នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

ឯកឧត្តម នេត សាវឿន៖ រយៈពេល១៥ថ្ងៃ នៃយុទ្ធនាការឃោសនាបោះឆ្នោត សភាពការណ៍ល្អប្រសើរ និងគ្មានអសន្ដិសុខណាមួយកើតឡើងឡើយ

2023/07/16 10:07:52 pm        581
Facebook Telegram Linkin
ព្រៃវែង៖ ឯកឧត្តម សន្តិបណ្ឌិត នេត សាវឿន សមាជិកគណៈអចិន្រ្តៃយ៍ គណៈកម្មាធិការ​កណ្តាល​គណបក្សប្រជាជនកម្ពុជា អនុប្រធានទី១ ក្រុមការងារគណបក្ស ចុះមូលដ្ឋាន​ខេត្ត​ព្រៃវែង និងជាប្រធានក្រុមការងារគណបក្សចុះមូលដ្ឋានស្រុកស្វាយអន្ទរ និងស្រុកកញ្រ្ជៀច បាន​លើក​ឡើង​ថា រយៈពេល១៥ថ្ងៃ នៃយុទ្ធនាការ​ឃោសនា​បោះឆ្នោត​ជ្រើស​តាំង​តំណាង​រាស្រ្ត​ នីតិកាលទី៧ ឆ្នាំ២០២៣នេះ គឺសភាពការណ៍មានភាពល្អប្រសើរ និងគ្មាន​អសន្ដិសុខ​ណា​មួយ​កើត​ឡើង។ការលើកឡើងបែបនេះ ធ្វើឡើងក្នុងឱកាសដែល ឯកឧត្តម សន្តិបណ្ឌិត នេត សាវឿន អញ្ជើញជាអធិបតី ក្នុងកិច្ចប្រ​ជុំបូក​សរុប​លទ្ធផល​យុទ្ធនាការ​ឃោសនា​បោះឆ្នោត​ជ្រើស​តាំង​តំណាង​រាស្រ្ត នីតិកាលទី៧ រយៈពេល ១៥ថ្ងៃ ស្រុកស្វាយអន្ទរ និងស្រុកកញ្រ្ជៀច។ ពិធីនេះ ធ្វើ​ឡើង​នៅ​ទីស្នាក់ការគណបក្សប្រជាជនកម្ពុជា ស្រុកស្វាយអន្ទរ នាព្រឹកថ្ងៃទី១៦ ខែកក្កដា ឆ្នាំ​២០២៣។ក្នុង​ឱកាសនោះ ឯកឧត្តម សន្តិបណ្ឌិត នេត សាវឿន បានលើកឡើងថា ក្នុងរយៈ​ពេល​យុទ្ធនាការ​ឃោសនា​បោះឆ្នោត ១៥ថ្ងៃនេះ គឺសភាពការណ៍ មានភាពល្អប្រសើរ ដោយមិនមានពាក្យបណ្ដឹង និង​អសន្ដិសុខណាមួយកើតឡើងនោះឡើយ។ទន្ទឹម​គ្នានេះ ឯកឧត្តម សន្តិបណ្ឌិត នេត សាវឿន ក៏បានណែ​នាំ​ដល់​ដែល​ក្រុម​ការងារ​គណបក្ស​ប្រជាជន នៅពេលដែលចុះឃោសនា និងបង្ហាញគូសសន្លឹកឆ្នោត មិនត្រូវចុះទៅភ្លាមៗ បង្រៀន​គូស​សន្លឹក​ឆ្នោតតែម្ដងនោះទេ គឺដំបូងត្រូវសំណេះសំណាល និងសាក​សួរ​សុខទុក្ខ​អំពី​ជីវភាព​ការ​រស់​នៅ និងបញ្ហាផ្សេងៗ របស់ពួកគាត់ ដែលរស់នៅជាប្រចាំថ្ងៃ៕

ឯកឧត្ដម លី ធុជ ៖ សន្តិភាពត្រូវការសន្លឹកឆ្នោតរបស់យេីងគ្រប់ៗគ្នា

2023/07/16 08:47:40 pm        172
Facebook Telegram Linkin
ស្វាយរៀង៖ ថ្ងៃទី១៦ ខែកក្កដា ឆ្នាំ២០២៣ ក្នុងនាមសម្តេចកិត្តិសង្គហបណ្ឌិត ម៉ែន សំអន គណបក្ស ប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តស្វាយរៀង ឯកឧត្តម លី ធុជ ប្រធានក្រុមការងារគណបក្សចុះមូលដ្ឋានក្រុងបាវិត ខេត្តស្វាយរៀង បានជួបសំណេះសំណាលជាមួយសកម្មជន សមាជិក សមាជិកាបក្សប្រមាណជា ៥០០នាក់ស្ថិតក្នុងសង្កាត់ប្រាសាទ ក្រុងបាវិត ខេត្តស្វាយរៀង។ ក្នុងឱកាសនោះ ឯកឧត្ដម លី ធុជ បានគូសបញ្ជាក់ថា "សន្លឹកឆ្នោតរបស់យេីងម្នាក់ មានតម្លៃណាស់ ហេីយសន្តិភាពត្រូវការសន្លឹកឆ្នោតទាំងនោះពីយេីង សូមឲ្យយេីងទាំងអស់គ្នាទៅបោះឆ្នោតឲ្យបានគ្រប់ៗគ្នា ដេីម្បីសន្តិភាព។ ភូមិកម្ពុជា ត្រូវការស្តាប់នូវសម្លេងសន្លឹកឆ្នោតពីបងប្អូនប្រជាពលរដ្ឋ នាថ្ងៃទី២៣ ខែកក្កដា ឆ្នាំ ២០២៣ ដែលជាថ្ងៃបោះឆ្នោត នឹងមកដល់ក្នុងពេលឆាប់ៗនេះ។ ឯកឧត្ដម លី ធុជ បានបន្តទៀតថា "យេីងបោះឆ្នោតជូនសន្តិភាព យេីង ពិតជាបានគិតអំពីខ្លួនឯង ដេីម្បីខ្លួនឯង គ្រួសារយេីង និងសង្គមជាតិរបស់យេីងទាំងមូល។ ក្មួយៗកម្មករ កម្មការនី សិស្សានុសិស្ស និងប្រជាពលរដ្ឋ ត្រូវការសន្លឹកឆ្នោតគាំទ្រពីយេីងដេីម្បីការងារ សាលារៀន ជីវភាពរស់នៅ និងអនាគតភ្លឺស្វាងរបស់ពួកគាត់។ កង់សន្តិភាពរបស់យេីងបានវិលទៅមុខជានិច្ច មិនអាចបញ្ឈប់បានទេ សូមឲ្យថ្ងៃទី២៣ ខែកក្កដា ឆ្នាំ២០២៣ យេីងទាំងអស់គ្នា ត្រូវបញ្ចេញសិទ្ធិ និងអំណាចដេីម្បីជាតិមាតុភូមិ និងជនរួមជាតិរបស់យេីង។ បេីយេីងមិនទៅបោះឆ្នោតវិញនោះ មានន័យថា យេីងចង់អោយដំណេីរនៃកង់សន្តិភាពឈប់វិល និងដួលរលំ។ ឯកឧត្ដម លី ធុជ បានបញ្ជាក់ទៀតថា សម្តេច តេជោ ហ៊ុន សែន បានបង្កើតនូវសុខសន្តិភាពពេញលេញ ជូន ប្រទេស កម្ពុជា និង ប្រជាជនកម្ពុជាមកយ៉ាងលំបាក ដូចនេះយេីងទាំងអស់ មិនត្រូវជនណាម្នាក់មកបំផ្លាញសន្តិភាពនោះទេ។ ជាមួយ គ្នានេះ ឯកឧត្ដម លី ធុជ បានបន្តអំពាវនាវអោយប្រជាពលរដ្ឋទាំងអស់បោះឆ្នោតសម្តេចតេជោ និងគណបក្ស ប្រជាជន កម្ពុជា ក៏ដូច ជាគាំទ្រ ឯកឧត្ដម ហ៊ុន ម៉ាណែត ជានាយករដ្ឋមន្រ្តីសម្រាប់ពេល អនាគតដើម្បីបន្តថែរក្សាសន្តិភាព និងការអភិវឌ្ឍអោយកាន់តែរីកចម្រេីន៕

ថ្ងៃនេះគណបក្សនយោបាយចំនួន ៦ បន្តហែក្បួនឃោសនារកសំឡេងឆ្នោត

2023/07/16 06:57:40 pm        169
Facebook Telegram Linkin
ឯកឧត្ដម ហង្ស ពុទ្ធ សមាជិក និងជាអ្នកនាំពាក្យ គណៈកម្មាធិការជាតិរៀបចំការបោះឆ្នោត បាន​ឱ្យ​ដឹងថា នៅថ្ងៃទី១៦ ខែកក្កដា ឆ្នាំ២០២៣នេះ ត្រូវនឹងថ្ងៃទី១៦ នៃយុទ្ធនាការ​ឃោសនា​បោះឆ្នោត សម្រាប់នីតិកាលទី៧ ឆ្នាំ២០២៣នេះ មានគណបក្សនយោបាយចំនួន ៦ បាន​ធ្វើ​សកម្មភាព​ហែក្បួន​ឃោសនារកសំឡេងឆ្នោត ក្នុងនោះ គណបក្សប្រជាជន​កម្ពុជា​បាន​ធ្វើ​សកម្មភាព​ផុសផុល​ជាងគេទាំងនៅរាជធានីភ្នំពេញ និងតាមបណ្ដាខេត្ត។ ឯកឧត្ដមបានថ្លែងប្រាប់ទូរទស្សន៍ BTV នាថ្ងៃទី១៦ ខែកក្កដា ឆ្នាំ២០២៣នេះថា ស្ថានភាព​ទូទៅ​នៃ​ការ​ឃោសនា​បោះឆ្នោត​របស់គណបក្សនយោបាយនានា ក្នុងរយៈពេល ១៥ ថ្ងៃកន្លងទៅនេះ បាន​ប្រព្រឹត្តទៅដោយរលូន មានសន្តិសុខ សុវត្ថិភាពសណ្ដាប់ធ្នាប់ល្អ និងគ្មាន អំពើហិង្សា។ ឯក​ឧត្ដម​បានឱ្យដឹងថាកាលពីថ្ងៃទី១៥ នៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ មានគណបក្សនយោបាយ ចំនួន ១២ បានធ្វើ​សកម្មភាព​ឃោសនា​បោះឆ្នោត ក្នុងនោះមានគណបក្សនយោបាយ ចំនួន ៥ បានហែក្បួនឃោសនារកសំឡេងឆ្នោត។គណបក្សប្រជាជនកម្ពុជា បានហែក្បួនឃោសនានៅមណ្ឌលខេត្តតាកែវ មណ្ឌលគិរី កំពង់ចាម កំពង់ធំ ពោធិ៍សាត់ បាត់ដំបង និងមណ្ឌលរាជធានីភ្នំពេញ។ គណបក្សសញ្ជាតិកម្ពុជា ហែ​ក្បួន​ឃោសនា​នៅមណ្ឌលខេត្តស្ទឹងត្រែង មណ្ឌលខេត្តកំពង់ស្ពឺ និងមណ្ឌលខេត្តព្រះសីហនុ។ គណបក្សហ៊្វុនស៊ិនប៉ិច ហែក្បួនឃោសនានៅមណ្ឌលខេត្តកណ្តាល និងមណ្ឌលខេត្តកំពង់ចាម។ គណបក្ស​ជនជាតិដើមប្រជាធិបតេយ្យកម្ពុជា ហែក្បួនឃោសនានៅមណ្ឌលខេត្តក្រចេះ និង គណបក្ស​ខ្មែររួបរួមជាតិ ហែក្បួនឃោសនានៅមណ្ឌលខេត្តបន្ទាយមានជ័យ។ឯកឧត្ដមបានឱ្យដឹងថា ចំណែកគណបក្សនយោបាយ ចំនួន ៧ ទៀត រួមមាន គណបក្សប្រជាធិបតេយ្យ​មូលដ្ឋាន គណបក្សស្ត្រីដើម្បីស្ត្រី គណបក្សធម្មាធិបតេយ្យ គណបក្សឯកភាពជាតិខ្មែរ គណបក្សយុវជនកម្ពុជា គណបក្សសំបុកឃ្មុំសង្គមប្រជាធិបតេយ្យ និងគណបក្សខ្មែរតែមួយ បានធ្វើការឃោសនាបោះឆ្នោត តាមរយៈសកម្មភាព​ជួប​ប្រជុំ​ជា​មួយ​សមាជិក សកម្មជន និងអ្នកគាំទ្រគណបក្ស ចាក់មេក្រូផ្សព្វផ្សាយ នៅទីស្នាក់ការគណបក្ស និង​ចល័ត​តាមភូមិ ចែកខិត្តបណ្ណតាមខ្នងផ្ទះ បិទខិត្តបណ្ណ និងចងបដា នៅទីសាធារណៈ ប្រគំតន្ត្រី សម្ដែង​សិល្បៈ ចាក់បញ្ចាំងស្លាយ (Slide) វីដេអូ នៅតាមមណ្ឌល បោះឆ្នោត​ដែល​ខ្លួន​ឈរ​ឈ្មោះ​។សូមជម្រាបជូនថា ការឃោសនាបោះឆ្នោតជ្រើសតាំងដំណាងរាស្ត្រ នីតិកាលទី៧ ឆ្នាំ២០២៣ មាន​រយៈពេល ២១ ថ្ងៃ ចាប់ពីថ្ងៃទី១ ដល់ថ្ងៃទី២១ ខែកក្កដា ឆ្នាំ២០២៣៕ អត្ថបទ៖ វ៉ន ដារ៉ា

ឯកឧត្តម វេង សាខុន ដឹកនាំយុទ្ធនាការឃោសនាបោះឆ្នោតលើកទី៣នៅឃុំចុងជាច​,ទឹកជ្រៅ,គោកស្រុក និងឃុំនាងទើត ស្រុកតំបែរ

2023/07/16 06:45:38 pm        130
Facebook Telegram Linkin
ត្បូងឃ្មុំ៖ ឯកឧត្តម វេង សាខុន សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម នៅព្រឹកថ្ងៃអាទិត្យ ទី១៦ ខែកក្កដា ឆ្នាំ២០២៣នេះ បានអញ្ជើញដឹកនាំក្រុមការងារគ្រប់លំដាប់ថ្នាក់ និងសមាជិក សមាជិកាគណបក្សមូលដ្ឋានដង្ហែរក្បួនឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ លើកទី៣ នៅឃុំចុងជាច ឃុំទឹកជ្រៅ ឃុំគោកស្រុក និងឃុំនាងទើត ស្រុកតំបែរ ខេត្តត្បូងឃ្មុំ ដែលមានសមាជិកគណបក្សចូលរួមសរុប ១.៥០០នាក់។

បទអត្ថាធិប្បាយ៖ សារផ្ដាំប្រាប់ពិភពលោក ! កម្ពុជាកំពុងឈឺចាប់ដោយសារគ្រាប់បែកចង្កោម​ ដូច្នេះមិនចង់ឱ្យប្រទេសដទៃរងគ្រោះទៀតទេ

2023/07/16 06:16:49 pm        321
Facebook Telegram Linkin
ភ្លាមៗក្រោយមានព័ត៌មានថាន អ៊ុយក្រែននឹងទទួលបានគ្រាប់​បែកចង្កោម​រាប់ម៉ឺន​គ្រាប់​ក្នុង​កញ្ចប់​ជំនួយ​យោធា​ដែលទីក្រុងវ៉ាស៊ីនតោនផ្ដល់ឱ្យ សម្ដេចតេជោ ហ៊ុន សែន បានចេញការអំពាវនាវ​ដល់​សមាជិក​អង្គការណាតូ និងសម្ព័ន្ធមិត្ដសហរដ្ឋអាមេរិក សូមជួយទប់ស្កាត់​កុំឱ្យមាន​ការ​ប្រើប្រាស់​គ្រាប់​បែកចង្កោមនេះនៅក្នុងសមរភូមិសង្គ្រាមរុស្ស៊ី-អ៊ុយក្រែនឱ្យសោះ។ តាមរយៈបណ្ដាញសង្គមធ្វីតទ័រនៅថ្ងៃទី១០ ខែកក្កដា ឆ្នាំ២០២៣ សម្ដេច ហ៊ុន សែន បាន​ស្នើ​ឱ្យ​មាន​ការ​ហាមឃាត់លើការប្រើប្រាស់គ្រាប់បែកចង្កោមពីរង្វង់សម្ព័ន្ធមិត្ដអាមេរិក ពិសេសរដ្ឋជា​សមាជិក​របស់​អង្គការណាតូផ្ទាល់តែម្ដង ដូចជាចក្រភពអង់គ្លេស អេស្ប៉ាញ អាល្លឺម៉ង់ កាណាដា​ជាដើម ដែលសុទ្ធសឹងជាប្រទេសហត្ថលេខីនៃអនុសញ្ញាហាមឃាត់គ្រាប់បែកចង្កោម ឱ្យ​មាន​ភាព​ទទួល​ខុស​ត្រូវ និងចូលរួមទប់ស្កាត់ឱ្យខានតែបានកុំឱ្យប្រើប្រាស់អាវុធដ៏កាចសាហាវនេះ។ មួយថ្ងៃមុនចេញសារអំពាវនាវតាមបណ្ដាញធ្វីតទ័រ ពោលគឺនៅថ្ងៃទី៩ កក្កដា សម្ដេច ហ៊ុន សែន ក៏បានចេញសារតាមតេឡេក្រាមផងដែរ ដោយសម្ដេចបានបញ្ជាក់ថា សម្ដេចដឹង​ច្បាស់​ប្រទេស​កម្ពុជា​ជា​ប្រទេសតូច ហើយទន់ខ្សោយ សំឡេងគ្មានទម្ងន់ តែដោយក្ដីអាណិត​ចំពោះ​ប្រជាជន​អ៊ុយក្រែន សម្ដេចសូមអំពាវនាវឱ្យប្រធានាធិបតីអាមេរិកដែលជាអ្នកផ្ដល់ និងប្រធានាធិបតី​អ៊ុយក្រែន​ដែល​ជាអ្នកទទួល សូមមេត្ដាកុំប្រើគ្រាប់បែកចង្កោមក្នុងសង្គ្រាម។ ការលើកឡើងដូច្នេះ សម្ដេច​ថា​អ្នក​រងគ្រោះពិតប្រាកដគឺជាប្រជាជន ពិសេសគឺប្រជាជនអ៊ុយក្រែនតែម្ដង។ សម្ដេចក៏បានបង្ហាញការព្រួយបារម្ភ និងចាត់ទុកថាបើសិនរឿងនេះជាការពិតមែន វានឹង​ក្លាយ​ជា​គ្រោះ​ថ្នាក់​ដ៏ធំបំផុតសម្រាប់ប្រជាជនអ៊ុយក្រែនរាប់សិបឆ្នាំ ឬដល់រយឆ្នាំទៀតផង ប្រសិនគ្រាប់​បែក​ចង្កោម​យក​ទៅប្រើប្រាស់ក្នុងតំបន់ដែលរុស្ស៊ីកាន់កាប់ក្នុងទឹកដីអ៊ុយក្រែន។ ការប្រកាសផ្ដល់ជំនួយជាគ្រាប់បែកចង្កោម ក៏ធ្វើឱ្យសម្ដេចនឹក​ឃើញ​ដល់​បទ​ពិសោធន៍​ដ៏​សែន​ឈឺ​ចាប់​របស់​កម្ពុជា ដែលទទួលរង​នូវ​ការ​ទម្លាក់​គ្រាប់​បែក​ចង្កោម​ពី​អាមេរិក​នា​ដើម​ទសវត្ស​ឆ្នាំ​១៩៧០​ មកដល់​ពេល​នេះជាង​កន្លះ​សតវត្ស​ហើយ​នៅមិន​ទាន់​រក​វិធី​បំផ្លាញចោ​ល​អស់​នៅ​ឡើយ​ផង​។ ជាការពិត គ្រាប់បែកចង្កោមដែលអាមេរិកបានទម្លាក់លើទឹកដីកម្ពុជា គិតត្រឹមខែមិថុនា ឆ្នាំ២០២៣​នេះ បើតាមការបញ្ជាក់របស់លោក លី ធុច អនុប្រធានទី១អាជ្ញាធរមីន កម្ពុជា​នៅ​សល់​ផ្ទៃ​ដី​មានគ្រាប់បែកចង្កោមប្រមាណជា៧៣០គីឡូម៉ែត្រក្រឡា ស្មើនឹង២,៥១៤ចម្ការគ្រាប់ ស្ថិត​ក្នុងរាជធានីខេត្តចំនួន១៨ ដែលមិនទាន់បានបំផ្លាញចោល។ គ្រាប់បែក​ចង្កោម​ដែល​នៅ​សេស​សល់​នេះ គឺជាផែនការអាទិភាពទី២ បន្ទាប់ពីដោះស្រាយបញ្ហាមីនឱ្យអស់នៅឆ្នាំ២០២៥។ កម្ពុជា​បានប្រើពេលជាង៣០ឆ្នាំដើម្បីកម្ទេចចោលនូវគ្រាប់មីន យុទ្ធភណ្ឌ​មិន​ទាន់​ផ្ទុះរួ​ម​ទាំង​គ្រាប់​បែក​ចង្កោម​ផងដែរ ដែលការណ៍នេះសបញ្ជាក់ថាការប្រើប្រាស់គឺតែមួយពព្រិចភ្នែក ប៉ុន្ដែផល​ប៉ះ​ពាល់​មាន​រហូតដល់រាប់សិបឆ្នាំឆ្លងជំនាន់ក៏មាន។ ក្នុងនាមជាប្រទេសស្រឡាញ់សន្ដិភាព បានឆ្លងកាត់ និងមើលឃើញពីមហន្ដរាយដ៏សម្បើមនេះ ថ្វីដ្បិត​កម្ពុជាមិនទាន់បានក្លាយជារដ្ឋសមាជិកនៃអនុសញ្ញាគ្រាប់បែកចង្កោមក៏ដោយ ប៉ុន្ដែ​កម្ពុជា​គឺ​ជា​រដ្ឋ​អង្កេតការណ៍ដែលសកម្មជាងគេក្នុងចំណោមរដ្ឋជាសមាជិកទាំងអស់ នៅក្នុង​ការ​ដោះស្រាយ​បញ្ហា​គ្រាប់បែកចង្កោម និងបោសសម្អាតទំហំផ្ទៃដីច្រើនជាងគេផងដែរ។ ទន្ទឹមគ្នា រាជរដ្ឋាភិបាលកម្ពុជាស្ថិតក្រោមការដឹកនាំរបស់សម្ដេចតេជោ ហ៊ុន សែន បានដាក់ចេញ​នូវ​ផែនការ​យុទ្ធសាស្ដ្រច្បាស់លាស់ក្នុងការដោះស្រាយបញ្ហាគ្រាប់បែកចង្កោម ដូចមានចែង​នៅ​ក្នុង​ផែន​ការ​យុទ្ធសាស្ដ្រជាតិសកម្មភាពមីន២០១៨-២០២៥។ ដូច្នេះ ការអំពាវនាវរបស់សម្ដេច ហ៊ុន សែន គឺជាសារនយោបាយប្រាប់ពិភពលោកថា កម្ពុជាកំពុងតែឈឺចាប់ និងរងគ្រោះ ហើយ​មិន​ច​ង់ឱ្យ​ប្រទេសដទៃទៀតរងគ្រោះដូចកម្ពុជានោះទេ និងស្នើឱ្យ​អន្តរជាតិ​ពិចារណា​ជា​មួយ​គ្នា​ទៅ​លើ​បញ្ហា​នេះ។ មែនទែនទៅ សូម្បីអតីតប្រធានាធិបតីអាមេរិកលោក ដូណាល់ ត្រាំ ក៏ប្រឆាំង​នឹង​ប្រធានាធិបតី​អាមេរិក​លោក ចូ បាយដិន ចំពោះការសម្រេចចិត្ដបញ្ជូនគ្រាប់បែកចង្កោមទៅអ៊ុយក្រែនផងដែរ។ លោក ត្រាំ បានទាំងនិយាយថា លោក បាយដិន កំពុងអូស​អាមេរិក​ទម្លាក់​ក្នុង​សង្គ្រាម​លោក​លើក​ទី៣ តាមរយៈការសម្រេចចិត្ដដ៏ចម្រូងចម្រាសនេះ។ លោក ត្រាំ លើកឡើងដូច្នេះថា “ចូ បាយដិន មិនគួរទាញយើងឆ្ពោះទៅរកសង្គ្រាមលោក លើកទី​៣ ដោយបញ្ជូនគ្រាប់បែកចង្កោមទៅអ៊ុយក្រែនទេ ពោលគឺគាត់គួរតែព្យាយាមបញ្ចប់សង្គ្រាម បញ្ឈប់​ការស្លាប់ និងការបំផ្លិចបំផ្លាញដ៏គួរឱ្យរន្ធត់ដែលបណ្ដាលមកពីរដ្ឋបាលអសមត្ថភាព។ គ្រាប់​បែកចង្កោមដែលមិនផ្ទុះអាចនឹងសម្លាប់ និងបំផ្លាញមនុស្សទាំងប្រុស ទាំងស្រី រួមទាំងកុមារ នៅរយៈ​ពេលរាប់ទសវត្សខាងមុខទៀតបន្ទាប់ពីសង្គ្រាម។ ” ការបញ្ជាក់របស់លោក ត្រាំ ក៏ដូចនឹង​អ្វី​ដែល​សម្ដេច ហ៊ុន សែន បានរៀបរាប់ខាងលើផងដែរ ពីផលប៉ះពាល់នៃគ្រាប់បែកចង្កោម។លោក ដូណាល់ ត្រាំ រំលេចបន្ថែមទៀតថា “អ្វីដែលលោក បាយដិន បានធ្វើកំ​ពុ​ងក្លាយ​ជា​សុបិន​អាក្រក់​ហួស​ពីការស្មាន យើងត្រូវតែបញ្ឈប់ភាពឆ្កួតលីលានេះ បញ្ចប់ការបង្ហូរ​ឈាម​ភ្លាមៗ​នៅ​អ៊ុយ​ក្រែន ហើយត្រឡប់ផ្ដោតលើផលប្រយោជន៍សំខាន់ៗរបស់អាមេរិកវិញ។” ដោយឡែក សមាជិក​សភាម​កពីគណបក្សរបស់លោក បាយដិន ផ្ទាល់ក៏ប្រឆាំងនឹង​ការ​ផ្ដល់​គ្រាប់​បែក​ចង្កោម​ទៅ​អ៊ុយក្រែន រួមទាំងច្បាប់អាមេរិកដែលហាមឃាត់ការផលិត និងនាំចេញគ្រាប់បែកចង្កោម ព្រោះថា​អត្រាមិនផ្ទុះរបស់វាមានច្រើនជាង១ភាគរយឯណោះ។គួរជម្រាបថា មានប្រទេសជាង​១០០​បាន​ចុះហត្ថលេខា​លើ​អនុសញ្ញា​អង្គការ​សហប្រជាជាតិ​ឆ្នាំ​២០០៨ ស្ដីពីគ្រាប់បែកចង្កោម ដើម្បីហាមឃាត់ការប្រើប្រាស់របស់ពួកគេ រួមទាំងអ៊ុយក្រែន និង​សម្ព័ន្ធមិត្ដ​សំខាន់ៗរបស់សហរដ្ឋអាមេរិក ដូចជាបារាំង និងចក្រភពអង់គ្លេស។ អង្គការឃ្លាំ​មើល​សិទ្ធិ​មនុស្ស(HRW)ក៏បានរិះគន់យ៉ាងខ្លាំង ចំពោះ​ការ​ប្រើ​ប្រាស់​គ្រាប់​បែក​ចង្កោម​នៅ​ក្នុង​សង្គ្រាម​អ៊ុយក្រែន​៕

គ.ជ.ប៖ ស្ថានភាពទូទៅល្អប្រសើរ ចំពោះយុទ្ធនាការ​ឃោសនាបោះឆ្នោតរបស់បក្សនយោបាយនានា​ក្នុងរយៈពេល១៥ថ្ងៃនេះ

2023/07/16 01:16:34 am        343
Facebook Telegram Linkin
គណៈកម្មាធិការជាតិរៀបចំការបោះឆ្នោត ដែលហៅកាត់ថាគ.ជ.ប. បានប្រកាសថា នៅថ្ងៃ​ទី១៥ នៃយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣នេះ បាន​ប្រព្រឹត្ត​ទៅ​ដោយរលូនគ្មានហិង្សា ណាមួយកើតឡើងនោះទេ ខណៈថ្ងៃនេះ​គឺ​មាន​គណបក្ស​នយោបាយ​ចំនួន១២ បានធ្វើសកម្មភាពឃោសនាបោះឆ្នោត ក្នុងនោះ មានគណបក្សនយោបាយ ចំនួន ៥ បានហែក្បួនឃោសនារកសំឡេងឆ្នោត។តាមសេចក្តីប្រកាសព័ត៌មានរបស់គ.ជ.ប. បានបញ្ជាក់ថា គណបក្សប្រជាជនកម្ពុជា បាន​ហែ​ក្បួន​ឃោសនា​នៅ​មណ្ឌលខេត្តតាកែវ មណ្ឌលគិរី កំពង់ចាម កំពង់ធំ ពោធិ៍សាត់ បាត់ដំបង និង​មណ្ឌល​រាជធានីភ្នំពេញ។ គណបក្សសញ្ជាតិកម្ពុជា ហែក្បួនឃោសនានៅមណ្ឌលខេត្តស្ទឹងត្រែង មណ្ឌល​ខេត្តកំពង់ស្ពឺ និងមណ្ឌលខេត្តព្រះសីហនុ។ គណបក្សហ៊្វុនស៊ិនប៉ិច ហែក្បួន​ឃោសនា​នៅ​មណ្ឌល​ខេត្តកណ្តាល និងមណ្ឌលខេត្តកំពង់ចាម។ គណបក្សជនជាតិដើមប្រជាធិបតេយ្យកម្ពុជា ហែក្បួន​ឃោសនានៅមណ្ឌលខេត្តក្រចេះ ខណៈគណបក្សខ្មែររួបរួមជាតិ ហែក្បួន​ឃោសនា​នៅ​មណ្ឌល​ខេត្ត​បន្ទាយមានជ័យ។ចំណែក​គណបក្សនយោបាយ ចំនួន៧ទៀត រួមមាន គណបក្សប្រជាធិបតេយ្យមូលដ្ឋាន គណបក្ស​ស្ត្រីដើ​ម្បីស្ត្រី គណបក្សធម្មាធិបតេយ្យ គណបក្សឯកភាពជាតិខ្មែរ គណបក្សយុវជន​កម្ពុជា គណបក្សសំបុកឃ្មុំសង្គមប្រជាធិបតេយ្យ និងគណបក្សខ្មែរតែមួយ បានធ្វើ​ការ​ឃោសនា​បោះឆ្នោត តាមរយៈសកម្មភាពជួបប្រជុំជាមួយសមាជិក សកម្មជន និងអ្នកគាំទ្រគណបក្ស ចាក់​មេក្រូ​ផ្សព្វផ្សាយ នៅទីស្នាក់ការគណបក្ស និងចល័តតាមភូមិ ចែកខិត្តបណ្ណតាមខ្នងផ្ទះ បិទ​ខិត្ត​បណ្ណ និងចងបដា នៅទីសាធារណៈ ប្រគំតន្ត្រី សម្ដែងសិល្បៈ ចាក់បញ្ចាំងស្លាយ (Slide) វីដេអូ នៅ​តាម​មណ្ឌល បោះឆ្នោតដែលខ្លួនឈរឈ្មោះ។យ៉ាងណាក៏ដោយនិយាយជារួមគ.ជ.ប.បានបញ្ជាក់ថា «ស្ថានភាព​ទូទៅ​នៃ​ដំណើរ​ការ​ឃោសនា​បោះឆ្នោត​របស់គណបក្សនយោបាយក្នុង ថ្ងៃទីដប់ប្រាំនេះ បានប្រព្រឹត្តទៅដោយរលូន មាន​សន្តិសុខ សុវត្ថិភាពសណ្តាប់ធ្នាប់ល្អៗនិងគ្មាន អំពើហិង្សានោះឡើយ»។ សូមជម្រាបជូនថា ការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣ មានរយៈពេល ២១ ថ្ងៃ ចាប់ពីថ្ងៃទី១ ដល់ថ្ងៃទី២១ ខែកក្កដា ឆ្នាំ២០២៣។ ការ​បោះឆ្នោត​ជ្រើស​តាំង​តំណាង​រាស្រ្ត​នីតិកាលទី៧ នឹងព្រឹត្តទៅនាថ្ងៃទី២៣ ខែកក្កដា ឆ្នាំ២០២៣ខាងមុខនេះ ខណៈ​មាន​គណបក្សចូលរួមប្រកួតប្រជែងចំនួន១៨គណបក្ស៕ អត្ថបទ៖ បាន ចក់

សមាជិក សមាជិកាគណបក្សប្រជាជន​កម្ពុជាខណ្ឌព្រែកព្នៅប្រមាណ ២០០០នាក់ ដង្ហែក្បួនឃោសនារកសំឡេងគាំទ្រ

2023/07/15 10:28:32 pm        270
Facebook Telegram Linkin
ឯកឧត្តម ឃួង ស្រេង សមាជិកគណៈកម្មាធិការកណ្តាលគណបក្សប្រជាជនកម្ពុជា ប្រធាន​គណៈកម្មាធិការ​គណបក្សរាជធានីភ្នំពេញ និងជាប្រធានក្រុមការងារចុះមូលដ្ឋានខណ្ឌព្រែកព្នៅ នាព្រឹកថ្ងៃទី១៥ ខែកក្កដា ឆ្នាំ២០២៣ បានបន្តធ្វើពិធីជួបជុំ សមាជិក សមាជិកា​គណបក្សប្រជាជន​កម្ពុជា​ខណ្ឌព្រែកព្នៅ និង​ដង្ហែក្បួន​យុទ្ធនាការ​ឃោសនា​បោះឆ្នោត​ជ្រើស​តាំង​តំណាង​រាស្ត្រ នីតិកាលទី៧ ឆ្នាំ២០២៣ នៅក្នុងមូលដ្ឋានខណ្ឌព្រែកព្នៅ ។ការជួបជុំដង្ហែក្បួនឃោសនារកសំឡេងឆ្នោតនេះ ជាលើកទី៣ហើយ ដោយមាន​ការ​ចូលរួម​ពី​សមាជិក សមាជិកា ប្រមាណ២,០០០នាក់ រថយន្តតូចធំ និងម៉ូតូជាច្រើនគ្រឿង បន្ទាប់​មក​ក្បួន​ដង្ហែ ដែលដឹកនាំដោយ ឯកឧត្តម ឃួង ស្រេង បានដង្ហែចេញពីមុខបុរីភូមិសំរោង តាម​ផ្លូវ​ជាតិ​លេខ៥ ទៅទិសខាងត្បូង ហើយបត់ចូលតាមផ្សារព្រែកព្នៅ ឆ្ពោះទៅទិស ខាង​លិចតាម​ផ្លូវលេខ​១៥១ ឡើងមកកាន់ផ្លូវជាតិលេខ៥ និងបន្តដង្ហែតាមមូលដ្ឋាននានាក្នុងខណ្ឌព្រែកព្នៅ។គួរបញ្ជាក់ថា សម្រាប់ថ្ងៃទី១៥ កក្កដានេះ គណបក្សប្រជាជនកម្ពុជា បានរៀបចំជួបជុំសមាជិក សមាជិកា​នៅតាមទីតាំងក្នុងមូលដ្ឋានខណ្ឌទាំង១៤ ដែលមានអ្នកចូលរួមសរុបចំនួន ២៦,០០០​នាក់​៕​

ឯកឧត្តម លី ធុជ ណែនាំឲ្យសមាជិកបក្សប្រមែប្រមូលការគាំទ្រដើម្បីបោះឆ្នោតជូនគណបក្សប្រជាជនកម្ពុជា

2023/07/15 09:20:43 pm        99
Facebook Telegram Linkin
ស្វាយរៀង៖ ឯកឧត្តម លី ធុជ សមាជិកគណៈកម្មាធិការកណ្តាល និងជាប្រធានក្រុមការងារគណបក្សចុះមូលដ្ឋានក្រុងបាវិត បានកំណត់គោលដៅ និងណែនាំឲ្យសកម្មជន សមាជិក សមាជិកាបក្សទាំងអស់ ត្រូវទាញការគាំទ្រពីមនុស្ស ៣ ប្រភេទឲ្យបានគ្រប់ជ្រុងជ្រោយ ដើម្បីបោះឆ្នោតជូនគណបក្សប្រជាជនកម្ពុជា មុននឹងឈានទៅដល់ការបិទយុទ្ធនាកាឃោសនាបោះឆ្នោតរយៈពេល ៦ថ្ងៃនេះទៀត។ មនុស្សទាំង ៣ ប្រភេទនោះ រួមមាន ទី១.សមាជិក សមាជិកាបក្សដែលយើងត្រូវចុះឲ្យដល់គ្រប់ខ្នងផ្ទះ ទី២.សមាជិកបក្សដទៃដែលយើងត្រូវជួបនិងប្រមែប្រមូលពួកគាត់ឲ្យចូលរួមគាំទ្រសន្តិភាពទាំងអស់គ្នា និងទី៣.អ្នកដែលមិនទាន់សម្រេចចិត្តក្នុងការបោះឆ្នោត។ឯកឧត្តម លី ធុជ បានគូសបញ្ជាក់បែបនេះ ក្នុងនាមសម្តេចកិត្តិសង្គហបណ្ឌិត ម៉ែន សំអន អនុប្រធានគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខេត្តស្វាយរៀង ដឹកនាំកិច្ចប្រជុំបូកសរុបការងារយុទ្ធនាការឃោសនាបោះឆ្នោតជ្រើសរើសតំណាងរាស្រ្តសម្រាប់នីតិកាលទី៧ ក្នុងក្រុងបាវិត ខេត្តស្វាយរៀង នាព្រឹកថ្ងៃទី១៥ ខែកក្កដា ឆ្នាំ២០២៣ នៅទីស្នាក់ការគណបក្សក្រុងបាវិត។ជាមួយគ្នានោះ លោកប្រធានក្រុមការគណបក្សចុះមូលដ្ឋានក្រុងបាវិត បានជម្រុញឲ្យសកម្មជន សមាជិក សមាជិកាបក្សគ្រាប់ជាន់ថ្នាក់ បន្តសកម្មភាពរបស់ខ្លួនចុះមូលដ្ឋានឲ្យកាន់តែសកម្មខ្លាំងក្លា ដើម្បីស្វែងរកការគាំទ្រពីមនុស្ស ៣ប្រភេទនេះ ព្រមទាំងរក្សាឲ្យបាននូវគុណតម្លៃ ៧ចំណុចក្នុងការប្រាស្រ័យទាក់ទងជាមួយពួកគាត់ រួមមាន ៖ ទី១.មានសុជីវធម៌ ចេះគួរសម និងមានរបៀបរបប ទី២.ចេះដាក់ខ្លួន និងសុភាពរាបសារ ទី៣.មានភាពក្លាហានចុះឲ្យដល់គោលដៅ ទី៤.ចេះអធ្យាស្រ័យ អត់ធ្មត់ និងអត់អោន ទី៥.មានភាពសុចរិត ទី៦.មានការយោគយល់ និងទី៧.មានភាពស្មោះត្រង់។លោកបន្តទៀតថា គោលដៅរបស់គណបក្សប្រជាជនកម្ពុជា គឺចង់បានឲ្យប្រជាពលរដ្ឋទាំងអស់ចូលរួមបោះឆ្នោតឲ្យបានគ្រប់ៗគ្នា និងគូសសន្លឹកឆ្នោតឲ្យបានត្រឹមត្រូវ ខុសពីពួកក្រុមអគតិមួយចំនួនដែលតែងតែបង្កការញុះញង់មិនឲ្យប្រជាពលរដ្ឋទៅបោះឆ្នោត និងគូសបំផ្លាញសន្លឹកឆ្នោត ជាដើម។ជាចុងបញ្ចប់ ឯកឧត្តម លី ធុជ បានសម្តែងនូវការកោតសរសើរ និងថ្លែងអំណរគុណជូនចំពោះសកម្មជន សមាជិក សមាជិកាគណបក្សទាំងអស់ ដែលបានខិតខំប្រឹងប្រែងចុះផ្សព្វផ្សាយនូវគោលនយោបាយគណបក្សចុះតាមខ្នងផ្ទះ និងណែនាំឲ្យបងប្អូនប្រជាពលរដ្ឋគូសសន្លឹកឆ្នោតឲ្យបានត្រឹមត្រូវ ចាប់តាំងផ្តើមយុទ្ធនាការឃោសនាបោះឆ្នោតថ្ងៃតំបូង៕

ឯកឧត្តម វេង សាខុន បន្តដឹកនាំយុទ្ធនាការដង្ហែឃោសនាបោះឆ្នោតនៅឃុំទ្រាន ឃុំរអាង ឃុំក្រឡា និងឃុំអំពិល ស្រុកកំពង់សៀម

2023/07/15 09:06:25 pm        130
Facebook Telegram Linkin
កំពង់ចាម៖ ឯកឧត្តម វេង សាខុន សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្តកំពង់ចាម នៅព្រឹកថ្ងៃសៅរ៍ ទី១៥ ខែកក្កដា ឆ្នាំ២០២៣ បានអញ្ជើញដឹកនាំក្រុមការងារគ្រប់លំដាប់ថ្នាក់ និងសមាជិក សមាជិកាគណបក្សមូលដ្ឋានដង្ហែរក្បួនឃោសនាបោះឆ្នោតជ្រើសតាំងតំណាងរាស្ត្រនីតិកាលទី៧ ឆ្នាំ២០២៣ លើកទី៣ នៅឃុំទ្រាន ឃុំរអាង ឃុំក្រឡា និងឃុំអំពិល ស្រុកកំពង់សៀម ខេត្តកំពង់ចាម ដែលមានសមាជិកគណបក្សចូលរួមសរុប ៨០០នាក់៕

គណបក្ស ភឿ ថៃ ខិតកាន់តែច្បាស់ជាមេដឹកនាំគណបក្សចម្រុះដ៏មានសក្តានុពល

2023/07/15 07:53:06 pm        244
Facebook Telegram Linkin
សាលាវិទ្យសាស្ត្រនយោបាយបាននិយាយកាលពីថ្ងៃសុក្រថា គណបក្ស ភឿ ថៃ មាន​ឱកាស​ល្អ​ ដើម្បី​ក្លាយ​ជាមេដឹកនាំគណបក្សចម្រុះថ្មី ប្រសិនបើគណបក្សឆ្ពោះទៅមុខ (Move Forward) និង​មេដឹកនាំរបស់ខ្លួន លោក Pita Limjaroenrat មិនអាច​ទទួល​ជ័យជម្នះ​ក្នុង​ការ​បោះឆ្នោត​សភា​ជ្រើសរើស​នាយករដ្ឋមន្ត្រីថ្មី នោះទេ។ លោក Olarn Thinbangtieo មកពីសាកលវិទ្យាល័យ Burapha បានប្រាប់​សារ​ព័ត៌មាន​បាង​កក​ប៉ុស្តិ៍​ថា​ ខណៈគណបក្សដែលមានអាសនៈសភាច្រើនជាងគេលំដាប់ទីពីរ គណបក្ស ភឿ ថៃ នឹង​អាច​បង្ហាញ​អំពីភាពត្រឹមត្រូវនៃការផ្លាស់ប្តូរមួយដើម្បីដណ្តើមយកពីគណបក្សឆ្ពោះទៅមុខ(Move Forward) និងបង្កើតគណបក្សចម្រុះថ្មីមួយ ដែលអាចរួមគ្នាជាមួយគណបក្សធំៗមួយចំនួនទៀត នៅ​ខាង​ក្រៅសម្ព័ន្ធដែលដឹកនាំដោយគណបក្សឆ្ពោះទៅមុខ(Move Forward) ។លោកបានបញ្ជាក់ថា សម្ព័ន្ធភាពបច្ចុប្បន្នមានគណបក្សចំនួនប្រាំបី រួមទាំងគណបក្សភឿថៃ។ លោក Olarn បាននិយាយថា អ្វីដែលគណបក្សភឿថៃ​ត្រូវ​ធ្វើ​គឺ​រង់​ចាំមើល​ថា​តើ​ជម្រើស​ដ៏​ល្អបំ​ផុត​របស់​ខ្លួន​គឺ​ជាអ្វី ជាបេក្ខភាពនាយករដ្ឋមន្ត្រីរបស់គណបក្សខ្លួន ឬគណបក្សដ៏ទៃទៀត ដែល​នឹង​បង្កើត​សម្ព័ន្ធភាពនយោបាយថ្មីជាមួយ។ លោកបាននិយាយថា ប្រសិនបើលោក Pita បរាជ័យ​ម្តង​ហើយ​ម្តង​ទៀត ដើម្បីទទួលជ័យជម្នះការបោះឆ្នោតជានាយករដ្ឋមន្ត្រី គណបក្សភឿថៃ ប្រហែល​ជា​ត្រូវ​សម្រេចថា​តើខ្លួនគួរតែនៅជាមួយសម្ព័ន្ធភាពដឹកនាំដោយគណបក្សឆ្ពោះទៅមុខ(Move Forward) ឬប្តូរភាគីដើម្បីបង្កើតសម្ព័ន្ធភាពថ្មីជាមួយគណបក្សដូចជា Bhumjaithai ឬគណបក្ស Palang Pracharath ។លោក Olarn និយាយថា ប្រសិនបើគណបក្សភឿថៃ ជ្រើសរើស​បន្ត​នៅ​ក្នុង​សម្ព័ន្ធ​ភាព​នយោបាយ​ដដែល ប៉ុន្តែចាប់យក​ឱកាស​ ដើម្បី​តែង​តាំង​បេក្ខជន​នាយករដ្ឋ​មន្ត្រី​របស់​ខ្លួន​នៅ​ក្នុង​កា​រ​បោះឆ្នោត​ជ្រើស​រើស​នាយករដ្ឋមន្ត្រីថ្មី គណបក្សអាច​នឹង​បរាជ័យ​ក្នុង​ការ​ទទួល​បាន​សន្លឹក​ឆ្នោត​គ្រប់​គ្រាន់​ពីព្រឹទ្ធសភា៕

បណ្ដាញសង្គម

ព័ត៌មានថ្មីៗ

អង្គភាពប្រឆាំងអំពើពុករលួយបានបញ្ជូនសំណុំរឿង៤ករណីនៃឃុំព្រែកខ្សាច់ទៅសាលាដំបូងរាជធា​​នី​​​​ភ្នំ​​​​​ពេ​​​​​​​ញ
09/29/2026 08:09 PM
Facebook Telegram Linkin
ក្រសួងការងារ និងសេវាកម្មវាយតម្លៃសកល AQA នៃចក្រភពអង់គ្លេស ចុះ MoU ពង្រឹងភាពជាដៃគូអភិវឌ្ឍជំនាញ និងការពង្រឹងគុណភាព TVET ដើម្បីលើកកម្ពស់ជំនាញកម្លាំងពលកម្មស្របតាមតម្រូវការឧស្សាហកម្ម និងបច្ចេកវិទ្យា
09/29/2026 08:09 PM
Facebook Telegram Linkin
នេប៉ាល់ផ្អាកប្រតិបត្តិការស្វែងរក បន្ទាប់​ពី​មនុស្ស ១៦នាក់ បានប៉ើង​ទៅតាម​បំណាក់​​ទឹកកក ​
09/29/2026 07:09 PM
Facebook Telegram Linkin
ម្ចាស់សហគ្រាសផលិតសំបកវេចខ្ចប់ និងអ្នកវេចខ្ចប់ផលិតផល បានកំពុងរួមគ្នាបង្កើត និងគាំទ្រផលិតផលជាតិ
09/29/2026 07:09 PM
Facebook Telegram Linkin
លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមពិធីចម្រើនព្រះបរិត្ត និងដាក់បិណ្ឌវេនទី៤ នៅវត្តឧណ្ណាលោម
09/29/2026 06:09 PM
Facebook Telegram Linkin
កងកម្លាំងអាមេរិកចាកចេញពីអ៊ីរ៉ាក់ ក្រោយរយៈពេល​ ២ទសវត្សរ៍ ដោយបើកផ្លូវឱ្យអ៊ីរ៉ង់បង្កើន​ឥទ្ធិពល​
09/29/2026 06:09 PM
Facebook Telegram Linkin
ទ្រព្យសកម្មក្នុងវិស័យ អ.ស.ហ. កើនដល់ជាង ៩ ប៊ីលានដុល្លារ និងបានបង្កើតការងារ ១៦ ពាន់កន្លែង
09/29/2026 06:09 PM
Facebook Telegram Linkin
អ៊ីរ៉ង់​គំរាមវាយប្រហារហេដ្ឋារចនាសម្ព័ន្ធ ក្នុងតំបន់ ប្រសិនបើសន្តិសុខរបស់ខ្លួន មិនត្រូវបានធានា
09/29/2026 06:09 PM
Facebook Telegram Linkin
សារព័ត៌មានរដ្ឋ៖ ការវាយប្រហារលើបំពង់បង្ហូរឧស្ម័ននៅភាគខាងកើតស៊ីរី បានធ្វើឲ្យការផ្គត់ផ្គង់ឧស្ម័នត្រូវផ្អាក
09/29/2026 06:09 PM
Facebook Telegram Linkin
បេសកជនរុស្ស៊ី៖ អាល្លឺម៉ង់ និងសហភាពអឹរ៉ុប មិនមានតួនាទីក្នុងកិច្ចចរចាអំពីអ៊ុយក្រែន
09/29/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.