រជាពលរដ្ឋកម្ពុជា មានការស្វែងយល់​ ពីការប្រើប្រាស់សិទ្ធិកាន់តែប្រសើរ ​និងត្រឹមត្រូវ ​តាមរយៈការចូលរួមបោះឆ្នោត ។ ការលើកឡើងនេះ គឺ ដោយផ្អែកលើភាគរយ ​នៃចំនួនអ្នកទៅឆ្នោតកើនឡើងរហូតដល់​ជាង៨៤ភាគរយ។ការបោះឆ្នោតជ្រើសតាំងតំណាងរាស្រ្តនីតិកាលទី ៧ បានបិទបញ្ចប់ ជាស្ថាពរកាលពីថ្ងៃទី ២៣ ខែកក្កដា ម្សិលមិញនេះ។ ​ការបោះឆ្នោតបញ្ចប់ទៅដោយរលូន ​ថែមទាំងមានការកើនឡើង នៃចំនួនប្រជា ពលរដ្ឋចូលរួមបោះឆ្នោតថែមទៀតផង ។ ចំនួនអ្នកទៅបោះឆ្នោត មានរហូតដល់ជាង៨លាននាក់ នៃចំនួនសរុបអ្នកមានឈ្មោះក្នុងបញ្ជីបោះឆ្នោត ជាង៩លាន៧សែននាក់ ។ គិតជាភាគរយ គឺមានអ្នកទៅ បោះឆ្នោត ចំនួន៨៤,៥៨ភាគរយ។ នេះបើផ្អែកលើគណៈកម្មាធិការជាតិរៀបចំការបោះឆ្នោត (គ.ជ.ប) ។សម្រាប់យុវជនមើលឃើញថា ការកើនឡើង នៃអ្នកទៅបោះឆ្នោត គឺបង្ហាញថាពលរដ្ឋកម្ពុជា មាន ការពេញចិត្តចំពោះការរៀបចំការងារបោះឆ្នោត ចេះប្រើប្រាស់សិទ្ធិខ្លួនឯងដោយត្រឹមត្រូវ និងចេះ​ប្រើប្រាស់ សិទ្ធិសម្រេចលើជោគវាសនាខ្លួនឯង តាមរយៈបោះឆ្នោតគាំទ្រគណបក្ស​ដែលខ្លួន​ជឿទុកចិត្ត។ ការលើកឡើងដូចនេះ ក៏ដោយសារតែពួកគេបានមើលឃើញផ្ទាល់ ក្នុងការបំពេញការងារជាអ្នក​សង្កេតការណ៍ នៅតាមទីតាំងបោះឆ្នោតក្នុងខណ្ឌដង្កោផងដែរ។តាមការឱ្យដឹងពីគ.ជ.ប ចំនួនភាគរយប្រជាពលរដ្ឋចូលរួមបោះឆ្នោត ​ជ្រើសតាំងតំណាងរាស្រ្ត នីតិ កាលទី៧ កាលពីម្សិលមិញ ​គឺមានចំនួនច្រើន ជាងចំនួនភាគរយពលរដ្ឋទៅបោះឆ្នោតជ្រើសរើស​ក្រុម ប្រឹក្សាឃុំសង្កាត់ ឆ្នាំ២០២២ ហើយក៏ច្រើនជាងចំនួនភាគរយពលរដ្ឋ​ទៅបោះឆ្នោត​ឆ្នាំ២០១៨ផងដែរ ។សម្រាប់ការបោះឆ្នោតថ្ងៃទី២៣ ខែកក្កដា នេះ គ.ជ.ប ក៏បានបញ្ជាក់ដែរថា ចំនួនអ្នកសង្កេត ការណ៍ជាតិ បានចូលរួមការងារបោះឆ្នោត ចំនួនជាងជាង៨ម៉ឺន៩ពាន់នាក់ ហើយក៏មានវត្តមាន​ក្រុមអ្នក សង្កេតការណ៍អន្តរជាតិ ចំនួនជាង៦០០នាក់ មកពី៦១ស្ថាប័នផងដែរ ៕អត្ថបទ៖ គឹមហុក

ក្រុមហ៊ុន Unilever អនុញ្ញាតឲ្យកម្មកររុស្ស៊ីចំនួន៣.000របស់ខ្លួន ត្រូវបានជ្រើសរើសឲ្យបម្រើយោធា

2023/07/24 11:26:12 am        82
Facebook Telegram Linkin
រុស្ស៊ី៖ ក្រុមហ៊ុន Unilever នឹងអនុញ្ញាតឲ្យកម្មកររុស្ស៊ីរាប់ពាន់នាក់របស់ខ្លួន ត្រូវបានបញ្ចូលទៅក្នុងសង្រ្គាមអ៊ុយក្រែន ខណៈដែលជម្លោះកាន់តែស៊ីជម្រៅលើការសម្រេចចិត្តរបស់ខ្លួនក្នុងការបន្តលក់នៅក្នុងប្រទេសនេះ។ក្រុមហ៊ុនអាហារខ្នាតយក្ស ដែលមានមោទនភាពចំពោះ«គោលបំណងសង្គម»របស់ខ្លួន បានបញ្ជាក់ថា ខ្លួនបានដឹងអំពីច្បាប់របស់រុស្ស៊ី «តម្រូវឲ្យក្រុមហ៊ុនណាមួយ ដែលកំពុងប្រតិបត្តិការ នៅក្នុងប្រទេសរុស្ស៊ីអនុញ្ញាតឲ្យជ្រើសរើសបុគ្គលិកចូលបម្រើយោធា ប្រសិនបើពួកគេត្រូវបានកោះហៅ» នៅក្នុងលិខិតមួយទៅកាន់ក្រុមយុទ្ធនាការ B4Ukraine។លោក Reginaldo Ecclissato ជាប្រធានប្រតិបត្តិការអាជីវកម្ម និងជាមន្រ្តីខ្សែសង្វាក់ផ្គត់ផ្គង់របស់ក្រុមហ៊ុនUnilever បានបន្ថែមថា៖«យើងតែងតែគោរពតាមច្បាប់ទាំងអស់នៃប្រទេសដែលយើងធ្វើប្រតិបត្តិការនៅក្នុងនោះ។វានឹងជំរុញឲ្យមានការរិះគន់លើការសម្រេចចិត្តរបស់ក្រុមហ៊ុន Unilever ក្នុងការបន្តលក់អាហារ និងផលិតផលអនាម័យ នៅក្នុងប្រទេសរុស្ស៊ី ខណៈដែលគូប្រជែង បានចាកចេញ ដើម្បីឆ្លើយតបទៅនឹង្គ្រាម នៅអ៊ុយក្រែន។ក្រុមហ៊ុនដែលជាម្ចាស់សាប៊ូ Marmite និង Dove បាននិយាយកាលពីឆ្នាំមុនថា ខ្លួននឹងពិនិត្យមើលប្រតិបត្តិការរបស់ខ្លួននៅក្នុងប្រទេសរុស្ស៊ី ប៉ុន្តែនៅតែលក់អ្វីដែលខ្លួនយល់ថាជា «អាហារចាំបាច់ប្រចាំថ្ងៃ» នៅក្នុងប្រទេស រួមទាំងការ៉េមផងដែរ។ក្រុមហ៊ុន Unilever ត្រូវបានគេដាក់ឈ្មោះថា ជាអ្នកឧបត្ថម្ភសង្គ្រាមដោយរដ្ឋាភិបាលអ៊ុយក្រែន បន្ទាប់ពីបានបន្តបង់ពន្ធ នៅក្នុងប្រទេសរុស្ស៊ី។

មនុស្ស ១០នាក់ បានស្លាប់ បន្ទាប់ពីដំបូលកន្លែងហាត់ប្រាណនៅប្រទេសចិនបាក់រលំ

2023/07/24 11:20:50 am        103
Facebook Telegram Linkin
ចិន៖ ប្រព័ន្ធផ្សព្វផ្សាយរដ្ឋ បានរាយការណ៍ នៅថ្ងៃចន្ទ (ទី២៤ ខែកក្កដា)នេះ ថា ដំបូលបេតុងនៃកន្លែងហាត់ប្រាណរបស់សាលាមួយ បានរលំបាក់ នៅក្នុងទីក្រុង Qiqihar (ឈីឈីងហា) របស់ប្រទេសចិន កាលពីថ្ងៃអាទិត្យ (ទី២៣ ខែកក្កដា) ដោយបានសម្លាប់មនុស្ស ១០នាក់ ខណៈមនុស្សម្នាក់ នៅតែជាប់ក្នុងគំនរបែកបាក់របស់ដំបូលនោះ។យោងតាមទូរទស្សន៍ CCTV បានឲ្យដឹងថា ដំបូងឡើយ គេគិតថា មនុស្ស ១៥នាក់ ត្រូវបានជាប់នៅក្រោមគំនរបាក់បែកនោះ តែអាជ្ញាធរយកចេញបាន ១៤នាក់ ហើយសារព័ត៌មាន Xinhua បានផ្សាយថា យោងតាមនាយកដ្ឋានពន្លត់អគ្គិភ័យ និងជួយសង្គ្រោះខេត្ត បានឲ្យដឹងដឹងថា ការបាក់រលំនៅសាលាបឋមសិក្សាលេខ៣៤ ក្នុងសង្កាត់ Longsha នៅទីក្រុង Qiqihar ស្ថិតនៅក្នុងខេត្ត Heilongjiang (ហីឡុងជាំង) ភាគឦសាននៃប្រទេសចិននេះ ត្រូវបានរាយការណ៍ឲ្យដឹងនៅម៉ោង ២:៥៦នាទីរសៀល (ត្រូវនឹងម៉ោង ៦:៥៦នាទីព្រឹកម៉ោងសកល) កាលពីថ្ងៃអាទិត្យ (ទី២៣ ខែកក្កដា)។មានមនុស្ស១៩នាក់នៅកន្លែងហាត់ប្រាណនោះ ពេលគ្រោះថ្នាក់នេះបានកើតឡើង ហើយយោងតាមប្រព័ន្ធផ្សព្វផ្សាយរដ្ឋ បានឲ្យដឹងថា មនុស្ស ៤នាក់ បានគេចផុតពីការបាក់រលំនេះ តែ ១៥នាក់ទៀត ត្រូវបានជាប់នៅក្រោមនោះ។សារព័ត៌មាន Xinhua បានឲ្យដឹងទៀតថា ការស៊ើបអង្កេតស៊ីជម្រៅ កំពុងបន្តធ្វើ ហើយបុគ្គលដែលទទួលខុសត្រូវនៅក្រុមហ៊ុនសំណង់ ត្រូវបាននាំខ្លួនទៅឃុំនៅប៉ុស្តិ៍នគរបាលហើយ៕

អាមេរិកបារម្ភខ្លាំង ចំពោះករណីរំលោភបំពានផ្លូវភេទ នៅឥណ្ឌា ក្នុងវីដេអូចែករំលែកគ្នាយ៉ាងទូលំទូលាយ និងឆាប់រហ័ស

2023/07/24 10:55:45 am        193
Facebook Telegram Linkin
អាមេរិក៖ សហរដ្ឋអាមេរិក បាននិយាយ កាលពីថ្ងៃអាទិត្យ (ទី២៣ ខែកក្កដា) ថា ខ្លួនមានការបារម្ភយ៉ាងខ្លាំងចំពោះរបាយការណ៍នៃវីដេអូចែករំលែកគ្នាយ៉ាងឆាប់រហ័ស ដែលបង្ហាញពីនារី២នាក់ ត្រូវបានបង្ខំឲ្យដើរដង្ហែតាមផ្លូវទាំងអាក្រាតកាយ នៅរដ្ឋ Manipur ភាគឦសាននៃប្រទេសឥណ្ឌា ដោយនេះជាករណីរំលោភផ្លូវភេទ ដែលបង្កឲ្យមានការខឹងសម្បាទូទាំងប្រទេស។ការបំពារបំពាន ដែលត្រូវបានចោទប្រកាន់ថា រំលោភបូក និងដង្ហែនារីអាក្រាតកាយនោះ បានកើតឡើងជាង ២ខែមុន ប៉ុន្តែករណីនោះ បានទាក់ទាញចំណាប់អារម្មណ៍ពីមជ្ឈដ្ឋានទាំងក្នុងប្រទេស និងពិភពលោក នៅពេលដែលវីដេអូនេះ ត្រូវបានចែករំលែកយ៉ាងទូលំទូលាយ និងយ៉ាងឆាប់រហ័ស នៅលើបណ្ដាញទំនាក់ទំនងសង្គម កាលពីសប្តាហ៍មុន។ ក្រោយមក នគរបាលបានចាប់ខ្លួនមនុស្សមួយចំនួន។អ្នកនាំពាក្យក្រសួងការបរទេសអាមេរិក បានហៅហេតុការណ៍នេះថា ជាអំពើ «ឃោរឃៅ» និង «គួរឲ្យខ្លាច» ហើយបាននិយាយថា សហរដ្ឋអាមេរិកសូមបង្ហាញនូវក្ដីអាណិតអាសូរ ចំពោះជនរងគ្រោះយ៉ាងស្មោះអស់ពីចិត្ត។ទង្វើអសីលធម៌នេះ ត្រូវបានរាយការណ៍ឲ្យដឹងដោយជនរងគ្រោះ ដែលមានអាយុ ២១ឆ្នាំម្នាក់ និង ១៩ឆ្នាំម្នាក់ កាលពីខែឧសភា អំឡុងពេលមានការប៉ះទង្គិចគ្នាដោយហិង្សា រវាងជនជាតិភាគតិចកុលសម្ព័ន្ធគូគី (Kuki) និងជនជាតិភាគតិចភាគច្រើនម៉ីតី (Meitei) ជុំវិញការផ្លាស់ប្តូរដែលអាចនឹងកើតមាន ដែលផ្ដល់ផលប្រយោជន៍ខាងសេដ្ឋកិច្ចដល់ជនជាតិភាគតិចគូគី (Kuki) ច្រើនជាង។បញ្ហានេះត្រូវបានដោះស្រាយបន្ទាប់ពីទីក្រុងញូវដេលី (New Delhi) បានប្រញាប់ប្រញាល់បញ្ចូនទាហានប៉ារ៉ា និងកងទ័ពរាប់ពាន់នាក់ទៅកាន់រដ្ឋ ដែលមានប្រជាជនចំនួន ៣,២លាននាក់នេះ។ ប៉ុន្តែអំពើហិង្សា និងការកាប់សម្លាប់ បានបន្តកើតឡើងវិញមិនយូរប៉ុន្មាន ហើយរដ្ឋនៅតែមានភាពតានតឹង ចាប់តាំងពីពេលនោះមក។ មនុស្សយ៉ាងហោចណាស់ ១២៥នាក់ ត្រូវបានសម្លាប់ និងជាង ៤០.០០០នាក់ បានភៀសខ្លួនចេញពីគេហដ្ឋានរបស់ពួកគេ ចាប់តាំងពីអំពើហិង្សា បានផ្ទុះឡើងនៅរដ្ឋ Manipur នេះ៕

អេស្ប៉ាញធ្លាក់ក្នុងភាពចលាចលខាងនយោបាយ ក្រោយការបោះឆ្នោតដែលពុំមានអ្នកឈ្នះដាច់

2023/07/24 10:51:52 am        159
Facebook Telegram Linkin
អេស្ប៉ាញ៖ អេស្ប៉ាញទំនងជាបានឈានទៅដល់ដំណាក់កាលព្យួរសភាបន្ទាប់ពីការបោះឆ្នោតជាតិកាលពីថ្ងៃអាទិត្យ ភាគីឆ្វេង និងស្តាំនិយម មិនអាចទទួលបានជ័យជម្នះច្បាស់លាស់ឆ្ពោះទៅរកការបង្កើតរដ្ឋាភិបាលថ្មីបាន។ខណៈការរាប់សន្លឹកឆ្នោតបាន៩៩%នៅម៉ោង ១១:៤៥នាទី យប់ កាលពីថ្ងៃអាទិត្យ គណបក្សប្រឆាំងអភិរក្សនិយម (PP) ទទួលបាន១៣៦ អាសនៈស្របពេលគណបក្ស ពលករសង្គមនិយម(PSOE) កំពុងកាន់អំណាចរបស់នាយករដ្ឋមន្ត្រី ផេត្រូ សាន់ឆេស(Pedro Sanchez)ទទួលបាន ១២២ អាសនៈ។គណបក្សមួយចំនួន ដែលមានចំណែកសំខាន់បំផុតក្នុងការក្លាយជាបក្សបង្គ្រប់សំឡេង គឺគណបក្សស្តាំនិយម Vox ទទួលបាន ៣៣អាសនៈ និងគណបក្សឆ្វេងនិយមជ្រុល ស៊ូម៉ា (Sumar) ទទួលបាន៣១អាសនៈ។លទ្ធផលសម្រាប់គណបក្ស Vox ដែលបានធ្វើយុទ្ធនាការលើវេទិការឡើងវិញនៃច្បាប់ស្តីពីអំពើហិង្សា យេនឌ័រ សិទ្ធិមនុស្សស្រឡាញ់ភេទដូចគ្នាឬ LGBTQ ការរំលូតកូន និងការប្រើប្រាស់ថ្នាំបំបាត់ការឈឺចាប់  បានបាត់បង់១៩ អាសនៈ បើធៀបទៅនឹង បួនឆ្នាំមុន។ខណៈក្រុមសង្គមនិយមរបស់ Sanchez បានបញ្ចប់ក្នុងចំណាត់ថ្នាក់លេខ ២ ពួកគេ និងគណបក្សសម្ព័ន្ធមិត្តរបស់ពួកគេបានអបអរលទ្ធផលនេះថាជាជ័យជម្នះចាប់តាំងពីការរួមកម្លាំងគ្នារបស់ពួកគេ ទទួលបានអាសនៈច្រើនជាងគណបក្ស PP និង គណបក្សស្តាំនិយមបន្តិច។  ប្លុកដែលទំនងជាអាចគាំទ្រលោក Sanchez ទទួលបានអាសនៈសរុប ១៧២ អាសនៈ ខណៈ ប្លុកស្តាំនិយមតាមពីក្រោយរបស់មេដឹកនាំគណបក្ស PP លោក អាល់ប៊ើតូ នូណេសហ្វេចូ(Alberto Nunez Feijoo) ទំនងទទួលបាន១៧០អាសនៈ៕

បណ្ដាញសង្គម

ព័ត៌មានថ្មីៗ

ក្រសួងការងារ បន្តយុទ្ធនាការថ្ងៃទី៣ ដើម្បីជំរុញការផ្តល់ឱកាសការងារជូនដល់ពលករខ្មែរទើបត្រឡប់មកពីប្រទេសថៃ
08/20/2025 10:08 PM
Facebook Telegram Linkin
រដ្ឋមន្ត្រីសុខាភិបាល «ប្រធាន និងថ្នាក់ដឹកនាំអង្គភាព គឺជាបុគ្គលគំរូបម្រើផលប្រយោជន៍ជូនសហភាតរៈក្នុងវិជ្ជាជីវៈ និងសាធារណជន»
08/20/2025 08:08 PM
Facebook Telegram Linkin
ស្នងការរាជធានី បញ្ជារឲ្យរឹតបន្តឹងកាន់តែខ្លាំង លើម៉ូតូកៃច្នៃបំពង់ស៊ីម៉ាំងបង្កសម្លេងរំខានដល់ពលរដ្ឋ តាមទីសាធារណៈ
08/20/2025 08:08 PM
Facebook Telegram Linkin
មនី្ទរសុខាភិបាលរាជធានី បន្តបុរេសកម្ម និងពង្រឹងការឆ្លើយតបទៅនឹងការកើនឡើងជំងឺគ្រុនឈាម នៅក្នុងរដូវវស្សា
08/20/2025 08:08 PM
Facebook Telegram Linkin
រដ្ឋអាជ្ញា៖ ការរកឃើញដំបូងបង្ហាញថា យានដ្រូនយោធា បានធ្លាក់ចូលដែនដីរបស់ប៉ូឡូញ
08/20/2025 08:08 PM
Facebook Telegram Linkin
លោក Lavrov៖ កិច្ចពិភាក្សាសន្តិសុខដោយគ្មានរុស្ស៊ី គឺជាផ្លូវមិននាំទៅកាន់ជោគជ័យ
08/20/2025 08:08 PM
Facebook Telegram Linkin
រដ្ឋមន្ត្រីការបរទេសអាល្លឺម៉ង់គាំទ្រដំណោះស្រាយរដ្ឋ២ អ៊ីស្រាអែល-ប៉ាឡេស្ទីន អំឡុងទស្សនកិច្ច នៅឥណ្ឌូនេស៊ី
08/20/2025 08:08 PM
Facebook Telegram Linkin
សាស្ត្រាចារ្យលោកគ្រូអ្នកគ្រូវិទ្យាល័យស្វាយរៀងបន្តនាំយកគ្រឿងឧបភោគបរិភោគទៅផ្តល់ឧបត្ថម្ភបន្ថែមជូនវីរៈកងទ័ពនៅសមរភូមិជួរមុខ
08/20/2025 07:08 PM
Facebook Telegram Linkin
លទ្ធផលនៃកិច្ចប្រជុំរបស់ក្រុមប្រឹក្សាជាតិប្រាក់ឈ្នួលអប្បបរមាអាណត្តិទី៤ (២០២៥-២០២៦)
08/20/2025 07:08 PM
Facebook Telegram Linkin
បេឡារុស និងអ៊ីរ៉ង់ គ្រោងពង្រឹងទំនាក់ទំនងយោធា និងវិស័យផ្សេងទៀត
08/20/2025 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.