នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

គណបក្សភឿថៃ ត្រៀមបង្កើតរដ្ឋាភិបាលថ្មី ក្រោយលោកភីថា ត្រូវបានសភាបោះឆ្នោតបញ្ចប់បេក្ខភាពនាយករដ្ឋមន្ត្រី

2023/07/20 07:25:37 pm        94
Facebook Telegram Linkin
ថៃ៖ ដោយសំអាងប្រភពពីកិច្ចប្រជុំស្ដីពីច្បាប់របស់រដ្ឋសភា គណបក្សភឿថា បានបង្ហាញជំហរដ៏ម៉ឺងម៉ាត់ ក្នុងការបង្កើតរដ្ឋាភិបាលថ្មី បន្ទាប់ពីសភា កាលពីថ្ងៃពុធបានបោះឆ្នោតរារាំងការតែងតាំងជាថ្មីសម្រាប់មេដឹកនាំគណបក្សបោះជំហានទៅមុខ Move Forward លោក ភីថា លីម ចារើនរ៉ាត់ (Pita Limjaroenrat)សម្រាប់ការបោះឆ្នោតតែងតាំងនាយករដ្ឋមន្ត្រី ។ បន្ទាប់ពីការជជែកដេញចោលជាង៧ម៉ោង ដើម្បីសម្រេចថាតើច្បាប់មាត្រា៤១ អាចត្រូវបានអនុវត្តន៍ ប្រឆាំងនឹងការតែងតាំងជាថ្មីរបស់លោក ភីថា ឬយ៉ាងណា សំឡេងភាគច្រើននៃជំនួបរួមសម្រាប់សមាជិកសភា និងព្រឹទ្ធសភា បានបោះឆ្នោតគាំទ្រច្បាប់នេះ ។  ច្បាប់នេះ ហាមប្រមាមសកម្មភាពមួយដែលត្រូវបានច្រានចោលដោយសភា មិនឲ្យដាក់សំណើជាថ្មីអំឡុងសម័យប្រជុំដូចគ្នានេះ។  សមាជិកទាំងនោះបានលើកឡើងថា ការតែងតាំងបេក្ខភាពនាយករដ្ឋមន្ត្រីរបស់លោក  ត្រូវបានទាត់ចោលដោយសភា កាលពីថ្ងៃទី១៣កក្កដា ម្ដងរួចទៅហើយ នៅពេលដែលលោក ភីថា បរាជ័យក្នុងការទទួលបានសំឡេងឆ្នោតគាំទ្រភាគច្រើនដែលចាំបាច់ក្នុងជុំទីមួយ។  គណបក្សភូមចៃថៃ (Bhumjaithai) ផ្លាំងប្រាចារ៉ាត់( Palang Pracharath) និងគណបក្សឆាតថៃផាត់ថាណា (Chartthaipattana)ដែលជាផ្នែកមួយនៃរដ្ឋាភិបាលជិតផុតអាណត្តិ បានច្រានចោលផែនការរបស់គណបក្សបោះជំហានទៅមុខក្នុងការធ្វើវិសោធនកម្មមាត្រា ១១២ នៃក្រមព្រហ្មទណ្ឌដែលគេស្គាល់ថាជាច្បាប់ប្រមាថព្រះមហាក្សត្រ។ ពួកគេបានបញ្ជាក់ច្បាស់ហើយថា ពួកគេនឹងមិនចូលរួមជាមួយរដ្ឋាភិបាលណាមួយឡើយ ប្រសិនបើមានវត្តមានគណបក្សបោះជំហានទៅមុខ៕

អាជ្ញាធរអំពាវនាវដល់ពលរដ្ឋឱ្យទៅធ្វើបណ្ណ (ឯ.អ) ព្រោះស្អែកនឹងបិទបញ្ចប់ហើយ

2023/07/20 07:24:02 pm        39
Facebook Telegram Linkin
កណ្ដាល៖ ការធ្វើឯកសារបញ្ជាក់អត្តសញ្ញាណបណ្ណ (ឯ.អ) ជូនប្រជាពលរដ្ឋដែលមានឈ្មោះក្នុង​បញ្ជីបោះឆ្នោត ​អាណត្តិទី៧ បានបាត់ ឬខូចអត្តសញ្ញាណបណ្ណ ​នៅសល់តែរយៈពេល ២ថ្ងៃទៀត​ប៉ុណ្ណោះ​ នឹងត្រូវបិទបញ្ចប់នៅថ្ងៃទី២១ ​ខែកក្កដា ឆ្នាំ២០២៣ ហើយអាជ្ញាធរបានអំពាវនាវ​ដល់​ពលរដ្ឋបានបាត់ និងខូចនោះរុះរាន់ទៅធ្វើនៅគណៈកម្មការរៀបចំការបោះឆ្នោតឃុំសង្កាត់ ដែលខ្លួនត្រូវបោះឆ្នោត ។លោកស្រី អ៊ុក សឿន មេឃុំឈើទាល ស្ថិតក្នុងស្រុកកៀនស្វាយ ​ខេត្តកណ្ដាល បានឲ្យដឹងថា នៅក្នុងឃុំឈើទាល ​ប្រជាពលរដ្ឋមានឈ្មោះបោះឆ្នោតចំនួនជាង​ ៥ ៨០០នាក់ ដោយអ្នកមាន​ឈ្មោះបោះឆ្នោតទាំងអស់ បានត្រៀមនូវឯកសារបោះឆ្នោតរួចរាល់ហើយ ជាពិសេស​អត្តសញ្ញាណបណ្ណ ហើយអ្នកដែលបានបាត់ ​ឬខូចអត្តសញ្ញាណបណ្ណ ​ក៏បានទៅធ្វើបណ្ណ ឯ.អ ស្ទើរតែអស់ហើយ ។លោកស្រី បានបន្ថែមថា សម្រាប់ពលរដ្ឋនៅក្នុងឃុំនេះ ត្រូវធ្វើបណ្ណ ឯ.អ មានប្រមាណ ១៥០នាក់ ដែលចំនួននេះ គឺមានតិច ​បើធៀប​នឹងការបោះឆ្នោត​អាណត្តិមុន ព្រោះពួកគេមាន​អត្តសញ្ញាណ​បណ្ណស្ទើរគ្រប់គ្នា ​ហើយអ្នកមិនទាន់ធ្វើបណ្ណ ឯ.អ ​នៅសល់តែចំនួន ​២នាក់ទៀតប៉ុណ្ណោះ ដោយ​អាជ្ញាធរបានជំរុញពួកគេ​ ឲ្យបានធ្វើមុនថ្ងៃកំណត់ ​ដើម្បីកុំឲ្យខកខានការបោះឆ្នោត ។គួរបញ្ជាក់ថា ការបោះឆ្នោតជ្រើសតាំងតំណាងរាស្ត្រ ​នីតិកាលទី៧ នឹងប្រព្រឹត្តិទៅនៅថ្ងៃទី២៣ ខែកក្កដា ឆ្នាំ២០២៣ ​ដែលគណបក្សនយោបាយចំនួន ​១៨ចូលរួមប្រកួតប្រជែង ។ ការបោះឆ្នោតអាណត្តិនេះ ​គណៈកម្មាធិការជាតិរៀបចំការបោះឆ្នោត (គ.ជ.ប) ​ក៏បានសម្រួលផងដែរ ក្រៅពីអ្នកបាត់ ​ឬខូចអត្តសញ្ញាណបណ្ណ ​គឺអ្នកមានអត្តសញ្ញាណបណ្ណហួសសុពលភាព ក៏អាចយក​បោះឆ្នោតបានផងដែរ ៕ អត្ថបទ បាន សុខរិទ្ធិ

សភាស្រីលង្កា អនុម័តសំណើច្បាប់ប្រឆាំងអំពើពុកករលួយ ដោយមិនបោះឆ្នោត

2023/07/20 07:18:35 pm        69
Facebook Telegram Linkin
ស្រីលង្កា៖ សភារបស់ប្រទេសស្រីលង្កា បានអនុម័តសំណើច្បាប់ដ៏សំខាន់មួយ ដើម្បីប្រឆាំងនឹងអំពើពុករលួយ កាលពីថ្ងៃពុធ (ទី១៩ ខែកក្កដា) ដែលសំណើច្បាប់នេះ ត្រូវបានធ្វើឡើងដើម្បីកែលម្អអភិបាលកិច្ចក្នុងប្រទេសដែលរងគ្រោះដោយវិបត្តិនានា ហើយក៏ជាផ្នែកនៃតម្រូវការដែលផ្សារភ្ជាប់ទៅនឹងថវិកាសង្គ្រោះចំនួន ២,៩ពាន់លានដុល្លារពីមូលនិធិរូបិយវត្ថុអន្តរជាតិ (IMF) ផងដែរ។ច្បាប់នេះត្រូវបានអនុម័តដោយគ្មានការបោះឆ្នោត នៅក្នុងសភាដែលមានសមាជិក ២២៥រូប ហើយបន្ទាប់ពីវិសោធនកម្មច្បាប់ជាងពីរទំព័រ ត្រូវបានបញ្ចូលទៅក្នុងសេចក្តីព្រាងច្បាប់ក្នុងប្រជុំពេលព្រឹកនោះ ប្រធានសភាស្រីលង្កា លោក ម៉ាហ៊ិនដា យ៉ាប៉ា អាបេវ៉ាដេណា (Mahinda Yapa Abeywardena) បានប្រាប់សមាជិកសភាថា៖ «ច្បាប់នេះត្រូវបានអនុម័តដោយការធ្វើវិសោធនកម្ម»។សេដ្ឋកិច្ចរបស់ប្រទេសស្រីលង្កាបានធ្លាក់ចូលទៅក្នុងវិបត្តិហិរញ្ញវត្ថុយ៉ាងធ្ងន់ធ្ងរបំផុត ក្នុងរយៈពេលជាង ៧០ឆ្នាំ បន្ទាប់ពីវិបត្តិធនបម្រុងរូបិយប័ណ្ណបរទេសធ្ងន់ធ្ងរ កាលពីឆ្នាំមុន បានបង្ខំឲ្យប្រទេសកោះមួយនេះត្រូវខកខានសងបំណុលបរទេសរបស់ខ្លួន ដែលជាហេតុនាំឲ្យអតិផរណាកើនឡើងខ្ពស់ ហើយរូបិយប័ណ្ណរបស់ប្រទេស បានធ្លាក់ថ្លៃយ៉ាងឆាប់រហ័ស។ប៉ុន្តែជោគវាសនារបស់ប្រទេសនេះ បានប្រសើរឡើង បន្ទាប់ពីប្រទេសនេះ បានរៀបចំរួចរាល់នូវកម្មវិធីជំនួយសង្គ្រោះ ២,៩ពាន់លានដុល្លារ ជាមួយ IMF កាលពីខែមីនា ដែលកម្មវិធីនោះ ត្រូវរួមបញ្ចូលនូវការណែនាំឲ្យមានច្បាប់ប្រឆាំងអំពើពុករលួយថ្មី ដើម្បីពង្រឹងអភិបាលកិច្ច និងធ្វើឲ្យច្បាប់នោះស្របតាមអនុសញ្ញារបស់អង្គការសហប្រជាជាតិប្រឆាំងនឹងអំពើពុករលួយ។ សូមបញ្ជាក់ថា នេះគឺជាលើកទីមួយហើយដែលកម្មវិធីរបស់ IMF ត្រូវបានភ្ជាប់ទៅនឹងវិធានការបែបនេះ នៅតំបន់អាស៊ី៕

សាលារៀនជាង១ម៉ឺន និងវត្តអារាមជាង១ពាន់កន្លែង បានត្រៀមសម្រាប់ការបោះឆ្នោតខាងមុខនេះ

2023/07/20 07:16:42 pm        169
Facebook Telegram Linkin
ភ្នំពេញ៖ ឯកឧត្តម ហង្ស ពុទ្ធា សមាជិក និងជាអ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បានឲ្យដឹងថា ក្នុងពេលបោះឆ្នោតជ្រើសរើសតំណាងរាស្រ្តនាថ្ងៃអាទិត្យ ទី២៣ ខែកក្កដា ឆ្នាំ២០២៣នេះ គ.ជ.ប បានត្រៀមសាលារៀនជាង ១ម៉ឺន និងវត្តអារាមជាង១ពាន់កន្លែង សម្រាប់ជាការិយាល័យបោះឆ្នោត។គិតត្រឹមថ្ងៃទី២០ ខែកក្កដានេះ ​នៅសល់តែ៣ថ្ងៃទៀតប៉ុណ្ណោះ​ ការបោះឆ្នោតជ្រើសរើសតំណាង​រាស្រ្ត នីតិកាលទី៧ នឹងប្រព្រឹត្តទៅនាថ្ងៃទី២៣ ​កក្កដាខាងមុខ។ ឯកឧត្តម ហង្ស ពុទ្ធា ថ្លែងថា​ យោងតាមចំនួនប្រជាពលរដ្ឋមានឈ្មោះក្នុងបញ្ជីជាង ៩លាន៧សែន​នាក់ គ.ជ.ប ​បានរៀបចំទីតាំងការិយាល័យ​នៅទូទាំងប្រទេសជាង ​២ម៉ឺនការិយាល័យ ដោយ​ប្រើប្រាស់​គ្រឹះស្ថានសិក្សារដ្ឋ វត្តអារាម​ តាមតម្រាយផ្លូវ​ និង​ទីសាធារណៈមួយចំនួនផ្អែកលើ​ភូមិ​សាស្ដ្រ​នីមួយៗ ​ដោយក្នុងចំណោមមណ្ឌលបោះឆ្នោតទូទាំង ​២៥ រាជធានី-ខេត្តមានគ្រឹះស្ថានសិក្សា​រដ្ឋចំនួនជាង១ម៉ឺន៦ពាន់ទីតាំង និងវត្តអារាមជាង១ពាន់វត្តសម្រាប់ធ្វើជាការិយាល័យបោះឆ្នោត នាថ្ងៃអាទិត្យ ទី២៣ កក្កដានេះ។ ឯកឧត្តម ហង្ស ពុទ្ធា បញ្ជាក់ថា ដើម្បីបង្ការការរំខានដោយយថាហេតុនៃ​បម្រែបម្រួល​អាកាសធាតុ គ.ជ.ប ក៏បានត្រៀមបម្រុងទីតាំង​ការិយាល័យផ្សេងទៀត​ដើម្បីធ្វើយ៉ាងណាមិនឱ្យរាំងស្ទះ និង​ខកខានដល់ដំណើរការបោះឆ្នោតរបស់ប្រជាពលរដ្ឋ។ សូមជម្រាបថា ក្នុងចំណោមការិយាល័យបោះឆ្នោតជាង ​២ម៉ឺនការិយាល័យនេះ គ.ជ.ប បាន​ដាក់មន្រ្តី ​បម្រើតាមការិយាល័យនីមួយៗចំនួន ​៦ ម្នាក់ក្នុង​១​ការិយាល័យ ដោយ​មាន​តួនាទី​សម្របសម្រួល​ធ្វើយ៉ាងណាឲ្យប្រជាពលរដ្ឋបានអញ្ជើញចូលរួម​បោះឆ្នោតគ្រប់ៗគ្នា៕អត្ថបទ សេក ឧត្តម

អ៊ីរ៉ាក់នឹងកោះហៅឯកអគ្គរដ្ឋទូតអាមេរិកជុំវិញការធ្វើអត្ថាធិប្បាយអំពីមេដឹកនាំសាសនាគ្រិស្ត

2023/07/20 07:15:34 pm        83
Facebook Telegram Linkin
អ៊ីរ៉ាក់៖ ប្រធានាធិបតីអ៊ីរ៉ាក់ បាននិយាយកាលពីល្ងាចថ្ងៃពុធថា លោក នឹងកោះហៅឯកអគ្គរដ្ឋទូតសហរដ្ឋអាមេរិកប្រចាំនៅទីក្រុងបាកដាដជុំវិញការលើកឡើងរិះគន់របស់អ្នកនាំពាក្យក្រសួងការបរទេសសហរដ្ឋអាមេរិក ទាក់ទងនឹងការប្រព្រឹត្តរបស់រដ្ឋាភិបាលអ៊ីរ៉ាក់ចំពោះមេដឹកនាំជាន់ខ្ពស់ខាងគ្រិស្តសាសនារបស់អ៊ីរ៉ាក់។អ្នកនាំពាក្យក្រសួងការបរទេសលោក Matthew Miller កាលពីថ្ងៃអង្គារ បានរិះគន់ការសម្រេចចិត្តរបស់លោកប្រធានាធិបតីអ៊ីរ៉ាក់ Abdul Latif Rashid ក្នុងការលុបចោលក្រឹត្យមួយ ដែលបានទទួលស្គាល់ Cardinal Louis Sako ជាប្រធានព្រះវិហារ Chaldean Catholic ក្នុងប្រទេសអ៊ីរ៉ាក់ និងអនុញ្ញាតឲ្យគាត់គ្រប់គ្រងទ្រព្យសម្បត្តិរបស់ខ្លួន។លោក Sako ជាអ្នករៀបចំដ៏សំខាន់នៃដំណើរទស្សនកិច្ចដ៏សំខាន់របស់សម្តេចប៉ាប ហ្វ្រង់ស៊ីស( Pope Francis)ឆ្នាំ២០២១ ទៅកាន់ប្រទេសអ៊ីរ៉ាក់ ហើយមានការគាំទ្រយ៉ាងខ្លាំងពីរដ្ឋាភិបាលសហរដ្ឋអាមេរិក និងអឺរ៉ុប ដែលចាត់ទុកគាត់ជាអ្នកកសាងសន្តិភាព នៅក្នុងប្រទេសដែលញាំញីដោយជម្លោះមួយនេះ។លោក Sako បានថ្កោលទោសទង្វើរបស់លោក Rashid ដែលលោកបានអះអាងថា ធ្វើឡើងតាមការបញ្ជារបស់មេដឹកនាំកងជីវពលគ្រិស្តអ៊ីរ៉ាក់ដែលជិតស្និទ្ធនឹងប្រទេសអ៊ីរ៉ង់ ហើយបានប្រកាសពីការចាកចេញរបស់លោកពីទីក្រុងបាកដាដ ទៅកាន់តំបន់ពាក់កណ្តាលស្វយ័តឃើដភាគខាងជើងនៃប្រទេសអ៊ីរ៉ាក់។លោក Miller បានថ្លែងប្រាប់សន្និសីទសារព័ត៌មានមួយថា៖«ខ្ញុំនឹងនិយាយថា ពួកយើងមានការរំខានដោយការយាយីរបស់ លោក Cardinal Sako ...និងមានបញ្ហាជាមួយនឹងព័ត៌មានថា គាត់បានចាកចេញពីទីក្រុងបាកដាដ។លោក Miller បាននិយាយថា៖«យើងទន្ទឹងរង់ចាំការត្រឡប់មកវិញដោយសុវត្ថិភាពរបស់គាត់។ សហគមន៍គ្រិស្តអ៊ីរ៉ាក់ គឺជាផ្នែកសំខាន់នៃអត្តសញ្ញាណរបស់ប្រទេសអ៊ីរ៉ាក់ និងជាចំណុចកណ្តាលនៃប្រវត្តិសាស្រ្តនៃភាពចម្រុះនិងការអត់ឱនរបស់ប្រទេសអ៊ីរ៉ាក់»៕

សមាជិកបក្សប្រឆាំងសិង្ហបុរី២រូប លាឈប់ក្នុងការរង្គោះរង្គើរផ្នែកនយោបាយចុងក្រោយនេះ

2023/07/20 07:11:04 pm        99
Facebook Telegram Linkin
សិង្ហបុរី៖ សមាជិកជាន់ខ្ពស់២រូប របស់គណបក្សប្រឆាំងធំបំផុតនៅប្រទេសសិង្ហបុរី បានលាឈប់កាលពីថ្ងៃពុធ បន្ទាប់ពីសារភាពចំពោះទំនាក់ទំនងមិនសមរម្យ ជារឿងអាស្រូវចុងក្រោយដែលវាយប្រហារមកលើប្រទេសនេះ ទោះបីជាធ្លាប់មានស្ថិរភាព និងនយោបាយសេរីក៏ដោយ។ គណបក្សពលករ (WP) និយាយថា សមាជិកសភាលោក Leon Perera និងប្រធានយុវជនរបស់ខ្លួនលោកស្រី Nicole Seah បានប្រគល់លិខិតមួយច្បាប់ពីការលាឈប់ បន្ទាប់ពីវីដេអូមួយបានផ្សព្វផ្សាយនៅលើបណ្តាញផ្សព្វផ្សាយសង្គមកាលពីដើមសប្តាហ៍នេះ ដោយបង្ហាញពីអ្នកទាំងពីរកំពុងកាន់ដៃគ្នា។លោក Pritam Singh ប្រធានគណបក្សពលករ និយាយថា ធម្មនុញ្ញរបស់គណបក្សពលករ តម្រូវឲ្យបេក្ខជនទាំងពីររូបមានភាពស្ម័គ្រស្មោះនិងស្មោះត្រង់ ក្នុងការដោះស្រាយរបស់ពួកគេចំពោះគណបក្ស និងប្រជាជនសិង្ហបុរី។ លោកនិយាយបន្ថែមថា លោក Perera គ្មានភាពស្មោះត្រង់ នៅពេលត្រូវបានសួរដំបូងអំពីទំនាក់ទំនងកាលពីចុងឆ្នាំ២០២០ ដល់ដើមឆ្នាំ២០២១។ លោក Singh និយាយថា លោកស្រី Seah បានបដិសេធចំពោះទំនាក់ទំនងនៅពេលត្រូវបានសួរដោយមេដឹកនាំគណបក្សនៅពេលនោះ ហើយអាកប្បកិរិយារបស់អ្នកទាំងពីរមិនអាចទទួលយកបាន។ នេះគឺជារឿងអាស្រូវទី៣ ចំពោះទិដ្ឋភាពនយោបាយរបស់ប្រទេសសិង្ហបុរីដ៏រឹងមាំក្នុងរយៈពេល១សប្តាហ៍។ កាលពីសប្តាហ៍មុន រដ្ឋមន្ត្រីដឹកជញ្ជូនត្រូវបានចាប់ខ្លួនក្នុងការជាប់ទាក់ទងទៅនឹងការស៊ើបអង្កេតអំពើពុករលួយ ហើយកាលពីថ្ងៃចន្ទសមាជិកសភា២រូប រួមមានទាំងប្រធានសភា បានលាលែងដោយសារតែ ទំនាក់ទំនងមិនសមរម្យ។ ទាំងបីរូបនេះជាសមាជិករបស់គណបក្សសកម្មភាពប្រជាជនដែលកំពុងកាន់អំណាច(PAP)។ គណបក្សទាំងពីរ គឺគណបក្សពលករ (WP) និងគណបក្សសកម្មភាពប្រជាជន (PAP) កាលពីពីពេលមុន បានបណ្តេញចេញសមាជិកច្រើនរូប សម្រាប់ទំនាក់ទំនងក្រៅចំណងអាពាហ៍ពិពាហ៍៕

គណបក្សប្រជាធិបតេយ្យមូលដ្ឋាន អំពាវនាវឱ្យពលរដ្ឋទៅបោះឆ្នោតឱ្យបានគ្រប់គ្នា

2023/07/20 07:10:34 pm        90
Facebook Telegram Linkin
ភ្នំពេញ៖ គណបក្សប្រជាធិបតេយ្យមូលដ្ឋាន បានធ្វើការអំពាវនាវ ឱ្យពលរដ្ឋទូទៅទាំងអស់ សូមចូលរួម​ទៅបោះឆ្នោតឱ្យបានគ្រប់ៗគ្នា នៅថ្ងៃទី២៣​ កក្កដា​ ឆ្នាំ២០២៣ខាងមុខ ដែលជាថ្ងៃបោះឆ្នោតជ្រើសតាំងតំណាងរាស្ត្រនីតិកាលទី០៧ ។នៅព្រឹកថ្ងៃទី២០ ខែកក្កដា ឆ្នាំ២០២៣នេះ គណបក្សប្រជាធិបតេយ្យមូលដ្ឋាន ដែលជាគណបក្ស​នយោបាយមួយក្នុងចំណោមគណបក្សទាំង១៨ ​បានធ្វើការ​ដង្ហែក្បួន​ឃោសនាបក្ស ​ដើម្បីស្វែងរក​សំឡេង​ឆ្នោតជាលើកទី២របស់ខ្លួន ​ដោយមានសមាជិកប្រមាណ ​១៥០នាក់ចូលរួម ធ្វើដំណើរ​ដោយម៉ូតូ , រថយន្ត និងម៉ូតូផាស់អាប់ជាដើម ។ ទន្ទឹមនឹការដង្ហែក្បួនឃោសនា ​របស់គណបក្សខាងលើ​ រដ្ឋបាលរាជធានីភ្នំពេញ ក៏បានចេញ​សេចក្តីជូន​ដំណឹង​ជា​សាធារណៈ ​ក្នុងនោះក៏​មានសម្រួល​ដល់​លំហូរ​ចរាចរណ៍​តាម​តម្រាយផ្លូវ​ដែល​ក្បួន​បានហែរឆ្លងកាត់ ​ពី​សំណាក់​កងកម្លាំង​សមត្ថកិច្ចតាមមូលដ្ឋាននីមួយៗ​ផងដែរ ដើម្បីធានា​បានសន្តិសុខរបៀបរៀបរយល្អផងដែរ ។ លោកយ៉េង វីរះ ប្រធានគណបក្ស បានឱ្យដឹងថា ​ក្នុងឱកាស៥ឆ្នាំម្តង លោកសុំឱ្យពលរដ្ឋជាម្ចាស់​សំឡេង​ឆ្នោតទាំងអស់ ត្រូវទៅចូលរួមបោះឆ្នោតបំពេញ​កាតព្វកិច្ច ដើម្បី​ជ្រើសរើស​មេ​ដឹកនាំ​ដែលល្អ ​សម្រាប់ដឹកនាំប្រទេសជាតិ ​និងការពារប្រជាជនទៅមុខបន្តទៀត ។គួរបញ្ជាក់ថា រយៈពេល១៩ថ្ងៃ គិតត្រឹមថ្ងៃទី១៩ ម្សិលមិញ គ.ជ.ប បានបង្ហាញពីស្ថានភាពទូទៅ នៃដំណើរការឃោសនាបោះឆ្នោតរបស់គណបក្សនយោបាយ ​បានប្រព្រឹត្តទៅដោយរលូន មាន​សន្តិសុខ សុវត្ថិភាព សណ្ដាប់ធ្នាប់ល្អ ​និងគ្មាន អំពើហិង្សា។ ​សូមជម្រាបជូនថា ការឃោសនាបោះឆ្នោតជ្រើសតាំងតំណាងរាស្ត្រ ​នីតិកាលទី៧ ឆ្នាំ២០២៣​ មានរយៈពេល ​២១ ថ្ងៃ ចាប់ពីថ្ងៃទី១ ​ដល់ថ្ងៃទី២១ ខែកក្កដា ឆ្នាំ២០២៣ ៕ អត្ថបទ៖ លីហេង 

អតីតនាយករដ្ឋមន្ត្រីប៉ាគីស្ថាន អ៊ីមរ៉ាន ខាន់ ប្រឈមបទចោទប្រកាន់ទម្លាយព័ត៌មានសម្ងាត់ផ្លូវការរបស់ប្រទេស

2023/07/20 07:03:56 pm        101
Facebook Telegram Linkin
ប៉ាគីស្ថាន៖ រដ្ឋមន្ត្រីក្រសួងមហាផ្ទៃ លោក រ៉ាណា សាណួលឡា (Rana Sanaullah)បាននិយាយកាលពីថ្ងៃពុធថា ប្រទេសប៉ាគីស្ថាននឹងបើកការជំនំជម្រះបណ្តឹងព្រហ្មទណ្ឌ លើអតីតនាយករដ្ឋមន្ត្រី លោក អ៊ីមរ៉ាន ខាន់ (Imran Khan) ពាក់ព័ន្ធនឹងបទចោទប្រកាន់ការទម្លាយព័ត៌មានសម្ងាត់ផ្លួវការរបស់ប្រទេស ជាការណីផ្លូវច្បាប់ចុងក្រោយ ដែលអតីតនាយករដ្ឋមន្ត្រីរូបនេះកំពុងប្រឈម។  ករណីនេះ ជាប់ពាក់ព័ន្ធនឹងការឆ្លើយឆ្លងការទូតរវាងទីក្រុងវ៉ាស៊ីនតោន និងទីក្រុងអ៊ីស្លាម៉ាបាដ ដែលលោក Khan ធ្លាប់បាននិយាយកាលពីដើមឆ្នាំមុនថាជាផ្នែកមួយនៃការឃុបឃិតរបស់សហរដ្ឋអាមេរិកដើម្បីផ្ដួលរលំរដ្ឋាភិបាលរបស់លោក។ទីក្រុងវ៉ាស៊ីនតោន បានទាត់ចោលការជាប់ពាក់ព័ន្ធក្នុងការឃុបឃិតបែបនេះ។  លោក Sanaullah បាននិយាយថា ការសម្រេចចិត្តនេះត្រូវបានធ្វើឡើងបន្ទាប់ពីអតីតលេខាសំខាន់របស់ លោក Khan គឺលោក អាហ្សាម ខាន់ (Azam Khan) បានកត់ត្រាសេចក្តីថ្លែងការណ៍របស់តុលាការកាលពីថ្ងៃពុធចំពោះប្រសិទ្ធភាពដែលថាការផ្ញើសារដែលបានធានាសុវត្ថិភាពផ្នែកការទូតរបស់សហរដ្ឋអាមេរិកត្រូវបានគ្រប់គ្រងដោយលោក Khan កាលពីខែមីនាឆ្នាំ ២០២២ ដើម្បីបម្រើគោលដៅនយោបាយរបស់លោក។  គួររម្លឹកថា អតីតកីឡាករឆ្នើមគ្រីឃីតវ័យ៧០ ឆ្នាំ រូបនេះបានបាត់បង់អំណាចក្នុងការបោះឆ្នោតវ៉េតូ ដកសេចក្ដីទុកចិត្តកាលពីខែមេសាឆ្នាំ២០២២ ដែលលោកបាននិយាយថា ទីក្រុងវ៉ាស៊ីនតោន បានជាប់ពាក់ព័ន្ធក្នុងរឿងនេះ បន្ទាប់ពីលោកបានបំពេញទស្សនកិច្ចទៅកាន់ទីក្រុងមូស្គូ ប្រទេសរុស្ស៊ី ៕

ឯកឧត្តម ម៉ម ប៊ុនហេង ចុះពន្យល់អំពីគោលនយោបាយ និងបង្រៀនគូសសន្លឹកឆ្នោត ដល់ពលរដ្ឋសង្កាត់គោកឃ្លាង

2023/07/20 06:54:36 pm        144
Facebook Telegram Linkin
ភ្នំពេញ៖ ឯកឧត្តម ម៉ម ប៊ុនហេង សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជា​ ចុះមូលដ្ឋានខណ្ឌសែនសុខ អមដំណើរដោយ​លោកជំទាវ យក់ សម្បតិ្ត និងឯកឧត្តម សាផុន វឌ្ឍនៈ នៅព្រឹកថ្ងៃទី២០ ខែកក្កដា ឆ្នាំ២០២៣នេះ បានដឹកនាំសមាជិក សមាជិកា ចុះពន្យល់អំពីគោលនយោបាយ និងបង្រៀនគូសសន្លឹកឆ្នោត ជូនដល់បងប្អូនប្រជាពលរដ្ឋ នៅតាមខ្នងផ្ទះ និងអាជីវករលក់ដូរតាមផ្ទះ ក្នុងសង្កាត់គោកឃ្លាង ខណ្ឌសែនសុខ។ក្នុងថ្ងៃទី២០នៃយុទ្ធនាការឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ ឯកឧត្តម ម៉ម ប៊ុនហេង បានជួបសំណេះសំណាលសួរទុក្ខបងប្អូនប្រជាពលរដ្ឋ ព្រមទាំងពន្យល់​អំពីគោលនយោបាយរបស់គណបក្សប្រជាជនកម្ពុជា ទាំង៨ចំណុចដើម្បីការពារ និងលើកស្ទួយផល​ប្រយោជន៍របស់ប្រជាជន។ ទន្ទឹមនឹងនោះ ក៏សូមអំពាវនាវដល់បងប្អូនប្រជាពលរដ្ឋទាំងអស់ អញ្ជើញទៅបោះឆ្នោតឲ្យបាន​គ្រប់ៗគ្នា នាថ្ងៃទី២៣ ខែកក្កដា ឆ្នាំ២០២៣ខាងមុខនេះ ពិសេសបោះឆ្នោតជូនគណបក្ស​ប្រជាជន​កម្ពុជា ដែលមានលេខរៀងទី១៨ ព្រោះសំឡេងឆ្នោតរស់បងប្អូន​ប្រជាពលរដ្ឋម្នាក់ៗ ជាអ្នកសម្រេចនូវជោគវាសនាខ្លួនយើងផ្ទាល់ ក្រុមគ្រួសារ និងប្រទេសជាតិ។ចំណែកបងប្អូនប្រជាពលរដ្ឋ និងអាជីវករលក់ដូរតាមផ្ទះ រស់នៅក្នុងភូមិគោកឃ្លាង បានទទួលស្វាគមន៍ឯកឧត្តម ម៉ម ប៊ុនហេង រួមនឹងក្រុមការងារ ដែលបានអញ្ជើញមកផ្ទាល់ ពិសេសបងប្អូនប្រជាពលរដ្ឋ ក៏បានរៀបចំឯកសារពាក់ព័ន្ធសម្រាប់ប្រើប្រាស់ក្នុងពេលបោះឆ្នោត នាថ្ងៃទី២៣ ខែកក្កដា ឆ្នាំ២០២៣ខាងមុខនេះ ​ដើម្បីទៅបោះឆ្នោតជូនគណបក្សប្រជាជនកម្ពុជា នៅ​លេខរៀងទី១៨ ព្រោះសន្លឹកឆ្នោតរបស់គាត់មួយសន្លឹក ​មានសារសំខាន់ខ្លាំងណាស់ កុំបោះបង់ចោល ត្រូវតែរួបរួមគ្នាបោះឆ្នោតជូនសម្តេចតេជោ ហ៊ុន សែន ជាដាច់ខាត។នាឱកាសនោះក្នុងនាមគណបក្សប្រជាជនកម្ពុជា ឯកឧត្តម ម៉ម ប៊ុនហេង សូមសម្តែងការគោរព​ដឹងគុណយ៉ាងជ្រាលជ្រៅបំផុត ជូនបងប្អូនជនរួមជាតិ នៅគ្រប់ទិសទីដែលបានផ្តល់ការគាំទ្រពេញ​ទំហឹង​ចំពោះការដឹកនាំរបស់គណបក្សប្រជាជនកម្ពុជា​ នៅគ្រប់កាលៈទេសៈ ធ្វើឲ្យសម្រេចបាន​ជោគជ័យ​ដ៏ត្រចះត្រចង់ ក្នុងការបម្រើប្រទេសជាតិ តាំងពីដំណាក់កាល សង្រ្គោះជាតិ ពីរបបប្រល័យពូជសាសន៍រហូតមកដល់បច្ចុប្បន្ន។ ជាក់ស្តែងសកម្មភាពថ្ងៃនេះ ក្រុមការងារនៅបន្តធ្វើចុះទៅតាមខ្នងផ្ទះ ទីសាធារណៈ និងអប់រំផ្សព្វផ្សាយអំពីគោល​នយោបាយបក្ស និងបង្រៀនគូសសន្លឹកឆ្នោតឲ្យបានត្រឹមត្រូវ ទៅតាមការណែនាំរបស់​គណៈកម្មាធិការជាតិរៀបចំការបោះឆ្នោត ( គ.ជ.ប) ជាហូរហែដល់បងប្អូនប្រជាពលរដ្ឋ ដើម្បីគ្របដណ្តប់​អស់ប្រជាជនក្នុងមូលដ្ឋានភូមិ សង្កាត់ ខណ្ឌសែនសុខ រាជធានីភ្នំពេញ៕អត្ថបទ រដ្ឋា

សកម្មជនអតីតគណបក្សប្រឆាំង២៧៩រូប ស្ម័គ្រចូលរួមជីវភាពនយោបាយជាមួយគណបក្សប្រជាជនកម្ពុជា

2023/07/20 06:45:15 pm        174
Facebook Telegram Linkin
ភ្នំពេញ៖ សកម្មជនអតីតគណបក្សប្រឆាំងចំនួន ២៧៩រូប បានស័្មគ្រចិត្តចូលមករួមជីវភាពនយោបាយជាមួយគណបក្សប្រជាជនកម្ពុជា ក្រោយពីបានយល់ និងមើលឃើញពីវីរៈភាព និងការលះបង់ដ៏ធំធេងរបស់សម្តេចតេជោ ហ៊ុន សែន។ក្រោយពីបានយល់ និងមើលឃើញពីវីរៈភាព និងការលះបង់ដ៏ធំធេងរបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា ក្នុងបុព្វហេតុស្វែងរកសន្តិភាព និងការអភិវឌ្ឍប្រទេសជាតិឱ្យរីក​ចម្រើន​ជឿនលឿន​ឥតឈប់ឈរដូចពេលសព្វថ្ងៃនេះ ​សកម្មជនអតីតគណបក្សប្រឆាំង​ចំនួន ២៧៩រូប​ បានស័្មគ្រចិត្តចូលមករួមជីវភាពនយោបាយជាមួយគណបក្សប្រជាជនកម្ពុជា និងប្ដេជ្ញារួមចំណែក​កសាងជាតិមាតុភូមិឱ្យមានសន្តិភាព និងការអភិវឌ្ឍរីកចម្រើនបន្ថែមទៀត។ សមាជិកថ្មីទាំង២៧៩រូបត្រូវប្រកាសបញ្ចូលជាសមាជិកគណបក្សប្រជាជនកម្ពុជា នាព្រឹកថ្ងៃទី២០ ខែកក្កដា ឆ្នាំ២០២៣ ក្រោមអធិបតីភាពឯកឧត្ដម ឃួង ស្រេង សមាជិក​គណៈកម្មាធិការកណ្តាល​គណបក្សប្រជាជនកម្ពុជា​ និងជាប្រធានគណៈកម្មាធិការគណបក្សរាជធានីភ្នំពេញ នៅមន្ទីរគណបក្ស​រាជធានីភ្នំពេញ។ឯកឧត្តម ឃួង ស្រេង បានលើកឡើងពីវីរៈភាពរបស់សម្តេចតេជោ ​ហ៊ុន សែន ដែលបានលះបង់​គ្រប់​បែបយ៉ាង ទាំងយុវភាព ​និងអាយុជីវិត ​ដើម្បីរំដោះប្រទេសជាតិ ​ចេញពីរបបដ៏ខ្មៅងងិត ប៉ុល ពត​ និងបានស្តារប្រទេសជាតិចេញពីចំណុចសូន្យ ​រហូតមានការអភិវឌ្ឍរីកចម្រើន​ដូចបច្ចុប្បន្ន។ឯកឧត្តម ឃួង ស្រេង បានបញ្ជាក់ថា សន្តិភាព ​បានមកពីនយោបាយឈ្នះ-ឈ្នះ ​របស់សម្តេចតេជោ ហ៊ុន សែន ​ដែលកម្ពុជាមិនធ្លាប់មានក្នុងប្រវត្តិសាស្ត្រជាង ​៥០០ ឆ្នាំហើយ ដូច្នេះយុវជន​ទាំងអស់​ត្រូវការពារ ​សន្តិភាព ដែលរកបានដោយកម្រនេះឱ្យបានគង់វង់។ សម្តេចតេជោ ​ហ៊ុន សែន​ ប្រធានគណបក្សប្រជាជនកម្ពុជា គឺជាអ្នកស្វែងរកសន្តិភាព និងការ​អភិវឌ្ឍ​ជូនជាតិ។ ដូច្នេះសូមបងប្អូនទាំងអស់គ្នារួមគ្នាការពារសន្តិភាពឱ្យបាន​ តាមរយៈនាំគ្នាទៅ​បោះឆ្នោតជូនគណបក្សប្រជាជនកម្ពុជានៅថ្ងៃទី២៣ ​ខែកក្កដាឆ្នាំ២០២៣ខាងមុខនេះ នោះគឺគាំទ្រ​សម្តេចតេជោ ហ៊ុន សែន ​ជានាយករដ្ឋមន្ត្រី និងគាំទ្រ ឯកឧត្តម ហ៊ុន ម៉ាណែត​ ជា​បេក្ខភាពនា​យករដ្ឋ​មន្ត្រីនាពេលអនាគត ​ដើម្បីមានឱកាសកសាងអភិវឌ្ឍន៍​ប្រទេសឱ្យរីកចម្រើន​រុងរឿង​បន្ថែមទៀត ពិសេសគឺការប្រែក្លាយប្រទេសកម្ពុជា ទៅជាប្រទេសដែលមានចំណូល​មធ្យមកម្រិតខ្ពស់នៅឆ្នាំ២០៣០ និងក្លាយជាប្រទេសមានចំណូលខ្ពស់នៅឆ្នាំ ២០៥០៕អត្ថបទ ៖ប្រាក់ វ៉ាន់ដា

បណ្ដាញសង្គម

ព័ត៌មានថ្មីៗ

នេប៉ាល់ផ្អាកប្រតិបត្តិការស្វែងរក បន្ទាប់​ពី​មនុស្ស ១៦នាក់ បានប៉ើង​ទៅតាម​បំណាក់​​ទឹកកក ​
09/29/2026 07:09 PM
Facebook Telegram Linkin
ម្ចាស់សហគ្រាសផលិតសំបកវេចខ្ចប់ និងអ្នកវេចខ្ចប់ផលិតផល បានកំពុងរួមគ្នាបង្កើត និងគាំទ្រផលិតផលជាតិ
09/29/2026 07:09 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមពិធីចម្រើនព្រះបរិត្ត និងដាក់បិណ្ឌវេនទី៤ នៅវត្តឧណ្ណាលោម
09/29/2026 06:09 PM
Facebook Telegram Linkin
កងកម្លាំងអាមេរិកចាកចេញពីអ៊ីរ៉ាក់ ក្រោយរយៈពេល​ ២ទសវត្សរ៍ ដោយបើកផ្លូវឱ្យអ៊ីរ៉ង់បង្កើន​ឥទ្ធិពល​
09/29/2026 06:09 PM
Facebook Telegram Linkin
ទ្រព្យសកម្មក្នុងវិស័យ អ.ស.ហ. កើនដល់ជាង ៩ ប៊ីលានដុល្លារ និងបានបង្កើតការងារ ១៦ ពាន់កន្លែង
09/29/2026 06:09 PM
Facebook Telegram Linkin
អ៊ីរ៉ង់​គំរាមវាយប្រហារហេដ្ឋារចនាសម្ព័ន្ធ ក្នុងតំបន់ ប្រសិនបើសន្តិសុខរបស់ខ្លួន មិនត្រូវបានធានា
09/29/2026 06:09 PM
Facebook Telegram Linkin
សារព័ត៌មានរដ្ឋ៖ ការវាយប្រហារលើបំពង់បង្ហូរឧស្ម័ននៅភាគខាងកើតស៊ីរី បានធ្វើឲ្យការផ្គត់ផ្គង់ឧស្ម័នត្រូវផ្អាក
09/29/2026 06:09 PM
Facebook Telegram Linkin
បេសកជនរុស្ស៊ី៖ អាល្លឺម៉ង់ និងសហភាពអឹរ៉ុប មិនមានតួនាទីក្នុងកិច្ចចរចាអំពីអ៊ុយក្រែន
09/29/2026 06:09 PM
Facebook Telegram Linkin
សារព័ត៌មាន CNN, MS NOW និង Politico ស្នើចៅក្រមពន្យារការហាមឃាត់របស់សេតវិមាន
09/29/2026 06:09 PM
Facebook Telegram Linkin
លោក Rubio៖ អឺរ៉ុបកំពុងជួបបញ្ហាប្រឈមធ្ងន់ធ្ងរ
09/29/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.