នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ក្រសួងអភិវឌ្ឍន៍ជនបទ កំពុងពង្រីកការស្ថាបនាផ្លូវនៅតំបន់ដាច់ស្រយាល តាមតម្រូវការពលរដ្ឋ
សម្ដេចធិបតី៖ រាជរដ្ឋាភិបាល និងមហាគ្រួសារខ្មែរ​នៅ​ជាមួយ​កងទ័ព​ជួរ​មុខ​គាំទ្រ​គ្រប់​មធ្យោបាយ​ទាំង​អស់
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន

នយោបាយ​ និង ការអភិវឌ្ឍន៍

ឯកឧត្តម លី ធុជ ជំរុញឱ្យប្រជាពលរដ្ឋទាំងអស់អញ្ជើញទៅបោះឆ្នោតឲ្យបានគ្រប់ៗគ្នា និងបោះឆ្នោតជូនគណបក្សប្រជាជនកម្ពុជា

2023/07/06 12:29:09 pm        61
Facebook Telegram Linkin
ស្វាយរៀង៖ ថ្ងៃទី០៦ខែកក្កដា ឆ្នាំ២០២៣ ឯកឧត្តម លី ធុជ ប្រធានក្រុមការងារគណបក្ស​ចុះមូលដ្ឋានក្រុងបាវិត ខេត្តស្វាយរៀង​ដឹកនាំក្រុមការងារគណបក្សជួបសំណេះសំណាល​ជា​មួយសមាជិក សមាជិកាគណបក្សប្រជាជនកម្ពុជាសង្កាត់ច្រកម្ទេស និងសង្កាត់ព្រៃអង្គុញ ក្រុងបាវិត ដើម្បីផ្សព្វផ្សាយអំពីគោលនយោបាយគណបក្ស ព្រមទាំងបានណែនាំឲ្យសកម្មជន សមាជិក សមាជិកាគណបក្សទាំងអស់ ត្រូវបន្តចុះសួរសុខទុក្ខបងប្អូនប្រជាពលរដ្ឋឲ្យកាន់តែសកម្ម និងគ្រប់ខ្នងផ្ទះ ក៏ដូចជាជំរុញការគូសសន្លឹកឆ្នោតឲ្យបានត្រឹមត្រូវដល់ប្រជាពលរដ្ឋ និង​សមាជិកបក្ស ដែលគណបក្សប្រជាជនកម្ពុជា ឈរនៅលេខរៀងទី១៨។ជាមួយគ្នានោះ ឯកឧត្តម លី ធុជ បានសម្តែងនូវការកោតសរសើរ និងថ្លែងអំណរគុណ​ដល់សកម្មជនបក្សទាំងអស់ ដែលបានខិតខំប្រឹងប្រែង និងចំណាយពេលវេលា ក្នុង​យុទ្ធនាការឃោសនាបោះឆ្នោតសម្រាប់នីតិកាលទី៧នេះ​ ព្រមទាំងជំរុញ​ឲ្យសកម្មជន និង​សមាជិកទាំងអស់ ត្រូវបន្តពង្រឹងឲ្យកាន់តែរឹងមាំបន្ថែមទៀត និងយកជ័យជម្នះជូនបក្សក្នុងការ​បោះឆ្នោតថ្ងៃទី២៣ ​ខែកក្កដា ឆ្នាំ២០២៣ ខាងមុខនេះ។ជាមួយគ្នានោះផងដែរ ​ឯកឧត្តម លី ធុជ រួមជាមួយក្រុមការងារគណបក្សទាំងអស់ បាន​បន្ត​សកម្មភាពចុះតាមខ្នងផ្ទះ និងកន្លែងអាជីវកម្មរបស់បងប្អូនប្រជាពលរដ្ឋ ​ដើម្បីស្នើសុំ​ឲ្យ​ប្រជាពលរដ្ឋទៅ​បោះឆ្នោតឲ្យបានគ្រប់ៗគ្នា ​និងបោះឆ្នោតជូនគណបក្សប្រជាជនកម្ពុជា និងគាំទ្រ​សម្តេចតេជោ ហ៊ុន សែន ជានាយករដ្ឋមន្រ្តី និង ឯកឧត្តម ហ៊ុន ម៉ាណែត ជានាយករដ្ឋមន្រ្តីសម្រាប់ពេលអនាគត៕ 

មន្ទីរបញ្ចកោណនឹងរឹតត្បិតការគ្រប់គ្រង បន្ទាប់ពីការលេចធ្លាយឯកសារសម្ងាត់

2023/07/06 12:28:47 pm        109
Facebook Telegram Linkin
អាមេរិក៖ មន្ទីរបញ្ចកោណនឹងផ្លាស់ប្តូរគោលនយោបាយសន្តិសុខរបស់ខ្លួនបន្ទាប់ពីការពិនិត្យឡើងវិញលើការលេចធ្លាយឯកសារសម្ងាត់ ដែលបានរកឃើញថាមន្ត្រីបានព្យាយាមបន្តរក្សាចំនួនបុគ្គលិកដែលមានសិទ្ធិ ដំណើរការព័ត៌មានសម្ងាត់។ វិធានការថ្មី រួមមានការតែងតាំងមន្ត្រីដើម្បីគ្រប់គ្រងកម្រិតនៃដំណើរការចូលទៅកាន់ទិន្នន័យសម្ងាត់បំផុត និងការដំឡើងប្រព័ន្ធដើម្បីស្វែងរកឧបករណ៍អេឡិចត្រូនិក។ វិធានការនេះតាមដានការផ្សព្វផ្សាយដែលគ្មានការអនុញ្ញាតនូវឯកសាររាប់សិបប្រភេទតាមបណ្តាញអ៊ីនធឺណិត។ អតីតបុគ្គលិកទ័ពអាកាសលោក Jack Teixeira អាយុ២១ ឆ្នាំត្រូវបានចោទប្រកាន់ពីបទបែកធ្លាយឯកសារ ដែលលោកបានបដិសេធ។លទ្ធផលនៃការពិនិត្យឡើងវិញរយៈពេល ៤៥ ថ្ងៃនៃគោលនយោបាយ និងនីតិវិធីរបស់មន្ទីរបញ្ចកោណ ដែលបញ្ជាដោយរដ្ឋមន្ត្រីក្រសួងការពារជាតិអាមេរិក លោក Lloyd Austin បន្ទាប់ពីការលេចធ្លាយនោះ បានស្នើឱ្យមានការបង្កើនដើម្បីពិនិត្យសម្រាប់អ្នកទាំឡាយដែលជឿទុកចិត្តបានជាមួយនឹងព័ត៌មានសន្តិសុខជាតិសម្ងាត់។ មន្ត្រីការពារជាតិជាន់ខ្ពស់ម្នាក់ បាននិយាយទៅកាន់អ្នកសារព័ត៌មានក្នុងសន្និសីទព័ត៌មានថា ពិធីសារសន្តិសុខរបស់មន្ទីរបញ្ចកោណ បានព្យាយាមរក្សាល្បឿនជាមួយនឹងការកើនឡើង ចំនួនបុគ្គលិកដែលត្រូវបានជ្រើសរើសច្បាស់លាស់ និងចំនួនកន្លែងដែលមានឯកសារសម្ងាត់ត្រូវបានចូលប្រើប្រាស់។

វេជ្ជបណ្ឌិតកូរ៉េខាងត្បូង ចាកចេញពីពេទ្យកុមារដោយសារអត្រាកំណើត និងប្រាក់ខែទាប

2023/07/06 12:25:25 pm        223
Facebook Telegram Linkin
កូរ៉េខាងត្បូង៖ កាលពីចុងខែមិថុនា បន្ទប់រង់ចាំនៅមន្ទីរពេទ្យកុមារនៅជាយក្រុងសេអ៊ូល ត្រូវដាក់ពេញទៅដោយកុមាររាប់សិបនាក់ ភាគច្រើនមានព្យួរសេរ៉ូម ដោយកំពុងរង់ចាំជាច្រើនម៉ោងតាំងពីម៉ោង ៦ ព្រឹក ដើម្បីជួបគ្រូពេទ្យ ឬទទួលបានគ្រែពេទ្យ។ លោកស្រី Lee Bo-mi ជាម្តាយកុមារអាយុ៣ឆ្នាំម្នាក់ដែលមានជំងឺរលាកសួតនៅតែមិនទាន់បានប្រសើរឡើងបន្ទាប់ពីការព្យាបាលជាច្រើនសប្តាហ៍ បាននិយាយថា យើងបានរង់ចាំប្រហែល ២ សប្តាហ៍ ដើម្បីទទួលបានគ្រែមន្ទីរពេទ្យ ព្រោះតែមានបញ្ជីរង់ចាំយូរ ដូច្នេះយើងមិនត្រូវបានទទួលប្រហែល២សប្តាហ៍មកហើយ។ ខ្ញុំពិតជាបារម្ភខ្លាំង កូនប្រុសរបស់ខ្ញុំឈឺ។ គ្រូពេទ្យកុមារ៧នាក់បានប្រាប់សារព័ត៌មានរ៉យទ័រថា ដើមចមនៃបញ្ហាដែលកំពុងប្រឈមនៅប្រទេសកូរ៉េខាងត្បូង គឺអត្រាកំណើតដែលបានធ្លាក់ចុះមកត្រឹម ០,៧៨ ក្នុងឆ្នាំ២០២២ នោះគឺជាចំនួនទារកជាមធ្យមដែលរំពឹងទុកសម្រាប់ស្ត្រីម្នាក់ រួមជាមួយនឹងការបរាជ័យនៃប្រព័ន្ធធានារ៉ាប់រងក្នុងការសម្របខ្លួនទៅនឹងបញ្ហានេះ បណ្តាលឱ្យពេទ្យកុមារជួបបញ្ហាធនធាន និងវេជ្ជបណ្ឌិតកំពុងចាកចេញពីវិស័យនេះដែលពួកគេគិតថាគ្មានអនាគត។ កាលពីខែឧសភា កុមារអាយុ ៥ ឆ្នាំម្នាក់ នៅទីក្រុងសេអ៊ូលដែលមានជំងឺរលាកបំពង់កធ្ងន់ធ្ងរ បានស្លាប់បន្ទាប់ពីត្រូវបានគេបញ្ជូនទៅលំនៅឋានខណៈពេលពុំអាចរកគ្រែមួយក្នុងមន្ទីរពេទ្យជាច្រើនកន្លែងបាន។ គ្រូពេទ្យបារម្ភថាករណីបែបនេះនឹងកើនឡើង។ លោក Choi Yong-jae អនុប្រធានសមាគមមន្ទីរពេទ្យកុមារកូរ៉េបាននិយាយថា អ្នកជំងឺជាច្រើនបានស្លាប់។ ពួកគេស្លាប់ខណៈកំពុងមានការកើនឡើងនៅបន្ទប់សង្គ្រោះបន្ទាន់ជាច្រើន ស្លាប់នៅពេលដែលវាពុំមែនជាជំងឺធ្ងន់ធ្ងរ ។ គ្រូពេទ្យកុមារបានដាក់កំហុសលើរដ្ឋាភិបាល ចំពោះការខ្វះវិធានការសមស្របដើម្បីដោះស្រាយបញ្ហាកំពុងកើតឡើងរយៈពេលយូរ និងបានស្នើសុំថវិកាបន្ថែមដើម្បីទាក់ទាញគ្រូពេទ្យបន្ថែមទៀតឱ្យមកព្យាបាលជំងឺកុមារ។

IAEA មិនទាន់ឃើញសញ្ញានៃការផ្ទុះនៅរោងចក្រនុយក្លេអ៊ែរ Zaporizhzhia នៅឡើយទេ ដោយត្រូវការលទ្ធភាពចូលទៅមើលបន្ថែមទៀត ដើម្បីឲ្យច្បាស់

2023/07/06 12:11:20 pm        73
Facebook Telegram Linkin
UN៖ទីភ្នាក់ងារIAEA បាននិយាយកាលពីថ្ងៃពុធថា ក្រុមអ្នកជំនាញមកពីទីភ្នាក់ងារឃ្លាំមើលនុយក្លេអ៊ែររបស់UN ដែលមានមូលដ្ឋាននៅរោងចក្រថាមពលនុយក្លេអ៊ែរ Zaporizhzhia ស្ថិតក្រោមការគ្រប់គ្រងរបស់រុស្សីក្នុងប្រទេសអ៊ុយក្រែនមិនទាន់បានសង្កេតឃើញការចង្អុលបង្ហាញអំពីគ្រាប់មីន ឬសារធាតុផ្ទុះនៅក្នុងរោងចក្រនេះ នៅឡើយទេ ប៉ុន្តែពួកគេត្រូវការចូលទៅមើលបន្ថែមទៀត ដើម្បីឲ្យច្បាស់។រុស្ស៊ី និងអ៊ុយក្រែនកាលពីថ្ងៃអង្គារ បានចោទប្រកាន់គ្នាទៅវិញទៅមកជុំវិញការរៀបចំផែនការវាយប្រហារលើរោងចក្រថាមពលនុយក្លេអ៊ែរដ៏ធំបំផុតរបស់អឺរ៉ុប ដែលទីភ្នាក់ងារថាមពលអាតូមិកអន្តរជាតិ បានព្រមានម្តងហើយម្តងទៀតអំពីមហន្តរាយដែលអាចកើតមានពីការប៉ះទង្គិចគ្នាខាងយោធានៅក្បែរនោះ។ប្រទេសទាំង២ បានស្តីបន្ទោសគ្នាទៅវិញទៅមកចំពោះការបាញ់ផ្លោង ដែលបានធ្វើឱ្យដាច់ខ្សែភ្លើងម្តងហើយម្តងទៀត ដែលមានសារៈសំខាន់ក្នុងការធ្វើឲ្យម៉ាស៊ីនរ៉េអាក់ទ័រទាំង៦របស់រោងចក្រត្រជាក់ និងជៀសវាងការធ្វើឲ្យនុយក្លេអ៊ែរគាំង។សេចក្តីថ្លែងការណ៍របស់ IAEA បានឲ្យដឹងថា ក្រុមអ្នកជំនាញរបស់ IAEA បានត្រួតពិនិត្យផ្នែកខ្លះនៃបរិក្ខារក្នុងប៉ុន្មានថ្ងៃ និងប៉ុន្មានសប្តាហ៍ថ្មីៗនេះ រួមទាំងផ្នែកខ្លះនៃបរិវេណនៃអាងទឹកត្រជាក់ដ៏ធំ ហើយបានចុះទៅជាប្រចាំនៅទូទាំងកន្លែងនោះ រហូតមកដល់ពេលនេះ ដោយមិនសង្កេតឃើញសញ្ញាណដែលអាចមើលឃើញគ្រាប់មីន ឬជាតិផ្ទុះនោះទេ៕

យុវជនសង្គមស៊ីវិល និងអាជ្ញាធរស្រុកព្រៃកប្បាស រួមគ្នាផ្សព្វផ្សាយពីគុណតម្លៃសន្ដិភាពរបស់កម្ពុជា

2023/07/06 12:00:04 pm        46
Facebook Telegram Linkin
តាកែវ៖ បណ្ដុំអង្គការសមាគមសង្គមស៊ីវិល សហការជាមួយរដ្ឋបាលស្រុកព្រៃកប្បាស នាព្រឹកថ្ងៃទី៦ ខែកក្កដា ឆ្នាំ២០២៣ ធ្វើវេទិការសាធារណៈស្តីពី «គុណតម្លៃនៃការថែរក្សាសុខសន្តិភាព និងការអភិវឌ្ឍនៅកម្ពុជា» ដល់ប្រជាពលរដ្ឋជាង ៣០០ នាក់ ស្ថិតនៅភូមិព្រៃល្វាកើត ឃុំព្រៃល្វា ស្រុកព្រៃកប្បាស ខេត្តតាកែវ។វេទិកាសាធារណៈនេះដឹកនាំដោយលោក ហេង សំណាង ប្រធានបណ្ដុំអង្គការសមាគមសង្គមស៊ីវិល ដោយមានការចូលរួម​ជា​អធិបតីពីលោក អ៊ិត សារ ប្រធានក្រុមប្រឹក្សាស្រុកព្រៃកប្បាស និង​លោកស្រី បាន ឌី អភិបាលរងស្រុកព្រៃកប្បាស លោក ម៉ៅ ផល្លា ប្រធានថ្នាលយុវជនកម្ពុជា រួមនឹងសមាជិកសមាជិកអង្គការសង្គមស៊ីវិល មន្រ្ដីរាជការនៃរដ្ឋបាលស្រុកព្រៃកប្បាស​ជាច្រើនរូបទៀត។ លោក ហេង សំណាង ប្រធានបណ្ដុំអង្គការសមាគមសង្គមស៊ីវិល បានលើកឡើងថា ជា​ការពិតណាស់បច្ចុប្បន្ននេះពលរដ្ឋខ្មែរគ្រប់រូប កំពុងតែរស់នៅក្នុងយុគសម័យមួយដែលបច្ចេកវិជ្ជា មានភាពជឿនលឿន ស៊ីវិល័យនិងទាន់សម័យបំផុត។ ហើយភាពរីកចម្រើន ជឿនលឿន និងលូតលាស់គ្រប់វិស័យដែលមានតម្លៃជាប្រវត្តិសាស្ត្រនេះ​គឺអាចកើតមានទៅបាន ក៏ដោយសារ​តែប្រទេសកម្ពុជា ​មានសុខសន្តិភាព ​ស្ថេរភាពនយោបាយ ​ទើបកម្ពុជា​មានភាពរីកចម្រើន មាន​ការអភិវឌ្ឍ និងអាចឈានជើងដើរមកដល់ចំណុចនេះ។ប្រជាពលរដ្ឋដែលបានចូលរួមក្នុងវេទិកានេះ បានលើកឡើងថាប្រទេសកម្ពុជា​ក្រោមការដឹកនាំរបស់​រាជេដ្ឋាភិបាល​មានសម្ដេចតេជោ ហ៊ុន សែន ជាប្រមុខដឹកនាំ ​បានធ្វើឱ្យប្រទេសមានការរីកចម្រើន និងមានការអភិវឌ្ឍគ្រប់យ៉ាងដល់មូលដ្ឋាន ​មានដូចជាហេដ្ឋារចនាសម្ព័ន្ធ សាលារៀន និងមន្ទីរពេទ្យជាដើម។ សូមជម្រាបថា វេទិកាថ្ងៃនេះ ពិតជាមានសារសំខាន់ណស់សម្រាប់ យុវជនសាធារណជនទូទៅ ពិសេសពលរដ្ឋខ្មែរគ្រប់រូបដែលចាំបាច់បំផុតក្នុងការចូលរួម​ ថែររក្សាការពារសុខសន្តិភាព និង​ស្ថេរភាព នយោបាយដើម្បីកម្ពុជាមានការអភិវឌ្ឍ និងរីកចម្រើនជឿនលឿនដូចប្រទេសនានាលើសកលលោក៕ អត្ថបទ៖ វ៉ន ដារ៉ា

ឯកឧត្តម ម៉ម ប៊ុនហេង ចុះផ្សព្វផ្សាយគោលនយោបាយ និងបង្រៀនពលរដ្ឋមូលដ្ឋានគូសសន្លឹកឆ្នោត

2023/07/06 11:49:44 am        96
Facebook Telegram Linkin
ភ្នំពេញ៖ ឯកឧត្តម ម៉ម ប៊ុនហេង សមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារគណបក្សប្រជាជនកម្ពុជា ចុះមូលដ្ឋានខណ្ឌសែនសុខ នៅព្រឹកថ្ងៃទី០៦ ខែកក្កដា ឆ្នាំ២០២៣នេះ បានដឹកនាំសមាជិក សមាជិកាគណបក្សប្រជាជនកម្ពុជា ចុះអប់រំផ្សព្វផ្សាយគោលនយោបាយ និងបង្រៀនគូសសន្លឹកឆ្នោត តាមខ្នងផ្ទះបងប្អូនប្រជាពលរដ្ឋ អាជីករលក់ដូរ នៅក្នុងសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។នាឱកាសចុះអប់រំផ្សព្វផ្សាយគោលនយោបាយបក្ស និងសំណេះសំណាលជាមួយបងប្អូន​ប្រជាពលរដ្ឋនៅ​តាមខ្នងផ្ទះ ឯកឧត្តម ម៉ម ប៊ុនហេង បានលើកឡើងថា ថ្ងៃនេះក្រុមការងារ​ចុះមកដើម្បីលើកទឹកចិត្តជូនដល់ប្រជាពលរដ្ឋ និងពន្យល់ណែនាំអំពីគោលនយោបាយរបស់​គណបក្សប្រជាជនកម្ពុជា ទាំង៨​ចំណុច ដែល​ដឹកនាំដោយសម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានរីកចម្រើនឥតឈប់ឈរ។ប្រជាពលរដ្ឋ ដែលសមាជិក សមាជិកា ក្នុងមូលដ្ឋានសង្កាត់ក្រាំងធ្នង់ បានចូលរួមក្នុងយុទ្ធនាការ​ខាងលើនេះ បានលើកឡើងរួមគ្នាថា ក្នុងនាមគាត់ជាមនុស្សចាស់​ និងធ្លាប់ឆ្លងកាត់ ដឹងពិតប្រាកដថាសង្រ្គាមពិបាកណាស់ វេទនាណាស់ ​ហើយនៅពេលដែលគេផ្លាស់ប្តូរម្តងៗ គឺ​ប្រជាជនកម្ពុជាជាអ្នកស្លាប់។ មកដល់ពេលនេះ ឋិតក្រោមម្លប់សន្តិភាព​ ត្រូវនាំគ្នាថែរក្សា និង​ត្រូវនាំគ្នាទៅបោះឆ្នោតឲ្យបានគ្រប់ៗគ្នា និងបោះឆ្នោតជូនគណបក្សប្រជាជនកម្ពុជា លេខរៀងទី១៨។ជាចុងក្រោយឯកឧត្តម ម៉ម ប៊ុនហេង ក៏បានរំឮកនូវគុណបំណាច់របស់គណបក្សប្រជាជនកម្ពុជា ក្នុងការជួយសង្រ្គោះប្រជាជនចេញពីរបបកាប់សម្លាប់ ​ដែលដឹកនាំដោយបនប្រល័យពូជសាសន៍ ប៉ុល ពត។ ជាពិសេសនយោបាយឈ្នះឈ្នះ ​ដែលធ្វើឲ្យប្រទេសមានលទ្ធិប្រជាធិបតេយ្យ សេរីពហុបក្ស ការបង្រួបបង្រួមជាតិ ផ្សះផ្សាជាតិ រហូតទទួលបានសុខសន្តិភាព​ ពេញលេញ ដោយក្រោមការដឹកនាំប្រកបដោយគតិបណ្ឌិតរបស់សម្តេចតេជោ នាយករដ្ឋមន្រ្តី ដែលបានធ្វើការអភិវឌ្ឍប្រទេសឲ្យមានការរីកចម្រើនដល់សព្វថ្ងៃ៕ អត្ថបទ រដ្ឋា

បេក្ខជននាយករដ្ឋមន្រ្តីនាពេលអនាគត អំពាវនាវដល់ពលរដ្ឋឱ្យទៅបោះឆ្នោតឱ្យបានគ្រប់ៗគ្នា

2023/07/06 11:44:15 am        153
Facebook Telegram Linkin
ភ្នំពេញ៖ បេក្ខជននាយករដ្ឋមន្រ្តីនាពេលអនាគតឯកឧត្តម ហ៊ុន ម៉ាណែត បានធ្វើការអំពាវនាវដល់ ប្រជាពលរដ្ឋទាំងអស់ ឱ្យទៅចូលរួមបោះឆ្នោតឲ្យបានគ្រប់ៗគ្នា ដោយកុំស្តាប់តាមការឃោសនា​អកុសលណាមួយរបស់ជនអគតិមួយក្តាប់តូច ដែលចង់បំផ្លាញសន្លឹកឆ្នោត ឬបំផ្លាញការបោះឆ្នោតឱ្យសោះ ។តាមរយៈវីដេអូឃ្លីបមួយដែលបានបង្ហោះនៅលើបណ្តាញ Telegram និង Facebook នៅព្រឹកថ្ងៃទី៦ ខែកក្កដា ​នេះ ឯកឧត្តម ហ៊ុន ម៉ាណែត បានអំពាវនាវដល់ប្រជាពលរដ្ឋខ្មែរទាំងអស់គ្នា សូមបន្តផ្តល់ ការទុកចិត្តទៅលើសម្តេចតេជោ ហ៊ុន សែន អញ្ជើញទៅបោះឆ្នោតឱ្យបានគ្រប់ៗគ្នា បោះឆ្នោតជូនគណបក្សប្រជាជនកម្ពុជា ដែលមានលេខរៀងទី១៨ និងរូបទេវតាបាចផ្កា ។ឯកឧត្តម ហ៊ុន ម៉ាណែត បានលើកឡើងទៀតថា ប្រជាពលរដ្ឋខ្មែរ នៅទូទាំងប្រទេស បានផ្តល់ការ ជឿទុកចិត្តទៅលើសម្តេចតេជោ ហ៊ុន សែន និងបានអញ្ជើញទៅចាក់វ៉ាក់សាំងប្រឆាំងកូវីដ-១៩ តាមការអំពាវនាវរបស់សម្តេចតេជោ ក្នុងពេលដែលជំងឺនេះកំពុងឆ្លងរាលដាលខ្លាំង ទើបអាចគ្រប់គ្រងជំងឺកូវីដ-១៩ បានដោយប្រសិទ្ធភាព និងឆាប់រហ័ស។ ហេតុដូច្នេះ ប្រជាពលរដ្ឋខ្មែរទាំងអស់គ្នា ត្រូវបន្តផ្តល់ការទុកចិត្ត ទៅលើសម្តេចតេជោថែមទៀត ដោយទៅបោះឆ្នោតឱ្យបានគ្រប់ៗគ្នា ស្របតាមការអំពាវនាវរបស់សម្តេចតេជោ ដូចអ្វីដែលសម្តេច អំពាវនាវឲ្យទៅចាក់វ៉ាក់សាំងយ៉ាងដូច្នោះដែរ ​និងបោះឆ្នោតជូនគណបក្សប្រជាជនកម្ពុជា ហើយជាមួយគ្នានោះ កុំជឿតាមការញុះញង់ទាំងឡាយណា ដែលមានបំណងបំផ្លាញការបោះ ឆ្នោតនៅកម្ពុជា ៕អត្ថបទ៖ បាន ចក់ 

យានចម្លង( អារីយ៉ាន) Ariane 5 បាញ់បង្ហោះយានបេសកកម្មចុងក្រោយ ខណៈដែលអឺរ៉ុបប្រឈមនឹងគម្លាតអវកាស

2023/07/06 11:26:40 am        152
Facebook Telegram Linkin
អឺរ៉ុប៖ យានចម្លង Ariane 5 របស់អឺរ៉ុប កាលបីថ្ងៃពុធ (ទី៥ ខែកក្កដា) បានហោះចេញពីដីជាលើកចុងក្រោយ នៅស្ថានីយអវកាស Guiana(ហ្គីយ៉ាណា) របស់បារាំង ដោយនាំយកផ្កាយរណបទំនាក់ទំនងយោធាចំនួន២ និងធ្វើឲ្យប្រទេសនៅតំបន់អឺរ៉ុបចូលទៅដល់គន្លងអវកាសស្វ័យភាពជាលើកដំបូង ក្នុងរយៈពេលជាង ៤ទសវត្សរ៍។បើយោងតាមការតាមគេហទំព័រផ្សាយផ្ទាល់ បានឲ្យដឹងថា ការបាញ់បង្ហោះយានចម្លងកម្ពស់ ៥៣ម៉ែត្រ ដែលមាន ៣ដំណាក់កាល បានចាកចេញពីជើងទម្របាញ់បង្ហោះ នៅឯស្ថានីយអវកាសកំពង់ផែ Kourou របស់ប្រទេសបារាំង ក្នុងបេសកកម្មលើកទី១១៧ និងចុងក្រោយ នៅវេលាម៉ោង ៧យប់ ម៉ោងក្នុងស្រុក (ត្រូវនឹងម៉ោង ២៣:០០ ម៉ោងសកល) ដោយបានដាក់ផ្កាយរណបចំនួនពីរ នៅទីអវកាស តាមការគ្រោងទុកប្រហែល ៣០នាទីក្រោយ។បេសកកម្មបញ្ជូនផ្កាយរណប Syracuse 4B របស់បារាំង និង Heinrich Hertz (H2Sat) របស់អាល្លឺម៉ង់ ទៅកាន់គន្លងលំហអាកាស បន្ថយរយៈពេល ២៧ឆ្នាំនៃសេវាកម្ម សម្រាប់យានចម្លង Ariane 5 ដែលយានបន្តវេន គឺ Ariane 6 ត្រូវបានរងការវាយប្រហារដោយការពន្យារពេលខាងបច្ចេកទេស រហូតដល់ឆ្នាំ២០២៤ សម្រាប់ការប្រើប្រាស់ប្រតិបត្តិការ។រហូតមកដល់ពេលថ្មីៗនេះ ទ្វីបអឺរ៉ុបត្រូវពឹងលើយានចម្លង Ariane 5 និងសមត្ថភាពផ្ទុកបន្ថែម ១១តោនរបស់យាននេះ សម្រាប់បេសកកម្មដឹកទម្ងន់ធ្ងន់ ក៏ដូចជាយាន Soyuz របស់រុស្ស៊ីសម្រាប់ការផ្ទុកទម្ងន់មធ្យម និងយាន Vega របស់អ៊ីតាលី សម្រាប់បន្ទុកខ្នាតតូច៕

បណ្តាទីក្រុងនៅភាគខាងជើងប្រទេសចិន ប្រឈមនឹងរលកកម្តៅដ៏ខ្លាំងក្លាបំផុត

2023/07/06 11:19:41 am        147
Facebook Telegram Linkin
ចិន៖ នៅថ្ងៃព្រហស្បតិ៍នេះ ក្រុមព្យាករណ៍ឧតុនិយមចិន បានចេញសេចក្តីណែនាំពីរលកកម្តៅនៅទូទាំងតំបន់ភាគខាងជើងប្រទេស ពេលដែលសីតុណ្ហភាពត្រូវបានគេរំពឹងថានឹងកើនឡើងដល់ ៤០អង្សាសេនៅតាមតំបន់មួយចំនួន ។  រលកកម្តៅដ៏អាក្រក់បំផុត បានវាយប្រហារប្រទេសចិនអស់រយៈពេលជាច្រើនសប្តាហ៍មកហើយ ជាហេតុជំរុញឲ្យរដ្ឋាភិបាលក្នុងស្រុក ស្នើសុំឲ្យប្រជាពលរដ្ឋ និងក្រុមធុរកិច្ចទប់ស្កាត់ការប្រើប្រាស់ចរន្តអគ្គិសនី ។   ក្រុមអ្នកជំនាញអាកាសធាតុ បានព្យាករណ៍ថា សីតុណ្ហភាពខ្ពស់បំផុត អាចនឹងមានរយៈពេលយូរជាងរលកកម្តៅដ៏ហួតហែងកាលពីឆ្នាំមុន ដែលមានរយៈពេលជាង ២ខែ ។  មន្ទីរឧតុនិយមចិន បានចេញសេចក្តីប្រកាសអាសន្នកម្រិតពណ៌លឿងទំ សម្រាប់សីតុណ្ហភាពខ្ពស់នៅតាមតំបន់ភាគខាងជើងប្រទេសចិន ដែលរួមទាំងតំបន់មួយចំនួននៅក្នុងទីក្រុងប៉េកាំង ក្នុងនោះខេត្ត Hebei (ហ៊ើប៉ី) និងខេត្ត Henan (ហ៊ើណាន) ត្រូវបានគេរំពឹងថា សីតុណ្ហភាពនឹងកើនឡើងដល់ ៤០អង្សាសេ ឬខ្ពស់ជាងនេះ ។  នៅវេលាម៉ោង ៧ព្រឹក ម៉ោងក្នុងស្រុក ថ្ងៃព្រហស្បតិ៍នេះ ត្រូវនឹងម៉ោង ២៣ ម៉ោងសកល ទីក្រុងប៉េកាំង បានចេញសេចក្តីព្រមានកម្រិតពណ៌ក្រហមរួចទៅហើយ ដែលជាកម្រិតអាសន្នខ្ពស់បំផុតក្នុងចំណោមប្រព័ន្ធប្រកាសអាសន្ន ៣កម្រិត ពាក់ព័ន្ធនឹងរលកកម្តៅទាំងនេះ ។  យោងតាមសេចក្តីរាយការណ៍ពីសារព័ត៌មាន Beijing Daily ដែលគាំទ្រដោយរដ្ឋចិន បានឲ្យដឹងថា គេរំពឹងថា សីតុណ្ហភាពអតិបរមានៅតាមតំបន់ភាគច្រើននៅក្នុងរដ្ឋធានីប៉េកាំង នឹងខ្ពស់ជាង ៤០អង្សាសេ ៕

ទិដ្ឋភាពគួរឲ្យសង្វេគពីទីកំណើតនៃឯករាជ្យរបស់អាមេរិក ខណៈសំបូរដោយអ្នកប្រើប្រាស់គ្រឿងញឿន និងមនុស្សគ្មានផ្ទះសម្បែងក្នុងទីក្រុង Philadelphia

2023/07/06 11:15:08 am        131
Facebook Telegram Linkin
អាមេរិក៖ រូបភពរំខានអារម្មណ៍ជាច្រើនបានបង្ហាញពីវិបត្តិគ្រឿងញៀនរបស់ទីក្រុង Philadelphia នៃរដ្ឋ Pennsylvania របស់សហរដ្ឋអាមេរិក ដោយមានមនុស្សអនាថាគ្មានផ្ទះសម្បែងជាច្រើន កំពុងរស់នៅតាមដងផ្លូវនានានៃទីកំណើតឯករាជ្យជាតិរបស់សហរដ្ឋអាមេរិក នៅថ្ងៃទី៤កក្កដាចុងសប្ដាហ៍មុន។  សង្កាត់ឃេនស៊ីងតុន (Kensington) ជាកន្លែងអាណាធិបតេយ្យសម្រាប់ប្រភពនៃគ្រឿងញៀនរបស់ទីក្រុងនេះ ត្រូវគេមើលឃើញគំនរសំរាមរាយប៉ាយនិងអ្នកញៀនថ្នាំដែលចាក់បញ្ចូលថ្នាំញៀនទាំងកណ្តាលថ្ងៃ។ គ្រោះមហន្តរាយនេះ ត្រូវបានបង្កឡើងដោយសារតែការកើនឡើងនៃគ្រឿងញៀន ស៊ីឡាហ្ស៊ីន (Xylazine) ដែលគេស្គាល់ថាជា'tranq' ដ៍សាហាវដែលត្រូវបានប្រើដើម្បីបង្កើនឥទ្ធិពលនៃកម្រិតហេរ៉ូអ៊ីន ហ្វេនតានីល (fentanyl) និងកូកាអ៊ីន។ទីក្រុង Philadelphia បានក្លាយជាទីកន្លែងពោរពេញដោយឧក្រិដ្ឋកម្មប្រើប្រាស់គ្រឿងញៀនក្រោមការគ្រប់គ្រងរបស់មេធាវីប្រចាំតំបន់មកពីគណបក្សប្រជាធិបតេយ្យលោក Larry Krasner ដែលបានពណ៌នាដោយខ្លួនឯងថា រដ្ឋអាជ្ញាជឿនលឿន' ។ការបរាជ័យរបស់លោកក្នុងការបង្ក្រាបបាននាំឲ្យមានការចោទប្រកាន់លើរូបលោកនៅឆ្នាំកាលពីឆ្នាំ២០២២ កន្លងទៅ ពីបទ បរាជ័យក្នុងការបំពេញកាតព្វកិច្ច ប៉ុន្តែលោកនៅតែកាន់តំណែងនេះ បន្ទាប់ពីការកាត់ក្តីលើរូបលោក ត្រូវបានពន្យារពេលដោយគ្មានពេលកំណត់៕

បណ្ដាញសង្គម

ព័ត៌មានថ្មីៗ

អ្នកនាំពាក្យក្រសួងការពារជាតិកម្ពុជាច្រានចោលទាំងស្រុងការចោទប្រកាន់ដោយគ្មានមូលដ្ឋានរបស់ភាគីថៃមកលើកម្ពុជា ពាក់ព័ន្ធនឹងការរងរបួសរបស់ទាហានថៃដោយសារការផ្ទុះគ្រាប់មីន
07/23/2025 10:07 PM
Facebook Telegram Linkin
ឯកឧត្តមសាស្រ្តាចារ្យ ឈាង រ៉ា អញ្ជើញប្រកាសដាក់ឱ្យប្រើប្រាស់នីតិវិធីប្រតិបត្តិស្តង់ដាជាតិ សម្រាប់ប្រព័ន្ធកត់ត្រាជំងឺមហារីក បែបប្រជាសាស្ត្រ
07/23/2025 08:07 PM
Facebook Telegram Linkin
ជំនួយស្បៀងអាហារដល់ពលរដ្ឋនីហ្សេរីយ៉ា ១,៣លាននាក់ ស្ថិតក្នុងហានិភ័យ ដោយសារអស់ស្តុក
07/23/2025 08:07 PM
Facebook Telegram Linkin
ឯកឧត្តម ហេង រតនា៖គ្រាប់មីនដែលទាហានថៃជាន់បណ្តាលឲ្យដាច់ជើងនៅតំបន់មុំបីជាមីនចាស់បើមីនថ្មីមិនត្រឹមតែដាច់ជើងទេគឺអាចដល់ស្លាប់
07/23/2025 08:07 PM
Facebook Telegram Linkin
ម្លប់ ទឹក និងភេសជ្ជៈ ជួយតំបន់បាល់កង់ទប់ទល់នឹងរលកកម្តៅធ្ងន់ធ្ងរនារដូវក្តៅ
07/23/2025 08:07 PM
Facebook Telegram Linkin
គណៈប្រតិភូអ៊ុយក្រែនជួបប្រធានាធិបតីទួរគីលោក Erdogan មុនកិច្ចប្រជុំជាមួយរុស្ស៊ី
07/23/2025 08:07 PM
Facebook Telegram Linkin
អ៊ីតាលី និងអាល់ហ្សេរី ព្រមព្រៀងធ្វើការ ដើម្បីដោះស្រាយបញ្ហាអំពើភេរវកម្ម និងជនអន្តោប្រវេសន៍
07/23/2025 08:07 PM
Facebook Telegram Linkin
EU នឹងដាក់វិធានការតបតលើទំនិញអាមេរិក ដើម្បីបញ្ចៀសការដំឡើងពន្ធ
07/23/2025 08:07 PM
Facebook Telegram Linkin
ទិវាវាយតម្លៃទទួលស្គាល់ គាំទ្រដល់ SME ប្រើប្រាស់សេវាកម្មវាយតម្លៃទទួលស្គាល់ក្នុងដំណើរការអាជីវកម្ម
07/23/2025 08:07 PM
Facebook Telegram Linkin
បាតុករលីបង់ នៅទីក្រុងបេរូតនាំគ្នាតវ៉ាប្រឆាំងវិបត្តិស្រេកឃ្លាននៅតំបន់ហ្កាហ្សា
07/23/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.