នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម
ក្រុមការងារបច្ចេកទេសអន្តរក្រសួងបន្តចុះកំណត់និយាមកា និងបោះបង្គោលព្រំដីតាមបណ្តោយព្រែកជីកហ្វូណនតេជោ សម្រាប់កំណាត់ទី២ ក្នុងភូមិសាស្រ្តខេត្តកំពត

នយោបាយ​ និង ការអភិវឌ្ឍន៍

មេដឹកនាំក្រុងហុងកុង អំពាវនាវឲ្យមានការការពារសន្តិសុខជាតិក្នុងខួបលើកទី២៦នៃការប្រគល់ទីក្រុងនេះ

2023/07/01 01:26:10 pm        173
Facebook Telegram Linkin
ហុងកុង៖ មេដឹកនាំទីក្រុងហុងកុងលោក John Lee នៅថ្ងៃសៅរ៍ទី១ ខែកក្កដានេះ បានអំពាវនាវឱ្យពលរដ្ឋការពារសន្តិសុខជាតិនៅក្នុងពិធីផ្លូវការមួយដើម្បីរំលឹកខួបលើកទី ២៦ នៃការប្រគល់ទឹកដីនេះពីអង់គ្លេសឲ្យមកការគ្រប់គ្រងរបស់ចិន។ លោក Lee និងមន្ត្រីជាន់ខ្ពស់ រួមទាំងអតីតនាយកប្រតិបត្តិលោក Leung Chun-ying បានចូលរួមក្នុងពិធីបង្ហូតទង់ជាតិជាផ្លូវការនៅព្រឹកថ្ងៃសៅរ៍នេះ មុនពេលេជល់កែវក្នុងអំឡុងពេលលើកកែវស្រាជូនពរដើម្បីអបអរខួបនៃការប្រគល់ទីក្រុង។ក្នុងអំឡុងពេលថ្លែងសុន្ទរកថា លោក Lee បានព្រមានពលរដ្ឋឱ្យ «នៅតែប្រុងប្រយ័ត្ន» ចំពោះកងកម្លាំងដែលមានបំណងដាក់គោលដៅ និងដាក់សម្ពាធមកលើប្រទេសចិន ដែលមួយចំនួនកំពុងលាក់ខ្លួននៅក្នុងទីក្រុងហុងកុង ហើយបានអំពាវនាវឱ្យមានការខិតខំប្រឹងប្រែងដើម្បីការពារសន្តិសុខជាតិដោយស្ម័គ្រចិត្ត។ លោក បានប្តេជ្ញាធ្វើសមាហរណកម្មទីក្រុងហុងកុងបន្ថែមទៀតទៅក្នុងការអភិវឌ្ឍន៍រួមរបស់ប្រទេសចិន។ អង់គ្លេសបានប្រគល់ទីក្រុងហុងកុងមកឲ្យការគ្រប់គ្រងរបស់ចិនវិញនៅថ្ងៃទី ១ ខែកក្កដា ឆ្នាំ ១៩៩៧ ក្រោមរូបមន្ត «ប្រទេសមួយ ប្រព័ន្ធគ្រប់គ្រងពីរ» ដែលធានានូវស្វ័យភាពដ៏ទូលំទូលាយ និងឯករាជ្យភាពរបស់តុលាការដែលពុំត្រូវបានមើលឃើញនៅក្នុងប្រទេសចិនដីគោក។ ក្រុមអ្នករិះគន់និយាយថា ការសន្យានេះត្រូវបានលុបចោល បន្ទាប់ពីប្រទេសចិនបានដាក់ច្បាប់សន្តិសុខជាតិលើទីក្រុងហុងកុងកាលពីខែមិថុនា ឆ្នាំ ២០២០ ដោយដាក់ទណ្ឌកម្មលើសកម្មភាពវិទ្ធង្សនា អំពើភេរវកម្ម ការឃុបឃិតជាមួយកងកម្លាំងបរទេស និងការបះបោរ ដែលអាចជាប់ពន្ធនាគារអស់មួយជីវិត បន្ថែមលើការចាប់ខ្លួនអ្នកធ្វើយុទ្ធនាការគាំទ្រលទ្ធិប្រជាធិបតេយ្យជាច្រើននាក់៕

ប៉ូឡូញឃាត់ខ្លួនកីឡាករវាយកូនបាល់លើទឹកកកជនជាតិរុស្សីម្នាក់ពីបទចារកម្ម

2023/07/01 01:22:07 pm        101
Facebook Telegram Linkin
ប៉ូឡូញ៖ ប្រទេសប៉ូឡូញ បានឃុំខ្លួនកីឡាករវាយកូនបាល់លើទឹកកកអាជីពជនជាតិរុស្ស៊ីម្នាក់ពីបទចារកម្ម។ រដ្ឋអាជ្ញាបាននិយាយកាលពីថ្ងៃសុក្រទី ៣០ ខែមិថុនា ដោយបានចាត់ទុកជនជាតិរុស្ស៊ីម្នាក់នេះថាជាមនុស្សទី១៤ហើយ ដែលត្រូវបានចាប់ខ្លួនពីបណ្តាញចារកម្ម។ក្រុមរដ្ឋអាជ្ញាបាននិយាយនៅក្នុងសេចក្តីថ្លែងការណ៍ថា កីឡាកររូបនេះលេងឲ្យក្រុមប្រទេសប៉ូឡូញកងទី ១ ត្រូវបាននាំទៅកាន់មន្ទីរឃុំឃាំងនៅក្នុងតំបន់ Silesia ភាគខាងត្បូងប្រទេសប៉ូឡូញ។ កីឡាករនិងក្រុមរបស់លោក មិនត្រូវបានគេបង្ហាញអត្តសញ្ញាណជាសាធារណៈនោះទេ។ រដ្ឋអាជ្ញា និយាយថាកីឡាកររូបនេះបានមកដល់ប្រទេសប៉ូឡូញកាលពីខែតុលាឆ្នាំ ២០២១ ។មជ្ឈមណ្ឌលសំខាន់មួយសម្រាប់ការផ្គត់ផ្គង់យោធាប្រទេសលោកខាងលិចដល់ប្រទេសអ៊ុយក្រែន ប្រទេសប៉ូឡូញនិយាយថា ខ្លួនបានក្លាយជាគោលដៅសំខាន់សម្រាប់ចារកម្មរុស្ស៊ី ហើយប៉ូឡូញបានចោទប្រកាន់ទីក្រុងមូស្គូ ពីការព្យាយាមបង្កអស្ថិរភាពដល់ប្រទេសនេះ។ រដ្ឋមន្ត្រីក្រសួងយុត្តិធម៌លោក Zbigniew Ziobro បានសរសេរនៅលើបណ្តាញ Twitterថា ចារកម្មរុស្ស៊ីកំពុងដួលរលំម្តងមួយៗ។ចារកម្មដែលធ្វើសកម្មភាពក្រោមការក្លែងបន្លំរបស់អត្តពលិកម្នាក់នេះត្រូវបានចាប់ខ្លួន។ ជនជាតិរុស្ស៊ីរូបនេះគឺជាអ្នកលេងឲ្យក្លឹបកងទីមួយ។ យោងតាមរដ្ឋអាជ្ញាបានឲ្យដឹងថា បុរសនេះបានអនុវត្តសកម្មភាពជាច្រើនរួមទាំងការកំណត់អត្តសញ្ញាណហេដ្ឋារចនាសម្ព័ន្ធសំខាន់ៗដែលលោកបានទទួលការបង់ប្រាក់។ បុរសរូបនេះ នឹងត្រូវឃុំខ្លួនក្នុងមន្ទីរឃុំឃាំងមុនការកាត់ទោស ហើយអាចប្រឈមនឹងការជាប់ពន្ធនាគាររហូតដល់ ១០ ឆ្នាំ។ ទីភ្នាក់ងារសារព័ត៌មានរដ្ឋ RIA បានរាយការណ៍ថា អ្នកនាំពាក្យក្រសួងការបរទេសរុស្ស៊ី លោកស្រី Maria Zakharova បាននិយាយថា ទីក្រុងមូស្គូបានទាមទារការពន្យល់ពីប្រទេសប៉ូឡូញ ជុំវិញការចាប់ខ្លួនពលរដ្ឋរុស្ស៊ីរបស់ខ្លួន។ កាលពីខែមីនា ប្រទេសប៉ូឡូញបាននិយាយថា ខ្លួនបានបំបែកបណ្តាញចារកម្មរុស្ស៊ីដែលកំពុងធ្វើប្រតិបត្តិការនៅក្នុងប្រទេស ហើយបានឃាត់ខ្លួនមនុស្ស ៩ នាក់ ដែលខ្លួនបាននិយាយថាកំពុងរៀបចំសកម្មភាពបំផ្លិចបំផ្លាញ និងតាមដានផ្លូវរថភ្លើងទៅកាន់ប្រទេសអ៊ុយក្រែន៕

ឯកឧត្តម គន់ គីម អំពាវនាវពលរដ្ឋបោះឆ្នោតជូនបក្សប្រជាជនកម្ពុជា ដើម្បីការអភិវឌ្ឍ និង​ជីវភាពកាន់តែប្រសើរ

2023/07/01 01:14:53 pm        141
Facebook Telegram Linkin
ឧត្តរមានជ័យ៖ ឯកឧត្តមកិត្តិសង្គហបណ្ឌិត គន់ គីម សមាជិកអចិន្ត្រៃយ៍ នៃ​គណៈកម្មាធិការ​កណ្តាល​​គណបក្សប្រជាជនកម្ពុជា និងជាប្រធានក្រុមការងារចុះមូលដ្ឋានខេត្តឧត្តរមានជ័យ បាន​អំពាវ​​នាវ​​ប្រជាពលរដ្ឋ ដែលមានឈ្មោះក្នុងបញ្ជីឈ្មោះបោះឆ្នោត បោះឆ្នោត​ជូន​គណបក្ស​ប្រជាជន​​កម្ពុជា ដើម្បីការអភិវឌ្ឍ និងធ្វើឲ្យជីវភាពកាន់តែល្អប្រសើរ។ ក្នុងឱកាសដឹកនាំសមាជិក-សមាជិកាចំនួន អ្នកគាំទ្រជាង៩ពាន់នាក់ បើក​យុទ្ធនាការ​ឃោសនា​បោះឆ្នោត​ជ្រើស​តាំង​តំណាងរាស្រ្ត នីតិកាលទី៧ នៅថ្ងៃទី១ ខែកក្កដា ឆ្នាំ២០២៣ ក្នុងស្រុក​អន្លង់វែង ខេត្តឧត្តរមានជ័យ ឯកឧត្តម គន់ គីម បានថ្លែងអំណរគុណដល់សមាជិក សមាជិកា កម្លាំងយុវជន និងសកម្មជនទាំងអស់នៅក្នុងខេត្តឧត្តរមានជ័យ ដែលបានធ្វើសកម្មភាពឃោសនា និង​ចុះជួបប្រជាពលរដ្ឋដោយផ្ទាល់នៅតាមខ្នងផ្ទះបង្រៀនពលរដ្ឋពីរបៀបគូសសន្លឹកឆ្នោត ព្រម​ទាំង​បង្ហាញ​នូវ​គុណតម្លៃ និងកិច្ចប្រឹងប្រែងកសាងអភិវឌ្ឍន៍ជាតិ និងលើកកម្ពស់​ជីវភាព​ប្រជាពលរដ្ឋ របស់គណបក្សប្រជាជនកម្ពុជា។ ឯកឧត្តមកិត្តិសង្គហបណ្ឌិត បន្តថា បើទោះបីខេត្តឧត្តរមានជ័យ ជាទឹកដី​ទទួល​បាន​សុខ​សន្តិភាព​ក្រោយ​គេ ទឹកដីទទួលបានកិច្ចអភិវឌ្ឍន៍ ក្រោយគេយ៉ាងណាក្តី តែក្រោម​គោល​នយោបាយ​ប្រែក្លាយ​ទឹក​ដី​អតីតសមរភូមិសង្គ្រាមទៅជាតំបន់អភិវឌ្ឍន៍ និងតំបន់ពាណិជ្ជកម្ម របស់​សម្តេច​តេជោ ហ៊ុន សែន ប្រធានគណបក្សប្រជាជនកម្ពុជា បានធ្វើឱ្យខេត្តនេះ មាន​ការ​រីក​ចម្រើន​លូត​លាស់​លើ​គ្រប់​វិស័យ។ឯកឧត្តម គន់ គីម សង្កត់ធ្ងន់ថា ទឹកដីឧត្តរមានជ័យ មិនខុសពីខេត្តដទៃនៅ​ទូទាំង​ប្រទេស​កម្ពុជា​នោះ​ឡើយ ទោះបីខេត្តបិទបញ្ចប់ភ្លើងសង្គ្រាមក្រោយគេក្តី ដោយហេដ្ឋារចនាសម្ព័ន្ធ ដូចជា ផ្លូវ ស្ពាន សាលារៀន ការសិក្សាអប់រំ សុខភាពសាធារណៈ ប្រព័ន្ធទឹកស្អាត អគ្គិសនី ការធ្វើកសិកម្ម​ជា​ដើម បានរីកចម្រើន និងផុសឡើងជាបន្តបន្ទាប់ ដើម្បីបម្រើផលប្រយោជន៍របស់ប្រជាពលរដ្ឋ។ ជាមួយគ្នានេះ ឯកឧត្តមប្រធានក្រុមការងារ បាន​អំពាវ​នាវ​ប្រជាពលរដ្ឋ​ទៅ​បោះឆ្នោត​ឱ្យ​បាន​គ្រប់​គ្នា​នៅ​ថ្ងៃ​អាទិត្យ ទី២៣ ខែកក្កដា ឆ្នាំ២០២៣ ដោយបោះ​ជូន​គណបក្សប្រជាជនកម្ពុជា​មាន​រូប​សញ្ញា​ទេវតា​បាចផ្កា ដើម្បីបម្រើប្រជាពលរដ្ឋ កសាងអភិវឌ្ឍន៍ជាតិឱ្យកាន់តែរីកចម្រើន និ​ង​ធ្វើ​ឱ្យ​ជីវភាព​កាន់តែល្អប្រសើរ៕

សមាជិកបក្សប្រជាជនជិត៣ម៉ឺននាក់ បើកយុទ្ធនាការឃោសនាបោះឆ្នោតថ្ងៃដំបូង នៅទូទាំងខេត្តក្រចេះ

2023/07/01 01:04:53 pm        191
Facebook Telegram Linkin
សមាជិកសមាជិការគណបក្សប្រជាជនកម្ពុជា ជាង២ម៉ឺននាក់ បានចូលរួម​បើកយុទ្ធនាការ​ឃោសនាបោះឆ្នោតជ្រើសតាំងតំណាងរាស្រ្ត នីតិកាលទី៧ ក្នុងថ្ងៃដំបូង នៅទូទាំងខេត្តក្រចេះ ។ឯកឧត្តម ព្រំ សុខា ប្រធានក្រុមការងារគណបក្សចុះមូលដ្ឋានខេត្តក្រចេះ និងឯកឧត្តម វ៉ា ថន ប្រធាន​គណបក្សប្រជាជនកម្ពុជាខេត្ត នៅព្រឹកថ្ងៃទី១ ខែកក្កដា នេះ បានដឹកនាំសមាជិក សមាជិកា គណបក្សប្រជាជនកម្ពុជា បើកយុទ្ធនាការឃោសនារកសំឡេងឆ្នោត នៃការ​បោះឆ្នោត​ជ្រើស​តាំងតំណាងរាស្រ្ត នីតិកាលទី៧ ។សមាជិក សមាជិកាទាំងអស់ បានជួបជុំគ្នានៅបរិវេណមន្ទីរវប្បធម៌ វិចិត្រ និងសិល្បៈ ខេត្តក្រុងក្រ ចេះ ដើម្បីស្តាប់សាររបស់សម្តេចតេជោ ហ៊ុន សែន ប្រធានគណបក្សប្រជាជនកម្ពុជា មុនពេល​បើកយុទ្ធនាការដង្ហែក្បួន ខណៈនៅតាមបណ្តាស្រុកផ្សេងទៀត ក៏បានរៀបចំពិធីនេះផងដែរ ដោយ​មានអ្នកចូលរួមយ៉ាងច្រើនកុះករ ។ឯកឧត្តម វ៉ា ថន ប្រធានគណបក្សប្រជាជនកម្ពុជា ខេត្តក្រចេះ បានមានប្រសាសន៍ថា ថ្ងៃនេះ សមាជិក​គណបក្យប្រជាជនកម្ពុជាទាំង៧ក្រុង-ស្រុកទូទាំងខេត្តក្រចេះ ចំនួនជិតបីម៉ឺននាក់ បាន​ចេញដំណើររួមគ្នាក្នុងយុទ្ធនាការឃោសនារកសំឡេងឆ្នោត ។ ការហែក្បូន​យុទ្ធនាការ​ឃោសនា​បោះឆ្នោត ថ្ងៃដំបូងនេះ បានប្រព្រឹត្តិទៅដោយរលូន និងយ៉ាងអធិកអធម ។សម្រាប់ខេត្តក្រចេះ គណបក្សនយោបាយ ដែលបានចូលរួមប្រកួតប្រជែងដណ្ដើមសន្លឹកឆ្នោត មាន​ចំនួន ១១គណបក្ស ។ ក្រៅពីក្បួនដង្ហែឃោសនា របស់គណបក្សប្រជាជនកម្ពុជា គឺពុំទាន់ មានគណបក្សនយោបាយផ្សេងៗទៀត ធ្វើសកម្មភាពដង្ហែក្បួនឃោសនាបោះឆ្នោតនៅឡើយទេ ៕ អត្ថបទ៖ សេង ម័រ  

កូរ៉េខាងជើងនិយាយថា «គ្មានចេតនាសាកសួរពីបំណងរបស់ប្រធានក្រុមហ៊ុន Hyundai ក្នុងការធ្វើទស្សនកិច្ចនោះទេ

2023/07/01 11:22:52 am        72
Facebook Telegram Linkin
កូរ៉េខាងជើង៖ក្រសួងការបរទេសកូរ៉េខាងជើង បាននិយាយនៅក្នុងសេចក្តីថ្លែងការណ៍ នៅថ្ងៃសៅរ៍ទី១ ខែកក្កដានេះថា ប្រទេសកូរ៉េខាងជើងបាននិយាយថា ខ្លួនពុំមានចេតនាដើម្បីសាកសួរពីផែនការរបស់ប្រធានក្រុមហ៊ុន Hyundai Group របស់កូរ៉េខាងត្បូងក្នុងការមកធ្វើទស្សនកិច្ចភ្នំ Kumgang របស់កូរ៉េខាងជើងនោះទេ។ ទីភ្នាក់ងារសារព័ត៌មាន Yonhap បានរាយការណ៍កាលពីថ្ងៃសុក្រ ទី៣០ ខែមិថុនា ដោយដកស្រង់សម្តីមន្ត្រីដែលមិនបញ្ចេញឈ្មោះម្នាក់នៅក្រសួងថា ប្រធានក្រុមហ៊ុន Hyundai លោកស្រី Hyun Jeong-eun បាននឹងកំពុងស្វែងរកដំណើរទស្សនកិច្ចមកកាន់ប្រទេសកូរ៉េខាងជើងនៅក្នុងខែសីហា ហើយបានដាក់ពាក្យស្នើសុំទៅកាន់ក្រសួងបង្រួបបង្រួមរបស់ប្រទេសកូរ៉េខាងត្បូង។ ជាការឆ្លើយតបទៅនឹងការរាយការណ៍របស់ប្រព័ន្ធផ្សព្វផ្សាយកូរ៉េខាងត្បូង ប្រទេសកូរ៉េខាងជើងបាននិយាយថា ខ្លួនមិនត្រូវបានគេជូនដំណឹងអំពីឆន្ទៈរបស់បុគ្គលកូរ៉េខាងត្បូងណាម្នាក់ក្នុងការមកធ្វើទស្សនកិច្ចនោះទេ យើងក៏មិនមានដឹងអំពីរឿងនេះដែរ ហើយយើងក៏គ្មានចេតនាត្រួតពិនិត្យលើបញ្ហានេះដែរ។ ប្រទេសកូរ៉េខាងជើងបាននិយាយនៅក្នុងសេចក្តីថ្លែងការណ៍ថា វាគឺជាគោលនយោបាយរបស់រដ្ឋាភិបាលសាធារណរដ្ឋប្រជាមានិតប្រជាធិបតេយ្យកូរ៉េ ដែលការធ្វើដំណើរចូលមកជាលក្ខណៈបុគ្គលណាមួយមកពីប្រទេសកូរ៉េខាងត្បូង មកក្នុងទឹកដីរបស់ខ្លួន មិនអាចត្រូវបានអនុញ្ញាតនោះទេ ហើយគោលនយោបាយរបស់ខ្លួនគឺមិនអាចផ្លាស់ប្តូរឡើយ ហើយនឹងត្រូវបានរក្សាទុករហូតដល់ពេលអនាគត៕

លោក Biden ថ្កោលទោសសេចក្តីសម្រេចរបស់តុលាការកំពូលលើប្រាក់កម្ចីនិស្សិត និងស្នើវិធានការថ្មី

2023/07/01 11:18:51 am        125
Facebook Telegram Linkin
អាមេរិក៖ ប្រធានាធិបតីសហរដ្ឋអាមេរិក លោក Joe Biden កាលពីថ្ងៃសុក្រ បានថ្កោលទោសសេចក្តីសម្រេចរបស់តុលាការកំពូលអាមេរិក ដែលបានរារាំងផែនការរបស់លោកដើម្បីលុបចោលប្រាក់កម្ចីនិស្សិតចំនួន ៤៣០ពាន់លានដុល្លារ ហើយបានប្រកាសពីចំណាត់ការថ្មីដើម្បីផ្តល់ជំនួយប្រាក់កម្ចីនិស្សិតនៅពេលបន្ទាប់។ លោក Biden បានថ្លែងទៅកាន់អ្នកសារព័ត៌មាននៅសេតវិមានថា រដ្ឋបាលរបស់លោកនឹងបន្តជំនួយប្រាក់កម្ចីនិស្សិតតាមរយៈច្បាប់ឧត្តមសិក្សា។ នៅក្នុងសេចក្តីសម្រេចលេខ ៦-៣ កាលពីព្រឹកថ្ងៃសុក្រ តុលាការកំពូលបានរារាំងផែនការរបស់លោក Biden ក្នុងការលុបចោលប្រាក់កម្ចីនិស្សិតចំនួន៤៣០ ពាន់លានដុល្លារ។ការចេញសេចក្តីសម្រេច ដែលត្រូវបានស្វាគមន៍ដោយគណបក្សសាធារណរដ្ឋ គឺជាការវាយទៅលើប្រធានាធិបតីគណបក្សប្រជាធិបតេយ្យ និងបានគំរាមរុះរើផ្នែករបៀបវារៈគោលនយោបាយរបស់លោក។ លោក Biden បាននិយាយថា លោកនឹងស្វែងរកវិធីមួយផ្សេងទៀតដើម្បីធ្វើឱ្យបានល្អតាមការសន្យារបស់លោកក្នុងការជួយអ្នកដែលកំពុងជួបបញ្ហាបំណុលប្រាក់កម្ចីនិស្សិត។ប្រជាជនអាមេរិករាប់លាននាក់ដែលសង្ឃឹមថាប្រាក់កម្ចីនិស្សិតរបស់ពួកគេលុបចោល ត្រូវបានផ្តល់ឱ្យនូវការបរាជ័យដ៏ឈឺចាប់កាលពីថ្ងៃសុក្រ ខណៈតុលាការកំពូលរបស់សហរដ្ឋអាមេរិកបានចេញសេចក្តីសម្រេចក្នុងសេចក្តីសម្រេចលេខ ៦-៣ ផ្សេងទៀតដើម្បីរារាំងផែនការរបស់ប្រធានាធិបតីលោក Joe Biden ក្នុងការលើកលែងបំណុលនិស្សិតចំនួន ៤៣០ ពាន់លានដុល្លារ។ ភាគច្រើននៃក្រុមអ្នកអភិរក្សនិយមរបស់តុលាការ បានចេញសេចក្តីសម្រេចគាំទ្រដល់រដ្ឋចំនួនប្រាំមួយដែលមាននិន្នាការអភិរក្សជំទាស់នឹងផែនការរបស់លោក Biden ដែលមានបំណងផ្តល់ប្រយោជន៍ដល់ប្រជាជនអាមេរិករហូតដល់ ៤៣ លាននាក់ ជាការសន្យាក្នុងយុទ្ធនាការដ៏សំខាន់ធ្វើឡើងដោយប្រធានាធិបតីគណបក្សប្រជាធិបតេយ្យ។ លោក Biden បានចាត់ទុកសេចក្តីសម្រេចរបស់តុលាការថាកំពុងធ្វើឲ្យខកចិត្ត និងខុស ហើយបាននិយាយថា លោកនឹងធ្វើការដើម្បីរកវិធីផ្សេងទៀតផ្តល់ការជំនួយដល់គ្រួសារអាមេរិក។ កាលពីថ្ងៃសុក្រ និស្សិតនិងក្រុមអ្នកតស៊ូមតិ បានប្រមូលផ្តុំគ្នានៅខាងក្រៅតុលាការកំពូល ដោយទាមទារឲ្យប្រធានាធិបតីមានចំណាត់ការយ៉ាងឆាប់រហ័ស។

កុបកម្ម និងការចូលលួច នៅភាគខាងត្បូងទីក្រុង Marseille ជុំវិញការបាញ់ប្រហាររបស់នគរបាល

2023/07/01 11:14:14 am        86
Facebook Telegram Linkin
បារាំង៖ ទីក្រុងម៉ាកសី (Marseille) ប្រទេសបារាំងភាគខាងត្បូងបានរង្គោះរង្គើរដោយអគ្គិភ័យ និងកុបកម្ម កាលពីយប់ថ្ងៃសុក្រ ទី៣០ ខែមិថុនា ខណៈការតវ៉ាបានផ្ទុះឡើងនៅទូទាំងប្រទេសជុំវិញការបាញ់ប្រហាររបស់នគរបាល បណ្តាលឲ្យស្លាប់យុវជនម្នាក់នៅជាយក្រុងប៉ារីស។ វីដេអូតាមបណ្តាញផ្សព្វផ្សាយសង្គមបានបង្ហាញពីក្រុមបាតុករបានដុតកាំជ្រួច និងបំផ្លាញអាជីវកម្មនានា ហើយរថយន្តជាច្រើនគ្រឿងត្រូវបានគេឃើញកំពុងឆេះ។អភិបាលក្រុង Marseille លោក បេន័រប៉ាយ៉ង់ (Benoit Payan) បានអំពាវនាវឱ្យរដ្ឋាភិបាលប្រទេសបញ្ជូនកងទ័ពបន្ថែមទៀតជាបន្ទាន់។លោកបាននិយាយនៅលើបណ្តាញ twitter កាលពីល្ងាចថ្ងៃសុក្រថា ហេតុការណ៍នៃការចូលលួចប្លន់ និងអំពើហិង្សា គឺមិនអាចទទួលយកបានទេ។ប្រទេសបារាំងបានដាក់ពង្រាយនគរបាលចំនួន ៤៥.០០០ នាក់ និងរថពាសដែកមួយចំនួននៅទូទាំងប្រទេស។ ភាពចលាចលបានផ្ទុះឡើងទូទាំងប្រទេសបន្ទាប់ពីយុវជនឈ្មោះ Nahel M. អាយុ ១៧ ឆ្នាំមានដើមកំណើតអាល់ហ្សេរីនិងម៉ារ៉ុក ត្រូវបានបាញ់កាលពីថ្ងៃអង្គារ ទី២៧ ខែមិថុនា នៅជាយទីក្រុងប៉ារីស។ ការស្លាប់របស់យុវជនរូបនេះ ត្រូវបានថតជាវីដេអូ បណ្តាលឱ្យមានការត្អូញត្អែរពីសហគមន៍ទីក្រុងក្រីក្រ ចម្រុះជាតិសាសន៍អំពីអំពើហិង្សា និងការរើសអើងជាតិសាសន៍របស់នគរបាល៕

សម្តេចតេជោ៖ ៤៤ឆ្នាំមកហើយដែលបក្សប្រជាជនរួមសុខរួមទុក្ខជាមួយ​ប្រជាជនគ្រប់​ឧបសគ្គទាំងអស់

2023/07/01 10:52:08 am        282
Facebook Telegram Linkin
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងជាប្រធានគណបក្សប្រជាជនកម្ពុជា បានថ្លែងថា រយៈពេល៤៤ឆ្នាំ កន្លងទៅនេះគណបក្សប្រជាជនកម្ពុជា បាន​រួមសុខរួម​ទុក្ខ​ជា​មួយ​បង​ប្អូន​ប្រជាជនកម្ពុជា នៅទូទាំងប្រទេសគ្រប់ឧបសគ្គទាំងអស់ ដោយគ្នានការរុញរានោះឡើយ។ក្នុងឱកាសបើកយុទ្ធនាការឃោសនាបោះឆ្នោតជ្រើសតាំងតំណាងរាស្ត្រ នីតិកាលទី៧ និង​រំឭក​ខួប​លើក​ទី៧២ នៃថ្ងៃបង្កើតគណបក្សប្រជាជនកម្ពុជា នៅព្រឹកថ្ងៃទី១ ខែកក្កដា ឆ្នាំ២០២៣ នៅ​កោះពេជ្រ រាជធានីភ្នំពេញ សម្តេចតេជោ ហ៊ុន សែន បានលើកឡើងថា បន្ទាប់​ពី​ថ្ងៃ​ជ័យ​ជម្នះ​៧​មករា ដែលជាប្រវត្តិសាស្រ្តលើរបបប្រល័យពូជាសាសន៍ ប៉ុល ពត នោះ គណបក្សប្រជាជនកម្ពុជា បាន​ផ្សារភ្ជាប់រួមសុខរួមទុក្ខ ជាមួយប្រជាជន ពុះពារ​ឆ្លង​កាត់​រាល់​ឧបសគ្គ​ដឹកនាំ​ប្រទេស​ឲ្យ​ចេញ​ពី​ស្ថានភាព​ដែល​វិនាសខ្ទេចខ្ទី ឈាន មកដល់​ដំណាក់​កាល​អភិវឌ្ឍ​លើ​គ្រប់​វិស័យ​ប្រកប​ដោយ​មោទនភាព​ជា​ទីបំផុត។សម្តេចតេជោ ហ៊ុន សែន ប្រធានគណបក្សប្រជាជនកម្ពុជា បានថ្លែងអះអាងទៀតថា កម្ពុជា បាន​ប្រែ​ក្លាយ​ពីវាលពិឃាត នៃរបបប្រល័យពូជាសាសន៍ ពីសមរភូមិសង្រ្គាមដ៏រ៉ាំរ៉ៃ ពីការបែកបាក់ជាតិ និងពីទឹកដីដែលរច្ចនាសម្ព័ន្ធសង្គមត្រូវបំផ្លាញដល់ឫសគល់ ទៅជា​ទឹក​ដី​ដ៏​ស្រស់​បំព្រង​​ដែល​ប្រជាជន​បាន​រស់ នៅយ៉ាងសម្បូរសប្បាយ សុខដុម​រមនាក្នុងសន្តិភាព ឯកភាពជាតិ សេរីភាព ប្រជាធិបតេយ្យ និងអភិវឌ្ឍន៍ ហើយកំពុងរួមសាមគ្គីគ្នាក្រោមដំបូលរដ្ឋធម្មនុញ្ញតែមួយ បន្ត​យក​អស់​កម្លាំង​កាយ កម្លាំងចិត្ត និងបញ្ញា ស្មារតីដើម្បីកសាង និងការពារមាតុភូមិរបស់ខ្លួន។ «នេះជាការផ្លាស់ប្តូរដ៏ធំធេងរបស់ព្រះរាជាណាចក្រកម្ពុជា បាននាំមកជូនប្រជាជន និ​ង​ជា​សច្ចធម៌​ប្រវត្តិ​សាស្រ្ត ដែលគ្មានជនណា ឬកម្លាំងណាអាចបដិសេធបាន ឡើយ»។ជាមួយគ្នានោះដែរ សម្តេចតេជោ ហ៊ុន សែន ក៏បានរំលឹកផងដែរថា រាជរដ្ឋាភិបាលដឹកនាំរបស់ គណបក្ស​ប្រជាជនកម្ពុជា ក្នុងនីតិកាលទី៦ ក្នុងរដ្ឋសភាកន្លងទៅនេះ បាន​ការពារ​យ៉ាង​រឹង​មាំ​នូវ​សន្តិភាព ស្ថិរភាព សន្តិសុខ និងសណ្តាប់ធ្នាប់សង្គម ដែលបានធានា​ដល់​ការ​រស់​នៅ​ដ៏​សុខសាន្ត​របស់​ប្រជាជន ការអភិវឌ្ឍសេដ្ឋកិច្ច សង្គម និងការពង្រឹងពង្រីកប្រជាធិបតេយ្យ។ សិទ្ធិសេរីភាព​របស់​ប្រជាពលរដ្ឋត្រូវបាន គោរព ការពារ និងលើកស្ទួយ, វិស័យសេដ្ឋកិច្ច សង្គមកិច្ច វប្បធម៌ អប់រំ សុខាភិបាល ការងារ និងវិស័យ ផ្សេងៗទៀតកាន់តែមានភាពរីកចម្រើន, កម្រិតជីវភាព​ប្រជាជន​ក៏​កាន់​តែ​បាន​ប្រសើរ​ឡើងលំដាប់។សម្តេចបានបន្ថែមទៀតថា សមិទ្ធផលថ្មីៗច្រើនរួមមាន ផ្លូវ ស្ពាន ប្រព័ន្ធធារាសាស្រ្ត បណ្តាញ​ទឹក​ស្អាត អណ្តូងទឹក ភ្លើងអគ្គិសនី ប្រព័ន្ធព័ត៌មាន រោងចក្រ កសិដ្ឋាន សំណង់តូចធំ មណ្ឌល ពាណិជ្ជកម្ម សាលារៀន មន្ទីរពេទ្យ វត្តអារាម។ល។ ត្រូវបានកសាងពង្រីកទាំងនៅទីក្រុង និងជនបទ និង តំបន់ព្រំដែន ហើយគ្មានមូល​ដ្ឋានណា​ដែលនៅ​ឆ្ងាយ​ដាច់​ស្រយ៉ាល​មិន​អាច​ទៅ​ដល់ និង​គ្មានការអភិវឌ្ឍ នោះឡើយ៕ អត្ថបទ៖ បាន ចក់

មេដឹកនាំប្រទេសបេឡារុស និយាយថា អាវុធនុយក្លេអ៊ែរនឹងមិនត្រូវបានប្រើប្រាស់នោះទេ

2023/07/01 10:02:01 am        125
Facebook Telegram Linkin
បេឡារុស៖ ប្រធានាធិបតីប្រទេសបេឡារុស លោក Alexander Lukashenko ដែលជាសម្ព័ន្ធមិត្តដ៏ស្មោះស្ម័គ្របំផុតរបស់វិមានក្រឹមឡាំងនៅក្នុងសង្រ្គាមរបស់ខ្លួននៅអ៊ុយក្រែនបាននិយាយកាលពីថ្ងៃសុក្រថា លោកប្រាកដណាស់ថា អាវុធនុយក្លេអ៊ែរតាកទិករបស់រុស្ស៊ីដែលត្រូវបានដាក់ពង្រាយនៅក្នុងប្រទេសរបស់លោក នឹងមិនត្រូវបានគេប្រើប្រាស់នោះទេ។ លោក Lukashenko និងប្រធានាធិបតីរុស្ស៊ី លោក Vladimir Putin បានទទួលស្គាល់ថា សព្វាវុធតាកទិកមួយចំនួនបានមកដល់ប្រទេសបេឡារុស ហើយសព្វវុធនៅសល់នឹងត្រូវដាក់នៅចុងឆ្នាំនេះ។ប្រធានាធិបតីប្រទេសបេឡារុស ក្នុងសុន្ទរកថាប្រារព្ធទិវាជាតិអតីតរដ្ឋសូវៀត បាននិយាយថា ការដាក់មូលដ្ឋានអាវុធនៅក្នុងប្រទេសបេឡារុស គឺជាគំនិតផ្តួចផ្តើមដ៏រឹងមាំបំផុតរបស់លោក។ លោក Lukashenko បាននិយាយនៅក្នុងការជួបជុំគ្នានៅសាលធំមួយក្នុងការផ្សាយតាមបណ្តាញអ៊ិនធើណិតដោយទីភ្នាក់ងារព័ត៌មានរដ្ឋ BelTA ថា ខណៈយើងឈានឆ្ពោះទៅមុខ យើងកាន់តែជឿជាក់ថា អាវុធ ត្រូវតែបានគេដាក់មូលដ្ឋាននៅទីនេះ នៅប្រទេសបេឡារុស នៅកន្លែងដែលអាចទុកចិត្តបាន ។ខ្ញុំប្រាកដណាស់ថា ពួកយើងនឹងមិនប្រើប្រាស់អាវុធទាំងនោះឡើយ ខណៈពួកវានៅទីនេះ ហើយគ្មានសត្រូវណាមួយនឹងមកឈរលើទឹកដីរបស់យើងឡើយ។ លោក Lukashenko ក៏ដូចជារុស្ស៊ី បានចោទប្រកាន់ប្រទេសលោកខាងលិចដដែលថាបានព្យាយាមបំផ្លាញរដ្ឋរបស់លោក និងនិយាយថា ការដាក់ពង្រាយនុយក្លេអ៊ែរគឺចាំបាច់ដើម្បីរារាំងអ្នកឈ្លានពានដែលមានសក្តានុពល។ លោកបាននិយាយថា អាវុធមួយចំនួនស្ថិតនៅក្នុងប្រទេសបេឡារុស ហើយនៅចំណុចមួយបាននិយាយថាលោកនឹងមិនស្ទាក់ស្ទើរក្នុងការប្រើប្រាស់អាវុធទាំងនេះនោះទេប្រសិនបើចាំបាច់ ខណៈការពិគ្រោះយោបល់ជាមួយរុស្ស៊ីនឹងត្រូវការ៕

បារាំងដាក់ពង្រាយនគរបាល៤៥.០០០នាក់ ដើម្បីបង្ក្រាបកុបកម្មដែលមិនអាចទទួលយកបាន

2023/07/01 09:57:32 am        107
Facebook Telegram Linkin
បារាំង៖ ប្រទេសបារាំងកាលពីថ្ងៃសុក្រ បានដាក់ពង្រាយមន្ត្រីចំនួន ៤៥,០០០ នាក់ គាំទ្រដោយរថពាសដែកធុនស្រាល ដើម្បីដោះស្រាយការតវ៉ាដ៏ហិង្សានៅយប់ទីបួនជាប់គ្នា បន្ទាប់ពីនគរបាលបានបាញ់សម្លាប់យុវជនម្នាក់។ អង្គភាពនគរបាលបង្រ្កាប និងកងកម្លាំងសន្តិសុខផ្សេងទៀត បានគាំទ្រនៅទូទាំងប្រទេស ដើម្បីបង្ក្រាបអំពើហិង្សា និងកុបកម្មជុំវិញការបាញ់ប្រហារនោះ ដែលបានកើតឡើងអំឡុងពេលបញ្ឈប់ចរាចរណ៍នៅជាយក្រុងប៉ារីសកាលពីថ្ងៃអង្គារ។ ប្រធានាធិបតីបារាំង លោក Emmanuel Macron បន្ទាប់មកបានប្រញាប់ប្រញាល់ត្រឡប់មកពីកិច្ចប្រជុំកំពូលសហភាពអឺរ៉ុប ដើម្បីដឹកនាំកិច្ចប្រជុំដោះស្រាយវិបត្តិ ដែលបានរិគន់ថាជាការបំពានមិនអាចទទួលយកបាននៃការស្លាប់របស់យុវជនម្នាក់។ភាពចលាចលនេះ ត្រូវបានបង្កឡើងដោយការសម្លាប់យុវជន Nahel អាយុ ១៧ ឆ្នាំ ដែលបានធ្វើអោយមានការឈឺចាប់រយៈពេលជាយូរអំពីការត្រួតពិនិត្យ និងការរើសអើងពូជសាសន៍នៅក្នុងតំបន់ជាយក្រុងដែលមានប្រាក់ចំណូលទាប និងជនជាតិភាគតិចរស់នៅច្រើនរបស់ប្រទេសបារាំង។ យោងតាមអភិបាលក្រុងNanterre (ណង់ទែរ) នៅជាយក្រុងប៉ារីសជាកន្លែងដែលយុវជនរូបនេះរស់នៅនិងត្រូវបានសម្លាប់បានឲ្យដឹងថា សពនឹងត្រូវបញ្ចុះនៅក្នុងពិធីមួយនៅថ្ងៃសៅរ៍នេះ ។ លោក Macron បានព្យាយាមធ្វើឱ្យមានតុល្យភាពរវាងសម្ពាធសម្រាប់ការឆ្លើយតបយ៉ាងខ្លាំង និងការព្រួយបារម្ភនៃការបង្កឱ្យមានប្រតិកម្មកាន់តែខ្លាំង។រដ្ឋមន្ត្រីក្រសួងមហាផ្ទៃលោក Gerald Darmanin (ហ្សេនេរ៉ាល់ ដាម៉ាណាំង) បានប្រាប់ទូរទស្សន៍ TF1 ថា អង្គភាពបង្ក្រាបទាំងនគរបាល និងកម្លាំងល្បាតយោធាប៉ារ៉ា ស្ថិតក្នុងចំណោមមន្ត្រីចំនួន ៤៥.០០០នាក់ ដែលត្រូវបានដាក់ពង្រាយកាលពីថ្ងៃសុក្រ។ យោងតាមតួលេខរបស់រដ្ឋាភិបាលបានឲ្យដឹងថា ចំនួននេះធៀបនឹង ៤០.០០០នាក់ កាលពីយប់មុន នៅពេលដែលកម្លាំងនគរបាលបានបរាជ័យក្នុងការទប់ស្កាត់សំណង់ចំនួន ៤៩២កន្លែង ដែលត្រូវបានបំផ្លាញ រថយន្តចំនួន ២.០០០គ្រឿងត្រូវបានដុត និងអគ្គិភ័យ៣.៨៨០កន្លែង បានឆេះនៅទូទាំងប្រទេស៕

បណ្ដាញសង្គម

ព័ត៌មានថ្មីៗ

សមត្ថកិច្ចរាជធានីភ្នំពេញបង្ក្រាបទីតាំងបទល្មើសឆបោកតាមអនឡាញ២កន្លែងទៀតឃាត់ខ្លួនមនុស្សបាន១៣៣នាក់
07/18/2025 09:07 PM
Facebook Telegram Linkin
នាយករដ្ឋមន្ត្រីបារាំង ប្រឹងប្រែងបន្ទន់ជំហរប្រឆាំង ចំពោះច្បាប់ថវិការបស់លោក ដើម្បីបញ្ចៀសវិបត្តិថ្មី
07/18/2025 08:07 PM
Facebook Telegram Linkin
អ៊ីរ៉ង់៖ ប្រទេសអឺរ៉ុបគ្មានមូលដ្ឋានសីលធម៌ និងផ្លូវច្បាប់ ដើម្បីអនុវត្តទណ្ឌកម្មមានឡើងវិញភ្លាមៗ
07/18/2025 08:07 PM
Facebook Telegram Linkin
វិមានក្រឹមឡាំង ប្រាប់ថា រុស្ស៊ីបានបង្កើតអភ័យឯកសិទ្ធិជាក់លាក់ បន្ទាប់ពី EU ចេញទណ្ឌកម្មថ្មី
07/18/2025 07:07 PM
Facebook Telegram Linkin
បទបញ្ជាបោសសម្អាតការឆបោកតាមប្រព័ន្ធបច្ចេកវិទ្យា នឹងជួយទាក់ទាញអ្នកវិនិយោគកាន់តែច្រើនថែមទៀតមកកាន់កម្ពុជា
07/18/2025 07:07 PM
Facebook Telegram Linkin
កម្ពុជា-ហ្វីលីពីន ឯកភាពបន្តពង្រឹងកិច្ចសហប្រតិបត្តិការលើវិស័យការពារជាតិ ជាពិសេសការបណ្តុះបណ្តាលធនធានមនុស្ស
07/18/2025 07:07 PM
Facebook Telegram Linkin
មន្ត្រីរាជការក្រសួងប្រៃសណីយ៍ ចូលរួមដាំដើមកោងកាងចំនួន៥៥០ ដើម ក្រោមប្រធានបទ “ឌីជីថល ផ្សារភ្ជាប់បរិស្ថាន”
07/18/2025 07:07 PM
Facebook Telegram Linkin
លោក Zelenskyy៖ លោកបានពិភាក្សាអំពីការផ្គត់ផ្គង់មីស៊ីល និងការបណ្តុះបណ្តាលអ្នកបើកយន្តហោះជាមួយលោក Macron
07/18/2025 07:07 PM
Facebook Telegram Linkin
ប្រធានការិយាល័យសិទ្ធិមនុស្ស UN ជំរុញឲ្យមានការទទួលខុសត្រូវ ចំពោះការសម្លាប់ នៅទីក្រុង Sweida របស់ស៊ីរី
07/18/2025 07:07 PM
Facebook Telegram Linkin
រុស្ស៊ីចាប់ខ្លួនស្ត្រីសញ្ជាតិអាមេរិក-រុស្ស៊ី នៅអាកាសយានដ្ឋាន ពីបទរត់ពន្ធកាំភ្លើង
07/18/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.