នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

ការិយាល័យបោះឆ្នោតនៅខេត្តកណ្តាល ត្រូវបានរៀបចំរួចរាល់រង់ចាំពលរដ្ឋបោះឆ្នោត នៅថ្ងៃស្អែក

2023/07/22 06:53:00 pm        531
Facebook Telegram Linkin
កណ្ដាល៖ ការិយាល័យបោះឆ្នោត នៅក្នុងខេត្តកណ្ដាល មកដល់ពេលនេះ គឺត្រូវបានរៀបចំរួចរាល់អស់ហើយ នៅតាមសាលារៀន និងតាមវត្តអារាមមួយចំនួនទៀត សម្រាប់ពលរដ្ឋធ្វើការបោះឆ្នោតជ្រើសតាំងតំណាងរាស្ត្រ នីតិកាលទី៧ នៅថ្ងៃស្អែកនេះ។លោក ស្វាយ សិទ្ធី ប្រធានគណៈកម្មការរៀបចំការបោះឆ្នោតសង្កាត់ព្រែកហូរ ក្រុងតាខ្មៅ ខេត្ត កណ្តាល បានឱ្យដឹងថា ចាប់តាំងពីព្រឹកថ្ងៃនេះ ​គឺគ្រប់មន្ត្រីការិយាល័យបោះឆ្នោតទាំងអស់ បាន​យកសម្ភារៈមួយចំនួន ​ពីស្នាក់ការគណៈកម្មការ ទៅដំឡើងរៀបចំនៅក្នុងបន្ទប់ការិយាល័យ​បោះឆ្នោតរបស់ខ្លួន ​លើកលែងសម្ភារៈបីមុខ ដូចជា ទឹកខ្មៅ ​សន្លឹកឆ្នោត និងត្រា គឺនៅមិនទាន់​ប្រគល់​ទៅតាមការិយាល័យ ​បោះឆ្នោតនោះទេ ​និងមានក្រុមសមត្ថកិច្ចការពារតឹងរឹង ។ទន្ទឹមនឹងការិយាល័យបោះឆ្នោត ​កំពុងត្រូវបានរៀបចំនោះ ​ក៏មានពលរដ្ឋទៅមើលឈ្មោះ មើលទី តាំងបោះឆ្នោតរបស់ខ្លួនផងដែរ ។ ពលរដ្ឋបានថ្លែងថា ​ឆ្លងកាត់ការបោះឆ្នោតច្រើនលើក​ច្រើន​សារមក គឺយើងទាំងអស់គ្នាមិនមានពិបាកស្វែងរកបន្ទប់ការិយាល័យបោះឆ្នោតនោះទេ។ឯកឧត្តម ហង្ស ពុទ្ធា សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត​ (គ.ជ.ប) បានឲ្យដឹងថា ​ការបោះឆ្នោតជ្រើសរើសតំណាងរាស្រ្តនាថ្ងៃអាទិត្យ ​ទី២៣ ខែកក្កដា ឆ្នាំ២០២៣ ស្អែកនេះ គ.ជ.ប រៀបចំទីតាំងការិយាល័យបោះឆ្នោត ​ប្រមាណជាង ២ម៉ឺនការិយាល័យ នៅទូទាំង​ប្រទេស និងមានមន្ត្រីគ.ជ.ប បម្រើការនៅតាមការិយាល័យបោះឆ្នោត ​ប្រមាណជាង ១៤ម៉ឺននាក់ ចាំទទួលពលរដ្ឋប្រមាណ៩លាន៧សែននាក់ អញ្ជើញចូលរួមបោះឆ្នោត៕ អត្ថបទ ស៊ុម សុខជា

សម្តេចតេជោ ហ៊ុន សែន អនុញ្ញាតឱ្យប្រតិភូអ្នកសង្កេតការណ៍បោះឆ្នោតអន្តរជាតិចូលជួបសំដែងការគួរសម

2023/07/22 06:49:45 pm        422
Facebook Telegram Linkin
ភ្នំពេញ៖ ប្រតិភូសង្កេតការណ៍អន្តរជាតិចំនួន៨៥នាក់ក្នុងចំណោមជាង ៤០០ នាក់ មកពីប្រទេសជាច្រើន ត្រូវបានសម្តេចតេជោ ហ៊ុន សែន នាយករដ្ឋមន្ត្រីអនុញ្ញាតឱ្យចូលជួបសំដែងការគួរសម។ក្នុងឱកាសដែលត្រូវបានសម្តេចតេជោ ហ៊ុន សែន នាយករដ្ឋមន្ត្រី អនុញ្ញាតឱ្យចូលជួបសំដែងការគួរស មនៅវិមានសន្តិភាពនាព្រឹកថ្ងៃទី២២ ខែកក្កដា ឆ្នាំ២០២៣ បើតាមឯកឧត្ដម ស្រ៊ី ថាមរ៉ុង្គ រដ្ឋមន្ត្រីប្រតិភូ អមនាយករដ្ឋមន្ត្រីបានឱ្យក្រុមអ្នកសារព័ត៌មានដឹងថា នៅក្នុងជំនួបនេះ សម្ដេចតេជោនាយករដ្ឋមន្ត្រីបានសម្ដែងនូវការស្វាគមន៍យ៉ាងកក់ក្តៅចំពោះប្រតិភូជាអ្នកសង្កេតការណ៍អន្តរជាតិទាំងអស់ ដែលបានអញ្ជើញមកចូលរួមពិនិត្យ តាមដាន និងសិក្សាដកយកបទពិសោធន៍នៃការអនុវត្តប្រព័ន្ធប្រជាធិបតេយ្យនៅកម្ពុជា ដែលបង្ហាញអំពីការរីកលូតលាស់នៃលទ្ធិប្រជាធិបតេយ្យនៅកម្ពុជា។សម្ដេចតេជោមានប្រសាសន៍បន្តថា សម្ដេចបានសង្កេតឃើញថាអ្នកសង្កេតការណ៍អន្តរជាតិដែលមកមើលការបោះឆ្នោតនៅកម្ពុជាលើកនេះគឺមានចំនួនយ៉ាងច្រើន ជាងកាលពីការបោះឆ្នោតកន្លងទៅ ហើ យអ្នកសង្កេតការណ៍ទាំងអស់នឹងតាមដានមើលការបោះឆ្នោតនៅថ្ងៃស្អែក នៅតាមទីកន្លែងបោះឆ្នោតនានាដោយសេរីហើយនឹងឃើញភាពជាក់ស្តែងនៃការអនុវត្តប្រជាធិបតេយ្យនៅកម្ពុជា។សម្ដេចក៏បានអនុញ្ញាតឱ្យតំណាងប្រតិភូអ្នកសង្កេតការណ៍អន្តរជាតិ លើកឡើងពីការចាប់អារម្មណ៍ផង ដែរ ដោយគណៈប្រតិភូទាំងអស់សុទ្ធតែបានបង្ហាញនូវការចាប់អារម្មណ៍ ចំពោះសភាពការយ៉ាងល្អប្រ សើរនៅកម្ពុជា ជាពិសេសការរីកចម្រើននៅកម្ពុជា។ គណៈប្រតិភូទាំងនេះ មានមួយចំនួនធ្លាប់បានមកមើលការបោះឆ្នោតលើកមុនៗ និងមួយចំនួនទៀតក៏ធ្លាប់បានអញ្ជើញមកបំពេញទស្សនកិច្ចនៅកម្ពុជាផងដែរ។ បណ្ដាប្រតិភូទាំងអស់បានកោតសរសើរចំពោះការរីកចម្រើនយ៉ាងលឿន ទាំងខាងនយោបា យ សេដ្ឋកិច្ច និងការអភិវឌ្ឍន៍ ជាពិសេសអគារខ្ពស់ៗ ផ្លូវល្អស្អាត សណ្ដាប់ធ្នាប់ហើយប្រជាជនរស់នៅមានទឹកមុខរីករាយ ដែលបង្ហាញពីការរស់នៅប្រកបដោយជីវភាពកាន់តែល្អប្រសើរជាលំដាប់។ក្នុងជំនួបនេះដែរ សម្ដេចតេជោក៏បានពន្យល់អំពីប្រព័ន្ធបោះឆ្នោតនៅកម្ពុជា ដែលបានប្រព្រឹត្តទៅយ៉ាងទៀងទាត់ជារៀងរាល់ប្រាំឆ្នាំម្ដង ដែលនេះបង្ហាញពីប្រទេសមួយ ដែលបានបោះឆ្នោតជាទៀងទាត់តាមការកំណត់ ហើយដែលគណបក្សនយោបាយនានាមានពេលវេលាគ្រប់គ្រាន់ គឺរយៈពេល៥ឆ្នាំសម្រាប់រៀបចំការចូលរួមក្នុងការបោះឆ្នោត។ សម្ដេចក៏បានជម្រាបជូនប្រតិភូអំពីអ្នកបន្តវេនវ័យក្មេង ដែលអនុ ញ្ញាតឲ្យអ្នកជំនាន់ក្រោយដែលមានកា រសិក្សាបានខ្ពង់ខ្ពស់ ទាំងផ្នែកបច្ចេកវិទ្យា ឌីជីថលបានបន្តដឹក នាំបន្ទាប់ពីអ្នកជំនាន់មុន ដែលទាំងអស់នេះគឺជាការត្រៀម ដើម្បីបន្តនិរន្តរភាពទាំងស្ថិរភាពនយោបា យ និងសេដ្ឋកិច្ច ចៀសវាងការរំជើបរំជួលឬ សង្គ្រាមដែលនាំឲ្យខូចខាត និងប៉ះពាល់ដល់សេដ្ឋកិច្ច និងការអភិវឌ្ឍប្រទេស។គណៈប្រតិភូទាំងអស់បានបង្ហាញនូវការពេញចិត្តយ៉ាងខ្លាំង ចំពោះការដឹកនាំប្រទេសដ៏ម៉ឺងម៉ាត់ ម៉ត់ ចត់របស់សម្ដេច ដោយបានប្រែក្លាយប្រទេសពីសង្គ្រាមមកសន្តិភាព ពីការបែកបាក់មករួបរួមគ្នាជាធ្លុងមួយ និងបានជូនពរសម្ដេចតេជោ និងប្រជាជនកម្ពុជាឲ្យទទួលបានជោគជ័យយ៉ាងត្រចះត្រចង់សម្រា ប់ការបោះឆ្នោតនៅថ្ងៃស្អែកនេះ៕ដោយ៖ មុត សុទ្ធ

គ.ជ.ប បន្តធ្វើបទបង្ហាញដល់អ្នកសង្កេតការណ៍អន្តរជាតិអំពីនីតិវិធីដំណើរការបោះឆ្នោតនៅកម្ពុជា

2023/07/22 06:42:15 pm        363
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត គ.ជ.ប នាព្រឹកថ្ងៃទី ២២ ខែកក្កដា ឆ្នាំ២០២៣ នេះបន្ត ដឹកនាំកិច្ចប្រជុំ និងធ្វើបទបង្ហាញស្តីពីនីតិវិធីនៃដំណើរការបោះឆ្នោត ការរាប់សន្លឹកឆ្នោត និងការបូកសរុបលទ្ធផល តួនាទីអ្នកសង្កេតការណ៍បោះឆ្នោត អំឡុងពេលដំណើរការបោះឆ្នោត និងការដោះស្រាយបណ្ដឹងពាក់ព័ន្ធនឹងការបោះឆ្នោតជូនអ្នកសង្កេតការណ៍អន្តរជាតិនៅសណ្ឋាគារ សូហ្វីតែល ភ្នំពេញ។កិច្ចប្រជុំនេះបានធ្វើឡើងក្រោមអធិបតីភាពឯកឧត្ដម នុត សុខុម អនុប្រធាន គ.ជ.ប និងមានការ​ចូលរួម​ពីក្រុមអ្នកសង្កេតការណ៍អន្តរជាតិប្រមាណ ៤០ នាក់​ មកពីបណ្ដាប្រទេសនានា ដូចជា​ប្រទេសប្រ៊ុយណេ មីយ៉ាន់ម៉ា ម៉ាឡេស៊ី វៀតណាម ​សិង្ហបុរី ថៃ ឡាវ ​ឥណ្ឌូណេស៊ី ចិន ទីម័រខាងកើត និងហ្វីលីពីន ជាដើម។ ជាកិច្ចចាប់ផ្ដើមឯកឧត្ដម នុត សុខុម អនុប្រធាន គ.ជ.ប ថ្លែងទៅកាន់អ្នករាយការណ៍អន្តរជាតិ​ស្ដីពីនីតិវិធី​នៃដំណើរការបោះឆ្នោតនៅក្នុងប្រទេសកម្ពុជា។ ឯកឧត្ដម បានថ្លែងអំណរគុណដល់អ្នកសង្កេតការអន្តរជាតិទាំងអស់​ដែលបានទទួលយក​ការអញ្ជើញ​មកចូលរួមធ្វើជាអ្នកសង្កេតការនៃការបោះឆ្នោតជ្រើសតាំងតំណាងរាស្រ្ដនីតិកាលទី៧ ឆ្នាំ២០២៣ ដែលនឹងប្រព្រឹត្តិទៅនាថ្ងៃអាទិត្យ ទី២៣ ខែកក្កដា ស្អែកនេះ។ ឯកឧត្តម ឌឹម សុវណ្ណារុំ សមាជិក និងជាប្រធានក្រុមប្រតិកម្មព័ត៌មាន គ.ជ.ប បញ្ជាក់ថា ក្រុមអ្នកសង្កេតការណ៍អន្តរជាតិដែលបានមកចូលរួមសង្កេតការណ៍បោះឆ្នោតនៅកម្ពុជានេះ សុទ្ធតែជាអ្នកជំនាញខាងការបោះឆ្នោត ដូច្នេះអ្នកសង្កេតការណ៍ទាំងនេះនឹងចូលរួមពិនិត្យមើលលើ​ដំណើរការនៃការបោះឆ្នោតក្នុងប្រទេសកម្ពុជាលើនីតិវិធីនៃដំណើរការបោះឆ្នោត​ ការរាប់សន្លឹកឆ្នោត និងការបូកសរុបលទ្ធផល និងការដោះស្រាយបណ្ដឹងពាក់ព័ន្ធនឹងការបោះឆ្នោតជាដើម។ សូមជម្រាបថា ​នៅក្នុងដំណើរការនៃការបោះឆ្នោតជ្រើសតាំងតំណាងរាស្រ្ដនីតិកាលទី៧ ឆ្នាំ២០២៣ នៅក្នុង​ប្រទេសកម្ពុជា ដែលប្រព្រឹត្តិទៅនាថ្ងៃទី ២៣ ខែកក្កដា ឆ្នាំ ២០២៣នេះ ក្រុមអ្នកសង្កេត​ការណ៍​អន្តរជាតិជាង ៤០០ នាក់ មកជាង ៦០ ប្រទេស ​និងស្ថាប័នបានចូលរួមធ្វើជាអ្នក​សង្កេតការណ៍​ផ្ទាល់​ដើម្បីបង្ហាញពីតម្លាភាព​ និងលទ្ធិប្រជាធិបតេយ្យនៃការបោះឆ្នោតនៅកម្ពុជា៕អត្ថបទ៖ វ៉ន ដារ៉ា

រថយន្តក្រុង៣៥០គ្រឿងបានដាក់ឱ្យប្រើប្រាស់ សម្រាប់ដឹកពលរដ្ឋឥតគិតថ្លៃ ទៅចូលរួមបោះឆ្នោត

2023/07/22 06:13:43 pm        586
Facebook Telegram Linkin
ភ្នំពេញ៖ ដោយអនុវត្តទៅតាមអនុសាសន៍ណែនាំដ៏ខ្ពង់ខ្ពស់របស់ប្រមុខរាជរដ្ឋាភិបាល នៃកម្ពុជា នៅព្រឹកថ្ងៃទី២២ ខែកក្កដា ឆ្នាំ២០២៣នេះ រដ្ឋបាលរដ្ឋបាលរាជធានីភ្នំពេញ បានរៀបចំរថយន្ត​ក្រុង​សាធារណៈចំនួន ៣៥០គ្រឿង​ សម្រាប់បម្រើដល់ការដឹកជញ្ជូន​កម្មករកម្មការិនីរោងចក្រ ក៏ដូចជាបងប្អូន​ប្រជាពលរដ្ឋទូទៅទាំងអស់ ធ្វើដំណើរទៅស្រុកកំណើត​នៅតាមបណ្តាខេត្តនានា​ដោយឥតគិតថ្លៃ ​ដើម្បីទៅចូលរួមបោះឆ្នោតជ្រើសតាំងតំណាងរាស្ត្រនីតិកាលទី៧ ដែល​នឹងប្រព្រឹត្តិទៅនៅថ្ងៃទី២៣ ខែកក្កដា​ ឆ្នាំ២០២៣ស្អែកនេះ ។ឯកឧត្តមឃួង ស្រេង អភិបាលរាជធានីភ្នំពេញ មានប្រសាសន៍ឱ្យដឹងថា ក្រៅពីរថយន្ត៣៥០គ្រឿង ដែលបានរៀបចំប្រើប្រាស់សម្រាប់ដឹកជញ្ជូនកម្មករ ​និងពលរដ្ឋខាងលើនោះ រដ្ឋបាលរាជធានី​ភ្នំពេញ​ក៏បានត្រៀងរថយន្តសាគួរបន្ថែមចំនួន៥០គ្រឿងទៀតផងដែរ ដើម្បីជាតម្រូវការប្រើប្រាស់​អោយបានគ្រប់គ្រាន់​ ប្រសិនបើមានការខ្វះខាត ។ ឯកឧត្តម បន្តថា ក្នុងនោះអាជ្ញាធរ​ បានរៀបចំទីតាំងចំណតចំនួន១០កន្លែង ​សម្រាប់កម្មករ និង​ពលរដ្ឋទូទៅ ទៅទទួលការដឹកជញ្ជូនដោយឥតគិតថ្លៃ ដើម្បីធ្វើដំណើរទៅស្រុកកំណើត​ចូលរួម​បោះឆ្នោត ។កម្មករកម្មការិនី និងពលរដ្ឋដែលទៅទទួលសេវា ​នៃការជិះរថយន្តឥតគិតថ្លៃ បានបង្ហាញក្តីរំភើប​រីករាយ​ដែលបានជិះរថយន្តក្រុងស្អាត​ធំទូលាយ ​និងមានផាកសុខភាព​ ដើម្បីធ្វើដំណើរ​ទៅស្រុកកំណើត​ចូលរួមបោះឆ្នោត ។ ក្នុងនោះពួកគាត់ ​ក៏ថ្លែងអំណរគុណចំពោះរាជរដ្ឋាភិបាល ដែលតែងតែ​គិតគូរដល់កម្មករកម្មការិនីតាមរោងចក្រទាំងអស់ ​ក៏ដូចជាពលរដ្ឋទូទៅ ដោយ​ជួយសម្រួល​ការដឹកជញ្ជូនដោយឥតគិតថ្លៃ ដែលវាបានជួយកាត់បន្ថយការចំណាយ​ប្រាក់កាស​ច្រើនក្នុងការធ្វើដំណើរទាំងទៅ និងមក ។ សូមបញ្ជាក់ថា ​ទីតាំងចំណតរថយន្តក្រុងទាំង១០កន្លែង រួមមាន ៖ ទីតាំងទល់មុខបញ្ជាការដ្ឋាន​កងរាជអាវុធហត្ថរាជធានីភ្នំពេញ, ទីតាំងក្នុងសួនឧស្សាហកម្មវឌ្ឍនៈ , ទីតាំងសួនឧស្សាហកម្មកាណាឌីយ៉ា , ទីតាំងផែស្ងួតសូងួន , ទីតាំងមុខអាកាសយានដ្ឋានអន្តរជាតិភ្នំពេញ , ទីតាំងតាមបណ្ដោយផ្លូវជាតិលេខ៤មុខរោងចក្រហេនសឺវេន & អតីតរោងចក្រខាំបូហេនសាំ ( បុរីសែនមនោរម្យ ) , ទីតាំងផ្លូវ៦០ម៉ែត្រ ( អតីតស្តុបក្រុមហ៊ុនមែកសឺដេស ) , ទីតាំងតំបន់សេដ្ឋកិច្ចភ្នំពេញរ៉ូយ៉ាល់ , ទីតាំងរង្វង់មូលទេពមច្ឆា (ជ្រោយចង្វារ), និងទីតាំងចំណតរថយន្តក្រុងសួនច្បារឫស្សីកែវ ៕ អត្ថបទ » លីហេង 

និស្សិតអ៊ីរ៉ង់ថ្កោលទោសការដុតគម្ពីកូរ៉ានតាមផែនការនៅប្រទេសស៊ុយអែត

2023/07/22 05:10:09 pm        168
Facebook Telegram Linkin
និស្សិតអ៊ីរ៉ង់បានមកប្រមូលផ្តុំគ្នានៅខាងក្រៅស្ថានទូតស៊ុយអែត ក្នុងទីក្រុងតេអេរ៉ង់កាលពីថ្ងៃសុក្រ បន្ទាប់ពីការដុតគម្ពីកូរ៉ានតាមផែនការនៅទីក្រុង Stockholm ។នៅក្នុងព្រឹត្តិការណ៍ដែលបានគ្រោងទុកនៅរដ្ឋធានីប្រទេសស៊ុយអែតកាលពីថ្ងៃព្រហស្បតិ៍ ទី២០ ខែកក្កដា អ្នកតវ៉ាពីរនាក់បានទាត់ និងបំផ្លាញផ្នែកខ្លះនៃសៀវភៅដែលពួកគេនិយាយថាគឺជាគម្ពីកូរ៉ាន ប៉ុន្តែមិនបានដុតវាចោលនោះទេ។ប្រសិនបើការដុតបានកើតមានបន្តទៅមុខ វានឹងក្លាយជាការដុតលើកទីពីរនៅក្នុងប្រទេសស៊ុយអែតក្នុងរយៈពេលប៉ុន្មានសប្តាហ៍នេះ។គម្ពីកូរ៉ាន ដែលជាឯកសារសាសនាកណ្តាលរបស់សាសនាឥស្លាម ត្រូវបានពលរដ្ឋមូស្លីមជឿថាជាការប្រកាសពីព្រះ។ ក្រុមបាតុករនៅក្នុងទីក្រុងតេអេរ៉ង់ បានថ្កោលទោសអ្វីដែលពួកគេនិយាយថាជាការប្រមាថគម្ពីកូរ៉ាននៅប្រទេសស៊ុយអែត ដោយដុតទង់ជាតិអាមេរិក និងគប់ស៊ុតទៅកាន់អគារស្ថានទូត។ប្រទេសស៊ុយអែត បានឃើញការដុតគម្ពីកូរ៉ានជាច្រើនលើកក្នុងប៉ុន្មានឆ្នាំថ្មីៗនេះ ដែលភាគច្រើនធ្វើឡើងដោយសកម្មជនស្តាំនិយម និងប្រឆាំងមូស្លីម។

ប្រធានក្រុមការងារចុះមូលដ្ឋានខេត្តកណ្ដាល ដឹកនាំសមាជិកបក្សជាង ៥ពាន់នាក់ ហែក្បួនក្នុងថ្ងៃបិទយុទ្ធនាការ

2023/07/21 10:21:34 pm        193
Facebook Telegram Linkin
កណ្ដាល៖ ប្រធានក្រុមការងារគណបក្សចុះមូលដ្ឋានខេត្តកណ្ដាល បានអញ្ជើញជួបសំណេះសំណាល និងដឹកនាំហែក្បួនបិទយុទ្ធនាការឃោសនា បោះឆ្នោត ជ្រើសតាំងតំណាងរាស្រ្ត នីតីកាលទី៧ នៅស្រុកកៀនស្វាយ ខេត្តកណ្តាល ដែលមានសមាជិក-សមាជិកាចូលរួមប្រមាណ ៥ ០០០នាក់។ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ប្រធានក្រុមការងារគណបក្សចុះមូលដ្ឋាន​ខេត្តកណ្ដាល និងជាប្រធានក្រុមការងារ គណបក្សចុះមូលដ្ឋាន ក្រុងអរិយក្សត្រ, ស្រុកខ្សាច់កណ្ដាល, ស្រុកល្វាឯម និងស្រុកកៀនស្វាយ នៅព្រឹកថ្ងៃទី២១ ខែកក្កដា ឆ្នាំ ២០២៣ នេះ បានអញ្ជើញជួបសំណេះសំណាលជាមួយសមាជិក-សមាជិការ និងប្រជាពលរដ្ឋគណបក្ស​ប្រជាជនកម្ពុជា ចំនួនប្រមាណ ៥ពាន់នាក់ ក្នុងនោះឯកឧត្តម ក៏បានអំពាវនាវប្រជាពលរដ្ឋដែលជា​ម្ចាស់ឆ្នោត ត្រូវទៅចូលរួមបោះឆ្នោតទាំងអស់គ្នា ​និងបោះជូនគណបក្សប្រជាជនកម្ពុជា ដែលមាន​លេខរៀងទី ១៨ នៅថ្ងៃទី ២៣ ខែ កក្កដា ឆ្នាំ ២០២៣ ខាងមុខនេះ ដើម្បីរក្សាសុខសន្តិភាព និងជំរុញការអភិវឌ្ឍ បន្ថែមទៀត ជាពិសេសការរក្សាសន្តិភាពជូនប្រជាពលរដ្ឋ ព្រោះប្រទេសមាន​សុខសន្តិភាព គឺមានការអភិវឌ្ឍ និងធ្វើឲ្យប្រជាពលរដ្ឋមាន ជីវភាពកាន់តែធូធារ ។ ឯកឧត្តមអគ្គបណ្ឌិតសភាចារ្យ បន្តថា ដូចបងប្អូនបានឃើញស្រាប់ហើយថា ​រាជរដ្ឋាភិបាលនៅក្នុង​អាណត្តិមុនៗ ​ដែលដឹកនាំដោយគណបក្សប្រជាជនកម្ពុជា​ គឺបានគិតគូរណាស់អំពីការរស់នៅរបស់​ប្រជាពលរដ្ឋ និងការអភិវឌ្ឍ​ ក្នុងនោះការអភិវឌ្ឍ​ផ្នែកចំណេះដឹង បានជួយយុវជនកម្ពុជា ​ដែលជា​យុវជន​ពោរពេញ​ទៅដោយសក្តានុពល ​បានចូលរួមជាមួយសង្គម ​និងការបញ្ចេញមតិយោបល់​ផ្សេងៗ ដូច្នេះនាឱកាសបោះឆ្នោតខាងមុខ​ យុវជនត្រូវជួយ​គៀងគរ និងបង្ហាញដល់ប្រជាពលរដ្ឋ​អំពីការគិតគូ ​និងយុទ្ធសាស្រ្តគោលនយោបាយ ​របស់គណបក្ស ​និងត្រូវរួមចិត្ត រួមកម្លាំង រួមសកម្មភាព ​ពុះពារសម្រេចឲ្យបាននូវការប្ដេជ្ញាចិត្ត ​តាមយុទ្ធសាស្ត្ររបស់គណបក្សប្រជាជន កម្ពុជា ​គឺពង្រីកប្រៀបឈ្នះ ក្នុងការបោះឆ្នោតជ្រើសតាំងតំណាងរាស្ត្រ ​នីតិកាលទី ៧ ដោយឈរមូលដ្ឋាន​ជោគជ័យជាបន្តទៀត ។ក្នុងពិធីនេះដែរ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ក៏បានយកឱកាសនៃថ្ងៃបិទយុទ្ធនាការ សម្តែងនូវអំណរគុណ, ការកោតសរសើរ និងការវាយតម្លៃខ្ពស់ ចំពោះក្រុមការងារគណបក្ស​គ្រប់លំដាប់ថ្នាក់, សមាជិក-សមាជិកាបក្ស និងប្រជាពលរដ្ឋគ្រប់ ស្រទាប់វណ្ណៈ ​ទូទាំងខេត្តកណ្តាល, ជាពិសេសក្នុងស្រុកកៀនស្វាយផ្ទាល់, ដែលបានខិតខំចូលរួមក្នុងការឃោសនា ជូនគណបក្សប្រជាជនកម្ពុជា ចាប់តាំងពីថ្ងៃបើកយុទ្ធនាការ រហូតដល់ថ្ងៃបិទបញ្ចប់យុទ្ធនាការនេះ។ បន្ទាប់ពីសំណេះសំណាលរួច, ឯកឧត្តមអគ្គបណ្ឌិតសភា ចារ្យ រួមជាមួយសមាជិក-សមាជិកាបក្សទាំងអស់ បានហែក្បួនឃោសនា ក្នុងថ្ងៃបិទយុទ្ធនាការឃោសនាបោះឆ្នោត នេះ ទៅតាមឃុំ នានាទូទាំងស្រុក នៅក្នុងខេត្តកណ្តាល ប្រកបទៅបរិយាកាសសប្បាយរីករាយ៕អត្ថបទ៖ សុន រ៉ាឌី,

ឯកឧត្តម ឡាំ ជា ដឹកនាំធ្វើយុទ្ធនាការរកសំឡេងឆ្នោត ក្នុងថ្ងៃបិទបញ្ចប់ នៅស្រុកគាស់ក្រឡ

2023/07/21 10:17:09 pm        230
Facebook Telegram Linkin
បាត់ដំបង៖ ឯកឧត្តម ឡាំ ជា អនុប្រធានទី១ ក្រុមការងារគណបក្សប្រជាជនកម្ពុជា​ចុះមូលដ្ឋាន​ស្រុក​គាស់​ក្រឡ ខេត្តបាត់ដំបង តំណាងឯកឧត្តម ប៊ុន ហុន ប្រធានក្រុមការងារ បានដឹកនាំ​ធ្វើយុទ្ធនាការ​រក​សំឡេង​ឆ្នោត នៃការបោះឆ្នោតជ្រើសតាំងតំណាងរាស្ត្រ នីតិកាលទី៧ នាថ្ងៃទី២១ ខែកក្កដា ឆ្នាំ២០២៣ ដែលជាថ្ងៃបិទបញ្ចប់ នៅមូលដ្ឋានស្រុកគាស់ក្រឡ ។ក្នុងយុទ្ធនាការនេះ ក៏មានការចូលរួមពីសំណាក់ឯកឧត្តមបណ្ឌិត ស្រេង វង្សហៀង អនុប្រធាន​ក្រុម​ការងារ​ចុះ​ជួយស្រុកគាស់ក្រឡ និងជាប្រធានក្រុមការងារ គណបក្សចុះមូលដ្ឋានឃុំព្រះផុស, លោក​ជំទាវបណ្ឌិត សុត សុវណ្ណដា អនុប្រធានក្រុមការងារចុះមូលដ្ឋានឃុំ រួមទាំង​អនុប្រធាន​ក្រុម​ការងារ សមាជិក សមាជិកា រួមទាំងអ្នកគាំទ្រយ៉ាងច្រើនកុះករ ។ក្នុង​ឱកាសនោះ ឯកឧត្តម ឡាំ ជា បានសម្តែងក្តីមោទនៈ ចំពោះការចូលរួមយ៉ាងសកម្មសមាជិក សមាជិកា ក្នុងការឃោសនារកសម្លេងឆ្នោះរយៈពេល ២០ថ្ងៃកន្លងមកនេះ ហើយថ្ងៃ​នេះ​គឺ​ជា​ថ្ងៃ​ទី​២១ និ​ងជាថ្ងៃត្រូវបិទបញ្ចប់យុទ្ធនាការ។ឯកឧត្តមអនុប្រធានក្រុមការងារ បានកត់សម្គាល់អំពីសកម្មភាពដ៏ល្អកន្លងមក របស់​ក្រុម​ការងារ​តាម​បណ្ដា​ឃុំ បានខិតខំផ្សព្វផ្សាយពីគោលនយោបាយដ៏ត្រឹមត្រូវ របស់​គណបក្ស​ប្រជាជន​កម្ពុជា ដែលជាគណបក្សមានការទទួលខុសត្រូវខ្ពស់បំផុត ចំពោះអាយុជីវិតប្រទេសជាតិ និង​ប្រជាជន​កម្ពុជា។ ជាមួយនេះ ឯកឧត្តម បានអំពាវនាវទៅពលរដ្ឋ សូមអញ្ជើញទៅចូលរួមបោះឆ្នោតឱ្យបានគ្រប់ៗគ្នា និងសូមបោះឆ្នោតជូនគណបក្សប្រជាជនកម្ពុជា ដែលមានរូបសញ្ញាទេវតាបាចផ្កាជាសម្គាល់ ស្ថិត​នៅ​លេខ​រៀងទី១៨ លើសន្លឹកឆ្នោត ដើម្បីរក្សាសុខសន្តិភាព ប្រជាធិបតេយ្យ និងការអភិវឌ្ឍ និង​ដើម្បី​បន្ត​គាំទ្របេក្ខភាពសម្តេចតេជោ ហ៊ុន សែន ជានាយករដ្ឋមន្ត្រី អាណត្តិទី៧ និង​គាំទ្រ​ឯកឧត្តម​បណ្ឌិត ហ៊ុន ម៉ាណែត ជាបេក្ខភាព​នាយករដ្ឋ​មន្ត្រី​បន្ត​វេន​ដឹកនាំ​ប្រទេស​ជាតិ​នា​ពេល​អនាគត៕ អត្ថបទ៖ បាន សុខរិទ្ធិ

ឯកឧត្តម ម៉ា ឈឿន និងឯកឧត្តម ម៉ឹង មករា ដឹកនាំក្រុមការងារចូលរួមដង្ហែក្បួនបិទយុទ្ធនាការឃោសនាបោះឆ្នោត ស្រុកជើងព្រៃ ខេត្តកំពង់ចាម

2023/07/21 09:58:47 pm        263
Facebook Telegram Linkin
កំពង់ចាម៖ នាថ្ងៃសុក្រទី២១ ខែកក្កដា ឆ្នាំ២០២៣ ឯកឧត្តម ម៉ា ឈឿន បេក្ខជនតំណាងរាស្ត្រមណ្ឌលកំពង់ចាម និងជាប្រធានក្រុមការងារគណបក្សប្រជាជនកម្ពុជា ចុះជួយស្រុកជើងព្រៃ ខេត្តកំពង់ចាម ,ឯកឧត្តមបណ្ឌិត ម៉ឹង មករា ប្រធានក្រុមការងារជនបង្គោល ចុះជួយស្រុកជើងព្រៃ ខេត្តកំពង់ចាម បានដឹកនាំក្រុមការងារជនបង្គោល និងយុវជនគណបក្ស ចូលរួមដង្ហែក្បួនបិទយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ ។ការចូលរួមហែក្បួនយុទ្ធនាការ នាពេលនេះ បានបង្ហាញនូវឆន្ទៈគាំទ្រ ចូលរួមរាល់សកម្មភាពគណបក្ស និងគោលជំហរស្មោះស្ម័គ្ររបស់សមាជិក សមាជិកាគណបក្សទាំងអស់ ក្នុងការបោះឆ្នោតជូនគណបក្សប្រជាជនកម្ពុជា នៅថ្ងៃទី២៣ ខែកក្កដា ឆ្នាំ២០២៣ ខាងមុខនេះ។ការចូលរួមហែក្បួនយុទ្ធនាការនេះ ក៏បានបង្ហាញនូវសាមគ្គីភាព និងឯកភាពផ្ទៃក្នុងគណបក្សប្រជាជនកម្ពុជា ក្នុងការអនុវត្តសកម្មភាពគោលនយោបាយគណបក្ស នៅក្នុងមូលដ្ឋាន និងដើម្បីកំណត់បាននូវប្រៀបឈ្នះជាមុន របស់គណបក្សប្រជាជនកម្ពុជា ក្នុងការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ និងការបោះឆ្នោតបន្តបន្ទាប់ទៀត។ក្នុងឱកាសនោះ ឯកឧត្តមបណ្ឌិត ម៉ឹង មករា ក៏បានលើកទឹកចិត្ដដល់ថ្នាក់ដឹកនាំ សមាជិក សមាជិកា​គណបក្សទាំងអស់ ធ្វើខ្លួនជាកម្លាំងចលករក្នុងការពង្រឹងការងារឃោសនាអប់រំ​គោល​នយោបាយ​បក្ស និងបំផុសចលនាមហាជនក្នុងមូលដ្ឋាន ឲ្យមកចូលរួមរស់ជីវភាពនយោបាយ​ជាមួយ​គណបក្សប្រជាជនកម្ពុជា ដែលជាគណបក្សធំជាងគេ មានសមាជិកច្រើនជាងគេ មានគោល​នយោបាយច្បាស់លាស់ និងមានសក្តានុពលភាពជាងគេ ក្នុងការគ្រប់គ្រង ដឹកនាំ និងកសាងប្រទេសជាតិ ឱ្យមានសុខសន្តិភាព និងការអភិវឌ្ឍជានិរន្តរ៍។ គណបក្សប្រជាជនកម្ពុជា ជាគណបក្សដែលប្រសូតចេញពីប្រជាជន ដើម្បីប្រជាជន បម្រើប្រជាជន និងធ្វើអ្វីគ្រប់យ៉ាង​ដើម្បីបុព្វជាតិមាតុភូមិ និងប្រជាជន។នាថ្ងៃដដែល ឯកឧត្តមបណ្ឌិត ម៉ឹង មករា ក៏បានដឹកនាំក្រុមការងារជនបង្គោលចុះជួយស្រុកជើងព្រៃ ចុះជួបសំណេះសំណាលជាមួយប្រជាពលរដ្ឋរតាមខ្នងផ្ទះ ព្រមទាំងអាជីវករនៅផ្សារស្គន់ ស្រុកជើងព្រៃ ខេត្តកំពង់ចាម ដើម្បីផ្សព្វផ្សាយនូវគោលនយោបាយគណបក្ស ជម្រុញប្រជាពលរដ្ឋឲ្យទៅបោះឆ្នោត និងបង្ហាញពីរបៀបគូសសន្លឹកឆ្នោតឲ្យបានត្រឹមត្រូវ បោះឆ្នោតជូនគណបក្សប្រជាជនកម្ពុជា។ឯកឧត្តមបណ្ឌិត ម៉ឹង មករា ក៏បានលើកទឹកចិត្ត និងស្នើសុំឲ្យប្រជាពលរដ្ឋចូលរួមបោះឆ្នោត​ឱ្យ​បានគ្រប់ៗគ្នានៅ ខែកក្កដា ខាងមុខនេះ ជាពិសេសូមបោះឆ្នោតជូនគណបក្សប្រជាជនកម្ពុជា ដែលមានលេខរៀងទី១៨ ​នៅថ្ងៃទី២៣ ខែកក្កដា ឆ្នាំ២០២៣ នេះ ដើម្បីបន្តគាំទ្រ សម្ដេចតេជោ ហ៊ុន សែន ធ្វើជានាយករដ្ឋមន្ត្រី ​នៅអាណិត្តទី៧ និងគាំទ្របក្ខភាពឯកឧត្តមបណ្ឌិត ហ៊ុន ម៉ាណែត ជានាយករដ្ឋមន្ត្រី ​នាពេលអនាគត​ ដើម្បីដឹកនាំរក្សាសុខសន្តិភាព និងការអភិវឌ្ឍជាតិមាតុភូមិយើង​ឱ្យកាន់តែរីកចម្រើនជានិរន្តរ៍។ប្រជាពលរដ្ឋអាចមានលទ្ធភាពប្រកបអាជីវកម្មចិញ្ចឹមគ្រួសារ មានកម្មសិទ្ធិដីធ្លី លំនៅឋាន សាលារៀន មន្ទីរពេទ្យ វត្តអារាម និងអាចធ្វើដំណើរគ្រប់ទីកន្លែងទៅបាន ក៏អាស្រ័យដោយ​ប្រទេស​ជាតិមានសុខសន្តិភាព ឯកភាពជាតិ ឯកភាពទឹកដី ​និងមានការអភិវឌ្ឍពេញលេញ ក្រោមការ​ដឹកនាំ​ដ៏ឈ្លាសវៃ និងប៉ិនប្រសព្វរបស់សម្តេចតេជោ នាយករដ្ឋមន្ត្រី និងជាប្រធានគណបក្សប្រជាជន​កម្ពុជា។ក្រោមការចង្អល់បង្ហាញដ៏ខ្ពង់ខ្ពស់ពីសំណាក់ ឯកឧត្តមបណ្ឌិត ហ៊ុន ម៉ាណែត នាពេលកន្លងមក​ក្រុមការងារជនបង្គោល ចុះជួយស្រុកជើងព្រៃ ដឹកនាំដោយឯកឧត្តមបណ្ឌិត ម៉ឹង មករា បានរួមចំណែកចុះជួយប្រជាពលរដ្ឋ រួមមាន៖ ការកសាងផ្លូវថ្នល់ សាលារៀន មន្ទីរពេទ្យ វត្តអារាម ទំនប់ទឹក ប្រឡាយទឹក ស្រះទឹក ការដាំកូនឈើ​ ព្រមទាំងការងារសេដ្ឋកិច្ចសង្គម រួមមានវិស័យ​សុខាភិបាល វិស័យអប់រំ ជាពិសេស វិស័យកសិកម្ម ដែលជាសសរស្ដមសេដ្ឋកិច្ចជាតិ​ដ៏មាន​សារៈសំខាន់សម្រាប់គ្រួសារប្រជាពលរដ្ឋនៅជនបទ៕

លោក Josep Borrell ៖ សហភាពអឺរ៉ុប នឹងបង្កើតកញ្ចប់ថវិកាបុព្វហេតុ២០ពាន់លានអឺរ៉ូសម្រាប់វិស័យការពារជាតិអ៊ុយ ក្រែន

2023/07/21 09:41:01 pm        123
Facebook Telegram Linkin
 អឺរ៉ុប៖ ប្រធានគោលនយោបាយបរទេសសហភាពអឺរ៉ុបលោក Josep Borrell និយាយកាលពីថ្ងៃព្រហស្បតិ៍ថា សហភាពអឺរ៉ុបនឹងផ្តល់ថវិកា៥ពាន់លានអឺរ៉ូ(ស្មើនឹង ៥,៥៧ពាន់លានដុល្លារ)ក្នុង១ឆ្នាំសម្រាប់រយៈពេល ៤ឆ្នាំបន្ទាប់ ដល់តម្រូវការវិស័យការពារជាតិអ៊ុយក្រែន តាមរយៈមធ្យោបាយនៃការផ្តោតលើបុព្វហេតុ ក្រោមគម្រោងសន្តិភាពអឺរ៉ុប ។  លោក Borrell បាននិយាយផងដែរថា ទំនាក់ទំនងរបស់សហភាពអឺរ៉ុបជាមួយប្រទេសទួរគីមាន ២ច្រក ។  ក្រោយជំនួបក្រុមរដ្ឋមន្រ្តីការបរទេសសហភាពអឺរ៉ុប ស្តីពីការផ្លាស់ប្តូរទស្សនៈលើកម្មវត្ថុគោលនយោបាយបរទេសដូចជាទំនាក់ទំនងរបស់សហភាពអឺរ៉ុបជាមួយទួរគី លោក Borrellនិយាយប្រាប់ក្រមអ្នកសារព័ត៌មានថា វាមិនត្រឹមតែជាអ្វីដែលសហភាពអឺរ៉ុបរំពឹងពីទួរគីនោះឡើយ តែវាគឺជាអ្វីដែលទួរគីរំពឹងទទួលបានពីសហភាពអឺរ៉ុបផងដែរ  គួរឲ្យដឹងថា ក្រុមរដ្ឋមន្រ្តីការបរទេសសហភាពអឺរ៉ុប ត្រូវបានគេបង្ហាញផែនការមូលនិធិនៅក្រុមប្រឹក្សាបរទេសកាលពីថ្ងៃព្រហស្បតិ៍ ប៉ុន្តែកិច្ចពិភាក្សាលម្អិតជាងនេះ នឹងត្រូវធ្វើឡើងនៅថ្ងៃទី ៣១ ខែសីហាខាងមុខ នៅជំនួបរបស់ពួកគេ ក្នុងទីក្រុង Toledo របស់ប្រទេសអេស្ប៉ាញ ។  ប្រទេសដែលជារដ្ឋសមាជិកមួយចំនួន ដូចជាហុងគ្រី អាចនឹងជំទាស់គំនិតមួយនេះ ហើយការឯកភាពនយោបាយផ្តាច់ព្រ័ត្រ ពុំត្រូវបានគេរំពឹងនឹងធ្វើឡើងនោះទេ រហូតដល់ក្រុមមេដឹកនាំអឺរ៉ុបជួបជុំគ្នានៅជំនួបកំពូលសហភាពអឺរ៉ុប នៅខែតុលា ឬនៅខែធ្នូខាងមុខ ។   សូមបញ្ជាក់ថា គម្រោងសន្តិភាពអឺរ៉ុប (EPF)ដែលត្រូវបានបង្កើតឡើងកាលពីឆ្នាំ ២០២១ គឺជាមធ្យោបាយដើម្បីចាត់វិធានការហិរញ្ញវត្ថុដែលនឹងការពារជម្លោះ បង្កើតសន្តិភាព និងពង្រឹងសន្តិសុខអន្តរជាតិ ។ ដំបូងឡើយ គម្រោងមួយនេះ មានតម្លៃត្រឹមតែ ៦,៣ពាន់លានដុល្លារប៉ុណ្ណោះ ប៉ុន្តែចាប់តាំងពីពលនោះមក វាបានកើនឡើងដល់ ១៣,៤ពាន់លានដុល្លារ ៕

គណបក្សដំណើរឆ្ពោះទៅមុខរបស់ប្រទេសថៃ បើកផ្លូវឲ្យគណបក្សភឿថៃបង្កើតរដ្ឋាភិបាលបន្ទាប់

2023/07/21 09:36:45 pm        125
Facebook Telegram Linkin
ថៃ៖ មន្ត្រីជាន់ខ្ពស់មួយរូប នៅថ្ងៃសុក្រ (ទី២១ ខែកក្កដា) បាននិយាយថា គណបក្សដំណើរឆ្ពោះទៅមុខ (Move Forward) ដែលឈ្នះការបោះឆ្នោតរបស់ប្រទេសថៃ នឹងអនុញ្ញាតឲ្យគណបក្សសម្ព័ន្ធមិត្ត គឺគណបក្សភឿថៃដឹកនាំការបង្កើតរដ្ឋាភិបាល បន្ទាប់ពីបេក្ខជននាយករដ្ឋមន្ត្រីរបស់គណបក្ស បរាជ័យក្នុងការទទួលបានការគាំទ្រពីសភា។អគ្គលេខាធិការរបស់គណបក្សនេះ លោក Chaithawat Tulaton បានប្រាប់សន្និសីទសារព័ត៌មានថា គណបក្សដំណើរឆ្ពោះទៅមុខ (Move Forward) នឹងគាំទ្របេក្ខភាពរបស់គណបក្សភឿថៃណាម្នាក់ដែលស្នើសម្រាប់តំណែងនាយករដ្ឋមន្ត្រី នៅក្នុងការបោះឆ្នោតសភា ដែលគ្រោងធ្វើនៅថ្ងៃទី២៧ ខែកក្កដា។គណបក្សសម្ព័ន្ធភាពទាំង៨ បានគាំទ្រមេដឹកនាំវ័យ ៤២ឆ្នាំរបស់គណបក្សដំណើរឆ្ពោះទៅមុខ (Move Forward) គឺលោក Pita Limjaroenrat សម្រាប់តួនាទីនេះ ប៉ុន្តែមេដឹកនាំរូបនេះ មិនអាចទទួលបានការគាំទ្រ ក្នុងការបោះឆ្នោតនៃសភាទាំង២ នៅថ្ងៃទី១៣ ខែកក្កដានោះឡើយ ហើយការស្នើឈរឈ្មោះជាថ្មីម្ដងទៀតរបស់លោក នៅ ៦ថ្ងៃក្រោយមក ត្រូវបានរារាំងដោយសមាជិកសភា។គណបក្សដំណើរឆ្ពោះទៅមុខ (Move Forward) និងភឿថៃ (Pheu Thai) មានអាសនៈរៀងខ្លួន ១៥១ និង ១៤១ នៅក្នុងសភាជាន់ទាបដែលមានសមាជិក ៥០០រូប ប៉ុន្តែសម្ព័ន្ធភាពត្រូវការការគាំទ្រជាងពាក់កណ្តាលនៃសំឡេងរួមបញ្ចូលគ្នាពីសភាទាំង២ ក្នុងនោះរួមទាំងសំឡេងពីព្រឹទ្ធសភាជាន់ខ្ពស់ដែលត្រូវបានតែងតាំងដោយពួកយោធា ដែលបានរារាំងការប៉ុនប៉ងរបស់លោក Pita ដើម្បីក្លាយជានាយករដ្ឋមន្ត្រី។យ៉ាងណាក្ដី នាយករដ្ឋមន្ត្រីចាំផ្ទះរបស់ប្រទេសថៃ លោក Prayut Chan-o-cha កាលពីថ្ងៃព្រហស្បតិ៍ (ទី២០ ខែកក្កដា) បានអំពាវនាវឲ្យគ្រប់គ្នារក្សាភាពស្ងប់ស្ងាត់ បន្ទាប់ពីការប៉ុនប៉ងរបស់បេក្ខជននៃគណបក្សដ៏មានប្រជាប្រិយភាព ដើម្បីស្នងតំណែងតពីរូបលោក ត្រូវបានរារាំងដោយសមាជិកសភាយោធា និងរាជានិយមនេះ៕

បណ្ដាញសង្គម

ព័ត៌មានថ្មីៗ

កម្ពុជា-ជប៉ុន ពង្រឹងកិច្ចសហប្រតិបត្តិការលើការវិនិយោគស្អាត និងបៃតងដើម្បីឆ្លើយតបនឹងការប្រែប្រួលអាកាសធាតុសកល
09/29/2026 04:09 PM
Facebook Telegram Linkin
ទឹកជំនន់ នៅទីក្រុងបាងកក ធ្វើឱ្យប្រព័ន្ធព្រមានថ្មី «One Map» របស់ថៃ ស្ថិតក្រោមការត្រួតពិនិត្យ
09/29/2026 04:09 PM
Facebook Telegram Linkin
ជប៉ុនដកទណ្ឌកម្មលើស្ថាប័ន និងក្រុមហ៊ុនប្រេងរបស់ប្រទេសស៊ីរី
09/29/2026 03:09 PM
Facebook Telegram Linkin
ទឹកជំនន់ដ៏ធ្ងន់​ធ្ងរ​ នៅទីក្រុងបាងកក បង្កការរំខានដល់ការធ្វើដំណើរតាមផ្លូវអាកាស
09/29/2026 03:09 PM
Facebook Telegram Linkin
អាជ្ញាធរមីន អំពាវនាវឱ្យប្រជាពលរដ្ឋប្រុងប្រយ័ត្នចំពោះគ្រាប់មីន និងយុទ្ធភណ្ឌមិនទាន់ផ្ទុះ ក្នុងពេល និងក្រោយពេលទឹកជំនន់
09/29/2026 03:09 PM
Facebook Telegram Linkin
[UPDATE] អ្នក​ស្លាប់​ដោយសារ​ទឹក​ជំនន់ នៅថៃ ឡើង​ដល់ ២៣នាក់​ ក្នុង​នោះ​ ៤នាក់ នៅទីក្រុងបាងកក
09/29/2026 03:09 PM
Facebook Telegram Linkin
ព្រឹទ្ធសភាកម្ពុជា បើកកិច្ចប្រជុំជាវិសាមញ្ញ នីតិកាលទី៥ ពិនិត្យ និងឱ្យ​យោបល់​លើ​សេចក្តី​ព្រាង​ច្បាប់​សំខាន់​ៗចំ​នួន ៤ និងបោះឆ្នោតបំពេញសមាជិកគណៈកម្មការ
09/29/2026 02:09 PM
Facebook Telegram Linkin
ឯកឧត្តម ហ៊ុន ម៉ានី៖ កម្ពុជា​មាន​ដូចសព្វថ្ងៃ បាន​មក​ពី​ការ​ចូលរួម​របស់​មន្ត្រី​រាជ​ការ​ជំនាន់​មុន​គ្រប់​រូប
09/29/2026 02:09 PM
Facebook Telegram Linkin
វត្តអារាមនឹងបែងចែកទេយ្យទានដល់ជួរមុខ ខណៈបរិស័ទបន្តធ្វើបុណ្យឧទ្ទិសកុសលដល់វិញ្ញាណក្ខ​​​​ន្ធ​​កងទ័ព
09/29/2026 02:09 PM
Facebook Telegram Linkin
ក្រុមលេខាធិការ RBC យោធភូមិទី៤ កម្ពុជា និងកងទ័ពភូមិភាគទី២ថៃ ជួប​ប្រជុំ​ក្រៅ​ផ្លូវ​ការ​នៅ​ច្រក​អន្តរជាតិជាំ-សាង៉ាំ ជំរុញការអនុវត្តឱ្យបានពេញលេញនូវបទឈប់បាញ់
09/29/2026 01:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.