នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

សហរដ្ឋអាមេរិកជំរុញឲ្យដោះលែងប្រធានាធិបតីនីហ្សេ ខណៈគ្មានការជម្លៀសប្រជាជនអាមេរិកទេសម្រាប់ពេលនេះ

2023/07/27 06:47:46 pm        112
Facebook Telegram Linkin
អាមេរិក៖ ទីប្រឹក្សាសន្តិសុខជាតិរបស់សេតវិមានលោក Jake Sullivan កាលពីថ្ងៃពុធ (ទី២៦ ខែកក្កដា) បាននិយាយថា សហរដ្ឋអាមេរិក សូមថ្កោលទោសចំពោះកិច្ចប្រឹងប្រែង ក្នុងការឃុំឃាំង ឬផ្ដួលរំលំការបំពេញតួនាទីរបស់រដ្ឋាភិបាលជាប់ឆ្នោតតាមបែបប្រជាធិបតេយ្យរបស់ប្រទេសនីហ្សេ ហើយបានជំរុញឲ្យដោះលែងប្រធានាធិបតីលោក Mohamed Bazoum បន្ទាប់ពីរូបលោកត្រូវបានឃុំខ្លួន នៅខាងក្នុងវិមានរបស់ប្រធានាធិបតី។លោក Sullivan បាននិយាយក្នុងសេចក្តីថ្លែងការណ៍មួយថា៖ «យើងជំរុញជាពិសេសអ្នករួមគំនិតជាមួយឆ្មាំការពារប្រធានាធិបតីឲ្យដោះលែងប្រធានាធិបតីលោក Bazoum ពីការឃុំខ្លួន និងជៀសវាងការកើតមានអំពើហិង្សា។ សេតវិមានកំពុងតាមដានស្ថានការណ៍នេះ ដើម្បីធានាសុវត្ថិភាពដល់ពលរដ្ឋអាមេរិក»។តែយ៉ាងណាក្ដី ពាក់ព័ន្ធនឹងស្ថានភាពនេះ អ្នកនាំពាក្យសន្តិសុខជាតិរបស់សេតវិមានលោក John Kirby បានប្រាប់អ្នកសារព័ត៌មានថា នៅពេលនេះមិនទាន់មានការពិភាក្សាអំពីការជម្លៀសពលរដ្ឋអាមេរិកចេញពីប្រទេសនីហ្សេទេ ហើយបាននិយាយថា សហរដ្ឋអាមេរិកនៅតែបន្តប្រមូលព័ត៌មានលម្អិតអំពីការវិវឌ្ឍនៃស្ថានភាពនេះ។ក្រុមអង្គរក្សការពារប្រធានាធិបតី កំពុងឃុំប្រធានាធិបតីនីហ្សេ នៅខាងក្នុងវិមានរបស់លោក ក្នុងរដ្ឋធានីនីញ៉ាម៉េ (Niamey) កាលពីថ្ងៃពុធ (ទី២៦ ខែកក្កដា) ជាអ្វីដែលប្រទេសជិតខាងហៅថា ការប៉ុនប៉ងធ្វើរដ្ឋប្រហារប៉ុន្តែជាអ្វីដែលលោកប្រធានាធិបតី បានពិពណ៌នាថា ជាចលនា «ប្រឆាំងសាធារណរដ្ឋ» ឥតប្រយោជន៍៕

ការវាយបករបស់អ៊ុយក្រែនទៅលើរុស្ស៊ី កំពុងដំណើរការទៅមុខ ខណៈអាមេរិក ប្ដេជ្ញាគាំទ្រ

2023/07/27 06:44:45 pm        132
Facebook Telegram Linkin
អាមេរិក៖ អ្នកនាំពាក្យសន្តិសុខជាតិរបស់សេតវិមាន លោក John Kirby បានប្រាប់ក្រុមអ្នកសារព័ត៌មានកាលពីថ្ងៃពុធទី២៦ កក្កដាថា ការវាយបករបស់អ៊ុយក្រែន ទៅលើកងកម្លាំងរបស់រុស្ស៊ី ពុំបានជាប់គាំងនោះទេ ទោះបីជាពុំមានវឌ្ឍនភាពពេញលេញតាមការចង់បានក៏ដោយ ។   លោក Kirby បានអត្ថាធិប្បាយបែបនេះ នៅពេលត្រូវបានសួរពីស្ថានភាពនៃការវាយបករបស់អ៊ុយក្រែននៅក្នុងសន្និសីទសារព័ត៌មានមួយ។  លោក Kirby បាននិយាយថា លោកប្រធានាធិបតី Zelenskyy ខ្លួនឯង បាននិយាយថា ដំណើរការវាយបកមិនមានល្បឿនលឿនដូចការចង់បានរបស់លោកទេ ហើយក៏មិនអាចរុលទៅមុខ រាល់ថ្ងៃតាមការចង់បានដែរ ។ សហរដ្ឋអាមេរិក នឹងមិនពាក់ព័ន្ធក្នុងរឿងនោះទេ។   អ្នកនាំពាក្យរូបនេះ លើកឡើងថាក្រុងវ៉ាស៊ីនតោន នឹងធ្វើឲ្យប្រាកដថា កងកម្លាំងអ៊ុយក្រែន មានគ្រឿងយុទ្ធោបករណ៍គ្រប់ប្រភេទ និងលទ្ធភាពដែលពួកគេត្រូវការចាំបាច់ក្នុងការវាយរុលទៅមុខ។  សហរដ្ឋអាមេរិក បានផ្ដល់ជំនួយផ្នែកយោធាជាង៤៣ពាន់លានដុល្លារអាមេរិកដល់អ៊ុយក្រែន ចាប់តាំងពីការវាយលុករបស់រុស្ស៊ីកាលពីថ្ងៃទី២៤ខែកុម្ភៈឆ្នាំ២០២២។ ក្រសួងការពារជាតិអាមេរិក បានប្រកាស ផ្ដល់ប្រាក់ចំនួន៤០០លានដុល្លារអាមេរិកបន្ថែមទៀតជាជំនួយបន្ថែមផ្នែកសន្តិសុខសម្រាប់ប្រទេសអ៊ុយក្រែន កាលពីដើមសប្ដាហ៍នេះ រួមទាំងមីស៊ីលការពារដែនអាកាស យានប្រយុទ្ធ និងយានដ្រូនខ្នាតតូច ជាច្រើនគ្រឿង៕

ទាហាននីហ្សេ៖ រដ្ឋាភិបាលរបស់ប្រធានាធិបតីលោក Bazoum ត្រូវបានទម្លាក់ចេញពីអំណាចហើយ

2023/07/27 06:41:54 pm        84
Facebook Telegram Linkin
នីហ្សេ៖ យោងតាមទាហានមួយក្រុម ដែលបានបង្ហាញខ្លួននៅលើកញ្ចក់ទូរទស្សន៍ជាតិរបស់ប្រទេសនីហ្សេ កាលពីល្ងាចថ្ងៃពុធ (ទី២៦ ខែកក្កដា) បានឲ្យដឹងថា លោក Mohamed Bazoum ប្រធានាធិបតីរបស់ប្រទេសអាហ្វ្រិកខាងលិចមួយនេះ ត្រូវបានដកចេញពីអំណាចហើយ ដែលការប្រកាសបែបនេះ មានឡើងត្រឹមតែប៉ុន្មានម៉ោង បន្ទាប់ពីប្រធានាធិបតី ត្រូវបានឃុំខ្លួននៅឯវិមានប្រធានាធិបតី។ដោយអាននូវសេចក្តីថ្លែងការណ៍មួយ លោកវរសេនីយ៍ឯក Amadou Abdramane ដែលអង្គុយ និងអមដោយមន្រ្តី ៩រូបផ្សេងទៀត បាននិយាយថា កងកម្លាំងការពារ និងសន្តិសុខជាតិ បានសម្រេចចិត្តថា «បញ្ចប់របបមួយដែលយើងស្គាល់ ដោយសារតែស្ថានភាពសន្តិសុខកាន់តែអាក្រក់ឡើងៗ និងអភិបាលកិច្ចមិនល្អ»។លោក Abdramane បាននិយាយថា ព្រំដែនរបស់ប្រទេសនីហ្សេ ត្រូវបានបិទ បម្រាមគោចរទូទាំងប្រទេសត្រូវបានប្រកាស ហើយស្ថាប័នសាធារណរដ្ឋទាំងអស់ត្រូវបានផ្អាក។ ជាមួយគ្នានេះ ទាហានបានព្រមានប្រឆាំងនឹងអន្តរាគមន៍បរទេសណាមួយ ដោយបន្ថែមថា ពួកគេនឹងគោរពដល់សុខុមាលភាពរបស់លោក Bazoum។ការជាប់ឆ្នោតរបស់លោក Bazoum គឺជាការផ្លាស់ប្តូរអំណាចតាមបែបប្រជាធិបតេយ្យលើកដំបូង នៅក្នុងរដ្ឋមួយដែលឃើញមានរដ្ឋប្រហារយោធាចំនួន ៤ដង ចាប់តាំងពីទទួលបានឯករាជ្យពីប្រទេសបារាំង ក្នុងឆ្នាំ១៩៦០។សហភាពអាហ្រ្វិក និងប្លុកតំបន់អាហ្រ្វិកខាងលិច (ECOWAS) នៅថ្ងៃពុធនោះដែរ បានថ្កោលទោសចំពោះអ្វីដែលពួកគេហៅថា ជាការប៉ុនប៉ងធ្វើរដ្ឋប្រហារ។ ប្រធានាធិបតីនៃប្រទេសជិតខាងបេណាំង លោក Patrice Talon បានហោះហើរទៅកាន់ប្រទេសនីហ្សេ កាលពីរសៀលថ្ងៃពុធ ដើម្បីវាយតម្លៃស្ថានការណ៍ បន្ទាប់ពីបានជួបជាមួយប្រធានាធិបតីនីហ្ស៊េរីយ៉ា និងប្រធាន ECOWAS លោក Bola Tinubu៕

សវនាការរបស់លោក Hunter Biden បានបញ្ចប់ក្រោយចៅក្រម ពុំទាន់ត្រៀមទទួលយកកិច្ចព្រមព្រៀងផ្ដល់ចម្លើយពីភាពមានទោស

2023/07/27 06:38:27 pm        131
Facebook Telegram Linkin
អាមេរិក៖ កិច្ចព្រមព្រៀងផ្ដល់ចម្លើយពីភាពមានទោសរវាង កូនប្រុសលោកប្រធានាធិបតីអាមេរិក Joe Biden គឺលោក Hunter Biden និងក្រសួងយុត្តិធម៌ ពុំសម្រេចបានឡើយ បន្ទាប់ពីការបើកសវនាការតុលាការកាលពីពុធ។ លោក Hunter Biden បានបរាជ័យ ក្នុងការបង់ប្រាក់ ចន្លោះពី ១,១លានដុល្លារ ទៅ១,៥លានដុល្លារអាមេរិក ឲ្យទៅក្រសួងពន្ធដារសហព័ន្ធមុនពេលកាលបរិច្ឆេទ ខាងផ្លូវច្បាប់ផុតកំណត់ និងត្រូវបានតម្រូវឲ្យផ្ដល់ចម្លើយពីភាពមានទោសចំពោះបទចោទប្រកាន់ការគេចវេះមិនបង់ពន្ធចំនួន២ករណី ដោយក្រុមរដ្ឋអាជ្ញាព្រមព្រៀងផ្ដល់ការផ្ដន្ទាទោស។ ប៉ុន្តែមុនពេលការសារភាពដំបូង អាចត្រូវបានទទួល កិច្ចព្រមព្រៀងនេះ បានចាប់ផ្តើមស៊ើបអង្កេត ហើយកិច្ចព្រមព្រៀងដែលត្រូវបានកែប្រែឡើងវិញ បានសម្រេចក្នុងអំឡុងពេលសវនាការ ដែលមិនត្រូវបានទទួលយកដោយចៅក្រមទេ។ចៅក្រមប្រចាំសង្កាត់លោកស្រី ម៉ាយ៉េឡិន ណូរ៉េកា (Maryellen Noreika) បាននិយាយថា លោកស្រី មិនអាចទទួលយកកិច្ចព្រមព្រៀងនៅថ្ងៃនេះបានទេ។លោកស្រី ណូរ៉េកា បាននិយាយថាលោកស្រីមានការព្រួយបារម្ភ អំពីគូភាគីដែលហាក់ដូចជាភ្ជាប់កិច្ចព្រមព្រៀងស្នើសុំបង់ពន្ធដើម្បីដោះស្រាយការចោទប្រកាន់ពីបទឧក្រិដ្ឋពីបទកាន់កាប់អាវុធខុសច្បាប់។ ក្នុងអំឡុងពេលដំណើរការ ក្រុមអាជ្ញាបានបញ្ជាក់ថា ការស៊ើបអង្កេតលើលោក Hunter Biden កំពុងបន្ត។បន្ទាប់ពីការចរចារួច កូនប្រុសរបស់ប្រធានាធិបតីបានយល់ព្រមផ្ដល់ចម្លើយពីភាពមានទោសចំពោះការចោទប្រកាន់ការគេចវេះមិនបង់ពន្ធចំនួនពីរករណី ក្នុងកិច្ចព្រមព្រៀងដែលមានតែការប្រព្រឹត្តទាក់ទងនឹងបទល្មើសពន្ធដារ ការប្រើប្រាស់គ្រឿងញៀន និងការកាន់កាប់អាវុធគ្មានការអនុញ្ញាត។ ភាគីទាំងពីរបានព្រមព្រៀងគ្នាថា កិច្ចព្រមព្រៀងនេះពុំបានការពាររូបលោកពីការចោទប្រកាន់ដែលអាចកើតមាននាពេលអនាគតនោះទេ។ ប៉ុន្តែចៅក្រមមិនពេញចិត្តចំពោះកិច្ចព្រមព្រៀងនេះឡើយ៕

អង្គការសហប្រជាជាតិ ថ្កោលទោសការប៉ុនប៉ងធ្វើរដ្ឋប្រហារដែល នៅក្នុងប្រទេសនីហ្សេ

2023/07/27 06:16:13 pm        88
Facebook Telegram Linkin
នីហ្សេ៖ អ្នកនាំពាក្យអគ្គលេខាធិការ លោក Stephane Dujarric បាននិយាយកាលពីថ្ងៃពុធថា អង្គការសហប្រជាជាតិ បានថ្កោលទោសកិច្ចប្រឹងប្រែងណាមួយដើម្បីដំណ្តើមអំណាចដោយកងកម្លាំង និងធ្វើឲ្យអន្តរាយដល់អភិបាលកិច្ចលទ្ធិប្រជាធិបតេយ្យនៅក្នុងប្រទេសនីហ្សេ ខណៈក្រុមអង្គរក្សប្រធានាធិបតី បានឃុំខ្លួនប្រធានាធិបតីលោក Bazoum នៅក្នុងវិមានរបស់លោក។បណ្តាប្រទេសជិតខាង បានចាត់ទុកព្រឹត្តិការណ៍កាលពីថ្ងៃពុធនៅក្នុងប្រទេសនីហ្សេ ក្នុងការប៉ុនប៉ងរដ្ឋប្រហារ ប៉ុន្តែប្រធានាធិបតីបានចាត់ទុកវាជាចលនាប្រឆាំងសាធារណៈរដ្ឋក្នុងភាពក្រអើតក្រទម នៅក្នុងបណ្តាញ Twitter ដែលពេលនេះត្រូវបានលុបចោល។ សហរដ្ឋអាមេរិក និងសហភាពអឺរ៉ុប បានថ្កោលទោសចំពោះការប៉ុនប៉ងណាមួយដើម្បីដណ្តើមអំណាច នៅក្នុងប្រទេសអាហ្វ្រិកខាងលិច ដែលមានតែព្រំដែនគោក មានប្រជាជនប្រមាណ២៥លាននាក់៕

នាយករដ្ឋមន្រ្តីថ្មី នឹងចុះជួបសំណេះសំណាលមុនគេ ជាមួយកម្មករនិយោជិតរោងចក្រសហគ្រាស

2023/07/27 06:16:09 pm        306
Facebook Telegram Linkin
ភ្នំពេញ៖ ឯកឧត្តមបណ្ឌិត ហ៊ុន ម៉ាណែត នៅថ្ងៃទី២២ ខែសីហាខាងមុខនេះ នឹងត្រូវតែងតាំង​ជា​នាយករដ្ឋមន្ត្រី បន្ទាប់ពីសម្តេចតេជោ ហ៊ុន សែន នាយករដ្ឋមន្រ្តី បច្ចុប្បន្នប្រកាសចាកចេញជា​ផ្លូវការ។ ជាមួយការចូលកាន់តួនាទីជា​នាយករដ្ឋមន្រ្តី​ ឯកឧត្តមបណ្ឌិត ហ៊ុន ម៉ាណែត នឹងចុះជួប​សំណេះសំណាលជាមួយកម្មករ កម្មការិនី ​ដែលអាចចាត់ទុកថា ជាវិស័យដំបូង​ដែលលោក​នឹងចាប់ផ្តើម ។ជាមួយដំណឹងដ៏រីករាយនេះ ក្រុមកម្មករ កម្មការិនីរោងចក្រកាត់ដេរ នៅខណ្ឌកំបូល​ រាជធានីភ្នំពេញ នៅព្រឹកថ្ងៃទី២៧ ខែកក្កដា ឆ្នាំ២០២៣នេះ ​បានសម្តែងការគាំទ្រចំពោះ ​ឯកឧត្តមបណ្ឌិត ហ៊ុន ម៉ាណែត សម្រាប់ទទួលបានតួនាទីជានាយករដ្ឋមន្រ្តីថ្មី ​សម្រាប់អាណត្តិទី៧នេះ ដើម្បីបន្តដឹកនាំ​ប្រទេសកម្ពុជា​ឲ្យរីកចម្រើន និងអភិវឌ្ឍន៍​ទៅមុខបន្ថែមទៀត។ ដោយឡែក​លោក គឹម ចាន់សំណាង ប្រធានសហភាពសិទ្ធិកម្មករកម្ពុជាសង្ឃឹម ​និងជឿជាក់ថា ក្រោមការដឹកនាំ​របស់ឯកឧត្តមបណ្ឌិត ហ៊ុន ម៉ាណែត ​នឹងមានការរីកចម្រើនកាន់តែខ្លាំង កម្មករ​មានការងារធ្វើកាន់តែច្រើន ​សេដ្ឋកិច្ចក៏កាន់តែរីកចំរើន ជាពិសេសដឹកនាំកម្ពុជា​ឆ្ពោះទៅសម្រេច​ចក្ខុវិស័យប្រែក្លាយជាប្រទេសមានប្រាក់​ចំណូល​មធ្យមក​ម្រិតខ្ពស់នៅឆ្នាំ២០៣០ និងប្រាក់ចំណូល​កម្រិតខ្ពស់នៅឆ្នាំ២០៥០ផងដែរ៕ អត្ថបទ៖ឈិត បូរ៉ាវី

ប្រទេសអូស្ត្រាលីផ្តល់កិច្ចសន្យាការពារជាតិHanwhaរបស់កូរ៉េខាងត្បូងចំនួន៤,៧ពាន់លានដុល្លារ

2023/07/27 06:13:22 pm        84
Facebook Telegram Linkin
អូស្ត្រាលី៖ ក្រុមហ៊ុនការពារជាតិដ៏ធំបំផុតរបស់កូរ៉េខាងត្បូង Hanwha Aerospace នៅថ្ងៃព្រហស្បតិ៍ (ទី២៧កក្កដា)នេះ បានប្រជែងឈ្នះក្រុមហ៊ុនRheinmetall( រ៉ាញមេតាល់) របស់អាល្លឺម៉ង់ ដើម្បីទទួលបានកិច្ចសន្យារបស់អូស្ត្រាលី ដែលមានតម្លៃរហូតដល់ ៧ពាន់លានដុល្លារអូស្ត្រាលី (៤,៧៤ពាន់លានដុល្លារ)សម្រាប់ផលិតយានយន្តប្រយុទ្ធថ្មើរជើងចំនួន ១២៩គ្រឿង។កិច្ចព្រមព្រៀងដែលរដ្ឋមន្ត្រីក្រសួងឧស្សាហកម្មការពារជាតិលោក ប៉ាត កុនរ៉ូយ (Pat Conroy) បានពិពណ៌នាថា ជាគម្រោងដ៏ធំបំផុតមួយក្នុងប្រវត្តិសាស្ត្ររបស់កងទ័ពអូស្ត្រាលី នឹងមានតម្លៃពី ៥ពាន់លានដុល្លារអូស្ត្រាលី (៣,៤ ពាន់លានដុល្លារ) ទៅ ៧ពាន់លានដុល្លារអូស្ត្រាលី (៤,៧៤ ពាន់លានដុល្លារ)។យានយន្តថ្មីដែលនឹងត្រូវផលិតនៅក្នុងប្រទេសអូស្ត្រាលីនៅឯកន្លែងរបស់ក្រុមហ៊ុន Hanwha ក្នុងរដ្ឋវិចតូ រីយ៉ា (Victoria) នឹងជំនួសរថពាសដែកM113 ដែលបានដាក់ឲ្យប្រើប្រាស់ជាលើកដំបូងក្នុងឆ្នាំ១៩៦៤។ប្រទេសអូស្ត្រាលី បាននិងកំពុងធ្វើឲ្យប្រសើរឡើងនូវសមត្ថភាពការពាររបស់ខ្លួន ដោយលើកឡើងពីការផ្លាស់ប្តូរបរិយាកាសយុទ្ធសាស្ត្រ នៅក្នុងតំបន់ប៉ាស៊ីហ្វិក ដែលចិនកំពុងសម្លឹងមើល ដើម្បីបង្កើនឥទ្ធិពលរបស់ខ្លួននោះ។លោកកុនរ៉ូយបាននិយាយថា រដ្ឋាភិបាលនឹងពន្លឿនដំណើរការនេះ ដើម្បីឲ្យយានប្រយុទ្ធដំបូងអាចដឹកជញ្ជូនបាននៅដើមឆ្នាំ ២០២៧ ពោលគឺលឿនជាងការគ្រោងទុកពីរឆ្នាំ និងយានយន្តចុងក្រោយនៅឆ្នាំ២០២៨៕

យុវជនបង្ហាញពីការជឿជាក់និងគាំទ្រ ចំពោះឯកឧត្តម ហ៊ុន ម៉ាណែត ដែលនឹងក្លាយជានាយករដ្ឋមន្រ្តីថ្មី

2023/07/27 06:06:24 pm        615
Facebook Telegram Linkin
ភ្នំពេញ៖ យុវជនមើលឃើញថា ឯកឧត្តម ហ៊ុន ម៉ាណែត ដែលនឹងក្លាយជានាយករដ្ឋមន្រ្តីថ្មី ក្នុងអាណត្តិទី៧ ពិតជាសាកសម សម្រាប់ការបន្តដឹកនាំនាវាកម្ពុជា។ ពួកគេជឿជាក់លើសមត្ថភាពចំណេះដឹង ប្រវត្តិសិក្សាក៏ដូចជាសមត្ថភាពការងារ របស់ឯកឧត្តម ដែលអាចបន្តរក្សានូវអ្វីគ្រប់យ៉ាងដែលកម្ពុជាមាន​ និងអាចនាំឱ្យកម្ពុជាកាន់តែរីកចម្រើន។សម្ដេចតេជោ ហ៊ុន សែន បានប្រកាសជាផ្លូវការដោយមិនធ្វើជានាយករដ្ឋមន្រ្តីទៀតទេ សម្រាប់អាណត្តទី ៧។ វត្តមាននាយករដ្ឋមន្រ្តីថ្មីគឺឯកឧត្តម ហ៊ុន ម៉ាណែត ដែលនឹងក្លាយជា​នាយករដ្ឋមន្រ្តី​ដឹកនាំនាវាកម្ពុជា ​ចាប់ពីថ្ងៃទី ២២ ខែសីហា​ ឆ្នាំ ២០២៣។ ​ការនឹងក្លាយជា​នាយករដ្ឋមន្រ្តី​ថ្មីនេះ ​ក៏ទទួលបានការសាទរពីប្រជាពលរដ្ឋផងដែរ។ សម្រាប់យុវជន មើលឃើញថា នេះជារបត់នយោបាយថ្មីសម្រាប់កម្ពុជា​ ដែលផ្លាស់ប្ដូរថ្នាក់ដឹកនាំ​ មកជាអ្នកដឹកនាំវ័យក្មេង។ ពួកគេមើលឃើញដែរថា ​ឯកឧត្តម ហ៊ុន ម៉ាណែត​ ពិតជាសាកសមសម្រាប់ការងារដឹកនាំមួយនេះ។ ពួកគេជឿជាក់លើសមត្ថភាពចំណេះដឹង តាមរយៈប្រវត្តិសិក្សា​ និងជឿជាក់លើសមត្ថភាពការងារ និង​បុគ្គលិកលក្ខណៈ ដ៏ប្រពៃរបស់ ឯកឧត្តម។ ពួកគេបន្តថា ឯកឧត្តម ហ៊ុន ម៉ាណែត អាច​បន្តរក្សានូវ​សុខ​សន្តិភាព​និង​ប្រាកដជាអាចនាំ​ឱ្យ​ជាតិកាន់​តែរីកចំរើន។ទន្ទឹមនឹងការសាទរចំពោះនាយករដ្ឋមន្រ្តីថ្មី ​ពួកគេជាយុវជនក៏សូមអរគុណដល់ ​សម្ដេចតេជោ ហ៊ុន សែន ដែលបានកាន់តួនាទី ​ជានាយករដ្ឋមន្រ្តីរយៈពេល ជាង៣៨ឆ្នាំមកនេះ។ ​ពួកគេថា សម្ដេចតេជោ ជាគម្រូវីរភាព ជាថ្នាក់ដឹកនាំ ដែលបានរំដោះជីវិតប្រជាពលរដ្ឋ និងកសាងកម្ពុជាពី​បាតដៃ​ទទេ​រហូតដល់កម្ពុជា​មានពេលបច្ចុប្បន្ន។គួរបញ្ជាក់ថា ឯកឧត្តម ហ៊ុន ម៉ាណែត ដែលនឹងក្លាយជានាយករដ្ឋថ្មី គិតត្រឹមឆ្នាំ ​២០២៣នេះ គឺមានវ័យ៤៦ឆ្នាំ។ ឯកឧត្តម មានប្រវត្តិសិក្សាខ្ពង់ខ្ពស់​ ដោយមានទាំងចំណេះដឹងលើផ្នែកយោធា បូករួមទាំងចំណេះដឹងផ្នែកសេដ្ឋកិច្ច ​ដោយបានបញ្ចប់ការសិក្សាពីបរទេស។ ជាក់ស្ដែង ឯកឧត្តម ហ៊ុន ម៉ាណែត ជាជនជាតិខ្មែរដំបូងគេដែលបានសិក្សានៅសាលាបណ្ឌិតយោធា West Point នៅសហរដ្ឋអាមេរិក។ ឯកឧត្តមក៏បាន បញ្ចប់ថ្នាក់អនុបណ្ឌិតសេដ្ឋកិច្ច នៅសាកលវិទ្យាល័យ New York និងបញ្ចប់ថ្នាក់បណ្ឌិតសេដ្ឋកិច្ច នៅសាកលវិទ្យាល័យ Bristol ចក្រភពអង់គ្លេសផងដែរ៕ អត្ថបទ៖ គឹមហុក

អ្នកគាំទ្រលោក Bazoum ទាមទាឲ្យមានការដោះលែងប្រធានាធិបតីនីហ្សេ ពីការឃុំឃាំងនៅវិមានប្រធានាធិបតី

2023/07/27 06:04:03 pm        91
Facebook Telegram Linkin
នីហ្សេ៖ អង្គរក្សប្រធានាធិបតី កំពុងឃុំឃាំងលោក Mohamed Bazoum ប្រធានាធិបតីប្រទេសនីហ្សេ នៅខាងក្នុងវិមានរបស់លោក ក្នុងរដ្ឋធានី Niamey កាលពីថ្ងៃពុធ ខណៈមេដឹកនាំប្រចាំតំបន់ បានរៀបចំបេសកកម្មសម្របសម្រួលបន្ទាន់ ដើម្បីព្យាយាមរារាំងការដណ្តើមអំណាចនៅអាហ្វ្រិកខាងលិច។អ្នកសារព័ត៌មានរ៉យទ័រម្នាក់ និយាយថា ហ្វូងអ្នកគាំទ្រលោក Bazoum បានមកតវ៉ានៅខាងក្រៅសភាជាតិ ក្នុងទីក្រុង Niamey និងបានអំពាវនាវឲ្យមានការដោះលែងលោកប្រធានាធិបតីមុនពេលពួកគេត្រូវបានបំបែកដោយនគរបាល។ក្រុមទាហានបានចូលគ្រប់គ្រងគ្រប់ដងផ្លូវទាំងអស់ទៅកាន់ស្ថានីយទូរទស្សន៍ជាតិ ដែលបានចាក់ផ្សាយការប្រគុំតន្ត្រីនិងភាពយន្តពេញមួយថ្ងៃ។សហភាពអាហ្វ្រិក និងប្លុកតំបន់អាហ្វ្រិកខាងលិច បានថ្កោលទោសនូវអ្វីដែលពួកគេចាត់ទុកថាជាការប៉ុនប៉ងធ្វើរដ្ឋប្រហារ ដែលកំពុងអំពាវនាវឲ្យអ្នករៀបចំផែនការដោះលែងលោក Bazoum និងត្រឡប់ទៅកាន់បន្ទាយរបស់ពួកគេវិញ៕

កងកម្លាំងអាមេរិក និងអូស្ត្រាលី ចូលរួមក្នុងសមយុទ្ធយោធារួមគ្នា

2023/07/27 05:59:38 pm        117
Facebook Telegram Linkin
អាមេរិក៖ កងកម្លាំងសហរដ្ឋអាមេរិក បានចូលរួមជាមួយកងកម្លាំងអូស្ត្រាលីដើម្បីចូលរួមសមយុទ្ធ Talisman Sabre( តាលីស្មាន់ សាប៊ើ) ដែលជា សមយុទ្ធរួមដ៏ធំ ក្នុងរយៈពេលប៉ុន្មានសប្តាហ៍កន្លងទៅនេះ។កិច្ចខិតខំប្រឹងប្រែងរួមគ្នា ដែលធ្វើឡើងរៀងរាល់២ឆ្នាំម្តង ពាក់ព័ន្ធនឹងសមយុទ្ធកងទ័ពជើងទឹក នៅមហាសមុទ្រឥណ្ឌា និងសមយុទ្ធនៅមូលដ្ឋានយោធា នៅទូទាំងប្រទេសអូស្ត្រាលី។វីដេអូដែលទើបចេញថ្មី បានបង្ហាញយន្តហោះOspreyរបស់សហរដ្ឋអាមេរិក បានចុះចតនៅលើនាវារបស់កងទ័ពជើងទឹកអូស្ត្រាលីHMS Adelaide។វីដេអូផ្សេងទៀត បានបង្ហាញពីកងកម្លាំងជាច្រើនបានបញ្ចេញ និងគ្រប់គ្រងយានដ្រូន ក្នុងអំឡុងពេលប្រតិបត្តិការនៅក្នុងរដ្ឋឃ្វីនស្លែនដ៍(Queensland)។

បណ្ដាញសង្គម

ព័ត៌មានថ្មីៗ

រដ្ឋមន្ត្រីក្រសួងឧស្សាហកម្ម៖ ការវេចខ្ចប់ គឺជាតំណភ្ជាប់ដ៏មានសារៈសំខាន់នៅក្នុងខ្សែច្រវាក់ផលិតកម្ម
09/28/2026 08:09 PM
Facebook Telegram Linkin
ការ​ស្ទង់មតិ៖ បេក្ខជន​ស្ដាំ​និយមជ្រុល និង​ឆ្វេងនិយម​ជ្រុល​​ ទំនង​ឈានដល់ជុំទី២ នៃ​ការបោះឆ្នោតប្រធានាធិបតីបារាំង
09/28/2026 07:09 PM
Facebook Telegram Linkin
វិមានក្រឹមឡាំង៖ ការចរចាគ្រប់គ្រងអាវុធរុស្ស៊ី-អាមេរិក គួរតែបានចាប់ផ្តើមឡើងវិញ តាំងពី «ម្សិលមិញ»
09/28/2026 07:09 PM
Facebook Telegram Linkin
Hyundai Cambodia បង្ហាញរថយន្តអគ្គិសនីជំនាន់ថ្មី ដោយនាំយកបច្ចេកវិទ្យា និងការរចនាទំនើប
09/28/2026 06:09 PM
Facebook Telegram Linkin
បុគ្គលិកសង្គ្រោះ៖ ទឹកជំនន់ និងបំណាក់ដី នៅភាគខាងត្បូងមីយ៉ាន់ម៉ា បណ្ដាល​ឱ្យ​មនុស្ស​ ៨នាក់ស្លាប់​​
09/28/2026 06:09 PM
Facebook Telegram Linkin
សារព័ត៌មាន Bild ៖ សេវាស៊ើបការណ៍សម្ងាត់អាល្លឺម៉ង់បង្កើនការស៊ើបការណ៍លើស្ថានទូតរុស្ស៊ី នៅទីក្រុងប៊ែរឡាំង
09/28/2026 06:09 PM
Facebook Telegram Linkin
ការដឹកជញ្ជូនឧស្ម័នធម្មជាតិរាវរបស់ប្រទេសកាតាឆ្លងកាត់ច្រកសមុទ្រ Hormuz កើនឡើង ទោះបីជាមានជម្លោះក្តី
09/28/2026 06:09 PM
Facebook Telegram Linkin
ទីភ្នាក់ងារសន្តិសុខអាល្លឺម៉ង់ប្រឈមការ​លំបាក ក្រោយក្រុម​ស្តាំនិយមជ្រុល និងឆ្វេងនិយមជ្រុល ឈ្នះ​
09/28/2026 06:09 PM
Facebook Telegram Linkin
នាយករដ្ឋមន្ត្រីអេស្ប៉ាញប្ដេជ្ញាចាត់វិធានការ ខណៈការតវ៉ាជុំវិញបញ្ហាលំនៅឋាននៅក្រុង​ម៉ាឌ្រីដ​ កើនឡើង
09/28/2026 06:09 PM
Facebook Telegram Linkin
UN ៖ ប្រជាជនស៊ីរីជាង ៦០.០០០នាក់ បានត្រឡប់ពីជំរំជនភៀសខ្លួនទៅផ្ទះសម្បែងវិញ ចាប់តាំងពីខែមករា
09/28/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.