BTV NEWS

ឯកឧត្តម កែវ រតនៈ បញ្ជាក់ជាថ្មីថាបច្ចុប្បន្នកម្ពុជាពុំបាននាំចូលអគ្គិសនី ប្រេងសាំង និងឧស្ម័នពីប្រទេសថៃនោះទេ

ទំនប់អូរតេធិបតី ត្រៀមផ្គត់ផ្គង់ទឹកស្អាតជូនពលរដ្ឋរាប់ពាន់គ្រួសារបន្ថែមទៀតក្នុងខេត្តមណ្ឌលគិរី

រដ្ឋមន្ត្រីអាកាសចរណ៍ស៊ីវិល ចុះពិនិត្យអាកាសយានដ្ឋានអន្តរជាតិតេជោ ដើម្បីត្រៀមផ្តល់វិញ្ញាបនប័ត្រដល់ប្រតិបត្តិករ

ស្ពានមិត្តភាពកម្ពុជា-ចិន មេគង្គក្រចេះ” គ្រោងនឹងបើកឱ្យឆ្លងកាត់បណ្តោះអាសន្ន អំឡុងពិធីបុណ្យដាក់បិណ្ឌ និងភ្ជុំបិណ្ឌនៅខែកញ្ញាខាងមុខនេះ សម្រាប់យានយន្តធុនតូច

នយោបាយ និង ការអភិវឌ្ឍន៍

សម្តេចតេជោ ហ៊ុន សែន៖ រដូវកាលនៃការសន្យារបស់គណបក្សនយោបាយនានា បានមកដល់ហើយ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា នាពេលនេះរដូវកាលនៃការសន្យារបស់គណបក្សនយោបាយនានាបានមកដល់ហើយ ដោយគណបក្សខ្លះចេញមុខមកសន្យាឲ្យនេះឲ្យនោះ ដល់បងប្អូនប្រជាពលរដ្ឋដែលជាម្ចាស់ឆ្នោត តែសម្រាប់គណបក្សប្រជាជនកម្ពុជាមិនបានសន្យានោះទេ គឺនិយាយពិតធ្វើពិតតែម្តង។នៅក្នុងកម្មវិធីសំណេះសំណាលជាមួយកម្មករ-កម្មការិនីជិត ២ម៉ឺននាក់ នៅខណ្ឌពោធិ៍សែនជ័យ នាព្រឹកថ្ងៃទី ១៤ ខែមិថុនា ឆ្នាំ ២០២៣នេះ សម្តេចតេជោ ហ៊ុន សែន បានថ្លែងថា ខណៈយុទ្ធនការឃោសនារកសំឡេងឆ្នោតជ្រើសរើសតំណាងរាស្រ្តអាណត្តិទី៧ កាន់តែខិតជិតមកដល់នោះ មានសមាជិកគណបក្សខ្លះខ្លួននៅផ្ទះស័ង្កសីទេ តែទៅសន្យាគេឲ្យសុទ្ធតែផ្ទះក្បឿង ហើយខ្លួនជិះម៉ូតូទេ តែទៅសន្យាឲ្យគេសុទ្ធឡាន។ជាមួយគ្នានោះដែរ សម្ដេចតេជោ ហ៊ុន សែន ក៏បានលើកឡើងផងដែរថា គណបក្សប្រជាជនកម្ពុជា មិនសន្យាឲ្យនេះឲ្យនោះទេ តែនឹងធ្វើពិតៗតែម្ដងដូចអ្វីដែលបងប្អូនប្រជាពលរដ្ឋក៏ដូចជាកម្មករ-កម្មការិនី បានឃើញជាក់ស្តែងយ៉ាងដូច្នេះដែរ។នៅចំពោះមុខកម្មករ-កម្មការិនីនោះដែរ សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានបញ្ជាក់ជាថ្មីទៀតដែរថា ច្បាប់ស្តីពីសោធននិវត្តន៍របស់បងប្អូនកម្មករ-កម្មការិនីមានភាពងាយស្រួលជាងមន្រ្តីរាជកាទៅទៀត ខណៈច្បាប់នេះមិនមែនជាការកញ្ឆក់កណ្ដៀត និងសន្យាខ្យល់ដូចគណបក្សខ្លះនោះទេ វាគឺជាការគិតគូរវែងឆ្ងាយពីរាជរដ្ឋាភិបាលដល់បងប្អូនកម្មករ-កម្មការិនី៕អត្ថបទ៖ បាន ចក់

Putin និយាយថា រុស្ស៊ីកំពុងពិចារណា ការដកខ្លួនចេញពីកិច្ចព្រមព្រៀងគ្រាប់ធញ្ញជាតិ

រុស្ស៊ី៖ ប្រធានាធិបតីរុស្ស៊ី លោក Vladimir Putin បាននិយាយកាលពីថ្ងៃអង្គារថា រុស្ស៊ីកំពុងពិចារណាដកខ្លួនចេញពីកិច្ចព្រមព្រៀងគ្រាប់ធញ្ញជាតិសមុទ្រខ្មៅ ព្រោះថាប្រទេសលោកខាងលិចបានបោកបញ្ឆោតទីក្រុងមូស្គូដោយការអនុវត្តន៍ពុំមានការសន្យាណាមួយដើម្បីទទួលយកទំនិញកសិកម្មរបស់រុស្ស៊ីទៅកាន់ទីផ្សារសកលដ៏ទូលំទូលាយឡើយ។ កិច្ចព្រមព្រៀងនេះអនុញ្ញាតឲ្យអ៊ុយក្រែនបន្តការនាំចេញគ្រាប់ធញ្ញជាតិតាមផ្លូវសមុទ្រ ដែលត្រូវបានសម្របសម្រួលដោយអង្គការសហប្រជាជាតិ និងប្រទេសទួរគីកាលពីខែកក្កដា ឆ្នាំមុន ដើម្បីជួយដោះស្រាយវិបត្តិស្បៀងសកល ដែលអង្គការសហប្រជាជាតិ និយាយថាបានធ្វើឲ្យធ្លាក់ចុះធ្ងន់ធ្ងរដោយជម្លោះដ៏អាក្រក់បំផុតនៅអឺរ៉ុប ចាប់តាំងពីសង្គ្រាមលោកលើកទីII។ ដើម្បីបញ្ចុះបញ្ជូលឲ្យទីក្រុងមូស្គូអនុម័តកិច្ចព្រមព្រៀងនេះ ដែលក្រុមអ្នកការទូតហៅថា ជាគំនិតផ្តួចផ្តើមគ្រាប់ធញ្ញជាតិសមុទ្រខ្មៅ ជាកិច្ចព្រមព្រៀងរយៈពេល៣ឆ្នាំ បានជាប់គាំងនៅពេលតែមួយដែលក្រុមមន្ត្រីអង្គការសហប្រជាជាតិបានព្រមព្រៀងជួយប្រទេសរុស្ស៊ីដោយការនាំចេញជី និងស្បៀងអាហារផ្ទាល់របស់ប្រទេសនេះ។ ប៉ុន្តែលោក Putin បាននិយាយថា ពុំត្រូវបានអនុវត្តដោយសារតែភាពមិនស្មោះត្រង់របស់ប្រទេសលោកខាងលិច។ លោក Putin បាននិយាយនៅក្នុងពេលជួបជាមួយអ្នកឆ្លើយឆ្លងព័ត៌មានសង្គ្រាមរុស្ស៊ី និងអ្នកសរសេរប្លុកយោធាថា យើងកំពុងពិចារណាអំពីការដកខ្លួនចេញពីកិច្ចព្រមព្រៀងគ្រាប់ធញ្ញជាតិនាពេលនេះ។ ប្រទេសមហាអំណាចលោកខាងលិច បានដាក់នូវអ្វីដែលគេចាត់ទុកថាជាទណ្ឌកម្មដ៏តឹងរ៉ឹងបំផុតមិនធ្លាប់មាន លើប្រទេសរុស្ស៊ី បន្ទាប់ពីប្រទេសនេះបានចាប់ផ្តើមនូវអ្វីដែលខ្លួនចាត់ទុកថាជា«ប្រតិបត្តិការសឹកពិសេស» នៅក្នុងប្រទេសអ៊ុយក្រែននៅថ្ងៃទី១៤ ខែកុម្ភៈ ឆ្នាំ២០២២៕

ប្រមុខNATO ប្រាប់លោក Biden ថា អ៊ុយក្រែនកំពុងបង្ហាញជំហានរីកចម្រើន

អាមេរិក៖ អគ្គលេខាធិការសម្ព័ន្ធយោធា NATO លោក Jens Stoltenberg បានប្រាប់ប្រធានាធិបតីសហរដ្ឋអាមេរិក លោក Joe Biden ក្នុងជំនួបនៅការិយាល័យ Oval កាលពីថ្ងៃអង្គារថា អ៊ុយក្រែនកំពុងបង្ហាញជំហានរីកចម្រើនដោយការវាយបករបស់ពួកគេ ដែលអាចពង្រឹងជំហរ នៅពេលមានឱកាសដើម្បីឈានដល់ការបញ្ចប់ផ្នែកការទូតចំពោះសង្គ្រាមជាមួយរុស្ស៊ី។ លោក Stoltenberg និយាយថា ការគាំទ្ររួមគ្នារបស់យើងចំពោះអ៊ុយក្រែនពេលនេះកំពុងធ្វើឲ្យមានភាពខុសគ្នា នៅលើសមរភូមិដូចដែលយើងបាននិយាយ ព្រោះតែការវាយលុក ហើយទាហានអ៊ុយក្រែនកំពុងធ្វើឲ្យមានភាពរីកចម្រើន ដែលកំពុងរុលទៅមុខ។ លោកនិយាយបន្ថែមថា វាស្ថិតនៅក្នុងដំណាក់កាលដំបូងនៅឡើយ ប៉ុន្តែអ្វីដែលយើងដឹងច្បាស់គឺទឹកដីកាន់តែច្រើនដែលអ៊ុយក្រែនអាចរំដោះបាន កម្លាំងកាន់តែខ្លាំង ដែលពួកគេនឹងមាននៅតុចរចា។ លោក Biden និយាយថា សម្ព័ន្ធយោធា NATO បានធ្វើឲ្យមានការរីកចម្រើននូវការបង្រួបបរម្រួមបន្ថែមទៀត អំឡុងសង្គ្រាមនៅអ៊ុយក្រែន ហើយយើងនឹងមានការកសាងលើសន្ទុះនេះ នៅពេលដែលសម្ព័ន្ធមិត្តបើកកិច្ចប្រជុំកំពូលប្រចាំឆ្នាំរបស់ខ្លួនក្នុងទីក្រុង Vilnius ប្រទេសលីទុយអានី នៅថ្ងៃទី១១ និងទី១២ ខែកក្កដា។ អ៊ុយក្រែន ដែលបំពាក់អាវុធប្រទេសលោកខាងលិច កំពុងស្ថិតនៅក្នុងដំណាក់កាលដំបូងនៃការវាយបកដែលមានហានីភ័យខ្ពស់ទៅលើរុស្ស៊ី ដែលអាចប្រែក្លាយរូបរាងសង្គ្រាមដ៏សំខាន់ ដែលបានចាប់ផ្តើមជិតមួយឆ្នាំកន្លះមកនេះ។ សម្ព័ន្ធយោធា NATO មានបំណងបន្តការគាំទ្រដល់ទីក្រុងគីវ ខណៈបញ្ចៀសការទាញចូលក្នុងជម្លោះដោយផ្ទាល់ជាមួយទីក្រុងមូស្គូ។ ប្រធានាធិបតីរុស្ស៊ីលោក Vladimir Putin បានអះអាងថា អ៊ុយក្រែនកំពុងទទួលរងភាពបរាជ័យ ហើយបានបាត់បង់រថក្រោះ និងរថពាសដែកជាច្រើនគ្រឿង៕

សម្តេចតេជោ ហ៊ុន សែន បន្តអញ្ជើញចុះជួបបងប្អូនកម្មករ កម្មការិនី ជិត២ម៉ឺននាក់ជាបន្តទៀត នៅតំបន់ព្រៃស្ពឺ ខណ្ឌពោធិ៍សែនជ័យ

ភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រី បន្តអញ្ជើញចុះជួបសំណេះសំណាលជាមួយកម្មករ កម្មការិនីសរុបជិត២ម៉ឺននាក់ នៅតំបន់ព្រៃស្ពឺ មកពីរោងចក្រ សហគ្រាសចំនួន៩ នៅខណ្ឌពោធិ៍សែនជ័យ រាជធានីភ្នំពេញ នៅព្រឹកថ្ងៃទី១៤ ខែមិថុនា ឆ្នាំ២០២៣នេះ។ ឯកឧត្តម អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានអោយដឹងថា កន្លងទៅ សម្តេចតេជោនាយករដ្ឋមន្ត្រី ធ្លាប់បាន អញ្ជើញជួបសំណេះសំណាលជាមួយបងប្អូនកម្មករនិយោជិត នៅខណ្ឌពោធិ៍សែនជ័យ រាជធានីភ្នំពេញនេះ ចំនួន ១៥ដង រួចមកហើយ ក្នុងនោះកាលពីឆ្នាំ២០១៧ ចំនួន ៧ដង ដែលមានកម្មករនិយោជិតចូលរួមចំនួន ១០ ម៉ឺន ៦ពាន់នាក់ មកពីរោងចក្រ សហគ្រាស ចំនួន៨៨ និងកាលពីឆ្នាំ២០១៨ ចំនួន ៧ដង ដែលមានកម្មករនិយោជិត ចូលរួមចំនួន ១០ម៉ឺន ៧ពាន់នាក់ មកពីរោងចក្រ សហគ្រាស ចំនួន១០០ និងកាលពីថ្ងៃអង្គារ ទី១៣ ខែមិថុនា ឆ្នាំ២០២៣ ម្សិលមិញនេះ ដែលមានកម្មករនិយោជិតចូលរួមចំនួន ១៨០៣១នាក់ មកពីរោងចក្រ សហគ្រាស ចំនួន១១។ថ្ងៃនេះ ជាលើកទី១៦ ដែល សម្ដេចតេជោនាយករដ្ឋមន្ត្រី បានមកជួបសំណេះសំណាលជាមួយ បងប្អូនកម្មករនិយោជិតសរុបចំនួន ១៨ ៣០៥នាក់ មកពីរោងចក្រ សហគ្រាស ចំនួន ៩ នៅ ខណ្ឌពោធិ៍សែនជ័យ។ រោងចក្រ សហគ្រាស ចំនួន ៩ ជាប្រភេទរោងចក្រកាត់ដេរ ចំនួន ៦, ផលិតផលធ្វើដំណើរ និងកាបូប ចំនួន ១, ដេរស្បែកជើងចំនួន ២។ ផលិតផលរបស់រោងចក្រទាំងនេះ គឺនាំចេញទៅទីផ្សារអន្តរជាតិ ដូចជា សហគមន៍អឺរ៉ុប សហរដ្ឋអាម៉េរិក ប្រទេសកាណាដា ប្រទេសជប៉ុន ។ល។ នៅរាជធានីភ្នំពេញ ឆ្នាំ២០២៣ មាន រោងចក្រ សហគ្រាស ចំនួន ៩ ៣១៤ មានកម្មករនិយោជិតប្រមាណជាង ៦៦ម៉ឺននាក់ ក្នុងនោះរោងចក្រ សហគ្រាស វិស័យកាត់ដេរ ចំនួន៧២៧ មានកម្មករនិយោជិតសរុបជាង ៣៣ម៉ឺន ៨ពាន់នាក់ និងជាតំបន់ដែលមានការអភិវឌ្ឍ រោងចក្រ សហគ្រាស ច្រើនជាងគេ៕

ប្រជាជនអឺរ៉ុបមិនចង់មានចំណែកក្នុងសង្គ្រាមអាមេរិកនាពេលអនាគតទេ

អឺរ៉ុប៖ ពលរដ្ឋនៃបណ្តាប្រទេសអឺរ៉ុបជាច្រើនបានបញ្ជាក់យ៉ាងច្បាស់ថា ពួកគេមិនចង់ឱ្យប្រជាជាតិរបស់ខ្លួនរួមចំណែកជាមួយសហរដ្ឋអាមេរិកនៅក្នុងសង្គ្រាមដែលអាចទៅរួចណាមួយនាពេលអនាគតជាមួយប្រទេសចិននោះទេ។ដើម្បីឱ្យជាក់លាក់គឺមានប្រជាជនអឺរ៉ុប ៦២ ភាគរយដែលបានស្ទង់មតិទាំងអស់ បានប្រាប់ក្រុមប្រឹក្សាអឺរ៉ុបស្តីពីទំនាក់ទំនងបរទេសថា ពួកគេរំពឹងថាមេដឹកនាំរបស់ខ្លួន "រក្សាអព្យាក្រឹតភាព" ប្រសិនបើជម្លោះណាមួយផ្ទុះឡើង។ ហើយមានតែប្រជាជន ២៣ ភាគរយប៉ុណ្ណោះដែលបានបញ្ជាក់យ៉ាងច្បាស់ថា ប្រទេសរបស់ពួកគេគួរតែគាំទ្រសហរដ្ឋអាមេរិកដោយស្វ័យប្រវត្តិ។នេះគឺគ្រាន់តែជាការស្ទង់មតិមួយ ហើយមិនមានមេដឹកនាំនយោបាយណាម្នាក់ត្រូវតែយល់ស្របនឹងអ្វីដែលពលរដ្ឋរបស់ពួកគេចង់បាននោះទេ។ ម៉្យាងវិញទៀត ការស្ទង់មតិនេះបញ្ជាក់ថា ប្រជាជនអឺរ៉ុបយល់ច្បាស់ពីអ្វីដែលបានកើតឡើងចំពោះទ្វីបរបស់ពួកគេ ដោយសារតែការផ្តល់ជំនួយដល់សហរដ្ឋអាមេរិកក្នុងសង្គ្រាមដ៏មហន្តរាយនៅក្នុងប្រទេសអ៊ីរ៉ាក់ និងអាហ្វហ្គានីស្ថាន។ប្រជាជនអ៊ឺរ៉ុបបានមើលឃើញពីផលប៉ះពាល់អវិជ្ជមានជាច្រើនក្នុងរយៈពេលពីរទសវត្សរ៍នៃការគាំទ្រដ៏លើសលុបដោយយោធារបស់លោកខាងលិច។ ពួកគេជឿថា ការធ្វើតាមអាមេរិកក្នុងសង្រ្គាមណាមួយជាមួយចិន មិនមែនជាផលប្រយោជន៍របស់អឺរ៉ុបទេ៕

ស សាឡុងដេត សុំទោសសម្តេចតេជោ និងប្រកាសផ្តាច់ខ្លួនពីបុគ្គលសមរង្ស៊ី ព្រមទាំងសុំចូលរួមជីវភាពជាមួយគណបក្សប្រជាជនកម្ពុជា

ភ្នំពេញ៖ តាមរយៈវិដេអូ លោកស សាឡុងដេត ប្រធានប្រតិបត្តិគណបក្សភ្លើងទៀន រាជធានីភ្នំពេញ បានសុំខន្តីអភ័យទោសចំពោះសម្តេចតេជោ ហ៊ុន សែន នាយករដ្ឋមន្ត្រី និងរាជរដ្ឋាភិបាល ក្នុងឱកាសដែលលោកនិយាយទៅកាន់សមាជិកសមាជិកាគណបក្សភ្លើងទៀន ស្តីពីបញ្ហាស៊ីហ្គេម ដែលធ្វើឲ្យមតិជាតិ និងអន្តរជាតិយល់ច្រឡំ។ ជាមួយគ្នានេះ លោកស សាឡុងដេត បានប្រកាសថា ចាប់ពីពេលនេះតទៅលោកសុំលាឈប់ពីសមាជិកគណៈកម្មាការនាយក និងលាឈប់ពីសមាជិកប្រតិបត្តិគណបក្សភ្លើងទៀន និងសុំផ្តាច់ខ្លួនពីបុគ្គល សម រង្ស៊ី ហើយសុំចូលរួមជីវភាពជាមួយគណបក្សប្រជាជនកម្ពុជា ក្រោមការដឹកនាំរបស់សម្តេចតេជោ ហ៊ុន សែន ។សម្តេចតេជោ ហ៊ុន សែន បានសរសេរលើបណ្តាញតេឡេក្រាមថា ដោយដឹងនូវកំហុសលោក ស សាឡុងដេត បានធ្វើការសុំទោស សម្តេចសុំដល់ក្រសួងយុត្តិធម៍ធ្វើការជាមួយដើមបណ្តឹងនិងតុលាការដើម្បីបញ្ចប់រឿងក្តីនេះតាមវិធីដែលអាចធ្វើទៅបានដូចជា៖ ការដកពាក្យបណ្តឹង ឬលើកលែងការចោទប្រកាន់៕

គ.ជ.ប បិទផ្សាយបញ្ជីរាយនាមគណបក្សនយោបាយ និងបេក្ខជនឈរឈ្មោះបោះឆ្នោតផ្លូវការ

ភ្នំពេញ៖ គណៈកម្មាធិការជាតិរៀបចំការបោះឆ្នោត (គ.ជ.ប) ចាប់ផ្តើមដំណើរការបិទផ្សាយបញ្ជីរាយនាមគណបក្សនយោបាយ និងបេក្ខជនឈរឈ្មោះបោះឆ្នោតផ្លូវការតាមមណ្ឌលបោះឆ្នោតរាជធានី-ខេត្តនៅទូទាំងប្រទេស។ នៅថ្ងៃទី១៣ ខែមិថុនា ឆ្នាំ២០២៣នេះ ឯកឧត្តម ឌុច សុន សមាជិកគណៈកម្មាធិការជាតិរៀបចំការបោះឆ្នោត (គ.ជ.ប) បានដឹកនាំកិច្ចប្រជុំជាមួយភាគីពាក់ព័ន្ធស្តីពីការបិទផ្សាយបញ្ជីរាយនាមគណបក្សនយោបាយ, និងបេក្ខជនឈរឈ្មោះបោះឆ្នោតផ្លូវការតាមមណ្ឌលរាជធានី-ខេត្ត, សិទ្ធិទទួលបាននូវការការពារសុវត្ថិភាពរបស់បេក្ខជន និងការចុះឈ្មោះភ្នាក់ងារគណបក្សនយោបាយ។ ឯកឧត្តម ឌុច សុន មានប្រសាសន៍ថា បន្ទាប់ពីដំណើរការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះសម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧ បានបញ្ចប់ គ.ជ.ប ឈានចូលដល់ដំណើរការបិទផ្សាយបញ្ជីរាយនាមគណបក្សនយោបាយ និងបេក្ខជនឈរឈ្មោះបោះឆ្នោតផ្លូវការត្រូវធ្វើចាប់ពីថ្ងៃទី១៣ មិថុនានេះតាមមណ្ឌលបោះឆ្នោតរាជធានី-ខេត្តនៅទូទាំងប្រទេស។ ឯកឧត្តម មានប្រសាសន៍ទៀតថា បញ្ជីរាយនាមគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត ត្រូវបិទផ្សាយនៅលេខាធិការដ្ឋាននៃគណៈកម្មការរាជធានី-ខេត្តរៀបចំការបោះឆ្នោត ចំនួន១ច្បាប់ និងនៅតាមទីប្រជុំជនធំៗមួយចំនួនក្នុងរាជធានី-ខេត្តនីមួយៗ។ ឯកឧត្តម បញ្ជាក់ថា បញ្ជីរាយនាមគណបក្សនយោបាយ និងបញ្ជីបេក្ខជនឈរឈ្មោះបោះឆ្នោត គឺជាបញ្ជីដែលកើតចេញពីលទ្ធផលនៃការចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ និងការចាប់ឆ្នោតដើម្បីកំណត់លំដាប់លេខរៀងឈ្មោះគណបក្សនយោបាយឈរឈ្មោះបោះឆ្នោតនៅលើសន្លឹកឆ្នោតដែលដំណើរការទាំងនេះបានបញ្ចប់ជាស្ថាពរ ដោយសម្រេចបានគណបក្សនយោបាយចុះបញ្ជីផ្លូវការចំនួន១៨ គណបក្ស និងមានលេខសម្គាល់របស់គណបក្សនយោបាយនីមួយៗ។ ឯកឧត្តម បន្ថែមថា បន្ទាប់ពីថ្ងៃបិទផ្សាយនេះ គណបក្សនយោបាយមានសិទ្ធិដាក់ពាក្យសុំចុះឈ្មោះភ្នាក់ងារសង្កេតការណ៍បោះឆ្នោត សម្រាប់ការបោះឆ្នោតជ្រើសតាំងតំណាងរាស្រ្ត នីតិកាលទី៧ ឆ្នាំ២០២៣ នៅគណៈកម្មការឃុំ-សង្កាត់រៀបចំការបោះឆ្នោតនៃរាជធានី ខេត្តដែលសាមីគណបក្សនយោបាយបានចុះបញ្ជីគណបក្សនយោបាយឈរឈ្មោះបោះឆ្នោត និងបញ្ជីបេក្ខជនឈរឈ្មោះក្នុងរាជធានី-ខេត្តនោះ ក្នុងរយៈពេល៧ថ្ងៃ ចាប់ពីថ្ងៃទី១៤ ដល់ថ្ងៃទី២០ ខែមិថុនា ឆ្នាំ២០២៣៕

អ៊ីរ៉ង់ និងវ៉េណេហ្ស៊ុយអេឡា ងាកមកបង្កើនពាណិជ្ជកម្ម ក្រោយចុះហត្ថលេខាលើកិច្ចព្រមព្រៀងឥន្ធនៈគីមី

អ៊ីរ៉ង់៖ ប្រធានាធិបតីអ៊ីរ៉ង់លោក Ebrahim Raisi អំឡុងដំណើរទស្សនកិច្ចរបស់លោក នៅទីក្រុងការ៉ាកាស (Caracas) បាននិយាយកាលពីថ្ងៃចន្ទថា ប្រទេសអ៊ីរ៉ង់ និងវ៉េណេហ្ស៊ុយអេឡា ចង់បង្កើនពាណិជ្ជកម្មទ្វេភាគីដល់២០ពាន់លានដុល្លារ ដោយកើនពីចំនួន៣ពាន់លានដុល្លារ។ក្នុងដំណើរទស្សនកិច្ចនេះ ប្រទេសទាំងពីរបានចុះហត្ថលេខាលើអនុស្សរណៈនៃការយោគយល់គ្នា ដើម្បីពង្រីកកិច្ចសហប្រតិបត្តិការលើវិស័យឥន្ធនៈគីមី ដែលជាសារធាតុគីមីសំយោគមកពីប្រេងឬឧស្ម័នធម្មជាតិ ដោយមានគោលបំណងអនុវត្តគម្រោងរួមគ្នា កសាងលើកិច្ចសហប្រតិបត្តិការជិតស្និទ្ធរបស់ប្រទេសទាំងពីរ ក្នុងវិស័យប្រេង។បន្ទាប់ពីកិច្ចព្រមព្រៀងឥន្ធនៈគីមី និងកិច្ចព្រមព្រៀងសហប្រតិបត្តិការជាច្រើនទៀត ត្រូវបានចុះហត្ថលេខារួចហើយ លោក Raisi បាននិយាយតាមរយៈការបកប្រែនៅក្នុងសេចក្តីថ្លែងការណ៍មួយជាមួយប្រធានាធិបតីវ៉េណេហ្ស៊ុយអេឡា លោក Nicolas Maduro ថា៖ «យើងបានសម្រេចបង្កើនកិច្ចសហប្រតិបត្តិការ រវាងប្រទេសទាំងពីរ»។ លោក Raisi បានបន្ថែមថា៖ «គោលដៅដែលយើងមានសម្រាប់កិច្ចសហប្រតិបត្តិការពាណិជ្ជកម្ម និងសេដ្ឋកិច្ច ជំហានដំបូង ត្រូវធ្វើឲ្យកម្រិតនៃកិច្ចសហប្រតិបត្តិការឡើងដល់ ១០ពាន់លានដុល្លារ ហើយជំហានបន្ទាប់ យើងចង់ធ្វើឲ្យកម្រិតនោះឡើងដល់ ២០ពាន់លានដុល្លារ»។ទូរទស្សន៍រដ្ឋវ៉េណេហ្ស៊ុយអេឡា បានផ្សាយថា កិច្ចព្រមព្រៀង រវាងក្រុមហ៊ុនឥន្ធនៈគីមីរដ្ឋវ៉េណេហ្ស៊ុយអេឡា Pequiven និងសមភាគីអ៊ីរ៉ង់ នឹងជួយសម្របសម្រួលកិច្ចសហប្រតិបត្តិការ ក្នុងការរុករក និងអភិវឌ្ឍប្រេង និងវាយតម្លៃពីលទ្ធភាពរបស់គម្រោងរួមគ្នា។ ប្រធានាធិបតីវ៉េណេហ្ស៊ុយអេឡា លោក Maduro បានសាទរចំពោះដំណើរទស្សនកិច្ចរបស់លោក Raisi និងទំនាក់ទំនងទ្វេភាគីរបស់ប្រទេសទាំងពីរ ហើយបាននិយាយថា កិច្ចព្រមព្រៀង និងការវិនិយោគបន្ថែមទៀត ជិតនឹងកើតឡើងហើយ។ទីក្រុងការ៉ាកាស គឺជាកន្លែងឈប់សំចតដំបូងនៃដំណើរទស្សនកិច្ច នៅតំបន់អាមេរិកឡាទីន (អាមេរិកខាងត្បូង) របស់លោក Raisi ដែលនឹងធ្វើដំណើរផងដែរទៅកាន់ប្រទេសគុយបា និងនីការ៉ាហ្គ័រ៕

សម្ដេចតេជោ៖ ក្រុមប្រឆាំងបើចិត្តសឿងកុំទៅបោះឆ្នោត តែសិទ្ធិឈរឈ្មោះរបស់ពួកអ្នកក៏ត្រូវចប់

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃកម្ពុជា បានមានប្រសាសន៍ធ្ងន់ៗ ទៅកាន់ក្រុមប្រឆាំងដែលកំពុងរៀបចំយុទ្ធនាការឃោសនាមិនឱ្យពលរដ្ឋទៅបោះឆ្នោតថា បើក្រុមប្រឆាំងទាំងនោះចិត្តសឿងកុំទៅបោះឆ្នោត ក្នុងឱកាសបោះឆ្នោតជ្រើសតាំងតំណាងរាស្រ្ដនីតិកាលទី៧ ឆ្នាំ២០២៣នេះ ប៉ុន្ដែពួកក្រុមទាំងនេះ ក៏គ្មានសិទ្ធឈរឈ្មោះឱ្យគេបោះឆ្នោត នាអាណត្តិខាងមុខទៀតដែរ។ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍បញ្ជាក់បែបនេះ ក្នុងឱកាសបន្តអញ្ជើញចុះជួបសំណេះសំណាលជាមួយកម្មករ កម្មការិនីជិត ២ម៉ឺននាក់មកពីរោងចក្រ សហគ្រាសចំនួន ១១ នាព្រឹកថ្ងៃទី១៣ ខែមិថុនា ឆ្នាំ២០២៣នេះ នៅខណ្ឌពោធិ៍សែនជ័យ រាជធានីភ្នំពេញ។សម្ដេចតេជោ ហ៊ុន សែន បានមានប្រសាសន៍ថា ពួកក្រុមប្រឆាំងនៅក្រៅប្រទេស និងក្នុងប្រទេសមួយចំនួន កំពុងរៀបចំយុទ្ធនាការឃោសនាមិនឱ្យប្រជាពលរដ្ឋទៅបោះឆ្នោត ដែលសកម្មភាពនេះ គឺផ្គើនទៅនឹងការអនុវត្តសិទ្ធិរបស់ប្រជាពលរដ្ឋ ក្នុងការបោះឆ្នោតជ្រើសតាំងតំណាងរាស្រ្ដ។ សម្ដេចតេជោ បញ្ជាក់ថា បើពួកក្រុមប្រឆាំងមិនបានបោះឆ្នោតនៅថ្ងៃទី២៣ ខែកក្កដា ឆ្នាំ២០២៣ ពួកគេក៏ គ្មានសិទ្ធិឈរឈ្មោះឱ្យគេបោះឆ្នោត សម្រាប់តំណែងក្រុមប្រឹក្សាឃុំ សង្កាត់ ស្រុក ខណ្ឌ ក្រុង ខេត្ត រាជធានី តំណែងសមាជិកព្រឹទ្ធសភា និងសមាជិករដ្ឋសភា នៅឆ្នាំ ២០២៧-២០២៨ នោះទេ។សម្ដេចតេជោ បញ្ជាក់ថា ការធ្វើវិសោធនកម្មច្បាប់បោះឆ្នោតនេះ គឺស្របតាមរដ្ឋធម្មនុញ្ញនៃព្រះរាជាណាចក្រកម្ពុជា ពិសេសត្រង់មាត្រាទី ៣៤ ថ្មីកថាខណ្ឌចុងក្រោយដែលចែងថា បទប្បញ្ញត្តិដកសិទ្ធិបោះឆ្នោត និងសិទ្ធិឈរឈ្មោះអោយគេបោះឆ្នោត ត្រូវចែងក្នុងច្បាប់។ ដូច្ចេះគ្មានអ្វីផ្ទុយពីរដ្ឋធម្មនុញ្ញនោះឡើយ៕អត្ថបទ៖ វ៉ន ដារ៉ា

សម្ដេចតេជោ៖ ការធ្វើវិសោធនកម្មច្បាប់បោះឆ្នោត ដើម្បីបង្កើនការទទួលខុសត្រូវសម្រាប់អ្នកឈរឈ្មោះឱ្យគេបោះឆ្នោត

ភ្នំពេញ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្រ្ដីនៃកម្ពុជា បានមានប្រសាសន៍ថា ការធ្វើវិសោធនកម្មច្បាប់បោះឆ្នោត គឺដើម្បីបង្កើនការទទួលខុសត្រូវចំពោះអ្នកឈរឈ្មោះឱ្យប្រជាពលរដ្ឋបោះឆ្នោត ពីព្រោះបើអ្នកឈរឈ្មោះឱ្យគេបើឆ្នោតសូម្បីសិទ្ធិពលរដ្ឋដែលជាសិទ្ធិទៅបោះឆ្នោតមិនអាចធ្វើបានផងតើនឹងអាចដឹកនាំប្រទេសកម្ពុជា បានដោយរបៀបណា។សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានមានប្រសាសន៍បញ្ជាក់បែបនេះ ក្នុងឱកាសបន្តអញ្ជើញចុះជួបសំណេះសំណាលជាមួយកម្មករ កម្មការិនីជិត ២ម៉ឺននាក់មកពីរោងចក្រ សហគ្រាសចំនួន ១១ នាព្រឹកថ្ងៃទី១៣ ខែមិថុនា ឆ្នាំ២០២៣នេះ នៅខណ្ឌពោធិ៍សែនជ័យ រាជធានីភ្នំពេញ។សម្ដេចតេជោ ហ៊ុន សែន បានមានប្រសន៍ថា ការធ្វើវិសោធនកម្មច្បាប់បោះឆ្នោត ដកសិទ្ធឈរឈ្មោះឱ្យគេបោះឆ្នោត សម្រាប់បុគ្គលណាដែលមិនទៅបោះឆ្នោត គឺដើម្បីពង្រឹង និងលើកកម្ពស់ការទទួលខុសត្រូវរបស់មេដឹកនាំទាំងថ្នាក់ជាតិ និងថ្នាក់ក្រោមជាតិ។ ប៉ុន្ដែការធ្វើវិសោធនកម្មច្បាប់នេះ មិនមានផ្ទុយពីរដ្ឋធម្មនុញ្ញានៃព្រះរាជាណាចក្រកម្ពុជានោះឡើយ។ក្នុងឱកាសនេះសម្ដេចតេជោ បន្តជំរុញដល់សម្ដេចក្រឡាហោម ស ខេង ឧបនាយករដ្ឋមន្រ្ដីរដ្ឋមន្រ្ដីក្រសួងមហាផ្ទៃ និងឯកឧត្ដម កើត រិទ្ធ រដ្ឋមន្រ្ដីក្រសួងយុត្តិធម៌ ពន្លឿនការធ្វើវិសោធនកម្មច្បាប់ដើម្បីដាក់ទៅរដ្ឋសភាអនុម័តនៅមុនការបោះឆ្នោតជ្រើសតាំងតំណាងរាស្រ្ដនីតិកាលទី៧ នាខែកក្កដា ឆ្នាំ២០២៣ ខាងមុខនេះ៕អត្ថបទ៖ វ៉ន ដារ៉ា

បណ្ដាញសង្គម

ព័ត៌មានថ្មីៗ

មន្ទីរការងារ និងបណ្តុះបណ្តាលវិជ្ជាជីវៈនៅទូទាំងប្រទេសអបអរសាទរការចុះ បូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក

ក្មេងទំនើង៣នាក់បំផ្លាញទ្រព្យសម្បត្តិសាធារណៈត្រូវបានឃាត់ខ្លួន ធ្វើកិច្ចសន្យាអប់រំណែនាំដោយមានការធានាពីអាណាព្យាបាល ដើម្បីអប់រំនៅមូលដ្ឋានបន្ត

សហជីពតំណាងឱ្យកម្មករ កម្មការិនីនៅទូទាំងប្រទេសរីករាយ មានមោទនភាព និងស្ញប់ស្ញែងចំពោះរាជរដ្ឋាភិបាលដែលចុះទីតាំងឧក្រិដ្ឋកម្មទៅក្នុងបញ្ជីបេតិកភណ្ឌពិភពលោក

ឯកឧត្តម ទី នរិន្ទ អញ្ជើ្ជញជួបសំណេះសំណាលជាមួយកម្មករ-កម្មការិនីប្រមាណ ៥០០នាក់ក្នុងឃុំត្រពាំងជង

ចលនាមហាជនចូលរួមថវិកាគាំទ្រយ៉ាងផុសផុលរៀបចំមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស បង្ហាញពីការយកចិត្តទុកដាក់ខ្ពស់ចំពោះអតីតយុទ្ធជនដែលបានធ្វើពលិកម្មក្នុងបុព្វហេតុជាតិ មាតុភូមិ

អតិផរណាអាមេរិក កើនឡើងជាលើកដំបូងក្នុងពេល ៥ខែ ដោយសារពន្ធបំផ្លិចបំផ្លាញសេដ្ឋកិច្ច

រលកកម្ដៅបន្តកើតមានទូទាំងចក្រភពអង់គ្លេស មុនពេលសីតុណ្ហភាពធ្លាក់យ៉ាងគំហុកនៅថ្ងៃចន្ទស្អែកនេះ

សារមន្ទីរទួលស្លែង រៀបចំពិធីអបអរសាទរការចុះ «បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្ម មកជាមណ្ឌលផ្សះផ្សា និងសន្តិភាព» ក្នុងបញ្ជីបេតិកភណ្ឌពិភពលោក

ប្រទេសក្រិក ប្រឈមនឹងរលកកម្ដៅកាន់តែខ្លាំងក្លា ខណៈហានិភ័យចំហេះព្រៃកើនឡើង

នាវិកនៃបញ្ជាការដ្ឋានកងទ័ពជើងទឹកជ្រោយចង្វារទូងស្គរ អបអរសាទរ ការចុះ «បូជនីយដ្ឋានចងចាំនៃកម្ពុជា» ក្នុងបញ្ជីបេតិកភណ្ឌពិភពលោក

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

សម្តេចតេជោ ហ៊ុន សែន៖ រដូវកាលនៃការសន្យារបស់គណបក្សនយោបាយនានា បានមកដល់ហើយ

Putin និយាយថា រុស្ស៊ីកំពុងពិចារណា ការដកខ្លួនចេញពីកិច្ចព្រមព្រៀងគ្រាប់ធញ្ញជាតិ

ប្រមុខNATO ប្រាប់លោក Biden ថា អ៊ុយក្រែនកំពុងបង្ហាញជំហានរីកចម្រើន

ប្រជាជនអឺរ៉ុបមិនចង់មានចំណែកក្នុងសង្គ្រាមអាមេរិកនាពេលអនាគតទេ

គ.ជ.ប បិទផ្សាយបញ្ជីរាយនាមគណបក្សនយោបាយ និងបេក្ខជនឈរឈ្មោះបោះឆ្នោតផ្លូវការ

អ៊ីរ៉ង់ និងវ៉េណេហ្ស៊ុយអេឡា ងាកមកបង្កើនពាណិជ្ជកម្ម ក្រោយចុះហត្ថលេខាលើកិច្ចព្រមព្រៀងឥន្ធនៈគីមី

សម្ដេចតេជោ៖ ក្រុមប្រឆាំងបើចិត្តសឿងកុំទៅបោះឆ្នោត តែសិទ្ធិឈរឈ្មោះរបស់ពួកអ្នកក៏ត្រូវចប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

សម្តេចតេជោ ហ៊ុន សែន៖ រដូវកាលនៃការសន្យារបស់គណបក្សនយោបាយនានា បានមកដល់ហើយ

Putin និយាយថា រុស្ស៊ីកំពុងពិចារណា ការដកខ្លួនចេញពីកិច្ចព្រមព្រៀងគ្រាប់ធញ្ញជាតិ

ប្រមុខNATO ប្រាប់លោក Biden ថា អ៊ុយក្រែនកំពុងបង្ហាញជំហានរីកចម្រើន

ប្រជាជនអឺរ៉ុបមិនចង់មានចំណែកក្នុងសង្គ្រាមអាមេរិកនាពេលអនាគតទេ

គ.ជ.ប បិទផ្សាយបញ្ជីរាយនាមគណបក្សនយោបាយ និងបេក្ខជនឈរឈ្មោះបោះឆ្នោតផ្លូវការ

អ៊ីរ៉ង់ និងវ៉េណេហ្ស៊ុយអេឡា ងាកមកបង្កើនពាណិជ្ជកម្ម ក្រោយចុះហត្ថលេខាលើកិច្ចព្រមព្រៀងឥន្ធនៈគីមី

សម្ដេចតេជោ៖ ក្រុមប្រឆាំងបើចិត្តសឿងកុំទៅបោះឆ្នោត តែសិទ្ធិឈរឈ្មោះរបស់ពួកអ្នកក៏ត្រូវចប់

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍