នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី
TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្ត​លើ​រាជរដ្ឋាភិបាល និងកងទ័ព

នយោបាយ​ និង ការអភិវឌ្ឍន៍

រុស្ស៊ី និងអ៊ុយក្រែន ប្រកាសដោះដូរឈ្លើយសឹក ៤៥នាក់ពីភាគីម្ខាងៗ

2023/07/07 01:36:33 pm        79
Facebook Telegram Linkin
អ៊ុយក្រែន៖  កាលពីថ្ងៃព្រហស្បតិ៍ម្សិលមិញ រុស្ស៊ី និងអ៊ុយក្រែន បានប្រកាសដោះដូរឈ្លើយសឹកចំនួន ៤៥នាក់ ពីភាគីម្ខាងៗ ។ ក្រសួងការពារជាតិរុស្ស៊ី បញ្ចេញវីដេអូឃើញទាហានរុស្ស៊ី ៤៥នាក់ វិលត្រឡប់ពីការជាប់ឃុំឃាំងរបស់អ៊ុយក្រែនវិញ ។  លោក Andriy Yermak គឺជាប្រធានបុគ្គលិកប្រធានាធិបតីអ៊ុយក្រែន និយាយថា ទាហាន ៤៥នាក់ និងជនស៊ីវល ២នាក់ ត្រូវបានវិលត្រឡប់មកកាន់ប្រទេសអ៊ុយក្រែនវិញ ។  គួរឲ្យដឹងថា រុស្ស៊ី និងអ៊ុយក្រែន បានដោះដូរឈ្លើយសឹកយូរៗម្តង អំឡុងពេលសង្រ្គាមរបស់ពួកគេ ដែលបច្ចុប្បន្នស្ថិតក្នុងខែទី ១៧ទៅហើយ ។  លោក Lubinetsនិយាយថា ទាហានអ៊ុយក្រែន ២.៥៧៦នាក់ បានមានសេរីភាពវិញ នៅក្នុងការដោះដូរអ្នកទោស ចាប់តាំងពីការចាប់ផ្តើមវាយលុករបស់រុស្ស៊ីទៅលើប្រទេសជិតខាងអ៊ុយក្រែន កាលពីខែកុម្ភៈ ឆ្នាំ ២០២២កន្លងទៅ ៕

ប្រមុខ IAEA មានជំនឿចិត្តខ្ពស់លើការវាយតម្លៃរោងចក្រនុយក្លេអ៊ែរ Fukushima ស្របពេលមានការរិះគន់របស់ចិន

2023/07/07 01:33:17 pm        49
Facebook Telegram Linkin
ជប៉ុន៖ ប្រមុខទីភ្នាក់ងារថាមពលអាតូមិកអន្តរជាតិ(IAEA)លោក Rafael Grossi បាននិយាយប្រាប់ទីភ្នាក់ងារព័ត៌មានរ៉យទ័រ នៅថ្ងៃសុក្រនេះថា លោកមានជំនឿចិត្តខ្លាំង ក្នុងការវាយតម្លៃនៃទីភ្នាក់ងាររបស់លោកលើផែនការរបស់ជប៉ុន បញ្ចេញទឹកបន្សាបសារធាតុវិទ្យុសកម្មពីរោងចក្រនុយក្លេអ៊ែរ Fukushimaចូលទៅក្នុងមហាសមុទ្រ ស្របពេលដែលមានការរិះគន់ធ្ងន់ៗ ពីប្រទេសចិន ។  លោក Grossi និយាយថា IAEAមិនឈរតែម្ខាងទៅប្រទេសណាមួយឡើយ ហើយពួកយើងបានធ្វើការវាយតម្លៃតាមបែបវិទ្យាសាស្រ្តលើផែនការមួយនេះ ពោលគឺពុំបានយល់ព្រម ឬផ្តល់សេចក្តីណែនាំចំពោះអ្វីដែលជប៉ុនគួរតែធ្វើនោះទេ ។  លោកបាននិយាយដែរថា លោកបានឮសម្តីអ្នកជំនាញម្នាក់ ឬ២នាក់ ដែលសិក្សាលើផែនការនេះ បង្ហាញក្តីបារម្ភ ប៉ុន្តែលោកជឿជាក់ថា វាមិនមែនជាបញ្ហានោះទេ ហើយរបាយការណ៍របស់ IAEA គឺត្រឹមត្រូវតាមបែបវិទ្យាសាស្រ្ត ។  យោងតាមការអះអាងរបស់ក្រុមឃ្លាំងមើល បានឲ្យដឹងថា ក្រុមការងារដែលបង្កើតឡើងដោយ IAEA កាលពីឆ្នាំ ២០២១ ដើម្បីត្រួតពិនិត្យសុវត្ថិភាពផែនការបញ្ចេញទឹកកាកសំណល់ជាង ១លានតោនពីរោងចក្រនុយក្លេអ៊ែរដែលរងការបំផ្លិចបំផ្លាញដោយសាររលកយក្សស៊ូណាមិ កាលពីឆ្នាំ ២០១១នោះ រួមមានទាំអសមាជិកមកពីអាហ្សង់ទីន អូស្រ្តាលី កាណាដា បារាំង កោះ Marshall កូរ៉េខាងត្បូងរុស្ស៊ី អង់គ្លេស សហរដ្ឋអាមេរិក និងវៀតណាម ៕

ការដេញថ្លៃគម្រោងមូលនិធិអភិវឌ្ឍន៍សង្កាត់ទាំង១០ឆ្នាំ២០២៣របស់ខណ្ឌទួលគោក មាន១៥គម្រោង តម្លៃជាង ១៩២៨លានរៀល

2023/07/07 01:33:05 pm        91
Facebook Telegram Linkin
ភ្នំពេញ៖ ការដេញថ្លៃគម្រោងមូលនិធិអភិវឌ្ឍន៍សង្កាត់ ឆ្នាំ២០២៣ សម្រាប់១០សង្កាត់ របស់ខណ្ឌទួលគោក មានចំនួន១៥គម្រោង មានតម្លៃប៉ាន់ស្មានប្រមាណជាង ១៩២៨លានរៀល ដែលគម្រោងទាំងនេះ មានទាំងការដាក់លូ ,ស្តារលូ ,ការជួសជុលផ្លូវ និងរៀបការ៉ូឡាជាដើម។ពិធីដេញថ្លៃគម្រោងមូលនិធិអភិវឌ្ឍន៍សង្កាត់ ឆ្នាំ២០២៣នេះ បានធ្វើឡើង នាព្រឹកថ្ងៃទី០៧ ខែកក្កដា ឆ្នាំ២០២៣ ក្រោមអធិបតីភាពលោក ហួត ហៃ អភិបាលរងរាជធានីភ្នំពេញ ។លោក ជា ពិសី អភិបាលខណ្ឌទួលគោក បានលើកឡើងថា ការដេញថ្លៃគម្រោងមូលនិធិអភិវឌ្ឍន៍​សង្កាត់ ឆ្នាំ២០២៣នេះ ​សម្រាប់ទាំង១០សង្កាត់ របស់ខណ្ឌទួលគោកមានចំនួន១៥គម្រោង តម្លៃប៉ាន់ប្រមាណជាង ១៩២៨លានរៀល ក្នុងនោះរួមមាន៖ សង្កាត់ផ្សារដេប៉ូទី១ មាន១គម្រោង ដាក់លូប្រវែង៤២៣ម៉ែត្រ តម្លៃប្រមាណ១៥៨លានរៀល ។ សង្កាត់ផ្សារដេប៉ូទី២ មាន១គម្រោង ដាក់លូប្រវែង៤៤៥ម៉ែត្រ តម្លៃប្រមាណ១៦៤លានរៀល។ សង្កាត់ផ្សារដេប៉ូទី៣ មាន២គម្រោង គឺគម្រោងជួលជុលផ្លូវ១៦៣ម៉ែត្រ និងស្តារលូ២៦៩ម៉ែត្រ តម្លៃប្រមាណ១៥៤លានរៀល។ សង្កាត់ទឹកល្អក់ទី១ មាន២គម្រោង គឺគម្រោងរៀបការ៉ូឡា និងដាក់លូប្រវែង១៣៦ម៉ែត្រ តម្លៃប្រមាណ១៨១លានរៀល។ សង្កាត់ទឹកល្អក់ទី២ មាន១គម្រោង ដាក់លូប្រវែង៥៤៩ម៉ែត្រ តម្លៃប្រមាណ១៧៧លានរៀល។ សង្កាត់ទឹកល្អក់ទី៣ មាន១គម្រោង ដាក់លូប្រវែង៦៦២ម៉ែត្រ តម្លៃប្រមាណ ២២៩លានរៀល។ សង្កាត់បឹងកក់ទី១ មាន១គម្រោង ដាក់លូប្រវែង៥៦២ម៉ែត្រ តម្លៃប្រមាណ១៨៨លានរៀល។ សង្កាត់បឹងកក់ទី២ មាន៣ម្រោង ជួសជុលផ្លូវបេតុង​ប្រវែង៦០ម៉ែត្រ​ដាក់លូប្រវែង៥០៨ម៉ែត្រ និងស្តារលូប្រវែង៦០០ម៉ែត្រតម្លៃប្រមាណ២៤១លានរៀល។ សង្កាត់ផ្សារដើមគរមានមួយគម្រោង ជួសជុលផ្លូវ៩២ម៉ែត្រ តម្លៃប្រមាណ១៨១លានរៀល ។សង្កាត់បឹងសាឡាង មាន២គ្រោង ជួសជុលផ្លូវបេតុងប្រវែង៥៩ម៉ែត្រ និងដាក់លូប្រវែង៦១៤ម៉ែត្រ តម្លៃប្រមាណ២៤៣លានរៀល ។ ​សរុបទាំង១០សង្កាត់ ក្នុងចំនួន១៥គម្រោងនេះ មានទឹកប្រាក់ប៉ាន់ស្មានប្រមាណជាង ១៩២៨លានរៀល។លោក ហួត ហៃ អភិបាលរងរាជធានីភ្នំពេញ មានប្រសាសន៍ថា ការដេញថ្លៃគម្រោងមូល​និធិអភិវឌ្ឍន៍​សង្កាត់ វាជាការចូលរួមរបស់វិស័យ​ឯកជនតាម​របៀប​ប្រកួតប្រជែង​ប្រកប​ដោយយុត្តិធម៌ តម្លាភាព គណនេយ្យភាព ​និងអាចជឿទុកចិត្តបាន ពីគ្រប់ភាគីពាក់ព័ន្ធទាំងអស់ ដែល​ជាមូលដ្ឋានគ្រឹះនៃអភិបាលកិច្ចល្អ ​ក្នុងការចូលរួមអភិវឌ្ឍន៍មូលដ្ឋាន ដើម្បីឆ្លើយ​តម្រូវការប្រជាពលរដ្ឋនៅតាមគោលដៅរបស់គម្រោង។ ដូច្នេះ រាល់ការសាងសង់ ត្រូវធ្វើឱ្យ​មានគុណភាព ស្របតាម​បទដ្ឋាន​បច្ចេកទេស ​មាន​សោភ័ណភាព ​និងមានតម្លៃសមស្រប មិន​ប៉ះពាល់បរិស្ថានសង្គម ធានាបានសុវត្ថិភាពសាធារណៈ និងប្រើប្រាស់បានយូរអង្វែង។ក្នុងឱកាសនោះ លោក ហួត ហៃ បានធ្វើការណែនាំអោយលោកចៅទាំង១០ និងមន្ត្រីពាក់ព័ន្ធត្រូវ​តាមដាន គុណភាពគម្រោង ​តាំងពីពេលអនុវត្តគម្រោងរហូតដល់ ការអនុវត្តគម្រោងត្រូវបាន​បញ្ចប់​១០០% ព្រោះថា ថវិការបស់រដ្ឋច្រើនណាស់​បានទំលាក់​មកអោយថ្នាក់​សង្កាត់ទាំង១០នេះ ដែល​មានប្រមាណ៥០ម៉ឺនដុល្លារ៕ អត្ថបទ៖ កុម្ភះ

និយតករនុយក្លេអែរជប៉ុនបានយល់ព្រមលើការបញ្ចេញសំណល់ទឹកនុយក្លេអ៊ែររោងចក្រហ៊្វូគូស៊ីម៉ារបស់ក្រុមហ៊ុន Tepco

2023/07/07 01:28:01 pm        72
Facebook Telegram Linkin
ជប៉ុន៖ នៅថ្ងៃសុក្រ (៧ កក្កដា)នេះ និយតករនុយក្លេអ៊ែររបស់ប្រទេសជប៉ុនបានផ្តល់ការអនុម័តសម្រាប់ឲ្យក្រុមហ៊ុន Tokyo Electric Power Co (Tepco) ដែលដំណើរការរោងចក្រថាមពលនុយក្លេអ៊ែរ ហ៊្វូគូស៊ីម៉ា ដៃអ៊ីឈី ដែលត្រូវបានខូចខាត ដើម្បីចាប់ផ្តើមបញ្ចេញសំណល់ទឹកវិទ្យុសកម្មជាងមួយលានតោន។កាលពីថ្ងៃអង្គារ (៤ កក្កដា) អ្គភាពឃ្លាំមើលសកល គឺទីភ្នាក់ងារថាមពលបរមាណូអន្តរជាតិ (IAEA) បាននិយាយថា ការត្រួតពិនិត្យរយៈពេលពីរឆ្នាំបង្ហាញថា ផែនការរបស់ប្រទេសជប៉ុនសម្រាប់ការបញ្ចេញសំណល់ទឹកនេះនឹងមានផលប៉ះពាល់បរិស្ថានតិចតួចប៉ុណ្ណោះ។វិញ្ញាបនបត្ររបស់និយតករជប៉ុនគឺជាជំហានចុងក្រោយដែលអង្គភាពដែលត្រូវការដើម្បីចាប់ផ្តើមដំណើរការបញ្ចេញទឹក៕

ការស្លាប់របស់តារាប៉ុប Coco Lee បង្កឲ្យមានការពិភាក្សាអំពីសុខភាពផ្លូវចិត្ត នៅប្រទេសចិន

2023/07/07 12:50:04 pm        79
Facebook Telegram Linkin
ចិន៖ ការស្លាប់របស់តារាចម្រៀងស្រីដ៏មានប្រជាប្រិយភាព Coco Lee បានធ្វើឲ្យពិភពលោកដែលនិយាយភាសាចិនមានការតក់ស្លុត ហើយបានជំរុញឲ្យមានការពិភាក្សាអំពីបញ្ហាសុខភាពផ្លូវចិត្ត នៅលើបណ្ដាញសង្គមរបស់ប្រទេសចិន។យោងតាមការបង្ហោះសារនៅលើបណ្ដាញសង្គម Facebook ពីបងប្អូនស្រីរបស់តារាចម្រៀងរូបនេះ លោកស្រី Carol និង Nancy បានឲ្យដឹងថា លោកស្រី Lee បានលាចាកលោកនេះហើយ បន្ទាប់ពីស្ថិតក្នុងស្ថានភាពសន្លប់បាត់ស្មារតី ចាប់តាំងពីព្យាយាមបញ្ចប់ជីវិតខ្លួនឯង កាលពីចុងសប្តាហ៍កន្លងមកហើយជាមួយគ្នានេះ អ្នកទាំង២ ក៏បានលាតត្រដាងផងដែរថា តារាចម្រៀងស្រីវ័យ ៤៨ឆ្នាំ បានធ្លាក់ខ្លួនឈឺ ក្នុងរយៈពេលប៉ុន្មានឆ្នាំចុងក្រោយនេះ។ក្រោយមរណភាពរបស់តារាចម្រៀងដ៏មានប្រជាប្រិយរូបនេះ សារគោរពវិញ្ញាណក្ខន្ធ ក៏មានឡើងព្រោងព្រាត នៅលើបណ្ដាញសង្គមរបស់ប្រទេសចិន ដោយក្នុងនោះសារមួយដែលមានចុចចូលចិត្តជាង ៣.០០០ដង នៅលើកម្មវិធីបណ្តាញសង្គម Weibo(វ៉ីប៉ូ) ដែលស្រដៀងនឹងបណ្ដាញសង្គម Twitter មានខ្លឹមសារថា៖ «ខ្ញុំមិនអាចជឿរឿងនេះបានទេ។ គាត់តែងតែជានារីដែលមានភាពភ្លឺថ្លា ដែលចូលចិត្តច្រៀង រាំ និងញញឹម»។ខណៈមានការសរសេរសារគោរពដល់វិញ្ញាណក្ខន្ធនេះ មនុស្សជាច្រើន ក៏បានផ្តោតលើបញ្ហាសុខភាពផ្លូវចិត្ត ដែលគ្រួសាររបស់សពបានលើកឡើង។ក្នុងនោះមានឃ្លាសរសេរដូចជាថា តើ«ជំងឺធ្លាក់ទឹកចិត្តនៅជិតអ្នកប៉ុនណា» ដែលមានន័យថា ពេលនេះ បញ្ហា«រោគសញ្ញានៃជំងឺធ្លាក់ទឹកចិត្ត» កំពុងតែពេញនិយមនៅលើវេទិកាអនឡាញផ្សេងៗគ្នា ដោយប្រព័ន្ធផ្សព្វផ្សាយរដ្ឋដូចជា CCTV, People's Daily និង China Daily បានដាក់ចេញនូវខ្លឹមសារ ដើម្បីបង្កើនការយល់ដឹងរបស់មនុស្សអំពីជំងឺធ្លាក់ទឹកចិត្ត និងជំងឺផ្លូវចិត្ត៕

ប្រធាន IAEA ជឿជាក់ទាំងស្រុងថា វាមានសុវត្ថិភាពដើម្បីបញ្ចេញទឹកកាកសំណល់នុយក្លេអ៊ែរបានធ្វើប្រព្រឹត្តិកម្មរួច

2023/07/07 12:44:59 pm        54
Facebook Telegram Linkin
ជប៉ុន៖ ប្រធានទីភ្នាក់ងារឃ្លាំមើលនុយក្លេអ៊ែរអង្គការសហប្រជាជាតិ បានប្រាប់សារព័ត៌មាន CNN ថា ផែនការរបស់ប្រទេសជប៉ុន ដើម្បីបញ្ចេញទឹកមានសារធាតុវិទ្យុសកម្មដែលបានធ្វើប្រព្រឹត្តិកម្មរួច ចូលទៅក្នុងសមុទ្រ គឺមានសុវត្ថិភាពហើយគ្មានជម្រើសប្រសើរជាងនេះនោះទេ ដើម្បីដោះស្រាយការកើនឡើងដ៏ច្រើននៃទឹកកាកសំណល់ ដែលបានប្រមូលផ្តុំចាប់តាំងពីគ្រោះមហន្តរាយនៅរោងចក្រនុយក្លេអ៊ែរ Fukushima ឆ្នាំ២០១១។និយាយនៅក្នុងសបទសម្ភាសន៍មួយ អំឡុងដំណើរទស្សនកិច្ចទៅកាន់ទីក្រុងតូក្យូ នៅថ្ងៃសុក្រនេះ អគ្គនាយកទីភ្នាក់ងារថាមពលអាតូមិកអន្តរជាតិ (IAEA) លោក Rafael Grossi បាននិយាយថា ខណៈមានការព្រួយបារម្ភជុំវិញផែនការ បង្ហាញពីគំនិតសមហេតុផលនៃភាពមិនប្រាកដប្រជា ដែលត្រូវតែធ្វើយ៉ាងហ្មត់ចត់ លោកបានជឿជាក់ទាំងស្រុង ពីមូលដ្ឋានត្រឹមត្រូវ នៃការសន្និដ្ឋានរបស់យើង។ លោកបាននិយាយថា យើងកំពុងសំឡឹងទៅរកគោលនយោបាយជាមូលដ្ឋានសម្រាប់រយៈពេលជាង២ឆ្នាំមកនេះ។ យើងកំពុងធ្វើការវាយតម្លៃលើបញ្ហានេះ តាមស្តង់ដាតឹងរ៉ឹងបំផុតដែលកើតមាន ហើយប្រាកដនូវអ្វីដែលយើងកំពុងនិយាយ និងផែនការដែលយើងបានស្នើសុំ។ ប្រទេសជប៉ុន នឹងបញ្ចេញទឹកកាកសំណល់នៅពេលណាមួយក្នុងរដូវក្តៅ ជាចំណាត់ការមានភាពចម្រូងចម្រាស់ រយៈពល១២ឆ្នាំមកហើយ បន្ទាប់ពីការបំផ្លាញរោងចក្រនុយក្លេអ៊ែរ Fukushima ។ អាជ្ញាធរប្រទេសជប៉ុន និងទីភ្នាក់ងារថាមពលអាតូមិកអន្តរជាតិ បានទទូចថា ផែនការធ្វើឡើងបន្ទាប់ពីមានស្តង់ដាសុវត្ថិភាពអន្តរជាតិ ដែលដំបូងទឹកត្រូវបានធ្វើប្រព្រឹត្តិកម្មដើម្បីយកចេញសារធាតុបំពុលបរិស្ថានដែលប៉ះពាល់បំផុត និងត្រូវបានបញ្ចេញជាបន្តបន្ទាប់រយៈពេលជាច្រើនឆ្នាំ ក្នុងបរិមាណពង្រាវខ្ពស់៕

ប្រព័ន្ធផ្លូវរថភ្លើងក្រោមដីរបស់ទីក្រុងឡុងដ្រ៍ ប្រឈមនឹងសប្ដាហ៍នៃការធ្វើកូដកម្ម នៅខែនេះ

2023/07/07 12:38:05 pm        83
Facebook Telegram Linkin
អង់គ្លេស៖ សហជីព RMT បានឲ្យដឹងកាលពីថ្ងៃព្រហស្បតិ៍ (ទី៦ ខែកក្កដា) ថា បុគ្គលិកផ្លូវរថភ្លើងក្រោមដី នៅទីក្រុងឡុងដ្រ៍របស់ប្រទេសអង់គ្លេស នឹងធ្វើកូដកម្ម ចាប់ពីថ្ងៃទី ២៣-២៨ ខែកក្កដា នៅក្នុងវិវាទដែលអូសបន្លាយពេលដ៏យូរមួយ ជុំវិញប្រាក់សោធននិវត្តន៍ ការកាត់បន្ថយការងារ និងលក្ខខណ្ឌការងារផ្សេងៗ។អ្នកនាំពាក្យរបស់សហជីព RMT បាននិយាយថា កម្មករជាង ១០.០០០នាក់ មានសិទ្ធិធ្វើកូដកម្ម ប៉ុន្តែការតវ៉ានេះ នឹងប៉ះពាល់ដល់ផ្នែកផ្សេងៗនៃប្រព័ន្ធរថភ្លើងក្រោមដី (Tube) និងបុគ្គលិកគ្រប់លំដាប់ថ្នាក់ នៅថ្ងៃផ្សេងៗគ្នា។ អគ្គលេខាធិការរបស់សហជីព លោក Mick Lynch បានឲ្យដឹងនៅក្នុងសេចក្តីថ្លែងការណ៍មួយថា៖ «សកម្មភាពសប្តាហ៍នេះ នឹងបិទប្រព័ន្ធរថភ្លើងក្រោមដីរបស់ក្រុងឡុងដ្រ៍ (London Underground) ហើយត្រឹមតែបង្ហាញថា តើការងាររបស់សមាជិករបស់យើងមានសារៈសំខាន់ប៉ុណ្ណា»។សូមបញ្ជាក់ថា កម្មករផ្លូវដែកនៅទូទាំងប្រទេសអង់គ្លេស បានធ្វើកូដកម្មរៀងៗខ្លួន ចាប់តាំងពីរដូវក្តៅមុន ដូចនឹងបុគ្គលិករាប់ពាន់នាក់ នៅក្នុងឧស្សាហកម្ម និងវិជ្ជាជីវៈផ្សេងៗទៀតដែរ ដោយសារអតិផរណាឡើងខ្ពស់ ទើបជំរុញឲ្យមានទាមទារប្រាក់ឈ្នួលកាន់តែល្អប្រសើរជាងមុន។ពាក់ព័ន្ធនឹងការកូដកម្មនេះ លោក Glynn Barton ប្រធានផ្នែកប្រតិបត្តិការសម្រាប់ការដឹកជញ្ជូននៅទីក្រុងឡុងដ្រ៍ បាននិយាយថា៖ «យើងមានការសោកស្ដាយដែលសហជីព RMT បានប្រកាសពីសកម្មភាពកូដកម្មលើបញ្ហាជាច្រើន ដែលយើងបាន និងកំពុងព្យាយាមពិភាក្សាជាមួយអ្នកទាំងអស់គ្នាដោយបើកចំហ»៕

ក្រុមហ៊ុន Meta ផ្ដោតលើ Twitter ជាមួយនឹងកម្មវិធី Threads ខណៈអ្នកប្រើប្រាស់រាប់លាននាក់ចូលរួម

2023/07/07 12:25:47 pm        100
Facebook Telegram Linkin
អាមេរិក៖ វេទិការបស់ក្រុមហ៊ុន Meta (META.O) កាលពីថ្ងៃពុធ (ទី៥ ខែកក្កដា) បានចាប់ផ្តើមការប្រកួតប្រជែងដោយផ្ទាល់ទល់នឹងបណ្ដាញសង្គម Twitter ជាមួយនឹងកម្មវិធី Threads ដោយប្រមូលអ្នកប្រើប្រាស់រាប់លាននាក់ ក្នុងរយៈពេលប៉ុន្មានម៉ោង ខណៈដែលខ្លួនព្យាយាមទាញចំណេញពីស្ថានភាពដែលចុះខ្សោយយ៉ាងខ្លាំងរបស់គូប្រជែង បន្ទាប់ពីមានការសម្រេចចិត្តដ៏ច្របូកច្របល់ជាបន្តបន្ទាប់ពីម្ចាស់ក្រុមហ៊ុន លោក Elon Musk។អ្នកដែលចូលរួមក្នុងវេទិកាថ្មីនេះយ៉ាងឆាប់រហ័ស រួមមានទាំងតារាល្បីៗ ដូចជាតារាម៉ូដែល និងតារាភាពយន្ត លោកស្រី Kim Kardashian និងតារាចម្រៀងស្រី Jennifer Lopez ព្រមទាំងអ្នកនយោបាយដ៏លេចធ្លោនានា ដូចជាតំណាងរាស្ត្រសហរដ្ឋអាមេរិកមកពីគណបក្សប្រជាធិបតេយ្យ លោកស្រី Alexandria Ocasio-Cortez ជាដើម។នាយកប្រតិបត្តិក្រុមហ៊ុន Meta លោក Mark Zuckerberg បានសរសេរនៅក្នុងការបង្ហោះសារដំបូងរបស់លើកនៅលើកម្មវិធីនេះ អមដោយអ៊ីម៉ូជិរូបភ្លើងថា៖ «តោះនាំគ្នាធ្វើបែបនេះ។ សូមស្វាគមន៍មកកាន់កម្មវិធី Threads»។ ក្រោយមក លោក Zuckerberg បាននិយាយថា កម្មវិធីនេះ ទទួលបានចុះឈ្មោះប្រើប្រាស់ចំនួន ១០លាននាក់ ក្នុងរយៈពេល ៧ ម៉ោង។អ្នកវិភាគបានលើកឡើងថា ការជាប់ទាក់ទងគ្នារបស់កម្មវិធី Threads ជាមួយបណ្ដាញសង្គម Instagram អាចផ្តល់ឲ្យកម្មវិធីនេះនូវមូលដ្ឋានអ្នកប្រើប្រាស់ និងឧបករណ៍ផ្សាយពាណិជ្ជកម្ម។ ទាំងអស់នោះអាចទាញប្រាក់ការផ្សាយពាណិជ្ជកម្មពី Twitter នៅពេលដែលនាយកប្រតិបត្តិថ្មីរបស់ក្រុមហ៊ុន កំពុងព្យាយាមកែប្រែអាជីវកម្មដែលកំពុងជួបការលំបាករបស់ខ្លួន។ខណៈពេលដែលកម្មវិធី Threads បានចាប់ផ្តើមជាកម្មវិធីដាច់ដោយឡែក អ្នកប្រើប្រាស់អាចចូលដោយប្រើព័ត៌មានសម្ងាត់ Instagram របស់ពួកគេ ហើយធ្វើតាមគណនីដូចគ្នា ដែលទំនងជាការបន្ថែមដ៏ងាយស្រួលមួយដល់ទម្លាប់ដែលមានស្រាប់សម្រាប់អ្នកលេងបណ្ដាញសង្គមដ៏សកម្មប្រចាំខែច្រើនជាង ២ពាន់លាននាក់របស់ Instagram៕

ទឹកជំនន់ដ៏គំហុក បណ្តាលឲ្យមានការខូចខាតនៅទីក្រុង Zaragoza ប្រទេសអេស្ប៉ាញ

2023/07/07 12:17:47 pm        50
Facebook Telegram Linkin
អេស្ប៉ាញ៖ ភ្លៀងធ្លាក់ខ្លាំងបង្កជាទឹកជំនន់ដ៏គំហុក បានវាយប្រហារទីក្រុង Zaragozaប្រទេសអេស្ប៉ាញកាលពីថ្ងៃព្រហស្បតិ៍ បណ្តាលឲ្យផ្លូវសំខាន់ៗរងការជន់លិច ហើយរថយន្តបានលិចក្នុងទឹកជំនន់ ។  អ្នកបើកបរមួយចំនួន បានជាប់ខ្លួននៅក្នុងរថយន្តរបស់ពួកគេ ហើយត្រូវបានគេជួយសង្រ្គោះនៅតាមផ្លូវជាច្រើនកន្លែង ដែលរងការជន់លិចនៅទូទាំងទីក្រុង ។  ទោះបីជាយ៉ាងណាក៏ដោយ សេវាកម្មសង្រ្គោះបន្ទាន់ក្នុងតំបន់ ពុំបានរាយការណ៍ពីករណីរងរបួសមនុស្សណាម្នាក់នោះទេ ស្របពេលដែលស្ថិតក្រោមការប្រកាសអាសន្នទឹកភ្លៀងកម្រិតពណ៌លឿងទុំ ។  សេវាកម្មសង្រ្គោះបន្ទាន់និយាយថា រថភ្លើងមួយខ្សែ ដឹកអ្នកដំណើរ ៥០០នាក់ ត្រូវបានបង្ខំបញ្ឈប់សេវាកម្មរបស់ខ្លួន ក្រោយផ្លូវដែករងការជន់លិច ។  ដោយឡែក ក្រុមនគរបាល បានព្រមានអ្នកស្រុកឲ្យជៀសវាងការធ្វើដំណើរដែលពុំចាំបាច់ ហើយមិនត្រូវបើកបរឆ្លងកាត់តំបន់ដែលរងការជន់លិចនោះទេ ៕

រាជរដ្ឋាភិបាល និងប្រជាពលរដ្ឋប្តេជ្ញាផ្សព្វផ្សាយអំពីប្រាសាទព្រះវិហារ ឱ្យកាន់តែល្បីល្បាញ

2023/07/07 12:16:18 pm        113
Facebook Telegram Linkin
ព្រះវិហារ៖ រាជរដ្ឋាភិបាល និងប្រជាពលរដ្ឋ នៅថ្ងៃទី៧ខែកក្កដានេះ ប្តេជ្ញាការពារអភិរក្ស និងផ្សព្វផ្សាយ​ប្រាសាទព្រះវិហារ ឱ្យកាន់តែល្បីល្បាញទៅបរទេស ខណៈថ្ងៃនេះគឺជាខួប១៥ឆ្នាំ​ប្រាសាទព្រះវិហារត្រូវបានចុះក្នុងបញ្ជីបេតិកភណ្ឌពិលោក។បើតឯកឧត្ដម គង់ ពុទ្ធិកា អគ្គនាយកអាជ្ញាធរជាតិព្រះវិហារ បានប្រាប់BTV ថា ប្រាសាទព្រះវិហារ​ជា​ប្រាសាទ ដែលបានកសាងឡើងនៅភ្នំខ្ពស់សន្លឹម ​ខុសប្លែកពីប្រាសាទនានា នៅក្នុងព្រះរាជាណា​ចក្រ​កម្ពុជា និងមានទេសភាពដ៏ស្រស់ត្រកាល ​មាន​ក្បូនក្បាច់​រចនា​បទ​ស្ថាបត្យកម្មល្អឯក និង​មានតម្លៃមហាសាលមិនអាចកាត់ថ្លៃបាន ​និងម្យ៉ាងទៀត ​ជាប្រាសាទដែលដំណាងឱ្យសាសនាផង និងការសាមគ្គីភាពគ្នាផង ខណៈដែលការកសាងប្រាសាទនេះ គឺប្រើពេលរហូតដល់ជាង ៣០០ឆ្នាំទើបរួចរាល់។ឯកឧត្ដម បញ្ជាក់ដែរថា មូលហេតុ ឬកត្តាដែលយើង​មាន​ជា​អំណះអំណាង និង​ជាប្រវត្តិសាស្ត្រ​ទាំងអស់នេះហើយ ​ទើបគ្រប់​លក្ខណខណ្ឌ​ដែល​បាន​ឈ្នះក្តី និងត្រូវ​បាន​ចុះក្នុង​បញ្ជីសម្បត្តិ​បេតិកភណ្ឌពិភពលោកនេះ។យុវជនរស់នៅរាជធានីភ្នំពេញ ​បាន​សម្តែងការ​អបអរសាទរ និង​ប្តេជ្ញា​ការ​ពារ​មរតក​ប្រាសាទ​ព្រះវិហារ ឱ្យ​នៅគង់វង្ស​ បន្តដល់កូនចៅជំនាន់ក្រោយ ​ព្រមទាំង​ផ្សព្វផ្សាយ​ឱ្យ​កាន់តែល្បីល្បាយ​ទៅលើឆាកអន្តរជាតិ។លើសពីនេះ ពួកគាត់ ​បាន​កោត​ស្ងប់ស្ងែង​ចំពោះបុព្វបុរសខ្មែរ ដែលបាន​បន្សល់ទុក​មរតក​ដ៏​អស្ចារ្យនេះ សម្រាប់អ្នកជំនាន់ក្រោយផងដែរ។ប្រាសាទព្រះវិហារដែលមានអាយុកាលជាង ​១.០០០ឆ្នាំ​ ស្ថិតនៅលើភ្នំដងរែក ​ត្រូវ​បាន​ចុះបញ្ជីជា​សម្បត្តិ​បេតិកភណ្ឌ​ពិភពលោក នាកិច្ចប្រជុំទី៣២ របស់គណៈកម្មាធិការបេតិកភណ្ឌពិភពលោក​របស់អង្គការយូណេស្កូ (UNESCO) ​កាលពីថ្ងៃទី៧ ខែកក្កដា ​ឆ្នាំ២០០៨ ​នៅទីក្រុងកេបិច ប្រទេសកាណាដា។ប្រាសាទ​ព្រះវិហារ​បាន​ប្រគល់​ឲ្យ​ប្រទេសថៃ ​ដោយពួក​អាណានិគម​បារាំង​ នៅក្នុងឆ្នាំ១៩៥៤ តែត្រូវទាមទារបានមកវិញ ដោយការកាត់សេចក្ដីពីតុលាការអន្តរជាតិទីក្រុងទ្បាអេ ​នាថ្ងៃទី១៥ ខែមិថុនា ឆ្នាំ១៩៦២ ​ក្រោមព្រះរាជកិច្ចដឹកនាំ​ដោយព្រះបរមរតនកោដ្ឋ ​ព្រះវររាជបិតាជាតិខ្មែរ សម្តេច នរោត្តម សីហនុ ៕ អត្ថបទ៖ទូច សោភ័ណ 

បណ្ដាញសង្គម

ព័ត៌មានថ្មីៗ

TOP STORY | សម្ដេចធិបតី ហ៊ុន ម៉ាណែត ថ្លែងអំណរគុណចំពោះលោក ដូណាល់ ត្រាំ ដែលបានផ្តួចផ្តើមសម្របសម្រួល បទឈប់បាញ់ភ្លាមៗ រវាងកម្ពុជា និងថៃ ដោយគ្មានលក្ខខណ្ឌ ដើម្បីការពារអាយុជីវិតរបស់ទាហាន និងជនស៊ីវិលជាច្រើននាក់
07/27/2025 05:07 AM
Facebook Telegram Linkin
ឯកឧត្តម គីម វីរៈ ដឹកនាំក្រុមការងារចុះពិនិត្យ និងនាំស្បៀងមួយចំនួនចែកជូនពលរដ្ឋភៀសសឹក ក្នុងខេត្តព្រះវិហារ
07/27/2025 12:07 AM
Facebook Telegram Linkin
TOP STORY | ឯកឧត្តម ហេង រតនា៖ ចោរសៀមចិញ្ចឹមចិត្ត បើអញលួចប្លន់ប្រាសាទព្រះវិហារមិនបានទេ គឺត្រូវបំផ្លាញ និងកម្ទេចចោលតែម្តង!
07/26/2025 11:07 PM
Facebook Telegram Linkin
TOP STORY | ក្រសួងការពារជាតិកម្ពុជា ប្រកាសច្រានចោល និងថ្កោលទោសយ៉ាងដាច់អហង្ការ ចំពោះការចោទប្រកាន់មិនពិត និងមានចរិតព្យាបាទពីសំណាក់ថៃ
07/26/2025 09:07 PM
Facebook Telegram Linkin
TOP STORY | អ្នកនាំពាក្យសម្ដេចតេជោ៖ ថ្ងៃទី៣នៃសត្រូវឈ្លានពាន តេជោសែន បន្តផ្តល់ប្រឹក្សាយុទ្ធសាស្រ្តយោធាដល់សម្តេចធិបតី និងបណ្តាមេទ័ពដើម្បីវាយខ្មាំងដោយភាពហានក្លា
07/26/2025 08:07 PM
Facebook Telegram Linkin
ឯកឧត្តម ឌិត ទីណា បន្តសួរសុខទុក្ខប្រជាពលរដ្ឋជម្លៀសពីតំបន់ព្រំដែនអូរបីជាន់
07/26/2025 06:07 PM
Facebook Telegram Linkin
ក្រុមយុវជននាំគ្នារៀបចំចម្អិនម្ហូបជូនជនភៀសសឹក ដែលគេចពីតំបន់សមរភូមិវាយប្រហាររបស់កងទ័ពថៃ ក្នុងខេត្តឧត្តរមានជ័យ
07/26/2025 06:07 PM
Facebook Telegram Linkin
សិក្ខាកាមវគ្គអប់រំនយោបាយកម្រិត១វគ្គជំនាន់៨១របស់គណបក្សប្រជាជនកម្ពុជានាំយកអំណោយចែកជូននគរបាលការពារបេតិកភណ្ឌប្រាសាទព្រះវិហារ
07/26/2025 05:07 PM
Facebook Telegram Linkin
ប្រធាន IAEA ត្រូវលើកទឹកចិត្តដោយការសម្រេចចិត្តរបស់អ៊ីរ៉ង់ ឲ្យមកទស្សនកិច្ចប្រទេសនេះ នៅប៉ុន្មាន សប្តាហ៍ខាងមុខ
07/26/2025 05:07 PM
Facebook Telegram Linkin
មនុស្សយ៉ាងតិច ៨នាក់ បានស្លាប់ និង ១៣នាក់ បានរងរបួស នៅក្នុងការវាយប្រហារ «ភេរវកម្ម» នៅភាគអាគ្នេយ៍អ៊ីរ៉ង់
07/26/2025 05:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.