នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម កែវ រតនៈ បញ្ជាក់ជាថ្មីថាបច្ចុប្បន្នកម្ពុជាពុំបាននាំចូលអគ្គិសនី ប្រេងសាំង និង​ឧស្ម័ន​ពី​ប្រទេស​ថៃ​នោះទេ
ទំនប់អូរតេធិបតី ត្រៀមផ្គត់ផ្គង់ទឹកស្អាតជូនពលរដ្ឋរាប់ពាន់គ្រួសារបន្ថែមទៀតក្នុងខេត្តមណ្ឌលគិរី
រដ្ឋមន្ត្រីអាកាសចរណ៍ស៊ីវិល ចុះពិនិត្យអាកាសយានដ្ឋានអន្តរជាតិតេជោ ដើម្បីត្រៀម​ផ្តល់​វិញ្ញា​បន​ប័ត្រ​ដល់ប្រតិបត្តិករ
ស្ពានមិត្តភាពកម្ពុជា-ចិន មេគង្គក្រចេះ” គ្រោងនឹងបើកឱ្យឆ្លងកាត់បណ្តោះអាសន្ន អំឡុង​ពិធី​បុណ្យ​ដា​​ក់បិណ្ឌ និងភ្ជុំបិណ្ឌនៅខែកញ្ញាខាងមុខនេះ សម្រាប់យានយន្តធុនតូច

នយោបាយ​ និង ការអភិវឌ្ឍន៍

មនុស្សម្នាក់ស្លាប់ និងម្នាក់ទៀតត្រូវចាប់ខ្លួនក្រោយហេតុការណ៍បាញ់ប្រហារនៅភាគខាងលិចប្រទេសជប៉ុន

2023/06/14 11:41:31 am        78
Facebook Telegram Linkin
ជប៉ុន៖ សមាជិកវ័យក្មេងម្នាក់ក្នុងជួរកងកម្លាំងស្វ័យការពារជប៉ុន(SDF) ត្រូវបានចាប់ខ្លួននៅថ្ងៃពុធនេះ ពាក់ព័ន្ធនឹងបទសង្ស័យថាប៉ុនប៉ងធ្វើឃាត ក្រោយឧបទ្ទេវហេតុបាញ់ប្រហារដែលបណ្តាលឲ្យមនុស្សម្នាក់ស្លាប់ និង ៣នាក់ផ្សេងទៀត រងរបួស ។  ទូរទស្សន៍រដ្ឋ NHK បានផ្សាយរូបភាពវីដេអូឃ្លីបលើអាកាសពីសេវាកម្មសង្រ្គោះបន្ទាន់នៅកន្លែងរៀនបាញ់កាំភ្លើងក្នុងទីក្រុង Gifu ស្ថិតនៅតំបន់ភាគខាងលិចប្រទេសជប៉ុន ហើយនិងវត្តមានយ៉ាងច្រើនរបស់ក្រុមនគរបាលនៅកន្លែងកើតហេតុ ក្រោយឧបទ្ទេវហេតុកើតឡើង ។  ទូរទស្សន៍ NHK រាយការណ៍ថា ខ្មាន់កាំភ្លើងគឺជាសមាជិកកងកម្លាំង SDF ខណៈដែលអ្នករងរបួសរួមមានបុរសវ័យជាង ៥០ឆ្នាំម្នាក់ និងមនុស្ស ២នាក់ទៀត ស្ថិតក្នុងវ័យជាង ២០ឆ្នាំ ហើយនិងគ្មានសេចក្តីរាយការណ៍ពីគ្រោះថ្នាក់ដល់ជនស៊ីវិលនោះទេ ។  សូមបញ្ជាក់ថា ករណីបាញ់ប្រហារកម្រកើតមានខ្លាំងណាស់នៅក្នុងប្រទេសជប៉ុន ជាទីដែលការគ្រប់គ្រងអាវុធ ត្រូវបានរឹតត្បិតយ៉ាងតឹងរឹងបំផុត ហើយអ្នកដែលចង់គ្រប់គ្រងអាវុធ ត្រូវតែឆ្លងកាត់ដំណើរការពិនិត្យយ៉ាងហ្មត់ចត់ ៕

ប្រមុខ IAEA ធ្វើទស្សនកិច្ចទីក្រុងគីវ មុនពេលទៅកាន់រោងចក្រនុយក្លេអ៊ែរ

2023/06/14 11:36:10 am        65
Facebook Telegram Linkin
អ៊ុយក្រែន៖ ប្រមុខនុយក្លេអ៊ែរអង្គការសហប្រជាជាតិលោក Rafael Grossi បានធ្វើទស្សនកិច្ចនៅទីក្រុងគីវកាលពិថ្ងៃអង្គារទី១៣ ខែមិថុនា ជាទីដែលលោកបានជួបជាមួយប្រធានាធិបតីអ៊ុយក្រែន លោក Volodymyr Zelenskyy មុនពេលធ្វើដំណើរទៅកាន់រោងចក្រនុយក្លេអ៊ែរ Zaporizhzhia របស់អ៊ុយក្រែន ដែលកាន់កាប់ដោយរុស្ស៊ី ស្ថិតនៅក្បែរទំបន់ទឹកនៅទន្លេដ៏ធំមួយ ត្រូវបានបំផ្លាញកាលពីសប្តាហ៍មុន។ទីភ្នាក់ងារថាមពលអាតូមិកអន្តរជាតិ (IAEA) បាននិយាយកាលពីថ្ងៃអាទិត្យថា ទីភ្នាក់ងារនេះ ចាំបាច់ត្រូវចូលទៅកាន់ទីតាំងនៅជិតរោងចក្រដើម្បីពិនិត្យមើលកម្រិតទឹក បន្ទាប់អាងស្តុកទឹកបានបាត់បង់ទឹកមួយភាគធំ ព្រោះតែការបំផ្លាញខ្សែទឹកនៅទំនប់ទឹក Kakhovka ។ ភាគីទាំងពីរបានចោទប្រកាន់គ្នាទៅវិញទៅមកពីការបំផ្លាញទំនប់ទឹក ដែលនាំទៅរកការជន់លិចដ៏មហន្តរាយ។ បណ្តាប្រទេសលោកខាងលិច និយាយថា ពួកគេនៅតែប្រមូលភស្តុតាង ប៉ុន្តែជឿថា អ៊ុយក្រែន ពុំមានហេតុផលណាដើម្បីបង្កមហន្តរាយបែបនេះដោយខ្លួនឯងនោះទេ។កងកម្លាំងរុស្ស៊ី ដណ្តើមបានទំនប់ទឹកវារីអគ្គិសនី និងរោងចក្រនុយក្លេអ៊ែរនៅប្រទេសអ៊ុយក្រែនភាគខាងត្បូង ភ្លាមៗបន្ទាប់ពីការវាយលុករបស់ពួកគេ កាលពីខែកុម្ភៈ ឆ្នាំ២០២២។ រោងចក្រនុយក្លេអ៊ែរ Zaporizhzhia ប្រើប្រាស់អាងទឹកនេះដើម្បីធ្វើឲ្យត្រជាក់ម៉ាស៊ីរ៉េអាទ័រចំនួន៦ពីការឡើងកម្តៅខ្លាំងដែលអាចបង្កមហន្តរាយធ្ងន់ធ្ងរ។ក្រុមហ៊ុនថាមពលនុយក្លេអ៊ែរអ៊ុយក្រែន និយាយកាលពីថ្ងៃអង្គារថា កម្រិតអាងទឹកនៅមានស្ថិរភាព ហើយកម្រឹតទឹកនៅខ្ពស់គ្រប់គ្រាន់៕

សម្ដេចតេជោ៖ ភាពរីកចម្រើនរបស់កម្ពុជាកើតចេញពីការចូលរួមពីពលរដ្ឋទាំងអស់

2023/06/14 11:27:28 am        326
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានថ្លែងអំណរគុណដល់ប្រជាពលរដ្ឋ កម្មករកម្មការិនីទាំងអស់ ដែលតែងតែគាំទ្រ និងជឿជាក់លើការដឹកនាំ និងគោលនយោបាយរបស់រាជរដ្ឋាភិបាល ក៏ដូចជាគណបក្សប្រជាជនកម្ពុជា នាពេលកន្លងមក​រហូតដល់បច្ចុប្បន្ន ខណៈភាពរីកចម្រើនរបស់ប្រទេសកម្ពុជា​នាពេលនេះគឺបានកើតចេញ​ពីការចូលរួមរបស់ប្រជាពលរដ្ឋគ្រប់រូបទាំងអស់។សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជា មានប្រសាសន៍បែប​បញ្ជាក់បែបនេះ ក្នុងឱកាសអញ្ជើញចុះជួបសំណេះសំណាលជាមួយកម្មករ កម្មការិនីសរុបជិត ២ ម៉ឺននាក់ នៅតំបន់ព្រៃស្ពឺ ​មកពីរោងចក្រសហគ្រាសចំនួន៩ នៅខណ្ឌពោធិ៍សែនជ័យ រាជធានីភ្នំពេញ នានៅព្រឹកថ្ងៃទី១៤ ខែមិថុនា ឆ្នាំ២០២៣នេះ។សម្ដេចតេជោតេជោ ហ៊ុន សែន បានមានប្រសាសន៍ថា តាមរយៈភាពរីកចម្រើនរបស់ប្រទេសកម្ពុជា រាជរដ្ឋាភិបាលបានយកចិត្តទុកដាក់ខ្ពស់ទៅលើសុខទុក្ខរបស់ប្រជាពលរដ្ឋនៅទូទាំងប្រទេស ជា​ពិសេសបានដាក់ចេញនូវគោលនយោបាយប្រាក់សោធននិវត្តន៍សម្រាប់កម្មករនិយោជិត ក៏ជាគោលនយោបាយរយៈពេលវែងរបស់រាជរដ្ឋាភិបាលក្នុងការដោះស្រាយបញ្ហាជូនកម្មករនិយោជិតនៅពេលមានវ័យចំណាស់ទៅ។សូមជម្រាបថា ប្រទេសកម្ពុជាក្រោមការដឹកនាំដោយសម្ដេចតេជោ ហ៊ុន សែន នាយករដ្ឋមន្ត្រី​នៃកម្ពុជា បានដាក់ចេញនូវគោលនយោបាយ ​និងយុទ្ធសាស្រ្ដដឹកនាំជាតិច្បាស់លាស់ ធ្វើឱ្យប្រទេស​មានការរីកចម្រើនលើគ្រប់វិស័យនឹងស្មើមុខស្នើមាត់នៅលើឆាកអន្តរជាតិ ​និងក្នុងតំបន់។ សមិទ្ធផលនេះក៏កើតចេញពីការចូលរួចំណែកពីប្រជាពលរដ្ឋគ្រប់រូបនៅទូទាំងប្រទេសកម្ពុជាផងដែរ៕អត្ថបទ៖ វ៉ន ដារ៉ា

សម្ដេចជំរុញឱ្យយកចិត្តទុកដាក់លើចាក់វ៉ាក់សាំងបន្ថែម ដល់ប្រជាពលរដ្ឋ

2023/06/14 11:04:20 am        190
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បានបន្តជំរុញឱ្យយកចិត្តទុកដាក់ក្នុងការចាក់វ៉ាក់សាំងបន្ថែម ដល់ប្រជាពលរដ្ឋ ជាពិសេសកម្មករនិយោជិត ពីព្រោះបច្ចុប្បន្នជំងឺកូវីដ-១៩ នៅតាមបណ្ដាប្រទេសមួយចំនួនកំពុងមានសន្ទុះងើបឡើងវិញ ហើយពិភពលោកមិនអាចដឹងថា នាពេលខាងមុខជំងឺនេះនឹងមានការវិវត្តទៅជាប្រភេទថ្មីអ្វីថ្មីទៀតនោះទេ។សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃកម្ពុជា មានប្រសាសន៍បែបនេះ ក្នុងឱកាសអញ្ជើញចុះជួបសំណេះសំណាលជាមួយកម្មករ កម្មការិនីសរុបជិត ២ ម៉ឺននាក់ នៅតំបន់ព្រៃស្ពឺ មកពីរោងចក្រសហគ្រាសចំនួន ៩ នៅខណ្ឌពោធិ៍សែនជ័យ រាជធានីភ្នំពេញនានៅព្រឹកថ្ងៃទី១៤ ខែមិថុនា ឆ្នាំ២០២៣នេះ។សម្តេចតេជោ ហ៊ុន សែន បានមានប្រសាសន៍ថា សម្ដេចនៅតែបន្តតាមដានលើស្ថានការណ៍​នៃការឆ្លង​រីករាលដាលជំងឺកូវីដ-១៩ ជាប្រចាំថ្ងៃនៅឡើយ ពីព្រោះបញ្ហាកូវីដ-១៩នេះមិនទាន់ទៅ​ណាឆ្ងាយនោះទេ។ សម្ដេចតេជោ បន្តបញ្ជាក់ថា បច្ចុប្បន្នទោះបីកម្ពុជាអាចយកឈ្នះសមរភូមិកូវីដ-១៩ នៅលើប្រភេទ​បំប្លែង​ចុងក្រោយ គឺប្រភេទអូមីក្រុង ប៉ុន្ដែមេរោគនេះអាចនឹងមានការបំប្លែងថ្មីគ្រប់ពេលដែល​ទាមទារឱ្យមានការប្រុងប្រយ័ត្នជាមុនជានិច្ចលើបញ្ហានេះ។ សូមជ្រាបថា យោងតាមរបាយការណ៍របស់ក្រសួងសុខភិបាល កំណើននៃអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី១៣ ខែមិថុនា ឆ្នាំ២០២៣ សម្រាប់ការចាក់លើប្រជាជនអាយុពី ១៨ ឆ្នាំឡើង មាន ១០៣,៩៥% ធៀបជាមួយចំនួនប្រជាជនគោលដៅ ១០ លាននាក់។ បានចាក់លើកុមារ-យុវវ័យអាយុពី ១២ ឆ្នាំ ទៅក្រោម ១៨ ឆ្នាំ មាន ១០១,៣៤% បើធៀបជាមួយចំនួនប្រជាជនគោលដៅជាង ១,៨ លាននាក់។ លើកុមារអាយុពី ៦ ឆ្នាំ ដល់ក្រោម ១២ ឆ្នាំ មាន ១១០,៨៦% ធៀបជាមួយនឹងប្រជាជនគោលដៅជាង ១,៨ លាននាក់។ លើកុមារអាយុ ៥ ឆ្នាំ មាន ១៤២,៩៧% ធៀបជាមួយនឹងប្រជាជនគោលដៅជាង ៣ សែននាក់។ លើកុមារអាយុ ៣ ឆ្នាំ ដល់ ក្រោម ៥ ឆ្នាំ មាន ៨២,៨៦% ធៀបជាមួយនឹងប្រជាជនគោលដៅជាង ៦ សែននាក់។ ជាលទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦ លាន នាក់មាន ៩៥,៥៧% ហើយ៕ អត្ថបទ៖ វ៉ន ដារ៉ា

សម្តេចតេជោ៖ ពង្រាងច្បាប់ថ្មី នឹងមានការផាកពិន័យជាប្រាក់ចំពោះបុគ្គលណា ដែលរារាំងមិនឲ្យគេទៅបោះឆ្នោត

2023/06/14 10:55:29 am        265
Facebook Telegram Linkin
ភ្នំពេញ៖ សម្តេចតេជោ ហ៊ុន សែន នាយករដ្ឋមន្រ្តីនៃព្រះរាជាណាចក្រកម្ពុជា បានថ្លែងឲ្យដឹងថា ពង្រាងច្បាប់១៤២ថ្មី នឹងមានការផាកពិន័យនូវទឹកប្រាក់ចំនួន៥លានទៅ២០លានរៀល ខណៈមាត្រា១៤៣នឹងពិន័យចំនួន ១០លានទៅ៣០លានរៀល រួមទាំងលុបឈ្មោះមិនឲ្យឈរ​ជា​បេក្ខភាពឲ្យគេបោះឆ្នោតចំពោះបុគ្គល ឬបេក្ខជនណាដែលរារាំង និងញុះញង់ដល់​ប្រជាពលរដ្ឋ​មានសិទ្ធិបោះឆ្នោតមិនឲ្យពួកគាត់ទៅបោះឆ្នោត។ថ្លែងនៅក្នុងកម្មវិធីសំណេះសំណាលជាមួយកម្មករ-កម្មការិនីជិត ២ម៉ឺននាក់ នៅ​ខណ្ឌពោធិ៍សែនជ័យ រាជធានីភ្នំពេញ នាព្រឹកថ្ងៃទី ១៤ ខែមិថុនា ឆ្នាំ ២០២៣នេះ សម្តេចតេជោ ហ៊ុន សែន បានផ្តាំទៅជន អគតិមួយចំនួនតូចដែលតែងតែធ្វើការរារាំង និងប្រើមធ្យោបាយ​ទុច្ចរិត​ផ្សេងដោយ​មិនឲ្យពលរដ្ឋទៅបោះឆ្នោតនោះ នឹងត្រូវលុបបេក្ខភាពឈរឈ្មោះបោះឆ្នោត​របស់​គណបក្សនយោបាយ ឬត្រូវផាកពិន័យជាប្រាក់ពី១០ទៅ៣០លានរៀល​ដោយ​គណៈកម្មាធិការ​ជាតិរៀបចំការបោះឆ្នោត(គជប)នេះពុំទាន់គិតដល់ទោសព្រហ្មទណ្ឌដទៃទៀតនោះទេ។សម្តេច បានបញ្ជាក់ថា«មាត្រា ១៤២ ថ្មី ត្រូវផាកពិន័យជាប្រាក់ ៥ លានរៀល ទៅ ២០ លានរៀល ដោយគណៈកម្មាធិការជាតិរៀបចំការបោះឆ្នោត ដោយពុំទាន់គិតដល់ទោសព្រហ្មទណ្ឌផ្សេងទៀត ចំពោះជនណា ដែលប្រើតាមគ្រប់មធ្យោបាយទុច្ចរិត រារាំង ឬញុះញង់ប្រជាពលរដ្ឋដែល​មាន​សិទ្ធិបោះឆ្នោតមិនឱ្យទៅចុះឈ្មោះបោះឆ្នោត ឬរារាំងមិនឱ្យចុះឈ្មោះប្រជាពលរដ្ឋដែលមាន​សិទ្ធិបោះឆ្នោតក្នុងបញ្ជីបោះឆ្នោត​ និងសៀវភៅបញ្ជីបោះឆ្នោត។ បង្កការអុកឡុក ឬ​សកម្មភាពរារាំង​ជាប្រក្រតី នៅទីកន្លែងសម្រាប់ការពិនិត្យបញ្ជីឈ្មោះ និងការចុះឈ្មោះបោះឆ្នោត​នៅក្នុងអំឡុងពេល​នៃការពិនិត្យបញ្ជី និងចុះឈ្មោះបោះឆ្នោត។ ឱ្យអ្នកគាំទ្រ ឬអ្នកបោះឆ្នោតប្រព្រឹត្តអំពើររំលោភបំពាន អំពើគំរាមកំហែង អំពើហិង្សាទៅលើបេក្ខជន ឬទៅលើគណបក្សនយោបាយដ៏ទៃ រារាំង ឬញុះញង់​ប្រជាពលរដ្ឋដែលមានសិទ្ធិបោះឆ្នោតមិនឱ្យទៅបោះឆ្នោត។ រារាំងបេក្ខជន ឬអ្នកគាំទ្រគណបក្ស​នយោបាយមិនឱ្យឃោសនាបោះឆ្នោតតាមការកំណត់។ ធ្វើឱ្យបាត់ទំនុកចិត្តលើការ​សម្ងាត់​នៃការបោះឆ្នោត និងធ្វើឱ្យមានការភាន់ច្រឡំនាំឱ្យបាត់ទំនុកចិត្តនៃការបោះឆ្នោត។ បង្កការរំខានមិនឱ្យដំណើរការបោះឆ្នោតបាន ​បង្កការរំខានមិនឱ្យរាប់សន្លឹកឆ្នោតបាន ធ្វើឱ្យខូច​របៀបរៀប​រយក្នុងការបោះឆ្នោត។ ទិញសន្លឹកឆ្នោតដោយសម្ភារ ឬដោយប្រាក់កាស ត្រូវលុបឈ្មោះចេញពីបញ្ជីបោះឆ្នោត ឬលុបបេក្ខភាពរបស់សមីខ្លួន ឬដកសិទ្ធិឈរឈ្មោះឱ្យគេបោះឆ្នោត របស់សាមីខ្លួនសម្រាប់រយៈពេល ៥ ឆ្នាំយ៉ាងតិច ដោយគណៈកម្មាធិការជាតិរៀបចំការបោះឆ្នោត បន្ថែមលើទណ្ឌកម្មដែលបានចែក​ក្នុងកថាខណ្ឌ១ខាងលើ ចំពោះជនដែលបានប្រព្រឹត្តបទល្មើសណាមួយ​ដូចមានចែងក្នុងកថាខណ្ឌទី១ខាងលើ»។ដោយឡែកសម្រាប់»មាត្រា ១៤៣ ថ្មី ត្រូវលុបបេក្ខភាពឈរឈ្មោះបោះឆ្នោតរបស់គណបក្ស​នយោបាយ ឬត្រូវផាកពិន័យជាប្រាក់ពី ១០ លានរៀល ទៅ ៣០ លានរៀល ដោយ​គណៈកម្មាធិការជាតិរៀបចំការ​បោះឆ្នោត ដោយពុំទាន់គិតដល់ទោសព្រហ្មទណ្ឌដ៏ទៃទៀត​ចំពោះគណបក្សនយោបាយដែលបានប្រព្រឹត្តល្មើសដូចមានចែងក្នុងមាត្រា ១៤២ ថ្មីខាងលើ»៕

ចិន៖ ការចង់ចូលរួមរបស់សហរដ្ឋអាមេរិក គឺជាការស្រមៃ

2023/06/14 10:42:33 am        171
Facebook Telegram Linkin
ចិន៖ អ្នកអត្ថាធិប្បាយតាមបណ្ដាញផ្សព្វផ្សាយព័ត៌មានសង្គមដែលមានសម្ព័ន្ធភាពជាមួយប្រព័ន្ធផ្សព្វផ្សាយរដ្ឋចិន បានចោទប្រកាន់សហរដ្ឋអាមេរិកកាលពីថ្ងៃអង្គារពីបទប្រើល្បិចនិងការបំភ័ន្តដែលថាខ្លួនចង់ចូលរួម ការប្រាស្រ័យទាក់ទង ប៉ុន្មានថ្ងៃមុនពេលមានការរំពឹងទុកនៃដំណើរទស្សនកិច្ចរបស់ប្រមុខការទូតអាមេរិក លោក Antony Blinken។  មុនឈានដល់ដំណើរទស្សនកិច្ចកម្រិតខ្ពស់ដែលត្រូវបានជាប់គាំង ត្រូវបានរារាំងដោយការចោទប្រកាន់ថ្មីៗរបស់សហរដ្ឋអាមេរិក ទាក់ទងនឹងចារកម្មរបស់ចិន និង ការរិះគន់របស់ចិនលើភាពស្មោះត្រង់របស់ទីក្រុងវ៉ាស៊ីនតោនក្នុងការបង្កើនទំនាក់ទំនងដែលបានស្រអាប់រវាងប្រទេសទាំង២។  ខណៈដែលក្រសួងការបរទេសសហរដ្ឋអាមេរិក ពុំបានប្រកាសពីដំណើរទស្សនកិច្ចរបស់លោក Blinken មន្ត្រីសហរដ្ឋអាមេរិក មួយរូប បាននិយាយថាលោកនឹងទៅកាន់ប្រទេសចិនសម្រាប់ការពិភាក្សានៅថ្ងៃទី១៨ខែមិថុនានេះ ។ កាលពីខែកុម្ភៈលោកបានលុបចោលដំណើរទស្សនកិច្ចទៅកាន់ទីក្រុងប៉េកាំង បន្ទាប់ពីបាឡុងដែលសង្ស័យថាជាបាឡុងចារកម្មរបស់ចិន បានហោះទូទាំងសហរដ្ឋអាមេរិក។  លោក យូ យ័ន ថានធាន (Yuyuan Tantian) អ្នកប្រើប្រាស់សារព័ត៌មានសង្គមមួយមានសម្ព័ន្ធភាពជាមួយប្រព័ន្ធផ្សព្វផ្សាយរដ្ឋចិន CCTV បានសរសេរក្នុងអត្ថបទមួយថា រាល់ពេលដែលពួកគេនិយាយថា ចង់ជួបគ្នា សហរដ្ឋអាមេរិក តែងតែសម្ដែង និងបង្កើតការបំភ័ន្តថា ខ្លួនចង់មានទំនាក់ទំនងល្អជាមួយចិន ខណៈការសាកល្បង និងការបង្កបញ្ហាដដែលៗ លើគោលនយោបាយជាមូលដ្ឋានរបស់ចិន។ក្រុមមន្ត្រីសហរដ្ឋអាមេរិក រួមទាំងលោក Blinkenខ្លួនឯងផង បាននិយាយកាលពីប៉ុន្មានថ្ងៃថ្មីៗនេះថា ប្រទេសចិន បាននិងកំពុងធ្វើចារកម្មពីប្រទេសគុយបា មួយរយៈពេល និងបានបង្កើតមូលដ្ឋានប្រមូលព័ត៌មានចារកម្មរបស់ខ្លួននៅទីនោះកាលពីឆ្នាំ២០១៩។ ទាំងទីក្រុងប៉េកាំង ទាំងទីក្រុងឡាហាវ៉ាន បានច្រានចោលការចោទប្រកាន់នេះ ថាជារឿងមិនពិត៕

ទង់ជាតិព័ណ៌លឿង និងខៀវ ទាហានរុស្ស៊ីស្លាប់បញ្ជាក់ពីការរុទៅមុខរបស់អ៊ុយក្រែននៅភាគខាងត្បូង

2023/06/14 10:32:24 am        101
Facebook Telegram Linkin
រុស្ស៊ី៖ ទង់ជាតិពណ៌ខៀវ និងលឿង បានបក់នៅលើហាងលក់គ្រឿងទេសដែលត្រូវបានបំផ្លាញ ហើយទាហានរុស្ស៊ីដេកស្លាប់នៅលើដងផ្លូវនៅភូមិ Neskuchne ដែលអ្នកសារព័ត៌មាន Reuters បានចូលទៅដល់កាលពីថ្ងៃអង្គារក្នុងការអះអាងដោយឯករាជ្យនៃការរុលទៅមុខធំបំផុតរបស់អ៊ុយក្រែន ក្នុងរយៈពេល៧ខែប្រឆាំងការឈ្លានពានរបស់រុស្ស៊ី។ រុស្ស៊ីពុំបានទទួលស្គាល់ការដណ្តើមបានមកវិញណាមួយរបស់អ៊ុយក្រែននោះទេ ហើយប្រធានាធិបតីលោក Vladimir Putin បាននិយាយកាលពិថ្ងៃអង្គារថា សម្រាប់ពេលនេះលោកបានមើលឃើញថា ពុំមានតម្រូវការសម្រាប់ការកែណ្ឌអ្នកប្រយុទ្ធដើម្បី ប្រឈមទៅនឹងការវាយបករបស់អ៊ុយក្រែន ដែលបានចាប់ផ្តើមកាលពីសប្តាហ៍មុន។ លោក Putin បាននិយាយក្នុងពេលជួបជាមួយអ្នកឆ្លើយឆ្លងព័ត៌មានសង្គ្រាមរុស្ស៊ី និងអ្នកសរសេរប្លុកយោធា ដែលផ្សាយតាមទូរទស្សន៍ នៅពេលត្រូវបានសួរអំពីការកែណ្ឌកងទ័ពបន្ថែមទៀតថា ពុំមានតម្រូវការបែបនេះនោះទេនាពេលនេះ។ ប៉ុន្តែលោកបាននិយាយថា ទាំងនេះវាអាស្រ័យលើ អ្វីដែលរុស្ស៊ីមានបំណងចង់សម្រេចជោគជ័យ នូវអ្វីដែលខ្លួនបានចាត់ទុកថាជា«ប្រតិបត្តិការសឹកពិសេស» នៅក្នុងប្រទេសអ៊ុយក្រែន។ កងទ័ពអ៊ុយក្រែន បានធ្វើដំណើរឆ្លងកាត់ផ្លូវល្បប់នៅពីក្រោយរថក្រោះ និងរថយន្តភីកអាប់។ យន្តហោះចម្បាំងមួយគ្រឿងបានហោះនៅពីខាងលើ និងការបាញ់ប្រហារបានផ្ទុះឡើង។ អគារកម្ពស់១ជាន់ឬ២ជាន់សំខាន់ៗ នៅក្នុងភូមិ Neskuchne ដែលមានមនុស្សរស់នៅរាប់រយនាក់មុនពេលរុស្ស៊ីឈ្លានពានកាលពីឆ្នាំមុន ស្ទើរតែត្រូវបានបំផ្លាញទាំងស្រុង។ នៅទីកកន្លែងនេះមានសភាពស្ងប់ស្ងាត់ ជាផ្នែកនៃការទទួលរងដោយការបាញ់កាំភ្លើងធំពីចម្ងាយ៕

ញូវយ៉កឈានដល់កិច្ចព្រមព្រៀងរយៈពេល៥ឆ្នាំជាមួយសហជីពគ្រូបង្រៀន ដោយការដំឡើងប្រាក់ឈ្នួលលើស ១៥ភាគរយ

2023/06/14 10:27:20 am        70
Facebook Telegram Linkin
អាមេរិក៖ ទីក្រុងញូវយ៉ក (New York) របស់សហរដ្ឋអាមេរិក បានឈានដល់កិច្ចព្រមព្រៀងទ្វេភាគីរយៈពេល ៥ឆ្នាំដែលមានទំហំទឹកប្រាក់មិនទាន់ផ្លូវការចំនួន ៦,៤ពាន់លានដុល្លារជាមួយសហជីពគ្រូបង្រៀនដែលមានរួមបញ្ចូលទាំងការដំឡើងប្រាក់ឈ្នួលច្រើនជាង ១៥ភាគ ក្នុងរយៈពេល ៥ឆ្នាំ និងពង្រីកកម្មវិធីសិក្សាពីចម្ងាយ ដែលបានចាប់ផ្តើមក្នុងអំឡុងពេលការរីករាលដាលពីជំងឺរាតត្បាត។កិច្ចសន្យា ដែលក្ដោបលើគ្រូបង្រៀន និងបុគ្គលិកសិក្សាផ្សេងទៀតប្រមាណជា ១២០.០០០នាក់នេះ ក៏ទាមទារឲ្យមានប្រាក់អត្ថប្រយោជន៍ដែលមានកិច្ចសន្យាចំនួន ៣.០០០ដុល្លារផងដែរ សម្រាប់សមាជិកម្នាក់ៗ និងឲ្យមានការបង្កើតការទូទាត់ជាសាច់ប្រាក់ប្រចាំឆ្នាំ ដែលកំណត់ឲ្យឡើងដល់ ១.០០០ដុល្លារ នៅត្រឹមឆ្នាំ២០២៦ ដើម្បីជួយដល់ការជ្រើសរើស និងរក្សាទុកបុគ្គលិក។អភិបាលក្រុងញូវយ៉ក លោក Eric Adams ដែលជាអតីតមន្ត្រីនគបាល បាននិយាយនៅក្នុងសន្និសីទសារព័ត៌មានកាលពីថ្ងៃអង្គារ ដែលប្រកាសពីកិច្ចព្រមព្រៀងនេះថា៖ «ខ្ញុំប្រហែលជាមនុស្សម្នាក់ ក្នុងចំណោមអភិបាលក្រុងសម័យថ្មីមួយចំនួន ដែលជាសមាជិករបស់សហជីព។ ខ្ញុំដឹងច្បាស់ពីអ្វី ដែលសហជីពធ្វើសម្រាប់ទីក្រុងនេះ»។កិច្ចសន្យារបស់ក្រុងញូវយ៉ក ធ្វើឲ្យការរៀនអនឡាញដោយស្ម័គ្រចិត្តកាន់តែរីកដុះដាល ដែលនឹងផ្តល់ឲ្យនូវកាលវិភាគថ្នាក់រៀនអាចបត់បែនបាន ដោយក្នុងនោះរួមទាំងនៅចុងសប្តាហ៍ និងពេលល្ងាចផងដែរ ហើយចុងក្រោយ ការរៀននោះ នឹងមានសម្រាប់គ្រប់សិស្សវិទ្យាល័យទាំងអស់ និងសិស្សសាលាមធ្យមសិក្សាមួយចំនួន។យោងតាមមន្ត្រីសហជីព បានឲ្យដឹងថា កិច្ចព្រមព្រៀងដែលបានស្នើឡើងនេះ នឹងអនុញ្ញាតឲ្យគ្រូបង្រៀនភាគច្រើនទទួលបានប្រាក់បៀវត្សរ៍ចំនួន ១០០.០០០ដុល្លារ ក្នុងរយៈពេល៨ឆ្នាំ បន្ទាប់ពីត្រូវបានផ្តល់ការងារ៕

របាយការណ៍៖មនុស្សមួយចំនួនតូចជឿលើប្រព័ន្ធផ្សព្វផ្សាយបែបប្រពៃណី ហើយកាន់តែច្រើនងាកទៅរកព័ត៌មានតាម TikTok

2023/06/14 10:19:03 am        86
Facebook Telegram Linkin
យោងតាមរបាយការណ៍មួយដែលបានចេញផ្សាយកាលពីថ្ងៃអង្គារទី១៣មិថុនា ចំនួនមនុស្សលើពិភពលោក ដែលធ្លាប់ទទួលបានព័ត៌មានតាមរយៈគេហទំព័រ ឬ app បានធ្លាក់ចុះប្រហែល១០ពិន្ទុ ចាប់តាំងពីឆ្នាំ២០១៨មក ហើយក្រុមយុវជនចូលចិតុ្តស្វែងរកព័ត៌មានតាមរយៈបណ្ដាញសង្គមនានា ការស្រាវជ្រាវ ឬ អ្នកប្រមូលព័ត៌មានតាមទូរស័ព្ទដៃ។   វិទ្យាស្ថាន Reuters សម្រាប់ការសិក្សាវិជ្ជាជីវសារព័ត៌មាន បាននិយាយនៅក្នុងរបាយការណ៍ព័ត៌មានឌីជីថលប្រចាំឆ្នាំរបស់ខ្លួនថា ទស្សនិកជនយកចិត្តទុកដាក់ច្រើនចំពោះតារាល្បី អ្នកមានឥទ្ធិពល និង ប្រព័ន្ធផ្សព្វផ្សាយសង្គមជាលក្ខខណៈបុគ្គលជាងអ្នកសារព័ត៌មាននៅលើវេទិកាដូចជា TikTok Instagram និង Snapchat ។  បណ្ដាញសង្គមផ្ដល់សេវាវីដេអូកម្សាន្តខ្លីៗTikTok គឺជាបណ្តាញសង្គមដែលរីកលូតលាស់លឿនបំផុតនៅក្នុងរបាយការណ៍ ដែលប្រើប្រាស់ប្រមាណ ២០% នៃក្រុមយុវជនដែលមានអាយុពី ១៨ ដល់២៤ឆ្នាំ សម្រាប់ព័ត៌មានកើនឡើង ៥% ធៀបទៅនឹងឆ្នាំមុន។ តិចជាងពាក់កណ្តាលនៃអ្នកឆ្លើយសំណួរបានបង្ហាញពីចំណាប់អារម្មណ៍យ៉ាងខ្លាំងចំពោះព័ត៌មានទាំងអស់ ធ្លាក់ចុះយ៉ាងខ្លាំងពី៦នាក់ ក្នុងចំណោម ១០នាក់ ក្នុងឆ្នាំ ២០១៧  ។  នាយកវិទ្យាស្ថាន Reuters លោក រ៉ាម៉ាស់ នេលសិន (Rasmus Nielsen) បាននិយាយនៅក្នុងរបាយការណ៍នេះ ដោយផ្អែកតាមការស្ទង់មតិតាមអ៊ីនធឺណិតលើមនុស្សពេញវ័យប្រហែល ៩៤.០០០ នាក់ ដែលធ្វើឡើងនៅក្នុងទីផ្សារចំនួន ៤៦ រួមទាំងនៅសហរដ្ឋអាមេរិកផងដែរថា ពុំមានហេតុផលសមរម្យសម្រាប់ការរំពឹងទុកថាអ្នកដែលកើតក្នុងទសវត្សរ៍ឆ្នាំ ២០០០ នោះនឹងងាកមកចូលចិត្តគេហទំព័របែបចាស់ៗភ្លាមៗនោះទេ ដោយមានត្រឹមតែការផ្សព្វផ្សាយ និងបោះពុម្ពប៉ុណ្ណោះ ដោយសារតែពួកគេកាន់តែមានវ័យចំណាស់៕

Trump ផ្ដល់ចម្លើយពីភាពគ្មានទោសដល់តុលាការក្នុងបទចោទប្រកាន់ទាក់ទងការគ្រប់គ្រងឯកសារ

2023/06/14 09:53:32 am        184
Facebook Telegram Linkin
 អាមេរិក៖ អតីតប្រធានាធិបតីសហរដ្ឋអាមេរិក លោក Donald Trump បានផ្ដល់ចម្លើយពីភាពគ្មានទោសកាលពីថ្ងៃអង្គារចំពោះបទចោទប្រកាន់ព្រហ្មទណ្ឌនៅតុលាការសហព័ន្ធ ដែលថាលោកបានរក្សាទុកឯកសារសម្ងាត់យោធាដែលត្រូវបានផ្ទៀតផ្ទាត់រួចនៅគេហដ្ឋានរបស់លោកក្នុងរណីយដ្ឋានឆ្នេរសមុទ្រ Mar-a-Lago និងបានរារាំងការប៉ុនប៉ងរបស់រដ្ឋាភិបាលដើម្បីយកឯកសារទាំងនោះត្រឡប់មកវិញ។  នៅក្នុងតុលាការ លោក Trump ដែលមានឯកសណ្ឋានអាវពណ៌ខៀវ ក្រវ៉ាត់កពណ៌ក្រហម បានអង្គុយឱបដៃយ៉ាងស្ងៀមស្ងាត់ និងបានផ្ដល់ចម្លើយពីភាពគ្មានទោស ដោយមេធាវីរបស់លោក អំឡុងការផ្ដល់របាយការណ៍នៅចំពោះមុខចៅក្រុមទទួលបន្ទុកចារកម្មលោកJonathan Goodman។ មេធាវីរបស់លោក Trump លោក ថត់ ប្លានច៍ (Todd Blanche) បានប្រាប់ចៅក្រមផ្នែកចារកម្មសហព័ន្ធដែលបានចូលរួមជាអធិបតីលើករណីព្រហ្មទណ្ឌរយៈពេល៤៨នាទីរបស់លោក Trump ថា តុលាការជាទីគោរព យើងពិតជាពុំបានប្រព្រឹត្តដូចការចោទប្រកាន់ទាំងនោះទេ។   បន្ទាប់ពីសវនាការ លោក Trump ត្រូវបានអនុញ្ញាតឲ្យត្រឡប់ទៅវិញដោយរង់ចាំការបើកសវនាការនៅពេលក្រោយ។ រដ្ឋអាជ្ញាពុំបានស្នើសុំលក្ខខណ្ឌសំខាន់ណាមួយជាមុន សវនាការដូចជាការរឹតបន្តឹងលើការធ្វើដំណើររបស់លោក ឬដកហូតលិខិតឆ្លងដែនរបស់លោកនោះទេ។ ចៅក្រមផ្នែកចារកម្មលោក Jonathan Goodman បានបញ្ជា លោកTrump មិនឲ្យពិភាក្សាករណីនេះជាមួយសាក្សីដែលមានសក្តានុពលដោយគ្មានវត្តមានមេធាវីរបស់លោកឡើយ។  លោកTrump ប្រឈមនឹងការចោទប្រកាន់ពីបទព្រហ្មទណ្ឌចំនួន ៣៧ករណី ក្នុងនោះ ៣១ករណី ពាក់ព័ន្ធការរក្សាទុកកំណត់ត្រាសន្តិសុខជាតិដោយចេតនា និង៦ ករណីពាក់ព័ន្ធការចោទប្រកាន់ថាបានរារាំងកិច្ចខិតខំប្រឹងប្រែងរបស់សហព័ន្ធក្នុងការយកឯកសារទាំងនោះមកវិញ។ នេះជាលើកដំបូងក្នុងប្រវត្តិសាស្ត្រអាមេរិកដែលអតីតប្រធានាធិបតីត្រូវបានចោទប្រកាន់ពីរដ្ឋាភិបាលដែលលោកធ្លាប់ដឹកនាំ៕

បណ្ដាញសង្គម

ព័ត៌មានថ្មីៗ

ឯកឧត្តមសន្ដិបណ្ឌិត នេត សាវឿន ឧបនាយករដ្ឋមន្ដ្រី និងលោកជំទាវ ហ៊ុន គឹមឡេង ឧបត្ថម្ភស្បៀងអាហារជូនកម្លាំងប្រដាប់អាវុធឈរជើងនៅសមរភូមិមុខ
07/13/2025 11:07 AM
Facebook Telegram Linkin
ក្រសួងអប់រំ ធ្វើពិធីអបអរសាទរ ការចុះ បូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
07/13/2025 11:07 AM
Facebook Telegram Linkin
ក្រសួងការងារ រៀបចំពិធីវាយគង ទូងស្គរអបអរសាទរ​ការចុះ «បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្ម មកជាមណ្ឌលផ្សះផ្សា​ និងសន្តិភាព» ក្នុងបញ្ជីបេតិកភណ្ឌពិភពលោក
07/13/2025 11:07 AM
Facebook Telegram Linkin
ឯកឧត្តម ចាយ បូរិន ដឹកនាំមន្រ្តីក្រសួងធម្មការ និងសាសនា រៀបចំពិធីទូង​ស្គរ​អបអរសាទរ​ ការ​ចុះ "បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្ម មកជា មណ្ឌលផ្សះផ្សានិងសន្តិភាព" ក្នុងបញ្ជី​បេតិកភណ្ឌពិភពលោក
07/13/2025 11:07 AM
Facebook Telegram Linkin
មន្ត្រី អាជ្ញាធរមូលដ្ឋាននៅមជ្ឈមណ្ឌលប្រល័យពូជសាសន៍ជើងឯក ទូងស្គរ អបអរសារការចុះ «បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្មមកជា មណ្ឌលផ្សះផ្សានិងសន្តិភាព» ក្នុង​បញ្ជី​បេតិក​ភណ្ឌពិភពលោក
07/13/2025 11:07 AM
Facebook Telegram Linkin
ការចុះបូជនីយដ្ឋានចងចាំនៃកម្ពុជា គឺជាការបន្សល់ទុកកេរមរតកប្រវត្តិសាស្រ្ត សម្រាប់មនុស្សជាតិលើពិភពលោក
07/13/2025 10:07 AM
Facebook Telegram Linkin
ព្រឹទ្ធសភា រៀបចំពិធីទូងស្គរ អបអរសាទរការចុះ «បូជនីយដ្ឋានចងចាំនៃកម្ពុជា៖ ពីទីតាំង​ឧក្រិដ្ឋកម្ម មកជាមណ្ឌលផ្សះផ្សា និងសន្តិភាព» ក្នុងបញ្ជីបេតិកភណ្ឌពិភពលោក
07/13/2025 10:07 AM
Facebook Telegram Linkin
ក្រុមមេដឹកនាំអឺរ៉ុបរិះគន់ពន្ធរបស់លោក Trumpលើការនាំចេញរបស់ EU
07/13/2025 10:07 AM
Facebook Telegram Linkin
ក្រសួងកសិកម្ម ធ្វើពិធីវាយគង​ ទូងស្គរ ទះប៉ោតអបអរសាទរការចុះ បូជនីយដ្ឋានចងចាំ​នៃកម្ពុជា​ក្នុង​បញ្ជីបេតិកភណ្ឌពិភពលោក
07/13/2025 10:07 AM
Facebook Telegram Linkin
ពលរដ្ឋអាមេរិក ត្រូវបានសម្លាប់នៅក្នុងការវាយប្រហាររបស់អ្នកតាំងលំនៅនិគមន៍នៅតំបន់វ៉េសប៊ែង
07/13/2025 10:07 AM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.