នយោបាយ​ និង ការអភិវឌ្ឍន៍ វប្បធម៌ និងទេសចរណ៍ សន្តិសុខ និង សង្គម សិល្បៈកម្សាន្ត សេដ្ឋកិច្ច និង កសិកម្ម
សម្ដេចធិបតី៖ រាជរដ្ឋាភិបាល និងមហាគ្រួសារខ្មែរ​នៅ​ជាមួយ​កងទ័ព​ជួរ​មុខ​គាំទ្រ​គ្រប់​មធ្យោបាយ​ទាំង​អស់
សម្ដេចធិបតី ដឹកនាំគណៈប្រតិភូចូលក្រាបបង្គំគាល់ព្រះករុណា ព្រះមហាក្សត្រ ទូលថ្វាយលទ្ធផលចុះបញ្ជីបូជនីយដ្ឋានចងចាំនៃកម្ពុជា ក្នុងបញ្ជីបេតិកភណ្ឌពិភពលោក
សភាតំណាងប្រជាជនចិនចាត់ទុកសម្តេចតេជោ ជាតួអង្គសំខាន់បន្ត​ពីព្រះបរម​រតនកោដ្ឋ​ក្នុង​ការ​ពូន​ជ្រំ​ទំនាក់ទំនងរវាងកម្ពុជា និងចិន
សម្តេចតេជោអនុញ្ញាតឱ្យសមាជិកគណៈកម្មាធិការអចិន្ត្រៃយ៍សភាប្រជាជនចិនជួបសម្តែងការគួរសម

នយោបាយ​ និង ការអភិវឌ្ឍន៍

ការជំនុំជម្រះក្ដីព្រហ្មទណ្ឌលោក Donald Trump នឹងធ្វើឡើងនៅខែមីនាឆ្នាំ២០២៤ ចំពេលយុទ្ធនាការបោះឆ្នោត

2023/05/24 08:54:22 am        236
Facebook Telegram Linkin
អាមេរិក៖ ចៅក្រមក្រុង New York បានកំណត់កាលបរិច្ឆេទជំនុំជម្រះក្ដីនៅថ្ងៃទី២៥ខែមីនា ឆ្នាំ ២០២៤ សម្រាប់សំណុំរឿងព្រហ្មទណ្ឌប្រឆាំងនឹងអតីតប្រធានាធិបតី Donald Trump ដែលអាចបង្កើតឲ្យមានព្រឹត្តិកាណ៍ច្រើនតាមប្រព័ន្ធផ្សព្វផ្សាយនៅពាក់កណ្តាលរដូវកាលការបោះឆ្នោតបឋមសម្រាប់បេក្ខជនប្រធានាធិបតីខាងសាធារណរដ្ឋ។  កាលបរិច្ឆេទនៃការកាត់ក្ដីត្រូវបានកំណត់អំឡុងសវនាការខ្លីមួយកាលពីថ្ងៃអង្គារដែលចៅក្រមលោក Juan Merchan បានអានដីកាបង្គាប់ដល់លោកនូវអ្វីដែលលោកអាចនិយាយ និងមិនអាចនិយាយជាសាធារណៈអំពីករណីនេះ និងភស្តុតាង ដែលក្រុមការងារច្បាប់របស់លោកនឹងទទួលពីក្រុមរដ្ឋធាជ្ញាដើម្បីត្រៀមសម្រាប់ការជំនុំជម្រះក្ដីនេះ។ លោក Trump បានចូលខ្លួនក្នុងសវនាការតាមវីដេអូ ដូច្នេះ ចៅក្រមអាចទាក់ទងជាមួយលោកនៅក្នុងតុលាការដោយបើកចំហ។ លោក Trump បានផ្ដល់ចម្លើយពីភាពគ្មានទោសកាលពីខែមុនចំពោះបទចោទប្រកាន់ព្រហ្មទណ្ឌចំនួន៣៤ករណីនៃការក្លែងបន្លំឯកសារពាណិជ្ជកម្មដោយចេតនាដើម្បីលាក់បាំងការប្រព្រឹត្តិខុសច្បាប់ជាប់ពាក់ព័ន្ធនឹងយុទ្ធនាការាបោះឆ្នោតឆ្នាំ២០១៦របស់លោក។ ការចោទប្រកាន់បទព្រហ្មទណ្ឌទាំងនេះ បានពីការស៊ើបអង្កេតរបស់រដ្ឋអាជ្ញារប្រចាំតំបន់លោក Alvin Bragg ពាក់ព័ន្ធនឹងការបង់ប្រាក់បំបិតមាត់តារាភាពយន្តអាសអាភាសនាង Stormy Daniels ពាក់ព័ន្ធនឹងសម្ព័ន្ធផ្លូវភេទ ដែលបានកើតមានឡើងអំឡុងយុទ្ធនាការបោះឆ្នោតឆ្នាំ ២០១៦ ដែលលោក Trump តែងតែច្រានចោលរហូតមក៕

រុស្ស៊ីបាននិយាយថា អ្នកលួចជ្រៀតចូលតំបន់បេហ្គូរ៉ូតទាំងអស់ត្រូវបានវាយកម្ទេច

2023/05/24 08:11:54 am        103
Facebook Telegram Linkin
រុស្ស៊ី៖ ក្រសួងការពារជាតិរុស្ស៊ីបាននិយាយកាលពីថ្ងៃអង្គារថា អង្គភាពសេសសល់ដែលខ្លួនបានស្ដីបន្ទោសថាបានវាយប្រហារឆ្លងព្រំដែនកាលពីថ្ងៃច័ន្ទចេញពីប្រទេសអ៊ុយក្រែនទៅលើតំបន់បេលហ្គ័រ៉ូតនោះ ត្រូវបានបង្ខំឲ្យដកថយក្រោយ ចូលក្នុងទឹកដីអ៊ុយក្រែនវិញហើយ។  ការប្រយុទ្ធគ្នានៅក្នុងតំបន់បេហ្គូរ៉ូត បានឈានចូលដល់ថ្ងៃទីពីរកាលពីថ្ងៃអង្គារ បន្ទាប់ពីមានការលួចជ្រៀតចូលមកពីប្រទេសអ៊ុយក្រែន។រុស្ស៊ីបានស្ដីបន្ទោសក្រុមប្រដាប់អាវុធអ៊ុយក្រែន ហើយបានចាប់ផ្ដើមស៊ើបអង្គេតពីសកម្មភាពភេរវកម្មនេះ។នៅក្នុងសន្និសីទសារព័ត៌មានខ្លីប្រចាំថ្ងៃ ក្រសួងការពារជាតិរុស្ស៊ី បាននិយាយថា អ្នកវាយប្រហារចំនួន៧០នាក់ត្រូវបានសម្លាប់។ ចំណែក អ្នកយកពត៌មានReuters មិនអាចផ្ទៀងផ្ទាត់របាយការណ៍នោះបានទេ៕ 

ដំណើរទស្សនកិច្ចផ្លូវរដ្ឋរបស់ប្រធានាធិបតីអ៊ីរ៉ង់ទៅកាន់ប្រទេសឥណ្ឌូនេស៊ីដើម្បីបង្កើនទំនាក់ទំនាក់ទំនងសេដ្ឋកិច្ច

2023/05/24 08:05:53 am        92
Facebook Telegram Linkin
ឥណ្ឌូនេស៊ី ៖ មេដឹកនាំឥណ្ឌូនេស៊ី និងអ៊ីរ៉ង់កាលពីថ្ងៃអង្គារ បានចុះហត្ថលេខាលើកិច្ចព្រមព្រៀងពាណិជ្ជកម្មអនុគ្រោះ ដើម្បីពង្រីកទំនាក់ទំនងសេដ្ឋកិច្ចនៅក្នុងអំឡុងពេលដំណើរទស្សនកិច្ចផ្លូវការមួយរបស់ប្រធានាធិបតីអ៊ីរ៉ង់លោក អ៊ីប្រាហ៊ីម រ៉េស៊ី។  ប្រធានាធិបតីឥណ្ឌូនេស៊ីលោកយ៉ូកូ វីដូដូ បាននិយាយថា លោកសង្ឃឹមថា កិច្ចព្រមព្រៀងនេះ នឹងបង្កើតឲ្យមានពាណិជ្ជកម្មរវាងឥណ្ឌូនេស៊ី និងអ៊ីរ៉ង់។ លោកវីដូដូបន្ដថា លោកប្រធានាធិបតី រ៉េស៊ី និងរូបលោក ក៏បានពិភាក្សាគ្នាផងដែរអំពីការបង្កើតកិច្ចព្រមព្រៀងពាណិជ្ជកម្ម និងពាណិជ្ជកម្ម ឬ B2B(Business-to-Business) ហើយនិងការវិនិយោគអភិវឌ្ឍន៍នៅក្នុងរដ្ឋធានី នូសាន់តារា(Nusantara) និងដំណោះស្រាយចំពោះការវិនិយោគវិស័យប្រេង និងឧស្ម័ន។ ដំណើរទស្សនកិច្ចរបស់លោករ៉េស៊ីនេះ បានធ្វើឡើង ខណៈដែលទំនាក់ទំនងរវាងសាធារណះរដ្ឋអ៊ីស្លាម ហើយនិងលោកខាងលិចមានភាពតានតឹងកាន់តែខ្លាំងឡើង បន្ទាប់ពីមានការបង្រ្កាបដោយហិង្សារបស់កម្លាំងសន្ដិសុខអ៊ីរ៉ង់ទៅលើក្រុមអ្នកតវ៉ាដែលប្រឆាំងនឹងឥស្សរជនខាងសាសនាបន្ទាប់ពីមានការស្លាប់ស្រ្ដីជនជាតិឃើតម្នាក់ នៅក្នុងការឃុំឃាំងរបស់នគរបាលសីលធម៌ កាលពីខែកញ្ញាឆ្នាំកន្លងទៅ៕

ប្រធានាធិបតីម៉ុងតេណេហ្រ្គូ សរសើរមុខនាទីរបស់ចិនលើឆាកអន្ដរជាតិ

2023/05/24 07:53:46 am        96
Facebook Telegram Linkin
ម៉ុងតេណេហ្រ្គូ៖ ប្រធានាធិបតីប្រទេសម៉ុងតេណេហ្រ្គូ លោកហ្សាកូវ មីឡាតូវីក បានអបអរសាទរប្រទេសចិនចំពោះការបំពេញមុខនាទីកាន់តែសំខាន់របស់ខ្លួននៅក្នុងលើឆាកអន្ដរជាតិ ហើយបានសម្តែងក្ដីរំពឹងថា ប្រទេសម៉ុងតេណេហ្រ្គូ នឹងបន្ដមុខនាទីសកម្មមួយដោយស្ថិតនៅក្រោមគំនិតផ្ដួចផ្ដើមផ្លូវមួយខ្សែក្រវ៉ាត់មួយ (BRI)ហើយនិងកិច្ចសហប្រតិបត្ដិការរវាងប្រទេសចិន និងបណ្ដារប្រទេសនៅអឺរ៉ុបកណ្ដាល និងអឺរ៉ុបខាងកើត(CEECs)។ឆ្នាំនេះ ជាខួបលើកទី១០នៃសំណើផ្លូវមួយខ្សែក្រវ៉ាត់មួយរបស់ប្រធានាធិបតីចិន ស៊ី ជិនពីង ។ ដោយឡែក កិច្ចសហប្រតិបត្ដការរវាងចិន និងបណ្ដារប្រទេសនៅអឺរ៉ុបកណ្ដាល និងអឺរ៉ុបខាងកើត ក្នុងនោះរួមមានប្រទេសម៉ុងតេណេហ្រ្គូផងដែរ បានបំពេញមុខនាទីជាកណ្ដាលនៅក្នុងការនាំមកនូវដំណាក់កាលដំបូងនៃការធ្វើឲ្យចក្ខុវិស័យនោះមានជីវិតរស់រវើក។ នៅក្នុងការផ្ដល់បទសម្ភាសន៍មួយជាមួយទូរទស្សន៏មជ្ឈឹម(CCTV)របស់ចិន លោកមីឡាតូវីក បានសាទរចំពោះកិច្ចប្រឹងប្រែងបើកចំហររបស់ចិន ហើយនិងបំពេញមុខនាទីកាន់តែសំខាន់នៅលើពិភពលោក។លោកមីឡាតូវីក បាននិយាយថា កាលពីប៉ុន្មានទសវត្សន៍មុន ប្រទេសចិនបានទទួលជោគជ័យនៅក្នុងការធ្វើឲ្យប្រសើរឡើងនូវកម្រិតជីវភាពរស់នៅរបស់ប្រជាជនដោយលោកបានគូសបញ្ជាក់ថា មាគ៌ាអភិវឌ្ឍន៍របស់ចិនបានទទួលនូវការយកចិត្ដទុកដាក់ខ្ពស់ និងការសរសើររបស់ពិភពលោក និងបានផ្ដល់នូវជាគំរូដ៏មានតម្លៃសម្រាប់ប្រទេសកំពុងអភិវឌ្ឍន៍ជាច្រើនទៀត៕ 

ប្រសាសន៍សំខាន់ៗរបស់សម្ដេចតេជោ ក្នុងឱកាសអញ្ជើញសម្ពោធទីតាំងថ្មី និងប្រគល់សញ្ញាបត្រជូននិស្សិត នៃសាកលវិទ្យាល័យភូមិន្ទវិចិត្រសិល្បៈ

2023/05/24 07:36:12 am        207
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអញ្ជើញជាអធិបតីភាពដ៏ខ្ពង់ខ្ពស់នៅក្នុងពិធី សម្ពោធទីតាំងថ្មី នៃសាកលវិទ្យាល័យភូមិន្ទវិចិត្រសិល្បៈ ដែលស្ថិតនៅក្នុងសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ និងពិធីប្រគល់សញ្ញាបត្រជូនដល់និស្សិត នៃសាកលវិទ្យាល័យភូមិន្ទវិចិត្រសិល្បៈ នៅព្រឹកថ្ងៃទី២៤ ខែឧសភា ឆ្នាំ២០២៣នេះ។ប្រសាសន៍សំខាន់ៗរបស់សម្ដេចតេជោ ហ៊ុន សែន ដែលមានខ្លឹមសារដូចខាងក្រោម៖សម្ដេចតេជោ ហ៊ុន សែន បានប្រកាសថ្លែងអំណរគុណដល់លោកជំទាវរដ្ឋមន្រ្ដីក្រសួង វប្បធម៌ និងវិចិត្រសិល្បៈ និងក្រុមការងារក្រសួង ដែលបានរៀបចំក្រុមសិល្បៈចូលរួមសម្ដែងដ៏អស្ចារ្យក្នុងឱកាសពិធីបិទ-បើក ព្រឹត្តិការណ៍ស៊ីហ្គេមលើកទី៣២ ដែលកម្ពុជាធ្វើជាម្ចាស់ផ្ទះនាពេលកន្លងទៅនេះ។សម្ដេចតេជោ ហ៊ុន សែន រយៈពេល៣ថ្ងៃជាប់គ្នានេះ បានអញ្ជើញសម្ពោធសមិទ្ធផលសំខាន់ៗចំនួន ៣ ក្នុងនោះ ១. សមិទ្ធផល និងរោកចក្រផលិតសំបកកង់រថយន្តនៅខេត្តព្រះសីហនុ។ ២. អគារមជ្ឈមណ្ឌលពហុឯកទេស «អគារតេជោអភិវឌ្ឍន៍» នៅមន្ទីរពេទ្យកាល់ម៉ែត ស្ថិតនៅសង្កាត់ស្រះចក ខណ្ឌដូនពេញ រាជធានីភ្នំពេញ និងទី៣ សម្ពោធទីតាំងថ្មីនៃសាកលវិទ្យាល័យភូមិន្ទវិចិត្រសិល្បៈ ដែលស្ថិតនៅក្នុងសង្កាត់ព្រែកលៀប ខណ្ឌជ្រោយចង្វា រាជធានីភ្នំពេញ នាថ្ងៃនេះតែម្ដង។សម្តេចតេជោ ហ៊ុន សែន មានប្រសាសន៍ថា នៅរយៈពេល១ ខែខាងមុខនេះ សម្ដេចនឹងត្រូវជួបជាមួយកម្មករកម្មការិនីចំនួន១៨លើកបន្តទៀត។សម្ដេចតេជោ ហ៊ុន សែន បានបញ្ជាក់ថា នាពេលខាងមុខនេះ រាជរដ្ឋាភិបាលនឹងចំណាយថវិកាលើការបណ្ដុះបណ្ដាលយុវជនគោលដៅចំនួន ១,៥ លាននាក់ ក្នុងនោះ នឹងជ្រើសរើសចំនួន ២ទៅ ៤ភាគរយ សម្រាប់រៀនលើជំនាយវិជ្ជាជីវៈដូនតា នៅក្រសួងវប្បធម៌ និងវិចិត្រសិល្បៈ។សម្ដេចតេជោ ហ៊ុន សែន៖«អ្វីៗទាំងអស់គឺត្រូវរស់នៅក្រោមសន្ដិភាពទាំងអស់ បើគ្មានសន្ដិភាពគឺត្រូវរត់ក្រោមគ្រាប់ផ្លោងហើយ»។ ដូច្នេះហើយ ទោះស្ថិតនៅក្នុងតម្លៃណាក៏ដោយ ក៏សម្ដេចត្រូវរក្សាសន្ដិភាពឱ្យបានដែរ កុំឱ្យដល់ពេលបាត់បង់សន្ដិភាពទើបនាំគ្នាសោកស្ដាយ។សម្តេចតេជោ ហ៊ុន សែន បានអំពាវនាវដល់គណៈសង្ឃស្រុះស្រួលគ្នា និងដោះស្រាយគ្នាដោយឈរលើគោលការណ៍សុខដុមនីយកម្មសាសនា កុំប្រើប្រាស់បណ្តាញសង្គមFacebookដើម្បីរិះគន់គ្នា និងដោះស្រាយបញ្ហា។សម្ដេចតេជោ ស្នើឱ្យមានការសម្របសម្រួលគ្នា ឬលុបសេចក្ដីថ្លែងការណ៍ចោលវិញ ករណីរឿងហួសចិត្តមួយកាលពីយប់ម៉ិញនេះ មានគណៈសង្ឃនាយកមួយអង្គរ បានចេញសេចក្ដីថ្លែងការណ៍រិះគន់សម្ដេចសង្ឃព្រះតេជគុណ សៅ ចាន់ថុល ព្រះចៅអធិការវត្តលង្ការ ខណៈព្រះអង្គសុទ្ធតែជាថ្នាក់ដឹកនាំសង្ឃ។សម្តេចតេជោ ហ៊ុន សែន ប្រកាសរិះគន់ចំៗចំពោះក្រុមហ៊ុន Internetឈ្មោះ HOME INTERNET ដែលជាក្រុមហ៊ុនមហាអន់ក្នុងការផ្តល់សេវាកម្ម Internet ហើយបុគ្គលិកសេវាកម្មក្រុមហ៊ុននេះ ឫកធំជាងនាយករដ្ឋមន្ត្រីសម័យលន់ ណល់ទៅទៀត។សម្ដេចតេជោ បានណែនាំដល់បណ្ដាក្រុមហ៊ុនអ៊ីនធឺណិត ត្រូវផ្ដល់សេវាដល់ពលរដ្ឋឱ្យបានល្អតាមការណែនាំរបស់ក្រសួងក្រសួងប្រៃសណីយ៍ និងទូរគមនាគមន៍។សម្ដេចតេជោ ហ៊ុន សែន បន្តណែនាំដល់ក្រុមហ៊ុនលក់ផ្ទះល្វែង ឬបុរី ត្រូវបើកឱ្យក្រុមហ៊ុនផ្ដល់សេវាទូរស័ព្ទ និងអ៊ីនធឺណិត អាចចូលទៅភ្ជាប់បណ្ដាញនៅតាមទីតាំងរបស់ខ្លួន គឺមិនត្រូវលក់ផ្ដាច់មុខឱ្យក្រុមហ៊ុនណាមួយនោះទេ។សម្ដេចតេជោ ប្រកាសលុប និងបិទចោលទាំងអស់ចំពោះបុគ្គលមួយចំនួន ដែលភ្ជាប់បណ្ដាញតេឡេក្រាមផ្ទាល់មកសម្ដេច ប៉ុន្ដែតែងតែនាំរឿង និងផ្ដល់ព័ត៌មានមិនល្អផ្សេងៗមកកាន់សម្ដេច។

សម្ដេចតេជោចង់ឱ្យមិត្តជប៉ុន ជួយបង្កើតទីតាំងផលិតកែវភ្នែកសិប្បនិម្មិតនៅកម្ពុជា

2023/05/23 02:03:52 pm        223
Facebook Telegram Linkin
ភ្នំពេញ៖ សម្ដេចតេជោ ហ៊ុន សែន នាយករដ្ឋមន្រ្ដីនៃកម្ពុជា បានកោតសរសើរចំពោះផលិតផលកែវ​ភ្នែក​សិប្បនិម្មិតរបស់ប្រទេសជប៉ុន ដែលបានផ្ដល់ជូនសម្ដេចប្រើប្រាស់​អស់រយៈពេលជាង ៣០ ឆ្នាំហើយ មិនដែលបង្កបង្ហាញណាមួយដល់សុខភាពសម្ដេចឡើយ ដូច្នេះសម្ដេចតេជោចង់ឱ្យមិត្ត​ជប៉ុន​ជួយកម្ពុជាក្នុងការបង្កើតកន្លែងផលិតកែវផ្នែកសិប្បនិម្មិតនេះនៅកម្ពុជា។សម្ដេចតេជោ ហ៊ុន សែន បានមានប្រសាសន៍បែបនេះ ក្នុងឱកាសសម្ដេច និង​សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន អញ្ជើញជាអធិបតីភាពដ៏ខ្ពង់ខ្ពស់នៅក្នុងពិធីសម្ពោធ​ដាក់ឲ្យ​ប្រើប្រាស់​ជាផ្លូវការ ​អគារមជ្ឈមណ្ឌលពហុឯកទេស​ «អគារតេជោអភិវឌ្ឍន៍» នៅ​មន្ទីរពេទ្យ​កាល់ម៉ែត ស្ថិតនៅសង្កាត់ស្រះចក ខណ្ឌដូនពេញ រាជធានីភ្នំពេញ នាព្រឹកថ្ងៃទី២៣ ខែឧសភា ឆ្នាំ២០២៣ នេះ។សម្ដេចតេជោ ហ៊ុន សែន បានវាយតម្លៃខ្ពស់ចំពោះសមត្ថភាពគ្រូពេទ្យនៅមន្ទីរពេទ្យ កាល់ម៉ែត ដែល​មានសមត្ថភាពក្នុងការប្រើប្រាស់បច្ចេកវិទ្យាទំនើបនៅក្នុងវិស័យសុខាភិបាល។ ប៉ុន្ដែសម្ដេចតេជោ បន្តជំរុញឱ្យក្រុមគ្រូពេទ្យខិតខំអភិវឌ្ឍន៍​ និងពង្រឹងសមត្ថភាពរបស់ខ្លួន​បន្ថែមទៀត​លើការប្រើប្រាស់បច្ចេកវិទ្យាទំនើបសម្រាប់វិស័យសុខាភិបាលនេះ ដើម្បីឈាន​ទៅព្យាបាល និងសង្គ្រោះប្រជាជនប្រកបដោយប្រសិទ្ធភាពខ្ពស់។ សម្ដេចតេជោ ក៏បានណែនាំដល់គ្រប់ស្ថាប័នត្រៀមខ្លួនក្នុងការកសាងសមិទ្ធផលនានាដោយខ្លួនឯង កុំចាំតែ​ជំនួយបរទេស ឬកម្ចីពីប្រទេសដទៃ។​ សម្ដេចតេជោ បញ្ជាក់ថា កម្ពុជាក្រ ប៉ុន្ដែមិនក្រទាំង​ចិត្តនោះទេ។ សម្ដេចតេជោ បានបញ្ជាក់ថា ​វិស័យឯកជននៅក្នុងប្រទេសកម្ពុជា ក៏បានចូលរួម​ចំណែកជាច្រើនក្នុងការជួយដល់រាជរដ្ឋាភិបាល ​និងប្រជាជនទាំងវិស័យសុខាភិបាល ការងារ និងវិស័យជាច្រើនទៀត៕អត្ថបទ៖ វ៉ន ដារ៉ា

បទឈប់បាញ់រយៈពេលមួយសប្ដាហ៍ បានចាប់ផ្ដើមនៅក្នុងប្រទេសស៊ូដង់ ខណៈអនាគតមិនច្បាស់លាស់

2023/05/23 11:52:51 am        87
Facebook Telegram Linkin
ស៊ូដង់៖ បទឈប់បាញ់មានរយៈពេល១សប្ដាហ៍ ដែលត្រូវបានព្រមព្រៀងគ្នាដោយក្រុមគូជម្លោះរបស់ប្រទេសស៊ូដង់ និងបានបង្កើតឡើងដើម្បីបើកផ្លូវឲ្យបញ្ជូនជំនួយមនុស្សធម៌ចូលក្នុងប្រទេសនេះ បានចាប់ផ្ដើមហើយ បន្ទាប់ពីកងទ័ពបានបើកការវាយប្រហារតាមអាកាសយ៉ាងសន្ធាប់ទូទាំងរដ្ឋធានីខាទូម ដាក់គោលដៅលើគូប្រជែងកងកម្លាំងយោធាប៉ារ៉ារបស់ខ្លួន ។ បទឈប់បាញ់ ដែលបានព្រមព្រៀងកាលពីថ្ងៃសៅរ៍ បន្ទាប់ពីការប្រយុទ្ធគ្នារយៈពេល៥សប្ដាហ៍រវាងកងទ័ព និងកងកម្លាំងគាំទ្ររហ័សប៉ារ៉ា (RSF) ត្រូវកំណត់ចូលជាធរមានកាលពីម៉ោង៩និង៤៦នាទីយប់ថ្ងៃចន្ទ។ កិច្ចព្រមព្រៀងបទឈប់បាញ់រួមទាំងការឃ្លាំមើលយន្តការទាក់ទងនឹងកងទ័ព និងកងកម្លាំងប៉ារ៉ា RSF ព្រមទាំងក្រុមអ្នកតំណាងមកពីអារ៉ាប៊ីសាអ៊ូឌីត និងសហរដ្ឋអាមេរិក ដែលបានសម្របសម្រួលកិច្ចព្រមព្រៀងនេះបន្ទាប់ពីការពិភាក្សាក្នុងទីក្រុង Jeddah។កងទ័ពរបស់ស៊ូដង់ បានបើកការវាយប្រហារតាមអាកាសនៅក្នុងរដ្ឋធានីខាទូម ប៉ុន្មានម៉ោង មុនកិច្ចព្រមព្រៀង ក្នុងគោលបំណងបើកច្រកដឹកជញ្ជូនជំនួយគ្រោងចូលជាធរមាន។  ប្រជាពលរដ្ឋបានរាយការណ៍ថាមានការវាយប្រហារតាមអាកាសនៅក្នុងរដ្ឋធានី  Khartoum ទីក្រុង Omdurman និងទីក្រុង Khartoumខាងជើង ជាទីក្រុង៣ ដែលធ្វើឲ្យរដ្ឋធានីនេះកាន់តែមានវិសាលភាពធំធេង  ដែលត្រូវបានបំបែកចេញដោយចំណុចប្រសព្វនៃទន្លេនីលខៀវ( Blue Nile) និងទន្លេនីល.ស(White Nile)៕

មនុស្សរាប់រយនាក់ប្រមូលផ្តុំគ្នានៅ Kashmir គ្រប់គ្រងដោយប៉ាគីស្ថានប្រឆាំងកិច្ចប្រជុំ G20 នៅឥណ្ឌា

2023/05/23 11:45:57 am        192
Facebook Telegram Linkin
ប៉ាគីស្ថាន៖ មន្ត្រីរដ្ឋាភិបាល បាននិយាយថា ប្រជាជនរាប់រយនាក់ បានមកប្រមូលផ្តុំគ្នា នៅក្នុងតំបន់ Kashmir ដែលគ្រប់គ្រងដោយប៉ាគីស្ថាន កាលពីថ្ងៃចន្ទ ដើម្បីតវ៉ាការសម្រេចចិត្តរបស់ប្រទេសឥណ្ឌាជាគូប្រជែងដ៏ធំ ក្នុងការធ្វើជាម្ចាស់ផ្ទះកិច្ចប្រជុំទេសចរណ៍ G20 នៅក្នុងផ្នែករបស់ខ្លួននៅតំបន់ហិម៉ាល័យដែលមានជម្លោះនេះ។ ទីក្រុង New Delhi កំពុងរៀបចំសន្និសីទដ៏សំខាន់នៅក្នុងទីក្រុងរដូវក្តៅ Srinagar(ស្រ៊ីណាហ្កា) តំបន់ Kashmir ចាប់ពីថ្ងៃចន្ទដល់ថ្ងៃពុធជាការសម្រេចមួយ ដែលប្រទេសប៉ាគីស្ថាន និងប្រទេសចិនជាសម្ព័ន្ធមិត្តយូរអង្វែង បានជំទាស់។ មន្ត្រីរដ្ឋាភិបាលលោក Raja Azhar Iqbal បាននិយាយថា ក្រុមអ្នកតវ៉ាជាច្រើនបានធ្វើបាតុកម្មក្នុងទីក្រុង Muzaffarabad (មូហ្សាហ្វហ្វារ៉ាបាដ) ជាទីក្រុងនៅតំបន់ Kashmir គ្រប់គ្រងដោយប្រទេសប៉ាគីស្ថាន និងទីក្រុងផ្សេងទៀត ដោយមានស្រែកពាក្យថា «ទៅវិញឥណ្ឌា បកក្រោយវិញ និងធ្វើពហិការ ធ្វើពហិការកិច្ចប្រជុំ G20 ធ្វើពហិការ»។ រដ្ឋមន្ត្រីការបរទេសប៉ាគីស្ថាន លោក Bilawal Bhutto-Zardari បានធ្វើទស្សនកិច្ចនៅតំបន់នេះ និងបានថ្លែងសុន្ទរកថា ទៅកាន់សភារបស់តំបន់ Kashmir កាលពីថ្ងៃចន្ទ។ លោកបានចាត់ទុកការជួបប្រជុំគ្នារបស់ក្រុមប្រទេស G20 ថាខុសច្បាប់និងជាការប៉ុនប៉ងដោយប្រទេសឥណ្ឌា ដើម្បីស្វែងរកភាពស្របច្បាប់ជុំវិញការគ្រប់គ្រងរបស់ខ្លួននៅតំបន់ដែលមានជម្លោះ។ កិច្ចប្រជុំក្រុមការងារ ទេសចរណ៍ប្រទេស G20 គឺជាព្រឹត្តិការណ៍អន្តរជាតិលើកដំបូង នៅក្នុងតំបន់ ចាប់តាំងពីមានការផ្លាស់ប្តូរមកនោះ។ ប្រទេសដែលមានអាវុធនុយក្លេអ៊ែរទាំងពីរ ប៉ាគីស្ថាននិងឥណ្ឌា បានប្រយុទ្ធគ្នាក្នុងសង្គ្រាម៣លើក ចាប់តាំងពីទទួលបានឯករាជ្យពីចក្រភពអង់គ្លេសក្នុងឆ្នាំ១៩៤៧ ដែលសង្គ្រាមចំនួន២ ជុំវិញបញ្ហាតំបន់ Kashmir ដែលពួកគេម្នាក់ៗអះអាងសិទ្ធិគ្រប់គ្រងពេញលេញ ប៉ុន្តែបានគ្រប់គ្រងដោយផ្នែកប៉ុណ្ណោះ។ ក្រុមប្រទេសG20 រួមមានប្រទេសអ្នកមានស្តុកស្តម្ភចំនួន១៩ប្រទេស និងសហភាពអឺរ៉ុប៕

រដ្ឋទន្លេ Colorado ឈានដល់កិច្ចព្រមព្រៀង «ប្រវត្តិសាស្ត្រ» ដើម្បីរក្សាទឹក

2023/05/23 11:41:41 am        115
Facebook Telegram Linkin
អាមេរិក៖ រដ្ឋចំនួន៧ របស់សហរដ្ឋអាមេរិក ដែលទាញយកទឹកពីទន្លេ Colorado ដែលត្រូវបានប្រើប្រាស់ច្រើនហួសកម្រិត ពោលគឺត្រូវបានមើលឃើញត្រង់ទីនេះ នៅខាងកើតនៃមាត់ជ្រោះហ្គ្រែន ឃែនយ៉ិន (Grand Canyon) នោះ បានឈានដល់កិច្ចព្រមព្រៀងជាប្រវត្តិសាស្ត្រ ដើម្បីកាត់បន្ថយការប្រើប្រាស់ទឹក កាលពីថ្ងៃចន្ទ។ក្នុងកិច្ចព្រមព្រៀងជាមួយរដ្ឋបាលលោក ចូ បៃដិន (Joe Biden) រដ្ឋ Arizona, California និង Nevada នឹងទាញយកទឹកមិនដល់ ៣លានអេគ័រហ្វីត (ប្រមាណជា ៣៧០.០៤៤០.០០០ម៉ែត្រត្រីគុណ) ពីទន្លេ Colorado រហូតដល់ចុងឆ្នាំ២០២៦ ដែលជាចំនួនស្មើនឹង ១៣% នៃការបែងចែករបស់ពួកគេ នាពេលបច្ចុប្បន្ន។ រដ្ឋទាំងបីនោះ បង្កើតបានជារដ្ឋអាងទំនាប (Lower Basin) ពឹងផ្អែកលើបឹង Lake Mead ជាអាងស្តុកទឹកដែលបង្កើតឡើងដោយទំនប់ Hoover ខណៈដែលរដ្ឋអាងខាងលើ ( Upper Basin) រួមមានរដ្ឋ Colorado, New Mexico, Utah និង Wyoming ទាញទឹករបស់ពួកគេដោយផ្ទាល់ពីទន្លេ និងដៃទន្លេរបស់ខ្លួន។លោកស្រី Sarah Porter នាយកនៃមជ្ឈមណ្ឌល Kyl សម្រាប់គោលនយោបាយទឹក ក្នុងនាមសាកលវិទ្យាល័យរដ្ឋ Arizona និយាយលាយឡំដោយអារម្មណ៍រំភើបថា ការកាត់បន្ថយនេះ ប្រហែលជាអាច ឬមិនអាចជួយសង្គ្រោះបឹង Lake Mead ដែលរងគ្រោះដោយគ្រោះរាំងស្ងួតបាន។លោកស្រីបានប្រាប់ថា៖ «វាមានទឹកច្រើនណាស់។ វាជាកិច្ចព្រមព្រៀងមួយ ដើម្បីរក្សាទុកទឹក ៣លានអេគ័រហ្វីត នៅបឹង Lake Mead បន្ថែមពីលើការកាត់បន្ថយដោយស្ម័គ្រចិត្ត ដែលរដ្ឋ Arizona បានយល់ព្រមជាពិសេស។ ហើយអ្នកដឹងទេទីក្រុង Las Vegas នៅភាគខាងត្បូងរដ្ឋ Nevada ក៏កំពុងកាត់បន្ថយផងដែរ។ រដ្ឋ New Mexico ក៏ដូចគ្នាដែរ។ ដូច្នេះទំហំបន្ថែម ៣លាន អេគ័រហ្វីតនេះ គឺមានសារៈសំខាន់ណាស់។ វាគ្រប់គ្រាន់ឬអត់នោះ មានតែពេលវេលាទេ ដែលនឹងបង្ហាញឲ្យដឹង។ យើងនឹងត្រូវតែចាំមើលថា តើយើងនឹងមានការរីងហួតខ្លាំងក្នុងឆ្នាំផ្សេងទៀតដែរទេ។ កិច្ចព្រមព្រៀងនេះ ទទួលស្គាល់ថា យើងអាចនឹងស្ថិតនៅក្នុងតំបន់គ្រោះថ្នាក់នោះម្ដងទៀត»។ស្ថានភាពរយៈពេលវែងរបស់ទន្លេ គឺមានសារៈសំខាន់សម្រាប់តំបន់ទាំងមូល ដោយសារទន្លេនេះ ផ្តល់ទឹកស្អាតសម្រាប់ប្រជាជនចំនួន ៤០លាននាក់ និងប្រព័ន្ធធារាសាស្រ្តសម្រាប់ដីកសិកម្មដ៏សម្បូរបបែប៕

ក្រុមហ៊ុន TikTok បានប្ដឹងរដ្ឋ Montana សហរដ្ឋអាមេរិក ឲ្យលុបបម្រាមលើកដំបូងរបស់រដ្ឋមួយនេះ

2023/05/23 11:07:25 am        142
Facebook Telegram Linkin
អាមេរិក៖ ក្រុមហ៊ុនបណ្ដាញសង្គមផ្ដល់សេវាកម្សាន្ត TikTok បានប្ដឹងឲ្យបិទបម្រាមរបស់រដ្ឋMontana សហរដ្ឋអាមេរិក ដែលហាមប្រាមមិនឲ្យពលរដ្ឋរបស់ខ្លួនប្រើសប្រាស់កម្មវិធីរបស់បណ្ដាញសង្គមនេះ។  ការដាក់ពាក្យបណ្ដឹងនេះ ធ្វើឡើង បន្ទាប់ពីរដ្ឋ Montana កាលពីសប្ដាហ៍មុន បានក្លាយជារដ្ឋដំបូងរបស់សហរដ្ឋអាមេរិក ដែលអនុម័ត បម្រាមលើការប្រើប្រាស់បណ្ដាញសង្គមកម្សាន្តវីដេអូខ្លីៗរបស់ចិន។  នៅក្នុងសេចក្ដីថ្លែងការណ៍មួយ ក្រុមហ៊ុន TikTok បាននិយាយថា បម្រាមនេះ បង្កឲ្យមានជម្លោះជាមួយសិទ្ធិនិយាយស្ដីដោយសេរីរបស់សហរដ្ឋអាមេរិក។ក្រុមហ៊ុន TikTok បានស្ថិតក្រោមការត្រួតពិនិត្យតាមដានពីក្រុមអាជ្ញាធរនៅជុំវិញពិភពលោក ទាក់ទងក្ដីបារម្ភដែលថា ទិន្នន័យនេះ អាចផ្ដល់ទៅឲ្យរដ្ឋាភិបាលចិន ។ បណ្ដឹងដែលបានដាក់កាលពីថ្ងៃចន្ទនៅក្នុង តុលាការសហព័ន្ធប្រចាំតំបន់សម្រាប់រដ្ឋ Montana និយាយថា ខ្លួនកំពុងប្ដឹងដើម្បីឲ្យទាត់ចោលបម្រាមនោះថាជារឿងខុសច្បាប់។ អ្នកនាំពាក្យម្នាក់បាននិយាយនៅក្នុងសេចក្ដីថ្លែងការណ៍ថា យើងកំពុងតវ៉ាទៅនឹងបម្រាមផ្ទុយពីរដ្ឋធម្មនុញ្ញ ដើម្បីការពារអាជីវកម្ម និងអ្នកប្រើប្រាស់បណ្ដាញសង្គម TikTok រាប់ម៉ឺននាក់របស់យើងនៅក្នុងរដ្ឋ Montana៕

បណ្ដាញសង្គម

ព័ត៌មានថ្មីៗ

ចិនចាប់ផ្តើមសាងសង់ទំនប់វារីអគ្គិសនីធំជាងគេបំផុតរបស់ពិភពលោកនៅតំបន់ទីបេតិ៍
07/23/2025 12:07 AM
Facebook Telegram Linkin
គណៈកម្មាធិការស្វែងរកការពិតស៊ីរី រាយការណ៍ថា មនុស្ស ១.៤២៦នាក់ ត្រូវបានសម្លាប់អំឡុងអំពើហិង្សាក្នុងខែមីនា
07/23/2025 12:07 AM
Facebook Telegram Linkin
ជនប៉ាឡេស្ទីននៅទីក្រុងហ្កាហ្សានិយាយថា ពួកគេពុំបានបរិភោគអស់រយៈពេល ៥ថ្ងៃមកហើយ
07/23/2025 12:07 AM
Facebook Telegram Linkin
រដ្ឋមន្ត្រីសុខាភិបាល «អ្នកដឹកនាំសុខាភិបាល ស្ថិតនៅជាប់ជានិច្ចជាមួយមន្រ្តីរបស់ខ្លួន ឈរលើគោលដៅសម្រេចឱ្យបានជោគជ័យក្នុងការបម្រើសេវាជូនប្រជាពលរដ្ឋ និងលើកកិត្តិយសវិជ្ជាជីវៈសុខាភិបាលទាំងមូល»
07/23/2025 12:07 AM
Facebook Telegram Linkin
ផ្សារសមាគមខ្មែរកំពុងស្រូបយកផលិតផលកែច្នៃក្នុងស្រុក គាំទ្រដល់ការរីកចម្រើនរបស់សហគ្រិន
07/22/2025 11:07 PM
Facebook Telegram Linkin
រលកកម្តៅធ្ងន់ធ្ងរនៅតំបន់បាល់កង់ បណ្តាលឲ្យមានភ្លើងឆេះព្រៃនៅប្រទេសប៊ុលហ្គារី និងអាល់បានី
07/22/2025 08:07 PM
Facebook Telegram Linkin
ប្រេសិតពិសេសសហរដ្ឋអាមេរិកជួបជាមួយប្រធានសភាលីបង់នៅទីក្រុងបេរូត
07/22/2025 08:07 PM
Facebook Telegram Linkin
រដ្ឋមន្រ្តីសុខាភិបាល «យុទ្ធសាស្ត្រមួយល្អ លុះត្រាតែយុទ្ធសាស្រ្តនោះត្រូវបានយកទៅអនុវត្តជាក់ស្តែងបាន ដេីម្បីសម្រេចគោលដៅតាមការគ្រោងទុក»
07/22/2025 07:07 PM
Facebook Telegram Linkin
ទូតឥណ្ឌូនេស៊ីកោតសរសើរកម្ពុជា ចំពោះការគ្រប់គ្រងវិស័យព័ត៌មាន និង សោតទស្សន៍
07/22/2025 07:07 PM
Facebook Telegram Linkin
គម្រោង Golden Dome របស់លោក Trump ស្វែងរកជម្រើសជំនួស SpaceX របស់លោក Musk
07/22/2025 07:07 PM
Facebook Telegram Linkin

អាស័យដ្ឋាន

address ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។
phone ទូរស័ព្ទ:(+855)61 999 877

ផែនទី

ទាញយកកម្មវិធី
© 2020 BTV NEWS . All Rights Reserved.