នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតីអញ្ជើញចុះត្រួតពិនិត្យ និងសួរសុខទុក្ខពលរដ្ឋរងគ្រោះដោយទឹកជំនន់នៅបន្ទាយមានជ័យ
សម្តេចតេជោ ហ៊ុន សែន អនុញ្ញាតឱ្យ លោកជំទាវ រ៉េឡែន ស្យ៉ាល់ តាហ្គាឡ័រ លៀវហ្វាឡានី (Raylene Siale Tagaloa LIUFALANI) ឯកអគ្គរដ្ឋទូតតែងតាំងថ្មី នៃប្រទេសនូវែលសេឡង់ ប្រចាំនៅកម្ពុជាចូលជួប និងប្រគល់សារតាំង
សម្តេចតេជោ ហ៊ុន សែន អនុញ្ញាតឱ្យ ឯកឧត្តម ទ្រីសម៉ាន់ អ៉ីហ្គោរ៍ (Driesmans Igor) ឯកអគ្គរាជទូតសហភាពអឺរ៉ុបប្រចាំកម្ពុជា និងជាប្រេសិតពិសេស EU ប្រចាំនៅមីយ៉ាន់ម៉ា ចូលជួបសម្ដែងការគួរសម
សម្តេចតេជោ ហ៊ុន សែន អនុញ្ញាតឱ្យ ឯកឧត្តមឯកអគ្គរដ្ឋទូតសហភាពអឺរ៉ុប ប្រចាំកម្ពុជា ចូលជួបសម្តែងការគួរសម

នយោបាយ​ និង ការអភិវឌ្ឍន៍

យានិកអ៊ីតាលីត្រឡប់មកដល់ផែនដីវិញ បន្ទាប់ពីមានការហោះហើរពាណិជ្ជកម្មលើកដំបូងដ៏មិនគួរឲ្យជឿរបស់យានចម្លង Virgin Galactic

2023/06/30 06:04:49 pm        216
Facebook Telegram Linkin
អ៊ីតាលី៖ អាកាសយានិកបុរស ៣រូបមកពីប្រទេសអ៊ីតាលី បានហោះឡើងចម្ងាយជាង ៥០ម៉ាយល៍ (៨០គីឡូម៉ែត្រ) ពីលើវាលខ្សាច់របស់រដ្ឋញូវម៉ិកស៊ីកូ (New Mexico) សហរដ្ឋអាមេរិក កាលពីថ្ងៃព្រហស្បតិ៍ (ទី២៩ ខែមិថុនា) នៅលើយន្តហោះរ៉ុក្កែតរបស់ក្រុមហ៊ុន Virgin Galactic ដែលជាការហោះហើរលើកដំបូងរបស់ក្រុមហ៊ុនដោយការបង់ប្រាក់ពីអតិថិជន ដែលធ្វើដំណើរទៅកៀកនឹងទីអវកាស គិតចាប់តាំងពីមហាសេដ្ឋីអង់គ្លេសលោក Richard Branson បានបង្កើតក្រុមហ៊ុននេះ ក្នុងឆ្នាំ២០០៤។មន្ត្រីកងទ័ពអាកាសអ៊ីតាលី ២នាក់ និងវិស្វករអវកាសមកពីក្រុមប្រឹក្សាស្រាវជ្រាវជាតិ (CNR) របស់ប្រទេសអ៊ីតាលី បានជិះយានអវកាសលំដាប់ទី២ រយៈពេលខ្លីជាមួយសមាជិកយានិកករបស់យន្តហោះរ៉ុក្កែត Virgin Galactic ៣នាក់ ដែលក្នុងនោះ ២នាក់ បានបើកយាន VSS Unity នៅពេលដែលយាននោះ ត្រូវបានបាញ់បង្ហោះ ក្នុងរយៈកំពស់យ៉ាងខ្ពស់ពីផ្ទៃនៃយានតួភ្លោះ ដែលដឹកយន្តហោះរ៉ុក្កែតនោះ។វិស្វករអវកាសមកពីក្រុមប្រឹក្សាស្រាវជ្រាវជាតិ (CNR) លោក Pantaleone Carlucci បាននិយាយក្នុងអំឡុងសន្និសីទសារព័ត៌មានថា៖ «វាពិតជាមិនគួរជឿសោះ។ ការបង្កើនល្បឿន ការហោះឡើង និងបន្ទាប់មក មីក្រូទំនាញ ហើយខ្ញុំត្រូវផ្តោតអារម្មណ៍ជាមួយនឹងការធ្វើតេស្តសាកល្បងរបស់ខ្ញុំ ជាមួយនឹងក្តារបន្ទះទ្រាប់ជង្គង់របស់ខ្ញុំ ប៉ុន្តែខ្ញុំក៏ឆ្លៀតឱកាសមើលទៅខាងក្រៅដែរ ហើយទិដ្ឋភាពគឺអស្ចារ្យណាស់»។ប្រមាណជា ៧៥នាទីបន្ទាប់ពីការចាកចេញពីដីជាមួយនឹងយានមេ យានអវកាស VSS Unity បានហោះត្រឡប់មកកាន់ចំណុចចាប់ផ្តើមវិញ ដោយសុវត្ថិភាពលើផ្លូវរត់នៅឯ Spaceport America ដែលជាអគារគ្រប់គ្រងដោយរដ្ឋ នៅជិតទីក្រុង Truth or Consequences របស់រដ្ឋញូវម៉ិកស៊ីកូ (New Mexico)៕

នគរបាលដែលបានបាញ់សម្លាប់យុវជនម្នាក់នៅបារាំង សូមអភ័យទោសពីគ្រួសារជនរងគ្រោះ ខណៈការប៉ះទង្គិចផ្ទុះកាន់តែខ្លាំង

2023/06/30 05:09:19 pm        133
Facebook Telegram Linkin
បារាំង៖ មេធាវីរបស់លោក បាននិយាយថា នគរបាលម្នាក់ដែលបានបាញ់សម្លាប់យុវជនបារាំង នៅក្នុងតំបន់ដាច់ស្រយាលរដ្ឋធានីប៉ារីស កាលពីថ្ងៃអង្គារ ទី២៧ មិថុនា បង្កឲ្យផ្ទុះការតវ៉ាដោយហិង្សាទូទាំងប្រទេស បានសូមអភ័យទោសចំពោះក្រុមគ្រួសារជនរងគ្រោះខណៈកំពុងជាប់ឃុំខ្លួន។  លោក ឡូរ៉ង់ ហ្វ្រង់ លីយ៉ង់ណា (Laurent-Franck Lienard) បានប្រាប់ទូរទស្សន៍ បារាំង BFMTV កាលពីយប់ថ្ងៃព្រហស្បតិ៍ថា ពាក្យសម្ដីដំបូង ដែលលោកបានពោលគឺពាក្យ សូមឣភ័យទោស និង ពាក្យចុងក្រោយដែលលោកបាននិយាយក៏ជាពាក្យសូមអភ័យទោសដែរដល់ក្រុមគ្រួសារជនរងគ្រោះ។  លោកបានបន្ថែមថា លោកធ្វេសប្រហែសមួយពេល លោកមិនចង់ក្រោយទៅធ្វើការពីព្រលឹមដើម្បីសម្លាប់មនុស្សនោះទេ ។លោកមិនចង់សម្លាប់យុវជនរូបនោះទេ។ ប្រទេសបារាំង ត្រូវបានជួបភាពចលាចល ដោយសារការតវ៉ា ជាច្រើនថ្ងៃមកនេះ បន្ទាប់ពីយុវជនវ័យ១៧ឆ្នាំឈ្មោះ ណាហេល ត្រូវបានបាញ់សម្លាប់នៅទីប្រជុំជនណង់ទែរ (Nanterre) អំឡុង ឈប់ត្រួតពិនិត្យចរាចរណ៍ ថតវីដេអូ ដែលបានឈានដល់ការប្រើអំពើហិង្សា និងការជជែញដេញដោលដ៏ចម្រូងចម្រាស់អំពីយុទ្ធសាស្ត្ររបស់នគរបាល ។ប្រភពមួយដែលដឹងការស៊ើបអង្កេតនោះ បាននិយាយថា យុវជន ដែលពុំទាន់គ្រប់អាយុកាន់ប័ណ្ណបើកបរស្របច្បាប់ពេញសិទ្ធិនៅក្នុងប្រទេសបារាំងរូបនេះ បានបើកបររថយន្តដោយខុសច្បាប់ រដ្ឋអាជ្ញាធរទីប្រជុំជនណង់ទែរ បាននិយាយថា លោកបានដឹងថានគរបាល ធ្លាប់បរាជ័យក្នុងការអនុវត្តន៍បទបញ្ជាបញ្ឈប់ចរាចរណ៍៕

នគរបាល ដែលបានបាញ់សម្លាប់យុវជនម្នាក់ក្នុងពេលត្រួតពិនិត្យចរាចរណ៍នៅបារាំង ត្រូវបានឃុំខ្លួនដោយចទប្រកាន់ពីបទមនុស្សឃាត

2023/06/30 05:03:11 pm        153
Facebook Telegram Linkin
បារាំង៖ នគរបាលបារាំងម្នាក់ ត្រូវបានចោទប្រកាន់ពីបទមនុស្សឃាត និងឃុំខ្លួនជុំវិញការបាញ់សម្លាប់យុវជនម្នាក់ នៅជិតរដ្ឋធានីប៉ារីសកាលពីថ្ងៃអង្គារ។ យុវជនវ័យ១៧ឆ្នាំម្នាក់ ដែលមានឈ្មោះថា ណាហេល អឹម (Nahel M) ត្រូវបានបាញ់ក្នុងរយៈចម្ងាយមធ្យម ខណៈរូបគេបានបើករត់គេចហើយក្រោយមកបានបុកនឹងបង្គោលសញ្ញាឲ្យឈប់ភ្លាមៗ។ ការផ្ទុះកំហឹងចំពោះការស្លាប់របស់យុវជនរូបនេះ បានបង្កឲ្យផ្ទុះអំពើហិង្សាទូទាំងប្រទេស ។ ក្បួនតវ៉ាមួយដឹកនាំដោយម្ដាយរបស់ជនរងគ្រោះ ត្រូវបានរារាំងដោយការប៉ះទង្គិចគ្នាជាបន្តបន្ទាប់កាលពីរសៀលថ្ងៃព្រហស្បតិ៍។ ក្នុងភាពរំជើបជំរួលនៅយប់ទី៣ ក្រុមអ្នកតវ៉ា ជាច្រើនត្រូវបានចាប់ខ្លួនក្នុងទីក្រុងលីល(Lille)និងម៉ាកសី (Marseille)។នៅក្នុងទីប្រជុំជនណង់ទែរ (Nanterre)ជាទីដែលយុវជនត្រូវបានបាញ់ស្លាប់ ឣគ្គិភ័យដ៏ធំមួយ បានឆាបឆេះយ៉ាងសន្ធោរសន្ធៅហ៊ុទ័ព្ធអគារធនាគារមួយកន្លែងនៅជាន់ផ្ទាល់ដី។  វីដេអូ និងរូបភាពនៅលើបណ្ដាញសង្គម ក៏បានបង្ហាញផងដែរ ពីគំនរសំរាម កំពុងត្រូវបានឆាបឆេះ នៅតាមកន្លែងមួយចំនួន។ សេវារថយន្តក្រុង និងរយន្តដឹកអ្នកដំណើរនៅក្នុងទីក្រុងប៉ារីស និងតំបន់ជាច្រើនទៀត បានឈប់ប្រតិបត្តិការនៅម៉ោង ២១ ម៉ោងក្នុងស្រុក ជាការត្រៀមជើងការសម្រាប់ទប់អំពើហិង្សាផ្សេងទៀត ។ តំបន់ដាច់ស្រាយាលមួយចំនួនបានប្រកាសអុវត្តន៍បម្រាមគោចរនៅពេលយប់។សេវាដឹកជញ្ជូនផ្សេងៗក៏ត្រូវបានរំខានផងដែរនៅក្នុងទីក្រុងលីល និងទួរស៍ (Tours)។នគរបាលចំនួន៤ម៉ឺននាក់ ត្រូវបានដាក់ពង្រាយពេញទូទាំងប្រទេសបារាំងដើម្បីទប់ទល់ភាពចលាចល បន្ទាប់ពីរថយន្ត និងអគារជាច្រើនត្រូវបានបំផ្លាញក្នុងអំពើកុបកម្មនៅក្នុងទីក្រុងមួយចំនួនរបស់ប្រទេសនេះកាលពីយប់ថ្ងៃអង្គារនិងពុធ។រដ្ឋមន្ត្រីក្រសួងមហាផ្ទៃ លោក ហ្សេនរ៉ាល់ ដាម៉ាណាំង (Gérald Darmanin) បាននិយាយថាក្រុមមន្ត្រីចំនួន១៧០នាក់រងរបួស ក្នុងការប៉ះទង្គិចគ្នាតែយប់ថ្ងៃពុធមួយថ្ងៃប៉ុណ្ណោះ និងមនុស្សជាង២០០នាក់ ត្រូវបានចាប់ខ្លួន៕

សម្តេចតេជោ នៅតែក្រើនរំលឹកថា ទោះក្នុងតម្លៃណាក៏ដោយត្រូវរួមគ្នា ការពារសន្តិភាពឱ្យខាងតែបាន

2023/06/30 04:52:45 pm        659
Facebook Telegram Linkin
ពោធិ៍សាត់៖ ក្នុងពិធីជួបសំណេះសំណាលជាមួយកម្មករ និយោជិត ជិត៧ពាន់នាក់នៅខេត្តពោធិ៍សាត់ នាព្រឹកមិញនេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា នៅតែក្រើនរំលឹកថា ទោះក្នុងតម្លៃណាក៏ដោយត្រូវរួមគ្នាការពារសន្តិភាពឱ្យខាងតែបាន។សម្តេចតេជោ ហ៊ុន សែន បានមានប្រសាសន៍អំពីការយកចិត្តទុកជាប្រចាំ​ទៅលើសុខទុក្ខនិង​ការអភិវឌ្ឍ​ផ្តល់នូវសេចក្តីសុខ និងការអភិវឌ្ឍថ្មីៗបន្ថែម ដើម្បីបង្កើតឱកាសការងារបន្ថែម​ជូន​ប្រជាជន ហើយទាក់ទិននឹងរឿងនេះ សម្តេចនៅតែអះអាងថា ទោះក្នុងតម្លៃណាក៏ដោយត្រូវរួមគ្នា​ការពារសន្តិភាពឱ្យខាងតែបាន។សូមបញ្ជាក់ថា សុខសន្តិភាពដែលរកបានដោយលំបាក តាមរយៈនយោបាយឈ្នះ-ឈ្នះ ដែលមាន​សម្តេច​ជា​មគ្គទេសក៍​ឆ្នើមបានយកជីវិតជាដើមទុននាំមកនូវការបង្រួបបង្រួមជាតិ ក្រោមដំបូល​នៃរាជរដ្ឋាភិបាលតែមួយ ព្រះមហាក្សត្រតែមួយ មានរយៈពេល២៥ឆ្នាំហើយ ដែល​នៅក្នុង​ប្រវត្តិសាស្ត្រកម្ពុជាជាង៥០០ឆ្នាំមិនដែលមាន គឺមានតែជម្លោះ និងសង្គ្រាមបែកបាក់ជាតិ ៕

សម្តេចតេជោ៖ អ្វីដែលយើងបាននិងកំពុងធ្វើគឺដើរត្រូវទិសហើយ

2023/06/30 04:46:01 pm        132
Facebook Telegram Linkin
ពោធិ៍សាត់៖ ក្នុងពិធីចុះជួបសំណេះសំណាលជាមួយកម្មករ-កម្មការិនីសរុបប្រមាណ ៦៨៦៨នាក់ មកពីរោងចក្រ សហគ្រាស ចំនួន១០ ក្នុងខេត្តពោធិ៍សាត់​ នៅព្រឹកថ្ងៃទី៣០ខែមិថុនានេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានបង្ហាញនូវមោទកភាពថា អ្វីដែលយើងបាននិងកំពុងធ្វើសព្វថ្ងៃនេះ គឺដើរត្រូវទិសហើយ។សម្តេចតេជោ ហ៊ុន សែន ប្រមុខរាជរដ្ឋាភិបាល បានគូសបញ្ជាក់បែបនេះ ដោយផ្អែកលើការ​ស្ទង់មតិ​របស់ជន បរទេសដែលសម្តេច​បានជួលដោយស្ងាត់ៗ​ដើម្បីចង់ដឹងអំពីអ្វីដែលធ្វើត្រូវ​និងអ្វីដែល​នៅខ្វះចន្លោះ។អំពីការស្ទង់មតិនេះសម្ដេចតេជោ មានប្រសាសន៍បន្តថា ​ទោះជាយ៉ាងណា លទ្ធផលនេះឱ្យឃើញ​តែ​មនុស្សប៉ុន្មាននាក់ទេ​ រួចហើយរកវិធី ​កែសម្រួលដោយស្ងាត់ៗ រាប់ទាំងការស្ទង់មតិទៅ​លើ​បុគ្គលម្នាក់ៗ តែម្តង នៃបក្សនយោបាយនានា រួមទាំង នៅក្នុងបក្សប្រជាជនផងដែរ ហើយ តាម​រយៈនៃការស្ទង់មតិនេះ ក៏បានរកឃើញថា អ្នកដែលបានបោះឆ្នោតឲ្យសម្ដេចភាគ​ច្រើន​ស្ត្រី មានច្រើនជាងបុរស​ដែលសំឡេងគាំទ្របែបនេះ មានជាច្រើនឆ្នាំមកហើយៗ​តាមរយៈការរក​ឃើញលទ្ធផល ​នៃចំណុចវិជ្ជមាន ​និងអវិជ្ជមានមួយចំនួនបាន​ជា​រាជរដ្ឋាភិបាល ​ក៏ដូចជាខាង​គណបក្សបាន​បញ្ជូន​មន្ត្រី​ឱ្យទៅជួយមូលដ្ឋាន៕

ឯកឧត្តម វេង សាខុន៖ សម្តេចតេជោ ហ៊ុន សែន តែងគិតគូរពីជីវភាព និងស្ថានភាពរស់នៅរបស់អតីតយុទ្ធជន និងគ្រួសារអតីតយុទ្ធជនពលី

2023/06/30 04:43:19 pm        148
Facebook Telegram Linkin
ត្បូងឃ្មុំ៖ ឯកឧត្តម វេង សាខុន ប្រធានក្រុមការងារគណបក្សចុះមូលដ្ឋានស្រុកតំបែរ ខេត្តត្បូងឃ្មុំ និងស្រុកកំពង់សៀម ខេត្ត​កំពង់ចាម បានអញ្ជើញជាអធិបតីភាពក្នុងពិធីសំណេះសំណាល និងបំពាក់គ្រឿងឥស្សរិយយសមេដាយការពារជាតិជូនដល់អតីតយុទ្ធជន និងគ្រួសារអតីតយុទ្ធជនពលី នៅស្នាក់ការគណបក្សស្រុកតំបែរ ខេត្តត្បូងឃ្មុំ នៅព្រឹកថ្ងៃទី៣០ ខែមិថុនា ឆ្នាំ២០២៣នេះ។មានប្រសាសន៍ទៅកាន់បងប្អូនជាអតីតយុទ្ធជន និងគ្រួសារជនពលីចំនួន ២០៩នាក់ នាព្រឹកនេះ ឯកឧត្តម វេង សាខុន បានពាំនាំនូវបណ្តាំផ្ញើសាកសួរសុខទុក្ខ និងក្តីនឹករលឹកបំផុតរបស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានសមាគមអតីតយុទ្ធជនកម្ពុជា និងសម្តេចកិត្តិព្រឹទ្ធបណ្ឌិត ដែលសម្តេចទាំងពីរតែងតែគិតគូរ បារម្ភអំពីជីវភាព និងស្ថានភាពរស់នៅរបស់ប្រជាពលរដ្ឋយើង ជាពិសេសបងប្អូនយើងដែលជាអតីតយុទ្ធជន និងគ្រួសារអតីតយុទ្ធជនពលីក្នុងបុព្វហេតុជាតិយើង។ឯកឧត្តមបានបញ្ជាក់ថា ដើម្បីបុព្វហេតុរំដោះជាតិ ការពារជាតិ ការពារអាយុជីវិតប្រជាជនយើង អតីតយុទ្ធជនយើងទាំងអស់បានចូលរួមជាមួយសម្តេចតេជោ ធ្វើការលះបង់គ្រប់បែបយ៉ាង និងពលីកម្មយ៉ាងធំធេងបំផុត បូជាសាច់ស្រស់ឈាមស្រស់ លូនក្រាបលើសមរភូមិទាំងថ្ងៃទាំងយប់ ក្រោមភ្លៀង ផ្គរ រន្ទះ ក្តៅរងារ ពលីជីវិត ដោយឥតរារែកនោះឡើយ។យើងទាំងអស់គ្នាធ្លាប់បានឆ្លងកាត់នូវសោកនាដកម្មនៃរបបប្រល័យពូជសាសន៍ និងភ្លើងសង្រ្គាមដែលបានធ្វើឱ្យប្រទេសយើងប្រេះបាក់បែក ប្រជាជនយើងពោរពេញទៅដោយទឹកភ្នែក ព្រាត់ប្រាសក្រុមគ្រួសារ ជីវភាពខ្វះខាត និងខ្វះស្បៀងអាហារសម្រាប់បរិភោគ ហើយបងប្អូនអតីតយុទ្ធជនយើងខ្លះបានស្លាប់ ខ្លះទៀតក៏បានរួចផុតពីក្ដីស្លាប់ តែក៏ត្រូវធ្លាក់ខ្លួនពិការភាពដល់សព្វថ្ងៃនេះ។ ដូច្នេះ ដើម្បីបញ្ចៀសសោកនាដកម្មនេះកុំឱ្យកើតមានឡើងមកវិញ យើងទាំងអស់គ្នាត្រូវខិតខំប្រឹងប្រែងរួមគ្នាថែរក្សាសុខសន្តិភាព ស្ថេរភាពសង្គមនេះឱ្យបានគង់វង្សដូចបច្ចុប្បន្ននេះ យើងទាំងអស់គ្នាត្រូវបន្តរួមដំណើរជាមួយសម្តេចតេជោ តាមរយៈការបោះឆ្នោតគាំទ្រសម្តេចតេជោ ជានាយករដ្ឋមន្ត្រី និងគណបក្សប្រជាជនកម្ពុជា លេខរៀងទី១៨ នាថ្ងៃទី២៣ ខែកក្កដា ឆ្នាំ២០២៣ ខាងមុខនេះកុំអាក់ខានឱ្យសោះ។ ក្នុងឱកាសនេះផងដែរ ឯកឧត្តមក៏បាននាំយកអំណោយដ៏ថ្លៃថ្លាជាថវិការបស់សម្តេចតេជោ និងសម្តេចកិត្តិព្រឹទ្ធបណ្ឌិត មកជូនបងប្អូនអតីតយុទ្ធជន និងគ្រួសារជនពលីចំនួន ២០៩នាក់ ដោយក្នុងម្នាក់ៗទទួលបាន ៥ម៉ឺនរៀល ស្មើៗគ្នា៕

សម្តេចតេជោ ហ៊ុន សែន ប្រកាសថាឆ្នាំនេះ នឹងប្រារព្ធពិធីបុណ្យអុំទូក និងបុណ្យឯករាជ្យជាតិទ្រង់ទ្រាយធំ

2023/06/30 04:36:10 pm        254
Facebook Telegram Linkin
ពោធិ៍សាត់៖ សម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជា បានប្រកាសថា នៅក្នុងឆ្នាំ២០២៣នេះ រាជរដ្ឋាភិបាលនឹងរៀបចំព្រះរាជពិធីបុណ្យអុំទូក បណ្ដែតប្រទីប និងអកអំបុក ព្រមទាំងបុណ្យឯករាជ្យជាតិ ឲ្យមានលក្ខណៈទ្រង់ទ្រាយធំ បន្ទាប់ពីអាក់ខានប៉ុន្មានឆ្នាំចុងក្រោយនេះ ដោយសារជាប់​កាតព្វកិច្ច​ផ្សេងៗ និង​បញ្ហានៃការរីករាលដាលនូវជំងឺកូវីដ១៩ជាដើម។សម្តេចតេជោ ហ៊ុន សែន បានបញ្ជាក់ថា ឆ្នាំ្ននេះនឹងត្រូវធ្វើបុណ្យអុំទូកធំនៅរាជធានីភ្នំពេញ រាប់ទាំងបុណ្យឯករាជ្យជាតិផង ពីព្រោះជាខួប៧០ឆ្នាំនៃបុណ្យឯករាជ្យជាតិខ្មែរ។ការប្រកាសរបស់សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជានេះ គឺបានធ្វើឡើង នៅក្នុង​ឱកាសអញ្ជើញចុះជួបសំណេះសំណាលជាមួយកម្មករនិយោជិតតាមរោងចក្រសហគ្រាសនានា នៅស្រុកក្រគរ ខេត្តពោធិ៍សាត់ នាព្រឹកថ្ងៃទី៣០ ខែមិថុនា ឆ្នាំ២០២៣នេះ៕អត្ថបទ៖ បាន ចក់

ប្រសាសន៍សំខាន់ៗរបស់សម្ដេចតេជោ ក្នុងឱកាសអញ្ជើញចុះជួបសំណេះសំណាលជាមួយកម្មករ-កម្មការិនីក្នុងខេត្តពោធិ៍សាត់

2023/06/30 02:29:02 pm        490
Facebook Telegram Linkin
ពោធិ៍សាត់៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៣០ ខែមិថុនា ឆ្នាំ២០២៣​ នេះ បន្ដ អញ្ជើញចុះជួបសំណេះសំណាលជាមួយកម្មករ-កម្មការិនីសរុបប្រមាណ ៦៨៦៨នាក់ មកពីរោងចក្រ សហគ្រាស ចំនួន១០ ក្នុងខេត្តពោធិ៍សាត់។ប្រសាសន៍សំខាន់ៗរបស់សម្ដេចតេជោ ហ៊ុន សែន ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន បានប្រកាសជម្រើសយកអាខោនTiktok ណាដែលប្រើប្រាស់រូប និងឈ្មោះសម្តេច មានចំនួនអ្នកFollowsច្រើនជាងគេមកប្រើប្រាស់អាខោនTiktokផ្លូវការរបស់សម្តេចតែម្តង ខណៈដែលសម្តេចបានលុបអាខោន Facebookជាផ្លូវការ នៅរាត្រីថ្ងៃទី២៩ ខែមិថុនា ឆ្នាំ២០២៣។សម្តេចតេជោ ហ៊ុន សែន បានប្រកាសដល់ក្រុមចង្រៃនៅក្រៅស្រុក ដែលសប្បាយអរ ចំពោះការលុបចោលអាខោនfacebookផ្លូវការរបស់សម្តេច ដោយសម្តេចខ្លួនឯងផ្ទាល់ ដោយសម្តេចបានព្រមានកាត់ផ្តាច់ទំនាក់ទំនងបណ្តាញសង្គមនេះនៅកម្ពុជាតែម្តង ប្រសិនបើពួកប្រឆាំងនៅផ្គើនព្រហើន ។ទោះជាយ៉ាងណា សម្តេចមិន ចង់ឲ្យមានផលប៉ះពាល់ដល់ការប្រើប្រាស់របស់បងប្អូនប្រជាពលរដ្ឋឡើយ។សម្តេចតេជោ ហ៊ុន សែន បានប្រកាសអំពាវនាវដល់ប្រជាពលរដ្ឋនាំគ្នា download អាខោន tiktok និងបណ្តាញសង្គមផ្សេងៗទៀត ប្រសិនបើមានការគំរាមកំហែង ឬចេតនាណាមួយ ពាក់ព័ន្ធផលលំបាក នៃការប្រើប្រាស់បណ្តាញសង្គមFacebook ដែលជាបណ្តាញមានហានិភ័យខ្ពស់ និងពិបាកក្នុងការគ្រប់គ្រង ការពារ ថែរក្សា។សម្តេចតេជោ ហ៊ុន សែន បានប្រកាសអបអរសាទរ និងថ្លែងអំណរគុណយ៉ាងជ្រៀលជ្រៅ ដល់ប្រជាពលរដ្ឋខេត្តពោធិ៍សាត់ ដែលតែងមានភក្តីភាព ដោយបោះឆ្នោតគាំទ្រគណបក្សប្រជាជនកម្ពុជាគ្រប់ការបោះឆ្នោតទាំងអស់ ឈ្នះភ្លូកទឹកភ្លូកដី។សម្តេចតេជោ ហ៊ុន សែន បានប្រកាសអំពាវនាវឱ្យរួមគ្នាខិតខំរក្សានូវសន្ដិភាព និងស្ថិរភាពនយោបាយ ដើម្បីបង្កើនការអភិវឌ្ឍ និងវិនិយោគនៅកម្ពុជា ស្របតាមគោលនយោបាយ រក្សាចាស់ បង្កើនថ្មីលើការទាក់ទាញវិនិយោគិនមកកាន់កម្ពុជា។សម្តេចតេជោ ហ៊ុន សែន បានប្រកាសថា យោងតាមលទ្ធផលស្ទង់មតិគ្រប់ការបោះឆ្នោតទាំងអស់ មានស្ត្រីច្រើនជាងបុរស បានបោះឆ្នោតគាំទ្រគណបក្សប្រជាជនកម្ពុជា ដែលមានសម្តេចជាប្រធានគណបក្ស។សម្តេចតេជោ ហ៊ុន សែន បញ្ជាក់ថា កម្ពុជាកំពុងដើរនៅលើផ្លូវត្រូវ ក្នុងការដឹកនាំប្រទេសជាតិ ជាពិសេសលើការអភិវឌ្ឍ និងការថែរក្សាសុខសន្ដិភាព និងស្ថិរភាពនយោបាយ ខណៈសម្ដេចក៏បានជួលអ្នកជំនាញបរទេសធ្វើការសិក្សាជាសម្ងាត់ វិភាគលើការងារសំខាន់របស់កម្ពុជា និងស្វែងរកបញ្ហាមកធ្វើការដោះស្រាយផងដែរ។សម្តេចតេជោ ហ៊ុន សែន ប្រកាសឱ្យទូតកម្ពុជាទាំងអស់ ប្រចាំនៅតាមបណ្ដាប្រទេសផ្សេងៗ ត្រូវចេះធ្វើសេដ្ឋកិច្ច។ បើមិនចេះធ្វើ សេដ្ឋកិច្ច គឺមិនអនុញ្ញាតឱ្យធ្វើជាតំណាងរបស់កម្ពុជា ប្រចាំនៅតាមបណ្ដាប្រទេសទាំងឡើយ។សម្តេចតេជោ ហ៊ុន សែន បន្តអំពាវនាវឱ្យរួមគ្នាថែរក្សាសន្ដិភាពរបស់កម្ពុជា ទោះក្នុងតម្លៃណាក៏ដោយ ដោយមិនទុកឱ្យអានុភាពប្រទេសណាមួយមកមកបំផ្លាញសន្ដិភាពរបស់កម្ពុជានោះទេ។សម្តេចបញ្ជាក់ថា «បើការពារសន្ដិភាពមិនបាន កុំនិយាយទៅដល់ការអភិវឌ្ឍ ប៉ុន្ដែគួរនិយាយពីការត្រៀមរបួស ត្រៀមស្លាប់ និងត្រៀមភ្លើងឆេះផ្ទះទៅវិញ»។សម្តេចតេជោ ហ៊ុន សែន ថ្លែងថា បញ្ហាបាតុកម្មទាមទារប្រាក់ខែ មិនមែនជារឿងព្រួយបារម្ភចំពោះកម្មករនិយោជិតទៀតនោះទេ ប៉ុន្ដែអ្វីដែលត្រូវគិតគូគឺរដ្ឋបាលក្នុងរោងចក្រ និងអាជ្ញាធរត្រូវគោរពសិទ្ធិកម្មករ។«បើសិនមានបញ្ហាអ្វីកើតឡើងផ្នែករដ្ឋបាល និងអាជ្ញាធរត្រូវរួមគ្នាដោះស្រាយឱ្យបានឆាប់កុំទៅពឹងពាក់សហជីពឱ្យសោះ»។សម្តេចតេជោ ហ៊ុន សែន ប្រកាសថា ឆ្នាំនេះរាជរដ្ឋាភិបាលនឹងចាត់តាំងរៀបចំព្រះរាជពិធីបុណ្យអុំទូក បណ្តែតប្រទីប អកអំបុក សំពះព្រះខែ ដ៏ធំនៅទីក្រុងភ្នំពេញ ក្រៅពីនេះក៏នឹងរៀបចំព្រះរាជពិធីបុណ្យឯករាជ្យជាតិដ៏ធំផងដែរ។សម្តេចតេជោ ហ៊ុន សែន បានថ្លែងណរគុណដល់ម្ចាស់រោងចក្រដែលផ្ដល់ការងារដល់កម្មករកម្មការិនី មានពិការភាពចូលធ្វើការហើយផ្ដល់ការអនុគ្រោះឱ្យចេញពីធ្វើការមុនម៉ោងដូចស្រ្ដីមានផ្ទៃពោះថែមទៀត។ ខណៈរាជដ្ឋាភិបាលបានលើកទឹកចិត្តដល់រោងចក្រសហគ្រាស និងក្រុមហ៊ុនផ្ដល់ការងារដល់ជនមានពិការភាពចំនួន ២ ភាគរយនៃចំនួនកម្មករនិយោជិតសរុបទាំអស់។សម្តេចតេជោ ហ៊ុន សែន បញ្ជាក់ថា សម្ដេចបានចុះហត្ថលេខាលើអនុក្រឹត្យរួចហើយ ចំពោះការដំឡើងការឧបត្ថម្ភសាច់ប្រាក់ដល់ស្រ្ដីមានផ្ទៃពោះ តាមរយៈការអនុវត្តកម្មវិធីឧបត្ថម្ភសាច់ប្រាក់បន្ថែមទៀតជូនស្រ្ដីមានផ្ទៃពោះ និងកូនមានអាយុ ២ ឆ្នាំ ដែលនេះជាគោលនយោបាយគាំពារសង្គមរបស់រាជរដ្ឋាភិបាលចំពោះប្រជាពលរដ្ឋជាស្រ្ដី។សម្តេចតេជោ ហ៊ុន សែន៖«ខ្ញុំសូមបញ្ជាក់ខ្ញុំមិនឱ្យប្រទេសកម្ពុជាខូចខាតដោយសារកូនខ្ញុំទេ ប៉ុន្ដែខ្ញុំនឹងឱ្យកូនខ្ញុំធ្វើការអភិវឌ្ឍកម្ពុជាលើសខ្ញុំ»។សម្តេចតេជោ ហ៊ុន សែន ប្រកាសថា បើមាននរណាបង្កើតគណនីហ្វេសប៊ុកដាក់ឈ្មោះសម្ដេច គឺជាគណនីក្លែងក្លាយទាំងអស់ ខណៈសម្ដេចបានសម្រេចលុបចោលគណនីហ្វេសប៊ុក ឈប់ប្រើប្រាស់ជាផ្លូវការតាំងពីថ្ងៃទី ២៩ ខែមិថុនា ឆ្នាំ ២០២៣នេះ។

សម្តេចតេជោ ហ៊ុន សែន បន្ដអញ្ជើញចុះជួបសំណេះសំណាលជាមួយកម្មករ-កម្មការិនីប្រមាណ ៦៨៦៨នាក់ ក្នុងខេត្តពោធិ៍សាត់

2023/06/30 01:52:19 pm        203
Facebook Telegram Linkin
ពោធិ៍សាត់៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា នៅព្រឹកថ្ងៃទី៣០ ខែមិថុនា ឆ្នាំ២០២៣​ នេះ បន្ដ អញ្ជើញចុះជួបសំណេះសំណាលជាមួយកម្មករ-កម្មការិនីសរុបប្រមាណ ៦៨៦៨នាក់ មកពីរោងចក្រ សហគ្រាស ចំនួន១០ ក្នុងខេត្តពោធិ៍សាត់។

ស្ពានបេតុងប្រវែង១៤៤ម៉ែត្រ ជាចំណងដៃរបស់សម្តេចតេជោ ផ្ដល់ជូនប្រជាពលរដ្ឋ​ខេត្តព្រះវិហារ ត្រូវបានសម្ពោធដាក់ឱ្យប្រើប្រាស់ជាផ្លូវការ

2023/06/29 10:07:13 pm        273
Facebook Telegram Linkin
ព្រះវិហារ៖ នៅព្រឹកថ្ងៃទី២៩ ខែមិថុនានេះ ឯកឧត្តម មាស សុភា ទេសរដ្ឋមន្ត្រី​រដ្ឋមន្ត្រី​ទទួល​បន្ទុក​កិច្ចការពិសេស​ និងជាតំណាងដ៏ខ្ពង់ខ្ពស់របស់សម្តេចតេជោ ហ៊ុន សែន នាយករដ្ឋមន្ត្រី បាន​អញ្ជើញ​សម្ពោធដាក់ឱ្យប្រើប្រាស់ជាផ្លូវការ​ស្ពានបេតុងមានប្រវែង១៤៤ម៉ែត្រ ជាអំណោយដ៏ថ្លៃថ្លា​របស់សម្តេចតេជោ ហ៊ុន សែន នាយករដ្ឋមន្ដ្រី នៃកម្ពុជា សម្រាប់ជាចំណងដៃសម្រាប់​ប្រជាជនខេត្ត​ព្រះវិហារ ។ឯកឧត្តម គីម រិទ្ធី អភិបាលខេត្តព្រះវិហារ បានឱ្យដឹងថា ស្ពាននេះជា​សមិទ្ធផលថ្មី​របស់​ផ្តល់ជូនដល់​ប្រជាពលរដ្ឋ​នៅក្នុងខេត្តព្រះវិហារ ​និង​ជា​ចំណង​ដៃថ្មី ​សម្រាប់​ប្រយោជន៍​រួម​ និង​បញ្ជាក់ឱ្យ​ឃើញ​ថា រាជ​រដ្ឋាភិបាល​បាន​យកចិត្តទុកដាក់ខ្ពស់​សម្រាប់ប្រជាជននៅ​តាម​ទី​ជនបទ ​ពិសេស​ប្រជាជន​នៅ​ក្នុង​ខេត្តព្រះវិហារ ​ដើម្បី​សម្រួល​ដល់ការដឹកជញ្ជូន​កសិផល​នានា​មក​កាន់​ទីផ្សារ​បាន​យ៉ាង​ឆាប់​រហ័ស។ក្នុងឱកាសនោះ ​ឯកឧត្តម មាស សុភា បាន​ថ្លែង​ការ​កោត​សរសើរ​ដល់​អាជ្ញាធរ​ដែនដី​ដែល​បាន​ជួយ​សម្រួល​ដល់ការសាងសង់ស្ពាននេះ​ទទួលបាន​ជោគជ័យ​ និង​បាន​ពាំនាំ​ប្រសាសន៍​ផ្ដាំផ្ញើ​សាកសួរ​សុខទុក្ខ​ពី​សំណាក់​សម្តេចតេជោ ​និងសម្តេចកិត្ដិព្រឹទ្ធបណ្ឌិត ​ជូន​ចំពោះប្រជាពលរដ្ឋ នៅទូទាំង​ខេត្តព្រះវិហារ។ឯកឧត្តម មាស សុភា បានបន្ថែមថា សម្តេចតេជោ បាន​ផ្តល់​អាទិភាព៤យ៉ាងជាសំខាន់ ក្នុងការ​ដឹកនាំ​កសាង និងអភិវឌ្ឍន៍​ជូនប្រទេសជាតិទី១,ផ្លូវគមនាគមន៍​ មាន​ផ្លូវស្ពាន​ចាប់តាំង​ពី​ទី​ក្រុងរហូត​ដល់ជនបទ ទី២,ភ្លើង កាលពីដើមប្រជាពលរដ្ឋ​នៅតាមទីជនបទ ប្រើ​កន្លុះ​ និង​ចង្កៀង​ប្រេងកាត ​ចុះពេលនេះ ​មាន​ភ្លើង​អគ្គិសនី​ប្រើ​ដល់​ជនបទទី៣,វិស័យ​ទឹកស្អាត ​ពី​ដើម​ភូមិនីមួយៗ​មានតែ​អណ្តូងដៃ ​តែ​ពេលនេះ​ ទឹកស្អាត​តបណ្តាញ​ដល់​ទីជនបទ​ យើង​មាន​អាង​ធំៗ​ស្តុក​ទឹកទុក​ស្រោច​ស្រព​ដំណាំ​អាច​ធ្វើស្រូវបាន២ ដងក្នុង១ឆ្នាំ និងទី៤,វិស័យ​ធនធានមនុស្ស​ពី​ដើម​សាលារៀន មានតែ​នៅ​តាម​ក្រុងស្រុក ​ពេលនេះ​វិទ្យាល័យ អនុវិទ្យាល័យ​ចូល​ដល់​ឃុំ​សង្កាត់​ហើយ ​ប្រទេស​ជឿន​លឿន​ទៅ​បាន​អាស្រ័យ​លើ​ធនធានមនុស្ស។ឯកឧត្តម មាស សុភា បាន​អំពាវនាវ​ដល់​ប្រជាជន​នៅទូទាំងខេត្តព្រះវិហារ ​សូម​អញ្ជើញ​ទៅ​បោះឆ្នោត​នៅថ្ងៃទី២៣ខែក្រោយនេះ ​ដើម្បី​ជ្រើសរើស​ថ្នាក់​ដឹកនាំ​ដែល​បាន​ជួយ​ដល់​ការ​កសាងប្រទេសជាតិឱ្យ​មាន​ការរីកចម្រើន​ពិសេស​ថ្នាក់​ដឹកនាំ​ដែល​កំពុង​បំរើ​ផលប្រយោជន៍​របស់​បងប្អូន​ប្រជាពលរដ្ឋយើង៕ 

បណ្ដាញសង្គម

ព័ត៌មានថ្មីៗ

ទិវាមនុស្សចាស់| សម្ដេចធិបតី៖«ការវិនិយោគលើយុវជនវ័យក្មេងនៅថ្ងៃនេះសម្រាប់មនុស្សវ័យចាស់ប្រកបដោយផលិតភាពនៅថ្ងៃអនាគត»
10/01/2026 08:10 AM
Facebook Telegram Linkin
ទិវាមនុស្សចាស់| ព្រះមហាក្សត្រ អំពាវនាវដល់អាជ្ញាធរគ្រប់លំដាប់ថ្នាក់ និងជនរួមជាតិយកចិត្តទុកដាក់ និងជួយបីបាច់ថែរក្សាមនុស្សវ័យចាស់ ជរា ពិការ ក្រីក្រ និងអ្នកគ្មានទីពឹងទាំងឡាយ
10/01/2026 08:10 AM
Facebook Telegram Linkin
ក្រសួងបរិស្ថាន និងក្រសួងមហាផ្ទៃ ជំរុញភាពស្អាតនៅតាមពន្ធនាគារនៅទូទាំងប្រទេស
09/30/2026 08:09 PM
Facebook Telegram Linkin
នាយករដ្ឋមន្រ្តីកាតាថ្កោលទោសអំពើឃោឃៅរបស់អ៊ីស្រាអែលនៅតំបន់ហ្កាហ្សា
09/30/2026 07:09 PM
Facebook Telegram Linkin
គ្រូពេទ្យ៖ ការវាយប្រហាររបស់អ៊ីស្រាអែល នៅតំបន់ហ្កាហ្សា សម្លាប់មនុស្សយ៉ាង​តិច​ ៥នាក់
09/30/2026 07:09 PM
Facebook Telegram Linkin
​តំណាងអចិន្ត្រៃយ៍កម្ពុជា ប្រចាំ UN ស្នើអ្នករាយការណ៍ពិសេសស្តីពីស្ថានភាពសិទ្ធិមនុស្សបន្តយកចិត្តទុកដាក់ចំពោះប្រជាជនភៀសសឹកកម្ពុជា និងការវិលត្រឡប់ទៅកាន់លំនៅឋានវិញដោយសុវត្ថិភាព និងសេចក្តីថ្លៃថ្នូរ
09/30/2026 07:09 PM
Facebook Telegram Linkin
ជើងហោះហើរទៅកាន់អ៊ីស្រាអែល បង្វែរទិសដៅហោះហើរទៅកាន់អារ៉ាប៊ីសាអ៊ូឌីត ក្រោយការប្រកាសអាសន្ន
09/30/2026 06:09 PM
Facebook Telegram Linkin
នាយករដ្ឋមន្ត្រីអ៊ីរ៉ាក់សាទរ​យុគសម័យ «អធិបតេយ្យភាព​» ថ្មី​ ក្រោយកម្លាំង​ចម្រុះ​ដឹកនាំដោយអាមេរិក​​ចាក​ចេញ​
09/30/2026 06:09 PM
Facebook Telegram Linkin
KCNA៖ កូរ៉េខាងជើង និងវៀតណាមកំពុងស្វែងរកការពង្រីកកិច្ចសហប្រតិបត្តិការយោធា
09/30/2026 06:09 PM
Facebook Telegram Linkin
ប្រធានាធិបតីអ៊ីរ៉ង់បង្ហាញឆន្ទៈពង្រឹងទំនាក់ទំនងជាមួយអ៊ូសបេគីស្ថាន និងអាស៊ែរបៃហ្សង់
09/30/2026 06:09 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.