នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖ រាជរដ្ឋាភិបាល និងមហាគ្រួសារខ្មែរ​នៅ​ជាមួយ​កងទ័ព​ជួរ​មុខ​គាំទ្រ​គ្រប់​មធ្យោបាយ​ទាំង​អស់
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ​ និង ការអភិវឌ្ឍន៍

វិភាគ៖ កម្មវិធី Threads អាចដណ្តើមតំណែងពី Twitterក្នុងមួយប៉ប្រិចភ្នែកបើសិនអាចទាក់ទាញអ្នកប្រើប្រាស់គ្រប់គ្រាន់ពី Instagram

2023/07/05 02:20:51 pm        104
Facebook Telegram Linkin
អ្នកអត្ថាធិប្បាយនៅលើបណ្តាញព័ត៌មានសង្គមម្នាក់ បាននិយាយកាលពីថ្ងៃអង្គារថា កម្មវិធីថ្មី Threads របស់ក្រុមហ៊ុន Meta នឹងអាចដណ្តើមតំណែងភ្លាមៗពីកម្មវិធី Twitterបើសិនជាវាអាចទាក់ទាញអ្នកប្រើប្រាស់គ្រប់គ្រាន់ពី Instagram ។   លោក Drew Benvie គឺជាអ្នកអត្ថាធិប្បាយព័ត៌មានសង្គម បាននិយាយអំឡុងបទសម្ភាសន៍ពីទីក្រុងឡុងដ្រ៍ ចក្រភពអង់គ្លេសថា Instagramមានអ្នកប្រើប្រាស់ ២ពាន់លាននាក់ ធៀបនឹង Twitterមានត្រឹមតែប្រហែល ២៥០លាននាក់ប៉ុណ្ណោះ ដូច្នេះហើយវាធំជាងប្រហែលជិត១០ដងរួចទៅហើយ ។ បើសិនជាមនុស្សម្នាក់ ក្នុងចំណោមអ្នកប្រើប្រាស់ Instagram ១០នាក់ ព្យាយាមមកប្រើប្រាស់កម្មវិធី Threads ច្បាស់ណាស់ថាវានឹងដណ្តើមតំណែងពី Twitter ក្នុងរយៈពេលមួយប៉ប្រិចភ្នែកប៉ុណ្ណោះ ។   ក្រុមហ៊ុន Metaមានគម្រោងដាក់ឲ្យប្រើប្រាស់កម្មវិធីមីក្រូប្លុកប្រកួតប្រជែងជាមួយ Twitter មួយនេះ ក្រោយប្រធានក្រុមហ៊ុន Twitter លោក Elon Musk ធ្វើឲ្យមានការរិះគន់ច្រើនតាមរយៈប្រកាសកម្រិតបណ្តោះអាសន្នលើចំនួនបង្ហោះដែលអ្នកប្រើប្រាស់អាចមើលបាននៅលើបណ្តាញព័ត៌មានសង្គមមួយនេះ ។  ការចុះបញ្ជីនៅលើកម្មវិធី App Store របស់ក្រុមហ៊ុន Apple បង្ហាញថា ពួកគេរំពឹងថា កម្មវិធី Threads នឹងត្រូវបញ្ចេញនៅថ្ងៃព្រហស្បតិ៍ស្អែកនេះ ហើយវានឹងអនុញ្ញាតឲ្យអ្នកប្រើប្រាស់រក្សាអ្នកតាមដានពីកម្មវិធីចែករំលែករូបថត Instagram និងរក្សាគោត្តនាមឲ្យនៅដដែល ៕

ទាហានកូរ៉េខាងត្បូង និងសហរដ្ឋអាមេរិក នឹងធ្វើសមយុទ្ធរួមគ្នានៅវាលខ្សាច់កាលីហ្វ័រញ៉ាខែក្រោយ

2023/07/05 02:17:23 pm        113
Facebook Telegram Linkin
អាមេរិក៖ក្រុមមន្ត្រី បាននិយាយនៅថ្ងៃពុធនេះថា កងទ័ពកូរ៉េខាងត្បូង និងកងទ័ពសហរដ្ឋអាមេរិក នឹងធ្វើសមយុទ្ធរួមគ្នារយៈពេល៤សប្តាហ៍ នៅវាលខ្សាច់ក្នុងរដ្ឋកាលីហ្វ័រនីញ៉ា នៅខែក្រោយនេះ ខណៈដែលសម្ព័ន្ធមិត្ត ស្វែងរកការពង្រឹងសមត្ថភាពប្រតិបត្តិការរួមរបស់ពួកគេ។បុគ្គលិកប្រហែល១៥០នាក់ រួមទាំងអ្នកដែលមកពីអង្គភាពវាយប្រហារតាមអាកាសរបស់កងម៉ារីនទី៧ និងកងពលថ្មើរជើងប្រដាប់ដោយរថពាសដែកធុនធ្ងន់ នឹងចូលរួមសមយុទ្ធដែលគ្រោងនឹងធ្វើឡើង នៅមជ្ឈមណ្ឌលហ្វឹកហ្វឺនជាតិសហរដ្ឋអាមេរិក (NTC) នៅវាលខ្សាច់ Mojave ក្នុងរដ្ឋកាលីហ្វ័រញ៉ា ចាប់ពីថ្ងៃទី២ ខែសីហា ដល់ថ្ងៃទី៣១ សីហា។ នេះបើតាមកងទ័ពកូរ៉េរបស់កូរ៉េខាងត្បូង។សមយុទ្ធនេះ នឹងចាប់ផ្តើមជាមួយនឹងការឈ្លបយកការណ៍ភូមិសាស្រ្ត និងការពិភាក្សាជាយុទ្ធសាស្ត្រ មុនពេលធ្វើប្រតិបត្តិការវាយប្រហារ និងការពាររយៈពេល ១០ថ្ងៃ។ វាក៏នឹងរួមបញ្ចូលការហ្វឹកហ្វឺនលើការបាញ់ប្រយុទ្ធនៅទីវាលផងដែរ។យោទ្ធសេវា បានដាក់ពង្រាយទាហានប្រតិបត្តិការពិសេសប្រហែលពី៩០ ទៅ ១៥០នាក់ សម្រាប់សមយុទ្ធរួមធម្មតានៅ NTC ចាប់តាំងពីឆ្នាំ២០១៤។ វាជាលើកដំបូងសម្រាប់ខ្លួនក្នុងការបញ្ជូនអង្គភាពថ្មើរជើងមេកានិចកម្រិតក្រុមហ៊ុន ទៅចូលរួមសមយុទ្ធនេះ។

កងទ័ពកូឡុំប៊ី ប្រទះឃើញជនអន្តោប្រវេសន៍ចិន៣០នាក់នៅក្នុងសមុទ្រជិតព្រំដែនប្រទេសប៉ាណាម៉ា

2023/07/05 01:58:29 pm        116
Facebook Telegram Linkin
កូឡុំប៊ី៖  ជនអន្តោប្រវេសន៍ចិន ៣០នាក់ ត្រូវបានប្រទះឃើញនៅក្នុងសមុទ្រជិតព្រំដែនប្រទេសប៉ាណាម៉ាកាលពីថ្ងៃអង្គារ ដោយកងទ័ពកូឡុំប៊ី ដែលឈរជើងនៅតំបន់ភូមិភាគខាងជើងប្រទេស ។  លោកអនុសេនីយ៍ឯក Fabian Porras Duranមកពីស្ថានីយ៍ឆ្មាំល្បាតឆ្នេរឈូងសមុទ្រ Uraba ស្ថិតក្នុងសមុទ្រការ៉ាអ៊ីប បានជូនដំណឹងថា ជនអន្តោប្រវេសន៍អាស៊ី ត្រូវបានប្រទះឃើញនៅលើទូកមួយគ្រឿងដោយអង្គភាពឆ្លើយតបរហ័សរបស់កងទ័ពកូឡុំប៊ី ដោយពួកគេបានឃាត់ខ្លួនជនជាតិកូឡុំប៊ី ៣រូប ដែលព្យាយាមដឹកជនអន្តោប្រវេសន៍ខុសច្បាប់ឆ្លងកាត់តំបន់ Cabo Tiburon ។  នៅលើដីគោក ជនអន្តោប្រវេសន៍ទាំងនេះ រួមទាំងស្រ្តី ៤នាក់ផងដែរ ទទួលបានការត្រួតពិនិត្យសុខភាព ៕

ប្រជាពលរដ្ឋគុយបាជួបកង្វះខាតទឹក ស្របពេលដែលវិបត្តិមួយនេះហក់ឡើងខ្ពស់

2023/07/05 01:13:37 pm        128
Facebook Telegram Linkin
គុយបា៖ រថយន្តសឺទែនទឹកនៅក្នុងទីក្រុងហាឡាវ៉ាន់ ដែលធ្លាប់តែមានទឹកពេញ បច្ចុប្បន្នកម្រឃើញខ្លាំងណាស់សម្រាប់ប្រជាពលរដ្ឋរាប់ម៉ឺននាក់រស់នៅក្នុងរដ្ឋធានីប្រទេសគុយបាមួយនេះ ។  យោងតាមសេចក្តីរាយការណ៍ពីសារព័ត៌មានរដ្ឋ បានឲ្យដឹងថា ប្រជាពលរដ្ឋចន្លោះពី ១០ម៉ឺននាក់ទៅ ២០ម៉ឺននាក់ នៅក្នុងទីក្រុងហាឡាវ៉ាន់ ឬស្មើនឹង ១០ភាគរយនៃពលរដ្ឋសរុប គ្មានទឹកប្រើប្រាស់នោះទេ ហើយប្រជាពលរដ្ឋ មាន ការងឿងឆ្ងល់ណាស់ថាតើហេតុអ្វីបានជាគ្មានទឹកប្រើប្រាស់បែបនេះ ។   ប្រជាពលរដ្ឋម្នាក់ រស់នៅក្នុងទីក្រុងហាឡាវ៉ាន់ និយាយថា ពួកយើងប្រើប្រាស់ប្រព័ន្ធបូមទឹកតែមួយអស់រយៈពេលរាប់ឆ្នាំមកហើយ ។ ខ្ញុំពុំសូវដឹងច្បាស់ពីរឿងមួយនេះនោះទេ ប៉ុន្តែអ្នកដល់ចំណុចមួយដែលអ្នកមិនព្រមជួសជុល ឬផ្លាស់ប្តូរអ្វីៗទាំងអស់ តាំងពីមនុស្សចាស់មានសុខភាពល្អ រហូតដល់ពួកគេធ្លាក់ខ្លួនឈឺ ។  ក្រុមមន្រ្តីក្នុងស្រុកនិយាយថា ហេដ្ឋារចនាសម្ព័ន្ធវ័យចំណាស់ គឺជាកត្តាចម្បងមួយ ។ ពួកគេបន្តថា គ្រោះរាំងស្ងួតបណ្តាលមកពីបម្រែបម្រួលអាកាសធាតុ រឹតតែធ្វើឲ្យវិបត្តិទឹកកាន់ធ្ងន់ធ្ងរថែមមួយកម្រិតទៀត ។  កត្តាទាំងអស់នេះហើយ ធ្វើឲ្យជីវិតរស់នៅប្រចាំថ្ងៃកាន់តែលំបាកជាងមុនសម្រាប់ប្រជាពលរដ្ឋរស់នៅក្នុងទីក្រុងចាស់ហាឡាវ៉ាន់ ដូចជាលោកយាយ Annia Batista ជាដើម ។  លោកយាយ Annia និយាយថា ពួកយើងគ្មានទឹកប្រើប្រាស់អស់រយៈពេលជាច្រើនថ្ងៃមកហើយ ។ បញ្ហាទឹកអាក្រក់ណាស់ ពិតជាអាក្រក់មែនទែន ។  វិបត្តិកង្វះខាតទឹកនេះដែរ បានកើតមានឡើងស្របពេលដែលប្រទេសគុយបាគ្រប់គ្រងដោយរបបកុម្មុយនិស្ត ឆ្លងកាត់វិបត្តិសេដ្ឋកិច្ចដ៏អាក្រក់បំផុតក្នុងរយៈពេលជាច្រើនទសវត្សរ៍កន្លងមកនេះ ។  ទណ្ឌកម្មធ្ងន់ធ្ងរពីសហរដ្ឋអាមេរិក វិស័យទេសចរណ៍ធ្លាក់ចុះ អតិផរណាហក់ឡើងខ្ពស់ និងកង្វះខាតការផ្គត់ផ្គង់ស្បៀងអាហារ ឱសថ និងប្រេង កំពុងញាំញីប្រទេសកោះមួយនេះ ៕

លោក Medvedev ៖ ទាហានជាប់កិច្ចសន្យាថ្មីចំនួន ១៨៥.០០០ បានចូលរួមជាមួយកងកម្លាំងប្រដាប់អាវុធក្នុងឆ្នាំនេះ

2023/07/05 01:08:40 pm        87
Facebook Telegram Linkin
អ៊ុយក្រែន៖ អតីតប្រធានាធិបតីរុស្ស៊ី លោក Dmitry Medvedev និយាយកាលពីថ្ងៃអង្គារថា ទាហានជ្រើសរើសថ្មីចំនួន ១៨៥.០០០នាក់ បានចូលរួមជាមួយកងទ័ពរុស្ស៊ី ក្នុងនាមជាទាហានជាប់កិច្ចសន្យាអាជីព ចាប់តាំងពីដើមឆ្នាំនេះ រហូតមក ។  នៅក្នុងវីដេអូដែលបានបង្ហោះនៅលើបណ្តាញព័ត៌មានសង្គម Telegram លោក Medvedevដែលកាលពីដើម ឆ្នាំនេះ ទទួលបានការតែងតាំងនូវតួនាទីត្រួតត្រាផលិតកម្មយោធាក្នុងស្រុករុស្ស៊ី និយាយថា ទាហានជ្រើសរើសថ្មីចំនួន ១ម៉ឺននាក់ បានចូលរួមជាមួយកងកម្លាំងរុស្ស៊ី កាលពីសប្តាហ៍មុន ក្រោយការបះបោររបស់ទាហានស៊ីឈ្នួល Wagne ត្រូវបានបំបែក ហើយក្រុមអ្នកប្រយុទ្ធរបស់ពួកគេ ត្រូវបានផ្តល់ជម្រើសឲ្យចុះហត្ថលេខាក្លាយជាទាហានពេញសិទ្ធិ ។   លោក Medvedev និយាយថា លោកកត់សំគាល់ឃើញជាពិសេសថា ការប៉ុនប៉ងបះបោរប្រដាប់អាវុធ ពុំបាន ផ្លាស់ប្តូរឥរិយាបទរបស់ជនស៊ីវិលចំពោះសេវាកម្មកិច្ចសន្យានៅក្នុងតំបន់ប្រតិបត្តិការសឹកពិសេសនោះទេ ។ទាហានជាប់ កិច្ចសន្យា និងក្រុមស្ម័គ្រចិត្តរបស់ពួកយើង បញ្ជាក់ពីកម្រិតខ្ពស់នៃការគាំទ្រប្រធានាធិបតី ការគាំទ្រចំពោះរដ្ឋ និងការ ត្រៀមខ្លួនដើម្បីការពារមាតុភូមិរបស់ពួកគេ ។ នៅក្នុងសប្តាហ៍មុនតែមួយគត់ មានមនុស្សជិត ១ម៉ឺននាក់ បានចុះហត្ថលេខាជាមួយកងកម្លាំងប្រដាប់អាវុធរបស់ពួកយើង ៕

ម្សៅសដែលគេរកឃើញនៅសេតវិមានកំណត់ថា ជាកូកាអ៊ីន

2023/07/05 12:45:06 pm        139
Facebook Telegram Linkin
អាមេរិក៖ សាចរព័ត៌មាន Washington Post បានរាយការណ៍ថា ម្សៅពណ៌ស ដែលត្រូវបានរកឃើញ នៅខាងក្នុងសេតវិមាន កាលពីល្ងាចថ្ងៃអាទិត្យ (ទី២ ខែកក្កដា) ដែលនាំទៅដល់ការបិទជាបណ្តោះអាសន្ននៃផ្នែកមួយនៃអគារប្រធានាធិបតីនោះ ត្រូវបាននាយកដ្ឋានពន្លត់អគ្គិភ័យក្រុងវ៉ាស៊ីនតោន កំណត់ថាជាកូកាអ៊ីន។សេវាសម្ងាត់ បានបញ្ជាក់ប្រាប់ទីភ្នាក់ងារសារព័ត៌មាន Reuters ថា «វត្ថុដែលមិនស្គាល់នេះ» ត្រូវបានប្រទះឃើញ ដែលនាំឲ្យផ្នែកខ្លះនៃសេតវិមានត្រូវបានបិទ ប៉ុន្តែបានបញ្ជូនសំណួរផ្សេងទៀតទៅកាន់នាយកដ្ឋានពន្លត់អគ្គិភ័យ ដែលបដិសេធមិនធ្វើអត្ថាធិប្បាយ។អ្នកនាំពាក្យសេវាកម្មសម្ងាត់បាននិយាយក្នុងសេចក្តីថ្លែងការណ៍តាមអ៊ីមែលថា៖ «នៅល្ងាចថ្ងៃអាទិត្យអគារសេតវិមាន បានឈានទៅដល់ការបិទដោយប្រុងប្រយ័ត្ន ខណៈមន្រ្តីមកពីផ្នែកឯកសណ្ឋាននៃសេវាកម្មសម្ងាត់ បានស៊ើបអង្កេតចំពោះវត្ថុមិនស្គាល់ប្រភព ដែលបានរកឃើញនៅក្នុងតំបន់កន្លែងធ្វើការ»។អ្នកនាំពាក្យរូបនេះ បានបន្ថែមថា វត្ថុនេះត្រូវបានរកឃើញនៅការិយាល័យ West Wing។ នេះគឺជាតំបន់ជាប់នឹងវិមានប្រតិបត្តិ ដែលប្រធានាធិបតីស្នាក់នៅ និងរួមមានការិយាល័យរាងពងក្រពើ បន្ទប់គណៈរដ្ឋមន្ត្រី និងកន្លែងសារព័ត៌មាន រួមជាមួយការិយាល័យ និងកន្លែងធ្វើការសម្រាប់ទីប្រឹក្សាប្រធានាធិបតី៕

នាយករដ្ឋមន្ត្រីអូស្ត្រាលី៖ ការផ្ដល់ប្រាក់រង្វាន់របស់ហុងកុង ក្នុងការតាមចាប់សកម្មជនក្រៅប្រទេស មិនអាចទទួលយកបានទេ

2023/07/05 12:42:45 pm        106
Facebook Telegram Linkin
អូស្ត្រាលី៖ នាយករដ្ឋមន្ត្រីអូស្ត្រាលី លោក Anthony Albanese បាននិយាយ នៅថ្ងៃពុធ (ទី៥ ខែកក្កដា) នេះ ថា «មិនអាចទទួលយកបានទេ» ដែលទីក្រុងហុងកុង បានប្រកាសផ្តល់ប្រាក់រង្វាន់ ក្នុងការចាប់ខ្លួនពលរដ្ឋអូស្ត្រាលី ២នាក់ ដែលស្ថិតក្នុងចំណោមសកម្មជនប្រជាធិបតេយ្យ នៅក្រៅប្រទេសចំនួន៨នាក់ ដែលត្រូវបានតាមរកក្រោមច្បាប់សន្តិសុខជាតិ។ប្រធានប្រតិបត្តិក្រុងហុងកុង លោក John Lee បាននិយាយកាលពីថ្ងៃអង្គារ (ទី៤ ខែកក្កដា) ថា សកម្មជនហុងកុង ៨នាក់ មានមូលដ្ឋាននៅក្រៅប្រទេស ដែលត្រូវបានចេញដីកាចាប់ខ្លួនលើការចោទប្រកាន់ពីបទឧក្រិដ្ឋកម្មសន្តិសុខជាតិ នឹងត្រូវ«តាមរកអស់មួយជីវិត»។នគរបាលហុងកុងបានផ្តល់រង្វាន់ចំនួន ១លានដុល្លារហុងកុង (១២៧,៦៥៦ដុល្លារ) សម្រាប់ការផ្តល់ព័ត៌មានដែលនាំទៅដល់ការចាប់ខ្លួនមនុស្ស៨នាក់ ក្នុងនោះរួមទាំងមេធាវី នៅក្រុងមែលប៊ន (Melbourne) និងពលរដ្ឋអូស្ត្រាលីលោក Kevin Yam ព្រមទាំងអតីតសមាជិកសភាហុងកុង លោក Ted Hui ដែលបានរស់នៅក្នុងប្រទេសអូស្ត្រាលីតាំងពីឆ្នាំ២០២១។លោក Albanese បាននិយាយពីសេចក្តីប្រកាសរបស់ទីក្រុងហុងកុង ក្នុងបទសម្ភាសជាមួយទូរទស្សន៍ Nine ថា៖ «នេះជារឿងមិនអាចទទួលយកបានទេ។ យើងនឹងបន្តសហការជាមួយប្រទេសចិននូវចំណុចណាដែលយើងអាចធ្វើបាន ប៉ុន្តែយើងនឹងមិនយល់ស្របនូវចំណុចណាដែលយើងត្រូវតែជំទាស់ ហើយយើងពិតជាមិនយល់ស្របលើបញ្ហាសិទ្ធិមនុស្សនោះឡើយ»។សកម្មជនហុងកុង ត្រូវបានចោទប្រកាន់ពីបទស្នើឲ្យមហាអំណាចបរទេសដាក់ទណ្ឌកម្មលើក្រុងហុងកុង និងប្រទេសចិន ហើយត្រូវបានគេតាមរកនៅក្រោមច្បាប់សន្តិសុខជាតិ ដែលទីក្រុងប៉េកាំង បានដាក់ឲ្យអតីតក្រុងស្ថិតក្រោមអាណានិគមអង់គ្លេសមួយនេះប្រើប្រាស់ ក្នុងឆ្នាំ២០២០៕

អំពើហិង្សា នៅរដ្ឋManipur៖ មនុស្សម្នាក់ ស្លាប់ និងរបួស១២នាក់ ក្នុងហេតុការណ៍ដាច់ដោយឡែកពីគ្នា នៅ Thoubal

2023/07/05 12:38:43 pm        98
Facebook Telegram Linkin
ឥណ្ឌា៖ ការប៉ះទង្គិចគ្នានៅទីក្រុង Thoubal រដ្ឋ Manipur ប្រទេសឥណ្ឌា បានប្រែក្លាយជាហិង្សា ដែលបណ្តាលឲ្យមនុស្សម្នាក់ស្លាប់ និងប្រមាណ១២នាក់ បានរងរបួស ដោយសារការបាញ់របស់នគរបាល នៅក្នុងហេតុការណ៍ដាច់ដោយឡែកពីគ្នា។យោងតាមប្រភពព័ត៌មាន បានឲ្យដឹងថា ក្រុមបាតុករបានគប់ដុំថ្ម និងថែមទាំងបាញ់ចំពាមកៅស៊ូ ដែលបង្ខំឲ្យបុគ្គលិកសន្តិសុខ បើកការបាញ់ប្រហារ ដើម្បីគ្រប់គ្រងស្ថានការណ៍។ អ្នកស្លាប់ត្រូវបានគេកំណត់អត្តសញ្ញាណថា ឈ្មោះ Amuzham Ronaldo។ ហេតុការណ៍ហិង្សានេះ បានបង្កើនភាពតានតឹង នៅក្នុងតំបន់ ហើយស្ថានការណ៍ប្រែប្រួលកាន់តែខ្លាំងឡើងៗ។ក្រោយការបាញ់ប្រហាររបស់នគរបាល ស្ថានការណ៍កាន់តែអាក្រក់ឡើងៗថែមទៀត រហូតឈានដល់ការដុតរថយន្តកងសន្តិសុខព្រំដែន Assam Rifles ( អាសាំ រ៉ៃហ្វល) ចំនួន៣គ្រឿង។ ការប៉ះទង្គិចនេះបានគូសបញ្ជាក់ពីការតម្រូវឲ្យមានវិធានការជាបន្ទាន់ ដើម្បីបន្ធូរបន្ថយស្ថានការណ៍ និងស្តារសន្តិភាពក្នុងតំបន់ឡើងវិញ។កាលពីព្រឹកថ្ងៃទី៤ ខែកក្កដា រដ្ឋមន្ដ្រីប្រចាំរដ្ឋបេងហ្គាល់ខាងលិច (West Bengal) លោកស្រី Mamata Banerjee បាននិយាយថា រដ្ឋាភិបាលរបស់គណបក្ស Bharatiya Janata (BJP) នៅក្នុងរដ្ឋនេះបានធ្វើឲ្យសហគមន៍មានការប្រឆាំងគ្នាទៅវិញទៅមក រហូតនាំទៅរកការមានកុបកម្មដ៏គួរឲ្យខ្លាចនេះ។លោកស្រីបានលើកឡើងថា៖ «យើងកំពុងមើលឃើញអំពើហិង្សាក្នុងរដ្ឋ Manipur ជាកន្លែងដែលមនុស្សមិនអាចចេញពីផ្ទះរបស់ខ្លួនបាន។ រដ្ឋាភិបាលរបស់គណបក្ស Bharatiya Janata បានធ្វើឲ្យសហគមន៍ ក្នុងរដ្ឋ Manipur ប្រឆាំងគ្នាទៅវិញទៅមក ដែលនាំឲ្យមានកុបកម្មទាំងនេះ»។មនុស្សជាង ៨០នាក់ត្រូវបានសម្លាប់ គិតចាប់តាំងពីការប៉ះទង្គិចគ្នា រវាងជនជាតិភាគតិច បានផ្ទុះឡើង នៅក្នុងរដ្ឋ Manipur នេះ កាលពីថ្ងៃទី៣ ខែឧសភា៕

ប៉េកាំងតតាំងជម្លោះបច្ចេកវិទ្យាអាមេរិក-ចិន តាមរយៈការទប់ស្កាត់ការនាំចេញសម្ភារៈផលិតបន្ទះអេឡិចត្រូនិក

2023/07/05 12:35:22 pm        76
Facebook Telegram Linkin
ចិន៖ យោងតាមសារព័ត៌មានរ៉យទ័រ បានឲ្យដឹងថា ប្រទេសចិន បានប្រកាសពីការគ្រប់គ្រងភ្លាមៗលើការនាំចេញវត្ថុធាតុហ្គាលីយ៉ូម និងស៊ែម៉ានីញ៉ូមមួយចំនួន ដោយចាប់ផ្តើមពីថ្ងៃទី ១ ខែសីហា ដែលនាំឱ្យមាន សង្គ្រាមពាណិជ្ជកម្មកើនឡើងជាមួយសហរដ្ឋអាមេរិក។ ដូចគ្នានេះ អាចបង្កឱ្យមានការរំខានកាន់តែខ្លាំងបន្ថែមទៀតដល់ខ្សែសង្វាក់ផ្គត់ផ្គង់សកល។ សារព័ត៌មាននេះ បានបន្ថែមថា តួអង្គសំខាន់ៗក្នុងឧស្សាហកម្មចិន ក៏មានការព្រួបារម្ភផងដែរថា ការទប់ស្កាត់ការនាំចេញសារធាតុដ៏កម្រនេះ អាចធ្វើឡើង ។ព័ត៌មាននេះបានដកស្រង់សម្តីរបស់ លោក Peter Arkell ប្រធានសមាគមរ៉ែសកលរបស់ប្រទេសចិនដោយបាននិយាយថា ប្រទេសចិនបានឈានដល់ការរឹតបន្តឹងពាណិជ្ជកម្មរបស់សហរដ្ឋអាមេរិក ជាទីដែលបានធ្វើឲ្យមានផលប៉ះពាល់។ អ្នកដែលដឹងពីបញ្ហានេះបានប្រាប់សារព័ត៌មានរ៉យទ័រថា ក្រសួងពាណិជ្ជកម្មនឹងជួបជាមួយក្រុមហ៊ុនផលិតលោហធាតុសំខាន់ៗនៅថ្ងៃព្រហស្បតិ៍ ដើម្បីពិភាក្សាអំពីការរឹតបន្តឹងការនាំចេញនេះ ។ ការសងសឹកចុងក្រោយរបស់ប្រទេសចិន គឺប្រតិកម្មទៅលើការទប់ស្កាត់របស់សហរដ្ឋអាមេរិកលើការដឹកជញ្ជូនបន្ទះអេឡិចត្រូនិក AI ទៅកាន់ទីក្រុងប៉េកាំង។ នៅលើសាច់រឿងដូចគ្នានេះដែរ គឺជាព័ត៌មានពី Wall Street បានឲ្យដឹងថា រដ្ឋបាលលោក Biden កំពុងរៀបចំដើម្បីរឹតបន្តឹងដំណើរការមិនឲ្យក្រុមហ៊ុនចិនប្រើប្រាស់សេវាកម្មផ្នែកបណ្តាញក្លោដកុំព្យូទ័ររបស់សហរដ្ឋអាមេរិក៕

Putin អះអាងជាថ្មីដល់ មេដឹកនាំពិភពលោកដែលគាំទ្ររុស្ស៊ីថា ការក្តាប់អំណាចរបស់លោកនៅតែរឹងមាំ

2023/07/05 12:28:54 pm        128
Facebook Telegram Linkin
រុស្ស៊ី៖ លោក វ្ល៉ាឌីមៀ ពូទីន បានព្យាយាមបង្ហាញរូបភាពនៃភាពរឹងមាំនៅចំពោះមុខការកិច្ចប្រជុំតាមអ៊ីនធឺណិតរបស់មេដឹកនាំជាមិត្តជាមួយទីក្រុងមូស្គូកាលពីថ្ងៃអង្គារ ចំពោះអ្វីជាការបង្ហាញខ្លួនលើកដំបូងរបស់មេដឹកនាំរុស្ស៊ីនៅលើឆាកពិភពលោក ចាប់តាំងពីលោកបានប្រឈមចំពោះការបះបោរប្រដាប់អាវុធកាលពីចុងខែមុន។ ការអត្ថាធិប្បាយដែលបានធ្វើឡើងនៅក្នុងអំឡុងសុន្ទរកថា ទៅកាន់មេដឹកនាំដែលចូលរួមក្នុងអង្គការកិច្ចសហប្រតិបត្តិការសៀងហៃ (SCO) រៀបចំដោយនាយករដ្ឋមន្ត្រីឥណ្ឌា លោក Narendra Modi បានធ្វើឡើងប៉ុន្មានថ្ងៃបន្ទាប់ពីលោក Putin បានផ្សព្វផ្សាយការបះបោរដែលបានចាប់ផ្តើមដោយក្រុមទាហានស៊ីឈ្នួល Wagner ។ព្រឹត្តិការណ៍នេះ ត្រូវបានគេមើលឃើញយ៉ាងទូលំទូលាយថា ជាការគំរាមកំហែងដ៏សំខាន់បំផុតចំពោះអំណាចដែលមេដឹកនាំបែបអតហ្តាធិបតេយ្យបានប្រឈម ហើយបានធ្វើឱ្យដៃគូនិងគូប្រជែងរបស់លោក Putin មានការងឿងឆ្ងល់ថាតើលោកមានការគ្រប់គ្រងតឹងរ៉ឹងប៉ុណ្ណា ជាងមួយឆ្នាំក្នុងការវាយលុកដ៏ត្រដាបត្រដួសរបស់លោកទៅលើអ៊ុយក្រែន។ លោកPutin បានប្រើពេលវេលារបស់លោកដើម្បីនិយាយនៅកាន់កិច្ចប្រជុំកំពូលរយៈពេលមួយថ្ងៃដើម្បីផ្តល់ចម្លើយរបស់លោកចំពោះសំណួរនេះ។ លោកបាននិយាយតាមរយៈបណ្តាញវីដេអូថា សាមគ្គីភាព និងការទទួលខុសត្រូវខ្ពស់ចំពោះជោគវាសនាប្រទេសជាតិ ត្រូវបានបង្ហាញយ៉ាងច្បាស់ដោយមជ្ឈដ្ឋាននយោបាយរុស្ស៊ី និងសង្គមទាំងមូល ដោយចេញមកខាងក្រៅជារណសិរ្សរួបរួមប្រឆាំងការប៉ុនប៉ងបះបោរប្រដាប់អាវុធ។លោក Putin បានថ្លែងទៅកាន់មេដឹកនាំចូលរួម ដែលរួមមាន លោក Xi Jinping ប្រធានាធិបតីចិន លោក Alexander Lukashenko ប្រធានាធិបតីបេឡារុស និងលោក Ebrahim Raisi ប្រធានាធិបតីអ៊ីរ៉ង់ថា «ខ្ញុំយកឱកាសនេះ ដើម្បីថ្លែងអំណរគុណដល់សហការីរបស់ខ្ញុំមកពីបណ្តាប្រទេស អង្គការកិច្សសហប្រតិបត្តិការសៀងហៃ ដែលបានបង្ហាញការគាំទ្រចំពោះសកម្មភាពដឹកនាំរបស់រុស្ស៊ី៕

បណ្ដាញសង្គម

ព័ត៌មានថ្មីៗ

ចិនចាប់ផ្តើមសាងសង់ទំនប់វារីអគ្គិសនីធំជាងគេបំផុតរបស់ពិភពលោកនៅតំបន់ទីបេតិ៍
07/23/2025 12:07 AM
Facebook Telegram Linkin
គណៈកម្មាធិការស្វែងរកការពិតស៊ីរី រាយការណ៍ថា មនុស្ស ១.៤២៦នាក់ ត្រូវបានសម្លាប់អំឡុងអំពើហិង្សាក្នុងខែមីនា
07/23/2025 12:07 AM
Facebook Telegram Linkin
ជនប៉ាឡេស្ទីននៅទីក្រុងហ្កាហ្សានិយាយថា ពួកគេពុំបានបរិភោគអស់រយៈពេល ៥ថ្ងៃមកហើយ
07/23/2025 12:07 AM
Facebook Telegram Linkin
រដ្ឋមន្ត្រីសុខាភិបាល «អ្នកដឹកនាំសុខាភិបាល ស្ថិតនៅជាប់ជានិច្ចជាមួយមន្រ្តីរបស់ខ្លួន ឈរលើគោលដៅសម្រេចឱ្យបានជោគជ័យក្នុងការបម្រើសេវាជូនប្រជាពលរដ្ឋ និងលើកកិត្តិយសវិជ្ជាជីវៈសុខាភិបាលទាំងមូល»
07/23/2025 12:07 AM
Facebook Telegram Linkin
ផ្សារសមាគមខ្មែរកំពុងស្រូបយកផលិតផលកែច្នៃក្នុងស្រុក គាំទ្រដល់ការរីកចម្រើនរបស់សហគ្រិន
07/22/2025 11:07 PM
Facebook Telegram Linkin
រលកកម្តៅធ្ងន់ធ្ងរនៅតំបន់បាល់កង់ បណ្តាលឲ្យមានភ្លើងឆេះព្រៃនៅប្រទេសប៊ុលហ្គារី និងអាល់បានី
07/22/2025 08:07 PM
Facebook Telegram Linkin
ប្រេសិតពិសេសសហរដ្ឋអាមេរិកជួបជាមួយប្រធានសភាលីបង់នៅទីក្រុងបេរូត
07/22/2025 08:07 PM
Facebook Telegram Linkin
រដ្ឋមន្រ្តីសុខាភិបាល «យុទ្ធសាស្ត្រមួយល្អ លុះត្រាតែយុទ្ធសាស្រ្តនោះត្រូវបានយកទៅអនុវត្តជាក់ស្តែងបាន ដេីម្បីសម្រេចគោលដៅតាមការគ្រោងទុក»
07/22/2025 07:07 PM
Facebook Telegram Linkin
ទូតឥណ្ឌូនេស៊ីកោតសរសើរកម្ពុជា ចំពោះការគ្រប់គ្រងវិស័យព័ត៌មាន និង សោតទស្សន៍
07/22/2025 07:07 PM
Facebook Telegram Linkin
គម្រោង Golden Dome របស់លោក Trump ស្វែងរកជម្រើសជំនួស SpaceX របស់លោក Musk
07/22/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.