នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

ស៊ុយអែត ចោទប្រកាន់សកម្មជនអាកាសធាតុនាង Greta Thunberg ពីបទមិនស្តាប់បង្គាប់នគរបាល

2023/07/07 06:33:06 pm        608
Facebook Telegram Linkin
ស៊ុយអែត៖ យោងតាមសារព័ត៌មានប្រចាំថ្ងៃ Sydsvenskan បានរាយការណ៍ថា សកម្មជនអាកាសធាតុជនជាតិស៊ុយអែត នាង Greta Thunberg ត្រូវបានចោទប្រកាន់ពីបទមិនគោរពបទបញ្ជារបស់នគរបាល ដែលសុំឲ្យចាកចេញពីការតវ៉ាអំពីអាកាសធាតុនៅក្នុងទីក្រុង Malmo ភាគខាងត្បូង កាលពីថ្ងៃទី ១៩ ខែមិថុនា។ នាង Thunberg អាយុ២០ ឆ្នាំ បានចូលរួមក្នុងការតវ៉ាដែលរៀបចំដោយក្រុមសកម្មជនបរិស្ថាន ខណៈដែលពួកគេប៉ុនប៉ងបិទច្រកចូលនិងចេញ ទៅកាន់កំពង់ផែទីក្រុង Malmo ដើម្បីតវ៉ាការប្រើប្រាស់ឥន្ធនៈហ្វូស៊ីល។ នាង Thunberg បាននិយាយនៅក្នុងការបង្ហោះនៅលើបណ្តាញ Instagram នៅពេលនោះថា វិបត្តិអាកាសធាតុគឺជាបញ្ហាជីវិត និងការស្លាប់មនុស្សរាប់មិនអស់រួចទៅហើយ។ យើងជ្រើសរើស ពុំមែនជាអ្នកឈរមើលនោះទេ ហើយជំនួសមកវិញដោយបញ្ឈប់ពិតប្រាកដនូវហេដ្ឋារចនាសម្ព័ន្ធឥន្ធនៈហ្វូស៊ីល។ យើងកំពុងទាមទារមកវិញនៅពេលអនាគត។កាលពីថ្ងៃពុធ ក្រុមនេះបាននិយាយថា បន្ទាប់ពីបានរារាំងសកម្មភាពនានាដែលកំពុងដុតបំផ្លាញអនាគតរបស់យើង ពេលនេះយើងកំពុងត្រូវបានចោទប្រកាន់ពីបទឧក្រិដ្ឋ។ ខណៈការចោទប្រកាន់កំពុងត្រូវបានដាក់មកលើយើង បទឧក្រិដ្ឋពិតប្រាកដកំពុងកើតឡើងនៅខាងក្នុងដែលយើងបានរារាំង។ ប្រសិនបើត្រូវបានកាត់ទោសពីបទមិនគោរពតាមបទបញ្ជារបស់នគរបាល នាងThunberg អាចនឹងត្រូវពិន័យជាប្រាក់ ឬជាប់ពន្ធនាគាររហូតដល់ ៦ ខែ។ យោងតាមសារព័ត៌មាន Sydsvenskan បានឲ្យដឹងថា រដ្ឋអាជ្ញាលោក Charlotte Ottosen បាននិយាយថា អ្នកមានសេរីភាពដើម្បីធ្វើបាតុកម្ម ប៉ុន្តែអ្នកមិនត្រូវធ្វើបាតុកម្មតាមរបៀបបែបនេះនោះទេ ដែលវាបង្កការរំខានដល់អ្នកដទៃ ។

ប្រមុខUNអំពាវនាវឲ្យមានកងកម្លាំងសន្តិសុខរឹងមាំដាក់ពង្រាយដើម្បីផ្តល់ជំនួយដល់នគរបាលបាលជាតិហៃទី

2023/07/07 06:29:31 pm        397
Facebook Telegram Linkin
UN៖ អគ្គលេខាធិការអង្គការសហប្រជាជាតិ លោក Antonio Guterres កាលពីថ្ងៃព្រហស្បតិ៍ទី៦ ខែកក្កដា បានអំពាវនាវដល់ក្រុមប្រឹក្សាសន្តិសុខអង្គការសហប្រជាជាតិ និងរដ្ឋជាសមាជិក ឲ្យបង្កើតលក្ខខណ្ឌសម្រាប់ការដាក់ពង្រាយកងកម្លាំងពហុជាតិសាសន៍ ដើម្បីជួយដល់នគរបាលជាតិប្រទេសហៃទី ស្របពេលកើនឡើងអំពើហិង្សា និងវិបត្តិមនុស្សធម៌កាន់តែអាក្រក់ឡើង។ ប្រមុខអង្គការសហប្រជាជាតិ បាននិយាយថា កាលពីខែតុលា ឆ្នាំ២០២២ រដ្ឋាភិបាលហៃទី បានស្នើសុំកងកម្លាំងសន្តិសុខអង្គការសហប្រជាជាតិ ដើម្បីជួយបង្ក្រាបក្រុមជនអន្ធពាលហិង្សា ដែលដណ្តើមយករដ្ឋធានីព័រអូប្រាំង និងតំបន់ភាគច្រើនផ្សេងទៀតនៃប្រទេសដីកោះតូចមួយនេះ។ ការអំពាវនាវរបស់ពួកគេនៅពុំទាន់បានឆ្លើយតបនៅឡើយ។លោក Guterres និយាយថា ក្រុមជនអន្ធពាលដ៏លោភលន់ កំពុងប្រើប្រាស់ការចាប់ជំរិត និងហិង្សាផ្លូវភេទជាអាវុធ ដើម្បីធ្វើឲ្យសហគមន៍ទាំងមូលភ័យខ្លាច។ ពិភពលោកទាំងមូលត្រូវតែមានចំណាត់ការនៅពេលនេះដើម្បីទប់ស្កាត់អំពើហិង្សា និងអស្ថិរភាព។លោក Guterres ក៏បានអំពាវនាវដល់សហគមន៍អន្តរជាតិ ដើម្បីបំពេញការសន្យានិងផ្នែកមនុស្សធម៌ និងបង្កើនផែនការឆ្លើយតបមនុស្សធម៌៧២០លានដុល្លាររបស់អង្គការសហប្រជាជាតិ ដែលក្នុងចំណោមនេះមានត្រឹមតែ២០ភាគរយប៉ុណ្ណោះនៃចំនួននេះត្រូវបានផ្តល់មូលនិធិនៅពេលបច្ចុប្បន្ន។ប្រមុខអង្គការសហប្រជាជាតិ បានស្នើសុំដល់តួអង្គនយោបាយ និងសង្គម ដើម្បីពន្លឿនកិច្ចប្រឹងប្រែងរបស់ពួកគេ ឆ្ពោះទៅរកដំណោះស្រាយនយោបាយដែលត្រូវការដាច់ដោយឡែកពីគ្នា៕

គ.ជ.ប ណែនាំមន្រ្តីបម្រើការិយាល័យបោះឆ្នោតពង្រឹងគុណភាពឲ្យបានម៉ត់ចត់

2023/07/07 06:27:22 pm        430
Facebook Telegram Linkin
ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) នឹងរៀបចំជ្រើសរើសមន្រ្តីបម្រើ​ការិយាល័យ​បោះឆ្នោត​ចំនួនជាង ​១៤ម៉ឺននាក់​ ខណៈមន្រ្តីទាំងអស់នឹង​ត្រូវបណ្តុះបណ្តាល ដើម្បី​ធានាអំពីការបោះឆ្នោតខាងមុខប្រកបដោយតម្លាភាព​។ ស្របពេលការបោះឆ្នោតជ្រើសតាំងតំណាងរាស្រ្ត នីតិកាលទី៧ខិតជិតមកដល់ ​នៅថ្ងៃទី៧ ខែកក្កដា ឆ្នាំ២០២៣ ឯកឧត្តម ហង្ស ពុទ្ធា សមាជិក និងជាអ្នកនាំពាក្យ គ.ជ.ប បានឲ្យដឹងថា ដើម្បីអនុវត្តទៅ​តាមនីតិវិធី និងច្បាប់បោះឆ្នោត នាថ្ងៃទី៩ កក្កដាខាងមុខ គ.ជ.ប នឹងរៀបចំជ្រើសរើសមន្រ្តី​បម្រើតាម​ការិយាល័យបោះឆ្នោតនៅទូទាំងប្រទេសម្រាប់ការបោះឆ្នោតជ្រើសតាំងតំណាងរាស្រ្ត ស្មើនឹងចំនួន​ជាង ១៤ម៉ឺននាក់ ក្នុង​ការិយាល័យបោះឆ្នោតសរុបជាង ២ម៉ឺនការិយាល័យ។ ឯកឧត្តម បន្តថា ​ក្នុងដំណាក់ជ្រើសរើសមន្រ្តីទាំងអស់ត្រូវមាន​បុគ្គលិក​លក្ខណៈស្រប​តាមការ​កំណត់ និងនីតិវិធីជាចាំបាច់។ ឯកឧត្តម បញ្ជាក់ថា ក្នុងគោលបំណងធានាដល់ការបោះឆ្នោតប្រព្រឹត្តទៅ​ដោយត្រឹមត្រូវ គ្រប់មន្រ្តី​បម្រើ​តាមការិយាល័យបោះឆ្នោតនីមួយៗ​អំលុងថ្ងៃបោះឆ្នោតនោះត្រូវបានត្រួតពិនិត្យបន្ថែមពី គ.ជ.ប​ ដើម្បីធ្វើយ៉ាងណាឲ្យ​ការ​បំពេញ​កាតព្វកិច្ច​របស់​មន្រ្តីទាំងអស់​ស្របតាមច្បាប់។ ក្នុងនោះ ប្រសិន​មន្រ្តីបម្រើការិយាល័យរូបណាមិនគោរពទៅតាមច្បាប់ ​និងកិច្ចសន្យារបស់ខ្លួន នឹងត្រូវ​ទទួលពិន័យ ​ឬបញ្ឈប់ពីការងាររបស់ខ្លួនភ្លាមៗផងដែរ។ ឯកឧត្តម បានបញ្ជាក់ទៀតថា​ មន្រ្តីបម្រើការិយាល័យបោះឆ្នោតគ្រប់រូបត្រូវបានឆ្លងកាត់ពង្រឹង​ផ្នែក​ធនធាន និងសមត្ថភាពច្បាស់លាស់ធ្វើយ៉ាងណា​ឲ្យការអនុវត្តរបស់មន្រ្តី​ទាំងអស់​ឈរលើ​ស្មារតី​មិន​លម្អៀង និងអព្យាក្រិតភាពក្នុងតួនាទីរបស់ខ្លួន។ ការបោះឆ្នោតជ្រើសរើស​តំណាងរាស្រ្ត ​នីតិកាលទី៧ នឹងប្រព្រឹត្តទៅនៅថ្ងៃទី២៣​ ខែកក្កដា ឆ្នាំ២០២៣ ​ខណៈប្រជាពលរដ្ឋនឹងចូលរួមការបោះឆ្នោតចំនួនជាង៩លាន៧សែននាក់៕ អត្ថបទ សេក ឧត្តម

ក្រុមហ៊ុនTwitter គំរាមប្ដឹងក្រុមហ៊ុន Meta ពាក់ព័ន្ធនឹងកម្មវិធី Threads

2023/07/07 05:30:58 pm        314
Facebook Telegram Linkin
អាមេរិក៖ បណ្ដាញសង្គម Twitter បានគំរាមប្តឹងវេទិការបស់ក្រុម Meta (META.O) ពាក់ព័ន្ធនឹងវេទិកា Threads ថ្មីរបស់ខ្លួន នៅក្នុងលិខិតមួយ ដែលផ្ញើទៅកាន់នាយកប្រតិបត្តិរបស់បណ្ដាញសង្គម Facebook លោក Mark Zuckerberg ដោយមេធាវីរបស់ក្រុមហ៊ុនបណ្ដាញសង្គម Twitter លោក Alex Spiro។ក្រុមហ៊ុន Meta ដែលបានបើកដំណើរការកម្មវិធី Threads កាលពីថ្ងៃពុធ (ទី៥ ខែកក្កដា) និងមានអ្នកប្រើប្រាស់ចុះឈ្មោះជាង ៣០លាននាក់ ហាក់ដូចជាកំពុងប្រើប្រាស់បណ្ដាញសង្គម Twitter របស់លោក Elon Musk ដោយទាញយកប្រយោជន៍ពីអ្នកលេងបណ្ដាញសង្គម Instagram រាប់ពាន់លាននាក់។គេហទំព័រព័ត៌មាន Semafor បានរាយការណ៍កាលពីដំបូងថា លោក Spiro នៅក្នុងលិខិតរបស់លោក បានចោទប្រកាន់ក្រុមហ៊ុន Meta ថា បានជួលអតីតបុគ្គលិករបស់ក្រុហហ៊ុនបណ្ដាញសង្គម Twitter ដែលបាននិងបន្តចូលប្រើប្រាស់ការសម្ងាត់ពាណិជ្ជកម្ម និងព័ត៌មានសម្ងាត់កម្រិតខ្ពស់ផ្សេងទៀតរបស់បណ្ដាញសង្គម Twitter។ប្រភពទីភ្នាក់ងារព័ត៌មាន Reuters ដែលបានដឹងពីលិខិតនោះ បានបញ្ជាក់ពីខ្លឹមសាររបស់លិខិតនោះ កាលពីថ្ងៃព្រហស្បតិ៍ (ទី៦ ខែកក្កដា) តែលោក Spiro មិនបានឆ្លើយតបនឹងសំណើសុំការអត្ថាធិប្បាយរបស់ទីភ្នាក់ងារ Reuters នោះទេ។ពាក់ព័ន្ធនឹងករណីនេះ អ្នកនាំពាក្យរបស់ក្រុមហ៊ុន Meta លោក Andy Stone បាននិយាយនៅក្នុងការបង្ហោះកម្មវិធី Threads ថា៖ «គ្មាននរណាម្នាក់ នៅក្នុងក្រុមវិស្វកម្មនៃកម្មវិធី Threads គឺជាអតីតបុគ្គលិករបស់កក្រុមហ៊ុនបណ្ដាញសង្គម Twitter នោះទេ»។អតីតបុគ្គលិកជាន់ខ្ពស់ម្នាក់របស់ Twitter បានប្រាប់សារព័ត៌មាន Reuters ថា ពួកគេមិនបានដឹងអំពីអតីតបុគ្គលិកណាម្នាក់ ដែលធ្វើការលើកម្មវិធី Threads ឬបុគ្គលិកជាន់ខ្ពស់ណាម្នាក់ ដែលបានទៅធ្វើការឲ្យក្រុម Meta ទាល់តែសោះ។ ក្រុមហ៊ុនមេតា គឺម្ចាស់របស់បណ្ដាញសង្គម Instagram ព្រមទាំងបណ្ដាញសង្គម Facebook ផងដែរ៕

អាមេរិក ថ្កោលទោស ការវាយប្រហារលើអ្នកសារព័ត៌មានរុស្ស៊ី និងមេធាវី នៅតំបន់ Chechnya

2023/07/07 05:27:58 pm        326
Facebook Telegram Linkin
អាមេរិក៖ ក្រសួងការបរទេសបាននិយាយនៅក្នុងសេចក្តីថ្លែងការណ៍ថា សហរដ្ឋអាមេរិកមានការតក់ស្លុតចំពោះការវាយប្រហារដ៏ឃោឃៅនៅក្នុងតំបន់ (ឆេតឈ្នី) Chechnya លើអ្នកសារព័ត៌មានស្ត្រីជនជាតិរុស្ស៊ីដ៏លេចធ្លោម្នាក់និងមេធាវីម្នាក់ ហើយក្រសួង បានជំរុញឲ្យរុស្ស៊ីធ្វើការស៊ើបអង្កេតប្រកបដោយតម្លាភាព និងធានាបាននូវយុត្តិធម៌។យោងតាមប្រធានរបស់លោកស្រី Milashina និងក្រុមសិទ្ធិមនុស្ស បាននិយាយថា ជនពាក់ម៉ាស់ប្រដាប់ដោយអាវុធ កាលពីថ្ងៃអង្គារ បានវាយប្រហារលើ លោកស្រី Yelena Milashina ជាអ្នកសារព័ត៌មានបម្រើ ការឲ្យសារព័ត៌មាន Novaya Gazeta ជាអ្នកដែលស្កិតនៅក្នុងតំបន់ Chechnya ជាមួយមេធាវីម្នាក់ លោក Alexander Nemov នៅពេលពួកគេត្រូវបានស្ទាក់វាយប្រហារ ខណៈបើកបរពីអាកាសយានដ្ឋាន។ កាលពីថ្ងៃពុធ រុស្ស៊ី បានបើកការស៊ើបអង្កេតករណីព្រហ្មទណ្ឌក្នុងការវាយប្រហារនេះ។ លោកស្រី Milashina និងលោក Nemov គ្រោងចូលរួមសវនាតុលាការ ក្នុងករណីនៃស្ត្រីម្នាក់ ដែលពួកគេជឿថាត្រូវបានគេធ្វើបាបយ៉ាងអយុត្តិធម៌ព្រោះហេតុផលនយោបាយ។ ការវាយប្រហារទៅលើពួកគេ ដែលអ្នកវាយប្រហារបានយកកាំភ្លើងភ្ជង់ក្បាលរបស់លោកស្រី Milashina ដែលបានបានកោរសក់ និងលាបថ្នាំពណ៌បៃតង និងបានចាក់លោក Nemov ចំជើង ដោយរារាំងពួកគេទាំងពីរនាក់មិនឲ្យចូលរួម។  ពួកគេបានធ្វើដំណើរដោយយន្តហោះត្រលប់មកទីក្រុងមូស្គូវិញដើម្បីព្យាបាល ក្នុងពេលមានការហៅពីវិមានក្រឹមឡាំងដើម្បីរកឯកសារសំខាន់ៗនៅក្នុងតំបន់ Chechnya ជាទីដែលមានពលរដ្ឋមូស្លីមភាគច្រើន នៅភាគខាងត្បូង គ្រប់គ្រងដោយលោក Ramzan Kadyrov សម្ព័ន្ធមិត្តរបស់ប្រធានាធិបតីលោក Vladimir Putin ដើម្បីស៊ើបអង្កេត។

លោកហ្សេលេនស្គី ស្នើឲ្យជំនួបកំពូលណាតូបញ្ជូនសញ្ញាច្បាស់លាស់អំពីសមាជិកភាពរបស់អ៊ុយក្រែន

2023/07/07 05:24:37 pm        336
Facebook Telegram Linkin
អ៊ុយក្រែន៖ លោកប្រធានាធិបតីអ៊ុយក្រែន វ៉ូឡូឌីមៀរ ហ្សេលេនស្គី អំពាវនាវឲ្យមេដឹកនាំសម្ព័ន្ធណាតូទាំងអស់ចាត់វិធានការជាក់ស្តែងចំពោះសមាជិកភាពរបស់អ៊ុយក្រែននៅឯកិច្ចប្រជុំកំពូលមួយនាសប្តាហ៍ក្រោយ ហើយលោកបានទទួលការគាំទ្រ ក្នុងអំឡុងទស្សនកិច្ចទីក្រុងប្រាក (Prague)ពីប្រធានាធិបតីសាធារណរដ្ឋឆែក ដែលគាំទ្រកិច្ចប្រឹងប្រែងរបស់ទីក្រុងគីវ ដើម្បីចូលរួមសម្ព័ន្ធមិត្តនេះ។  លោកបានថ្លែងថា ប្រទេសរបស់លោកដែលបានចូលរួមនៅក្នុងខែទី១៧នៃសង្រ្គាមប្រឆាំងនឹងសង្គ្រាមរបស់រុស្ស៊ី ត្រូវការច្រើនជាងសេចក្តីថ្លែងការណ៍ទូទៅនៃការរង់ចាំរយៈពេលជាង១០ឆ្នាំ ដែលថា ឱកាសចូលជាសមាជិកអង្គការណាតូ ទើបតែបើកចំហប៉ុណ្ណោះ។អ៊ុយក្រែន កំពុងស្វែងរកការចង្អុលបង្ហាញច្បាស់លាស់ពីណាតូក្នុងជំនួបកំពូលនាថ្ងៃទី១១-១២ ខែកក្កដានៅទីក្រុងVilnius ថា ខ្លួនអាចចូលរួមជាមួយសម្ព័ន្ធមិត្តយោធានេះ នៅពេលដែលសង្រ្គាមបានបញ្ចប់។អ៊ុយក្រែន ចង់ចូលរួមឲ្យបានឆាប់តាមដែលអាចធ្វើទៅបាន ប៉ុន្តែសមាជិកណាតូ ត្រូវបានបែងចែកថាតើវិធានការនោះ គួរតែត្រូវចាត់ឡើងលឿនប៉ុនណា។ ប្រទេសសមាជិកមួយចំនួន មានការប្រុងប្រយ័ត្នចំពោះវិធានការដែលពួកគេភ័យខ្លាចថា អាចនាំសម្ព័ន្ធភាពនេះឲ្យខិតចូលកាន់តែជិតនឹងសង្គ្រាមដ៏សកម្មជាមួយរុស្ស៊ី។លោកហ្សេលេនស្គី បានប្រាប់សន្និសីទសារព័ត៌មានមួយជាមួយសមភាគីឆែករបស់លោកគឺ លោក Petr Pavelថា៖«យើងកំពុងនិយាយអំពីសញ្ញាច្បាស់លាស់ រឿងជាក់ស្តែងមួយចំនួននៅក្នុងទិសដៅនៃការស្នើសុំ។ យើងត្រូវការការលើកទឹកចិត្តនេះ។ យើងត្រូវការភាពស្មោះត្រង់នៅក្នុងទំនាក់ទំនងរបស់យើង»៕

លោក លូកាសិនកូ៖លោកមានសិទ្ធិវ៉េតូ ជុំវិញការប្រើប្រាស់អាវុធនុយក្លេអ៊ែររបស់រុស្ស៊ីនៅបេឡារុស

2023/07/07 04:55:28 pm        337
Facebook Telegram Linkin
បេឡារុស៖ លោកប្រធានាធិបតីបេឡារុស  អាឡិចសិនឌ័រ លូកាសិនកូ (Alexander Lukashenko) បាននិយាយកាលពីថ្ងៃព្រហស្បតិ៍ថា លោកនឹងមានសិទ្ធិវ៉េតូ ជុំវិញការប្រើប្រាស់អាវុធនុយក្លេអ៊ែរតាកទិក ដែលរុស្ស៊ី កំពុងតម្កល់ទុកនៅក្នុងដឹកដីរបស់លោក និងបានត្រូវបានតាមរំខានពីក្រុមចារកម្មរបស់លោកខាងលិចមិនឲ្យបញ្ជូនក្បាលគ្រាប់ទាំងនោះ។  លោកប្រធានាធិបតីរុស្ស៊ី Vladimir Putin ដែលបានគ្រប់គ្រងអំណាចនុយក្លេអ៊ែរធំបំផុតរបស់ពិភពលោក បានប្រកាសផែនការមួយកាលពីខែមីនា ក្នុងការពង្រាយអាវុធនុយក្លេអ៊ែរតាកទិក ក្នុងប្រទេសបេឡារុស ជាជំហានដំបូងរបស់ក្រុងមូស្គូ ក្នុងការដាក់ពង្រាយក្បាលគ្រាប់ក្រៅប្រទេសរុស្ស៊ី ចាប់តាំងពីការដួលរលំអតីតសហភាពសូវៀតឆ្នាំ១៩៩១។  លោក Putin បាននិយាយថា ការដាក់ពង្រាយអាវុធទាំងនេះ នឹងមិនផ្ទុយនឹងសន្ធិសញ្ញាហាមប្រាមមិនរីកសាយអាវុធនុយក្លេអ៊ែរ ឆ្នាំ១៩៦៨ទេ ព្រោះអាវុធទាំងនោះ នឹងត្រូវបានគ្រប់គ្រងដោយរុស្ស៊ី  ដូចអាវុធនុយក្លេអ៊ែររបស់សហរដ្ឋអាមេរិក នៅតំបន់អឺរ៉ុប ត្រូវបានគ្រប់គ្រងជាធម្មតា ដោយសហរដ្ឋអាមេរិក ដូច្នោះដែរ។ ប៉ុន្តែលោក លូកាសិនកូ ដែលបានច្រានចោលការលើកឡើងដែលថាលោកជាមេដឹកនាំផ្ដាច់ការចុងក្រោយរបស់អឺរ៉ុប បានបញ្ជាក់ជាថ្មីទៅកាន់ក្រុមអ្នកសារព័ត៌មានថា លោកនឹងមានសិទ្ធិវ៉េតូ ក្នុងការប្រើប្រាស់អាវុធនុយក្លេអ៊ែរតាកទិកណាមួយរបស់រុស្ស៊ី ដែលលោក Putin បានសម្រេចចិត្តបង្កើតឡើងចុងក្រោយ។លោកថា ការគ្រប់គ្រងត្រូវបានអនុវត្តន៍ល្អបំផុត ដោយមានការចូលរួមដោយបេឡារុស និងរុស្ស៊ី ។ ប្រសិនបើរុស្ស៊ី សម្រេចចិត្តប្រើអាវុធនុយក្លេអ៊ែរ លោកជឿជាក់ណាស់ថា នឹងមានការពិភាក្សាជាមួយសម្ព័ន្ធមិត្តជិតស្និទ្ធិរបស់ខ្លួនគឺ បេឡារុសនេះឯង។ ប្រសិនបើខ្ញុំឬ ប្រជាពលរដ្ឋរបស់យើង ឬ រដ្ឋរបស់យើងមិនចង់ធ្វើអ្វីមួយ នោះ មានន័យថានឹងមិនកើតឡើងឡើយ។ លោកថា គ្មាននរណាម្នាក់ចង់វាយប្រហារអាមេរិក ឬ ប្រទេសមហាអំណាចអឺរ៉ុប ដោយប្រើនុយក្លេអ៊ែរទេ ដោយនិយាយថា អាវុធទាំងនោះគ្រាន់តែសម្រាប់ការពារប្រទេសខ្លួនប៉ុណ្ណោះ ។ យ៉ាងណាក៏ដោយលោកប្រធានាធិបតីបេឡារុសរូបនេះ បានលើកឡើងថា លោកអាចប្រើអាវុធនុយក្លេអ៊ែរតាកទិករបស់រុស្ស៊ី ដែលកំពុងត្រូវបានដាក់ពង្រាយនៅក្នុងប្រទេសរបស់លោកបាន៕

សម្តេចតេជោ ហ៊ុន សែន អំពាវនាវដល់អ្នកដែលយកឈ្មោះសម្ដេចបង្កើតគណនី TikTok ត្រូវលុបចោលជាបន្ទាន់

2023/07/07 04:06:45 pm        487
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា នាព្រឹកថ្ងៃទី៧ ខែកក្កដា ឆ្នាំ២០២៣នេះ បានអំពាវនាវដល់អ្នកដែលយកឈ្មោះសម្ដេចទៅបង្កើតគណនី TikTok ត្រូវលុបចោលជាបន្ទាន់ បើពុំដូច្នោះទេនឹងត្រូវចាត់វិធានការតាមច្បាប់ខណៈបច្ចុប្បន្នមានគណនី TikTok ក្លែងក្លាយជាច្រើនបានយកឈ្មោះសម្តេចទៅបង្កើត។សម្ដេចតេជោ ហ៊ុន សែន បានមានប្រសាសន៍ថាអ្នកដែលយកឈ្មោះសម្ដេចទៅបង្កើតគណនី គឺមិនមានបំណងអាក្រក់អាណាមួយនោះទេ ប៉ុន្ដែការធ្វើបែបនេះអាចធ្វើឱ្យមានការប៉ះពាល់ប្រសិនបើមានការធ្វេសប្រហែសណាមួយនោះ។ សម្ដេចតេជោ ស្នើដល់អ្នកដែលយកឈ្មោះសម្ដេចទៅបង្កើតគណនី TikTok ទាំអស់មិនថាបង្កើតគណនីឡើងក្នុងរូបភាពណាមួយនោះទេ គឺត្រូវលុបចោលទាំអស់ បើមិនដូច្នោះទេនឹងត្រូវចាត់វិធានការចាំបាច់នានាដើម្បីធានាថាគណនី TikTok ឈ្មោះ Samdech Hun Sen គឺមានតែសម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជាតែមួយប៉ុណ្ណោះ។ សម្ដេចតេជោបញ្ជាក់ថា សូម្បីតែគណនី TikTok ឈ្មោះថា Samdech Hun Sen Fan ក៏ត្រូវលុបចោល ដែរមិនត្រូវឱ្យមានគណនីផ្សេងអ្វីបទៀតនាំឱ្យមានការភាន់ច្រឡំនោះទេ។ បើមិនដូច្នោះទេនឹងត្រូវចាត់វិធានការច្បាប់នានាដោយមិនអាចឡើកលែងបានឡើយ។សម្ដេចតេជោ បានបញ្ជាឱ្យជំនួយការរបស់សម្ដេចដែលកំពុងធ្វើការងារលើការគ្រប់គ្រងគណនី TikTok ដែលទទួលបានគណនី TikTok មួយចំនួនពីអ្នកដទៃក៏ត្រូវលុបចោលទាំងស្រុងភ្លាមៗ​ដែរហើយត្រូវធ្វើការជាមួយក្រុមហ៊ុន TikTok ដើម្បីលុបចោលរាល់គណនី TikTok ក្លែងក្លាយផ្សេងទៀតដើម្បីចៀវវាងការភាន់ច្រឡំ។ សូមជម្រាបថា គណនី TikTok ផ្លូវការរបស់សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា គឺមាន​តែមួយប៉ុណ្ណោះ គឺមានឈ្មោះថា Samdech Hun Sen ដែលគិតថត្រឹមព្រឹកថ្ងៃទី៧ ខែកក្កដា ឆ្នាំ២០២៣នេះមានអ្នកគាំទ្រ (Followers) ជាង ១២ ម៉ឺននាក់ និងអ្នកចូលចិត្ត (Like)ជាង ៥០ ម៉ឺននាក់៕អត្ថបទ៖ វ៉ន ដារ៉ា

អគារថ្មីបេឡាជាតិសន្តិសុខសង្គម បង្ហាញពីភាពរឹងមាំក្នុងការអភិវឌ្ឍវិស័យសន្តិសុខសង្គមនៅកម្ពុជា

2023/07/06 09:57:58 pm        260
Facebook Telegram Linkin
ភ្នំពេញ៖ ក្រសួងការងារ និងបណ្តុះបណ្តាលវិជ្ជាជីវៈ នៅព្រឹកថ្ងៃទី៦ ខែកក្កដា ឆ្នាំ២០២៣នេះ បានរៀបចំពិធីសម្ពោធដាក់ឲ្យប្រើប្រាស់ជាផ្លូវការ អគារស្នាក់ការកណ្តាលបេឡាជាតិសន្តិសុខសង្គម ហៅកាត់ ប.ស.ស ដែលប្រព្រឹត្តទៅក្រោមអធិបតីភាព ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ។តាមរបាយការណ៍ស្វាគមន៍របស់ឯកឧត្តមបណ្ឌិត អ៊ិត សំហេង រដ្ឋមន្រ្តីក្រសួងការងារ និង​បណ្តុះបណ្តាលវិជ្ជាជីវៈ នៅក្នុងពិធីសម្ពោធនេះ ​បានបញ្ជាក់ថា​ អគារស្នាក់ការកណ្តាល ប.ស.ស នេះ ជាសមិទ្ធផលថ្មីរបស់រាជរដ្ឋាភិបាលកម្ពុជា ដែលបង្ហាញពីគោលនយោបាយ​របស់រាជ​រដ្ឋាភិបាល ក្នុងការអភិវឌ្ឍវិស័យសន្តិសុខសង្គមកាន់តែរឹងមាំ​ ទូលំទូលាយប្រកបដោយនិរន្តភាព ដើម្បី​ជាប្រយោជន៍ដល់កម្មករនិយោជិតទាំងសេដ្ឋកិច្ចក្នុងប្រព័ន្ធ ​និងសេដ្ឋកិច្ចក្រៅប្រព័ន្ធ រួមទាំងប្រជាពលរដ្ឋដែលស្ថិតក្នុងវិសាលភាពនៃច្បាប់ស្តីពីរបបសន្តិសុខសង្គម។ឯកឧត្តមបញ្ជាក់បន្ថែមថា អគារថ្មីមួយនេះ ជាកេរ៍ដំណែលនៃសម័យតេជោសម្រាប់ជំនាន់ក្រោយ​ប្រើប្រាស់ និងអភិវឌ្ឍបន្ត។នៅក្នុងពិធីនេះឯកឧត្តមឧបនាយករដ្ឋមន្រ្តី អូន ព័ន្ធមុនីរ័ត្ន បានចែករំលែកនូវទស្សនាទាន និងការ​ចង្អុលបង្ហាញ​ចំពោះកិច្ចការគន្លឹះដែល ប.ស.ស ​ត្រូវរៀបចំបន្ត ​មានដូចជា ត្រូវពង្រឹងគុណភាព​នៃការផ្តល់​សេវារបស់មូលដ្ឋានសុខាភិបាលដែលជាដៃគូ, បង្កើតយន្តការគាំពារសង្គម​ចំពោះការងារ​សេដ្ឋកិច្ចក្រៅប្រព័ន្ធ ជំរុញឲ្យចូលទៅក្នុងប្រព័ន្ធ និងបន្តអនុវត្តការថែទាំសុខភាពតាមប្រព័ន្ធ​មូលនិធិសមធម៌​សុខាភិបាលសម្រាប់កម្មករនិយោជិតក្រៅប្រព័ន្ធ និងការផ្តល់ប្រាក់ឧបត្ថម្ភបន្ថែម​សម្រាប់កម្មករនិយោជិតជាស្រ្តីនៅពេលសម្រាលកូន។ល។សូមបញ្ជាក់ថា ​អគារស្នាក់ការកណ្តាលថ្មីរបស់បេឡាជាតិសន្តិសុខសង្គមនេះ មាន​ទីតាំងស្ថិត​នៅភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។ អគារនេះ ​មានកម្ពស់២១ជាន់ គិតរួម​ទាំងការសាងសង់ ​សង្ហារឹម ហេដ្ឋារចនាសម្ព័ន្ធ ក្នុងនិងក្រៅអគារ និងការបំពាក់​ប្រព័ន្ធសុវត្ថិភាព។ល។ អស់ទឹកប្រាក់សរុបចំនួនប្រមាណជាង ​៤៣លានដុល្លារអាម៉េរិក ដែលជាថវិកាបានពីការសន្សំរបស់អង្គភាពផ្ទាល់៕

ពលរដ្ឋឃុំជើងព្រៃជាង ៦០០នាក់ ស្វែងយល់ពីរបៀបគូសសន្លឹកឆ្នោតជូនគណបក្សប្រជាជនកម្ពុជា

2023/07/06 09:50:27 pm        326
Facebook Telegram Linkin
ភ្នំពេញ៖ ឯកឧត្តម ប៉ាន សូរស័ក្តិ បេក្ខជនតំណាងរាស្រ្តមណ្ឌលខេត្តកំពង់ចាម និងសមាជិកគណៈកម្មាធិការកណ្ដាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានស្រុកព្រៃឈរ និងស្រុកបាធាយ បានបន្តចុះជួបផ្ទាល់សមាជិកសមាជិកា ឃុំជើងព្រៃ ប្រមាណជាង ៦០០នាក់ ដើម្បីណែនាំពីរបៀបគូសសន្លឹកឆ្នោតគាំទ្រគណបក្សប្រជាជនកម្ពុជាឱ្យបានត្រឹមត្រូវ។នៅក្នុងកម្មវិធីកាលពីព្រឹកថ្ងៃទី៦ ខែកក្កដា ឯកឧត្តមបេក្ខជនតំណាងរាស្រ្ត បានធ្វើការណែនាំអំពីរបៀបគូសសន្លឹកឆ្នោតគាំទ្រគណបក្សប្រជាជនកម្ពុជាឱ្យបានត្រឹមត្រូវ ព្រមទាំងបានអាន និងពន្យល់អំពីខ្លឹមសាររបស់កម្មវិធីនយោបាយរបស់គណបក្សប្រជាជនកម្ពុជា ដែលនឹងក្លាយជាកម្មវិធីនយោបាយរបស់រាជរដ្ឋាភិបាលនីតិកាលទី៧ នៃរដ្ឋសភា និងការដាក់ចេញនូវកម្មវិធីគោលនយោបាយជាអាទិភាពចំនួន ៦ចំណុច នៅក្នុងកម្មវិធីនយោបាយនេះ ជូនប្រជាពលរដ្ឋទាំងអស់ដែលបានចូលរួម។ ឯកឧត្តម បានរំឮកពីគុណបំណាច់របស់គណបក្សប្រជាជនកម្ពុជា ក្រោមការដឹកនាំប្រកប​ដោយ​គតិបណ្ឌិតរបស់សម្តេចតេជោ ហ៊ុន សែន ដែលបាននាំមកនូវភាពរីកចម្រើននៅទូទាំងប្រទេស ជាពិសេសក្នុងមូលដ្ឋានស្រុកបាធាយផ្ទាល់ ​ដោយបាននាំមកនូវការអភិវឌ្ឍហេដ្ឋារចនាសម្ព័ន្ធ ផ្លូវ ស្ពាន ប្រព័ន្ធធារាសាស្ត្រ បណ្ដាញទឹកស្អាត ភ្លើងអគ្គិសនី រោងចក្រកសិដ្ឋាន សំណង់តូចធំ មន្ទីរពេទ្យ សាលារៀន វត្តអារាម។ល។ ​ដែលជាសក្ខីភាពមួយបង្ហាញថា កម្ពុជា បាននិងកំពុងធ្វើដំណើរទៅមុខលើមាគ៌ាដ៏ត្រឹមត្រូវប្រកបដោយក្តីសង្ឃឹមជឿជាក់។ឯកឧត្តមបន្ថែមថា សមិទ្ធផលទាំងនេះ ​សុទ្ធតែបានមកពីផ្លែផ្កានៃសន្តិភាព ដោយការយក​អាយុជីវិត​ធ្វើជាដើមទុន និងពលិកម្មដ៏ធំធេងរបស់សមាជិក សមាជិកាគណបក្សប្រជាជនកម្ពុជា។អាស្រ័យហេតុនេះ ​យើងទាំងអស់គ្នាដែលជាកូនចៅជំនាន់ក្រោយ នឹងចងចាំជានិច្ច​នូវ​គុណូបការៈដ៏ថ្លៃថ្លានេះ ​និង​ប្តេជ្ញាចិត្តចូលរួមក្នុងការការពារសន្តិភាពឱ្យរឹងមាំ​ស្ថិតស្ថេរគង់វង្ស​ជានិច្ច តាមរយៈការទៅចូលរួមបោះឆ្នោត នៅថ្ងៃទី២៣ ខែកក្កដា ឆ្នាំ២០២៣ខាងមុខនេះ ឱ្យបានគ្រប់ៗគ្នា ហើយ​ត្រូវបោះឆ្នោតជូនគណបក្សប្រជាជនកម្ពុជា ​ដែលមានលេខរៀងទី១៨ និងមានរូប​សញ្ញាទេវតា​បាចផ្កាជាសម្គាល់ ​ដើម្បីរក្សាសុខសន្តិភាព​ ការអភិវឌ្ឍ ​និងភាពរីកចម្រើនបន្តទៀត៕

បណ្ដាញសង្គម

ព័ត៌មានថ្មីៗ

នាយករដ្ឋមន្ត្រីអ៊ីរ៉ាក់សាទរ​យុគសម័យ «អធិបតេយ្យភាព​» ថ្មី​ ក្រោយកម្លាំង​ចម្រុះ​ដឹកនាំដោយអាមេរិក​​ចាក​ចេញ​
09/30/2026 06:09 PM
Facebook Telegram Linkin
KCNA៖ កូរ៉េខាងជើង និងវៀតណាមកំពុងស្វែងរកការពង្រីកកិច្ចសហប្រតិបត្តិការយោធា
09/30/2026 06:09 PM
Facebook Telegram Linkin
ប្រធានាធិបតីអ៊ីរ៉ង់បង្ហាញឆន្ទៈពង្រឹងទំនាក់ទំនងជាមួយអ៊ូសបេគីស្ថាន និងអាស៊ែរបៃហ្សង់
09/30/2026 06:09 PM
Facebook Telegram Linkin
រុស្ស៊ីចេញការព្រមាននុយក្លេអ៊ែរទៅកាន់អង្គការណាតូ ខណៈភាពតានតឹងកើនឡើង នៅតំបន់បាល់ទិក
09/30/2026 05:09 PM
Facebook Telegram Linkin
ការបោកបក់ដល់ដីគោកជាលើកទី ២របស់ព្យុះសង្ឃរា Polo បង្កការជន់លិចនៅតំបន់ភាគខាងជើងម៉ិកស៊ិក
09/30/2026 05:09 PM
Facebook Telegram Linkin
ប្រជាជនរងគ្រោះទឹកជំនន់រហ័សជាង១ពាន់គ្រួសារ ក្នុងខេត្តបន្ទាយមានជ័យ ដែលជម្លៀសមកកាន់ទីទួលសុវត្ថិភាព ទទួលបានអំណោយពី សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន
09/30/2026 05:09 PM
Facebook Telegram Linkin
មន្ត្រី៖ អ៊ីរ៉ង់ទទួលបានការ​ឆ្លើយតបពីសហរដ្ឋអាមេរិក ជុំវិញ​ផែនកសាងទំនុកចិត្តរយៈពេល ៧ថ្ងៃ
09/30/2026 05:09 PM
Facebook Telegram Linkin
មនុស្សរាប់សិបនាក់រងរបួស ក្នុងការតវ៉ារបស់សិស្ស នៅបារាំង ជុំវិញបញ្ហាធនធានសាលារៀន
09/30/2026 05:09 PM
Facebook Telegram Linkin
ក្រុមចម្រុះដឹកនាំដោយសហរដ្ឋអាមេរិក បញ្ចប់បេសកកម្មនៅអ៊ីរ៉ាក់
09/30/2026 05:09 PM
Facebook Telegram Linkin
កងពលតូចដឹកជញ្ជូនលេខ៩៩ ធ្វើលំហាត់ហ្វឹកហ្វឺនបើកអូប័រជាក់ស្តែងត្រៀមសង្រ្គោះពលរដ្ឋរងគ្រោះដោយសារទឹកជំនន់ និងគ្រោះមហន្តរាយផ្សេងៗ
09/30/2026 05:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.