នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
BREAKING NEWS|កម្ពុជាចាត់ទុកផែនការថៃចង់ដណ្តើមប្រាសាទតាក្របី និងបិទប្រាសាទតាមាន់ធំគឺជាការប៉ុនប៉ងឈ្លានពានកម្ពុជាគិតទុកជាមុន និងមិនគោរពបទឈប់បាញ់
សម្ដេចតេជោ៖សង្គ្រាមព្រំដែនកម្ពុជា-ថៃបានផ្ទេរពីសង្គ្រាមប្រើប្រាស់អាវុធមកជាសង្រ្គាម ប្រើប្រាស់ជំពាមកៅស៊ូ ខណៈបើពិនិត្យឲ្យសុីជម្រៅវាជារឿងធំ ប្រសិនបើមិនទប់ស្កាត់
ឯកឧត្តម ចាន់ ដារ៉ុង ដឹកនាំគណៈកម្មការ​អន្តរ​ក្រសួង​ចុះ​ពិនិត្យ​វាយ​តម្លៃ​បញ្ចប់​សុពល​ភាព​ការងារ​ថែ​ទាំ​ផ្លូវ​ខួបចំនួន ៣កំណាត់ ក្នុងខេត្តពោធិ៍សាត់
BREAKING NEWS! សម្តេចធិបតី អបអរសាទរចំពោះការប្រព្រឹត្តទៅដោយជោគជ័យ​នូវ​កិច្ច​ប្រជុំ​​វិសាមញ្ញ នៃ​គណៈកម្មាធិកា​រ​ព្រំដែន​ទូទៅកម្ពុជា-ថៃ

នយោបាយ​ និង ការអភិវឌ្ឍន៍

រលកកម្ដៅក្ដៅខ្លាំង កំពុងវាយប្រហារ នៅទូទាំងពិភពលោក

2023/07/18 12:41:42 pm        160
Facebook Telegram Linkin
ក្រិក៖ ក្នុងខណៈដែលសីតុណ្ហភាពបានឡើងដល់កម្រិតខ្ពស់ថ្មី កាលពីថ្ងៃចន្ទ (ទី១៧ ខែកក្កដា ) អាជ្ញាធរសុខាភិបាលបានធ្វើការព្រមានតាំងពីតំបន់ នៅអាមេរិកខាងជើងទៅកាន់ទ្វីបអឺរ៉ុប និងអាស៊ី ដោយជំរុញឲ្យប្រជាជនព្យាយាមរក្សាជាតិទឹកក្នុងខ្លួន និងជ្រកក្នុងម្លប់ ដើម្បីចៀសវាងការរលាកពីកម្ដៅព្រះអាទិត្យដែលកំពុងក្ដៅខ្លាំង ដោយនេះជាការក្រៀនរំលឹកយ៉ាងខ្លាំងក្លាអំពីផលប៉ះពាល់នៃការឡើងកម្ដៅផែនដី។នៅជិតទីក្រុងអាទែន (Athens) ប្រទេសក្រិក ភ្លើងពីចំហេះព្រៃ បានរាលដាលយ៉ាងលឿនរហ័សដោយសារខ្យល់បក់ខ្លាំង ដោយទីក្រុងឆ្នេរដ៏ពេញនិយម Loutraki ដែលនៅទីនោះ អភិបាលក្រុងបាននិយាយថា ជំរុំវិស្សមកាលសម្រាប់ក្មេងៗ បានស្ថិតនៅក្រោមការគំរាមកំហែង។ការឡើងកម្ដៅ នាពេលនេះ បានវាយប្រហារស្ទើរគ្រប់តំបន់ទូទាំងពិភពលោក ហើយបើយោងតាមសេវាតាមដានអាកាសធាតុរបស់សហភាពអឺរ៉ុប បានឲ្យដឹងថា ខែមិថុនាគឺជាខែដែលក្តៅបំផុតរបស់ពិភពលោក ខណៈក្នុងខែកក្កដា ការឡើងកម្ដៅ ក៏ទំនងជាខ្ពស់ជាងខែមុនផងដែរ។នៅប្រទេសចិន មានសេចក្ដីរាយការណ៍ពីកម្រិតឡើងខ្ពស់ថ្មី សម្រាប់ពាក់កណ្តាលខែកក្កដា នៅភាគពាយព្យប្រទេសដែលសីតុណ្ហភាពឡើងដល់ ៥២,២អង្សាសេ នៅភូមិសាន់ប៉ាវ (Sanbao) ក្នុងតំបន់ស៊ីនជាង (Xinjiang) ដោយនេះជាការឡើងកម្ដៅលើសពី ៥០,៦អង្សាសេ ដែលកើតមានកាលពី ៥ឆ្នាំមុន។មានការចេញសេចក្ដីជូនដំណឹងឲ្យប្រយ័ត្នប្រយែងពីជំងឺសុរិយរោគឬ អាការៈថប់ដង្ហើមដោយសារកម្តៅ ក្នុងខេត្តចំនួន៣២ ក្នុងចំណោមខេត្តចំនួន៤៧ របស់ប្រទេសជប៉ុន ដែលភាគច្រើននៅតំបន់ភាគកណ្តាល និងភាគនិរតី។ ប្រព័ន្ធផ្សព្វផ្សាយបានរាយការណ៍ថា យ៉ាងហោចណាស់មនុស្ស ៦០នាក់ ត្រូវបានព្យាបាលពាក់ព័ន្ធនឹងនេះ ក្នុងនោះ ៥១នាក់ ត្រូវបានបញ្ជូនទៅមន្ទីរពេទ្យ ក្នុងទីក្រុងតូក្យូ។ចំណែកនៅរដ្ឋភាគខាងលិច និងភាគខាងត្បូងរបស់សហរដ្ឋអាមេរិក ដែលធ្លាប់មានសីតុណ្ហភាពខ្ពស់ មនុស្សជាង ៨០លាននាក់ កំពុងស្ថិតនៅក្រោមការផ្ដល់ការប្រឹក្សា ដោយសាររលកកម្តៅដែលកាន់តែរីករាលដាល និងសឹងតែទ្រាំមិនបាន បានវាយប្រហារតំបន់នេះ។ ជាក់ស្ដែង ជ្រលងមរណៈ (Death Valley) របស់រដ្ឋកាលីហ្វ័រញ៉ា ដែលជារឿយៗ តែងស្ថិតក្នុងចំណោមកន្លែងក្តៅបំផុតលើផែនដី បានឡើងដល់កម្រិតខ្ពស់ ៥២អង្សាសេ កាលពីរសៀលថ្ងៃអាទិត្យ (ទី១៦ ខែកក្កដា)។នៅទ្វីបអឺរ៉ុប ជនជាតិអ៊ីតាលី ត្រូវបានព្រមានឲ្យត្រៀមសម្រាប់«រលកកម្ដៅក្ដៅខ្លាំងបំផុតនៃរដូវក្តៅនេះ និងក៏ជារដូវមួយ ក្នុងចំណោមរដូវ ដែលក្ដៅខ្លាំងបំផុតគ្រប់ពេលវេលា ជាមួយនឹងការប្រកាសអាសន្នពណ៌ក្រហមសម្រាប់ទីក្រុងចំនួន ១៦ ក្នុងនោះរួមមានទីក្រុងរ៉ូម បូឡូញ៉ា (Bologna) និងហ្វ្លូរ៉ង់ (Florence)៕

ប្រជាជនប៉ាឡេស្ទីនតវ៉ាប្រឆាំងនឹងការចាប់ខ្លួនសមាជិកជីហាតអ៊ីស្លាម ៥នាក់ នៅក្រុងចេនីន

2023/07/18 12:38:30 pm        53
Facebook Telegram Linkin
ប៉ាឡេស្ទីន៖ ប្រជាជនប៉ាឡេស្ទីន នៅទីក្រុងចេនីន (Jenin) បាននាំគ្នាដើរតវ៉ាតាមផ្លូវ កាលពីថ្ងៃចន្ទ (ទី១៧ ខែកក្កដា) បន្ទាប់ពីមានការចាប់ខ្លួនសមាជិកក្រុមសកម្មប្រយុទ្ធអ៊ីស្លាមជីហាត ៥នាក់ ពីសំណាក់កងកម្លាំងប៉ាឡេស្ទីន។កាលពីព្រឹកថ្ងៃចន្ទ ក្រុមអ៊ីស្លាមជីហាត បាននិយាយថា កងកម្លាំងសន្តិសុខប៉ាឡេស្ទីន បានឃុំខ្លួនសមាជិករបស់ពួកគេចំនួន ៥នាក់ ក្នុងទីក្រុងមួយយប់ ដោយការធ្វើបែបនេះគូសបញ្ជាក់ពីការប្រេះឆា រវាងក្រុម នៅតំបន់វ៉េសប៊ែង (West Bank) ពោលគឺមានរយៈពេលពីរសប្តាហ៍ បន្ទាប់ពីអ៊ីស្រាអែលបានបើកការវាយឆ្មក់ដ៏ធំបំផុតរបស់ខ្លួន នៅទីនោះ ក្នុងរយៈពេលជាច្រើនឆ្នាំ។អ៊ីស្រាអែល ដែលនិយាយថា ការវាយឆ្មក់របស់ខ្លួនសំដៅទៅលើពួកសកម្មប្រយុទ្ធនោះ បានជំរុញឲ្យអាជ្ញាធរប៉ាឡេស្ទីនចាត់វិធានការកាន់តែតឹងរ៉ឹង ប្រឆាំងនឹងក្រុមជីហាត និងក្រុមហាម៉ាសដែលគាំទ្រដោយប្រទេសអ៊ីរ៉ង់ ដែលគ្រប់គ្រងតំបន់ហ្គាហ្សាស្ទ្រីប (Gaza Strip) និងដែលមានក្រុមប្រយុទ្ធ នៅតំបន់វ៉េសប៊ែងផងដែរ។នាពេលនេះ នៅមិនទាន់មានការអត្ថាធិប្បាយភ្លាមៗពីអ៊ីស្រាអែលលើការចាប់ខ្លួនដែលត្រូវបានរាយការណ៍នេះ ឬពីកងកម្លាំងសន្តិសុខនៃអាជ្ញាធរប៉ាឡេស្ទីន (PA) ដែលអនុវត្តអភិបាលកិច្ចមានកម្រិត នៅផ្នែកខ្លះនៃតំបន់វ៉េសប៊ែង (West Bank) នោះទេ៕

លោក SRETTHA ត្រៀមខ្លួនដើម្បីក្លាយជានាយករដ្ឋមន្ត្រី សំឡឹងទៅរកការពិនិត្យឡើងវិញផ្នែកសេដ្ឋកិច្ច

2023/07/18 12:32:28 pm        82
Facebook Telegram Linkin
ថៃ៖. លោក សេដ្ឋា ថាវីស៊ីន ជាបេក្ខជននាយករដ្ឋមន្ត្រីម្នាក់ក្នុងចំណោម៣នាក់របស់គណបក្សភឿថៃ បានប្រកាសថាខ្លួនលោកផ្ទាល់ បានត្រៀមខ្លួនជាស្រេចដើម្បីក្លាយជានាយករដ្ឋមន្ត្រី ប្រសិនបើលោក ទទួលបានទំនុកចិត្តពីគណបក្សរបស់លោក ដើម្បីទទួលយកការងារកំពូលនេះ។ លោក សេដ្ឋា បានឆ្លើយតបទៅនឹងសំនួរជាច្រើន ដែលបានសួរក្នុងពេលមានពាក្យចរចាអារ៉ាមថា លោកនឹងត្រូវបានតែងតាំងសម្រាប់ការបោះឆ្នោតតំណែងនាយករដ្ឋមន្ត្រី ប្រសិនបើមេដឹកនាំគណបក្ស ឆ្ពោះទៅមុខ (Move Forward) លោក Pita Limjaroenrat ពុំអាចត្រូវបានតែតាំងឡើងវិញជាបេក្ខជននាយករដ្ឋមន្ត្រី សម្រាប់ការចូលរួមនៅក្នុងសភានៅថ្ងៃស្អែកនេះ។លោក និយាយថា យើងនៅក្នុងគណបក្សភឿថៃ បានពិភាក្សាពីបញ្ហានេះរយៈពេល៤ខែមកហើយ ហើយប្រសិនបើខ្ញុំមិនបានត្រៀមខ្លួនជាស្រេចសម្រាប់ការងារនេះ ខ្ញុំនឹងមិនត្រូវបានតែងតាំងជាបេក្ខជនតំណែងនាយករដ្ឋមន្ត្រីម្នាក់ក្នុងចំណោម៣នាក់ដោយគណបក្សនោះទេ។ ទោះជាយ៉ាងណា លោក និយាយថាបញ្ហាសម្ពាធបន្ថែមទៀតគឺត្រូវពន្លឿនការបង្កើតរដ្ឋាភិបាលចម្រុះ និងចាប់ផ្តើមវិធានការជំរុញសេដ្ឋកិច្ច។លោកនិយាយថាកិច្ចពិភាគ្សាកិច្ចព្រមព្រៀងពាណិជ្ជកម្មសេរី និងការផ្លាស់ប្តូរគួឲ្យព្រួយបារម្ភនៃការវិនិយោគបរទេសពីប្រទេសថៃ ទៅកាន់បណ្តាប្រទេសជិតខាង ស្ថិតក្នុងចំណោមបញ្ហាអាទិភាព ដែលត្រូវតែដោះស្រាយឲ្យបានសមស្រប។

តើកូរ៉េខាងត្បូង ពិតជាបានត្រៀមខ្លួន ដើម្បីទប់ទល់នឹងអាកាសធាតុធ្ងន់ធ្ងរហើយមែនទេ?

2023/07/18 12:27:54 pm        49
Facebook Telegram Linkin
កូរ៉េខាងត្បូង៖ កាលពីមួយឆ្នាំមុន ប្រទេសកូរ៉េខាងត្បូងបានប្ដេជ្ញាបង្កើនការត្រៀមខ្លួន ដើម្បីទប់ទល់ជាមួយស្ថានភាពអាកាសធាតុធ្ងន់ធ្ងរដែលបង្កឡើងដោយការប្រែប្រួលអាកាសធាតុ។ ប៉ុន្តែត្រឹមតែមួយសប្តាហ៍កន្លងទៅ មនុស្សរាប់សិបនាក់បានស្លាប់ដោយសារភ្លៀងធ្លាក់ដ៏ជោគជាំដែលបានវាយប្រហារមកលើប្រទេស ហើយហេតុការណ៍នោះកំពុងធ្វើឲ្យមានការសង្ស័យថា តើការត្រៀមខ្លួនរបស់កូរ៉េខាងត្បូង មានកម្រិតណា ខណៈការគំរាមកំហែងពីភ្លៀងធ្លាក់ខ្លាំងបន្ថែមទៀត កំពុងលេចឡើងកាន់តែខ្លាំង។ពាក់ព័ន្ធនឹងការត្រៀមខ្លួននេះ អ្នកជំនាញនិយាយថា មិនទាន់គ្រប់គ្រាន់ទេ ដោយអ្នកជំនាញខ្លះ លើកឡើងថា ការចំណាយផ្តោតតែលើការស្តារឡើងវិញ តែមិនមែនជាការការពារទុកមុននោះទេ។ សាស្ត្រាចារ្យផ្នែកវិស្វកម្មនៅសាកលវិទ្យាល័យ Induk ក្នុងទីក្រុងសេអ៊ូល លោក Jeong Chang-sam ដែលមានជំនាញផ្នែកធនធានទឹក និយាយថា ការការពារមានសារៈសំខាន់ណាស់ ក្នុងការកាត់បន្ថយការខូចខាត និងការបាត់បង់អាយុជីវិត ប៉ុន្តែជារឿយៗ សកម្មភាពបែបនេះត្រូវបានមើលរំលង ពីព្រោះវាមិនទទួលបានផលជាក់ស្តែងភ្លាមៗ សម្រាប់អ្នកនយោបាយ និងអ្នកនៅក្នុងជួររដ្ឋាភិបាល។លោក Chang-sam បាននិយាយថា៖ «មនុស្សចូលចិត្តប្រើការបញ្ចេញមតិ ដូចជាការឆ្លើយតបរហ័ស ការសង្គ្រោះបន្ទាន់ជាដើម។ ទាំងអស់នោះមិនត្រូវទេ។ គ្រោះមហន្តរាយអាកាសធាតុ កំពុងកើតមានរួចហើយ ដូច្នេះ ឥឡូវនេះ ប្រសិនបើយើងបញ្ចូលប្រាក់ទៅក្នុងគម្រោងការពារ យើងអាចសម្រេចវាបាន ដោយចំណាយពាក់កណ្តាលនៃប្រាក់សម្រាប់គម្រោងស្តារឡើងវិញ»។មិនមែនទឹកជំនន់តែម្យ៉ាងដែលបង្កហានិភ័យនោះទេ តែប្រទេសកូរ៉េខាងត្បូង គឺជាតំបន់ភ្នំ ហើយការអភិវឌ្ឍទីក្រុង បានធ្វើឲ្យតំបន់ជាច្រើនងាយរងគ្រោះដោយសារបំណាក់ដី ដោយទាំងអស់នោះហើយដែលជាបញ្ហាប្រឈម ខណៈដែលការត្រៀមខ្លួន ដើម្បីឆ្លើយតបទៅនឹងអាកាសធាតុធ្ងន់ធ្ងរ មានល្បឿនយឺតនៅឡើយ៕

លោក Kerry ៖ អាមេរិក និងចិន ត្រូវតែទុករឿងនយោបាយមួយឡែកដើម្បីដោះស្រាយបម្រែបម្រួលអាកាសធាតុ

2023/07/18 12:25:03 pm        62
Facebook Telegram Linkin
អាមេរិក៖ លោក John Kerry បេសកជនទទួលបន្ទុកបម្រែបម្រួលអាកាសធាតុរបស់ប្រធានាធិបតី Biden បានព្រមានកាលពីថ្ងៃចន្ទនៅក្នុងបន្តកិច្ចពិភាគ្សាជាមួយទីក្រុងប៉េកាំងដែលបានជាប់គាំងរយៈពេលជិត១ឆ្នាំក្នុងពេលមានភាពតានតឹងផ្នែកភូមិសាស្ត្រនយោបាយថា សហរដ្ឋអាមេរិក និងចិន នឹងអស់ពេលដើម្បីបញ្ចៀសអនាគតដ៏គួឲ្យព្រួយបារម្ភ ដែលនាំមកដោយការឡើងកម្តៅសកល។ ខណៈកិច្ចពិភាក្សាបានធ្វើឡើង ប្រទេសចិនកំពុងទទួលរងកម្តៅខ្លាំង ដែលប្រព័ន្ធផ្សព្វផ្សាយក្នុងតំបន់បាននិយាយថា សីតុណ្ហភាពនៅក្នុងផ្នែកជាច្រើន នៅតំបន់ស៊ីនជាំងភាគខាងលិច បានឈានដល់៥២.២អង្សាសេ កាលពីថ្ងៃអាទិត្យ ជាកំណត់ត្រាសម្រាប់ប្រទេសនេះ។រលកកម្តៅបានវាយបក់មកលើទ្វីបអឺរ៉ុប និងនៅទូទាំងសហរដ្ឋអាមេរិក ដោយមានកម្តៅខ្លាំងនៅភាគខាងត្បូង និងនៅភាគនិរតី។ លោក Kerry និយាយថា ពិភពលោកទាំងមូលកំពុងសំឡឹងទៅរកប្រទេសមហាអំណាចសេដ្ឋកិច្ចទាំងពីរ និងប្រទេសបំពុលបរិស្ថានធំៗដើម្បីកាត់បន្ថយជាបន្ទាន់ការបំភាយឧស្ម័នផ្ទះកញ្ចក់ ដែលជាការព្រមានយ៉ាងគ្រោះថ្នាក់ចំពោះភពផែនដី។ លោកបានអំពាវឲ្យរដ្ឋាភិបាលចិន ដើម្បីទប់ស្កាត់ការពង្រីកឆាប់រហ័សនៃក្រុមរោងចក្រថាមពលអគ្គិសនីដុតធ្យូង។ កិច្ចប្រជុំ គឺជាកិច្ចពិភាក្សាដ៏មានសារៈសំខាន់ស្តីពីបម្រែបម្រួលអាកាសធាតុ ដែលប្រទេសទាំងពីរ បានធ្វើឡើងចាប់តាំងពីខែសីហា នៅពេលរដ្ឋាភិបាលចិន បានបិទការជាប់ពាក់ព័ន្ធជាមួយសហរដ្ឋអាមេរិក បន្ទាប់ពីអតីតប្រធានសភាអាមេរិក លោកស្រី Nancy Pelosi បានធ្វើទស្សនកិច្ចទៅកាន់កោះតៃវ៉ាន់។ ដំណើរទស្សនកិច្ចរបស់លោក Kerry ទៅកាន់ប្រទេសចិន ធ្វើឡើងបន្ទាប់ពី ដំណើរទស្សនកិច្ចធ្វើឡើងដោយរដ្ឋមន្ត្រីការបរទេស លោក Antony Blinken និងរដ្ឋមន្ត្រីរតនាគារលោកស្រី Janet Yellen ក្នុងគោលបំណងធ្វើឲ្យមានស្ថិរភាពទំនាក់ទំនង ដែលស្ថិតនៅក្នុងការដួលរលំជំវិញស្ថានភាពកោះតៃវ៉ាន់ និងការកើនឡើងការប្រជែងផ្នែកយោធា ភូមិសាស្ត្រនយោបាយ និងបច្ចេកវិទ្យានៅក្នុងតំបន់ប៉ាស៊ីហ្វិក។

អាមេរិក៖ រុស្ស៊ីយកស្បៀងអាហារធ្វើជាអាវុធ ខណៈកិច្ចព្រមព្រៀងគ្រាប់ធញ្ញជាតិផុតកំណត់

2023/07/18 12:18:35 pm        99
Facebook Telegram Linkin
អាមេរិក៖ រដ្ឋមន្ត្រីការបរទេសសហរដ្ឋអាមេរិក លោក Antony Blinken បានព្រលះការសម្រេចចិត្តរបស់រុស្ស៊ីកាលពីថ្ងៃចន្ទក្នុងការបញ្ឈប់ការចូលរួមក្នុងកិច្ចព្រមព្រៀងរយៈពេល១ឆ្នាំ ដែលអនុញ្ញាតឲ្យមានការនាំចេញគ្រាប់ធញ្ញជាតិរបស់អ៊ុយក្រែន តាមរយៈសមុទ្រខ្មៅ ដោយអំពាវនាវឲ្យកិច្ចព្រមព្រៀងត្រូវបានបន្តឲ្យបានកាន់តែឆាប់តាមដែលអាចធ្វើទៅបាន។ លទ្ធផលចំណាត់ការរបស់រុស្ស៊ីនៅពេលនេះ ដែលយកស្បៀងអាហារធ្វើជាអាវុធ ដោយប្រើប្រាស់វាជាឧបករណ៍មួយ ក្នុងសង្គ្រាមរបស់ខ្លួនទៅលើអ៊ុយក្រែន ដែលនឹងធ្វើឲ្យស្បៀងអាហារទៅដល់កន្លែងដែលត្រូវការវាយ៉ាងអស់សង្ឃឹម។កិច្ចព្រមព្រៀងនេះគួតែត្រូវបានស្តារឡើងវិញឲ្យបានឆាប់រហ័ស ហើយលោកសង្ឃឹមថាគ្រប់ប្រទេសកំពុងឃ្លាំមើលយ៉ាងដិតដល់។ ចំណាត់ការដោយទីក្រុងមូស្គូ ធ្វើឡើងរយៈពេលប៉ុន្មានម៉ោងបន្ទាប់ពីទីក្រុងនេះនិយាយថា ការវាយប្រហារភេរវកម្ម បានដាក់គោលដៅលើស្ពានយុទ្ធសាស្ត្រដែលតភ្ជាប់ដីគោករបស់រុស្ស៊ី ទៅកាន់តំបន់គ្រីម៉េដែលគ្រប់គ្រងដោយរុស្ស៊ី។ កិច្ចព្រមព្រៀងគ្រាប់ធញ្ញជាតិនៅសមុទ្រខ្មៅ ត្រូវបានសម្របសម្រួលដោយអង្គការសហប្រជាជាតិ និងប្រទេសទួរគី កាលពីខែកក្កដាឆ្នាំមុន ដើម្បីកាត់បន្ថយវិបត្តស្បៀងអាហារសាកលដែលធ្វើឲ្យកាន់តែធ្ងន់ធ្ងរដោយការវាយលុកលើអ៊ុយក្រែនកាលពីខែកុម្ភះ ឆ្នាំ២០២២។ នៅក្នុងសកិច្ចប្រជុំរបស់ក្រុមប្រឹក្សាសន្តិសុខអង្គការសហប្រជាជាតិ រដ្ឋមន្ត្រីការបរទេសចក្រភពអង់គ្លេស លោក James Cleverly បានថ្កោលទោសការបញ្ចប់គំនិតផ្តួចផ្តើមគ្រាប់ធញ្ញជាតិសមុទ្រខ្មៅ។ សូមយើងប្រាកដថា ចំណាត់ការរបស់រុស្ស៊ី កំពុងនាំយកអាហារចេញពីមាត់របស់ប្រជាជនក្រីក្របំផុត នៅទូទាំងទ្វីបអាហ្វ្រិក មជ្ឈមបូព៌ា និងអាមេរិកឡាទីន។ យើងមិនអាចអនុញ្ញាតឲ្យសង្គ្រាមនេះបន្តរយៈពេល៥០០ថ្ងៃទៀតនោះទេ។ ប្រធានាធិបតីអ៊ុយក្រែន លោក Volodymyr Zelenskiy បាននិយាយថា លោកបានសរសេរលិខិតទៅកាន់ប្រធានាធិបតីទួរគីលោក Tayyip Erdogan និងអគ្គលេខាធិការអង្គការសហប្រជាជាតិលោក Antonio Guterres ដោយអំពាវនាវឲ្យមានប្រតិបត្តិការបន្តកិច្ចព្រមព្រៀង ការដឹកជញ្ជូនគ្រាប់ធញ្ញជាតិសមុទ្រខ្មៅ ដោយគ្មានការចូលរួមរបស់រុស្ស៊ី។

ពលរដ្ឋផ្ដាំទៅទណ្ឌិត សម រង្ស៊ី និងបក្សពួកឱ្យបញ្ឈប់សកម្មភាពដែលចង់បំផ្លាញកម្ពុជា

2023/07/18 12:12:08 pm        102
Facebook Telegram Linkin
ភ្នំពេញ៖ ប្រជាពលរដ្ឋកម្ពុជា បានផ្ដាំទៅទណ្ឌិត សម រង្ស៊ី ដែលជាអ្នកទោសរត់ទៅក្រៅប្រទេស ក៏ដូចជាបក្សពួកទាំងក្នុង និងក្រៅប្រទេស អោយបញ្ឈប់រាល់សកម្មភាពដែលខ្លួនកំពុងធ្វើក្នុង​គោលដៅ​បំផ្លាញកម្ពុជា។ ការផ្ញើសារផ្ដាំនេះធ្វើឡើងស្របពេលដែលទណ្ឌិត សម រង្ស៊ី និងបក្សពួក ព្យាយាមឃោសនា​អោយប្រជាពលរដ្ឋគូសបំផ្លាញសន្លឹកឆ្នោត សម្រាប់ការបោះឆ្នោតជ្រើសរើស​តំណាងរាស្រ្តនីតិកាលទី ៧។ការផ្សព្វផ្សាយ ការឃោសនា ពីយុទ្ធនាការបំផ្លាញសន្លឹកឆ្នោតរបស់​ទណ្ឌិត​ សម រង្ស៊ី រស់នៅគេចខ្លួនក្រៅប្រទេស និងបក្សពួកទាំងអស់ដែលរស់នៅកម្ពុជា និងក្រៅប្រទេសផងដែរនោះ ត្រូវបានមហាជន មើលឃើញថាជាអំពើទុច្ចរិត ​មានបំណងបង្កភាពចលាចល ​និងបំផ្លាញកម្ពុជា។ប្រជាពលរដ្ឋបានបង្ហាញការស្អប់ខ្ពើមទៅលើសកម្មភាពនេះជាខ្លាំង ​នៅពេលដែលឃើញថា ក្រុមទុច្ចរិតទាំងនោះកំពុងព្យាយាមបំផុសបំផុល តាមបណ្ដាញសង្គមអោយពលរដ្ឋគូស​បំផ្លាញសន្លឹកឆ្នោត។ជាការឆ្លើយតបទៅនឹងការបំផុសបំផុលទុច្ចរិតនេះ ​ប្រជាពលរដ្ឋបានផ្ដាំផ្ញើទៅវិញថា ប្រជាជនកម្ពុជា​បច្ចុប្បន្នពិតជារស់នៅបានដោយក្ដីសុខសាន្ត ​មើលឃើញពីការរីកចំរើនជាបន្តបន្ទាប់ឥតឈប់ឈរ។ ពួកគេរស់នៅកម្ពុជាផ្ទាល់ ពួកគេមើលឃើញពីអ្វីដែលកើតឡើងពិតប្រាកដនៅកម្ពុជា ដែលផ្ទុយពីការចោទប្រកាន់របស់ក្រុមរស់នៅបរទេសទាំងនោះ។ពួកគេក៏បានផ្ដាំទៅក្រុមទុច្ចរិតទាំងនោះ មេត្តាបញ្ឈប់សកម្មភាព​ស្មោកគ្រោក​ដែលចង់បំផ្លាញ​កម្ពុជាទៀតទៅ។កម្ពុជាកំឡុងពេលនេះជាពេលវេលាឃោសនាបោះឆ្នោតសម្រាប់គណបក្សទាំង១៨ ដែល​ចូលរួមប្រកួតប្រជែងក្នុងការបោះឆ្នោតជ្រើសរើសតំណាងរាស្រ្តនីតិកាលទី ៧។ ការឃោសនាផ្សព្វផ្សាយគោលនយោបាយរកសន្លឹកឆ្នោត នឹងបញ្ចប់នៅថ្ងៃទី ២១ កក្កដា រីឯថ្ងៃទី ២៣ កក្កដា ជាថ្ងៃបោះឆ្នោត៕អត្ថបទ៖ គឹមហុក

ការតវ៉ារបស់ជនមូស្លីមប្រកាន់តឹងនៅខាងក្រៅសាលារៀន និងរោងភាពយន្តគំរាមកំហែងសន្តិសុខជាតិ

2023/07/18 11:51:39 am        98
Facebook Telegram Linkin
របាយការណ៍ថ្មីមួយ បានព្រមានថា ការតវ៉ាប្រឆាំងនឹងការប្រមាថនៅខាងក្រៅសាលារៀន និងរោងភាពនានា ដោយពួកមូស្លីមអភិរក្សនិយម កំពុងក្លាយជាការគំរាមកំហែងដល់សន្តិសុខជាតិ។ការពិនិត្យឡើងវិញដោយវិទ្យាស្ថានស្រាវជ្រាវសង្គម Henry Jackson Society បានព្រមានថា ការបរាជ័យក្នុងការការពារគ្រូបង្រៀន និងអ្នកដទៃពីការបំភិតបំភ័យ គឺស្មើនឹងច្បាប់ប្រឆាំងការប្រមាថដ៏តឹងរ៉ឹង។តើនគរបាលជាអ្នកប្រមាថមើលងាយថ្មីរបស់ចក្រភពអង់គ្លេសឬ? របាយការណ៍កម្រាស់៦៩ទំព័រ បានពិនិត្យឧប្បត្តិហេតុជាបន្តបន្ទាប់ក្នុងប៉ុន្មានឆ្នាំថ្មីៗនេះរួមទាំងករណីរបស់គ្រូបង្រៀនម្នាក់ នៅសាលាវេយ្យាករណ៍ Batley នៅតំបន់ West Yorkshire ដែលបានបង្ហាញសិស្សនូវរូបថ្លុករបស់ព្យាការី Mohammed ក្នុងអំឡុងពេលបង្រៀនមេរៀនRE។គ្រូបង្រៀននោះ នៅតែលាក់ខ្លួនជាងពីរឆ្នាំ បន្ទាប់ពីមានជម្លោះ ដែលបណ្តាលឱ្យមានការតវ៉ានៅតាមខ្លោងទ្វារសាលានានា។របាយការណ៍នោះ បានរកឃើញថា អ្នកដែលពាក់ព័ន្ធនឹងការតវ៉ាមួយចំនួន បានសរសើរបព្វជិតសាសនាដ៏ខ្លាំងក្លា ហើយបាននិយាយថា ការឆ្លើយតបរបស់សាលារៀនចំពោះការសុំអភ័យទោស គឺជា«គំរូដ៏គួរឱ្យព្រួយបារម្ភ៕

ឯកឧត្តម ប្រាក់ សុខុន៖ ការបម្រើពលរដ្ឋរបស់បក្សប្រជាជន ស្ដែងចេញតាមការរក្សាសន្តិភាព និងអភិវឌ្ឍន៍

2023/07/18 11:28:43 am        44
Facebook Telegram Linkin
កណ្ដាល៖ ឯកឧត្តម ប្រាក់ សុខុន ប្រធានក្រុមការងារគណបក្សចុះមូលដ្ឋានស្រុកស្អាង ខេត្តកណ្ដាល បានលើកឡើងថា រាជរដ្ឋាភិបាលកម្ពុជា ដឹកនាំដោយគណបក្សប្រជាជនកម្ពុជា បាននឹងកំពុងខិតខំបម្រើប្រជាពលរដ្ឋ ដែលស្ដែងចេញតាមរយៈការថែរក្សាសុខសន្តិភាព និងអភិវឌ្ឍន៍ប្រទេសជាតិឱ្យមានការរីកចម្រើន ។ក្នុងពិធីសំណេះសំណាលជាមួយសមាជិក សមាជិកាគណបក្សប្រជាជនកម្ពុជា នៅឃុំប្រាសាទ ស្រុកស្អាង នៅថ្ងៃទី១៨ ខែកក្កដា នេះ ឯកឧត្តម ប្រាក់ សុខុន បានមានប្រសាសន៍ថា ក្នុងពេលជាប់ឆ្នោត ពីមួយអាណត្តិទៅមួយអាណត្តិ គឺគណបក្សប្រជាជនកម្ពុជា បាន​ខិតខំខ្លាំងណាស់ ក្នុងការបម្រើប្រជាពលរដ្ឋ មិនដែលបន្ធូរដៃ ឬជិះសេះលែងដៃនោះទេ ។ ពិសេស គឺការខិតខំថែរក្សាសន្តិភាព ស្ថិរភាពនយោបាយ នៅកម្ពុជា ដើម្បីកុំឱ្យកើតមានសង្គ្រាមជាថ្មី ធ្វើឱ្យពលរដ្ឋរស់នៅដោយសុខសាន្ត ។ឯកឧត្តម បានបន្ថែមថា ទន្ទឹមនឹងដៃម្ខាងថែរក្សាសន្តិភាពនេះ គឺដៃម្ខាងទៀតរាជរដ្ឋាភិបាល បាន ខិតខំ​ប្រឹងប្រែងអភិវឌ្ឍន៍ប្រទេសជាតិ ឲ្យមានការរីកចម្រើន ក៏ដូចជាបានទាក់ទាញវិនិយោគិន​បរទេសមក ធ្វើការវិនិយោគនៅកម្ពុជា បង្កើតការងារដល់ពលរដ្ឋ និងអាចរកប្រាក់ចំណូល​សម្រាប់​ផ្គត់ផ្គង់​គ្រួសារ ។ឯកឧត្តម ប្រាក់ សុខុន បានបន្តអំពាវនាវដល់ប្រជាពលរដ្ឋ ឱ្យបន្តបោះឆ្នោតគាំទ្រ​គណបក្សប្រជាជន​កម្ពុជា ឲ្យបានបន្តដឹកនាំថែរក្សាសុខសន្តិភាព និងអភិវឌ្ឍន៍​ប្រទេសជាតិ ឲ្យកាន់តែមានការ​រីកចម្រើន ។ពលរដ្ឋ ដែលគាំទ្រគណបក្សជាជនកម្ពុជា បានលើកឡើងថា ​ពួកគេនៅតែជឿទុកចិត្តលើ​គណបក្ស​ប្រជាជកម្ពុជា ព្រោះឃើញនូវលទ្ធផលជាក់ស្ដែង ​គឺការរក្សាបាននូវសុខសន្តិភាព ​និងការអភិវឌ្ឍ​ប្រទេស​ ឲ្យមានការរីកចម្រើន​ ពីមួយអាណត្តិទៅមួយអាណត្តិ ។ចំណែក ឯកឧត្តម អ៊ុច បូររិទ្ធ ប្រធានក្រុមការងារចុះមូលដ្ឋានឃុំប្រាសាទ​ បានថ្លែងអំណរគុណ ដល់​ប្រជាពលរដ្ឋក្នុងឃុំ ជាពិសេសសមាជិក ​សមាជិកាគណបក្ស ​ដែលបានបោះឆ្នោតគាំទ្រជារៀងរាល់ អាណត្តិ ​ហើយបានជាប់ឆ្នោតរាល់អាណត្តិ ។ក្នុងនាមក្រុមការងារ​គណបក្ស ឯកឧត្តម ក៏បានប្ដេជ្ញាចិត្ត ​បន្តជួយ​អភិវឌ្ឍន៍​មូលដ្ឋាន​ឃុំឲ្យកាន់ តែ​រីកចម្រើន ខណៈក្នុងអាណត្តិកន្លងមក​ ក្រុម​ការងារ​ចូលរួម​អភិវឌ្ឍន៍​សមិទ្ធផល​ជាច្រើន ដូចជា​ផ្លូវបេតុង ការដាក់ភ្លើងសូឡាបំភ្លឺផ្លូវ ជាដើម ហើយគ្រោងសាងសង់ស្ពានបេឡេ ​សម្រាប់ឃុំតាលន់ មកឃុំប្រាសាទ ផងដែរ ៕អត្ថបទ៖ បាន សុខរិទ្ធិ

មន្រ្តីជាន់ខ្ពស់ក្រសួងយុត្តិធម៌៖ ការញុះញង់ឬរារាំងពលរដ្ឋមិនឱ្យទៅបោះឆ្នោត គឺជាអំពើល្មើសច្បាប់

2023/07/18 11:18:13 am        114
Facebook Telegram Linkin
ភ្នំពេញ៖ មន្ត្រីជាន់ខ្ពស់ក្រសួងយុត្តិធម៌ បានលើកឡើងថា ជនណា ដែលធ្វើការញុះញង់ អុកឡុក ឬក៏រារាំង មិនឱ្យប្រជាពលរដ្ឋទៅបោះឆ្នោត ឬក៏ណែនាំឱ្យគូសបំផ្លាញសន្លឹកឆ្នោត គឺជាអំពើល្មើសច្បាប់ ។តាមរយៈបណ្តាញសង្គមហ្វេសប៊ុក នៅព្រឹកថ្ងៃទី១៨ ខែកក្កដា នេះ ឯកឧត្ដម គឹម សន្តិភាព រដ្ឋលេខាធិការក្រសួងយុត្តិធម៌ បានបញ្ជាក់ថា «យោងតាមមាត្រា ១៤២ ថ្មី នៃច្បាប់ ស្តីពីវិសោធនកម្មច្បាប់បោះឆ្នោត ដែលចូលជាធរមាន ចាប់តាំងពីថ្ងៃទី៤ ខែកក្កដា ឆ្នាំ២០២៣ ការញុះញង់ អុកឡុក ឬរារាំងប្រជាពល រដ្ឋមិនឱ្យទៅបោះឆ្នោត ឬឱ្យគូសបំផ្លាញសន្លឹកឆ្នោត គឺជាអំពើល្មើសច្បាប់ ដែលអំពើល្មើសនេះ ត្រូវប្រឈមនឹងការផ្តន្ទាទោសដោយស្ថាប័ន​មាន​សមត្ថកិច្ច រួមមាន ១. ស្ថាប័នគណៈកម្មាធិការជាតិរៀបចំការ បោះឆ្នោត៖ សម្រេចអំពីការពិន័យ និងដកហូតសិទ្ធិបោះឆ្នោត និងសិទ្ធិឈរឈ្មោះឱ្យគេបោះឆ្នោត ។ ២. ស្ថាប័នតុលាការ៖ សម្រេចអំពីទោសព្រហ្មទណ្ឌ ទាំងទោសពិន័យជាប្រាក់ និងទោសដាក់ពន្ធនាគារ ។ ឯកឧត្ដម បានឱ្យដឹងថា ស្ថាប័នអនុវត្តច្បាប់ បាននឹងកំពុងអនុវត្តច្បាប់ទៅលើជន ដែលល្មើស ច្បាប់ទាំងនេះហើយ និងបានអំពាវនាវដល់ប្រជាពលរដ្ឋ កុំចូលរួមអនុវត្តតាមផែនការខុសច្បាប់នេះ ។សូមបញ្ជាក់ថា កាលពីម្សិលមិញ គណៈកម្មការរៀបចំការបោះឆ្នោតរាជធានីភ្នំពេញ ដែលហៅកាត់ (PEC) បានធ្វើការពិន័យប្រាក់ពី១០ទៅ ២០លានរៀល ​និងលុបឈ្មោះចេញពីបញ្ជីបោះឆ្នោត ​និងដក សិទ្ធិឈរឈ្មោះបោះឆ្នោត ពី២០ទៅ២៥ឆ្នាំ ដល់ទណ្ឌិតក្បត់ជាតិបីជំនាន់ និងបក្សពួកជ្រុល​និយម​របស់ ខ្លួន ចំនួន១៦នាក់ទៀត បន្ទាប់ពីក្រុមទណ្ឌិតក្បត់ជាតិទាំងនេះ ​បានធ្វើការញុះញង់មិន​ឲ្យ​ពលរដ្ឋទៅបោះ ឆ្នោត និងអុជអាលឱ្យពលរដ្ឋគូសបំផ្លាញសន្លឹកឆ្នោតចោល ។ដោយឡែក កាលពីម្សិលមិញដែរ កម្លាំងសមត្ថកិច្ច ក៏បានឃាត់ខ្លួនសមាជិកគណបក្សភ្លើងទៀន ពីរនាក់ បន្ទាប់ពីមានដីកាបង្គាប់ឱ្យនាំខ្លួនរបស់ចៅក្រមស៊ើបសួរសាលាដំបូងរាជធានីភ្នំពេញ ពាក់ព័ន្ធ ​ករណីបង្កចលាចលដល់ការបោះឆ្នោត និងញុះញង់បង្កឱ្យមានភាពវឹកវរធ្ងន់ធ្ងរដល់​សន្តិសុខសង្គម ៕អត្ថបទ៖ បាន ចក់ 

បណ្ដាញសង្គម

ព័ត៌មានថ្មីៗ

គ្រោះរាំងស្ងួតនៅស៊ែរប៊ី បង្កផលប៉ះពាល់ធ្ងន់ធ្ងរដល់ប្រជាកសិករ និងការចិញ្ចឹមសត្វ
08/13/2025 09:08 PM
Facebook Telegram Linkin
រដ្ឋបាលខេត្តស្វាយរៀងរៀបចំវេទិការផ្ដល់ឱកាសជូនដល់ពលករមកពីប្រទេសថៃចុះឈ្មោះស្វែងរកការងារធ្វើ
08/13/2025 08:08 PM
Facebook Telegram Linkin
សេចក្តីរាយការណ៍៖ អ៊ីស្រាអែល និងស៊ូដង់ខាងត្បូង ជជែកគ្នាពីការផ្ទេរជនប៉ាឡេស្ទីនទាំងបង្ខំ
08/13/2025 08:08 PM
Facebook Telegram Linkin
យោធាអ៊ីស្រាអែល ប្រាប់ថា ខ្លួនបានយល់ព្រមលើផែនការ សម្រាប់ការវាយលុកថ្មី នៅហ្កាហ្សា
08/13/2025 07:08 PM
Facebook Telegram Linkin
រុស្ស៊ីចាត់ទុកការទូតរបស់អឺរ៉ុប ជុំវិញបញ្ហាអ៊ុយក្រែនថា «មិនមានសារៈសំខាន់»
08/13/2025 07:08 PM
Facebook Telegram Linkin
ទួរគី៖ កងជីវពលឃឺដ YPG គួរតែបញ្ឈប់ពន្យារពេលការធ្វើសមាហរណកម្មជាមួយស៊ីរី
08/13/2025 07:08 PM
Facebook Telegram Linkin
រដ្ឋមន្រ្តីសុខាភិបាល ណែនាំដល់ថ្នាក់ដឹកនាំសុខាភិបាល បង្កើនការយកចិត្តទុកដាក់ខ្ពស់ទប់ស្កាត់ជំងឺគ្រុនឈាម ពិសេសចំពោះស្ត្រីមានផ្ទៃពោះ ទារក និងកុមារ ក្នុងរដូវវស្សានេះ
08/13/2025 07:08 PM
Facebook Telegram Linkin
មនុស្ស ២នាក់ស្លាប់ ក្រោយអគ្គិភ័យឆាបឆេះអគារផ្ទះល្វែងនៅទីក្រុង Bukit Merah ប្រទេសសិង្ហបុរី
08/13/2025 07:08 PM
Facebook Telegram Linkin
អេស្តូនីបណ្តេញអ្នកការទូតរុស្ស៊ី ខណៈទីក្រុងមូស្គូ ប្រាប់ថា នឹងសងសឹក
08/13/2025 07:08 PM
Facebook Telegram Linkin
ទីក្រុងម៉ានីល៖យន្តហោះចម្បាំងចិនហោះស្កាត់យន្តហោះហ្វីលីពីននៅលើតំបន់ថ្មប៉ប្រះទឹកជម្លោះ
08/13/2025 07:08 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.