នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
TOP STORY | សម្ដេចតេជោ៖ ពេលនេះ ខ្ញុំកំពុងតែរួមចំណែកបញ្ជាទ័ព តាមប្រព័ន្ធវីដេអូ និងប្រព័ន្ធផ្សេងទៀតជាមួយនាយករដ្ឋមន្ត្រី, រដ្ឋមន្ត្រីក្រសួងការពារជាតិ អគ្គមេបញ្ជាការកងទ័ព និងបញ្ជាការកងកម្លាំងប្រដាប់អាវុធគ្រប់លំដាប់ថ្នាក់
TOP STORY |សម្ដេចធិបតី ហ៊ុន ម៉ាណែត ដាក់លិខិតស្នើសុំ​​កោះប្រជុំក្រុមប្រឹក្សាសន្តិសុខជាបន្ទាន់ ដើម្បី​សុំ​ការ​អន្ត​រាគមន៍​បញ្ចប់​ការ​ឈ្លាន​ពាន​របស់​កង​ទ័ព​ថៃមក​លើដែនអធិបតេយ្យភាពរបស់កម្ពុជា
TOP STORY | សម្ដេចធិបតី៖ កងទ័ពថៃបានបើកការ​វាយប្រហារ​មក​លើ​ទីតាំង​ឈរ​ជើង​របស់​កង​ទ័ព​កម្ពុជា​ នៅប្រាសាទតាមាន់ធំ តាក្របី និងបានពង្រីកភូមិសាស្ត្រវាយប្រហារទៅដល់តំបន់មុំបី
TOP STORY | ខណៈព្រំដែនកំពុងមានការផ្ទុះអាវុធ, សម្តេចតេជោ ហ៊ុន សែន ប្រាប់ពលរដ្ឋឲ្យជឿទុកចិត្ត​លើ​រាជរដ្ឋាភិបាល និងកងទ័ព

នយោបាយ​ និង ការអភិវឌ្ឍន៍

អ៊ុយក្រែនបើកការវាយលុកតាមអាកាស ខណៈរុស្ស៊ីអះអាងថាបានបាញ់ទម្លាក់យន្តហោះច្រើនគ្រឿង

2023/07/07 12:14:11 pm        117
Facebook Telegram Linkin
រុស្ស៊ី៖ យោងតាមរបាយការណ៍ពីក្រសួងការពារជាតិរុស្ស៊ី ដែលបានចេញផ្សាយកាលពីថ្ងៃព្រហស្បតិ៍ថា កងកម្លាំងរុស្ស៊ី បានបាញ់ទម្លាក់យន្តហោះអ៊ុយក្រែនជាច្រើនគ្រឿង និងបានស្ទាក់ចាប់គ្រាប់រ៉ុក្កែត ហ៊ីម៉ាស(HIMARS) ជាច្រើនគ្រាប់ នៅក្នុងការវិវឌ្ឍន៍ថ្មីបំផុត នៃប្រតិបត្តិការសិក នៅក្នុងប្រទេសអ៊ុយក្រែន។យោងតាមរបាយការណ៍បានឲ្យដឹងថា យន្តហោះដែលត្រូវបានបាញ់ទម្លាក់ រួមមានយន្តហោះវាយប្រហារមកលើដី Su-25 ចំនួន២គ្រឿង និងយានដ្រូនចំនួន១៥គ្រឿង។ របាយការណ៍និយាយថា កងកម្លាំងរុស្ស៊ី បានបើកការវាយប្រហារទ្រង់ទ្រាយធំដោយអាវុធស៊ិបគោលដៅខ្ពស់រយៈចម្ងាយឆ្ងាយមានមូលដ្ឋាននៅសមុទ្រទៅលើកំពង់ផែនៃយុទ្ធោបករណ៍យោធាផលិតដោយបរទេស របស់ប្រទេសអ៊ុយក្រែន និងចំណុចនានា នៃការដាក់ពង្រាយបណ្តោះអាសន្នរបស់ទាហានស៊ីឈ្នួលបរទេស បូករួមទាំងការវាយលុកនៅតំបន់ជួរមុខផ្សេងៗទៀត រួមមានទីក្រុង Kupyansk, Krasny Liman និងDonetsk, Zaporozhye, និងទីក្រុង Kherson ។នៅថ្ងៃតែមួយនេះដែរ របាយការមកពី នាយសេនាធិការកងកម្លាំងប្រដាប់អាវុធអ៊ុយក្រែន បាននិយាយថា រុស្ស៊ី បានបន្តពង្រឹងកងទ័ពរបស់ខ្លួនក្នុងទីក្រុង Lyman, Bakhmut, Avdeyevka, និងទីក្រុង Marinka ខណៈកងកម្លាំងទ័ពអាកាសអ៊ុយក្រែន បានវាយប្រហារទៅលើឃ្លាំងគ្រាប់រំសេវរបស់រុស្ស៊ី ប្រព័ន្ធសង្គ្រាមអេឡិចត្រូនិក និងគោលដៅផ្សេងៗទៀត និងបានវាយប្រហារតាមអាកាសចម្រុះលើទីតាំងនានារបស់កងកម្លាំងរុស្ស៊ី។

ក្រុមហ៊ុន SPACE X និងអង្គការ NASA គ្រោងបាញ់បង្ហោះបេសកកម្មផ្ទុកអវកាសយានិកទី៧ទៅកាន់ស្ថានីយអវកាសនៅខែសីហា

2023/07/07 11:58:18 am        163
Facebook Telegram Linkin
អាមេរិក៖ ក្រុមហ៊ុនអវកាស ស្ពេស អ៊ិច (SpaceX និងអង្គការណាសា(NASA) គ្រោងបាញ់បង្ហោះបេសកកម្មផ្ទុកអវកាសយានិកទី៧ទៅកាន់ ស្ថានីយអវកាសអន្តរជាតិ(ISS) នៅខែសីហាខាងមុខនេះ។ ទីភ្នាក់ងារនេះ បាននិយាយកាលពីថ្ងៃពុធថា ថ្ងៃកំណត់នៃផែនការបាញ់បង្ហោះលឿនបំផុត សម្រាប់បេសកកម្ម Crew-7 គឺនៅថ្ងៃទី១៥សីហា ចេញពីទីតាំងបាញ់បង្ហោះ Launch Complex 39A  នៅមជ្ឈមណ្ឌលអវកាស Kennedy Space Centerរបស់អង្គការណាសាក្នុងរដ្ឋផ្វ្លរីដា ។ អង្គការណាសា បាននិយាយថា យានចម្លងស្ពេសអ៊ិច ហ្វាល់ខុន ៩ (SpaceX Falcon 9) នឹងបាញ់បង្ហោះ បេសកកម្មដែលមានអវកាសយានិក៧នាក់ ជាយានអវកាសមួយដែលត្រូវគេឲ្យឈ្មោះថា អេន ដួរិនស៍ (Endurance) ដែលធ្លាប់បានបាញ់បង្ហោះបេសកកម្មទៅកាន់ SpaceX Crew-3 និង Crew-5 របស់អង្គការណាសា។ ការបាញ់បង្ហោះនោះ នឹងននាំអវកាសយានិកអង្គការណាសា និង មេបញ្ជាការបេសកកម្មលោកស្រី ចាស្មីន ម៉ូបេលី (Jasmin Moghbeli) អាវកាសយានិកភ្នាក់ងារអវកាស និងអ្នកបើកយានរអវកាស លោក អានឌ្រៀ ម៉ូហ្គេនសិន (Andreas Mogensen) របស់អឺរ៉ុប ទីភ្នាក់ងាររុករកទីអវកាសជនជាតិជប៉ុន លោក សាតូហ្ស៊ី ហ្វូរូកាវ៉ា (Satoshi Furukawa) និងអវកាសយានិករុស្ស៊ី លោក កុនស្តានទីនបូរីសូវ ជាអ្នកជំនាញបេសកកម្ម។  យោងតាមអង្គការណាសា បេសកកម្មនេះ នឹងក្លាយជាការហោះហើរទៅកាន់ទីអវកាសលើកដំបូង សម្រាប់ លោក បូរីស្ទូវ ដែលបានចូលរួមក្នុងអង្គភាពអវកាស ជាបេក្ខជនសាកល្បងការងារអវកាសយានិកកាលពីឆ្នាំ២០១៨ ៕

មេដឹកនាំបេឡារុស លោក លូកាសិនកូ និយាយថាប្រធានក្រុមហ៊ុនទាហានស៊ីឈ្នួល ព្រីហ្គូស៊ីន បាន ត្រឡប់ទៅរុស្ស៊ីវិញហើយ

2023/07/07 11:39:03 am        276
Facebook Telegram Linkin
បេឡារុស៖ លោកប្រធានាធិបតីបេឡារុស បាននិយាយថា ប្រធានក្រុមហ៊ុនទាហានស៊ីឈ្នួលរបស់រុស្ស៊ី លោក យ៉េវហ្គេនី ព្រីហ្គូស៊ីន(Yevgeny Prigozhin) បានវិលត្រឡប់ត្រឡប់ទៅប្រទេសរុស្ស៊ីវិញហើយ ទោះបីជាមានកិច្ចព្រមព្រៀងសន្តិភាពជាមួយវិមានក្រឹមឡាំង ដែលលោក ព្រីហ្គូស៊ីន យល់ព្រមនិរទេសខ្លួនទៅកាន់ប្រទេសបេឡារុសក៏ដោយ ។ លោកអាឡិចសិនឌ័រ លូកាសិនកូ បាននិយាយកាលពីថ្ងៃព្រហស្បតិ៍ថា លោក ព្រីហ្គូស៊ីន ពេលនេះ កំពុងស្ថិតក្នុងទីក្រុងសេន ភីធើស្បើក (St Petersburg) លោកលែងនៅក្នុងទឹកដីបេឡារុសទៀតហើយ ។ លោក លូកាសិនកូ និយាយថា ក្រុមអ្នកប្រយុទ្ធទាហានស៊ីឈ្នួលវ៉េកណា (Wagner) បានស្នាក់នៅក្នុងជំរំរបស់ពួកគេនៅក្នុងភាគខាងកើតទឹកដីអ៊ុយក្រែន ដែលរុស្ស៊ីគ្រប់គ្រង ដោយបន្ថែមថា សំណើរបស់លោកក្នុងការទទួលស្វាគមន៍ពួកគេនៅក្នុងប្រទេសបេឡារុសនៅតែរក្សាទុកដដែល។  ប្រធានាធិបតីបេឡារុសរូបនេះ បាននិយាយថា លោក Vladimir Putin នឹងមិនបំផ្លាញលោក ព្រីហ្គូស៊ីន ទេ ព្រោះប្រធានាធិបតីរុស្ស៊ី មិនមែនជាមនុស្សគ្មានហេតុ និងចូលចិត្តបំផ្លាញគេនោះទេ ដោយលើកឡើងថា ប្រធានក្រុមហ៊ុនទាហានស៊ីឈ្នួលរូបនេះ មានសុវត្ថិភាពពីសេវាសន្តិសុខរបស់វិមានក្រឹមឡាំង។  គួររម្លឹកថា បុគ្គលធ្លាប់បានផ្ដន្ទាទោស លោក ព្រីហ្គូស៊ីន វ័យ៦២ឆ្នាំ ដែលបានក្លាយជាទាហានស៊ីឈ្នួលដ៏មានឥទ្ធិពលបំផុតរបស់រុស្ស៊ី ត្រូវបានគេឃើញមុខជាសាធារណៈកាលពីថ្ងៃទី២៤ខែមិថុនា នៅពេលលោកបានចាកចេញពីទីក្រុង រ៉ូស្ទូវ អនដុន ( Rostov-on-Don) ស្ថិតនៅភាគខាងត្បូងក្នុងប្រទេសរុស្ស៊ី ដែលកងកម្លាំងរបស់លោកបានចូលកាន់កាប់មួយរយៈពេលខ្លី ៕

សន្និសីទបញ្ញាសិប្បនិម្មិតពិភពលោកចាប់ផ្តើមនៅទីក្រុងសៀងហៃ

2023/07/07 11:35:43 am        280
Facebook Telegram Linkin
ចិន៖ សន្និសិទបញ្ញាសិប្បនិម្មិតពិភពលោកឆ្នាំ២០២៣ (WAIC) បានចាប់ផ្តើមនៅទីក្រុងសៀងហៃ កាលពីថ្ងៃព្រហស្បតិ៍ ក្រោមប្រធានបទ «ការតភ្ជាប់ភាពឆ្លាតវៃ បង្កើតអនាគត»។ ដោយកំណត់ពេលធ្វើចាប់ពីថ្ងៃទី ៦ ដល់ថ្ងៃទី ៨ ខែកក្កដា សន្និសីទនេះរួមមានផ្នែកសំខាន់ៗចំនួនបួន៖ សន្និសីទនិងវេទិកា ការតាំងពិព័រណ៍ ការប្រកួតប្រជែង និងការផ្តល់រង្វាន់។ ព្រឹត្តិការណ៍នៅឆ្នាំនេះ មានគោលបំណងបង្ហាញពន្លឺលើមធ្យោបាយដែលកំពុងលេចចេញ សម្រាប់ភាពជឿនលឿនផ្នែកឧស្សាហកម្មនិងបច្ចេកវិទ្យា ជំរុញនវានុវត្តន៍ និងការអភិវឌ្ឍន៍សម្រាប់មនុស្សជំនាន់ក្រោយនូវបញ្ញាសិប្បនិម្មិត (AI)។ ដោយមានគំរូ AI ជាង៣០ ស្ថិតនៅលើបទបង្ហាញ សន្និសីទនេះស្វែងរកការបង្ហាញពីផលប៉ះពាល់ខ្លាំងដែលគំរូទាំងនេះមាននៅលើឧស្សាហកម្មផ្សេងៗ។ ភ្ញៀវកិត្តិយសជាង ១.៤០០នាក់ បានបញ្ជាក់ពីវត្តមានរបស់ពួកគេ រួមមានទាំងអ្នកឈ្នះរង្វាន់ណូបែល និងពានរង្វាន់ Turing Awards ចំនួនបួនរូប អ្នកសិក្សាជាង៨០នាក់មកពីទាំងប្រទេសចិននិងក្រៅប្រទេស និងស្ថាបនិកសហគ្រាសជាង៥០នាក់ មកពីក្រុមហ៊ុនបច្ចេកវិទ្យាយក្សល្បីៗដូចជាក្រុមហ៊ុន Huawei, Alibaba, Apple និងក្រុមហ៊ុន Tesla ។សន្និសីទនៅឆ្នាំនេះមានក្រុមហ៊ុនតាំងពិពរណ៍ច្រើនបំផុត និងជាកន្លែងតាំងពិពណ៌ដ៏ធំបំផុតក្នុងប្រវត្តិសាស្ត្ររបស់ខ្លួន។ ដោយលាតសន្ធឹងលើផ្ទៃដី ៥០.០០០ ម៉ែត្រក្រឡាទីកន្លែងនេះនឹងទទួលក្រុមហ៊ុនជាង ៤០០ និងក្រុមហ៊ុនចាប់ផ្តើមអាជីវកម្មចំនួន៥០ ដែលបង្ហាញពីឧស្សាហកម្មចម្រុះ រួមទាំងគំរូ AI បន្ទះអេឡិចត្រូនិក មនុស្សយន្ត និងការបើកបរវៃឆ្លាត។ ចាប់តាំងពីការបង្កើតឡើងនៅក្នុងឆ្នាំ ២០១៨ មក សន្និសិទបញ្ញាសិប្បនិម្មិតពិភពលោកប្រចាំឆ្នាំ បានផ្តោតលើការបង្កើតវេទិកាសហប្រតិបត្តិការ និងការផ្លាស់ប្តូរលំដាប់ថ្នាក់ពិភពលោក ដោយបង្ហាញពីគំនិតល្អៗរបស់ប្រទេសចិន និងដំណោះស្រាយនវានុវត្តន៍របស់ទីក្រុងសៀងហៃទៅកាន់ពិភពលោក។

ស៊ុយអែត ចោទប្រកាន់សកម្មជនអាកាសធាតុនាង Greta Thunberg ពីបទមិនស្តាប់បង្គាប់នគរបាល

2023/07/07 11:33:06 am        345
Facebook Telegram Linkin
ស៊ុយអែត៖ យោងតាមសារព័ត៌មានប្រចាំថ្ងៃ Sydsvenskan បានរាយការណ៍ថា សកម្មជនអាកាសធាតុជនជាតិស៊ុយអែត នាង Greta Thunberg ត្រូវបានចោទប្រកាន់ពីបទមិនគោរពបទបញ្ជារបស់នគរបាល ដែលសុំឲ្យចាកចេញពីការតវ៉ាអំពីអាកាសធាតុនៅក្នុងទីក្រុង Malmo ភាគខាងត្បូង កាលពីថ្ងៃទី ១៩ ខែមិថុនា។ នាង Thunberg អាយុ២០ ឆ្នាំ បានចូលរួមក្នុងការតវ៉ាដែលរៀបចំដោយក្រុមសកម្មជនបរិស្ថាន ខណៈដែលពួកគេប៉ុនប៉ងបិទច្រកចូលនិងចេញ ទៅកាន់កំពង់ផែទីក្រុង Malmo ដើម្បីតវ៉ាការប្រើប្រាស់ឥន្ធនៈហ្វូស៊ីល។ នាង Thunberg បាននិយាយនៅក្នុងការបង្ហោះនៅលើបណ្តាញ Instagram នៅពេលនោះថា វិបត្តិអាកាសធាតុគឺជាបញ្ហាជីវិត និងការស្លាប់មនុស្សរាប់មិនអស់រួចទៅហើយ។ យើងជ្រើសរើស ពុំមែនជាអ្នកឈរមើលនោះទេ ហើយជំនួសមកវិញដោយបញ្ឈប់ពិតប្រាកដនូវហេដ្ឋារចនាសម្ព័ន្ធឥន្ធនៈហ្វូស៊ីល។ យើងកំពុងទាមទារមកវិញនៅពេលអនាគត។កាលពីថ្ងៃពុធ ក្រុមនេះបាននិយាយថា បន្ទាប់ពីបានរារាំងសកម្មភាពនានាដែលកំពុងដុតបំផ្លាញអនាគតរបស់យើង ពេលនេះយើងកំពុងត្រូវបានចោទប្រកាន់ពីបទឧក្រិដ្ឋ។ ខណៈការចោទប្រកាន់កំពុងត្រូវបានដាក់មកលើយើង បទឧក្រិដ្ឋពិតប្រាកដកំពុងកើតឡើងនៅខាងក្នុងដែលយើងបានរារាំង។ ប្រសិនបើត្រូវបានកាត់ទោសពីបទមិនគោរពតាមបទបញ្ជារបស់នគរបាល នាងThunberg អាចនឹងត្រូវពិន័យជាប្រាក់ ឬជាប់ពន្ធនាគាររហូតដល់ ៦ ខែ។ យោងតាមសារព័ត៌មាន Sydsvenskan បានឲ្យដឹងថា រដ្ឋអាជ្ញាលោក Charlotte Ottosen បាននិយាយថា អ្នកមានសេរីភាពដើម្បីធ្វើបាតុកម្ម ប៉ុន្តែអ្នកមិនត្រូវធ្វើបាតុកម្មតាមរបៀបបែបនេះនោះទេ ដែលវាបង្កការរំខានដល់អ្នកដទៃ ។

ប្រមុខUNអំពាវនាវឲ្យមានកងកម្លាំងសន្តិសុខរឹងមាំដាក់ពង្រាយដើម្បីផ្តល់ជំនួយដល់នគរបាលបាលជាតិហៃទី

2023/07/07 11:29:31 am        204
Facebook Telegram Linkin
UN៖ អគ្គលេខាធិការអង្គការសហប្រជាជាតិ លោក Antonio Guterres កាលពីថ្ងៃព្រហស្បតិ៍ទី៦ ខែកក្កដា បានអំពាវនាវដល់ក្រុមប្រឹក្សាសន្តិសុខអង្គការសហប្រជាជាតិ និងរដ្ឋជាសមាជិក ឲ្យបង្កើតលក្ខខណ្ឌសម្រាប់ការដាក់ពង្រាយកងកម្លាំងពហុជាតិសាសន៍ ដើម្បីជួយដល់នគរបាលជាតិប្រទេសហៃទី ស្របពេលកើនឡើងអំពើហិង្សា និងវិបត្តិមនុស្សធម៌កាន់តែអាក្រក់ឡើង។ ប្រមុខអង្គការសហប្រជាជាតិ បាននិយាយថា កាលពីខែតុលា ឆ្នាំ២០២២ រដ្ឋាភិបាលហៃទី បានស្នើសុំកងកម្លាំងសន្តិសុខអង្គការសហប្រជាជាតិ ដើម្បីជួយបង្ក្រាបក្រុមជនអន្ធពាលហិង្សា ដែលដណ្តើមយករដ្ឋធានីព័រអូប្រាំង និងតំបន់ភាគច្រើនផ្សេងទៀតនៃប្រទេសដីកោះតូចមួយនេះ។ ការអំពាវនាវរបស់ពួកគេនៅពុំទាន់បានឆ្លើយតបនៅឡើយ។លោក Guterres និយាយថា ក្រុមជនអន្ធពាលដ៏លោភលន់ កំពុងប្រើប្រាស់ការចាប់ជំរិត និងហិង្សាផ្លូវភេទជាអាវុធ ដើម្បីធ្វើឲ្យសហគមន៍ទាំងមូលភ័យខ្លាច។ ពិភពលោកទាំងមូលត្រូវតែមានចំណាត់ការនៅពេលនេះដើម្បីទប់ស្កាត់អំពើហិង្សា និងអស្ថិរភាព។លោក Guterres ក៏បានអំពាវនាវដល់សហគមន៍អន្តរជាតិ ដើម្បីបំពេញការសន្យានិងផ្នែកមនុស្សធម៌ និងបង្កើនផែនការឆ្លើយតបមនុស្សធម៌៧២០លានដុល្លាររបស់អង្គការសហប្រជាជាតិ ដែលក្នុងចំណោមនេះមានត្រឹមតែ២០ភាគរយប៉ុណ្ណោះនៃចំនួននេះត្រូវបានផ្តល់មូលនិធិនៅពេលបច្ចុប្បន្ន។ប្រមុខអង្គការសហប្រជាជាតិ បានស្នើសុំដល់តួអង្គនយោបាយ និងសង្គម ដើម្បីពន្លឿនកិច្ចប្រឹងប្រែងរបស់ពួកគេ ឆ្ពោះទៅរកដំណោះស្រាយនយោបាយដែលត្រូវការដាច់ដោយឡែកពីគ្នា៕

គ.ជ.ប ណែនាំមន្រ្តីបម្រើការិយាល័យបោះឆ្នោតពង្រឹងគុណភាពឲ្យបានម៉ត់ចត់

2023/07/07 11:27:22 am        250
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) នឹងរៀបចំជ្រើសរើសមន្រ្តីបម្រើ​ការិយាល័យ​បោះឆ្នោត​ចំនួនជាង ​១៤ម៉ឺននាក់​ ខណៈមន្រ្តីទាំងអស់នឹង​ត្រូវបណ្តុះបណ្តាល ដើម្បី​ធានាអំពីការបោះឆ្នោតខាងមុខប្រកបដោយតម្លាភាព​។ ស្របពេលការបោះឆ្នោតជ្រើសតាំងតំណាងរាស្រ្ត នីតិកាលទី៧ខិតជិតមកដល់ ​នៅថ្ងៃទី៧ ខែកក្កដា ឆ្នាំ២០២៣ ឯកឧត្តម ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានឲ្យដឹងថា ដើម្បីអនុវត្តទៅ​តាមនីតិវិធី និងច្បាប់បោះឆ្នោត នាថ្ងៃទី៩ កក្កដាខាងមុខ គ.ជ.ប នឹងរៀបចំជ្រើសរើសមន្រ្តី​បម្រើតាម​ការិយាល័យបោះឆ្នោតនៅទូទាំងប្រទេសម្រាប់ការបោះឆ្នោតជ្រើសតាំងតំណាងរាស្រ្ត ស្មើនឹងចំនួន​ជាង ១៤ម៉ឺននាក់ ក្នុង​ការិយាល័យបោះឆ្នោតសរុបជាង ២ម៉ឺនការិយាល័យ។ ឯកឧត្តម បន្តថា ​ក្នុងដំណាក់ជ្រើសរើសមន្រ្តីទាំងអស់ត្រូវមាន​បុគ្គលិក​លក្ខណៈស្រប​តាមការ​កំណត់ និងនីតិវិធីជាចាំបាច់។ ឯកឧត្តម បញ្ជាក់ថា ក្នុងគោលបំណងធានាដល់ការបោះឆ្នោតប្រព្រឹត្តទៅ​ដោយត្រឹមត្រូវ គ្រប់មន្រ្តី​បម្រើ​តាមការិយាល័យបោះឆ្នោតនីមួយៗ​អំលុងថ្ងៃបោះឆ្នោតនោះត្រូវបានត្រួតពិនិត្យបន្ថែមពី គ.ជ.ប​ ដើម្បីធ្វើយ៉ាងណាឲ្យ​ការ​បំពេញ​កាតព្វកិច្ច​របស់​មន្រ្តីទាំងអស់​ស្របតាមច្បាប់។ ក្នុងនោះ ប្រសិន​មន្រ្តីបម្រើការិយាល័យរូបណាមិនគោរពទៅតាមច្បាប់ ​និងកិច្ចសន្យារបស់ខ្លួន នឹងត្រូវ​ទទួលពិន័យ ​ឬបញ្ឈប់ពីការងាររបស់ខ្លួនភ្លាមៗផងដែរ។ ឯកឧត្តម បានបញ្ជាក់ទៀតថា​ មន្រ្តីបម្រើការិយាល័យបោះឆ្នោតគ្រប់រូបត្រូវបានឆ្លងកាត់ពង្រឹង​ផ្នែក​ធនធាន និងសមត្ថភាពច្បាស់លាស់ធ្វើយ៉ាងណា​ឲ្យការអនុវត្តរបស់មន្រ្តី​ទាំងអស់​ឈរលើ​ស្មារតី​មិន​លម្អៀង និងអព្យាក្រិតភាពក្នុងតួនាទីរបស់ខ្លួន។ ការបោះឆ្នោតជ្រើសរើស​តំណាងរាស្រ្ត ​នីតិកាលទី៧ នឹងប្រព្រឹត្តទៅនៅថ្ងៃទី២៣​ ខែកក្កដា ឆ្នាំ២០២៣ ​ខណៈប្រជាពលរដ្ឋនឹងចូលរួមការបោះឆ្នោតចំនួនជាង៩លាន៧សែននាក់៕ អត្ថបទ សេក ឧត្តម

ក្រុមហ៊ុនTwitter គំរាមប្ដឹងក្រុមហ៊ុន Meta ពាក់ព័ន្ធនឹងកម្មវិធី Threads

2023/07/07 10:30:58 am        211
Facebook Telegram Linkin
អាមេរិក៖ បណ្ដាញសង្គម Twitter បានគំរាមប្តឹងវេទិការបស់ក្រុម Meta (META.O) ពាក់ព័ន្ធនឹងវេទិកា Threads ថ្មីរបស់ខ្លួន នៅក្នុងលិខិតមួយ ដែលផ្ញើទៅកាន់នាយកប្រតិបត្តិរបស់បណ្ដាញសង្គម Facebook លោក Mark Zuckerberg ដោយមេធាវីរបស់ក្រុមហ៊ុនបណ្ដាញសង្គម Twitter លោក Alex Spiro។ក្រុមហ៊ុន Meta ដែលបានបើកដំណើរការកម្មវិធី Threads កាលពីថ្ងៃពុធ (ទី៥ ខែកក្កដា) និងមានអ្នកប្រើប្រាស់ចុះឈ្មោះជាង ៣០លាននាក់ ហាក់ដូចជាកំពុងប្រើប្រាស់បណ្ដាញសង្គម Twitter របស់លោក Elon Musk ដោយទាញយកប្រយោជន៍ពីអ្នកលេងបណ្ដាញសង្គម Instagram រាប់ពាន់លាននាក់។គេហទំព័រព័ត៌មាន Semafor បានរាយការណ៍កាលពីដំបូងថា លោក Spiro នៅក្នុងលិខិតរបស់លោក បានចោទប្រកាន់ក្រុមហ៊ុន Meta ថា បានជួលអតីតបុគ្គលិករបស់ក្រុហហ៊ុនបណ្ដាញសង្គម Twitter ដែលបាននិងបន្តចូលប្រើប្រាស់ការសម្ងាត់ពាណិជ្ជកម្ម និងព័ត៌មានសម្ងាត់កម្រិតខ្ពស់ផ្សេងទៀតរបស់បណ្ដាញសង្គម Twitter។ប្រភពទីភ្នាក់ងារព័ត៌មាន Reuters ដែលបានដឹងពីលិខិតនោះ បានបញ្ជាក់ពីខ្លឹមសាររបស់លិខិតនោះ កាលពីថ្ងៃព្រហស្បតិ៍ (ទី៦ ខែកក្កដា) តែលោក Spiro មិនបានឆ្លើយតបនឹងសំណើសុំការអត្ថាធិប្បាយរបស់ទីភ្នាក់ងារ Reuters នោះទេ។ពាក់ព័ន្ធនឹងករណីនេះ អ្នកនាំពាក្យរបស់ក្រុមហ៊ុន Meta លោក Andy Stone បាននិយាយនៅក្នុងការបង្ហោះកម្មវិធី Threads ថា៖ «គ្មាននរណាម្នាក់ នៅក្នុងក្រុមវិស្វកម្មនៃកម្មវិធី Threads គឺជាអតីតបុគ្គលិករបស់កក្រុមហ៊ុនបណ្ដាញសង្គម Twitter នោះទេ»។អតីតបុគ្គលិកជាន់ខ្ពស់ម្នាក់របស់ Twitter បានប្រាប់សារព័ត៌មាន Reuters ថា ពួកគេមិនបានដឹងអំពីអតីតបុគ្គលិកណាម្នាក់ ដែលធ្វើការលើកម្មវិធី Threads ឬបុគ្គលិកជាន់ខ្ពស់ណាម្នាក់ ដែលបានទៅធ្វើការឲ្យក្រុម Meta ទាល់តែសោះ។ ក្រុមហ៊ុនមេតា គឺម្ចាស់របស់បណ្ដាញសង្គម Instagram ព្រមទាំងបណ្ដាញសង្គម Facebook ផងដែរ៕

អាមេរិក ថ្កោលទោស ការវាយប្រហារលើអ្នកសារព័ត៌មានរុស្ស៊ី និងមេធាវី នៅតំបន់ Chechnya

2023/07/07 10:27:58 am        212
Facebook Telegram Linkin
អាមេរិក៖ ក្រសួងការបរទេសបាននិយាយនៅក្នុងសេចក្តីថ្លែងការណ៍ថា សហរដ្ឋអាមេរិកមានការតក់ស្លុតចំពោះការវាយប្រហារដ៏ឃោឃៅនៅក្នុងតំបន់ (ឆេតឈ្នី) Chechnya លើអ្នកសារព័ត៌មានស្ត្រីជនជាតិរុស្ស៊ីដ៏លេចធ្លោម្នាក់និងមេធាវីម្នាក់ ហើយក្រសួង បានជំរុញឲ្យរុស្ស៊ីធ្វើការស៊ើបអង្កេតប្រកបដោយតម្លាភាព និងធានាបាននូវយុត្តិធម៌។យោងតាមប្រធានរបស់លោកស្រី Milashina និងក្រុមសិទ្ធិមនុស្ស បាននិយាយថា ជនពាក់ម៉ាស់ប្រដាប់ដោយអាវុធ កាលពីថ្ងៃអង្គារ បានវាយប្រហារលើ លោកស្រី Yelena Milashina ជាអ្នកសារព័ត៌មានបម្រើ ការឲ្យសារព័ត៌មាន Novaya Gazeta ជាអ្នកដែលស្កិតនៅក្នុងតំបន់ Chechnya ជាមួយមេធាវីម្នាក់ លោក Alexander Nemov នៅពេលពួកគេត្រូវបានស្ទាក់វាយប្រហារ ខណៈបើកបរពីអាកាសយានដ្ឋាន។ កាលពីថ្ងៃពុធ រុស្ស៊ី បានបើកការស៊ើបអង្កេតករណីព្រហ្មទណ្ឌក្នុងការវាយប្រហារនេះ។ លោកស្រី Milashina និងលោក Nemov គ្រោងចូលរួមសវនាតុលាការ ក្នុងករណីនៃស្ត្រីម្នាក់ ដែលពួកគេជឿថាត្រូវបានគេធ្វើបាបយ៉ាងអយុត្តិធម៌ព្រោះហេតុផលនយោបាយ។ ការវាយប្រហារទៅលើពួកគេ ដែលអ្នកវាយប្រហារបានយកកាំភ្លើងភ្ជង់ក្បាលរបស់លោកស្រី Milashina ដែលបានបានកោរសក់ និងលាបថ្នាំពណ៌បៃតង និងបានចាក់លោក Nemov ចំជើង ដោយរារាំងពួកគេទាំងពីរនាក់មិនឲ្យចូលរួម។  ពួកគេបានធ្វើដំណើរដោយយន្តហោះត្រលប់មកទីក្រុងមូស្គូវិញដើម្បីព្យាបាល ក្នុងពេលមានការហៅពីវិមានក្រឹមឡាំងដើម្បីរកឯកសារសំខាន់ៗនៅក្នុងតំបន់ Chechnya ជាទីដែលមានពលរដ្ឋមូស្លីមភាគច្រើន នៅភាគខាងត្បូង គ្រប់គ្រងដោយលោក Ramzan Kadyrov សម្ព័ន្ធមិត្តរបស់ប្រធានាធិបតីលោក Vladimir Putin ដើម្បីស៊ើបអង្កេត។

លោកហ្សេលេនស្គី ស្នើឲ្យជំនួបកំពូលណាតូបញ្ជូនសញ្ញាច្បាស់លាស់អំពីសមាជិកភាពរបស់អ៊ុយក្រែន

2023/07/07 10:24:37 am        219
Facebook Telegram Linkin
អ៊ុយក្រែន៖ លោកប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី អំពាវនាវឲ្យមេដឹកនាំសម្ព័ន្ធណាតូទាំងអស់ចាត់វិធានការជាក់ស្តែងចំពោះសមាជិកភាពរបស់អ៊ុយក្រែននៅឯកិច្ចប្រជុំកំពូលមួយនាសប្តាហ៍ក្រោយ ហើយលោកបានទទួលការគាំទ្រ ក្នុងអំឡុងទស្សនកិច្ចទីក្រុងប្រាក (Prague)ពីប្រធានាធិបតីសាធារណរដ្ឋឆែក ដែលគាំទ្រកិច្ចប្រឹងប្រែងរបស់ទីក្រុងគីវ ដើម្បីចូលរួមសម្ព័ន្ធមិត្តនេះ។  លោកបានថ្លែងថា ប្រទេសរបស់លោកដែលបានចូលរួមនៅក្នុងខែទី១៧នៃសង្រ្គាមប្រឆាំងនឹងសង្គ្រាមរបស់រុស្ស៊ី ត្រូវការច្រើនជាងសេចក្តីថ្លែងការណ៍ទូទៅនៃការរង់ចាំរយៈពេលជាង១០ឆ្នាំ ដែលថា ឱកាសចូលជាសមាជិកអង្គការណាតូ ទើបតែបើកចំហប៉ុណ្ណោះ។អ៊ុយក្រែន កំពុងស្វែងរកការចង្អុលបង្ហាញច្បាស់លាស់ពីណាតូក្នុងជំនួបកំពូលនាថ្ងៃទី១១-១២ ខែកក្កដានៅទីក្រុងVilnius ថា ខ្លួនអាចចូលរួមជាមួយសម្ព័ន្ធមិត្តយោធានេះ នៅពេលដែលសង្រ្គាមបានបញ្ចប់។អ៊ុយក្រែន ចង់ចូលរួមឲ្យបានឆាប់តាមដែលអាចធ្វើទៅបាន ប៉ុន្តែសមាជិកណាតូ ត្រូវបានបែងចែកថាតើវិធានការនោះ គួរតែត្រូវចាត់ឡើងលឿនប៉ុនណា។ ប្រទេសសមាជិកមួយចំនួន មានការប្រុងប្រយ័ត្នចំពោះវិធានការដែលពួកគេភ័យខ្លាចថា អាចនាំសម្ព័ន្ធភាពនេះឲ្យខិតចូលកាន់តែជិតនឹងសង្គ្រាមដ៏សកម្មជាមួយរុស្ស៊ី។លោកហ្សេលេនស្គី បានប្រាប់សន្និសីទសារព័ត៌មានមួយជាមួយសមភាគីឆែករបស់លោកគឺ លោក Petr Pavelថា៖«យើងកំពុងនិយាយអំពីសញ្ញាច្បាស់លាស់ រឿងជាក់ស្តែងមួយចំនួននៅក្នុងទិសដៅនៃការស្នើសុំ។ យើងត្រូវការការលើកទឹកចិត្តនេះ។ យើងត្រូវការភាពស្មោះត្រង់នៅក្នុងទំនាក់ទំនងរបស់យើង»៕

បណ្ដាញសង្គម

ព័ត៌មានថ្មីៗ

ឯកឧត្តម ឌិត ទីណា បន្តសួរសុខទុក្ខប្រជាពលរដ្ឋជម្លៀសពីតំបន់ព្រំដែនអូរបីជាន់
07/26/2025 06:07 PM
Facebook Telegram Linkin
ក្រុមយុវជននាំគ្នារៀបចំចម្អិនម្ហូបជូនជនភៀសសឹក ដែលគេចពីតំបន់សមរភូមិវាយប្រហាររបស់កងទ័ពថៃ ក្នុងខេត្តឧត្តរមានជ័យ
07/26/2025 06:07 PM
Facebook Telegram Linkin
សិក្ខាកាមវគ្គអប់រំនយោបាយកម្រិត១វគ្គជំនាន់៨១របស់គណបក្សប្រជាជនកម្ពុជានាំយកអំណោយចែកជូននគរបាលការពារបេតិកភណ្ឌប្រាសាទព្រះវិហារ
07/26/2025 05:07 PM
Facebook Telegram Linkin
ប្រធាន IAEA ត្រូវលើកទឹកចិត្តដោយការសម្រេចចិត្តរបស់អ៊ីរ៉ង់ ឲ្យមកទស្សនកិច្ចប្រទេសនេះ នៅប៉ុន្មាន សប្តាហ៍ខាងមុខ
07/26/2025 05:07 PM
Facebook Telegram Linkin
មនុស្សយ៉ាងតិច ៨នាក់ បានស្លាប់ និង ១៣នាក់ បានរងរបួស នៅក្នុងការវាយប្រហារ «ភេរវកម្ម» នៅភាគអាគ្នេយ៍អ៊ីរ៉ង់
07/26/2025 05:07 PM
Facebook Telegram Linkin
ខ្មែរជួយខ្មែរ៖ ក្រសួងកសិកម្ម បន្តនាំយកបន្លែចំនួន ៣តោនបន្ថែមទៀតជូនប្រជាពលរដ្ឋនៅជំរុំភៀសសឹកខេត្តឧត្ដរមានជ័យ
07/26/2025 05:07 PM
Facebook Telegram Linkin
ប្រជាជនប៉ាឡេស្ទីនដែលបានភៀសខ្លួន ប្រឈមនឹងការបំភិតបំភ័យ និងការវាយប្រហារជាថ្មី នៅពេលទៅទទួលជំនួយ
07/26/2025 05:07 PM
Facebook Telegram Linkin
អ្នកនាំពាក្យក្រសួងការពារជាតិបានផ្តាំទៅភាគីថៃថាកម្ពុជាមិនទាន់មានការចាំបាច់ត្រូវប្រើប្រាស់មីស៊ីល PHL -03នោះទេ
07/26/2025 05:07 PM
Facebook Telegram Linkin
ទាហាន១០នាក់ ត្រូវបានសម្លាប់ ខណៈកងកម្លាំងយេម៉ែន បានប៉ះទង្គិចជាមួយក្រុមហ៊ួទី នៅខេត្ត Saada
07/26/2025 04:07 PM
Facebook Telegram Linkin
នគរបាលប្រឆាំងភេរវកម្ម កំពុងស៊ើបអង្កេតលើករណីផ្ទុះអគារផ្ទះល្វែងមួយ នៅប្រទេសក្រិក
07/26/2025 04:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.