BTV NEWS

ស្ពានមិត្តភាពកម្ពុជា-ចិន មេគង្គក្រចេះ នឹងបើកជូនពលរដ្ឋឆ្លងកាត់ចាប់ពីថ្ងៃទី១មេសា ឆ្នាំ២០២៦តទៅ

សម្តេចតេជោ ហ៊ុន សែន ដឹកនាំកិច្ចប្រជុំគណៈកម្មាធិការអចិន្ត្រៃយ៍ព្រឹទ្ធសភា ដើម្បីសម្រេចលើរបៀបវារៈចំនួន៧

បេក្ខជន និងសកម្មជនគណបក្សភ្លើងទៀនចំនួន៤នាក់នៅស្រុកកណ្តាលស្ទឹង ចូលរួមជីវភាពនយោបាយ ជាមួយគណបក្សប្រជាជនកម្ពុជា

ស្ថានីយប្រព្រឹត្តកម្មទឹកកខ្វក់ក្រុងកំពង់ឆ្នាំងតម្លៃជាង ១៩លានដុល្លារ ត្រូវបានសម្ពោធដាក់ឲ្យប្រើប្រាស់ជាផ្លូវការនៅថ្ងៃនេះ

នយោបាយ និង ការអភិវឌ្ឍន៍

ប្រធានាធិបតីហ្វីលីពីន បញ្ជាឱ្យបិទទីតាំងល្បែងអនឡាញដំណើរការដោយជនជាតិចិន ដែលមានបុគ្គលិករាប់ពាន់នាក់

ប្រធានាធិបតី ប្រទេសហ្វីលីពីន លោក Ferdinand Marcos Jr កាលពីថ្ងៃចន្ទ បានបញ្ជាឱ្យហាមឃាត់ជាបន្ទាន់ លើប្រតិបត្តិការហ្គេមអនឡាញភាគច្រើនដំណើរការដោយជនជាតិចិន នៅក្នុងប្រទេសហ្វីលីពីន ដោយចោទប្រកាន់ពួកគេ ពីបទហានិភ័យក្នុងឧក្រិដ្ឋកម្ម រួមមានការបោកប្រាស់លុយ ការជួញដូរមនុស្ស ការធ្វើទារុណកម្ម ការចាប់ជំរិត និងអំពើឃាតកម្ម។លោក Marcos បាននិយាយនៅក្នុងសុន្ទរកថារដ្ឋរបស់លោកថា ហ្វីលីពីន នឹងជំរុញកិច្ចខិតខំប្រឹងប្រែងដើម្បីពង្រឹងសមត្ថភាពការពារ ដោយបង្កើតសម្ព័ន្ធភាពសន្តិសុខជាមួយប្រទេសជាមិត្ត ដើម្បីប្រយុទ្ធប្រឆាំងការគំរាមកំហែងដល់ផលប្រយោជន៍ទឹកដីរបស់ខ្លួននៅសមុទ្រចិនខាងត្បូង ហើយប្រទេសរបស់លោក គ្រាន់តែមានបំណងដោះស្រាយជម្លោះតែតាមរយៈការទូតប៉ុណ្ណោះ។ការសម្រេចចិត្តរបស់ លោក Marcos ក្នុងការដាក់បម្រាមការលេងល្បែងតាមប្រព័ន្ធអនឡាញ ដំណើរការដោយជនជាតិចិន ដែលតាមការប៉ាន់ប្រមាណមានចំនួនច្រើនជាង៤០០កន្លែង នៅទូទាំងប្រទេសហ្វីលីពីន និងបានជួលបុគ្គលិកជនជាតិចិន និងពលរដ្ឋនៅអាស៊ីអាគ្នេយ៍រាប់ម៉ឺននាក់ ដែលចំណាត់ការនេះ បានធ្វើឡើងក្នុងពេលមានការបង្ក្រាបរបស់រដ្ឋាភិបាល ដែលកំពុងបន្តគាំទ្រដោយទីក្រុងប៉េកាំង។បម្រាមនេះ បាននាំទៅដល់ការបិទអគារធំៗជាច្រើនកន្លែង ដែលអាជ្ញាធរសង្ស័យថា ជនជាតិចិន វៀតណាម និងជនជាតិផ្សេងទៀតរាប់ពាន់នាក់ ដែលភាគច្រើនមកពីប្រទេសអាស៊ីអាគ្នេយ៍ ត្រូវបានជ្រើសរើសដោយខុសច្បាប់ និងបង្ខំឱ្យធ្វើការក្នុងស្ថានភាពដ៏គួរឱ្យអាណិត។

លោក Netanyahu ប្រឈមនឹងសកម្មភាពថ្លឹងថ្លែងដ៏ជាក់លាក់នៅអាមេរិកបន្ទាប់ពីលោក Biden បោះបង់បេក្ខភាពប្រធានាធិបតី

លោកនាយករដ្ឋមន្ត្រីអ៊ីស្រាអែល Benjamin Netanyahu បានបំពេញទស្សនកិច្ចនៅសហរដ្ឋអាមេរិកក្នុងសប្តាហ៍នេះក្រោមសម្ពាធដើម្បីបញ្ចប់សង្រ្គាមនៅក្នុងដែនដីហ្កាហ្សា ដែលជាបំណងទាំងពីអ៊ីស្រាអែល ទាំងពីរដ្ឋបាលអាមេរិក។ តើភាពចលាចលខាងនយោបាយនៅក្រុងវ៉ាស៊ីនតោន អាចប៉ះពាល់ យ៉ាងណាខ្លះដល់ដំណើរទស្សនកិច្ច និងទំនាក់ទំនងនាពេលអនាគត?។ លោក Netanyahu គ្រោងជួបលោក Joe Biden ប្រសិនបើលោកប្រធានាធិបតីបានជាសះស្បើយពីជំងឺ Covid-19 ហើយថ្លែងសុន្ទរកថាក្នុងសម័យប្រជុំរួមនៃសភា ជាមេដឹកនាំបរទេសតែមួយគត់ដែលធ្វើដូច្នេះជាលើកទីបួន។ដំណើរនេះផ្តល់ឱ្យលោកនូវវេទិកាមួយសម្រាប់កំណត់ឡើងវិញជាមួយទីក្រុងវ៉ាស៊ីនតោន បន្ទាប់ពីភាពតានតឹងជាច្រើនខែជុំវិញវិធីសាស្រ្តរឹងរូសរបស់លោកចំពោះសង្រ្គាម និងជាឱកាសដើម្បីព្យាយាម បញ្ចុះបញ្ចូលប្រជាជនអ៊ីស្រាអែលថា រូបលោកពុំបានធ្វើឱ្យប្រេះស្រាំទំនាក់ទំនងជាមួយសម្ព័ន្ធមិត្តដ៏សំខាន់បំផុតរបស់ពួកគេនោះទេ។ ប៉ុន្តែដំណើរ និងបំណងរបស់លោក ត្រូវបានធ្វើឲ្យស្រអាប់ខ្លាំង ដោយការសម្រេចចិត្តរបស់ប្រធានាធិបតីលោក Biden មិនស្វែងរកការបោះឆ្នោតឡើងវិញ ដោយបង្ហាញពីភាពមិនច្បាស់លាស់ខាងនយោបាយអំពីដៃគូបន្ទាប់របស់អ៊ីស្រាអែលនៅក្នុងសេតវិមាន ។អំឡុងទស្សនកិច្ចរបស់លោក លោក Netanyahu ក៏បានស្នើសុំជួបលោក Trumpផងដែរ៕

លោកស្រី Harris បើកយុទ្ធនាការបោះឆ្នោតប្រធានាធិបតីលើកដំបូងចាប់តាំងពីលោក Biden រុញឲ្យទល់នឹងលោកTrump

លោកស្រីអនុប្រធានាធិបតីអាមេរិក Kamala Harris បានបង្ហាញខ្លួនជាសាធារណៈលើកដំបូងកាលពីថ្ងៃចន្ទសប្ដាហ៍នេះ ចាប់តាំងពីបានចូលប្រកួតប្រជែងតំណែងប្រធានាធិបតី បន្ទាប់ពីលោកប្រធានាធិបតី Joe Biden វ័យ៨១ឆ្នាំ បានបញ្ចប់យុទ្ធនាការបោះឆ្នោតឡើងវិញភ្លាមៗកាលពីថ្ងៃអាទិត្យ ហើយបានគាំទ្រលោកស្រីជាអ្នកស្នងតំណែងរបស់លោករុញឲ្យតតាំងជាមួយលោកTrump។ដោយលោកស្រីបានសរសើរសមិទ្ធផលរបស់លោកប្រធានាធិបតី Joe Biden ។ លោកស្រី Harris បាននិយាយនៅឯព្រឹត្តិការណ៍នៅសេតវិមានថា"កេរដំណែលរបស់លោកJoe Biden ក្នុងរយៈពេលបីឆ្នាំចុងក្រោយនេះគឺមិនអាចប្រៀបផ្ទឹមបាននៅក្នុងប្រវត្តិសាស្រ្តសម័យទំនើប"។ "ជារៀងរាល់ថ្ងៃ ប្រធានាធិបតីរបស់យើង លោក Joe Biden តស៊ូដើម្បីប្រជាជនអាមេរិក ហើយយើងមានការដឹងគុណយ៉ាងជ្រាលជ្រៅ ចំពោះការបម្រើរបស់លោកចំពោះជាតិរបស់យើង" ។ លោកស្រី Harris មិនបានសំដៅជាទៅលើឋានៈថ្មីរបស់លោកស្រីជាបេក្ខជននាំមុខនៃគណបក្សប្រជាធិបតេយ្យសម្រាប់បេក្ខជនប្រធានាធិបតីបន្ទាប់ពីលោក Biden ដែលបានប្រកាសកាលពីថ្ងៃអាទិត្យថាលោកកំពុងដើរចេញក្រោមសម្ពាធកាន់តែខ្លាំងពីសមាជិកគណបក្សប្រជាធិបតេយ្យ។ ការចាកចេញរបស់លោក Biden គឺជាការតក់ស្លុតចុងក្រោយបំផុតចំពោះការប្រកួតប្រជែងកៅអីនៅសេតវិមាន ដែលរាប់បញ្ចូលទាំងការលួចធ្វើឃាតអតីតប្រធានាធិបតី Trump មិនបានសម្រេច ដោយខ្មាន់កាំភ្លើងម្នាក់ ក្នុងអំឡុងពេលយុទ្ធនាការ និងការតែងតាំងសមាជិកព្រឹទ្ធសភាអាមេរិក លោក J.D. Vance ជាអនុប្រធានាធិបតីរបស់លោក Trump៕

យុទ្ធនាការរបស់លោកស្រី Harris រៃអង្គាសប្រាក់បាន៨១លានដុល្លារ ក្នុងរយៈពេល២៤ម៉ោងដំបូង

ម្ចាស់ជំនួយរបស់គណបក្សប្រជាធិបតេយ្យ បានដាក់បញ្ចូលចំនួនទឹកប្រាក់ដ៏ច្រើនសន្ធឹកសន្ធាប់ទៅក្នុងយុទ្ធនាការរបស់អនុប្រធានាធិបតីសហរដ្ឋអាមេរិក លោកស្រី Kamala Harris ក្នុងរយៈពេល២៤ ម៉ោង ចាប់តាំងពីលោក Joe Biden បានលាឈប់ពីការប្រកួតប្រជែងតំណែងនៅសេតវិមាន និងបានគាំទ្រដល់អ្នករួមដំណែងរបស់លោក។យុទ្ធនាការរបស់លោកស្រី បាននិយាយនៅក្នុងសេចក្តីថ្លែងការណ៍កាលពីថ្ងៃចន្ទថា ក្រុមរបស់លោកស្រី Harris រៃអង្គាសប្រាក់បានចំនួន៨១លានដុល្លារអាមេរិក ក្នុងរយៈពេល២៤ម៉ោងដំបូងរបស់ខ្លួន។ សេចក្តីថ្លែងការណ៍ បានអះអាងថា នេះគឺជាការកើនឡើងច្រើនបំផុតក្នុងរយៈពេល២៤ម៉ោង ក្នុងប្រវត្តិសាស្ត្រប្រធានាធិបតី។លោកស្រី Harris វ័យ៥៩ឆ្នាំ ទទួលបានការគាំទ្រយ៉ាងឆាប់រហ័សពីសំណាក់សមាជិកគណបក្សប្រជាធិបតេយ្យជាច្រើន បន្ទាប់ពីទទួលបានការគាំទ្រពីលោក Biden កាលពីថ្ងៃអាទិត្យ។នៅពេលនេះ យុទ្ធនាការរបស់លោកស្រី ទំនងជាបានផ្ដល់ថាមពលដល់ម្ចាស់ជំនួយទាំងធំតូច ដែលជាការផ្លាស់ប្តូរពីអំឡុងពេលមិនច្បាស់លាស់ បន្ទាប់ពីការអនុវត្តន៍ជជែកដេញដោល ពុំបានល្អរបស់លោក Biden ទល់នឹងលោក Trump ដែលតាមសេចក្តីរាយការណ៍ នៅពេលនោះម្ចាស់ជំនួយធំៗ បានបញ្ឈប់ការរៃអង្គាសថវិកា។

លោកស្រី Harris៖ ការពង្រឹងវណ្ណៈកណ្តាលនឹងក្លាយជាគោលដៅនៃតំណែងប្រធានាធិបតី

អនុប្រធានាធិបតីសហរដ្ឋអាមេរិក លោកស្រី កាម៉ាឡា ហារីស (Kamala Harris) បាននិយាយកាលពីថ្ងៃចន្ទ (២២ កក្កដា) ថា ការកសាងវណ្ណៈកណ្តាលនឹងស្ថិតនៅចំកណ្តាលនៃការប្រជែងតំណែងប្រធានាធិបតីរបស់ខ្លួន ជាមួយនឹងអាទិភាពផ្សេងទៀត រួមទាំងការគ្រប់គ្រងកាំភ្លើង និងសិទ្ធិបន្តពូជ។លោកស្រី Harris បាននិយាយទៅកាន់បុគ្គលិកយុទ្ធនាការមួយថ្ងៃបន្ទាប់ពីលោកប្រធានាធិបតី ចូ បៃដិន (Joe Biden) បានដកខ្លួនពីការប្រកួតប្រជែង ហើយបានគាំទ្រអនុប្រធានាធិបតីរូបនេះ សម្រាប់ការតែងតាំងពីគណបក្សប្រជាធិបតេយ្យ។ លោកស្រី Harris បាននិយាយថា៖ «យើងតស៊ូរួមគ្នាដើម្បីកសាងជាតិ ដែលមនុស្សគ្រប់រូបមានការថែទាំសុខភាពសមរម្យ កម្មករគ្រប់រូបទទួលបានប្រាក់កម្រៃល្អប្រសើរ និងមនុស្សចាស់អាចចូលនិវត្តន៍ប្រកបដោយសេចក្តីថ្លៃថ្នូរ។ នោះហើយជាគោលដៅនៃតំណែងប្រធានាធិបតីរបស់ខ្ញុំ»។លោក Biden ដែលបានដកខ្លួនពីការប្រជែងអាណត្តិថ្មី ស្របពេលមានការបារម្ភពីវ័យ និងសុខភាព បានហៅទូរសព្ទចូលទៅក្នុងព្រឹត្តិការណ៍យុទ្ធនាការរបស់លោកស្រី Harris ។ ក្នុងសំឡេងបែបស្អករបស់ខ្លួន លោក Biden បានកោតសរសើរអនុប្រធានាធិបតីរបស់ខ្លួនចំពោះការប្ដជ្ញាចិត្តរបស់លោកស្រី។លោកស្រី Harris វ័យ ៥៩ឆ្នាំបានគូសបញ្ជាក់អំពីគោលនយោបាយជាបន្តបន្ទាប់ ដែលខ្លួនសន្យាថានឹងបន្ត រួមទាំងការចុះហត្ថលេខាលើច្បាប់ដើម្បីការពារសិទ្ធិរំលូតកូន និងហាមប្រាមប្រភេទកាំភ្លើងវាយប្រហារ៕

លោកស្រី Kamala Harris ចាញ់ប្រៀបក្នុងការប្រកួតប្រជែងឆ្នាំ២០២៤ ទល់នឹងលោក Donald Trump

ស្របពេលគណបក្សប្រជាធិបតេយ្យរួបរួមគ្នាជុំវិញខ្លួនអនុប្រធានាធិបតីលោកស្រី Kamala Harris ជាបេក្ខភាពថ្មីរបស់ពួកគេ អារម្មណ៍សាធារណៈរបស់ពួកគេពិតជារីករាយណាស់។ ឥឡូវនេះ ពួកគេសង្ឃឹមថា គណបក្សនេះមានបេក្ខភាពដែលអាចតតាំងគ្នាជាមួយលោកTrump និងអាចមានលទ្ធភាពយកឈ្នះបាន។ក្តីសង្ឃឹមទាំងនេះមិនទាន់ត្រូវបានគាំទ្រដោយទិន្នន័យការស្ទង់មតិនៅឡើយទេ ដែលបច្ចុប្បន្នបង្ហាញថា លោកស្រី Harris កំពុងតែចាញ់ប្រៀបលោកTrump ។ ការវាយតម្លៃការគាំទ្ររបស់ លោកស្រី Harris គឺមិនល្អទេ ពោលគឺ មានការគាំទ្រចំនួន៣៨ ភាគរយ ទល់នឹងការមិនគាំទ្រ៥០ភាគរយ នៅក្នុងការស្ទង់មតិរបស់គេហំព័រអាមេរិកFiveThirtyEight Interactives ។ លោកស្រីតាមពីក្រោយលោក Trump ប្រហែល ២ ពិន្ទុទូទាំងប្រទេស ជាមធ្យម ហើយការស្ទង់មតិជាសាធារណៈមួយចំនួនដែលដាក់លោកស្រីឲ្យទប់ទល់នឹងលោក Trump នៅក្នុងរដ្ឋប្រទាញប្រទង់គ្នាក្នុងការគាំទ្របក្សទាំង២ ស្ទើរតែទាំងអស់ បង្ហាញថាលោកស្រីតាមពីក្រោយ លោក Trump ជួនកាលមានសំឡេងគាំទ្រចាញ់ដាច់ទៀតផង។ ឥឡូវនេះ ប្រហែលជាការស្ទង់មតិទាំងនោះលែងមានប្រយោជន៍ច្រើនទៀតហើយ ដោយសារពេលនោះ អ្នកបោះឆ្នោតនៅមិនទាន់បានស្គាល់លោកស្រី Harris ច្បាស់។ ប្រហែលជាលោកស្រី នឹងធ្វើយុទ្ធនាការដ៏ឆ្លាតវៃ និងខ្លាំងក្លា ហើយអាចយកឈ្នះចិត្តអ្នកបោះឆ្នោត។ ភាពរីករាយ នឹងអាចត្រឡប់មកវិញ ក្រោយការជ្រើសរើសឈ្មោះរបស់លោកស្រីដាក់លើសន្លឹកឆ្នោត។ខណៈពេលនេះនយោបាយអាមេរិក មុនការបោះឆ្នោតពោពេញដោយការវាយប្រហារពាក្យសម្ដីដាក់គ្នារវាងលោក Trump និងលោកស្រីHarris ៕

គណបក្សនយោបាយ នឹងជួបជុំគ្នាអបអរថ្ងៃបើកការដ្ឋានគម្រោងព្រែកជីកហ្វូណនតេជោ

គណបក្សនយោបាយ នឹងរៀបចំការជួបជុំគ្នាដើម្បីអបអរសាទរថ្ងៃបើកការដ្ឋានគម្រោងព្រែកជីកហ្វូណនតេជោ ដើម្បីប្រកាសពីការគាំទ្រនូវសមិទ្ធផលដែលមានអត្ថប្រយោជន៍យូរអង្វែង សម្រាប់ជាតិ និងប្រជាពលរដ្ឋកម្ពុជា។ស្របពេលពិធីបើកការដ្ឋានគម្រោងព្រែកជីកហ្វូណនតេជោកាន់តែខិតជិតចូលមកដល់ មានគណបក្សនយោបាយមួយចំនួនក្នុងចំណោមគណបក្សនយោបាយនានាក្នុងកម្ពុជា បានប្រាប់ BTV ឱ្យដឹងនៅថ្ងៃទី២២ ខែកក្កដា ឆ្នាំ២០២៤ថា ក្នុងនាមគណបក្សនយោបាយដែលជាសម្ព័ន្ធភាពបានគ្រោងក្នុងការជួបជុំជាមួយមេដឹកនាំគណបក្សនយោបាយផ្សេងទៀត ដើម្បីពិភាក្សាអំពីការត្រៀមរៀបចំពិធីជួបជុំក្នុងថ្ងៃបើកការដ្ឋានគម្រោងព្រែកជីកហ្វូណនតេជោ ដែលជាគម្រោងដ៏មានសារៈសំខាន់ក្រោមគំនិតផ្តួចផ្តើមរបស់សម្តេចអគ្គមហាសេនាបតីតេជោ ហ៊ុន សែន អតីតនាយករដ្ឋមន្រ្តី និងបច្ចុប្បន្នជាប្រធានព្រឹទ្ធសភា។ ពាក់ព័ន្ធនឹងការរៀបចំជួបជុំអបអរសាទរថ្ងៃបើកការដ្ឋានគម្រោងព្រែកជីកហ្វូណនតេជោនេះ លោក កាន់ វីរៈ ប្រធានគណបក្សអំណាចប្រជាពលរដ្ឋ បានបញ្ជាក់ថា ក្នុងនាមអ្នកនយោបាយត្រូវតែគាំទ្រនូវអ្វីដែលជាអត្ថប្រយោជន៍ និងមានលក្ខណៈជាប្រវត្តិសាស្រ្តសម្រាប់កម្ពុជា។ជាមួយគ្នានេះ លោក អ៊ិត សារម្យ ប្រធានគណបក្សបំណងពលរដ្ឋ បញ្ជាក់ថា ការចូលរួមអបអរសាទរថ្ងៃបើកការដ្ឋានគម្រោងព្រែកជីកហ្វូណនតេជោនាពេលខាងមុខ គឺដើម្បីឆ្លុះបញ្ចាំងពីការគាំទ្រចំពោះផលប្រយោជន៍ជាតិ និងអនាគតសម្រាប់ប្រជាពលរដ្ឋកម្ពុជាដ៏យូរអង្វែង។សូមជម្រាបថា គម្រោងព្រែកជីកហ្វូណនតេជោ ត្រូវបានសម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីប្រកាសពិធីបើកការដ្ឋាននៅថ្ងៃទី៥ ខែសីហា ឆ្នាំ២០២៤ខាងមុខនេះ។ គម្រោងនេះត្រូវបានមជ្ឈដ្ឋានក្នុង និងក្រៅប្រទេសបន្តគាំទ្រយ៉ាងពេញទំហឹង ដើម្បីឱ្យគម្រោងនេះក្លាយជាផ្លូវនាវាចរណ៍ និងប្រព័ន្ធភស្ដុភារកម្មទន្លេបាសាក់ ដោយតភ្ជាប់ផ្លូវទឹករវាងទន្លេទៅកាន់សមុទ្រកម្ពុជា ឆ្លងកាត់ខេត្តកណ្តាល តាកែវ កំពត និងខេត្តកែប និងមានប្រវែង១៨០គីឡូម៉ែត្រ ខណៈគម្រោងគ្រោងចំណាយទុនសាងសង់ប្រមាណ ១,៧០០លានដុល្លារអាមេរិក៕ អត្ថបទ សេក ឧត្តម

អគ្គលេខាធិការរងUN៖ សម្តេចតេជោមិនត្រឹមតែរកសន្តិភាពជូនកម្ពុជាប៉ុណ្ណោះទេថែមទាំងជួយដល់បណ្តាប្រទេសនៅលើពិភពលោកថែមទៀត

លោក Atul KHARE អគ្គលេខាធិការរង នៃអង្គការសហប្រជាជាតិ ទទួលបន្ទុកផ្នែកគាំទ្រប្រតិបត្តិការបានអះអាងថា សម្តេចតេជោ ហ៊ុន សែន អតីតនាយករដ្ឋមន្រ្តីនៃកម្ពុជា និងជាប្រធានព្រឹទ្ធសភា មិនត្រឹម តែខិតខំស្វែងរកសន្តិភាពជូនដល់ប្រទេស និងប្រជាជនកម្ពុជាប៉ុណ្ណោះទេ ថែមទាំងផ្តល់សន្តិភាពទៅដល់បណ្តាប្រទេសដទៃទៀតនៅលើពិភពលោក តាមរយៈការបញ្ជូនកម្លាំងរក្សាសន្តិភាពរបស់កម្ពុជា(កងទ័ព មួកខៀវ)ផងដែរ។ការលើកឡើងរបស់អគ្គលេខាធិការរងរបស់អង្គការសហប្រជាជាតិរូបនេះ គឺបានធ្វើឡើងនៅក្នុង កិច្ចជំនួបពិភាក្សាទ្វេភាគីជាមួយសម្តេចតេជោ ហ៊ុន សែន ប្រធានព្រឹទ្ធសភានៃកម្ពុជា នាព្រឹកថ្ងៃទី២២ ខែកក្កដា ឆ្នាំ២០២៤នេះ នៅវិមានព្រឹទ្ធសភា។លោក Atul KHARE បានលើកឡើងថា ប្រទេសកម្ពុជាបានឆ្លងកាត់ចម្ងាយផ្លូវពោរពេញដោយសង្រ្គាមយូរណាស់ទម្រាំមានសន្តិភាពដូចសព្វថ្ងៃ។ លោក«ក៏សូមអបអរសាទរ និងសូមកោតសរសើរយ៉ាងស្មោះអស់ពីដួងចិត្ត ចំពោះសម្តេចតេជោ ដែលមិនមែនត្រឹមជាមេដឹកនាំដែលនាំមកនូវសន្តិភាពដល់ប្រទេសកម្ពុជាប៉ុណ្ណោះទេ ប៉ុន្តែបានក្លាយទៅជាមេដឹកនាំ ដែលផ្តល់សន្តិភាពទៅដល់បណ្តាប្រទេសដទៃទៀតនៅលើពិភពលោក តាមរយៈការបញ្ជូនកម្លាំរក្សាសន្តិភាពរបស់កម្ពុជាទៅកាន់តំបន់ និងប្រទេសមួយចំនួននៅក្នុងពិភពលោក នាពេលកន្លងមកផងដែរ»។លោក Atul KHARE បានកោតសរសើរពីការប្តេជ្ញារបស់ប្រទេសកម្ពុជា ក្នុងការចូលរួមក្នុងប្រតិបត្តិការរក្សាសន្តិភាពក្នុងពិភពលោក ជាពិសេសការធ្វើជាម្ចាស់ផ្ទះរៀបចំវគ្គបណ្តុះបណ្តាលស្តីពី “កម្មវិធីភាពជាដៃគូត្រីភាគី របស់អ.ស.ប.” (អ.ស.ប. Triangular Partnership Program, TPP) ក្រោមកិច្ចសហប្រតិបត្តិការអ.ស.ប., សាធារណរដ្ឋកូរ៉េ និងកម្ពុជា នៅក្នុងខែវិច្ឆិកា ឆ្នាំ២០២៤ និង ជាមួយប្រទេសជប៉ុនក្នុងឆ្នាំ២០២៥។ សកម្មភាពដ៏អស្ចារ្យនេះបង្ហាញឱ្យឃើញថា កម្ពុជាស្ថិតនៅលើគន្លងផ្លូវដ៏ប្រសើរ ដែលចាកចេញពីប្រទេសធ្លាប់ទទួលបេសកកម្មរក្សាសន្តិភាពរបស់អ.ស.ប. មកជាប្រទេសផ្តល់កងកម្លាំងរក្សាសន្តិភាពផង និងបណ្តុះបណ្តាលកងទ័ពរក្សាសន្តិភាពផង ដែលមានទាំងផ្នែកយោធាប្រយុទ្ធការពារ ផ្នែកពេទ្យ និងគិលានុបដ្ឋាយិកា និងកងទ័ពបោសសម្អាតមីន ឱ្យកាន់តែមានសមត្ថភាព និងប្រសិទ្ធភាព ជាដើម។នៅក្នុងកិច្ចជំនួបនោះដែរលោក អគ្គលេខាធិការរងអ.ស.ប. បានលើកឡើងផងដែរថាកងទ័ពមួកខៀវកម្ពុជា ដែលបំពេញបេសកកម្មនៅបរទេស ទាំងប្រុស ទាំងស្រី សុទ្ធសឹងតែជានាយទាហានប្រកបដោយភាពក្លាហាន មានវិន័យ វិជ្ជាជីវៈ និងការទទួលខុសត្រូវខ្ពស់។ ហើយលោកក៏បានសម្តែងនូវសេចក្តីសោកស្តាយជាពន់ពេក និងចូលរួមរំលែកមរណទុក្ខជាមួយ សម្តេចតេជោ ចំពោះការបាត់បង់អាយុជីវិតនាយទាហានមួកខៀវកម្ពុជាចំនួន១១នាក់ ក្នុងបេសកកម្មរក្សាសន្តិភាពក្រោមឆ័ត្រអ.ស.ប.នេះ។លោកបានបញ្ជាក់បន្ថែមថា បើទោះបីជា អ.ស.ប. បានផ្តល់ប្រាក់ធានារ៉ាប់រងអាយុជីវិត ជូនយុទ្ធជនដែលបានបូជាជីវិតនោះពិតមែន ប៉ុន្តែ អ.ស.ប. យល់ច្បាស់ថាមិនអាចធ្វើឱ្យពួកគេមានជីវិតឡើងវិញបាននោះទេ។ថ្លែងនៅក្នុងកិច្ចជំនួបនោះដែរ សម្តេចតេជោ ហ៊ុន សែន បានលើកឡើងថាសម្តេចពិតជារីករាយណាស់ដោយបានដឹងថា លោក បានទៅទស្សនាខេត្តសៀមរាប និងព្រះវិហារ និង បានឃើញដោយផ្ទាល់នូវការរីកចម្រើនរបស់កម្ពុជាលើគ្រប់វិស័យជាពិសេសការបោសសម្អាតមីននៅកម្ពុជា ដោយឯកឧត្តមបានធ្វើដំណើរតាមផ្លូវដោយគ្មានការភ័យខ្លាច។ សម្តេចតេជោ បានគូសបញ្ជាក់ថា ប្រទេសកម្ពុជា គឺជាដៃគូដ៏ល្អមួយរបស់ អ.ស.ប. ក្នុងកិច្ចសហប្រតិបត្តិការរក្សាសន្តិភាពក្នុងពិភពលោក។ កម្ពុជាបានប្រែក្លាយពីប្រទេសដែលធ្លាប់មានសង្រ្គាមរ៉ាំរ៉ៃ មកប្រទេសដែលមានសុខសន្តិភាពចាប់តាំងពីឆ្នាំ១៩៩៨មក និងមានលទ្ធភាពបញ្ជូនកងទ័ពមួកខៀវ ចូលរួមក្នុងប្រតិបត្តិការរក្សាសន្តិភាពនៅលើពិភពលោក ក្រោមឆ័ត្ររបស់អ.ស.ប.។សម្តេចតេជោ ប្រធានព្រឹទ្ធសភាកម្ពុជាក៏បានសម្តែងនូវការពេញចិត្ត និងគាំទ្រយ៉ាងខ្លាំង ដែលកម្ពុជាត្រូវបានជ្រើសរើសជាដៃគូ និងជាម្ចាស់ផ្ទះសម្រាប់កម្មវិធីភាពជាដៃគូត្រីភាគីរក្សាសន្តិភាពរបស់អ.ស.ប.ដោយសហការជាមួយសាធារណរដ្ឋកូរ៉េ និងប្រទេសជប៉ុន។ កម្ពុជាគឺជាជម្រើសដ៏ល្អបំផុត សម្រាប់ភាពជាដៃគូត្រីភាគីនេះ អាស្រ័យដោយកត្តាសន្តិភាព មានជំនាញក្នុងការបោសសម្អាតមីន ជាប្រទេសធ្លាប់ឆ្លងកាត់សង្រ្គាម និងមានការចំណាយតិច។ សម្តេចបានបន្តថាកម្ពុជា ក៏ជាម្ចាស់ផ្ទះនៃមជ្ឈមណ្ឌលសកម្មភាពមីនអាស៊ានផងដែរ។ ក្នុងន័យនេះ ក្រៅពីប្រទេសក្នុងតំបន់អាស៊ាន កម្ពុជាក៏បើកទ្វារស្វាគមន៍រាល់ប្រទេសទាំងអស់ ដែលចង់បញ្ជូនមន្រ្តីមករៀនជំនាញបោសសម្អាតមីននៅកម្ពុជា ដែលកន្លងមកក៏មានប្រទេសអ៊ុយក្រែនផងដែរ។ កម្ពុជាចាំច្បាស់ណាស់ថា ប្រទេសជាមិត្តបានពាក់មួកខៀវមកជួយកម្ពុជា ដូចនេះកម្ពុជា ក៏ត្រូវពាក់មួកខៀវជួយប្រទេសទាំងអស់ដែលជាមិត្តរបស់កម្ពុជាវិញដូចគ្នាផងដែរ៕ អត្ថបទ៖ បាន ចក់

មន្ត្រីប្រទេសវេណេស៊ុយអេឡា ជំរុញឲ្យប្រព័ន្ធផ្សព្វផ្សាយ គោរពដំណើរការបោះឆ្នោត

លោក Jorge Rodriguez អ្នកគ្រប់គ្រងយុទ្ធនាការរបស់ប្រធានាធិបតី លោក Nicolas Maduro បាននិយាយកាលពីថ្ងៃអាទិត្យថា ប្រព័ន្ធផ្សព្វផ្សាយអន្តរជាតិ ដែលត្រូវបានទទួលស្គាល់នៅក្នុងប្រទេសវេណេស៊ុយអេឡា ត្រូវតែគោរពដំណើរការបោះឆ្នោតរបស់ប្រទេសនេះ ហើយ «និយាយតែការពិត» ក្នុងអំឡុងពេលការបោះឆ្នោតប្រធានាធិបតីនាពេលខាងមុខ ។លោក Rodriguez ក៏ជាប្រធានសភាផងដែរនោះ បានជំរុញឱ្យប្រព័ន្ធផ្សព្វផ្សាយកុំ «ចិញ្ចឹមគំនិតរវើរវាយ មានបំណងតែពីការមិនទទួលស្គាល់លទ្ធផលនៃការបោះឆ្នោត។ដោយបញ្ជាក់ឡើងវិញនូវការត្អូញត្អែរកាលពីមុនៗថា «សិទ្ធិជ្រុលនិយមរបស់វេណេស៊ុយអេឡា ត្រូវបានរៀបចំដើម្បីមិនទទួលស្គាល់ការពិត និងលទ្ធផលបោះឆ្នោត លោក Rodriguez បាននិយាយថា រដ្ឋាភិបាល តែងតែរិះគន់យុទ្ធសាស្ត្របែបនេះ ហើយបានជំរុញឱ្យសារព័ត៌មាន «និយាយតែការពិត និងគោរពការពិត»។ការនិយាយលើកឡើងរបស់លោក Rodriguez ដែលបាននិយាយទៅកាន់ទីភ្នាក់ងារសារព័ត៌មាន Telesur មានមូលដ្ឋាននៅទីក្រុង Caracas គឺឆ្លើយតបទៅនឹងសេចក្តីថ្លែងការណ៍ដែលបានចេញផ្សាយកាលពីថ្ងៃសៅរ៍ ដោយសមាគមសារព័ត៌មានបរទេសវ៉េណេស៊ុយអេឡា (Apex) ដែលទាមទារ «ការគោរពចំពោះការងាររបស់ប្រព័ន្ធផ្សព្វផ្សាយ និងទីភ្នាក់ងារអន្តរជាតិ» ដែលត្រូវបានទទួលស្គាល់នៅក្នុងប្រទេស និង បានអំពាវនាវឱ្យ «កុំឲ្យពាក់ព័ន្ធចំពោះសារព័ត៌មានអន្តរជាតិ ក្នុងការជជែកដេញដោលខាងនយោបាយ»។អ្នកបោះឆ្នោតដែលមានសិទ្ធិជាង២០លាននាក់ ត្រូវបានគេរំពឹងថានឹងទៅបោះឆ្នោតរបស់ពួកគេ នៅថ្ងៃទី ២៨ ខែកក្កដា ដើម្បីជ្រើសរើសប្រធានាធិបតី ក្នុងចំណោមបេក្ខជនប្រធានាធិបតីចំនួន១០រូប។

ប្រជាជនកូរ៉េខាងត្បូងបង្ហាញអារម្មណ៍ធូរស្រាលចំពោះការដកខ្លួនរបស់លោក Biden ប៉ុន្តែព្រួយបារម្ភចំពោះលោក Trump

ប្រជាជនកូរ៉េខាងត្បូងមួយចំនួន បានសម្តែងអារម្មណ៍ធូរស្រាលនៅថ្ងៃចន្ទនេះ ដែលប្រធានាធិបតីសហរដ្ឋអាមេរិកលោក Joe Biden បានចាកចេញពីបំណងក្នុងការបោះឆ្នោតឡើងវិញសម្រាប់តំណែងប្រធានាធិបតី នៅខែវិច្ឆិកា ប៉ុន្តែក៏បានសម្តែងការព្រួយបារម្ភចំពោះបេក្ខជនប្រធានាធិបតី មកពីគណបក្សសាធារណរដ្ឋ លោក Donald Trump ។លោក Kim Jae-hyun អាយុ៦៤ឆ្នាំ បាននិយាយថា លោក មានការព្រួយបារម្ភអំពីសមត្ថភាពនៃការវិនិច្ឆ័យរបស់ លោក Biden ហើយលោកបានធូរស្រាល ដែល លោក Biden បានធ្វើការសម្រេចចិត្តសមហេតុផល។សម្រាប់លោក Lee Chae-hwan អាយុ២៤ឆ្នាំ និយាយថា ការចាកចេញរបស់លោក Biden បានផ្លាស់ប្តូរឲ្យមានការព្រួយបារម្ភចំពោះលោក Trump ដោយនិយាយថា គោលនយោបាយរបស់លោកគឺ «ជ្រុលហួស» និងមានផលប៉ះពាល់អវិជ្ជមានលើពិភពលោក ក្នុងអំឡុងពេលអាណត្តិប្រធានាធិបតីដំបូងរបស់លោក។លោក Biden បានប្រកាសពីការដកខ្លួនចេញពីបំណងបោះឆ្នោតថ្មី កាលពីថ្ងៃអាទិត្យ ទី២១ ខែកក្កដា នៅក្នុងលិខិតមួយដែលបានបង្ហោះនៅលើបណ្តាញផ្សព្វផ្សាយសង្គម ហើយនៅក្នុងការបង្ហោះជាបន្តបន្ទាប់ លោក គាំទ្រអនុប្រធានាធិបតី លោកស្រី Kamala Harris ជាបេក្ខជនរបស់គណបក្សប្រជាធិបតេយ្យ សម្រាប់ការបោះឆ្នោត ថ្ងៃទី៥ ខែវិច្ឆិកា ខាងមុខនេះ។

បណ្ដាញសង្គម

ព័ត៌មានថ្មីៗ

ព្រឹទ្ធសភាអាមេរិក នឹងបោះឆ្នោតលើសេចក្តីស្នើច្បាប់ដែលនឹងបញ្ចប់ការបិទរដ្ឋាភិបាលសហព័ន្ធ

ប្រជាជនអ៊ុយក្រែនរាប់លាននាក់ ប្រឈមភាពងងឹត និងត្រជាក់ ក្រោយរុស្ស៊ីវាយប្រហារដ៏ធំបំផុតលើហេដ្ឋារចនាសម្ព័ន្ធថាមពល

អារ៉ាប៊ីសាអ៊ូឌីតបង្កើនលក្ខខណ្ឌសម្រាប់ចំណងមិត្តភាពជាមួយអ៊ីស្រាអែល មុនកិច្ចពិភាក្សាជាមួយលោក Trump

[UPDATE] ព្យុះទីហ្វុងថ្មីFung-wong សម្លាប់មនុស្ស២នាក់ និងបង្ខំឱ្យមនុស្សជាង១លាននាក់ជម្លៀសចេញពីលំនៅឋាននៅហ្វីលីពីន

មនុស្សមួយចំនួនស្លាប់ និងរាប់រយនាក់បន្តបាត់ខ្លួន ក្រោយទូកដឹកជនរ៉ូហ៊ីងយ៉ា លិចនៅព្រំដែនម៉ាឡេស៊ី-ថៃ

ពិធីប្រកាសបើកសន្និសីទប្រចាំឆ្នាំ លើកទី៦ របស់សមាគមគ្រូពេទ្យសួតកម្ពុជា ក្រោមប្រធានបទ «ការគ្រប់គ្រង និងព្យាបាលជំងឺផ្លូវដង្ហើម»

ការវាយប្រហាររបស់អ៊ីស្រាអែលសម្លាប់មនុស្ស ៣ នាក់នៅលីបង់ ខណៈអឺរ៉ុបជំរុញឱ្យគោរពបទឈប់បាញ់

រដ្ឋបាលខេត្តកំពង់ស្ពឺ រៀបចំពិធីរំលឹកខួបអនុស្សាវរីយលើកទី៧២ នៃទិវាបុណ្យឯករាជ្យជាតិ និងទិវាកំណើតកងយោធពលខេមរភូមិន្ទ

ក្រសួងកសិកម្ម នាំយកស្រូវពូជចំនួនជិត ៣០តោន ចែកជូនពលរដ្ឋរងគ្រោះដោយសារជំនន់នៅខេត្តតាកែវ

មនុស្សរាប់រយនាក់បានបាត់ខ្លួន ខណៈទូកដឹកជនអន្តោប្រវេសន៍លិចនៅក្បែរព្រំដែនម៉ាឡេស៊ី-ថៃ

អាស័យដ្ឋាន

ស្ថានីយទូរទស្សន៍ បី ធី វី (BTV News) ទីតាំងភូមិឬស្សីស្រស់ សង្កាត់និរោធ ខណ្ឌច្បារអំពៅ រាជធានីភ្នំពេញ ព្រះរាជាណាចក្រកម្ពុជា ។

ទូរស័ព្ទ:(+855)61 999 877

នយោបាយ និង ការអភិវឌ្ឍន៍

ប្រធានាធិបតីហ្វីលីពីន បញ្ជាឱ្យបិទទីតាំងល្បែងអនឡាញដំណើរការដោយជនជាតិចិន ដែលមានបុគ្គលិករាប់ពាន់នាក់

លោក Netanyahu ប្រឈមនឹងសកម្មភាពថ្លឹងថ្លែងដ៏ជាក់លាក់នៅអាមេរិកបន្ទាប់ពីលោក Biden បោះបង់បេក្ខភាពប្រធានាធិបតី

លោកស្រី Harris បើកយុទ្ធនាការបោះឆ្នោតប្រធានាធិបតីលើកដំបូងចាប់តាំងពីលោក Biden រុញឲ្យទល់នឹងលោកTrump

យុទ្ធនាការរបស់លោកស្រី Harris រៃអង្គាសប្រាក់បាន៨១លានដុល្លារ ក្នុងរយៈពេល២៤ម៉ោងដំបូង

លោកស្រី Harris៖ ការពង្រឹងវណ្ណៈកណ្តាលនឹងក្លាយជាគោលដៅនៃតំណែងប្រធានាធិបតី

លោកស្រី Kamala Harris ចាញ់ប្រៀបក្នុងការប្រកួតប្រជែងឆ្នាំ២០២៤ ទល់នឹងលោក Donald Trump

គណបក្សនយោបាយ នឹងជួបជុំគ្នាអបអរថ្ងៃបើកការដ្ឋានគម្រោងព្រែកជីកហ្វូណនតេជោ

មន្ត្រីប្រទេសវេណេស៊ុយអេឡា ជំរុញឲ្យប្រព័ន្ធផ្សព្វផ្សាយ គោរពដំណើរការបោះឆ្នោត

ប្រជាជនកូរ៉េខាងត្បូងបង្ហាញអារម្មណ៍ធូរស្រាលចំពោះការដកខ្លួនរបស់លោក Biden ប៉ុន្តែព្រួយបារម្ភចំពោះលោក Trump

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ​ និង ការអភិវឌ្ឍន៍

ប្រធានាធិបតីហ្វីលីពីន បញ្ជាឱ្យបិទទីតាំងល្បែងអនឡាញដំណើរការដោយជនជាតិចិន ដែលមានបុគ្គលិករាប់ពាន់នាក់

លោក Netanyahu ប្រឈមនឹងសកម្មភាពថ្លឹងថ្លែងដ៏ជាក់លាក់នៅអាមេរិកបន្ទាប់ពីលោក Biden បោះបង់បេក្ខភាពប្រធានាធិបតី

លោកស្រី Harris បើកយុទ្ធនាការបោះឆ្នោតប្រធានាធិបតីលើកដំបូងចាប់តាំងពីលោក Biden រុញឲ្យទល់នឹងលោកTrump

យុទ្ធនាការរបស់លោកស្រី Harris រៃអង្គាសប្រាក់បាន៨១លានដុល្លារ ក្នុងរយៈពេល២៤ម៉ោងដំបូង

លោកស្រី Harris៖ ការពង្រឹងវណ្ណៈកណ្តាលនឹងក្លាយជាគោលដៅនៃតំណែងប្រធានាធិបតី

លោកស្រី Kamala Harris ចាញ់ប្រៀបក្នុងការប្រកួតប្រជែងឆ្នាំ២០២៤ ទល់នឹងលោក Donald Trump

គណបក្សនយោបាយ នឹងជួបជុំគ្នាអបអរថ្ងៃបើកការដ្ឋានគម្រោងព្រែកជីកហ្វូណនតេជោ

មន្ត្រីប្រទេសវេណេស៊ុយអេឡា ជំរុញឲ្យប្រព័ន្ធផ្សព្វផ្សាយ គោរពដំណើរការបោះឆ្នោត

ប្រជាជនកូរ៉េខាងត្បូងបង្ហាញអារម្មណ៍ធូរស្រាលចំពោះការដកខ្លួនរបស់លោក Biden ប៉ុន្តែព្រួយបារម្ភចំពោះលោក Trump

បណ្ដាញសង្គម

ព័ត៌មានថ្មីៗ

អាស័យដ្ឋាន

ផែនទី

ទាញយកកម្មវិធី

នយោបាយ និង ការអភិវឌ្ឍន៍