នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

BREAKING NEWS សម្ដេចតេជោ ហ៊ុន សែន ប្រកាសថានឹងកាន់តួនាទីជាប្រធានព្រឹទ្ធសភា ជំនួសសម្ដេចវិបុលសេនាភក្ដី សាយ ឈុំ

2023/07/26 09:31:43 pm        1712
Facebook Telegram Linkin
ភ្នំពេញ៖ ថ្លែងក្នុងសារពិសេសនៅរសៀលថ្ងៃទី២៦ ខែកក្កដា ឆ្នាំ២០២៣នេះ សម្ដេចតេជោ ហ៊ុន សែន បានប្រកាសបញ្ជាក់ថា សម្ដេចនឹងកាន់តួនាទីជាប្រធានព្រឹទ្ធសភា ហើយនឹង​ជួយ​ដ​ល់​ព្រះករុណា ព្រះមហាក្សត្រ ក្នុងពេលដែលព្រះអង្គអវត្តមានក្នុងឱកាសណាមួយ ដែលចំណុចនេះ គឺ​ជា​ការរៀបចំឱ្យការដំណើរការទៅរបស់ប្រទេសកម្ពុជាជាប្រក្រតីភាព។សម្តេចតេជោ ហ៊ុន សែន បានបញ្ជាក់ថា ព្រឹកមិញនេះ ក្នុងពេលចូលគាល់ព្រះព្រះករុណា ព្រះមហាក្សត្រ ទ្រង់ទទួលយល់ព្រម​តាម​ការស្នើសុំ​របស់​គណបក្ស​ដែល​ទទួល​បាន​សំឡេង​ឆ្នោត​ច្រើន​ជាងគេ ក្នុងការចេញព្រះរាជក្រឹត្យតែងតាំងឯកឧត្ដមបណ្ឌិត ហ៊ុន ម៉ាណែត ជានាយករដ្ឋមន្រ្ដី។ជាមួយគ្នានេះដែរ សម្តេចតេជោ ហ៊ុន សែន បានបញ្ជាក់ដែរថា សម្ដេចអគ្គមហាពញាចក្រី ហេង សំរិន, សម្ដេចក្រឡាហោម ស ខេង ,សម្ដេចកិត្តិសង្គហបណ្ឌិត ម៉ែន សំអន និងសម្ដេចពិជ័យសេនា ទៀ បាញ់ ក៏​នឹង​ត្រូវ​ចុះ​ចេញ​ពី​តំណែង និងត្រូវតែងតាំងជាឧត្តមក្រុមប្រឹក្សាផ្ទាល់ព្រះមហាក្សត្រផងដែរ។សម្តេចតេជោ ហ៊ុន សែន បានប្រកាសអំពាវនាវដល់បងប្អូនជនរួមជាតិទាំងអស់ សូមកុំ​មាន​ការ​បារម្ភ​ចំពោះ​ការ​ចាក​ចេញ​ពីតំណែងជានាយករដ្ឋមន្រ្ដីរបស់សម្ដេច។

សម្ដេចតេជោ ហ៊ុន សែន ប្រកាសមិនបន្តកាន់មុខតំណែងជានាយករដ្ឋមន្ត្រីទៀតទេ

2023/07/26 09:06:18 pm        384
Facebook Telegram Linkin
ភ្នំពេញ៖ សម្តេចតេជោ ហ៊ុន សែន ប្រកាសថា សម្ដេចនឹងមិនបន្តកាន់មុខតំណែង​ជានាយករដ្ឋមន្រ្ដី​ទៀត​ទេ។សម្តេច​តេជោ បានបញ្ជាក់ថា គឺជាការចាំបាច់ខ្លាំងណាស់ក្នុងការរៀបចំ គណៈរដ្ឋមន្រ្ដីថ្មីមួយ ដែលមានថ្នាក់ដឹកនាំវ័យក្មេងជំនាន់ក្រោយ ដឹកនាំរាជរដ្ឋាភិបាល។យោងតាមសារពិសេសនៅរសៀលថ្ងៃទី២៦ ខែកក្កដានេះ សម្តេចតេជោ ហ៊ុន សែន បានប្រកាសសអំណរគុណដល់បងប្អូនជនរួមជាតិទាំអស់ ដែលបានជឿទុកចិត្តចំពោះគណបក្សប្រជាជនកម្ពុជា និងបន្តបោះឆ្នោតគាំទ្រដល់គណបក្សប្រជាជនកម្ពុជា យ៉ាងច្រើនលើសលុប ដើម្បីដឹកនាំរាជរដ្ឋាភិបាល។សម្តេចតេជោ ហ៊ុន សែន បានប្រកាសថា ការបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ គឺជាការបោះឆ្នោតបំបែកឯតទគ្គកម្ម ដែលមានអ្នកចូលរួមមកបោះឆ្នោតច្រើនជាងគេ ដែលចំនួន៨៤,៥៨ភាគរយ។សម្តេចតេជោ ហ៊ុន សែន បានបញ្ជាក់ថា មូលហេតុដែលសម្ដេចប្រញាប់លាលែងពីតំណែងនាយករដ្ឋមន្រ្ដី គឺជាការរៀបចំទុកជាមុន ដើម្បីការរក្សាស្ថិរភាពរយៈពេលវែងរបស់ប្រទេសកម្ពុជា ហើយសន្ដិភាព ស្ថិរភាពរយៈពេលវែងនេះហើយ ដែលជាមូលដ្ឋានគ្រឹះក្នុងការអភិវឌ្ឍប្រទេសកម្ពុជា។សម្តេចតេជោ ហ៊ុន សែន បានបញ្ជាក់ថា សម្ដេចសម្ដេចកិត្តិសង្គហបណ្ឌិត ម៉ែន សំអន និងសម្ដេច ក្រឡាហោម ស ខេង ជាដើម ក៏នឹងចាកចេញពីតួនាទីដែរ។ ប៉ុន្ដែសម្ដេចតេជោ បានបញ្ជាក់ថា សម្ដេចនឹងនៅតែបន្តតំណែងជាប្រធានគណបក្សប្រជាជនកម្ពុជា៕

សមយុទ្ធយោធារួមរបស់រុស្ស៊ីនិងចិននៅអាស៊ីកំពុងធ្វើឲ្យមន្ទីរបញ្ចកោណព្រួយបារម្ភយ៉ាងខ្លាំង

2023/07/26 08:44:50 pm        376
Facebook Telegram Linkin
រុស្ស៊ី-ចិន៖ ប្រទេសរុស្ស៊ី និងចិនកំពុងបង្កើនសមយុទ្ធយោធារួមគ្នានៅអាស៊ី និងប៉ាស៊ីហ្វិក ហើយសកម្មភាពរបស់ពួកគេ កំពុងចាប់ផ្តើមធ្វើឲ្យមន្ទីរបញ្ចកោណមានការព្រួយបារម្ភយ៉ាងខ្លាំង។យោងតាមប្រព័ន្ធផ្សព្វផ្សាយរដ្ឋរបស់ចិន បានឲ្យដឹងថា កាលពីថ្ងៃអាទិត្យ ទីក្រុងប៉េកាំងនិងទីក្រុងមូស្គូ បានបញ្ចប់សមយុទ្ធដែនអាកាស និងកងទ័ពជើងទឹកដ៏ធំនៅសមុទ្រជប៉ុន រួមទាំងបេសកកម្មប្រឆាំងនាវាមុជទឹក ការហ្វឹកហ្វឺនការពារដែនសមុទ្រ និងអាកាស និងសមប្រយុទ្ធ។ ក្រុមមេដឹកនាំ បាននិយាយថា ការអនុវត្តសាកល្បង គឺផ្តោតលើ«ការការពារ»ការដឹកជញ្ជូនតាមសមុទ្រក្នុងតំបន់ ដែលអាចជាការនិយាយចំអកចំពោះភាសាដែលរដ្ឋបាលលោកបៃដិន បានប្រើដើម្បីធ្វើឲ្យមានភាពត្រឹមត្រូវនៃវត្តមានយោធារបស់ខ្លួនដែលកំពុងកើនឡើង នៅក្នុងសមុទ្រចិនខាងត្បូង និងច្រកសមុទ្រតៃវ៉ាន់។កាលពីខែមុន យន្តហោះទម្លាក់គ្រាប់បែក H-6 របស់ចិនចំនួន៤គ្រឿង និងយន្តហោះទម្លាក់គ្រាប់បែក Tu-95 របស់រុស្ស៊ី ចំនួនពីរគ្រឿង បានធ្វើការល្បាតរួមគ្នារវាងប្រទេសជប៉ុន និងកូរ៉េខាងត្បូង និងបន្តទៅភាគខាងត្បូងឆ្ពោះទៅកាន់ប្រទេសហ្វីលីពីន និងកោះហ្គាំ (Guam) ដែលជាមូលដ្ឋានទាំងអស់សម្រាប់កងកម្លាំងអាមេរិក។ ប្រតិបត្តិការនេះ បានបណ្តាលឲ្យទាំងទីក្រុងតូក្យូ និងទីក្រុងសេអ៊ូល ប្រឹងប្រែងធ្វើសកម្មភាព ដើម្បីការពារដែនអាកាសរបស់ពួកគេ ហើយហាក់ដូចជាការព្រមានដល់មេដឹកនាំនៃប្រជាជាតិប្រទេស Quad ដូចជាសហរដ្ឋអាមេរិក ជប៉ុន អូស្ត្រាលី និងឥណ្ឌា ដែលកំពុងជួបប្រជុំនៅទីក្រុងតូក្យូក្នុងសប្តាហ៍នោះ។ក្រុមមន្ត្រីការពារជាតិអាមេរិក បាននិយាយថា ពេលនេះ ពួកគេកំពុងធ្វើការវាស់វែងថាតើយោធាចិន និងរុស្ស៊ីនឹងសម្លឹងមើលការធ្វើសមយុទ្ធប្រភេទនេះដែលកាន់តែខិតទៅជិតទឹកដីអាមេរិក ឬយ៉ាងណា។ ហើយក៏មានការព្រួយបារម្ភផងដែរថា វិមានក្រឹមឡាំង អាចនឹងចែករំលែកទិន្នន័យសមរភូមិពីសង្គ្រាមរបស់ខ្លួន ក្នុងប្រទេសអ៊ុយក្រែនដែលពាក់ព័ន្ធនឹងប្រតិបត្តិការយោធាប្រឆាំងនឹងប្រព័ន្ធការពាររបស់សហរដ្ឋអាមេរិក និងអង្គការណាតូ ជាមួយនឹងប្រទេសចិន៕

ឱកាសការងារជិតមួយពាន់កន្លែង នឹងបង្ហាញក្នុងវេទិការការងារនៅថ្ងៃទី២៧ ខែកក្កដាស្អែកនេះ

2023/07/26 08:09:40 pm        401
Facebook Telegram Linkin
ភ្នំពេញ៖ ក្រុមហ៊ុនធំៗចំនួន៧ នាថ្ងៃទី២៧ កក្កដា ឆ្នាំ២០២៣ស្អែកនេះ នឹងផ្តល់ឱកាសការងារថ្មីបន្ថែមទៀតចំនួនជិត ១ពាន់កន្លែង សម្រាប់យុវជន សិស្ស/និស្សិត និងអ្នកកំពុងស្វែងរកការងារធ្វើនៅក្នុងកម្មវិធី “វេទិកាការងារ” ដែលសហការរៀបចំដោយទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ និងសហភាពសហព័ន្ធយុវជនកម្ពុជាវិស័យការងារ និងបណ្តុះបណ្តាលវិជ្ជាជីវៈ។ប្រភពពីទីភ្នាក់ងារជាតិមុខរបរ និងការងារ (NEA) បានឲ្យដឹងថា ក្រុមហ៊ុនធំទាំង៧ ដែលនឹងចូលរួមជ្រើសរើសបុគ្គលិកក្នុងវេទិកាការងារនេះ រួមមានក្នុងវិស័យធនគារ ផ្សារទំនើប និងអចលនទ្រព្យជាដើម។ ចំពោះសិស្ស/និស្សិត និងអ្នកកំពុងតែស្វែងរកការងារធ្វើ ឬចង់ផ្លាស់ប្តូរការងារអាចយក​ប្រវត្តិរូប​សង្ខេប (CV) ដើម្បីចូលរួមដាក់ពាក្យ ​និងសម្ភាសផ្ទាល់ជាមួយ​ អ្នកតំណាងក្រុមហ៊ុនទាំងនោះបាន ចាប់ពីព្រឹកម៉ោង៨ រហូតដល់ល្ងាចម៉ោង៥ ​នៅក្នុងបរិវេណក្រសួងការងារ​ និងបណ្តុះបណ្តាលវិជ្ជាជីវៈ ស្ថិតតាមបណ្តោយផ្លូវសហព័ន្ធរុស្ស៉ី។សូមបញ្ជាក់ថា វេទិកាការងារនេះ ក៏នឹងត្រូវបានអនុវត្តយ៉ាងម៉ត់ចត់នូវវិធានការណ៍បង្ការអនាម័យ ស្របតាមការណែនាំរបស់ក្រសួងសុខាភិបាល ៣ការពារ ៣កុំ ​ដើម្បីទប់ស្កាត់ការឆ្លង និងរីករាល​នៃជំងឺ កូវីដ-១៩ ដើម្បីអាចធានាបាននូវសុវត្ថិភាព ​និងទំនុកចិត្តក្នុងការជ្រើសរើសកម្លាំងពលកម្ម និងទទួលបានឱកាសការងារ សម្រាប់ភាគីនិយោជក និងអ្នកស្វែងរកការងារ៕

មន្ត្រីបក្សប្រជាជនប្តេជ្ញាធ្វើការងារផ្តល់សេវា និងអភិវឌ្ឍន៍មូលដ្ឋានឲ្យបានល្អ ក្រោយទទួលបានការគាំទ្រច្រើនពីពលរដ្ឋ

2023/07/26 08:04:07 pm        313
Facebook Telegram Linkin
កណ្ដាល៖ ក្រោយពីពលរដ្ឋខ្មែរបាននាំគ្នាបោះឆ្នោតជូនគណបក្សប្រជាជនកម្ពុជា ក្នុងឱកាសការបោះឆ្នោតជាតិឆ្នាំ២០២៣ កាលពីថ្ងៃទី២៣ ខែកក្តដា លទ្ធផលបឋម បង្ហាញថាមានសម្លេងភាគច្រើនលើសលុប , នៅពេលនេះ បណ្តាមន្ត្រី សមាជិក សមាជិការគណបក្សប្រជាជនកម្ពុជា នៅតាមមូលដ្ឋាន បានប្តេជ្ញាបង្កើនសកម្មភាព បំពេញការងារ ផ្តល់សេវា និងអភិវឌ្ឍន៍មូលដ្ឋានជូនពលរដ្ឋឲ្យបានខ្លាំងកា្ល ទៅតាមកម្មវិធីនយោបាយគណបក្សប្រជាជនកម្ពុជា ដែលបានឃោសនាមុនការបោះឆ្នោត។បើតាម ឯកឧត្តម ម៉ៅ ភិរុណ ប្រធានគណៈកម្មាធិការគណបក្សប្រជាជនកម្ពុជា ខេត្តកណ្តាល បានថ្លែងប្រាប់BTV នៅថ្ងៃទី២៦ ខែកក្កដានេះ ដោយលើកឡើងថ្លែងអំណរគុណជាខ្លាំង​ចំពោះពលរដ្ឋខេត្តកណ្តាលប្រមាណ៩០% បាននាំគ្នាអញ្ជើញទៅបោះឆ្នោតជ្រើសតាំង​តំណាងរាស្ត្រ​នីតិកាលទី៧ នៅថ្ងៃទី២៣ ខែកក្កដា ឆ្នាំ២០២៣នេះ ហើយតាមរយៈការនាំគ្នាបោះឆ្នោតជូន​គណបក្ស​ប្រជាជនច្រើនលើសលប់នេះ បណ្តាសមាជិក ​សមាជិកាបក្ស ​ហើយខ្លះជាថ្នាក់ដឹកនាំ ជាអាជ្ញាធរមូលដ្ឋាន តាមបណ្តាស្រុកក្រុង ឃុំសង្កាត់ គឺបានប្តេជ្ញាចិត្តបង្កើនសកម្មភាពឲ្យបាន​ខ្លាំងក្លា​ថែមទៀត អនុវត្តកម្មវិធីគោលនយោបាយបក្ស ​កម្មវិធីនយោបាយរាជរដ្ឋាភិបាល ផ្តល់សេវាមូលដ្ឋានជូនពលរដ្ឋឲ្យបានល្អ ​ខិតខំ​អភិវឌ្ឍន៍​មូលដ្ឋាន​ ជំរុញជីវភាពពលរដ្ឋ កាន់តែប្រសើរឡើង​ និងកាត់បន្ថយភាពក្រីពលរដ្ឋនៅកម្រិតទាបបំផុត។បើតាមថ្នាក់ដឹកនាំគណបក្សប្រជាជននៅសង្កាត់សិត្បូ ​និងសង្កាត់ស្វាយរលំក្រុងតាខ្មៅ ខេត្តកណ្តាលវិញ ​និងក្នុងនាមជាប្រតិបត្តិករផ្តល់សេវាផ្ទាល់នៅថ្នាក់ឃុំសង្កាត់ ក៏បានបង្ហាញ​ការប្តេជ្ញាថា នឹងបង្កើនការផ្តល់សេវាល្អ ជំរុញអភិវឌ្ឍន៍មូលដ្ឋានមានផ្លូវថ្នល់ស្អាត ​ស្រួលធ្វើដំណើរ ជាពិសេសខិតខំអនុវត្តគោលនយោបាយភូមិឃុំសង្កាត់ ​មានសុវត្ថិភាព​ ការពារសុខ ​សុវត្ថិភាព ការប្រកបរបរជូនពលរដ្ឋឲ្យបានល្អបំផុត។សូមបញ្ជាក់ថា នៅខេត្តកណ្តាល​មានពលរដ្ឋបោះឆ្នោតគាំទ្រ​គណបក្សប្រជាជនកម្ពុជា មាន​ប្រមាណជិត​៥៧ម៉ឺននាក់ ​ខណៈទូទាំងខេត្តមានពលរដ្ឋទៅបោះឆ្នោតជិត​៧៣ម៉ឺននាក់​ស្មើនឹង​ប្រមាណ៩០% ​នៃចំនួនអ្នកមានឈ្មោះបោះឆ្នោតសរុបនៅក្នុងបញ្ជី ៕ អត្ថបទ៖ ស៊ុម សុខជា

គោលនយោបាយបណ្ដុះបណ្ដាលយុវជនក្រីក្រ១,៥លាននាក់ គ្រោងនឹងអនុវត្តនៅចុងឆ្នាំនេះ

2023/07/26 07:55:58 pm        509
Facebook Telegram Linkin
 ភ្នំពេញ៖ គោលនយោបាយបណ្ដុះបណ្ដាលយុវជនក្រីក្រ និងងាយរងគ្រោះ ១,៥លាននាក់ គ្រោងនឹងអនុវត្ត នៅចុងឆ្នាំ២០២៣ ឬដើមឆ្នាំ២០២៤ ដោយស្របទៅតាមអនុសាសន៍ណែនាំរបស់​សម្តេចតេជោ អាស្រ័យទៅ លើក្រសួង និងស្ថាប័នពាក់ព័ន្ធ ។ នេះបើតាមការឱ្យដឹងពីអគ្គនាយករង នៃអគ្គនាយកដ្ឋានអប់រំ បណ្ដុះ បណ្តាលបច្ចេកទេស និងវិជ្ជាជីវៈ នៃក្រសួងការងារ និងបណ្ដុះបណ្ដាលវិជ្ជាជីវៈ ។ក្រសួងការងារ និងបណ្តុបណ្ដាលវិជ្ជាជីវៈ និងក្រសួងស្ថាប័នពាក់ព័ន្ធ ​កំពុងព្យាយាមពន្លឿនការ អនុវត្តគោលនយោបាយបណ្ដុះបណ្ដាលយុវជនក្រីក្រ ​និងងាយរងគ្រោះ ១,៥លាននាក់ ឱ្យបានលឿនតាម លទ្ធភាពអាចធ្វើទៅបាន ។ នេះបើតាមការបញ្ជាក់របស់ឯកឧត្តម ថង សាម៉ុន អគ្គនាយករង នៃអគ្គនាយក ដ្ឋានអប់រំ ​បណ្ដុះបណ្តាលបច្ចេកទេស និងវិជ្ជាជីវៈ​ នៃក្រសួងការងារ និងបណ្ដុះបណ្ដាលវិជ្ជាជីវៈ ប្រាប់BTV នៅថ្ងៃទី២៦ ខែកក្កដា នេះ ។ឯកឧត្តម បានឱ្យដឹងថា ការបណ្តុះបណ្តាលជំនាញវិជ្ជាជីវៈដល់យុវជនក្រីក្រ ​និងងាយរងគ្រោះ គឺ មានរយៈពេល៤ខែ ​សិក្សាលើមុខជំនាញជាច្រើន រួមមាន៖ វិស័យសំណង់ ​អគ្គិសនី មេកានិច អេឡិចត្រូ និក​ និងខាងវិស័យទេសសចរណ៍ ជាដើម ។ នៅថ្ងៃទី២៣ ខែមករា ឆ្នាំ២០២៣ សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានណែនាំឱ្យ​ក្រសួងការងារ និងក្រសួង ស្ថាប័នផ្សេងៗទៀត រួមសហការរៀបចំគោលនយោបាយជាតិ​បណ្ដុះ​បណ្ដាល​ជំនាញវិជ្ជាជីវៈដល់យុវជនក្នុងគ្រួសារក្រីក្រ ​និងងាយរងគ្រោះប្រមាណ​ ១,៥លាននាក់ ដើម្បីឆ្លើយតប​នឹងតម្រូវការទីផ្សារការងារនៅកម្ពុជា​ ព្រមទាំងការលើកកម្ពស់ជីវភាព​ពួកគេឲ្យកាន់តែប្រសើរ ​ដើម្បីសម្រេឲ្យបានតាមគោលនយោបាយជាតិឆ្នាំ២០៣០ ប្រទេសកម្ពុជានឹងក្លាយជាប្រទេសមានចំណូលមធ្យមកម្រិតខ្ពស់៕អត្ថបទ៖ សោភ័ណ

តៃវ៉ាន់ ធ្វើសមយុទ្ធយោធានៅអាកាសយានដ្ឋានអន្តរជាតិធំ

2023/07/26 07:48:01 pm        272
Facebook Telegram Linkin
តៃវ៉ាន់៖ កោះតៃវ៉ាន់ បានធ្វើសមយុទ្ធចុះចតប្រឆាំងយន្តហោះនៅអាកាសយានដ្ឋានអន្តរជាតិធំរបស់ខ្លួននៅថ្ងៃពុធនេះ ដោយបង្ហាញពីយុទ្ធសាស្ត្រការពាររបស់ខ្លួនប្រឆាំងការវាយលុកតាមអាកាសរបស់ទាហានឆ័ត្រយោង និងឧទ្ធម្ភាគចក្រ។ នេះជាលើកដំបូងហើយដែលអាកាសយានដ្ឋានអន្តរជាតិ Taoyuan (ថាវយ័ន) ដែលជាបណ្តាញផ្លូវអាកាសដ៏សំខាន់បំផុតរបស់កោះនេះជាមួយពិភពលោក ចូលរួមក្នុងសមយុទ្ធ « Han Kuang » (ហានគ័ង) ប្រចាំឆ្នាំ។ឧទ្ធម្ភាគចក្រ ៦ គ្រឿង និងទាហានប្រមាណ ១៨០នាក់ បានចូលរួមក្នុងសមយុទ្ធនេះ ដែលប្រដូចធ្វើជាការវាយរុញច្រានកងកម្លាំងសត្រូវដែលបានរឹបអូសទីតាំងគ្រប់គ្រងចរាចរណ៍ដែនអាកាសនៅព្រលានយន្តហោះ។ កោះតៃវ៉ាន់ បានលុបចោលសមយុទ្ធយោធាប្រចាំឆ្នាំមួយចំនួនរបស់ខ្លួនកាលពីថ្ងៃអង្គារ សម្រាប់ហេតុផលសុវត្ថិភាព ខណៈអាជ្ញាធរបានបង្កើនការត្រៀមលក្ខណៈជាមុនសម្រាប់អ្វីដែលពួកគេនិយាយថាអាចជាព្យុះទីហ្វុងកំណាចបំផុតដែលនឹងវាយបក់មកលើកោះនេះក្នុងរយៈពេលជិតបួនឆ្នាំមកនេះ។

ផ្កាយរណបបង្ហាញពី ក្រុងព្យុងយ៉ាងមានផែនការធ្វើព្យុហយាត្រាយោធាទ្រង់ទ្រាយធំ មុនខួបសង្គ្រាម

2023/07/26 07:45:49 pm        309
Facebook Telegram Linkin
កូរ៉េខាងជើង៖ លោក Yang Moo-jin សាស្ត្រាចារ្យនៅសាកលវិទ្យាល័យសិក្សាពីកូរ៉េខាងជើងក្នុងទីក្រុងសេអ៊ូល បាននិយាយថា រូបភាពផ្កាយរណបនៅរដ្ឋធានីព្យុងយ៉ាងរបស់កូរ៉េខាងជើងបានបង្ហាញថា ប្រទេសកូរ៉េខាងជើងកំពុងរៀបចំព្យុហយាត្រាយោធាពេលយប់ទ្រង់ទ្រាយធំ ដើម្បីប្រារព្ធខួបលើកទី ៧០ នៃបទឈប់បាញ់សង្គ្រាមកូរ៉េ។ រូបភាពពីក្រុមហ៊ុន Umbra មានមូលដ្ឋាននៅសហរដ្ឋអាមេរិក ដែលប្រើផ្កាយរណបថតរូបភាពរ៉ាដា ដើម្បីមើលតាមការគ្របដណ្តប់ពពក បង្ហាញពីទម្រង់ការបង្កើតដ៏ធំនៃលេខ «៧០» និងពាក្យផ្សេងទៀតដូចជា «ជ័យជំនះ» និង «ជោគជ័យ» នៅទីលាន គីម អ៊ីលស៊ុង។លោក Yang បាននិយាយថា ក្បួនព្យុហយាត្រាយោធានៅទីក្រុងព្យុងយ៉ាង ទំនងជារួមមានបុគ្គលិករហូតដល់ ១៥.០០០នាក់ ហើយអាចបង្ហាញពីការរៀបចំថ្មីនៃអាវុធដែលមានសមត្ថភាពបំពាក់នុយក្លេអ៊ែរ។ ប្រទេសកូរ៉េខាងជើងប្រារព្ធខួបនៅថ្ងៃទី ២៧ ខែកក្កដា ជាជ័យជម្នះលើកងកម្លាំងសម្ព័ន្ធមិត្តដឹកនាំដោយសហរដ្ឋអាមេរិកនៅក្នុងសង្គ្រាមកូរ៉េឆ្នាំ ១៩៥០ដល់ឆ្នាំ១៩៥៣ ដែលផ្តល់ឱកាសឱ្យទីក្រុងព្យុងយ៉ាងបង្ហាញពីថ្ងៃនៃសង្រ្គាមត្រជាក់ នៅពេលដែលកងទ័ពកូរ៉េខាងជើងបានប្រយុទ្ធដោយមានការគាំទ្រពីប្រទេសចិន និងរុស្ស៊ី។ កូរ៉េខាងជើងនៅតែស្ថិតក្នុងសង្គ្រាមបច្ចេកទេសជាមួយសម្ព័ន្ធមិត្តដឹកនាំដោយសហរដ្ឋអាមេរិក បន្ទាប់ពីការប្រយុទ្ធបានបញ្ចប់ក្នុងបទឈប់បាញ់ ជាជាងសន្ធិសញ្ញាសន្តិភាពផ្លូវការ។យោងតាមប្រព័ន្ធផ្សព្វផ្សាយរដ្ឋបានឲ្យដឹង ទីក្រុងព្យុងយ៉ាង បានអញ្ជើញមន្ត្រីជាន់ខ្ពស់ចិន និងរុស្ស៊ី ។ ប្រទេសទាំងពីគឺជាគណៈប្រតិភូបរទេសដ៏ល្បីដំបូងគេដែលធ្វើទស្សនកិច្ចនៅប្រទេសកូរ៉េខាងជើងចាប់តាំងពីជំងឺរាតត្បាត COVID-19 បានចាប់ផ្តើម ហើយធ្វើឡើងខណៈទីក្រុងព្យុងយ៉ាង បានសម្លឹងមើលដើម្បីធ្វើឲ្យស៊ីជម្រៅទំនាក់ទំនងរបស់ខ្លួនជាមួយទីក្រុងប៉េកាំង និងទីក្រុងមូស្គូ៕

វិមានក្រឹមឡាំង៖ លោក Putin នឹងធ្វើទស្សនកិច្ចនៅប្រទេសចិនក្នុងខែតុលា

2023/07/26 07:43:18 pm        136
Facebook Telegram Linkin
រុស្ស៊ី៖ មន្ត្រីវិមានក្រឹមឡាំងបាននិយាយថា ប្រធានាធិបតីរុស្ស៊ីលោក វ្ល៉ាឌីមៀ ពូទីន មានបំណងធ្វើទស្សនកិច្ចនៅប្រទេសចិននៅក្នុងខែតុលា។ លោក Yury Ushakov បានប្រាប់សារព័ត៌មានរដ្ឋរុស្ស៊ី និងប្រព័ន្ធផ្សព្វផ្សាយផ្សេងទៀតកាលពីថ្ងៃអង្គារថា លោក ពូទីន មានផែនចូលរួមវេទិកាស្តីពីគំនិតផ្តួចផ្តើមខ្សែក្រវាត់និងផ្លូវរបស់ប្រទេសចិន ក្នុងបំណងបង្កើតតំបន់សេដ្ឋកិច្ចដ៏ធំមួយ។ប្រធានាធិបតីចិន លោក ស៊ី ជីនពីង បាននិយាយក្នុងអំឡុងពេលបំពេញទស្សនកិច្ចនៅទីក្រុងមូស្គូកាលពីខែមីនាថា លោកបានអញ្ជើញលោក ពូទីន មកកាន់វេទិកានេះ។អ្នកនាំពាក្យវិមានក្រឹមឡាំង លោក Dmitry Peskov បាននិយាយកាលពីមុនថា លោក ពូទីន ត្រូវបានគេរំពឹងថានឹងពិភាក្សាអំពីប្រធានបទជាច្រើនក្នុងអំឡុងពេលដំណើរទស្សនកិច្ចរបស់លោក មានចាប់ពីកិច្ចសហប្រតិបត្តិការសេដ្ឋកិច្ច រហូតដល់កិច្ចការអន្តរជាតិ។លោក ពូទីន បានធ្វើទស្សនកិច្ចលើកចុងក្រោយនៅប្រទេសចិនកាលពីខែកុម្ភៈ ឆ្នាំមុន មុនពេលរុស្ស៊ីចាប់ផ្តើមការវាយលុកដោយយោធារបស់ខ្លួនលើអ៊ុយក្រែន។រុស្ស៊ី និងចិន កំពុងពង្រឹងទំនាក់ទំនងកាន់តែរឹងមាំចាប់តាំងពីការវាយលុកនោះមក ខណៈប្រទេសទាំងពីរប្រឈមមុខទំនាក់ទំនងកាន់តែធ្លាក់ចុះខ្លាំងជាមួយសហរដ្ឋអាមេរិក និងសម្ព័ន្ធមិត្តរបស់ខ្លួន។

ត្រីបាឡែន៥១ ក្បាលបានងាប់បន្ទាប់ពីឡើងមកលើឆ្នេរនៅប្រទេសអូស្ត្រាលីភាគខាងលិច

2023/07/26 07:40:16 pm        129
Facebook Telegram Linkin
អូស្ត្រាលី៖ ត្រីបាឡែនជាង៥០ក្បាល បានងាប់ រយៈពេលប៉ុន្មានម៉ោងបន្ទាប់ពីបានជាប់ខ្លួននៅលើឆ្នេរសមុទ្រ នៅប្រទេសអូស្ត្រាលី ភាគខាងលិច ដោយអាជ្ញាធរនិយាយនៅថ្ងៃពុធនេះថា ពួកគេកំពុងប្រញាប់ប្រញាល់ជួយសង្គ្រោះត្រីបាឡែនរាប់សិបក្បាលទៀត។  ហ្វូងត្រីបាឡែនព្រុយវែងជិត ១០០ ក្បាល ត្រូវបានគេប្រទះឃើញនៅឆ្នេរ Cheynes ក្បែរទីក្រុង Albany មានចម្ងាយប្រហែល ៤០០ គីឡូម៉ែត្រភាគអាគ្នេយ៍នៃទីក្រុង Perth កាលពីល្ងាចថ្ងៃអង្គារ។ក្រុមអ្នកជំនាញមកពីឧទ្យាននិងសេវាកម្មសត្វព្រៃរបស់រដ្ឋ ចូលរួមដោយក្រុមអ្នកស្ម័គ្រចិត្ត បានធ្វើការពេញមួយយប់ ដោយទប់ទល់នឹងសីតុណ្ហភាពត្រជាក់ ដើម្បីតាមដានត្រីបាឡែន។អង្គការសេវាកម្មបានបញ្ជាក់នៅព្រឹកថ្ងៃពុធនេះថា ត្រីបាឡែនចំនួន៥១ក្បាលបានងាប់។ អង្គការនេះបាននិយាយថា ពេលនេះខ្លួនកំពុងធ្វើការជាមួយក្រុមអ្នកស្ម័គ្រចិត្តដើម្បីព្យាយាមជួយសង្គ្រោះត្រីបាឡែនចំនួន ៤៦ ក្បាលដែលនៅសល់ ដោយមានផែនការនាំពួកវាទៅកាន់ទឹកជ្រៅក្នុងអំឡុងពេលថ្ងៃ។ឃ្លីបវីដេអូពីកន្លែងកើតហេតុ បានបង្ហាញពីលក្រុមអ្នកស្ម័គ្រចិត្ដ ដែលភាគច្រើនស្លៀកពាក់សម្លៀកបំពាក់សើម កំពុងធ្វើការយ៉ាងមមាញឹក ដើម្បីជួយថនិកសត្វដែលកំពុងជាប់ខ្លួននៅច្រាំងសមុទ្រ។អ្នកនាំពាក្យនៃការិយាល័យសេវាឧទ្យាន និងសត្វព្រៃ បាននិយាយថា ខ្លួនទទួលបានជំនួយជាច្រើន ប៉ុន្តែនិយាយថាខ្លួនមានអ្នកស្ម័គ្រចិត្តគ្រប់គ្រាន់ ហើយសាធារណជនគួរតែនៅឱ្យឆ្ងាយពីឆ្នេរ សម្រាប់ហេតុផលសុវត្ថិភាព៕

បណ្ដាញសង្គម

ព័ត៌មានថ្មីៗ

គណៈកម្មាធិការអចិន្ត្រៃយ៍ព្រឹទ្ធសភា សម្រេចបើកកិច្ចប្រជុំព្រឹទ្ធសភាជាវិសាមញ្ញនៅព្រឹកនេះ ដើម្បីឱ្យយោបល់លើសេចក្តីព្រាងច្បាប់ចំនួន៤ និងបោះឆ្នោតជ្រើសរើសបំពេញសមាជិកគណៈកម្មការទី៩ព្រឹទ្ធសភា
09/29/2026 09:09 AM
Facebook Telegram Linkin
វិចារណកថា៖ តុល្យភាពមានចលនា មិនមែននៅស្ងៀម «តុល្យភាពរបស់ធម្មជាតិ មិនមែនជាពេលវេលាមួយដែលឈប់ស្ងៀមនោះទេ វាគឺជាសមត្ថភាពក្នុងការបន្តឆ្លើយតប និងសម្របខ្លួនទៅនឹងការប្រែប្រួល»
09/29/2026 07:09 AM
Facebook Telegram Linkin
រដ្ឋមន្ត្រីក្រសួងឧស្សាហកម្ម៖ ការវេចខ្ចប់ គឺជាតំណភ្ជាប់ដ៏មានសារៈសំខាន់នៅក្នុងខ្សែច្រវាក់ផលិតកម្ម
09/28/2026 08:09 PM
Facebook Telegram Linkin
ការ​ស្ទង់មតិ៖ បេក្ខជន​ស្ដាំ​និយមជ្រុល និង​ឆ្វេងនិយម​ជ្រុល​​ ទំនង​ឈានដល់ជុំទី២ នៃ​ការបោះឆ្នោតប្រធានាធិបតីបារាំង
09/28/2026 07:09 PM
Facebook Telegram Linkin
វិមានក្រឹមឡាំង៖ ការចរចាគ្រប់គ្រងអាវុធរុស្ស៊ី-អាមេរិក គួរតែបានចាប់ផ្តើមឡើងវិញ តាំងពី «ម្សិលមិញ»
09/28/2026 07:09 PM
Facebook Telegram Linkin
Hyundai Cambodia បង្ហាញរថយន្តអគ្គិសនីជំនាន់ថ្មី ដោយនាំយកបច្ចេកវិទ្យា និងការរចនាទំនើប
09/28/2026 06:09 PM
Facebook Telegram Linkin
បុគ្គលិកសង្គ្រោះ៖ ទឹកជំនន់ និងបំណាក់ដី នៅភាគខាងត្បូងមីយ៉ាន់ម៉ា បណ្ដាល​ឱ្យ​មនុស្ស​ ៨នាក់ស្លាប់​​
09/28/2026 06:09 PM
Facebook Telegram Linkin
សារព័ត៌មាន Bild ៖ សេវាស៊ើបការណ៍សម្ងាត់អាល្លឺម៉ង់បង្កើនការស៊ើបការណ៍លើស្ថានទូតរុស្ស៊ី នៅទីក្រុងប៊ែរឡាំង
09/28/2026 06:09 PM
Facebook Telegram Linkin
ការដឹកជញ្ជូនឧស្ម័នធម្មជាតិរាវរបស់ប្រទេសកាតាឆ្លងកាត់ច្រកសមុទ្រ Hormuz កើនឡើង ទោះបីជាមានជម្លោះក្តី
09/28/2026 06:09 PM
Facebook Telegram Linkin
ទីភ្នាក់ងារសន្តិសុខអាល្លឺម៉ង់ប្រឈមការ​លំបាក ក្រោយក្រុម​ស្តាំនិយមជ្រុល និងឆ្វេងនិយមជ្រុល ឈ្នះ​
09/28/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.