នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
ឯកឧត្តម កែវ រតនៈ បញ្ជាក់ជាថ្មីថាបច្ចុប្បន្នកម្ពុជាពុំបាននាំចូលអគ្គិសនី ប្រេងសាំង និង​ឧស្ម័ន​ពី​ប្រទេស​ថៃ​នោះទេ
ទំនប់អូរតេធិបតី ត្រៀមផ្គត់ផ្គង់ទឹកស្អាតជូនពលរដ្ឋរាប់ពាន់គ្រួសារបន្ថែមទៀតក្នុងខេត្តមណ្ឌលគិរី
រដ្ឋមន្ត្រីអាកាសចរណ៍ស៊ីវិល ចុះពិនិត្យអាកាសយានដ្ឋានអន្តរជាតិតេជោ ដើម្បីត្រៀម​ផ្តល់​វិញ្ញា​បន​ប័ត្រ​ដល់ប្រតិបត្តិករ
ស្ពានមិត្តភាពកម្ពុជា-ចិន មេគង្គក្រចេះ” គ្រោងនឹងបើកឱ្យឆ្លងកាត់បណ្តោះអាសន្ន អំឡុង​ពិធី​បុណ្យ​ដា​​ក់បិណ្ឌ និងភ្ជុំបិណ្ឌនៅខែកញ្ញាខាងមុខនេះ សម្រាប់យានយន្តធុនតូច

នយោបាយ​ និង ការអភិវឌ្ឍន៍

អាកាសយានិកអ៊ុយក្រែន អាចចាប់ផ្ដើមហ្វឹកហាត់បញ្ជាយន្តហោះចម្បាំង F-16 ឆាប់ៗនេះ

2023/06/13 10:57:18 am        107
Facebook Telegram Linkin
អ៊ុយក្រែន៖ នៅក្នុងបទសម្ភាសន៍មួយជាមួយសារព័ត៌មាន Reuters រដ្ឋមន្ត្រីការពារជាតិហូឡង់ លោក Kajsa Ollongren បាននិយាយថា អាកាសយានិកអ៊ុយក្រែន អាចចាប់ផ្តើមហ្វឹកហាត់ ដើម្បីប្រើប្រាស់យន្តហោះចម្បាំង F-16 ដែលផលិតដោយសហរដ្ឋអាមេរិកឆាប់ៗ ក្នុងរដូវក្តៅនេះ។លោក Ollongren បានប្រាប់ថា៖ «យើងត្រូវពិនិត្យមើលថា តើពួកគេមានសមត្ថភាពអ្វីខ្លះ? តើភាសាអង់គ្លេសរបស់ពួកគេយ៉ាងម៉េចដែរ? តើយើងអាចចាប់ផ្តើមជាមួយក្រុមណា? ជាក់ស្ដែង តើពួកគេស្ថិតក្នុងកម្រិតណា? មែនហើយ រដូវក្តៅនេះគឺជាក្ដីប្រាថ្នារបស់យើង ហើយយើងនឹងចាំមើលថា វាជាការពិត ឬអត់»។សម្ព័ន្ធមិត្តរបស់អង្គការសន្ធិសញ្ញាអាត្លង់ទិកខាងជើង ហៅកាត់ថា ណាតូ (NATO) គឺប្រទេសហូឡង់ និងដាណឺម៉ាក កំពុងដឹកនាំសម្ព័ន្ធអន្តរជាតិ ដើម្បីបណ្តុះបណ្តាលអាកាសយានិក បុគ្គលិកគាំទ្រ និងចុងក្រោយ ផ្គត់ផ្គង់យន្តហោះចម្បាំង F-16 ដល់ប្រទេសអ៊ុយក្រែន។តែទោះជាយ៉ាងណាក្ដី លោក Ollongren បានបញ្ជាក់បន្ថែមថា ការសម្រេចចុងក្រោយពាក់ព័ន្ធនឹងការផ្គត់ផ្គង់យន្តហោះចម្បាំងប្រភេទនេះឲ្យទៅទីក្រុងគីវ (Kyiv) មិនទាន់ត្រូវបានធ្វើឡើងនៅឡើយទេ ដោយលោកបានប្រាប់ថា៖ "រឿងនេះគឺថា វាជាប្រព័ន្ធសព្វាវុធខ្លាំង វាមានសមត្ថភាពខ្លាំងណាស់ ប៉ុន្តែវានឹងមិនមានការផ្ដល់ជូនក្នុងពេលឆាប់ៗនេះឡើយ ហើយប្រាកដណាស់ លោកប្រធានាធិបតី (Volodymyr) Zelenskiy ដឹងពីរឿងនោះច្បាស់ណាស់»។គោលបំណងនេះ នឹងធ្វើឲ្យកម្មវិធីបណ្តុះបណ្តាលដំណើរការយ៉ាងពេញលេញ ក្នុងរយៈពេលប្រាំមួយខែ ហើយយោងតាមប្រភពពីរ ដែលសុំមិនបញ្ចេញឈ្មោះ បានប្រាប់សារព័ត៌មាន Reuters ថា ការបណ្តុះបណ្តាល នឹងចាប់ផ្តើមជាមួយអាកាសយានិកអ៊ុយក្រែន២ក្រុមមាន១២នាក់ ដែលមានបទពិសោធន៍៕

សម្តេចតេជោ អំពាវនាវឱ្យកម្មករក៏ដូចជាពលរដ្ឋទៅចូលរួមបោះឆ្នោតឱ្យបានគ្រប់ៗគ្នា

2023/06/13 10:55:48 am        172
Facebook Telegram Linkin
ភ្នំពេញ៖ ក្នុងឱកាសបន្តអញ្ជើញចុះជួបសំណេះសំណាលជាមួយកម្មករ កម្មការិនី ជិត២ម៉ឺននាក់ មកពីរោងចក្រ សហគ្រាសចំនួន១១ នៅខណ្ឌពោធិ៍សែនជ័យ រាជធានីភ្នំពេញ នាព្រឹកថ្ងៃទី១៣មិថុនានេះ សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅតែបន្ត អំពាវនាវទៅកាន់កម្មករ កម្មការិនីរោងចក្រ ក៏ដូចជាប្រជាពលរដ្ឋទូទាំងប្រទេស ត្រៀមខ្លួនទៅចូលរួមបោះឆ្នោតនៅថ្ងៃ២៣ ខែកក្កដា ខាងមុខឲ្យបានគ្រប់ៗគ្នា។សម្តេចតេជោ បានមានប្រសាសន៍ថា ជាមួយនឹងការអភិវឌ្ឍ ក្មួយៗ ត្រូវចូលរួមទាំងអស់គ្នា ដើម្បីរក្សាសន្តិភាពហើយកាលណារក្សាសន្តិភាពបានហើយ គឺយើងរក្សាបាននូវការអភិវឌ្ឍ។សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានផ្តាំផ្ញើថា តាមរយៈក្មួយៗនេះ សម្ដេច​ក៏បានផ្ដាំផ្ញើ​សាកសួរសុខទុក្ខទៅកាន់ ឪពុក ម្ដាយ ដូន ជីតាក៏ដូចជាប្រជាពលរដ្ឋទាំងអស់នៅទូទាំង​ប្រទេសសម្រាប់ការខិតខំចូលរួមចំណែករបស់ពួកគាត់ តាំងពីគ្រាលំបាកបំផុតក្រោយពេល​រំដោះចេញពីរបបប្រល័យពូជសាសន៍ ប៉ុល ពត តាំងពីក្មួយៗមួយចំនួនមិនទាន់កើតនៅឡើយ ហើយសម្ដេចក៏បានសម្ដែងនូវការអរគុណដល់ពួកគាត់ និងសង្ឃឹមថា ទាំងក្មួយៗ និងក្រុមគ្រួសារ មិនភ្លេចជាមួយនឹងគណបក្សប្រជាជន​ដែលជាជម្រើសមួយ សម្រាប់ធានាឱ្យក្មួយៗនូវសន្តិភាព​និងការអភិវឌ្ឍរទៅមុខជាបន្តទៀត៕

សហរដ្ឋអាមេរិក ព្រួយបារម្ភថាកូរ៉េខាងជើងកំពុងមានផែនការបញ្ជូនអាវុធបន្ថែមទៀតឲ្យទៅរុស្ស៊ី

2023/06/13 10:54:16 am        96
Facebook Telegram Linkin
អាមេរិក៖ អ្នកនាំពាក្យក្រសងការបរទេសអាមេរិក បាននិយាយកាលពីថ្ងៃចន្ទទី១២មិថុនាថា សហរដ្ឋអាមេរិក ព្រួយបារម្ភថា កូរ៉េខាងជើង កំពុងមានផែនការបញ្ជូនអាវុធបន្ថែមទៀតឲ្យទៅប្រទេសរុស្ស៊ី បន្ទាប់ពីមេដឹកនាំកូរ៉េខាងជើងលោក Kim Jong Un ប្ដេជ្ញាពង្រឹងកិច្ចសហប្រតិបត្តិការជាយុទ្ធសាស្ត្រជាមួយទីក្រុងមូស្គូ។ កាលពីថ្ងៃចន្ទ ទីភ្នាក់ងារសារព័ត៌មាន KCNA របស់កូរ៉េខាងជើង បាននិយាយថា លោក Kim បានប្ដេជ្ញានៅក្នុងសារមួយផ្ញើជូនប្រធានាធិបតីរុស្ស៊ី Vladimir Putin ក្នុងឱកាសទិវាបុណ្យជាតិរុស្ស៊ី ។ ទីភ្នាក់ងារសារព័ត៌មាន KCNA បាននិយាយថា លោក Kim បានអំពាវនាវឲ្យបង្កើនកិច្ចសហប្រតិបត្តិការជាយុទ្ធសាស្ត្រឲ្យកាន់តែជិតស្និទ្ធជាមួយទីក្រុង Moscow ដោយពួតដៃគ្នាយ៉ាងណែន ជាមួយប្រធានាធិបតីរុស្ស៊ី អនុឡោមតាមបំណងប្រាថ្នារួមគ្នារបស់ប្រជាជននៃប្រទេសទាំង២ ដើម្បីបំពេញគោលបំណងដ៏ធំនៃការកសាងប្រទេសប្រកបដោយឥទ្ធិពល។ អ្នកនាំពាក្យក្រសួងការបរទេសអាមេរិករូបនេះ បាននិយាយថា ទោះបីជាទីក្រុងព្យុងយ៉ាងបដិសេធថា ខ្លួនមិនបានលក់អាវុធឲ្យរុស្ស៊ីសម្រាប់សង្គ្រាមនៅអ៊ុយក្រែនក៏ដោយ ក៏សហរដ្ឋអាមេរិកបានបញ្ជាក់ថា កូរ៉េខាងជើងបានបញ្ចប់ការផ្តល់អាវុធ រួមទាំងជើងទម្របាញ់គ្រាប់រ៉ូកែត និងមីស៊ីលទៅឲ្យក្រុមទាហានស៊ីឈ្នួល វ៉េកណា (Wagner) ដែលគាំទ្រដោយវិមានក្រឹមឡាំងកាលពីខែវិច្ឆិកា ឆ្នាំ ២០២២៕

ប្រមុខអង្គការសហប្រជាជាតិ បារម្ភថា រុស្ស៊ីនឹងចេញពីកិច្ចព្រមព្រៀងគ្រាប់ធញ្ញជាតិសមុទ្រខ្មៅនៅខែកក្កដា

2023/06/13 10:51:58 am        86
Facebook Telegram Linkin
UN៖ អគ្គលេខាធិការអង្គការសហប្រជាជាតិលោក Antonio Guterres បានិយាយកាលពីថ្ងៃចន្ទថាលោកព្រួយបារម្ភថា រុស្ស៊ីនឹងចាកចេញពីកិច្ចព្រមព្រៀងនៅថ្ងៃទី១៧ ខែកក្កដា ដែលកិច្ចព្រមព្រៀងនេះអនុញ្ញាតឲ្យមានការនាំចេញគ្រាប់ធញ្ញជាតិ និងជីដោយសុវត្ថិភាពក្នុងពេលសង្គ្រាមពីកំពង់ផែសមុទ្រចំនួន៣របស់អ៊ុយក្រែន។ ទីក្រុងមូស្គូកំពុងគំរាមចាកចេញពីកិច្ចព្រមព្រៀង ដែលគេស្គាល់ថាជាគំនិតផ្តួចផ្តើមគ្រាប់ធញ្ញជាតិសមុទ្រខ្មៅ ដែលសម្របសម្រួលដោយអង្គការសហប្រជាជាតិ និងប្រទេសទួរគី កាលពីខែកក្កដា ឆ្នាំមុន ប្រសិនបើឧបសគ្គនានាចំពោះការដឹកជញ្ជូនជី និងគ្រាប់ធញ្ញជាតិផ្ទាល់របស់ខ្លួន ពុំត្រូវបានដកចេញនោះទេ។ លោក Guterres បានប្រាប់អ្នកសារព័ត៌មានថា «ខ្ញុំមានការព្រួយបារម្ភ ហើងយើងកំពុងធ្វើការយ៉ាងខ្លាំងដើម្បីធ្វើឲ្យប្រាកដថាវានឹងអាចធ្វើទៅបានដើម្បីរក្សាគំនិតផ្តួចផ្តើមសមុទ្រខ្មៅ ហើយនៅពេលតែមួយនេះដែរ យើងនឹងអាចបន្តការងាររបស់យើងដើម្បីសម្រួលដល់ការនាំចេញរបស់រុស្ស៊ី។ ដើម្បីបញ្ចុះបញ្ចូលឲ្យរុស្ស៊ីព្រមព្រៀងចំពោះកិច្ចព្រមព្រៀងគ្រាប់ធញ្ញជាតិសមុទ្រខ្មៅ ដែលអនុស្សារណៈនៃការយោគយល់រយៈពេល៣ឆ្នាំបានជាប់គាំង នៅពេលដូចគ្នានេះមន្ត្រីអង្គការសហប្រជាជាតិ បានព្រមព្រៀងជួយរុស្ស៊ីជាមួយការនាំចេញជីនិងស្បៀងអាហារផ្ទាល់របស់ខ្លួន។ ខណៈការនាំចេញស្បៀងអាហារនិងជីរបស់រុស្ស៊ីពុំមែនជាគោលដៅចំពោះទណ្ឌកម្មរបស់ប្រទេសលោកខាងលិចដែលបានដាក់ក្រោយការវាយលុកលើអ៊ុយក្រែនកាលពីខែកុម្ភៈឆ្នំ២០២២ ទីក្រុងមូស្គូនិយាយថាការរឹតត្បិតលើការបង់ប្រាក់ ភ័ស្តភារ និងការធានារ៉ាប់រង បានបង្កើនឧបសគ្គចំពោះការដឹកជញ្ជូន៕

លោក Blinken និយាយថា សហរដ្ឋអាមេរិកព្យាយាមទាក់ទងពលរដ្ឋដែលត្រូវបានចាប់ខ្លួននៅរុស្ស៊ី

2023/06/13 10:44:31 am        76
Facebook Telegram Linkin
អាមេរិក៖ រដ្ឋមន្ត្រីការបរទេសសហរដ្ឋអាមេរិក លោក Antony Blinken បាននិយាយកាលពីថ្ងៃចន្ទថា ទីក្រុងវ៉ាស៊ីនតោន កំពុងស្វែងរកព័ត៌មានបន្ថែមដើម្បីដឹងច្បាស់ពីការឃុំខ្លួនពលរដ្ឋអាមេរិក លោក Michael Travis Leake អាយុ ៥១ឆ្នាំ នៅក្នុងប្រទេសរុស្ស៊ី និងធ្វើការដើម្បីឲ្យកុងស៊ុលស្វះស្វែងរកព័ត៌មានលម្អិតពីតន្ត្រីករ និងជាអតីតទាហានឆត្រយោង។តន្ត្រីករ និងជាអតីតទាហានឆ័ត្រយោងអាមេរិក ត្រូវបានចាប់ខ្លួននៅទីក្រុងមូស្គូ ពីបទចោទប្រកាន់ជួញដូរគ្រឿងញៀន ហើយការបង្ហាញខ្លួននៅតុលាការរបស់លោកត្រូវបានដាក់នៅក្នុងបន្ទាប់ឃុំឃាំងដែក ដែលត្រូវបានបង្ហាញនៅលើកញ្ចក់ទូរទស្សន៍រដ្ឋរបស់រុស្ស៊ី។អ្នកនាំពាក្យក្រសួងការបរទេសសហរដ្ឋអាមេរិក បានបញ្ជាក់ថា លោក Leake ត្រូវបានឃុំខ្លួននៅទីក្រុងមូស្គូ ហើយមន្ត្រីមកពីស្ថានទូតអាមេរិកនៅទីនោះ បានចូលរួមក្នុងការនាំខ្លួនលោកមកសាកសួរកាលពីថ្ងៃទី១០ ខែមិថុនា។ទីភ្នាក់ងារសារព័ត៌មាន Interfax របស់រុស្ស៊ី បានរាយការណ៍ថា ប្រសិនបើរកឃើញថាមានទោស លោក Leake អាចប្រឈមមុខនឹងការជាប់ពន្ធនាគាររហូតដល់ ១២ ឆ្នាំ។នៅពេលដំបូង លោក Leake បានមកទីក្រុងមូស្គូ ក្នុងនាមជាគ្រូបង្រៀនភាសាអង់គ្លេស និងជួយបកប្រែបទចម្រៀងសម្រាប់ក្រុមតន្រ្តីរុស្ស៊ី។ ចាប់តាំងពីសង្រ្គាមនៅអ៊ុយក្រែនបានចាប់ផ្តើមក្នុងខែកុម្ភៈឆ្នាំមុន សហរដ្ឋអាមេរិក បានប្រាប់ពលរដ្ឋរបស់ខ្លួនម្តងហើយម្តងទៀតឱ្យចាកចេញពីប្រទេសរុស្ស៊ីដោយសារតែហានិភ័យនៃការចាប់ខ្លួនតាមអំពើចិត្តឬការយាយីដោយភ្នាក់ងារអនុវត្តច្បាប់របស់រុស្ស៊ី៕

អភិបាលក្រុងម៉ិកស៊ិកូស៊ីធី នឹងលាលែងពីតំណែង ដើម្បីបន្តបំណងជាប្រវត្តិសាស្ត្រ សម្រាប់តំណែងប្រធានាធិបតី

2023/06/13 10:41:11 am        68
Facebook Telegram Linkin
អភិបាលក្រុងម៉ិកស៊ីកូស៊ីធី លោកស្រី Claudia Sheinbaum (ក្លឌៀ ស្ហេនបូម) បាននិយាយថា លោកស្រីនឹងលាលែងពីតំណែង ដើម្បីបន្តបេក្ខភាពរបស់គណបក្សកាន់អំណាចសម្រាប់ការបោះឆ្នោតប្រធានាធិបតីនៅឆ្នាំ ២០២៤ ក្នុងគោលបំណងក្លាយជាមេដឹកនាំស្ត្រីដំបូងរបស់ប្រទេសនេះ។គណបក្សចលនាស្រោចស្រង់ជាតិឆ្វេងនិយម(MORENA) របស់ប្រធានាធិបតីលោក Andres Manuel Lopez Obrador កាលពីថ្ងៃអាទិត្យ ទី១១ ខែ មិថុនា បានព្រមព្រៀងថា នៅថ្ងៃទី ៦ ខែកញ្ញា គណបក្សនឹងប្រកាសអ្នកទទួលជ័យជំនះនៃដំណើរការជ្រើសរើសផ្ទៃក្នុងរបស់ខ្លួន។ លោកស្រី Sheinbaum គឺជាបេក្ខជនម្នាក់ក្នុងចំណោមបេក្ខជនចំនួនពីរនាក់ដែលមានកាគាំទ្រច្រើននៅក្នុងគណបក្ស។ គណបក្ស MORENA ទទួលបានការគាំទ្រយ៉ាងខ្លាំងដើម្បីទទួលជ័យជំនះក្នុងការបោះឆ្នោតប្រធានាធិបតីនៅខែមិថុនា ឆ្នាំ ២០២៤ ដោយសារតែប្រជាប្រិយភាពផ្ទាល់ខ្លួនរបស់លោក Lopez Obrador ។លោកពុំអាចស្វែងរកការឈរឈ្មោះឡើងវិញបាននោះទេ ព្រោះថាប្រធានាធិបតីម៉ិកស៊ិកត្រូវបានដាក់កំហិតដោយច្បាប់ត្រឹមតែមួយអាណត្តិរយៈប្រាំមួយឆ្នាំ។ មនុស្សជំនិតរបស់លោក Lopez Obrador បានប្រាប់សារព័ត៌មាន Reuters ថា ពួកគេជឿថាលោកចង់ឱ្យលោកស្រី Sheinbaum បន្តតំណែងរបស់លោក ដោយលោកបដិសេធចំពោះបេក្ខជនណាមួយផ្សេងទៀត។ លោកស្រី Sheinbaum វ័យ ៦០ ឆ្នាំបានបញ្ជាក់អំពីអត្តសញ្ញាណរបស់លោកស្រី ជាអ្នកវិទ្យាសាស្ត្រ និងជាបរិស្ថានវិទូ ដោយនិយាយថាលោកស្រីនឹងបន្តការផ្លាស់ប្តូររបស់ប្រទេសម៉ិកស៊ិករបស់លោក Lopez Obrador ជាមួយនឹង «ត្រាផ្ទាល់ខ្លួន» ។ថ្នាក់ដឹកនាំរបស់គណបក្ស MORENA កាលពីចុងសប្តាហ៍ បាន ព្រមព្រៀងថាអ្នកចូលរួមប្រកួតប្រជែងគួរតែលាលែងពីតំណែងក្នុងសប្តាហ៍នេះដើម្បីប្រកួតប្រជែង។ ការស្ទង់មតិភាគច្រើន មានទំនោរផ្តល់ឱ្យលោកស្រី Sheinbaum នូវការទទួលបានជ័យជំនះបន្តិចបន្តួចនៅក្នុងការប្រកួតប្រជែងលើគូប្រជែងរបស់លោកស្រី គឺលោក Marcelo Ebrard ដែលបានលាលែងជារដ្ឋមន្ត្រីការបរទេសកាលពីថ្ងៃចន្ទដើម្បីចូលរួមប្រកួតប្រជែង។

សម្តេចតេជោ នៅតែរម្លឹកពលរដ្ឋឱ្យប្រុងប្រយ័ត្ន និងបន្តចាក់វ៉ាក់សាំងការពារកូវីដ១៩

2023/06/13 10:27:43 am        231
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រី បាន រំលឹកពលរដ្ឋឱ្យបន្តការប្រុងប្រយ័ត្ន​ចំពោះ​ជំងឺកូវីដ-១៩ ព្រោះវាមិនទាន់ទៅណាឆ្ងាយទេ ខណៈដែលជំងឺប្រភេទនេះមិនទាន់ទៅណាឆ្ងាយ ជាពិសេសនៅក្នុងប្រទេសខ្លះនៅលើពិភពលោក នេះបាននិងកំពុងងើបឡើងវិញ។សម្តេចតេជោ ប្រមុខរាជរដ្ឋាភិបាល បានអំពាវនាវជាថ្មីទៅកាន់ប្រជាពលរដ្ឋយ៉ាងដូច្នេះ ខណៈបន្តអញ្ជើញចុះជួបសំណេះសំណាលជាមួយកម្មករ កម្មការិនី សរុបជិត២ម៉ឺននាក់ មកពីរោងចក្រ សហគ្រាសចំនួន១១ នៅខណ្ឌពោធិ៍សែនជ័យ រាជធានីភ្នំពេញ នាព្រឹកថ្ងៃទី១៣ ខែមិថុនានេះ។សម្តេច បានផ្តាំផ្ញើឱ្យកម្មករ និយោជិត ក៏ដូចជាប្រជាពលរដ្ឋដែលមិនទាន់បានចាក់វ៉ាក់សាំង ឬមិនទាន់បានចាក់ដូសជំរុញត្រូវបន្តទៅទទួលយកវ៉ាក់សាំងនៅតាមមន្ទីរពេទ្យនានាដើម្បីធានាសុខមាលភាពចៀងវាងកុំឱ្យជំងឺកូវីដ-១៩ ងើបឡើងវិញនៅក្នុងប្រទេសរបស់យើង ជាពិសេសសម្តេច​បានសួរ និងបន្តអំពាវនាវទៅកាន់កម្មករ កម្មការិនីនៅចំពោះមុខឱ្យបន្តទៅទទួលយកវ៉ាក់សាំងដូស​ទី៤​ ទី៥ ឬអាចដូសទី៦ បន្តទៀតនៅពេលដែលរាជរដ្ឋាភិបាល​​បានប្រកាសអនុញ្ញាតព្រោះថា​មានតែវ៉ាក់សាំងទេ ដែលជាអាវក្រោះអាចបន្តការពារខ្លួនបាន។បើតាមក្រសួងសុខាភិបាល កំណើន​អត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី១២ ខែមិថុនា ឆ្នាំ២០២៣គឺសម្រេចបាន៖-លើប្រជាជនអាយុពី ១៨ឆ្នាំឡើង មាន ១០៣,៩៥% ធៀបជាមួយចំនួនប្រជាជនគោលដៅ ១០លាននាក់។-លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ១០១,៣៤% ធៀបជាមួយចំនួនប្រជាជនគោលដៅ ១លាន៨សែន២ម៉ឺន៧,៣៤៨ នាក់។-លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១១០,៨៦% ធៀបជាមួយនឹងប្រជាជនគោលដៅ ១លាន៨សែន៩ម៉ឺន៧ពាន់៣៨២ នាក់។-លើកុមារអាយុ ០៥ឆ្នាំ មាន ១៤២,៩៧% ធៀបជាមួយនឹងប្រជាជនគោលដៅ ៣០ម៉ឺន៤,៣១៧ នាក់។-លើកុមារអាយុ ០៣ឆ្នាំ ដល់ ក្រោម ០៥ឆ្នាំ មាន ៨២,៨៥% ធៀបជាមួយនឹងប្រជាជនគោលដៅ ៦១ម៉ឺន០,៧៣០ នាក់-លទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាន នាក់ មាន ៩៥,៥៧%៕

លោក Trump បានទៅដល់រដ្ឋ Florida ត្រៀមឡើងសវនាការពាក់ព័ន្ធការចោទប្រកាន់ព្រហ្មទណ្ឌ ខណៈនៅតែនាំមុខក្នុងការស្ទង់មតិ

2023/06/13 09:49:04 am        105
Facebook Telegram Linkin
អាមេរិក៖ អតីតប្រធានាធិបតីអាមេរិក លោក Donald Trump បានទៅដល់ក្នុងទីក្រុង ម៉ៃអាមី (Miami) កាលពីថ្ងៃចន្ទ ដើម្បីត្រៀមប្រឈមបទចោទប្រកាន់បទព្រហ្មទណ្ឌសហព័ន្ធ ខណៈការស្ទង់មតិថ្មីរបស់សារព័ត៌មាន Reuters និង Ipsos បានរកឃើញថា ករណីនេះ ពុំបានប៉ះពាល់ដល់ក្ដីសង្ឃឹមនៃការជាប់ឆ្នោតជាថ្មីរបស់លោកនោះទេ។ លោក Trump គ្រោងនឹងឡើងតុលាការសហព័ន្ធម៉ៃអាមី នៅថ្ងៃអង្គារ នៅសហរដ្ឋអាមេរិកដែលត្រូវនឹងថ្ងៃស្អែកពុធនេះ នៅក្នុងប្រទេសកម្ពុជា សម្រាប់ការបង្ហាញខ្លួនលើកដំបូងក្នុងករណីនេះ។   ដោយត្រូវបានចោទប្រកាន់ពីបទលាក់ទុកឯកសារសន្តិសុខជាតិរបស់សហរដ្ឋអាមេរិក ដោយខុសច្បាប់ និងការនិយាយកុហកដល់ក្រុមមន្ត្រីដែលបានព្យាយាមស្វែងរកឯកសារទាំងនោះ លោក Trump បានប្រកាសពីការគ្មានកំហុសនិងបានប្ដេជ្ញាបន្តយុទ្ធនាការរបស់លោកដើម្បីដណ្ដើមតំណែងជាប្រធានាធិបតីក្នុងការបោះឆ្នោតនៅខែវិច្ឆិកាឆ្នាំ២០២៤ខាងមុខ។លោក Trump ដែលបានឈានចូលដល់វ័យ៧៧ឆ្នាំនៅថ្ងៃពុធស្អែកនេះ បានទៅដល់ទីក្រុងម៉ៃអាមី នៅម៉ោង២និង៤៥នាទីយប់ តាមយន្តហោះឯកជនរបស់លោក ។ ក្រុមអ្នកគាំទ្របានប្រមូលផ្ដុំគ្នានៅខាងក្រៅជិតក្លឹបវាយកូនហ្គោលផ្ទាល់ខ្លួន របស់លក ជាទីដែលលោកគ្រោងស្នាក់នៅពេលយប់នោះទីនោះ៕

ប្រសាសន៍សំខាន់ៗរបស់សម្តេចតេជោ ហ៊ុន សែន ក្នុងឱកាសបន្ដអញ្ជើញជួបកម្មករនិយោជិតជិត២ម៉ឺននាក់ នៅខណ្ឌពោធិ៍សែនជ័យ

2023/06/13 07:09:56 am        310
Facebook Telegram Linkin
ភ្នំពេញ៖ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី១៣ ខែមិថុនា ឆ្នាំ២០២៣ បន្តអញ្ជើញចុះជួបសំណេះសំណាលជាមួយកម្មករ កម្មការិនីសរុបជិត២ម៉ឺននាក់ មកពីរោងចក្រ សហគ្រាសចំនួន១១ នៅខណ្ឌពោធិ៍សែនជ័យ រាជធានីភ្នំពេញ។ប្រសាសន៍សំខាន់ៗរបស់សម្តេចតេជោ ហ៊ុន សែន នាយករដ្ឋមន្ដ្រី ដែលមានខ្លឹមសារដូចខាងក្រោម៖សម្តេចតេជោ ហ៊ុន សែន តាមរយៈជំនួបជាមួយ កម្មករកម្មការិនីសរុបជិត ២ម៉ឺននាក់ មកពីរោងចក្រ សហគ្រាសចំនួន១១ នៅខណ្ឌពោធិ៍សែនជ័យ រាជធានីភ្នំពេញ សម្ដេចតេជោ បានបន្តសួរសុខទុក្ខដល់កម្មករនិយោជិតទាំងអស់ ជាពិសេសទាក់ទងនឹងការទទួលបានការចាក់វ៉ាក់សាំងការពារជំងឺកូវីដ-១៩។សម្តេចតេជោ ហ៊ុន សែន បញ្ជាក់ថា កូវីដ-១៩ មិនទាន់ទៅណាឆ្ងាយទេ ដូច្នេះមានតែការចាក់វ៉ាក់សាំងការពារកូវីដ-១៩ នោះទេ ដែលជាអាវក្រោះការពារខ្លួនសម្រាប់ប្រជាពលរដ្ឋទូទៅ ខណៈតាមបណ្ដាប្រទេសជិតខាងកម្ពុជាមួយចំនួនស្ថានភាពកូវីដ-១៩ ក៏ចាប់ផ្ដើមកម្រើកឡើងវិញបន្តិចហើយ។សម្តេចតេជោ ហ៊ុន សែន បានថ្លែងអំណរគុណដល់បងប្អូនកម្មករ-កម្មការិនី ដែលមានការស្រឡាញ់ រាក់ទាក់ចំពោះសម្ដេចតេជោ ជាពិសេសអំឡុងពេលជំនួបជាមួយសម្ដេចតេជោ ដោយផ្ទាល់នាពេលនេះ។ សម្ដេចតេជោ ចាត់ទុកថា ទំនាក់ទំនងនេះមិនមែនគ្រាន់តែជាទំនាក់ទំនងរវាងនាយករដ្ឋមន្រ្ដី និងកម្មករនិយោជិតប៉ុណ្ណោះទេ ប៉ុន្ដែនេះបានបង្ហាញអំពីទំនាក់ទំនងដូចជា តា និងចៅ ពូ និងក្មួយអ៊ីចឹង។សម្តេចតេជោ ហ៊ុន សែន មានគម្រោងបន្តចុះជួបជាមួយកម្មករនិយោជិតបន្ថែមទៀត ក្រោយការបោះឆ្នោតជ្រើសតាំងតំណាងរាស្រ្ដនីតិកាលទី៧ ឆ្នាំ២០២៣នេះ បន្ទាប់ពីជំនួបជាមួយកម្មករកម្មការិនីចំនួន១៨លើក ហើយនៅមានកម្មករនិយោជិតមួយចំនួនទៀត មិនទាន់បានជួបនៅឡើយ។សម្តេចតេជោ ហ៊ុន សែន បន្តបញ្ជាក់ថា ជំនួបជាមួយកម្មករ-កម្មការិនីនាពេលនេះ គឺសម្ដេចចង់ដឹងថា អ្វីដែលធ្វើពីមុននោះ តើដំណើរការដល់ហើយ។ តើវាសម្រេចបានយ៉ាងម៉េច? ខណៈកាលពីជំនួបកាលពីឆ្នាំ ២០១៧ រាជរដ្ឋាភិបាលបានអញ្ជើញភាគីពាក់ព័ន្ធក្នុងវិស័យរោងចក្រកាត់ដេរនេះ មកជួបដើម្បីឱ្យលើកឡើងពីបញ្ហា និងតម្រូវការជាក់ស្ដែងរបស់បងប្អូនកម្មករ ដើម្បីធ្វើការដោះស្រាយជូនឱ្យបានត្រឹមត្រូវ និងទាន់ពេលវេលា។សម្តេចតេជោ ហ៊ុន សែន បញ្ជាក់ថា ប៉ុន្មានថ្ងៃខាងមុខនេះ សម្ដេចនឹងអញ្ជើញសម្ពោធដាក់ឱ្យប្រើប្រាស់ស្ថានីយបូមទឹកបាក់ខែង ដើម្បីបម្រើឱ្យមានការប្រើប្រាស់របស់ប្រជាពលរដ្ឋនៅរាជធានីភ្នំពេញ និងនៅក្រុងតាខ្មៅ ខណៈរាជរដ្ឋាភិបាលក៏មានគម្រោងកសាងស្ថានីយបូមទឹកស្អាតនេះបន្ថែមជាច្រើនកន្លែងទៀតផងដែរ។សម្តេចតេជោ ហ៊ុន សែន បញ្ជាក់ថា វត្តមានរោងចក្រនៅកម្ពុជាទាំងនៅរាជធានីភ្នំពេញ និងនៅតាមបណ្ដាខេត្តនៅឆ្នាំ២០២៣នេះ រោងចក្រវិស័យកាត់ដេរបានកើនដល់ចំនួន ១.៣២៦ ដែលមានកម្មករនិយោជិត ចំនួនប្រមាណ ៨៤ ម៉ឺននាក់ (ស្រី ៦៦ ម៉ឺននាក់) ការនាំចេញមានរហូតដល់ប្រមាណ១៣ពាន់លានដុល្លារអាម៉េរិក(ឆ្នាំ២០២២)។សម្តេចតេជោ ហ៊ុន សែន មានប្រសាសន៍ថា បច្ចុប្បន្ននៅរាជធានីភ្នំពេញ មានរោងចក្រសហគ្រាសចំនួន៩.៣១៤ មានកម្មករនិយោជិតប្រមាណជាង៦៦ ម៉ឺននាក់ ក្នុងនោះរោងចក្រ សហគ្រាសវិស័យកាត់ដេរចំនួន៧២៧ មានកម្មករនិយោជិតសរុបជាង ៣៣ ម៉ឺន៨ពាន់នាក់ និងជាតំបន់ដែលមានការអភិវឌ្ឍ រោងចក្រ សហគ្រាស ច្រើនជាងគេ។ ប៉ុន្ដែរាជរដ្ឋាភិបាលក៏បានយុទ្ធសាស្រ្ដក្នុងការពង្រាយរោងចក្របន្ថែមទៀតទៅតាមបណ្ដាខេត្តផងដែរ។សម្តេចតេជោ ហ៊ុន សែន ជំរុញអភិបាលរាជធានីភ្នំពេញ ឯកឧត្ដម ឃួង ស្រេង បន្តពង្រីកវិសាលភាពក្នុងការផ្ដល់ខ្សែរថយន្តក្រុងដល់កម្មករ-កម្មការិនី បន្ថែមទៀតនៅទីតាំងដែលមិនទាន់បានទៅដល់។សម្តេចតេជោ ហ៊ុន សែន គ្រោងមានជំនួបជាមួយអតីតព្រះសង្ឃអន្ទិត សាន សុខជា ក្រោយបានលាចាកសិក្ខាបទកាលពីពេលថ្មីៗនេះ។សម្តេចតេជោ ហ៊ុន សែន បន្តអំពាវនាវដល់កម្មករនិយោជិត និងម្ចាស់រោងចក្រ ត្រូវធ្វើឱ្យរោងចក្រមួយ ក្លាយទៅជាសហគមន៍សុខសាន្តមួយ ដោយធ្វើយ៉ាងណារោងចក្រនីមួយៗកុំឱ្យមានការប្រើប្រាស់គ្រឿងញៀន និងមានបងតូចបងធំនៅក្នុងរោងចក្រ។ ប៉ុន្តែសម្ដេចពិតជាមានសេចក្ដីរីករាយណាស់ដោយបានឃើញរោងចក្រនៅទូទាំងប្រទេសមិនមែនជាកន្លែងប្រើប្រាស់គ្រឿងញៀន និងមានបងតូចបងធំ។សម្តេចតេជោ ហ៊ុន សែន បញ្ជាក់ថា យុទ្ធនាការស្រោចវ៉ាក់សាំងបានការការពារ និងសង្គ្រោះជីវិតកម្មករ-កម្មការិនី មិនឱ្យឆ្លងជំងឺដ៏កាចសាហាវនេះរហូតដល់ស្លាប់បានជាច្រើន ខណៈបើសិនជាមិនមានយុទ្ធសាស្រ្ដនេះទេ កម្មករនិយោជិតជាច្រើនអាចនឹងឆ្លងជំងឺកូវីដ-១៩ ធ្ងន់ធ្ងររហូតឈានដល់បាត់បង់ជីវិត។សម្តេចតេជោ ហ៊ុន សែន ចង់ឃើញរោងចក្រមួយក្លាយជាតំបន់សុខសាន្តមួយ ហើយប្រសិនបើមានបញ្ហាអ្វីម្ចាស់រោងចក្រ និងកម្មករនិយោជិតត្រូវសហការជាមួយអាជ្ញាធរធ្វើការដោះស្រាយឱ្យបានទាន់ពេលវេលាមិនត្រូវទុកបញ្ហានោះចោលទេ។សម្តេចតេជោ ហ៊ុន សែន បន្តអំពាវនាវដល់កម្មករនិយោជិតទាំងអស់ទៅបោះឆ្នោតឱ្យបានគ្រប់គ្នា នៅថ្ងៃទី ២៣ ខែកក្កដា ខាងមុខ ខណៈកម្មករនិយោជិតនឹងបានឈប់សម្រាក ដោយមានប្រាក់ឈ្មួលរយៈពេល៣ថ្ងៃគិតចាប់ពីថ្ងៃទី២២ ខែកក្កដារហូតដល់ថ្ងៃទី២៤ ខែកក្កដា ឆ្នាំ២០២៣។សម្តេចតេជោ ហ៊ុន សែន បន្តអំពាវនាវដល់កម្មករ-និយោជិត រួមគ្នារក្សាសន្ដិភាពរបស់ប្រទេសកម្ពុជា ពីព្រោះមានសន្ដិភាព គឺមានការអភិវឌ្ឍ។ បើគ្មានសន្ដិភាពរោងចក្រ ក៏គ្មានការងារធ្វើសម្រាប់បងប្អូនកម្មករនិយោជិតក៏គ្មានដូចគ្នាដែរ។សម្តេចតេជោ ហ៊ុន សែន បញ្ជាក់ថា ក្រុមប្រឆាំងនៅក្រៅប្រទេសដែលកំពុងរៀបចំយុទ្ធនាការឃោសនា មិនឱ្យប្រជាពលរដ្ឋទៅបោះឆ្នោត គឺជាការផ្គើនទៅនឹងការអនុវត្តសិទ្ធិរបស់ប្រជាពលរដ្ឋ ក្នុងការបោះឆ្នោតជ្រើសតាំងតំណាងរាស្រ្ដ។សម្តេចតេជោ ហ៊ុន សែន បញ្ជាក់ថា ពេលធ្វើវិសោធនកម្មច្បាប់បោះឆ្នោតនាពេលខាងមុខ ត្រូវធ្វើការកែទម្រង់នៃសិទ្ធិឈរឈ្មោះឱ្យគេបោះឆ្នោត ដែលការងារនេះ សម្ដេចក្រឡាហោម ស ខេង រដ្ឋមន្ត្រីក្រសួងមហាផ្ទៃ និងឯកឧត្ដម កើត រិទ្ធិ រដ្ឋមន្រ្ដីក្រសួងយុត្តិធម៌កំពុងធ្វើ។សម្តេចតេជោ ហ៊ុន សែន បញ្ជាក់ថា បើពួកក្រុមប្រឆាំងនៅក្រៅប្រទេស និងក្នុងប្រទេសមួយចំនួន ដែលកំពុងធ្វើយុទ្ធនាការមិនឱ្យប្រជាពលរដ្ឋទៅបោះឆ្នោត បើពួកអ្នកឯងចិត្តសឿងកុំទៅបោះឆ្នោត ព្រោះសិទ្ធិបោះឆ្នោតរបស់ពួកអ្នកឯងក៏ត្រូវចប់ដែរ។សម្តេចតេជោ ហ៊ុន សែន បញ្ជាក់ថា ការធ្វើវិសោធនកម្មច្បាប់បោះឆ្នោត ចំពោះអ្នកឈរឈ្មោះឱ្យគេបោះឆ្នោត ការការបង្កើនការទទួលខុសត្រូវសម្រាប់អ្នកឈរឈ្មោះឱ្យគេបោះឆ្នោត។ សម្ដេច បញ្ជាក់ថា តើឱ្យទទួលខុសត្រូវចំពោះ ឃុំ សង្កាត់ ស្រុក ខណ្ឌ ក្រុង ខេត្ត រាជធានី សមាជិកព្រឹទ្ធសភា និងសមាជិករដ្ឋសភា យ៉ាងម៉េចកើត បើគ្រាន់តែសិទ្ធិទៅបោះឆ្នោត​ដែលគ្រាន់តែជាសិទ្ធិធម្មតារបស់ប្រជាពលរដ្ឋ ខ្លួនឯងមិនធ្វើបានផងនោះ។

សម្តេចតេជោ ហ៊ុន សែន បន្ដអញ្ជើញជួបកម្មករនិយោជិតជិត២ម៉ឺននាក់ នៅខណ្ឌពោធិ៍សែនជ័យ

2023/06/13 06:49:19 am        359
Facebook Telegram Linkin
ភ្នំពេញ ៖សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៅព្រឹកថ្ងៃទី១៣ ខែមិថុនា ឆ្នាំ២០២៣ បន្តអញ្ជើញចុះជួបសំណេះសំណាលជាមួយកម្មករ កម្មការិនីសរុបជិត២ម៉ឺននាក់ មកពីរោងចក្រ សហគ្រាសចំនួន១១ នៅខណ្ឌពោធិ៍សែនជ័យ រាជធានីភ្នំពេញ។ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ បានឱ្យដឹងថា កន្លងទៅ​សម្ដេចតេជោនាយករដ្ឋមន្ត្រី ធ្លាប់បានអញ្ជើញជួបសំណេះសំណាលជាមួយបងប្អូនកម្មករ និយោជិតនៅ​ខណ្ឌពោធិ៍សែនជ័យ​នេះចំនួន ១៤ ដងរួចមកហើយ ក្នុងនោះកាលពីឆ្នាំ២០១៧ ចំនួន ៧ដង ដែ លមានកម្មករ និយោជិត ចូលរួមចំនួន ១០ ម៉ឺន ៦ពាន់នាក់ មកពីរោងចក្រ សហគ្រាស ចំនួន៨៨ និងកាលពីឆ្នាំ២០១៨ ចំនួន ៧ដង ដែលមានកម្មករ និយោជិត ចូលរួមចំនួន ១០ម៉ឺន ៧ពាន់នាក់ មកពីរោងចក្រ សហគ្រាស ចំនួន១០០។ ជំនួបនៅថ្ងៃស្អែកនេះជាលើកទី១៥ ហើយ ដែលសម្តេចតេជោនាយករ ដ្ឋមន្ត្រី អញ្ជើញជួបសំណេះសំណាល​ជាមួយបងប្អូនកម្មករ និយោជិត សរុបចំនួន ១៨០៣១នាក់មកពីរោងចក្រ សហគ្រាស ចំនួន១១ នៅ​ខណ្ឌពោធិ៍សែនជ័យ។រោងចក្រ សហគ្រាស ចំនួន ១១ ជាប្រភេទរោងចក្រកាត់ដេរចំនួន៧, ផលិតផលធ្វើដំណើរ និងកាបូប ចំនួន ៣, ដេរស្បែកជើងចំនួន ១។ ផលិតផលរបស់រោងចក្រទាំងនេះ គឺនាំចេញទៅទីផ្សារអន្តរជាតិ ដូ ចជា អឺរ៉ុប អាម៉េរិក កាណាដា និងជប៉ុន ជាដើម។ នៅរាជធានីភ្នំពេញ គិតត្រឹមឆ្នាំ២០២៣ មានរោងច ក្រ សហគ្រាស ចំនួន ៩៣១៤ និងមានកម្មករ និយោជិតជាង ៦៦ម៉ឺននាក់។ក្រោមការដឹកនាំប្រកបដោយគតិបណ្ឌិតរបស់សម្ដេចតេជោនាយករដ្ឋមន្ត្រី កម្ពុជាបន្តរក្សាបាននូវសន្តិភាព ស្ថិរភាព និងការអភិវឌ្ឍលើគ្រប់វិស័យ។ សង្គម និងសេដ្ឋកិច្ចជាតិបន្តមានការរីកចម្រើនគួរជាទីមោទនៈ។ សេដ្ឋកិច្ចកម្ពុជា បានកើនឡើងជាមធ្យមក្នុងអត្រា ៧% ជាងពីរទស្សវត្សរ៍មកហើយ លើកលែងតែក្នុងអំឡុង​ដំណាក់កាលនៃ​ការរីករាលដាលជំងឺកូវីដ-១៩។ ស្ថានភាពទីផ្សារការងារនៅកម្ពុជាមានភាពរឹងមាំដោយរក្សាបាននូវអត្រាមានការងារធ្វើខ្ពស់ប្រមាណ ៩៩,៣% នៃកម្លាំងពលកម្មសរុបប្រ មាណ ១០,៨លាននាក់។ បច្ចុប្បន្ន សហគ្រាស គ្រឹះស្ថានសេដ្ឋកិច្ចក្នុងប្រព័ន្ធដែលបានចុះ​បញ្ជីនៅក្រ សួងការងារ និងបណ្តុះបណ្តាលវិជ្ជាជីវៈ មានចំនួន ១៧២៥៦ ដែលមានកម្មករ និយោជិត ចំនួន ១,៥លាននាក់។ ការនាំចេញរបស់កម្ពុជា មានរហូតដល់ប្រមាណ ១៣ពាន់លានដុល្លារអាម៉េរិក តួលេខនេះ គិតក្នុងឆ្នាំ២០២២ ប៉ុណ្ណោះ៕

បណ្ដាញសង្គម

ព័ត៌មានថ្មីៗ

សាស្រ្តាចារ្យ និងសិស្សនិសិ្សតនៃគ្រឹះស្ថានបណ្តុះបណ្តាលបច្ចេកទេសមានមោទនភាព និងពេញចិត្តដែលរាជរដ្ឋាភិបាលបានចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជី​បេតិកភណ្ឌពិភពលោក
07/13/2025 07:07 PM
Facebook Telegram Linkin
គ្រឹះស្ថានបណ្តុះបណ្តាលបច្ចេកទេស និងវិជ្ជាជីវៈនៅទូទាំងប្រទេស អបអរសាទរការចុះ បូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
07/13/2025 07:07 PM
Facebook Telegram Linkin
មន្ទីរការងារ និងបណ្តុះបណ្តាលវិជ្ជាជីវៈនៅទូទាំងប្រទេសអបអរសាទរការចុះ បូជនីយដ្ឋាន​ចងចាំ​នៃកម្ពុជា ក្នុងបញ្ជីបេតិកភណ្ឌពិភពលោក
07/13/2025 07:07 PM
Facebook Telegram Linkin
ក្មេងទំនើង៣នាក់​បំផ្លាញទ្រព្យសម្បត្តិសាធារណៈ​ត្រូវបានឃាត់ខ្លួន ធ្វើកិច្ច​សន្យា​អប់រំ​ណែនាំ​ដោយ​មាន​ការធានាពីអាណាព្យាបាល ដើម្បី​អប់រំ​នៅ​មូលដ្ឋាន​បន្ត
07/13/2025 06:07 PM
Facebook Telegram Linkin
សហជីពតំណាងឱ្យកម្មករ កម្មការិនីនៅទូទាំងប្រទេសរីករាយ មានមោទនភាព និងស្ញប់ស្ញែងចំពោះរាជរដ្ឋាភិបាលដែលចុះទីតាំងឧក្រិដ្ឋកម្មទៅក្នុងបញ្ជីបេតិកភណ្ឌពិភពលោក
07/13/2025 06:07 PM
Facebook Telegram Linkin
ឯកឧត្តម ទី នរិន្ទ អញ្ជើ្ជញជួបសំណេះសំណាល​ជាមួយក​ម្មករ​-កម្មការិនី​ប្រមាណ ៥០០នាក់​ក្នុង​ឃុំត្រពាំងជង
07/13/2025 05:07 PM
Facebook Telegram Linkin
ចលនាមហាជនចូលរួមថវិកាគាំទ្រយ៉ាងផុសផុលរៀបចំមហាសន្និបាតវិសាមញ្ញ​តំណាង​សមាគម​អតីត​យុទ្ធជនកម្ពុជាទូទាំងប្រទេស បង្ហាញពីការយកចិត្តទុកដាក់ខ្ពស់​ចំពោះ​អតីតយុទ្ធជន​ដែល​បាន​ធ្វើ​ពលិកម្ម​ក្នុង​បុព្វ​ហេតុជាតិ មាតុភូមិ
07/13/2025 05:07 PM
Facebook Telegram Linkin
អតិផរណាអាមេរិក កើនឡើងជាលើកដំបូងក្នុងពេល ៥ខែ ដោយសារពន្ធបំផ្លិចបំផ្លាញសេដ្ឋកិច្ច
07/13/2025 05:07 PM
Facebook Telegram Linkin
រលកកម្ដៅបន្តកើតមានទូទាំងចក្រភពអង់គ្លេស មុនពេលសីតុណ្ហភាពធ្លាក់យ៉ាងគំហុកនៅថ្ងៃចន្ទស្អែកនេះ
07/13/2025 05:07 PM
Facebook Telegram Linkin
សារមន្ទីរទួលស្លែង រៀបចំពិធីអបអរសាទរការចុះ «បូជនីយដ្ឋានចងចាំនៃកម្ពុជា៖ ពីទីតាំងឧក្រិដ្ឋកម្ម មកជាមណ្ឌលផ្សះផ្សា និងសន្តិភាព» ក្នុងបញ្ជីបេតិកភណ្ឌពិភពលោក
07/13/2025 04:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.